၂၄၊နိုဝင်ဘာ ၂၀၁၅ သည်ဗွိုက်ဒေးလီးသတင်းစာမှ။ ။
ပဲပြုတ်ဒိုင်ယာရီ
(မင်းဒင်)
(တစ်)
“အညာသားပဲစား”ဆိုတဲ့စကားဟာကျုပ်အတွက်တော့၊ဒက်ထိမှန်သဗျို့၊
ကျုပ်တင်မကပါဘူး။ကမ္ဘာ့နိုင်ငံအနှံ့အပြားကိုရောက်နေတဲ့မြန်မာပြည်သား
အများစုလည်းပဲပြုတ်ကြိုက်ကြတာပါပဲလေ။အမေရိကန်နိုင်ငံရောက်မြန်မာ
တစ်ချို့တောင်ပဲပြုတ်ကိုအွန်လိုင်းပေါ်တင်ပြီးကြေငြာနေကြတာ
ကျုပ်တွေ့မိသေးသဗျ။
စင်္ကာပူနိုင်ငံကပင်နီစူလာပလာဇာမှာဆိုရင်လည်း
၊မြန်မာဆိုင်တိုင်းလိုလိုမှာပဲပြုတ်ထုပ်ကလေးတွေတန်းကိုစီလို့။
အမယ်။ကျုပ်တို့အမျိုးသားခေါင်းဆောင်ကြီးဗိုလ်ချုပ်အောင်ဆန်းဟာလည်း ပဲပြုတ်ကိုတော့၊အတော်စွဲလန်း ပုံရ သဗျ။ တိုင်းပြည်လွတ်လပ်ရေး အတွက်နေ့မအားညမနားကြိုးပမ်းနေရစဉ်ကာလမှာတောင်
သူချဉ်ခြင်း တပ်တာ က၊ပဲပြုတ်နဲ့နံပြားဆိုပဲ။
အေးလေ။ဗိုလ်ချုပ်မူရင်းလက်ရေးနဲ့ “ကြည်၊ပဲပြုတ်နဲ့နံပြားရရင်စားချင်တယ်”
ဆိုတဲ့ စာတိုလေးဟာ ကျုပ်တို့ဗိုလ်ချုပ်ပဲပြုတ်ကြိုက်တဲ့အကြောင်း ခိုင်မာတဲ့သက်သေသာဓကပဲပေါ့ဗျာ။
ဗိုလ်ချုပ်ရဲ့အရည်အချင်းကို၊ကျုပ်ဘယ်နေရာမှလိုက်မမီပေမဲ့
ပဲပြုတ်ကြိုက်တာချင်းတော့တစ်ထပ်တည်းကျသဗျ။ဟုတ်ပ့ါဗျာ။ကျုပ်အတွက်
ပဲပြုတ်ရှိလို့ကတော့၊ဘာဟင်းမှမလိုလောက်အောင်ကိုပြည့်စုံတယ်။
ပဲပြုတ်နှစ်ပေါက်အောင်နေ့တိုင်းစားရရင်လည်းကျုပ်ငြီးငြူမိမှာမဟုတ်တာ
သေချာတယ်။
တစ်ခါတစ်ခါစဉ်းစားမိတာက၊ငါ့နှယ်၊ ငါဒီ လောက်ပဲပြုတ်ကြိုက်နေရအောင် ပဲပြုတ်နဲ့ငါဟာဘယ်ဘဝေဘဝကချခဲ့ဖူးတဲ့ပန္နက်၊နှက်ခဲ့ဖူးတဲ့သစ္စာများ
ရှိခဲ့ပါလိမ့်လို့တောင်တွေးမိတဲ့အထိ။
ဟုတ်ပါ့ဗျာ။မြေလတ်အညာအရပ်နတ်မောက်နယ်မှာလေးငါးနှစ်သား
