(ကျထုခမ်းဆရာကြီး ရဲဗိုလ်ချုပ်ခွန်ဖန်)
မင်းဒင်ရဲ့သက်ခိုင်(၂)
"ကျထုခမ်းရာမာထပ်(သိဒ္ဓိမှော်ဝင်ဝိညာဉ်အဆောင်)"
"ဟန်ကျလိုက်လေဗျာ။သိဒ္ဓိမှော်ဝင်ဝိညာဉ်အဆောင်အကြောင်းလေး လင်းစမ်းပါအုံးဗျ။အတော် စိတ်ဝင်စားစရာကောင်းမယ်ထင်ပါရဲ့"
"နေအုံးဗျာ။ ကော်ဖီပန်းကန်တွေ ဆေးလိုက်ပါရစေအုံး"
စိတ်လေ့ကျင့်ခန်းများကို အခါမလပ်ပြုလေ့ရှိသည်ဆိုသော ကိုသက်ခိုင်သည် တစ်ခါတစ်ရံ အာရုံထွေပြားနေတတ်သူဟု ကျနော် ထင်သည်။ရုတ်ခြည်းဆိုသလို ပြောလက်စအကြောင်းအရာ စကားစကိုဖြတ်ကာ ရေချိုးခန်းအတွင်းက လက်ဆေးစင်မှာ ကော်ဖီပန်းကန် များကို ဆေးကြောနေရင်း ခေါင်းစဉ်အသစ်တခုဆီသို့ဦးတည်နေပြန်တော့သည်။
"ကျနော်သတိပြုမိသလောက် ထိုင်းလူမျိုးအများစုဟာ သန့်ရှင်းရေးကိစ္စတွေမှာ အတော်အမြင်ကျယ်လာပြီဆိုရမယ်ဗျ။ ကျနော်ရောက်ဖူး သမျှထိုင်းမိတ်ဆွေအများစုရဲ့မီးဖိုချောင်တွေမှာ အတော့်ကို သန့်ပြီးတောက်ပြောင်နေကြလေရဲ့"
မှော်ဝင်ဝိညာဉ်အဆောင်မှသည် မီးဖိုချောင်ဆီသို့ ဦးတည်နေပြန်သော ကိုသက်ခိုင့်စကားကြောင့် ကျနော်ကျွဲမြီးတိုလာသည်။
"ခင်ဗျားနဲ့စကားပြောရတာ တခါတခါ အရူးလင်လုပ်ရသလိုပဲဗျာ။တောရောက်လိုက်၊တောင်ရောက်လိုက်နဲ့"
"အဟား၊ ခင်ဗျားကပဲ စိတ်တိုရတယ်ရှိသေး။ ခင်ဗျားကိုအကဲခတ်ကြည့်ရသလောက်၊ "အရူးလင်လုပ်"ဆိုတဲ့မြန်မာဆိုရိုးစကား ရဲ့ ရင်းမြစ်အနက် အဓိပ္ပါယ်ကိုလည်း သိပုံမရဘူး။တကယ်တမ်းသိခဲ့ရင် ခင်ဗျားပြောလို့ထွက်မှာမဟုတ်ဘူးဗျ။စာဏကျအမတ်ကြီးကို တောင်ပြေးသတိရမိသေးဗျာ"
"တော်ပါတော့ဗျာ။ မီးဖိုချောင်ကနေ စာဏကျအမတ်ကြီးဆီ ရောက်ပြန်ပါပေါ့လား"
"ဒီမယ်ကိုယ့်ဆရာ။ စိတ်ကိုလျှော့။ စာဏကျအမတ်ကြီးဆိုတဲာ့ စာဏကျနီတိကျမ်း ကိုပြုစုခဲ့တဲ့ဆရာကြီးဗျ။သူ့အရှင်ဘုရင်စန္ဒဂုတ်က "လောကကြီးမှာ လူအများဆောင်ရန်ရှောင်ရန်ဆုံးမစာရေးစမ်းပါ"လို့ အမိန့်တော် ချမှတ်တော့ စာဏကျအမတ်ကြီးက "ခံတွင်းပျက် နေတဲ့သူကို အစာကောင်းကျွေးခိုင်းတဲ့အလုပ် မလုပ်ပါရစေနဲ့"ဆိုပြီးငြင်းဖူးသတဲ့ဗျ"
"ဘာဆိုင်လို့တုန်းဗျာ"
