%2B12-12-2014%2BFri.jpg)
၁၃၊ဒီဇင်ဘာ၊၂၀၁၄နေ့ထုတ်၊ဆဲဗင်းဒေးနေ့စဉ်သတင်းစာ မှ။ ။
“ကျွန်ုပ်၊နော်ဝေဘုရင်ကြီးနှင့်တွေ့ဆုံခဲ့ရစဉ်က”
(မင်းဒင်)
(တစ်)
ကျွန်ုပ်သည် ငယ်စဉ်က ကွန်မြူနစ်အတွေးအခေါ်အခြေခံသည့် လက်ဝဲစာပေများကို စိတ်အားထက်သန်စွာလေ့လာဖတ်ရှု ခဲ့သူဖြစ်သည့်အလျောက်၊ဆင်းရဲသားကျောမွဲလူတန်းစားများဖက်မှ ရပ်တည်လိုသည့်စိတ်ဓာတ်ပြင်းထန်ခဲ့ပြီး၊ မင်းစိုးရာ ဇာများ၊အစိုးရပိုင်းမှာအရာရှိကြီးများ၊အထက်တန်းလွှာလူ့မလိုင်များနှင့်ခပ်ကင်းကင်းနေလိုသောစရိုက်ရှိခဲ့လေသည်။ထို့ပြင် လက်ရှိကျွန်ုပ်အခြေချနေထိုင်လျက်ရှိသည့်၊ယိုးဒယားပြည်ဖူးခက်တည်းဟူသောအရပ်ဒေသမှာ မြန်မာရွေ့ပြောင်းအလုပ် သမား ဦးရေသိန်းချီရောက်ရှိနေသည့်ဒေသဖြစ်သော်ငြား၊မြန်မာအစိုးရအရာရှိမင်းဟူ၍ ဖူးခက်မြို့တွင်ခွေးတစ်ကောင် တစ်မြီးမှ မတွေ့ရသောအရပ်ဖြစ်လေရာ၊ဆင်းရဲသားကျောမွဲတို့အကြားတွင်ပျော်မွေ့လိုသော ကျွန်ုပ်၏စိတ်ဓာတ်နှင့် လွန်စွာ အံကျလျက်ရှိလေ၏။
သို့သော်၊လွန်ခဲ့သော ရက်သတ္တပတ်ကမူ၊ကျွန်ုပ်၏အီးမေးလ်သို့လိပ်မူလျက်၊ ထူးဆန်းစွာရောက်ရှိလာသော၊စာတစ်စောင်ကို အကြောင်းပြုလျက်၊ အလွန်တရာ ကြီးကျယ်ခမ်းနားသော၊မင်းစိုးရာဇာစာရင်းစာရင်းတွင်ထိပ်သီးစာရင်းမှပါဝင်သည့် ပုဂ္ဂိုလ် ကြီးတစ်ဦးနှင့်တွေ့ဆုံခဲ့ရလေသည်။အဆိုပါစာမှာ နော်ဝေနိုင်ငံဘုရင်မင်းမြတ်၏အိမ်တော်ဝန်၊မစ္စတာမိုနီကာ(Monica Mærland)ထံမှ ဖြစ်၍ ၎င်းစာပါအကြောင်းအရာ၏အနှစ်ချုပ်မှာ၊ နော်ဝေဘုရင်မင်း မြတ်သည် လွန်ခဲ့သော ရက်ပိုင်းက ရောက်ရှိခဲ့သော မြန်မာပြည်ခရီးစဉ်တွင် စိတ်လက်မချမ်းမြေ့ဖွယ်ရာများ ကြုံတွေ့ခဲ့ရသဖြင့်၊နော်ဝေ တော်ဝင် နန်းတော် သို့ချက်ချင်းပြန်လည်ကြွမြန်းတော်မမူပဲ။စိတ်ပြေလက်ပျောက်အလို့ငှာ၊ယိုးဒယားပြည် ဖူးခက်ကမ်းခြေသို့ခရီး တစ်ထောက် ဝင်ရောက်လည်ပတ်မည်ဖြစ်၍ လိုအပ်သလို၊ကြိုဆိုပံ့ပိုးကူညီပါမည့်အကြောင်းမေတ္တာရပ်ခံလာခြင်းပေတည်း။
အဆိုပါစာနှင့်ပတ်သက်၍ကျွန်ုပ်၏စိတ်တွင်ထူးထူးခြားခြားခံစားချက်တစ်စုံတစ်ရာမရှိသော်ငြား၊နော်ဝေဘုရင်ကြီးဟာရေး မြန်မာပြည်၊မန္တလေးမြို့၊ဂေါဝိန်ဆိပ်ကမ်း၌လည်ပတ်ကြည့်ရှုခဲ့စဉ်အချိန်အတွင်း၊အိမ်ခြေမဲ့ဆင်းရဲသားတို့၏တဲများဘူဒိုဇာဖြင့်
