၂၂ဒီဇင်ဘာ၂၀၁၄နေ့ထုတ် မြန်မာ့ခေတ်ဂျာနယ်မှ။ ။
မြတ်စိန္တေ၊တိုင်တည်ထား၍
(မင်းဒင်)
(၁)
အိပ်တော့မယ်ဟေ့ဆိုပြီးအိပ်ယာထဲဝင်လိုက်ရင် ဒီအတိုင်းချည်းပါပဲဗျာ။ ချက်ချင်းအိပ်မပျော်ပြန်ဘူးလေ။ အထူးသဖြင့် အခု လို တစ်ကိုယ်တည်းအိပ်ယာဝင်တဲ့ ညများဆို စကားပြောစရာအဖော်မရှိ၊တိုင်ပင်ရမဲ့သူနတ္ထိနဲ့ အတော့်ကိုခြောက်ကပ်ကပ် ငေါင်စီစီနိုင်လှတဲ့ ညဥ့်ဦးယံပါပဲ။ ကောင်းသောအိပ်စက်ခြင်းဖြစ်စေဖို့ဘုရားပုထိုးရှိခိုးတဲ့အလုပ်ကိုလည်း ဝတ်မပျက် လုပ် လျက်နဲ့ကို ညညအိပ်ယာဝင်ကာစဆို အိပ်မပျော်တာ အကျင့်ဆိုးကြီးတစ်ခုလိုဖြစ်နေပါပကောလား။ အဲဒီ အိပ်စက်ခြင်းမှာ အထုံနည်းလှတဲ့ အဖြစ်ကို စိတ်ပျက်မိပါရဲ့။
ဟောအခုလည်းအိပ်မပျော်ပြန်လေတော့ထုံးစံအတိုင်းတောင်တွေမြောက်တွေးလုပ်နေရပြန်ပြီလေ။တခါတခါအိပ်မပျော်ပဲ အတွေးပေါင်းစုံနှောင့်ယှက်လွန်းလို့ အိပ်ယာကထတဲ့ပြီး ပြူတင်းပေါက်ကနေ အိမ်နောက်ဖေးတောအုပ်ကို ဘာရယ် မဟုတ်၊လှမ်းကြည့်မိပြန်တော့ မှောင်မိုက်နေတဲ့တောအုပ်ဟာ လေတိုက်တဲ့အခါ တရှဲရှဲမြည်သံတွေပေးနေလိုက်တာများ ရင်ထဲမှာတောင် ထိတ်ကနဲဖြစ်ရတဲ့အထိ။ဒါနဲ့ ဟုတ်သေးပါဘူးလေ။ အိမ်ရှေ့ရှုခင်းဆိုရင်အဆင်ပြေ လောက်မယ် ထင်ပါရဲ့ ဆိုပြီး ဝရန်တာဖက်ထွက်၊အိမ်ရှေ့လမ်းမဖက်ကြည့်ပြန်တော့ အရိုးပဒေသာဓာတ်မီးတိုင်တွေဟာ၊လင်းသာနေတယ်၊တယ် အဓိပ္ပါယ်ရှိဘူးထင်မိပြန်ရော။အဲ၊မိုးပေါ်မော့ကြည့်ပြန်တော့ တိမ်တိုက်မဲမဲတချို့ တရွေ့ရွေ့သွားနေတာဟာ ကြာကြာစိုက် ကြည့်လေ၊ခြောက်ချားစရာကောင်းလာလေပဲဗျ။