"ဆိုင်ပါသော်ကောကိုရင်ရယ်။စာဏကျအမတ်ကြီးရဲ့အဖြေက "လောကမှာ လူအများစုဟာ အရသာအမှန်ကို မသိနိုင်တဲ့ အသိဥာဏ် ခံတွင်း ပျက်နေတဲ့သူတွေများသတဲ့။ဒါကြောင့် ဘယ်လောက်ကောင်းတဲ့အစာကိုကျွေးကျွေးကောင်းတယ်လို့ကို မမှတ်ယူမခံစားနိုင်ကြ ဘူး"တဲ့ဗျ။အခုလည်း ခွဲခြမ်းစိတ်ဖြာရမဲ့ကိစ္စမို့ ခင်ဗျားကို ပြောသင့်မပြောသင့် ချိ်န်ဆနေတာ"
"အော် ခင်ဗျားက ကျနော့်ကို အသိဥာဏ်ခံတွင်းပျက်နေတဲ့သူလို့ ဆိုချင်ဟန်တူပါရဲ့"
"ကိုယ့်ဆရာ သိပ်တော့ဒုံးမဝေးဘူးပဲ"
"တော်ပါဗျာ။ ခင်ဗျားစကားကိုသာ ရိတ်ပတ်လည်အောင်ရှင်းစမ်းပါ"
"ခက်နေတာက ခင်ဗျားရဲ့လောကြီးနေတဲ့စိတ်ပဲဗျ။ခင်ဗျားကြည့်ရတာ ကျထုခမ်းအကြောင်း အလွန်အမင်းစိတ်ရောက်နေပုံရတယ်"
"လိုတိုရှင်းသာ မိန့်ပါတော့ကိုယ်တော်ရယ်"
"ဒီလိုဗျ။ ထိုင်းလူမျိုးအများစု သန့်ရှင်းရေးဘက်ကို ဇောင်းပေးလာကြတာဟာ နိုင်ငံတကာနဲ့ဆက်ဆံမှုများလာတာကြောင့် ဖြစ်ဟန်ရှိ တယ် ။ထိုင်းနိုင်ငံကျင့်သုံးနေတဲ့နိုင်ငံရေးစီးပွားရေးစံနစ်ကို ကမ္ဘာကြီးနဲ့ချိတ်ဆက်ထားနိုင်တာကိုး။ဒီအမူအကျင့်တွေဟာ တိုးတက်တဲ့ အနောက် နိုင်ငံတွေဆီကနေ အတုခိုးထားတာ ဖြစ်တယ်။ တိုတိုရှင်းရှင်းပြောရရင် သန့်ရှင်းရေးကိစ္စမျိုးသာ အတုခိုးနိုင်ပြီး သဘာဝ ကျကျဆန်းစစ်နိုင်တဲ့အလေ့အကျင့်ကိုတော့ ထိုင်းလူမျိုးတွေ အတုမခိုးနိုင်ကြသေးဘူးဆိုရမယ်။ အချို့သော ရိုးရာအစွဲအလန်း တွေဟာ ထိုင်းလူမျိုးတွေရဲ့ ဓလေ့စရိုက်ကို ဖော်ပြနေတယ်ဗျ။ ကောက်ချက်ဆွဲရရင် လူမျိုးတစ်မျိုးဟာ သူတို့သားစဉ်မြေးဆက် ယုံကြည်လက်ခံခဲ့တဲ့ ရိုးရာအစွဲအလန်းကို ဖျောက်နိုင်ခဲတယ်ဆိုပါတော့။ ဥပမာ၊ကျနော်ပြော လက်စစကားထဲက အဝါခေါင်းဆောင် ဆွန်ထိ လုပ်ကြံခံရမှုကနေ လွတ်မြောက်လာရခြင်းဟာ သူကိုယ်နဲ့ မကွာဆောင်ထားတဲ့ ကျထုခမ်းကြောင့်လို့ထိုင်းလူမျိုးအများစုက ယုံကြည်ကြသဗျ"
"အော်၊လိုသလိုဆွဲတွေးရင်လည်း ယုံစရာကောင်းနေသကိုး"
