%2B27-12-2014%2BSat.jpg)
“ကျွန်ုပ်နှင့်ဂြိုဟ်မွှေသောသရော်စာ”
(မင်းဒင်)
(တစ်)
“ဗျိုးဆြာဒင်”
“ဒုန်း”
“ဒုန်း”
“ဗျို့၊ဆြာ၊မြန်မြန်ထစမ်းပါဗျ။ဒီအချိန်အထိကုလားသေကုလားမောအိပ်နေရတယ်လို့ဗျာ”
“ဒုန်း”
“ဒုန်း”
အိပ်ခန်းအပြင်ဘက်မှ၊အဆက်မပြတ်တံခါးထုသံနှင့်အတူ၊ကျွန်ုပ်၏
အမည်ကိုခုနစ်အိမ်ကြားရှစ်အိမ်ကြား၊နားကွဲလုမတတ်
အော်ခေါ်နေသံကြောင်၊့ နတ်သမီးတဖက်လေးငါးရာစီနှင့် ဇိမ်ယစ်လျက်ရှိသည့်၊အိမ်မက်မှကျွန်ုပ်လန့်နိုးကာ၊ကုတင် ထက် တွင်ငေါက်ကနဲထထိုင်လိုက်မိပြီးအိမ်မှုန်စုံမွှားဖြင့်ပင်၊တံခါးကိုကမန်းမတန်း
ဖွင့်လိုက်ရချေသည်။ပြူတင်းတံခါးတို့ကိုဖြတ် သန်းဝင်ရောက်လျက်ရှိသောနေရောင်ခြည်အလင်းတန်း
ကိုထောက်ရှုခြင်းဖြင့်နေထန်းတစ်ဖျားခန့်ရှိလေပြီ။လွန်ခဲ့သောညကဖေ့စ်ဘွတ်တွင်
တကုပ်ကုပ်အလုပ်ရှုပ်နေခဲ့သဖြင့်ကျွန်ုပ်အိပ်ယာဝင်၊အတော်နောက်ကျခဲ့၏။တံခါးအပြင်ဖက်တွင်၊တပည့် ကျော်ကပ္ပလီကိုသွေးဆုတ်နေသောမျက်နှာဖြင့်မြင်လိုက်ရသည်။
“ဘာတုန်းဟ။ဖြေးဖြေးသက်သာလုပ်ပါ့မောင်ရဲ့။မောင့်ဥစ္စာကမ္ဘာပျက်သလားအောက်မေ့ရတယ်”
“ကမ္ဘာပျက်ရုံတင်ဘယ်ကပါ့မလဲဆြာ၊မိုးပါမီးလောင်နေပြီဗျ”
“ဒါဆိုဖူးခက်မီးသတ်ကိုဖုန်းဆက်လေ။ကြံကြံဖန်ဖန်ကွာ၊မိုးပေါ်မှာဘယ်ကောင်တွေ၊မီးကိုပေါ့ပေါ့ဆလုပ်နေပြန်ပါလိမ့်”
“ပြက်ချော်ချော်လုပ်နေရမဲ့အချိန်မဟုတ်ဘူးနော်။ဆြာရှို့တဲ့မီးက၊သမ္မတရုံးအထိတက်လောင်နေပြီ၊ဒီမှာကြည့်”
ကျွန်ုပ်လက်တွင်းသို့တပည့်ကျော်ထိုးပေးလိုက်သော၊ဆမ်ဆောင်း
လက်ကိုင်တယ်လီဖုန်းဖန်သားပြင်ရှိ၊အသင့်ဖွင့်လျက်သား
ဖေ့စ်ဘွတ်စာမျက်နှာတစ်ခုကို၊မျက်မှန်မပါပဲ၊မျက်မှောင်ကြုံ့လျက်၊
ဖတ်မိသည်တွင်ကား၊ကျွန်ုပ်မှာလိပ်ပြာလွင့်လုမတတ်၊
တုန်လှုပ်ခြောက်ခြားသွားရချေ၏။
“လတ်တလောဖြစ်ပွားနေသည့်လက်ပံတောင်းတောင်ပဋိပက္ခနှင့်စပ်လျဉ်း၍
