၅ နိုဝင်ဘာ ၂၀၁၅ နေ့ထုတ် သည်ဗွိုက်ဒေးလီးသတင်းစာမှ။ ။
မပန်းရယ်အငိုတိတ်ပါတော့
(မင်းဒင်)
(၁)
ရုံးခန်းဝသို့ကျွန်တော်ဝင်လိုက်သည်နှင့်၊ဧည့်ခန်းအတွင်းတွင်
အမျိုးသမီးနှစ်ဦးကိုကျွန်တော်တွေ့လိုက်ရသည်။
အဆိုပါအမျိုးသမီးနှစ်ဦးအနက်၊တစ်ဦးမှာအသက်သုံးဆယ်
ဝန်းကျင်ခန့်ရှိ၍ကျန်တစ်ဦးကား၊အသက်အားဖြင့် ဆယ့်ငါးနှစ်ထက်ကျော်ဟန်မတူသေးပေ။
စိတ်ပန်းလူပန်းဖြစ်နေချိန်မို့၊ကျွန်တော့်ရုံးအဖွဲ့မှူးအောင်ဌေးကို
၊နှစ်ကိုယ်ကြားခပ်ငေါက်ငေါက်ကျွန်တော်မေးလိုက်မိသည်။
“ဟေ့ကောင်၊အောင်ဌေး၊ဘယ်ကဧည့်သည်တွေတုန်း”
“ဟိုကိစ္စလေသူငယ်ချင်း”
“ဘာဟိုကိစ္စလဲကွာ။ရုံးချိန်လည်းကျော်နေပြီဥစ္စာ။နောက်နေ့မှချိန်းလိုက်ပေတော့”
“ဟို၊ဟို၊ဟိုလေ၊နိုင်ငံခြားဧည့်သည်တွေအတွက်၊
သူငယ်ချင်းရဲ့ဒါရိုက်တာကသူတို့ကိုခေါ်ခိုင်းထားလို့”
“ဟမ်။ဒါဆိုဟိုကလေးမလေးက၊ဘယ်လိုလုပ်ပါလာတာတုန်း”
“သူလည်းဟိုဟာပဲလေ”
“ဟိုဟာဆိုတာဘာလဲ။သေချာပြောစမ်းကွာ”
“ကိုယ်မေးကြည့်တော့အဲဒီကလေးမလေးကလည်းအဝှာပဲတဲ့သူငယ်ချင်း”
“မြတ်စွာဘုရား။မင်းတို့လုပ်ပေါက်ကတော့အကုန်ထောင်ကျ
ကုန်တော့မှာပဲ။ငါ့အခန်းထဲကိုမင်းခဏလာခဲ့ဦး”
(၂)
(၁၉၉၈)ခုနှစ်ဝန်းကျင်နိုင်ငံတော်အေးချမ်းသာယာရေးနှင့်
ဖွံ့ဖြိုးရေးကောင်စီခေတ်၏တစ်ခုသောနေညိုချိန်ဖြစ်ပါသည်။
ထိုစဉ်က၊ကျွန်တော့်ရုံးခန်းမှာ၊ကျောက်တံတားမြို့နယ်(၃၇)လမ်း၊
အလယ်ဘလောက်တွင်၊ဖွင့်လှစ်ထား၏။ကျွန်တော်နှင့်စကား
အချီအချပြောနေသူမှာကျွန်တော့်ငယ်သူချင်းအောင်ဌေးဖြစ်၍
သူနှင့်ကျွန်တော်မှာကျောင်းနေဖက်သက်တူရွယ်တူဖြစ်ကာ၊
ကျွန်တော့်ရုံးတွင်ရုံးအဖွဲ့မှူးအဖြစ်ဝင်ရောက်လုပ်ကိုင်နေသူဖြစ်ပါသည်။
ငယ်ပေါင်းမို့ကျွန်တော်က မင်းငါဟူ၍ပြောဆိုသော်ငြားသူကမူ၊
ကျွန်တော့်ကို သူငယ်ချင်း၊ကိုယ်ဟုသုံးနှုံးရှာပါ၏။
ထိုရက်များက၊စင်္ကာပူနိုင်ငံမှရောက်ရှိနေသည့်လုပ်ငန်းရှင်
