၅။၁၂။၂၀၁၄ နေ့ထုတ် ၊သည်လေးဒီးစ်အပတ်စဉ်ဂျာနယ်မှ ။ ။
“ခွေးဝဲစားတစ်ကောင်၏ဇာတိပုည၊ဂုဏ်မာန”
(မင်းဒင်)
(တစ်)
သေချာစဉ်းစားလေ၊လူတွေကို ကျုပ်စိတ်နာလေပဲဗျာ။အထူးသဖြင့် ခုတလော၊ ကျုပ်နားထဲမှာ ကျုပ်ကိုရော၊ကျုပ်ဆွေ စဉ်မျိုးဆက်ကိုပါစော်ကားတဲ့အသုံးအနှုံးတွေပဲ ထပ်ချည်းတလဲလဲကြားနေရတယ်။ ရပ်ထဲရွာထဲ၊ဈေး၊ဘတ်စ်ကား မှတ်တိုင်၊ လယ်ထဲကိုင်းထဲ၊စာသင်ကျောင်းမှာသာမက၊ဘုန်းတော်ကြီးကျောင်းပရဝုဏ်အတွင်းပါမကျန်၊ ကျုပ်တို့နာမည်သုံးပြီး စော် ကားနေကြတာများနားမခံနိုင်စရာ။ဖေ့စ်ဘွတ်မှာကြည့်အုံးမလား။ကျုပ်တို့နဲ့ ခိုင်းနှိုင်းပြီး ဆဲဆိုသံတွေပွလို့၊
ဟ။ ဖေ့စ်ဘွတ် ပေါ်တော့ ကျုပ်ကိုယ်တိုင်တက်ပြီး ဘယ်မှာလာစာဖတ်နိုင်ပါ့မတုန်း။ခွေးစာ ဖတ်တတ်တယ်ဆိုတာခင်ဗျားကြားဖူးလို့လား။ ဖေ့စ်ဘွတ်တက်တဲ့လူအချင်းချင်း ပြန်ပြောကြတာကို ကျုပ်ကတစ်ဆင့်စကား ကြားရတာပေါ့။လူစကားခွေးနားလည်တာ ဘာဆန်းတုန်းဗျ။လူတွေတောင်မာဂဓဘာသာတတ်ကျွမ်းရင် ကျုပ်တို့စကားကိုနားလည်နိုင်ကြသေးတာပဲလေ။
သြော်။ခက်နေပြန်ပါပြီ။ဒီအသံတွေအားလုံးကျုပ်က ဘယ်လိုကြားသလဲဟုတ်စ။ခင်ဗျားတို့လူတွေမှာတောင် လူသတင်းလူ ချင်းဆောင်ဆိုတာရှိတယ်မဟုတ်လား။ကျုပ်တို့လည်းခွေးသတင်းခွေးချင်းဟောင်ပြီးသိကြတာပေါ့။သိကြသမှ၊သိ၊သိ၊သိနဲ့ တောင်နေသေးဗျာ။ခင်ဗျားတို့လူလောကဇာတ်ထုတ်ရှုပ်လွန်လွန်းလို့ ဖွင့်မပြောချင်တာကြောင့် အသာငြိမ်နေခဲ့တာ။ အခု တော့ ခင်ဗျားတို့တရားလက်လွတ်သိပ်ဖြစ်လာပြီ။
ဒီတော့ လူမှာလူ့အခွင့်အရေးရှိရင်ခွေးမှာလည်း ခွေးအခွင့်အရေးရှိ သင့်တာ မို့၊အဲဒီလောကပါလတရားနဲ့အညီကျုပ်ပြောမယ်။ ခင်ဗျားတို့သည်းခံပြီးတော့သာနားထောင်ပေတော့။ ဟုတ်တာ ဆိုနာလိုခံခက်၊အမျက်ထွက်တတ်သတဲ့။အဲဒီစကားလေးလည်းမေ့မနေကြနဲ့အုံး။
