ကျွန်ုပ်၊တပည့်ကျော်များနှင့်စနိုက်ပါအန္တရာယ်
(မင်းဒင်)
(တစ်)
“စနိုက်ပါသေနတ်တွေကိုဒုတိယကမ္ဘာစစ်မတိုင်ခင်ကတည်းက၊
တွင်တွင်ကျယ်ကျယ်အသုံးပြုခဲ့တာဆြာရဲ့။
ဒီနေ့ခေတ်မီစစ်ပွဲတွေအထိမပါမဖြစ်တဲ့လက်နက်ဆိုပါတော့။
အဲဒီစနိုက်ပါတွေကိုအဆင့်မြင့်နည်းပညာတွေပေါင်းစပ်ပြီး
တီထွင်လိုက်ကြတာ၊အခုဆိုရင်၊ပွိုင့်ဖိုက်(၀.၅)ကျည်သုံးနောက်ဆုံးပေါ်
လက်ဖြောင့်ရိုင်ဖယ်တွေ ဟာ၊နှစ်မိုင်နီးပါးလောက်မှာရှိတဲ့ ပစ်မှတ်ကိုတောင်မလွဲတမ်းထိမှန်နိုင်ပြီတဲ့ဗျာ”
နေခြည်ဖြာသောနံနက်ခင်းတစ်ခုတွင်ဖြစ်၏။
ယိုးဒယားပြည်အမ်မခန်အရပ်ရှိအတန်ငယ်ကျယ်ဝန်းသည့်ခြံကြီး
တစ်ခုအတွင်းတွင်တည်ရှိသည့်ကျွန်ုပ်နေထိုင်ရာ
အိမ်အိုဟောင်းကြီး၏ထမင်းစားခန်း၌၊ကျွန်ုပ်သည်
တပည့်ကျော်သုံးဦးနှင့်အတူ နံနက်စာသုံးဆောင်နေချိန်ဖြစ်လေသည်။
တပည့်ကျော်ဖေကြည်၏လက်ရာ၊ထမင်းကြမ်းနှင့်မနပ်တနပ်
စိမ်းဆတ်ဆတ်ပဲပြုပ်၊ပေါင်းစပ်ကြော်လှော် အပ်သည့်၊ထမင်းကြော်မှာလည်ချောင်းဝတွင်တစ်ဆို့နေလေသဖြင့်၊
အကောင်းစားအက်စ်ပရက်ဆိုကော်ဖီဖြင့်မျှောချနေရချိန်တွင်၊
တပည့်ကျော်ကပ္ပလီထံမှ၊ထူးခြားလှသောမှတ်ချက်စကားကြောင့်၊ ကျွန်ုပ် မှာသောက်လက်စကော်ဖီပင်သီးတော့မတတ်ဖြစ်သွားရချေသည်။
သို့သော်ကပ္ပလီငယ်သည်၊ကျွန်ုပ်၏ဖြစ်အင်ကိုထွေထူး၍
သတိပြုမိဟန်မရှိပဲ၊ဆိုလက်စသူ့စကားကိုသာ၊ရှေ့ဆက်လျက်ရှိ၏။
“ဒဿမ၃၀၃နဲ့ ၇.၆၂မမ ရိုင်ဖယ်တွေကိုလည်း လက်ဖြောင့်သေနှတ်သမားတွေကြိုက်ကြတာပါပဲဆြာ ။ ဒါပေမဲ့ပွိုင့်ဖိုက်(ဝ.၅)ရိုင်ဖယ်တွေကပိုပြီးဝေးတဲ့ပစ်မှတ်တွေကို
ပစ်ခတ်နိုင်တာမို့၊လက်ဖြောင့်သေနတ် သမားတွေပို
သဘောကျကြတာပေါ့”
(နှစ်)
ထူးဆန်းပေစွ။ဘုန်းကြီးနှင့်ဘီး၊သီလရှင်နှင့်မိတ်ကပ်၊
နားကပ်နှင့်မသာမအပ်မရာသောစကားဆန်းတို့ကို ဆိုနေသည့်တပည့်ကျော်အား၊ကျွန်ုပ်စိတ်ချဉ်ချဉ်ရှိသည်နှင့်..၊
