၂၄ ဒီဇင်ဘာ ၂၀၁၅နေ့ထုတ်အလဲဗင်းနေ့စဉ်သတင်းစာမှ။ ။
လိပ်ကျွန်းသို့ဗျုဟာမြောက်ထိုးစစ်
(မင်းဒင်)
(၁)
ဗြိတိန်နိုင်ငံသားနှစ်ဦးအသတ်ခံရမှုဖြင့်ထိုင်းနိုင်ငံတောင်ပိုင်းကော့စမွေ
တရားရုံးတွင်၊ဖမ်းဆီးတရားစွဲဆိုထားခြင်းခံရသောမြန်မာနိုင်ငံသား
လူငယ်နှစ်ဦးကို(၂၀၁၅)ခုနှစ်ဒီဇင်ဘာ(၂၄)ရက်နေ့တွင်၊စီရင်ချက်
ချမှတ်တော့မည်ဟုဆိုပါသည်။
အမှုဖြစ်စဉ်ကျဉ်းမှာလွန်ခဲ့သော(၂၀၁၄)ခုနှစ်စက်တင်ဘာလတွင်
မြန်မာနိုင်ငံသားနှစ်ဦးဖြစ်သောဇော်လင်းနှင့်ဝင်းဇော်ထွန်းတို့က၊
ထိုင်းနိုင်ငံတောင်ပိုင်းကော့တောင်(လိပ်ကျွန်း)၌ဗြိတိသျှအမျိုးသမီးဟန်နာအား
အဓမ္မပြုကျင့်သတ်ဖြတ်မှု၊ဗြိတိန်နိုင်ငံသားဒေးဗစ်မေလာကို
သတ်ဖြတ်မှုတို့ဖြင့်ဖမ်းဆီးတရားစွဲဆိုခံခဲ့ရခြင်းဖြစ်သည်။
အဆိုပါအမှုနှင့်ပတ်သက်၍အစကနဦးကပင်၊သက်ဆိုင်ရာထိုင်းရဲတပ်ဖွဲ့၏
မှားယွင်းဖမ်းဆီးမှု၊အလွန်တရာကမောက်ကမနိုင်လှသောသက်သေ
အထောက်အထားများ၊လက်လွတ်စပယ်စွပ်စွဲဖမ်းဆီးချုပ်နှောင်မှုများနှင့်၊
ထိုင်းနိုင်ငံ၏စစ်တပ်အာဏာသိမ်းပြီးစကာလအခြေအနေများကြောင့်၊
လွန်စွာရှုပ်ထွေးပွေလီသည့်အမှုဖြစ်ကြောင်းမူလကပင်ပေါ်လွင်နေသည်။
ထို့ကြောင့်ပင်ပြည်တွင်းပြည်ပမှအမျိုးသားရေးစိတ်ပြင်းထန်သော
မြန်မာနိုင်ငံသားများအပြင်၊ထိုင်းလူအခွင့်အရေးအဖွဲ့များကပါ၊
ယင်းအမှုအပေါ်ကန့်ကွက်ထောက်ပြဝေဖန်မှုများ၊ကျယ်လောင်စွာ
ထွက်ပေါ်လာခဲ့ဖူးသည်။နောက်ဆုံးတွင်မြန်မာသံရုံးနှင့်မြန်မာအစိုးရကပါ
ဝင်ရောက်အရေးယူပြောဆိုခဲ့ရသည်အထိဖြစ်လာခဲ့၏။
ထောက်ပြဝေဖန်တို့တွင်အများစုကမူ၊ထိုင်းရဲတို့တင်ပြသည့်ယုတ္တိမတန်သော
အထောက်အထားများကို၊မှုခင်းနည်းပညာရှုထောင့်မှနေ၍မှားယွင်းမှုများကို
စနစ်တကျသုံးသပ်တင်ပြကာ၊အစွပ်စွဲခံမြန်မာလူငယ်နှစ်ဦးလွတ်မြောက်ရေး
အတွက်အားထုတ်ကြိုးပမ်းခဲ့ကြပါသည်။မြန်မာအစိုးရအမျိုးသား
