“ကျွန်ုပ်နှင့်လျှို့ဝှက်စစ်သည်တော်များ”
(မင်းဒင်)
(တစ်)
ကျွန်ုပ်သည်အသက်အရွယ်အားဖြင့်အတန်ငယ်ကြီးရင့်ခဲ့ပြီဖြစ်သော်ငြား၊
စိတ်ဓာတ်အရာတွင်မူမာကျောကြံ့ခိုင်ဆဲဖြစ်ရုံမျှမက၊ အညာဆက်ပုဂံသွေးပါသူပီပီ၊ဇာတိသွေးဇာတိမာန်ထက်သန်သည့်နေရာတွင်၊
သူမတူအောင်ပြိုင်စံရှားသူဖြစ်ရကား၊အမျိုးဘာသာ၊သာသနာကို ကာကွယ်စောင့်ရှောက်ရန်အမြဲတမ်းအဆင်သင့်ရှိနေသူဖြစ်၏။
သို့အတွက်၊ကုန်းဘောင်ဆက်တတိယမြန်မာနိုင်ငံတော်ကိုကမ္ဘာနှင့်ယှဉ်နိုင်စေရန်၊
အပတ်တကုပ်အားထုတ်ကြိုးပမ်းခဲ့သည့် ကနောင်မင်းသားကြီး၊ မက္ခရာမင်းသားကြီးနှင့်ယောမင်းကြီးဦးဘိုးလှိုင်တို့၏
ထုံးကိုနှလုံးမူလျက်၊စက္ကန့်မလပ်လျင်မြန်စွာတိုးတက်နေသောခေတ်မီနည်းပညာ
တို့ကိုမျက်ခြေမပြတ်အမြဲစောင့်ကြည့်လေ့လာနေသူဖြစ်လေသည်။
ဆြာသမားကောင်းတစ်ယောက်ပီပီ၊မိမိလေ့လာဖတ်ရှုမိသမျှ၊နိုင်ငံတကာဖြစ်ပေါ်
တိုးတက်မှုများကိုလည်းလက်ရင်းတပည့်တို့အား၊အခွင့်ကြုံလေတိုင်း၊
တရံမလပ်သွန်သင်ပဲ့ပြင်ဆုံးမရသည်လည်းရှိလေချေသေး၏။
“(Daily Mirror)ကိုဖတ်ပြီးကြပြီလားတပည့်တို့။ အမေရိကန်သိပ္ပံပညာရှင်များဟာ၊ပြေးမလွတ်တဲ့ကျည်ဆံကို စမ်းသပ်ထုတ် လုပ်နိုင်ပြီတဲ့လကွဲ့။အဲဒီလေးလက်မအရွယ်၊ကျည်ဆန်ဟာ၊ပစ်မှတ်ထားတဲ့
ရန်သူကို၊မှတ်ပုံတင်နံပတ်နဲ့တိုက်စစ်ပြီးမှ၊ဒိုင်းကနဲနေအောင်မှန်မယ်တဲ့ဟဲ့”
“တို့တိုင်းပြည်ထဲကိုဝင်လာမဲ့နိုင်ငံခြားရင်းနှီးမြှုပ်နှံမှုတွေဟာ၊ဗီယက်နမ်ကိုချည်းရောက်ကုန်ပြီတဲ့မောင်တို့၊ဒါဟာတို့နိုင်ငံမှာ လျှပ်စစ်ဓာတ်အားမလုံလောက်မှု၊မြေဈေးကစားမှု၊ဥပဒေ မခိုင်မာမှုနဲ့ဘာသာရေးအမုန်းပွားမှုတွေကြောင့်လို့ဆိုသဟ”
“ဟိုတလောကပဲအိမ်နီးချင်းတရုတ်တွေကကမ္ဘာ့အကြီးဆုံးကုန်တင်သင်္ဘောကို၊
ကိုရီးယားကတင်သွင်းအသုံးပြုခဲ့သတဲ့။
အခုလည်းအိန္ဒိယက ဂြိုလ်တုကြီးလွှတ်ပြန်ပြီတဲ့ဟေ့”