အဲသည်သေနတ်နဲ့နင်လိုရွေ့ပြောင်းအလုပ်သမားစားပွဲထိုး
ဘာဆိုင်လို့တုန်းဟု အဓိပ္ပါယ်ပါသည့်မျက်နှာပေးဖြင့်
လှမ်းကြည့်လိုက်မိချိန်တွင်၊ဆြာ့ လုပ်စာ
အက်စ်ပရက်ဆိုကော်ဖီခွက်ကို အားမနာလျှာမကျိုး၊
အိုက်တင်တခွဲသားဖြင့်ဖြည်းဖြည်းချင်း
ဇိမ်ခံ သောက်လျက်ရှိသောလေမင်းသားထံမှ၊
စကားသံထွက်ပေါ်လာပြန်ချေသည်။
“ဟုတ်တယ်ဆြာရဲ့။ပွိုင့်ဖိုက်တွေရဲ့အားသာချက်ကြောင့်
အမေရိကန်တွေတောင်ဗီယက်နမ်စစ်ပွဲမှာ၊တွင် တွင်ကျယ်ကျယ်သုံးလာကြတာလေ။(၁၉၆၇)ခုနှစ်ဗီယက်နမ်
စစ်ပွဲမှာအမေရိကန်နာမည်ကျော်လက်ဖြောင့် သေနတ်သမား
ကားလို့စ် ဟက်ကော့ (Carlos Hathcock) ဟာ၊
တယ်လီစကုပ်တပ်ထားတဲ့ အမ်တူးဘရောင်နင် စက်သေနတ်နဲ့၊(၂၀၉၀)မီတာအကွာအဝေးမှာရှိတဲ့ပစ်မှတ်ကို
ပစ်ခတ်နိုင်ခဲ့တာကြောင့်အဝေးဆုံးပစ်နိုင်တဲ့မှတ်တမ်း
ဝင်ခဲ့တာပေါ့။လက်ရှိစံချိန်ကတော့(၂၀၁၂)ခုနှစ်တုန်းက
သြစတေလျတပ်သားဟာအမ်အိပ်တီတူးရိုင်ဖယ်နဲ့ (၂၈၁၅)မီတာအကွာအဝေးကပစ်မှတ်ကိုပစ်နိုင်ခဲ့ပြီတဲ့ဆြာ”
ရော၊ဘာတွေဖြစ်ကုန်ကြပြီနည်း၊မသိတာမရှိကဝိတဆူဖြစ်သူ
ကျွန်ုပ်ပင်လျှင်၊တပည့်ကျော်တို့၏ထူးခြားလှသော
ဆွေးနွေးချက်တို့အပေါ်အံ့သြခြင်းကြီးစွာဖြစ်ရ၏။
သို့သော်အံ့သြခြင်းကားဆုံးခန်းမတိုင်သေးချေ။အလွန်အင်မတန်
တုံးလွန်းအလွန်းလှပါသည်ဆိုသောဖေကြည်ငယ်၏
စကားသံထပ်လောင်းထွက်ပေါ်လာပြန်သည်။
“ဆြာ့ပုံကြည့်ရတာ၊တပည့်တို့ဆွေးနွေးနေတဲ့ခေါင်းစဉ်နဲ့
ပတ်သက်လို့အတော်ဗဟုသုတနည်းပုံရတယ်။မခက်ပါဘူး ဆရာရယ်။အမေရိကန်စနိုက်ပါဆိုတဲ့ဗီဒီယိုကို
အင်တာနက်မှာဒေါင်းလုပ်လုပ်ပြီးကြည့်လိုက်ရင်၊
လက်ဖြောင့် သေနတ်သမားတွေအကြောင်းရိပ်ဖမ်းသံဖမ်းလောက်တော့
နားလည်လာမှာပါလေ”
ဥာဏ်ပညာအရာ၌သူငယ်နှပ်စား၊ဥမမယ်စာမမြောက်သည့်ဖေကြည်
