Article 0

ယနေ့ထုတ်ဆဲဗင်းဒေးဂျာနယ်
၀၈ ၊ ၀၁ ၊ ၂၀၁၃

အခန်း(၁၁)

အတ္တခါးခါး၊ဘဝဟာ ကော်ဖီခါး။

"သေချာစဉ်းစားကြည့်တော့ ဒီလို ကမ်းမမြင်လမ်းမမြင်ပင်လယ်ကြီးထဲက ရုန်းရင်းဆန်ခတ်ကိစ္စကြီးမှာ ရာမန်လို ဆယ့် လေးနှစ်သား ကလေးငယ်က ဘာမှ ဝင်စွက်လို့မရနိုင်ပါဘူး။ အနေမတတ်၊အပြောအဆိုမတတ်ရင် ရေထဲကန်ချပြီး လက်စ ဖျောက်တာတောင် ခံရအုံးမယ်။လွိုင်ဆော့ဖ်ရဲ့ ပင်လယ်ဓားပြမှုဟာ ရာဇဝတ်ဘေးပြေးမလွတ်ဆိုတဲ့ ဆိုရိုးနဲ့တော့ အံဝင် နေတယ်ဗျ။ ဒီအမှုနဲ့ လွိုင်ဆော့ဖ် အပါအဝင် နဖူးစာစက်လှေရဲ့ လှေသားအားလုံးအဖမ်းခံရပြီး နှစ်ရှည် ထောင် နန်းစံကြ ရတယ်"

"တကယ်တော့ လွိုင်ဆော့ဖ် လက်စွမ်းပြလိုက်တဲ့ ကြယ်နီစက်လှေရဲ့ပိုင်ရှင်ဟာ ဦးကင်းတဲ့ဗျ။ ဦးကင်းကလည်း ခေသူမ ဟုတ်ဆိုတဲ့အထဲက လို့ဆိုရမယ်။သူ့နောက်မှာ ထိုင်းဖာဖီးယားတွေ ရှိနေသတဲ့။ သူ့လှေလက်စဖျောက်ခံရတဲ့ အမှုကို နှစ်နိုင်ငံ အာဏာပိုင်တွေနဲ့ကော၊ထိုင်းမာဖီးယားတွေနဲ့ပါ တောနင်းပြီး သတင်းအစအနရှာတယ်။ဖြစ်ချင်တော့ ကြယ်နီ စက်လှေရဲ့ ပဲ့နင်းဟာ ရေထဲကန်ချခံရရာကနေ ဘေးမသီရန်မခပဲ ဦးကင်းဆီ ပြန်ရောက်လာပြီး ဖြစ်ပျက်ပုံ အလုံးစုံကို ပြန်သံတော်ဦးတင်နိုင်တာကြောင့် လွိုင်ဆော့ဖ်တို့ တဖွဲ့လုံး ရုံးတင်ခံကြရရောပေါ့ဗျာ။ဦးကင်းဆိုတာ ထိုင်းလူမျိုးဗျ။ ထိုင်းတချို့ရဲ့နာမည်တွေရဲ့ ရှေ့မှာ ဗမာနာမည်တွေလိုပဲ "ဦး""ကို"တပ်ခေါ်လေ့ရှိကြတယ်။ထောင်နန်းစံရတဲ့ လွိုင်ဆော့ဖ်ရဲ့ တပည့်လက်သားအတော်များများဟာ ထောင်ထဲမှာ သေကုန်ကြသတဲ့။ အမယ်၊ လွိုင်ဆော့ဖ်ကတော့ ဆယ်နှစ်နီးပါး ထောင်ထဲမှာ နေခဲ့ရပြီး အခုအချိန်အထိ ရနောင်းမြို့မှာ ကျန်းမာပကတိ ချမ်းသာစွာရှိနေတုန်းဗျ။ အတော်တော့ အိုစာသွားပြီပေါ့ဗျာ"

