၀၉၊နိုဝင်ဘာ ၂၀၁၅ နေ့ထုတ်သည်ဗွိုက်ဒေးလီးနေ့စဉ်သတင်းစာမှ။ ။
ငါးတစ်ကောင်နှင့်စကားစမြည်
(မင်းဒင်)
(တစ်)
အဲဒီနေ့ကစင်ထရယ်(Central festival)ကုန်တိုက်ထဲကိုကျုပ်ရောက်တော့ မနက်ဆယ်နာရီလောက်ပဲရှိသေးတယ်ဗျ။
ဖူးခက်ကိုကျုပ်ရောက်နေတာဆယ့်တစ်နှစ်နီးပါးကြာခဲ့ပေမဲ့
အဲဒီကုန်တိုက်နာမည်ရဲ့နောက်စာလုံး(Festival)ကိုဘယ်သူမှ
ထည့်ခေါ်တာမကြားမိသေးဘူးဗျာ။ကျုပ်ကတော့နည်းနည်း
အတွေးခေါင်တတ်သူမို့ဗဟိုပွဲတော်၊ဒါမှမဟုတ်ပွဲတော်ဗဟိုရ်ဆိုပြီး၊
စိတ်ထဲမှာတင်ရွတ်ကြည့်မိတော့၊ဘယ်လိုိမှအချိုးမပြေတာအမှန်ပဲဗျာ။
အမယ်၊ထိုင်းအမျိုးကောင်းသားတွေကတော့၊သူတို့အင်္ဂလိပ်စာ
အသံထွက်လေနဲ့တညီတညွတ်တည်းခေါ်ဝေါ်သမုဒ်လိုက်ကြတာ စင်ထန်းတဲ့။ထားပါလေ။စင်ထန်းဖြစ်ဖြစ်စင်ထရယ်ဖြစ်ဖြစ်
အဲဒါကအရေးမကြီးလှပါဘူးလေ။
ကားပါကင်ရှိရာပထမထပ်ကိုကျုပ်ကားမောင်းဝင်လိုက်တော့၊
ခါတိုင်းလိုကားရပ်ဖို့နေရာခက်ခက်ခဲခဲမရှာရပဲ၊ နေရာလွတ်တွေ
အများကြီးရှိနေတော့၊ကျုပ်စိတ်ထဲနည်းနည်းတော့ထူးသဟလို့၊
ထင်လိုက်မိသား။ဈေးဆိုင်တွေရှိတဲ့ဒုတိယထပ်ကိုလည်းတက်သွားရော၊
ဆိုင်အတော်များများဟာ၊မဖွင့်ကြသေးဘူးဗျ။ဒီတော့မှကျုပ်လည်း၊
“သြော်၊ ငါ့နှယ်၊စင်ထရယ်ဟာဆယ်နာရီခွဲမှဖွင့်တာပါကလား”ဆိုပြီးပြန်သတိရတော့တယ်။
အမှန်တော့စင်ထရယ်ကုန်တိုက်ကိုကျုပ်လာရင်းကိစ္စကသိပ်ထွေထွေ
ထူးထူးကိစ္စမဟုတ်ပါဘူး။လစဉ်အရစ်ကျ သွင်းရမဲ့ကားဖိုးသွင်းဖို့ရယ်။ ကျုပ်ဇာတိရွာမှိုက်ပင်မူလတန်းကျောင်းက၊ကလေးတွေကန်ဖို့
ဘောလုံးလေးနှစ်လုံးသုံးလုံးဝယ်ဖို့ကိစ္စပါပဲ။ဘောလုံးကိစ္စလား။အေးဗျာ။
ကျုပ်ဟာအတော်စိတ်ကူးယဉ်တတ်တဲ့ကောင်ထင်ပါရဲ့။ရွာမှာမူလတန်းကျောင်း
အသစ်ဖြစ်မြောက်ဖို့၊စေတနာရှင်မိတ်ဆွေတစ်ချို့ရဲ့အထောက်အပံ့ရယ်၊
ကျုပ်ချွေးနည်းစာ လေးရယ်စုပေါင်းပြီး၊လုံ့လစိုက်လိုက်တာ
၊ခေတ်မီကျောင်းတစ်ဆောင်ဖြစ်သွားရောဆိုပါတော့။
ဒီမှာတင်ကျုပ်စိတ် ထဲမှာရွာကျောင်းကလေးတွေ၊ကိုယ်လက်လှုပ်ရှား အားကစားအတွက်၊နိုင်ငံတကာအဆင့်မီဘောလုံးလေးတွေ ဝယ်ပို့ဦးမှပါပဲလေဆိုပြီးအတွေးပေါ်မိလို့ဗျ။