သို့လျှင်မှတ်ဖွယ်ရာရာတို့ကိုစေတနာရှေ့ထား၊အာပေါက်အောင်၊သွန်သင်သော်ငြားတပည့်တို့ကား၊ကျွန်ုပ်ပြောဟောလေသမျှ၊ဖင်ကြားလေသွားသလောက်ပင်၊ဂရုဓမ္မစိုက်ခြင်းမရှိ၊ဖေ့စ်ဘွတ်ကိုယ်စီပွတ်ရင်း၊အလုပ်ရှုပ်နေတတ်ကြလေရာ၊တစ်ရက် သောသမယ၊ဆြာတပည့်လေးဦးမျက်နှာချင်းဆိုင်ဆုံမိကြချိန်တွင်၊ကျွန်ုပ်သည်ဒေါသအိုးပေါက်ကွဲကာ၊ခပ်ကြမ်းကြမ်း မြည် တွန်တောက်တီးမိလေတော့၏။
“မောင်တို့ဟာ၊တိုင်းပြည်အတွက်ဆန်ကုန်မြေလေးတွေကပဲ။နလပိန်းတုံး၊နွားကန်မနာတဲ့ဟာတွေ၊တိုင်းပြည်ကို ချစ်ရမှန်းမသိ၊ကြီးပွားလမ်းပိတ်နေတဲ့လူဗာလစာရင်းဝင်တွေ”
ထိုတွင်၊တပည့်ကျော်သုံးဦးသည်၊ကျွန်ုပ်အားပမာမခန့်၊ခပ်စိမ်းစိမ်းပြိုင်တူကြည့်လျက်၊တုန့်ပြန်စကားခပ်တင်းတင်းဆိုလာ ကြ၏။
(နှစ်)
ကပ္ပလီ။ ။“ဒီလိုတော့သူတဖက်သားကိုမှိုချိုးမျှစ်ချိုးမပြောပါနဲ့ဆြာ၊ အမှန်ကဆြာ့ဝတ္တရားမကျေလို့တပည့်တွေဒီဘဝရောက်နေရတာလေ”
ဖေကြည်။ ။“ဟုတ်တာပေါ့ဆြာ၊တပည့်တို့လည်းတိုင်းပြည်ကိုချစ်ပါသော်ကော၊ တကယ်တမ်းကိုဆြာ့ဖက်ကလိုအပ်ချက် ရှိနေတာပါ”
လေမင်းသား။ ။။“ဆြာသာတာဝန်ကျေရင်၊တိုင်းပြည်ကိုလည်းချစ်ရာရောက်၊ ဝင်ငွေလမ်းဖြောင့်ပြီးတပည့်တို့ကြီးပွား တာ ကြာပေါ့”
ကျွန်ုပ်သည်တပည့်ကျော်တို့၏ထူးဆန်းလှသောပြစ်တင်စွပ်စွဲချက်တို့ကြောင့်၊လိပ်ပြာလွင့်မတတ်၊တုန်လှုပ်ခြောက်ခြားသွားမိသည်မှာအမှန်ဖြစ်ချေ၏။ကျွန်ုပ်၏လိုအပ်ချက်သည်အဘယ်အရာပေနည်း။ဣနြေ္ဒမပျက်စိတ်ရှည်လက်ရှည်မေးမြန်းသည့်အခါ၊၎င်းတို့တညီတညွတ်တည်းဖြေဆိုကြသည်ကား၊၎င်းတို့၏ဘဝကြီးပွားစည်ပင်ကြောင်းငှာကျွန်ုပ်ကျွမ်းကျင်ပိုင်နိုင်စွာတတ်မြောက်ထားသော၊ယောက်ျားကောင်းတို့၏အဌာရဿတစ်ဆယ့်ရှစ်ရပ်စာရင်းဝင်၊ကိုယ်ခံပညာတို့ကိုသင်းတို့အားသင်ကြားမျှဝေမှုမပြုခြင်းကြောင့်ဟု ဆိုသတည်း။
ကျွန်ုပ်။ ။အင်း၊မောင်တို့အပြစ်တင်ချင်သပဆိုရင်လည်း၊ခံရပေမပေါ့။ သည်ပညာတွေကိုကျွန်ုပ်တစ်ဖက်ကမ်းခတ်သော်ငြား၊ မောင်တို့အား၊လက်ဆင့်ကမ်းဝေမျှရန်ဝတ္တရားပျက်ခဲ့သည်ကားအမှန်ဖြစ်ချေ၏။အနို့ပေသည့်၊အဘယ်ကြောင့်ယခုအချိန်ကျမှ အပူတပြင်းတတ်မြောက်လိုကြသည်ကိုမူ၊ကျွန်ုပ်သိလိုလှပါ၏။