အွန်လိုင်းလူမှုကွန်ယက်စာမျက်နှာဖေ့စ်ဘွတ် တွင်၊နိုင်ငံတော်သမ္မတရုံးထုတ်ပြန်ချက်ဟူ၍ကြေညာချက်အတုတစ်စောင်ပျံ့နှံ့လျက်ရှိရာ”
“အဆိုပါကြေညာချက်တွင်၊ဝမ်ပေါင်ကုမ္ပဏီ၏စီမံကိန်းလုပ်ငန်းများအဆင်ပြေချောမွေ့စေရေးအတွက်၊ဝိုင်းဝန်းကူညီဖြေရှင်း ပေးခဲ့ကြသည့်နယ်လုံဝန်ကြီးဦးကြည်နိုင်အပါအဝင်၊သက်ဆိုင်ရာပြည်သူ့ရဲတပ်ဖွဲ့ဝင်များ၊ဝန်းရံပေးခဲ့ကြသည့်တပ်ရင်းတပ်ဖွဲ့ များအားဂုဏ်ပြုမှတ်တမ်းတင်ကြောင်းဖော်ပြပါရှိရာ”
ခေတ်ဟောင်းကာတွန်းဘိုးအေဆရာကြီးဦးမောင်လွင်၏ငတက်ဖြားဇာတ်ကောင်ရေရွတ်လေ့ရှိသည့်အလန့်တကြားအာမေဋိတ်ကိုပင်၊ကျွန်ုပ်နှုတ်ဖျားမှယောင်ယမ်းမြည်တမ်းမိချေသည်။
“ညတ်ချွာဖျား”
(နှစ်)
စင်စစ်ပြီးခဲ့သောရက်ပိုင်းက၊လက်ပံတောင်းတောင်ဒေသတွင်၊
တရုပ်နိုင်ငံဝမ်ပေါင်ကုမ္ပဏီ၏ဥပဒေမဲ့ထင်ရာစိုင်းမှုကြောင့်၊မိုး
ကြိုးပြင်အလယ်ရွာမှဒေါ်ခင်ဝင်းအမည်ရှိ၊တောင်သူအမျိုးသမီးကြီးသေနတ်
ထိမှန်သေဆုံးခဲ့ရလေရာ၊နိုင်ငံတော်သမ္မတရုံးမှအဆောတလျင်
ထုတ်ပြန်ချက်ထွက်ပေါ်လာခြင်းမရှိသောကြောင့၊်အညာဇာတိ
ချက်မြှုပ်ဖြစ်လေသောကျွန်ုပ်သည်လွန်စွာစိတ်ဆင်းရဲခြင်းကြီးစွာဖြစ်ရသဖြင့်၊
စိတ်ပေါက်ပေါက်နှင့်၊သမ္မတရုံးမှထုတ်ပြန်လာနိုင်မည့်စာစတိုင် သရော်စာစတေးတပ်
တစ်ခု ကို ကျွန်ုပ်၏ဖေ့စ်ဘွတ်တွင်ရေးတင်ခဲ့မိ၏။
ကျွန်ုပ်သည်မဆလခေတ်တစ်လျှောက်လုံးနှင့်၊နဝတ၊နအဖ၊ဒီမိုကရေစီခေတ်
ဆိုလေသည့်မျက်မှောက်ကာလတို့ကိုဖြတ်
သန်း ကျော်လွန်လာခဲ့ရသူဖြစ်ရာ၊အလားတူကိစ္စရပ်များတွင်အစိုးရအဖွဲ့များ
အနေဖြင့်၊အဖြစ်မှန်အတိုင်း၊သမာသမတ်ကျကျ တစ်ကြိမ်တစ်ခါမျှထုတ်ပြန်ကြေညာခဲ့ခြင်းမရှိပဲ၊ဆင်ဝှေ့ရန်ရှောင်ယောင်ဝါးဝါး
ထုတ်ပြန်ချက်များဖြင့်ရင်းနှီးကျွမ်းဝင်နေခဲ့သူ
ဖြစ်၏။အနှီကြေညာချက်မျိုးကိုကြေးမုံမြန်မာ့အလင်းသတင်းစာ စာမျက်နှာမှတဆင့်ပွန်းတီးနေခဲ့ပြီဖြစ်ရာ၊ ယင်းတို့၏ စာရေးနည်း စတိုင်ကိုကောင်းစွာအတုခိုးနိုင်ခဲ့ပြီဖြစ်၍၊ ကျွန်ုပ်၏သရော်စာမှာအစစ်နှင့်တထပ်တည်းနီးပါးတူညီနေခဲ့ ဟန်ရှိ ပေသည်။