အေးလေ။ခင်ဗျားစဉ်းစားကြည့်ပါလား။မှော်ဘီဘောလုံး
စက်ရုံထုတ်ဘောလုံးနဲ့တော့၊ဘယ်လိုလုပ်ပြီးကျုပ်တို့ရွာကနေ၊
မက်ဆီတို့၊ဝိန်းရွန်းနီတို့လိုကမ္ဘာ့အကျော်အမော်
ဘောလုံးသမားမျိုးပေါ်ထွက်လာနိုင်ပါ့မလဲ။
(နှစ်)
အာ၊ကျုပ်ပြောတဲ့စကားတွေကလည်းတောရောက်တောင်ရောက်ဖြစ်ကုန်ပါပြီ။
ကျုပ်ပြောချင်တာဘောလုံးအ ကြောင်းမဟုတ်ပါဘူးဗျာ။
ကျုပ်ပြောပြမှာက၊ငါးတစ်ကောင်ရဲ့အကြောင်းပါလေ။အဲဒီငါးနဲ့ကျုပ်ဟာ
စင်ထရယ်ကုန်တိုက်မှာတွေ့ခဲ့တာဗျ။
ဟုတ်ပါ့ဗျာ။ဘဏ်ကော၊အားကစားပစ္စည်းဆိုင်တွေပါမဖွင့်သေးတော့
၊ကျုပ်လည်းကုန်တိုက်ဒုတိယထပ်မှာတောင်လျှောက်မြောက်လျှောက်
လုပ်နေရင်း၊ရေကန်တစ်ခုနားကိုရောက်လာရောဆိုပါတော့။
ရေကန်ဆိုပေမဲ့၊တကယ့်သဘာဝရေကန်တော့မဟုတ်ပါဘူးဗျာ။
ကွန်ကရစ်ကြမ်းပြင်မှာ၊အုတ်တွေဘိလပ်မြေတွေနဲ့ရေကန်ပုံစံ
လုပ်ထားတဲ့လူလုပ်ရေကန်ဆိုပါတော့။ကျုပ်စိတ်ထင်တော့
အဲဒီရေကန်လေးဟာအလျားပေလေးဆယ်၊ အနံပေနှစ် ဆယ်
လောက်ရှိမယ်ထင်ပါရဲ့။
အမယ်။လူဖန်တီးထားတာဆိုပေမဲ့၊ရေကန်နဲ့တော့အတော်တူသားဗျ။
ကြည့်လေ။မြင်နေကျလူလုပ်ရေကူးကန်တွေလိုလေးထောင့်စပ်စပ်တို့၊
အဝိုင်းပုံစံတို့မဟုတ်ဘူးဗျ။
ရေကန်ဒီဇိုင်းကိုက၊တောင်တွန့်မြောက်တွန့်နဲ့၊စိတ်ကူးကောင်းကောင်းနဲ့
ပုံသဏ္ဍာန်တစ်မျိုးလေးဖန်တီးထားလေတော့၊တကယ့်ရေကန်အစစ်နဲ့တော့
အတော်တူသားဗျာ။ဟုတ်တယ်ဗျ။ရေကန်ထဲမှာရှိနေတဲ့ရေဟာ
ကြည်စိမ်းနေလိုက်တာအောက်ခြေကကျောက်စရစ်ခဲရောင်စုံလေးကိုတောင်
အတိုင်းသားမြင်နေရသဗျ။အမယ်၊ရေကန်ထဲမှာလည်းဗုဒ္ဓံသရဏံပင်လိုလို
အရွက်ဖားဖားစိမ်းစိမ်းစိုစိုအပင်လေးတွေလည်းဟိုတစ်စုသည်တစ်စု
လေးငါးနေရာလောက်မှာရှိနေတော့၊မြင်ရတွေ့ရတာ
အတော်တော့အဆင်ပြေသားဗျ။ဒါတင်ဘယ်ကဦးမလဲ၊
ကြည်လင်စိမ်းလဲ့နေတဲ့ရေထဲမှာ၊ဟိုဟိုဒီဒီမြူးတူးစွာကူးခတ်နေတဲ့
ငါးကလေးတွေလည်းရှိသေးဗျာ။
နေဦးဗျ။ငါးကလေးတွေလို့သာဆိုရတယ်။အဲဒီငါးတွေရဲ့အရွယ်အစားက၊