အထိပဲမျိုးစုံနဲ့နှစ်ပါးသွားခဲ့တဲ့၊ကျုပ်ဟာရန်ကုန်မြို့ကြီးရဲ့တစ်ခုသော
ကျူးကျော်ရပ်ကွက်ဆီကိုလည်းပြောင်းလာရရော၊ကျုပ်ကလေးဘဝကနေခဲ့တဲ့
တဲသာသာအိမ်ကလေးရဲ့ရှေ့ဘေးနောက်ဝဲယာအိမ်တွေအားလုံးဟာ၊
ပဲပြုတ်ပြုတ်ရောင်းတဲ့အိမ်တွေချည်းဖြစ်နေသဗျာ။
ဒါတင် ဘယ်ဟုတ်ဦးမလဲ။ကျုပ်တို့နေတဲ့လမ်းထဲကိုနေ့လည်ပိုင်းနဲ့ ညပိုင်းတွေမှာ၊အချိန်မှန်လာရောင်းတတ်တဲ့၊ ဈေးသည်အဒေါ်ကြီး
တစ်ယောက်ရဲ့ပဲ”ကတ္တီပါပြုတ်၊ပဲထောပတ်ပြုတ်”ဆိုတဲ့
အသံသေးသေးမျှင်မျှင်လေးကိုလည်းနေ့စဉ်ညစဉ်ကြား နေခဲ့ရသဗျ။
အခုကျုပ်စာဖွဲ့နေတဲ့ပဲပြုတ်ဟာစားတော်ပဲပြုတ်ကို ရည်ညွန်းတယ်ဆိုတာတော့ ခင်ဗျားတို့ရိပ်မိ ပါတယ်နော်။
(နှစ်)
ကျုပ်အိမ်နီးနားချင်းပဲပြုတ်သည်တွေအနက်က၊စံနမူနာတင်ထားရမဲ့သူကတော့
ဘကြီးဦးညွန့်မောင်ပဲဗျာ။ဘကြီးဦးညွန့်မောင်ရဲ့စားတော်ပဲပြုတ်လက်ရာကို
၊တော်ရုံပဲပြုတ်သည်မယှဉ်နိုင်လောက်ဘူး။ဆော်ဒါနည်းနည်းထည့်ပြီး
တစ်နေကုန်ရေစိမ်ထားတဲ့စားတော်ပဲတွေကိုသဲ၊ခဲ၊အမှုန်အမွှားမပါရအောင်
စိတ်ရှည်လက်ရှည်စနစ်တကျရွေးတာ၊ဆော်ဒါနံ့ပျောက်အောင်၊
သန့်စင်သွားအောင်ရေအထပ်ထပ်ဆေးတာ၊အညှောင့်လေးတွေ
ပေါက်လာအောင်ပိတ်စိမ်းပါးလေးအုပ်ထားတာ၊ဖွဲမီးဖိုကြီးနဲ့၊
၊မြေအိုးကြီးနဲ့ပေါင်းတာကအစ၊ပဲပြုတ်လုပ်ငန်းစဉ်အစအဆုံးကို
၊နှစ်ပေါင်းများစွာကျုပ်မျက်စိနဲ့တပ်အပ်မြင်နေခဲ့ရတယ်။
မနက်ငါးနာရီခွဲလောက်အချိန်၊ဘကြီးဦးညွန့်မောင်ပဲပြုတ်ပေါင်းအိုးချချိန်ဆို၊
ကျုပ်စိတ်ထဲမှာတစ်လမ်းလုံးပဲပြုတ်နံ့လေးမွှေးနေတယ်လို့ကိုထင်မိတဲ့အထိပါပဲ။
အမယ်။သူ့စပါယ်ရှယ်ပဲပြုတ်ရဲ့ဈေးကလည်း၊တစ်ခြားပဲပြုတ်သည်တွေ