ကဲ့သို့သောတပည့်မျိုးက အထက်ပါအတိုင်း စကားနာ ထိုးလိုက်သည်တွင်မူ၊ကျွန်ုပ်၏မခံချင်စိတ်သည်
အနာပေါ်တုတ်ကျဘိသကဲ့သို့၊ရုတ်ခြည်းနိုးထလာချေ၏။
“နေပါဦးလဟ၊ဆင့်ဖင်တွေရ။ထမင်းကြော်မြိုမကျရတဲ့ကြားထဲ၊
ဘယ်နှယ့်သောက်ကြီးသောက်ကျယ်စနိုက်ပါဋီကာ၊ လာဖွင့်နေကြရသတုန်း။အမှန်တော့ဆီထမင်းနဲ့
အလိုက်ဖက်ဆုံးဟာစနုိုက်ကြော်ပဲကွ။
တို့မြေလတ်ဘက်ကိုခရီး ထွက်ရင် မီးရထားဘူတာနဲ့ ကားဂိတ်တွေမှာစာကလေးကြော်ရမယ်။ဂျိုးကြော်ရမယ်။
စနိုက်ကြော်ရမယ်ဆိုတာ သာကြားဖူးနေကျအသံဟ။
နင်တို့လိုအလေနတောတွေနဲ့ လက်ဖြောင့်စနိုက်ပါသေနတ်
ဘာဆိုင်လို့တုန်း”
ကျွန်ုပ်၏ယောင်ဝါးဝါးချေပချက်သည်သဲမြေတွင်ရှူးရှူးပန်းသကဲ့သို့အ
ရာမထင်ခဲ့ချေ။ကပ္ပလီငယ်၏မျက်နှာထားနှင့်လေသံမှာ
ကျွန်ုပ်အားသနားစရာသတ္တဝါအဖြစ်သတ်မှတ်လျက်ရှိကြောင်း
လယ်ပြင်တွင်ဆင်သွားဘိသကဲ့သို့မြင်သာထင်သာလျက်ရှိချေသည်တမုံ့။
(သုံး)
“ဒီမယ်ဆြာ၊ရွေးကောက်ပွဲနီးပြီဆိုတာသိတယ်မဟုတ်လား”
“သိပါ့မောင်ရယ်”
“အာဏာရပါတီအတွင်းမှာရဲအင်အားသုံးပြီးဖြေရှင်းခဲ့ရတဲ့
အကွဲအပြဲကိုကောသိသလားဆြာ”
“ဟ။ဒီလောက်ဟိုးလေးတကျော်ကျော်ဖြစ်နေတာမသိပဲ
ဘယ်နေပါ့မတုန်း”
“ဟုတ်ပြီ။ဒါဆို ပြည်သူ့လွှတ်တော်ဥက္ကဋ္ဌကိုဇွတ်အတင်းဆွဲချဖို့
၊ရေဘေးကယ်ဆယ်ရေးကိုအကြောင်းပြပြီး လွှတ် တော်အဆင့်ဆင့်ကို
ချက်ချင်းရပ်ဆိုင်းဖို့စကိုင်းနက်လွှတ်တော်ချင်နယ်
လိုင်းတွေကိုပါပိတ်ပြီးအားထုတ်နေကြတာကိုကောသိမှာပေါ့”
“လူကိုငတုံးများမှတ်နေသလားဟ”
“ဘဏ်တွေလှုပ်လှုပ်လှုပ်လှုပ်ဖြစ်ပြီး၊ဘဏ်တွေကငွေတွေ
အလုအယက်ထုတ်နေတာ၊ဒေါ်လာဈေးတွေထိန်းမရ
သိမ်းမရဖြစ်နေတာ၊အခြေခံစားသုံးကုန်ဈေးနှုန်းတွေ
စွတ်တက်နေတာကောကြားမိပါတယ်နော်”
“ဟကောင်၊ငါက နင်ရို့ဆြာ၊နင့်စကားဆိုလိုရင်းသာဆက်တော့”
“ဆြာ့လေသံက ရွေးကောက်ပွဲကော်မရှင်ဥက္ကဋ္ဌလေသံပါကလား။