ထိုးကော်ခံရသည့်သတင်းကို ကြားသိပြီးဖြစ်၍၊မြန်မာပြည်ဖွားနိုင်ငံသားတစ်ဦးအနေဖြင့် တတ်နိုင်သည့် ဖက်မှ၊လူမျိုး ဂုဏ်ကိုဆယ်တင်ရန်တာဝန်ရှိသည်ဟုခံယူမိသည့်အလျောက်၊အဆိုပါအကူအညီတောင်းခံမှုကို ဝမ်းမြောက် ဝမ်းသာပင် လက်ခံခဲ့လေသည်။
(နှစ်)
နော်ဝေဘုရင်မင်းမြတ်ကြွရောက်လာသည့်အခါ၊နွေးထွေးရင်းနှီးစွာပြောဆိုဆက်ဆံရန်တာဝန်ရှိသည်ဖြစ်၍ ကျွန်ုပ်အနေဖြင့် နော်ဝေနိုင်ငံ၏နောက်ခံသမိုင်းကို၊ ဝီကီစာမျက်နှာမှလည်းကောင်း၊နော်ဝေဘာသာစကားထမင်းစားရေသောက်အဆင့်ကို၊နော်ဝေနိုင်ငံနေကိုမြတ်စိုးဆိုသူထံမှလည်းကောင်း၊အပူတပြင်းလေ့လာသင်ယူခဲ့ရာ၊ကျွန်ုပ်၏ပါရမီအရ၊လျင်မြန်လှသော ဥာဏ်ပဋိဘန်ကြောင့်၊နှစ်ရက်တာကာလအတွင်း၊ ကျွမ်းကျင်တတ်မြောက်ခဲ့လေသည်။နော်ဝေဘုရင်မင်းမြတ်၏ခရီးစဉ်နှင့် ပတ်သက်၍၊၎င်း၏အလို့ရေးအလို့ငှာ၊ကျွန်ုပ်အနေဖြင့်၊မည်သူတစ်ဦးတစ်ယောက်ကိုမျှ ဖွင့်ဟပြောဆိုခြင်းမပြုခဲ့သော်လည်း၊ စပ်စပ်စုစုနိုင်လှသော၊လက်ရင်းတပည့်ကျော်သုံးဦးမှာမူ၊အဆိုပါသတင်းစကားကို မမျှော်လင့်ပဲ ကြိုတင်သိရှိသွားခဲ့ကြခြင်း မှာ နော်ဝေဘာသာစကားအား၊ကျွန်ုပ်ကျက်မှတ်အာဂုံဆောင်နေချိန်တွင်၊သင်းတို့နှင့်တည့်တည့်တိုးမိခြင်းကြောင့်ဖြစ်၏။
ကျွန်ုပ်။ ။ “ဗဲကွန်းမန်း(လှိုက်လှဲစွာကြိုဆိုပါတယ်)။ ဟီးဂဲလိအိုးဆဲဒိုင်း (တွေ့ရတာဝမ်းသာ ပါတယ်)။ဗိုးဒေါန်ဟာဒူးဒဲ(နေ ကောင်းပါရဲ့လားခင်ဗျ။ဗားရှဂု(သုံးဆောင်ပါခင်ဗျာ)”
ဖေကြည်။ ။ “ အလို၊ဆြာဒင့်ပါးစပ်ကထွက်တဲ့အသံတွေက တယ်ထူးဆန်းလှပါကလား”
လေမင်းသား။ ။ “တပည့်စိတ်ထင်တော့ ဥရောပစကားသံတစ်ခုဖြစ်နိုင်တယ်။ ဧကန္တဆြာဒင်တစ်ယောက်၊ဥရောပသူတစ် ယောက်ယောက်နဲ့များ အဆက်အဆံရှိနေလေရော့သလား”
ကပ္ပလီ။ ။ “ထိုင်းစာတောင် ကောင်းကောင်းမကျက်တဲ့ ငတို့ဆရာ၊တစ်ခုခုတော့ထူးနေပြီ”
ကျွန်ုပ်။ ။ “တော်ကြစမ်းကွယ်တို့။နော်ဝေဘုရင်ကြီးဖူးခက်ကိုလာလည်မတဲ့ဟ၊အဲသဟာ ကျွန်ုပ်အနေနဲ့ ကြိုဆိုဧည့်ခံရမတဲ့။ ဒါကြောင့် ပြောဆိုဆက်ဆံရာမှာ အဆင်ချောစေဖို့ စကားပြောကျင့်နေတာလကွဲ့”