"အေးဗျ။ နဂိုကမှထိုင်းလူမျိုးအများစုဟာ ဒုတ်ပီးဒါးပီးသေနတ်ပီးတဲ့ အဆောင်လက်ဖွဲ့တွေကိုယုံကြည်စွဲလန်းနေကြတာဆိုတော့ သေနတ်နဲ့အချက်ပေါင်းရာချီပြီးအပစ်ခံရတာတောင် မဖြစ်စလောက်ဒဏ်ရာလောက်ပဲရခဲ့တဲ့ ဆွန်ထိရဲ့ဖြစ်ရပ်ဟာထူးဆန်းတာတော့ အမှန်ပဲဗျ။ ယုံကြည်သူတွေကိုးကားတဲ့ အခိုင်မာဆုံးသက်သေကတော့ လွန်ခဲ့သောမကြာမတင် နှစ်များဆီတုန်းက နတ်ရွာစံတော့ မလိုဖြစ်တဲ့အထိ ဆေးရုံပေါ်မှာ အသည်းအသန်ဖြစ်နေခဲ့တဲ့ ထိုင်းဘုရင်မင်းမြတ်ဟာ ကျထုခမ်း အဆောင်တစ်ခုကို လည်မှာ ဆွဲပြီး၊ထိုင်းရုပ်သံတွေမှာ ပြုံးပြုံးကြီး ပြန်ပေါ်လာဖူးသတဲ့ဗျ။ လူအများပိုပြီးစိတ်ဝင်စားစရာဖြစ်စေတဲ့အချက် ကတော့ ထိုင်းဘုရင်ကြီးရဲ့ အဆောင်ကျထုခမ်းဟာ ကျထုခမ်းဆရာကြီး ရဲဗိုလ်ချုပ်ဆွန်ဖန် ကိုယ်တိုင် ဆက်သထားတာမို့ ထိုင်းနိုင်ငံ တလွှားမှာ ကျထုခမ်းရဲ့ ဂုဏ် သတင်း၊ ဟိုးဟိုးကျော်ခဲ့ပါရောလားဗျာ"
"ဟ။ ကျထုခမ်းဟာ ဒီလောက်ပဲ စွမ်းသလားဗျာ"
"ဟိုးဆရာ၊ ဟိုး။ ဆုံးဖြတ်ချက်မလောနဲ့ဗျ။ကျထုခမ်းစွမ်းမစွမ်း ။ ရာဇဝင်နဲ့ချီပြီး ကျနော်ပြောပါ့မဗျာ။ဒါပေမဲ့အဖြေကိုတော့ ခင်ဗျားကိုယ် တိုင်ထုတ်ပေတော့ဗျာ။တကယ်တော့ ကျထုခမ်းရဲ့အမည်အပြည့်အစုံဟာ "ကျထုခမ်းရာမာထပ်"တဲ့။"ကျထုခမ်း"နဲ့"ရာမာထပ်"ဆိုတဲ့ မင်းသားနှစ်ပါးရဲ့ အမည်ကိုပေါင်းထားတာ"
"ကျနော့်ကိုဒုံးဝေးတယ်လို့ဆိုချင်ဆိုတော့ဗျာ။ ခင်ဗျားစပြောတုန်းက ကျထုခမ်းဆိုတာ "သိဒ္ဓိမှော်ဝင်ဝိညာဉ်အဆောင်"ဆို။အခုတော့ မင်းသား နှစ်ပါးအမည်ဖြစ်ရပြန်ပြီ။သေချာရှင်းစမ်းပါဗျ"
"အိုကေ။ခင်ဗျားဖက်ကသာ စိတ်ရှည်ရှည်ထားပေတော့။နားသယ်ကိုတူနဲ့နှက်သလို ရှင်းသွားအောင် ကျနော်ပြောမယ်။ဒီလိုဗျ။ ကျထုခမ်း ရာမာထပ်အဆောင်လက်ဖွဲ့ဆိုတာ တကယ်တော့ ဒူးတဖက်ထောက်ပြီးထိုင်နေတဲ့ မင်းသားရုပ်ထု လေးတစ်ခုပဲ။အမှန်က ဓာတ်တော် တိုက်ကိုစောင့်ရှောက်နေတဲ့ မင်းသားတစ်ပါးရဲ့ပုံစံဗျ။အမယ်၊ဗိသျှနိုး၊မဟာသွံဿာရ၊မင်းညီမင်းသား၊နတ်သားစတဲ့မူကွဲပုံစံတွေလည်း ဒုနဲ့ဒေးရှိသေးတယ်ဆိုသဗျ။ပထမဆုံးစပြီးထုလုပ်တဲ့ရုပ်တုရဲ့အရွယ်ဟာ ငါးစင်တီ မီတာလောက်ရှိသတဲ့။ ဒါလည်းပုံသေလို့ မမှတ်လေနဲ့။ရုပ်တုဦးဆောင်ထုလုပ်တဲ့ ပုဂ္ဂိုလ်နဲ့နေရာဌာနကိုလိုက်ပြီး အရွယ်အမျိုးမျိုး