သို့ပေမဲ့ ဗဟုသုတအရာမှာတော့ ဂန့်ဂေါအ အမတ် ဝမ်းတွင်းရူးနဲ့သူမသာကိုယ်မသာဆိုရမယ်”
(ထောင်းကနဲဖြစ်သွားသောဒေါသစိတ်ကိုချုပ်တီးလျက်)
”နင်ကတော့မြေမျိုခါနီးပြီ။ဆက်မဲ့စကားကိုသာဆက်စမ်း ပါလဟ”
“ဆက်မှာပါဆြာရဲ့။ကန်တော့နော်။
အဲဒီဂန့်ဂေါအမတ်ငပေါပြောသွားတဲ့စကားထဲမှာ
စစ်တပ်ဟာကြံ့ဖွံ့နဲ့တသားတည်းဖြစ်သွားပြီဆိုတာကိုကော
သေချာသတိထားလိုက်မိလားဆြာ”
ကပ္ပလီမည်သောသကောင့်သားသည်ခေသူမဟုတ်ချေတကား။
ဤသည်မှာကျွန်ုပ်နှင့်အနေနီးသောကြောင့် လည်းဖြစ်တန်ရာ၏။
မည်သို့ပင်ဖြစ်စေ၊သင်းစကားကိုကျွန်ုပ်အနေဖြင့်
ချိန်ချိန်ဆဆတုန့်ပြန်ရသည်။
“အမောင်ကပ္ပလီပြောတဲ့အတိုင်းဆိုရင်ဖြင့်၊အခုလို ဝါးအစည်းပြေသလိုဖြစ်နေတဲ့ပါတီကြီးဟာ လာမဲ့ရွေး ကောက်ပွဲမှာ၊ဘယ်နည်းနဲ့မှနိုင်ခြေမရှိတာမို့၊
ကျုပ်တို့မောင်တို့တတွေဝမ်းမြောက်ဝမ်းသာဖြစ်ရမဲ့
ကိစ္စမဟုတ်ပေဘူးလား မောင်ရယ်”
“အဲဒါခက်တာပေါ့ဆြာရယ်။ဆြာဟာသမ္မတကြီးလိုဟန်သာရှိပြီး
အဆံမရှိတဲ့ပုဂ္ဂိုလ်ပါကလား။အာဏာရှင်ဆိုတာ
ရွေးကောက်ပွဲရှုံးရုံနဲ့အသာတကြည်အာဏာလွှဲပေးတယ်ဆိုတာ
ဘယ်ရာဇဝင်၊ဘယ်ကမ္ဘာ့သမိုင်းမှာရှိလို့တုန်း”
တည်ငြိမ်လေးနက်လှသောကပ္ပလီငယ်၏မှတ်ချက်စကားသည်
ကျွန်ုပ်၏ငယ်ထိပ်ကို မိုးကြိုးခသကဲ့သို့ရှိ၏
(လေး)
ဘုရား၊ဘုရား၊လက်ရင်းတပည့်လူရိုးလူအေးကလေးများပေမို့
အထင်စမောမိသည်မှာအမှားကြီးမှားလေပြီတကား။
လာမည့်ရွေးကောက်ပွဲတွင် ခွက်ခွက်လန်အောင်ရှုံးပါလျက်၊ အာဏာဆက်ကိုင်ထားမည့်စစ်ဝါဒီခေါင်းမာဂိုဏ်း
ခေါင်းဆောင်တို့အားကျွန်ုပ်၏တပည့်ကျော်များက
၊နောက်ဆုံးပေါ်လက်နက်များဖြင့်ပစ်မှတ်ထားကာချေမှုန်းတော့မည်ဟု
ဆိုလိုဟန်ပါတကား။
ကျွန်ုပ်၏အသက်အရွယ်နှင့်ဆင်ခြင်တုံတရားအရ၊
မည်သည့်အကြမ်းဖက်လုပ်ရပ်မျိုးကိုမျှလက်မခံလိုသည်ဖြစ်ရာ၊
တပည့်တို့ကိုမျက်နှာအောက်ကျို့၍လေချိုသွေးရင်း