ထို့အပြင်ကျွန်ုပ်၏သရော်ချက်မှာသမ္မတရုံး၏ရေးသားပုံ၊ ရပ်တည်ကာကွယ်လိုပုံခြင်းတူလွန်း နေခဲ့သော ကြောင့်၊ တာဝန်ရှိသူများအနေဖြင့်အနာပေါ်တုတ်ကျသွားသလို ခံစားသွားကြရခြင်းသည်လည်းဖြစ်နိုင်ချေတစ်ရပ် ပေတည်း ။ကျွန်ုပ် အနေဖြင့်မူ၊မြစ်ဆုံစီမံကိန်းကိုရပ်ဆိုင်းလိုက်စဉ်က၊ထုတ်ပြန်ခဲ့သည့်သမ္မတကြီး၏ကြေညာချက်မျိုးကိုမျှော်လင့်တောင့်တမိသောကြောင့်လည်း၊အ ရဲစွန့်၍သရော်မိခြင်းဖြစ်ပါ၏။
မည်သို့ဆိုစေ၊ကျွန်ုပ်၏သတင်းမှာဖူးခက်ကျွန်းတခွင်တောမီးပမာပျံ့နှံ့
သွားခဲ့သည်ကားသေချာလှသောအချက်ဖြစ်လေသည်။
ကပ္ပလီနှင့်ရှေ့ဆင့်နောက်ဆင့်ဆိုသလိုဖေကြည်နှင့်လေမင်းသား
တို့သည်လည်းဘယ်ကရလာမှန်းမသိသောအလဲဗင်းသတင်းစာနှင့်
သံတော်ဆင့်ဂျာနယ်တို့ကိုကိုင်ဆောင်ကာ၊ပေါက်ချလာကြပြန်သည်။
ယင်းတို့၏နောက်မှကျွန်ုပ်အပေါ်သံယော ဇဉ်မကင်းကြလေသော၊ ဖူးခက်မြို့ရောက်ရွေ့ပြောင်းအလုပ်သမားတချို့လည်း၊နောက်တော်မှပါလာကြလေသေး၏။ကျွန်ုပ် ၏နေအိမ်ဧည့်ခန်းမတွင်၊စိုးရိမ်တကြီးရေရွတ်ငြီးတွားပြစ်တင်သံတို့ပွက်လောရိုက်လျက်ရှိလေပြီ။
“သတင်းစာတွေ၊ဂျာနယ်တွေမှာလည်းပွဲဆူကုန်ပြီဆြာ”
“ဆြာဒင်တော့ပြဿနာတက်တော့မယ်ထင်တယ်နော်”
“ဆြာဟာလေ၊ဒီလောက်အသက်ကြီးနေပြီဥစ္စာ၊ငြိမ်ငြိမ်ကိုမနေနိုင်ဘူး”
“ဆြာရယ်နောင်များသရော်စာရေးရင်အစစ်နဲ့တူအောင် မရေးပါနဲ့ဆြာ၊တပည့်တို့ရင်ပူလွန်းလို့ပါ၊ရှိကြီးခိုးပါရဲ့”
“သမ္မကြီးကိုယ်တိုင်စိတ်မကောင်းဖြစ်နေရှာတာ၊ခုတော့ရာဇဝတ်အိုးတုတ်နဲ့ထိုးသလိုဖြစ်ပြီပေ့ါ”
“အင်းလေ၊ဟုတ်ပ့ါ၊ဟုတ်ပါ့၊သမ္မတရုံးညွှန်ကြားရေးမှူးခင်မျာ၊ဆြာဒင့်စာကြောင့်ဗျာများရရှာပြီ”
“ဆြာဒင့်ကိုဗိုလ်ကတော်တွေကဖမ်းဟဲ့ဆီးဟဲ့ဆိုပြီးညာသံပေးကုန်ကြပြီဗျို့”