တဆယ်သားတစ်မတ်ရောင်းနေချိန်မှာ၊သုံးဆယ့်ငါးပြားတဲ့ဗျ။အေးလေ။
သူ့ပဲပြုတ်အခိုင်အမာဈေးကွက်ရနေတဲ့အရပ်ကလည်းဝင်ဒါမီယာဆိုသကိုး။
ကျွန်တော်မှတ်မိသလောက်ဘကြီးဦးညွန့်မောင်ရဲ့ပဲပြုတ်ဟာရောင်းမကုန်လို့
အိမ်ပြန်သယ်လာတယ်ဆိုတာတစ်ခါမှမကြားခဲ့ဖူးဘူးဗျ။
ဘကြီးဦးညွန့်မောင်ရဲ့ပဲပြုတ်ကို၊အမေမနက်ကြီးစောစောထပြီး၊
ဝယ်ထားတဲ့နေ့တွေဆို၊ကျုပ်ရဲ့မနက်စာဟာနတ်သုဒ္ဓါဆိုပါတော့။
အမယ်ကြုံတုန်းမို့ပြောရဦးမယ်။ပဲပြုတ်ပေါင်းအိုးကနေကျတဲ့ပဲပြုတ်ရည်
ပျစ်ပျစ်တွေကိုကျုပ်မက်မက်မောမောစားခဲ့ဖူးတယ်ဗျ။ဟင်းချိုလုပ်သောက်ရင်လည်း
အဆင်ပြေတယ်။အဲဒီပဲပြုတ်ရည်တွေက၊အေးရင်ခဲတောင်နေတတ်တယ်။
အရသာကဆိမ့်ပြီးချိုနေတာပဲဗျာ။ပရိုတင်းဓာတ်အပြည့်အဝပါတယ်ဆိုတာ
ဒါမျိုးထင်ပါရဲ့။အေးဗျာ။ဒါကြောင့်ကျုပ်ဘဝတစ်လျှောက်လုံးမှာပဲပြုတ်ကို
ငယ်ကအချစ်အနှစ်တစ်ရာမမေ့သာဆိုသလိုအစွဲကြီးစွဲနေခဲ့တာပေါ့။
(သုံး)
ဒီလိုနဲ့လွန်ခဲ့တဲ့ဆယ်နှစ်ကျော်က၊တစ်ကိုယ်တော်လေလွင့်ပြီးဖူးခက်ကိုလည်း
ကျုပ်ရောက်ရော၊ကျုပ်နဲ့ကျုပ်ငယ်ချစ်ပဲပြုတ်ဟာချစ်လိုလျက်နဲ့ဝေးခဲ့ကြတယ်
ဆိုပါတော့။
ဟုတ်တယ်ဗျ။ဖူးခက်မှာရောက်နေတာက၊ဘိတ်၊မော်လမြိုင်၊ထားဝယ်လို
အောက်အရပ်ကလူတွေများလေတော့၊ကျုပ်တို့အညာသားများလိုပဲပြုတ်ကို
စွဲစွဲလန်းလန်းရှိကြပုံမပေါ်ဘူး။ကချွတ်ကချောက်မြန်မာစားသောက်ဆိုင်
လေးငါးဆိုင်တော့ရှိပါရဲ့။ဘယ်ဆိုင်မှာမှပဲပြုတ်မရဘူးဗျာ။ကျုပ်စိတ်ထင်
ထိုင်းလူမျိုးတွေဟာစားတော်ပဲကိုပြုတ်စားရကောင်းမှန်းတောင်မသိကြရှာပါဘူး။
ဒါနဲ့ကျုပ်လည်းဒီအတိုင်းလက်မှိုင်ချအားလျှော့နေလို့တော့မဖြစ်ချေဘူးဆိုပြီး၊
ကျုပ်ကိုယ်တိုင်ပဲပြုတ်ပြုတ်စားနိုင်ဖို့အထူးစစ်ဆင်ရေးတစ်ရပ်ကို
