.

၁၅။မေ။၂၀၁၅နေ့ထုတ် သည်လေးဒီးစ်ဂျာနယ်မှ။ ။

ကျွန်တော်နှင့်ပုရွက်ဆိတ်များ
(မင်းဒင်)

(တစ်)
ကျွန်တော်နေထိုင်ရာအိမ်သည်ပုရွက်ဆိတ်အလွန်များသောအိမ်ဖြစ်၏။
ပုရွက်ဆိတ်ဟူသည်နေရာ တ ကာတွင်တွေ့နိုင်သောသတ္တဝါဖြစ်ရာ၊
အိမ်တွင်ပုရွက်ဆိတ်များလွန်းခြင်းသည်ထူးဆန်းခြင်းရာမဟုတ် ဟု ရုတ်တရက်ယူဆရန်အကြောင်းရှိသဖြင့်၊သေချာဃဏစွာရှင်းပြရန်
လိုအပ်မည်ဟုထင်ပါသည်။

အိပ်ခန်းထဲတွင်ပုရွက်ဆိတ်၊ဧည့်ခန်းထဲတွင်ပုရွက်ဆိတ်၊ဘုရားစင်တွင်ပုရွက်ဆိတ်၊
ထမင်းစားခန်းထဲတွင်ပုရွက်ဆိတ်၊ရေအိုးစင်မှာပုရွက်ဆိတ်၊အိမ်သာထဲတွင်ပုရွက်ဆိတ်၊
ကားဂိုထောင်မှာပုရွက်ဆိတ်၊မီးဖိုချောင်မှာပုရွက်ဆိတ်၊
တအိမ်လုံးဘယ်နေရာမှရှောင်မလွတ်သောဆိတ်တို့သည်
အိမ်အပြင်ဖက်ခြံထဲမှ၊ပုဏ္ဏရိပ်ပန်းခြုံ၊သရက်ပင်၊ပိန္နဲပင်၊မာလကာပင်နှင့်
ရွက်လှပန်းပင်တို့တွင်ပါ၊ရှစ်ခေါပဏီတပ်ကြီးကဲ့သို့အုံလိုက်ကျင်းလိုက်
တပျော်တပါးသိုက်မြုံဖွဲ့လျက်ရှိကြ၏။

ကုန်ကုန်ပြောရလျှင်၊မကြာမကြာကျွန်တော့်မျက်နှာပြင်အထိနယ်ချဲ့ကာ
၊ရွစိရွစိဒုက္ခပေးတတ်ရုံမျှမက၊တခါတရံကျွန်တော့်နားရွက်အတွင်းသို့ဝင်၍
နားစည်အနီး သို့တိုင်အောင်ပင်၊ ကျူးကျော်ဝင်ရောက်နေရာယူလေ့ရှိတတ်လေသည်။

နေအိမ်နှင့်ခြံဝင်းအတွင်းတွင်၊ပုရွက်ဆိတ်အနီ၊အနက်၊နီနက်နှစ်ရောင်စပ်တို့အပြင်၊
အကောင်အရွယ်အစားအကြီးအသေးအလတ်ဇကစသည်တို့ကိုပါတွေ့မြင်ရသဖြင့်
ကမ္ဘာပေါ်တွင်ပုရွက်ဆိတ်အမျိုးအစားပေါင်းတစ်သောင်းကျော်ရှိသည်ဟု
ဆိုကြခြင်းမှာမှန်နိုင်လောက်၏။

အညှီရှိလျှင်ယင်အုံဆိုသကဲ့သို့အချိုရှိသောကြောင့်ပုရွက်ဆိတ်တို့များနေသည်ဟု
သံသယစိတ်ဖြင့်စောဒကတက်ရန်အကြောင်းရှိပါသည်။
ကျွန်တော်သည်ထန်းလျက်သကြားကုန်သည်မဟုတ်သည့်အပြင် ယင်းကဲ့သို့အရသာချိုသောပစ္စည်းတို့ကိုလည်းသိုလှောင်သိမ်းဆည်းထားသူ
မဟုတ်ပါပဲလျက်၊အကျိုးအကြောင်းအဆက်အစပ်ကင်းမဲ့စွာ၊များလွန်းနေသည်မှာ
မှန်သောသစ္စာဖြစ်ပါ၏။

(နှစ်)
ထို့အပြင်ပုရွက်ဆိတ်တို့ကြိုက်နှစ်သက်တတ်သောအချိုပစ္စည်းတို့ကို
စနစ်တကျကိုင်တွယ်သိမ်းဆည်းခြင်းမရှိသဖြင့်၊ယခုကဲ့သို့ပုရွက်ဆိတ်များနေ
ရခြင်းဖြစ်ကြောင်းသံသယပွားစရာရှိနေခြင်းအပေါ်ပို၍အမြင်ရှင်းစေရန်၊ခိုင်မာသောသက်သောသာဓကတစ်ခုပြလိုပါသည်။

လွန်ခဲ့သောတစ်လကျော်ခန့်ကကျွန်တော်သည်ကျန်းမာရေးအလို့ငှာ၊
မှီဝဲစားသုံးရန်ပျားရည်စစ်စစ်တပုလင်းကို၊မိုင်ထောင်ချီဝေးလံသော
ဇာတိနိုင်ငံရှိချက်မြှုပ်ရာရွာမှတကူးတကလှမ်း၍မှာကြားရာ
၊ဆွေမျိုးညာတကာတို့၏စောင်မမှုဖြင့်၊ယခုကျွန်တော်နေထိုင်ရာ
ထိုင်းနိုင်ငံတောင်ပိုင်းဖူးခက်ကျွန်းအမ်မခန်အရပ်နေအိမ်သို့ကောင်းမွန်
စွာရောက်ရှိလာခဲ့ပါ၏။

ဆေးဝါးအဖြစ်မလွှဲသာ၍သာမှာကြားရသော်ငြား
ပျားရည်ပုလင်းမရောက်မီကပင်သည်သတ္တဝါတို့သောင်းကျန်းမည့်
အရေးကိုကြိုတင်တွေးဆ၍ရင်အလေးကြီးလေးခဲ့ရသည်မှာလည်း မသေးလှသည့်၊သောကတစ်မျိုးပင်ဖြစ်လေသည်။

ကျွန်တော်သည်ပျားရည်ပုလင်းအား၊၎င်းတို့နှောင့်ယှက်ဖျက်ဆီးမည့်ဘေးအန္တရာယ်မှ
ကာကွယ်နိုင်ရန်အလို့ငှာ၊ထိရောက်သောအစီအမံတစ်ရပ်ဖြင့်
သေချာကျနစွာဆောင်ရွက်ထားခဲ့ပုံမှာ အောက်ပါ အတိုင်း ဖြစ်ပါ၏။

ပျားရည်ပုလင်းမှာမိုင်ထောင်ချီ၍ခရီးနှင်လာခဲ့ရသည်ဖြစ်ရာ၊
ပလပ်စတစ်နှင့်တိတ်သားအထပ်ထပ် စည်းနှောင်ထားသော်ငြား၊ခရီးခုလတ်၌အတန်ငယ်ယိုစိမ့်လာဟန်ရှိသဖြင့်၊
ထုတ်ပိုးခွံကိုဖယ်ရှားပြီး သည်နှင့်၊ပုလင်း၏အပြင်ဖက်နံရံကိုဆပ်ပြာဖြင့်
အထပ်ထပ်ဆေးကြောသည်။ပျားရည်စစ်မစစ်၊ဖူးခက် ကုန်တိုက်များမှ ဝယ်သူသုံးစွဲခဲဖူးသောဈေးကွက်တင်ပျားရည်တို့နှင့်အရသာမည်သို့ကွဲပြားသည်ကို
သိရှိနိုင်ရန်နှစ်ဇွန်းစာမျှမြည်းစမ်းအပြီး၊ပုလင်းဝကိုသေချာစွာထပ်မံသန့်ရှင်းကာ၊
ပုလင်းအဖုံးကိုခပ်ကျပ်ကျပ်ပိတ်၏။

ထိုနောက်စောက်အနက်လေးလက်မခန့်ရှိသောဟင်းပန်းကန်ခပ်ကြီးကြီးထဲတွင်
ရေသုံးပုံနှစ်ပုံခန့်ထည့်ကာ၊ရေလယ်ခေါင်တည့်တည့်တွင်
ပျားရည်ပုလင်းကိုနေရာချထားရာ၊နေပြည်တော်ကိုရေကျုံးဖြင့် ဝန်း ရံကာကွယ်ထားခြင်းနှင့်နှိုင်းယှဉ်မြင်ယောင်ကြည့်နိုင်ပါသည်။

ကျွန်တော်၏မဟာဗျူဟာမြောက်ကြိုတင်ကာကွယ်ရေးစနစ်သည်၊
လုံခြုံစိတ်ချရပြီဟုတွေးထင်ခဲ့ခြင်းမှာတက်တက်စင်အောင်လွဲမှားနေကြောင်း
နောက်နှစ်ရက်အကြာတွင်၊ပျားရည်ပုလင်းတွင်အုံခဲနေသောပုရွက်ဆိတ်များက
သက်သေခံလျက်ရှိ၏။

(သုံး)
အံ့သြခြင်းကြီးစွာဖြစ်ရသောကျွန်တော်သည်၎င်းတို့၏ပျားရည်ပုလင်းစစ်ဆင်ရေး
နည်းဗျူဟာကိုသေချာစွာလေ့လာရပြန်သည်။ပုရွက်ဆိတ်တို့သည်
ရေကူးတတ်လေသလော၊လှေသမ္ဗာန်၊သင်္ဘောတို့ဖြင့်
ရေပြင်ကိုဖြတ်သန်းချီတက်နိုင်ကြလေသလော။

သို့တည်းမဟုတ်၊ပုရွက်ဆိတ်လေထီးစစ်သည်တို့ကို အသုံးပြုခဲ့လေသလော။ကမ္ဘာ့စစ်သမိုင်းတွင်မော်ကွန်းတင်ခဲ့လေသော
ဂန္ဓဝင်ရေကြောင်းတိုက်ပွဲကြီးများကိုသတိရစရာကောင်းလှပါ၏။

တိကျသောအဖြေမှန်ကိုရရှိရန်၊အကြိမ်ကြိမ်အထပ်ထပ်ဝေဖန်လေ့လာ
ဆန်းစစ်ရာတွင်၊ကမ္ဘာကျော်တရုတ်စစ်သူကြီးဆွန်ဇု၏သေနင်္ဂဗျူဟာစစ်ပညာကျမ်း
၊မြန်မာစစ်သူကြီးမဟာဗန္ဓုလ၏အာသံမဏိပူရမှရန်ကုန်စစ်မျက်နှာသို့စစ်ချီနည်းတို့ကိုပါ၊
လှန်လှောဖတ်ရှုရသည်အထိဖြစ်ပြီး နောက်ဆုံးတွင်မူအဖြေမှန်ကို
ကျွန်တော်ရှာဖွေနိုင်ခဲ့ပါသည်။

ပုရွက်ဆိတ်တို့သည်ရေမကူးတတ်သော်ငြား၊ရေပြင်၏အခြေအနေကို
အချိန်ကြာမြင့်စွာစောင့်ကြည့်လေ့လာခဲ့ကြဟန်ရှိ၏။ ပန်းကန်တွင်းရှိ ပုလင်းကိုဝန်းရံထားသောရေသည်၊အချိန်ကြာလာသည့် အခါ၊ ယင်းတွင် ပါဝင်သောဓာတ်တမျိုးကြောင့်အပေါ်ယံမျက်နှာပြင်သည်အတန်ငယ်တင်းမာလာကာ၊
အလွန်ပါးလှပ်သောအလွှာတစ်ခုဖြစ်ပေါ်လာ၏။

ယင်းအလွှာပါးပေါ်သို့၊သာမန်မျက်စိဖြင့်သေချာကြည့်မှမြင်နိုင်သော
ဖုန်မှုံ့တချို့ကျရောက်လေသည်တွင်၊သကောင့်သားကိုယ်တော်ချောတို့သည်၊
အဆိုပါအလွှာပါးအား၊အသက်ကိုဖက်ရွက်မျှပင်သဘောမထား၊
စွန့်လွှတ်စွန့်စားသည့်ခြေလှမ်းဖွဖွဖြင့်ကျော်ဖြတ်ကာ၊ပျားရည်ပုလင်းဆီသို့
ဒုတ်ဒုတ်ထိချီတက်နိုင်ခဲ့ကြခြင်းဖြစ်လေသည်တကား။

သို့သော်သူတို့ထင်သလောက်စိတ်မချရသောရေမျက်နှာပြင်ထက်မှအလွှာပါး
ကျွံကျသောကြောင့်ရာကြီးဂဏန်းချီ၊ထောင်ဂဏန်းနီးပါးမျှသော
ပုရွက်ဆိတ်စစ်သည်တော်တို့၊ရေနစ်ကျဆုံးကြလေသည်။

ထို့ပြင်ပျားရည်ပုလင်းတောင်ကုန်းကိုသိမ်းပိုက်နိုင်ကြသည့်ပုရွက်ဆိတ်တို့သည်လည်း၊
တင်းကြပ်လှ သော ပုလင်းအဖုံးကြောင့်၊ပျားရည်ပုလင်းဘဏ်တိုက်ကို စီးနင်းစိုးမိုးစားသုံးနိုင်ခြင်းမရှိလေရာ၊ပျားရည်စစ်ဆင်ရေးအောင်ပွဲ၏အသီးအပွင့်ကို၊
ခံစားနိုင်ခြင်းအလျဉ်းမရှိခဲ့ကြချေ။

(လေး)
ထိုသို့ဖြင့်ကျွန်တော်သည်ပုရွက်ဆိတ်တို့ရာဇဝင်ဇစ်မြစ်ကိုဆက်လက်လေ့လာ
ဖတ်ရှုမိပြန်ရာ၊ပုရွက်ဆိတ်တို့သည်ကမ္ဘာပေါ်တွင်လွန်ခဲ့သောနှစ်သန်းပေါင်းများစွာ
ကတည်းကအသက်ရှင်နေထိုင်ခဲ့ကြကြောင်း၊နှစ်သန်းပေါင်းတစ်ရာ
သက်တမ်းရှိကျောက်ဖြစ်ရုပ်ကြွင်းများ၌ရှေးဦးပုရွက်ဆိတ်မျိုးနွယ်များကိုတွေ့ရှိရခြင်းက
အခိုင်အမာသက်သေခံလျက်ရှိ၏။

ပုရွက်ဆိတ်တို့သည်အုပ်စုဖွဲ့နေထိုင်လေ့ရှိပြီး၊ရှာဖွေရရှိသည့်စားရေရိက္ခာတို့ကို
သူတို့၏မျိုးနွယ်စုများနှင့်အတူဝေမျှစားသောက်လေ့ရှိပြီး၊ယင်းရိက္ခာအစားအစာတို့ကို
မည်သည့်အရပ်ဒေသမှမဆို၊အသိုက်သို့ရောက်အောင်သယ်ဆောင်း
စုဆောင်းလေ့ရှိကြောင်း၊ပုရွက်ဆိတ်အရေးကျွမ်းကျင်သူတို့၏လေ့လာဆန်းစစ်ချက်
တွင်ဖော်ပြထားသည်။

ပုရွက်ဆိတ်တို့သည်စစ်သားများကဲ့သို့တန်းစီချီတက်လေ့ရှိကြောင်း၊
ပုရွက်ဆိတ်တပ်မတစ်ခုတွင်ပုရွက်ဆိတ်အကောင်ရေတစ်သိန်းခွဲခန့်ပါဝင်ကြောင်း၊
မိမိခန္ဓာကိုယ်ထက်အဆ(၂၀)ကျော်သောအလေးချိန်ကို သယ်ပိုးချီမနိုင်ကြကြောင်း၊ ပုရွက်ဆိတ်မန်နေဂျာ၊ပုရွက်ဆိတ်ကြီးကြပ်သူ၊ပုရွက်ဆိတ် အလုပ် သမားခေါင်းဆောင်၊ပုရွက်ဆိတ်လုပ်သားစသည်ဖြင့်၊ရာထူးအဆင့်အလိုက်အလုပ်
တာဝန်ခွဲဝေမှုလည်းရှိသည်ဟုဆိုပြန်ပါသည်။

ထို့ပြင်ပုရွက်ဆိတ်အချင်းချင်းအဆင့်မြင့်ဆက်သွယ်ရေးစနစ်ရှိကြောင်း၊
အချင်းချင်းစကားပြောဆိုတတ်ကြောင်း၊သူပိုင်ကိုယ်ပိုင်ပစ္စည်းချင်းလဲလှယ်တတ်သည့်
အမူအကျင့်ရှိကြောင်း၊ဆောင်းတွင်းအခါ၌သစ်စေးများကိုသိုလှောင်လေ့ရှိကြောင်း၊
ကွယ်လွန်သူပုရွက်ဆိတ်များကိုမြှုပ်နှံသင်္ဂြဟ်လေ့ရှိကြောင်းလည်းသိရပြန်ပါသည်။

လူတကာသိနေသောအီစွပ်ပုံပြင်တစ်ပုဒ်မှပုရွက်ဆိတ်နှင့်နှံကောင်
အကြောင်းတွင်၊ပုရွက်ဆိတ်တို့၏လုံ့လဝီရိယကိုဇောင်းပေးဖော်ပြထားသည်ကိုလည်း
အမှတ်ရဖွယ်ဖြစ်ပါ၏။

အလွန်ထူးခြားအံ့သြဖွယ်ကောင်းသည်ကား၊ကမ္ဘာပေါ်ရှိပုရွက်ဆိတ်
အရေအတွက်သည်၊ကျွန်တော်တို့လူသားများထက်အဆပေါင်းများစွာ
ပိုလွန်နေသည်ဟူသောအချက်ဖြစ်၏။

ကမ္ဘာပေါ်တွင်လူသားတစ်ဦးရှိသည်ဆိုပါက၊ပုရွက်ဆိတ်ကောင်ရေတစ်သန်း
ရှိသည်ဟုဆိုရာ၊လူနှင့်ပုရွက်ဆိတ်တို့၏အချိုးအစားမှာတစ်သန်းအချိုးတစ်ဖြစ်၏။
ထို့ထက်ထူးဆန်းသည်ကား၊ပုရွက်ဆိတ်တစ်ကောင်၏ကိုယ်ခန္ဓာအလေးချိန်သည်
လူသား၏ခန္ဓာကိုယ်အလေးချိန်၏အပုံတစ်သန်းပုံတစ်ပုံသာရှိသည်ဆို၏။

သို့သော်ကမ္ဘာပေါ်တွင်ပုရွက်ဆိတ်အရေအတွက်သည်လူသားထက်
အဆတစ်သန်းပိုလေရာ၊ကမ္ဘာ့ပုရွက်ဆိတ်အားလုံး၏အလေးချိန်နှင့်
လူသားအားလုံး၏အလေးချိန်မှာ တူညီနေသည်ဆိုခြင်းပေတည်း။

ဘော်နီယိုကျွန်းရှိပုရွက်ဆိတ်မျိုးစိတ်တမျိုးမှာ၊ရန်သူတို့ကိုရင်ဆိုင်တိုက်ခိုက်ရာ၌၊
မလွှဲမရှောင်သာတိုက်ပွဲအကျဉ်းအကြပ်အခြေအနေသို့ရောက်သည့်အခါ၊
မိမိခန္ဓာကိုယ်မှအဝါရောင်စေးပျစ်သောအရည်တစ်မျိုးကိုအရေးပေါ်ထုတ်လျက်
ရန်သူပုရွက်ဆိတ်ထံပူးကပ်ကာ၊မိမိကိုယ်မိမိအဆုံးစီရင်ခြင်းဖြင့်၊
ရန်သူပုရွက်ဆိတ်ကိုပါသေစေသောကာမီကာဇေနည်းကိုပါအသုံးပြုလေ့ရှိကြောင်း
ဖော်ပြထားပြန်သဖြင့်ပုရွက်ဆိတ်တို့၏အတ္ထုပ္ပတ္တိမှာရေးသားဖော်ပြ၍
ကုန်နိုင်မည်မဟုတ်ချေ။

(ငါး)
ပုရွက်ဆိတ်တို့၏ပြောင်မြောက်သောသမိုင်းနောက်ခံကိုကျွန်တော်အထူးစိတ်ဝင်စားပါ၏။
ပုရွက်ဆိတ်တို့၏တပ်ရင်းတပ်ဖွဲ့ပုံစံအမိန့်နာခံတတ်မှု၊အုပ်စုတွင်း
စည်းလုံးညီညွတ်မှု၊သတ္တိပြောင်မြောက်စွာစွန့်လွှတ်စွန့်စားတတ်မှု၊
သူတို့၏ကြံရည်ဖန်ရည်နှင့်ဇွဲလုံ့လဝီရိယ၊နည်းစနစ်ကျလှသောလုပ်ငန်းတာဝန်
ခွဲဝေပုံအဆင့်ဆင့်တို့ကိုလည်းကျွန်တော်လေးစားအားကျပါ၏။

သို့သော် လတ်တလောကျွန်တော်လေ့လာဖတ်ရှုမိသမျှပုရွက်ဆိတ်ဆိုင်ရာကျမ်းများတွင်၊
ပုရွက်ဆိတ် တို့သည်၊လူသား၊အခြားသတ္တဝါများနှင့်သဘာဝပတ်ဝန်းကျင် အတွက်တနည်းတလမ်းဖြင့်အကျိုးပြုလျက်ရှိသောကြောင့်ကမ္ဘာကြီးအတွက်
ပုရွက်ဆိတ်တို့မရှိမဖြစ်ဟူသောအချက်ကိုမူ၊မတွေ့မိသေးချေ။ပုရွက်ဆိတ်တို့သည် သူတော်ကောင်းသတ္တဝါစာရင်းဝင်ဟုတ်မဟုတ်ကျွန်တော်သံသယကြီးစွာရှိမိ၏။

သေချာသည်ကားကျွန်တော့်နေအိမ်နှင့်ခြံတဝင်းလုံးတွင်နေရာတိုင်းမှာ
သူတို့မျက်နှာချည်းဖြစ်၏။ဒုက္ခမျိုးစုံပေးလွန်းလှသောကြောင့်ပုရွက်ဆိတ်ကင်းစင်
၊နေအိမ်ခြံဝင်းတခွင်တည်းဟူသောကြွေးကြော်သံဖြင့်၊
ပုရွက်ဆိတ်သေစေနိုင်သောဆေးဗူးမျိုးစုံကိုအသုံးပြုလျက်နှိမ်နှင်းရန်အားထုတ်ဖူး၏။

သို့သော် တထွာကျော်ကျော်ခန့်သာရှိသောဆေးတဗူးအတွက်မြန်မာငွေ ကျပ်ငါးထောင်ကျော်တန်ဖိုးသင့်သဖြင့် ဇောတိကပင်၊ဆင်းရဲမွဲတေသွားနိုင်သည့်အပြင်၊
သုံးစွဲသူ၏ကျန်းမာရေးအတွက်နောက်ဆက်တွဲအန္တရာယ်မသေးသောကြောင့်
လက်လျော့ထားရလေသည်။

တခါတရံစိတ်နာလွန်း၍အိမ်ရောခြံကိုပါ၊ ဓာတ်ဆီ ရွှဲရွှဲလောင်း၍မီးတင်ရှို့ရန်၊ အကြံအစည်မှာကားရူးမိုက်လွန်သည့်ဖြစ်၍အကောင်အထည်မ ပေါ်နိုင်ချေ။

ထို့ကြောင့်ပုရွက်ဆိတ်တို့ကိုမြင်တိုင်းသွေးလန့်နေရသည့်ကျွန်တော်သည်၊
သင်းတို့သည့်ထက်အင်အားပိုရှိလာလျှင်ဖြင့်၊ကျွန်တော့်ဘဝရှေ့ရေးမှာ
မတွေးဝံ့စရာပေတည်း။

အချိုကြိုက်လွန်းအနံခံကောင်းလွန်းနေရာယူတတ်လွန်းသည့်အပြင်၊
ကျွန်တော်ကိုယ်တိုင်၊ချိုသည်ခါးသည်မဝေခွဲနိုင်သည့်၊နားတွင်းမှနဖာချေးပါမကျန်
ဝင်ရောက်စားသုံးတတ်သည့်၊ဒုက္ခပေးသောပုရွက်ဆိတ်တို့၏
ဘေးရန်ကားတွေးမိတိုင်းကျောချမ်းစရာကောင်းလှပါ၏။

သို့ပါ၍ကျွန်တော့်နေအိမ်ခြံဝင်း၏အနာဂတ်သာယာဖွံ့ဖြိုးစေရေးအတွက်၊
စီမံချက်အသစ်များချမှတ်ရာ ၌၊ပုရွက်ဆိတ်တို့အား၊အရေးပါအရာရောက်သော အဓိကအခန်းကဏ္ဍတွင် ထည့်သွင်းရန်၊ ကျွန်တော့် အနေဖြင့်၊ တရံတဆစ်တွင်မျှအိပ်မက်ပင်မမက်ခဲ့ဖူးကြောင်း၊
အများပြည်သူတို့အားအလေးအနက်ဖွင့်ဟကြေညာအပ်ပါသည်။ ။