မှန်ရာကိုဝန်ခံရလျှင်၊ကျွန်ုပ်သည်လည်းပုထုဇဉ်ပီပီထိတ်လန့်မိသည်မှာ
အမှန်ဖြစ်ချေ၏။ကြောက်ရသည့်ကြားထဲသင်းတို့၏
ပြစ်တင်ငြီးတွားသံတို့ကတစ်မှောင့်။ဖူးခက်အနီးပင်လယ်အတွင်းမှ၊
လူသူအရောက်အပေါက်နည်းပါးရာ၊ကျွန်းတစ်ခုခုတွင် ပြေးရှောင်
ပုန်းအောင်းရမည်လော။အနောက်နိုင်ငံကြီးတစ်ခုခု၏သံရုံးတွင်းသို့၊
ဇွတ်ဝင်ရောက်ကာ၊ဒုက္ခသည်အဖြစ်လက်ခံပါ ရန်အသနားခံရမည်လော၊သို့လော၊သို့လော၊မဝေခွဲနိုင်သည့်အဆုံးတွင်၊
လာမဲ့ဘေးပြေးတွေ့ရန်သာ၊ဆုံးဖြတ်လိုက်ရချေ တော့၏။
(သုံး)
“နေကြပါဦးမောင်တို့ရယ်။ကျုပ်ရေးတဲ့သရော်စာကို၊သမ္မတရုံးရဲ့ကြေညာချက်အတုလို့စွပ်စွဲရအောင်၊ရုံးတံဆိပ်ဆိုတာဝေ လာဝေး၊စာနံပတ်တောင်မပါပါဘူးလေ”
“သြော်၊ဒါဖြင့်ဆြာ့စာကအစစ်လိုဖြစ်နေတာကျတော့ဘယ်လိုရှင်းမတုန်း”
“သရော်ပါတယ်ဆိုကာမှအစစ်နဲ့ဆင်တူယိုးမှားဖြစ်အောင်လုပ်ရေးနိုင်မှ၊
ရသမြောက်မှာမဟုတ်ပေဘူးလား၊အဲဒီစာဟာအမာစားသရော်စာ(Irony)
လို့ခေါ်သကွဲ့။ကဲပါလေ၊ကျုပ်မောင်တို့ကိုတချက်ချင်းမေးပါရစေ၊
ကျုပ်ရေးတင်ခဲ့တဲ့အထဲမှာ၊ဒီမိုကရေစီနည်းလမ်းအရ၊ပြည်သူလူထုမှရွေးကောက်
တင်မြှောက်ထားသောအစိုးရဖြစ်သည်နှင့်အညီဆိုတာဖတ်မိသလား။ဒီအစိုးရ
ဘယ်ပုံစံနဲ့တက်လာတယ်ဆိုတာမောင်တို့လည်းသိပြီး
သားပါ။နောက်တစ်ချက်က၊မြန်မာပြည်သူတစ်ရပ်လုံး
ချမ်းသာကြွယ်ဝဖူလုံမည့်အလားအလာကောင်းများကိုမြင်တွေ့နေပြီဖြစ်ပါသည်
ဆိုတာ၊တတိုင်းတပြည်လုံးမှာရှိရှိသမျှမြေတွေယာတွေကိုသိမ်းနေတာကို ဗြောင်သရော်ထားတာပဲ”
“အင်း……………”
ပရိသတ်မင်းများက အင်းသံရှည်ကြီးဖြင့်၊ယောင်နနလုပ်နေကြလေ သဖြင့်ကျွန်ုပ်ဆက်၍ရှင်းရပြန်သည်။
“သေချာလည်းဖတ်ကြပါကွာ၊တောင်သူဟုဆိုသူများ၊တောင်သူဟုဆိုသူဒေါ်ခင်ဝင်း၊
စိတ်အနှောင့်အယှက်ဖြစ်ရသော၊ တရုတ်နိုင်ငံသမ္မကြီးဆိုတဲ့ အသုံးအနှုန်းတွေဟာ၊သရော်ထားမှန်းအသိသာကြီးပါ။သေဆုံးသူကို
