၎ ဒီဇင်ဘာ ၂၀၁၅နေ့ထုတ်စောင့်ကြည့်ဂျာနယ်မှ။
မိစုဝေ၊ဝဋ်ကြွေးကုန်ပါစေသတည်း
(မင်းဒင်)
(၁)
(၁၉၆၂)ခုနှစ်ဝန်းကျင်၊လွန်ခဲ့သောနှစ်ပေါင်းငါးဆယ်ကျော်၊
ကျွန်တော့်အသက်လေးနှစ်အရွယ်ခန့်တွင်၊ကျွန်တော်တို့မိသားစု
ရန်ကုန်မြို့၏ဆင်ခြေဖုံးဆင်းရဲသားရပ်ကွက်တစ်ခုသို့ပြောင်းရွှေ့
အခြေချခဲ့ရခြင်းမှာ၊ပြည်တွင်းစစ်၏နောက်ဆက်တွဲအကျိုးဆက်၊
နယ်မြေမအေးချမ်းခြင်းနှင့်ကျေးလက်နေပြည်သူများစားဝတ်နေရေး
ဆင်းရဲကြပ်တည်းခြင်းတို့ကြောင့်ဖြစ်ပါသည်။
ဤသည်နှင့်တစ်ဆက်တည်းပင်၊ကျွန်တော့်ငယ်ဘဝသည်
ခက်ခဲကြမ်းတမ်းသည်ဟုဆိုနိုင်ပါ၏။
ဥမမယ်စာမမြောက်အသက်ရှစ်နှစ်သားအရွယ်ကပင်၊
လမ်းဘေးမှာဈေးဗန်းချ၍သရက်သီးဆားရည်စိမ်ရောင်းခဲ့ရဖူးသည်။
ဖရဲသီးဗန်းကိုခေါင်းပေါ်တင်၍နေပူစပ်ခါးတွင်တစ်နေကုန်
လည်ရောင်းရင်း၊အရင်းငွေမရမီ၊ဖရဲသီးဗန်းမှောက်၍ဝမ်းနည်း
ပက်လက်ဖြစ်ရကာ၊၊ရှိုက်ကြီးတငင်ငိုကြွေးခဲ့ရဖူး၏။
ထိုစဉ်ကကြုံတွေ့ခဲ့ရသည့်၊ပတ်ဝန်းကျင်၏အထင်သေးနှိမ်ချသော
အကြည့်၊ဆင်းရဲချမ်းသာလူတန်းစားခွဲခြားသည့်အပြုအမူတို့ကို
ခံစားခဲ့ရသည်ဖြစ်ရာ၊ယင်းတို့သည် ကျွန်တော့်စိတ်သဏ္ဍန်တွင်၊ ယနေ့တိုင်ဖျောက်ဖျက်မရသည့်စိတ်ဒဏ်ရာများအဖြစ်ကျန်ရစ်ခဲ့သည်။
ကျွန်တော်တို့နိုင်ငံမှာစနစ်အမှားကြီးကြောင့်ယနေ့တိုင်ဆင်းရဲ
မွဲတေမှုပြဿနာကြီးမားနေဆဲဖြစ်ရာ၊မြန်မာပြည်သူအများစုမှာကျွန်တော်ကဲ့သို့ပင်၊စိတ်ဒဏ်ရာအသီးသီးရှိနေနိုင်သည်။
ယင်းစိတ်ဒဏ်ရာအခံကြောင့်ပင်ဖြစ်ဟန်တူ၏။ကျွန်တော်သည်
သတင်းစုံလှသောလူမှုကွန်ယက်မီဒီယာများတွင် မကြာခဏမြင်တွေ့နေရသည့်၊ကလေးသူငယ်များ၏ဘဝဆိုး
အဖြစ်ဆိုးတို့ကို၊မြင်တွေ့ဖတ်ရှုလိုစိတ်မရှိချေ။
ပင်ကိုယ်သတ္တိမနည်းလှသောကျွန်တော်သည်၊ ရပ်ထားသောကားတစ်စီးရှေ့တွင်
ဆော့ကစားနေသောသုံးနှစ်သားကလေးငယ်တစ်ဦးကို၊
သတိမထားမိသည့်ယာဉ်မောင်း(ကလေးငယ်၏ဖခင်သို့မဟုတ်