ဧရာဝတီသတင်းဌာနဝက်ဘ်ဆိုက်၊(၁၉။၀၅။၂၀၁၅)

ကန်စွန်းရွက်ကြော်ရာတွင်လည်းစစ်ရေးအမြင်ရှိအပ်၏။ ။

(မင်းဒင်)

ဟိုလူ့အကြောင်း ဒီလူ့အကြောင်း သူ့အကြောင်း ကိုယ့်အကြောင်း ဘယ်အကြောင်းကိုမှ ပြောချင်စိတ် မရှိတော့တာ အမှန်ပဲဗျာ။ ဒါပေမယ့် မပြောဘဲလည်း မနေနိုင်ပြန်ဘူး။ ပြောမယ့်သာ ပြောရမှာ အခုပြောမယ့် အကြောင်းက ကိုယ့်ပေါင်ကိုယ် လှန်ထောင်းတဲ့ အကြောင်းခင်ဗျ။ အေးလေ အခု ကျုပ်တူတော်မောင် အကြောင်း ဖောက်သည် ချမှာမို့ ပက်လက်လှန်ပြီး တံတွေး ထွေးသလို ဖြစ်နေတယ် ဆိုရင်လည်း ဆိုကြပေရော့။

ဒီကောင် ကျုပ်ဆီကို ရောက်နေတာ ၄ နှစ်ကျော်လောက် ရှိပြီဗျ။ ကျုပ်ကလည်း အရွယ်ထောက်လာ၊ ဒင်းကလည်း တူအရင်း ဖြစ်နေတော့၊ အရှင်မွေး နေ့ချင်းကြီး ဆိုသလို၊ ဆိုင်ရှင့်တူ ဆိုင်မန်နေဂျာ တန်းဖြစ်ကရော ဆိုပါတော့။ နည်းပညာခေတ်ကြီးမှာ မန်နေဂျာသာ ဖြစ်လာတာ၊ လူငယ်ပီပီ ယောက်ျားတို့ တတ်အပ်သော ပညာ ချွတ်ခြုံကျချက် ကတော့ ပြောမဆုံးပေါင် တောသုံးထောင် ဆိုတဲ့ အစားထဲကပဲဗျာ။ ဒီကြားထဲ ကိုယ်ဖျင်းတာ နုံတာကို ဝန်မခံချင်ဘဲ တောက်တိုမယ်ရ ဖတ်ဖူးမှတ်ဖူးတဲ့ စာတိုပေစထဲက ဆင်ခြေဆင်လက်တွေ ပေး ပေး နေတတ်တာကို ကျုပ် အမုန်းဆုံးပဲ။ ဘာတဲ့၊ အိုင်းစတိုင်း ငယ်ငယ်တုန်းက သင်္ချာညံ့သတဲ့။ ဘီလ်ဂိတ်ဟာ တက္ကသိုလ်ကနေ ဘွဲ့မရဘူးတဲ့။

လာလာချည်သေး။ သူပြောသလို ဆိုရင်ဖြင့် ကျုပ်ဟာ အိုင်းစတိုင်းလောင်းလျာ၊ ဘီလ်ဂိတ် အသေးစားလေးကို ဆူပူကြိမ်းမောင်း နေမိတဲ့ အပေါက်ပေါ့ဗျာ။ ကွန်ပျူတာ ကိုင်တွယ်သုံးစွဲနည်း၊ ဈေးဆိုင်စာရင်း အဝင်အထွက်၊ ဖောက်သည် အကြီး အငယ် အလတ်တွေရဲ့ အခြေအနေ စတာတွေကို ကျုပ်သင်ရိုးအတိုင်း အချိန်တိုအတွင်း ဇွတ်တွန်း ပို့ချ လိုက်တာ ဒင်းလည်း မျက်ရည် စမ်းစမ်း စမ်းစမ်းနဲ့ သင်ရိုးကုန်သလောက်ဖြစ်ခဲ့ရော ဆိုပါတော့။

အမယ် ဒီကောင်ဟာ ဈေးရောင်းခြင်း အတတ်ပညာမှာတော့ ဘမျိုးဘိုးတူမို့ ထင်ပါရဲ့၊ အတော့်ကို မဆိုးရှာဘူး။ ဒီအ ချက်ကိုတော့ ခြွင်းချက်ထားရမယ်။ နေဦးဗျ။ ဒီလိုကောင်မျိုးကို ဒီခေါင်းစဉ် တခုတည်းနဲ့ နင်းကန်ချီးမွမ်းပြီး ဇွတ် မြှောက်ပေး ပြန်ရင်လည်း၊ လိပ်ကို မာရသွန်ချန်ပီယံဘွဲ့ ပေးသလို ဖြစ်မှာလည်း စိုးရသေးတာမို့ ကျုပ်မှာ အကန့်အသတ်လေးနဲ့ မသိမသာ အသိအမှတ် ပြုနေရသဗျာ။

ဒီကောင်နဲ့ ကျုပ် ထိပ်တိုက်တွေ့တဲ့ ကိစ္စကတော့ မီးဖိုချောင် စစ်ဆင်ရေးပဲ ဗျ။ ဟုတ်တယ်လေ။ သူများ နိုင်ငံမှာ လာပြီး ရှာဖွေ စားသောက်နေကြရတဲ့ သူတိုင်း ကိုယ့်ဝမ်းမီး ကိုယ်ငြိမ်းဖို့ ကိုယ်တိုင် ချက်ပြုတ် စားသောက်ရတာ ဓမ္မတာပဲ မဟုတ်လား။ ရေခြားမြေခြားမှာ လက်ဆေးပြီး အသင့်ဝင်စားဖို့ ဆိုတာ ဖြစ်မှ မဖြစ်နိုင်တာကလား။ ကျုပ်လည်း ဒီအသက် ဒီအရွယ်နဲ့ အမြဲတစေ၊ ဒင်းအတွက် စားတော်ကဲ တာဝန် မယူနိုင်ဘူး။ ဒီမှာတင် ကျုပ်နဲ့ ကျုပ်တူ ပွဲကြီး ပွဲကောင်း တွေ့ကြတော့တာပဲဗျို့။

တမနက်သား၊ မနက်စာ အတွက်တခုခုလုပ်ကွာ လို့လည်း ဒင်းကို ပြောလိုက်ရော၊ ရပါတယ် ဦးလေးရ၊ မလေးရှား ကြက်ဥကြော် ကောင်းကောင်း ကြော်ပေးပါ့မယ် ဆိုပြီး၊ နာရီဝက် သာသာလောက် အကြာ မျက်နှာပြင်နှစ်ဘက်စလုံး မည်းတူးနေတဲ့ အပြားတချပ် ပန်းကန်ထဲထည့်လာတယ်။ ကြိုပြောထားလို့သာ ကြက်ဥကြော်မှန်း သိရတာပေါ့။ မလေးရှားမှာ ကြက်ဥကို ဒီလိုကြော်စားကြတယ်လို့ ကျုပ်ဖြင့် မကြားဖူးပေါင်ဗျာ။ အမယ်၊ နောက်တနေ့ကျတော့ ရှယ် ကန်စွန်းရွက်ကြော် တဲ့။ ကန်စွန်းရွက်ကို နွားစာစဉ်းသလို နုတ်နုတ်စင်းပြီး၊ ဆီတရွှဲရွှဲ အချိုမှုန့်နိုင်းချင်းနဲ့၊ ပြာနှမ်းနေအောင် လုပ်လာပြန်ပါလေရော။

ဘယ် တတ်နိုင်ပါ့ မတုန်း။ ဇီဇာကြောင်တယ် ဆိုတာ ယောက်ျားကောင်းတွေ အလုပ် မဟုတ်ပါဘူးလေ ဆိုပြီး၊ ရေနွေး ကြမ်းနဲ့ မျှောချ လိုက်ရပေမယ့် လည်ချောင်းမှာ နင်နင်နေလို့ “မင်းနှယ်ကွာ၊ ဒီအရွယ်အထိ၊ ဘာတခုမှ ဖြစ်ဖြစ် မြောက်မြောက် မတတ်သေးပါကလား။ ငါ့တူလို့ ပြောရမှာတောင် ရှက်စရာကွာ” လို့လည်း ငေါက်မိရော၊ ကိုယ် တော်ချောက “ကျနော့် အမေနဲ့ အဖေက ကျနော်တို့ကို တသက်လုံး ချက်ကျွေးလာတာဗျ” တဲ့။ အရေးထဲ သူ့ အမေကျုပ်နှမ၊ ကျုပ်ယောက်ဖ သူ့အဖေ အကောင်းစားတွေကို စန်းတင်နေလို့ နားရင်းထရိုက်ချင်စိတ်ကို တော်တော် ထိန်းထားလိုက်ရတယ်။

ဒီမှာတင် ကျုပ်လည်း မဖြစ်ချေဘူး၊ ဒင်းကို သေချာသင်တန်းပေးလေမှ ဆိုပြီး ကန်စွန်းရွက်ကြော်နည်း အခြေခံ သင်တန်း ပေးရရော ဆိုပါတော့။

နေဦးဗျ။ လူတွေကသာ ကျုပ်ကို ခပ်အေးအေးလူလို့ ထင်နေကြပေမယ့် အမှန်က ယမ်းဘီလူး အကြီးစား ဆိုတာ ဒီလူတွေ သေချာ မသိကြလို့။ အထူးသဖြင့် ပါးရည်နပ်ရည် မရှိတဲ့ နလပိန်းတုံးတွေကို သွန်သင်ဆုံးမရတဲ့ အခါ ကျုပ်က စိတ်လွှတ် တိုတတ်တယ်။ အထူးသဖြင့် အမျိုး ဖြစ်နေတော့ ဂရုဏာဒေါသောနဲ့ ပိုဆိုးနေတယ် ဆိုတာ ကျုပ်သင်တန်း ပို့ချပုံ နမူနာလေးကို နားဆင်ကြည့်ကြ ပေတော့။

ဟေ့ကောင် ရေခဲသေတ္တာထဲမှာ ကန်စွန်းစည်း ၄ စည်း ရှိတယ်။ တို့နှစ်ယောက် ညမနက်စာ ဆိုတော့ ၂ စည်းဆို တော်ပြီ။ ကန်စွန်းရွက်စည်းကို အရင်းကနေ လက်ငါးလုံးလောက် ဖြတ်လိုက်။ ကန်စွန်းရွက်မှာ ပိုးသတ်ဆေးတွေ ပါလာတတ်တယ်။ ရေစင်အောင် မဆေးလို့ကတော့ ကိုယ့်သေတွင်း ကိုယ်တူးသလို ဖြစ်မယ်သာ မှတ်။ ဇလုံကြီးကြီးထဲ ထည့်ပြီး လေးငါးခါ ရေနိုင်နိုင်ဆေး။ ဖြတ်ပြီးမှ မဆေးနဲ့လဟ။ မဖြတ်ခင်ဆေးနိုင်အောင် ဇလုံကြီးကြီး သုံးခိုင်းတာ။ အမှန်က ကန်စွန်းရွက်ကို အနေတော်ဖြစ်အောင် လက်နဲ့သင်တာ အကောင်းဆုံး။ ဒါပေမယ့် မင်းလိုတုံးပုံနဲ့ ဒီသင်ခန်းစာကို ကျော်မှ ဖြစ်မယ်။

ပြီးရင် ကန်စွန်းရွက် လေးငါးညွန့်ကို စုကိုင်၊ အဖျားကနေ ဓားပြားနဲ့ ခပ်ဆတ်ဆတ် နှစ်ချက်လောက်ရိုက်၊ လက် လေးလုံးလောက် အရှည်လေးတွေ ဖြတ်၊ ဆန်ခါခပ်သန့်သန့်နဲ့ ရေစစ်ထားလိုက်။ ဘာလဲ။ အခုလို ဖြတ်ပြီးမှ ရေဆေးရတာ ထုံးစံပဲ ဟုတ်လား။ မင်းပါးစပ် ပိတ်ထားကွာ။ ဓားပြားနဲ့ ရိုက်ပြီးမှ ရေဆေးလိုက်ရင်၊ ဘာဗီတာမင်မှ မကျန်ဘဲ ကောက်ရိုး စင်းပြီးသား ဝါးစားသလို ဖြစ်တော့မပေါ့ ဟ။

သေချာ ရေစစ်နော်။ ရေမစင်ရင် မင်း ကန်စွန်းရွက်ကြော်က ဘတ်လဘိုင် လိုက်ကုန်မှာ။ ကဲ၊ ကန်စွန်းရွက် ဇလုံကို ခဏပစ်ထားလိုက်ဦး။ ကြက်သွန်နီ အနေတော် နှစ်လုံး အခွံနွာပြီး ခပ်ပါးပါးလှီး၊ အဖြူလေးငါးမွှာလည်း ထိုနည်းလည်း ကောင်းပဲ။ အဲဒီ နှစ်မျိုးစလုံးကို ပန်းကန် သေးသေး တလုံးထဲမှာ ထည့်၊ မီးဖိုဘေးမှာ ချထား။ ငရုပ်သီးစိမ်း သုံးလေး တောင့်ကို ဓားပြားနဲ့ရိုက်ပြီး၊ စဉ်းတီတုံးပေါ်မှာ တင်ထားလိုက်ဦး။ ငရုပ်သီးဆိုတာလည်း ကျန်းမာရေး အတွက် အနည်းအကျဉ်း စားသင့်တယ်။

ဟမ်၊ ဂက်စ်မီးဖို ဖွင့်တော့မယ်၊ ဟုတ်လား။ နေဦးဟ၊ ဟိုမှာပဲစေ့လေးတွေပါတဲ့ ငံပြာရည် အနောက်လိုလို ပုလင်းတွေ့လား။ အဲဒီ ပုလင်းထဲက ပဲစေ့နဲ့အရည် သုံးဇွန်းစာလောက် ပန်းကန်လုံး အသေးထဲမှာ ထည့်လိုက်ဦး။ ဆီပုလင်းနဲ့ ငံပြာရည်ပုလင်းကို လက်တကမ်းမှာ အဆင်သင့် ချထား။ ရပြီ။

အာ၊ ဒီဒယ်အိုး အသေးနဲ့ မဖြစ်ဘူးလေ။ မင်းလို အူတူတူပုံစံနဲ့ ဆိုရင်အောက်က မီးတောက်က နင့်လက်ကို လောင်မှာ ပေါ့ ဟ။ ဒယ်အိုး အလတ်ကို ရွေး။ ဒယ်အိုးအဖုံးကို အဆင်သင့် ပြင်ထားဦးနော်။ မင်းကြည့်ရတာ ခြေတုန် လက်တုန်နဲ့ ကွာ။ ကန်စွန်းရွက် ကြော်တာလေးများ၊ ကျားနဲ့ နပမ်းလုံးနေတယ် လို့များ မှတ်နေရော့သလား။ အာပေါက်ချက်ကွာ။

အေး…၊ မီးဖိုပေါ် ဒယ်အိုး တင်ပြီးရင် ဂတ်စ်အိုးကို ဖွင့်လို့ ရပြီ။ ဘားကုန်အောင် နင်းကန် မဖွင့်နဲ့နော်။ ဂက်စ်အိုးက အန္တရာယ် များတယ်။ ဂက်စ်အိုးကို နမော်နမဲ့ လုပ်လို့ သေရတဲ့ မသာတွေ မနည်းတော့ဘူး။ အနေတော်ပဲ ဖွင့် မီးတောက်ကို ကြည့်ပြီး များနေရင် ပြန်လျှော့လိုက်။ ဆီထည့်လေ။ ဒယ်အိုးပူအောင်စောင့်ဖို့ မလိုဘူး။ ဆီပူဖို့သာ အဓိက၊ ဆီက ပါလေရုံပဲနော်။ ဆီ နင်းကန်ထည့်ရင် သွေးထဲမှာ ကိုလက်စထရောများပြီး ကျန်းမာရေး အတွက် ပြဿနာအကြီးကြီး ရှိတယ်။

ဟာ…၊ ဒီကောင်နဲ့တော့ ဒယ်အိုးထဲက ဆီတွေ မီးထတောက်တော့မှာပဲ။ ကြက်သွန် အဖြူအနီ ပန်းကန်ကို သွန်ချလိုက် တော့လေ။ ခပ်ဖြည်းဖြည်း မွှေဟ။ ဒယ်အိုးအပြင် စင်ကုန်ပါ့မယ်။ မနားနဲ့နော်၊ တူးကုန်မယ်။ ကြက်သွန်စိမ်းနံ့ ပျောက်ပြီး အကြော်နံ့လေး သင်းလာရင်၊ စောစောက ရေစစ်ထားတဲ့ ကန်စွန်းရိုးတွေ ထည့်လိုက်တော့။ ဟေ့ကောင်..၊ သံ ယောင်းမနဲ့ လှေလှော်သလို လျှောက်လုပ်နေပြန်ပြီ။ ဆီသတ်ထားတဲ့ ကြက်သွန်ဖတ်တွေ အပေါ်ရောက်လာအောင် အထက်အောက် လှန်မွေရမှာကွ။ ငတုံးရ။

အေး…၊ ယောင်းမနဲ့ ဒယ်အိုး အလယ်ခေါင်ကို နည်းနည်းဖြဲလိုက်။ ပဲစေ့အရည် လောင်းချလိုက်၊ ငံပြာရည် ၂ ဇွန်းစာထည့်၊ စောစောက ငရုပ်သီးစိမ်းတွေ ထည့်လိုက်တော့။ ရပြီ၊ အဖုံးအုပ်လိုက်တော့။ တမိနစ်ကြာအောင်စောင့်။ နာရီမပါဘူး ဟုတ်လား၊ နာရီမပါရင် ခန့်မှန်းပေ့ါကွ။ တသက်လုံး နာရီကြည့်လာတာ။ အမ်…၊ တယ်လီဖုန်းကို မီးဖိုနားယူထားမလို့လား။ ပေါက်ကွဲတတ်တယ် ကွ၊ သေတတ်တယ်။ တော်တော့်ကို ဉာဏ်နည်းတဲ့ကောင်။

ရလောက်ပြီ … ဟိတ်ကောင်။ မီးဖိုခလုပ်ကို ပိတ်လိုက်တော့။ ဂက်စ်ဘားကိုလည်း ပိတ်လို့ရပြီ။ ပန်းကန်လုံးနဲ့ မထည့်နဲ့ လေကွာ၊ အစားအသောက် ပြင်ဆင်တယ် ဆိုတာမျက်စိ ပသာဒလေးဖြစ်မှ ကောင်းတာဟ။ ကနုတ်ပန်းဆေးရေးနဲ့ ခပ်ပက်ပက် ပန်းကန်ပြားလေးမှာထည့်။ စွတ်ပြီး ထိုးကော်မနေနဲ့လေ။ အရှိန် မလွန်စေနဲ့။ ဖိတ်ကျတတ်တယ်။ ဒါမျိုးက အချိန်အဆ သိပ်အရေးကြီးတယ် ဟ။ မင်းပုံစံကြည့်ရတာ လက်ဆမှန်နိုင်ဖို့ လေးသင်္ချေနဲ့ကမ္ဘာတသိန်းကြာဦးမှာ သေချာတယ်။

ကဲ၊ ကန်စွန်းရွက် ပန်းကန်ကို စားပွဲပေါ် တင်ထားလိုက်။ မီးဖို၊ ဒယ်အိုးနဲ့ ပန်းခွက်ခွက်ယောက်တွေကို သေချာဆေး။ မထူးပါဘူးကွာ။ မင်းသုံးနေတဲ့ လက်နှီးစုတ်ကိုပါ လျှော်လိုက်။ မင်းတို့ဟာလေ ဘယ်ဟာ လက်ခုဝတ်၊ ဘယ်ဟာ လက်နှီးစုတ်၊ ဘယ်ဟာ လက်သုတ်ပုဝါ ဆိုတာ မသိတဲ့ ကောင်စားတွေပဲ။

ဟေ့ကောင်..၊ ပြီးပါပြီ ဆိုပြီး အီလေးဆွဲ မနေနဲ့ဦးနော်။ အချိန် သိပ်အရေးကြီးတယ်။ ဘယ်အလုပ်ကို၊ အချိန် ဘယ်လောက်အကြာမှာ၊ ဘယ်လောက် သေသေသပ်သပ် လုပ်နိုင်တာ ဘဝအောင်မြင်ရေး အတွက် (Key) သော့ချက်ပဲ။ မင်းနဲ့ တော့မောပါ့ကွာ။

အမှန်တော့ ကျုပ် ပို့ချနေတဲ့ ကန်စွန်းရွက်ကြော်နည်း သင်ခန်းစာဟာ လက်တွေ့ပဲ ရှိသေးတယ်ဗျ။ သဘောတရား မပါသေးဘူး။ ဘာ အရသာမှ မရှိတဲ့ဆီကို ချို ချဉ် စပ် ဖန် ခါး ငံ အစရှိတဲ့ အခြားသော အရသာတွေကို စွာထွက် မလာအောင် ထိန်းညှိဖို့ သင့်ရုံသုံးရတဲ့ အကြောင်း၊ ကန်စွန်းရွက်မှာ ပါဝင်တဲ့ အာဟာရဓာတ်၊ ဂက်စ်အိုး မတော်တဆ ပေါက်ကွဲမှု မဖြစ်အောင် ဘယ်လို ကာကွယ်မလဲ၊ အချိုမှုန့်နဲ့ ဆားကြောင့် ဖြစ်လာမယ့် နောက်ဆက်တွဲ ရောဂါ အန္တရာယ်၊ မီးဖိုချောင် သန့်ရှင်းရေး၊ ပန်းကန်ခွက်ယောက် ပြောင်စင်အောင် မဆေးကြောခြင်းရဲ့ နောက်ဆက်တွဲ ဆိုးကျိုးစတာတွေ ဒင်းသိဖို့ အများကြီး လိုသေးတယ်။

အင်း…၊ ကျုပ်တူရဲ့ အတင်းကို ချနေသလိုများ ဖြစ်နေရော့သလား မဆိုနိုင်ဘူး။ ပြောမယ့်သာ ပြောရတာ အဆင့်မီ ကန်စွန်းရွက်ကြော် တပွဲ ဖြစ်လာဖို့ ဆိုတာ၊ လွယ်ကူတဲ့ အလုပ်တခုတော့ မဟုတ်ဘူး ခင်ဗျ။ ကျုပ်သင်ခဲ့တဲ့ နည်းဟာလည်း ပြည့်စုံတယ် လို့ မဆိုနိုင်သေးဘူး။ ဒီထက် လေးနက်တဲ့ နည်းပညာပိုင်း ဆိုင်ရာ လုပ်ထုံးလုပ်နည်းတွေ အများကြီး ရှိသေးတယ်။

သေချာ စဉ်းစားကြည့်ရင် ကျုပ်ပြောခဲ့တဲ့ ကန်စွန်းရွက် လက်ချာမှာ စစ်ရေး၊ နိုင်ငံရေး၊ ကျန်းမာရေး၊ လူမှုရေး၊ သိပ္ပံနဲ့ နည်းပညာ၊ ရသုံးခန့်မှန်းခြေ၊ နိုင်ငံတကာဆက်ဆံရေး စတာတွေနဲ့ အလားသဏ္ဍန် တူတဲ့ အချက် အတော်များများ ပတ်သက် ဆက်စပ် အကျုံးဝင်နေတာ ကလား။

အလျဉ်းသင့်လို့များ၊ အခု ကျုပ်ပြောခဲ့တဲ့ ကန်စွန်းရွက်ကြော်နည်း နိသျှည်းကို မြန်မာ့တပ်မတော်ရဲ့ လက်ရှိ ဗိုလ်ချုပ်ကြီးများ ကတော့ လက်ခံလိမ့်မယ် မထင်မိဘူးဗျ။ သူတို့ခမျာ စစ်တက္ကသိုလ် ကနေ ဆင်းလိုက်တာနဲ့..၊ မသိမတတ် တာမရှိ၊ ဂုရုဆရာ၊ ဒီသာပါမောက္ခတွေကြီးတွေ ဖြစ်ပြီ၊ ဇမ္ဗူတလူပဲကွ လို့ ကိုယ့်ကိုယ်ကို ထင်တလုံးဖြစ်နေကြသကိုး။

အဲဒီလို ဘဝင်လေဟပ် နေတဲ့ လက်ရှိ စစ်ဗိုလ်ချုပ်ကြီး တယောက်ကို ခေါ်ပြီး အဆင့်မီ ကန်းစွန်းရွက်ကြော် တဒယ်စာလောက်များ ကြော်ခိုင်းကြည့်ရင် ကျုပ်တူ ဖင်ဖျားတောင် မီမှာ မဟုတ်တာ သိပ်သေချာတယ်။