ဘာတဲ့။ခွေးမသားတွေ၊ခွေးသူခိုးတွေ၊ ခွေးဝဲစားတွေ၊ခွေးကျင့် ခွေးကြံကြံတယ်။ခွေးလောက်တောင်အမွှေးမပြောင်တဲ့ ကောင်တွေ၊ခွေးလောက် တောင်အသုံးမကျဘူး။ခွေးမျိုးတွေ၊ဒါတွေဟာ ကျုပ်တို့ကိုမဆီမဆိုင် တရားလက်လွတ်ဆွဲထည့်ပြီး စော်ကားနေကြတာပေါ့ဗျာ။ခင်ဗျားတို့ကိုယ်ချင်းစာကြပါဗျ။ကျုပ်က ဘာကြောင့်နာသတုန်းဆိုတော့ ကျုပ်ဟာဂုဏ်သိက္ခာ တရား ကိုတန်ဖိုးထားတဲ့ခွေးဝဲစားတစ်ကောင်ဖြစ်နေလို့ပါပဲ။
(နှစ်)
တကယ်တော့ ခင်ဗျားတို့လူတွေလွဲနေတာအများကြီးပါ။ခွေးဘိုးတစ်ထောင်၊ကြောင်ဘိုးတစ်သိန်းတဲ့။ဘယ်လောက်များ လွဲ လိုက်လေသလဲလို့။သစ္စာရှိတဲ့ခွေးကျတော့ တစ်ထောင်တန်ကြေးသတ်မှတ်တယ်။သခင်ကိုပွတ်သီးပွတ်သပ်လုပ်ပြီး တညောင်ညောင်နဲ့အချောင်စားနေတဲ့ကောင်တွေကျတော့တစ်သိန်းတဲ့။ဒါကြောင့်ခင်ဗျားတို့လူမွှေးလူတောင်မပြောင်ကြတာ။
စကားကြုံတုန်းကျုပ်တို့ရဲ့အမျိုးဂုဏ်ဇာတိဂုဏ်ကိုပြောပြရသေးတာပေါ့။လူတွေအပေါ်မှာ၊သစ္စာအရှိဆုံးသတ္တဝါဟာ ကျုပ်တို့ ပဲဗျ။ ဂျပန်နိုင်ငံမှာရှိခဲ့ဖူးတဲ့ ကျုပ်တို့မျိုးနွယ်ခွေးတစ်ကောင်ဟာ ကွယ်လွန်သွားရှာပြီဖြစ်တဲ့ သူ့သခင်ပြန်လာနိုးနဲ့နှင်းတော ထဲမှာ နှစ်နဲ့ချီစောင့်ရင်း အသေခံသွားတဲ့ဖြစ်ရပ်ဆိုရင် ရုပ်ရှင်ရိုက်ထားတာတောင်ရှိသေးဗျာ။မီးလောင်နေတုန်း သခင်လုပ် သူရဲ့ သားကလေး မီးတောက်တွေ ကြားထဲမှာ ကျန်ရစ်နေတာကိုအသက်စွန့်ပြီးကယ်တင်ခဲ့ဖူးတဲ့ ကျုပ်တို့ခွေးသူရဲကောင်း တွေရဲ့ ပြောင်မြောက်တဲ့ရာဇဝင်တွေကို ခင်ဗျားတို့မမေ့ကြပါလေနဲ့။
ကျုပ်တို့ဟာသမိုင်းစဉ်ဆက်ခင်ဗျားတို့လူတွေအတွက်အမဲလိုက်ပေးရတယ်။ခင်ဗျားတို့အသက်အိုးအိမ်စည်းစိမ်လုံခြုံဖို့ ည ညဆို၊မြွေမကြောက်၊ကင်းမကြောက်၊သူခိုးသူဝှက်ရန်ကနေ ကင်းဖို့လုံခြုံရေးတာဝန်ယူပေးရတယ်။ခင်ဗျားတို့သားသမီးတွေအချိန်မတိုင်မီကာလနာမတိုက်ဖို့ မူးယစ်ဆေးဝါးတွေကို အနံ့ခံပြီးရှာဖွေဖော်ထုတ်ပေးရတယ်။ တဝုန်းဝုန်းတဒိုင်းဒိုင်း ပစ်နေတဲ့ လူသတ်ကွင်းမှာကြားထဲကငထွားခါးနာဆိုသလို မိုင်းတွေရှာပေးရတယ်။
