ဒီလိုတော့နှယ်၊မောင်ဒင်လေးကိုအရွဲ့တိုက်တယ်လို့ထင်ပါမည်
(မင်းဒင်)
(တစ်)
“ဘက်ပေါင်းစုံကနေ၊တကယ်တမ်းလေးလေးနက်နက်စဉ်းစားတွေးတော
တတ်ကြမယ်ဆိုရင်ဖြင့်၊လာမဲ့(၂၀၁၅)အထွေထွေရွေးကောက်ပွဲမှာ
လက်ရှိအာဏာရပါတီကြီးဆက်ပြီးအနိုင်ရအောင်၊ငတို့တတွေဟာ၊
ကျရာနေရာကနေပြီး၊တတပ်တအားအနေနဲ့၊အားသွန်ခွန်စိုက်
လုံးပမ်းသင့်ကြသကွဲ့။ဒါ့အပြင်၊လက်ရှိသမ္မတကြီးအနေနဲ့၊
ကျန်းမာပ ကတိချမ်းသာစွာရှိပြီးသကာလ၊ဒုတိယသက်တမ်း သမ္မတတာဝန်ကို၊ဆက်လက်ထမ်းဆောင်နိုင်ဖို့အတွက်လည်း၊
ရွှေပင်သားများအနေနဲ့၊တခဲနက်ဆန္ဒပြုတောင်းဆိုကြရမကွဲ့”
“ဖွီး”
“ဖွီး”
“ဖွီး”
ကြီးမြတ်သောမဟာပညာဥာဏ်ရှိလျက်၊ဒိသာပါမောက္ခဆရာကြီး
စာရင်းဝင်ဖြစ်လေသည့်ကျွန်ုပ်၏ဥဒါန်းတွင် လောက်သောမှတ်ချက်စကား
အဆုံးတွင်၊တဖွီးဖွီးထွက်လာသည့်အသံတို့ကား၊ကျွန်ုပ်၏နောက်တော်ပါ
လက်ရင်းတပည့်ကျော်များဖြစ်ကြကုန်သော
ကပ္ပလီ၊ဖေကြည်နှင့်လေမင်းသားတို့
သုံးဦးသားသောက်လက်စရေနွေးကြမ်း ပန်းကန်ကိုမော့ရင်း၊ အသက်ရှူမှားကုန်သည်ဖြစ်၍၊တပြိုင်နက်တည်းရေနွေးကြမ်းသီးကုန်ကြရာမှ
ထွက်ပေါ်လာခြင်းဖြစ်ချေ၏။
လက်ရင်းတပည့်များဖြစ်ကြမူ၍ဆြာနှင့်အနီးကပ်ဆုံးတွင်
ထိုင်နေကြသူများဖြစ်ရာ၊သီးလိုက်သည့်အရှိန်ကြောင့်
သင်းတို့၏နှာခေါင်းဝအသီးသီးမှထွက်လာသောနှာရည်
တဝက်တပျက်ရောစွက်ပါဝင်သည့်ရေနွေးတို့မှာ
ကျွန်ုပ်၏နိုက်ကီတံဆိပ်အကောင်းစားစပို့ရှပ်ကိုပင်၊လာရောက်ထိမှန်သောဟူ၏။
သို့သော်ကျွန်ုပ်ကား ဣနြေ္ဒမပျက်၊ ဒေါသမစွက်တည်ကြည်သော မျက်နှာပေးဖြင့်သာ၊ခန္တီစသည်းခံနေရလေသည်။
အဘယ်ကြောင့်ဆိုသော်၊တပည့်တို့၏နောက်ဘက်ကပ်လျက်တွင်
၊ဘောလုံးအသင်းနှစ်သင်းစာခန့်ရှိသောရွှေပင်သားတို့သည်၊
ဂုရုဗိုလ်သခင်ဆြာဟုသမုတ်အပ်သည့်ရွှေပင်ဖွားကဝိတဆူဖြစ်သူ
ကျွန်ုပ်ဆြာဒင်၏၊မိန့်မြွက်စကားတို့ကို အလေးတယူ နာယူကြအံ့စိမ့်သောငှာ၊စုံရုံးရောက်ရှိနေကြခြင်းကြောင့်ပေတည်း။