"နေဦးဗျ။ရာမန်ပြောပြတဲ့ ထိုင်းမြန်မာနယ်စပ်က ငါးဖမ်းစက်လှေတွေနဲ့ပတ်သက်တဲ့ အကြောင်းအရာတချို့ဟာ စိတ်ဝင်စားစရာတော့အကောင်းသားဗျ။ဆိုနာဆိုတဲ့ ပင်လယ်ထဲက ငါးတွေကို ကြည့်နိုင်တဲ့ ကိရိယာဟာ ဝါးတန်းလှေတွေ မှာသာ အသုံးများသတဲ့။ အကြမ်းဖျဉ်းသဘောကတော့ ငါးအုပ်ရှိတဲ့ နေရာ၊ပင်လယ်ပြင်ရဲ့ကောင်းကင်မှာ ငှက်အုပ်တွေ ပျံဝဲနေတတ်သတဲ့။နောက်တော့ ငါးအုပ်တွေဟာ အထူးသဖြင့် ပင်လယ်ထဲက ကျွန်းတွေအနားတဝိုက်မှာ လှည့်ပြီး အုပ်စုဖွဲ့ ကျက်စားတတ်ကြတယ်။ ငါးတွေဟာ ကျွန်းခိုတတ်ကြတယ်ဆိုပါတော့။ မိုးရွာတဲ့အခါ ကျွန်းတွေပေါ်က စီးကျလာတဲ့ မြေဆီမြေနှစ်တွေ၊ ပိုးဖလံတွေ၊သစ်ရွက်ခြောက်တွေဟာ ငါးတွေသိပ်ကြိုက်တဲ့အစာပဲတဲ့ဗျ။အမယ်၊ငါးမှာလည်း အသိ ဥာဏ်ရှိတယ်ပြောရမလားပဲ။ငါးတွေဟာ ဗမာရေတပ်စစ်သင်္ဘောကြီးတွေနားမှာလည်း ခိုအောင်းနေတတ်ကြသတဲ့။ ဒီသင်္ဘောကြီးတွေဟာ သူတို့ကိုဖမ်းမဲ့ သင်္ဘောတွေမဟုတ်ဘူးဆိုတာ ငါးတွေအလိုလိုသိကြတယ်ထင်ပါ့။အေးပေါ့ဗျာ။ သဘာဝတရားကြီးက ငါးသတ္တဝါတွေကိုပေးအပ်ထားတဲ့အသိတရားပေါ့။ဗမာရေတပ်သင်္ဘောကြီးတွေဆီက စွန့်ပစ်လိုက်တဲ့ စားကြွင်းစားကျန်တွေကြောင့်လည်း တကြောင်းပါမယ်ထင်ပါရဲ့"

"စကားမစပ် ငချွတ်ကလေးရာမန်ဟာ ထိုင်းငါးဖမ်းစက်လှေလောကမှာ ဖုကျတ်ကန် ဖြစ်လာသေးသတဲ့ဗျ။ ဖုကျတ်ကန် ဆိုတာ အလုပ်ကြပ်၊မန်နေဂျာဆိုတဲ့အဓိပ္ပါယ်ပါပဲ။ ကျနော်တို့ နိုင်ငံသား မွန်ထားဝယ်တွေကတော့ ဖိုးကြက်ကန်းလို့ ခေါ်ကြ သဗျ။ရာမန် ဖိုးကြက်ကန်း ဖြစ်လာပုံကလည်း တမျိုးဆန်းတယ်ဆိုရမယ်။လွန်ခဲ့တဲ့နှစ်ဆယ့်ငါးနှစ်ဝန်းကျင်ကပေါ့။

ရာမန်ဟာ ငါးဖမ်းလှေတစီးနဲ့အတူ ဗမာ့ပင်လယ်ပြင်ထဲကနေ ငါးကဲ့ပြီး ထိုင်းဖက်ကိုပြန်အလာ၊ ကော့သောင်းနားက မပုတေးကျွန်း နားရောက်တော့ ထိုင်းငါးဖမ်းလှေ အစီးသုံးဆယ်လောက်ကို ဗမာရေတပ်သင်္ဘော (၄၀၂)က ဖမ်းထားတာ တွေ့ရသတဲ့ဗျ။ ရာမန်တို့လှေလည်း အဖမ်းခံရတာပါပဲ။ ဒါပေမဲ့ ပထမလှေအစီးသုံးဆယ်ကို မနက်အစောကြီးက ဖမ်းထားတာတဲ့ဗျ။ စက်လှေပိုင်ရှင်က ထိုင်းလူမျိုးဖြစ်ပေမဲ့ လှေပေါ်ပါလာတဲ့ လှေသားအားလုံးဟာ ထားဝယ်တွေချည်းပဲ ဖြစ်နေတာကြောင့် ဖမ်းထားတဲ့ ရေတပ်က ထားဝယ်စကားကို နားမလည်ကြဘူးတဲ့။ဒီအချက်ကလည်း တော်တော် သဘာဝကျတယ်ဆိုရမယ်။ ကျနော်ထိုင်းကိုရောက်စက ထားဝယ်တွေမွန်တွေပြောတဲ့ စကားကို လုံးလုံးကို နားမလည်ဘူး ဗျာ။ထားဝယ်လူမျိုးတွေဟာ အလန့်တကြားရေရွတ်တဲ့အခါ "မိဝေ၊ မိဝေ"လို့ ထ ထအော်တတ် သဗျ။ကျနော်ဆိုတဲ့ ခပ်တုံးတုံးကောင်ကလည်း "မိဝေ"ဆိုတဲ့အမျိုးသမီးဟာ ဘယ်က ပါလိမ့်။ သူတို့နဲ့ဘာတော်ပါလိမ့် ပေါ့။ အနေကြာလာလို့ စပ်စုပြီးသေချာမေးကြည့်မှ လက်စသတ်တော့ "မိဝေ"ဆိုတာ အမေကိုတ တာကိုး။ခလုပ်ထိမှ အမိတ ဆိုတဲ့စကားအတိုင်း အခက်အခဲကြုံတော့ အမေကို တတာပေါ့ဗျာ"