ဧည့်သည်နှစ်ဦးအတွက်၊တနေကုန်အလုပ်ရှုပ်နေသဖြင့်၊
ညနေငါးနာရီခန့်တွင်မှ၊ရုံးခန်းသို့ကျွန်တော်ပြန်ရောက်လာခြင်းဖြစ်၏။
စင်္ကာပူဧည့်သည်တို့ကား၊မြန်မာနိုင်ငံပြည်တွင်းရေကြောင်း
ပို့ဆောင်ရေးနှင့်အကျိုးတူပူးပေါင်း၍သင်္ဘောများကိုမွမ်းမံပြင်ဆင်ခြင်း၊
လိုအပ်သောသင်္ဘောအပိုပစ္စည်းများတင်သွင်းခြင်း၊ထုတ်လုပ်ခြင်း၊
အကြီးစားပြင်ဆင်မှုတို့အတွက်ခေတ်မှီသင်္ဘောကျင်းကြီး တစ်ခု တည်ဆောက်ပြီး၊နိုင်ငံတကာမှပင်လယ်ကူး
သင်္ဘောကြီးများကိုပါဒေါက်တင်ပြင်ဆင်ပေးနိုင်ရန်အထိ၊
ရည်ရွယ်ချက်ဖြင့်၊ပြည်တွင်းရေကြောင်းမှသက်ဆိုင်ရာ
တာဝန်ရှိပုဂ္ဂိုလ်များနှင့်လာရောက်ညှိနှိုင်းခြင်းဖြစ်ပါသည်။
ထို အဖွဲ့အားကျွန်တော့်ကုမ္ပဏီဒါရိုက်တာသင်္ဘောသားဟောင်း
တစ်ဦးက၊ ချိတ်ဆက်ခေါ်ဆောင်လာခဲ့ခြင်းဖြစ်၏။
ထိုခေတ်ထိုကာလထုံးစံအတိုင်း၊ဌာနဆိုင်ရာတစ်ခုသို့အဝင်အထွက်
ကိစ္စသည်လွယ်ကူလှသည်တော့မဟုတ်။
လူ ကြီးအဆက်အသွယ်၊တံစိုးလက်ဆောင်အပါအဝင်၊
တရားမဝင်ပေးရသည့်စားပွဲအောက်ကြေးစသည်ဖြင့်
များမြောင်ရှုပ်ထွေးလှ၏။အဆိုပါလုပ်ငန်းအတွက်၊ပြည်တွင်းရေကြောင်း
ပို့ဆောင်ရေးဌာနမှတာဝန်ရှိသူများနှင့်ရက်သတ္တတစ်ပါတ်ခန့်
၊နေ့ရောညပါ၊နှစ်ဖက်အပြန်အလှန်အသေးစိတ်ဆွေးနွေးပြီးချိန်တွင်၊
ထွက်ပေါ်လာသည့်အဖြေမှာ၊အထက်သို့တင်ပြပေးမည်ဟူသတည်း။
(၃)
ကိုယ်ကအိမ်ရှင်ဖြစ်နေသည့်ပြင်၊လုပ်ငန်းကိစ္စအတွက်စင်္ကာပူနိုင်ငံမှ
အထင်ကရသင်္ဘောကုမ္ပဏီကြီးတစ်ခု၏ အမြင့်ဆုံးတာဝန်ရှိသူ ကိုယ်တိုင်လာရောက်သဖြင့်၊အတတ်နိုင်ဆုံးဧည့်ဝတ်ကျေပွန်အောင်၊
လုံးပန်းရသည်မို့ စိတ် ရောကိုယ်ပါပင်ပန်းလှ၏။
စိတ်အိုက်လူအိုက်ဖြစ်နေချိန်တွင်၊သင်္ဘောသားဟောင်းဒါရိုက်တာက၊
အဆိုပါဧည့်သည် တို့အတွက်၊အထူးအစီအစဉ်တစ်ခု လိုအပ်ကြောင်းဆိုလာသည်။သူဆိုလိုသည့်အထူးအစီအစဉ်ကား၊
၎င်းဧည့်သည်တို့အတွက်ညအိပ်ဖော်မြန်မာအမျိုးသမီးရှာပေးရန်ပေတည်း။
