၀၇ ၊ ၀၄ ၊ ၂၀၁၆ ရက်နေ့ ၊ စောင့်ကြည့်ဂျာနယ်
မောင်မောင်ဒင်၊မကိတ်ဝင်းစလက်နှင့်ဒုံးဝေးလွန်းကြသူများ
(မင်းဒင်)
(တစ်)
ယိုးဒယားပြည်၊ဖူးခက်မြို့အမ်မခန်အရပ်တွင်ဖြစ်၏။
လွန်စွာဟောင်းနွမ်းအိုမင်းလှသောနှစ်ထပ်အိမ်ကြီး၏
အပေါ်ထပ်၊ကျွန်ုပ်မွေ့ပျော်ရာအခန်းငယ်၏ပြူတင်း
တံခါးမှကြည့်လတ်သော်အိမ့်အနောက်ဖက်ရှိ၊တောအုပ်ငယ်ကို
လှမ်း၍မြင်နေရ၏။
ယင်းတောအုပ်ငယ်ဆီမှထွက်ပေါ်လာသည့်တကူကူကူးကူဟူသော
ချိုးကူသံနှင့်လွမ်းမောဖွယ်ဥသြတွန်သံတို့တွင်၊နစ်မျောနေမိသော
ကျွန်ုပ်သည်ငှက်ဆိုးထိုးသံနှင့်တူလှစွာသောတပည့်ကျော်
ကပ္ပလီ၏အော်သံကြောင့်၊ အလန့်တကြားဖြစ်သွားရချေသည်။
“ဆြာ၊ဆြာ၊ဆြာ”
“ဘာတုန်းကွာ၊ရာသီကပူပြင်းရတဲ့အထဲနင်ကတစ်မှောင့်”
“ဆောရီးပါဆြာ၊ထူးခြားလွန်းလို့၊အံ့သြစရာကောင်းလွန်းလို့ပါ။
တပည့်တို့နေတဲ့ဖူးခက်နဲ့သိပ်မဝေးဘူးဆြာ”
“ရေသောက်ပြီးဖြေးဖြေးသက်သာ၊ရှင်းအောင်ပြောစမ်းပါကွာ။
ဒီလောက်ပြူးတူးပြဲတဲဖြစ်နေရအောင်နင့်ကြီးဒေါ်လင်နောက်
လိုက်တဲ့သတင်းမို့လား”
“အာ၊ဆြာကလဲ။တပည့်ကြီးဒေါ်လင်နောက်လိုက်တာ
ဘယ်ထူးဆန်းပါ့မတုန်း။အခုဟာက ဒိုင်နိုဆောကို အရှင်ဖ မ်း မိတဲ့သတင်းဆြာရဲ့”
“ဟေ၊မြတ်စွာဘုရား”
သည်တကြိမ်တွင်ဝမ်းခေါင်းသံပါအောင်အာမေဋိတ်ပြုမိသူကား
ကျွန်ုပ်ဖြစ်၏။
“ဟုတ်တယ်ဆြာရဲ့။အဲဒီဒိုင်နိုဆောကထိုင်းနိုင်ငံမှာတွေ့တာတဲ့။
ဘန်ကောက်နဲ့သိပ်မဝေးတဲ့နခွန်ပထုံမြို့နားကတောအုပ်ထဲမှာဆိုလား။
ဘာဆိုလား”
“ဒါနဲ့နေပါဦးဟ။နင့်သတင်းကဘယ်ကနေကြားသလဲဟင်”
“ဖေ့စ်ဘွတ်ပေါ်မှာဓာတ်ပုံနဲ့တွဲတင်ထားတာဆြာရေ့။ဒီမှာကြည့်”
(နှစ်)
နံရံကိုခေါင်းနှင့်တိုက်ပစ်ချင်စိတ်သာပေါက်တော့၏။
သမိုင်းပညာရှင်တို့၏စူးစမ်းချက်အရဒိုင်နိုဆောဟူသည်