မိခင်ဖြစ်နိုင်သည်)က၊ရုတ်တရက်ကားကိုမောင်းထွက်လိုက်သည့်
အတွက်၊အဆိုပါကလေးငယ်၊ကားဘီးအောက်သို့ရောက်ရှိသွားခဲ့သည့်
ဗီဒီယိုဖိုင်မျိုးကိုအဆုံးတိုင်အောင်ကျွန်တော်မကြည့်နိုင်ပဲ၊
ပိတ်ပစ်ခဲ့ရဖူးသည်။
(၂)
ထိုသို့ရှောင်လွှဲနေသည့်ကြားမှပင်လွန်ခဲ့သောရက်သတ္တတစ်ပတ်ခန့်က၊
လူမှုကွန်ယက်မီဒီယာများတွင်၊အုတ် အော်သောင်းနင်းဖြစ်ခဲ့သည့်၊
ကလေးငယ်တစ်ဦး၏စိတ်မချမ်းမြေ့ဖွယ်အဖြစ်ဆိုးသတင်းကို၊
ကျွန်တော်ပက်ပင်းဖတ်မိလျက်သားဖြစ်နေခဲ့ရာ၊ယင်းဖြစ်ရပ်
အကျဉ်းချုပ်မှာအောက်ပါအတိုင်းဖြစ်၏။
ရန်ကုန်မြို့၊ဗဟန်းမြို့နယ်ဆရာစံရပ်ကွက်ရှိအိမ်ကြီးအိမ်ကောင်း
တစ်လုံးတွင်၊မစုဝေအမည်ရှိအသက်ရှစ်နှစ်အရွယ်မိန်းကလေးငယ်
တစ်ဦး၊နေပူထဲတွင်လက်ပြန်ကြိုးတုပ်နှောင်လျက်၊ညှင်းပန်းနှိပ်စက်
ခံနေရကြောင်း၊အနီးနေအမြင်မတော်သူတစ်ဦးက၊ဖေ့စ်ဘွတ်တွင်
စတင်ဖော်ပြသည်။
ယင်းသတင်းဓာတ်ပုံကြောင့်၊အများပြည်သူစိတ်ဝင်တစားဖြစ်လာသည့်
အခါ၊သက်ဆိုင်ရာအဖွဲ့အစည်းများက၊အဆိုပါအိမ်ကြီးဆီသို့၊
ဝင်ရောက်စုံစမ်းမေးမြန်းရာ၊အိမ်ရှင်အမျိုးသမီး၏ဖြေကြားချက်အရ၊
အဆိုပါကလေးငယ်နှင့်ယင်းကိုရိုက်နှက်သူအိမ်အကူအမျိုးသမီးမှာ၊
၎င်းအိမ်တွင်မရှိတော့ကြောင်း၊တောင်ငူမြို့သို့ပြန်သွားပြီဖြစ်ကြောင်း
၊ဖြေကြားခဲ့သည်။အဖြစ်မှန်မှာအဆိုပါအိမ်အကူနှင့်ညှင်းပန်းခံရသော
ကလေးငယ်တို့မှာ၊ယင်းအချိန်၌ယင်းနေအိမ်အတွင်းတွင်ပင်ရှိနေသည်။
နောက်တစ်ရက်အကြာတွင်၊တပ်မတော်သားလွှတ်တော်
ကိုယ်စားလှယ်ဖြစ်သောအိမ်ရှင်ဗိုလ်မှူုးကိုယ်တိုင်၊ကလေးငယ်နှင့်
အိမ်အကူကိုသက်ဆိုင်ရာအပိုင်ရဲစခန်းသို့၊လာရောက်အပ်နှံကာ၊
အိမ်အကူကိုအမှုဖွင့်သည်ဟုဆိုသည်။
နောက်ဆက်တွဲမီဒီယာသတင်းများအရ၊တောင်ငူသို့ပြန်ပို့လိုက်ပြီ
ဆိုသောအိမ်အကူနှင့်ကလေးငယ်မှာ၊(သက်ဆိုင်ရာအဖွဲ့အစည်းများ
လာရောက်မေးမြန်းစုံစမ်းပြီးချိန်နောက်ပိုင်းမှ)၊ရန်ကုန်တိုင်းမင်္ဂလာဒုံမြို့နယ်၊ကျူချောင်းကျေးရွာသို့တိမ်းရှောင်ပုန်းခိုနေခဲ့ခြင်းသာဖြစ်ကြောင်း၊