ဒါပေသိ ဒင်းတို့ ဟာပြောတော့မိုး၊ ထိုးတော့မြေကြီုး။ နှစ်ပေါင်းခြောက်ဆယ် နီးပါး ဦးဆောင်ခဲ့တဲ့တိုင်းပြည်ကို ပြန်ကြည့်တော့ ဖွတ်ကျောပြာစု၊ ခရုတ်ဆံကျွတ်၊ အမွဲတကာ့ထိပ်ခေါင်၊ အီသီယိုးပီးယားက အဘခေါ် နေရပြီလေ။ အမယ်၊ ရွှေကိုယ်တော်တွေ ကတော့ လေလုံးထွားချက်က တပြားသားမှ မလျော့သေးဘူးဗျ။ ဘာတဲ့..၊ ဒီမိုကရေစီစနစ်ကို ဖော်ဆောင်ရာမှာ တပ်မတော်ဟာ ဦးဆောင်မှုအခန်း ကဏ္ဍကနေ အမြဲတစေ ပါဝင်နေရမည် ဘာညာ သာရကာ လုပ်နေကြတုန်း။

ဒါကြောင့် ကျုပ်ဖြင့် ကျုပ်တို့ နိုင်ငံရဲ့ ရှေ့လာမယ့် အနာဂတ်ခရီးမှာ မိခင်ကောင်းစိတ် အပြည့်အဝ ရှိပြီး မီးဖိုချောင်ရေးရာကို နိုင်ငံတကာအဆင့်မီ စီမံခန့်ခွဲနိုင်တဲ့ အိမ်ထောင်ရှင် အမျိုးသမီး တယောက်ယောက်ကို သမ္မတနေရာပေးလိုက်တာကမှ ဒင်းတို့ထက် ကိုးဆယ်ဆ သာလိမ့်အုံးမယ် ထင်မိတာပါပဲ။

အောင်မယ်၊ ဒီကိစ္စမျိုး ကျတော့ မောင်မင်းကြီးသားတွေက လွှတ်အကင်းပါး သဗျ။ ဒင်းတို့က လွဲရင် တခြားသူ ဘယ်သူမှ အဲဒီထိုင်ခုံမှာ ထိုင်ခွင့် မရအောင် ကြိုတင်ကာကွယ်တဲ့ အနေနဲ့ ဖွဲ့စည်းပုံ အခြေခံဥပဒေမှာ ကျကျနန ရေးသွင်း ပြဋ္ဌာန်းထားလေရဲ့။ နိုင်ငံတော်သမ္မတသည် စစ်ရေးအမြင် ရှိရမည် တဲ့။ လုပ်ပေါက်က။ ။

http://burma.irrawaddy.org/satire/2015/05/19/75251.html

၂၁မေ၂၀၁၅နေ့ထုတ် နှင်းဆီဖြူဂျာနယ်မှ။ ။

ဒီပဲယင်းလုပ်ကြံမှု၊ကျွန်တော်နှင့်ဝေမှိုင်းညို

(မင်းဒင်)

(၁)
(၂၀၀၃)ခုနှစ်။ဇွန်လဆန်း။ ။
ကံဇာတ်ဆရာ၏နေရာချထားမှုကြောင့်၊ဧရာဝတီတိုင်းအတွင်းရှိ တစ်ခုသောရဲဘက်စခန်းသို့၊အကျဉ်းသားဘဝ ဖြင့်ကျွန်တော်ရောက်ရှိနေစဉ်
အချိန်ဖြစ်၏။မိုးဦးကျကာလမို့၊မိုးရေတက်ရေတို့ဖြင့်ဖွေးနေသည့်ကွင်းပြင်ကြီး၏
အလယ်ရှိယိုင်နဲ့နဲ့ဝါးဓနိတဲငယ်မှာကျွန်တော်
တကိုယ်တည်းနေထိုင်ခဲ့ရချိန်လည်းဖြစ်၏။

ထိုကာလ၏တစ်ခုသောနေ့ ရက်၊မိုးသက်လေပြင်းကျနေချိန်တွင်ကျွန်တော်သည်သတင်းစာ
ဆယ်စောင်ခန့်ပါရှိသည့်သတင်းစာ အထပ်ကြီး ကိုစိတ်ဝင်တစား
ဖတ်ရှုနေခဲ့သည်။

လမ်းပန်းဆက်သွယ်ရေးခက်ခဲလှ၍လူသူအရောက်အပေါက်နည်းလှသော၊
အဆိုပါရဲဘက်စခန်းရှိရာသို့၊၎င်းသတင်းစာအထပ်ကြီးရောက်လာစေရန်
၊ကျွန်တော်ခက်ခက်ခဲခဲအားထုတ်ခဲ့ရသည့်အကြောင်းမှာ၊ထိုရက်များ က၊ဖြစ်ပေါ်နေခဲ့သည်မြန်မာ့နိုင်ငံရေးလေပြင်းမုန်တိုင်းကြီးတစ်ခုအကြောင်း
အသေးစိတ်သိရှိလိုလှ၍ဖြစ်၏။

ယင်းမုန်တိုင်းကားသဘာဝမုန်တိုင်းမဟုတ်။လူလုပ်မုန်တိုင်းဖြစ်၏။
တိတိကျကျဆိုရလျှင်အာဏာကိုမက်မောလွန်းလှသောမြန်မာ့စစ်ခေါင်းဆောင်
တစ်စုက၊ရည်ရွယ်ချက်ရှိရှိစနစ်တကျကြိုတင်ပြင်ဆင်စီမံ
ကျူးလွန်ခဲ့သောနိုင်ငံရေးလုပ်ကြံမှုကြီးတစ်ခုဖြစ်လေသည်။

မှန်ပါသည်။(၂၀၀၃)ခုနှစ် မေလ (၃၀) ရက်နေ့တွင် စစ်ကိုင်းတိုင်း ရွှေဘိုခရိုင်၊ဒီပဲယင်းနယ်၊ကြည်ရွာအနီးတွင်
မြန်မာ့သမိုင်း၌အမဲစက်တစ်ခုအဖြစ်စွန်းထင်းပေကျန်ရစ်မည့်၊
လူသတ်မှုကြီးတစ်ခုဖြစ်ပွားခဲ့ပါသည်။အတိုက်အခံနိုင်ငံရေးပါတီကြီး
တစ်ခုဖြစ်သောအမျိုးသားဒီမိုကရေစီအဖွဲ့ချုပ်၏
အထွေထွေအတွင်းရေးမှူးဒေါ်အောင်ဆန်း စုကြည်၊ဒုတိယဥက္ကဋ္ဌ ဦးတင်ဦးနှင့်၎င်းတို့ကိုထောက်ခံအားပေးကြသည့်
လူထုလိုက်ပါလာသောကားတန်းကြီးအား၊ကြည်ရွာအနီးတွင်၊
ညနေငါးနာရီခန့်အချိန်၌၊စစ်ခေါင်းဆောင်တို့၏လက်ပါးစေတို့က
ဝိုင်းဝန်းလုပ်ကြံခဲ့ကြခြင်းဖြစ်၏။

(၂)
အဆိုပါဒီပဲယင်းလုပ်ကြံမှုတွင်၊ဒေါ်အောင်ဆန်းစုကြည်နှင့်ဦးတင်ဦးတို့
ကံကောင်းထောက်မစွာအသက်ဘေးမှသီ သီကလေး
လွတ်ကင်းခဲ့ကြသော်လည်း၊၎င်းတို့ကိုထောက်ခံအားပေးသူ
ရာဂဏန်းရှိသောပြည်သူလူထုတို့အသက်ဆုံး ရှုံးခဲ့ရသည်။အသက်ဘေးမှလွတ်မြောက်လာသူ
ရာနှင့်ချီ၍ထောင်သွင်းအကျဉ်းချခံခဲ့ရသည်။

ထိုလုပ်ကြံမှုဖြစ်ပွားချိန်တွင်ကျွန်တော်သည်ရဲဘက်စခန်းတွင်ရောက်နေသူမို့၊
အဖြစ်သနစ်အစုံအလင်ကိုသိလိုလှသဖြင့်၊အဆိုပါသတင်းကို
ခရေစေ့တွင်းကျပြည့်ပြည့်စုံစုံဖော်ပြနေသည့်၊ရောင်နီလာနံနက်ခင်းဆီသို့
အမည်ရှိ အ ခန်းဆက်ဆောင်းပါးရှည်ကြီးကို ၊ဝါးတဲငယ်၏ကြမ်းပြင်ပေါ်တွင်ထိုင်ရင်း၊စိတ်ဝင်တစားဖတ်ရှုနေမိခြင်းဖြစ်သည်။

အဆိုပါအခန်းဆက်ဆောင်းပါးရှည်ကြီး၏လက်ရာရှင်မှာမောင်ရင်မှိုင်းဖြစ်၏။
မောင်ရင်မှိုင်းသည်စာရေးကောင်းသူတစ်ယောက်ဖြစ်သည်။
သူ၏ဆောင်းပါးတွင်၊ဒီပဲယင်းအရေးအခင်းကြီးဖြစ်ပေါ်လာမည့်
ခရီးစဉ်တစ်လျှောက်၊ကိုယ်တိုင်လိုက်ပါနေခဲ့သည့်၊အမျိုးသားဒီမိုကရေစီအဖွဲ့ချုပ်
ပါတီဝင်တစ်ဦးအနေဖြင့်ဖြစ်ပုံပျက်ပုံအသေးစိတ်ကိုကွက်ကွက်
ကွင်းကွင်းမြင်သာအောင်ကလောင်စွမ်းပြချယ်မှုန်းထား၏။

သို့သော်အမှန်တရားဖက်မှရပ်တည်ရေးသားခဲ့ခြင်းကားမဟုတ်လေ။
အဆိုပါဖြစ်ရပ်ဖြစ်ပေါ်ခဲ့ရခြင်းမှာ၊အမျိုးသားရေးစိတ်ဓာတ်ပြင်းထန်လှသော
နယ်ခံလူထုက၊ဒေါ်အောင်ဆန်းစုကြည်အပေါ်မုန်းတီးရွံရှာကြသဖြင့်၊
စိတ်လိုက်မာန်ပါဝိုင်းဝန်းရိုက်နှက်မိကြခြင်းသာဖြစ်ကြောင်း၊
ယုံကြည်လောက်အောင်ဇာတ်လမ်းဆင်ဖွဲ့နွဲ့ရေးသားထားလေရာ၊
အသိဥာဏ်နုံနဲ့သူများအဖို့၊မောင်ရင်မှိုင်း၏ဒီပဲယင်းကိုယ်တွေ့သည် အမှန်ပေလောဟုပင်၊ဇဝေဇဝါဖြစ်လောက်သည်မှာအလွန်သေချာသည်။

ထိုအချိန်သည်သတင်းမှောင်ချထားခြင်းခံရသည့်ကာလဖြစ်လေရာ၊
ဖတ်စရာဟူ၍အစိုးရထုတ်သတင်းစာနှင့် အစိုးရသြဇာကို မလွန်ဆန်နိုင်သောမဂ္ဂဇင်းအချို့သာရှိသဖြင့်၊ဒီပဲယင်းသတင်းအပေါ်
လူအချို့ယုံထင်ကြောင်ဖြစ်ကြမည်ဆိုလျှင်လည်း အံ့သြဖွယ်ရာမဟုတ်ချေ။

သို့သော်နောင်ဆယ်နှစ်အကြာ(၂၀၁၃)ခုနှစ်တွင်နေအိမ်အကျယ်ချုပ်
အကျဉ်းကျခံနေရရာမှပြန်လည်လွတ်မြောက်လာသည့်၊
ဗိုလ်ချုပ်ကြီးဟောင်းဦးခင်ညွန့်၏ထုတ်ဖော်ချက်အရယင်းလုပ်ကြံမှုမှာ၊
ထိုစဉ်ကစစ်ကောင်စီဥက္ကဋ္ဌ ဗိုလ်ချုပ်မှူးကြီး(ယခုအငြိမ်းစား) ကိုယ်တိုင်ဦးဆောင်စီမံခဲ့ခြင်းဖြစ်ကြောင်းအဖြေမှန်ပေါ်ပေါက်လာခဲ့၏။

အဆိုပါလုပ်ကြံမှုတွင်ဗိုလ်ချုပ်မှူးကြီးဟောင်း၊ဒုတိယဗိုလ်ချုပ်ကြီးစိုးဝင်း(ကွယ်လွန်)
၊နှင့်ဒုတိယဗိုလ်ချုပ်ကြီးရဲမြင့်(ရဲမြင့်ကြီး။ဒီပဲယင်းဖြစ်စဉ်ကာလ၌၊
ကာကွယ်ရေးဝန်ကြီးဌာနစစ်ဆင်ရေးအထူးအဖွဲ့မှူး)တို့သည်အဓိကတာဝန်ရှိ သူများ ဖြစ်ကြောင်း၊ဒေါက်တာတင့်ဆွေ၏(၆။၃။၂၀၁၅)ရက်စွဲပါ
စာတစ်ပုဒ်တွင်ဖော်ပြထားသည်။

ကျွန်တော်မူကား၊အံ့သြတုန့်လှုပ်ဖွယ်လုပ်ကြံမှုကြီးကို၊အမည်းမှအဖြူဖြစ်အောင်။
ပါရမီမြောက်စွာကလောင်စွမ်းပြခဲ့သည့်မောင်ရင်မှိုင်းကို၊
မည်သို့သောလူစားပေနည်းဟူသည့်အတွေးဖြင့်စိတ်ဝင်စားနေမိခဲ့သည်။

(၃)
၂၀၀၉ခုနှစ်၊ဒီဇင်ဘာလ၊ဖူးခက်မြို့၊
ထိုင်းနိုင်ငံဖူးခက်မြို့သို့ကျွန်တော်ရောက်ရှိနေခဲ့သည်မှာ
ငါးနှစ်ကျော်ခန့်ရှိခဲ့ချိန်ဖြစ်၏။တစ်ခုသောညဉ့်သန်းကောင်ယံအချိန်၌၊
ကျွန်တော်၏အီးမေးလ်သို့ထူးဆန်းသောစာတစောင်ရောက်ရှိ
လာခဲ့ပြီး၊ပေးပို့လာသောအီးမေးလ်လိပ်စာမှာ (moekyoe@gmail.com)ဖြစ်ကာ၊ ယင်းစာတွင်သူ၏အမည်သည် ဝေမှိုင်းညိုဖြစ်ကြောင်း၊ တပ်မ တော်မှဒီမိုကရေစီ လိုလားသောစစ်ဗိုလ်ချုပ်ကြီးတစ်ဦး၏စေလွှတ်ချက်အရနယ်စပ် သို့၊တူတော်သူဆေးကျောင်း သားတစ်ဦးနှင့်အတူရောက်ရှိလာကြောင်း ၊ပြည်ပရှိအတိုက်အခံအင်အားစုများနှင့်ချိတ်ဆက်ဆောင်ရွက်လိုကြောင်း၊အသေးစိတ်ဖော်ပြထားသည်။

ထူးခြားသည်ကား၊အဆိုပါအီးမေးလ်တွင်သူ၏အနီးကပ်ဓာတ်ပုံနှစ်ပုံကို
ပူးတွဲထားခြင်းဖြစ်၏။တစ်ပုံမှာသူသေနတ်ပစ်နေပုံဖြစ်ပြီး၊
ကျန်တပုံမှာ၊ကရင်လက်နက်ကိုင်ဗိုလ်တစ်ဦးနှင့်ယှဉ်တွဲရပ်နေပုံ ဖြစ်သည်။

နောက်ပိုင်းအီးမေးလ်ချပ်တင်တွင်အပြန်အလှန်ရေးသားပြောဆိုကြရင်း
၊သိလာရသည်ကား၊ဝေမှိုင်းညိုဟူသည် ကျွန်တော်စိတ်ဝင်စား ခဲ့သောမောင်ရင်မှိုင်းပေတည်း။အမည်ရင်း
တပ်ကြပ်ကြီး(ဗိုလ်ကြီးအမည်ခံ)လှဌေး၊ဖြစ်၏။

အစိုးရပိုင်မီဒီယာများဖြစ်သောသတင်းစာ၊ဂျာနယ်၊မဂ္ဂဇင်းများတွင်
အတိုက်အခံများအကြောင်းဝေဖန်အပုပ်ချရေး သားလေ့ရှိခဲ့သူ ဖိုးကံကောင်းသည်လည်းသူပင်ဖြစ်၏။အစိုးရအာဘော်မြက်ခင်းသစ်မဂ္ဂဇင်းကို
ဖန်တီးခဲ့သူလည်းဖြစ်၏။

ကိုဝေမှိုင်းညိုသည်ရွှေပြည်တော်စစ်ဆင်ရေးအမည်ရှိစီမံချက်ကြီးတစ်ရပ်ကို
ကျွန်တော့်ထံပေးပို့ခဲ့ပြီး၊ယင်းစီမံချက်တွင်ဒေါ်အောင်ဆန်းစုကြည်အား၊
တပ်မတော်၏ထောက်ခံမှုဖြင့်သမ္မတအဖြစ်တင်မြှောက်ရန်လည်း
စိတ်ကူးယဉ်ဆန်ဆန်ဖော်ပြထားပြန်သည်။ပြည်ပရောက်အင်အားစုများ
အနေဖြင့်နိုင်ငံအလိုက်စစ်ဆင်ရေးအမာခံကေဒါ များထားရှိမည့်ရွှေပြည်တော် စစ်ဆင်ရေးအဆင့်ဆင့်ကိုလည်းကျွန်တော်ဖတ်ရှုခဲ့ရသည်။

ကျွန်တော်အနေဖြင့်ကိုဝေမှိုင်းညိုပြောသမျှယုံကြည်လက်ခံခြင်း
၊ငြင်းဆန်ပယ်ချခြင်းမပြုပဲ၊အလိုက်အထိုက် စကားပြန်ရင်းတွင်ပင်၊ သူ့ဘဝသူ့အကြောင်းတစွန်းတစကို၊ထိုင်းမြန်မာနယ်စပ်ရှိ
မိတ်ဆွေများထံမှကြားသိနေခဲ့ရပြန်သည်။

(၄)
သူသည်(၁၉၈၈)ခုနှစ်စစ်တပ်မှအာဏာသိမ်းပြီးနောက်ပိုင်း၊
စစ်ထောက်လှမ်းရေး၏ခိုင်းစေချက်အရတောခိုကျောင်းသားများနှင့်အတူ
နယ်စပ်သို့လိုက်ပါလာခဲ့ပြီးအမျိုးသားဒီမိုကရေစီညီညွတ်ရေး
တပ်ပေါင်းစု(ဒ၊ည၊တ)ထဲအထိ၊ထိုးဖောက်ဝင်ရောက်နိုင်ခဲ့သူဟုဆိုပါသည်။

ထို့နောက်ပြည်တွင်းသို့ပြန်လည်ဝင်ရောက်ကာ၊စစ်အစိုးရ၏ဝါဒဖြန့်ချိရေးယန္တရားကြီးတွင်အဓိကနေရာမှပါဝင်ခဲ့သူဟုလည်းစာရင်းဝင်သူဖြစ်သည်။

ကိုဝေမှိုင်းညို၏ဘဝအပြည့်အစုံကိုစုဆောင်းဖော်ပြနိုင်လျှင်၊
စိတ်ဝင်စားဖွယ်များဖြင့်အတိပြီးနေမည်မှာသေချာလှ သောအချက်ဖြစ်၏။
သူ့စရိုက်လုပ်ရည်ကိုင်ရည်ကိုမြင်သာရုံမျှဖော်ပြရမည်ဆိုလျှင်၊
သူသည်မီဒီယာကိုဝါဒဖြန့်ချိရေးလက်နက်အဖြစ်ပြောင်မြောက်စွာ
အသုံးချရာတွင်သူမတူအောင်ထူးချွန်သူဖြစ်၏။ဗိုလ်ချုပ်မှူးကြီးဟောင်း
သန်းရွှေ၏လက်မှတ်တုဖြင့်၊ဒေါ်လာသန်းချီ၍လိမ်လည်ထုတ်ယူရန်ကြိုးစားခဲ့သူ
ဟုလည်းဆိုစမှတ်ရှိကြ၏။

အင်းစိန်ထောင်ကဲ့သို့လောကငရဲလိုနေရာဆီသို့တိုင်၊
လုပ်ကြံထားသောရာဇဝတ်မှုတစ်ခု ဖြင့်၊အကျဉ်းသားအဖြစ် ဝင်ရောက်လာခဲ့ဖူးကြောင်း၊ထောင်တွင်းမှနေ၍ကျောင်းသားနှင့်နိုင်ငံရေး
အကျဉ်းသားများ၏လှုပ်ရှားမှုများကို၊လုပ်ကြံဇာတ်လမ်းများပေးပို့နေခဲ့ဖူးကြောင်း
မှတ်တမ်းရှိသည်။

ထို့ပြင်ဗုဒ္ဓဘာသာကရင်အမျိုးသားတပ်မတော်(D.K.B.A)ဗိုလ်ချစ်သူ
တို့နှင့်အတူနေထိုင်ပြီး နယ်စပ်ဒေသ မြန်မာ အတိုက်အခံအဖွဲ့များအကြားသွေးခွဲသပ်လျှိုမှုများကို အနီးကပ်စီစဉ်နိုင်ခဲ့သူ၊တပ်မဟာ(၇)နယ်မြေထဲအထိပါ ၀င် ရောက်နေထိုင်လှုပ်ရှားပြီးနောက်ဆုံးကေအန်ယူမှဗိုလ်ချုပ်ထိန်မောင်
(ခ)ဗိုလ်ချုပ်ဌေးမောင်နှင့် အပေါင်း အပါတ ချို့ကို သွေးထိုးမှုများလုပ်ကာ ဖဲ့ထုတ်စည်းရုံးပြီး အလင်းဝင်ဇာတ်လမ်း အဖြစ်စီစဉ်သူများတွင် အဓိက အခန်းမှပါဝင်ခဲ့သူအဖြစ်လည်းလူသိများခဲ့သည်။

ထိုမျှမကကရင်အမျိုးသားတော်လှန်ရေးခေါင်းဆောင်ကေအန်ယူ
အထွေထွေအတွင်းရေးမှူးဖဒိုမန်းရှာလုပ်ကြံခံခဲ့ရမှုတွင်လည်း
သူပင်ဦးဆောင်စီမံခဲ့ကြောင်း၊သံသယဝင်ခဲ့ကြသည်။

ဖော်ပြခဲ့သည်တို့ကားမီဒီယာမှတ်တမ်းများဖြစ်၍၊မှတ်တမ်းမဝင်သတင်း
စကားများတွင်လည်း၊ငွေရေးကြေးရေးအရှုပ်အရှင်းစသည်တို့တွင်
ကိုဝေမှိုင်းညို၏ပုံရိပ်သည်၊တင့်တယ်ကောင်းမွန်ခြင်းမရှိလှချေ။

ထိုသို့ရာဇဝင်ပြောင်လှသောပုဂ္ဂိုလ်မျိုးကမ်းလှမ်းလာသည့်ရွှေပြည်တော်
စစ်ဆင်ရေးတွင်ကျွန်တော့်အနေဖြင့်အဘယ်သို့လျှင်ယုံကြည်ပါဝင်နိုင်ပါအံ့နည်း။

ကျွန်တော့်ဖက်မှဆိတ်ဆိတ်နေခဲ့ခြင်းဖြင့်ကိုဝေမှိုင်းညိုနှင့်လည်းကောင်း
၊ရွှေပြည်တော်စစ်ဆင်ရေးနှင့်လည်းကောင်းအလှမ်းဝေးသွားခဲ့
ပါသည်။နောက်ဆုံးကြားသိရသည့်သတင်းတပုဒ်အရကိုဝေမှိုင်းညိုသည်
တတိယနိုင်ငံတစ်ခုသို့ခိုလှုံခွင့်ရ နိုင်ရန်လုံးပမ်းအားထုတ်
လျက်ရှိသည်ဟုဆိုပါသည်။

(၅)
ကိုဝေမှိုင်းညိုကား၊မှန်ခြင်းမှားခြင်းကိုအလေးဂရုမထား၊
အခွင့်အရေးနှင့်သြဇာအတွက်၊သူ့ဘဝကိုထင်ရာစိုင်းခဲ့ ခဲ့ပုံရသည်။ထူးခြားသောလူစွမ်းလူစနှင့်ပါရမီကိုတလွဲအသုံးချခဲ့ဟန်တူသည်။

ကျွန်တော်နှင့်ကိုဝေမှိုင်းညိုမှာလူချင်းမဆုံဖူးခဲ့သော်ငြား၊
အပြန်အလှန်ဆက်သွယ်ချက်များအရ၊သူနှင့်ကျွန်တော်သည်
အသက်အရွယ်အားဖြင့်တရွယ်တည်းဖြစ်ကြ၏။

ကျွန်တော်ကိုယ်တိုင်ရှင်းလင်းပြေပြစ်သောဘဝနောက်ခံရှိသူမဟုတ်သဖြင့်၊
ကိုဝေမှိုင်းညိုအားပြစ်တင်ရှုံ့ချလျက်လူဆိုးလူညစ်စာရင်းသွင်းလိုသည့်ဆန္ဒ
ကျွန်တော့်တွင်အလျဉ်းမရှိချေ။