ကျွန်ုပ်၏စကားအဆုံးတွင် တပည့်ကျော်သုံးဦးသည်ပါးစပ်အဟောင်းသားဖြင့်၊ မျက်မလဲဆန်ပြာဖြစ်ကြလျက်၊ထိုင်ရမလို ထရမလို ကျီးကန်းတောင်းမှောက်မျက်နှာပေးကိုယ်စီရှိနေကြလေရာ၊ကျွန်ုပ်လည်း ၎င်းတို့စိုးရိမ်ထိတ်လန့်တကြီးမဖြစ်စေ ရန်၊အားပေးနှစ်သိမ့်စကားဆိုလိုက်ရချေသည်။
ကျွန်ုပ်။ ။ “ဘုရင်ကြီးဆိုတဲ့ နာမည်ကြောင့် သိပ်လည်းမတုန်လှုပ်ကြပါနဲ့ကွယ်ရို့။ နော်ဝေနိုင်ငံဟာ၊ဟိုးတစ်ချိန် တစ်ခါ တုန်းကလည်းငတို့နိုင်ငံလိုပဲ၊ဆင်းရဲတွင်းနက်ခဲ့တာပါ။နော်ဝေလူမျိုးတွေဟာသဘာဝတရားကိုအင်မတန်မြတ်နိုးကြသတဲ့။ဘုရင်ကြီးဆိုရင် မန္တလေးဂေါဝိန်ဆိပ်ကမ်းဖြစ်ရပ်မှာ၊ဆင်းရဲသားတွေအတွက်၊အတော့်ကို စိတ်မကောင်းဖြစ်သတဲ့။ ပုံမှန် အတိုင်းသာ ဂုဏ်သရေရှိဧည့် သည်တော်၊တစ်ယောက်ကိုကြိုနည်းမျိုးနဲ့ ကြိုဆိုဖို့ပြင်ဆင်ကြပါလေ”
မိုးနှင့်မြေပမာကွာခြားလွန်းလှသောအဆင့်အတန်းကြောင့် စိတ်ပျက်အားငယ်သွားကြရှာသော၊တပည့်များအား၊ ဆြာသမား ပီပီ၊အားပေးစကားပြောဆိုပြီးသည့်အချိန်တွင်၊ထင်မှတ်မထားသော စိုးရိမ်ပူပန်မှုတစ်ခုသည်၊ကျွန်ုပ်၏အတွေးထဲသို့ ရုတ် ခြည်းအမှတ်မထင်ဝင်ရောက်လာခဲ့ပြန်ချေပြီတစ်မုံ့။
(သုံး)
ဤဖူးခက်တည်းဟူသောအရပ်တွင်၊မြန်မာအရပ်ရပ်မှရောက်ရှိလာကြကာ၊မျက်နှာငယ်ဘဝခိုင်းဖတ်ဘဝဖြင့်၊မြင်သမျှလူ မျိုးတစ်ရာ့တစ်ပါးတို့ကို အောက်ကျို့ဆက်ဆံ ရသော၊မြန်မာအလုပ်သမားနှစ်သိန်းဝန်းကျင်မျှရှိ၏။ မန္တလေးမြို့ဂေါဝိန်ဆိပ် ကမ်းတွင်၊စိတ်မချမ်းမြေ့ဖွယ်မြင်ခဲ့ရသော၊ဧည့်သည်တော်ဂုဏ်သရေရှိလူကြီးမင်းသည် အဆိုပါဖူးခက်ရောက်မြန်မာတို့၏ ဘဝအခြေအနေမှန် ကိုမြင်ရကြားရသည်ရှိသော် တစ်ပူပေါ်နှစ်ပူဆင့်လေတော့မည်။ ထို့ပြင်ဂေါဝိန်အရပ်၌ကျဆင်းခဲ့ ရသောမြန်မာတို့၏ဂုဏ် သိက္ခာသည် ဖူးခက်အရောက်တွင်၊အဖတ်ဆယ်မရဖြစ်ရပေတော့မည်။ အသို့လျှင်ကြံပါအံ့နည်း။ ထိုပူပန်စိတ်ကြောင့်၊ကျွန်ုပ်သည်ထိုညဥ့်တွင် အိပ်၍မပျော်နိုင်ပဲရှိခဲ့ရာ၊နံနက်စောစောလင်းအားကြီးအချိန်၌၊အတူနေတပည့် တို့၏လှုပ်လှုပ်ရွရွအသံတို့ကြောင့်၊အိမ်အောက်ထပ်သို့ဆင်းကာ၊အကြောင်းရင်းကို မေးမြန်းရပြန်၏။