လွှတ်တော်ဥက္ကဋ္ဌဆိုလျှင်၊အဆိုပါလူငယ်နှစ်ဦးအချုပ်လွတ်ထုချေခွင့်ရရေး
အတွက်၊၎င်းကိုယ်တိုင်အပြည့်အဝတာဝန်ခံကြောင်း၊
ထိုင်းအစိုးရသို့ပြောဆိုသည်အထိတာဝန်ကျေခဲ့ပါသည်။
သို့သော်..၊အထက်တွင်ဆိုခဲ့သောဥပဒေလမ်းကြောင်းအရကြိုးပမ်းမှုအရပ်ရပ်မှာ ယနေ့အချိန်အထိအရာမထင်သေးကြောင်းတွေ့ရှိရသည်။အဘယ်ကြောင့်ပါနည်း။
(၂)
ကျွန်တော်သည်ထိုင်းနိုင်ငံတွင်အခြေချနေထိုင်ခဲ့သည်မှာဆယ်စုနှစ်တခုကျော်
မျှရှိခဲ့သောကာလအတွင်း၊ထိုင်းနိုင်ငံရေး၊ထိုင်းရဲတို့၏စရိုက်၊
ထိုင်းတရားစီရင်ရေးစနစ်နှင့်ထိုင်းနိုင်ငံရောက်မြန်မာနိုင်ငံသားတို့၏
ဘဝအခြေအနေ စသည်တို့ကို၊(အထိုက်အလျောက်) မစိမ်းလှသူတစ်ဦးအနေဖြင့်၊ထိုအမှုအပေါ်ဝိုင်းဝန်းကြိုးပမ်းခဲ့ကြသူများကို
မဆန့်ကျင်သော်ငြား၊အထက်ပါဥပဒေလမ်းကြောင်းအတိုင်းကြိုးပမ်း
အားထုတ်နေမှုတို့ကို၊အောင်မြင်မည့်နည်းလမ်းဟုမယုံကြည်ခဲ့ချေ။
(ထို့ကြောင့်ပင်အဆိုပါအမှုနှစ်ပတ်သက်၍ လိပ်ကျွန်းမှာခွေးကျိုးနှင့်
ယုန်လိုက်သလား ဟူသောခေါင်းစဉ်ဖြင့်ဆောင်းပါး
တစ်ပုဒ်ရေးသားခဲ့ဖူးသည်။)
ကျွန်တော်တစ်ဦးတည်း၏အယူအဆအရ…၊၎င်းအမှုတွင်ဖမ်းဆီးချုပ်နှောင်
တရားစွဲဆိုခံထားရသူနှစ်ဦးမှာတရားခံအစစ်လုံးဝမဖြစ်နိုင်ချေ။
မတရားဖမ်းဆီးခံရခြင်းသာဖြစ်သည်ဟုသာယုံကြည်၏။ထိုင်းရောက်မြန်မာတို့
အဖို့၊အလုပ်ရှင်ထိုင်းလူမျိုးတို့ကိုပင်၊သေလုမတတ်ကြောက်ရတတ်သည်ဖြစ်၍
၊နိုင်ငံခြားသားဧည့်သည်တို့အား၊ထိုသို့ပြုကျင့်ရန်မှာအလွန်ဖြစ်နိုင်ချေ
နည်းသည်။
လူငယ်နှစ်ဦး၏နောက်ကြောင်းရာဇဝင်အရ၊ပြစ်မှုနောက်ကြောင်းရာဇဝင်
မရှိသဖြင့်၊သေလုမြောပါးဖြစ်နေသောအမျိုးသမီးကိုအဓမ္မပြုကျင့်ရန်မှာ၊
မိုက်ဇအလွန်ကြီးသောရာဇဝင်လူမိုက် မျိုးမှသာကျူးလွန်တတ်လေရာ ၊ဖြစ်တန်ချေပို၍နည်းလွန်းလှသည်။ထိုလူငယ်နှစ်ဦးတရားခံအဖြစ်ကျရောက်