အတည်မပြုနိုင်သောသတင်းတစ်ခုအရကိုဝေမှိုင်းညိုသည်နယ်စပ်တစ်နေရာတွင်၊
သမရိုးကျမဟုတ်သောနည်း လမ်းတခုဖြင့်သေဆုံးခဲ့ပြီဟုဆိုပါသည်။ အဆိုပါသတင်းမှန်သည်ဖြစ်စေ၊မှားသည်ဖြစ်စေ၊
ကိုဝေမှိုင်းညိုကွယ်လွန်သေဆုံးသည်ဖြစ်စေ၊သက်ရှိထင်ရှားရှိနေသေးလျှင်ဖြစ်စေ၊
သူ့အားကျွန်တော်ပါးလိုသည့်အရေးကြီးသတင်း စကားတစ်ရပ်ရှိနေပါသည်။

ထိုသတင်းစကားသည်ကိုဝေမှိုင်းညိုကိုရည်ညွန်းသကဲ့သို့၊
အမှန်တရားကိုမြတ်နိုးခြင်းမရှိ၊ မကောင်းမှုမှ ရှက် ကြောက်တတ်ခြင်းမရှိသော၊စစ်အစိုးရသြဇာခံ
ဝါဒဖြန့်ချိရေးသမားများအတွက်လည်းသတိသံဝေဂရဖွယ်ဖြစ်လိမ့်ဟုလည်း ကျွန်တော်မျှော်လင့်ပါသည်။

အဆိုပါသတင်းစကားမှာ၊မလေးရှာနိုင်ငံတွင်နေထိုင်လျက်ရှိသော၊
အမျိုးသမီးငယ်တစ်ဦးထံမှဖြစ်၍သူသည်၊ကျွန်တော့်ရေးသား
ခဲ့ဖူးသည့်ပြည်တွင်းထုတ်ဂျာနယ်တခုမှကိုဝေမှိုင်းညိုအကြောင်း
တစွန်းတစကိုဖတ်ရှုမိသဖြင့် ဆက်သွယ်လာဟန်ရှိပါသည်။

ကျွန်တော့်ဖေ့စ်ဘွတ်မက်ဆေ့ခ်ျဘောက်သို့၊ထိုအမျိုးသမီးငယ်ပေးပို့လာသော
စာဖြစ်၍ကိုဝေမှိုင်းညိုရောက်ရာအရပ်မှဖတ်ရှုသိရှိနိုင်ရန်
၊အောက်တွင်ဖော်ပြအပ်ပါသည်။

ဦးမင်းဒင်ရှင့်။
သမီးက ဝေမှိုင်းညိုရဲ့သမီးပါ။မလေးရှားမှာနေပါတယ်။
အဖေ့သတင်းဘာကြားသေးသလဲဦး။
တချို့ကအဖေဆုံးပြီလို့ပြောကြပါတယ်။အဖေ့အကြောင်းကြားရတာ
တစ်ခုမှအကောင်းမရှိပါ။သမီးကတော့အဖေ နဲ့နေခဲ့ရတဲ့အချိန်သိပ်နည်းတာမို့ အဖေကောင်းသည်ဆိုးသည်ကိုသေချာမသိပါဘူး။
အဖေနဲ့အဆက်အသွယ် ရခဲ့ ရင် ကျေးဇူးပြုပြီးသမီးကိုအသိပေးစေလိုပါတယ်။

လေးစားစွာဖြင့်၊
……
ခေတ္တ၊မလေးရှားနိုင်ငံ
…………..
ဤစာကိုဝေမှိုင်းညိုဖတ်ရှုမိပါက၊ကျွန်တော်တို့ပြုခဲ့သည့်အမှုကိစ္စအားလုံး၏
ဆိုးမွေကို၊နောင်လာမည့်ကျွန်တော်တို့မျိုးဆက်သစ်များအတွက်
ချန်မထားရစ်ခဲ့အပ်ကြောင်း၊ကိုဝေမှိုင်းညိုဆင်ခြင်နားလည်နိုင်လိမ့်မည်ဟု
ကျွန်တော်အလေးအနက်ယုံကြည်ပါသည်။

၂၂မေ၂၀၁၅နေ့ထုတ် သည်လေးဒီးစ် အပတ်စဉ်ဂျာနယ်မှ။ ။

ကျွန်ုပ်နှင့်ရွှေပင်ရွာမှထူးဆန်းသောဈေးပြိုင်တင်ဒါကြော်ငြာ

(မင်းဒင်)

(တစ်)
တခါတရံ၌ပုံပြင်၊ဝတ္ထု၊ဇာတ်လမ်းအစရှိသည်တို့တွင်၊ယုတ္တိတန်ခြင်း၊မတန်ခြင်း၊
လိုက်လျောညီထွေသော၊ကာလဒေသကိုပြဆိုခြင်းအလျဉ်းမရှိပဲ၊ရေးသူ၊ပြောသူမှ၊
ဖတ်သူနားထောင်သူသို့စိတ်ခံစားချက်တစုံတရာကိုမျှဝေခံစားစေ လိုသောစေတနာဖြင့်၊အဆက်အစပ်မဲ့ရေးသားသောစာတို့သည်
သရုပ်လွန်မော်ဒန်အဖွဲ့အနွဲ့တွင်စာရင်းဝင်သည်ဟု၊စာပေဧတဒဂ်အချို့ကမိန့်ဆိုဖူးလေ၏။

ထိုအဆိုမှန်မမှန်ကျွန်ုပ်မသိသော်ငြား၊တစုံတရာကိုဖွင့်အံလိုစိတ်များနေသောကျွန်ုပ်သည်၊
အထက်ပါအဆိုအ မိန့် နှင့်အညီအောက်ပါဇာတ်လမ်းကိုရေးသားခြင်းဖြစ်၍၊ ယုတ္တိသဘောနှင့်အချိန်ကာလအားဖြင့်၊ချိတ်ဆက်ခြုံငုံမိသည်ဖြစ်စေ၊
ကင်းလွတ်ဖြစ်စေ၊စာဖတ်သူများအနေဖြင့်၊မဖြစ်မနေဖတ်ရှုကြရန်၊
ဒီမိုကရေစီစံနှုန်းနှင့်အညီကွန်ပြူတာလက်ကွက်(ကီးဘုတ်)ကို
စိတ်ထင်တိုင်းနှိပ်နိုင်သူတစ်ဦး၏တည်ဆဲအခွင့်အာဏာတို့ကို
အသုံးပြုလျက်၊ညွန်ကြားသိစေအပ်ပါသည်။

တဆက်တည်းအားဖြင့်၊ဤအသိပေးညွန်ကြားချက်သည်၊နောက်ထပ်ညွန်ကြားချက်
တစ်စုံတစ်ရာမထုတ်ပြန်သမျှကာလပတ်လုံး၊ဥပဒေကဲ့သို့အာဏာ
တည်လျက်ရှိမည်ဖြစ်ကြောင်းကိုလည်းအလေးအနက်ဖော်ပြပါသည်။

(နှစ်)
ကျွန်ုပ်သည်နတ်မောက်နယ်ရွှေပင်ရွာ၌ဒီမိုကရေစီကျင့်စဉ်နှင့်အညီ၊
တို့တာဝန်အရေးပါးဦးထိပ်ထားလျက် သူကြီး မင်းတာဝန်ကို၊ထမ်းဆောင်နေချိန်တွင်၊ကျွန်ုပ်၏လက်ရင်း
လူယုံတော်များဖြစ်ကြကုန်သော၊လေမင်းသား၊ကပ္ပလီနှင့်ဖေကြည်တို့သည်လည်း
ဆယ်အိမ်ခေါင်း၊ရွာဆော်၊ကာလသားခေါင်းစသည့်၊အဆင့်မြင့် ဘွဲ့မည်ရည်များဖြင့်
ရာထူးအသီးသီးတို့တွင်စွမ်းစွမ်းတမံဆောင်ရွက်နေကြချိန်ဖြစ်လေသည်။

ရွှေပင်ရွာ၏တစ်ခုသောနံနက်၊အရှေ့ဗြုဗ္ဗာအရပ်မှနေထွက်ပြူလာချိန်တွင်၊
ကျွန်ုပ်၏နေအိမ်ရှေ့ကွပ်ပျစ်ထက်၌ကျွန်ုပ်နှင့်တပည့်ကျော်သုံးဦးတို့သည်
ရွှေပင်ရွာဘက်စုံတိုးတက်ဖွံ့ဖြိုးရေးအလို့ငှာဆွေးနွေးတိုင်ပင်လျက်ရှိကြ၏။

ဆွေးနွေးပွဲမစတင်မီ၊တပည့်တို့အား၊သူကြီးဝတ္တတရားနှင့်အညီကောက်ညှင်းငချိတ်ပေါင်း၊
အမဲခြောက်ဖုတ်၊နာမည်ကျော်မောရှမ်းလက်ဖက်ခြောက်ခပ်ထားသည့်ရေနွေးကြမ်းတို့ဖြင့်
တည်ခင်းဧည့်ခံရလေရာ၊ကောက်ညှင်းငချိတ်ကား၊ဝိုင်းစိန်မနှင့်ဂွက်ထော်တို့၏ရန်ပွဲမှ
ဒဏ်ကြေးဖြစ်၏။အမဲခြောက်ကားမကြာခဏတရားမဝင်နွားပေါ်လေ့ရှိသော၊
ကိုရင်ပေါ်အေး၏မေတ္တာလက်ဆောင်ဖြစ်၏။မောရှမ်းကားဒေါ်ဒွေး၏ကုန်စုံဆိုင်မှ၊
လမ်းကြုံသဖြင့်ကျွန်ုပ်ကိုယ်တိုင်ခပ်တည်တည်ဝင်နှိုက်လာခြင်းဖြစ်လေသည်။

ဝါရင့်တပည့်ကျော်တို့၏သိုက်သိုက်ဝိုင်းဝိုင်းလက်ရည်တပြင်တည်းညီညာဖျဖျ
အားပေးမှုကြောင့်ရေနွေးကြမ်းနှစ်အိုး၊ကောက်ညှင်းပေါင်းနှစ်ပန်းကန်၊
အမဲခြောက်သုံးပန်းကန်တက်တက်စင်ပြောင်ချိန်တွင်ဆွေးနွေးပွဲကိုစတင်ခဲ့၏။

ကျွန်ုပ်။ ။ဒီမိုကရေစီခေတ်ကြီးကိုရောက်ပြီမို့ငတို့ရွာအပေါ်မှာစေတနာမှန် ထားကြမှဖြစ်မယ်တပည့် တို့ရဲ့။
သူကြီးရာထူးသက်တမ်းမကုန်ခင်တို့ရွှေပင်ရွာကောင်းကျိုးအတွက်၊
လုပ်ငန်းကြီးတစ်ခုတော့လုပ်ပြမှတော်ကာကျလိမ့် မယ်

ကပ္ပလီ။ ။ ရွေးကောက်ပွဲနီးပြီဆိုတော့သူကြီးရာထူးဆိုတာလည်းကမ်းနားသစ်ပင်ပဲလေ ၊တို့ဆြာဘာတွေများ ဆင်ကြံကြံ ဦးမှာပါလိမ့်

ဖေကြည်။ ။ ဆြာတပည့်ချင်းတွေစကားချီးခြေဆင်းမလိုပါဘူးဆြာ၊တဲ့တိုးညှိလို့ရပါတယ်

လေမင်းသား။ ။သူကြီးပါးစပ်ဟကတည်းက အစာအိမ်ကိုလှမ်းမြင်ပြီးသားပါလေ။သူကြီးတွေ့ထားတဲ့ခွင် (ဂွင်) ကို သာပွင့်ပွင့်လင်းလင်းပြောစေချင်ပါတယ်

ဆြာကောင်းတပည့်ပီသစွာအလွန်အကင်းပါးကြသော၊
တပည့်တို့၏ထောင်တန်သည့်စကားရယ်ပေါ့စေသည့်
ထေ့လုံးငေ့ါလုံးတို့ကို၊ကျွန်ုပ်အနေဖြင့်အလေးဂရုပြုရမည့်အချိန်မဟုတ်လေသောကြောင့်၊
တည်ကြည်သောမျက်နှာထားဖြင့်ကျွန်ုပ်စကားဆက်ရ၏။

(သုံး)
ကျွန်ုပ်။ ။ငတို့ရွာအရှေ့တံခါးနဲ့ကပ်လျက်က၊စားကျက်ကွင်းလိုလို၊
ယာပျက်လိုလိုမသုံးပဲထားတာကြာမြင့် နေလှပြီကွဲ့။ဆယ်ဧကကျော်ကျော်တောင်
ရှိမယ်ထင်ပါရဲ့။အဲဒီကွင်းပြင်ကြီးကနေ၊ဝင်ငွေရလာအောင်
၊ရွှေပင်ဖွံ့ဖြိုးရေးစီမံကိန်းတစ်ခုအကောင်အထည်ဖော်ဖို့ရှိနေတယ်တပည့်တို့

ဖေကြည်။ ။ ဟာ၊ဒါဆိုခွင်ကြီးပဲဆြာ။ထုံးစံအတိုင်းတပည့်တို့ကိုသာ အမည်ပေါက်ချထားပေးလိုက် ပေတော့။ သူကြီးဝေစုအတွက်လည်းမပူပါနဲ့လေ။

ကျွန်ုပ်။ ။ တုံးပါ့ကွာ။မင်းတို့ဟာငါးစာသာမြင်ပြီးဒစ်မမြင်တဲ့ကောင်တွေပါကလား။ ဒီမိုကရေစီခေတ်မှာဒါမျိုးလုပ် လို့မရဘူးလေ။နည်းဥပဒေလုပ်ထုံးလုပ်နည်း အရဈေးပြိုင်တင်ဒါလေလံခေါ်မှ၊ပွင့်လင်းမြင်သာရာရောက်ပေမပေါ့

ချက်ကျလှသောကျွန်ုပ်၏ထောက်လုံးကြောင့်
တပည့်ကျော်တို့ငြိမ်ကုပ်နှုတ်ဆွံ့သွားကြချိန်တွင်၊ကျွန်ုပ်လည်း လိုရင်းရောက်နိုင်ရန်တက်သုတ်ရိုက်လမ်းညွန်မှုပေးရပြန်သည်။

ကျွန်ုပ်။ ။ကဲ၊မောင်ကပ္ပလီ၊မောင်ရင်ကချက်ချက်ချာချာရေးတတ်ဖတ်တတ်ဆိုတော့ တင်ဒါကြော်ငြာရေးရအော င်စာရွက်နဲ့ဘော့ပင်အဆင်သင့်ပြင်လကွဲ့။ တည်နေရာအကျယ်အဝန်းအပါအဝင်လေလံအမျိုးအစားကိုဖြင့်မောင် ရင်တတ်သလိုမှတ်သလိုသာရေးချလိုက်ပေတော့

တပည့်ကျော်ကပ္ပလီတစ်ယောက်စာရွက်ဘော့ပင်တို့ဖြင့်အလုပ်ရှုပ်နေသည်ကို
ကျန်တပည့်နှစ်ဦးကဘေးမှနေ၍စိတ်ဝင်တစား ဝိုင်းကြည့်လျက်ရှိကြပြီးအတန်ကြာသော်..၊

ကပ္ပလီ။ ။အဲဒီကွင်းကြီးမှာဘာအလုပ်တွေလုပ်ခွင့်ပြုမယ်ဆိုတာအမိန့်ရှိပါသူကြီးမင်း

ကျွန်ုပ်။ ။အင်း၊အဲဒီကွင်းကရွာစာသင်ကျောင်းနဲ့လည်းနီးတယ်ဆိုတော့ စားသောက်ဆိုင်တန်းဖွင့်နိုင် တယ်ပေါ့ ကွာ။ကွင်းပတ်ခြာလည်ကထန်းပင်
တစ်ရာကျော်ကနေ ထွက်မဲ့ထန်းရည်တွေကိုလည်းရောင်းခွင့်ပြုမှ
သဘာဝကျမှာ၊ရှုပ်ပါတယ်ကွာ။
လုပ်ချင်ရာလုပ်နိုင်တယ်လို့သာရေးထည့်လိုက်။
လုပ်ခွင့်ရသူအကျိုးရှိဖို့ကလည်းသိပ်အရေးကြီး တယ်မဟုတ်လား

တပည့်ကျော်ကပ္ပလီကသင်္ကာမကင်းသောမျက်လုံးအစုံဖြင့်ကျွန်ုပ်အား
ဖျတ်ကနဲလှမ်းကြည့်လိုက်သည်ကို ကျွန်ုပ် ကောင်းစွာသတိပြုမိသော်ငြား တည်ငြိမ်စွာပင်ဆက်လက်၍ညွန်ကြားရပြန်ချေသည်။

(လေး)
ကပ္ပလီ။ ။တင်ဒါတင်သွင်းနိုင်တဲ့သူရဲ့အရည်အချင်းလေးမိန့်ပါဆြာ

ကျွန်ုပ်။ ။တင်ဒါတင်သွင်းသူသည်ရွှေပင်ရွာဇာတိဖြစ်ရမည်။ဗုဒ္ဓဟူးသားဖြစ်ရမည်။ အသားမမည်းစေရ၊ တရုတ် သွေးစပ်၍ဖြူနေလျှင်ပို၍သင့်တော်သည်လို့သေချာရေးလကွ

ဖေကြည်။ ။သူကြီးဥစ္စာကတမျိုးကြီးပဲနော်

ကျွန်ုပ်။ ။မသိရင်လည်းမသိသလိုအသာနေကွာ။ မင့်တို့ဆြာလုပ်နေတာဟာရွှေပင်ရွာအတွက်ကောင်းမယ်ထင် လို့လုပ်နေတာလဟ

ကျွန်ုပ်၏မောင်းမဲပြစ်တင်သံကြောင့်ဖေကြည်အမြီးကုပ်သွားချိန်တွင်
၊လေမင်းသားသည်ကျွန်ုပ်အားစူးစမ်းသော အကြည့်ဖြင့်လှမ်း၍ကြည့်နေစဉ်တွင်ပင်၊ ကျွန်ပ်၏စကားကိုရှေ့ဆက်ရသည်။

ကျွန်ုပ်။ ။တင်ဒါတင်သွင်းသူသည်ရွှေပင်ရွာတွင်ရေဒီယို၊ ကက်ဆက်၊ရုပ်မြင်သံကြား၊ဗီဒီယိုပြစက်၊လက်ကိုင်တယ် လီဖုန်းတို့ကို ပထမဆုံးအသုံးပြုနိုင်ခဲ့သူနှင့်ရင်းနှီးကျွမ်းဝင်သူဖြစ်စေရမည်။
အရပ်ငါးပေလေးလက်မခန့်ရှိရမည်။
ကိုယ်ခန္ဓာအနေအထားပိန်ပိန်ပါးပါးဖြစ်ရမည်။ဝဲဖက်မျက်ခုံးပေါ်တွင်
ထင်ရှားသောမှဲ့နက်တစ်လုံးရှိရမည်။ရွှေပင်ရွာတွင်
ပါးရည်နပ်ရည်စာရင်းဝင်သူဖြစ်ရမည်။

ကပ္ပလီငယ်သည်အနည်းငယ်စိတ် ကသိကအောက်ဖြစ်လာဟန်ရှိသော်ငြား၊တခွန်းတပါဒမျှအထွန့်တက်ခြင်းမရှိ၊
ကျွန်ုပ်၏နှုတ်မှရွတ်သမျှအချက်အလက်တို့ကိုတိကျပြည့်စုံစွာရေးသားနေရင်း
လိုအပ်သည်တို့ကိုမေးမြန်းနေလေသည်။

ကပ္ပလီ။ ။ဒါနဲ့တင်ဒါလျှောက်လွှာကိုအလကားပေးမှာလား၊ရောင်းမှာလားဆြာ

ကျွန်ုပ်။ ။လျှောက်လွှာတန်ဖိုးဆယ်သိန်းကျပ်တိတိလို့ရေးထည့်လိုက်လကွဲ့

ကပ္ပလီ။ ။လျှောက်လွှာပိတ်ရက်ကောဆြာ

ကျွန်ုပ်။ ။မနေ့က ပိတ်သည်လို့တိတိကျကျရေးလိုက်

ကျွန်ုပ်၏လမ်းညွှန်ချက်ဤနေရာသို့အရောက်တွင်၊
တပည့်ကျော်ဖေကြည်နှင့်လေမင်းသားတို့ထံမှ၊မကျေမချမ်း
ရေရွတ်သံသည်ဆွေးနွေးပွဲကို၊ရုတ်တရက်ဆူညံစေခဲ့ပြန်သည်တမုံ့။

(ငါး)
ဖေကြည်။ ။ဟာ၊အဟုတ်မှတ်လို့ငြိမ်ပြီးနားထောင်နေတာ၊လက်စသတ်တော့၊ ဒီကိစ္စဟာသူကြီးခွင်ဆင်ထားတဲ့ လံကြုပ်တင်ဒါကြီးပဲ။ ဒီတင်ဒါစည်းကမ်းအတိုင်းဆို ၊ရွှေကြက်ဆူပင်ဆောက်လုပ်ရေးအဖွဲ့ထောင်ထားတဲ့
လူလည်ရွှေကြည်ကိုပေးချင်တာထင်ရှားနေတယ်ဆြာ။
မနေ့ကပိတ်တဲ့တင်ဒါကိုဘယ်သူလာတင်လို့ရပါတော့မတုန်း

လေမင်းသား။ ။အဲဒီရွှေကြည်ဟာ၊အရင်သူကြီးဟောင်းဘသန်းကြိုင်ရဲ့လက်ရင်း လူယုံတပည့်ဆိုတာ၊ရွှေပင် တရွာလုံး သိနေ တယ်နော်သူကြီး

လက်ရင်းတပည့်တို့ကျွန်ုပ်အပေါ်အမြင်စောင်းလေပြီမို့၊
ဂဃနဏတုန့်ပြန်ဖြေရှင်းရန်တာဝန်သည်ကျွန်ုပ်၏ပုခုံးပေါ်သို့
ကျရောက်လာလေပြီတကား။ဆိုရေးရှိကဆိုရပေတော့မည်။

ကျွန်ုပ်။ ။ဒါကဒီလိုရှိပါတယ်တပည့်တို့ရယ်။ဒီတင်ဒါကိစ္စဟာကျုပ်ဘကြီးရဲ့ လမ်းညွန်ချက်အတိုင်းလုပ်ရတာကွဲ့။ ရွှေပင်လိုပစ္စန္တရာဇ်၊ခပ်ချာချာတောအရပ်က၊
လက်မတနှိပ်စာသာသာဒီမြေကွက်လေးမှာ၊ဒီလိုတင်ဒါခေါ်တာ ဘာ ဟုတ်သေးတုန်း မောင်တို့ရာ။ရန်ကုန်မြို့ကြီးကို ဒလဖက်ကမ်းဆီတိုးချဲ့ပြီးမြို့သစ်ကြီးတည်ဆောက်ဖို့ကြံစည် တုန်းကလည်းအဲဒီစီမံကိန်းကြီးနဲ့၊သင့်တော်မဲ့လုပ်ငန်းရှင်စာရင်းကို
တပါတည်းရေးသွင်းထားခဲ့တာပဲမဟုတ်လား။
ရွှေတိဂုံစေတီတော်နားကဧရာမမြေကွက်ကြီးကိုလည်း၊လူကြီးတွေ
သင့်တော်သလိုစီမံခဲ့တာပဲလေ။တပြည်လုံးမှာ၊ အထူးသဖြင့်ရန်ကုန်မြို့ကြီးမှာ၊တိုးတက်ဖွံ့ဖြိုးခေတ်မီစေလိုတဲ့စေတနာနဲ့
လုပ်ခဲ့သမျှစီမံကိန်း၊ခေါ်ခဲ့သမျှတင်ဒါ ငတို့အထက်လူကြီးမင်းတွေ၊
ဒီပုံစံအတိုင်းလုပ်ခဲ့ကြတာပါပဲ။

ပိုပြီးသေချာချင်ကြရင်ဖြင့်၊အခုပူပူနွေးနွေးပြန်ကြားရေးဝန်ကြီးဌာနကနေ
တင်ဒါခေါ်နေတဲ့ရေကူးအသံလွှင်စက်ရုံဝင်းတင်ဒါကိုသာကြည့်ကြပေတော့။မောင်ရင်တို့ရဲ့
လက်ရှိရာထူးလေးတွေကိုလက်လွှတ်နိုင်တယ်ဆိုရင်ဖြင့်ကျုပ်လိုရွှေပင်သူကြီး
အနုံညာတကိုအပြစ်တင်နေကြမဲ့အစား၊ကျုပ်အထက်က
ဆရာသမားများကိုသာ၊ တိုက်ရိုက် ဆက်သွယ်ဝေဖန်သမှုပြုကြပေတော့။

ကျွန်ုပ်၏စကားအဆုံးတွင်၊ရွှေပင်ရွာတင်ဒါကြော်ငြာ
အပေါ်ရေပက်မဝင်အောင်ပြင်းထန်စွာဝေဖန်ခဲ့ကြလေသည့်
တပည့်ကျော်တသိုက်ချက်ကောင်းကိုထိသွားကြဟန်ရှိ၏။

ကိုယ်စီခေါင်းငိုက်စိုက်ဖြင့်၊ရွာအရှေ့တံခါးဝတွင်ကြော်ငြာကပ်ရန်
လေးလံသောခြေလှမ်းများဖြင့်ထွက်ခွာသွားကြချိန်တွင်မူ၊ကျွန်ုပ်သည်ကား
၊ရွှေပင်ရွာ၏ထွန်းပြောင်သောအနာဂတ်သစ်ကိုစိတ်ကူးယဉ်လျက်ရှိ၏။

