ဖူးခက်မြို့ရောက်အမတ်မင်းများနှင့်၊
အနာကင်း၍အဆင်းလှစေချင်သောကျွန်ုပ်
(မင်းဒင်)
(တစ်)
ရာသီဥတုသာယာသောနံနက်ခင်းတခုဟုဆိုနိုင်၏။နေထန်းတစ်ဖျားခန့်
ရှိလေပြီ။ဖူးခက်နိုင်ငံတကာလေဆိပ်ကောင်းကင်ယံမှ(Air Bus A-380)လေယာဉ်ကြီးတစ်စီး၊လေယာဉ်ပြေးလမ်းအတိုင်းဝေါကနဲ
ထိုးဆင်းလာလေရာ၊ ကျွန်ုပ်သည်၊လေယာဉ်နှင့်အနီးဆုံးနေရာသို့ ၊လေကဲ့သို့သောအဟုန်ဖြင့်၊ဝှစ်ကနဲလျင်မြန်စွာအပြေးရောက်ရှိသွားလေ၏။
ဖူးခက်မြို့တော်ဝန်အပါအဝင်ထိုင်းလူမျိုးမျက်နှာကြီးလူဂုဏ်ထံများနှင့်
သတင်းထောက်လူအုပ်ကြီးမှာကျွန်ုပ်နောက်မှဒရောသောပါးပြေးလိုက်လာကြရာ၊
ယင်းလူအုပ်ကြီးတွင်ကျွန်ုပ်၏တပည့်ကျော်များလည်းပါဝင်လေသည်။
“ဟာ၊တို့ဆြာ၊မြန်ပုံသွက်ပုံကတော့ ဂျိန်းစ်ဘွန်းမင်းသားဒန်နီယယ်ခရစ်တောင်၊သူ့ကိုလိုက်မမီနိုင်ဘူးဟေ့”
“အေးလေ၊အဆီပိုဆိုလို့တစ်ကျပ်သားမှမရှိအောင်လေ့ကျင့်ထားတော့၊
တို့လိုလူပျိုပေါက်တွေက၊လျှာထွက်အောင်နောက်ကလိုက်နေရပြီလေ”
တပည့်တို့၏ချီးမွမ်းသံတို့ကိုကျွန်ုပ်ကောင်းစွာကြားနေသော်ငြား၊
ကျွန်ုပ်အလေးဂရုမပြုအားလေ။လေယာဉ်ကြီးပေါ်မှဆင်းလာနေသည့်
ဧည့်သည်တော်များကိုတစ်ဦးချင်းပြုံးရွှင်စွာလက်ဆွဲနှုတ်ဆက်နေရ၏။
ဧည့်သည်တော်တို့ကား၊ကျွန်ုပ်ကိုယ်တိုင်၊ဂုဏ်ပြုဖိတ်ကြားအပ်သည့်၊
အမိနိုင်ငံ၏အနိုင်ရပါတီကြီးများမှအမတ်မင်းများဖြစ်ကြကုန်၏။
ပင်နီအင်္ကျီကိုယ်စီနှင့်ပဏာရကြပါပေသည်။သို့သော်….၊
အများစုမှာအသက်အရွယ်အားဖြင့်ကျွန်ုပ်နှင့်မတိမ်းမယိမ်းဖြစ်ကြသော်ငြား၊
အိုစနာကျလှ၏။ခေါင်းဆောင်အမတ်မင်းကိုရှုပါလေ။ဗိုက်ပူလွန်းရုံမက
ရွှဲသည်ဟုပါဆိုနိုင်၏။မျက်နှာမှာခပ်အစ်အစ်ဖြစ်၍သွေးတိုးဝေဒနာရှင်မှန်း
၊ရိုက်မစစ်ပဲသိနိုင်လေသည်။အချို့ကားအသားအရည်မစိုပြေ၊
မွဲခြောက်ခြောက်နှင့်ဖြစ်၍ဗီတာမင်ချို့တဲ့နေသည့်လူမမာရုပ်ပေါက်
နေကြ၏။
မပိန်မဝခန္ဓာကိုယ်အနေတော်အရွယ်အစားရှိသူတို့မှာလည်းလေးကန်
ထိုင်းမှိုင်းသည့်ပုံစံနှင့်ချည်းဖြစ်၏။အမျိုးသမီးအမတ်တို့သည်လည်း