ဆုံးမစကားဆိုရပြန်သည်။
“အမယ်လေး။မကြံကောင်းမစီရာတွေတောင်တောင်အီအီ
စိတ်မကူးကြလေနဲ့မောင်တို့ရာ။လောကကြီးမှာ အမှန်နဲ့ အမှားအမှောင်နဲ့အလင်း၊အားပြိုင်တတ်ကြတာဓမ္မတာ
သဘောပါကွယ်။အချိန်တန်ရင်အမှန်တရားက အောင်ပွဲခံ ပါလိမ့်မယ်။
ဟို ဟိုကွာ၊မဟတ္တမဂန္ဂီကြီးကိုင်စွဲခဲ့တဲ့ သကျဂရဟနည်းဆိုလားဘာလား”
စိုးရိမ်စိတ်ကြောင့် ထစ်ငေါ့ငေါ့ဖြစ်နေသည့် ကျွန်ုပ်၏စကားသံမဆုံးမီမှာပင်လေမင်းသား၏ကြားဖြတ်မေးခွန်း ထွက် ပေါ်လာလေရာ၊သင်း၏လေသံမှာ ကျွန်ုပ်အား
စိတ်ပျက်နေသည့်အသွင်ဆောင်၏။
“နေပါဦးဆြာရဲ့။ဆြာက ဘာတွေတွေးပူနေပါလိမ့်”
“ဟ၊မောင်တို့ပြောပုံအရဆိုရင်၊လက်ရှိအာဏာရ
ပါတီဟာရွေးကောက်ပွဲမှာရှုံးမှာသေချာတယ်။အာဏာလွှဲပြောင်း မပေးမှာလည်းသေချာတယ်။ဒါကြောင့် မောင်တို့က စနိုက်ပါသေနတ်တွေအကြောင်းခုကတည်းကလေ့လာပြီး စစ်ခေါင်းဆောင်တချို့ကိုပစ်မှတ်ထားချေမှုန်း၊မှုန်း၊မှုန်း…”
“တုံးပါပေ့ဆြာရယ်”
ဆြာ့စကားမဆုံးမီရေရွတ်လိုက်သောတပည့်ကျော်လေမင်းသား၏
ကြားဖြတ်မှတ်ချက်ကြောင့်ကျွန်ုပ်မှာခွေးအလှည်းနင်းသကဲ့သို့
ဆန့်တငင်ငင်ဖြစ်သွားရချေသည်။ကျွန်ုပ်အနေဖြင့်သည့်ထက်ပို၍
အရှက်မကွဲစေရန်အလို့ငှာတတ်ယောင်ကားဆက်၍
ဟန်မဆောင်သင့်တော့ပြီ။
“ကျုပ်ကိုယ်၌ကလည်း တုံးလွန်းပါသကွယ်။
သက်ငယ်စကားသက်ကြီးကြားရအောင်
၊မောင်တို့ရဲ့ရည်ရွယ်ချက်ကို မြွက်ဟပါတော့လကွဲ့”
ဤသို့ဖြင့်သင်းတို့၏ပညာဥာဏ်ကိုဆြာတန်မဲ့မှတ်သားနာယူရန်
အလို့ငှာရေလာမြောင်းပေးလမ်းဖွင့်ပေးလိုက် သည်တွင်မူ၊
တပည့်ကျော်တို့သည် စုံစီနဖာဧတဒဂ်အိုက်တင်၊ ဝါတော်ရှစ်ဆယ်ရဆဒေါ်ကြီး၏လေသံဖြင့် ရှင်းပြဖြေကြားကြသည်မှာမှတ်သားထိုက်လှသည်ဖြစ်သောကြောင့်၊
သင်းတို့၏မြွက်ဆိုချက်တို့ကို အမည်နာမနှင့် တကွရေးထိုး၍ဖော်ပြရသော် အောက်ပါအတိုင်းဖြစ်လေသည်။