(နှစ်)
အဆိုတော်ကိုမြကြီး၏နာမည်ကျော်မိုးသီချင်းကိုမှီးလျက်ဖွဲ့ဆိုရလျှင်၊
ဝဿန်ခါမီလရာသီမို့၊ရပ်ရှစ်ခွင်တွင်၊ပြာရီရစ်ဝိုင်း၊မှိုင်းလဲ့လဲ့ဆိုင်းနွဲ့နွဲ့နှင့်၊
သိုင်းဖွဲ့၍ဟန်ချီ၊မင်းလွင်ဆီ၌ညိုရောင်မှောင်ခိုးတို့ဖြင့်
ဖြိုးဖြိုးလျလျမိုးစွေလှသော မိုးလရာသီသမယနေ့ရက်များဖြစ်ပါ၏။
ဂျိုးဂျိမ့်သံမာန်တင်းလျက်၊ အသူရာ နှင့်သိကြားမင်းတို့၊စစ်ခင်းကာပြိုင်ကြ ရာတွင်၊မည်သို့သောနောက်ဆုံးပေါ်လက်နက်ဆန်းများကို
သုံးကြလေသည်မသိ။မြန်မာနိုင်ငံအဝှန်းတိုင်း နှင့်ပြည် နယ်(၁၄)ခုရှိသည့်အနက်(၁၃)ခုတွင်ရေကြီးနေချိန်ဖြစ်လေသည်။
အိမ်ရှေ့ပူအိမ့်နောက်မချမ်းသာဟူသောစကားဆိုရိုးအတိုင်း
၊ယင်းရေဘေးသတင်းကို၊ကြားသိရသောကျွန်ုပ်တို့ ဆြာတပည့်တသိုက်မှာ၊ဖူးခက်ရောက်မြန်မာရွေ့ပြောင်းအလုပ်သမားတို့၏
ထက်သန်လှသောစေတနာသဒ္ဓါတရားဖြင့်ဝိုင်းဝန်းထည့်ဝင်ပေးပို့
လှူဒါန်းကြသော၊ငွေကြေး၊အဝတ်အထည်၊အစားအသောက်နှင့်
အခြားလိုအပ်မည် ထင်ရသည့်အသုံးအဆောင်တို့ကို သယ်ဆောင်ကာ၊မကွေးတိုင်းရေဘေးတွင်ထောက်ပံ့ရန်အလာ၊
ဇာတိရွှေပင် သို့လမ်းကြုံခရီးအဖြစ်ခေတ္တဝင်ရောက်နားခိုနေချိန်တွင်ဖြစ်လေသည်။
ကျွန်ုပ်ကဲ့သို့ရွှေပင်ဖွားလူတော်လူမော်တစ်ယောက်၊ရွှေပင်သို့ရောက်သည့်
သတင်းစကားကြားကြသည်နှင့်ပင်၊ အသိပညာရှာမှီးလိုသောရွှေပင်သား လူငယ်တချို့မှာ၊နာကြားရခဲလှသည့်ကျွန်ုပ်၏သြဝါဒထူးကိုနာခံမှတ်သားကြ ရန်အလို့ငှာအထက်တွင်ဖော်ပြခဲ့သည့်အတိုင်း
၊စုဝေးရောက်ရှိနေကြခြင်းဖြစ်ပါ၏။ရွှေပင်သားတို့၊ကျွန်ုပ်၏အဖိုးတန်နှုတ်မြွက်စကား
တခွန်းတပါဒကိုကြားသိရရေးအတွက်၊တည်းခိုအိမ်၏အိမ်ဦးခန်းတွင်
တင်ပလ္လင်ခွေအနေအထားဖြင့်ခန့်ခန့်ကြီးစံပယ်နေသည့်
ကျွန်ုပ်၏ရှေ့မှောက်တွင်၊ငြိမ်သက်စွာရှိနေကြသည်မှာ
အပ်ကျသံကိုပင်ကြားရလောက် ပေသည်။