ကျုပ်လက်နဲ့ဆိုတောင်ဆုပ်နီးပါးလောက်တော့ရှိနိုင်တယ်။
တိုက်ဆိုင်ချင်တော့အဲဒီငါးရဲ့နာမည်ကိုကျုပ်သိနေတယ်ဗျ။ဟုတ်ပါ့။
အဲဒီငါးမျိုးတစ်ကောင်ကို၊လွန်ခဲ့တဲ့ဆယ်နှစ်လောက်တုန်းက၊
ရနောင်းမှာနေတဲ့ကျုပ်မိတ်ဆွေတစ်ထိုင်းသူဌေးယောက်ရဲ့အိမ်မှာ
တွေ့ခဲ့ဖူးလို့ကျုပ်မှတ်မိနေတာ။အဲဒါ(LuckyFish)တွေဆိုတာ
သေချာတယ်။အမယ်။ဒီကောင်တွေဟာ၊ငါးဆိုပေမဲ့သာမျင်ညောင် ညငါးတွေတော့မဟုတ်ဘူးဗျ။
လူတွေကအဲဒီငါးတွေကိုကံကောင်းခြင်းသင်္ကေတအဖြစ်
ယုံကြည်စွဲလန်းကြတာမို့ဈေးအတော့်ကိုကြီးသတဲ့။
နေဦး၊ကျုပ်ပြောဖို့မေ့နေတာတွေကျန်သေးတယ်။အဲဒီရေကန်အလယ်ခေါင်
တည့်တည့်လောက်မှာသစ်သားတံတားတစ်ခုဖြတ်ထိုးထားသေးတယ်။
အဲဒီတံတားပေါ်မှာခေတ်မီစန္ဒယားတလုံးတင်ထားပြီးငြိမ့်ညောင်းတဲ့သံစဉ်
တေးသွားတစ်ပုဒ်လည်းတီးခတ်သူမရှိပဲ၊အလိုလိုထွက်ပေါ်နေလေရဲ့။
အမယ်ကဗျာဆန်လိုက်ပုံများအဲဒီစန္ဒယားဟာ၊ပန်းမျိုးစုံဖူးပွင့်ဝေဆာနေတဲ့
ခပ်မြင့်မြင့်ပန်းခြုံလေးနဲ့လွှမ်းခြုံအုပ်မိုးထားသေးဗျာ။သြော်၊ခင်ဗျားနှယ်၊
စန္ဒယားကသူ့အလိုလိုဘယ်အသံထွက်ပါ့မလဲ။ဆိုင်တွေသာမဖွင့်သေးတာ၊
အရောင်းဝန်ထမ်းတို့၊ကုန်တိုက်ဝန်ထမ်းတချို့တော့၊တစ်ယောက်စနှ
စ်ယောက်စရောက်စပြုကြပြီလေ။အဲဒီဝန်ထမ်းက၊စန္ဒယားထဲကို
စီဒီထည့်ဖွင့်ထားတာဖြစ်မှာပေါ့ဗျာ။
(သုံး)
ကျုပ်လည်းရောက်မှတော့မထူးတော့ဘူးလေဆိုပြီးဘဏ်နဲ့ဆိုင်ဖွင့်တာကို
၊ရေကန်ဘေး၊ကွန်ကရိဘောင်ပေါ်မှာထိုင်စောင့်နေလိုက်ရောဆိုပါတော့။
။နေဦးဗျ။အဲဒီရေကန်ထဲက၊ရေပန်းလေးတွေလည်းလေးငါးနေရာကနေ
ပန်းထွက်နေတာရှိသေးတယ်။
အေးဗျာ။ကျုပ်ဘဝဟာအိမ်မှာနေတော့လည်းတစ်ယောက်တည်း
ကွန်ပြူတာတစ်လုံးနဲ့ဖေ့စ်လေးသုံးလိုက်၊တတ် သမျှမှတ်သမျှ စာတိုပေစလေးရေးလိုက်၊ကွန်ပြူတာနားကခွာပြီးအိပ်ယာပေါ်
သွားလှဲပြန်တော့၊
လက်ကိုင်ဖုန်းလေးကိုတောင်ပွတ်မြောက်ပွတ် လုပ်လိုက်နဲ့အတော့်ကိုပျင်းခြောက်ခြောက်နိုင်တာကလား။
ဟော၊အခုလိုခေတ်မီကုန် တိုက်ကြီးထဲက၊ခေတ်မီရေကန်လေးနားမှာထိုင်ရင်း၊ဂီတသံလေးကို
