၁ဇူလိုင်၂၀၁၆နေ့ထုတ် စောင့်ကြည့်ဂျာနယ်မှ။ ။
လူစာ၊ကြောင်စာ၊ခွေးစာနဲ့သုံးခါနာတဲ့မိအေး
(မင်းဒင်)
(၁)
၂၀၁၆ ဇွန် (၂၁) နေ့လယ်။ ။
“ဟယ်လို၊ဦးမင်းဒင်လားရှင့်။သမီးနာမည်စမ်းစမ်းအေးပါ”
“ဟုတ်ကဲ့”
“ဦးမင်းဒင်ကစာရေးဆရာဦးမင်းဒင်နော်”
“ဆိုပါတော့ဗျာ”
“ဦးလေးရဲ့တယ်လီဖုန်းနံပတ်ကို၊ဖေ့စ်ဘွတ်မှာတွေ့လို့ဆက်လိုက်တာ”
“ဟုတ်ပါပြီဗျာ။ညည်းပြောမဲ့စကားသာဆက်ပါ”
“ဟို၊ဟို၊ဟိုလေ။မဟာချိုင်၊ထလေထိုင်းငါးဈေးကိုအမေစုလာမယ်ဆိုတာ
ဦးမင်းဒင်သိတယ်နော်”
“သိပါ့ဗျာ”
“ဒါဆိုအမေစုကိုသမီးပြောချင်တာလေးတွေ၊ဦးလေးနဲ့လူကြုံစကားပါးချင်လို့ပါ”
“နေပါဦး။ညည်းက ဘယ်မှာနေပြီးဘာလုပ်သတုန်း”
“သမီးကထားဝယ်ဇာတိ၊အခုမဟာချိုင်မှာနေတယ်၊ငါးသေတ္တာစက်ရုံမှာ
လုပ်တယ်ဦး”
“အာ။ကျုပ်ကဖူးခက်မှာနေတာလေ။ညည်းကမဟာချိုင်မှာနေတာပဲဟာ။
အမေစုရောက်တဲ့အခါ၊အလုပ်သမားတွေနဲ့တွေ့ဆုံမဲ့ခန်းမထဲကို၊
ညည်းကိုယ်တိုင်စောစောရောက်အောင်သွားပြီး၊ညည်းပြောချင်တာတွေ၊
ကိုယ်တိုင်ပြောလို့ရတယ်လေ”
“လူရွေးပြီးခေါ်တာဦးရဲ့။သမီးတို့စက်ရုံမှာလည်းလူရွေးတယ်။ဒါပေမဲ့၊
အဲဒီစာရင်းထဲမှာသမီးမပါဘူး။အဲဒါကြောင့်ဦးကိုအပူကပ်တာ”
“အင်္ဂလန်ကလူ့အခွင့်အရေးရှေ့နေအန်ဒီဟောလိုလူမျိုးတောင်တွေ့ခွင့်ရဖို
့မသေချာဘူးသမီး။ဒါကြောင့်ကျုပ်လည်းမသွားတော့ဘူးလို့ဆုံးဖြတ်လိုက်တယ်”
(အတန်ကြာအောင် အသံတိတ်သွားပြီးမှ)
“ဒါဆိုရင်လည်းဦးလေးကစာရေးဆရာပဲဥစ္စာ။သမီးပြောချင်တဲ့စကားကို
အမေစု၊ဒါမှမဟုတ်အမေစုနားကလူတွေသိအောင်၊သတင်းစာ၊ဂျာနယ်
တခုခုမှာစာလေးတပုဒ်လောက်ရေးလိုက်ပါလားဦးရယ်”
“ညည်းအတော်လည်သကိုး။ကဲပါလေ။ပြောကြည့်ပါဦး။ရေးသင့်ရင်ရေးရတာပေါ့”
(၂)
သို့နှင့်..၊ထိုနေ့က၊ထိုင်းနိုင်ငံမဟာချိုင်မြို့နေ၊ထားဝယ်သူမကလေး၊
မစမ်းစမ်းအေး၏အမေစုသို့စကားလက်ဆောင်ကို၊နာရီဝက်နီးပါးမျှ၊
ကျွန်တော်နားထောင်ခွင့်ကြုံခဲ့ရပါ၏။သူမ၏အသက်အရွယ်ကိုသေချာစွာ