ဤနည်းနှင်နှင်၊ပူသောဗိုက်ကိုယ်စီနှင့်ရှိ၏။
ကျွန်ုပ်သက်ပြင်းကိုဟင်းကနဲချရင်း၊ဧည့်သည်တော်များအား
လေဆိပ်အဝင်ဝရှိအကောင်းစားဧည့်ကြိုကားများ ပေါ်သို့ပို့ဆောင်ရင်း၊
တပည့်ကျော်ကပ္ပလီအားလိုအပ်သည်များကိုမှာကြားနေရသည်။
(နှစ်)
“ဟေ့၊မောင်ကပ္ပလီ။ဒီဧည့်သည်တော်တွေကို(Amanpuri Hotel)ကိုပို့ပါကွဲ့။လိုလေသေးမရှိပါစေနဲ့ကွယ်”
ကျွန်ုပ်၏စကားအဆုံးတွင်တပည့်ကျော်ကပ္ပလီငယ်မှာအံ့အားသင့်လွန်း
လှသဖြင့်၊ပါးစပ်ပေါက်သည်ပင်တစ်ထွာကျော်ကျော်ခန့်
အဟောင်းသားပွင့်သွားသည်ဟုထင်ရသည်။
“ဗျာ။ဆြာ။အဲဒီဟိုတယ်ကတကယ့်ထိပ်တန်းဧရာမဟိုတယ်ကြီးနော်။
တစ်ညတည်းရင်ဒေါ်လာသောင်းချီကျတာ။ဆြာဖိတ်ထားတဲ့
ဧည့်သည်တွေကလေးရာနီးပါးဆိုတော့……”
“ကဲပါမောင်ကပ္ပလီရယ်။အဲဒီဟိုတယ်ဟာဦးတေဇလိုလူမျိုးမှတည်းနိုင်တယ်
ဆိုတာဆြာသိပြီးသားပါ။ရော့၊ဒီမှာ..၊ဆြာ့ခရက်ဒစ်ကပ်။မောင်ရင်သာကြည့်ပြီး
အဆင်ပြေအောင်လုပ်လိုက်ပေတော့။(Luxury)အခန်းတွေမှာချည်း
နေရာချပေးနော်။ပိုင်ရှင်သူဌေးမေးရင်မင်းတို့ဆြာကျုပ်နာမည်ကို
ပြောလိုက်လကွဲ့”
“ခနလေးပါဆြာ။ဒီလေယာဉ်ကြီးကိုစင်းလုံးငှားပြီးဖူးခက်ကိုအလည်လာဖို့
ဘယ်လိုမီလျံနာကများစပွန်ဆာပေးလိုက်ပါလိမ့်၊တည်းမဲ့ဟိုတယ်ကလည်း
တကဲ့ဒိတ်ဆိုတဲ့အစားထဲက…..”
“သြော်၊စပွန်ဆာကဘယ်သူရှိရမလဲမောင်ရဲ့။မင်းတို့ဆြာပေါ့။
တိုင်းပြည်အတွက်နှစ်ပေါင်းများစွာကိုယ်ကျိုးစွန့်ခဲ့တဲ့ သူတွေပဲကွယ်။ ကိုယ်တတ်နိုင်တဲ့ဘက်ကချီးမြှောက်ရမယ်လေ။လေယာဉ်စင်းလုံးငှား
တာကလည်းတယ်မခက်လှပါဘူးလေ။အခုစင်းလုံးငှားလေယာဉ်ဟာ
ယူရိုပီယံကုမ္ပဏီကထုတ်တဲ့(Air Bus A-380)နှစ်ထပ်လေယာဉ်ကွဲ့။ အခုလောလောဆယ်တကမ္ဘာလုံးမှာ(၁၇၃)စီးပဲထုတ်ရသေးတာ။
ခရီးသည်(၈၀၀)ကျော်အထိဆန့်တယ်လေ”
“ဗျာ”
“မောင့်မလဲ..တဗျာဗျာနဲ့တယ်အာရုံများသကိုး။လောကကြီးမှာငွေဟာ
တယ်ပြီးအဓိကမကျလှဘူးကွဲ့။အင်း…၊စင်္ကာပူမြို့ပြလေကြောင်းအာဏာပိုင်
