၃ ဇွန် ၂၀၁၆ နေ့ထုတ် Politic Journal မှ
ပန်းကြွေတောမှာလမ်းလျှောက်ခြင်း
(မင်းဒင်)
(၁)
ဒီမယ်ဗျ။ဟိုးလွန်ခဲ့တဲ့သုံးနှစ်လောက်ကပေါ့။ကျုပ်မိတ်ဆွေ
တယောက်နဲ့တောင်တောင်အီအီစကားတွေလျှောက်ပြောကြရင်း၊
သီချင်းတပုဒ်အကြောင်းရောက်သွားပါလေရောဗျ။သီချင်းအကြောင်း
ပြောရတယ်သာဆိုတယ်၊ကျုပ်ကဂီတနယ်ကိုအကျွမ်းတဝင်ရှိလှတဲ့
သူမဟုတ်ပါဘူး။အမယ်၊သူကတော့ ဂီတနဲ့ သိပ်မစိမ်း လှဘူးဆိုရမယ်။
စကားတွေတောင်ရောက်မြောက်ရောက်ပြောနေရင်းကနေ၊
သူအမှတ်မထင်ပြောလိုက်တဲ့စကားတခွန်းကြောင့် ကျုပ်မှင်တက်မိတာတော့အမှန်ပါဗျာ။သူပြောတာက
“ဒီခေတ်မှာဒီလိုဂန္ထဝင်မြောက်တဲ့သီချင်းမျိုး တွေရေးစပ်နိုင် တဲ့ဂီတပညာရှင် တွေမပေါ်တော့ပါဘူးဗျာ။အဲဒါဘာဖြစ်လို့လည်းဗျ” တဲ့။
သူမေးပုံက၊ကျုပ်အကြပ်ရိုက်သွားအောင်မေးလိုက်တာတော့
ဟုတ်ဟန်မတူပါဘူး။ဒါပေသိသူ့မေးခွန်းကြောင့်ကျုပ်အတော်ခေါင်းခြောက်
သွားခဲ့တာတော့အမှန်ပဲဗျာ။အင်း…သေချာစဉ်းစားကြည့်ရင်
ဒီခေတ်ဒီကာလမှာ ဂီတ တင်မဟုတ်ပါဘူး။
စာပေ၊ရုပ်ရှင်၊ဇာတ်သဘင်စတဲ့အနုပညာအလွှာပေါင်းစုံမှာလည်း
ဘက်ပေါင်းစုံကချွတ်ခြုံ ကျ၊ လုံးပါးပါးနေတာဘယ်သူမှငြင်းလို့မရပါဘူးဗျာ။
အဲဒီနေ့က သူ့မေးခွန်းကိုကျုပ်မဖြေနိုင်ခဲ့ပါဘူး။
ကျုပ်လည်းသူနောက်ထပ်ပြောတဲ့အကြောင်းအရာအသစ်တွေကို မကြားတချက်ကြားတချက်နဲ့စကားပြတ်ခဲ့ပေမဲ့သူမေးခွန်းအပေါ်
ဘယ်လိုများဖြေရပါ့မလဲဆိုတဲ့အတွေးဟာ ကျုပ် ခေါင်းထဲမှာ တဝဲလည်လည်ကျန်ရစ်ခဲ့တယ်ဗျ။အကြောင်းတိုက်ဆိုင်လေတိုင်း၊
အဲဒီမေးခွန်းဟာကျုပ်ခေါင်းထဲမှာ ပြန်ပြန်ပေါ်လာတယ်ဗျာ။
(၂)
လွန်ခဲ့တဲ့ခြောက်လလောက်ကပေါ့။ကိုမြတ်ရှိန်ဆိုတဲ့ကျုပ်မိတ်ဆွေ
တယောက်က၊စာအုပ်ဟောင်းလေးတွေလက်ဆောင်အဖြစ်လှမ်းပို့လို့၊
တခုသောစာအုပ်မှာပါတဲ့ဝတ္ထုတိုလေးတပုဒ်ကိုအမှတ်မထင်
