ရယ်သောငါးနှင့်ငိုသောလူ
(မင်းဒင်)
(၁)
မကြာလှသေးသောရက်ပိုင်းကဖြစ်၏။ဖူးခက်မြို့မှအထင်ကရ၊
လက်ကားဈေးဆိုင်ကြီးတစ်ခုဖြစ်သည့်၊(Makro) ကုန်တိုက်ကြီးသို့ကျွန်တော်ရောက်ရှိခဲ့သည်။လေးငါးရက်ခြောက်ရက်
တစ်ပတ်စာတန်သည်လိုအပ်သော၊မီးဖိုချောင်ရိက္ခာအတွက်
သည်ကုန်တိုက်ကြီးသို့ကျွန်တော်မကြာခဏရောက်မြဲဖြစ်၏။
ဤတစ်ခေါက်တွင်မူ၊ဝယ်စရာခြမ်းစရာ အထွေအထူး မရှိလှသည်နှင့်၊ရောက်တုန်းရောက်ခိုက်၊ဟိုဟိုသည်သည်လိုက်လံကြည့်ရှုရင်း၊ ငါးစိမ်းတန်း ဖက်ဆီသို့ကျွန်တော်လျှောက်လာခဲ့သည်။
ငါးစိမ်းတန်းဟေ့ဆိုလျှင်ဇာတိနိုင်ငံ၌၊ညှီစို့စို့ပုပ်အဲ့အဲ့အနံ့ထွက်ပေါ်နေ
တတ်သော်ငြား၊မက်ခရိုကုန်တိုက်၏ငါးစိမ်းတန်းကား၊ဆိုးဝါးသော
အနံ့အသက်မရှိချေ။ရေချိုရေငန်၊မွေးမြူရေးအစရှိသည့်
ငါးမျိုးစုံတွေ့မြင်ရသော်လည်းအများစုမှာပင်လယ်ငါးတို့ဖြစ်၏။
ငါးမျိုးစုံနှင့်ရေထွက်ပစ္စည်းမျိုးစုံကို၊စတီးလင်ဗန်းကြီးများအတွင်းတွင်
၊ရေခဲရိုက်ကာစနစ်တကျခင်းကျင်းထားသည်မှာ၊နည်းယူစရာကောင်းလှသည်။
အတတ်နိုင်ဆုံးသန့်ရှင်းလတ်ဆတ်အောင်ထားသိုမှုစနစ်၊ခင်းကျင်းပုံ၊
တစ်ခါချက်စာလှီးဖြတ်ပြင်ဆင်၍ဝယ်ချင့်စဖွယ်၊စားချင်စဖွယ်ဖြစ်အောင်
၊ပြင်ဆင်ထားပုံတို့မှာလည်း၊အတုယူစရာ ကောင်းလှသည်။
ချိန်တွယ်ပုံ၊ငွေပေးချေပုံစနစ်တို့သည်လည်း၊ကုန်တိုက်ကိုပိုင်ဆိုင်သော
ဒတ်ခ်ျကုမ္ပဏီ၏စီမံခန့်ခွဲမှုအရည်အသွေးကောင်းမွန်မှုကိုပြဆိုနေ၏
အချို့သောငါးနှင့်ပုဇွန်အရှင်လတ်လတ်တို့ကို၊မှန်လုံကန်များအတွင်း
၊အောက်ဆီဂျင်ပေးလျက်ထားရှိသည်။ဈေးနှုန်းကားကြီးမြင့်လှ၏။
ပုဇွန်ကျား(Lobster)၊ပုဇွန်အဂါင်္ရုပ်မစုံလင်သည့်ပုဂဲတို့ကား၊
တကီလိုလျှင်ဘတ်နှစ်ထောင့် ငါးရာဝန်းကျင်၊ (မြန်မာငွေဖြင့်တပိသာလျှင်ကျပ်တစ်သိန်းခန့်)ဖြစ်၍၊
ကျွန်တော်မျက်နှာလွှဲလိုက်သည်။
ထိုအခါ၊ပုဇွန်ပုဂဲမှန်ကန်ကြီးနှင့်မလှမ်းမကမ်းရှိစတီးလင်ဗန်းကြီးထဲမှ၊