ကမ္ဘာကြီးကိုဥက္ကာပျံများဝင်ဆောင့်သောကြောင့်၊
လွန်ခဲ့တဲ့နှစ်သန်းပေါင်းများစွာကပင်၊ကမ္ဘာမြေပေါ်တွင်
တကောင်တမြီးမျှမကျန်အောင်မျိုးတုန်းပျောက်ကွယ်သွားခဲ့လေပြီ။
ဒိုင်နိုဆောများအပြုံလိုက်မွေးမြူထားသည်ဆိုခြင်းမှာ၊
ကမ္ဘာကျော်ဟောလီးဝုဒ်ဒါရိုက်တာစတီဗင်စပီးဘတ်၏ ဂျူးရာဆစ်ပတ်ခ်ရုပ်ရှင်ဇာတ်လမ်းတွင်သာ ရှိပါ၏။ဒိုင်နိုဆော ကိုကိုက်ခဲ့သည့်ခြင်ကိုရုတ်တရက်သစ်စေးအုပ်သွားမိသွားခဲ့ရာမှ၊
ထိုသစ်စေးကိုယခုမျက်မှောက်ခေတ်တွင်ပြန်လည်တွေ့ရှိပြီး၊ မျိုးရိုးဗီဇနည်းအရဒိုင်နိုဆောတို့ကို ပြန်လည်မွေးမြူနိုင်ခဲ့ကြောင်း
စိတ်ကူးယဉ်ဇာတ်လမ်းမျှ သာ ဖြစ်ပါ၏။
အဆိုပါရုပ်ရှင်ထဲတွင်မြင်တွေ့ရသောဒိုင်နိုဆောတို့မှာ
အန်နီမေးရှင်းခေါ်ကွန်ပြူတာအထူးပြုလုပ်ချက်မျာဖြင့်
ဖန်တီးထားခြင်းသာဖြစ်ပါ၏။
ဖေ့စ်ဘွတ်ကိုအဟုတ်မှတ်လေသည့်ကပ္ပလီငယ်ကား
၊ဆြာကောင်းတပည့်မပီသစွာနုံချာလှပေသည်တကား။
နားရင်းပါးရင်းဖြတ်ရိုက်ပစ်ချင်စိတ်ကိုမြိုသိပ်ရင်း၊
မည်သို့ပညာပေးရမည်ကိုစဉ်းစား၍မရမီမှာပင်မြွေပူရာ
ကင်းမှောင့်လာပြန်သူကား၊မအူမလည်တပည့်ကျော်အာရုံခေါ်
ဖေကြည်ပေတည်း။ဒင်းအသံသည်လည်းအူယားဖားယားနိုင်လှ၏။
“ဆြာရေ။ဆြာတို့ရွာနဲ့သိပ်မဝေးတဲ့ပုဂံမြေမှာတဲ့ခင်ဗျ။
ညနေစောင်းအချိန်၊ကောင်းကင်ပေါ်မှာရဟန္တာတပါး
ဈာန်ကြွသွားတာကိုနိုင်ငံခြားသားတွေပါဖူးလိုက်ကြတာ
တရုန်းရုန်းပဲတဲ့ဆြာ။ဒါတင်မကသေးဘူးဆြာရဲ့။
အဲဒီရဟန္တာဘေးမှာရှောင်လင်ဘုန်းကြီးတွေနဲ့တရုတ်နဂါးတွေပါ
ထပ်ပေါ်လာသေးသတဲ့”
ပြောပြောဆိုဆိုသင်းထိုးပြလာသောလက်ကိုင်တယ်လီဖုန်း
၏ဖေ့စ်ဘွတ်စာမျက်နှာတွင်၊ကမ္ဘောဒီးယားနိုင်ငံအန်းကောဝပ်
ဘုရားကျောင်းနောက်ခံနှင့်၊သူညွှန်းသောဓာတ်ပုံကိုမြင်ရ၏။
“အင်း၊မင်းတို့နဲ့ကြာကြာနေရင်တော့ ငါဆြာအသက်တိုဖွယ်ရာသာရှိတော့တယ်”