ဥက္ကဋ္ဌဟာဆြာ့မိတ်ဆွေရင်းဆိုတော့၊ငှားရပြုရတာပိုလွယ်သပေါ့။
ကဲ၊ကဲ၊သွားပေတော့။ဟိုမှာကားတွေရပ်စောင့်နေတာအားနာစရာ”
(သုံး)
တပည့်ကျော်ကပ္ပလီတစ်ယောက်ကျွန်ုပ်၏အပါးမှထွက်ခွာသွားချိန်တွင
ဧည့်သည်တော်တို့အတွက်လိုအပ်သည်တို့ကို၊ဖေကြည်ငယ်အား
အသေးစိတ်မှာကြားရပြန်သည်။
“မောင်ဖေကြည်ရေ။ဖူးခက်ကမ်းခြေမှာရပ်ထားတဲ့(Royal Caribbean)ဇိမ်ခံသင်္ဘောကြီးကိုကြိုပြီးဘွတ်ကင်သွား ချိတ်ထား
ပါ ကွယ်။ဧည့်သည်တွေနေ့လယ်စာအတွက် အဘက်ဘက်ကဒေါင့်စေ့အောင်စီမံလိုက်ပေတော့”
“အမလေး။ဆြာဧည့်ခံမဲ့နေရာကလည်း၊အဆင့်မြင့်လှချည့်လားဆြာ။
ဧကန္တတို့ဆြာလည်းဝန်ကြီးတစ်နေရာရာများ မှန်းနေလေရော့သလား”
“သြော်..။မောင်ဖေကြည်ရယ်။ငတို့တိုင်းပြည်ရဲ့အနာဂတ်ကောင်းကို
ထုဆစ်မဲ့ပုဂ္ဂိုလ်တွေမို့၊ဒိထက်တောင်ခန်းနားတဲ့နေရာမှာပြုစုချင်
ပါသေးတယ်မောင်ရယ်။လောကမှာရာထူးဂုဏ်သိမ်ထက်
အရေးကြီးတာတွေရှိသေးတယ်ကွဲ့ မောင်ရဲ့”
ဖေကြည်အားစကားစဖြတ်လျက်၊လေမင်းသားနှင့်အတူ၊ဖူးခက်မြို့တွင်း
ဆီသို့၊ကျွန်ုပ်ကိုယ်တိုင်ကားမောင်းရင်ပြန်ခဲ့လေရာ၊လေဆိပ်မှအပြန်
လမ်းတစ်လျှောက်၌ “အနိုင်ရပါတီအမတ်များအား၊ဖူးခက်မြို့မှ
လှိုက်လှဲစွာ ကြိုဆို ပါ၏”ဟူသောစာတန်းတို့မှာ၊ ကျွန်ုပ်၏ကားနောက်တွင်တရိပ်ရိပ်ကျန်ရစ်ခဲ့လေ၏။
ကျွန်ုပ်အိမ်သို့ရောက်လတ်သော်၊ဖောက်သည်များမှာကြားအပ်သော
စုံစီနဖာရောင်းကုန်ကားတစ်စီးတိုက်စာကိုတပည့်ကျော်
လေမင်းသားနှင့်အတူထုတ်ပိုးပြင်ဆင်လျက်ဖူးခက်မြို့အနှံ့
ပို့ဆောင်နေချိန်တွင်၊ဖေကြည်ငယ်ထံမှ ဖုန်းဝင်လာခဲ့၏။
“ဟယ်လို၊ဖေကြည်ပါဆြာ။ဆြာ့တပည့်ဧည့်သည်တွေနဲ့အတူဆြာဘွတ်ကင်
လုပ်ထားတဲ့(Royal Caribbean) ဇိမ်ခံသင်္ဘောကြီး
ပေါ်ကို ရောက်နေပြီဆြာ။အမလေးဆြာရယ်။
သင်္ဘောကြီးကကြီးကျယ်ခန်းနားလှပါဘိသနဲ့။အနည်းဆုံးတစ်ယောက်
အတွက်ညစာဆိုဒေါ်လာထောင်ချီကျမှာပဲနော်။ကြုံတုန်းကြုံခိုက်
တပည့်ပါဝင်ပြီးကုန်းဆင်းလိုက် မယ်နော်ဆြာ”
(လေး)
“ဟအကောင်၊နင့်သဘောရှိသာမြိုဆို့ပေတော့။ဒါနဲ့အားလုံး