တပည့်များ။ ။(တသံတည်း) "ဒါဟာလျှို့ဝှက်ချက်ဆြာရဲ့။ဆြာကိုယ်တိုင်ပဲ၊လျှို့ဝှက်သောအကြောင်းခြင်းရာကို သူတပါးအား မဖွင့်ဟလေနှင်လို့ဆိုဆုံးမခဲ့တာမဟုတ်လား၊ဒီပညာတွေတတ်လျှင်ဖြင့်
တပည့်တို့လည်းကြီးပွား၊တိုင်းပြည်ကိုလည်းချစ်ရာ
ရောက်၊သားရွှေအိုးထမ်းသလိုဖြစ်မှာသိပ်သေချာတာပေါ့ဆြာ"
ဆက်၍စောကြောရန်မလိုတော့ပြီ။သိပ္ပမချန်ဟူသည်ဆြာ့ဝတ်မဟုတ်ပေလော။
။ပြေးခုန်ပစ်အဟုတ်နည်းတစ်မျိုးဖြင့်ထုတ်ဆီး တိုးပါမကျန်လေအောင်လေ့လာလိုက်စားသင်ကြားသည်လည်းလူငယ်တို့အတွက်၊မုချအကျိုးရှိမည့်ကာယပညာတန်ဆောင်ပေတကား။
လူငယ်တို့ကိုယ်ခံပညာရပ်အသီးသီးကိုတတ်မြောက်ခြင်းဖြင့်တိုင်းပြည်ကာကွယ်ရေးကိုတဖက်တလမ်းမှအားဖြည့်ရာရောက်မည်ကား၊ဧကန်မုချဆတ်ဆတ်မှန်ချေ၏။ထိုနေ့မှအစပြု၍ကျွန်ုပ်သည်၊မိမိကျွမ်းကျင်တတ်မြောက်ခဲ့သော၊ဗမာ့သိုင်း၊ဗမာ့ဓားရေး၊သိုင်း၊ကာရာတေးတို့အပြင်၊တရုတ်ရှောင်လင်သိုင်းအစရှိသည့်ကိုယ်ခံပညာအရပ်ရပ်ကိုတပည့်ကျော်တို့ အား၊ ကိုယ်ဖိရင်ဖိမခြွင်းမချန် သင်ကြားပေးခဲ့ရပြန်ချေသည်တစ်မုံ့။
(သုံး)
“ငတို့ရှေးမြန်မာကြီးတွေဟာဂါမဝါသီလို့ခေါ်တဲ့ပွဲကျောင်းထွက်တွေဖြစ်ကြသကွဲ့။ ရှေးမြန်မာတွေဟာ ပွဲကျောင်းလက်ဝှေ့ လက်ပန်းအတတ်ကို မှတ်သားလွယ်အောင်ဖွဲ့ဆိုထားတဲ့ကဗျာလေးကိုဦးစွာသေချာမှတ်ကြပါကွယ်တို့။
မျောက်လေးကွက်ချိုး၊ ကျားကိုးကွက်သွား၊ နဂါးကြေးလှန်၊ ကုမ္ဘဏ်ပန်းခူး၊ ဘီလူးပန်းဆွဲ၊ ပုလဲတွဲသီ၊ နကျည်ပျားတုတ်၊ ကျားပုတ်လက်ကြမ်း၊ ၀က်ဝံ၀မ်းခွဲ၊ မျောက်လွှဲမြေလူး၊ ကျွဲဦးတိုက်ခွေ့၊ မောင်းလွှဲမွေ့သည်၊ လက်ဝှေ့လက်ပန်း၊ ဆယ့်နှစ် ခန်းတည်းလို့အတိုချုပ်မှတ်ကြပေရော့။
မျောက်လေးကွက်ဆိုတာခြေလေးကွက်ကို မျောက်ရဲ့လျင်မြန်ခြင်းနဲ့ခုန်ပြီးရွှေ့ရတာမျိုးပေါ့။ဟောဒီလို၊ဟောဒီလို။ကျားကိုးကွက်သွားဆိုတာကတော့၊ မြေပြင်ပေါ်မှာ မိန်းမထိုင် ထိုင်ချပြီး ကျားသတ္တ၀ါရဲ့ဟန်နဲ့ တိုက်ခိုက်ရမကွဲ့။ဒီမှာသေချာကြည့်ကြ။