ရခြင်းအတွက်အဓိကကျသောအခြေခံအကြောင်းအရာနှစ်ချက်မှာ
အောက်ပါတို့ဖြစ်သည်ဟုယူဆသည်။
ယင်းမှာ…၊
(၁)ထိုင်းအာဏာသိမ်းစစ်အစိုးရမှ၎င်းတို့၏ပုံရိပ်ကောင်းစေရန်အလို့၊ ယင်းအမှုအပေါ်လွဲမှားသောသတင်းတို့ကိုအဆောတလျင် ထုတ်ပြန်ခြင်းဖြင့်၊နောက်ပြန်ဆုတ်မရအောင်ခြေလွန်လက်လွန်ဖြစ်သွားခဲ့မှု၊
(၂) မှုခင်းဖြစ်ပွားရာကော့တောင်ကျွန်းမှရာဇဝတ်မှုများ၏
သမိုင်းနောက်ခံခြင်းရာတို့ဖြစ်၏။
အဆိုပါအချက်နှစ်ချက်ပေါ်တွင်အခြေခံလျက်၊အလျော့အတင်း
များလွန်းလှသောထိုင်းနိုင်ငံတရားစီရင်ရေးစနစ်၏သားကောင်အဖြစ်၊
မျက်နှာမွဲမြန်မာနိုင်ငံသားလူငယ်နှစ်ဦး၊တရားခံစာရင်းသို့ဇွတ်အသွင်းခံ
လိုက်ရခြင်းသာဖြစ်သည်ဟု ကျွန်တော်ကောက်ချက်ဆွဲမိသည်။
(၃)
အနည်းငယ်ရှင်းပါအံ့။ယင်းအမှုဖြစ်ပွားချိန်သည်ထိုင်းစစ်တပ်အာဏာ
သိမ်းပြီးစအချိန်ဖြစ်၏။ထိုင်းအမျိုးသားရေးပုံရိပ်ကိုဇွတ်အတင်း
ဇန်းတင်နေချိန်ဖြစ်ပြီး၊မည်သည့်ကိစ္စကြီးငယ်မဟူ၊အာဏာသိမ်းအစိုးရအနေဖြင့်
တိတိကျကျမှန်မှန်ကန်ကန်မြန်မြန်ဆန်ဆန်ဆောင်ရွက်နိုင်စွမ်းရှိကြောင်း၊
သက်သေပြရန်အားထုတ်နေချိန်လည်းဖြစ်သည်။ထိုမှသည်၊
၎င်းအမှုနှင့်ပတ်သက်၍အောက်ခြေမှ(အထူးသဖြင့်လိပ်ကျွန်းမှ)
တက်လာသည့်လုပ်ဇာတ်သတင်းကို ထိုင်းဝန်ကြီးချုပ်ကိုယ်တိုင်နှုတ်လွန်ခြေလွန်
ပြောဆိုလာခဲ့ရာမှ၊နောက်ပြန်ဆုတ်၍မရတော့သောအနေအထား
အထိရောက်ရှိသွားခဲ့သည်။
ထိုအခြေအနေကိုကောင်းစွာပံ့ပိုးသည့်အရာမှာလိပ်ကျွန်း၏
ရာဇဝင်နောက်ခံဖြစ်သည်။လိပ်ကျွန်းသည်ပင်ကုန်း မြေနှင့်အတန်ငယ်လှမ်း၍
ပင်လယ်တွင်းတွင်ထီးထီးတည်ရှိနေသောကျွန်းငယ်တစ်ခုဖြစ်၍၊
တစ်သက်တစ်ကျွန်းပြစ်ဒဏ်ထိုက်သောရာဇဝတ်သားများကို
ချုပ်နှောင်ထားရှိခဲ့ရာနေရာအဖြစ်မှတ်တမ်းမှတ်ရာရှိသည်။
၁၉၈၀ခုနှစ်နောက်ပိုင်းမှသာအပန်းဖြေကျွန်းအဖြစ်တစတစပြောင်းလဲ