ရှိလေရဲ့။အဲဒီရုပ်ထုလေးတွေကို စက်ဝိုင်းပုံကြုပ်မှာထည့်၊လည်မှာဆွဲပြီး အဆောင်လက်ဖွဲ့အဖြစ်ယုံယုံကြည်ကြည်သုံးကြတယ်ဆိုပါ တော့။နေဦး။အဆောင်ထည့်တဲ့ ကြုပ်ဒီဇိုင်းကလည်း အဝိုင်း၊လေးထောင့်၊သုံးထောင့်၊ထိပ်တဘက်ချွန်တွေလည်း ရှိသေးတယ်။ အဲဒီ ဒီဇိုင်းမျိုးစုံလှတဲ့ လည်ဆွဲ အဆောင်ကြုပ်တွေကို ထိုင်းလူမျိုးတော်တော်များများရဲ့ လည်ပင်းမှာတွေ့ရတတ်တယ်။တချို့ယုံကြည်မှုလွန်ကဲတဲ့ ထိုင်းတွေဆို လည်ဆွဲကြုပ်ဆယ့်လေးငါးခုလောက်ကို လည်ပင်းညွတ်မတတ် ဆွဲထားကြလေရဲ့။ အဲဒီကြုပ်တွေထဲမှာ ကျထုခမ်း ရာမာထပ် ရုပ်တုထည့်သူထည့်။ဗုဒ္ဓဆင်းတုအငယ်စားလေးတွေထည့်သူထည့်၊နောက်ပြီး ရဟန္တာလို့ အများယုံကြည်ကြတဲ့ ဘုန်း တော်ကြီးတွေ၊ ထွက်ရပ်ပေါက်ပုဂ္ဂိုလ်တွေရဲ့ ရုပ်တုလေးတွေကိုပါ ထည့်လေ့ရှိကြသဗျ။ ကျထုခမ်းရာမာထပ်အပါအဝင် အဲဒီရုပ်တုတွေ ကိုယ်နဲ့မကွာဆောင်ထားရင် ချက်ချင်းစီးပွားလာဘ်လာဘတက်မယ်။ဘေးရန်ကင်း မယ်လို့ ယုံကြည်ကြ လို့ပေါ့"
"အင်း အခုမှ ဇာတ်ရည်လည်စပြုတယ်ဗျာ။ မင်းသားနှစ်ပါးရဲ့ရာဇဝင်နောက်ခံလေးလုပ်ပါအုံးဆရာ"
အဲဒီမင်းသားနှစ်ပါးရဲ့ရာဇဝင်ကလည်း တကျောင်းတဂါထာဗျ။သို့သော်တူညီနေတဲ့ အချက်တော့ အဲဒီမင်းသားနှစ်ပါးရဲ့ဇာတ်လမ်းဟာ ထိုင်းတောင်ပိုင်းမြို့ကြီးတမြို့ (နခွန်ဆီထမရတ်)မှာရှိတဲ့ ဝပ်ဖရာမဟာထပ်ပုထိုးသမိုင်းနဲ့ဆက်စပ်နေလေရဲ့။သီဟိုဠ်လက်ရာ၊ အဲဒီ ဓာတ်တော်တိုက် ပုထိုးသမိုင်းမှာ ကျောက်ထက်အက္ခရာတင်ထားပုံက လွန်ခဲ့တဲ့နှစ်ပေါင်း (၁၇၀၀) လောက်တုန်းက ထိုင်းအလယ် ပိုင်းက ဘုရင်ကြီး တပါးဟာ နယ်မြေချဲ့ ထွင်ရင်း သီဟိုဠ်ကို သိမ်းနိုင်ခဲ့သတဲ့။သီဟိုဠ်မှာရှိတဲ့ ဗုဒ္ဓဘုရားရှင်ရဲ့ဓာတ်တော် မွေတော်တွေကို သားတော်နှစ်ပါး၊ ကျထုခမ်းနဲ့ရာမာထပ်ကို သွားပြီး ပင့်ခိုင်းသတဲ့။ဒီမှာတင် မင်းသား နှစ်ပါးဟာ သီဟိုဠ်က ဓာတ်တော်မွေတော်တွေကို ပင့်ပြီးအပြန် မိုးကြိုးမုန်တိုင်းမိတာကြောင့် ဓာတ်တော်တွေကိုတိုင်တည်ပြီးဆုတောင်းကြတဲ့အခါ အားလုံးသောရဲမက်တွေ သေကြေ ပျောက်ဆုံးကြပေမဲ့ မင်းသား နှစ်ပါးကတော့ ထူးဆန်းစွာအသက်ရှင်ကျန်ရစ်သတဲ့။ နောက်တော့ အဲဒီဓာတ်တော်တွေကို ဌာပနာပြီး စေတီတစ်ဆူတည်ထား ကိုးကွယ်ကြရာကနေ ဝပ်ဖရာမဟာထပ်ပုထိုးတော်ကြီးဖြစ်လာ ရောပေါ့ဗျာ။ဝပ်ဖရာမဟာထပ်ဓာတ် တော်တိုက် ပုထိုးတော်ကြီးဟာ ဥာဏ်တော်အမြင့် ငါးဆယ့်ငါးမီတာကျော်ကျော်ရှိပြီး သီဟိုဠ်ခေတ်လက်ရာတဲ့ဗျ။ ဘုရားပရဝုဏ် အတွင်းမှာရှိတဲ့ အဆောက်အဦးတွေကတော့ အယုဒ္ဓယခေတ်လက်ရာတွေနဲ့မွမ်းမံထားသတဲ့"
""ဘယ့်နှယ်။ခင်ဗျားပြောတဲ့ ဘုရားသမိုင်းမှာ ထိုင်းဘုရင်ကြီးက သီရိလင်္ကာကိုသိမ်းခဲ့တယ်ဆိုတာကြီးက ရာဇဝင်အူပေါက်ဇာတ်လမ်း ကြီးပါလားဗျာ။ထိုင်းတွေသီရိလင်္ကာကို သိမ်းနိုင်ခဲ့တယ်ဆိုတာ နားစွန်နားဖျားတောင်မကြားမိတာ အမှန်ပဲ"
"အေးလေ၊အဲဒီလို ကမောက်ကမနောက်ခံဇာတ်လမ်းတွေကြောင့် ခင်ဗျားရဲ့ပင်ကိုယ်ဥာဏ်ကိုသုံးရမယ်လို့ နိဒါန်းချီခဲ့တာပေါ့။ကျနော်လေ့ လာဖတ်ရှုမိသလောက် မင်းသားနှစ်ပါးဟာ လိုရာအရပ်ကိုမရောက်ပဲ လမ်းခုလတ်မှာတင်မြို့သစ်ကြီးတမြို့တည်ပြီး ဓာတ်တော်တွေကို ဌာပနာပြီးစေတီတည်ခဲ့ တယ်လို့လည်း ဆိုပြန်တယ်။မင်းသား နှစ်ပါးနဲ့ဟိန္ဒူ ဘုရားနှစ်ပါးရဲ့အမည်တွေဟာ ရောထွေး သတ်မှတ် ခံထား ရလေရဲ့။ သီရိလင်္ကာမှာ ဒီနေ့အထိ ရိုးရာအတိုင်းယုံကြည်နေကြတဲ့ သီဟိုဠ်ကျွန်း ကို နတ်မင်းကြီး လေးပါးက စောင့်ရှောက်တယ်ဆိုတဲ့ အယူရှိတယ် ။ပါဠိလို ခတ္တုဂါမ ( ခပ်တုခန် ) နဲ့ ရာမ ခေါ် ဗိသျှနု ရဲ့ အမည်တွေ ဟာ ဟိန္ဒူဘုရားတွေရဲ့ ဘွဲ့တွေ ဖြစ်နေတယ် ။ ဖခင် ဘုရင်ကြီးကလဲ သီဟိုဠ် မှာ စိုးစံတယ်လို့ ဆိုပြန်သေးဗျာ။
နေရှင်းသတင်းစာရဲ့ အာဘော်အရ ဒီ ကျထုခန်းအပေါ် ထိုင်းလူမျိုးတို့ရဲ့ အယူသည်းမှုကြောင့် ဗုဒ္ဓဘာသာရဲ့ အနှစ်သာရ ပျောက်ဆုံးမှု တွေ ဖြစ်ခဲ့ရတယ် လို့ ထိုင်းပညာတတ် သုတေသနပညာရှင်တွေက ၀န်ခံထားကြပါသတဲ့ ။ အဓိက ကတော့ မသေချာ မရေရာတဲ့ ရောပြွမ်းသမိုင်းတွေ နဲ့ ချဲ့ကားပါးစပ်ရာဇ၀င်တွေဟာ ကျထုခန်း ရဲ့ မူလဘူတကို ပျောက်ဆုံးစေခဲ့ရပြီး သမိုင်းတန်ဖိုးတွေ ကျဆင်းခဲ့ရ တယ်လို့ အပြစ်ဖို့ ထားကြတယ် ။ ( Rather, societies fail to