ကျွန်ုပ်၏စွမ်းဆောင်ရည်ကိုကျွန်ုပ်၏ဘကြီးဖြစ်သူနှင့်ဆရာ့ဆရာများကြားသိခဲ့ပါမူ၊
တပည့်ကောင်း၏အရည်အချင်းအပေါ် များစွာနှစ်ထောင်းအားရရှိကြပေလိမ့်မည်။ ။

၂၂မေ၂၀၁၅နေ့ထုတ် Friday Times Journal မှ။ ။

ကျွန်ုပ်၊စုံကန္တာနေပူခရီးနှင့်မိုးနတ်မင်း၏အချစ်တော်

(မင်းဒင်)

(တစ်)
ကျွန်ုပ်တို့ဆြာတပည့်လေးဦးသားစီးနင်းလိုက်ပါလာသော
၊တောင်တွင်းကြီး၊ကြီးနီလော်ကယ်
ရထားသားမြားဘူတာ ရုံသို့၊ဆိုက်ရောက်ချိန်တွင်၊
အချိန်သည်နေ့လည်နှစ်နာရီခန့်ရှိခဲ့လေပြီ။

ကိုယ်စီဝမ်းဟာနေကြပြီဖြစ်၍ရထား ပေါ်မှဆင်းလျှင်ဆင်းချင်းဆိုသလိုပင်၊
ကျွန်ုပ်ငယ်စဉ်က၊နှစ်ခြိုက်စွဲလန်းစွာစားသုံးခဲ့ဖူးသောကြက်ကြော်
ထမင်းထုပ်ဆိုင်ကိုမျက်စိကစား၍အပြေးအလွှားရှာရ၏။ဒေါ်ခွေးမကြက်ကြော်
ထမင်းထုပ်ကား၊တခေတ်တခါကသားမြားဘူတာ၏
ကျက်သရေဆောင်အထိမ်းအမှတ်တစ်ခုဖြစ်ခဲ့၏။

လက်မှတ်ရုံနှင့်မလှမ်းမကမ်းတွင်ကိုမြင့်ဦး၊မခင်လှမိဘမေတ္တာထမင်းဆိုင်ဟူသော
ဆိုင်းဘုတ်တစ်ကိုတွေ့မိသဖြင့်၊စုံစမ်းမေးမြန်းကြည့်ရာ၊ဒေါ်ခွေးမ၏မျိုးဆက်သစ်များ
ဟုသိရ၏။ကောင်းလေစွ။ပလက်ဖောင်းပေါ်တွင်ဈေးတောင်းချ၍ရောင်းသော
အဆင့်မှသည်ဆိုင်နှင့်ကနားနှင့်ဖြစ်နေသည်မှာဒီမိုကရေစီစနစ်ကြီး၏
အသီးအပွင့်ဟုတ်မဟုတ်ဆိုသည်ကား၊ကျွန်ုပ်မဝေခွဲနိုင်လေ။

တပည့်ကျော်သုံးဦးကား၊အဆိုပါထမင်းဆိုင်မှချပေးသမျှ၊ဟင်းပန်းကန်တို့
ကိုခွေးလျက်သည်ထက်ပြောင်အောင်ပါးဖြဲနားဖြဲ၊အပင်းဆို့နေကြသည်မှာ၊
ရထားပေါ်တွင်ခရီးစဉ်တလျှောက်လုံး “ကြပ်လှချည့်ရဲ့၊ဒုက္ခကြီးလှချည့်ရဲ့”ဟူ၍ ညည်းသံစုံအော်ခက်စထရာတီးဝိုင်းကြီးတီးခတ်သည့်အလားငြီးတွားခဲ့သူများမှာ၊
သင်းတို့မှဟုတ်ပါလေစဟုပင်သံသယပွားဖွယ်ဖြစ်ချေသည်။

ကျွန်ုပ်တို့ဆြာတပည့်တသိုက်သည်နေ့လည်စာကိုဗိုက်တင်းရုံမက
၊ပေါက်မထွက်ရုံတမယ်၊အားပါးတရသုံးဆောင်ကြပြီးသကာလ၊
ခဏတဖြုတ်၊ထမင်းလုံးစီလျက်နားနေလိုကြသော်ငြားလက်တွေ့အားဖြင့်
မဖြစ်နိုင်သေးချေ။သားမြားဘူတာမှလေးမိုင်(နှစ်တိုင်)ခန့်ကွာဝေးသည့်၊
ဇာတိရွှေပင်ရွာဆီသို့၊ကျွန်ုပ်တို့ခရီးဆက်ရပေဦးမည်။ခရီးဆောင် အထုပ်အပိုးတို့ကိုကိုယ်စီသယ်ပိုးရင်း၊ကျွန်ုပ်တို့၏မဟာစွန့်စားခန်းကြီးကို
စတင်ရန်အလို့ငှာ၊ရွှေပင်ရွာဘက်ဆီသို့ ဦးတည်ခရီးနှင်ခဲ့ကြကုန်၏။

အဇဋာကောင်းကင်ပြင်တွင်ကားမိုးရိပ်လေရိပ်ဟူ၍ ၊ကြက်မတစ်ဝပ်စာ
တိမ်လိပ်ကို ပင်မမြင်မိချေ။

(နှစ်)
သာမြားဘူတာရုံမှာသားမြားရွာနှင့်ကပ်လျက်ရှိကာ၊သစ်ပင်ခပ်အုပ်အုပ်ကျိုးတိုးကျဲတဲ
ရှိသဖြင့်၊အပူဒဏ်ကိုမသိသာသော်ငြား၊မီးရထားသံလမ်းကိုဖြတ်ကျော်၍
ဘူတာမှတစ်ခေါ်သာသာအရောက်၊တံလျှပ်ထနေသော
လွင်တီးခေါင်ကြီးနှင့်ကြုံလိုက်ရသည်တွင်ကား၊ ကျွန်ုပ်သည်၊မီးလျှံထိန်ညီးတဟီးတဟီးထနေသောကြံတောသင်္ချိုင်း
မီးသဂြိုဟ်စက်ကြီး၏အဝင်ဝကိုသာမဆီမဆိုင် ပြေး၍သတိရမိတော့သည်။

အညာနွေ၏ပူချက်ကိုစာဖွဲ့လျှင်၊ထိုစာရေးသီအပ်သောပေစာ၊စာရွက်၊
ထန်းရွက်နုတို့ပင်မီးဟုန်းဟုန်းထ၍တောက် လောက်ပေ၏။ခြောက်သယောင်းနေသော
ယာခရိုးခပ်နိမ့်နိမ့်မှ၊ချိုးကူသံသည်၊ပူပြင်းလွန်းလှသည့်အပူရှိန်ကြောင့် ကူပါ၊ကယ်ပါ၊တစာစာမြည်ကြွေးနေဟန်ရှိ၏။
အဘယ်အရပ်ဆီမှထွက်ပေါ်လာသည်မသိလေသော၊ဥသြငှက် ငယ်၏တွန်သံမှာ၊နောင်လာမည့်အနာဂတ်တွင်သည့်ထက်ပိုပူဦးမည်၊မပြောမရှိနှင့်၊
ဥသြ၊ဥသြဟူ၍သတိပေးဥ သြသံဆွဲနေသည်ဟုသာကျွန်ပ်ထင်မြင်မိတော့သည်။

အညာအရပ်ကားမိုးကိုတရသောအရပ်ပေတည်း။မိုးနတ်မင်းသည်
ကျွန်ုပ်၏ဇာတိအရပ်အပေါ်သူစိမ်းဆန်နိုင်လွန်းလှလေသည်တကား။

ဖူးခက်တွင်ရွေ့ပြောင်းအလုပ်သမားဘဝဖြင့်၊လေအေးစက်အပြည့်တပ်ဆင်ထားသော၊
ကုန်တိုက်ကြီးများအတွင်း၌၊သန့်ရှင်းရေးလုပ်သားအဖြစ်အတွေ့
အကြုံကြီးစွာရှိကြလေသောတပည့်ကျော်တို့၏ အလန့်တကြားရေရွတ်သံကား၊ကျွန်ုပ်အတွက်
အမှန်ပင်နားကလောလှချေ၏။

“အညာနွေပူလွန်းတယ်၊အညာမြေပူလွန်းတယ်။ရွှေပင်၊ရွှေပင်တဲ့။
လက်စသတ်တော့ရွှေပင်ဆိုတာငရဲပြည်နားမှာ တည်ထားတဲ့ရွာကိုး၊ အမြော်အမြင်ကြီးပါပေ့ဆြာရယ်။တပည့်တို့ငရဲကျရင်ကြောင်အမ်းအမ်းမဖြစ်တော့ဘူးပေါ့၊
ငရဲပြည်ကမှ၊အပူနည်းနည်လျော့မယ်မှတ်ရ”

“ပူတယ်လေးလေ့ ပူတယ်လေးလေ၊အမယ်လေး၊မဟုတ်မှာလွဲရော့၊ ငတို့ဆရာဟာ၊ဒီအရပ်မျိုးမှာမွေးလာတယ်ဆို တော့၊
ယမမင်းနဲ့ဆွေမျိုးနီးစပ်တော်နေတာပဲဖြစ်ရမယ်။
တကယ့်ဆွေကြီးမျိုးကြီးပဲ။လေးစားပါတယ်ဆြာ”

“ဒီလောက်ပူမယ်မှန်းသိရင်ကုလားမီးနင်းပွဲမဝင်ခင်မှာစောင့်ရတဲ့
ကုလားဥပုပ်သီလစောင့်ထိန်းခဲ့မှာပေါ့ဆြာ။ခြေထောက်ကနေမီးထတောက်တော့မယ်ဆြာ”

ကျွန်ုပ်ကိုယ်တိုင်စုံကန္တာနေပူခရီးဘယ်ထီးမှမပါ၊ခရီးနှင်နေရသည့်မို့၊ဒေါသအလိပ်သည်
ငယ်ထိပ်သို့တက်ဆောင့် လေပြီ။

(သုံး)
“ဟိတ်၊နင်တို့ပါးစပ်တွေပိတ်ကြစမ်းလဟ။ပြည်သူ့ဘဝလေ့လာရေးဆိုပြီး၊
ရထားတစ်တန်၊ကုန်းကြောင်းတတန်ခရီးကိုရွေးခဲ့တာနင်တို့ပဲမဟုတ်လား။
အခုကျမှလင်းတမယားပါသား၊လေးခွမှန်တဲ့လေသံနဲ့ညည်းချင်းချမနေကြနဲ့။
နွေထနောင်းဆောင်းမန်ကျည်းတဲ့
။နွေပူပူမှာအရိပ်အာဝါသအေးအေးပေးနိုင်မဲ့
ထနောင်းပင်ရိပ်တခုခုတွေ့အောင်သာအမြန်ရှာကြပေရော့”

“ငတို့ဆြာလည်းထူမလိုလိုနဲ့အင်မတန်တုံးတဲ့လူပါကလား။ဖေ့စ်ဘွတ်သုံးပြီး
ဗဟုသုတရှိမဲ့စာမျိုးကိုမဖတ်ဘူးထင်ပါရဲ့။အညာမှာရှိရှိသမျှထနောင်းပင်အကြီး
အသေးအလတ်အကုန်တရုတ်ပြည်ရောက်ကုန်တာမသိလေရော့သလား။ မန်းကျည်းပင်တွေလည်းအမွှေးတိုင်ဘဝကနေ၊ပြာဖြစ်ကုန်ပြီဆြာရဲ့”

နေပူပူမှာမိုးကြိုးပစ်မှာကိုမကြောက်ရသည်ကြောင့်ထင့်။ကပ္ပလီငယ်ကားဆြာရင်းကိုပင်
အာခံဆောကြောနေလေ ၏။ဟိုမရောက်သည်မရောက်ဖေကြည်တစ်ယောက်ကား၊ မှတ်ချက်တစ်ခုကိုရုတ်ခြည်းပြု၏။

“အမှန်တော့သစ်တောတွေပြုန်းတီးကုန်လို့ဒီလောက်ပူပြင်းပြီးမိုးခေါင်နေတာဆြာရဲ့။
ဒါဟာအစိုးရရဲ့အပြစ်ပဲ”
တချိန်လုံးအသံတိတ်နေခဲ့သောလေမင်းသားသည်လည်း၊နဖူးပြင်မှကျလာသောချွေးကို
လက်ဖမိုးဖြင့်သုတ်လိုက်ရင်းဖေကြည်၏တင်သွင်းလာသောအဆိုကို၊
လှိုက်လှဲစွာထောက်ခံ အတည်ပြုပြန်၏။

“ဒါပေ့ါကွာ။တိုင်းပြည်အုပ်ချုပ်မင်းလုပ်သူတွေမင်းကျင့်တရားနဲ့မညီဘူးဆိုမှဖြင့်၊
ရာသီဥတုကအစဖောက်ပြန်ကုန် တော့တာပေါ့”

ကျွန်ုပ်၏တပည့်ကျော်တို့ကားအဆိုးမြင်ဝါဒီများဖြစ်ကြဟန်ရှိ၏။
ကျွန်ုပ်ကားအသက်အရွယ်အတွေ့အကြုံများသူပီ ပီ၊သင်းတို့ကိုလေပြေထိုးကာ၊တရားရေအေးအမြိုက်ဆေးတိုက်ကျွေးရပြန်သည်။

“သစ်ပင်ဆိုတာခုတ်ပြီးပြန်ပေါက်အမျိုးပါကွာ။တနိုင်ငံလုံးအပြောင်ရှင်းခဲ့တဲ့သူဌေမင်းလည်း
သစ်ပင်တွေပြန်စိုက်နေပြီမို့၊ထူးချွန်ဆုတွေတောင်ရနေပါပြီမောင်တို့ရာ။
ငတို့အစိုးရမင်းများလည်းကောင်းရှာကြပါတယ်။စစ်ကိုင်းက
ဘူးကိုင်းရွာမှာဆိုလား၊
ရှင်အပါးဘယ်နှစ်ထောင်ဆိုလား၊သိန်းဘယ်နှစ်သောင်းဆိုလားကုန်ကျမဲ့၊
အတုမရှိမဟာကုသိုလ်တော်ကြီးကိုပြုနေကြတာသာဓုခေါ်ကြစမ်းပါမောင်။
ကဲ၊ကဲ၊ဟောဟိုမှာမြင်နေရတဲ့ဖျောက်ဆိပ်ပင်ကြီးဟာ
သက်တမ်းရာချီပြီးရှိတဲ့အပင်ကြီးလကွဲ့။ဖျောက်ဆိပ်ပင်ဆိုရွာကိုခရီးတဝက်ကျိုးပြီမို့၊
အရိပ်အေးအေးမှာခဏတဖြုတ်နားကြအုံးစို့လဟဲ့”

ကျွန်ုပ်သည်ပူလွန်းသောနေကြောင့်ခေါင်လွန်းသည့်မိုးကိုလွမ်းရင်း
ဖျောက်ဆိပ်ပင်အောက်သို့ဝင်ခဲ့ရောက်၏။

(လေး)
ဆြာတပည့်လေးဦးသားဖျောက်ဆိပ်ပင်အောက်မှကွပ်ပျစ်ပေါ်တွင်၊လေလာရာဖင်ပေး၍
အငြိမ့်သားအမောဖြေနေ ကြစဉ်၊ကျွန်ုပ်၏စိတ်အစဉ်၌မိုးကိုတမ်းတမိသည်ကား အမှန်ဖြစ်၏။မိုးလုံးမဲမဟုတ်သည့်၊ပုလဲလုံးရွဲမျှမိုးရေပက်ဖျန်းလေသော်
တလောကလုံးငြိမ်းချမ်းပေအံ့။ဇာတိမြေအထက်အညာတခွင်၊မိုးလေမှန်အောင်
အသို့လျှင်ကြံဆောင်ပါအံ့နည်း။မိုးရွာစေမည့်နည်းလမ်းမျိုးစုံကိုကြံဆနေစဉ်၊
တပည့်ကျော်ကပ္ပလီ၏အလန့်တကြားအော်သံသည်တိတ်ဆိတ်ခြင်းကိုဖြိုခွင်းလိုက်၏။

“ဟိုက်ရှားလဘတ်၊ကျားသားမိုးကြိုး၊မကြားစဖူး၊တအားထူးတဲ့ရွှေပင်ပါကလားဟ၊
တယ်လီဖုန်းလိုင်းမိနေသဟေ့။

ခေတ်ကြီးကတကယ့်ကိုပြောင်းလဲနေပြီပဲ”

ကပ္ပလီ၏အော်သံအဆုံးတွက်ဆက်တိုက်ထွက်ပေါ်လာသည့်အသံတို့ကား
၊ဖေကြည်နှင့်လေမင်းသားတို့ဖြစ်ကြ ကုန်၏။

“ဟာ၊ဟုတ်ပါ့ကွာ။လိုင်းမိလိုက်သမှဖလန်းဖလန်းကိုထနေတာပါကလား။
ဖူးခက်မှာအင်တာနက်လိုင်းကောင်းတယ်ဆိုတာ၊ရွှေပင်ဖင်ဖျားတောင်
မမီပါကလားနော်။ဖေ့စ်ဘွတ်ကလှစ်ကနဲလှစ်ကနဲဖြစ်နေတော့၊
ဖုန်းကိုမြဲမြဲကိုင် ထားမှ”

“မိုးတွေရွာပြီတဲ့ဟေ့၊သတင်းထူးသဗျ။လေရောမိုးရောသည်းကြီးမဲကြီးရွာချသတဲ့။
မဏ္ဍပ်တင်မက၊အိုးစည်ဒိုးပတ် တွေပါရေမျောကုန်ပြီတဲ့”

မျက်စိတဆုံးကြည့်လေရာအရပ်တွင်နေမင်းသူရိန်ပူရှိန်ထန်ပြင်းကာ
တံလျှပ်တွေချည်းမြင်နေရသည့်ကျွန်ုပ်မှာ၊မိုးသတင်းကြောင့်ခေါင်းထောင်သွားရ၏။

“ဘယ်အရပ်မှာများရွာသတဲ့တုန်းမောင်ဖေကြည်ရဲ့”

“စောစောကဆြာပြောတဲ့မြောင်မြို့နယ်ဘူးကိုင်းရွာမှာတဲ့ခင်ဗျ။
ဆြာ့ဆြာတွေရဲ့အတုမရှိမဟာ့မဟာကုသိုလ်တော်
ကြီးကိုမိုးနတ်မင်းဖျက်ပါပကောလားခင်ဗျ”

ကျန်သကောင့်သားနှစ်ဦးသည်လည်းဖေကြည်၏ဝမ်းသာအားရလေသံကို
ဝိုင်းဝန်းထောက်ခံကြပြန်လေရာ၊မုဒိတာတရားအားနည်းကြရှာသော
တပည့်တို့အတွက်ကျွနု်ပ်ဝမ်းပန်းတနည်းဖြစ်ရပါ၏။

“သေချာတာပေါ့ဆြာရယ်။ဒီအလှူဟာသွေးရိုးသားရိုးအလှူမဟုတ်တဲ့
အကြံအဖန်ယတြာအလှူကွ။သန္တိသုခကျောင်းတိုက်ကိုအနုကြမ်းဝင်စီးတဲ့
ကိုယ်တော်ရဲ့အစီအမံတဲ့။သမ္မတကြီးကိုယ်တိုင်ကြွလာခါနီးဆဲဆဲ၊
မိုးနတ်မင်းက၊လက်စွမ်းပြလိုက်တာပေါ့”

“လုပ်ပုံကိုကြည့်ဦးလေ။ကိုးနဝင်းမကျေတဲ့ရွာဆိုအလှူမှာမပါရဘူးတဲ့။
မောင်ရင်လောင်းတွေကခုနစ်မိုင်အကွာ
လောက်ကနေခြေလျင်လျှောက်ကြရသတဲ့။
ရွာနီးချုပ်စပ်က၊ကားမှန်သမျှမလာမနေရအတင်း
အကြပ်ချောဆွဲသတဲ့။စေတနာသဒ္ဓါတရား
မမှန်တဲ့သူတွေမိုးကြိုးမပစ်တာကံကောင်းတယ်မှတ်”

(ငါး)
မိုးဆိုပါကလား။အချိန်မဲ့အခါမဲ့မိုး။ပေါက္ခရဝဿမိုးပေလော။
မည်သည့်အခြေအနေတွင်မဆိုကောင်းကွက်ကိုရှာဖွေကြည့်မြင်တတ်လေ့ရှိသည့်၊
ကျွန်ုပ်အဖို့၊အမင်္ဂလာသတင်း အဖြစ်သင်းတို့မြင်နေကြသောဖြစ်ရပ်မှသည်၊ ဇာတိရပ်ရွာအတွက်အကျိုးဖြစ်ထွန်းစေမည့်စိတ်ကူးဆန်းတစ်ခု သည့်ကျွန်ုပ်၏ ဦးနှောက်အတွင်းသို့ ဒိုင်းကနဲပြေးဝင်လာချေ၏။သည်တခါဖြင့်ဟန်ကျချေပြီ။

“နေပါဦးလေမင်းသားရဲ့။အဲသည်မိုးကဘယ်အချိန်မှာရွာသတဲ့တုန်း”

“သမ္မတကြီးလာခါနီးမှာရွာသတဲ့ဆြာ”

“သေချာရဲ့လားမောင်ရယ်”

“သိပ်သေချာတာပေါ့ဆြာ။သမ္မတကြီးကိုအကြိုထောက်တဲ့မိုး၊ရွာလိုက်သမှ၊
မဏ္ဍပ်ထဲရေဝင်ပြီးဗုံတွေပတ်မတွေ ရေမျောကုန်တဲ့ဓာတ်ပုံတွေတောင်ပါတယ်ဆြာရဲ့”

ထခုန်မိမတတ်ဝမ်းမြောက်သွားမိသောကျွန်ုပ်သည်၊လက်ဖျောက်သံ
တချက်ဖြောင်းကနဲမြည်အောင်တီးလိုက်မိ၏။

“တကယ့်သတင်းကောင်းပါကလား။သည်အတိုင်းမှန်ရင်ဖြင့်
ဒီလောက်ပူပြင်းခြောက်သွေ့ပြီးရွှေကိုမလို၊ရေကိုသာလိုတဲ့ငတို့ရွှေပင်မှာ၊
မိုးခေါင် ရေရှားမှာမပူရတော့ဘူးလကွဲ့”

ကျွန်ုပ်မထင်မှတ်ပဲကျူးရင့်လိုက်သည့်ဥဒါန်းစကား၏အဓိပ္ပါယ်ကိုတပည့်များ
အနေဖြင့်ခြေခြေမြစ်မြစ်သဘော ပေါက်ကြဟန်မတူချေ။

“သြ၊ဆြာကမိုးမှန်မှန်ရွာအောင်လွန်ဆွဲခိုင်းတော့မယ်ထင်ပါရဲ့”

“ကြံကြံဖန်ဖန်ကွယ်။မင့်နှယ်နောက်တီးနောက်တောက်”

“ဒါဆိုယာခင်းတိုင်းမှာရေတုံကင်တစ်ခုစီတူးပြီးလှူဒါန်းမဲ့သဘောများလား”

“ဟ၊အဝီစိရေရဖို့ပေခြောက်ရာလောက်တူးရတဲ့အရပ်မှာရေတုံကင်တူးလို့ရပါ့မလား။
ယာတခင်းအဝီစီတွင်းတတွင်းသာလှူရရင်၊ဆြာ့လိုလူမဆိုထားနဲ့
ဘီလ်ဂိတ်တောင်မလှူနိုင်လောက်ပါဘူးလေ”

“သြော်။သိပြီဆြာ။သိပြီ။သိပြီ။မြစ်ရေကို၊ရွှေပင်အရောက်ပိုက်လိုင်းသွယ်ပြီး၊
ရတနာပုံဆိုက်အောင်ဖန်တီးမဲ့ဧရာမ စီမံကိန်းကြီးပေါ့။သာဓုပါဆြာ၊သာဓုပါ။ တကယ့်ကိုကြီးကျယ်ခန်းနားမွန်မြတ်တဲ့အတုမရှိစိတ်စေတနာပါပဲ”

“ဘာတွေလျှောက်ပြောနေတာတုန်းမောင်ရဲ့။မြစ်ရေတင်စီမံကိန်းနဲ့ရွှေပင်ရွာအရောက်
ပိုက်လိုင်းသွယ်ရရင်၊ခရီးတာဝေးလွန်းလို့၊တရုတ်ပြည်ဆီဓာတ်ငွေ့ပို့နေတဲ့
ပိုက်တွေဖြုတ်မှဖြစ်တော့မပေါ့”

“နားရှင်းအောင်လင်းပါဆြာရယ်။စိတ်ထင်တိုင်း
မိုးရွာချနိုင်အောင်ဆြာကသိကြားမင်းနဲ့
သူငယ်ချင်းမှမဟုတ်တာ”