လာခဲ့ခြင်းဖြစ်ရာ၊နယ်ခံကျွန်းသူကြီး၏သြဇာအာဏာမှာမသေးလှသဖြင့်၊
လိပ်ကျွန်းတွင်ကျွန်းသူကြီးမပေါ်လိုသောအမှုကြီးငယ်မဟူမည်သည့်အခါမျှ၊
အမှုမှန်မပေါ်ပေါက်ခဲဖူးချေ။
ထို့ပြင်တရားဥပဒေစိုးမိုးလှပါသည်ဆိုသောထိုင်းနိုင်ငံဒေသအနှံ့အပြားမှာပင်၊
ထိုင်းလူမျိုးအချင်းချင်းလူစားထိုးတရားခံထည့်သွင်းသည့်အလေ့အထမြောက်များ
စွာရှိနေကြောင်းထိုင်းပြည်တွင်းသတင်းများတွင်မကြာခဏဖော်ပြသည်။
အများဆုံးအစားထိုးခံရသောတရားခံများမှာ၊စားဝတ်နေရေးတဝမ်းတခါး
အလို့ငှာထိုင်းနိုင်ငံရောက်ရှိပြီးရွေ့ပြောင်းအလုပ်သမားများအဖြစ်
အသက်မွေးနေကြရသောအနှိမ်ခံမြန်မာလူမျိုးအလုပ်သမားတို့သာဖြစ်လေသည်။
ညွန်းဆိုသောမြန်မာလူငယ်နှစ်ဦး၏အမှုတွင်မြန်မာအစိုးရ၊သံရုံးနှုင့်
ထိုင်းနိုင်ငံရောက်မြန်မာ့အရေးလှုပ်ရှားတက် ကြွသူတို့ရှိခဲ့သည်ကား မှန်ပါ၏။သို့သော်ထိုစဉ်ကမြန်မာအစိုးရ၏ဂုဏ်သိက္ခာပုံရိပ်သည်
တင်းတင်းရင်းရင်းမရှိသည်မှာသေချာသည့်အပြင်၊အချို့သောမြန်မာ့အရေး
တက်ကြွသူတို့မှာ၊ပုဂ္ဂိုလ်ရေးအကျိုးစီးပွား၊ထင်ပေါ်လိုမှုတို့ဖြင့် ၊လုပ်ဆောင်နေကြကြောင်း၊မြင်သာထင်ရှားသည်။
မြန်မာအလုပ်သမားအရေးလှုပ်ရှားသူများထဲမှပုဂ္ဂိလ်တစ်ဦးဆိုလျှင်၊ယင်းအမှုနှင့်
ပတ်သက်၍အတွင်းကျသော အချက်အလက်တို့မှာဗြိတိန်အစိုးရ လက်ထဲတွင်အပြည့်အစုံရှိနေသဖြင့်၊ဒေါ်အောင်ဆန်းစုကြည်ကိုယ်တိုင်၊
၎င်းအမှုကိုဝင်ရောက်ကိုင်တွယ်စေလိုကြောင်းသတင်းစာမျက်နှာတချို့တွင်၊
ဖွင့်ဟပြောဆိုခဲ့ဖူးသည်။စင်စစ်အလွန်လွဲမှားသောသုံးသပ်ချက်သာဖြစ်၏။
အဆိုပါအမှုသည်ထိုင်းအစိုးရ၏အာဏာလက်ဝယ်ရှိမှုကို
အကြီးအကျယ်ခြိမ်းခြောက်နိုင်သည်ဖြစ်၍၊ထိုင်းစစ်အစိုးရအနေဖြင့်
မည်သည့်အားစမ်းမှုမျိုးကိုမဆိုနောက်မဆုတ်တမ်းရင်ဆိုင်သွားရန်
အသင့်ရှိနေခဲ့ခြင်းသာဖြစ်သည်။
(၄)