remember and live up to the admirable principles of their religions. ) ဒါလဲ မှတ်စရာပါပဲ။တကယ်တော့ကျထုခမ်းရာမာထပ်ရာဇဝင်ဟာ ဗုဒ္ဓ ၊ဟိန္ဒူ ဘာသာကျမ်းဂန်တွေမှာ မရှိဘူး။အယူသည်း ထိုင်းလူမျိုး တွေရဲ့ ပါးစပ်ရာဇ၀င် မှာသာရှိနေတာ။ နံမယ်တွေကိုသေချာလေ့လာဆန်းစစ်ကြည့်ရင် "ကျထုခန် ရာမာထက်"ဆိုတာ ပါဠိလို "စတုဂါမာ၊ရာမာ၊ဒေ၀"ကိုထိုင်းသံထွက်ထားတာဖြစ် နိုင်တယ်။ အဓိပ္ပါယ်က လေးရွာပိုင်နတ် (လေးမြို့ရှင်) ရာမ နတ်ဘုရားပဲ။ ဒီလက်ဖွဲ့တွေဟာ နခွန်ဆီ သာမာရတ် ဂူဘုရားရဲ့ ဒဏ္ဍာရီနဲ့ ဆက်စပ်နေလေရဲ့။နာဂသီရိ ဓမ္မရာဇာ ရဲ့ "The Crystal Sands"စာတမ်းအရဆိုရင် ဒီဘုရားမှာ သီဟိုဠ် ကနေပင့်လာတဲ့ ဓာတ်တော် မွေတော်တွေ ကိန်းနေတယ်လို့ဆိုတယ်။သီဟိုဠ် - ဗုဒ္ဓဘာသာ - ဟိန္ဒူ နတ်ဘုရားတွေ ဆက်စပ်မှု ကို မဟာဝံသ ကျမ်းကိုကြည့်ရင်တွေ့နိုင်တယ်ဗျ"
ကိုသက်ခိုင်၏မှတ်ဥာဏ်ကား အံ့သြဖွယ်ကောင်းလေစွ။သူသည်စပ်စုသူဖြစ်၏။အကြောင်းခြင်းရာတစ်ခုကို ခြေခြေမြစ်မြစ်လိုက်စားတတ် သူတည်း။ဖြစ်တန်ချေတစ်ခုကို သဘာဝယုတ္တိအာဂမယုတ္တိ နှစ်တန်သောနည်းဖြင့် ပိုင်းခြားဝေဖန်လေ့ရှိ၏။ထို့ကြောင့်ပင် ဆရာကြီးဂိုက် ဖမ်းနိုင်ဟန်ရှိ၏။ထို့ကြောင်ပင် ကျနော်သူ့ကို တခါတရံမြင်ပြင်းကပ်မိသည်။
"ဒါနဲ့ ခင်ဗျားမင်းသားနှစ်ပါးက ဘယ်ကနေဘယ်လို ရာဇဝင်ထဲကနေ ခုန်ထွက်လာရသတုန်း၊ရှင်းပါအုံးဗျ"
"အမယ် ဒီအကြောင်းခြင်းရာကလည်း ဒဏ္ဍာရီလိုလို ပုံပြင်လိုလိုဇာတ်လမ်းပဲဗျ။ ဖြစ်ခဲ့တာတော့ သိပ်မကြာလှသေးဘူးဆိုရမယ်။ ၁၉၈၀ ဝန်းကျင်ကပေါ့။နခွန်စီထမရတ်ခရိုင် ရဲဗိုလ်ချုပ်ခွန်ဖန်ဟာ ဝပ်နန်ဖရာ့ဆိုတဲ့ ဘုရားကို ဝတ်ပြုဖို့သွားတော့ နတ်ဝင်သည် အမျိုးသမီး တစ်ယောက်နဲ့တွေ့သတဲ့ဗျာ။အဲဒီနတ်ဝင်သည်ရဲ့ခန္ဓာကိုယ်ထဲကို ကျထုခမ်းနဲ့မဟာထပ်မင်းသားနှစ်ပါးရဲ့ စစ်သေနာပတိ့ ဝိညာဉ်ဝင်ပူးပြီး ဘာသာရေးအတွက် အရေးကြီးတာဝန်တွေပေးအပ်စရာရှိတာကြောင့် နောက်တစ်ကြိမ်ထပ်လာဖို့ ပြောသတဲ့ဗျ။နောက် အကြိမ်တွေ မှာတော့ အဲဒီနတ်ဝင်သည်ကို ကျထုခမ်းမင်းသားရဲ့ဝိညာဉ်ကိုယ်တိုင် ဝင်ပူးပြီး