ကျွန်ုပ်။ ။ “စောစောစီးစီးအဘယ်အရာကိုတိုင်ပင်နေကြပါလိမ့်ကိုယ့်လူတို့”
ဖေကြည်။ ။“ဧည့်သည်ဘုရင်ကြီးဟာ ဆြာ့အိမ်ကို ရောက်ချင်ရောက်လာမှာမို့၊အိမ်ရှေ့အုတ်နံရံကိုထုံးသုတ်ဖို့တိုင်ပင်နေကြ ဆြာရဲ့”
လေမင်းသား။ ။ “ဘာဘဲဖြစ်ဖြစ် ပန်းအိုးတွေရောင်းတဲ့ထိုင်းသူဌေးရဲ့ဆိုင်မှလုပ်နေတဲ့ ဘော်ဒါတစ်ယောက်ဆီက ပန်းအိုး ကြီး ကြီးလေးငါးဆယ်လုံးလောက် ခြံထဲရွေ့ပြီး၊အမြင်တင့်အောင်ဖန်တီးဦးမှဖြစ်မယ်ဆြာ”
ကျွန်ုပ်။ ။ “ရပ်တန်းကရပ်ကြပါမောင်တို့၊တစ်ရှက်ကနေ နှစ်ရှက်ဖြစ်အောင် မဖန်တီးကြပါလေနဲ့တော့”
ထို့သို့လျှင်၊ဒီဇင်ဘာလ(၅)ရက်နေ့၊သန်းခေါင်ယံအချိန်တွင်၊နော်ဝေဘုရင်မင်းမြတ်စီးနင်းလိုက်ပါလာသော၊ဘိုးရင်းဂျက်လေ ယာဉ်ကြီးသည်၊ ဖူးခက်အပြည်ပြည်ဆိုင်ရာလေဆိပ်သို့ချောမောစွာဆိုက်ရောက်လာခဲ့ရာ၊ကျွန်ုပ်နှင့်တပည့်တစ်သိုက်မှာ ဂုဏ်ပြုပန်းစီးကိုယ်စီဖြင့်၊ လေယာဉ်လှေခါးရင်းမှအဆင်သင့်ဆီးကြိုနေခဲ့ရလေသည်။
ဘုရင်ကြီး၊မိဖုရားနှင့်အတူအိမ်တော်ဝန်လိုက်ပါလာခဲ့ပြီး၊ဘုရင်ကြီးသည် ကျွန်ုပ်၏နှုတ်ခွန်းဆက်စကားကို ကိုပြုံးရွှင်သော မျက်နှာထားဖြင့်၊တုန့်ပြန်တော်မူ၏။မိဖုရားကြီးကား ချိုသာသောအသွင်ဆောင်သော်ငြား၊ပြုံးရုံမျှသာတုန့်ပြန်သည်ကို ထောက်ရှု၍နှုတ်နည်းဟန်ရှိသည်ကို ကျွန်ုပ်သတိချပ်မိသည်။
ကျွန်ုပ်။ ။ “ယော်မာဂျက်စတီ၊ဗဲကွန်းမန်း”
ဘုရင်မင်းမြတ်။ ။ “ဟိုင်း၊မစ္စတာဒင်၊ဟီးဂဲလိအိုးဆဲဒိုင်း”
ထို့နောက်ကျွန်ုပ်ကိုယ်တိုင်မောင်းနှင်သောကားဖြင့် ဘုရင်မင်းမြတ်တည်းခိုမည်၊…ဟိုတယ်ရှိရာ၊ကလွန်းကမ်းခြေသို့ သွား ရာ လမ်းတစ်လျှောက်တွင်၊၎င်းစိတ်အပန်းပြေစေရန်အလို့ငှာ၊နိုဗဲလ်ဆုရ၊နော်ဝေစာဆိုကြီးဗျန်ဆင်၏အကြောင်းကို စိတ်ဝင် စားဟန်ပြကာ၊စကား လက်ဆုံကျအောင်၊ကျွန်ုပ်အနေဖြင့်အားထုတ်ခဲ့ပေ၏။ဖူးခက်တွင်နေထိုင်မည့်နှစ်ရက်တာကာလ အတွင်းမည်သည့်နေရာများသို့၊လှည့်လည်ကြည့်ရှုလိုကြောင်း၊စကားတောက်ကြည့်ရာတွင်၊ ဘုရင်ကြီး၏တုန့်ပြန်ချက်မှာ ကျွန်ုပ်အား အလွန်အမင်းအံအားသင့်စေသည်။