လူစည်ကားရာအရပ်မှာဗုံးလို့ ထင်ရတဲ့ အရာတွေ့ပြီဟေ့ဆိုရင် ရှေ့ကနေ အမြီးနှံပြီး နှုတ်ခမ်းတရှုံ့ရှုံ့နဲ့အသက်ပေးဖို့အဆင်သင့်ဖြစ်နေတာကျုပ်တို့ပါပဲ။ ဒါတင်ဘယ်ကအုံးမလဲ။ ခင်ဗျားတို့ရဲ့ကလေးတွေအပျင်းပြေဖို့ ကျုပ်တို့က နာနီအလုပ်လည်းလုပ်ရသေး။ ညနေပိုင်း အချိန်ပန်းခြံတွေထဲမှာဆို၊ ကလေးလူကြီး ပျိုပျိုအို အို ကျန်းမာရေးအတွက်ဆိုလား၊လမ်းလျှောက်ကြတော့ ကျုပ်တို့က မဆီမဆိုင်အဆစ်ပါပြီး အဖော်အဖြစ် ခြေညောင်းခံ ရသေးဗျာ။ဒီကျေးဇူးတွေကိုထောက်ပါဗျ။
သြ၊ခင်ဗျားက ကျုပ်တို့ကိုတချို့မိန်းခလေးတွေတယုတယပွေ့ချီပြီးကယုကယင်လုပ်တာကို အပြစ်ပြောချင်နေသကိုး၊ဒါက အနည်းစုပါဗျာ။အထူးသဖြင့် ခင်ဗျားတို့နိုင်ငံမှာ ရေပေါ်ဆီလူ့မလိုင်အတန်းအစားအနည်းစုလောက်သာ ကျုပ်တို့ကိုမျက်နှာ သာပေးနိုင်တာပါ။ လူအများစု စားဝတ်နေ ရေးချောင်လည်တဲ့၊အမေရိကန် အင်္ဂလန်မှာ ခွေးဖြစ်ရတယ်ဆိုရင်ဟုတ် တုတ် တုတ်။
ဟုတ်ပါတယ်။ကျုပ်တို့ကအနုံညာတတွေပါ။ ခင်ဗျားတို့စွန့်လိုက်ပြီးချေးလို့ခေါ်တဲ့မစင်ကိုစားနေရတဲ့ဘဝပါ။တစ်ချို့တော အရပ်ဒေသက ကျုပ်တို့အမျိုးတွေမှာ တဝမ်းတခါးအတွက်လူတွေအိမ်သာတက်မဲ့အရေး အောက်ကနေ မျှော်လိုက်ကြရ တာအမော။အညာဘက်တွေမှာဆိုရင်၊လူတွေတောထဲတောင်ထဲမှာ ချုံကွယ်ပြီးတောထိုင်ထားကြတဲ့ အပုံလေးတွေတွေ့မှ ဝမ်းသာရတဲ့အဖြစ်။ အဲဒီအချိန်မှာ ကျုပ်တို့ခံစားရတဲ့အပျော်ကို၊တင်စားထားတဲ့စကားပုံတစ်ခုတောင်ရှိသေး၊ဘာတဲ့။ ကံကောင်း တဲ့ခွေးပြေးရင်းချေးပုံတွေ့တဲ့။
(သုံး)
ခွေးပါးစပ်က နတ်စကားထွက်တယ်လို့တော့မထင်လိုက်ပါနဲ့။ အခုခင်ဗျားတို့နိုင်ငံမှာဖွဲ့စည်းပုံကိုမပြင်တာ၊ ကချင်မှာလက် နက် ကြီးနဲ့ပစ်တာ၊ခြောက်ပွင့်မဆိုင်တာ၊ကရင်ခေါင်းဆောင်ဆိုတဲ့ပေါကြောင်ကြောင် လူတစ်ယောက်ကိုမကျေနပ်တာ၊ အမတ် အမည်ခံစစ်ဗိုလ်လူထွက်ပေါချောင်ချောင် ကောင်ကိုမေတ္တာပို့တာ၊”မိဘပြည်သူများခင်ဗျား”ဆိုပြီးပါးစပ်ဖျားမှာတင် ပြုပြင် ပြောင်းလဲရေး