နားထောင်နေရတာအတော့်ကိုစိတ်ကြည်နူးစရာပါပဲ။
နောက်ပြီးရေထဲမှာမြူးတူးနေတဲ့ငါးတွေဟာလည်းကံကောင်းစေသတဲ့။
ကျုပ်ဟာအဲဒီရေကန်လေးဘေးမှာရေကန်ကသိုဏ်းရှုရင်း
တစိမ့်စိမ့်ကြည်စိတ်နဲ့လောကကြီးကြီးကိုမေ့နေလိုက်တာ၊
အချိန်ဘယ်လောက်ကြာသွားသလဲမဆိုနိုင်ဘူး။
”ဟေ့လူ၊ဟေ့လူ”ဆိုတဲ့ခေါ်သံတိုးတိုးလေးထွက်လာမှ
သတိဝင်လာမိတော့တယ်။
“ဟေ့လူ”ဆိုတဲ့ခေါ်သံဟာမြန်မာစကားနဲ့ခေါ်သံဗျ။
ဘယ့်နှယ့်ဖူးခက်လိုမြိ့မျိုးကခေတ်မီကုန်တိုက်ကြီးထဲမှာ၊
ကျုပ်မိခင်ဘာသာစကားနဲ့တရင်းတနှီးခေါ်သံကြားတော့၊ဗြုန်းဆို
ကျုပ်လန့်သွားမိတာအမှန်ပဲ။အေးဗျာ။တကယ်တေတာ့ဈေးကြီးလှတဲ့
ဒီစင်ထရယ်ကုန်တိုက်ကို၊ဖူးခက်ရောက်နေတဲ့မြန်မာရွေ့ပြောင်း
အလုပ်သမားတစ်သိန်းကျော်ထဲမှာ၊ရောက်ဖူးသူဆိုလို့
ဆယ်ဂဏန်းတောင်မရှိတာသေချာပါတယ်။အသံလာရာ
ကျုပ်စူးစမ်းလိုက်တော့၊မြတ်စွာဘုရား၊အဲဒီခေါ်သံဟာရေထဲကနေ
ထွက်လာနေတာဗျ။
အမလေးလေး၊ကျုပ်ကိုဆက်တိုက်ခေါ်နေတဲ့သူဟာရေထဲက
လပ်ကီးဖစ်ရ်ှငါးတစ်ကောင်ပါကလား။ကျုပ်လည်းအံ့သြလွန်းလို့
ဘာစကားတခွန်းမှပြန်မဟနိုင်ပဲ၊အဲဒီကိုရွှေငါးကိုစိုက်ကြည့်နေလိုက်မိတာ၊
ကိုယ်တော်ချောကကျုပ်ကို၊ရေပက်မဝင်အောင်
စကားတွေဖောင်ဖွဲ့တော့တာပါပဲဗျာ။
သူ့ပြောပုံဆိုပုံရွှန်းရွှန်းဝေလိုက်ပုံများ၊အခုစာရေးနေရင်းတောင်၊
နားထဲမှာပြန်ကြားယောင်နေသလိုပါပဲ။
(လေး)
ဒီမယ်ကိုယ့်လူရဲ့။ခင်ဗျားကစာရေးဆရာဆို၊ဟုတ်လား။
အင်း၊ခေတ်ကြီးကိုက၊ကမောက်ကမခေတ်ကြီးဆိုတော့၊စာရေးဆရာတွေ၊
အယ်ဒီတာတွေမှိုလိုပေါက်နေတာသိပ်တော့မဆန်းလှပါဘူးလေ။ဆရာကျနိုင်မှ၊အဘခေါ်တတ်မှ ကြီးပွားတဲ့ခေတ်ပေကိုး။
သြ။ကျုပ်စကားကတွေ့တွေ့ချင်းဆောက်နဲ့ထွင်းသလိုဖြစ်နေတော့၊
မျက်မှောင်ကြီးကျုံ့တယ်ပေါ့လေ။ဆောရီးနော်။ခင်ဗျားကစာရေးဆရာသာ
ဆိုတယ်။တွေးပုံတောပုံက၊နေရာတယ်မကျတော့
ကျုပ်လည်း လွှတ်ကနဲအငေါ်တူးမိတာပါဗျာ။
ခင်ဗျားတွေးနေပုံကိုကြည့်လေ။ဖူးခက်မှာနောက်ဆုံးပေါ်ကားကို လပေးစနစ်နဲ့ဝယ်ခွင့်ရတာလေးကိုခင်ဗျားစိတ်ထဲမှာအတော်