"ဗမာရေတပ်က မင်းတို့ဘယ်ကလာတာလဲ မေးလိုက်တိုင်း ထားဝယ်လှေသားတွေက "ခယန့် ခယန့်"လို့ချည်းဖြေသတဲ့။ အမှန်က "ခယန့်"ဆိုတာ "ခင်ဗျ ခင်ဗျ"လို့ပြောတာဗျ။ဗမာရေတပ်ကမေးတာကို ထားဝယ်သားတွေက နားမလည်၊ ထားဝယ်သားတွေပြောတာကို ဗမာရေတပ်သားတွေက နားမလည်၊ ဂျာအေးသူ့အမေရိုက်ပြီး ရေတပ်သားသားတွေဟာ အရက်သောက်လိုက်၊ ထားဝယ်လှေသားတွေကို ထ ရိုက်လိုက်၊ လုပ်နေလိုက်တာ ညနေစောင်းလည်းရောက်လာရော အဲဒီဇာတ်လမ်းထဲကို ရာမန်ဝင်လာရောဆိုပါတော့။

ဟုတ်တယ်လေ။ ရာမန်တို့ငါးဖမ်းလှေကို ဖမ်းမိလို့ ရာမန်ကို စစ်တဲ့အလှည့်လည်းရောက်ရော မန္တလေးသား ရာမန်ရဲ့ ဗမာ စကားကို ဗမာရေတပ်သားတွေအားလုံး နားလည်တော်မူကြသကိုး"

"ဒီမှာတင်ဗမာရေတပ်အရာရှိက ဟေ့ကောင်၊ကုလားလေး၊ ဒီကောင်တွေပြောတာကို မင်းဘာသာပြန်စမ်းကွာ ဆိုပြီး စကား ပြန်လုပ်ခိုင်းရာကနေ ဗမာအချင်းအချင်း ကြော(ဂျော)သိနေတဲ့ ရာမန်က အဲဒီပြဿနာကို ကြားဝင်ဖြေရှင်းပေးနိုင်ခဲ့ရော ဆိုပါတော့။ ရာမန်လူရည်လည်တာလည်း ပါသပေါ့။ ရှင်းနည်းကတော့ မခက်လှပါဘူး။ စက်လှေအစီးသုံးဆယ်မှာ ဘာတွေ ပါသလဲ၊ငွေဘယ်လောက်ပေးနိုင်သလဲဆိုတဲ့ ခေါင်းစဉ်ပါပဲ။ ရာမန်ရှင်းပုံရှင်းနည်းကတော့ သင်းတယ်ဆိုရမယ်။ ဗမာရေတပ် သင်္ဘောဆီက ပုဆိုးတထည်တောင်း၊ပုဆိုးရဲ့တဖက်ကို ကြိုးနဲ့စည်းပြီး အလှူခံခွက်လုပ်လိုက်ရောတဲ့။ နောက် စက်လှေ အစီးသုံးဆယ်ပေါ်က ထားဝယ်လှေသားတွေဆီမှာပါတဲ့ ထိုင်းဘတ်ငွေမှန်သမျှ အလှူခံထည့်ကြပေရော့ ပေါ့။ရေတပ်က လွှတ်ပေးမယ်ဆိုတာ နားလည်တဲ့ ကိုရွှေထားဝယ်သားများကလည်း ရှိသမျှငွေတွေ ပုံအောပြီးထည့် လိုက်ကြတာ ပုဆိုးတကွင်းစာ အပြည့်ရသတဲ့ဗျာ။ဒီမှာတင် စက်လှေအစီးသုံးဆယ်ဟာ ရနောင်းဖက်ကမ်းကို ဘေးမသီရန်မခ ပြန်ရောက်လာရောဆိုပါတော့"