ကလေး၏မိဘများသို့၊ကျပ်ငွေဆယ်သိန်းပေးအပ်၍ကလေးငယ်အား
အမွေစားအမွေခံခွင့်မရှိသောစာချုပ်ဖြင့်မွေးစားခဲ့ခြင်းသာဖြစ်ကြောင်း၊
၎င်းကလေးငယ်မစုဝေမှာ၊မြိတ်မြို့နယ်စစ်မြေပြင်အင်ဂျင်နီယာတပ်ရင်း
(၉၁၈)မှတပ်သားသန်းဦး၊အမိခေါ်သန္တာချိုတို့၏ရင်သွေးဖြစ်ကြောင်း၊
(တပ်သားသန်းဦးမှာဖခင်အရင်းမဟုတ်)သိရှိရပြန်သည်။
။နောက်ဆုံးရသတင်းအရကလေးငယ်မှာရန်ကုန်ဆေးရုံကြီးတွင်
တက်ရောက်ကုသနေရပြီး၊စိတ်ပိုင်းဆိုင်ရာထိခိုက်မှုများခံစားနေ
ရကြောင်းအဆိုပါအမှု၏တရားခံဟုစွပ်စွဲခံရသူအိမ်အကူအား
အာမခံပေးလျက်၊နစ်နာသူကလေးငယ်၏မိဘနှစ်ပါးအားအိမ်ရှင်
ဗိုလ်မှူးနှင့်ဇနီးမှနစ်နာကြေးငွေကျပ်သိန်းတစ်ရာပေးလျက်၊
အမှုကိုကြေအေး၊ငြိမ်းသတ်နိုင်ခဲ့ရန်ကြိုးပမ်းနေသည်ဟုဆိုပါ၏။
(၃)
အထက်ပါဖြစ်စဉ်တွင်၊ကျွန်တော်မကျေလည်သောအချက်များစွာရှိပါသည်။
အိမ်ရှင်ဗိုလ်မှူးကတော်အနေဖြင့်မိမိအိမ်တွင်အိမ်အကူနှင့်
ကလေးငယ်အားဝှက်ထားသည်ကိုသက်ဆိုင်ရာစခန်းမှူးကိုယ်တိုင်
စပီကာဖွင့်ထားသောလက်ကိုင်ဖုန်းမှတစ်ဆင့်ကြားသိနေပါလျက်၊
ယင်းဖြစ်ရပ်မှန်ကိုအမှုတွင်ထည့်သွင်းစဉ်းစားဟန်မရှိခြင်း၊
အမွေးစာအမွေခံခွင့်မရှိသောမွေးစားစာချုပ်ဟူသည်အစစ်အမှန်ပေလော။
ဖုတ်ပူမီးတိုက်၊အပူတပြင်းတက်သုတ်ရိုက်ဟန်ပြချုပ်ဆိုသည့်
ခါတော်မီစာချုပ်ပေလော။အိမ်အကူကအိမ်ရှင်ကိုကျော်လွန်၍၊
အိမ်ရှင်၏မွေးစားကလေးငယ်ကိုနှိပ်စက်ကလူပြုဝံ့ပါမည်လော။
ကလေးသူငယ်နှိပ်စက်ညှင်းပန်းခြင်း၊လူကုန်ကူးခြင်းစသည့်ပြစ်မှုဆိုင်ရာ
ဥပဒေများဖြင့်ပင်ငြိစွန်းနေသည့်ဤအမှုကိုလျော်ကြေးငွေဖြင့်
၊လေးဆယ့်ရှစ်နာရီခန့်အတွင်း၊ပြေငြိမ်းနိုင်ခြင်းမှာတရားနည်းလမ်း
ကျပါ၏လောစသည့်အတွေးပေါင်းသောင်းခြောက်ထောင်သည်၊
ယခုရက်များတွင်ကျွန်တော့်စိတ်အစဉ်ကိုအချိန်ပြည့်လွှမ်းမိုးလျက်ရှိ၏။