မမေးမိသော်ငြား သူ့လေသံအရ၊နှစ်ဆယ့်ငါးနှစ်ဝန်းကျင်ဟုခန့်မှန်းရပါသည်။
သူမသည်သွက်လက်ချက်ချာသောမိန်းကလေးဖြစ်ကြောင်းသူ့ပြောဟန်က
သက်သေခံလျက်ရှိ၏။သူ့ပြောစကားအရအတန်းပညာအားဖြင့်
ခုနစ်တန်းအောင်သည်ဟုဆိုပါသည်။သူမ၏စကားသံမှာထားဝယ်သံ
ဝဲလှသည်ဖြစ်ရာ၊ဖူးခက်မြို့ရှိထားဝယ်လူမျိုးတို့နှင့်အနေမစိမ်းလှသော
ကျွန်တော်ပင်အတော်ပင်ကြိုးစားပမ်းစားနားစိုက်ထောင်ခဲ့ရသည်။
သူ့စကားအဆုံး၌..၊ကျွန်တော့်စိတ်ထဲတွင်ကြီးစွာသောစာနာစိတ်ဖြစ်ပေါ်
မိသည့်အလျောက်၊သူမ၏စကားသံကိုဒေါ်အောင်ဆန်းစုကြည်
ကိုယ်တိုင်ကြားရသော်ကောင်းလေစွဟုနှလုံးပိုက်မိ၏။ထို့ပြင်
သူမ၏ရင်တွင်းခံစားချက်တို့ကိုစာဖတ်သူတို့အားမျှဝေသင့်သည်ဟု၊
ထင်မြင်ယူဆသည့်အတွက်၊သူမ၏ထားဝယ်လေသံကိုစာဖတ်သူအများ
အလွယ်တကူနားလည်စေရန်အလို့ငှာ၊မြန်မာစကားသံဖြင့်ဖလှယ်လျက်၊
မူရင်းအတိုင်းအောက်တွင်ရေးသားဖော်ပြလိုက်ပါသည်။)
(၃)
သမီးကထားဝယ်ဇာတိဦးရဲ့။ဗိုလ်မှူးကြီးဗထူးဆိုတာ၊ဦးကြားဖူးတယ်
မဟုတ်လား။အဲဒီဗိုလ်မှူးကြီးဗထူးရဲ့ချက်မြှုပ်လေးသွန်းခံရွာမှာ
သမီးကိုမွေးတာပေါ့။သမီးခုနစ်တန်းတက်တဲ့နှစ်မှာ၊တံငါလှေလုပ်တဲ့
အဖေလေဖြတ်တော့၊သမီးလည်းရွာကတခြားမိန်းကလေးတွေနည်းတူ
ထိုင်းကို၊ကော့သောင်းဘက်ကနေတဆင့်ရောက်လာတာပါပဲ။
အခုရွာမှာအဖေလူမမာ၊အမေနဲ့မောင်လေးတစ်ယောက်ကျန်ခဲ့တယ်။
ထိုင်းကိုရောက်ဖို့၊ပေးရတဲ့ပွဲစားခတို့၊လမ်းခရီးမှာခံစားရတဲ့ ဒုက္ခတို့ဆိုတာတွေကိုတော့၊အထူးအဆန်းလုပ်ပြီးပြော
မနေတော့ပါဘူးဦးရယ်။
နောက်ပြီးပတ်စပို့လုပ်ရတဲ့ဒုက္ခ။တရားဝင်သတ်မှတ်တဲ့ဈေးက
ဘတ်သုံးထောင်ဆိုပေမဲ့၊တကယ်တမ်းလုပ်တော့ ဘတ်တသောင်းကျော်ကျတယ်ဦးရယ်။အဲဒါကိုသေချာမသိတဲ့
သူတွေကပွဲစားမအပ်ပဲ၊ကိုယ့်ဖာသာကိုယ်လုပ်ပါလားတဲ့။
အဲဒါဘာမှမသိပဲလျှောက်ပြောနေကြတာဦးရဲ့။အမှန်ကဘယ်နည်းနဲ့မှ
ကိုယ်တိုင်လုပ်လို့မရအောင်၊တမင်လုပ်ထားကြတာ။လုပ်ထုံးလုပ်နည်း
