Article 0

ယနေ့ထုတ်ဆဲဗင်းဒေးသတင်းစာ ။
၆ ၊ ၀၁ ၊ ၂၀၁၄ ။
မင်းဒင် ။

"သရေစည်သူဆြာဒင်နှင့်တခုသောလွတ်သဘင် "
(၁)
(ထွဋ်မြတ်တဲ့ စံဌာနီ လွတ်လပ်တဲ့ မြန်မာပြည်၊ မချွတ်အစဉ်လွတ်သဘင်၊ ဆင်နွှဲခဲ့ပြီ။ သဘင်ပွဲ သည်းညံစီ။ ဗမာ့ဟန်ရေး ရှေးထုံးမပျက်ပေါင် မရိုးစည်မောင်း ငြိမ့်ညောင်း ဝေေ၀စည်) ၂ ။
ဆြာဒင်နှင့်တပည့်ကျော်သုံးဦးကား လွတ်လပ်ရေးအောင်ပွဲကျင်းပရာ နေပြည်တော်ရှိ အမှတ်(၁)နေပြည်တော်အားကစား ကွင်းကြီးထဲတွင် ရောက်ရှိနေကြပြန်ချေပြီ။ အဆိုတော်ကြီးဒေါ်မြသက်မူ၏ လွတ်သဘင် တေးသံကား စတုဒီသာ အရပ် လေးမျက်နှာတွင် လွန်စွာစိတ်အားတက်ကြွဖွယ် ပျံလွင့်လျက်ရှိ၏။အဆိုပါဂန္ထဝင်သီချင်းကို ဂီတစာဆို ဂီတာတင်အုန်းက (၁၉၅၃)ခုနှစ်တွင် ရေးစပ်သီကုံးခဲ့သည်ဟု ဆြာဒင်မှတ်သားရဖူး၏။
မူလခရီးစဉ်အရသော် ဆြာဒင်နှင့်အပေါင်းအပါတို့သည် ရန်ကုန်လေဆိပ်မှသည်ဘန်ကောက်၊ ဘန်ကောက်မှသည် ဖူးခက် သို့ ပြန်ကြရန် ကနဦးအစီအစဉ်ရေးဆွဲထားသော်ငြား လေယာဉ်ပျံလက်မှတ်ဆုတ်မည့်နေ့တွင်မှ ကပ်၍ ကပ္ပလီငယ်က နားပူနားဆာ လုပ်လာခဲ့ပြန်ချေ၏။
"ဗျို့၊ဆြာဒင်၊နေပြည်တော်ရောက်ဖူးပြီလားဗျ"
"ရတနာပုံနေပြည်တော်ကို ဆိုလိုတယ်ထင်ပါ့။ပဉ္စမသင်္ဂါယနာတင် မင်းတုန်းမင်းတရားကြီးတည်ခဲ့တဲ့ အုတ်ကျစ်ကျော်အေး မန္တလေး နေပြည်တော်ကို အခေါက်ပေါင်းမရေတွက်နိုင်အောင် ရောက်ဖူးပါသော်ကော မောင်ရယ်"
"အာ၊လွဲချက်ကတော့ ကမ်းကုန်ရောပဲဗျာ။ဟိုလူကြီးလျှို့ဝှက်တည်ခဲ့တာလေ။ ကြပ်ပြေး၊ အဲ၊ ပျဉ်းမနား နေပြည်တော်ကို ပြောနေတာဗျ။ညံ့ချက် "
"ဖြေးဖြေးချင်း ပြစ်တင်ရှုံ့ချလည်း ရပါတယ်မောင်ရယ်။ကျုပ်က ရှေးလူကြီးမို့ နေပြည်တော်ဆိုရင် မန္တလေးကိုသာ ပြေးပြေး မြင်နေလို့ပါမောင်"
"ဆြာဒင်ပြောတဲ့ မန္တလေးက နေပြည်တော်တော့ နေပြည်တော်ပါပဲ။ ဒါပေမဲ့ ဗမာ့နေပြည်တော်တော့ မဟုတ်တော့ဘူးတဲ့ ဗျ။လေးလေးနက်နက် မေတ္တာရပ်ပါတယ်ဆြာဒင်ရယ်။ နေပြည်တော်က လွတ်သဘင်ကို မြင်ချင်လွန်းလို့ပါ။ဒီမိုကရေစီ ခေတ်ကြီးမှာ လွတ်သဘင်ကို ဘယ်လိုများ ကျင်းပကြသလဲ ကြည့်ချင်စမ်းပါဘိဗျာ"