ထိုစကားကိုကြားစကသော်ကျွန်တော့်နားထဲတွင်ထူ ပူသွားကာ၊ဒေါသစိတ်ထောင်းကနဲထွက်သွားမိလေသည်။
မှန်ရာကိုဝန်ခံရလျှင်ကျွန်တော်ငယ်နုစဉ်ကထိုသို့သောကိစ္စရပ်မျိုးနှင့်
အကင်းကြီးကင်းလှသည်တော့မဟုတ်ပါ။
သို့သော်လုပ်ငန်းရှင်တစ်ဦးအနေဖြင့်နိုင်ငံခြားဧည့်သည်အား၊
(မရိုသေ့စကား) --ာရှာပေးရမည့်၊--ာခေါင်းအလုပ် ကိုကားကျွန်တော်မလုပ်နိုင်သည်မှာသေချာ၏။
စင်္ကာပူဧည့်သည်တို့တောင်းဆိုခြင်းဟုတ်မဟုတ်မူကျွန်တော်မသိ။
သိလည်းသိလိုစိတ်မရှိချေ။သင်္ဘောသားဒါရိုက်တာ၏အဆိုိအရ
ဤသည်မှာနိုင်ငံတကာထုံးစံဟုဆိုသည်။အထူးသဖြင့်မြန်မာနိုင်ငံတွင်၊
၎င်းဟိုဒင်းဟိုဟာတို့အလွန်ပေါသဖြင့်၊နိုင်ငံခြားသားဧည့်သည်တို့
အထူးစိတ်ဝင်စားကြသည်ဟုဆိုပါသည်။ဧည့်သည်၊အိမ်ရှင်နှင့် ကျွန် တော်တို့တိုင်းပြည်၏ထိုစဉ်ကအခြေအနေကိုပါခေါင်းအေးအေးဖြင့်
အဖက်ဖက်မှထည့်သွင်းစဉ်းစားရင်းဆုံးဖြတ်ချက်တစ်ခုချကာ၊တုန့်ပြန်လိုက်ရ၏။
“ခင်ဗျားဒီနည်းနဲ့ဧည့်ခံချင်တယ်ဆိုရင်ဖြင့်၊ကျွန်တော်အနေနဲ့တော့၊
လုပ်မပေးနိုင်ဘူး။အောင်ဌေးနဲ့သာကြည့်စီစဉ်လိုက်ပေတော့။
ဒီကိစ္စနဲ့ပတ်သက်ပြီးကျွန်တော်ဘာမှမသိချင်မကြားချင်ဘူးဗျာ”
(၄)
အထက်တွင်ဆိုခဲ့သည့်ကျွန်တော်မမြင်ချင်မကြားချင်သည့်ကိစ္စရပ်သည်၊
ယခုသော်ကျွန်တော်နှင့်မလွှဲမရှောင်သာပက်ပင်းတိုးနေလေပြီ။
။အောင်ဌေးသည်ကျွန်တော့်စားပွဲရှေ့တည့်တည့်ကုလားထိုင်တွင်၊
မျက်နှာသေကလေးဖြင့်ခပ်ငူငူထိုင်ရင်း၊ကျွန်တော့်နှုတ်ထွက်စကားကို
ငံ့လင့်နေသည်။သက်ပြင်းရှည်ကြီးတစ်ချက်ကိုကျွန်တော်ချလိုက် မိ၏။
“အောင်ဌေးရာ၊အလိုမတူ၊ရွယ်မူမမြောက်ဆိုတဲ့ မုဒိန်းမှုအကြောင်းကိုမင်းမသိလေရော့သလား။အလိုတူသည့် တိုင်အရွယ်မရောက်သေးရင်၊မုဒိန်းမှုမြောက်တယ်ကွ”
“ကိုယ်လည်းဖုန်းဆက်ပြီးခေါ်လိုက်တာမို့သူတို့ရောက်လာမှသိရတာပါ။
။ရောက်လာမှပြန်လွှတ်လို့လည်းမဖြစ်။နောက်တစ်ယောက်ပြောင်းရှာဖို့ လည်းအချိန်မရှိ…..”