တွေကလည်းရှုပ်မှရှုပ်။မြန်မာသံရုံး၊ထိုင်းပတ်စပို့ကုမ္ပဏီနဲ့ပတ်စပို့ပွဲစားတွေ မပါရင်၊လုပ်လို့မှမရတာ။စာရွက်စာတမ်းတွေခေါ်ပုံကိုပဲကြည့်။
ထော်လာစံပက်၊ပုံစံသုံးဆယ့်ရှစ်တဲ့။
ဒါလည်းထားလိုက်ပါတော့။ပတ်စပို့၊ရှိရှိကြီးနဲ့တောင်၊ထိုင်းပုလိပ်တွေက၊
ရမယ်ရှာပြီးဖမ်း၊ငွေတောင်းပြန်လွှတ်နေတာမျိုး၊ထိုင်းကိုအလုပ်လာ
လုပ်တဲ့သူမှန်သမျှခံစားနေရတဲ့ဒုက္ခမို့၊သမီးလည်းဒုက္ခလို့မထင်တော့ပါဘူး။
နေ့စားလုပ်ခတရက်ဘတ်သုံးရာဆိုတာလည်း၊သတင်းတွေထဲမှာသာ
ဖတ်ရတာ၊တကယ်တမ်းကျတော့၊သမီးတို့ ရတာဘတ်နှစ်ရာ့ ငါးဆယ်ပါပဲ။ဒါတောင်အလုပ်သွင်းပေးတဲ့ပွဲစားက၊တရက်ကို
ဘတ်နှစ်ဆယ်ဖြတ်တော့၊ဘတ်နှစ်ရာ့သုံးဆယ်ပဲကျန်တယ်။
ပြီးတော့ရေဖိုး၊မီးဖိုး၊ဖယ်ရီကားခ၊ဝတ်စုံဖိုးဆိုပြီးခေါင်းစဉ်မျိုးစုံနဲ့စာကလေး
ကိုအမွှေးနှုတ်သလိုပါပဲ။အလုပ်ချိန်ကလည်းပြောတော့ရှစ်နာရီ။
တကယ်တမ်းလုပ်ရတော့ဆယ်နာရီ၊အိုဗာပါတိုင်ဆင်းရတဲ့ရက်ဆို ၊နေ့စွဲတွေတောင်မှားကုန်တဲ့အထိပဲဦးရေ။
(၄)
သမီးတို့စက်ရုံကငါးသေတ္တာစက်ရုံဆိုတော့၊ငါးတွေကိုအရွယ်အစားရွေး
၊ဆေးကြော၊ကလီစာထုတ်၊သတ်မှတ်ထားတဲ့အရွယ်အစားအတိုင်း
လှီးခုတ်ဖြတ်တောက်..၊စတာတွေလုပ်ရတာပါပဲ။အဲဒီငါးသေတ္တာတွေကို
ထိုင်းဈေးကွက်အပါအဝင်တကမ္ဘာလုံးကိုပို့တယ်တဲ့ဦးလေးရဲ့။
သမီးကြားဖူးတာကတော့၊အဲဒီငါးသေတ္တာလုပ်တဲ့ငါးတွေဟာ
မြန်မာပြည်ရေပိုင်နက်ထဲကနေခိုးဖမ်းလာတဲ့ငါးတွေတဲ့။
ထူးဆန်းတာတခုပြောရဦးမယ်။
ငါးသေတ္တာစက်ရုံကနေသုံးမရလို့စွန့်ပစ်ရမဲ့၊အမြီးတွေခေါင်းတွေ၊
ကလီစာတွေကိုရောကြိတ်ပြီးခွေးစာတို့ကြောင်စာတို့လည်းလုပ်သေးသတဲ့။
ဟုတ်တယ်ဦးရ။ခွေးစာကြောင်စာအတွက်၊အဝိုင်း၊လေးထောင့်ပုံစံအပြင်၊
ဒီဇိုင်းဆန်းဆန်းလေးတွေနဲ့အစာခြောက်လုပ်သလို၊ထမင်းတို့ပေါင်မုန့်
တို့နဲ့နယ်ပြီးကျွေးရတဲ့အစာအစိုတွေကိုစည်သွပ်ဗူးနဲ့ထုတ်သေးတယ်။