ကပ္ပလီငယ်၏ ညောင်နာနာ မေတ္တာရပ်ခံချက်မဆုံးမီမှာပင် ဘေးပရိသတ်အဖြစ် ငြိမ်သက်စွာနားစွင့်နေကြသော အာရုံခေါ် ဖေကြည်နှင့်လေမင်းသား တို့ထံမှ "ဟုတ်တယ်၊ဟုတ်တယ်။ဒီကိစ္စကို ဆြာဒင်လိုက်လျောသင့်တယ်"ဟူသော ထောက်ခံသံ များတခဲနက်စီစီညံညံထွက်ပေါ်လာလေရာ ဘယ်ခရီးကိုမျှ ခြေမရှည်ချင်တော့သော ဆြာဒင်တယောက် သုံးမဲတမဲဖြင့် ရှုံးနိမ့်ကာ၊ သံဃာအားဘုရားသော်မှ မဆန်သာ ဟူသည့်ဆိုရိုးနှင့်အညီ၊ ဒီမိုကရေစီကျင့်စဉ်အတိုင်း ပျဉ်းမနားနေပြည် တော် လွတ်သဘင်သို့ ရောက်ခဲ့ရပြန်ချေသည်တမုံ့။
(၂)
(မင်းပေါင်း စုံစုံညီညီ၊ ဗိုလ်ရှုခံလမ်း ခန်းမဆီ၊ လျှမ်းပ ကြိုင်လျှံကာအတည်၊ နိုင်ငံတော်သမ္မတကြွချီ။အောင်လံတော်ကို အလေးပြုရပြီ။ ဗိုလ်ရှုသဘင် ဆင်ယင်တဲ့အခါမီ၊ကြည်း ရေ လေ စစ်သမီးမကျန်ရ။ဗမာ့တပ်မတော် စုံစုံညီ၊ ချီတက်ကာ မနှေး အလေးပြုကြပြီ။လာ လာချေပြီ)
မြင်ကွင်းကား ဧကန်ပင်ရင်သတ်ရှုမောဖွယ်ပါတကား။ရှုပါလော့။ သိန်းဆယ်ဂဏန်းမျှ ရှိနိုင်သည့် ပရိသတ်သည် ကွင်းလုံး ပြည့်လျက်ရှိ၏။ လွတ်သဘင် ကျင်းပရာ ကွင်းပြင်ကြီး၏ အထက်ကောင်းကင်ယံတွင် ရာဂဏန်းမျှရှိနိုင်သည့် ဗမာ့တပ် မတော်၏ တိုက်လေယာဉ်တို့သည် အုပ်စုအလိုက် ဂျွမ်းထိုး၍တဖုံ၊ ပုံစံအမျိုးမျိုးဖော်၍တနည်း အံ့ဘနန်းပျံသန်း စစ်ရေးပြလျက်ရှိ၏။ တစင်းသော လေယာဉ်သည် လွတ်သဘင်ကွင်းကြီးထဲသို့ ပန်းမိုးရွာစေလျက်ရှိ၏။ ကွင်းအတွင်း တွင်ကား ကြည်းရေလေဗမာ့ တပ်မတော်စစ်ကြောင်းအသီးသီးသည် ဗိုလ်ရှုခံစင်မြင့်ပေါ်ရှိ နိုင်ငံတော်သမ္မတကြီးကို ချီတက် အလေးပြုလျက်ရှိ၏။ ထိုမြင်ကွင်းတို့ ထက်ထူးထွေသည့်အံ့ရာသော်ဖြစ်ရသည်ကား စစ်ကြောင်းကြီးများ၏ ရှေ့၊ထိပ်ဆုံးမှ လိုက်ပါလာသော ကာကွယ်ရေးဦးစီးချုပ်သည် နိုင်ငံတော်သမ္မတကြီးအား အလေးပြုနေခြင်းပေတည်း။
ထူးခြားလှသောမြင်ကွင်းအဖုံဖုံကြောင့် ဆြာဒင်သည် မှင်တက်မိနေမိ၏။ နေပြည်တော်ခရီးကိုလောဆော်ခဲ့လေသော နောက်တော်ပါကပ္ပလီနှင့်အဖွဲ့ကိုလည်း ကျိတ်၍ကျေးဇူးအတင်ကြီးတင်လျက်ရှိ၏။သမ္မတကြီးဗိုလ်ရှုခံနေစဉ်အချိန်အတွင်း လွတ်လပ်ရေးကြေညာစာတမ်းကို ထူးထူးခြားခြားအသံသြဇာကောင်းမွန်လှသော ပုဂ္ဂိလ်ကြီးတဦးက ဖတ်ကြားထုတ်လွှင့် နေသည်ကို ကွင်းပြင်လေးဖက်လေးတန်ရှိ လော်စပီကာများမှ ပီသစွာကြားနေရလေသည်။ ဆြာဒင့်စိတ်ထင် အဆိုပါ အသံ ရှင်သည် ခေတ်ဟောင်းရုပ်ရှင်မင်းသားကြီး ဗိုလ်ဗကိုဟုထင်မိ၏။တစ်စုံတစ်ခုမှားယွင်းနေလေသလော။