အူမြူးနေပုံရတယ်။တကယ်တော့ခင်ဗျားဟာနိုင်ငံခြားသားမို့၊
ကားဝယ်တဲ့အခါထိုင်းလူမျိုးတွေ(၁၀%)သာပေးရတဲ့၊ပထမအရစ်ကို ခင်ဗျားအနေနဲ့(၂၅%)ပေးရတယ်ဆိုတာခင်ဗျားသတိပြုမိရဲ့လား။
တခါတခါများပရိုမိုးရှင်းစနစ်နဲ့ဆိုရင်၊ထိုင်းလူမျိုးတွေအဖို့၊တစ်ပြားမှ
လက်ငင်းပေးစရာမလိုပဲ၊လစဉ်မြန်မာငွေကျပ်နှစ်သိန်းခွဲဝန်းကျင်
သွင်းရုံနဲ့ကို၊ရနိုင်ပါသဗျာ။ကွာတယ်လေ။အမျိုးသားအကျိုးစီးပွား
ကာကွယ်ရေးဆိုတာဒါပဲပေါ့။
နောက်ရှိသေးတယ်။ခင်ဗျားဇာတိရွာမှာမူလတန်းကျောင်းလေးတစ်ကျောင်း
ဆောက်ပေးနိုင်ရုံနဲ့ခေတ်မီပညာရေး ဖြင့်၊ခေတ်မီနိုင်ငံတော်ကြီး
ထူထောင်နိုင်မယ်လို့များခင်ဗျားထင်နေသလား။
လာလာချည်သေး။မြန်မာ့အားကစား၊ကမ္ဘာကိုလွှမ်းဖို့
၊ရွှေပင်ရွာကိုခေတ်မီခေတ်မီဘောလုံးနှစ်လုံးဝယ်ပို့ဦးမတဲ့။အဟား။
ဟုတ်တော့နေပါပြီ။
မိုင်ထောင်ချီဝေးတဲ့ဝေးတဲ့ခရီးကိုပထမဆုံးခြေလှမ်းနဲ့စရတယ်ဟုတ်လား။
ခင်ဗျားဟာလေ။စာရေးဆရာဆိုတဲ့မာန်လေးနဲ့ဆင်ခြေပေးတာတော့
အတော်တတ်သကိုး။ဒီမှာခင်ဗျ။အဲဒီခင်ဗျားစလိုက်တဲ့ခြေတစ်လှမ်းဟာ၊
မိုင်တထောင်ခရီးဆီကို၊အမှန်တကယ်ဦးတည်ဖို့က၊အရေးအကြီးဆုံးခင်ဗျ။
ပန်းတိုင်ကအရှေ့မှာရှိနေတာကို၊အနောက်ဖက်မျက်နှာမူပြီးလျှောက်လို့ကတော့၊
ကမ္ဘာကြီးတစ်ပတ်လည်ခါမှလိုရာရောက်မှာဆိုတာမသေမချင်းမှတ်။
တိတိကျကျပြောရရင်လားရာမှန်ဖို့လိုတယ်။လုံ့လဝီရိယဆိုတဲ့
ပုံမှန်အားစိုက်ထုတ်မှုလိုတယ်။အားမနာစတမ်းပြောရရင်
ခင်ဗျားရဲ့တွေးတောပုံ၊အကဲဖြတ်ပုံတွေဟာတစ်စက်မှ
အချိုးမပြေတာတော့အမှန်ပဲဗျာ။
ဥပမာအားဖြင့်၊ခင်ဗျားအနေနဲ့၊အခုကျုပ်တို့နေတဲ့ဒီရေကန်လေးကို
ကြည့်ပြီးတွေးနေတဲ့အတွေးတွေကိုသာကြည့်ပေတော့။ ။
(ငါး)
ဘာတဲ့။ကြည်လင်စိမ်းလဲ့နေသောရေပြင်တွင်ငါးကလေးများမြူးတူးစွာ
ကူးခတ်နေကြသည်တဲ့။သေလိုက်ပါတော့ဗျာ။ခင်ဗျားအတော်
ဦးနှောက်နည်းတဲ့လူပဲဗျ။ကျုပ်တို့က ပျော်လို့မြူးတူးနေတာမဟုတ်ဘူးခင်ဗျ။
လွတ်မြောက်ဖို့ အတွက်မနေမနားလမ်းစ ရှာဖွေနေကြတာ။ ကျုပ်တို့ဘိုးဘွားတွေမြူးတူးကျက်စားရာအရပ်ဟာ