ကျွဲဦးတိုက်ခွေ့ လေ့ကျင့်ခန်းဟာဖြင့်နည်းနည်းတော့ပင်ပန်းမကွဲ့။ဒီသစ်သားတိုင်မှာ၊
မင်းတို့အရပ်နဲ့အနေတော်တိုင်းပြီး ချည် ထားတဲ့အုန်းဆံဖတ်တွေကို အခုဆြာ့ခေါင်းနဲ့တိုက်ပြတဲ့အတိုင်း ၊ဟောသလို၊ဟောသလိုဒုန်းကနဲ၊
ဒုန်းကနဲနေအောင် တိုက် ကြလကွဲ့။ဒီသင်တန်းအောင်လို့ကတော့၊ တပည့်တို့ရဲ့ခေါင်းတိုက်ချက်ဟာ၊ရန်သူ့ရင်ဝကိုအမြှောက်ဆန်မှန်သလိုခံစားသွား
ရမှာသေချာပြီ ဟေ့။
ကဲပါလေ။တဆက်တည်းအနေနဲ့ခေါင်းဆတ်တိုက်တဲ့လေ့ကျင့်ခန်းလေးဆက်လိုက်ကြစို့။ဟောဟိုမှာကြိုး နဲ့ဆိုင်းထားတဲ့၊ရေအိုးတွေကိုဆက်တိုက် လိုက်ကြပါအုံး။ဟုတ်ပြီ။တိုက်၊တိုက်၊ခတ်ဆတ်ဆတ်တိုက်၊ကွဲအောင်တိုက်။ရော့၊ ရော့၊ဒီမှာဆြာကိုယ်တိုင်အခွံနွားထားတဲ့အုန်းသီးတွေလည်းရှိသေးတယ်။ဇွဲရှိရှိနဲ့တိုက်၊အားမနာတမ်းသာတိုက်၊တစ်ချက် တစ်လုံးကွဲပေစေ့နော်”
ကျွန်ုပ်ကားချွေးသံတရွှဲရွှဲဖြင့်မောရပန်းရမှန်းပင်မသိတော့ချေ။တပည့်ကျော်တို့ဤအဆင့်အောင်မြင်လေသော်၊ သတ်ကိုးသတ်၊ မောင်းကိုးမောင်းကိုလည်းသင်ကြားပေးရပြန်သည်။ သတ်ကိုးသတ် ဆိုသည်မှာလူ၏ခန္ဓာကိုယ်၌ တိုက်ခိုက်ရာတွင် အဓိကအားကိုး၍ အသုံးပြုရသောအမာပိုင်းကိုးနေရာဖြစ်၏။ မောင်းကိုးမောင်းဆိုသည်မှာတိုက်ခိုက်ရာ၌ ရှောင်ခြင်း၊ တိမ်းခြင်း၊ကွယ်ခြင်း၊ကာခြင်း၊ပယ်ခြင်း၊ခုတ်ခြင်း၊ ညှပ်ခြင်း၊ ခံခြင်း၊ ညွှတ်ခြင်း၊ ယို့ခြင်း၊ ယိမ်းခြင်း၊ လိမ်ခြင်း၊ ခုန်ခြင်း၊ လွှဲခြင်း ပြုလုပ်ရာ၌ အသုံးပြုသောအပိုင်းကိုမောင်းဟုခေါ်လေ၏။
လက်ဝှေ့လက်ပန်းအတတ်သင်ရိုးကုန်လေသော်၊မြန်မာ့ဓားရေး(၃၇)ချင်းကိုဆက်လက်သင်ကြားပေးရပြန်သည်။
“ပိုင်းစလွယ်ဓား၊တွက်စလွယ်ဓား၊ပင့်စလွယ်၊ပက်စလွယ်၊ပိုင်းဓား၊တွက်ဓား၊ပင့်ဓား၊မိုးဓား၊ထိုးဓားဆိုပြီး၊ဓားရေးအမျိုးမျိုးရှိ တယ်မောင်တို့။ဓားရေး(၃၇)ချင်းရဲ့အခြေခံ ဖြစ်သောဓားကြီးလေးပါးကတော့အတိုချုပ်အားဖြင့်ငှက်၊ထီး၊ဘယက်၊စလွယ်ပေါ့ ကွယ်၊ဟောဒီ ဂျပန်ဓားဝိဇ္ဇာကြီးမူဆာရှီရဲ့ဓာတ်ကြီးငါးပါး ကျမ်းတော်ကိုလည်းသေချာဖတ်ရှုကြရမကွဲ့”