ဒါကြောင့်ထင်ပါရဲ့။ကွယ်လွန်သွားရှာပြီဖြစ်တဲ့ ဂီတအကျော်အမော်စန္ဒယားလှထွဋ်ရဲ့ ရေးဆိုတီးလက်ရာ၊အိပ်၍မပျော်သော ည ဆိုတဲ့သီချင်းဟာ သူ့ကိုယ်တွေ့ဖြစ်လောက်တယ်ဗျ။စာသားတွေကိုကြည့်လေ။ “အိပ်၍မပျော်သောညတစ်ည သံသရာလည်၊ လေသာပြူတင်းနဘေးဝယ်ဖွေရှာငေးမောကြည့်နေစဉ်ဝယ်၊ငွေတိမ်လွှာတွေလည်းမဲမဲမှောင်ရီချယ်၊အစွဲများ ခြောက်လှန့်နေသည်နှယ်အသည်းများထိတ်ထိတ်ပါတယ်ကွယ်”တဲ့။ ဒီတော့၊တိမ်တိုက်တွေကို ဆက်မကြည့်ဖြစ်တော့ပဲ အိပ်ယာ ထဲဝင်ပြီးပြန်လှဲနေလိုက်ရတာ ပေါ့။လှဲလည်းငလှဲပါပဲဗျာ။အတွေးတွေပျောက်မသွားတဲ့အဖြစ်ကတော့ ဒုံရင်း ဒုံရင်းပါပဲ။
(၂)
အမလေးဟဲ့။အိပ်မပျော်တာများရေးကြီးခွင်ကျယ်လုပ်လို့ ဆိုပြီး ကျုပ်ကို အဆိုးမဆိုကြနဲ့ဦး။ဒီညကျုပ်တွေးမိတဲ့အဖြစ်က နည်းနည်း ဆန်းသလားလို့ပါ။ကျုပ်တွေးနေမိတာက….၊ “ငါဖူးခက်မှာနေခဲ့တာလည်း ဆယ်နှစ်ကျော်ပြီ၊ဆင်းရဲတယ်မဆိုနိုင် ပေမဲ့၊ချမ်း သာတယ်လို့လည်းမဆိုနိုင်။နိစ္စဓူဝဒီအခန်းကျဉ်းလေးထဲမှာ စာလေးရေးလိုက်၊မနက်တစ်နပ်၊နေ့လည်တစ်နပ်၊ ညစာလို့ တောင်မခေါ်နိုင်တဲ့ အရွက်သုတ်လေးတစ်ပွဲနဲ့ အတော့်ကို ညစ်ညူးစရာဘဝပါကလား”။ဘာတဲ့။ဘဝဆိုတာ အတိတ်ကိုတမ်းတခြင်း၊ပစ္စုပ္ပန်ကို မကျေနပ်ခြင်း၊အနာဂတ်ကိုလှမ်းမျှော်ခြင်းဆိုလားဗျာ။
အင်း၊ခက်တာက ကျုပ်မှာအတိတ်ကိုတမ်းတစရာကလည်း မယ်မယ်ရရရှိတယ်လို့မဆိုနိုင်ပြန်ဘူး။အညာမှာမွေး၊ရန်ကုန်မှာ ကြီးပြင်းပြီး ဇယ်စက်သလိုဘဝကိုရုန်းကန်ခဲ့လိုက်တာ ဘယ်ဟာကိုလွမ်းရမှန်းတောင်မသိတဲ့အထိ။အခုပစ္စုပ္ပန်တည့်တည့် ခြောက်တီးခြောက်ကပ်ဘဝကြီးလည်း မကျေချမ်းပြန်။ဟုတ်ပြီ။အနာဂတ်ကိုလှမ်းမျှော်ခြင်းဟာ ကျုပ်အတွက် အဓိပ္ပါယ်အရှိ ဆုံးအလုပ်ပဲပေါ့။
ကဲ။ဒါဆို ကျုပ်ဟာဘယ်လိုဘဝမျိုးကိုရောက်အောင်အားထုတ်ပါ့မလဲ။ အသက်အရွယ်ထောက်လာပြီမို့သာသနာဘောင်ဝင် ပြီး ရဟန်းဘဝနဲ့အရိုးထုတ်ဖို့တော့ ကျုပ်တစ်သက်လုံးစိတ်မကူးခဲ့တာအမှန်။ရဟန်းဝိနည်းသိက္ခာပုဒ်ထဲမှာ ပျင်းရိလို့ ၊ မြေကြီးကိုတုတ်တစ်ချောင်းနဲ့တောင်ခြစ်မြောက်ခြစ်လုပ်မိရင်တောင် အာပတ်သင့်သတဲ့။အခုလို စိတ်ကဟိုဟိုဒီဒီရောက်ပြီး ဝိစိကိစ္ဆာများ နေလို့ကတော့ အာပတ်ဖြေနေရတာနဲ့တင်ဆွမ်းစားချိန်တောင်ရှိမှာမဟုတ်ဘူးဗျာ။ ဒီတော့ဒီနည်းဟာ၊ကျုပ် ပင်ကိုယ်စရိုက်နဲ့ မကိုက်တာသေချာတယ်။ထားလိုက်တော့။
(၃)
တွေးတာတော့ဟုတ်ပါပြီ။ဒါပေမဲ့ကြွက်မလေးလင်ရှာတဲ့ပုံပြင်လိုဖြစ်နေရင်လည်းမကောင်းပြန်ဘူး။တိုက်ရိုက်ကြီး သက်ဆိုင် လှ တယ်မဟုတ်ပေမဲ့၊သွယ်ဝိုက်သောနည်းအားဖြင့်တော့၊ဆက်စပ်တယ်လို့ဆိုရမယ်။
။တခါတုန်းက ကြွက်မလေးဟာ အိမ်ထောင်ဖက်ဖို့ ကြွက်အချင်းချင်းဆို ဂုဏ်ရည်မတူဘူးလို့ယူဆပြီးနေနတ်သားကို လက်ဆက်ဖို့ ကမ်းလှမ်းသတဲ့။ တကယ်တော့နေနတ်သားဟာ မိုးအုံ့တဲ့အခါဘာမှမတတ်နိုင်တဲ့အမျိုးမို့ ကြွက်မလေးဟာ မိုးနတ်သားကိုစိတ်ကူးပြန် သတဲ့။ဒါလည်းအဆင်မပြေပြန်ပါဘူး။မိုးတိမ်ဆိုတာလေတိုက်ရင်လွင့်ပျယ်သွားရတာမျိုးဆိုတော့ ပစ်မှတ်က၊လေနတ်သားဆီရောက်ပြန်ရော။လေနတ်သားဟာလည်း တောင်ပို့ကိုမဖြိုနိုင်ပြန်တော့ နွားသိုးဆီရောက်၊ နွား သိုးကတစ်ဆင့် နွားဖားကြိုး ကပိုအရေးပါပြန်တော့ နွားဖား ကြိုးနဲ့စပ်ဟပ်၊နောက်ဆုံးတော့ နွားဖားကြိုးကို၊ကိုက်ဖြတ်နိုင်တဲ့ ကြွက်ထီးလေး ဆီပြန်ရောက်ရတာပါပဲတဲ့။ဆိုလိုတာကတော့ဗျာ။လက်ရှိအခြေအနေကိုမကျေနပ်တဲ့ ကျုပ်တို့လို အူ ကြောင်ကျားတွေကို သင်ခန်းစာပေးတဲ့ ပုံပြင်ပေါ့။
ရည်ရွယ်ချက်ကရောက်ရာဘဝမှာပျော်အောင်နေဖို့၊မတန်မရာဘဝတွေကို လျှောက်ပြီးစိတ်ကူးမယဉ်ဖို့ပါပဲ။နေဦးဗျ။ ဟိုက ကြွက်၊ကျုပ်ကလူ၊လက်ရှိဘဝထက်မြင့်ရာမြင့်ကြောင်းတွေးတာလောက်တော့၊ဖြစ်သင့်တယ်ထင်ပါရဲ့။ ကဲ၊ကျုပ်ဘယ်ဘဝ မျိုးကို ရည်မှန်းရင်ကောင်းမလဲဆိုတာ ဆက်ပြီးစဉ်းစားအုံးမှ။