ဆင်နွှဲခဲ့ရတော့တာပါပဲ။ဟုတ်ပါ့ဗျာ။ဝယ်မရရင်ပြုတ်စားမှာပေါ့။
ဘွဲ့ရပညာတတ်ဆိုတဲ့မာနလေးနဲ့ဘာခက်တာမှတ်လို့ဆိုပြီး၊ရန်ကုန်ကနေ
စားတော်ပဲတွေမှာပြီး၊ကျုပ်မြင်ဖူးခဲ့တဲ့ဘကြီးဦးညွန့်မောင်ရဲ့ပဲပြုတ်နည်းအတိုင်း၊
မဆုတ်မနစ်သောဇွဲနဲ့ကြိုးစားလိုက်တာ၊ကျုပ်စိတ်ထင်အကြိမ်သုံးဆယ်လောက်
ကိုရှိမယ်။ဘကြီးဦးညွန့်မောင်ရဲ့ပဲပြုတ်လက်ရာကိုမီဖို့ဝေလာဝေး
၊ပျော့ပြဲသွားလိုက်၊ဇိမ်းဆတ်ဆတ်နေလိုက်နဲ့၊လုံးလုံးကိုအဆင်မပြေပါဘူးဗျာ။
လွယ်လွယ်နဲ့တော့ဘယ်လက်လျှော့ပါ့မလဲဗျ။ကျုပ်နဲ့ခင်မင်ရင်းနှီးတဲ့မြန်မာ
စားသောက်ဆိုင်တွေက၊အိုးသူကြီးတွေကိုမေးမြန်းပြီး၊ပဲပြုတ်တစ်အိုး
အောင်မြင်စွာပြုတ်တတ်ဖို့အတွက်၊အားထုတ်ခဲ့တာပါပဲ။ဆရာမပြရင်
ငါးပိဖုတ်တာတောင်နည်းလမ်းမကျတတ်ဘူးလို့အဆိုရှိတယ်မဟုတ်လား။
အဲဒီအဆိုဟာသွေးထွက်အောင်မှန်တယ်ဗျာ။ကန့်ကူလက်လှည့်ဆရာမရှိတော့၊
မအောင်မြင်ဘူးဗျ။
မယုံရင်ပုံပြင်သာမှတ်ပေတော့။ကျုပ်ဟာပဲပြုတ်စားရဖို့အတွက်၊ဖူးခက်နဲ့
မိုင်ထောင်ချီဝေးတဲ့မဲဆောက်ဆိုတဲ့အရပ်ကနေ၊ပဲပြုတ်ပြုတ်တတ်တဲ့
ကလေးမလေးတစ်ယောက်ကိုအိမ်ဖော်အဖြစ်လှမ်းခေါ်တဲ့အထိကို၊
စွမ်းစွမ်းတမံကြိုးစားခဲ့ပါတယ်။မဲဆောက်ကတော်လှန်ရေးရဲဘော်ဟောင်းကြီး
ကိုကျော်ထက်ကို၊”ပဲပြုတ်ပြုတ်တတ်တဲ့ကလေးမလေးတစ်ယောက်ရှာပြီး
ပို့ပေးစမ်းပါဗျာ”ဆိုပြီးအကူအညီတောင်းလိုက်တော့၊
သူ့အဆက်အသွယ်နဲ့ရောက်လာတဲ့ကလေးမလေးနာမည်က၊မိမိလေးတဲ့။
မိမိလေးအသက်ကသုံးဆယ်ဝန်းကျင်လောက်ရှိမယ်ထင်ပါရဲ့။
(လေး)
အဲဒီမိမိလေးလည်းကျုပ်အိမ်ရောက်ရော၊ကျုပ်သူ့ကိုတွေ့တွေ့ချင်းမေးတဲ့