“မစ္စတာဒင်၊အဆင်ပြေသလိုသာစီစဉ်ပါလေ။ အကျွန်ုပ်အနေနဲ့ကတော့ မစ္စတာဒင်တို့ဆရာတပည့်တစ်သိုက်နဲ့ တွေ့ခွင့်ရ တာကိုပဲ ဝမ်းမြောက်လှပါပြီ”
(လေး)
မျှော်လင့်မထားသည့်၊ဘုရင်မင်းမြတ်၏နှုတ်ထွက်စကားကြောင့်၊ကျွန်ုပ်ရင်တွင်းမှအပူသည်၊အတန်ငယ်သက်သာသွားသလိုလိုရှိ၏။ ဘုရင်မင်းမြတ်နှင့်ဆက်ဆံရာတွင်၊ဂါရဝေါစ၊နိဝါတောစဟူသောမင်္ဂလာတရားတော်ကိုမမေ့မလျော့ရန် တီးတိုးမှာ ကြားသွန်သင်ရင်း၊ဆုံးခန်းတိုင်ရတက်အေးနိုင်စေရန်၊တပည့်တို့အား သတိပေးညှိနှိုင်းခြင်းပြုရပြန်သည်။
ကျွန်ုပ်။။ “ဖူးခက်မှာမြန်မာရွေ့ပြောင်းအလုပ်သမားတွေ တစ်ပြုံတစ်မကြီးရောက်နေတာ မသိပါစေနှင့်မောင်တို့ရာ။စိတ်ညစ် လို့ရေစပ်ဆင်းထိုင်ကာမှ၊သပွတ်အူမျောလာတဲ့ကိန်းဆိုက်ဆိုသလိုဖြစ်နေပါဦးမယ်၊ဖူးခက်မြို့တဝိုက်၊လိုက်ပြလို့တော့၊ဘယ် နေရာခလုပ်တိုက်တိုက်၊မြန်မာတွေချည်းပဲဖြစ်နေမှာမြင်ယောင်သေးကွာ”
ဖေကြည်။ ။ “ဒါများဆြာရယ်၊ပူစရာမရှိ၊ရှာကြံမပူစမ်းပါနဲ့ဗျ”
လေမင်းသား။ ။ “ဟုတ်ပါ့၊တပည့်တို့တာဝန်ထားစမ်းပါဆြာ”
ကပ္ပလီ။ ။ “ဆြာ့တပည့်တွေနဲ့ စကားဝိုင်းဖွဲ့မိလို့ကတော့၊ဆြာ့ဘုရင်ကြီးအပြင်ထွက်ချိန်တောင်၊မရဘူးမှတ်”
တပည့်တစ်သိုက်၊ရဲဝံ့စွာအာမခံကြလေသော်၊ကျွန်ုပ်သည်လည်းအတန်ငယ်စိတ်အေးရသည့်အပြင်၊တပည့်ကျော်တို့သည် ခွေးဘုရားပွဲတွေ့ဘိ သကဲ့သို့စွေ့စွေ့ခုန်မတတ် ဝမ်းသာအားရရှိလျက်၊ဘုရင်ကြီးဖူးခက်မြို့တွင်ရှိနေသည့်ရက်များအတွင်း၊ တစ်နေကုန် နီးပါး ဟိုတယ်မှမခွာပဲ ဘုရင်ကြီးနှင့် စကားဖောင်ဖွဲ့လျက်ရှိကြရာ၊ ဘုရင်ကြီးကိုယ်တိုင်အပြင်ထွက် လည်ပတ် ရန်၊မေ့လျော့နေသောဟူ၏။ တပည့်ကျော်သုံးဦးမှာ တစ်သက်တွင်တစ်ခါမျှသာ ကံထူးလွန်း၍ ရလာသောအခွင့်အရေးကို မလွတ်တမ်းအသုံးချနေကြသည်မှာ လက်ပံပင်ဇရက်ကျသကဲ့သို့ရှိနေလေရာ၊ကျွန်ုပ်ကိုယ်တိုင်ပင်တစ်လုံးတစ်ပါဒမျှ၊ ပြော ဆိုခွင့်မရတော့ချေ။ပြောဆိုကြသောအကြောင်းအရာမှာ စုံလင်လှချေသည်။
ဘုရင်မင်းမြတ်။ ။ “အကျွန်ုပ်မြန်မာပြည်ကို အလည်အပတ်သွားမိတဲ့အတွက် ဆင်းရဲသားတွေဒုက္ခရောက်ရတာ နှလုံးစိတ်ဝမ်းမချမ်းမြေ့စရာပါပဲ မောင်တို့”