အဆင်ပြေချောမောရဲ့လားတပည့်။ညစာကိုလည်းအဲဒီသဘောင်္ပေါ်မှာပဲ
ဧည့်ခံလိုက်။ညစာစားပြီးရင်နိုင်ငံတကာဧည့်သည်တွေဘယ်လိုဘယ်ပုံ
အပန်းဖြေကြတယ်ဆိုတာဗဟုသုတရလေအောင်၊နိုက်ကလပ်၊
လက်ဝှေ့ပွဲ၊လောင်းကစားဝိုင်းတွေရှိတဲ့ဆွိုင်ဘန်ဂလာလမ်းကိုလည်း ပို့ဖြစ်အောင်ပို့ပါတပည့်ရာ”
“ပြေတော့ပြေတယ်ဆြာ။ဒါပေမဲ့ဧည့်သည်တစ်ရာကျော်လောက်ကတော့
ခရီးပန်းလို့ဆိုလား။ရေပြောင်းမြေပြောင်းမို့ဆိုလား။ဟိုတယ်မှာပဲ
ကျန်ခဲ့ကြလေရဲ့။နောက်ပြီးတော့ဟို…၊ဟို..၊ဆွိုင်ဘန်ဂလာလမ်းကိုလည်း
သူတို့လိုက်နိုင်တော့မယ်မထင်ဘူးဆြာ။သူတို့ကြည့်ရတာအားလုံး
လိုလိုပျော့တိပျော့ဖတ်နဲ့…..”
ကျွန်ုပ်ခေါင်းကိုသာတဗျင်းဗျင်းကုတ်မိတော့၏။သို့သော်အားမလျှော့လေ။
နောက်တစ်နေ့နံနက်လင်းအားကြီးစောစောတွင်၊ဖူးခက်ကမ်းလွန်တဝိုက်မှ၊
ဂျိန်းစဘွန်း၊ဖီဖီစသည့်နာမည်ကျော်ကျွန်းများဆီသို့၊နောက်ဆုံးပေါ်ခေတ်မီ
သင်္ဘောကြီးများဖြင့်၊အပန်းဖြေလေ့လာရေးအတွက်၊တပည့်ကျော်
လေမင်းသားကိုစေလွှတ်ရပြန်သည်။
နာရီဝက်ခန့်အတွင်း၊ဖူးခက်ဆိပ်ကမ်းတစ်နေရာမှပြန်လည်းဆက်သွယ်လာသော
လေမင်းသား၏အသံသည်လည်း အားရစရာမရှိလှ။
“ဆြာရေ။ကိုယ်တွေလက်တွေကိုက်လို့ဆိုလား။ညကအိပ်ရေးပျက်လို့ဆိုလား။
အစားမှားလို့ဆိုလား။အခုဖီဖီကျွန်းကိုသွားမဲ့သင်္ဘောပေါ်မှာဆြာ့ဧည့်သည်
တဝက်တောင်မရှိဘူးခင်ဗျ။ပိုနေတဲ့သင်္ဘောတွေပြန်လွှတ်လိုက်ပြီဆြာ”
“အေး၊ကောင်းကွာ။ဟုတ်ပြီ။ဟုတ်ပြီ”
အေး၊ကောင်းကွာဆိုသည်ကွာဆိုသည်ကားသတိလက်လွတ်ရုတ်ခြည်း
ထွက်သွားသောအာမေဋိတ်ဖြစ်၏။ဟုတ် ပြီ၊ဟုတ်ဟူသည်ကား၊
ကျွန်ုပ်၏အသိဥာဏ်တွင်ကျည်ဆံဖင်ကိုမောင်းရိုက်တံ၊ချပ်ကနဲထိရာမှ
ဒိုင်းဟူသောအသံထွက်ပေါ်လာဘိသကဲ့သို့အကြံကောင်းတစ်ခု
ဝင်လာ၍ဖြစ်လေသည်တမုံ့။
(ငါး)
ကျွန်ုပ်၏အကြံကောင်းကိုချက်ချင်းပင်ဖမ်းဆုပ်ကာအကောင်အထည်ဖော်လိုက်ရ၏။
“ဟေ့၊မောင်ကပ္ပလီ။စင်္ကာပူလေကြောင်းကိုဖုန်းဆက်ပါကွယ်။တို့ဧည့်သည်တော်