နလဗိန်းတုံးတပည့်ကျော်တို့သည်၊ဥာဏ်ပဋိဘန်ထက်သန်လှသောဆြာ့ပါရမီကို
လိုက်မမီကြရှာသည်မှာထင်ရှားလှချေသည်။

“လက်စသတ်တော့၊မောင်တို့ဟာလူလည်ရုပ်ပေါက်နေတဲ့
တကယ့်ငတုံးအစစ်တွေပဲကိုး။ဒီလောက်ပူပြင်းခြောက် သွေ့တဲ့မြောင်မြို့နယ်၊
ဘူးကိုင်းလိုရွာမျိုးမှာ၊အချိန်အခါမဟုတ်၊သမ္မတကြီးလာခါနီး
ဆဲဆဲကျကာမှ၊မိုးကြီးရွာချတာ ကိုကြည့်ရင်၊သမ္မတကြီးဟာသိကြားမင်းရဲ့ အချစ်တော်ဆိုတာသေချာပြီလဟ။ဒါကြောင့်ဒီနေ့ကစပြီးသမ္မတကြီး
ရောက်လေရာအရပ်မှာရွှေမိုးငွေမိုး မင်္ဂလာမိုးရွာချပေးနိုင်ပြီလို့သာ၊မသေမချင်းမှတ်ပေတော့။

ငတို့ဇာတိရွှေပင်မှာ၊သောက်သုံးရေဖူလုံဖို့၊အဝီစိတွင်းမလိုဘူး။
ရေတုံကင်မလိုဘူး။မြစ်ရေတင်စီမံကိန်းမလိုဘူး။သမ္မတကြီးကိုသာရွှေပင်အရောက်
ဖိတ်လိုက်နိုင်ရင်တခါတည်းကိစ္စပြတ်ပြီ။ဒါတင်ဘယ်ကဦးမလဲ။
အာဖရိက၊အာရှအရှေ့အလယ်ပိုင်းသာမက၊ဂိုဘီတို့ဆဟာရတို့လို
သဲကန္တာရတွေမှာမိုးရွာစေချင်သလား။ငတို့သမ္မတကြီးကိုသာ
တရေးတယူဖိတ်ကြားလိုက်။

ကမ္ဘာအအနှံ့ကနေ၊ဟိုကလာပါ။
ဒီကလာပါဆိုပြီးအပြိုင်အဆိုင်အလုအယက်ဖိတ်ကြားနေကြရင်ဖြင့်
၊ဈေးပြိုင်စနစ်နဲ့ဈေးပိုပေးတဲ့နိုင်ငံကိုလိုက်ကြစို့ရဲ့။
သမ္မတကြီးတန်ခိုးနဲ့အမျိုးဂုဏ်တက်ကြမဲ့အပြင်၊တို့တိုင်းတို့ပြည်ဟာ
ရှင်အဇ္ဇဂေါဏနဲ့ဘိုးဘိုးအောင်တို့မတဲ့ကိန်းဆိုက်ပြီပေါ့လဟ။ငတုံးတွေရ”

အကောင်းမြင်၍စိတ်ကူးဆန်းလှသောကျွန်ုပ်၏စကားအဆုံးတွင်၊
တပည့်ကျော်သုံးဦးရုတ်တရက်အံ့သြခြင်းကြီးစွာဖြစ်လျက်
မျက်ဖြူဆိုက်သွားကြချိန်တွင်
၊ဖျောက်ဆိပ်ပင်ကြီးထက်ဆီမှဥသြတွန်သံချိုချိုသည်၊
ကျွန်ုပ်၏မဟာအကြံအစည်ကို
လှိုက်လှဲစွာထောက်ခံနေသယောင်ရှိချေ၏။

၂၉ မေ ၂၀၁၅ နေ့ထုတ် သည်လေးဒီးစ်အပတ်စဉ်ဂျာနယ်မှ။ ။

ကျော်ရှိန်နှင့်သူ၏နေဝင်ချိန်

(မင်းဒင်)

(၁)
အချိန်နှင့်နေရာကား၊(၁၉၈၉)ခုနှစ်ရန်ကုန်တိုင်း၊လှိုင်မြို့နယ်၊ရှမ်းစု(၁)လမ်းတွင်
ဖွင့်လှစ်ထားသောကျွန်တော့်ရုံးခန်းငယ်အတွင်း၊တစ်ခုသောလ၏နံနက်ခင်းတွင် ဖြစ်၏။

“ကိုကျော်ရှိန်၊ခင်ဗျားရဲ့လူမိုက်ဇာတ်လမ်းကိုရပ်လိုက်ဖို့ကောင်းပြီ။
ခင်ဗျားသတင်းတွေကြားနေရတာမကောင်းလှ ဘူး။လူမိုက်ဆိုတာအရွယ်ရှိတယ်။အချိန်အခါအခြေအနေရှိတယ်။
အခုခင်ဗျားအသက်ငါးဆယ်နားကပ်နေပြီ။အရေး ဟယ်အကြောင်းဟယ်ရှိလို့၊သူတင်ကိုယ်တင်ယှဉ်ကြရမယ်ဆိုရင်၊
ခင်ဗျားအရင်လိုမစွမ်းနိုင်တော့တာသေချာ တယ်”

ကျွန်တော့်ကိုစိုက်ကြည့်နေသောသူ့မျက်လုံးအစုံသည်ကျွန်တော့်မျက်နှာဆီမှလွှဲဖယ်ကာ၊
အဝေးသို့ငေးမျှော်ကြည့် ရှုနေသည်။သို့သော်ကျွန်တော့်စကားကိုမူ
နားစိုက်ထောင်နေဟန်ရှိ၏။

“ခေတ်တွေကလည်းပြောင်းနေပြီ။အခုခင်ဗျားမှသားနဲ့မယားနဲ့ဖြစ်နေပြီ။
ခင်ဗျားဒီအတိုင်းဆက်သွားနေမယ် ဆို ရင်၊ဘဝနိဂုံးမကောင်းမှာသေချာတယ်။လုံးလုံးလျားလျားကြီး
ဘုရားဒကာလိုနေပါလို့ကျွန်တော်ဆိုလိုတာမဟုတ်ဘူးနော်။
ခင်ဗျားရဲ့မိုက်ဂုဏ်လေးကိုလိမ်လိမ်မာမာအသုံးချပြီးတော့၊နေစေချင်တာ”

ကျွန်တော့်စကားဆုံးသော်ငြား၊သူသည်ကျွန်တော့်အားတလုံးတပါဒမျှ
ခွန်းတုန့်ပြန်ခြင်းမရှိပဲ၊ကျွန်တော်နှင့်မျက်နှာချင်းဆိုင်ကုလားထိုင်မှာ
ခပ်ငူငူကြီးထိုင်နေလေသည်။

သူဟုကျွန်တော်ရည်ညွှန်းခဲ့သူကား၊သုံးမည်ရရာဇဝင်လူမိုက်ကျော်ရှိန်(ခေါ်)
ကမာရွတ်(ခေါ်)အငယ်လေးဖြစ်၏။ကျော်ရှိန်သည်အရပ်အမောင်း
အနေတော်၊ပိန်ပါးပါးခန္ဓာကိုယ်နှင့်အသားအလတ်စားထဲကဖြစ်သည်။

(၁၉၇၀)ခုနှစ်ဝန်းကျင်နှစ်များဆီကကမာရွတ်ဟေ့ဆိုလျှင်၊
လူမိုက်ချင်းခေါင်းထောင်မကြည့်ရဲရုံသာမက၊ရန်ကုန်တိုင်းတစ်တိုင်းလုံးမှပုလိပ် များပါဖိန့်ဖိန့်တုန်အောင်ကြောက်ခဲ့ရသော၊ထိပ်ထိပ်ကြဲလူဆိုးစာရင်းဝင်ခဲ့သူဖြစ်၏။

(၂)
ကံကြမ္မာစေစားရာဟုဆိုရမည်လော၊ဘဝပေါင်းများစွာကပါရမီပေလောမဆိုနိုင်။
ကျွန်တော်သည်နာမည်ကျော်လူ ဆိုးလူမိုက်များနှင့်ရေစက်ဆုံခဲ့ရသည်။ကျော်ရှိန်ခေါ် ကမာရွတ်တို့မိသားစုသည်၊ကျွန်တော်နှင့်တလမ်းတည်းနေခဲ့ သူဖြစ်၏။တိတိကျကျပြောရလျှင်ကျော်ရှိန်တို့အိမ်သည်၊
ကျွန်တော်တို့အိမ်နှင့်မျက်စောင်းထိုးသုံးအိမ်အကွာတွင် တည်ရှိသည်။

ကျော်ရှိန့်အဖေဦးအေးသည်အရက်ကိုမိုးမလင်းသောက်သုံးသူဖြစ်၍၊
မူးလေတိုင်းမိန်းမကိုရိုက်နှက်ရာတွင်လက်သံပြောင်သူဖြစ်၍
တလမ်းလုံးကရွံကြောက်ကြောက်ကြသည်။ကျောင်းပညာသုံးတန်းခန့်အရောက်တွင်
၊ကျော် ရှိန်တစ်ယောက်၊သူ့အမေကုန်စိမ်းကြိုရာ၊ လမ်းမတော်ကီလီလမ်းနှင့်အကျွမ်းတဝင်ဖြစ်လာပြီးသည်နောက် ကီလီ လမ်းလူမိုက်လောကတွင်ကျင်လည်စပြုခဲ့သည်။

ကျော်ရှိန်၏နာမည်ကျော်လူမိုက်ဘဝသည်သူလူပျိုပေါက်အရွယ်၌
အစပြုခဲ့သည်။အေးရပ်ကွက်ဓနိတောအစပ်မှ မွန်နား၏ညီမ၊မအေးနှင့်
အိမ်ထောင်ကျကာစအချိန်၊အုပ်စုလိုက်ရိုက်ပွဲတွင်ကျော်ရှိန်က အားလုံးကိုယ်စားတစ် ယောက်တည်းကျူးလွန်ကြောင်းဖြောင့်ချက်ပေးကာ၊
အင်းစိန်ထောင်တွင်းသို့ရောက်ခဲ့ရသော်ငြား၊ကျော်ရှိန်၏ စေတနာသည်အရာမထင်ခဲ့ချေ။

သူခေါင်းခံခဲ့သောကြောင့်ပြစ်ဒဏ်မှလွတ်မြောက်ခဲ့သောသူ့မိုက်ဖက်များကြောင့် ပင်သူ့ဇနီးမိအေးပြည့်တန်ဆာဘဝရောက်ရသည်ဟု
ဆိုသည်။ကျော်ရှိန်သည်ထောင်တွင်းမှနေ၍၊သူ့မိုက်ဖော်များ ကိုတစ်ယောက်မကျန်သတ်မည်ဟုရာဇသံပေးထားခဲ့ပြီး
၊ထောင်မှလွတ်လာချိန်တွင်သူရာဇသံပေးထားသည့်အ တိုင်း၊လက်စားချေခဲ့သဖြင့်၊ကျော်ရှိန့်လက်ချက်ကြောင့်အသက်ပျောက်ရသော
လူမိုက်စုစုပေါင်းရှစ်ဦးရှိခဲ့သည်။
(၃)
ထူးခြားချက်ကား၊ကျော်ရှိန်လူသတ်ရာတွင်၊ပုန်းလျှိုးကွယ်ရှိုးမသတ်ပဲ၊
တစ်ယောက်ချင်းကိုတစ်နေရာစီချိန်းဆို ကာ၊ရင်ဆိုင်သတ်ဖြတ်ခဲ့ခြင်းဖြစ်၏။ မထူးဇာတ်ခင်းခဲ့လေသောကျော်ရှိန်သည်၊လူသတ်မှုတသီတတန်းကြီးနှင့် ဖမ်းဆီးရုံးတင်တရားစွဲခံခဲ့ရပြီး၊အမိန့်ချသည့်နေ့က၊အမိန့်ဖတ်နေသောတရားသူကြီးအား၊
လက်ထိပ်တန်းလန်းဖြင့် ကုလားထိုင်နှင့်ဆွဲရိုက်ပစ်သည်အထိရာဇဝင်ပြောင်ခဲ့သည်။

ထောင်ဒဏ်အနှစ်နှစ်ဆယ်အပါအဝင်သေဒဏ်ပါကျခဲ့ရသောကျော်ရှိန်
တစ်ယောက်ကံကောင်းထောက်မစွာ သေဒဏ်မှလွတ်ငြိမ်းချမ်းသာခွင့်ရခဲ့ပြီး၊
စုစုပေါင်းထောင်ဒဏ်အနှစ်နှစ်ဆယ်တပေါင်းတည်းကျခံခဲ့ရ၏။ကျော်ရှိန် သည်သူ၏မိုက်ဇကိုထောင်တွင်း၌လူသတ်မှုထပ်မံကျူးလွန်ခြင်းဖြင့်၊
အရောင်တင်ခဲ့ပြန်ရာ၊ထောင်သက်ကြာရှည် ခဲ့ပြန်သည်။

(၁၉၈၈)ခုနှစ်အရေးအခင်းကာလကြီးတွင်၊အင်းစိန်ထောင်ပေါက်ရာမှကျော်ရှိန်
အပါအဝင်၊လူမိုက်တပြုံတမကြီး လွတ်မြောက်လာကြရာ၊ကျော်ရှိန် တစ်ယောက်ထောင်ခြေကျင်းကြီးတန်းလန်းနှင့်၊အပြင်ရောက်လာခဲ့သည်။

ထိုမှ သည်ကျော်ရှိန်၏ငယ်ပေါင်းကျွန်တော့်လက်ရုံးဟိန္ဒူလူမိုက်စာရင်းဝင် ဘားလား၏ပင့်ဆောင်မှုကြောင့်၊ကျွန်တော့် ရုံးခန်းသို့ကျော်ရှိန်ခြေစက်ကျ ခဲ့လေတော့၏။ထို့ပြင်ခေတ်ပြိုင်လူမိုက်များဖြစ်ကြကုန်သောမောင်မောင်ကြီး၊
ဂျာ ဝါး၊ဘားလား၊စိုးအောင်တို့သည်လည်းကျွန်တော်ရုံးခန်း
သို့ခြေကြောင်းကျကြပြန်လေရာ၊ကျွန်တော်သည်အလိုလိုနေရင်း
လူမိုက်တို့၏ဆရာဖြစ်လာတော့သည်။

ကျောင်းဆရာဘဝကလာခဲ့၍ပေလော၊အမှန်ပင်ဆရာစာရင်းသွင်းလေသလော၊
ကျွန်တော်မသိသော်ငြား၊သူတို့အားလုံးကကျွန်တော့်အားတညီတညွတ်တည်း
ဆရာဟုတလေးတစားခေါ်ကာအာစရိယဂိုဏ်းဝင်အဖြစ်ဇွတ်တင်ခဲ့ ကြသော်ငြားစင်စစ်ကျွန်တော်သည်သတ်ရဲဖြတ်ရဲသောလက်မရွံ့
လူမိုက်ကားမဟုတ်။ဟိုစပ်စပ်ဒီစပ်စပ်စာတိုပေ စဖတ်ရှုလျက်၊လူ့သဘောမနောကိုလေ့လာနေသူသာဖြစ်သည်။
လူမိုက်တို့အထာနှင့်ကျော(ဂျော)ကို၊ခန့်မှန်းနိုင် သူမျှသာဖြစ်သည်။

ကျွန်တော်လေ့လာစူးစမ်းမိသမျှလူမိုက်တိုင်းလိုလိုသည်လူကြောက်များဖြစ်ကြ၏။
သူတပါးကိုလက်ရဲဇက်ရဲရိုက်နှက်သတ်ဖြတ်ရဲကြသော်လည်း
ကိုယ်ခံရမည့်အလှည့်တွင်၊မယုံကြည်နိုင်လောက်သွေးကြောင်တတ်ကြသည်။
အချို့တဲ့ဆုံးကားဆင်ခြင်တုံတရားဖြစ်၏။

လူ့အသိုင်းအဝိုင်းနှင့်ကာလကြာမြင့်စွာကင်းကွာနေခဲ့ကြသူများဖြစ်၍၊
အလွန်ရိုးရှင်းသောဘဝပုစ္ဆာများ၏အဖြေကိုတွက်ထုတ်ခြင်းငှာမစွမ်းသာကြ။
အထူးသဖြင့်သူ့တို့၏နှလုံးသားရေး၊အိမ် ထောင်ရေး၊စီးပွားရေးကိစ္စရပ်များတွင်
နကန်းတစ်လုံးမှနားလည်ကြသူများမဟုတ်ရာ၊ထိုခေါင်းစဉ်အောက်တွင် စာရင်းဝင်သည့်ပြဿနာမှန်သမျှဒိုင်ခံဆွေးနွေးအဖြေရှာပေးခြင်းဖြင့်ကျွန်တော်သည်
သူတို့၏ဆရာဖြစ်လာခြင်း သာတည်း။

(၄)
စစ်တပ်မှအာဏာသိမ်းပြီးစအချိန်၊ထောင်တွင်းမှပြင်ပလောကသို့
ယောင်တီးယောင်အ၊ရောက်လာကြသော အဆိုပါလူမိုက်တို့မှာ ထစ်ကနဲရှိမိုက်ဂုဏ်ကိုးချင်ကြသည်။အရက်သောက်စရာမရှိလျှင်၊အိမ်စားရိတ်ပြတ်လျှင် မိုက်ကြေးခွဲသလိုလိုလုပ်တတ်သည့်စရိုက်မျိုးမပျောက်။
ထိုအထဲတွင်ကျော်ရှိန်ခေါ်ကမာရွတ်သည်အစွာဆုံး အဆိုးဆုံးဖြစ်သည်။

ထိုသည်ကြောင့်ပင်၊ဤစာ၏အစ၌ဖော်ပြခဲ့သည့်အတိုင်းကျော်ရှိန့်ကို
ကျွန်တော်နှစ်ကိုယ်ကြားတရားချနေခဲ့ခြင်း ဖြစ်ပါ၏။လောကသဘာဝအရလူဆိုး
လူမိုက်တို့နေ့ချင်းညချင်းလူကောင်းဘဝကူးပြောင်းရန်အားထုတ်ကြရာတွင်
နောက်ဆက်တွဲပြဿနာအကြီးအကျယ်ရှိတတ်သည်။တော်ရုံလူစွမ်းနိုင်ခဲသည်။

ထို့ကြောင့်သူ့အားလူမိုက်ဘဝကိုလုံးလုံးကြီးခဝါချမည်ဟုကျွန်တော်ဆိုလိုရင်း
မဟုတ်ပဲ၊ထိုခေတ်ထိုအချိန်က မှိုလိုပေါက်နေသောဖဲဒိုင်၊ချဲဒိုင်၊ ဂျင်ဒိုင်တို့တွင်၊ပွဲထိန်းအဖြစ်သူ၏မိုက်ဂုဏ်ဖြင့်၊ဣနြေ္ဒရရနေရန်သာ
ကျွန်တော်လမ်းညွန်ခဲ့ခြင်းဖြစ်သည်။

သို့သော်ကျော်ရှိန်သည်ကျွန်တော့်စကားကိုနားမဝင်ခဲ့ချေ။နောက်မဆုတ်စတမ်း
လူမိုက်ဘဝဖြင့်သာဘဝကိုအရိုးထုတ်သွားရန်ဆုံးဖြတ်ခဲ့ပုံရသည်။
အဆိုးဆုံးကား၊ကျော်ရှိန်သည်လူမိုက်အဖြစ်မှသည်သူခိုးဘဝသို့
ကူးပြောင်းသွားခဲ့ခြင်းပင်တည်း။

ကျွန်တော့်ဧည့်သည်ကျောင်းဆရာမကြီးတစ်ဦး၊ကျွန်တော့်ရုံးခန်းတွင်
မေ့ကျန်ရစ်သောစာကြည့်မျက်မှန်ကို၊အလစ်သုတ်ကာရောင်းစားပစ်ခဲ့သည့်
ကိစ္စရပ်မှသည်သူနှင့်ကျွန်တော်လမ်းခွဲခဲ့ကြသည်။

“ဟေ့ကောင်ကျော်ရှိန်၊လူမိုက်မှာလည်းလူမိုက်စည်းကမ်းရှိရတယ်ကွ။
ကိုယ့်ကျင့်တရားရှိရတယ်။မင်းဟာလူမိုက် မဟုတ်တော့ဘူး။အောက်တန်းစားသူခိုးဖြစ်သွားပြီ။
မင်းနဲ့ငါဒီနေ့ကစပြီးသေခန်းပြတ်ပြီ”

စင်စစ်ကျော်ရှိန်သည်ကျွန်တော့်ထက်ခြောက်နှစ်ခန့်ကြီးပါသည်။
ရာဇဝင်လူမိုက်ကြီးသည်ကျွန်တော်ဒေါသတကြီး
ငါလုံးခြင်းရိုက်လျက်အော်ဟစ်ကြိမ်းမောင်းခြင်းကိုခေါင်းငိုက်စိုက်
နာခံရင်းခြေလှမ်းကျဲကြီးများဖြင့်ကျွန်တော့်ရုံးခန်းမှထွက်ခွာသွားခဲ့၏။
သူနှင့်ကျွန်တော်သည်သုံးနှစ်ကျော်မျှလက်ပွန်းတတီးနေခဲ့၍၊
သူနှင့်လမ်းခွဲချိန်မှာ (၁၉၉၂) ခုနှစ်ဝန်းကျင်ဖြစ် သည်။

(၅)
(၁၉၉၄)ခုနှစ်၊တခုသောသန်းကောင်ယံအချိန်။ ။

“မင်းလားကွ။လူတွေအများကြီးသတ်ရဲတယ်ဆိုတဲ့လူမိုက်။
ကမာရွတ်ဆိုတာနာမည်ကြီးလူမိုက်ဆို။ခွေးသူတောင်းစား၊မင်းခေတ်ကုန်ပြီကွ၊
အားလုံးထွက်ကြည့်ကြပါဗျာ။နာမည်ကျော်လူမိုက်ကမာရွတ်ခွေးသူခိုးကို၊ကျွန်တော်တို့ ဆုံးမနေတာ”

“ကယ်ကြပါဦးဗျာ။ကျွန်တော့်ကိုကယ်ကြပါဦး။ကျွန်တော်လူမိုက်မဟုတ်တော့ပါဘူး၊
ကျွန်တော့်ကိုကယ်ကြပါ”

အိမ်ရှေ့လမ်းမဆီမှဆူညံသောအသံတို့ကြောင့်အိပ်ယာမှ၊
ကျွန်တော်လူးလဲထကာ၊ဝါးရန်တာမှန်ပြူတင်းကြားမှနေ၍၊
လမ်းမပေါ်သို့လှမ်းကြည့်လိုက်ချိန်တွင်၊ကျော်ရှိန်သည်လက်မောင်းတွင်
ဓားဒဏ်ရာဖြင့်သွေးတွေရွှဲနစ်နေရင်း ကယ်ပါယူပါ
တစာစာအော်နေသည်ကိုမြင်တွေ့နေရသည်။

သူ့ဘေးတွင်မူ၊လက်တဖက်တွင်ဓားရှည်၊အခြားတဖက်ကကျော်ရှိန်၏
ဂုတ်ပိုးကိုကိုင်ရင်းဒရွတ်တိုက်ဆွဲခေါ်လာနေသော၊
အာရမွန်းကိုလည်းတွေ့နေရသည်။ကျော်ရှိန်၏အခြားတဘက်တွင်ကား
အာရမွန်း၏ညီမာရီမူတူး သည် လည်း၊လက်တွင်ဓားတချောင်းနှင့်ရှိနေ၏။

သည်ဖြစ်ရပ်မတိုင်မီက၊အာရမွန်းတို့ညီအကိုထံမှငွေကြေးတချို့
လိမ်လည်သလိုလို၊မိုက်ကြေးခွဲသလိုလိုလုပ်နေသဖြင့်၊
အာရမွန်းတို့မကျေမချမ်းအသံထွက်နေသည်ကိုလည်းကျွန်တော်သိထားပြီးဖြစ်ပါသည်။
အမှန်တကယ် အားဖြင့်အာရမွန်းတို့ညီအကိုသည်၊ ဝါရင့်လူဆိုးစာရင်းမဝင်ပါ။
သံတိုသံစပစ္စည်းဟောင်းရောင်းဝယ်သောဗော်တယ်ကုလားများဖြစ်၍၊
ကျွန်တော်နှင့်လည်းခင်မင်ရင်းနှီးကြပါ၏။

ကျော်ရှိန်သည်ကျွန်တော်နှင့်တရင်းတနှီးနေခဲ့သဖြင့်

“ခင်ဗျားတပည့်ကျော်ဘယ်ဘဝရောက်နေတယ် ဆိုတာ ကြည့်ပါဦးဗျာ”ဟု၊

အာရမွန်းတို့ဆိုလိုချင်သလော။ကမာရွတ်ကိုယ်တိုင်လည်း
ကျွန်တော်ဝင်ရောက်ကူညီလို ကူညီ ငြားကျွန်တော်ကြားလောက်အောင်
တိုင်တည်ရည်စူးလေသလော၊ကျွန်တော်မဝေခွဲနိုင်သော်ငြား၊
အဆိုပါစိတ်မချမ်းမြေ့ဖွယ်မြင်ကွင်းသည်၊
ကျွန်တော့်အိမ်ရှေ့တွင်၊အချိန်အတော်ကြာမြင့်ခဲ့သည်။