ဖတ်ကြည့်လိုက်တော့ အတော့်ကိုစိတ်ဝင်စားစရာကောင်းသဗျာ။
တကယ်တော့အဲဒီစာအုပ်ကိုခင်ဗျားကိုယ်တိုင်ရှာပြီးဖတ်စေချင်တာဗျ။
ဒါပေမဲ့စာအုပ်ထုတ်ဝေခဲ့တဲ့နှစ်ကနှစ်ပေါင်းငါးဆယ်နီးပါးရှိပြီမို့၊
ခင်ဗျားအနေနဲ့ရှာလို့ဖွေလို့မလွယ်လောက်တော့ဘူး။ဒါကြောင့်ကျုပ်မှတ်မိ
သလောက်၊အတိုချုံ့ပြီးပြန်ပြောပြချင်ပါတယ်။ဒီလိုဗျ။
အိန္ဒိယပြည်ကြီးမှာစစ်ပွဲတွေအကြီးအကျယ်ဖြစ်ပြီးလူတွေ
ငတ်မွတ်ခေါင်းပါးမှုဘေးကြီးနဲ့ကြုံတွေ့နေရတဲ့ကာလ တုန်းကပေါ့။
ဘူတာရုံတခုမှာ စစ်မြေပြင်ကိုတင်ပို့မဲ့ခဲယမ်းမီးကျောက်နဲ့ အမြောက်တွေတောင်ပုံရာပုံရှိနေသတဲ့။ အစားအစာထက်လက်နက်ကပိုပေါနေတဲ့ကာလဆိုပါတော့ဗျာ။
အဲဒီဘူတာရုံရဲ့စင်္ကြန်ပလက်ဖောင်းပေါ်က ထင်းရူးသေတ္တာ တလုံးပေါ်မှာသားသည်မိခင်တယောက်ဟာ ၊လသား အရွယ်သားငယ်ကိုနို့တိုက်နေသတဲ့။
အဲဒီမြင်ကွင်းကို ခပ်လှမ်းလှမ်းကထင်းရူးသေတ္တာပေါ်မှာထိုင်နေတဲ့
ပန်းချီ ဆရာတယောက်က စက္ကူနဲ့ခဲတံသုံးပြီး အရုပ်ရေးနေ သတဲ့ဗျာ။အထူးအဆန်းဆိုရင်၊ဝိုင်းအုံ ကြည့်တတ်ကြတဲ့လူ တွေရဲ့ ထုံးစံအတိုင်း၊ရုတ်ရုတ်၊ရုတ်ရုတ်ဆူဆူညံညံပေါ့ဗျာ။
တကယ်တော့အဲဒီကလေးအမေဟာကလေးနို့တိုက်ရင်းငုပ်တုတ်
သေနေတာတဲ့ဗျ။အမေသေတာကိုနားမလည် တဲ့ကလေးကတော့ မအေ့နို့ကိုတပြွတ်ပြွတ်စို့နေတုန်းပဲတဲ့။ဒီအချိန်မှာတင်မီးရထားဝန်ထမ်း
လက်မှတ်စစ်တစ်ယောက်ရောက်လာပြီး၊အခြေအနေကို
သေချာမလေ့လာပဲ၊သူတောင်းစားရုပ်ပေါက်အောင်စုတ်ပြတ်နေတဲ့
သားအမိဟာ၊ဝင်ခွင့်မရှိတဲ့ဘူတာရုံထဲကိုရောက်နေရပါ့မလားဆိုတဲ့
အတွေးနဲ့စွတ်ငေါက်တော့တာပေါ့။
(၃)
“ဟေ့၊မင်းတို့သားအမိကဘူတာရုံထဲကိုဘာဝင်လုပ်တာလဲ။
ခုချက်ချင်းထွက်သွားစမ်း”။ဘာညာပေါ့ဗျာ။အော်ဟစ် ကြိမ်းမောင်းနေရင်း၊အနားကပ်ကြည့်တော့ ကလေးအမေဟာ တုတ်တုတ်မှမလှုပ်ပဲ၊သေနေတာကိုသတိထားမိ တော့၊