ဒီလိုပေလေးဆယ်လောက်ရှိတဲ့ရေကန်လေးမဟုတ်ဘူး။
ကျုပ်တို့ရဲ့နေရင်းအရပ်ဟာအဆုံးအစမရှိတဲ့ပင်လယ်သမုဒ္ဒရာကြီးဖြစ်တယ်။
သူတို့ဟာသဘာဝတရားကြီးရဲ့အရသာကိုအပြည့်အဝခံစားခဲ့ကြရဖူးတယ်။
တကယ်တည်းဗျာ။တဖွားဖွားတက်နေသောရေပန်းကလေးများမှာ
စိတ်ကြည်နူးစရာကောင်းလှ၏တဲ့။တကယ့် သောက်တလွဲပဲ။
အဲဒီရေပန်းတက်အောင်၊ရေထဲကိုလျှပ်စစ်ကြိုးသွယ်ပြီးမော်တာ
တပ်ထားတာတွေ့လား။ဓာတ် ကြိုးပေါက်လို့ကတော့၊ ကျုပ်တို့ငါးတစ်အုပ်လုံးဒန့်ဒန့်ဒန့်နဲ့၊အကုန်ကာလနာတိုက်ကုန်မှာ
ခင်ဗျားသတိထားမိရဲ့လား။ပန်းမျိုးစုံဖူးပွင့်နေတဲ့
ပန်းခြုံခပ်မြင့်မြင့်လေးဟုတ်လား။အဲဒါတွေကအတုတွေနော်။
။အောက်ခြေမှာရေထဲကို ဖြတ်သွားတဲ့၊ဓာတ်ကြိုးတွေကိုကောတွေ့လား။
သိပ်အန္တရာယ်ကြီးတယ်နော်။ဘာတဲ့။စိမ်းလန်းနေသောဗုဒ္ဓံသရ ဏံပင်အုပ်ငယ်များဟုတ်လား။အဲဒါလည်းအတုတွေခင်ဗျ။
အတုတွေ။အမယ်ခင်ဗျားကကိုင်ကြည့်ပြီးပြီ။အစစ်သေချာတယ်ဟုတ်လား။
။အေးပေါ့ဗျာ။ကိုင်ကြည့်ရင်တောင်အစစ်လို့ထင်ရအောင်
လုပ်ထားတာခေတ်မီနည်းပညာပေါ့။ခင်ဗျားလိုမီးရောင်ကိုရွှေတောင်
ထင်တဲ့လူမျိုးနဲ့တော့အံကိုက်ပေါ့ဗျာ။
သာယာငြိမ့်ညောင်းသောစန္ဒယားတီးလုံးသံတဲ့၊ဟုတ်လား။
တကယ့်ကိုအူကြောင်ကြောင်လူစားပါကလား။ခင်ဗျား အဲဒီကန်ဘောင်ပေါ်မှာ တစ်နေကုန်လာထိုင်နေကြည့်လေ။သာယာသံလား။
ဆူညံသံလားဆိုတာနေ့ဝက်မကုန်ခင် ခင်ဗျားသိသွားစေရမယ်။ တကယ့်လူသားကိုယ်တိုင်ကအနုပညာဈာန်ဝင်စားပြီး၊
တကယ်တီးခတ်တယ်ဆိုရင် တော့တစ်မျိုးပေါ့။ကိုရွှေစာရေးဆရာရေ။
ဒီရေကန်ထဲကရေတွေမပုပ်မသိုးအောင်၊ထည့်ထားတဲ့ကလိုရင်းဆိုတဲ့ ဓာတုဆေးအနံ့တွေကလည်းမွှန်ထူနေတာပဲဗျာ။
ဒါတွေဟာကျုပ်တို့ကိုသက်တမ်းတိုစေတယ်ဗျ။ရေကန်ထဲကို
အောက်ဆီဂျင်ပေးထားတယ်ဆိုပေမဲ့၊သဘာဝတရားကြီးအတိုင်း
အသက်ရှူရသလိုတော့ဘယ်မှာလာအဆင်ပြေပါ့မတုန်းဗျာ။
(ခြောက်)
ခင်ဗျားတို့လူတွေဟာလေ၊ကျုပ်တို့ငါးတွေပိုက်ထဲမှာမိ၊ဈေးဗန်းပေါ်ရောက်ရလို့၊
မချိမဆံ့ဝေဒနာနဲ့ပါးစပ်လေးဟစိဟစိဖြစ်နေရတာကို