ငါးတစ်ကောင်သည်၊ကျွန်တော့်ကိုလှိုက်လှဲ ပျူငှာစွာပြုံးပြနေလေသည်။ ကျွန်တော်သည်ပြုံးပြနေသောငါးကိုစိတ်ဝင်တစားကြည့်လိုက်မိရာ၊
သူသည်ကျွန်တော်နှင့်သိဟောင်းကျွမ်းဟောင်းဖြစ်နေသည်ကို၊
အံ့သြဖွယ်ရာတွေ့ရှိရလေသည်။
(၂)
ထူးဆန်းပေစွ၊ထိုသို့ပြုံးနေသောငါးကို၊ကျွန်တော်ပြုံးရင်းပြန်၍ကြည့်လိုက်မိ၏။
အကြောင်းမှာ၊ထိုငါး၏တကီလိုဈေး နှုန်းသည်၊ဘတ်နှစ်ရာ
(မြန်မာငွေကျပ်ခုနှစ်ထောင်ကျော်)ဖြစ်နေသောကြောင့်တည်း။
ကျွန်တော်သူ့ကိုကောင်း ကောင်းကြီးမှတ်မိနေသည်။
မှတ်မှတ်ရရဆိုရလျှင်လွန်ခဲ့သောနှစ်ပေါင်းငါးဆယ်ဝန်းကျင်ကာလ
(၁၉၆၈)ခုနှစ်တစ်ဝိုက်တွင်သူနှင့်ကျွန်တော် ရင်းနှီးကျွမ်းဝင်
ခဲ့ခြင်းဖြစ်လေ၏။အဆိုပါငါး၏မြန်မာခေါ်အဝေါ်မှာငါးမုတ်ဖြစ်၍၊
(Longfin Cavalla)ဟုအင်္ဂလိပ် အမည်တွင်လေသည်။
ထိုစဉ်ကကျွန်တော့်အသက်မှာတစ်ဆယ့်တစ်နှစ်အရွယ်မျှသာရှိပေဦးမည်။
ထိုခဏမှာပင်ကျွန်တော့စိတ်အစဉ်သည်ကျွန်တော်ငယ်စဉ်က
လှုပ်ရှားနေထိုင်ကြီးပြင်းခဲ့ရာ၊ရန်ကုန်၊လှိုင်မြို့နယ်မှကမာရွတ်ဈေးကြီးဆီသို့ ၊ရောက်ရှိသွားခဲ့လေသည်။
ကျွန်တော့်မိဘများသည်၊ကမာရွတ်ဈေးကြီးတွင်ဈေးရောင်းခဲ့ကြ၏။
ကျွန်တော့်အဖေသည်ဘောလုံးအသင်းတစ်သင်းစာနီးပါးရှိသော
မိသားစု၏နေ့စဉ်ဘဝစားရေးအတွက်အတော်ပင်ခေါင်းခြောက်ခဲ့ရဟန်တူသည်။
သူ၏ထွက်ပေါက်အဖြေရှာခြင်း၏နောက်ဆက်တွဲရလာဒ်သည်ကား၊
ပင်လယ်ငါးအရောင်းဆိုင်တွင်၊ကျွန်တော်နေ့စဉ်တန်းစီ၍၊
ပင်လယ်ငါးဝယ်ရခြင်းပေတည်း။
ထိုပင်လယ်ငါးအရောင်းဆိုင်ကိုပုလဲနှင့်ငါးဝန်ကြီးဌာနက၊
ကမာရွတ်ဈေးကြီးနှင့်ကပ်လျက်၊မြို့နယ်တရားရုံးဟောင်းကြီး၏ဘေးတွင်၊
ယာယီတဲသဘောဖွင့်လှစ်ကာရောင်းချခဲ့ခြင်းဖြစ်သည်။
(ယခုကာလခေတ်လူငယ်များအဖို့မူကား၊ကမာရွတ်ဈေးကြီး
၏ဘေးကပ်လျက်တွင်မြို့နယ်တရားရုံးရှိခဲ့ပြီး၊အဆိုပါတရားရုံး
တွင်ပင်ကြိမ်ဒဏ်ပေးခဲ့ဖူးသည်ကိုသိသူအလွန်နည်းလေပြီ။)
ထိုပင်လယ်ငါးအရောင်းဆိုင်သို့နေ့စဉ်နံနက်ရှစ်နာရီဝန်းကျင်တွင်
အအေးခန်းအလုံပိတ်ကားကြီးဆိုက်ရောက်လာ တတ်ကာ၊ကျွန်တော်တို့တန်းစီဝယ်ယူကြရသည်။