ကျွန်တော်သည်မွေးဖွားသည့်နေ့မှယနေ့အချိန်အထိ
ဘဝတစ်လျှောက်လုံးခေတ်ဆိုးစနစ်ဆိုးကြီးကို၊ဖြတ်သန်းလာခဲ့သူဖြစ်၍
အဆိုပါအမှုတွင်အထက်ပါအတိုင်းလျော်ကြေးဖြင့်ကြေအေးသည့်
အဆင့်အထိ၊ကံကြမ္မာကိုယိုးမယ်ဖွဲ့ခွင့်လွှတ်နားလည်နိုင်ပါ၏။သို့သော်..၊
ထိုသို့သော်ကား၊အဆိုပါကလေးငယ်သည်၊အခြင်းပြစ်မှုဖြစ်ပွားခဲ့ရာ၊
ဗိုလ်မှူး၏နေအိမ်သို့ပြန်လည်ပို့ဆောင်နေထိုင်လျက်ရှိပြီဟူသောအချက်ကြောင့်ဖြစ်၏။လူမှန်လျှင်ဦးနှောက်နှင့်နှလုံးသားပါရှိကြပြီးဖြစ်ပါသည်။
လူမဆန်စွာညှင်းပန်းနှိပ်စက်ခံခဲ့ရသောထိုကလေးငယ်သည်
ဤမျှရက်စက်ဆိုးဝါးလှသောပြစ်မှုကြီးဖြစ်ပွားခဲ့ရာနေအိမ်သို့၊
အဘယ်သို့လျှင်ပျော်ပိုက်စွာပြန်လိုပါအံ့နည်း။
ထိုသို့မိမိတို့နေအိမ်တွင်ပြန်လည်ခေါ်ဆောင်ထားရှိသော
အိမ်ရှင်တို့အနေဖြင့်၊၎င်းတို့အားအရှက်တကွဲအကျိုးနည်းဖြစ်စေသည့်
ဤကလေးငယ်အား၊သွေးရိုးသားရိုးသဘောဖြင့်ခေါ်ဆောင်ခြင်းဖြစ်နိုင်
ပါသလော။အ လွန်ရိုးစင်း သော၊စာနာစိတ်ရှိသော၊ သဘောရိုးရှိသောလူသားတိုင်းအလွယ်တကူတွက်ထုတ်
အဖြေရှာနိုင်သောပုစ္ဆာဖြစ်ပါသည်။
ထို့ပြင်အဘယ်အောက်ခြေအဆင့်တပ်သားသည်၊ဗိုလ်မှူးအဆင့်
တပ်မတော်အရာရှိ၏သြဇာအာဏာကိုလွန်ဆန်၍ မိမိတို့၏ရင်သွေးကိုပြန်လည်ခေါ်ဆောင်လိုသည်ဟုတောင်းဆိုဝံ့
ပါမည်နည်း။
ကျွန်တော်တစ်ဦးတည်း၏အမြင်အရသုံးသပ်ရလျှင်ယင်းဖြစ်စဉ်ပါ၊
မှူး၏အစီအမံနှင့်ဇယားခင်းမှုများမှာ၊အမှုကိုပျက်ပြယ်ဝေဝါးသွားစေရန်
ဖန်တီးမှုတို့သာဖြစ်နိုင်ပါသည်။
(၄)
ကျွန်တော်တို့တိုင်းပြည်တွင်တပ်မတော်သားများပြစ်မှုတစ်စုံတစ်ရာ
ကျူးလွန်လျှင်၊မှုန်ဝါးပျောက်ကွယ်သွားတတ်သည်ကများပါသည်။
ခိုင်မာသောဥပမာတစ်ရပ်ပြပါဆိုလျှင်၊မကြာသေးမီလပိုင်းများကဖြစ်ပွား
ခဲ့သည့်ကျန်းမာရေးချို့ တဲ့နေသောရှစ်နစ်အရွယ်မိန်းကလးငယ်အား မုဒိန်းကျင့်ခဲ့သော သက်ငယ်မုဒိန်းမှုဖြင့် စစ်ဆေး ခံနေရသူ စစ်သားနေဝင်းအောင်ကို (၁၁၊၁၁၊၂၀၁၅)ရက်နေ့က စစ်ဖက်တရားရုံးမှ ထောင်ဒဏ်တစ်နှစ် မှတ်လိုက်သော သတင်းဖြစ်ပါသည်။