“သြ…သေနေပြီးကိုး”လို့တယောက်တည်းရေရွတ်ရင်းပန်းချီဆရာကို
လှမ်းကြည့်တော့ပန်းချီဆရာကလည်း မလှုပ်ခြောက်ချက်လေသံနဲ့ “အင်း၊အင်”လို့အသံပြန်ပြုသတဲ့။
“သူသေနေတာကိုခင်ဗျားသိသလား”လို့ဆက်မေးတော့
ပန်းချီဆရာကခေါင်းငြိမ့်ပြသတဲ့။ဒီမှာတင်လက်မှတ်စစ်ဟာ..၊
“အလို..၊ဘုရားရေ။ဒီမိန်းမသေနေတာကိုသူသိသတဲ့။
အတော်အကြင်နာနည်းတဲ့သူပဲ ဗျာ။သူသာဝတ္တရားရှိတဲ့ အတိုင်း အချိန်မီကျုပ်တို့ကိုလာအကြောင်းကြားရမှာ။ခုတော့ကြည့်ပါဦး။
အမေကသေနေပြီ။ကလေးကနို့စို့တုန်း”..။လို့ဆိုတော့ပန်းချီဆရာဟာ သူ့အရုပ်သူဆက်ဆွဲနေပြီးဘာမှခွန်းတုန့်မပြန်ဘူးတဲ့။
ပန်းချီဆရာအေးစက်စက်လုပ်လေ၊လက်မှတ်စစ်ကဒေါကန်လေဖြစ်ပြီး၊
“ခင်ဗျားသာလူစိတ်ရှိရင်၊ကျုပ်တို့ကိုလာပြောရမှာပေါ့။ခုတော့ဗျာ။
အလောင်းကိုကြည့်ပြီးပန်းချီဆွဲနေရတယ်လို့၊တကယ့်ကို
ကိုယ်ချင်းစာတရား၊အကြင်နာ တရားနည်းတဲ့သူပဲ”..လို့
ဆက်ငေါက်နေတော့ ပန်းချီဆရာက..၊
“ဒီမှာကျုပ်အလုပ်ကိုကျုပ်အေးအေးဆေးဆေးလုပ်ပါရစေဗျာ။
ကျုပ်ပန်းချီဆွဲနေတာဟာသက်ဆိုင်ရာကိုအကြောင်းကြားဖို့ပဲဗျ။
ဒါပေမဲ့မီးရထားဌာနကိုတော့မဟုတ်ဘူး။အိန္ဒိယပြည်ကြီးကို
အကြောင်းကြားဖို့ဗျ”လို့၊ခပ်ငေါက်ငေါက်ပြန်တွန်းတော့တာပါပဲ။
တိုတိုပြောရရင်ဘေးကနေဝိုင်းအုံကြည့်နေတဲ့လူအုပ်ကြီးဟာ သနားကြင်နာဟန်ပြနေတဲ့လက်မှတ်စစ်ဖက်ကနေ ရပ်တည်ကြ တာပေါ့။တယောက်တပေါက်ဆူကြဆဲကြ၊လှောင်ပြောင်ကြရာကနေ
ပန်းချီဆရာကို မကျေမနပ် ပေါက်ကွဲကြပြီးနောက်ဆုံးတော့၊ ပန်းချီဆရာ့လက်ထဲကပန်းချီဆွဲတဲ့သစ်သားဘုတ်ပြားနဲ့ခဲတံတွေကို
လုယူပြီးလွှင့်ပစ်၊ပန်းချီဆရာကိုလည်းဝိုင်းပြီးထိုးကြကြိတ်ကြရောတဲ့။
ပန်းချီဆရာကတော့ ဘာမှမခုခံပဲ၊ဆွဲလက်စပုံဆွဲစက္ကူစကို အင်္ကျီအိပ်ကပ်ထဲထိုးထည့်သိမ်းရင်း..၊
“ခင်ဗျားတို့သိပ် ရူးကြတဲ့လူတွေပဲ”လို့၊ညည်းသတဲ့။
(လေး)