ထို့ပြင်တဝ၊ကရာတေးပညာ၏ဘိုးအေရှောင်လင်သိုင်းအတတ်ကိုလည်းကောင်း၊
ဂျူဒိုဂျူဂျစ်ဆုအတတ်တို့ကိုပါမကျန်၊ဘရုစ် စလီ၊ဂျက်ကီချန်း၊ဂျက်လီ၊ချပ်နောရစ်တို့နှင့်တစ်ယောက်ချင်းယှဉ်ပြိုင်ထိုးသတ်အနိုင်ယူနိုင်သည်အထိ၊ဆရာစားမချန်သင် ကြားပေးခဲ့လေရာ၊ခြောက်လမျှကာလအတွင်း၊ ကျွန်ုပ်၏ တပည့်ကျော်တို့သည်၊ကိုယ်ခံပညာအရာတွင်သင်ရိုးကုန်ထူးချွန်စွာ အောင်မြင်ခဲ့ကြကုန်၏။
(လေး)
အထက်တွင်ဖော်ပြခဲ့သော၊သင်တန်းပြီးဆုံး၍၊ရက်သတ္တတစ်ပါတ်အကြာ၊
တစ်ခုသောနံနက်ခင်းတွင်ဖြစ်လေသည်။တပည့် ကျော်သုံးဦးသည်၊ခရီးဆောင်အိပ်ကိုယ်စီဖြင့်၊
ကျွန်ုပ်၏ရှေ့မှောက်သို့ရောက်ရှိလာကြပြီး၊ကျွန်ုပ်အားလက်အုပ်အသီးသီးချီ လျက်၊ဦးနှိမ်မာန်လျော့ကန်တော့ကြရင်းနှုတ်ဆက်စကားဆိုလာကြ၏။
“ဆြာ့ကိုလာပြီးနှုတ်ဆက်ကန့်တော့တာပါဆြာ၊တပည့်တို့ကိုဆြာတတ်သမျှပညာတွေမခြွင်းမချန်သင်ပေးခဲ့တဲ့ဆြာ့ကျေးဇူး ကြီးလှပါတယ်။တပည့်တို့မြန်မာပြည်ထဲကိုပြန်ကြတော့မယ်ဆြာ”
ကျွန်ုပ်။ ။(အံ့အားသင့်သောလေသံဖြင့်) "မောင်တို့ဟာဆိုင်းမဆင့်ဗုံမဆင့်ပါကလား။ အကျိုးအကြောင်းလေးသိပါရစေအုံး လဟ"
ဖေကြည်။ ။(ညှိုးငယ်သောမျက်နှာထားဖြင့်)၂၀၁၅အမှီပြန်ကြရမှာဆြာ။ဟိုရောက်ရင်၊တပည့်တို့အနေနဲ့သင်တန်းပြန်ပေးရ မှာလည်းရှိသေးတယ်ဆြာ၊ဒါကြောင့်ကြိုကြိုတင်တင်ပြန်ရတာဆိုပါတော့
ကပ္ပလီ။ ။သူပြောတာအမှန်ပဲ ဆြာ။အခုတပည့်တို့အဆက်အသွယ်ကောင်းနေရာကောင်းရခဲ့ပြီဆိုတော့၊ရှေ့လျှောက်ဆြာ့ တပည့် တွေကြီးပွားပြီးပေါ့ဆြာ
လေမင်းသား။ ။ဟုတ်ပါတယ်ဆြာ၊တပည့်တို့ယူကျုမှာတင်ထားတဲ့လေ့ကျင့်ခန်းဗီဒီယိုဖိုင်တွေကြောင့် လစာကောင်းကောင်းပေးပြီးအလုပ် ခန့်မဲ့အဖွဲ့တွေ၊ကမ်းလှမ်းကြတာများလွန်းလို့ခေါင်းတောင်ခြောက်ရတဲ့အထိ
အကင်းမပါးလှသောကျွန်ုပ်သည်၊စိတ်မရှည်နုိုင်တော့သည်ဖြစ်ရကား၊တပည့်ရင်းချာတို့အား၊ဗြောင်ဖွင့်မေးရချေတော့သည်။