အဆိုပါကနဦးပြစ်ဒဏ်မှာစစ်ဖက်ဆိုင်ရာတရားရုံးမှချမှတ်ထားသော
ပြစ်ဒဏ်သာဖြစ်သည်ဟုဆိုသော်ငြား၊ယင်းအမှုတွင်အဓမ္မပြုကျင့်ခြင်း
ခံရသောကလေးငယ်မှာ၊ယင်းဖြစ်ရပ်၏အကျိုးဆက်ကြောင့်ပင်
သေဆုံးသွားခဲ့ရပြီဖြစ်ရာ၊စစ်ဖက်ဆိုင်ရာတရားရုံး၏ဆုံးဖြတ်ချက်မှာ၊
မည်သည့်နည်းနှင့်မျှတရားသည်။လျော်ကန်သည်ဟုယူဆနိုင်ရန်
အကြောင်းမရှိချေ။
ထို့သို့စစ်သားများပြစ်မှုကျူးလွန်ခြင်းကို၊ဇွတ်အတင်းသက်ညှာ
ခွင့်ပေးတတ်သည့်စစ်တပ်အကြီးအကဲတို့သည်၊၎င်းတို့နှင့်ပတ်သက်
လာလျှင်မူ၊ဖေ့စ်ဘွတ်ပေါ်တွင်ဓာတ်ပုံတင်ရုံမျှဖြင့်၊အငြိုးတကြီးချက်ချင်း
အမှုဖွင့်အရေးယူစေးကာ၊အချုပ်လွတ်ထုချေခွင့်မရအောင်လိုက်လံ
ပိတ်ဆို့သည်အထိ၊အာဃာတကြီးကြသူများဖြစ်ပါသည်။
သူတို့သည်အတိုက်အခံပါတီခေါင်းဆောင်အားမောင်နှင့်နှမ၊
သားနှင့်အမိမမြင်အပ်သည်ပုံများဖြင့်၊ဖန်တီးလုပ်ကြံတိုက်ခိုက်ခြင်း ကိုမူ၊မသိကျိုးကျင်ရေငုံနှုတ်ပိတ်နေတတ်ကြပြန်ပါသည်။
လက်ရှိစစ်တပ်ကြီးတွင်ခေတ်မီပညာတတ်များဖြင့်ဖွဲ့စည်းအပ်သော
မဟာဗျူဟာမြောက်ဝါဒဖြန့်ချိရေးယန္တယားကြီးတစ်ရပ်ရှိသည်ဟု
၊လောကုတ္တရာအမြင်များဖြင့်စာပေနယ်တွင်ထင်ရှားသည့်
တပ်မတော်အရာရှိဟောင်းတစ်ဦးက၊အခိုင်အမာဆိုပါသည်။
ယင်းဝါဒဖြန့်ချိရေးယန္တယားကြီးသည်၊ငွေကြေးအမြောက်အများ
အကုန်အကျခံလျက်လူမှုကွန်ယက်မီဒီယာအသီးသီးတွင်၊
အကြီးအကျယ်ဖြန့်ကျက်စိုးမိုးကာ၊“တိုင်းပြည်ရှိရင်စစ်တပ်ရှိရမယ်။
စစ်သားကိုမပြစ်မှားနဲ့။စစ်သားတွေမရှိရင်တိုင်းပြည်ဘာဖြစ်သွားမယ်
ထင်သလဲ။စစ်သားတွေဟာပြည်သူလူထုရဲ့ကျေးဇူးရှင်တွေဖြစ်တယ်”
စသည်ဖြင့်တွင်တွင်ကြီးဝါဒဖြန့်ချိကြပါသည်။
(၅)
စင်စစ်ကျွန်တော်အပါအဝင်မြန်မာလူထုအများစုသည်စစ်တပ်ကိုမမုန်း၊
စနစ်ဆိုးကိုမုန်းကြသူများသာဖြစ်ပါသည်။၊ယင်းစနစ်ဆိုးကိုဖန်တီး