(၃)
လွတ်လပ်ရေးကြေညာစာတမ်း
-အောင်စေသတည်း
-ကောင်းမြတ်သန့်စင် မင်္ဂလာအပေါင်းနှင့် ပြည့်စုံသောအခါ၌ ဤငါတို့ မြန်မာပြည်သည် လုံးဝ လွတ်လပ်သော အချုပ်အချာ အာဏာပိုင် ပြည်ထောင်စုသမ္မတ မြန်မာနိုင်ငံတော်ကြီး အဖြစ်သို့ ရောက်ပြီ။
- ဤငါတို့ မြန်မာနိုင်ငံတော်ကြီးသည် လိုရာမတ ပြည့်စုံလှ၍ ဘူမိနက်သန်မှန်သော မြေထူးမြေမြတ် လည်းဖြစ်၏။ မွန်မြတ်သန့်စင်သော တရားထူး တရားမြတ်တို့တည်ရာ မြေကောင်းမြေမွန်လည်း မှန်၏။ ဘူမိနက်သန် မှန်လှ ထူးချွန်၊ဤ မြေမွန်မြေမြတ်၌ ရှမ်း၊ ကချင်၊ ကရင်၊ ချင်း၊ မွန်၊ မြန်မာ စသည်ဖြင့်။
တညီတညွတ် တစုတရုံး လွတ်လပ်သော လူမျိုးအဖြစ် တည်ခဲ့ကြ၏။ တကောင်း၊သရေခေတ္တရာ၊ ပုဂံ၊ မြင်စိုင်း၊စစ်ကိုင်း၊ ပင်းယ၊အင်းဝ၊ကုန်းဘောင် ထို့နောက် မန္တလေးအထိ ငါတို့၏ လွတ်လပ်ရေးသည် နေရောင်လ၀ါပမာကဲ့သို့ တဖြာဖြာ တ၀င်းဝင်း ကမ္ဘာချဉ်းအောင် ထွန်းလင်းခဲ့ပေ၏။
ဤမြေထူးမြေမြတ်၌ နှစ်ပေါင်းထောင်ရာ စောင့်ထိန်း၍လာခဲ့ကြသော ငါတို့၏ လွတ်လပ်ရေးသည် ငါတို့လက်မှလွတ်၍ လက်အောက်ခံဘ၀သို့ လုံးဝရောက်ခဲ့ကြရသည်။
နေ၀ါလရောင်သည် ပကတိအရေကို ပြန်၍ဆောင်လေဘိသကဲ့သို့ ငါတို့အပေါ်၌ လွှမ်းဖုံးအုပ်သော နယ်ချဲ့ ၀ါဒသည် ငါတို့၏ ကမ္ဘာရှည်မြင့် ရင့်မာလှသော လွတ်လပ်ရေး စိတ်ဓါတ်၏ အရှိန်အတောက်ကိုမခံနိုင်ရာကား .....၊
ဤနေ့ ဤအခါမှစ၍ ငါတို့သည် အသူရိန် ခံတွင်းမှ ရှင်းရှင်းကြီး လွတ်မြောက်အပ်သော လပြည့်စန်းပမာ သန့်ရှင်းစင်ကြယ် ချမ်းမြေ့သာယာစွာဖြင့် လုံးဝလွတ်လပ်သော ဘ၀ထူး ဘ၀မြတ်ကို လက်ဆုပ်လက်ကိုင် အပိုင်ရရှိကြပြီ။
(၄)
စိတ်လှုပ်ရှားဖွယ်မြင်ကွင်းနှင့်အသံတို့တွင် နစ်မျောကာ မှင်တက်နေသာ ဆြာဒင်သည် တပည့်ကျော်ကပ္ပလီ၏အသံ ကြောင့် သတိပြန်ဝင်လာသည်။