ကပ္ပလီ။ ။“အဲဒါ အဆန်းမှမဟုတ်တာ။ဒီလိုမျိုးလုပ်နေတာ ကြာပေါ့။အခုအန်ကယ်နဲ့ကျမှ အရှက်ကွဲကုန်ကြတာ”
ဘုရင်မင်းမြတ်။ ။“မြန်မာနိုင်ငံဟာကမ္ဘာပေါ်မှာ ဆူဒန်၊ ရ၀မ်ဒါ၊ ဆီယာရာလီယွန်တို့ထက် ဆင်းရဲပြီး (၂၃) နိုင်ငံမြောက် အဆင်းရဲဆုံးနိုင်ငံဆိုတာ အကျွန်ုပ်မသိပဲဘယ်နေပါ့မတုန်း”
လေမင်းသား။ ။“ဟုတ်ပါ့၊ဟုတ်ပါ့အဘရာ။ ဒါလေးတောင်မတွေးမိပဲ၊လူကြီးတက်လုပ်ပြီး၊မတော်တရော် ဖုံးကြဖိကြ သတဲ့၊အံ့ချက်ဗျာ။“ဘုရင်ကြီးတို့နိုင်ငံပိုင်သတင်းဌာနက ဂေါဝိန်ကိစ္စကို သတင်းထုတ်ပြန်ပေးတာသိပ်ကောင်း တယ်ဗျ။ ဒီမောင်တွေနှာနုဖြတ်ရိုက် ခံရသလိုဖြစ်ကုန်ပြီ။ဒါပေသည့် ရှက်ရကောင်းမှန်းတော့ သိကြမှာမဟုတ်။ ဘယ်သိကြပါ့ မတုန်း၊ ဒီမောင်တွေမဲခိုးမဲလိမ်ပြီး တက်လာကြတာလေ”
ဘုရင်မင်းမြတ်။ ။“အကျွန်ုပ်ဟာမြန်မာပြည်အတွက်၊အကူအညီပေးဖို့လာခဲ့တာ၊အခုတော့ ..”
ဖေကြည်။ ။““ဘုရင်ကြီး မြန်မာပြည်ကိုငွေလှူရင်ကြည့်လှူနော်၊ဒီငွေတွေကို ဒီမောင်တွေကို ဖြတ်ဘုန်းပြီး မောင်ပိုင်စီး ကြမှာ သေချာ တယ်။ ဆင်းရဲသားတွေကို မစို့မပို့ပေးကမ်းစွန့်ကြဲပြီး အလှူလက်ဖက်နဲ့ မျက်နှာလုပ်အုံးမှာ၊ အင်း၊အခုလိုဖြစ် သွား တဲ့ကိစ္စကို လူအခွင့်အရေးအဖွဲ့တွေက လူကြီးမင်းအနေနဲ့လျော်ကြေးပေးသင့်တယ် လို့တောင် အသံတွေထွက်နေ ပြန်ပြီနော်”
ဘုရင်မင်းမြတ်။ ။(အတန်ငယ်ပြုံးလျက်)
“လှူမဲ့တန်းမဲ့ငွေလေးတောင် လျော်ကြေးဖြစ်ရတော့မဲ့ကိန်းပါကလား”
ကပ္ပလီ။ ။ “အာ၊အဲဒီလိုလျော်ကြေးပေးလည်း၊ကျုပ်တို့ အစိုးရမင်းများက ဖြတ်အုပ်ချင်အုပ်နေအုံးမှာ၊နာဂစ်ကာလလို လူတွေသိန်းချီသေပြီး၊အလောင်းမကောက်နိုင်တဲ့အခြေအနေမှာ ခြေဥအတည်ပြုတဲ့လူတွေနော်”
လေမင်းသား။ ။ “တဲဖျက်တာဘာဟုတ်သေးတုန်းဗျ။ လူကြီးလမ်းကြောင်းရှိရင်၊လမ်းဘေးဈေးသည်တွေဈေးဗန်းမခင်းရ၊ ဆိုက်ကားသမားတွေ ဆိုက်ကားမနင်းရ။ယုတ်စွအဆုံး၊လယ်သမားတွေဆီကနေ စစ်တပ်ကသေနတ်တွေနဲ့ချိန်ပြီး၊ လယ်ယာမြေတွေ သိမ်းနေတာ၊ဘူဒိုဇာနဲ့ထိုးနေတာ၊အခုထက်ထိမမြင်ချင်မကြားချင်အဆုံး”
ဖေကြည်။ ။ “မင်းတရားကြီးရယ်၊လှူမဲ့ပစ္စည်းစာရင်းမှာ၊ဘူဒိုဇာတွေတော့မပါပါစေနဲ့နော်”