သို့သော်ရွာနွားကဘုရား၊ရွာသားမရိုသေဆိုသောစကားအတိုင်း၊
ကျွန်ုပ်နှင့်အနီးကပ်ဆုံးသောတပည့်ကျော်များအ နေဖြင့်၊
ကျွန်ုပ်အားလေးစားမြတ်နိုးတန်ဖိုးထားလိုကြဟန်မရှိကြောင်း၊
ကပ္ပလီငယ်၏ငေါ့တော့တော့အမူအယာဖြင့် မေးလျာသောမေးခွန်းက
သက်သေခံလျက်ရှိလေသည်။
“သောက်ကျိုးနဲမှတ်သားထိုက်ပါပေရဲ့ဆြာ။ဆြာပြောသလိုဆိုရင်၊
အဲဒီပါတီကြီးနဲ့တသဘောတည်းရှိပါတယ်ဆိုတဲ့ မြန်မာ့တပ်မတော်
စစ်ဦးစီးချုပ်ကြီးကိုကော၊ဘယ်ချောင်မှာထိုးထားမတုန်းဗျာ။
သူကအငြိမ်းစားယူပြီးရွေးကောက်ပွဲဝင်တော့မှာနော်”
မရှိတာထက်၊မသိတာခက်ဟူသောဆိုရိုးသည်သွေးထွက်အောင်မှန်လေစွ။
ကကြီးပုတ်လောက်ရေးပြလျှင်ပင်၊အပျိုကြီးဖင်ထောင်နေတာလားဟု စကားကြောရှည်ဦးမည့်သည်လိုတပည့်ငတုံးမျိုးအား၊အဖက်လုပ်၍
အမေးအ ဖြေပြုနေရသည်မှာလွန်စွာလက်ပေါက်ကတ်လှသော်ငြား
၊ရွှေပင်သားတို့ကိုထောက်ထားအားနာမိသည်ကြောင့် ၊ ဒေါသကိုမြိုသိပ်ရင်း၊လေသံအေးဖြင့်တုံ့ပြန်ရသည်။
“သြော်။သူလား။တိုင်းပြည်ရဲ့အနာဂတ်နိုင်ငံရေးမှာတပ်မတော်ဟာ
ဦးဆောင်မှုကဏ္ဍကနေအစဉ်အမြဲပါဝင်နေအပ်တာမို့၊
သူ့ကိုလည်းဝိုင်းဝန်းထောက်ခံကြရပေမပေါ့ကွယ်။
သူတင်မကသေးဘူးလကွဲ့။သူ့လိုစစ်ဗိုလ်ချုပ်အရေခွံချွတ်ပြီးရွေးကောက်ပွဲ
ဝင်ကြမဲ့၊သကောင့်သားများကိုလည်းအားတက်သရောဝန်းရံသင့်ကြသကွဲ့”
(သုံး)
ထူးခြားလေးနက်လှသောကျွန်ုပ်၏အဖြေစကားကြောင့်
တပည့်ကျော်သုံးဦးသည်ဓာတ်လိုက်ခံရသကဲ့၊ဆတ်ကနဲ တွန့်သွားကြသည်မှာ၊ဝက်ရူးပြန်ရောဂါထသကဲ့သို့ရှိ၏။
ထို့အတူကြွရောက်လာကြသောရွှေပင်သားတို့သည်လည်း အတန်ငယ်လှုပ်လှုပ်ရွရွဖြစ်လာကြ၏။ချင့်ချိန်တတ်သည့်
လူစားထဲကဖြစ်ဟန်ရှိသောရွှေပင်ပဏ္ဍိတ် ကျောင်း ဆရာလေးကိုဘိုကိတ်သည်၊အားတုံ့အားနာပုံစံဖြင့်ခပ်လေးလေး
မတ်တတ်ရပ်လိုက်သည်ကိုကျွန်ုပ်မြင်လိုက်ရ၏။