(ငါး)
ကပ္ပလီ။ ။ဒီကောင်တွေဟာတကယ်တမ်းတရားမျှတတဲ့ရွေးကောက်ပွဲကို
ရင်မဆိုင်ရဲတာကြောင့်၊မသမာနည်း မျိုးစုံကိုရွေးကောက်ပွဲကော်မရှင် ဥက္ကဋ္ဌကိုယ်တိုင်ကြံရာပါအဖြစ်ဝင်ပြီးချယ်လှယ်နေတာ
အသိသာကြီးဆြာရဲ့။ မနိုင်နိုင်အောင်လုပ်ဖို့နဂိုကတည်းက ရည်ရွယ်ချက်ရှိပြီးသား။ဟော၊အခု၊သူတို့အချင်းချင်း
အာဏာလုပွဲလည်းဖြစ် ရော၊ဣနြေ္ဒတောင်မဆည်နိုင်တော့ပဲ၊
နပမ်းထသတ်ကြတော့မတတ်၊ရုပ်ပျက်ဆင်းပျက်
အချင်းချင်းဆော်ကုန်ကြတာ ဆြာရဲ့။စစ်တပ်ကလည်း သူ့အလုပ်သူမလုပ်ပဲ၊အာဏာရပါတီထဲဇွတ်ဝင်ပြီး
အာဏာထုံကူး ဖို့ကြိုး စားကြတာတော့ အကွဲအပြဲကပိုဆိုးသပေါ့ဆြာ
လေမင်းသား။ ။အဲသလိုကွဲနေကြပေမဲ့၊အာဏာလက်မလွတ်ရေးမူ
ကတော့ ဘယ်သောအခါမှစွန့်လွှတ်ကြမှာ မဟုတ်ဘူးဆြာ ။ နောက်ဆုံးစစ်တပ်ကိုသူတို့ထုတ်သုံးကြမှာ၊
အရူးဘူးလက်ပြောတာတွေဆြာသေချာနားထောင် ကြည့်ပါလား။စစ်တပ်နဲ့ကြံ့ဖွံ့ဟာတသားတည်းဖြစ်သွားပြီတဲ့၊
အတိုက်အခံအာဏာရဖို့ခုဘဝမှာတော့မဖြစ်နိုင်တော့ပါဘူးတဲ့။
ရှင်းနေတာပဲဆြာရယ်။ဒီတော့လာမဲ့ရွေးကောက်ပွဲမှာ
သူတို့ညစ်နည်းမျိုးစုံနဲ့ညစ်မယ်။မတော်မတရားမှု အလုံးစုံကိုစနစ်တကျအကွက်ချပြီးလုပ်မယ်။
အဲဒီလိုလုပ်ရာမှာ၊တတိုင်းပြည်လုံးတခဲနက်ထောက်ခံ
အားပေးနေတဲ့အတိုက်အခံဒီမိုကရေစီခေါင်းဆောင်ကို
လုပ်ကြံသတ်ဖြတ်ဖို့အထိကြံစည်ကြမယ်။ဖေ့စ်ဘွတ်ပေါ်မှာစစ်ဝါဒီ ဗိုလ်ပေါက်စတစ်ကောင်ကြုံးဝါးထားတာဆြာဖတ်မိတယ်မဟုတ်လား။
သူ့လက်ထဲကိုစနိုက်ပါပေးရင်၊ကျည်တစ် တောင့်တည်းနဲ့
လူထုခေါင်းဆောင်ကိုလွယ်လွယ်လေးဇီဝိန်ခြွေပစ်မတဲ့ဆြာ
ဖေကြည်။ ။ဟုတ်တယ်ဆြာရဲ့။လူထုခေါင်းဆောင်တင်မဟုတ်သေးဘူး။ မဲဆန္ဒနယ်တိုင်းမှာသူတို့ကိုအနိုင်ယူမဲ့ ယှဉ်ပြိုင်ဖက်အမတ်တွေ၊ ဒီမိုကရေစီအင်အားစုတွေကိုမသမာနည်းမျိုးစုံနဲ့လုပ်ကြံတာ၊