တွေကိုပြန်ပို့မဲ့၊ဖူးခက်-ရန်ကုန်ခ ရီးစဉ်ကိုဖျက်ခိုင်းလိုက်ပါတော့”
“ဟာ။ဆြာကလည်းအပြန်ခရီးစဉ်ကိုဖျက်ပြီး၊ဒီလူအုပ်ကြီးကိုဖူးခက်မှာ တစ်သက်လုံးတင်ကျွေးထားတော့မလို့ လား”
“လျှာရှည်ချက်ကွာ။တလက်စတည်းဧည့်သည်တော်တွေရဲ့အပြန်ခရီးကို
ဖူးခက်-ရနောင်း ရန်ကုန်အထိ၊ခြေလျင် လျှောက်ပြန်နိုင်အောင် အသေးစိတ်စီစဉ်ကြပေတော့ကွာ”
“ဘယ်လိုကြီးပါလိမ့်ဆြာရယ်။ဆြာလုပ်လိုက်မှဖြင့်အဆန်းချည်းပါကလား”
“မဆန်းပါဘူးမောင်၊ဧည့်သည်တွေကြည့်ရတာ၊တကိုယ်ရည်ကြံ့ခိုင်မှု
အတော်နည်းပုံရသကွ။ကျန်းမာရေးလိုက်စားဖို့စိတ်ဝင်စားပုံမရဘူး။
ဒါကြောင့်သူတို့ကိုကြံ့ခိုင်ရေးစွမ်းရည်မြှင့်တင်တဲ့အနေနဲ့၊လမ်းလျှောက်ခိုင်းတာ
အကောင်းဆုံးပဲလေ”
“ပေါက်ပေါက်ရှာရှာတွေးတတ်ပါပေ့ဆြာရယ်”
“ဘယ့်နှယ့်ပေါက်ပေါက်ရှာရှာရမတုန်းမောင်ရယ်။ပြည်သူ့ပါတီကြီးကနေ
၊နိုင်ငံတကာကိုလွှတ်လိုက်သမျှအမတ်မင်းတွေကိုကြည့်လိုက်ရင်၊
ဗိုက်ရွှဲတာ၊ငါးကျည်းခြောက်ကျပ်တင်ထားတဲ့ပုံတွေနဲ့တော့
ဟန်မကျသေးဘူးလေ။အဘက်ဘက်ကချွတ်ခြုံကျနေတဲ့
တိုင်းပြည်ကို၊ဆယ်မကယ်တင်မဲ့သူများဟာ၊ဒေါင်ဒေါင်မြည်
ကျန်းမာရေးကောင်းနေရမယ်မဟုတ်လား။အသက်ကြီးတာ
အကြောင်းမပြလေနဲ့။ကြီးငယ်မဟူ၊အမြဲတက်ကြွဖျတ်လတ်နေမှဖြစ်မှ
မောင်ရဲ့။ပညာတတ်ရုံအမတ်အရွေးခံရရုံတိုင်းပြည်အပေါ်စေတနာထားရုံနဲ့
မပြီးဘူးလဟ။ထိုင်းအမတ်တွေကိုကြည့်မလား။နိုင်ငံတကာအမတ်တွေ
ကိုကြည့်မလား။အများစုဟာကြည့်လိုက်တာနဲ့ယုံကြည်ကိုးစား
လောက်တဲ့ကြံ့ခိုင်ဖျတ်လတ်မှုရှိနေကြတာလေ။အမေရိကန်သမ္မတကြီးဆို
တစ်နေ့နှစ်နာရီဆိုလား၊ အပြေးလေ့ကျင့်ရသတဲ့။”
“ဆြာပြောတော့လည်းဟုတ်သလိုလိုပါပဲ။ဒါနဲ့ဖူးခက်ကနေရနောင်း၊
ရနောင်းကနေရန်ကုန်ကိုလမ်းလျှောက်ကြ တော့လမ်းမှာ
အစားအသောက်ကိစ္စဘယ်လိုစီစဉ်ကြမတုန်းဆြာ”
(ခြောက်)
တပည့်ကျော်ကပ္ပလီပူပန်သည့်ကိစ္စအတွက်၊ကျွန်ုပ်တွင်အဖြေ
အဆင်သင့်ရှိနှင့်နေ၏။
“ဟ။အစားလည်းဆေး၊ဆေးလည်းအစာတဲ့။အများအကျိုးသယ်ပိုးမဲ့