ထို့နောက်ချက်ခြင်းပင် ခါးကိုကိုးဆယ်ဒီဂရီကိုင်းညွှတ်ကာ၊ ကျွန်ုပ်အားပုစ္ဆာတပုဒ်ရိုသေစွာမေးမြန်းခြင်း ပြုလေ ရာ၊ကျွန်ုပ်သည်လည်း ထက်မြက်သောတင်္ခဏုပ္ပတ္တိဥာဏ်ဖြင့်လျင်မြန်စွာပြန်လည်ဖြေကြားရလေသည်။
“တစ်ခုလောက်မေးခွင့်ပြုပါခင်ဗျာ။ဆြာပြောတဲ့ပါတီကြီးကနေ
၊ရွှေ့ပင်တရွာလုံးမှာရှိတဲ့မဲဆန္ဒရှင်တွေကိုတယောက်ငါးသိန်းနှုန်း
အတိုးမဲ့နှစ်ရှည်ချေးငွေတွေထုတ်ချေးမယ်လို့လည်းကြားနေရပါတယ်။
အဲဒီချေးငွေတွေကို၊ကျွန်တော်တို့ယူထိုက်မယူထိုက်ဆြာဖြေကြားပေးပါခင်ဗျာ”
“သြော်။ဒါလား။ယူရမယ်လေ။ယူသင့်တာပေါ့။ယူကိုယူရမယ်။
ငါးသိန်းတင်မဟုတ်သေးဘူး။ဒင်းတို့တတ်နိုင်လို့သိန်းငါးဆယ်စီပေးရင်လည်း
ယူသာယူလိုက်။နည်းတယ်ထင်ရင်ရနိုင်မယ်ထင်သလောက်
ထပ်သာတောင်း။ပြီးတော့၊မဲပေးတဲ့အခါ၊ကိုယ့်ဖက်ကနေ
ကတိစကားမပျက်ရလေအောင်၊ဗိုလ်ချုပ်ဝါဒဖော်ဆောင်နေပါတယ်
ဆိုတဲ့သူတို့ပါတီကိုပဲ၊သေသေချာချာတံဆိပ်တုံးလေးထုပြီး
မဲပေးလိုက်ကြ။ဟုတ်ပြီနော်”
မိမိကိုယ်မိမိ၊ယုံကြည်မှုအပြည့်ဖြင့်၊ချက်ကျလက်ကျပိုင်နိုင်စွာ၊
ရုတ်ခြည်းတုန့်ပြန်လိုက်သောကျွန်ုပ်၏အဖြေစကား ကြောင့်ရွှေပင်သားတို့၊
ခပ်ငူငူပုံစံဖြင့်၊မီးကိုရေဖြင့်ဖြန်းဘိသကဲ့သို့တွေဝေငြိမ်သက်သွားကြသော်လည်း၊
လူလည် လူတတ်လေသံဖြင့်၊တစခန်းထလာကြသူများမှာ၊ စကားဝိုင်းတလျှောက်လုံးအသံတိတ်နေခဲ့သောဖေကြည်နှင့်လေမင်းသား
တို့ဖြစ်ကြချေသည်။ရွာနွားကမြက်ရွာနွားမစားဟူသောပညာရှိစကားသည်မှန်လွန်းပေစွ။နားဆင်ပါလော့။
“ဒီမယ်ဆြာ။ရူးတယ်ဆိုရင်လည်းကြည့်ရူးပါဆြာ။
အဲဒီပါတီကနေဆြာ့ကိုရာထူးငွေကြေးတွေနဲ့သိမ်းသွင်းစည်းရုံး
ထားတယ်ဆိုရင်လည်း တခြားပညာသားပါတဲ့နည်းလမ်းကိုသုံးပါ။ ဘယ့်နှယ်ဗျာ။တတိုင်းပြည်လုံးနီးပါးရေမြှုပ်နေ တဲ့ကိစ္စကိုတောင်၊ဘာတာဝန်မှထိထိရောက်ရောက်မယူ။
ကြိုတင်သတိပေးချက်လည်းမထုတ်။ကာကွယ်ရေးဦးစီးချုပ်ဆို ဝါထပ်မဲ့နှစ်မို့ရေကြီးမှာသူကြိုတောင်သိနေသတဲ့။ဒီအတိုင်းမှန်ရင် သူဟာသိသိကြီးနဲ့တိုင်းပြည်ကိုပေလ ယျကံပစ်ထားခဲ့တာပေါ့”