ငါးသလောက်ပြုံးငါးခူပြုံးတဲ့။မချိလို့သွားဖြဲတာကိုရယ်တယ်လို့ထင်တာများ
အံ့အံ့ပါရဲ့။တကယ်တော့၊ဒီလိုအတွေးအခေါ်မျိုးဟာ
ခင်ဗျားတစ်ယောက်တည်းတော့မဟုတ်ပါဘူးလေ။
ခင်ဗျားရဲ့ဖွားရာဇာတိနိုင်ငံမှာရှိတဲ့လူအတော်များများဟာလည်း
ခင်ဗျားလိုတွေးကြတာပါပဲ။
ခင်ဗျားတို့ဟာကိုယ့်ဘဝကိုယ်၊ရယ်စရာလား၊ငိုစရာလားမသိကြဘူး။
ကတ္တရာလမ်းတိုကလေးတွေကိုဒီမိုကရေစီလို့ထင်ကြတယ်။
ခပ်မှိန်မှိန်လေးသာလင်းပြီး၊တစ်ရက်မှာနှစ်ဆယ့်လေးနာရီပျက်နေတဲ့
ဓာတ်မီးတိုင်တွေကိုဒီမိုကရေစီထင်ကြတယ်။ရှန်ပူခေါင်းလျှော်ရည်တို့
၊မော်တော်ဆိုင်ကယ်တို့ကိုလည်းဒီမိုကရေစီထင်ကြတယ်။ထင်ကြပေမပေါ့။
ထင်ယောင်ထင်မှားဖြစ်အောင်ခေတ်ဆိုးစနစ်ဆိုးကြီးနဲ့ဥာဏ်ရည်မမီတဲ့
တိုင်းပြည်ခေါင်းဆောင်တွေကပုံစံချကျုံးသွင်းခဲ့ပေသကိုး။
တကယ်တမ်းပြောရရင်ခင်ဗျားတို့ဟာ၊ဒီမိုကရေစီခေတ်ဆီကို
ကူးပြောင်းခဲ့ပြီလို့တော့အသံကုန်ဟစ်နေကြပါရဲ့။ဒါပေသိ၊ခင်ဗျားတို့
အားလုံးလိုလိုသဘာဝတရားကြီးကိုချစ်မြတ်နိုးကောင်းရမှန်းမသိဘူး။
လူ့အခွင့်အရေးဆိုတာ ကို ကျုပ်တို့ငါးတွေ၊ ငါးအခွင့်အရေးသိသလောက်တောင်မသိကြရှာကြဘူး။
သဘာဝသယံဇာတတွေကိုဘယ်လိုထုတ်ယူအသုံးချရမယ်ဆိုတာမသိကြဘူး။
သဘာဝဖြစ်စဉ်တရားကြီးနဲ့လူသားတွေအကြားသမူဟကျစွာနေနိုင်ဖို့
၊ဂေဟစနစ်မပျက်ယွင်းရလေအောင်၊သစ်ပင်တောတောင်၊မြစ်ချောင်း
အင်းအိုင်တွေကိုဘယ်လိုစနစ်တကျထိန်းသိမ်းပျိုးထောင်ရမယ်ဆိုတာမသိကြဘူး။
ဒီမိုကရေစီဆိုတာကိုအစစ်လားအတုလားမခွဲခြားနိုင်ကြဘူး။
တကယ့်လွတ်လပ်ရေးအစစ်အမှန်ကိုရအောင်မကြိုးစားချင်ကြဘူး။
ဘာတဲ့။ကုလားနဲ့ငါးအရုပ်ရေးကြည့်ရမယ်ဟုတ်လား။ဒါပေါ့ဗျာ။
အသိဥာဏ်တရားနုံနဲ့ပြီး၊ကိုယ်ပိုင်ဆင်ခြင်တုံတရားကင်းမဲ့တဲ့သူတွေ
ခေါင်းဆောင်ခဲ့တဲ့ခေတ်စနစ်ဆိုးကြီးထဲမှာ၊ဒီပုံစံအတိုင်းသာဆက်ပြီး
ခရီးသွားနေကြဦးမယ်ဆိုရင်တော့၊ကျုပ်တို့မျိုးနွယ်ငါးတွေကို၊
ခင်ဗျားတို့တိုင်းပြည်မှာမြင်ရတော့မှာမဟုတ်သလို၊သယံဇာတတွေ
ကုန်ခမ်းလာတဲ့တစ်နေ့၊ကုလားမဆိုထားနဲ့၊ဘယ်လူမျိုးမှခင်ဗျားတို့