အာရမွန်းတို့ညီအကိုသည်ကျော်ရှိန်အား၊ကမာရွတ်ဘူတာရုံမှသည်
၊လှိုင်မြစ်ကမ်းနားထိတိုင်အောင် ဒရွတ်တိုက် ဆွဲခေါ်ကာ၊ သူ၏လူမိုက်ရာဇဝင်ကိုမြေမြှုပ်သဂြိုဟ်ပုံမှာအိန္ဒိယရုပ်ရှင်
(ကုလားကား)ဆန်လှသည်။

အခြေအနေအရပ်ရပ်ကိုထောက်ရှု၍ကျွန်တော်ကြားဝင်၍လည်း
အကျိုးထူးစရာမရှိ။သည်အခြေသည်ဘဝမျိုးကြုံလာမည်ကို
ကျွန်တော်အတန်တန်သတိပေးခဲ့ပြီးဖြစ်၍၊ထိုညကကမာရွတ်ကို
ကျွန်တော်လျစ်လျူရှုခဲ့သည်။စိတ်ထဲ တွင်မူမကောင်းလှချေ။

(၆)
အာရမွန်းတို့ညီအကိုသည်ဓားဒဏ်ရာတန်းလန်းနှင့်ကျော်ရှိန်ကို
၊ထောင်တွင်းသို့ရောက်အောင်ပြန်လည်ပို့ဆောင် ခဲ့၏။ အင်းစိန်ထောင်အတွင်းတွင်၊ကျော်ရှိန်အသတ်ခံရသလိုလို၊
နာမကျန်း၍သေဆုံးသလိုလိုသတင်းများထွက်ပေါ်ခဲ့ပြီး
၊ကျော်ရှိန်တစ်ယောက်လူမိုက်လောကမှလည်းကောင်း၊
လူ့လောကမှလည်းကောင်း၊ယနေ့တိုင်အောင်အစအနပျောက်သွားခဲ့သည်။
အပြီးတိုင်နေဝင်သွားခဲ့သည်။

လွန်ခဲ့သောအနှစ်သုံးဆယ်ဝန်းကျင်၊လှိုင်မြို့နယ်သား၊ကမာရွတ်(ခေါ်)
ကျော်ရှိန်(ခေါ်)အငယ်လေးသည်၊ ရန် ကုန်တတိုင်းလုံး၏နာမည်ကျော် လူမိုက်ဖြစ်ခဲ့ကြောင်း၊မျက်မှောက်ခေတ်၊လှိုင်မြို့နယ်သားလူငယ်တို့အား
၊ပြန် လည်ပြောပြမည်ဆိုလျှင်၊ယုံနိုင်ဖွယ်မရှိ၊ဒဏ္ဍာရီဆန်နေမည်မှာသေချာလှသည်။

ကျွန်တော်သည်ဗေဒင်၊ဆန်းကျမ်း၊နက္ခတ္တဗေဒစသည်တို့ကိုတစ်လုံးတပါဒမျှ
နားလည်တတ်ကျွမ်းသူမဟုတ်သည့် အပြင်၊ ရှေ့ဖြစ်ကိုလည်းကြိုတင်ဟောကိန်း ထုတ်နိုင်သူမဟုတ်ပါ။အတက်ရှိလျှင်အကျရှိသည်။

လောကကြီးတွင်မည်သည့်အရာမျှ မတည်မြဲ။နေထွက်ချိန်ရှိလျှင်နေဝင်ချိန်ရှိသည် ဟူသော၊လောကသဘောကိုသာမန်အဆင့်ဖြင့်စောကြောမိသော ကြောင့်၊
ကျော်ရှိန့်ကို၊သတိပေးစကားဆိုခဲ့ခြင်းသာဖြစ်ပါသည်။

ကျွန်တော့်ဝန်းကျင်တွင်၊မိုက်လုံးကြီးနေသူများ၊မိုက်ဂုဏ်ပြနေသူများ
၊မိုးကောင်းတုန်း၊ခေတ်ကောင်းတုန်းဗွက်ထ အောင်ရွာနေကြသူများ
ကိုတွေ့မြင်ရလေတိုင်း၊ကျော်ရှိန့်ကိုကျွန်တော်သတိရမိသည်။

အထူးသဖြင့်၊လက်ရှိကာလ ကျွန်တော့်ဇာတိနိုင်ငံမှ၊နိုင်ငံရေးဇာတ်ခုံတွင်ထင်တိုင်းကြဲနေကြသူများ၊အာဏာပါဝါဖြင့်ရမ်းကားနေကြသူများ၊မတရားမှု၌လက်စောင်းထက်နေကြသူများ၊အကြောင်းမြင်ရကြားရသည့်အခါ၊ကျော်ရှိန်၏ဘဝနေဝင်ချိန်ဇာတ်သိမ်းကို၊ကျွန်တော်ပို၍သတိရသည်။ ။

သူခိုးနှင့်နွားကောင်း။ ။

(မင်းဒင်)

(၁)
စင်္ကာပူမှမြန်မာမိတ်ဆွေဇနီးမောင်နှံနှစ်ဦးဖူးခက်သို့၊နှစ်ရက်တာအလည်အပတ်
လာရောက်မည်ဟု ရက်အလွန်းနီးကပ်မှ၊အကြောင်းကြားလာသဖြင့်
လိုအပ်သည်တို့ကိုအပူတပြင်းစီစဉ်ရသည်။ ဧည့်သည် တို့မှာ
အသက်အရွယ်အတန်ငယ်ကြီးရင့်ပြီဖြစ်၍၊ ပါတောင်ကမ်းခြေကဲ့သို့မျက်စိနားရှုပ်စရာဝန်းကျင်ကိုမရွေးပဲ၊
ကျွန်တော့်အိမ်နှင့်မဝေးလှသော အွန်အွန်ဟိုတယ်မှာပင်တည်းခိုရန်၊
ကျွန်တော့်သဘော နှင့် ကျွန် တော်ရွေးချယ်လိုက်သည်။

အွန်အွန်ဟိုတယ်၏မန်နေဂျာမှာ၊ကျွန်တော်နှင့်ညီရင်းအကိုလိုခင်မင်
ရင်းနှီးနေသော၊ကျော်ကျော်ခိုင်ဖြစ်၍၊သူ့ကောင်းမှုကြောင့်ဟိုတယ်ဈေးနှုန်းလည်း
သက်သာလှသည်။ကျော်ကျော်ခိုင်ကားမြန်မာလူမျိုးထဲမှ၊
ထူးထူးခြားခြားနာမည်ကျော်ဟိုတယ်ကြီးတစ်ခု၏မန်နေဂျာဖြစ်နေသည်မှာ
ထူးခြားသည်။

ထို့ထက်ပို၍ထူးခြားသည်ကား၊အွန်အွန်ဟိုတယ်၏နောက်ခံသမိုင်းကြောင်းဖြစ်၏။
အွန်အွန်ဟိုတယ်သည်ဖူးခက်မြို့၏ရှေးအကျဆုံးဟိုတယ်စာရင်း၏ထိပ်ဆုံးမှာရှိသည်။
တိတိကျကျပြောရလျှင်အွန်အွန်သည်ဖူးခက်မြို့၏ပထမဆုံးဟိုတယ်ဖြစ်၏။

(On On) အွန်အွန်ဟူသည် တရုတ်ဘာသာစကား (Un Un) အန်အန် ပျော်ရွှင်ခြင်း ဆိုသည်မှနေ၍ ဘဝပြောင်းလာသည်ဟုဆို၏။ အွန်အွန်ဟိုတယ်တည်ရှိရာ အရပ်သည်ဖူးခက်မြို့ဟောင်းဖြစ်သည်။ (၁၉၂၉) ခု ဖူးခက်မြို့တွင် သတ္တုတွင်းလုပ်ငန်းတွေစတင်ထွန်းကားလာချိန်၌ တရုတ်ပြည်မကြီးမှ တရုတ်များ ဖူးခက်၌မိသားစုလိုက်လာရောက်အခြေချခဲ့ကြသည်။ဖူးခက်မြို့ဟေင်းသည်တရုတ် လုပ်ငန်းရှင်ကြေးရည်တတ်တို့နေထိုင်ရာအရပ်ဖြစ်၏။

(၂)
မူလအစကသော်အွန်အွန်သည်ဖူးခက်မြို့ဟောင်းမှအိမ်အိုကြီးတစ်လုံးသာဖြစ်သည်။
အဆိုပါအိမ်ကြီး တွင်၊ဖူးခက်မြို့ရှိကထိုးစသည့် အရပ်ဒေသများမှသတ္တုတွင်းအလုပ်သမားများကျက်စားရာကော်ဖီဆိုင် တစ်ခုအဖြစ်မှ စတင်ခဲ့သည်။ထို့မှသည်ဖူးခက်သို့ရောက်လာကြသောနိုင်ငံခြားသားများတည်းခိုနိုင်ရန် တစ်နေ့တည်းခိုခန်းခ၊အမေရိကန်ဒေါ်လာ(၂၉)ဆင့်၊အခန်းငါးခန်းစတင်ငှားရမ်းရာမှ၊
အသေးစားတည်းခိုခန်း ဖြစ်လာသည်။နောင်ထပ်မံ၍အခန်း(၄၉)ခန်းအထိ
တိုးချဲ့လိုက်သည့်အခါမြိ့လယ်ခေါင်မှတည်းခို ဆောင်ကြီးလာပြန်သည်။

သက္ကရာဇ်(၂၀၀၀)ခုနှစ်ကျော်ကာလများတွင်၊အွန်အွန်သည်၊
ဖူးခက်မြို့လယ်ခေါင်မှဇိမ်ခန်းအဖြစ်ထင် ရှားလာခဲ့ပြန်သည်။ အွန်အွန်နာမည်ပို၍ကြီးလာစေရန်အကြောင်းဖန်လာသည်ကား၊
(၂၀၀၃)ဝန်းကျင်ကရိုက်ကူးခဲ့သော ကမ္ဘာကျော်ဟော်လီးဝုဒ်မင်းသားလီယိုနာဒိုပါဝင်သည့်ကမ်းခြေ(The Beach) ရုပ် ရှင်ဇာတ်ကားကြောင့်ဖြစ်၏။

မင်းသားလီယိုနာဒိုသည်အွန်အွန်ဟိုတယ်အခန်းနံပတ်(၂၁၂)တွင်တည်းခိုခဲ့သည်။
အဆိုပါရုပ်ရှင် ၏ဇာတ်ဝင်ခန်းအချို့ကိုလည်းအွန်အွန်၌ပင်ရိုက်ကူးသည်။
ယခုအခါအွန်အွန်ဟိုတယ်ဧရိယာတဝိုက်ကို ဖူးခက်ခရီးသွားအာဏာပိုင်တို့ကစီမံကိန်းရေးဆွဲနေသည် မို့၊ထိုဝန်းကျင်မှရှိရှိသမျှ အဆောက်အဦးတို့ကိုစီနိုပေါ်တူဂီစတိုင်အကြီးစားပြင်ဆင်မှုများပြုလုပ်လျက်ရှိ သည်။

အွန်အွန်ဟိုတယ်ကိုရှေးမူမပျက်ပြင်ဆင်စားရိတ်မှာထိုင်းဘတ်သန်းခြာက်ဆယ်ဝန်းကျင်မျှ
အကုန်အကျခံခဲ့သည်ဟုဆိုသည်။ရှေးမူမပျက်စေရန်လိုအပ်သော
သစ်ခွဲသားဟောင်းများကို၊မတန်တဆဈေးဖြင့်ဝယ်ယူ
ဖြည့်တင်းခဲ့ရသည်ဟုလည်းဆိုသည်။ဟိုတယ်သက်တမ်းနှင့် ကိုက်ညီသည့်သစ်ဟောင်းဈေးမှာ၊ အ သစ်ဈေး ထက်ခြောက်ဆခန့်ပိုကြီးသည်။

(၃)
ကျွန်တော်သည်ဧည့်သည်ဇနီးမောင်နှံကို၊ဟိုတယ်အခန်းတွင်းအထိ
လိုက်လံပို့ဆောင်ရင်း၊ဟိုဟိုသည်သည်စူးစမ်းလေ့လာမိရာ၊ဟိုတယ်သည်
အုတ်ညှပ်နှစ်ထပ်တိုက်ကြီးတစ်လုံးမျှသာဖြစ်သည်။ယက္မ၊ဆင့်တန်းများနှင့် ကြမ်းခင်းသည်သစ်သားထည်ဖြစ်သည်။

ဧည့်ကြိုကောင်တာရှေ့ကြမ်းပြင်ပေါ်တွင်ချထားသည့်(၁၉၄၂)ခုနှစ်ရက်စွဲပါရှိသော
၊ခရီးဆောင်လက်ဆွဲအိတ်ဟောင်းနှစ်လုံးသည် အွန်အွန်၏ဂုဏ်သိက္ခာကိုမြှင့်တင်ပေးလျက်ရှိ၏။ထိုအိတ်ဟောင်းတို့မှာ အသစ်ဈေးထက်ဆယ့်ငါးဆမျှဈေးပေါက်သည်ဟုသိရသည်။

ဧည့်သည်တို့တည်းခိုမည့်အခန်းတွင်းသို့ရောက်သည့်အခါ၊ပြူတင်းတံခါးတို့မှာလည်း
တရုတ်ကတ်ဒီဇိုင်း ရှေးလက်ရာတို့သာဖြစ်ပါသည်။အခန်းတွင်းမှ၊
အဝတ်ဘီဒိုနှင့်မီးဆိုင်းတို့သည်လည်းရှေးလက်ရာပင်ဖြစ်၏။

တောင်ကြည့်မြောက်ကြည့်၊ကြည့်နေရင်းမှ၊အခန်းထောင့်တစ်နေရာရှိ
သစ်သားဟောင်းစားပွဲခုံဆီသို့၊မျက်စိကစားမိသည့်အခါတွင်မူ၊
ကျွန်တော်စိတ်ထဲတွင်တမျိုးတမည်ခံစားလာရလေသည်။

စားပွဲခုံငယ်ကိုရှုပါ။လေးပေ၊နှစ်ပေခွဲအရွယ်ရှိသာမန်သစ်သားစားပွဲငယ်တလုံးမျှသာဖြစ်၏၊
အရောင်မလက်သည့်အပြင်ညိုညစ်ညစ်အရောင်ထွက်နေသည်။
ကျွန်းသစ်သားဟုတ်မဟုတ်မသေချာလှ။သည်နေရာမှာ
သည်ခုံကိုသည်လောက်အမြတ်တနိုးထားရှိပုံထောက်လျှင်အနည်းဆုံး
ဘတ်သောင်းဂဏန်း၊မြန်မာငွေသုံးသိန်းခွဲခန့်တန်မည် မှာသေချာသည်။

သည်လိုစားပွဲခုံဟောင်းမျိုးမြန်မာနိုင်ငံအနှံ့အပြားမှမြင်တွေ့နိုင်သည်။
ဤစားပွဲဟောင်းမျိုးကိုကျွန်တော် တို့နိုင်ငံမှာမည်သူသည်၊ ဤမျှတန်ဖိုးထားပါအံ့နည်း။ကျိုးပဲ့လျှင်မီးဆိုက်ရန်စိတ်ကူးကြမည်။

သစ်သားစားပွဲခုံတစ်လုံးအသစ်တခုဖြင့်အစားထိုးကြမည်။ပြည်ပမှ၊ဈေး
အဆမတန်ပေး၍ဝယ်ယူရသော၊အမြင်သာလှ၍၊တာရှည်မခံ၊ကြံ့ခိုင်ရေး
အားနည်းသော၊ဖိတ်ဖိတ်လက်အရောက်တောက်နေသည့်နိုင်ငံခြားဖြစ်
၊ကြိတ်သားစားပွဲတို့ကိုသာ တမက်တမောရှိကြ၊
ဂုဏ်ယူဖွယ်ရာအဖြစ်မြင်နေကြဆဲဖြစ်သည်။

(၄)
အွန်အွန်ဟိုတယ်မှအပြန်လမ်းတွင်၊ရှေးဟောင်းအမွေအနှစ်ပစ္စည်းတို့၏
တန်ဖိုးကို၊ကျွန်တော်ဆက်၍ တွေးနေမိသည်။ရှေးဟောင်းလက်ရာတို့သည်
လူ့သမိုင်း၏ထင်ရှားသောခြေရာတို့ဖြစ်၏။သက်ဆိုင်ရာ လူမျိုးနှင့်တိုင်းပြည်၏အဆင့်အခြေကိုဖော်ညွန်း၏။

ဖူးခက်မြို့မှ နာမည်ကျော်ဝပ်ချလောင်ဘုရားကျောင်းသို့ ၊နှစ်စဉ်နိုင်ငံတကာဧည့်သည်သန်းချီ၍လာ ရောက်ကြသည်။
ထိုဘုရားကျောင်းရှိအဆောက်အဦးတို့အနက်၊ဧည့်သည်အများစု
စိတ်အဝင်စားဆုံး နေရာမှာ၊အလျားအနံပေသုံးဆယ်ခန့်စီရှိသည့် သစ်သားကမ္မဌာန်းကျောင်းငယ်လေးသာဖြစ်သည်။

သက်တမ်းရာချီ၍ပင်ရှိဟန်မတူသေး။ပျံလွန်တော်မူပြီးလေသော
၊ကျောင်းထိုင်ဘုန်းတော်ကြီးတပါးကမ္မဌာန်းစီးဖြန်းခဲ့သည့်နေရာ
ဟူ၍မှတ်တမ်းရှိသည်။
ဥရောပတိုက်နိုင်ငံအချို့တွင်လွန်ခဲ့သောနှစ်ပေါင်းလေးရာခန့်က အဆောက်အဦးတို့မှာတန်ဖိုးထား ထိန်းသိမ်းမှုကောင်းမွန်လှသဖြင့် ယနေ့ထက်တိုင်ရှေးလက်ရာမပျက်ရှိနေဆဲဖြစ်သည်။၎င်းအဆောက် အဦးဟောင်းတို့သည်ပင်လျှင်အဆိုပါနိုင်ငံတို့အပေါ်
ကမ္ဘာလှည့်ခရီးသွားတို့မျက်စိကျကြသည်။နိုင်ငံ၏ ဝင်ငွေအများစုကိုရကြသည်။

(၁၉၄၅)ခုနှစ်ဒုတိယကမ္ဘာစစ်ပြီးဆုံးချိန်နောက်ပိုင်း၊ကမ္ဘာအနှံ့မှဂျူးလူမျိုးတို့
ပါလက်စတိုင်းဒေသသို့ ပြန်လာကြချိန်တွင်၊ဂျူး(အစ္စရေး)တို့သည်၊
အဆိုပါဒေသမှရှေးဟောင်းပစ္စည်းမှန်သမျှအမြတ်တနိုး တန်ဖိုးထားစုဆောင်းခဲ့ကြသည်။ဒေသခံပါလက်စတိုင်းတို့ခိုးရောင်းသမျှ
၊ရှေးဟောင်းလက်ရာမှန်သမျှ အကုန်ဝယ်သည်။

ထိုသမိုင်းအထောက်အထားတို့ကိုဆက်စပ်လိုက်သည့်အခါတွင်ကား၊
ပါလက်စတိုင်းဒေသသည်ဂျူးတို့ ၏ရှေးဟောင်းနယ်မြေဖြစ်ခဲ့ကြောင်းတကမ္ဘာလုံးက လက်ခံအသိအမှတ်ပြုကြရသည်။နောက်ဆုံး အာ ရပ်တို့ပိုင်ဆိုင်သည်ဟု၊ အစဉ်အဆက်ခံယူနေကြသောအရှေ့ဂျေရုဆလင်ကို
အစ္စရေးတို့ပြန်လည်သိမ်းပိုက်နိ်ုင်ခဲ့ကြခြင်းမှာ၊အစ္စရေးတို့စုဆောင်း
သိုမှီးခဲ့သည်ရှေးဟောင်းအမွေအနှစ် အထောက်အထားတို့ ၏၊ အထောက်အထားအားပြုမှုကြီးစွာပါဝင်သည်။

(၅)
တိုက်ဆိုင်သည်ဆိုရမည်လောမသိ။ကျွန်တော်အိမ်သို့ပြန်ရောက်သည့်အခါ၊
တစ်ခုသောအင်တာနက်စာမျက်နှာအောက်ပါသတင်းတစ်ပုဒ်ကိုဖတ်ရှုရသည်။

ရန်ကုန်၊ မေ ၂၅
နှစ်ပေါင်း (၁၇ဝဝ) ခန့် သက်တမ်းရှိသည်ဟုယူ ဆရသော ပျူကျောက်စာတစ်ချပ် ရှာဖွေတွေ့ရှိခဲ့ခြင်းအား တွေ့ရှိသူက ရပ်ကွက်တာဝန်ရှိသူများမှတစ်ဆင့် မြို့နယ်သို့ ထူးခြားဖြစ်စဉ်အဖြစ် တင် ပြခဲ့သော်လည်း မည်သူမျှ
လာရောက် လေ့လာခဲ့ခြင်းမရှိသည့်အတွက်
ကျောက်စာတွေ့ရှိသူက အဝတ်လျှော် ကျောက်ပြားအဖြစ် အသုံးပြုခဲ့သည် မှာ နှစ်ပေါင်းရှစ်နှစ်နီးပါးပင် ကြာမြင့် ခဲ့ပြီဖြစ်ကြောင်း အဆိုပါဖြစ်ရပ်အား သွားရောက်လေ့လာခဲ့သူ မန္တလေး မှ ရှေးဟောင်းသုတေသနပညာရှင် တမ္ပဝတီဦးဝင်းမောင်က ပြောကြား သည်။

အဆိုပါကျောက်စာကို လွန်ခဲ့ သည့် ၂ဝဝ၇ ခုနှစ်ခန့်က သာစည် မြို့နယ်အတွင်းရှိ ဆင်ရွာမှ တောင် သူတစ်ဦးက လယ်ထွန်ရင်း တွေ့ရှိ ခဲ့ခြင်းဖြစ်ကာ ယင်းသို့တွေ့ရှိခြင်းကို လည်း ရပ်ကွက်လူကြီးထံအသိပေး ခဲ့ပြီး ၄င်းမှမြို့နယ်သို့ ထူးခြားဖြစ်စဉ် သတင်းအဖြစ်ရေးသားတင်ပြခဲ့ကာ မြို့နယ်မှတစ်ဆင့် သက်ဆိုင်ရာဌာန သို့ ဆက်လက်တင်ပြခဲ့သော်လည်း အဆိုပါကျောက်စာကို လာရောက်လေ့ လာကြည့်ရှုသူ မရှိခဲ့သောကြောင့် တွေ့ရှိခဲ့သည့် တောင်သူက အဝတ် လျှော်ကျောက်ပြားအဖြစ်ရှစ်နှစ်နီး ပါးအသုံးပြုခဲ့ခြင်းဖြစ်ကြောင်းနှင့် ၄င်းကျောက် စာတွေ့ရှိထားသည်ကို ယခုလ ၂ဝရက်ကမှသိရှိပြီး သွား ရောက်လေ့လာကြည့်ရှုခဲ့ရာပျူစာရေး ထိုးထားသောပျူကျောက်စာချပ်ဖြစ် ကြောင်း သိရှိရခြင်းဖြစ်သည်။

(၆)
လွန်ခဲ့သော(၁၉၆၀)ဝန်းကျင်နှစ်များကဖြစ်၏။ကျွန်တော့်ကိုမွေးဖွားခဲ့ရာ
ဇာတိချက်မြှုပ်ဒေသတွင်၊နွား သူခိုးတွေခေတ်ထသည်။နွားသူခိုးတို့သည်၊ နည်းလမ်းအမျိုးမျိုးသုံးလျက်တနယ်လုံးအိပ်ကောင်းခြင်း မအိပ်သည်အထိအစွမ်းပြကြသည်။

နတ်မောက်နယ်တကြောလုံးနွားအခိုးမခံရသောရွာဟူသည်မရှိ။
နွားအခိုးခံရပြီဆိုလျှင်၊နွားသူခိုးတို့ရရာဈေးဖြင့်ရောင်းပစ်ခဲ့သော
၊နွားကို၊နွားပိုင်ရှင်ကတန်ဖိုးကြီးပေး၍ ပြန်လည်ရွေးယူကြရသည်။
အချို့နွားသူခိုးတို့ကမူ၊တကယ့်ထိပ်၊ဒင်ဆိုသည်ခိုင်းနွားကောင်ကိုအမဲပေါ် ပစ်ကြသည်။

ထို့ကြောင့်ပင်၊လူကြီးသူမများပြောနေကျ သူခိုးနွားကောင်းမသိဟူသော၊
ဆိုရိုးစကားကို မကြာခဏကျွန်တော်ကြားခဲ့ရသည်။