နောက်ဆုံးတော့တယောက်တချက်ဝိုင်းပြီးဆွမ်းကြီးလောင်းကြတဲ့
ဒဏ်ချက်နဲ့ပန်းချီဆရာခမျာ၊အင်္ကျီကြယ်သီးတွေပြုတ်ထွက်၊
အတွင်းခံစွပ်ကျယ်ပါပေါ်ပြီးပွန်းပဲ့စုတ်ပြတ်ကုန်တာပေါ့ဗျာ။
အဲသလိုဖြစ်နေတဲ့ကြားကပန်းချီဆရာက..၊
“ဟာ..၊သိပ်မိုက်တဲ့လူတွေပဲ။မင်းတို့ငါ့အရုပ်ကားချပ်ကိုဆုတ်ပစ်လိုက်လို့
သည်အရုပ်ကားဟာပျောက်ပျက်သွား ရောလားကွာ၊ငါ့စိတ်အာရုံထဲမှာ
အမြဲရှိတယ်။ရုပ်ပုံရေးပြပြီးအိန္ဒိယပြည်ကြီးကိုအစီရင်ခံမယ်ကွ။
ဒီမိန်းမအလောင်း ကြီးနဲ့သနားစရာမိတဆိုးကလေးကို၊ အိန္ဒိယတပြည်လုံးမြင်ကြရမယ်။နားလည်လား”..လို့
တဗျစ်တောက်တောက်ရေရွတ်ရင်းညည်းကြိမ်းပြန်ကြိမ်းသတဲ့ဗျ။
အဲဒီအချိန်မှာလူအုပ်ကြီးဆီကိုပုလိပ်တယောက်လျှောက်လာတော့
လူအုပ်ကြီးရှဲသွားရောဆိုပါတော့။ဒီမှာတင် ပရိသတ်ထဲက စာရေးဆရာတယောက်ထွက်လာပြီးပန်းချီဆရာကိုဖေးကူထူမပေးရင်း
အားပေးသတဲ့။
“ခင်ဗျားရဲ့စိတ်ကူးနဲ့ခံယူချက်ကို ကျွန်တော်သိပ်သဘောကျတယ်ဗျာ။ တကယ်တော့လူအများစုဟာနလဗိန်းတုံး တွေဗျ။လေနဲ့ဝမ်းကွဲတဲ့
ကောင်တွေမဟုတ်ဘူး။အခုခင်ဗျားစိတ်ကူးထဲမှာရှိနေတဲ့ရုပ်ပုံလွှာကို
ပြန်ဆွဲပါဦးဗျာ။ ပန်းချီကားရဲ့နာမည်ကို မှတ်တမ်းတင်လောက်သော အခြေအနေလို့ပေးရင်ကောင်းမယ်ဗျ”လို့ဆိုသတဲ့။
ဒီမှာတင်ပန်းချီဆရာဟာ အလောင်းနဲ့ကလေးကိုတလှည့်၊စာရေးဆရာကိုတလှည့် အူကြောင်ကြောင်တလှည့်စီ ကြည့်ရင်းသူ့မျက်နှာဟာ ညှိုးငယ်သလိုဖြစ်သွားပြီး၊အတန်ကြာတော့ အက်ကွဲဆို့နင့်တဲ့လေသံနဲ့
ညည်းရှာသတဲ့။
(၅)
“အေးဗျာ။ဒီကလေးအတွက်ဘယ်လိုလုပ်ကြမတုန်း။ကျုပ်လည်း
ဝတ္တရားပျက်တာအမှန်ပဲဗျာ။အချိန်တွေအလကားဖြုန်းလိုက်သလို
ဖြစ်သွားပြီ။မီးရထားဌာနကို စောစောကအကြောင်းကြားလိုက်ရင်
အကောင်းသား”တဲ့။
စာရေးဆရာကတော့……၊ “မဟုတ်သေးဘူးဗျ။ကလေးအမေသေတာနေရာကောင်းလို့ဆိုရမယ်။