ကျွန်ုပ်။ ။ကဲပါကွာ။ဒီအချိန်ရောက်မှာတော့လျှို့ဝှက်မနေကြပါနဲ့တော့။ဆြာတပည့်အရင်းတွေမို့ကျေးဇူးရှင်စာရင်းသွင်းတယ် ဆိုရင်ဖြင့်ပွင့်ပွင့်လင်းလင်းသာပြောပါလေ
ဖေကြည်။ ။ကျနော်တို့ကလျှို့ဝှက်စစ်သည်တော်တွေဆိုပါတော့ဆြာ။အမျိုးဘာသာသာသနာကိုစောင့်ရှောက်တဲ့သူတွေ ပေါ့၊တောကျောင်း၊အရေးအခင်းတွေဖန်တီးဖို့လိုအပ်တဲ့အခါထုတ်သုံးမယ်တဲ့ဆြာ
လေမင်းသား။ ။ကျနော့်ကိုတော့၊စီးပွားရေးလုပ်ငန်းရှင်ကြီးတွေကကမ်းလှမ်းထားကြတယ်ဆြာ၊သူတို့အကျိုးစီးပွားကို ထိပါးလာတဲ့အခါ လူမသိသူမသိအင်အားသုံးဖြေရှင်းရတာမျိုးတွေရှိတတ်တယ်လေ။လတ်တလောထိန်ထိန်လင်းကုမ္ပဏီရဲ့လှိုင် သာယာစစ်ဆင်ရေးကိုဆြာမသိသေးဘူးထင်ပါရဲ့
ကပ္ပလီ။ ။ကျနော့်တာဝန်ကတော့(၂၀၁၅)မတိုင်မီမှာဖြစ်ပေါ် လာမဲ့၊ဒေါသထွက်နေတဲ့လူအုပ်ကြီးတွေ ကိုဦးဆောင်လမ်းညွှန်မှု ပေးဖို့ဆြာရဲ့။ အထက်မြန်မာပြည်တောင်သာဖက်မှာတာဝန်ယူရမယ်ထင်ပါရဲ့
ထူပြိန်းလှသောကျွန်ုပ်ကား၊အကြံပက်စက်ဇကောလောက်မျှ၊ဇောက်မနက်သည့်တပည့်ယုတ်တို့၏ အကြံအစည်ကိုကျောချ ကာမှဓားပြမှန်းသိခဲ့လေပြီတကား။ ရုတ်ခြည်းအလိပ်လိုက်တက်လာသောဒေါသစိတ်ကို၊ မထိန်းနိုင်တော့လေရာ၊ သင်းတို့၏ ရင်ဝတည့်တည့်အား၊ဂါမဝါသီပွဲကျောင်းကျွဲဦးတိုက်ခွေ့တိုက်ကွက်ဖြင့်၊အုန်းကနဲ၊
အုန်းကနဲ မြည်အောင်ဆက်တိုက်၊ တိုက် ခိုက်ပစ်မိလေရာ၊သင်းတို့မှာ၊ရင်ဝကိုအမြှောက်ဆန်မှန် သကဲ့သို့ဖြစ်လျက်ပုံလျက်သားလဲကျကုန်ကြလေ၏။
ကျွန်ုပ်၏ဒေါသကားအလျဉ်းလျော့ပါးသွားခြင်းမရှိ။တတ်သမျှပညာသင်ကြားပေးမိလေသည့်၊ကျေးဇူးကိုမျှမထောက်ထား၊အသိဥာဏ်တိမ်မိုက်တွင်းနက်လှလေသည့်သင်းတို့အား၊
ဓားရေး(၃၇)ချင်းဖြင့်အပြတ်ရှင်းရန်၊ အိမ်အပေါ်ထပ်မှ၊ကျွန်ုပ်၏ လက်စွဲတော်ငှက်ကြီးတောင်ဓားကိုတက်၍ဆွဲလျက်၊ပြန်ဆင်းလာချိန်တွင်မူ၊
လျှို့ဝှက်စစ်သည်တော်များဖြစ်ကြကုန်သော၊တပည့်ကျော်သုံးဦးမှာ၊လဲကျနေရာမှ
ဒရောသောပါးထရင်း၊ခြံတွင်းမှခြေကုန်သုတ်ပြေးကြလေရာအမြီးနှင့်ဖုန်လုံး
ကိုပင်ရေးရေးမျှမမြင်ရတော့ချေတကား။ ။