"နောက်တနေ့မနက်လည်းကျရော ထိုင်းငါးဖမ်းစက်လှေ ပိုင်ရှင်တွေဟာ ရာမန်ကို အသည်းအသန်တောနင်းရှာကြပါတော့ တယ်။ ရာမန်ခမျာ "ငါလုပ်ပေးမိတာ ဒုက္ခရောက်ကိန်းတော့ ဆိုက်ပြီ"ဆိုပြီး စက်လှေပိုင်ရှင်တွေစုနေတဲ့ ရနောင်း စဖန်ဖလား ဆိပ်ကမ်းကို မျက်နှာငယ်လေးနဲ့လိုက်သွားရှာသတဲ့။ဆိပ်ကမ်းမှာ အဆင်သင့်ရှိနေတဲ့ ထားဝယ်လှေသားတွေ ဟာ ရာမန့်ကို လည်းမြင်ရော... ၊ "ဟာ ။ ဟုတ်တယ်၊ဟုတ်တယ် ။ သူပဲ ။ သူပဲ ။ ဗမာရေတပ်က ဖမ်းထားတဲ့ ကျနော်တို့ စက်လှေတွေကို လွတ်အောင် ဝင်ညှိပေးတာ သူပဲ။ဒီလူက ဗမာရေတပ်နဲ့ သိပ်ပိုင်တယ်"ဆိုပြီး ဝိုင်းအော်ကြမှ ရာမန် အသက်ရှူမှန်တော့ သတဲ့။နောက်ဆုံးတော့ ရနောင်းမြို့ခံငါးဖမ်းစက်လှေပိုင်ရှင်တွေဟာ ရာမန့်ကို ဧရာမကျေးဇူးရှင် စာရင်းသွင်းကြပြီး သူတို့ ငါးဖမ်းစက်လှေတွေ ဗမာရေတပ်အဖမ်းမခံရလေအောင် စောင့်ရှောက်ဖို့ လစာကောင်းကောင်းနဲ့ အလုပ်ခန့်လိုက်ရောပေါ့ ဗျာ။ဒီမှာတင် ရာမန်ဟာ ဖိုးကြက်ကန်းဘဝကို ကြက်ကန်းဆန်အိုးတိုးပြီး ရောက်လာတော့ တာပါပဲ"

"ဖိုးကြက်ကန်းဖြစ်လာတဲ့ ရာမန်ဟာ ထိုင်းမြန်မာနယ်စပ်ပင်လယ်ပြင်မှာ ငါးခိုးဖမ်းတာ၊ထိုင်းငါးဖမ်းစက်လှေပိုင်ရှင်တွေနဲ့ ဗမာရေတပ်အပေးအယူ လုပ်ကြတဲ့ဇာတ်လမ်းတော်တော်များများကို သိနေတယ်ဗျ။မှတ်သားစရာကောင်းတဲ့ အချက်က တော့ တကမ္ဘာလုံးမှာ ငါးအခိုးဆုံးနိုင်ငံဟာ ထိုင်းနိုင်ငံပါပဲလို့ ရာမန်က ဆိုလေရဲ့။သူ့အတွေ့အကြုံအရ ထိုင်းငါးခိုးစက်လှေ တွေဟာ တောင်ကိုးရီးယားရေပြင်ပိုင်နက်အထိ ဝင်ပြီး ငါးခိုးဖမ်းကြသတဲ့"

"ဗမာရေပိုင်နက်ထဲက မြောက်များလှစွာသော ကျွန်းတွေရဲ့အနီးတဝိုက် အုပ်စုဖွဲ့ရှိနေတဲ့ငါးတွေကို ဖမ်းခွင့်ရနိုင်ဖို့ ထိုင်း ငါးဖမ်း စက်လှေတွေဟာ ဗမာ့ရေတပ်နဲ့ အပေးအယူလုပ်တဲ့ကိစ္စဟာ ဘယ်လောက်ကြီးကျယ်သလဲ ဆိုရင် ဆာဒက်ကြီး ကျွန်းမှာ ခြောက်လလောက်တာဝန်ကျတဲ့ ဗမာရေတပ်သားတဦးဟာ ကုန်းပေါ်ပြန်တက်တဲ့အချိန်မှာ ထိုင်းရွှေဘတ်ကြိုး တွေ ဟိုခေတ်ကလက်တိုဂျင်နို့မုန့်ဗူးနဲ့ တဗူးအပြည့်ဝေစုရကြသတဲ့။ကျနော်တို့လူပျိုပေါက်တုန်းက ခေတ်စားခဲ့တဲ့ လေးထောင့် ရွှေတုံးလေးတွေနဲ့ ဒီဇိုင်းဖော်ထားတဲ့ ၊ဘတ်ကြိုးလို့ တပြည်လုံးလူသိများခဲ့တဲ့ ရွှေဆွဲကြိုးတွေပေါ့ဗျာ။ ဆိုလိုတာက ထိုင်းငါးဖမ်းစက်လှေတွေဟာ ဗမာရေတပ်ကို ထိုင်းဘတ်ကြိုးတွေ လာဘ်ထိုးပြီး ငါးခိုးခွင့် ရကြသပေါ့။ ဗမာရေတပ်ဟာ အပေးအယူ လုပ်ပြီးရင် စိတ်အေးချမ်းသာစွာငါးဖမ်းနိုင်ပြီဖြစ်ကြောင်း၊ ထိုင်းငါးဖမ်းစက်လှေတွေပေါ်မှာ အလံတင်ပြီး အချက်ပြဖို့ လိမ္မော်ရောင်အလံလေးတွေထုတ်ပေးထားသတဲ့"