တရားစွဲမယ်၊ဝိုင်းဝန်းကြသူ တွေကို ဂုဏ်ပြုချီးကျူးပါတယ်ဆိုပြီး၊ အရွဲ့တိုက်ရေးထားတဲ့စာသားတွေဟာ၊အစစ်ပါလို့ဘယ်အရူးတွေကယုံကြသတုန်း”
“ဆြာရှင်းပြတော့လည်းဟုတ်သလိုလိုပဲ၊ဒါပေမဲ့၊အသိဥာဏ်နုံနဲ့သူများမှာတော့၊ယုန်ထင်ကြောင်ထင်ဖြစ်ကုန်တာအမှန်ပဲဗျ”
“တချို့လူတွေက မရိုးမသားနဲ့ဆြာ့စာကိုစကင်ဖတ်ပြီးလျှောက်ဖြန့်ကြတော့၊ ဇဝေဇဝါဖြစ်ကုန်ကြတာဆြာ့မှာတာဝန် မကင်း ဘူးလေ”
“ဆြာ့စာကြောင့်၊အစိုးရတာဝန်ရှိသူတွေကိုဆဲသံဆူသံတွေညံကုန်တာဟာ၊
အစိုးရကိုအကြည်ညိုပျက်စေတယ်လို့ထင်တာပဲ ဆြာ”
တုန့်ပြန်သံများအရ၊အများစုသည်ကျေနပ်ဟန်မရှိကြချေ။အမှန်တွင်မူ၊
အဆိုပါစတေးတပ်တင်ပြီး၊မကြာမီမှာပင်၊ မခံစားနိုင် လွန်း၍ရေးမိသောသရော်စာဖြစ်ပါကြောင်းကျွန်ုပ်ကိုယ်တိုင်ကွန်မင့်
တခုရေးသားရှင်းလင်းခဲ့ပြီးဖြစ်၏။ကျွဲတို့၏အပါး တွင်၊
ကျွန်ုပ်ဆက်၍စောင်းမတီးသင့်တော့ချေ။
“ဆက်မယုံရင်စောင့်ကြည့်ကြပါကွာ၊ဒီစာသဘောသွားအတိုင်း၊သမ္မတရုံး ကနေ တရားဝင်စာထွက်လာမှာမြင်ယောင်သေးတော”့ဟူသောစကားကိုကျွန်ုပ်ရင်တွင်း၌သာမြိုသိပ်လိုက်ရတော့သည်။
သို့နှင့်နောက်ဆုံးတွင်၎င်းတို့အားလုံးကျေနပ်စေစိမ့်သောငှာ၊ရုတ်ခြည်းပင်၊
စတေးတပ်အသစ်တစ်ခုကိုကျွန်ုပ်၏ဖေ့စ်ဘွတ်စာမျက်နှာတွင်ရေးတင်လျက်၊
ဖတ်ရှုစေသည့်အခါ၊အသီးသီးကျေနပ်အားရကြလျက်၊ ကျွန်ုပ်၏နေအိမ်မှာပျော်ရွှင်မြူးတူးစွာ၊ပြန်
လည်ထွက်ခွာသွားကြကုန်၏။ ဤတွင်မှကျွန်ုပ်သည်လည်းနာမည်ကြီးအဆိုတော်ခိုင်ထူး၏ “တချို့တွေနေနိုင်လွန်းတယ်”ဟူ
သော၊စာသားပါ သီချင်းတစ်ပုဒ်ကိုငြီးဆိုရင်းသက်ပြင်းဒုန်းဒုန်းချနိုင်လေတော့သည်။
(လေး)
ကျွန်ုပ်၏ဖေ့စ်ဘွတ်စာမျက်နှာတွင်ရေးတင်ခဲ့ပြီး၎င်းတို့ကိုကျေနပ်သွားစေခဲ့သောစတေးတပ်အသစ်မှာအောက်ဖော်ပြပါအ တိုင်းဖြစ်ပါ၏။
သမ္မတကြီးခင်ဗျာ။ ။