“ဘာလဲဗျဆြာရ။ဆြာကမယုံသလိုလိုဘာလိုလိုနဲ့ကွန်မြူနစ်ထင်ပါရဲ့”
“နင့်မအေလင်ကွန်မြူနစ်ပါလားဟ၊ငတုံးရ”
“ဒါဖြင့်တပည့်တို့ကိုနည်းနည်းပါးပါးတော့ရှင်းပြဦးလေ။ဆြာပြောပုံက
မရှင်းမရှင်းနဲ့”
ငယ်ထိပ်သို့တက်လာသောဒေါသစိတ်ကြောင့်၊ကျွန်ုပ်၏တကိုယ်လုံး
မီးဖိုပေါ်ဆောင့်ကြောင့်တက်ထိုင်နေရသလိုပူပြင်းလာချေသည်။
နားရင်းထရိုက်ချင်စိတ်ကိုထွက်လေဝင်လေမှတ်လျက်ရင်း
သက်ပြင်းတဟင်းဟင်းချမိနေစဉ်မှာပင်၊သေချင်စော်နံလာပြန်
သည်ကားလေမင်းသား၏အသံကြောင့်ဖြစ်လေသည်တမုံ့။
(သုံး)
“အရှင်လတ်လတ်နဂါးကိုမိပြီတဲ့ဆြာဒင်ရေ့။ဓာတ်ပုံထဲမှာတော့
အမောက်ကြီးပါပေါ်အောင်သေချာရိုက်ပြထားသ ဗျ။ နည်းနည်းနောနောကောင်ကြီးမဟုတ်ပါလား။ဆြာ့တပည့်က နဂါးဆိုတာ ပုံပြင်ထဲမှာသာရှိတယ်မှတ်နေတာ”
“ဟကောင်နင့်ပါးစပ်ပိတ်တော့။နင်တို့သုံးကောင်စလုံး
ငါ့အခန်းထဲကထွက်တော့။ပူရအိုက်ရတဲ့အထဲငထူငအတွေက တမှောင့်၊ကြာရင်ငါထရိုက်မိလိမ့်မယ်”
“ဒီလိုတော့အနိုင်မကျင့်ပါနဲ့ဆြာ။အတတ်လည်းသင်ပဲ့ပြင်ဆုံးမ
အစရှိတဲ့ဆြာ့ဝတ္တရားအရ၊တပည့်တို့နားလည် အောင်ပြည့်ပြည့်စုံစုံ
ရှင်းပြဖို့ဆြာ့မှာတာဝန်ရှိပါတယ်”
ကပ္ပလီငယ်၏ပါးစပ်မှထွက်လာသည့်နတ်စကားနှင့်တူသော
ဆင်ခြေကြောင့်၊ကျွန်ုပ်၏ဒေါသသည်စအိုဝမှလိပ်ခေါင်းကဲ့သို့
ဝင်ချည်ထွက်ချည်ဖြစ်သွားရချေသည်။မှန်ပေ၏။
ဒင်းတို့ညံ့တာအရေးမပါလှ။ကျွန်ုပ်ဒေါသထွက်ခြင်းသာလျှင်
အဖတ်တင်ပေတော့မည်။ပါရမီဥာဏ်ရင့်သန်လှသော
ဦးနှောက်ပိုင်ရှင်ကျွန်ုပ်သည်၊လတ်တလောရင်ဆိုင်နေရသော
အခြေအနေကိုဖြေရှင်းကျော်လွှားနိုင်မည့်နည်းလမ်းကောင်းတရပ်ကို
ရုတ်ခြည်းပင်စဉ်းစားမိလေပြီ။
“ကဲ၊ကဲ၊ဟုတ်ပါပြီမောင်တို့ရာ။သည်လိုလုပ်ကွဲ့။