ပလပ်စတစ်အိတ်ကလေးတွေနဲ့ထည့်ထားပြီး၊ဂျပန်ကိုပို့ရတဲ့ခွေးစာ
ကြောင်စာတွေဆို၊အဆင့်အတန်းမြင့်လွန်းလို့၊လူတွေတောင်အဆာပြေ
စားချင်ရင်စားလို့ရသတဲ့ဦးရေ။
သူများနိုင်ငံကခွေးတွေကြောင်တွေတောင်လူစားလို့ရတဲ့အစာတွေ
စားနေချိန်မှာ၊ကိုယ့်တိုင်းပြည်ထွက်အစားအစာကိုဝဝလင်လင်လွတ်လွတ်
လပ်လပ်မစားရတာကတော့၊သမီးတို့ပဲဦးရေ။ဟုတ်တယ်ဦးရဲ့။မြန်မာပြည်က၊
သမီးတို့စားသောက်နေကျအစားအသောက်နဲ့ဆေးဝါးတွေ၊
ဒီမှာဈေးသိပ်ကြီးတယ်။ထိုင်းမှာဘယ်သူမှမစားတဲ့ငါးနှပ်ခြောက်
(အာပြဲခြောက်၊ငါးဖောင်ရိုးခြောက်)ဆိုဈေးကြီးလွန်းလို့အနားတောင်
မသီနိုင်ပါဘူးဦးရယ်။
မြန်မာပြည်ထဲမှာသိပ်မစားကြတဲ့၊ယုဇနလက်ဖက်ချဉ်ထုတ်တောင်၊
တယောက်စာမရှိတဲ့အထုတ်လေးတထုတ်ကို၊ဆယ့်ငါးဘတ်ဆိုတော့
၊မြန်မာငွေနဲ့ဆို ငါးရာကျနေတယ်။အဲဒါတွေက သမီးတို့ထားဝယ်မှာတောင်နှစ်ရာကျပ်ပဲရှိပါတယ်ဦးရယ်။
ကဲ၊ဈေးကြီးတာထားလိုက်ပါဦး။အဲဒီလက်ဖက်ထုတ်လိုဟာမျိုးတောင်
သမီးတို့ကခိုးကြောင်ခိုးဝှက်ဝယ်ရတာမို့အလုပ်အားရက်မြန်မာ
စားစရာနဲ့မြန်မာ့ဘယဆေးပစ္စည်းတွေတပတ်စာလောက်ဝယ်ပြီး
ဈေးကပြန်လာပြီဆိုရင်၊လမ်းမှာထိုင်းပုလိပ်ဖမ်းမှာကို၊ရင်တထိတ်
ထိတ်နဲ့ကြောက်နေရတဲ့ဘဝပဲဦးရေ။
သမီးသိသလောက်မြန်မာပစ္စည်းရောင်းတဲ့ဆိုင်တိုင်းလိုလို၊ထိုင်းပုလိပ်ကို
လစဉ်ကြေးပေးရတယ်တဲ့။ပေးရတာလည်းတဖွဲ့တည်းမဟုတ်ဘူး။
တလတလငါးဖွဲ့ခြောက်ဖွဲ့အတွက်ဘတ်နှစ်သောင်းလောက်အထိပေးရတယ်တဲ့။
ဒီလောက်အဖမ်းအဆီးကြမ်းနေမှတော့၊ဈေးကြီးပြီပေါ့ဦးရယ်။သမီးစိတ်ထင်၊
သမီးတို့အမြတ်တနိုးစားနေတဲ့မြန်မာအစားအစာတွေရဲ့ထုတ်ပိုးပုံနဲ့၊
သန့်ရှင်းမှုအဆင့်အတန်းဟာ၊ဖြစ်ကတတ်ဆန်းနိုင်လွန်းလို့နိုင်ငံခြားက
ခွေးတွေကြောင်တွေမြင်ရင်တောင်စားမယ်မထင်ပါဘူးဦး ရာ။
(၅)
နူရာဝဲစွဲတယ်ဆိုတဲ့စကားပုံအတိုင်းပါပဲ။သမီးကိုယ်တိုင်ကြုံခဲ့ရတဲ့
အဖြစ်ကလေးတစ်ခုပြောပြရဦးမယ်။သမီးထိုင်းကိုရောက်ပြီးတနှစ်လောက်