အမတ်ဖြစ်နေပြီဆိုမှတော့ကိုယ်သွားမဲ့အရပ်၊၊ကိုယ်နဲ့သင့်တော်
လိုက်ဖက်မဲ့အစားအစာကို ကိုယ်တိုင်ရွေးချယ်ပြီးသပ္ပါယမျှအောင်၊ စားတတ်ရမယ်လေ။လမ်း တစ်လျှောက်တွေ့တဲ့ဆိုင်တွေမှာ
သူတို့ဖာသာရွေးပေ့စေတော့”
“သြော်..၊ဒါနဲ့၊အရင်အစိုးရအမတ်မင်းတွေကိုတော့ဆြာဘာတခွန်းမှ
မဟခဲ့ဘူးနော်”
“တစ်နေကုန်ထိုင်ကြည့်လို့နှစ်ပြားမတန်တဲ့လူ့ပေါက်ပန်းတွေကို၊
အရာသွင်းစရာလားဟဲ့။အခုအမတ်တွေက ပြည်သူလူထုရဲ့မျက်ရှုမျက်ဆန်နဲ့
တူတဲ့လူ့အဖိုးတန်တွေလေ”
“အင်း…၊ဆြာ့လုပ်ပုံက..၊ထိပ်တန်းကြိုဆိုဧည့်ခံရေးတွေစီစဉ်ထားပြီး
ကာမှဆြာရယ်။ဒီမိုကရေစီမိခင်ကြီးများဒီအကြောင်းကိုပြန်ကြားလို့
အမျက်တော်ရှရင်ဖြင့်ဆြာမချောင်ဘူးနော်”
“အမလေးဟဲ့။အခုငါဧည့်ခံတဲ့အနေအထားကဘာဟုတ်သေးတုန်းဟ။
။နောင်ဆိုဒီထက်အဆရာထောင်ခန်းနားတဲ့ နိုင်ငံတကာဖိတ်ကြားမှုတွေ၊
ဧည့်ခံပွဲတွေ၊ခရီးစဉ်တွေကြုံရဦးမှာလေ။ဆိုက်နဲ့ဂိုက်နဲ့စမတ်ကျနေ
မှဖြစ်မှာပေါ့ဟ။ဒီမိုကရေစီမိခင်ကြီးကိုယ်တိုင်အသက်ခုနစ်ဆယ်ကျော်
နေတာတောင်အမြဲလိုလိုလန်းဆန်းတက်ကြွနေတဲ့ဘဝနေနည်းကို
သတိပြုစမ်းပါဟ။ဒီမိုကရေစီမိခင်ကြီးကအမျက်တော်မရှတဲ့အပြင်၊
သဘောကျလွန်းလို့၊အလင်္ကာကျော်စွာဘွဲ့ပေးပြီး၊ဝန်ကြီးတစ်နေရာ
ခန့်မှာတောင်၊မြင်မြင်ယောင်သေးကွာ”
ကျွန်ုပ်စကားစကိုအမြန်ဖြတ်လိုက်ရ၏။နိစ္စဓူဝပြုမြဲကျန်းမာရေး
လေ့ကျင့်ခန်းအတွက်အိမ်အနီးရှိထိုင်းဘုရင့်ပန်းခြံသို့သွားရန်
အချိန်ကျလေပြီ။
မအိုသေးသောကျွန်ုပ်သည်လူပျိုကလေးကဲ့သို့ပေါ့ပါးသွက်လက်သော
ခြေလှမ်းများနှင့်လေကဲ့သို့သောအဟုန်ဖြင့်ပြေးထွက်ခဲ့လေသည်။
ကျွန်ုပ်အားအားကျငေးမောနေလေ့ရှိသည့်၊ပန်းခြံတွင်ဆုံနေကျ
ထိုင်းပျိုဖြူတို့၊ကျွန်ုပ်ကိုလည်တရှည်ရှည်ဖြင့်မျှော်နေပေတော့မည်။
အာရောဂျံပရမံလာဘံ။ကျန်းမာခြင်းကားလာဘ်ကြီးတစ်ပါးမည်၏။
ကျွန်ုပ်ကိုအားကျလျက်၊အမတ်မင်းအသစ်စက်စက်တို့၊သုခီ အတ္တာနံ
ပရိဟရန္တု = မိမိကိုယ်ကို ချမ်းသာစွာ ဆောင်နိုင်ကြပါစေကုန်သတည်း။ ။