"ဗျို့ဆြာဒင်။ ဒီအခန်းအနားပြီးရင် သမ္မတကြီးက ဘွဲ့ထူးဂုဏ်ထူးတွေပေးအုံးမှာတဲ့ဗျ။ကျုပ်တို့နာမည်တွေတော့ မပါ လောက်ဘူး။ ဒီကိစ္စ ဆြာဒင့်မှာတာဝန်ရှိတယ်"
"အာ၊မဆိုင်တဲ့အပေါက်ကိုဂလိုင်နဲ့လာခေါက်နေပါပကော။ ဘွဲ့ထူးဂုဏ်ထူးဆိုတာ တိုင်းပြည်အတွက် စွမ်းစွမ်းတမံအလုပ် လုပ်ခဲ့သူတွေကို ပေးတာလကွာ"
"ဟုတ်တယ်လေ။ ကျုပ်တို့လည်း ဒီမိုကရေစီရအောင် အန်ဂျီအိုဘဝနဲ့ စွမ်းစွမ်းတမံလုပ်ခဲ့ကြတာပဲ"
"မင်းကွာ၊ဓာတ်သိချင်းလာကြွားနေပြန်ပြီ။ မင်းတို့လုပ်တာက လစာကောင်းကောင်းရတယ်လေ။ နောက်တော့ အလှူရှင်အန်ဂျီအိုအဖွဲ့တွေကို တင်ပြတဲ့ ပရိုပိုဆယ်တွေကလည်း မင်းတို့သဘောနဲ့ မင်းတို့ ထင်ရာမြင်ရာ၊လက်သင့်ရာ ...."
"ဟာ၊ဆြာဒင် ဒီလိုပြောကြကြေးဆို သူတို့လည်း လစာကောင်းကောင်းရတာပဲ။နောက်ပြီး ...."
"ဟေ့ကောင် တော်တန်တိတ်။ ပုဂ္ဂိုလ်ရေးနိုင်ငံရေးတွေပါမလာနဲ့။ သည်လောက်တောင် ဘွဲ့ထူးလိုချင်ရင် နင့်ကို ဆြာဒင် ကိုယ်တော်တိုင် ဘွဲ့ပေးမယ်။ဒီနေ့ကစပြီး သီရိပျံချီကပ္ပလီလို့ခေါ်စေဗျာ။ ကဲ။ကျေနပ်တော့။ လွတ်လပ်ရေးကြေညာ စာတမ်းကို နားထောင်စမ်းပါဟ။ ကြားရခဲဘိချင်း"
(၅)
-ယခု ငါတို့ရရှိအပ်သော လွတ်လပ်ရေးသည် ရေတွင်ရုပ်ရေး မြသွေးကောင်းကင် တိမ်ရိပ်ထင်သကဲ့သို့သော လွတ်လပ် ရေး မဟုတ်။ ဗိုလ်ချုပ်အောင်ဆန်းနှင့်တကွ အ၀၀သော ကူးတို့မှူး ခေါင်းဆောင်ကြီးတို့၏ မဆုတ်မနစ်သောလုံ့လ၊ မလျော့ သောဝိရိယ၊ ဆီမီးတန်ဆောင်ကဲ့သို့ ထွန်းပအပ်သော ဥာဏ်မျက်စိ၊ ၀ဇီရစိန်သွားကဲ့သို့ စူးရှသောသတ္တိတို့ကြောင့် တန်ခိုးရှိန်ဝါ တေဇာအပေါင်းတို့နှင့် ပြည့်စုံသော အချုပ်အချာတည်း ဟူသော အာဏာထူးအမြတ်ကို ငါတို့လက်ကိုင် အပိုင်ရရှိကြပြီ။