အင်း၊ဘာလိုလိုနဲ့ (၂၀၁၅)ဆို ရွေးကောက်ပွဲအသစ်တွေလုပ်တော့မယ်။ဒီတော့လူရိုသေရှင်ရိုသေ၊ အမတ်မင်းရာထူး တစ်နေရာလောက်ရရင် မဆိုးလှဘူးထင်မိတယ်။လစာဆယ်သိန်း ၊နေ့တွက်စရိတ်ဆိုလားတစ်နေ့နှစ်သောင်း။ဒါပေမဲ့ ဒီ အလုပ်က အများအကျိုးကို တကယ်တမ်းတတ်ကျွမ်းနားလည်မှဖြစ်မှာ။တော်ကြာ စာလုံးပေါင်းသတ်ပုံတောင် မှန်အောင် မရေးနိုင်ပဲ ဖေ့စ်ဘွတ်ပေါ်အရူးချီးပန်းလျှောက်ဖွနေတဲ့ ဟိုအမတ်မင်းလို ရေးမိတာက၊ စာတစ်ကြောင်း၊ အဆဲခံရတဲ့ မှတ်ချက်က နှစ်ထောင်ကျော်။ မဆီမဆိုင်မအေနှမပါအဆစ်ပါနေတတ်တာမို့ဟန်မကျလှသေးဘူး။
တကယ်တော့လောကမှာငွေဆိုတာဒုတိယဘုရားသခင်ပဲ။ဒီတော့ ဧရာမသူဌေးကြီးဖြစ်ခဲ့ရင်၊ ဘာမဆိုထင်တိုင်းကြဲနိုင် ပြီပေါ့။အကောင်းဆုံးနောက်ဆုံးပေါ်ပြိုင်ကားအပြင်အီဂျစ်နဲ့အင်္ဂလန်တင်မက ဆော်ဒီအာရေဗျားအထိပါသွားနိုင်မှာပါက လား။ပေး၍မကုန်လှူ၍မခန်းသဘောရှိသုံးစမ်းဖြုန်းစမ်းပါလေ့။မျက်နှာပွင့်လိုက်မဲ့ဖြစ်ခြင်း။နေဦး။ဒါပေမဲ့ ဒီလိုသူဌေး ဖြစ်ဖို့ ဆိုတာ၊ဗမာပြည်မှာ စစ်တပ်ကဗိုလ်ချုပ်တွေနဲ့ အလွမ်းသင့်အောင်ပေါင်းနိုင်မှ။ငွေတွေကျိကျိတက်ချမ်းသာနေပေမဲ့ တရား သဖြင့်ရှာဖွေလို့ရတဲ့ငွေမဟုတ်ရင်လူတောမတိုးပြန်ဘူး။ကိုယ့်လိပ်ပြာကိုယ်မသန့်ပြန်ဘူး။လူဖြစ်ပါလျက်လူတောမတိုးနိုင်မှတော့ ဒီငွေတွေဘာသွား လုပ်ရမတုန်း။လမ်းဘေးမှာဝက်သားတုတ်ထိုးနဲ့မုန့်ဟင်းခါးတောင် စားချင်တိုင်ထိုင်စားလို့မရတဲ့ ဘဝ။တန်တော့။
(၄)
ဒါဆိုသူဌေးတွေကတောင် ခယကြရတဲ့ဗိုလ်ချုပ်တွေဘဝကော။ဟကောင်၊မင်းအသက်နဲ့ ဘယ်လိုလုပ်ဗိုလ်ချုပ်ဖြစ်ပါတော့ မတုန်း။အော်၊စိတ်ကူးပါတယ်ဆိုမှ အဓိပ္ပါယ်ရှိတာမရှိတာအပထား။အလကားရတဲ့အတွေးကိုလက်မလွတ်နဲ့၊ဆက်တွေး။ အင်း၊အခုနေဗိုလ်မှူးချုပ်ဗိုလ်ချုပ်ဖြစ်ပြီဆိုပါတော့။ဗိုလ်ချုပ်ဝတ်စုံနဲ့ဆိုငါ့အရပ်အမောင်း၊ငါဥပဓိရုပ်ဟာစမတ်ကျလိုက်မဲ့ ဖြစ် ခြင်း၊အိမ်သုံးရုံးသုံးကားလေးငါးဆယ်စီး၊ကိုယ်ရေးအရာရှိ၊ဘာညာသာရကာတွေနဲ့ အတော့်ကိုခွင်တည့်မဲ့ကိန်း။ငါ့အမျိုးတွေ လည်းလူထူထူမှာ ဗိုလ်ချုပ်နဲ့အမျိုးတော်တယ်ဆိုပြီးရင်ကော့ကြွားနိုင်မဲ့အဖြစ်။နေဦး။ဗမာပြည်မှာနာမည်ကောင်းရတဲ့ဗိုလ် ချုပ်ဆိုတာ ကြွက်ချေးထဲမှာဆွမ်းဆန်ရှာရတာထက်တောင်ရှားသေး။
ဒါ့အပြင်၊မဆီမဆိုင်လွှတ်တော်ထဲဇွတ်ဝင်ထိုင်နေရတဲ့ဗိုလ်ချုပ်မျိုးဆို တစ်တိုင်းပြည်လုံးက ဝိုင်းပြီးပို့သတဲ့မေတ္တာနဲ့တင်၊ သေပြီ ဆရာဆိုတဲ့ကိန်းဆိုက်မှာ။ဒါလည်းမဖြစ်ချေသေးဘူး။
ဒါဆိုအမတ်တွေစစ်ဗိုလ်ချုပ်တွေထက်ပါဝါမြင့်တဲ့ လွှတ်တော်ဥက္ကဋ္ဌရာထူးဆိုရင်ကော၊အမတ်ဆိုတဲ့လူတွင်ကျယ်တွေရဲ့ အပေါ်စီးကနေ ခေါင်းပေါင်းစတလူလူနဲ့ တင့်တယ်လိုက်မဲ့ဖြစ်ခြင်း၊အင်း၊တကယ်တော့ ဒင်းလည်းအာဏာရှိလှတယ်လို့ မဆိုနိုင်ဘူး။ဥက္ကဋ္ဌကုလားထိုင်မှာထိုင်ပြီး မအူမလည်စစ်ဗိုလ်အမတ်တွေကို စားပွဲပေါ်ကတူထုပြီး နွားကန်တို့ နွားမောင်း သလိုငေါက်နေရတာ၊တယ်မစွံလှပြန်ဘူး။လွှတ်တော်ကဘာပြောပြော၊ထင်ရာစိုင်းနိုင်တဲ့ရာထူးရှိသေးဗျာ။အဲဒါသမ္မတပေါ့။
ဟုတ်တယ်။သမ္မတဖြစ်လို့ကတော့ ပွဲပြတ်ပြီ။အမယ်၊နာမည်ခေါ်တာတောင် ရှေ့မှာသမ္မတကြီးသမ္မတကြီးဆိုပြီး အမွှန်းတင် ကြမှာ။ဟီးနေတဲ့အစိုးရအိမ်တော်ကြီးမှာနေရမယ်။နိုင်ငံခြားတိုင်းပြည်တွေကိုလျှောက်သွားနိုင်မယ်။ကော်ဇောနီကြီးခင်းပြီးအကြို ခံရတာများအားကျစရာကောင်းချက်။အင်း..၊ဒါလည်းတကယ်တွေးရင်မချောင်သေးဘူး။သမ္မတဆိုတာလက်ရှိအခြေ အနေမှာ ချမ်းသာတဲ့နိုင်ငံတွေဆီလှည့်ပြီး မာဒင်္ဂဇာတ်ခင်းနေရတာ။မိဘပြည်သူများခင်ဗျားဆိုပြီး တလေးတစားပြောတာ တောင် စီမံခန့်ခွဲမှုသောက်တလွဲဖြစ်ရင်၊ပြက်လုံးဖြစ်ပြီး အရူးအနှမ်းလိုအလှောင်ခံရတဲ့ဘဝ။မဟုတ်သေးဘူး။