“ဆြာတပည့်ချင်းပေမဲ့ အားမနာနိုင်ဘူးဆြာ။(၂၀၀၈)နာဂစ်မုန်တိုင်းဝင်တုန်းကလည်း
လူသိန်းချီသေတာကိုလျစ် လျူပြုပြီးမဲလိမ်မဲခိုးတာတွေလုပ်တယ်။ စစ်ဗိုလ်ချုပ်အဆက်ဆက်၊လောဘအတောမသတ်ပဲခိုးကြဝှက်ကြလို့၊
တတိုင်းပြည်လုံးလဲတက်တက်စင်အောင်ပြောင်ပြီ။ဒီကောင်တွေ
နောက်တချီအာဏာရဦးမယ်ဆိုရင်၊တိုင်းပြည်ရှေ့ ရေးဟာတွေးလို့တောင်
မရနိုင်ဘူး။ဆြာလည်းရွှေပင်သားပါဗျာ။တရွာတည်းသားတွေကို
ချောက်မတွန်းကောင်းပါ ဘူး။တိုင်းပြည်မျက်နှာကိုထောက်ပါ”
အံ့သြစက်ဆုတ်သောမျက်နှာပေးများဖြင့်၊ဒေါသတကြီးဆိုလာသော
သင်းတို့၏မျက်နှာအား၊ကျွန်ုပ်သနားကြင်နာ စွာလှမ်းကြည့်လိုက်ရင်း၊
ဗိုလ်အောင်ဒင်ရယ်သံမျိုးဖြင့် ဟက် ဟက် ဟက် ရယ်သံပြုကာ၊ချက်ချင်း ပင်တုန့်ပြန်ရပါချေသည်။ကျွန်ုပ်စောင့်နေသောအကွက်တွင်၊ဝင်လာခဲ့ချေပြီတကား။
(လေး)
“သည်မယ်ကွဲ့။ကျုပ်တပည့်မလည်ရှုပ်ကလေးတွေရဲ့။
ဘယ်ဘုရားတန်ခိုးကြီးကြီးရွှေတိဂုံကျိန်းနေသလောက်ပဲ ရှိ သကွဲ့။ တပည့်ဘယ်လောက်တတ်တတ်ဆရာငိုက်နေသလောက်ပဲရှိတယ်။
ဒင်းတို့ခိုးလို့တပြည်လုံးပျက်စီးခြင်းငါး ပါးဆိုက်နေတာ၊ကျုပ်လိုဆြာမဆိုထားနဲ့၊ လမ်းဘေးကခွေးနဲ့၊ပုခက်ထဲကကလေးတောင်သိသဟဲ့။
လာမဲ့ရွေးကောက်ပွဲမှာ၊အတိုက်အခံပါတီကြီးအပြတ်အသတ်
အနိုင်ရရင်တောင်၊စစ်ဗိုလ်တမတ်သားကကန့်လန့်တိုက်ပြီးပါနေဦးမှာ။
အခုဒင်းတို့နဲ့ခံယူချက်ခြင်းတူညီပါတယ်ဆိုတဲ့၊
အယုတ်တမာပါတီကြီးကလည်း၊မဖြစ်ဖြစ်တဲ့နည်းနဲ့ညစ်မယ်။ လိမ်မယ်။မတရားလုပ်မယ်။ဒင်းတို့ပါနေသမျှတိုင်းပြည်ပြန်လည်ထူထောင်ရေး
လုပ်ငန်းတွေကြန့်ကြာမယ်။ခက်ခဲ မယ်။အီခံနေမယ်။အမှန်တော့
တတိုင်းပြည်လုံးမှာရှိသမျှတက်တက်စင်အောင်ပြောင်နေတဲ့အပြင်၊
သာမန်ပြည်သူ တွေပါ စစ်ဝါဒစနစ်ဆိုးကြီးက
သင်ကြားပေးလိုက်တဲ့သောက်ကျင့်ဆိုးတွေ စွဲကုန်ပြီ။ဒါကြောင့်၊တတိုင်းပြည်လုံး မြန်မြန်ဘုံးဘုံးလဲပြီး၊တစ်ကနေပြန်စတာ