“တော်ပါတော့ကွာ။ဒီကလေးမလေးကို မင်းပြန်သာပို့လိုက်ပါ။ ဘယ့်နှယ်ကွာ။လူမြင်လို့မတော်၊လူကြားလို့မ ကောင်း၊
ချက်ချင်းပြန်ပို့လိုက်ကွာ။တစ်ယောက်ကျန်လည်းအဲဒီတစ်ယောက်နဲ့သာ
စခန်းသွားကြပေစေတော့”
“အေးပါသူငယ်ချင်းရာ။ကိုယ်အခုပဲပြောလိုက်ပါ့မယ်”
ကျွန်တော်စိတ်တိုနေသည်ကိုငယ်ပေါင်းပီပီရိပ်မိဟန်ရှိသည့်အောင်ဌေးကား၊
ကျွန်တော့်ရုံးခန်းထဲမှခပ်ကုပ်ကုပ် ပြန်ထွက်သွားရှာလေရာ၊
ကျွန်တော်လည်းစိတ်ဖြေရာအလို့ငှာလုပ်လက်စရုံးလုပ်ငန်းအချို့ကို၊
လှန်လှောဖတ်ရှု နေလိ်ုက်၏။
(၅)
ဆယ်မိနစ်ခန့်အကြာတွင်ဧည့်ခန်းဆီမှငိုရှိုက်သံသဲ့သဲ့နှင့်နှပ်ညှစ်သံတို့ကို
ကျွန်တော်ကြားရစဉ်မှာပင်၊အောင်ဌေးကျွန်တော့်အခန်းတွင်း
သို့ပြန်ရောက်လာပြန်သည်။ကျွန်တော်အောင်ဌေးကိုဆီးဟောက်လိုက်သည်။
“အစကငါမပြောဘူးလား။အခုကတည်းကအလိုမတူလို့သောက်ပြသနာတွေ
တက်ကုန်ပြီမဟုတ်လား”
“မင်းထင်သလိုမဟုတ်ဘူးသူငယ်ချင်း။အခုဖြစ်နေတာကတစ်မျိုး”
“ဘာတစ်မျိုးလဲကွ။အဲဒီကလေးမငိုနေတာဒီအခန်းကနေတောင်
အတိုင်းသားကြားနေရတာ”
“ကိုယ်ပြောတာစကားဆုံးအောင်သေချာနားထောင်ပါဦးကွာ။
အခုကလေးမလေးငိုနေတာက၊(Summit parkview)လို ဟိုတယ်မှာနိုင်ငံခြားသားနဲ့လိုက်ရတဲ့အော်ဒါမို့၊သူကိုချန်ထားခဲ့လို့၊
ငိုပြီးတောင်းပန်နေတာ။နောက်ပြီးသူ့မိသားစုကလည်း
အတော့်ကိုကြပ်တည်းနေလို့ပါတဲ့။အဲဒါကြောင့်အဲဒီကလေးမလေးက
မင်းကိုသူကိုယ်တိုင်ဝင်ပြီးတောင်းပန်ပါရစေတဲ့”
အောင်ဌေး၏စကားအဆုံးတွင်ကျွန်တော့်ခေါင်းပေါ်သို့မိုးကြိုးတည့်တည့်
ပစ်ချလိုက်သလိုခံစားရလေသည်။သို့ သော်ယင်းပြသနာကို
ကျွန်တော်လက်မလျှော့နိုင်သေးချေ။
“ဒါဆိုလည်းသူ့အိမ်စားရိတ်အတွက်ငွေနှစ်သောင်းထုတ်ပေး
လိုက်ပေတော့။ပြန်လွှတ်မှဖြစ်မယ်”
“အဲဒီကိစ္စလည်းကိုယ်ပြောပြီးပြီသူငယ်ချင်း။မရဘူး။
တို့ပေးတဲ့ပိုက်ဆံက၊သူ့ဝန်ဆောင်ခအပြင်အပိုပေးတဲ့မုန့်ဖိုးလောက်ပဲရှိတာတဲ့”