အင်တာဗျူးမေးခွန်းကတော့“ညည်းပဲပြုတ်ပြုတ်တတ်တာသေချာသလား” ပေါ့။
သူကလည်းခပ်သွက်သွက်ပဲဗျ။ “ပြုတ်တတ်တာပေါ့ဦးလေးရယ်တဲ့”။
ဒါနဲ့ကျုပ်လည်းအချိန်မဆိုင်းပဲ၊အဆင်သင့်ရှိနေတဲ့စားတော်ပဲထုပ်ကို၊
သူ့လှမ်းပေးလိုက်ပြီး “ညည်းပြုတ်ပေတော့” လို့လည်းပြောလိုက်ရော၊ သူကဒယ်အိုးတစ်လုံးကိုဂက်စ်မီးဖိုပေါ်တင်၊၊ရေထည့်၊ဂက်စ်အိုးဖွင့်ပြီး၊
စားတော်ပဲတွေကိုဒယ်အိုးထဲသွန်ထည့်လိုက်တော့တာပါပဲ။
ဒီမှာတင်ကျုပ်လည်းစိတ်ပျက်လွန်းလို့ကိုယ့်နဖူးကိုယ်လက်နဲ့ဖြန်းကနဲမြည်အောင်
ရိုက်မိရင်းအမလေးတရမလိုလို၊အာရေးဘားဘားအော်ရမလိုဖြစ်တော့တာပါပဲ။
အဲဒီနောက်ပိုင်းမှာတော့ကျုပ်ခေါင်းအေးအေးနဲ့စဉ်းစားမိတယ်။နှုတ်မှုလက်မှု
အတတ်စုကိုငယ်နုသော်အား၊မမေ့ ငြားနှင့်၊ရင်းဖျားကုန်စင်တတ်မြော်မြင်က၊
တစ်ခုမျှလျက်အသက်မွေးကျောင်းဖြစ်တုံရှောင်း၏ဆိုတဲ့ရှင်မဟာရဋ္ဌသာရရဲ့
ဆုံးမစာကိုလည်းပြေးသတိရတယ်။ဟုတ်တယ်ဗျ။ပဲပြုတ်ပြုတ်နည်းဟာ
အမြင်လွယ်သလောက်၊လက်တွေ့လုပ်ကြည့်တဲ့အခါ၊အင်မတန်ခက်တာကလား။
အဲသလိုလွယ်မယောင်နဲ့ခက်နေလို့ပဲ၊အရပ်ထဲကပဲပြုတ်သည်တွေ၊
တစ်ဝမ်းတစ်ခါးမပူပင်ရတာပေါ့။ဘကြီးဦးညွန့်မောင်လို၊အဆင့်မီပဲပြုတ်ပြုတ်
တတ်တဲ့သူများဆို၊သမီးနဲ့မြေးတစ်ပြုံတစ်မကြီးကို၊ဥမကွဲသိုက်မပျက်
အိမ်ပေါ်တင်ပြီးကျွေးထားနိုင်တာကိုလည်း၊ကျုပ်ပြေးသတိရမိတယ်။
နောက်ဆုံးတော့၊ကျုပ်ဟာပဲပြုတ်စစ်ဆင်ရေးနဲ့ပတ်သက်ပြီးသံဓိဌာန်တစ်ခုကို
ခိုင်ခိုင်မာမာချလိုက်ရပါတယ်။ဘယ်အတတ်ပညာမှဖြတ်လမ်းမရှိဘူးဆိုတာမို့၊
ကျုပ်ဟာ၊ရထားတဲ့ဘွဲ့ကိုဘေးချိတ်ပြီး၊အဲဒီပဲပြုတ်ပြုတ်နည်းကို၊သင်ရိုးကုန်
တတ်မြောက်အောင်ကိုယ်တိုင်ကိုယ်ကျစာတွေ့လက်တွေ့ဆည်းပူးရပါတော့