နိဌိတံနေတဲ့သမ္မတမင်းကိုမကျေနပ်တာ၊ စစ်ဗိုလ်ချုပ်များသူတို့ ပထွေးပေါက်ဖော် တရုတ်ပြည်ကြီးနဲ့ သံသာလေကမ်းတိုင်တူပြိုင်ကာကူးဖို့ရည်ရွယ်တာ၊အဲဒီကိစ္စသပ္ပနနံပေါင်းတွေဟာ ကျုပ်တို့ခွေးနဲ့ အဝေးကြီး ဗျ။ ဒါကို ဘာကြောင့် ကျုပ်တို့နာမည် တပ်ပြီးမကြားဝံ့မနာသာဆဲဆိုနေကြတာတုန်း။
ခင်ဗျားတို့လူအစစ်တွေသာဆိုရင်၊ ပြေလည်အောင်အဖြေရှာရင်လွယ်ပါတယ်ဗျာ။ခွေးတွေမှာအာဏာသိမ်းတယ်ဆိုတာ ခင်ဗျားတို့ကြားဖူးလား။ခင်ဗျားတို့ဟာ၊ လူတွေလို့သာဆိုတယ်။ ထစ်ကနဲရှိအာဏာသိမ်းဖို့ပဲချောင်းနေကြတယ်။ခွေးမှန်ရင် အာဏာမမက်ဘူး။ကျုပ်တို့ပိုင်နက်နယ်မြေကို ကျုပ်တို့ခွေးတစ်မျိုးသားလုံး အမျိုးသားရေးစိတ်ဓာတ်နဲ့ ကာကွယ်နေကြ တာပဲရှိတယ်။ခွေးပေါ်ခွေးဇော်မလုပ်တတ်ကြ ဘူး။ခွေးဗိုလ်မှူးကြီး၊ခွေးဗိုလ်မှူးချုပ်၊ခွေးဗိုလ်ချုပ်၊ခွေးဗိုလ်ချုပ်ကြီး၊ ခွေးဗိုလ် ချုပ်မှူးကြီးဆိုတဲ့ အခေါ်အဝေါ် တွေ ကျုပ်တို့လောကမှာမရှိဘူး။ခွေးဟာခွေးပဲ။ခွေးချင်းအတူတူဘယ်ခွေးမှ တစ်မူးပို ရှူလို့ မရဘူး။
ခွေးဝမ်းသာအောင်လေလည်ပြဆိုတဲ့တဲ့စကားမျိုးနဲ့ ကျုပ်တို့ကိုမပုတ်ခတ်ပါနဲ့ဗျာ။ ခင်ဗျားတို့လူတွေသာ လက်ရှိအစိုးရပြော သမျှယုံ၊အစိုးရကလည်း တရုတ်ကိုအယုံကြီးယုံ၊သေချာတွေးရင်ရယ်ချင်စရာကြီးဗျာ။ကျုပ်မှာသာ လုပ်ပိုင်ခွင့်ရှိခဲ့ရင် လူထု ဝမ်းသာအောင် လွှတ်တော်လေလည်ပြ၊ဗိုလ်ချုပ်များဝမ်းသာအောင်၊တရုတ်ကြီးလေလည်ပြဆိုပြီး၊ စကားပုံကိုပြောင်း လိုက်ချင် သေး တယ်။
နောက်တစ်ချက်က ခင်ဗျားတို့လူတွေသိပ်ရိုင်းတယ်။ ဟိုစကားပုံလေ။ဆင့်အဝှာကိုခွေးမျှော်သလိုတဲ့။ခင်ဗျားတို့လူတွေကျ တော့ကော၊အရင်အစိုးရကလည်း ဒီလူ၊နောက်ဒီမိုကရေစီအစိုးရဆိုပြီး၊စစ်ယူနီဖောင်းချွတ်၊ တိုက်ပုံနဲ့ခေါင်းပေါင်းပေါင်း၊ အသစ်ကလေးအိုက်တင်နဲ့တက်လာတော့၊ဟုတ်နိုးနိုးထင်ကြတာ ခင်ဗျားတို့လူတွေမဟုတ်ဘူးလားဗျာ။