တည်ဆောက်ခဲ့ကြသောစစ်ခေါင်းဆောင်များ၊ စနစ်ဆိုးကို ကာကွယ်နေသူများကိုသာ မုန်း တီးကြခြင်းဖြစ်ပါသည်။
လူတန်းစေ့မနေရပဲ၊စစ်ပွဲများတွင်အသက်နှင့်ရင်း၍တိုက်ပွဲဝင်နေရသည့်၊
စစ်သည်တော်ကျင့်ဝတ်နှင့်ညီညွတ်သည့်မည်သည့်အဆင့်စစ်သားမဆို
လူထုအနေဖြင့်လေးစားကြည်ညိုနေမည်သာဖြစ်ပါသည်။
ယခုဆိုခဲ့သောမစုဝေကလေး၏အမှုတွင်တပ်မတော်လွှတ်တော်
ကိုယ်စားလှယ်စစ်ဖက်အရာရှိတစ်ဦးသည်အဓိကနေရာမှ
ပါဝင်ပတ်သက်လျက်ရှိနေပါသည်။စစ်တပ်အနေဖြင့်ပြည်သူနှင့်
မျက်နှာချင်းဆိုင်ရသောအမှုခြင်းရာ၊မျက်နှာစာတစ်ခုဖြစ်၍
စစ်ဖက်ဆိုင်ရာစည်းမျဉ်းများနှင့်အညီကိုင်တွယ်ဖြေရှင်းရန်
အထူးလိုအပ်သည်ဟုမြင်ပါသည်။
စစ်ဗိုလ်စစ်သားတိုင်းလူဆိုးမဟုတ်သဖြင့်၊ခြေမမကောင်းခြေမ၊
လက်မမကောင်းလက်မ၊ဖယ်ရှားအပြစ်ပေးအရေုးယူခြင်းဖြင့်
တပ်မတော်၏ဂုဏ်သိက္ခာကိုမြင့်တက်စေသင့်ပါသည်။ကျောသား
ရင်သားမခွဲခြားခြင်းဖြင့်တပ်မတော်၏ကြီးမြတ်သောဂုဏ်ကိုဖော်ဆောင်
သင့်ပါသည်။
အချုပ်အားဖြင့်ဆိုရလျှင်မစုဝေ၏အနာဂတ်သည်တိုင်းပြည်၏
အနာဂတ်နှင့်ဆက်စပ်နေပါသည်။ထို့ကြောင့်ယင်းအမှုကိစ္စအပေါ်
တည်ဆဲဥပဒေများအရအများမြင်သာသည့်မှန်ကန်မျှတသော
စီရင်ဆုံးဖြတ်ချက်တစ်ရပ်ထွက်ပေါ်လာစေရန်၊မိစုဝေ၏ဘဝရှေ့ခရီး
ချောမွေ့အဆင်ပြေစေရန်ယဉ်ကျေးသောလူအဖွဲ့အစည်းတစ်ခုလုံးတွင်
တာဝန်ရှိပါသည်။
ကျွန်တော်အပါအဝင်ပြည်သူလူထုတစ်ရပ်လုံးတွင်တာဝန်ရှိပါသည်။
ထို့ထက်ပိုမိုမြန်ဆန်ထိရောက်စေရန်မူကား၊ကာကွယ်ရေးဦးစီးချုပ်
အနေဖြင့်ထိရော်စွာကိုင်တွယ်ဖြေရှင်းရန်(သို့မဟုတ်)သမ္မတကြီး
အနေဖြင့်အဆိုပါကလေးငယ်၏အေးချမ်းသောအနာဂတ်ကို
အခိုင်အမာတာဝန်ယူပေးရန်ဖြစ်ပါသည်။
ချစ်ခြင်းမုန်းခြင်းမပါ။မိစုဝေကလေးနောက်တကြိမ်ရေတိမ်ထပ်မနစ်စေရန်
သာရည်ရွယ်လျက်ဤစာကိုရေးပါသည်။သမီးငယ်၊မိစုဝေ၊ငြိမ်းအေးသော
အသိုက်အမြုံတွင်ခိုလှုံနိုင်ပါစေသတည်း။
ဝဋ်ကြွေးကုန်ပါစေသတည်း။ ။