(၅)
တကယ်တော့ စစ်တပ်ကြီးကိုလက်ကိုင်တုတ်လုပ်ပြီး သမ္မတအပေါ်ကနေ၊အိုက်တင်တစ်ခွဲသားနဲ့၊ မိန့်မိန့်ကြီးအာဏာပြနိုင် တဲ့ ရာထူးမျိုးမှဗိုလ်တကာ့ဘုရင်ဗျ။ကာချုပ်ရာထူးဆိုရင်ဖြင့် အာဏာပါဝါရှိတဲ့နေရာမှာစိတ်ကြီးဝင်စရာတောင်ကောင်းနေပြီ။ စိတ် တိုင်း မကျရင် ပါးစပ်ကနေ ပစ်ဟေ့ဆိုတဲ့ အမိန့်တစ်ခွန်းပေးလိုက်ရုံပဲလေ။ဟုတ်ပါပြီ။ဟုတ်ပါပြီ။
နေဦးဟ။မြန်မာ့တပ်မတော်မှာ ဘက်စုံထူးချွန်တဲ့စစ်ဗိုလ်ဆိုရင် ဘယ်သောအခါမှ ကာချုပ်ရာထူး မရဘူးတဲ့။ ခပ်ညံ့ညံ့ ခပ်တုံးတုံးကောင်မှရတာဆိုပဲ။တိုင်းပြည်အလှည့်အပြောင်းကာလမှာ မှန်ကန်တဲ့ဆုံးဖြတ်ချက်မချနိုင်ပဲ၊လောင်းရိပ်မိသလို ဘက်လိုက်သလိုလို အူတူတူအတတလုပ်နေမိရင်လည်း လူထုတံထွေးခွက်မှာပက်လက်မျောရမဲ့ကိန်း။အရှင်လတ်လတ် လူ့အန္ဓဖြစ်၊လူမသမာစာရင်းသွင်းခံရမဲ့ဘဝကလည်း မဟုတ်သေးဘူး။ကာချုပ်ကို ခိုင်းစားနိုင်တဲ့သူဟာ တစ်ကိုယ်တော် လူစွမ်းကောင်းလေ။စိတ်ကူးမမှားလေနဲ့။သူ့နေရာကို မှန်းပေါ့။ဟုတ်ဘူးလား။
အဲဒီရာထူးကတော့ ရာဇာဓိရာဇာလို့ဆိုရမှာမို့ အားကျစရာတော့လွှတ်ကောင်းဗျာ။လုပ်ရမဲ့အလုပ်မယ်မယ်ရရမရှိ၊ လူ ရှေ့သူရှေ့ထွက်စရာမလိုပဲအေးအေးဆေးဆေးစာဖတ်နေတယ်လို့အကြောင်းပြလိုက်ရုံပဲ။ ပင်စင်ယူခဲ့တုန်းကတောင် ဂရက် ဂျူတီဆိုလားလုပ်သက်ပင်စင်ကြေးသိန်းထောင်ချီရတာ။ လက်ညှိုးညွှန်လိုက်ရုံနဲ့ ရွှေလိုချင်ရင်ရွှေဖြစ်တဲ့ဘဝ။