ပင်လယ်ငါးအမျိုးအစားတို့ကားစုံလင်လှသည်။ငါးလင်ပန်း၊ပြည်ကြီးငါး၊
ငါးလိပ်ကျောက်၊ငါးမုတ်စသည်တို့အပြင်ကျွန်တော်အမည်မဖော်ပြတတ်သော
ငါးမျိုးတွေလည်းပါဝင်၏။ထူးခြားသည်ကားပင်လယ်ငါးတို့၏ဈေးနှုန်းဖြစ်သည်။
အများအားဖြင့်ပင်လယ်ငါးတစ်ပိသာ၏ဈေးနှုန်းသည်မြန်မာငွေနှစ်ကျပ်
ထက်မပိုချေ။တန်းစီရသည်ဆိုသော်ငြား၊အလှည့်ကျဝယ်ယူနိုင်ရန်သာ၊
တန်းစီရသည်ဖြစ်၍တန်းစီသူနှစ်ဆယ်ကျော်သုံးဆယ်ဝန်းကျင်
ထက်မပိုလေ။အဆိုပါပင်လယ်ငါးတင်အအေးခန်းကားမလာမီ
တစ်နာရီခန့်တွင်၊ချွေးနံ့၊လေလည်သည့်အနံ့များကို၊ပျော်ရွှင်စွာရှူရိုက်ရင်း၊
ပင်လယ်ငါးမျိုးစုံကိုကျွန်တော်တိုးဝှေ့ဝယ်ယူခဲ့ဖူးသည်။
ထိုသို့သောနေ့ရက်များက၊ကျွန်တော်နေ့စဉ်တွေ့မြင်ယဉ်ပါးနေသောငါးမှာ၊
အထက်တွင်ဆိုခဲ့သောငါးမုတ်ဖြစ်၏။
ငါးမုတ်သည်၊အရသာလေးပင်၏။အရိုးအသားခွဲခြားရန်လွယ်ကူ၏။
အဟာရတန်ဖိုးမြင့်မားဟန်ရှိ၏။ထို့ကြောင့် အခြားသော ပင်လယ်ငါးများတပိသာလျှင်တစ်ကျပ်ခွဲဈေးသင့်ချိန်၌၊
ငါးမုတ်သည်နှစ်ကျပ်ခွဲဈေးဖြစ်၏။
(၃)
ထိုခေတ်ထိုကာလက၊မြန်မာလူထုသည်ရေချိုငါးကိုသာအဓိကထား
စားသုံးကြသည်ဖြစ်၍ပင်လယ်ငါးကိုစားသုံး သင့်သည့်ဟင်းလျာစာရင်းတွင်မထည့်ကြသေးချေ။
အချို့ဆိုလျှင်ပင်လယ်ငါးစားပါက၊ကိုယ်ပျက်တတ်သည်။နူနာစွဲတတ်သည်။
ယားနာ၊စသောအနာဟောင်းများပြန်ပေါ်တတ်သည်ဟုပင်၊
အယူအစွဲရှိနေကြသည့်ကာလများဖြစ်၏။
မြန်မာပြည်တွင်ပင်လယ်ငါးကိုဈေးကွက်သို့စတင်ပို့ဆောင်ခဲ့သည့်ကုမ္ပဏီမှာ၊
ရဲဘော်သုံးကျိပ်ဝင်ဗိုလ်လင်္ကျာပိုင် ဆိုင်သော၊မုတ္တမကုမ္ပဏီဖြစ်၏။ (၁၉၆၀)ဝန်းကျင်စားရေရိက္ခာအလျှံပယ်သည့်တိုင်းပြည်တွင်၊
ပင်လယ်ငါးကိုဈေးကွက်အတွင်းသို့ အောင်မြင်စွာပို့ဆောင်နိုင်ရေးမှာ၊
မုတ္တမကုမ္ပဏီအဖို့ကြီးစွာသောအခက်အခဲကြီးတစ်ခုဖြစ်ခဲ့ဟန် တူသည်။
။မြန်မာ့နိုင်ငံရေးလောကတွင်ထင်ရှားသောနိုင်ငံရေးသမားကြီး၊
စာရေးဆရာ၊အယ်ဒီတာဦးသိန်းဖေမြင့်ကိုယ်တိုင်ခေတ်မီသူတိုင်း