ဘုရင်မင်းမြတ်မှာ၊တပည့်ကျော်တို့ပြောသမျှ ပြုံးရွှင်ရယ်မောလျက် စိတ်ရှည်လက်ရှည်၊ဂရုဏာတော်ဖြင့် နားတော်ညောင်း ရှာ၏။သို့လျှင် နှစ်ရက်တာကာလကုန်ဆုံးကာ၊ ဘုရင်မင်းမြတ်ပြည် တော်ပြန်မည့် နေ့ နံနက်ခင်းအချိန်သို့တိုင်ခဲ့ လေတော့ သည်။
ဖူးခက်ရှိမြန်မာတို့၏အခြေအနေမှန်ကို ဘုရင်မင်းမြတ်မသိစေလိုသည့်၊ကျွန်ုပ်၏ရည်ရွယ်ချက်ပြည့်ဝခဲ့လေပြီတကား။ သို့ သော်…။
(ငါး)
နံနက်ခုနစ်နာရီခန့်အချိန်ဖြစ်၏။ပြည်တော်ပြန်မည့်ဘုရင်မင်းမြတ်နှင့်အဖွဲ့အား၊တင်ဆောင်လျက်၊ကျွန်ုပ်ကိုယ်တိုင်၊ပုံမှန်အရှိန်ဖြင့်မောင်းနှင်လာသည့်ကားသည်၊ ပါတောင်ကမ်းခြေမှ၊ဖူးခက်လေဆိပ်သို့သွားရာလမ်း၊ ထလန်လမ်းဆုံမီးပွိုင့်သို့ အရောက်တွင်၊ မီးနီနေ သဖြင့်၊ခေတ္တမျှ စောင့်ဆိုင်းရပ်နားနေရ၏။
ထိုစဉ်ရှေ့နောက်ဘေးဘယ်ညာအရပ်မျိုးစုံမှ ကမ္ဘာပျက် သကဲ့သို့ ဆူညံသော အသံများ၊ရုတ်တရက်ထွက်ပေါ်လာလေရာ၊ ယင်းအသံတို့မှာ၊ အလုပ်ခွင်သို့ဆင်းကြမည့် မြန်မာအလုပ်သမားများတို့ကို ငါးပိ၊ငါးချဉ်သိပ်တင်ဆောင်လာသည့် လုပ်ငန်း ခွင်သုံးမြေသယ်ကားကြီးဆယ်စီးခန့်ဆီမှဖြစ်လေသည်။
“ဗျို့ဆြာဒင်၊ဆိုင်မှာ ယုဇနလက်ဖက်ရောက်ပြီလားဗျ”
“မြွေနှစ်ကောင်သုံးပုလင်းလောက်ပို့ခိုင်းပါအုံး”
“စားတော်ပဲနှစ်ကီလိုမေ့မနေနဲ့နော် ဦးဒင်”
“ကိုဒင်ကြီး၊ဘောလုံးဂျာနယ်ရောက်ပြီလားဗျ”
“ဦးလေး၊မောရိယမန်းဆေး၊မှာထားတာ မေ့မနေနဲ့အုံးနော်”
ကျွန်ုပ်ဖွင့်လှစ်ထားသောမြန်မာကုန်စုံဆိုင်မှ၊ဖောက်သည်တို့ပေတည်း။အဆိုပါကားများနှင့်တင်ဆောင် လာသည့်လူဦးရေ ပမာဏမှာ မဆန့်မပြဲဖြစ်လွန်း လှသဖြင့် ဝက်သတ်ရုံမှ၊ ဝက်တင်ကား များကိုမြင်ရသကဲ့သို့စိတ်မသက်မသာဖွယ်ဖြစ်၏။ ကျွန်ုပ်၏အရှက်ကားဟက်တက်ကွဲခဲ့လေပြီတကား၊ ရှက်နိုးလှသည်ဖြစ်၍၊ လက်ကိုအသာကာပြရင်း၊ ၎င်းတို့အားဝတ်ကျေ တန်းကျေသာတုံ့ပြန်လိုက်မိသည်ကို အကင်းပါးလှသောနော်ဝေဘုရင် မင်းမြတ်သည် ရုတ်ချည်းရိပ်စားမိဟန်ရှိ၏။
ဘုရင်မင်းမြတ်။ ။ “မစ္စတာဒင်ကြည့်ရတာ ရှက်နေပုံရတယ်။ဒါဟာရှက်စရာမဟုတ်ဘူးကွဲ့။ ဒီဖူးခက်မှာ၊မြန်မာတွေ ဘယ် လောက်ရှိသတုန်း”