နောက်ရေးစိတ်အေးရအောင် လက်သတ်မွေးထားတဲ့ တပည့်တွေကို ရာထူးကြီးတွေလွှဲပေးထားခဲ့ပြီး၊နောက်ကွယ်ကနေ အသာလေးခလုတ်နှိပ်နေရုံပဲ။ဒီမိုကရေစီမကလို့၊ဘာစနစ်လာလာ၊ဒူးနှံ့နေနိုင်တဲ့ဘဝ။ခလုတ်အားလုံးကိုယ့်လက်ထဲမှာလေ။ လက်ရှိရာထူးကြီးကြီးတွေကိုယ်စီနဲ့ ကောင်တွေလည်း ငါ့ကောင်းမှုနဲ့ ကြီးပွားနေကြတာ ဒင်းတို့လည်ချောင်းကိုကလော် ထုတ်ရင် ထမင်းလုပ်တောင် အန်ထွက်လာအုံး မယ်။သေချာပါပြီ။ဒီလူ့နေရာအကောင်းဆုံးပါပဲ။ လူပေါ်လူဇော် ဆိုတာ၊ ဒါမျိုးကိုခေါ်တာဖြစ်မယ်။ဒီနေရာရလို့ကတော့တောထဲတောင်ထဲမှာတောင် လူမသိသူမသိ မြို့သစ်ကြီးတစ်မြို့ ထပ်တည် လိုက်ချင်သေးတယ်။ငါ့အမျိုးငါ့ကျောင်းနေဖက်၊ငါ့သူငယ်ချင်းတွေထဲမှာငါ့ကိုမီမဲ့သူတစ်ကောင်မှမရှိ။ကျောင်းနေဖက်ငယ်သူငယ်ချင်းနဲ့လမ်းမှာတွေ့ရင် ဒီကောင်တွေငါ့ကို လေးစားလွန်းလိုက်ကြမဲ့ဖြစ်ခြင်း။
အမယ်လေး။နေဦးဟ၊သူငယ်ချင်းနဲ့လမ်းမှာဆုံတယ်ဆိုကာမှ မိတ်ဆွေတစ်ယောက်ပြောဖူးတဲ့ ဇာတ်လမ်းတစ်ပုဒ်သွား သတိရမိတယ်။တစ်ခါတုန်းက တန်ခိုးထွားလှပါတယ်ဆိုတဲ့၊အဲဒီဘိုးတော်ဟာ သူ့သူငယ်ချင်းနဲ့ မထင်မှတ်ပဲဆုံမိတော့၊ သူငယ်ချင်းကိုဘာလိုအပ်သတုန်းဆိုပြီးမေးသတဲ့။အဲဒီသူငယ်ချင်းက တိုက်၊ကား၊မြေကွက်၊ဘာတစ်ခုမှမတောင်းပဲ ဘိုး တော်ရဲ့ဓာတ်ပုံတစ်ပုံကိုတောင်းသတဲ့။ဘိုးတော်လည်း တော်တော်မိုက်တဲ့ ကောင်၊တောင်းစရာရှားလို့ ဓာတ်ပုံတောင်းရ သလား ဆိုပြီး ရယ်သွမ်းသွေးရင်း သူ့ရဲ့အကောင်းဆုံးဓာတ်ပုံတစ်ပုံကိုပေးပစ်ခဲ့တယ်ဆိုပါတော့ဗျာ။
အမယ်၊အဲဒီသူငယ်ချင်းဟာ အဲဒီဓာတ်ပုံတစ်ပုံကိုအရင်းပြုပြီး ကြီးပွားလာလိုက်တာ အဲဒီတစ်နယ်လုံးမှာ အချမ်းသာဆုံး ပုဂ္ဂိုလ်ကြီးဖြစ်လာသတဲ့။သူကြီးပွားပုံကြီးပွားနည်းက အဲဒီဓာတ်ပုံကို တံထွေးတစ်ခါထွေးငါးကျပ်နှုန်းနဲ့ ဝင်ငွေဖြောင့်ခဲ့တာ တဲ့။ဒီဇာတ်လမ်းဟာ မြန်မာလူထုကြားမှာ အတော်ရေပန်းစားသဗျ။
(၆)