အကြာကပေါ့။သမီးတို့စက်ရုံကသူငယ်ချင်းဆယ်ယောက်စုပြီး၊
ယုဇနချဉ်ဆယ်ထုပ်တွဲသုံးဆယ့်ငါးထုပ်ပါတဲ့၊အိတ်ကြီးတစ်အိတ်
ဝယ်ကြတယ်။ငွေပေါလို့တော့မဟုတ်ပါဘူး။တထုပ်ချင်းဈေးနဲ့ဆိုရင်၊
အတော်သက်သာတာမို့ဆိုပါတော့။
သမီးတို့မှာကအလုပ်ကပြန်လာရင်ခြေကုန်လက်ပမ်းကျပြီးဘာမှ
မချက်နိုင်မပြုတ်နိုင်တော့တာကြောင့်၊ကြက်ဥ၊ငါးသေတ္တာနဲ့
လက်ဖက်ကိုချည်း၊နင်းကျိတ်နေကြရတာကိုး။ကြက်ဥနဲ့ငါးသေတ္တာဆို
စားရဖန်များလွန်းလို့၊အနံ့ခံဖို့ မဆိုထားနဲ့မြင်တောင်မမြင်ချင်တော့တဲ့ အထိပါပဲ။ဒါပေမဲ့လက်ဖက်သုတ်ကျတော့ကိုယ့်မိရိုးဖလာစားနေကျမို့လို့လားမသိ၊နေ့တိုင်းစားလည်းမရိုးနိုင်ဘူးပေါ့။
တိုတိုပြောရရင်ဦးရယ်။အဲဒီလက်ဖက်အိတ်ကြီးကိုဈေးကနေ၊အလုပ်သမားတန်းလျားအရောက်ဆိုင်ကယ်ကယ်ရီနဲ့သယ်လာတုန်း၊လမ်းမှာထိုင်းပုလိပ်နဲ့တိုးပြီး၊
အဖမ်းခံရပါလေရော။
မိဝေ(အမလေး)။ထိုင်းပုလိပ်ပါးစပ်ကနေတလစပ်၊ရွတ်ပြလိုက်တဲ့ပုဒ်မတွေ
တသီတတန်းကြီးပဲဦးရေ။
အကောက်ခွန်မဲ့ပစ္စည်းရောင်းဝယ်မှုဖောက်ကားမှု၊ဗီဇာမှာအလုပ်ရှင်နာမည်
မတူမှု၊နယ်စပ်ကနေတရားမဝင်ပစ္စည်းခိုးသွင်းမှုဆိုတာတွေလည်း
ပါသေး။နောက်ဆုံးတော့ရဲစခန်းမလိုက်ချင်ရင်ဘတ်သုံးသောင်းပေးရမတဲ့။
ဘတ်သုံးသောင်းဆိုတာမြန်မာငွေဆယ်သိန်းကျော်ဆိုတော့၊ကျမ
ဘယ်မှာပေးနိုင်ပါ့မလဲ။ယုဇနအိတ်ကြီးကိုသာသိမ်းသွားပါတော့ဆိုတော့၊
လူကိုဖမ်းပြီးတရားစွဲမယ်တဲ့။
နောက်ဆုံးတော့ကျမငိုယိုပြီးတောင်းပန်တာကြောင့်၊ဘတ်တစ်သောင်းခွဲနဲ့ဈေး
တည့်သွားပြီး၊ဟိုကချေး၊ဒီကငှားနဲ့ကိစ္စပြတ်အောင်လုပ်လိုက်ရတယ်ဆိုပါတော့။
ထိုင်းပုလိပ်ကိုပေးလိုက်ရတဲ့ငွေတွေကိုသမီးနဲ့အစုစပ်ဝယ်ကြတဲ့
သမီးသူငယ်ချင်းတွေ၊အချိုးကျခံပေလို့သာပေါ့။သူတို့သာမကယ်ရင်
(ကန်တော့ပါရဲ့)ကျမလည်းဟိုအတန်းရောက်မဲ့ကိန်းပေါ့။
စကားအဖြစ်သာပြောရတာပါလေ။ဒီနိုင်ငံမှာကျမတို့မြန်မာအမျိုးသမီးတွေ