နာခွန်စီထမရတ်မှာ (၁၈၇၂)ခုနှစ်တုန်းက တည်ဆောက်ခဲ့တဲ့ မြို့တည်မော်ကွန်း ကျောက်တိုင်ကို ပြုပြင်မွမ်းမံဖို့ တာဝန်ပေးသတဲ့ဗျ။ အဲဒီလုပ်ငန်းကုန်ကျ စားရိတ်တွေအတွက် ကျထုခမ်းရုပ်ထုအဆောင်တွေကို ထုလုပ်ဖန်တီးပြီး ရံပုံငွေရှာဖွေဖို့လည်း ၊ဝိညာဉ်အဆင့်ဆင့်ဝင်ပူးပြီး ရဲဗိုလ်ချုပ်ကြီး ခွန်ဖန်ကို လမ်းညွန်သတဲ့။ ဒီမှာတင် ကျထုခမ်းရာမာထပ် အဆောင်တွေရဲ့ဇာတ်လမ်းတစခန်းထလာတော့တာပေါ့ဗျာ။ ရဲဗိုလ်ချုပ်ခွန်ဖန်ကိုယ်တိုင် ဦးဆောင်ဖန်တီး ခဲ့တဲ့ ကျထုခမ်းရာမာထပ်အဆောင်တွေဟာ စက်ဝိုင်းပုံကြုပ်တွေဖြစ်ပြီး အဆောင်တစ်ခုကို လေးဆယ့်ကိုးဘတ် နဲ့ စရောင်းသတဲ့။ မြို့တည် မော်ကွန်းကျောက်တိုင်ကိုလည်း ၁၉၈၇ခုနှစ်မှာ တည်နိုင်ခဲ့သတဲ့။အဲဒီဆရာကြီးခွန်ဖန်ရဲ့ ကျထုခမ်းရာမာထပ် အဆောင်တွေဟာ အခုကာလမှာ ဘတ်သိန်းချီဈေးပေါက်ပြီးဝယ်ချင်တိုင်းဝယ်လို့မရတော့ဘူးတဲ့ဗျ"
"အော် ဒါဆို ကျထုခမ်းဆိုတာ ရဲဗိုလ်ချုပ်တဖြစ်လဲ ကျထုခမ်းဆရာကြီး ခွန်ဖန်ရဲ့မူပိုင်ပေါ့"
"ဒီလိုလည်း မဟုတ်သေးဘူး။နာမည်ကြီးလာရင် ဆင်တူယိုးမှားတွေပေါ်လာတတ်တာ သဘာဝပဲမဟုတ်လား။ကျထုခမ်းမူကွဲ၊ဆင့်ပွား ကျထုခမ်းတွေ ရှိသေးဗျာ။တကယ်တော့ ပထမဆုံးကျထုခမ်းရုပ်ထုသွန်းရာမှာ၊ ဝပ်ဖရာ မဟာထပ်ပုထိုး တော်ဓာတ်တော်တိုက်မှာရှိတဲ့ ဘာသာရေးအရတန်ခိုးကြီးတယ်လို့ယုံကြည်ကြတဲ့ အသုံးအဆောင်တွေ ပါဝင်သတဲ့ဗျာ။ နောက်ပိုင်း ဘုန်းတော်ကြီးတွေ နာမည်ကြီး ဗေဒင်ဆရာ၊အကြားအမြင်ဆရာတွေ ထုလုပ်တဲ့ ကျထုခမ်းတွေမှာ ကျနော်တို့ဗမာပြည်က ဘာသာရေး အသုံးအဆောင်၊ ရှေးသမိုင်းဝင် ပစ္စည်းတွေတောင်ပါသေးဆိုပဲ။ ဒီအချက်ကို ကျနော်ပြောနိုင်တာက ၂၀၀၅ခုနှစ်ဝန်းကျင် ကျနော်ရနောင်းကို ရောက်စတုန်းက ကော့သောင်းဇာတိရနောင်းမြို့ခံ ကိုထိန်လင်းရွှေဆိုတဲ့ လူတစ်ယောက်နဲ့ မိတ်ဆွေဖြစ်ခဲ့ဖူးတယ်။သူနဲ့ပြောခဲ့ဖူးတဲ့ စကားတွေထဲမှာ သူဟာ နာမည်ကြီးထိုင်းဆရာတော်ကြီးတစ်ပါး ကျထုခမ်းထုလုပ်ဖို့အတွက် ရွှေတိဂုံစေတီပေါ်က ပန်းခြောက်တွေ၊ ဘုရင့်နောင် မင်းတရားကြီးရဲ့ ကမ္ဘောဇသာဒီနန်းတော်တည်ရှိခဲ့တဲ့နေရာကမြေကြီး၊ရွှေမော်ဓောဘုရားက ဘာညာ၊အာနန္ဒာဘုရားက အုတ်ခဲ ဆိုလား အတော်များများကို ရှာဖွေပေးခဲ့ရတယ်ဆိုသဗျ။ကျထုခမ်းခေတ်အစားဆုံးကာလကတော့ ၂၀၀၆ခုနှစ်ဝန်းကျင် တဝိုက်ပါပဲ။အခုထက်တိုင် လည်း ယုံကြည်စွဲလန်းနေသူတွေ အုံနဲ့ကျင်းနဲ့ရှိနေတုန်းပဲဗျ။ ဖူးခက်မြို့က တရုတ်လင်မယားဟာ ကျထုခမ်း ကြောင့်ကျိကျိ တက်ချမ်း သာလာတယ်လို့ယုံကြည်တယ်။အတိုက်အခံခေါင်းဆောင်ဆွန်ထိ သေဘေးကလွတ်တာဟာ ကျထုခန်း ကြောင့်လို့ ယုံကြတယ်။ ထိုင်းဘုရင်ကြီးသက်တော်ရှည်နေတာလည်းကျထုခမ်းရဲ့အစွမ်းကြောင့်လို့ ယူဆနေကြ လေရဲ့"
"ဆရာကြီးခွန်ဖန်ရဲ့ ဇာတ်လမ်းလေးဆက်ပါအုံးဗျ"
ဆရာကြီးခွန်ဖန်ဟာ ၂၀၀၆ခုနှစ် စက်တင်ဘာလ၊ အသက် တစ်ရာ့သုံးနှစ်မှာသေသတဲ့ဗျ။တချို့ကလည်းတစ်ရာ့ရှစ်နှစ်လို့ဆိုတယ်။ သူ့နာရေးအခမ်းအနားကိုတော်ဝင်ဈာပနအခန်းအနားနဲ့ကျင်းပခဲ့ပြီး ပရိသတ်ပေါင်း နှစ်သိန်းခွဲကျော်လိုက်ပါပို့ဆောင်ကြသတဲ့။အဲဒီနေ့ကို ကျနော်မှတ်မိနေတာက ကျနော့်ဗမာ ပစ္စည်းတွေကို ရနောင်းကနေ ဖူးခက်အရောက် ကားစီးလုံးတိုက်ပေးတဲ့ ဦးလွယ်ဆိုတဲ့ သူဌေးလင်မယားတောင် ဆရာကြီး ခွန်ဖန်ရဲ့ ဈာပနကိုလိုက်ပါပို့ဆောင်ဖို့ တစ်ပတ်လောက်နခွန်စီထမရတ်ကိုရောက်နေ ခဲ့ကြလို့ပါပဲ"
"ဒါနဲ့ ကိုသက်ခိုင်၊ ခင်ဗျားအနေနဲ့ကော ဒီလိုအဆောင်လက်ဖွဲ့ဆိုတာတွေကို ယုံကြည်သလားဗျာ"
စကြာဝဠာအနှံ့မှာ ထောက်လှမ်းလို့မလွယ်တဲ့ တန်ခိုးစွမ်းအားတွေ ရှိနေတယ်ဆိုတာ ကျနော်လက်ခံယုံကြည်ပါတယ်။ဒါပေသည့် ထိုင်းလူမျိုးတွေကတော့ အစွန်းရောက်လွန်းတယ်လို့ထင်မိတယ်။ပြောနေရင်းနဲ့ ထိုင်းလူမျိုးတချို့ ယောက်ျားတန်ဆာကို ကြံကြံဖန်ဖန်၊ ယုံကြည်ကိုး ကွယ်တာလည်း မြင်ဖူးတွေ့ဖူးသေးတယ်ဗျာ။ဘာတဲ့။ ကျနော်တို့မဟာမြန်မာများကတော့ အဲဒီအရာဟာ ဘုရင့်နောင် မင်းတရားကြီး ရဲ့ပစ္စည်းလိုလို၊အလောင်းမင်းတရားကြီးပေးတဲ့ဆေးနည်းလိုလို ကြံဖန်ဂုဏ်ယူပြီး ထင်ရာပြောနေကြ လေရဲ့။ ပြောစရာ တွေက အများ သားကလား။ အားလပ်တဲ့အခါ ဆက်ပြောကြ တာပေါ့။ခုတော့ နားကြအုံးစို့ရဲ့။
ရုပ်ပုံ။ ။ဂူဂဲလ်