ဒီကလေးကိုမိဘမဲ့ဂေဟာပို့ကြမှာပါ။အမေကြီးအလောင်းကိုလည်း
အစိုးရမီးသင်္ဂြုဟ်စက်ဆီကိုပို့တန်ကောင်းပါရဲ့။ဒါတွေကခင်ဗျားအလုပ်
မဟုတ်ဘူးလေ။ခင်ဗျားပန်းချီကားကိုသာဆက်ဆွဲစမ်းပါဗျာ”လို့ တိုက်တွန်းလေသတဲ့။
ဒါပေမဲ့ပန်းချီဆရာဟာ အလောင်းနဲ့ကလေးကိုကြည့်၊သက်ပြင်းအကြိမ်ကြိမ်ချရင်းမျက်ရည်ဝဲဝဲနဲ့..၊
“ဟာဗျာ။ကျုပ်မကြည့်ရက်တော့ပါဘူး။ကျုပ်ဟာရက်စက်ပြီး
အကြင်နာနည်းတဲ့သူပါ”ဆိုပြီးငိုချင်းချတယ်ဆိုပါတော့။
အဲဒီအခါမှာစာရေးဆရာက …၊ “ဟာ၊သွားပြီ။အနုပညာသည်ဟာ သူ့ရဲ့ ဥပက္ခာဝါဒကိုစွန့်လွှတ်လိုက်ပြီ။လောက ကြီးကိုစေတနာအမှန်နဲ့၊
အပြင်ဘက်က ကြည့်တတ်တဲ့စရိုက်ပျောက်သွားပြီ။ ပန်းချီဆရာဟာပန်းချီဆရာစိတ် ပျောက်ပြီးလူစိတ်ဝင်လာပြီ။
အိန္ဒိယတပြည်လုံးသိအောင်မှတ်တမ်းတင်ရမဲ့ပန်းချီကားဟာ
ပန်းချီဆရာရဲ့စိတ်ထဲကနေပျောက်ကွယ်သွားခဲ့ပြီ။ဒါဟာ ကလေးအမေတယောက်သာမန်သေတာတင်မဟုတ်တော့ဘူး။
အခုတော့ အိန္ဒိ ယပြည် ကြီးပါသေပါပကောလား”လို့မှတ်ချက်ချသတဲ့။
ဝတ္ထုဇာတ်လမ်းက၊ဒီမှာတင်ဆုံးပေမဲ့ကျုပ်အတွေးကတော့မဆုံးနိုင်ခဲ့ဘူးဗျာ။
မဆုံးနိုင်ရတဲ့အကြောင်းရင်းကတော့ အဲဒီဝတ္ထုတိုလေးဟာ၊ ဒီစာရဲ့အဖွင့်မှာဖော်ပြထားတဲ့၊ကျုပ်မိတ်တွေတယောက်
ကျုပ်ကိုမေးခဲ့ဖူးတဲ့မေးခွန်းပြသနာရဲ့အဖြေများဖြစ်နေလေသလား
အတွေးပွားမိလို့ပါပဲ။
(၆)
ခင်ဗျားစဉ်းစားကြည့်လေ။အဲဒီဝတ္ထုရဲ့နိဒါန်းမှာအိန္ဒိယပြည်ကြီးရဲ့
စစ်ပွဲတွေဖြစ်နေတဲ့ကာလကိုမီးမောင်းထိုးပြထားတယ်။
စားရေရိက္ခာတွေလိုအပ်နေတဲ့အချိန်မှာ ခဲယမ်းမီးကျောက်နဲ့ အမြောက်လက်နက်စသည်တွေအလျှံပယ် ဖြစ်နေတယ်။
ဒီအကျိုးဆက်ကြောင့် သားသည်မိခင်တယောက်ဟာ ကလေးနို့တိုက်ရင်း၊အဟာရမပြည့်ဝရာက နေစတင်တဲ့
နာတာရှည်ရောဂါဖိစီးပြီးဘူတာရုံလိုနေရာမျိုးမှာကူကယ်ရာမဲ့၊
။ကျန်ရစ်ခဲ့တဲ့ ကလေးငယ်ရဲ့အနာဂတ်ဟာဝေဝါးရတယ်။