ဒီတော့ဆင့် ဥစ္စာလူထုမျှော်ဆိုတာမှ ပိုပြီး အဓိပ္ပါယ်ကွက်တိမကျပေဘူးလားဗျာ။ နှိုင်းစရာရှားလို့ဗျာ။ခွေးကျိုးနဲ့ယုန်လိုက်တဲ့။ မသန် မစွမ်းဖြစ်နေလျက်နဲ့ယုန်လိုက်ရာပါနေရတဲ့ သူကိုမှ၊အားမနာ။ တကယ်တမ်းပြောရမှာက၊ ကိုယ်ပိုင်ဥာဏ်တစ်ပြား သားမှ မရှိပဲလွှတ်တော်ထဲ လာငိုက်နေကြတဲ့ အဖြစ်ကို စစ်ဗိုလ်အမတ်ကျိုးတွေနဲ့ဒီမိုကရေစီလိုက်လို့သုံးရမှာခင်ဗျ။
နောက်တစ်ချက်က ခွေးရူးကောင်းစားတမွန်းတည့်တဲ့။သိပ်ခက်တယ်ဗျာ။ရောဂါပိုးတစ်မျိုးကြောင့် စိတ်ရောဂါရပြီး စိတ် ဖောက်ပြန်နေတဲ့ခွေးတစ်ကောင်ကို ရက်ရက်စက်စက်ပြောထွက်လိုက်တာများ၊ခင်ဗျားတို့အစား ကျုပ်ဖြင့် ရှက်တောင်ရှက် မိပါရဲ့။သေချာစဉ်းစားကြည့်စမ်းပါ။ခွေးရူးက တစ်မွန်းတည့်ပဲကောင်းစားတယ်ဆိုတော့ ခင်ဗျားတို့နိုင်ငံက လူမဆန်တဲ့သူ တွေ အနှစ်လေးငါးခြောက်ဆယ်ကောင်းစားနေတာကျတော့ ဂုဏ်ရှိရော့တဲ့လား။ခွေးဆိုတာ ရယ်တတ်တဲ့အမျိုးဆိုရင် ကျုပ်ဖြင့် သွားလေးဖြဲပြီး ဝုတ်အဟက်၊ဝုတ်အဟက်လို့တောင် အသံထွက်ရယ်လိုက်ချင်သေး။
စားပြီးနားမလည်စားခွက်သေးပန်းတဲ့ကောင်တွေတဲ့။လာလာချည့်သေးဗျာ။ခင်ဗျားတို့လူတွေမှာ လူထုမျက်နှာမကြည့်ပဲ တိုင်းပြည်သယံဇာတတွေကိုထင်တိုင်းကြဲပြီး ကိုယ်ကျိုးရှာချယ်လှယ်နေတဲ့သူတွေကိုကျတော့ စားခွက်ရွှေချထားတဲ့ကောင် တွေလို့ ပြောရင် မကောင်းပဲရှိတော့မယ်။ခွေးဘုရားပွဲတွေ့ဆိုတဲ့စကားနေရာမှာကြံ့ဖွံ့တွေဘုရားပွဲတွေ့လို့လုပ်ကြစမ်းပါဗျာ။စစ်ခွေး၊စစ်ခွေးဆိုပြီး လူမသမာတွေကိုတင်စားတဲ့ ကိစ္စကိုလည်း ကျုပ်တို့နာကျည်းတယ်။တကဲ့စစ်ခွေးရဲ့ဘဝဟာ သေတွင်း ဖြတ်နင်းရတဲ့ မိုင်းရှာတဲ့အလုပ်မျိုးမှာ ကျင်လည်ကျက်စားတဲ့သူတွေဗျ။ကျုပ်တို့စေတနာကို ကျေးဇူးမတင်ချင်နေပါ။ မစော်ကားပါနဲ့။စစ်ထဲဝင်ပြီး အကျင့်စရိုက်မကောင်း၊အာဏာပါဝါတလွဲသုံးနေတဲ့သူတွေကို တိုက်ခိုက်ချင်ရင် စစ်လူလို့ သုံးဗျာ။ကျုပ်တို့ဆွေဂုဏ်မျိုးဂုဏ်ကိုမထိပါးပါနဲ့။ဟုတ်ပြီနော်။