ပင်လယ်ငါးစားကြသည်ဟူသော၊လှုံ့ဆော်စာရေးသားကာ
ဝိုင်းဝန်းအားဖြည့်ခဲ့ရဖူးသည်။
ယခုမက်ခရိုကုန်တိုက်ကြီးအတွင်းမှ၊ကျွန်တော့်ကိုပြုံးပြနေသောငါးမုတ်သည်၊
ကျွန်တော့်အား..၊ဟေ့ကောင်၊ ငါဟာတပိသာနှစ်ကျပ်ခွဲတန်တဲ့ကောင် မဟုတ်ဘူးနော်။ဟုဆိုနေသယောင်ကျွန်တော်ခံစားရသည်။
မှန်ပါ၏။ ငါး မုတ်သည်နိုင်ငံတကာခရီးသွားတို့ဥဒဟို ဝင်ထွက်သွားလာနေသောဖူးခက်မြို့တွင်ငါးမုတ်ငါးဟင်းလျာ သည်၊ နာမည်ကျော်ဟင်းလျာဖြစ်ပြီးဈေးနှုန်းကြီးမြင့်လှ၏။
ကျွန်တော့ကိုပြုံးပြနေသောငါးမုတ်ဈေးနှုန်းမှာကာလပေါက်ဈေး
တစ်ပိသာလျှင်၊ကျပ်ခုနစ်ထောင်ဝန်းကျင်ဖြစ်၍ ကျွန်တော်တို့ခေတ်က၊တပိသာနှစ်ကျပ်ခွဲဈေးဖြင့်ဆိုပါမူ၊
သုံးတန်ကားတစ်စီးကျော်စာနှင့်ညီမျှနေလေသည်။
ဆယ်လမွန်ငါးတို့ကားသူတို့ဇာတိဥရောပနိုင်ငံတွေမှာ၊
လူတကာအလျှံပယ်စားသုံးနိုင်သည်အထိ၊ယနေ့တိုင်အောင်ပေါများတုန်းဟု
ဆိုပါသည်။ယခုအခါကျွန်တော့်ဇာတိမြန်မာပြည်တွင်၊
ငါးမုတ်တို့၊မည်သည့်ဈေးပေါက်နေပါလေသနည်း။
ပုဇွန်၊ဂဏန်း၊ငါးရှဥ့်၊စသည့်ဈေးကောင်းရနိုင်လေသမျှ၊
တရုတ်ပြည်သို့ချည်းတင်ပို့နေကြချိန်ဖြစ်၍၊ငါးမုတ်တို့သည်လည်း
စိနပြည်သို့ခရီးနှင်နေကြပေလိမ့်မည်။မက်ခရိုကုန်တိုက်
ငါးစိမ်းတန်းရှေ့တွင်ငူငူကြီးရပ်နေမိသောကျွန်တော်သည်
အတွေးဝင်္ကပါတွင်ချာချာလည်နေခဲ့၏။
(၄)
လက်ရှိကာလ၌ထိုင်းနိုင်ငံသည်၊နိုင်ငံတကာသို့ရေထွက်ပစ္စည်းတင်ပို့ရာတွင်
ကမ္ဘာ့ဒုတိယအများဆုံးစာရင်းဝင် သည်ဟုဆိုပါသည်။ ထိုင်းငါးဖမ်းလှေများတွင်ငါးဖမ်းလုပ်သားများအဖြစ်၊လိုက်ပါ
လုပ်ကိုင်နေသူတို့တွင်၊မြန်မာ နိုင်ငံသားအများဆုံးဟု
သတင်းများတွင်ဖော်ပြသည်။ထိုလုပ်သားများတွင်တရားဝင်ရော၊
တရားမဝင်ပါလာ ရောက်လုပ်ကိုင်နေကြသူများဖြစ်ကြ၍၊
အဆိုပါထိုင်းရောက်မြန်မာရေလုပ်သားတို့အပေါ်ထိုင်းငါးဖမ်းစက်လှေပိုင် ရှင်များ၏မတရားနှိပ်စက်ညှင်းပန်းမှုများကြောင့်၊
ထိုင်းရေထွက်ပစ္စည်းများကို၊နိုင်ငံတကာမှပိတ်ဆို့အရေးယူမှု များရှိနေပါသည်။