အကောင်းဆုံးလကွ။
ဒီတော့ လာမဲ့ရွေးကောက်ပွဲမှာဒင်းတို့ကိုပဲ၊အား တက်သရောမဲပေးလိုက်ကြ။ဒင်းတို့ကလည်းဘာမှမသိဘာမှ
မတတ်ပဲသောက်တလွဲချည်းဆက်လုပ်မှာဆိုတော့ အမြန်ဆုံးနည်းနဲ့တိုင်းပြည်ဘုံးဘုံးလဲ။မခံမရပ်နိုင်တဲ့အဆုံး၊
လူထုကရရာလက်နက်နဲ့အုံကြွ၊စစ်တပ်ထဲက အောက်ခြေအကြပ်တပ်သားတွေလည်း
ဝင်ပါ။ကံဆိုးမိုးမှောင်ကျရင်ဒင်းတို့်လည်းကြိုးစင်မြန်မြန်ရောက်တော့
ကိစ္စပြတ်ကရောမဟုတ်လား။
ဂျပန်လိုနိုင်ငံတောင်နူကလီးယား
ဒဏ်ချက်နဲ့ပြာပုံအတိဘဝရောက်ရာကနေ၊ပြန်လည်ရုန်းကနိုင်ခဲ့သေးတာပဲကွာ။
စံနစ်ကောင်း၊ခေတ်ကောင်းနဲ့ဆိုတို့မြန်မာတွေမညံ့ကြပါဘူးလဟ။
အဲသဟာကြောင့် ဒင်း တို့လူလိမ်သူခိုးပါတီကြီးကို
တခဲနက်မဲပေးလိုက်ကြဖို့တိုက်တွန်းနေ ရတာလဟ။ငတုံးတွေရ”
အော်တိုမစ်တစ်စက်သေနတ်ဖြင့်တလစပ်ပစ်ခတ်ဘိသကဲ့သို့၊
ကျွန်ုပ်နှုတ်ဖျားမှစကားသံများထွက်ပေါ်လာခဲ့ချိန် တွင်၊တပည့်ကျော်တို့နှင့်တကွ၊ရွှေပင်ပရိသတ်သည်
တုတ်တုတ်မျှမလှုပ်။ငြိမ်လျက်နာခံနေကြ၏။အတန်ငယ် ကြာမှ၊တပည့်ကျော်ဖေကြည်၏မှတ်ချက်စကားသံနှင့်ရွှေပင်သားတို့
အုန်းကနဲရယ်မောလိုက်သံကြီးထွက်ပေါ်လာခဲ့၏။
“လက်စသတ်တော့။တို့ဆြာက၊ရွဲ့နေတာကိုး”
“အဟတ်၊အဟတ်၊အဟား၊အဟား၊အဟား၊ဟား၊ဟား၊ဟား”
ရွှေပွဲလာတို့၏ကျယ်လောင်လှသောရယ်သံကြီးကြောင့်၊
ကျွန်ုပ်တည်းခိုရာကြီးလုံးခင်၏အိမ်ဂေဟာသည်ပင် အမိုးပွင့်ထွက်သွားတော့မယောင်ရှိ၏။တိုက်ဆိုင်သည်လော၊
အတိတ်နိမိတ်ပေလော၊တိကျစွာမဆိုနိုင်။ထိုစဉ် မိုးနှင့်အတူပါလာသောလေပြင်းတချက်၊ခတ်ပြင်းပြင်းဝှေ့လိုက်သည်တွင်၊
ကြီးလုံးခင်အိမ်နှင့်မျက်နှာချင်းဆိုင်တွင်၊တည်ရှိသောရွှေပင်ရွာ
အစိမ်းရောင်ပါတီ၏ဧရာမဆိုင်းဘုတ်ကြီးသည်၊ရုတ်တရက်
ဘုန်းကနဲနေအောင်မြေသို့သက်သည်ကို
၊ကျွန်ုပ်တို့ အံ့သြဖွယ်ရာလှမ်း၍မြင်တွေ့လိုက်ရချေသည်။