တယ်။
ကျုပ်ဟာပဲပြုတ်ပြုတ်နည်းကိုစနစ်တကျတတ်မြောက်ဖို့အတွက်ဂူဂဲလ်မှာလည်း
ဂူးဂလင်းအကြိမ်ကြိမ်လုပ်ခဲ့တယ်။တကယ်တမ်း၊တန်းဝင်ပဲပြုတ်ပြုတ်တတ်ပါတယ်
ဆိုတဲ့သူ၊ကြီးငယ်မရွေးဆီကနေ၊အန္တေဝါသိကတပည့်ခံခဲ့တယ်။သေချာလေ့လာလေ
ပဲပြုတ်ပြုတ်နည်းကလေးနက်လေပဲဗျာ။
ဒီခေတ်ကဘကြီးဦးညွန့်မောင်တို့ခေတ်ကလို၊ဖွဲမီးဖိုနဲ့မြေပေါင်းအိုးနဲ့
ခေတ်မဟုတ်တော့ဘူး။နေရာတကာမှာထမင်းပေါင်းအိုးတွေရောက်ကုန်ပြီ။
အဲဒီထမင်းပေါင်းအိုးတိုင်းနဲ့လည်းပဲပြုတ်ပြုတ်လို့မရဘူး။ဆားဆော်ဒါ
အစရှိတာတွေအချိန်အဆမှန်ရမယ်။အချိန်ကိုက်အထက်အောက်လှန်
တတ်ရမယ်။
အိုဗျာ။ပဲပြုတ်ပြုတ်နည်းနိသရည်းကိုသာပြည့်ပြည့်စုံစုံရေးပြရရင်
ဧရာမကျမ်းကြီးတစ်စောင်ဖြစ်လောက်ပါရဲ့။
(ငါး)
ဒီလိုနဲ့ကျုပ်ပဲပြုတ်ပြုတ်နည်းကိုသဘောတရားကောလက်တွေ့ပါ၊
စိုက်လိုက်မတ်တတ်လေ့လာလိုက်တာ၊အခုဆိုရင်ကျုပ်ဟာ
အဆင့်မီပဲပြုတ်ကိုအောင်မြင်စွာပြုတ်တတ်ခဲ့ပါပြီ။ကျုပ်ပဲပြုတ်ဟာ
ဘကြီးဦးညွန့်မောင်ရဲ့ပဲပြုတ်ကိုမမီနိုင်သေးပေမဲ့ဆူကြုံနိမ့်မြင့်ရှိတတ်တဲ့
လောကဓံရဲ့သဘောအရ၊ကျုပ်ဘဝမှာမမျှော်လင့်ပဲစားဝတ်နေမှု
အကြပ်အတည်းဖြစ်လာလို့၊မဖြစ်မနေလုပ်ကြစတမ်းဆိုရင်၊ပဲပြုတ်သည်ဘဝနဲ့၊
ဝမ်းရေးပြဿနာကိုဖြေရှင်းနိုင်နေပါပြီ။
အခုဆိုကျုပ်ဟာနံနက်စာတိုင်းကိုပဲပြုတ်နဲ့စိတ်တိုင်းကျလွှေးနိုင်နေတဲ့အပြင်
ဘယ်နုိုင်ငံဘယ်ဒေသရောက်ရောက်၊ပဲပြုတ်စားချင်လှပါချည့်ရဲ့ဆိုတဲ့
မိတ်ဆွေတွေရဲ့ဆန္ဒကိုလည်း၊ဖြည့်ဆည်းပေးဖို့အဆင်သင့်ရှိနေပြီဆိုပါတော့ဗျာ။
ဒီအဆင့်တင်ဘယ်ကမလဲ။သာမန်ပဲပြုတ်ထမင်းကြော်၊ကြက်သွန်စိမ်းနဲ့
ပဲပြုတ်သုတ်၊ကြက်သွန်ဆီသတ်ပဲပြုတ်ကြော်အပြင်၊ပဲပြုတ်ကိုဟင်းဖြစ်အောင်၊