ဒီမိုကရေစီနိုင်ငံဟုဆိုလင့်ကစားထိုင်းနိုင်ငံ၏တရားစီရင်ရေးစနစ်သည်၊
အားနည်းပျော့ညံ့ချက်များစွာရှိနေသည်။ငွေများတရားနိုင်ဟူသောစကားမှာ
ထိုင်းနိုင်ငံတွင်ပို၍အဓိပ္ပါယ်ရှိနေသည်။ထိုအခြေအနေတွင်သိမ်ငယ်ရသည့်
ဘဝဖြင့်ထိုင်းနိုင်ငံသို့ရောက်ရှိနေကြသောမြန်မာအလုပ်သမားတို့မှာ၊
အသုံးချခံပစ္စည်းများသဖွယ်ဖြစ်နေသည်။
ထိုင်းနိုင်ငံလူကုန်ကူးမှုတိုက်ဖျက်ရေးတွင်တာဝန်ပေးခြင်းခံရသော
ထိုင်းရဲဗိုလ်ချုပ်ကြီးတစ်ဦးသည်ပင်လျှင်၊၎င်း၏အသက်အန္တရာယ်ကြောင့်
ပြည်ပနိုင်ငံတစ်ခုသို့တိမ်းရှောင်သွားရသည်မှာပူပူနွေးနွေးလတ်တလော
သတင်းတစ်ပုဒ်ဖြစ်သည်။
ယခုသော်ထိုအခြေအနေမျိုးဖြင့်တစ်နှစ်ကျော်ကြာညောင်းခဲ့ပြီးနောက်၊
ဒီဇင်ဘာ(၂၄)ရက်နေ့တွင်၊သက်ဆိုင်ရာတရားရုံးမှ၊စီရင်ချက်အမိန့်ချမှတ်ပေတော့မည်။
ထိုင်းရှေ့နေများအဖွဲ့ကလည်းစွပ်စွဲခံရသူမြန်မာလူငယ်နှစ်ဦးအား အမှုမှကွင်းလုံးကျွတ်လွှတ်ပေးရန်၊ကြေညာချက်ထုတ်တောင်းဆိုနေလေပြီ။
ထိုသို့တောင်းဆိုနေကြခြင်းမှာတရားလိုရှေ့နေများဖက်မှကိုင်စွဲတင်ပြသော
အဓိကစွပ်စွဲချက်သုံးချက်စလုံးကိုတရားခံဖက်မှကောင်းစွာ
ချေဖျက်နိုင်ခြင်းကြောင့်ဟုဆိုသည်။
ယင်းအချက်သုံးချက်မှာတရားခံတို့ထံမှရယူထားသည့်ဖြောင့်ချက်သည်
တရားဥပဒေနှင့်မညီ၊ဒီအန်အေစစ်ဆေးချက်နှင့်ပတ်သက်၍ထိုင်းလူမျိုး
ဆရာဝန်ကြီးဒေါက်တာဖွန်သစ်၏ထွက်ဆိုချက်အရအားသာခြင်းနှင့်၊
စီစီတီဗီမှတ်တမ်းတို့မှာထိုင်းရဲတို့စွပ်စွဲထားသကဲ့သို့မဟုတ်ခြင်းကြောင့်
ဟုမြန်မာလူငယ်နှစ်ဦးဖက်မှလိုက်ပါဆောင်ရွက်သူများကထောက်ပြကြသည်။
(၅)
မည်သို့ပင်ဆိုစေကာမူ၊လတ်တလောအခြေအနေအရပ်ရပ်အရထိုင်းအစိုးရနှင့်
ထိုင်းတရားရုံးတို့အနေဖြင့်မြန်မာလူငယ်နှစ်ဦးအားအမှုမှကွင်းလုံးကျွတ်
လွှတ်ပေးမည်ဟုကျွန်တော်မမျှော်လင့်ချေ။သေဒဏ်မှလွတ်ကင်းသည့်တိုင်