ထို့ထက်ထူးသည်ကား၊ထိုင်းပင်လယ်ပြင်တွင်၊ငါးမရှိသလောက်ရှားပါးခဲ့ပြီးဖြစ်၍၊
ထိုင်းငါးဖမ်းစက်လှေတို့ကျက်စားရာအရပ်မှာမြန်မာ့ပင်လယ်ပြင်ဖြစ်သည်
ဟုဆိုကြသည်။မြန်မာရေတပ်ဖြင့်နားလည်မှုယူ၍၊တံစိုးလက်ဆောင် ခွံ့၍၊မြန်မာ့ပင်လယ်ငါးတို့ကို၊မြန်မာ့ပင်လယ်ပြင်အတွင်းတရားမဝင်၊
ဝင်ရောက်ခိုးယူနေခဲ့ကြသည့်မှာ၊နှစ်ကာလ များစွာကြာညောင်းခဲ့လေပြီ။ဟိုခေတ်ဟိုအခါက၊စားသုံးလိုသူ
မရှိအောင်ပေါများခဲ့သော၊ခေတ်မီရန်အလို့ငှာစားကြပါဟု
လှုံ့ဆော်စာထုတ်၍လူထုအားတိုက်တွန်းခဲ့ရသော
၊မြန်မာ့ရေပိုက်နက်မှပင်လယ်ငါးတို့ကို၊မြန်မာတို့မစားနိုင်လောက်သည့် အခြေသို့ဆိုက်ရောက်နေလေပြီတကား။
ယင်းသို့သောပြကတေ့အခြေအနေကို၊သိရှိသည်ဖြစ်၍၊စတီးလင်ဗန်းကြီးထဲမှ၊
ငါးမုတ်သည်ကျွန်တော့်ကိုပြုံးပြနေ လေသလော။
သင်းသည်မြန်မာ့ပင်လယ်ပြင်ထဲမှ၊လာခဲ့လေသဖြင့်၊
ကျွန်တော့်အားမျက်မှန်းတန်းမိနေသလော။ကဤအတွေးသာမှန်ပါမူ၊
၎င်းစတီးလင်ဗန်းကြီးထဲရှိရေခဲမှုန်တို့၏အောက်တွင်ရှိနေသည့်၊
အခြားသောငါးမုတ်တို့သည်လည်း ကျွန်တော့် ကို၊မခိုးမခန့်လှောင်ပြောင်ရယ်သွမ်းသွေးနေပေလိမ့်မည်။
ငါးတို့ရယ်တတ်သလောဟူသည့်အချက်ကိုကျွန်တော်သေချာစွာမသိသော်ငြား၊
ကျွန်တော့်မျက်စိရှေ့တွင်ရယ်ယောင်ပြုံးယောင်ဖြစ်နေသော၊
ငါးမုတ်တို့သည်၊အဝိဥာဏ်တကအသက်ကင်းမဲ့နေကြပြီမှာသေချာလှပါသည်။
ထို စဉ်ခဏမှာပင်၊ကျွန်တော့်ရင်တွင်းမှာ မချမ်းမြေ့ခြင်းကြီးစွာဖြစ်ရသည်။ငိုချင်သလိုလိုဖြစ်လာရသည်။
မျက်ဝန်းအိမ် မှာမျက်ရည်စတို့စို့လာသည်။
ယောက်ျားတန်မဲ့ငါးတို့ရှေ့တွင်မျက်ရည်မကျစကောင်းသည်ဖြစ်၍၊
ကျွန်တော်သည်မျက်တောင်တို့ကိုပုတ်ခတ် ပုတ်ခတ်လုပ်ရင်း၊ ငိုချင်စိတ်ကိုအနိုင်နိုင်ထိန်းလိုက်ရ၏။
အရာရာကိုသေချာစွာ
တွက်စစ်လျှင်ကျွန်တော့်ဇာတိနိုင်ငံတွင်၊အပြောင်းအလဲတစ်ရပ်သည်၊
အချိန်တန်ရုံမျှမက၊အချိန်ပင်လွန်နေခဲ့သည်မှာသေချာလွန်းမက
၊သေချာလှလေသည်။ ။
နှင်းဆီဖြူဂျာနယ်
၂၀၁၅ ခုနှစ် ၊ အောက်တိုဘာလ (၁) ရက်