-ငါတို့သည် တမျိုးဘာသာ တစိတ်တဒေသ၏ ကောင်းကျိုးချမ်းသာကို မလိုလား။ ကျောသားရင်သား သူကားငါကား ခွဲခြားခြင်းကို အလိုမရှိ။ မြစ်ချောင်းသီတာ သမုဒ္ဒရာတောင်တန်းတို့ဖြင့် ကမ္ဘာ့ဓမ္မတာ သဘာဝ အပိုင်းအခြား ထင်ရှားစွာ သတ်မှတ်အပ်သော ရာဇ၀င်ရှည်ဝေး ရှေးပဝေဏီမှစ၍ ယခုထက်တိုင် မြန်မာနိုင်ငံသားဟု သမုတ်အပ်သူ တိုင်းရင်းသား အပေါင်းတို့ ဇာတိချက်ကြွေ နေထိုင်ရာ မြန်မာနိုင်ငံတော်တ၀ှမ်းကို တသွေးတသားတည်းဟူသော ကြိုးထူး၊ တစိတ်တ၀မ်း တည်းဟူသော ကြိုးထူး၊ အလိုအလျောက် သဘာဝ အထောက်အပံ့ဖြင့်သာလျှင် ဖြစ်ပေါ်အပ်သော စေတနာတည်း ဟူသော ကြိုးထူး၊ ဤကြိုးသုံးပါးဖြင့် ကမ္ဘာဆုံးတိုင်မြဲခိုင် တည်တံ့အောင် ရစ်ပတ်ဖွဲ့စည်းအပ်သော ပြည်ထောင်စုအဖြစ်ကို လက်ဆိုက်လက်ကိုင် ငါတို့အပိုင်ရလေပြီ။
(၆)
"ဒါတော့ ဆြာဒင်မတရားဘူးဗျ။ ကပ္ပလီက သီရိပျံချီဖြစ်ပြီး ကျုပ်တို့ကတော့ အဖြူထည်ကြီးပေါ့"
တပည့်သားမြေးဟူသည် တခါတရံလွန်စွာစိတ်ပျက်ဖွယ်ကောင်းလေစွ။ လေမင်းသားနှင့်ဖေကြည်တို့ထံမှ မကျေမချမ်း ပေါက်ပေါက်ဖောက်သံတို့ထွက်ပေါ်လာပြန်ချေပြီ။
"မင်းတို့နှယ်ကွာ။ ဘုတ်ကျီးမြှောက်၊ကျီးဘုတ်မြှောက် လေထဲမှာပေးနေတဲ့ ဘွဲ့ကို အငမ်းမရလာဖြစ်နေကြတာ အံ့ချက်"
"ဟုတ်သေးဘူးဆြာဒင်။ ဆြာဒင်က လေနဲ့ဘွဲ့ပေးရမှာကို တွန့်တိုနေတာ ကျုပ်တို့အံ့ချက်"
"တော်တော်လက်ပေါက်ကပ်တဲ့ မောင်တွေပါကလား။ ကဲ သို့ကလိုဖြင့် မောင်မင်းတို့နှစ်ယောက်လည်း ဇေယျကျော်ထင် ဘွဲ့ရည်ကိုအသီးသီးယူကြစေဗျား။ဇေယျကျော်ထင်ဖေကြည်၊ဇေယျကျော်ထင်လေမင်းသားဖြစ်စေသတည်း။ကဲ။ကျေနပ်
လောက်ပြီထင်ပါရဲ့"
"နေဦးဆြာဒင်။ ကျုပ်တို့ချည်းမပြီးဘူးလေ။ ဆြာဒင်လည်း ဘွဲ့တခုခုတော့ ရသင့်တယ်လေ"
"ဟ။ ဆြာဒင်က မောင်တို့အထဲမှာ အကြီးဆုံးဆိုတော့ သရေစည်သူ ဆြာဒင်လို့သာ မှတ်ပေတော့ကွာ။ တကတည်းကွာ၊ လွတ်လပ်ရေးကြေညာစာတမ်းကို စိတ်ဖြောင့်ဖြောင့်နားထောင်ရတယ်ကိုမရှိဘူး"