ခရမ်းချဉ်သီးကိုငြုပ်သီးနဲ့ဆီသတ်၊မန်ကျည်းမှည့်ရေ၊ဂျင်းဖတ်၊မဆလာတွေနဲ့
ချက်နည်းကိုပါတတ်ပြီလို့ပါကြွားလိုက်ချင်သေးဗျာ။
ဟမ်၊အဲဒီပဲပြုတ်နည်းသင်တာဘယ်လောက်ကြာတုန်းဟုတ်လား။ငါးနှစ်ခင်ဗျ။ငါးနှစ်။
အင်း၊ကျုပ်မနက်စာကိုပဲပြုတ်နဲ့ထမင်းစားနေချိန်တိုင်းမှာလိုလို၊
ကျုပ်ခေါင်းထဲကိုဝင်လာတတ်တဲ့အတွေးတစ်ခုရှိတယ်ဗျ။
အဲဒီအတွေးကတော့..၊ကျုပ်တို့တိုင်းပြည်ကြီးကို၊ဟိုးလွန်ခဲ့တဲ့
အနှစ်ငါးဆယ်ကျော်လုံးလုံး၊ခေတ်မီဖွံ့ဖြိုးတိုးတက်သောနိုင်ငံတော်သစ်ကြီးဆီသို့
ဆိုတဲ့ဧရာမဆောင်ပုဒ်ကြီးတွေနေရာအနှံ့ချိတ်ပြီး၊ကောင်းမယ်ထင်လို့
လုပ်ခဲ့ကြပါတယ်ဆိုတဲ့၊အဘများဟာ၊
“တိုင်းပြည်ထူထောင်နည်းကို၊ကျုပ်ပဲပြုတ်ပြုတ်နည်းလေ့လာသလို စနစ်တကျလေ့လာခဲ့ကြပါရဲ့လား။တိုင်းပြည်ကိုဘယ်လိုများ
ဦးဆောင်ဦးရွက်ပြုခဲ့ပါလိမ့်”ဆိုတာပါပဲ။
ဘာကြောင့်လည်းဆိုတော့၊အခုလက်ရှိမြန်မာပြည်အခြေအနေဟာ၊
ပဲမပြုတ်တတ်တဲ့သူပြုတ်ထားတဲ့ပဲပြုတ်အိုးကိုမြင်နေရသလိုဖြစ်လို့ပေါ့ဗျာ။
ကျုပ်စကားအပေါ်..၊”ငါတို့ဟာစစ်ဦးစီးမှူးတွေ၊ဗိုလ်မှူးကြီးတွေ၊ဗိုလ်ချုပ်၊
ဗိုလ်ချုပ်ကြီးတွေဖြစ်တယ်၊ငါတို့မတတ်တာဘာမှမရှိဘူး”ဆိုပြီးနာသာခံခက်
အမျက်ထွက်ပြီး၊မကျေမချမ်းခွန်းတုန့်ပြန်မဲ့၊အဘတွေ၊အဘများရဲ့နောက်တော်ပါတွေ
ရှိကောင်းရှိနိုင်ပါတယ်။
ဆန္ဒမစောကြပါနဲ့။လူကြီးမင်းများအနေနဲ့ကျုပ်ကိုနှုတ်လှန်ပြန်မထိုးခင်၊
အနီးနားမှာရှိတဲ့ကုန်စုံဆိုင်တစ်ဆိုင်ဆိုင်ကေ၊နစားတော်ပဲအစိတ်သားလောက်
ဝယ်ပြီးကိုယ်တိုင်ပြုတ်ကြည့်ကြစေလိုပါတယ်။
ထွက်လာတဲ့အဖြေကိုကြည့်ပြီးမှစကားရှေ့ဆက်သင့်ရင်ဆက်ကြတာပေါ့ဗျာ။