၊ထောင်ဒဏ်အနည်းဆုံး(၇)နှစ်မှ၊(၁၀)နှစ်အထိထောင်ဒဏ်ကျခံစေရန်
အမိန့်ချမှတ်မည့်အလားအလာများရှိနေသည်။
ထို့ကြောင့်၎င်းမြန်မာလူငယ်နှစ်ဦးရင်ဆိုင်နေသောအမှုအတွက်
အကောင်းဆုံးအထိရောက်ဆုံးသောနောက်ဆုံးထိုးစစ်မှာ၊ဂုဏ်သိက္ခာရှိသော၊
ပုံရိပ်ကောင်းသောမြန်မာအစိုးတရပ်၏သံတမန်ရေးဖိအားပေးမှုသာဖြစ်သည်ဟု ကျွန်တော်ထင်မြင်ယူဆသည်။
အဆိုပါထိုးစစ်တွင်မြန်မာနိုင်ငံသို့တရားမဝင်တင်သွင်းနေသော
ထိုင်းမှောင်ခိုပစ္စည်းများအပေါ်ပိတ်ဆို့အရေးယူရေးနှင့်မြန်မာနိုင်ငံအတွင်း
ထိုင်းတို့လက်ဦးမှုရယူထားသောစီးပွားရေးရင်းနှီးမြှုပ်နှံမှုများကိုပါ၊
ကန့်သတ်တားဆီးခြင်းဖြင့်၊ထိုးစစ်ကိုထိရောက်အောင်အရှိန်မြှင့်တင်သင့်သည်။
၎င်းထိုးစစ်တွင်ထိုင်းရှေ့နေများအဖွဲ့အပါအဝင်ထိုင်းလူအခွင့်အရေးအဖွဲ့အစည်းများ၊
ထိုင်းနိုင်ငံရောက်ကိုယ်ကျိုးစီးပွားကင်းသောမြန်မာ့အရေးလှုပ်ရှားတက်ကြွသူများကို
အားပြုသင့်ပါသည်။ထိုအရေးတွင်ပါဝင်ဆောင်ရွက်သည့်ထိုင်းရောက်မြန်မာတို့၊
ရိုးသားမှုရှိရန်အထူးလိုအပ်ပါသည်။
ယခုချမှတ်မည့်အမိန့်မှာမူလရုံး၏စီရင်ချက်သာဖြစ်၍၊အထက်တရားရုံး
အဆင့်ဆင့်သို့အယူခံနိုင်သေးသည်ဖြစ်ရာ၊မြန်မာနိုင်ငံတွင်တက်လာလုဆဲဆဲ
အစိုးရအနေဖြင့်၊ထိုထိုးစစ်ကိုကောင်းစွာဆင်နွှဲနိုင်လိမ့်ဟုယုံကြည်မျှော်လင့်မိပါ၏။
ယင်းထိုးစစ်သာအောင်မြင်ခဲ့ပါက၊အဆိုပါအောင်နိုင်မှုသည်တရားဖမ်းဆီး
တရားစွဲဆိုခြင်းခံရသောမြန်မာလူငယ်နှစ်ဦးအတွက်ခံစားထိုက်သော
အခွင့်အရေးဖြစ်ရုံမျှမက၊ထိုင်းနိုင်ငံရောက်မြန်မာအလုပ်သမားများနှင့်
မြန်မာလူထုတစ်ရပ်လုံး၏အောင်ပွဲ၊အမှန်တရား၏အောင်ပွဲဟုလည်း
ဆိုနိုင်ပေလိမ့်မည်။ ။
(မှတ်ချက်။ ။ကြိုတင်ခန့်မှန်းချက်လွဲချော်ခဲ့ရင်လည်းဖြေးဖြေးသက်သာဆဲကြပါခင်ဗျာ။
ကျွန်တော်လည်းဒီကလေးတွေကို အမြန်ဆုံးလွတ်မြောက်စေချင်ပါတယ်)