အဲဒီလာဘ်ပေးလာဘ်ယူ အရှုပ်တော်ပုံတစ်ခုကြောင့် ၁၉၈၈ မတိုင်ခင်၊ဆာဒက်ကြီးကျွန်းမှာ တာဝန်ကျဖူးတဲ့ ဆာဒက်ကြီး ကျွန်းစီအို ဒုတိယ ဗိုလ်မှူးကြီး ဥာဏ်ထွန်းဟာ သူ့ကိုယ်သူ သတ်သေသွားဖူးသတဲ့ဗျ။ သူကတော့ လူရိုးလူကောင်းလို့ ဆိုပါတယ်။ သူ့တပည့်တွေ လုပ်တာကို သူခေါင်းခံသွားတဲ့သဘောတဲ့ဗျာ။သူ့တပည့် လက်ထောက်စီအို ဗိုလ်မှူးအောင်မြင့် ကတော့ ဝါသနာတမျိုးတဲ့။ဗိုလ်မှူးအောင်မြင့်ဟာ ထိုင်းငါးဖမ်းစက်လှေတွေပေးတဲ့ ဘတ်ကြိုးကုံး တွေမှာ ပါတဲ့ ချိတ်(ဂျိတ်) ကလေးတွေကို ချည်းရွေးပြီး စုဆောင်းသတဲ့။ သူတပည့်တွေ ဝေစုရတဲ့ ရွှေဆွဲကြိုးကုံးတွေတိုင်းရဲ့ ချိတ်(ဂျိတ်) တွေကို ဖြုတ်ဖြုတ်ပြီး အမှတ်တရ ယူထားလေ့ရှိသတဲ့ဗျ"

"နယ်စပ်ရေပိုင်နက်မှာ အနေကြာလာတဲ့ ဗမာရေတပ်ကလည်း တဖြည်းဖြည်းလူရည်လည်လာတယ်ဆိုရမယ်။ ဗမာဘက် ခြမ်းက ပုဇွန်ထုတ်တွေဟာ အရည်အသွေးလည်းမြင့်၊ဈေးနှုန်းလည်း ချိုတာကြောင့် တနသာင်္ရီတိုင်းထဲက ဘိတ်၊ ထားဝယ် အရပ်ဒေသတွေဆီကနေ ပုဇွန်တွေဝယ်ပြီး ထိုင်းဘက်ကို ခိုးသွင်းကြတဲ့ ကိစ္စမျိုးဆိုပါတော့။ ခိုးသွင်းတဲ့လှေတွေဟာ လှေဝမ်းထဲမှာ ပုဇွန်တွေထည့်၊အပေါ်ကနေ မီးသွေးတွေဖုံးပြီး မီးသွေးလှေယောင်ဆောင်ကြသတဲ့။ အစပိုင်းမှာတော့ မီးသွေးလှေလို့ပြောရင် လှေအပေါ်ပိုင်းကိုလှန်လှောကြည့်တယ်။ မီးသွေးတွေတွေ့တယ်။လွတ်စေပေါ့ဗျာ။ ဒါပေမဲ့ နောက်ပိုင်းမှာ မီးသွေးလှေပါလို့ပြောတဲ့ လှေရဲ့ ဝမ်းဗိုက်ထဲက ရေကို လက်နဲ့ဆင်းစမ်းလိုက်လို့ ရေခဲရေလိုအေးနေပြီဆိုရင် မီးသွေးလှေသမားကို နားရင်းရိုက်ပြီး "ပုဇွန်ကီလိုဘယ်လောက်ပါသလဲပြောစမ်း"ဆိုပြီး အမိဖမ်းနိုင်ကြသတဲ့။ အေးလေ။ လှေအောက်ပိုင်းမှာ ပုဇွန်တွေကို ရေခဲရိုက်ပြီးတင်လာတာမို့ ဘယ်ပြေးလွတ်ပါ့မလဲ။ခင်ဗျား တစ်ခုသတိပြုရမှာက ဗမာဘက်ခြမ်းကို ငါးလာခိုးတဲ့ လှေသားအားလုံးဟာ မွန်ဗမာထားဝယ်ဆိုတဲ့ မြန်မာနိုင်ငံသားချည်းပဲတဲ့ဗျာ။ဒါကြောင့် ဗမာ့ရေတပ်အနေနဲ့ ကိုင်တွယ်တဲ့ နေရာမှာ အတော်ကို ကသိကအောက်ဖြစ်မှာအမှန်ပဲ။ ထိုင်းငါးဖမ်းလှေပိုင်ရှင်တွေ ကလည်း ဒီအကွက်ကို အပိုင်နင်းပြီး အချီကြီးအပွကြံကြတာပါပဲ။တခါတလေ ပုံစံတူငါးဖမ်းလှေတွေလုပ်ထားပြီး စက်လှေတစီးတိုက်ငါးပြည့်ပြီဆိုရင် နောက်ထပ် အရောင်တူ ပုံစံတူ ငါးဖမ်းစက်လှေတစီးအစားထိုးပြီး ဝင်ဖမ်းတတ်ကြ သေးသတဲ့။ မအူမလည် ဗမာရေတပ်က နောက်ထပ်ဝင်လာတဲ့စက်လှေကိုလာကြည့်မိတဲ့အခါ "သူတို့ခမျာ ခုထက်ထိ ငါးဖမ်းမရသေးပဲကိုး"ဆိုပြီး သူခိုးကိုပြန်သနားနေတတ်တာမျိုးလည်း ရှိသေးသတဲ့"