အခြေအနေဆိုးတစ်ခုကိုပြောင်းလဲပစ်နိုင်ရန်၊တစ်စုံတစ်ခုသော
အတိုင်းအတာအထိကျွန်တော်ကြိုးစားခဲ့ပါ၏။
ကျွန်တော်ဘာမျှမတတ်နိုင်၊မဝေခွဲနိုင်တော့သည့်အဆုံး၊
ကျွန်တော့်ရုံးလက်ကိုင်အိတ်ကို၊ဆတ်ကနဲကောက်ဆွဲလျက် အိမ်သို့ကျွန်တော်ပြန်ခဲ့ရာလမ်းတလျှောက်လုံး၌ခေတ်ဆိုးခေတ်ကြပ်ကြီးကိုသာ
မကျေနပ်ခြင်း၊ကြီးစွာဖြစ်မိခဲ့ လေသည်။
(၆)
ယခု(၂၀၁၅)ခုနှစ်ဖြစ်၍၊ယင်းဖြစ်ရပ်သည်တဆယ့်ခုနှနှစ်မျှ
ကြာညောင်းခဲ့ပြီဖြစ်သည့်တိုင်၊ကျွန်တော့်ဇာတိတိုင်း ပြည်အကြောင်း
စဉ်းစားမိလေတိုင်း၊တစ္ဆေခြောက်သကဲ့သို့ခံစားရဆဲဖြစ်၏။
ယခုအချိန်တိုင်အောင်၊အမည်ခံဒီမိုကရေစီသာဖြစ်၍ဒီမိုးဒီလေ၊ဒီမင်းဒီစိုး၊
ဒီသူခိုးတို့ကြီးစိုးဆဲပင်မဟုတ်ချေလော။ငုံချိန်မတန်ပဲပွင့်၊ပွင့်ချိန်
မတန်ပဲနွမ်းကာနွမ်းချိန်မတန်ခင်ကြွေရသောအဆိုပါမိန်းကလေးအား၊
စိတ်ဆိုးစိတ်ကွက်ရန်အကြောင်းမရှိပါ။
ဤလောက၌အဘယ်သူသည်ငိုချင်းရှည်ဘဝဆိုးကိုတောင့်တမက်မော
ပါအံ့နည်း။မြန်မာပြည်တဝှမ်းတွင်ယင်းငိုချင်းရှည်ဖြင့်
အသက်မွေးနေရသည့်၊အမျိုးကောင်းသမီးတို့အဘယ်
အရေအတွက်မျှရှိနေလေပါသနည်း။
မကြာမီရက်ပိုင်းအတွင်းမြန်မာပြည်တွင်အထွေထွေရွေးကောက်ပွဲကြီး
ကျင်းပပေတော့မည်။ထက်အောက်မြန်မာပြည်တဝှန်းလုံး
တွင်မြင်တွေ့နေရသောလူထုကြီး၏ပုံရိပ်များ၊ရင်တွင်းစကားများအရ
၊ခေတ်စနစ်အပြောင်းအလဲကြီး တစ်ရပ်ကို၊စိတ်အား ထက်သန်စွာမျှော်လင့်စောင့်စားလျက်ရှိကြလေပြီ။
ခေတ်ဆိုးကြီးဖြင့်၊ကိုယ်ကျိုးစီးပွားဖြစ်ထွန်းနေကြသူအချို့မူကား၊
ရှန်ပူခေါင်းလျှော်ရည်၊တရုတ်ပြည်ဖြစ်ဆိုင်ကယ်၊လက်ကိုင်ဖုန်း၊
ကတ္တရာလမ်းနှင့်ဓာတ်မီးတိုင်တို့ကိုညွန်ပြကာ၊ခေတ်ကြီးပြောင်းလဲခဲ့ပြီ
ဟုကြွေးကြော်နေကြပါ၏။ပြောင်းလဲလိုသူအများစုနှင့်၊ဒုံရင်းတွင်နေလိုသော
အင်အားစုအချို့တို့၊လွန်ဆွဲအားပြိုင်လျက်ရှိပါ၏။