သတ်ဖြတ်တာတွေ ပေါ် လာမယ်။အဲဒီဖြစ်စဉ်တွေမှာ အတွင်းကျကျပါဝင်ပတ်သက်လာနိုင်တာကတော့စစ်တပ်ပဲဆြာ။
တပည့်တို့လို အနုံညာတလက်လုပ်လက်စားတွေက
မြန်မာငွေသိန်းနှစ်ရာ့ခုနစ်ဆယ်လောက်ဈေးပေါက်နေတဲ့၊
နောက်ဆုံး ပေါ်စနိုက်ပါတွေကိုဘယ်မှာလာဝယ်နိုင်ပါ့မတုန်း။
ဆြာ့တပည့်တွေဒီလိုအလုပ်မျိုးလုပ်ဖို့စိတ်တောင်မကူးပါဘူးဆြာရယ်။
ယုံပါဆြာ
ကပ္ပလီ။ ။ဆြာ့တပည့်တွေဆြာ့ကိုစနိုက်ပါသေနတ်တွေ အကြောင်းပြောနေရတာက၊သင်းတို့လုပ်လာမဲ့အကွက် တွေ၊
ဘယ်လိုခေတ်မီလက်နက်တွေနဲ့ဘယ်လိုလုပ်ကြံမှုတွေ
လုပ်လာနိုင်တဲ့ဇယားတွေကိုကြိုတင်ကာကွယ်နိုင်အောင်၊
အများပြည်သူနိုးနိုးကြားကြားသတိတရားရှိနေအောင်
၊ဆြာ့နာမည်လေးနဲ့ နိုးဆော်စာသဘောစာလေး ရေးစေ ချင်တာ ဆြာရဲ့။ဒီတော့ဆြာလည်းအလှူ့လက်ဖက်နဲ့မျက်နှာလုပ်၊
တိုင်းပြည်အတွက် လည်းအကျိုးရှိ၊ သားရွှေအိုး ထမ်းတဲ့ကိန်း
ဆိုပါတော့ဆြာ
(ခြောက်)
ထိုနေ့ကားကျွန်ုပ်အလိမ္မာတိုးသောနေ့ပေတည်း။ အရူးစကားသဘင်သည်စကားကလေးစကား
မှန်တတ်သည်ဟုဆိုလေရာ၊သင်းတို့သည်အရူးအပေါ စာရင်းဝင်ရုံမျှမက၊ကျွန်ုပ်ကဲ့သို့သောပုဂ္ဂိုလ်ကျော်၏
လက်ရင်းတပည့်တို့လည်းဖြစ်ကြကုန်၏။
သင်းတို့သည်လောက်တော်နေမှန်း၊သင်းတို့ကိုသင်ကြား
ညွန်ပြခဲ့သောဆြာကိုယ်တိုင်မသိခဲ့သည်မှာ
ကျွန်ုပ်၏ညံ့ဖျင်းချက်ဖြစ်ကြောင်းအလေးအနက်ဝန်ခံလိုပါ၏။
ဤသို့လျှင်ကျွန်ုပ်သည်အနေစုတ်သော်ငြားရွှေထုတ်သည့်မြပုဝါနှင့်
တူလှစွာသည့်တပည့်ကျော်တို့၏ သွန်သင်ချက်ကို တပည့်ဂုဏောအနန္တောဟုနှလုံးသွင်းပြီးသကာလ၊
အများပြည်သူတို့သတိပြုသိရှိနိုင်ကြအံ့စိမ့်သောငှာ၊
ကျွန်ုပ်၊တပည့်ကျော်များနှင့်စနိုက်ပါအန္တရာယ်ဟုခေါင်းစဉ်စာတန်း
ထိုးလျက်စာတစ်ပုဒ်အားထုတ်ရေးသားခဲ့လေရာ၊
၎င်းစာအပြည့်အစုံမှာ၊အသင်စာရှုသူစတင်ဖတ်ရှုလာခဲ့သည့်
အထက်ပါအတိုင်းပင်ဖြစ်လေသည်။