အဲဒီအတန်းရောက်ရင်လည်း၊တန်ရာတန်ကြေးရမှာမဟုတ်ပါဘူး။
(၆)
သမီးမသိလို့မေးပါဦးမယ်။သမီးတို့လို၊ရွေ့ပြောင်းအလုပ်သမားတွေ
စားဖို့သောက်ဖို့ဒီပစ္စည်းလေးတွေကို၊ထိုင်းဖက်ကကျားစီးဖားစီးဖမ်းဆီးနေတော့၊ စင်္ကာပူတို့၊ဂျပန်တို့၊ကိုးရီးယားတို့မှာကောဒီလိုပဲလားဟင်။
သမီးတို့မြန်မာ တပြည်လုံးအနှံ့၊လမ်းကြောင်းအမျိုးမျိုးနဲ့မြန်မာပြည်ထဲဝင်နေတဲ့ ထိုင်းထုတ်ကုန်ပစ္စည်းတွေကိုကော၊မြန်မာဖက်ကအဲသလိုပဲဖမ်းတာဆီးတာ
လုပ်ကြသလားဟင်။လူစာကိုကျမတို့လိုရွေ့ပြောင်းလုပ်သား၊လူတွေက လွတ်လွတ် လပ်လပ်စားသုံးခွင့်မရှိဘူးလားဟင်။
တချို့လူတွေပြောကြတာကတော့၊မြန်မာပစ္စည်းတွေဟာတရားဝင်
အခွန်ဆောင်မယ်ဆိုရင်တောင်၊အက်ဖ်ဒီအေဆိုလား၊ကျန်းမာရေး
အတွက်ဘေးအန္တရာယ်ကင်းရှင်းကြောင်းထောက်ခံချက်မပါတဲ့အတွက်
အခွန်ဆောင်လို့မရဘူးတဲ့။ဒါဆိုသမီးတို့ကဘေးအန္တရာယ်မကင်းတဲ့
၊မြန်မာအစားအစာဆေးဝါးတွေကိုစားသုံးနေကြရတာပေါ့နော်။
သူများနိုင်ငံကနေထုတ်တဲ့ခွေးစာကြောင်စာတွေများဘေးကင်းလွန်းလို့
လူတောင်စားလို့ရနေတဲ့ဥစ္စာ၊သမီးတို့တိုင်းပြည်ကလူစားဖို့သုံးတဲ့
ပစ္စည်းတွေကလူတွေအတွက်တောင်စိတ်မချရဘူးဆိုတော့၊
တခုခုတော့မှားနေပြီထင်တာပဲဦးရေ။
သမီးတော့သမီးတို့ဘဝကိုစဉ်းစားမိလေရင်နာလေပါပဲ။သမီးတို့ဟာ
ကိုယ့်တိုင်းပြည်ကနေခိုးဖမ်းလာတဲ့ငါးတွေကိုတကမ္ဘာလုံးစားဖို့၊
တန်ရာတန်ကြေးမဟုတ်တဲ့လုပ်အားခနဲ့လုပ်ပေးရတယ်။လူတွေအတွက်
တင်မဟုတ်ဘူး။
တကမ္ဘာလုံးကခွေးတွေကြောင်တွေအတွက်ပါ၊ပါသေး။သမီးတို့ကျတော့
၊ခွေးစာကြောင်စာလောက်တောင်ဘေးအန္တရာယ်မကင်းတဲ့
အစားအစာတွေကို၊ခိုးကြောင်ခိုးဝှက်ဈေးကြီးပေးပြီးဝယ်စားနေကြရတယ်။
မရိုသေ့စကား။သမီးကြားဖူးတာကတော့မိအေးနှစ်ခါတဲ့။အခုတော့
သမီးတို့အဖြစ်က မိအေး သုံးခါနာတဲ့အဖြစ်ပါ ကလားဦးရယ်။
သမီးပြောတာများသွားပြီထင်တယ်။ဒါပဲနော်ဦး။ကျေးဇူး အများကြီးတင်ပါ တယ်ရှန့်(ရှင့်)။ ။