ကျွန်တော်ကမူဓမ္မနှင့်အဓမ္မအားပြိုင်နေခြင်းဟုသာမြင်မိသည်။
လွန်ခဲ့သောရက်ပိုင်းက၊ပြည်တွင်းဂျာနယ်တစ်စောင်မှပြောင်းလဲချိန်တန်ပြီ
ဟူသောကြွေးကြော်သံအပေါ်ကျွန်တော်၏ထင်မြင်ချက်ကိုတောင်းခံခဲ့ရာ
၊အောက်ပါအတိုင်းကျွန်တော်ရေးသားပြန်ကြားခဲ့ပါသည်။
ပြောင်းလဲချိန်တန်ပြီဆိုတာစနစ်ဆိုးကြီးကြောင့်တတိုင်းတပြည်လုံး
မွဲတေပြာကျပြီးလူသားသိက္ခာပျောက်ဆုံးနေတာကြောင့်
စစ်မှန်တဲ့ဒီမိုကရစေီခေတ်ဆီကိုကူးပြောင်းဖို့အချိန်တန်ပြီလို့
သဘောပေါက်ပါတယ်။
သမ္မတအအပါအဝင်လက်ရှိအာဏာရပါတီဖက်က ပြောနေတဲ့ပြောင်းလဲခြင်း
ဆိုတာ ပြည်သူလူထုအတွက် ဆင့်ပါးစပ်နှမ်းပက်သလိုသာရှိပြီး၊ အာဏာရှိသူတွေစိတ်ထင်တိုင်း ကိုယ်ကျိုးဆက်ရှာနေတဲ့
အမည်ခံဒီမိုကရေစီ အပြောင်းအလဲကို ဆိုလိုတာ မဟုတ်ပါ။
လိုတိုရှင်းပြောရရင် ကိုယ်ကျုိးရှာသမားတွေ၊လူမသမာတွေ၊
သူခိုးအကြီးစားတွေ သူတို့နေရာအသီးသီး ကနေ
အသာတကြည်ဖယ်ပေးဖို့။ တိုင်းပြည်တကယ်တမ်းကောင်းစားလာအောင် ရိုးသားဖြောင့်မတ်စွာ ဆောင်ရွက် နိုင်မဲ့ပုဂ္ဂိုလ်တွေ
ပြောင်းလဲနေရာယူနိုင်ဖို့၊စနစ်ဆိုးကြီးကိုပြောင်းလဲပစ်ဖို့
အချိန်တန်လွန်းမကတန်ခဲ့ပါပြီ။
(၇)
အကယ်၍သာဤဆောင်းပါးကိုအဆိုပါမိန်းကလေးငယ်ဖတ်မိရှုမိလျှင်၊
ကျွန်တော့်အနေဖြင့်သူ့အားစကားတခွန်း လက်ဆောင်ပါးချင်ပါသည်။
“ပန်းကလေးနဲ့တူတဲ့မိန်းကလေးရေ။အခုအချိန်ဆိုရင်
မင်းအသက်သုံးဆယ်ကျော်ရောပေါ့။မင်းငိုရင်းကျခဲ့တဲ့ မျက်ရည်တွေဟာ၊ခေတ်ဆိုးခေတ်ကြပ်ကြီးထဲမှာရောက်နေရတဲ့၊
မင်းဘဝမင်းမိသားစုစားဝတ်နေရေးအတွက်ဆိုတာ၊
ကိုယ်ကောင်းကောင်းကြီးသဘောပေါက်ပါတယ်။
။ခေတ်ဆိုးစနစ်ဆိုးကြီးဟာ၊တတိုင်းပြည်လုံးအစားဆင်းရဲ
အနေဆင်းရဲရုံသာမကကိုယ်ကျင့်သိက္ခာတရားပါပျက်ပြားကြရတာမို့၊
လူထုဆန္ဒနဲ့အညီိမကြာမတင်မှာကျဆုံးကွယ်ပျောက်တော့မှာပါ။
မပန်းရယ်မငိုပါနဲ့။မပန်းရယ် အငိုတိတ်ပါတော့”