ကိုသက်ခိုင်၏ ထိုင်းမြန်မာနယ်စပ် ငါးခိုးဇာတ်လမ်း ဤနေရာသို့အရောက်တွင် ဆာရက်ဆင်တံတားကြီးရှိ ရဲဂိတ်ကို လှမ်း မြင်နေရချေပြီ။ဆာရက်စင်တံတားကြီးသည် ဖန်ငကုန်းမြေနှင့် ဖူးခက်ကျွန်းကို ဆက်သွယ်ထားသည့် တခုတည်းသော ကုန်းလမ်းဝင်ပေါက်ဖြစ်သည်။ဖူးခက်မြို့သို့ ဝင်ရောက်လာမည့် တရားမဝင်ရွေ့ပြောင်းလုပ်သားများနှင့် တရားမဝင် ကုန်ပစ္စည်းမျိုးစုံကို တင်းကြပ်စွာစစ်ဆေးသည့် ရဲဂိတ်သည် ဆာရက်ဆင်တံတားကြီးအဆင်း ဖူးခက်ကျွန်းဘက်မှာ တည်ရှိပြီး ခေတ်မီစစ်ဆေးရေးကိရိယာများ ပြည့်စုံစွာတပ်တင်ထားသည့်ဂိတ်ပေတည်း။

ကိုသက်ခိုင်သည် ဆာရက်ဆင်ရဲဂိတ်ရှိရာသို့ ဣနြေ္ဒရရပင် ကားကိုမောင်းဝင်သွားသည်။ထိုစဉ်မှာပင် တာဝန်ကျ ထိုင်းအရာ

ရှိတစ်ဦး ကျနော်တို့ကားရှိရာသို့ ခတ်သုတ်သုတ်လျှောက်လာပြီး ကိုသက်ခိုင်ကို လက်အုပ်ချီလျက် လှိုက်လှဲပျူငှာစွာ နှုတ်ဆက်သည်။

"ဟာ အကိုကြီး ဂျွန်၊ မတွေ့တာကြာပြီနော်"

"အေး၊ဟုတ်ပါ့ ထုံချိုင်းရေ။ ဘာလိုလိုနဲ့ တို့နှစ်ယောက်မတွေ့တာ နှစ်နှစ်ကျော်ရော့မယ်"