၁။ ကျနော်သည်အသက်ကြီးသော်လည်းအချိန်မစီးသူဖြစ်သည့် အားလျော်စွာ၊လက်ပံတောင်းတောင်အရေး ပူပူနွေးနွေး အချိန်တွင်၊သမ္မတကြီး၏ရုံးမှ ထုတ်ပြန်လာမည့်စာပုံစံတခုကို၊ဥာဏ်ရည်နိမ့်သူ၊ပီပီဂါရဝတရားကင်းလွတ်လျက်၊ သရော် တော်တော်၊ပြက်ချော်ချော်ကြိုတင်ရေးသားခဲ့မိရာ၊အစိုးရအဖွဲ့အနေဖြင့်၊
စိတ်အနှောက်အယှက်ဖြစ်ရပြီး၊ပြည်သူလူထု အနေ ဖြင့်ယုံထင်ကြောင်ထင်ဖြစ်အောင်ဖန်တီးမိသကဲ့သို့ရှိခဲ့ပါသည်။
၂။ ယခုအခါတရုတ်နိုင်ငံသမ္မတကြီးကိုယ်တိုင်ဝမ်းနည်းကြောင်းထုတ်ဖော်ပြောကြားလာခြင်း၊
တာဝန်ရှိဝမ်ပေါင် ကုမ္ပဏီ အနေဖြင့်၊သေဆုံးသူတောင်သူမကြီးဒေါ်ခင်ဝင်း၏ကျန်ရစ် သူမိသားစုမိသားစုသို့၊ကျပ်သိန်းနှစ်ရာနစ်နာကြေးပေးရန်ကမ်း
လှမ်းလာခြင်း များတွေ့မြင်ကြားသိလာပြီဖြစ်ရာ၊ ဤသည်မှာသမ္မတကြီးနှင့်အစိုးရအဖွဲ့၏ လိမ်မာပါးနပ်မှု၊ စွမ်းဆောင် ရည်မြင့်မားမှုတို့ကြောင့်ဟုရိုးသားစွာထင်မြင်ယူဆမိပါသည်။
၃။ ထိုသို့ဆိုလျှင်၎င်းလက်ပံတောင်းတောင်အရေှးနှင့်ပတ်သက်၍ ဒေါ်ခင်ဝင်း၏ ကျန်ရစ်သူမိသားစုအတွက် ဝမ်ပေါင် ကုမ္ပဏီထက်သာလွန်သော ကုစားဖေးမမှု၊နှင့်လက်ပံတောင်းတောင်ဒေသတောင်သူတို့၏ဘဝပြေလည်အေးချမ်းစေရေးတို့ အပြင်၊မြန်မာနိုင်ငံ၏အချုပ်အချာအာဏာပိုင်ဆိုင်မှု ၊မြန်မာတမျိုးသားလုံး၏အမျိုး ဂုဏ်ဇာတိဂုဏ်တို့ကိုပြန်လည်ဆယ်တင် နိုင်ရန် သမ္မတကြီး၏ အစိုးရအဖွဲ့အနေဖြင့်၊စွမ်းစွမ်းတမံထိရောက်စွာဆောင်ရွက်ပေးတော့မည်ဟု၊ ရဲဝံ့စွာယုံကြည်နိုင်ပြီဟု ယူဆမိပါသည်။
၎။ သို့ပါ၍မြန်မာပြည်သူလူထုမှကြည်ညိုလေးစားမှုအပြည့်အဝရှိနေသော သမ္မတကြီးဖြစ်သည့်အလျောက်၊တိမ်မယောင် နက်လှသော၊မင်းရေးစိုးခွင်ကိုနားမလည်ခဲ့သည့်၊ဇနပုဒ်ဖွားငမိုက်သားကျနော့်အား၊
သနားသဖြင့်နားလည် ခွင့်လွှတ်ပါရန် အနူးအညွတ်တောင်းပန်အပ်ပါသည်။
နှစ်သစ်တွင်အကိုတော်သမ္မတကြီးချမ်းသာကိုယ်စိတ်မြဲပါစေသတည်း။
ရိုသေလေးစားစွာဖြင့်
မင်းဒင်
ဖူးခက်ကျွန်း
ထိုင်းနိုင်ငံတောင်ပိုင်း
၂၀၁၄၊ဒီဇင်ဘာ(၂၆)ရက်။