တိုင်းပြည်ကို၊အဖက်လုပ်ပြီးခြေဦးလှည့်ကြမှာမဟုတ်ပါဘူး။
ဘာ။ကျုပ်တို့ကိုမွေးထားရင်ကံကောင်းသလား။ဟုတ်စ။တော်ပါတော့ဗျာ။
မဆိုင်တဲ့အပေါက်ကိုဂလိုင်နဲ့မခေါက်စမ်းပါနဲ့။ကျုပ်တို့ကိုဈေးကြီးပေး
ဝယ်ပြီးကံကောင်းခြင်းလက်ဆောင်အဖြစ်သတ်မှတ်နိုင်ဖို့
ဆိုတာခေတ်ကောင်းစနစ်ကောင်းတဲ့နိုင်ငံမှာ၊လူလာဖြစ်ပါမှ၊
ခံစားနိုင်မှာဗျ။
ဒါပါပဲလေ။စကားကောင်းနေလိုက်တာ၊ကျုပ်ဖြင့်အသက်ရှူဖို့တောင်
မေ့သွားတယ်။ရေထဲငုပ်ပြီးအသက်လေးရှူလိုက်ဦးမှပါ။
တာ့၊တာနော်။ခင်ဗျားတို့တိုင်းပြည်ခေတ်ကောင်းတဲ့
တစ်နေ့ပြန်ဆုံကြသေးတာပေါ့ဗျာ။
(ခုနစ်)
“ပလုံ” “စွပ်”ဆိုတဲ့အသံနဲ့အတူကိုရွှေငါးရေထဲကိုပြန်ပြီးငုတ်လျှိုးသွားချိန်မှာ
၊ရေစက်တစ်ချို့ကျုပ်မျက်နှာကိုဖတ်ကနဲလာစင်တာမို့၊ကျုပ်လည်း
မျက်နှာကိုယောင်ယမ်းပြီးစမ်းလိုက်မိတယ်။တချိန်တည်းမှာပဲ၊
ကွိစိကွစဆိုတဲ့အော်ကျယ်အော်ကျယ်အသံတွေနဲ့အတူ
တရုတ်တောသားပုံပေါက်နေတဲ့ကမ္ဘာလှည့်ခရီးသည်လူအုပ်ကြီး
ကျုပ်ဘေးနားကိုရောက်နေပါရောလား။သြော်။ တရုတ်ကျေးလက်ဇနပုဒ်ကလူတွေတောင်ကမ္ဘာပတ်နေကြပါပကော။
အဲဒီနေ့စင်ထရယ်ကုန်တိုက်ကနေကျုပ်ပြန်လာတော့၊ငါ့အဖြစ်နှယ်
ထူးလိုက်လေခြင်းဆိုပြီး၊အဲဒီအကြောင်းအပြည့်အစုံကို
တစ်ယောက်ယောက်ကိုိများပြောပြလိုက်ရရင်ကောင်းလေမလားလို့
စိတ်ကူးပေါ်မိသေးတယ်။
ဒါပေမဲ့ဒီဖြစ်ရပ်ဟာခေတ်အကူးအပြောင်းတစ်ခုကိုစတင်တော့မယ့်
ကျုပ်တို့နိုင်ငံရှေ့ရေးအတွက်တွေးပူမိရင်း၊ကျုပ်စိတ်မှာထင်ယောင်
ထင်မှားပေါ်လာတာလည်းဖြစ်နိုင်တယ်ဗျ။ဘယ်သူ့ပြောပြော
ကျုပ်ကိုရူးနေပြီလို့ဆိုကြမှာလည်းသေချာတယ်။
ဘာဘဲဖြစ်ဖြစ်ဗျာ။ထူးဆန်းလွန်းတာကတော့အမှန်ပဲမို့၊
အဲဒီအကြောင်းလေးကို၊ကျုပ်တတ်သလိုမှတ်သလိုစာလေးတစ်ပုဒ်ရေးပြီး
၊ပြည်တွင်းထုတ်သတင်းစာ(သို့မဟုတ်)ဂျာနယ်တစ်စောင်စောင်ကို
လှမ်းပို့လိုက်ရင်တော့ဟန်ကျလောက်မယ်ထင်ပါရဲ့။
။ပေမီဒေါက်မီစာရေးဆရာဖြစ်လိုဖြစ်ငြားဆိုတဲ့မျှော်လင့်ချက်လေးလည်း
ပါပေသပေါ့။ ။