(လေး)
ဟော၊ပြောနေရင်းပုဂ္ဂိုလ်ရေးပါလာပြန်ပြီ။ကျုပ်ကခွေးမို့လို့ဝဲစားတာမဆန်းဘူးဗျ။လူတွေမှာသာ စိတ်ဓာတ်တွေဝဲစားနေတာ ကမှဆန်းတာ။ကျုပ်ဝဲစားနေရတဲ့အကြောင်းကလည်း အဲဒီဝဲအနာကိုထည့်စရာရေနံဆီမရှိလို့။ရေနံဆီမရှိတဲ့ကိစ္စကလည်း သေချာစဉ်းစားရင် ခင်ဗျားတို့အပြစ်မကင်းဘူး။ကျုပ်အဘိုးအဘွားတို့ခေတ်တုန်းကဆိုရေနံဆီတစ်ပုလင်း ပြားနှစ်ဆယ်၊ ကြိုက်သလောက်ဝယ် လို့ရတယ်။အခုတော့ရေနံဆီဟာဘုရားချေးထက်ရှားနေပြီ။ဒါဟာ ခင်ဗျားတို့လူတွေအပြစ်မဟုတ်ရင် ဘယ်သူအပြစ်လဲ။ဒီ တော့ ကျုပ်ကိုခွေးဝဲစားလို့ခေါ်တာ ခင်ဗျားတို့သိပ်လွန်တယ်။
နိုင်ငံရေးစကားပြောတာတော့ မဟုတ်ရပါဘူးဗျာ။ အခုအချိန်အထိ ကျုပ်တို့မစင်စားနေရတာလည်း ခင်ဗျားတို့ အစိုးရ အသုံးမကျလို့ပဲဗျ။ယိုးဒယားပြည်ဖူးခက်မြို့မှာဆိုလားနေပြီး ပြည်တွင်းထုတ်ဂျာနယ်တွေမှာစာတိုပေစတွေ တောင် ရေးမြောက်ရေးလုပ်နေတဲ့ မင်းဒင်ဆိုတဲ့ လူတစ်ယောက်ရေးတဲ့စာထဲမှာ ဖူးခက်က ကျုပ်တို့နဲ့အနွယ်တူခွေးတွေဟာ အဲဒီ မစင်လို့ခေါ်တဲ့ချေးကိုမစားကြတော့ဘူးလို့ရေးထား တာပြောသံကြားဖူးတယ်။အမယ်၊ကြက်ကြော်တောင်မစားကြတော့ဘူးဆိုလား။ကျုပ်တို့အတွက် ကျန်းမာရေး နဲ့ညီညွတ်တဲ့အစာတွေကို ခေတ်မီစက်ရုံကြီးတွေကနေ ထုတ်ပြီးရောင်းကြတာ တဲ့။ဖူးခက်မှာ လမ်းဘေးရောက်နေတဲ့ ကောင်တွေတောင် ဝလို့ဖီးလို့တဲ့ဗျ။ဒီတော့ ကျုပ်တို့ဟာ၊အဟာရဓာတ်ချို့တဲ့ပြီး ခွေးချင်းတူသူချင်းမမျှလေတော့ခွေးစဉ်မမီတဲ့ဘဝကုန်ကြရတာ ခင်ဗျားတို့လက်ချက်မကင်းဆိုရင်ငြင်းမလား။
(ငါး)
အင်း၊လူဖြစ်ပေမဲ့လူလိုသိဖို့လွယ်မယ်မထင်နဲ့ဆိုတဲ့ သတိပေးဆုံးမစကားဟာတယ်မှန်သကိုး။ကျုပ်တို့ခွေးတွေဟာ မကျေ နပ်ရင် စိတ်ထဲမထားတတ်ဘူး။ပြောင်ပြောင်ပဲဟောင်တတ်တယ်။ လက်တစ်လုံးကြား၊မလိမ်မညာတတ်ဘူး။ တိုင်းပြည်ကို ချစ်လှပါချည့်ရဲ့ ဆိုတဲ့အရည်မရအဖတ်မရစကားတွေနဲ့ မျက်နှာပြောင်မတိုက်ဘူး။ ကျုပ်တို့ လောက် တောင်အဆင့်မရှိ တဲ့သူတွေကို ကျုပ်တို့နဲ့ ပုံခိုင်းပြီးဆဲတာလောက် အသည်းနာစရာကောင်းတာ မရှိတော့ ဘူး။ကျုပ်တို့ဟာ အဝှာစားနေပေမဲ့ ၊ဂုဏ်ရောင်ထွန်းပြောင်တဲ့မျိုးနွယ်ပါဗျာ။ဒီတော့ ခင်ဗျားတို့လူ့ပြည်၊အထူး သဖြင့်မြန်မာ နိုင်ငံမှာ လူစိတ်မရှိတဲ့ လူ့အန္ဓ၊ လူ့ဗာလ၊လူ့တုစ္ဆ၊မောဃယောက်ျားများ၊အချည်းနှီးသောလူမသမာတွေကို၊ပြစ်တင်ရှုံ့ချ နှိပ်ကွပ်ဆုံးမချင်တယ်ဆိုရင် ကျုပ် တို့လို ဇာတိပုည ဂုဏ်မာနမြင့်မားတဲ့သူတွေနဲ့ ပုံခိုင်းပြီး မဆဲဆိုကြဖို့မေတ္တာရပ်ခံပါတယ်။
ဆဲချင်သပဆိုရင်လည်း “လူသူခိုးတွေ” “လူဝဲစားတွေ” “လူကျင့်လူကြံမကြံကြနဲ့” “လူလွန်မသားတွေ”၊ “တရုတ်ဥစ္စာ၊ အစိုးရမျှော်သလို”“ကြံ့ဖွံ့ကောင်းစား တမွန်းတည့်” “လူသူတောင်းစားတွေ”ဆိုပြီး ဆဲကြဆိုကြပေါ့ဗျာ။အခုတော့ဗျာ၊ “လူ ဟိုဒင်းမသားတွေကြောင့် ကျုပ်တို့နာမည်ပျက်ရတယ်။
ကန်တော့ဗျာ။ကန်တော့၊ကန်တော့၊ကျုပ်လည်းဒေါသထွက်လွန်းလို့ ဆဲမိတော့မလို့။ ခွင့်လွှတ်ပါဗျာ။ တစ်ခုတော့ ပြောပါ ရစေ။ လူဆိုတာလူ့သိက္ခာတော့ရှိရတယ်ဗျ။ အခုလိုပုံနဲ့ခင်ဗျားတို့ သေသည်၏အခြားမဲ့မှာ ကျုပ်တို့ဘဝမျိုးရောက်တောင် ခွေးတောတိုးဖို့မလွယ်လှဘူး။ လူ့ဘဝဟာရခဲသတဲ့။လူဖြစ်တုန်းလူပီသကြစမ်းပါ။
ခင်ဗျားတို့လူတွေလူ့ဂုဏ်သိက္ခာမြင့်လာတဲ့အခါ ကျုပ်တို့နဲ့ ပုံခိုင်းပြီးကြိုက် သလောက်ဆဲစမ်းပါလေ့ဗျာ။ ကျုပ်တို့ခွေး တစ်မျိုးသားလုံးရင်ကော့ပြီး ကျေကျေနပ်နပ်ကြီး ကိုခံယူဖို့ အဆင်သင့်ပါဗျ။ ဆက်ပြောရရင်မကောင်းတော့ဘူး။ ဘွတ်အဲ ဘွတ်အဲအော်တဲ့နွားဆိုတဲ့မောင်တွေလည်းကျုပ်လိုသာခွေးရည်လည်ရင်၊သူတို့နဲ့မတန်မရာနှိုင်းလို့၊စိတ်နာကြအုံးမှာပဲ။
အင်း၊စကားပြောရင်းနဲ့ကျောတောင်ယားလာပြီဗျာ။ဝဲစားတဲ့ဝေဒနာသက်သာရာရလိုရငြားပြာပုံရှာတိုးပြီး ခဏတစ် ဖြုတ်ဇိမ် ယစ် လိုက်ဦးမှ။ကျုပ်ပြောတာခင်ဗျားတို့သဘောပေါက်တယ်နော်။ ။