သူတို့နှစ်ဦးအပြန်အလှန်နှုတ်ဆက်နေကြသည်မှာ ထိုင်းဘာသာစကားဖြင့်ဖြစ်ပါသည်။ကိုသက်ခိုင်သည် အဆင့်မြင့်ထိုင်း စကားကို ရေလည်ရည်မွန်စွာ ပြောဆိုနိုင်ရုံမက ထိုင်းစာကိုပါကောင်းစွာဖတ်ရှုနိုင်သူဖြစ်၏။အဆိုပါနှုတ်ဆက်စကားအဆုံး တွင် ထိုင်းရဲအရာရှိထုံချိုင်းသည် ဖမ်းဆီးထားသော မြန်မာပစ္စည်းအိတ်များကို ကျနော်တို့ကားပေါ်သို့ သူကိုယ်တိုင်ဝိုင်း တင်ပေးနေလေသည်။တံတားဂိတ်က မြန်မာပစ္စည်း အဖမ်းခံရသည့် ပြဿနာသည် ငါးမိနစ်အတွင်း ပြီးဆုံးသွားသည့် အဖြစ်ကြောင့် အပြန်လမ်းမှာ ကိုသက်ခိုင်ကို ကျနော်စပ်စုမိပြန်သည်။

"ခင်ဗျား ဥစ္စာပိုင်လှချည့်လားဗျ။ ဘာတခွန်းမှတောင် ပြောစရာ မလိုပဲ ပြီးသွားတာ အတော့်ကို အံ့သြစရာပါပဲ"

"ဘာမှ ထွေထူးပြီး အထင်ကြီးစရာ မရှိပါဘူးဗျာ။ ဒီလိုအဖြစ်မျိုး အခက်အခဲမျိုးတွေကို ကြိမ်ဖန်များစွာ ကြုံခဲ့ရတဲ့ ကျနော်ဟာ ထွက်ပေါက်တစ်ခုကို အသည်းအသန်ရှာဖွေရာကနေ ခုလို ချိတ်ဆက်မိကြတာဆိုပါတော့"

"အင်း၊ ဒါဆို ခင်ဗျားရဲ့ ထွက်ပေါက်ရှာပုံလေးကို နောက်ကြောင်းပြန်ပါဦးဗျ။ပစ္စည်းတွေလည်း ပြန်ရနေပြီပဲ။ အေးအေး ဆေးဆေးပေါ့"

"အေးပေါ့ဗျာ။ အခုနေ ခင်ဗျားအမြင်မှာတော့ ကျနော်ဟာ လူစွမ်းကောင်းကြီးဖြစ်နေမှာပေါ့။ တကယ်တမ်းကျတော့ ဒီဘဝဒီအခြေအနေကို ရောက်ဖို့ ခါးသီးစပ်ဖျဉ်းတဲ့ အတွေ့အကြုံခပ်ကြမ်းကြမ်းတွေကို ဖြတ်ခဲ့ရတာပါပဲ။ခဏလေးဗျာ။ ရာမန်စိတ်ပူ နေမယ်။ သူ့ကို ဖုန်းဆက်လိုက်အုံးမယ်"

ဤသို့လျှင် ကိုသက်ခိုင်ထံမှ ရာမန့်ခေါ်ဘိုင်ကြီးထံသို့ "ဟေ့ကောင်၊ရာမန်။ မင်းချာတိတ်မပစ္စည်းတွေပြန်ရပြီ။ ငါ့အိမ်ကို လာယူခိုင်းလိုက်တော့ "ဟူသော ဖုန်းဆက်သည့်စကားအဆုံးတွင် သူ၏ထိုင်းနိုင်ငံသို့ အခြေချကာစ ခါးသီးလှသော အတွေ့ အကြုံတို့ကို ဇာတ်လမ်းဆက်ပြန်ပါသည်။

"ကျနော်ထိုင်းကို ရောက်ခါစမှာ ပထမဆုံးကြုံရတဲ့ ဧရာမအခက်အခဲကတော့ ဘာသာစကားပြဿနာပါပဲ။ထိုင်းလို တစ်နှစ် သုံးလေးတောင် ကျနော်မရေတတ်ပဲကိုး။ပိုဆိုးတာက ကျနော့်စိတ်ထဲမှာ ဘယ်ကာလက ခိုအောင်းနေမှန်းမသိတဲ့ လူမျိုးကြီး စိတ်အစွဲပဲဗျာ။ ကျနော့်ဘဝတလျှောက်လုံး ဖတ်ခဲ့မှတ်ခဲ့တဲ့ ထိုင်းမြန်မာရာဇဝင်ဇာတ်လမ်းတွေဟာ ထိုင်းလူမျိုး တွေကို ကျနော်အထင်မကြီးအောင် တားဆီးပိတ်ဆို့ထားခဲ့တယ်ထင်ပါရဲ့။ ဒါကြောင့် ထိုင်းစကားကို သင်စရာ မလိုတဲ့ ဘာသာစကားအဖြစ် ကျနော့်မသိစိတ်မှာ စွဲနေပုံရတယ်ဗျ။ငါမပြောတတ်လဲ စကားပြန်ရှိရင် ပြီးတာပဲ လို့တွေးခဲ့တာကိုး။ ဒါပေမဲ့ဗျာ။ တကယ်တမ်း ထိုင်းမှာ အခြေတကျနေပြီး စီးပွားရေးလုပ်တော့မယ်လည်း ဆိုရော ဘာသာပြန်ပြဿနာဟာ ဧရာမပြဿနာကြီင်္း တစ်ခုဖြစ် လာပါတော့တယ်"