ငါ့တပည့်တို့အောက်ထပ်ကိုဆင်းပြီးဖုန်းပွတ်နေကြဦးလကွဲ့။
နာရီဝက်ပြည့်တာနဲ့ဆြာ့ဖေ့စ်ဘွတ်မှာမောင်တို့သိချင်တဲ့
အဖြေကိုဝင်ကြည့်ကြပေရော့”
ကိုယ်စီခေါင်းငိုက်စိုက်ချလျက်ခပ်ကုပ်ကုပ်ဆင်းသွားကြသော
တပည့်ကျော်တို့ကျွန်ုပ်၏မြင်ကွင်းမှပျောက်ကွယ်သွားသည်နှင့်
တပြိုင်နက်၊ကျွန်ုပ်လည်းအိပ်ခန်းတွင်းရှိကွန်ပြူတာရှေ့တွင်
ထိုင်ကာ၊ပြုဖွယ်တို့ကိုအလျင်အမြန်
ကမန်းကတန်းဆောင်ရွက်လိုက်ရချေသည်။
မိနစ်နှစ်ဆယ်ခန့်ကြာမြင့်ချိန်တွင်ကား၊ကျွန်ုပ်၏ဖေ့စ်ဘွတ်ခ်
စာမျက်နှာတွင်စတေးတပ်စာသားတခုနှင့်ဓာတ်ပုံတပုံကိုတင်နိုင်ခဲ့ရာ
၊ဓာတ်ပုံမှာ၊ကျွန်ုပ်နှင့်ကမ္ဘာကျော်ရုပ်ရှင်မင်းသမီးကိတ်ဝင်းစလက်တို့၊
မင်္ဂလာသတို့သား၊သတို့သမီးဝတ်စုံကိုယ်စီဖြင့်၊စတိုင်ကျကျ၊
ရိုက်ကူးထားသည့်ပုံဖြစ်၍စာသားမှာအောက်ပါအတိုင်းဖြစ်လေ၏။
နှစ်ဦးသဘောတူလက်ထပ်ပြီးစီးခြင်း
နတ်မောက်မြို့ရွှေပင်ရွာနေကွယ်လွန်သူဦးချစ်မောင်၏မြေးဖြစ်သူ၊
ဖူးခက်မြို့နေကျွန်တော်မောင်မောင်ဒင်နှင့်လော့အိန်ဂျယ်လိစ်မြို့နေ၊
မကိတ်ဝင်းစလက်(ဟောလီးဝုဒ်ရုပ်ရှင်သရုပ်ဆောင်)တို့သည်
၊(၁၊၄၊၂၀၁၆)နေ့တွင်၊ဖူးခက်မြို့တရားရုံး၌ နှစ်ဦးသဘောတူ
လက်ထပ်ပြီးစီးပါကြောင်း။
မောင်မောင်ဒင်၊မကိတ်ဝင်းစလက်
ခေတ္တ။ ။ ဖူးခက်မြို့
အထက်ဖော်ပြပါစာသားနှင့်ဓာတ်ပုံအားတွေ့မြင်ဖတ်ရှုရမည့်
တပည့်ကျော်များအနေဖြင့်ဆြာကောင်းတပည့်များ ပီပီ၊အရိပ်ပြလျှင်၊ အကောင်ထင်လျက်အကင်းပါးစွာနားလည်
သဘောပေါက်ကြပေလိမ့်မည်ဟူသောအတွေးဖြင့်၊
ကျွန်ုပ်ကြည်နူးရပါ၏။သင်းတို့ဥာဏ်အလင်းရစေရေးအတွက်၊
ပညာသားပါပါဟာသဥာဏ်စွက်၍တုံ့ပြန်ဖြေကြားနိုင်ခဲ့သော
ကျွန်ုပ်ကိုယ်ကျွန်ုပ်လည်း၊ ကိုယ့်ကျောကိုယ်အထပ်ထပ် အကြိမ်ကြိမ်သပ်ကာချီးမွမ်းမိပါ၏။
သို့သော်…..