ကျွန်ုပ်။ ။“ဟုတ်၊ဟုတ်ကဲ့။သိန်းချီရှိပါတယ်ခင်ဗျာ။နှစ်သိန်းပျော့ပျော့ဆိုပါတော့”
ဘုရင်မင်းမြတ်။ ။“အမယ်မင်း၊ဒီမြို့ကလေးတစ်မြို့တည်းမှာ၊ များလှချည့်လား၊အင်း၊ဘဝတွေ၊ဘဝတွေ”
ဘုရင်မင်းမြတ်ကား၊စိတ်နှလုံးပြင်းစွာညှိုးချုံးတော်မူဟန်ရှိ၏။ထို့နောက်ထလန်မီးပွိုင့်မှ သုံးကီလိုမျှအလွန်တွင်၊ဘုရင်ကြီး သည်ရုတ်တရက်ထိတ်ထိတ်ပြာပြာအသံဖြင့် “ရပ်” “ရပ်” ဟူ၍ ငယ်သံပါအောင်အော်တော်မူပြန်ရာ၊ကျွန်ုပ်လည်း ကားကို ချက်ချင်းအရှိန်လျှော့၍လမ်းဘေးသို့ထိုးရပ်ရပြန်သည်။မင်းမြတ်သည်လမ်းဘေးရှိဧရာမမြေကွက်လပ်ကွင်းပြင်ကြီးထဲမှ၊ မြေညှိနေသည့် ဘူဒိုဇာသုံးစီးခန့်နှင့်၊ မဒမတိုင်၊သွပ်မိုးယာယီအဆောက်အဦးတို့ကို လက်ညှိုးညွှန် လျက်၊စိုးရိမ်တကြီး အမေးတော်ရှိပြန်သည်။
“ဂေါဝိန်ဆိပ်ကမ်းမြင်ကွင်းပါကလား၊မစ္စတာဒင်”
“မတူပါခင်ဗျာ။ဘူဒိုဇာဖြင့်မြေညှိနေခြင်းမှာ အဆောက်အဦးသစ်ဆောက်လုပ်ရန်ဖြစ်၍၊ယာယီတဲတို့မှာ မြန်မာအလုပ်သမား တို့ စံမြန်းရန်ဖြစ်ပါသည်ခင်ဗျ၊ထိုင်းနိုင်ငံတွင်တဲကိုဘူဒိုဇာနှင့်ထိုးကော်သောဓလေ့မရှိပါခင်ဗျား”
ဘုရင်မင်းမြတ်ကား ရင်ကိုဖိလျက်သက်ပြင်းလေးပင်စွာချတော်မူသည်။
ဤသို့ဖြင့် ဖူးခက်လေဆိပ်သို့ရောက်ရှိပြီး လေယာဉ်ပေါ်သို့ မတက်မီ၊ကျွန်ုပ်မှ ဟာဒက်ဗရာ၊ဗီးဆက်(ခွဲကြအုံးစို့၊ နှုတ်ဆက် ပါတယ်)ဟူ၍ စကားဆိုချိန် တွင်၊ဘုရင်မင်းမြတ်သည်၊ နော်ဝေဘာသာစကားဖြင့်အောက်ပါစကားတစ်ခွန်းကို အေးဆေး တည်ငြိမ်စွာ၊နှစ်ကြိမ်တိုင်တိုင် မိန့် မြွက်ခဲ့လေသည်။
“ဖေါ်ဆိခ်တီဂယ်၊ဗစ် ဒီးဖို့ဆက်တား၊အိုး စတီးရယ်၊လောန့်ဒက် အုတိုဗါ၊ထူးထူးဆင်းအို့၊ဖမ်သမ်ဒါ အိုးထောလာ ၊စကောလ်၊ ဗီး ဘလီ ၊မိုးခ်တ် အဖ် ဘူဒိုဇာ”
အဆိုပါစကား၏အနက်အဓိပ္ပါယ်ကို ကျွန်ုပ်၏တပည့်များနည်းတူစာရှုသူတို့လည်းသိလိုကြပေလိမ့်မည်။ ယင်းနော်ဝေ စကားမှတ်ချက်အားကျွန်ုပ်လေ့လာ တတ်ကျွမ်းနားလည်သမျှ၊ မြန်မာဘာသာသို့ပြန်ဆိုရသည်ရှိသော် အောက်ပါအတိုင်း ဖြစ်၏။
“မောင်ရင်တို့နိုင်ငံဟာ၂၀၁၅မှာ ဒီပုံအတိုင်းဆက်သွားရင်တော့ တစ်ပြည်လုံး ဘူဒိုဇာနဲ့ထပ်အနင်းခံရသလိုဖြစ်နေဦး တော့မှာပါပဲ”