စကားဖြတ်ပြောရရင် မွန်ထားဝယ်လူမျိုးတွေဟာ ဗမာဘုရင်တွေခေတ်ကတည်းက ယိုးဒယားနဲ့ကူးလူးဆက်ဆံမှုရှိခဲ့တာက တကြောင်း၊ မွန်စာဆိုရင် ထိုင်းစာနဲ့ အတော်နီးစပ်တာတကြောင်းတို့ကြောင့် မွန်ထားဝယ်တွေအတွက် ထိုင်းစကားကို တတ်လွယ်သိလွယ်နေကြတယ်ဗျ။ကျနော်လို အညာသားအတွက်ကတော့ အရမ်းစိမ်းလွန်းနေတယ်။တကယ်လို့များ ခင်ဗျား ကြီးကျယ်တဲ့ ကိစ္စရပ်ပြဿနာတစ်ခုခုမှာ ထိုင်းစကားပြောတတ်လှချည့်ရဲ့ ဆိုတဲ့ မွန်ထားဝယ်တစ်ယောက်ယောက် ကို စကားပြန်အဖြစ်မသုံးပါလေနဲ့။သူတို့ကို အထင်သေးလို့ပြောတာမဟုတ်ဘူး။အကြောင်းရှိတယ်ဗျ။လွန်ခဲ့တဲ့ ဆယ်နှစ် ဗမာပစ္စည်းတွေချည်းအပြည့်တင်ပြီး ကျနော်ကိုယ်တိုင်မောင်းလာတဲ့ ကုန်တင်ကားတစ်စီး ဒီတံတားကြီးဂိတ်မှာ အဖမ်းခံခဲ့ရ တုန်းကပေါ့ဗျာ"

Article 0

Trending Articles

အစ္စရေး တိုက်နေတဲ့စစ်ပွဲတွေက နိုင်ငံ့ စီးပွားရေးအပေါ် ဘယ်လောက်အထိနာစေလဲ

TTA Oreo Gapp Installer

အချိန်ကုန်သက်သာစေမယ့် အုတ်ခင်းစက်

ဘာဖြစ်လို့ စစ်သားတွေ အလေးပြုကြသလဲဆိုတဲ့ မေးခွန်းအတွက်ပါ

မယ်နု နှင့် မောင်အို အုပ်စု တန်ခိုးထွားခြင်း

“တွေးမိတိုင်း အရိုးနာသည် အမျိုးပါ ဆဲချင်ပေါ့လေး”

သားသမီး ရင်သွေးရတနာအတွက် ပူပင်သောက များနေတယ်ဆိုရင်

♪ လေးဖြူ -BOB - ဘင်္ဂလားပင်လယ်အော် MP3 Album ♫

ပူဇော်ခြင်းနှစ်မျိုး

ထောင်ထဲမှာ တွေ့ခဲ့ရသော ဆင်ဖမ်းမယ် ကျားဖမ်းမယ်ဆိုတဲ့ ဗိုလ်မှူး ဗိုလ်ချုပ်တွေ -...

ဂျူနီယာဝင်း -ဒေါက်တာဂျက်ကဲလ် နှင့် မစ္စတာဟိုက်

အင်ဂျင်နီယာဆိုင်ရာစာအုပ်များ (၁၁ အုပ်)

စာအုပ်ပေါင်း ၆၀၀ ကျော်ပါတဲ့ Link

ကညနမှ နယ်လှည့် ပုံမှန် ယာဉ်မောင်းလိုင်စင်သက်တမ်းတိုးပေးခြင်းအဖြစ်...

မိုးဇေညိမ်း ဘာလဲ ဘယ်လဲ ??

ဝေရှောက်ကမ်း ဘယ်ရောက်သွားပြီလဲ

အိမ်တွင်း နတ်အတွက် အိမ်တွင်း အုန်း ထားသင့် မထားသင့်

Windows 10 19H1 Airlock Premium v4 Permantly Activated 2019 (x64)

ပဲပိုးတီ စိုက်ပျိုးနည်း

၁၃ နှစ် အရွယ် မယားပါသမီးကို အကြိမ်ကြိမ်မုဒိမ်းကျင့်သူ ပထွေးကို ရဲက ဖမ်းဆီး