(လေး)
ကျွန်ုပ်၏ဖေ့စ်ဘွတ်ခ်တွင်တင်ပြီး၍တမိနစ်မျှပင်ကြာညောင်းသည်
မထင်ရသောအချိန်ပိုင်းအတွင်း၌၊လှေခါးဆီမှခြေနင်းသံတဒုံးဒုံး၊
ဆူညံသောအံ့သြရေရွတ်သံကိုယ်စီဖြင့်ပြေးဝင်လာကြသူများမှာ၊
အများသိတော်မူကြသည့် ကျွန်ုပ်၏တပည့်ကျော်များပေတည်း။
“ဟာ၊ငတို့ဆြာ..၊တယ်စွံပါကလား။တပည့်တို့တောင်မသိလိုက်ပါလားခင်ဗျာ”
“အင်း၊ထင်တော့ထင်မိသားဆြာ။ခုတလောငတို့ဆြာနည်းနည်း
ထူးနေပါတယ်လို့။ဘာဘဲဖြစ်ဖြစ်ဆြာတို့ဇနီး မောင်နှံအတွက်
ဂုဏ်ယူဝမ်းမြောက်ပါတယ်ဆြာ”
“အသက်ကြီးပေမဲ့မပျက်စီးသေးဘူးဆိုတာတို့ဆြာမှတို့ဆြာအစစ်
။ဒေါ်ကိတ်ဝင်းစလက်ကိုရအောင်ယူနိုင်တာကို တော့ တပည့်အနေနဲ့အများကြီးအများကြီးအပလီရှိတ်ပြီး
ဂုဏ်ယူပါတယ်ဆြာ”
ကျွန်ုပ်၏သည်းခံနိုင်စွမ်းတာတမံသည်ကား၊သင်းတို့၏ညံ့ဖျင်း
ထုံထိုင်းလှမှုကြောင့်၊တားမနိုင်ဆီးမရကျိုးပေါက်သွားခဲ့လေပြီ။
အခန်းထဲသို့ဝင်ရောက်လာသည့်ဒင်းတို့သုံးယောက်၏
နားရင်းကိုဗြန်းကနဲ၊ဗြန်းကနဲနေအောင်သုံးချက်စီ
အားရပါးရတီးပစ်လိုက်မိ၏။
“ခွေးမသားတွေ၊လဒူတွေ၊ငတုံးတွေ၊နည်းနည်းပါးကိုယ်ပိုင်
ဦးနှောက်လေးသုံးပြီးစဉ်းစားကြဦးလကွ။ငါနဲ့ကိတ်ဝင်းစလက်
ညားတယ်ဆိုတာဘယ်လိုလုပ်ဖြစ်နိုင်ပါ့မတုန်း။
အဲဒီဓာတ်ပုံကဖိုတိုရှော့လဟ။ထို့နည်းတူဒိုင်နိုဆောတို့၊ပုဂံမှာပေါ်တဲ့
ရဟန္တာတို့၊နဂါးတို့ဆိုတာ၊ဖိုတိုရှော့နည်းနဲ့ဓာတ်ပုံတွေကိုဖြတ်ညှပ်ကပ်ပြီး၊
နင်တို့လိုလဒူလအတွေကိုဖြီးဖြန်းလိမ်ညာနေတာဟ။
တုံးတယ်ဆိုတာကိုသရေစည်သူဘွဲ့ရတယ်လို့ထင်မှတ်နေကြတာ
အံ့ပါရဲ့ကွာ။နင်တို့လိုငပိန်းတွေကြောင့်လောကကြီးမှာ
လူလည်တွေနေရာရနေကြတာကွ။မင်းတို့လိုဦးနှောက်တွေနဲ့
မင်းတို့ရှေ့ရေး၊တိုင်းပြည်ရှေ့ရေးရင်လေးလှသကွာ”
တပည့်ကျော်တို့ကား တောဇီးကွက်မျောက်ကုတ်သော၊
ညှိုးငယ်သည့်မျက်နှာကိုယ်စီနှင့်ဖြစ်၏။ကျွန်ုပ်၏ရင်ဝယ် ဂရုဏာစိတ်ဖြစ်မိပြန်သည်သာမက၊တပည့်ကျော်တို့၏