တကယ့်အဖြစ်တော့ဘယ်ဟုတ်ပါ့မတုန်း။စက်ဆုပ်ရွံ့ရှာစရာကောင်းလွန်းလို့၊လူတကာပါးစပ်ဖျားက အပြောင် အပြက်ထေ့ လုံးငေါ့လုံးပေါ့။အပြစ်မဲ့လူထုကို ရက်ရက်စက်စက်ပစ်သတ်ခိုင်း၊ဘုန်းကြီးရဟန်းတွေကိုပါမကျန်၊ ညှင်းပန်းနှိပ်စက် ရုံမက၊မီးလောင်ဗုံးနဲ့ပါပစ်သွင်း ခဲ့တဲ့လုပ်ရပ်တွေရဲ့ နောက်ဆက်တွဲအကျိုးရလာဒ်တွေလေ။
ဒီပုံဆိုရင်တော့၊ လူမင်းနတ်မင်း စည်းစိမ်သာမကသိကြားမင်းစည်းစိမ်တောင်မက်စရာမဟုတ်ပြန်ပါဘူးဗျာ။တွေးရင်း နဲ့တောင် ကျောစိမ့်မိပါရဲ့။ကျုပ်တို့ ဘာသာတရားအယူအဆအရ၊ဘဝများစွာသံသရာမှာပြန်ခံရမဲ့အဖြစ်ကို ရှေ့ဆက်တွေးမိရင် ပိုတောင် ဆိုးသေး။ဘုရား၊ ဘုရား၊တွေးကြည့် ရုံနဲ့တင် လူဖြစ်ရှုံး အညွန့်တုံးလှပါပြီ။ နေပါစေတော့ ဗျာ။ဖွဟဲ့လွဲပါစေ၊ဖယ်ပါစေ။ညဥ့် တောင်အတော် နက်လှပေါ့။
ဟော၊ဟိုးအဝေးကြီးက ထိုင်းသီချင်းတစ်ပုဒ်အသံကိုကြားနေရပါကလား။ ဘယ့်နှယ့်ညကြီးအချိန်မတော်ဘာသီချင်းဖွင့်နေပါ လိမ့်။ကျုပ်ကပဲ စိတ်စွဲနေသလားမဆိုနိုင်ဘူး။သီချင်းအလိုက်ကတော့တွံတေးသိန်းတန်ရဲ့မြတ်စိန္တေတိုင်တည်ထား၍ဆိုတဲ့ အလိုက်ပဲဗျ။ဟုတ်သားပဲ။သေချာအောင်၊အိပ်မပျော်ခင်လေး၊ ဘုရားမှာတိုင်တည်ဆုတောင်းလေဦးမှ။
“ဆုံးဇမ္ဗူတခွင်၊နှုန်းတူမမြင်သည့်၊သုံးလူရှင်မြတ်စွာဘုရား၊ တပည့်တော်သည်အမိုက်တိုက်အဝိဇ္ဇာကာဆီးပိတ်ဆို့နေသူဖြစ် သည့်အလျောက်၊တရားလက်လွတ်ငှက်တောင်ကျွတ်ပမာ၊မဖွယ်မရာအတွေးမျိုးစုံပွားမိသည်ကိုသည်းခံခွင့်လွှတ်စေလိုပါ၏။ မည်သည့်ဘဝမျိုးရောက်ချင်ဖြစ်ချင်သည်ကို၊တပည့်တော်၊လတ်တလောဆုံးဖြတ်၍မရသေးပါဘုရား။သို့သော်၊ဖြစ်လေရာ သံသရာအဆက်ဆက်၌အဆိုပါလူကြီးမင်းအုပ်စိုးသော၊တိုင်းကားပြည်ရွာတွင်လူဖြစ်ရသည့်ဘေးမှ ကင်းဝေးရပါလို၏”။ ။
(ဤသရော်စာ၏ခေါင်းစဉ်မှာ ကွယ်လွန်သူနိုင်ငံကျော်အဆိုတော် တွံတေးသိန်းတန်ကိုယ်တိုင်ရေးဖွဲ့သီဆိုခဲ့သောသီချင်းအမည်ဖြစ်ကြောင်းဖော်ပြအပ် ပါသည်။)