(၇)
-ငါတို့နိုင်ငံတော်ကြီးသည် မည်သူတဦးတယောက် တဖွဲ့တသင်း၏ အမွေအနှစ် မဟုတ်။ မည်သူ တဦး တယောက် တဖွဲ့တသင်း၏ ပုဂ္ဂလိက အပိုင်ပစ္စည်းမဟုတ်။ မည်သူ တဦးတယောက် တဖွဲ့တသင်းက ချုပ်ကိုင် အနိုင်သိမ်းယူ အကျိုး ခံစားအပ်သော နိုင်ငံ မဟုတ်။ ........။
မှီတင်းနေထိုင်ကြသော ......။လူအပေါင်းတို့၏ သဘောဆန္ဒအရ လူအ၀ှမ်း၏ အကျိုးကို ကောင်းစွာဆောင်ရွက်နိုင်အံ့သော ပုဂ္ဂိုလ်ကို ရွေးကောက်၍ သမ္မတတင်မြှောက်ကြသော .......။လူအပေါင်းတို့၏ ဆန္ဒသာလျှင် အဓိကဖြစ်သော၊ သမ္မတ မြန်မာ နိုင်ငံတော်တည်းဟူသော မြတ်သော အဖြစ်ကို လက်ဆုပ်လက်ကိုင် ငါတို့အပိုင်ရပြီ။
-သိကြကုန်လော့။ ......။တိုင်းရင်းသားအပေါင်းတို့ သွေးစည်းညီညွတ်လျက် အခွင့်အရေး၊ အဆင့်အတန်း တူညီသည့် ပြည်ထောင်စုသမ္မတမြန်မာနိုင်ငံတော်ကြီးကို တည်ထောင်ပြီ။........။ ငါတို့၏ လွတ်လပ်ရေးကို ငါတို့ ချစ်မြတ်နိုးသည် နှင့်အညီ တပါးသူတို့၏ လွတ်လပ်ရေးကိုလည်း ငါတို့ လေးစားစောင့်စည်းမည်။ ငါတို့သည် ငြိမ်းချမ်းရေးကို အလိုရှိ သည်နှင့်အညီ ငါတို့ကဲ့သို့ လိုလားသူများနှင့် လက်တွဲ၍ ကမ္ဘာ့ငြိမ်းချမ်းရေးကို ကာကွယ်စောင့်ရှောက်မည်။
-ဤ ငါတို့ ကျေညာချက်ကို တကမ္ဘာလုံး တယောက်မကျန် ကြားသိစေသတည်း။
(၈)
လွတ်လပ်ရေးကြေညာစာတမ်းဖတ်ကြားပြီးဆုံးချိန်တွင်ကား လူထုပရိသတ်ကြီး၏ သြဘာသံသည် ဘဝဂ်တိုင်မည်ဟိန်းနေ ယောင်တကား။ထိုခဏတွင် မို့မို့မည်းမည်း သဲသဲလှုပ်နေသော လူအုပ်ကြီးအတွင်းမှ စကြာဝဠာမယ်တမျှချောမောလှပ သော မိန်းမပျိုတဦ်းသည် ဆြာဒင့်ကို အသည်းအသန်ရှာဖွေနေရာမှ ရုတ်ခြည်းတွေ့လိုက်ဟန်ဖြင့် ပုဝါဖြူငယ်ကို ဝှေ့ယမ်း ကာ အငမ်းမရနှုတ်ဆက်နေလေသည်။
"ဟေး။ အန်ကယ်ဒင်။ ရှာလိုက်ရတာ အန်ကယ်ရယ်။ ဝိုင်လည်း ဒီကိုရောက်နေတာအန်ကယ်ရဲ့"
အလိုလေး။ မိုးစက်ဝိုင်ပေတကား။
ဝမ်းသာလုံးအပျော်လုံးဆို့တက်သွားသောဆြာဒင်သည် ရုတ်တရက်ကျလာသော သွားရည်တို့ကို လက်ဖမိုးဖြင့်သုတ်ရင်း အပြေးတပိုင်းနှုတ်ဆက်လာသော ကလေးမအား အားပါးတရပျူငှာလှိုက်လှဲစွာ ခွန်းတုံ့ပြန်ရန် ပြင်ဆင်နေစဉ်ခဏ၌ အာရုံခေါ်ဖေကြည်၏ ငှက်ဆိုးထိုးသံကြောင့် ဆြာဒင်၏ အိပ်မက်ကမ္ဘာမှာ တစစီပြိုကွဲ သွားရလေတော့သည်။
"နေဖင်ထိုးနေပြီဆြာဒင်။ ထတော့။ အပြင်မှာလွတ်လပ်ရေးနေ့ချောတိုင်တက်ပွဲနဲ့ ဒီလောက်ဆူညံနေတာတောင် အိပ်မော ကျနေသေးတာ အံ့ရော။ပါးစပ်မှာလည်း သွားရည်တမြားမြားနဲ့ သွားရည်စည်သူဖြစ်နေပါပကော။ နေပြည်တော် သွားဖို့ အစီအစဉ်ဖျက်လိုက်တော့ဆြာဒင်။နေပြည်တော်မှာ လွတ်သဘင်အခန်းအနား မရှိဘူးတဲ့ဗျ"
မလိုသူတို့၊မည်သို့ဆိုစေ။ အိပ်ချင်မူးတူးဖြစ်နေသော ဆြာဒင်၏စိတ်တွင်မူ အဆိုတော်ကြီးမြသက်မူ၏ သီချင်းသံစာသားကို အောက်ပါ အတိုင်း ထင်မိထင်ရာကြားယောင်လျက်ရှိဆဲကား မှန်သောသစ္စာစကားဖြစ်ချေ၏။
(ပျို့ချစ်ဦးလည်း ထူးကဲဟန်ချီ၊ တပ်မတော် ရှေ့တန်းဆီ၊ မှန်းဆစရာ မြူမစဲ၊ လူလည်း မသည်းကွဲသည်။ မို့မို့မည်းမည်း သည်းသည်းညံစီ ကြွေးကြော်နေကြသည်။တိုးတိုးကာ လူတွေထဲ ဝိုင်လည်းပါနေသည်။ ပုဝါဖြူကလေး ရမ်းကာပဲ ဒင် ကလည်း ဝိုင့်ကိုတွေ့ပြီ ဝိုင်ကလည်း ဒင့်ကိုတွေ့ပြီ။ အားပေးကြွေးကြော်သံ ညံစီ လွတ်သဘင်ပွဲ ဆင်နွှဲခါတော်မီ)