စစ်ပွဲတွေကြောင့်ငတ်နေတဲ့တိုင်းပြည်မှာဘယ်လိုလူမျိုးတွေကို
အနုပညာရဲ့တန်ဖိုးကို သိကြပါ့မလဲဗျာ။
အိန္ဒိယလိုအခိုက်အတန့်အားဖြင့်စစ်ပွဲတွေဖြစ်နေခဲ့ရတဲ့တိုင်းပြည်မှာ
တောင်အငတ်ဘေးကြုံသေးတာ၊စစ်ဝါဒီတွေကြီးစိုးနေခဲ့တဲ့
တိုင်းပြည်မျိုးမှာဆိုပိုဆိုးတော့မပေါ့။
အဲဒီကာလမျိုးမှာအနုပညာကိုစစ်အာဏာသက်ဆိုးရှည်ရေးအတွက်
အသုံးချခံကြရတယ်။ဘုန်းတော်ဘွဲ့တွေကိုသာတွင်တွင်ကြီးရေးနေကြ
ရတယ်။ဒီဘုန်းတော်ဘွဲ့တွေကိုအဟုတ်ကြီးထင်တဲ့၊အာဏာရှင်
အစိုးရမင်းများကလည်းအမည်ခံအနုပညာရှင်တွေကိုမတန်မရာဘွဲ့တွေ၊
အမည်ကောင်းလက်မှတ်တွေချီးမြှင့်ကြတယ်။ဒီလိုခေတ်စနစ်မျိုးမှာ
ဘယ်အနုပညာဟာဈေးကွက်တန်ဖိုး၊အနုပညာတန်ဖိုးမြင့်မားတဲ့ အနုပညာဖြစ်လာနိုင်ပါတော့မလဲ။
ခေတ်စနစ်ရဲ့ဆိုးကျိုးကြောင့်လူထုရဲ့အသိဥာဏ်မှာပါအနုပညာကို
နားမလည်နိုင်ခြင်းတည်းဟူသောတိမ်သလ္လာဖုံးကုန်ကြ တယ်။
လူထုက အနုပညာကိုအနုပညာလိုမမြင်တော့ဘူး။ အနုပညာသည်ကလည်းအနုပညာသည်လို မခံစား မတွေးတောနိုင်ကြတော့ဘူး။နောက်ဆုံးတော့ အနုပညာစစ်စစ်တွေလုံးပါးပါးပြီးကွယ်ပျောက်ကုန်တော့ ရတာပါ ပဲ။
(၇)
အနုပညာတွေရဲ့ကျဆုံးခန်းဟာ၊တိုင်းပြည်နဲ့လူမျိုးရဲ့ကျဆုံးခန်း
မဟုတ်ပေဘူးလားဗျာ။ဒီခေတ်ဆိုးစနစ်ဆိုးကြီးကို ဖန်တီးတည်ဆောက် ခဲ့ကြတဲ့အာဏာရှင်တွေဟာ၊အနုပညာစစ်စစ်တွေကွယ်ပျောက်ရခြင်းရဲ့
တရားခံအစစ်မဟုတ်ပေဘူးလား။
အင်း..ကျုပ်တယောက်တည်းအာချောင်နေတာအတော်များသွားပြီ
ထင်တယ်။စကားမစပ်၊ဒီကိစ္စအပေါ်ခင်ဗျားကော၊ဘယ်လိုထင်သတုန်း၊
ကျုပ်ကများတဖက်သတ်လိုရာဆွဲပြီးတွေးလွန်းနေသလား။
ခင်ဗျားရဲ့အ မြင်တခွန်းတပါဒဖြစ်ဖြစ်၊ကျုပ်ကို၊ပြန်ပြောပါဦးဗျာ။ ။
ရည်ညွှန်း။ ။
အကြင်နာနဲလှတယ်။
အိန္ဒိယစာရေးဆရာ-ဘာဘနီ-ဘတ္တာချာဂျီ
တက်တိုး(ကမ္ဘာ့ဝတ္ထုတိုများ၊၃၀၊၁၂၊၆၈)
သရုပ်ဖော်ပန်းချီ။ ။သီဟမောင်မောင်