မှတ်ချက်မှာကျွန်ုပ်အနေဖြင့်ကိတ်ဝင်းစလက်နှင့်
စုံဖက်နိုင် လောက်အောင်ခန့်ငြားတင့်တယ်ဆဲဖြစ်သည်ဟု
တနည်းတလမ်းအားဖြင့်အဓိပ္ပါယ်ဖွင့်ဆိုရာရောက်သည်ကြောင့်
၊ပြုံးစေ့စေ့မျက်နှာထားနှင့် ဒေါသကိုဖြေလျော့လိုက်ရချေသည်။
“ဟေ့ကောင်တွေ။နောင်ဒါမျိုးမဖြစ်စေနဲ့၊ရော့၊တစ်ယောက်ဘတ်တရာ၊ဘီယာသွားသောက်ကြ။နေပူလွန်းလှတယ်”
(ငါး)
ကျွန်ုပ်၏တပည့်ကျော်များကား၊ကြောင်ရိုက်မနာဟူသောထုံးနှလုံးမူလျက်
၊ပြုံးရွှင်သောမျက်နှာထားကိုယ်စီနှင့်၊ခြံတွင်းမှသည်ဘီယာဆိုင်ရှိရာ
ဆာခရီဒေ့လမ်းမကြီးဆီသို့ထွက်ခွာသွားကြသည်ကို၊
အိမ်အပေါ်ထပ်ဝရံတာမှကြည်နူးစွာကြည့်နေမိသောကျွန်ုပ်သည်၊
စံမြန်းရာအခန်းငယ်တွင်းဆီသို့ပြန်ဝင်လာခဲ့ရာ၊ကွန်ပြူတာဆီမှ
အဆက်မပြတ်ထွက်ပေါ်လာနေသည့်တတုံတုံမြည်သံတို့ကြောင့်
ဖွင့်လက်စဖေ့စ်ဘွတ်စာမျက်နှာကိုစူးစမ်းမိလေသည်တွင်၊
ကျွန်ုပ်တင်ထားသည့်ဓာတ်ပုံနှင့်စာသားအား၊လိုက်ခ်လုပ်သူ
ငါးထောင်ကျော်၊ရှယ်(ဖြန့်ဝေ)သူနှစ်ထောင်နီးပါး၊
ကျွန်ုပ်နှင့်ကိတ်ဝင်းစလက်မင်္ဂလာသတင်းအတွက်
ဝမ်းမြောက်ဂုဏ်ယူပါကြောင်းမှတ်ချက်ကွန်မင့်ပေါင်း
တစ်ရာကျော်ကိုတွေ့ရှိရလေသတည်း။
ကျွန်ုပ်ထိုင်ရာမထ၊ငုတ်တုတ်ကပင်၊နဖူးဖြင့်စာရေးစားပွဲကို
တဒုံးဒုံးမြည်အောင်တိုက်မိတော့သည်။သင်းတို့ကိုပါတယောက်နားရင်း
သုံးချက်ရိုက်၍၊ဘတ်တရာစီပေးရသည်ရှိသော်၊ကျွန်ုပ်၏လက်သည်လည်း
လက်အံသေဖွယ်ရှိ၏။စည်းစိမ်လည်းပြုတ်လောက်ချေ၏။
“အို၊သုံးဇမ္ဗူတခွင်၊နှုန်းတုမမြင်သည့်အဖဘုရားသခင်၊
ဤလောက၌လူမိုက်လူတုံး၊လူညံ့များလှသည်ဆိုခြင်းမှာ
၊သွေးစိမ်းရှင်ရှင်ထွက်အောင်မှန်လေစွတကား။
ထိုသူတို့၏နုံနဲ့လှသောအသိဥာဏ်ကို၊တန်ဆောင်ဆီမီးပမာ
ထိန်ငြီးလင်းလက်တောက်ပလာစေရန်ကိုယ်တော်၏
မေတ္တာတော်ဖြင့်ထိန်းကျောင်းပြုပြင်ကုစားသွန်သင်ပါရန်၊
၊တပည့်တော်အကျွန်ုပ်အနူးအညွတ်ရိုသေစွာလျှောက်ထားအပ်ပါ၏။ ။