Article 0

Trending Articles

အစ္စရေး တိုက်နေတဲ့စစ်ပွဲတွေက နိုင်ငံ့ စီးပွားရေးအပေါ် ဘယ်လောက်အထိနာစေလဲ

TTA Oreo Gapp Installer

အချိန်ကုန်သက်သာစေမယ့် အုတ်ခင်းစက်

ဘာဖြစ်လို့ စစ်သားတွေ အလေးပြုကြသလဲဆိုတဲ့ မေးခွန်းအတွက်ပါ

မယ်နု နှင့် မောင်အို အုပ်စု တန်ခိုးထွားခြင်း

“တွေးမိတိုင်း အရိုးနာသည် အမျိုးပါ ဆဲချင်ပေါ့လေး”

သားသမီး ရင်သွေးရတနာအတွက် ပူပင်သောက များနေတယ်ဆိုရင်

♪ လေးဖြူ -BOB - ဘင်္ဂလားပင်လယ်အော် MP3 Album ♫

ပူဇော်ခြင်းနှစ်မျိုး

ထောင်ထဲမှာ တွေ့ခဲ့ရသော ဆင်ဖမ်းမယ် ကျားဖမ်းမယ်ဆိုတဲ့ ဗိုလ်မှူး ဗိုလ်ချုပ်တွေ -...

ဂျူနီယာဝင်း -ဒေါက်တာဂျက်ကဲလ် နှင့် မစ္စတာဟိုက်

အင်ဂျင်နီယာဆိုင်ရာစာအုပ်များ (၁၁ အုပ်)

စာအုပ်ပေါင်း ၆၀၀ ကျော်ပါတဲ့ Link

ကညနမှ နယ်လှည့် ပုံမှန် ယာဉ်မောင်းလိုင်စင်သက်တမ်းတိုးပေးခြင်းအဖြစ်...

မိုးဇေညိမ်း ဘာလဲ ဘယ်လဲ ??

ဝေရှောက်ကမ်း ဘယ်ရောက်သွားပြီလဲ

အိမ်တွင်း နတ်အတွက် အိမ်တွင်း အုန်း ထားသင့် မထားသင့်

Windows 10 19H1 Airlock Premium v4 Permantly Activated 2019 (x64)

ပဲပိုးတီ စိုက်ပျိုးနည်း

၁၃ နှစ် အရွယ် မယားပါသမီးကို အကြိမ်ကြိမ်မုဒိမ်းကျင့်သူ ပထွေးကို ရဲက ဖမ်းဆီး