အထက်တွင်ဖော်ပြခဲ့ရသောသတင်းကိုအခြေခံ၍ဇာတိမြေမှ၊
ကျွန်တော်တို့ဘိုးဘွားအစဉ်အဆက်၏အမွေအနှစ်များအကြောင်းပြန်လည်
စဉ်းစားမိသည့်အခါသူခိုးနွားကောင်းမသိဟူသော၊စကားသံသည် ကျွန်တော့်နားထဲဝယ်၊အကြိမ်ကြိမ်အထပ်ထပ်ပြန်လည်ကြားယောင်နေမိ၏။

တဆက်တည်းအားဖြင့်ကျွန်တော်တို့သည် နွားသူခိုးကို
ရွာလူကြီးခန့်မိခဲ့ကြသည်ဟုလည်းကျွန်တော်တွေးထင်မိပြန်လေသည်။ ။

၅ဇွန်၂၀၁၅ နေ့ထုတ်သည်လေးဒီးစ်ဂျာနယ်မှ။ ။

ကျွန်ုပ်အားမျိုးမစောင့်သူစာရင်းသို့သွတ်သွင်းခဲ့သည့်၊ကြက်ကြော်နှစ်တုံး

(မင်းဒင်)

(တစ်)
တနေ့သ၌၊ယိုးဒယားပြည်၊ဖူးခက်မြို့အမ်မခန်အရပ်တွင်၊မိုးကြီးသည်းစွာရွာသွန်းလျက်ရှိ၏။
အားကောင်းလွန်း လှသောမိုး၊သည်းထန်စွာရွာသွန်းနေပုံမှာ၊နိုင်တုန်း ထင်တိုင်းကြဲလေ့ရှိသောလူမိုက်တို့၏လုပ်ရပ်ကိုအောက်မေ့
သတိရဖွယ်ကောင်းလှပါ၏။ကျွန်ုပ်သည်၊ပြူတင်းတံခါးဆီမှနေ၍
မိုးရှုခင်းကို၊အနုလုံပဋိလုံဆင်ခြင်သုံးသပ်ရင်း၊
အုန်းသီးခွဲစားရမည်လော၊နွားနို့သောက်ရမည်လော၊
ဒွိဟစိတ်ပွားနေမိစဉ်မှာပင်၊ခြံဝဆီမှအသံပြဲကြီးတစ်ခုကို
ရုတ် တရက်ကြားလိုက်ရလေသည်။

“ဗျို့၊ဆြာဒင်၊ခြံတံခါးဖွင့်စမ်းပါဗျ”

ရေးကြီးသုတ်ပျာနိုင်လှသောအသံကြောင့်၊ကျွန်ုပ်ကဗျာကယာပြေးတဲ့၍ခြံတံခါးကို
ဖွင့်ပေးလိုက်မိသည်တွင် ကား၊ ကြွက်စုပ်တို့ရေဆိုးမြောင်းထဲမှာရေမွန်းကာ၊ထွက်လာသည့်ပုံစံမျိုးဖြင့်၊
ကျွန်ုပ်၏စုတ်တီးစုတ်ချာတပည့်ကျော်သုံးကောင်ကို၊
စိတ်မသက်သာစဖွယ်မြင်တွေ့ရလေသည်။

သည်သကောင့်သားတို့ကိုမြင်တွေ့လိုက်ရသည်နှင့်ကျွန်ုပ်၏ရင်မှာထိတ်ကနဲဖြစ်ရ၏။
သည်မျှမိုးကြီးသည်းထန် နေချိန်တွင်၊ငပျင်းသုံးကောင်၊အဘယ်အကြောင်းကြောင့်၊
ဝီရိယကြီးစွာတစုတဝေးမျက်နှာစုံညီ၊ကျွန်ုပ်ထံ
ဆိုက်ဆိုက်မြိုက်မြိုက်ရောက်ရှိလာကြလေဘိသနည်း။
ထူးလှချေသည်။ထို့ထက်မကသင်းတို့၏မျက်နှာပေးသည်ပို၍ထူးခြားသည်ဟုပင်ဆိုရပေမည်။ရှုပါလော့။

သင်းတို့၏မျက်နှာပေးသည် ကလေကဝများဂေါပကလူကြီးယောင်ဆောင်လျက် သူတော်ကောင်းမျက်နှာပေးကိုယ်စီနှင့်ဖြစ်၏။
မည်သို့သောပုဂ္ဂိုလ်ထူးကမြှောက်ပင့်ပေးလိုက်သည်မသိ၊
သင်းတို့ဟန်ပန်မှာမဲမဲမြင်ရာစွတ်ကိုက်မည့် အိုက်တင်မျိုးနှင့်ဖြစ်ကြ၏။

တပည့်ရင်းတို့ပင်ဖြစ်လင့်ကစားသည်ပုံစံသည်အချိုးမျိုးတွင်အန္တရာယ်၏
အငွေ့အသက်တို့ကပ်ငြိပါဝင်နေတတ် သည်ဖြစ်ရာ၊ ကျွန်ုပ်လည်းသတိကြီးစွာထားလျက်တံခါးဖွင့်ပေးရင်း၊
တလေးတစားခရီးဦးကြိုဆိုလိုက်ရချေသည်။

“အထဲကိုဝင်ကြလကွဲ့။မောင်တို့နှယ်၊မိုးစဲမှလာကြရောပေါ့။
ဒီလောက်မိုးကြီးသည်းနေတာ၊ဖျားနာနေမှဖြင့်ဒုက္ခ”

(နှစ်)
တပည့်ကျော်တို့အားကျွန်ုပ်၏အလေးတယူပြုမှုကို၊မသိကျိုးကျင်ပြုနေဟန်ရှိပြီး၊
အိမ်တွင်းသို့ရောက်မဆိုက်ပင် ကြောင်သူတော်မျက်နှာပေးနှင့်လေမင်းသားက
စကားစ၍ဆို၏။

လေမင်းသား။ ။သတင်းထူးလို့လာပြောတာဗျဆြာဒင်ရ။ချောင်းဦးတရားရုံးက
အမှု၊ဆြာဒင်သိတယ်မဟုတ်လား

ကျွန်ုပ်။ ။သြော်၊ ဟောပြောပွဲမှာစကားအသုံးအနှုံးနည်းနည်းကြမ်းသွားတဲ့ စာရေးဆရာရဲ့အမှုထင်ပါရဲ့

လေမင်းသား။ ။နည်းနည်းကြမ်းတာမဟုတ်ဘူးဗျ။ဒါဟာဘာသာ၊
သာသနာကိုစော်ကားတာ

ကျွန်ုပ်။ ။ဟုတ်ပါပြီမောင်။သူမှားတယ်ပဲထားပါဦး။ကျုပ်တို့ဘာသာတရားအရ၊ ဝန်ချတောင်းပန်ရင်ဖြင့်ခွင့်လွှတ် ကျေအေးလိုက်တာမင်္ဂလာတရားနဲ့
မညီပေဘူးလားမောင်တို့ရယ်။

လေမင်းသား။။တပည့်တို့ရဲ့အမျိုးဘာသာသာသနာအထူးစပါယ်ရှယ်လေးစား
သူများအဖွဲ့မှာခွင့်လွှတ်တယ်ဆိုတာမရှိဘူးဆြာ။အခုဒီလူ့ကို၊
မှတ်လောက်သားလောက်အောင်၊အလုပ်ကြမ်းနဲ့ထောင်ဒဏ်နှစ်နှစ်ချလိုက်ပြီ။
အဲဒါဆြာဒင်ဝမ်းသာရ အောင်လာသတင်းပို့တာ။
အမျိုးဘာသာသာသနာအတွက်မင်္ဂလာသတင်းပေါ့ဗျာ။ရော့၊ဒီမှာကြည့်

တပည့်တို့ရဲ့အမာခံအင်အားစုတွေတရားရုံးရှေ့အရောက်သွားပြီး
တွန်းအားပေးခဲ့ကြတဲ့ဓာတ်ပုံတွေ

ကျွန်ုပ်။ ။ အမလေး၊သောက်ကျိုးနဲ။လူတဖက်သားကိုထောင်ချလိုက်တာ မင်္ဂလာသတင်းတဲ့လား မောင်တို့ ရယ်။ဘုရား၊ဘုရား တနိုင်ငံလုံးအမြဲမင်္ဂလာရှိနေအောင်၊ထောင်တွေထပ်ချဲ့မဲ့ကိန်းပါကလား။
ဒီလိုအယူအဆမျိုး၊ မောင်တို့ခေါင်းထဲကိုဘယ်သူများရိုက်သွင်းလိုက်ပါလိမ့်

ကျွန်ုပ်၏နှုတ်မှရုတ်ခြည်းအမှတ်မထင်ပွင့်အံသွားသောစကားသံကြောင့်၊
သင်းတို့သုံးဦး၏မျက်နှာတို့သည်အတန် ငယ်တင်းမာသွားဟန်ရှိသည်ကို ကျွန်ုပ်ကောင်းစွာသတိပြုမိသည်။လေမင်းသား၏ဘေးမှာ
ကပ်လျက်ရပ်နေ သောကပ္ပလီငယ်သည်၊ချက်ချင်းပင်၊လေမင်းသားဖက်မှ
စစ်ကူအဖြစ်ဝင်ရောက်လာပြန်ခဲ့ချေသည်တမုံ့။

(သုံး)
ကပ္ပလီ။ ။ တပည့်တို့ရဲ့ဆရာရင်း၊ဘုန်းတော်ကြီးရဲ့အယူဝါဒကိုဖြင့် ကလန်ကဆန်လုပ်မယ်မကြံလိုက်ပါလေနဲ့၊ဆြာ

ကျွန်ုပ်။ ။ နေပါဦးမောင်ရယ်။မောင်လည်းရဲရဲတောက်ဗုဒ္ဓဘာသာဝင်ကြီးမို့ ကာလာမသုတ်လောက်ကိုဖြင့်ကြားဖူး နားဝရှိမယ်ထင်ပါရဲ့။ကြားဖူးဖတ်ဖူးကာမျှနှင့် အတည်မယူလေနဲ့၊အစဉ်အဆက်ပြောဆိုလာကာမျှနှင့်လည်းအတည် မယူလေနဲ့၊နောက်ဆုံးဆရာသမားမိဘပြောတာတွေကိုတောင်၊
ကိုယ်ပိုင်ဥာဏ်နဲ့ချင့်ချိန်သုံးသပ် ပြီး၊အကျိုး ရှိမရှိဆန်းစစ်သင့်တယ်ဆိုတာ၊ဆုံးမတဲ့ဘုရားဟောသုတ္တန်လေ

ကပ္ပလီ။ ။ ဟုတ်ပြီဆြာဒင်၊ဆြာသေချာမှတ်ထားဖို့က၊အဲဒီကာလာမသုတ္တန်ကိုလည်း အတည်မယူပါလေနဲ့

ကျွန်ုပ်။ ။မြတ်စွာဘုရား။မှတ်သားထိုက်ပါဘိ။ဒါဖြင့်ဘယ်ဟာကို
အတည်ယူရမတုန်းမောင်ရယ်

ကပ္ပလီ။ ။တပည့်တို့ခေါင်းဆောင်ဘုန်းကြီးပြောသမျှကို၊ အကုန်လက်ခံလိုက်တာအကောင်းဆုံးပေါ့ဗျာ

ကျွန်ုပ်။ ။ဟေ။ သေချာရှင်းအောင်မိန့်ပါဦးမောင်ရယ်။ ကျုပ်ကိုဥာဏ်မမီတဲ့သူအဖြစ်သဘောထားပါနော်

ကပ္ပလီ။ ။အာ၊ဆြာယောင်ယောင်ဘာယောင်ယောင်နဲ့အတော်ညံ့တဲ့ လူပါကလား။ကျုပ်တို့ဘုန်းကြီးက ကာလာမ သုတ်တင်မကဘူး။ကျန်တဲ့အခြားအခြားသောပါဠိပိဋကတ်တော်တွေကို
ထုံးလိုမွှေရေလိုနှောက်နိုင်တဲ့ကိုယ်တော်ခင်ဗျ။
ဒါကြောင့်သူပြောတာအကုန်မှန်တယ်လေ

ကပ္ပလီငယ်၏လေယူလေသိမ်းကိုအကဲဖမ်းရသည်မှာ၊ဟောရင်းသာ
မတ်တတ်ကပျံလွန်ရမည့်ကိန်းဖြစ်၍ ကျွန်ုပ် မှာ အသာအမြီးကိုအသာကုပ်လိုက်ရင်းလေပြေထိုးရချေသည်။

“ကဲပါမောင်ရယ်။ကျုပ်တို့ဆြာတပည့်တွေကြားအကျယ်အကျယ်မငြိမ်းဖွယ်
အငြင်းအခုံတွေရပ်ကြပါစို့ရဲ့။ဘုရားရှင် အဆက်ဆက်မိန့်မြွက်တော်မူခဲ့သလို မကောင်းမှုရှောင်၊ကောင်းမှုဆောင်၊စိတ်ကိုဖြူအောင်ထားဖို့သာလိုရင်း
မဟုတ်လားကွယ်”

ဤတွင်ကျွန်ုပ်တို့စကားဝိုင်းကိုအထူးစိတ်ဝင်စားစွာစောင့်ကြည့်လေ့လာလျက်ရှိသော၊
ကျွန်ုပ်၏မအူမလည်တပည့်ကျော်အာရုံခေါ်ဖေကြည်၏နှုတ်မှ၊
တည်ကြည်လေးနက်စွာမိန့်ကြားလာပြန်ချေသည်။

(လေး)
ဖေကြည်။ ။ဆြာတပည့်ချင်းမို့သတိပေးရဦးမယ်။ဆြာဒင်အနေအထိုင်၊ အပြောအဆို၊အသွားအလာကြပ်ကြပ် ဆင်ခြင်ပါဗျာ။တပည့်တို့ဟာ အမျိုးဘာသာ၊သာသနာကိုထိပါးလာလို့ကတော့၊ဆြာရင်းတပည့်ရင်းလည်း၊အားနာ ခွင့်လွှတ်လို့မရဘူးနော်။ပြတ်ပြတ်သားသားနှိပ်ကွပ်ပစ်မှာ။
အခုတောင်ဖေ့စ်ဘွတ်စာမျက်နှာတွေပေါ်မှာ၊ရင်သား ကြီးကြီးနဲ့ ဓာတ်ပုံတင်လိုက်တဲ့စာရေးဆရာမလေးကို၊တည်ဆဲဥပဒေနဲ့အညီအရေးယူနိုင်ဖို့၊
တပည့်တို့နေ့မအား ညမနားလုံးပန်းနေပြီဆိုတာ၊ ဆြာ့ကိုအသိပေးတယ်။ဆြာဒင်ပြောပေါက်ဆိုပေါက်တွေဟာ အမျိုး ဘာသာ သာသနာကိုစော်ကားရာကျနေတာကိုဆင်ခြင်ပါဗျာ။
တပည့်တို့အနီးကပ်စောင့်ကြည့်နေမှာနော်

ဖေကြည်၏စကားအဆုံးတွင်၊တပည့်ကျော်သုံးဦးသည်
ကျွန်ုပ်အားလောကဝတ်အရနှုတ်ဆက်သမှုပင်မပြုတော့ ပဲ၊ကျွန်ုပ်၏အိမ်ဂေဟာ အတွင်းမှနေ၍တင်းမာသောမျိုးချစ်အာဇာနည်ကြီးများ၏မျက်နှာထား
ကိုယ်စီဖြင့်၊ရင်ကို တင်းတင်းကော့လျက်ပြန်လည်ထွက်ခွာတော်မူကြလေကုန်၏။

ကလိယုဂ်ခေတ်ဆိုးခေတ်ကြပ်ကြီးထဲတွင်၊တပည့်တို့၏သွန်သင်ချက်သော်မျှ
ဆန့်ကျင်ရန်မသင့်လေသည် မဟုတ်တုံလော။ ကျွန်ုပ်သည်ထိုနေ့ထိုရက်မှစ၍၊အမျိုးဘာသာသာသနာနှင့်စဉ်းငယ်မျှငြိစွန်းမည့်
အပြောအဆို အနေအထိုင်တို့ကိုအထူးဆင်ခြင်ခဲ့၏။ ဘာသာတရားချင်းအငြင်းအခုံဖြစ်ရမည့်ကိစ္စရပ်မှန်သမျှ၊နှုတ်လေစမျှပင် မဟခဲ့ပဲ၊သတိကြီးစွာဖြင့်၊အထူးရှောင်ကြဉ်ခဲ့ပါ၏။

သို့သော်၊ကျွန်ုပ်၏စောင့်ထိန်းဆင်ခြင်မှုမှာပြည့်စုံလုံလောက်မှုမရှိကြောင်း၊
တမြန်နေ့ကဝင်လာခဲ့သည့်ဖုန်းကော်လ်တစ်ခုက သက်သေခံလျက်ရှိ၏။တယ်လီဖုန်းခေါ်ဆိုသူကား၊
ဖူးခက်တမြို့တည်းနေ၊ဟိုတယ်မန်နေဂျာကလေး ကျော်ကျော်ခိုင်(ခေါ်)ဂျိုးဖြစ်၏။

“ဟယ်လို၊ဆြာဒင်၊ဆြာဟာမျိုးမစစ်တဲ့သူစာရင်းဝင်သွားပြီနော်”

“ဟေ”

“မဟေနဲ့ဆြာ။ဆြာ့တပည့်ကျော်တွေရဲ့ဖေ့စ်ဘွတ်မှာတင်ထားတဲ့၊
စတေးတပ်၊ဓာတ်ပုံနဲ့ကွန်မင့်တွေကိုသာဖတ်ကြည့်ပေတော့”

ကျားသားမိုးကြိုး၊ဘာတွေဖြစ်ကုန်ပြီနည်း။ကျွန်ုပ်လည်းအလန့်တကြား
အဆောတလျင်ပင်၊ဖေ့စ်ဘွတ်စာမျက်နှာကိုဖွင့်လျက်တပည့်ကျော်တို့၏သဘောထားကြေညာချက်ကို၊ရင်တုန်ပန်းတုန်ဖြင့်၊ဖတ်ရှုရ၏။တွေ့ပါချေပြီ။

တင်ထားသောစတေးတပ်စာသားကား ..
“အမျိုးကိုမစောင့်သောဆြာဒင်၊ဘာသာသာနာ၏သစ္စာဖောက်လောက်ကောင်”ဟူ၏။

ပူးတွဲဖော်ပြထားသောအထောက်အထားဓာတ်ပုံမှာ၊မဟာမေဒင်ဘာသာဝင်ခေါင်းမြီးခြုံပုဝါဆောင်းထားသည် အမျိုးသမီးကြီးတစ်ဦးနှင့်မျက်နှာချင်းဆိုင်ရပ်နေပုံဖြစ်လေသည်။

(ငါး)
အဆိုပါဓာတ်ပုံ၏အောက်တွင်၊တပည့်ကျော်တို့ဖက်မှထောက်ခံအားပေးကြသူများ၏
မှတ်ချက်ကွန်မင့်များမှာ ပြင်းထန်လှချေသည်။

“မျိုးမစစ်ငဒင်အလိုမရှိ၊အလိုမရှိ”

“သာသာခြားနှင့်အရောတဝင်ဆက်ဆံသူ၊တို့ရန်သူ၊တို့ရန်သူ”

“ငဒင်ကိုအမျိုးသားရေးသစ္စာဖောက်၊ဘာသာတရားစော်ကားသူအဖြစ်
ဆန့်ကျင်ကြ၊ဆန့်ကျင်ကြ”

(အခြားသောမှတ်ချက်ပေါင်းမြောက်များစွာကျန်ရှိသေးသော်ငြား၊
စာဖတ်သူတို့အား၊ဖရုဿဝါစာ ကြမ်းတမ်း သော စကားတို့ကို၊ရေးသားဖော်ပြခြင်းငှာမပြုသင့်သည်ဖြစ်၍ချန်လှပ်ထားပေအံ့။)
(ဤကားစကားချပ်)

စင်စစ်ကျွန်ုပ်၏တပည့်ကျော်တို့၊မည်သည့်အချိန်က၊တပင်တပန်း
ခိုးကြောင်ခိုးဝှက်ရိုက်ကူးထားသည်မသိလေသောဓာတ်ပုံ၏
အကြောင်းခြင်းရာဇစ်မြစ်အမှန်မှာ၊လွန်ခဲ့သောနှစ်ရက်ခန့်က
၊ဖူးခက်မြို့သို့လာရောက်လည် ပတ် ကြစဉ်စဖန်ဟင်းကမ်းခြေ အရောက်၌၊ဝမ်းဟာလှသည်ဆိုလေသဖြင့်၊ခေါင်းမြီးခြုံ
မဟာမေဒင်ဘာသာဝင်အမျိုးသမီးကြီး တစ်ဦး၏ဆိုင်မှ၊ကျွန်ုပ်ကြက်ကျော်နှစ်တုံးဝယ်ယူနေပုံသာဖြစ်ပါ၏။

မည်သို့ပင်ဆိုစေကာမူ၊တပည့်ကျော်တို့သည်ကျွန်ုပ်အားအမြင့်ဆုံးသတိပေး
မီးကျည်ပစ်ဖောက်ကာ၊ရာဇသံပေးခဲ့ ကြလေပြီ။

အနေအထိုင်မတတ်လျှင်ချောင်းဦးမှစာရေးဆရာကဲ့သို့ထောင်တန်းကျနိုင်၏။
ရင်သားကြီးသောဓာတ်ပုံကိုတင်မိသဖြင့်ခြိမ်းခြောက်ခံရသော
စာရေးဆရာမငယ်၏ဘဝမျိုးကြုံနိုင်၏။

ထို့ကြောင့်ကျွန်ုပ်သည်ယနေ့မှစ၍၊ကုလားထိုင်ဖြင့်ထိုင်ခြင်း၊
ကုလားဝေးရွက်နှင့်ကုလားလေးမဆလာကိုဟင်းချက်ရာတွင်အသုံးပြုခြင်း၊
ကုလားမန်ကျည်းသီးစားခြင်း၊ကုလားခြင်းဆွဲနို့ဆီကိုစားသုံးခြင်း
၊ကုလားမစည်းတိုးခြင်း၊ ဂျက်ကွင်းကင်းအစရှိသည် ကုလားဖဲများပါရှိသည့်ဖဲထုပ်တို့ဖြင့်ဖဲရိုက်ခြင်းအစရှိသည်တို့သတိသမ္ပဇဉ်တရား ကြီးစွာ၊ထား၍ဆင်ခြင်မှသာ၊တော်ကာကျပေတော့မည်။

အကယ်၍သာကျွန်ုပ်သည်ငယ်စဉ်အရွယ်ကစွဲမက်နှစ်ခြိုက်စွာကြည့်ရှုခဲ့ဖူးသည့်
အိန္ဒိယရုပ်ရှင်ကားများထဲမှ မင်းသမီးများဖြစ်ကြသော၊ ရှရီးဒေဝီ၊ရှမီလာတဂိုးတို့အား၊လူငယ်သဘာဝ
ကျွန်ုပ်မြတ်နိုးစုံမက်မိခဲ့သည့်အပြင်၊ယခုမျက်မှောက်အချိန်၌
လျှမ်းလျှမ်းတောက်အောင်မြင်ကျော်ကြားနေသည့်၊
မယ်စကြာဝဠာဘွဲ့ရ၊မင်းသမီးအက်ရ်ှဝါရာရိုင်းဘက်ချန်းကိုပါ
၊မေတ္တာမိုးတိတ်တခိုးစွေနေမိသည်ကိုသာ၊တပည့်ကျော်တို့သိကြပါမူ၊
ကျွန်ုပ်၏ဘဝသည်ကြိုးစင်ထက်တွင် အဆုံးသတ်ရပေလိမ့်မည်။

အပြင်မှာမိုးတွေရွာနေ၏။အားကောင်းလွန်းလှသောမိုး၊
သည်းထန်စွာရွာသွန်းနေပုံမှာ၊နိုင်တုန်းထင်တိုင်းကြဲလေ့ရှိသော
လူမိုက်တို့၏လုပ်ရပ်များကိုအောက်မေ့သတိရဖွယ်ကောင်းလှချေသည်တကား။ ။

ကြိုတင်တောင်းပန်ခြင်း။ ။

အောက်ဖော်ပြပါဆောင်းပါးသည်၊မည်သည့်ပုံနှိပ်စာစောင်နှင့်သတင်းဌာနများတွင်မှ
မဖော်ပြရသေးသောစာမူဖြစ်ပြီး၊ပစ္စက္ခတိုင်းရေးပြည်ရာအခြေအနေအရပ်ရပ်နှင့်
အစိုးရအဖွဲ့အစည်းအဆင့်ဆင့်တို့၏ကမောက်ကမကိုင်တွယ်နေမှုများအပေါ် စာရေးသူ၏
ခံစားပေါက်ကွဲမှုဖြစ်၍ ဒေါသသင့်သောစာအမျိုးအစားတွင်ပါဝင်နေနိုင်ကြောင်း
ကြိုတင်အသိပေးလိုပါသည်။

ထို့အတွက်စာဖတ်သူများအနေဖြင့် တစုံတရာစိတ်အနှောင့်အယှက်ဖြစ်ရသည်
ဆိုပါက ၊နားလည်ခွင့်လွှတ်ပေးပါရန် အနူးအညွတ်တောင်းပန်အပ်ပါသည်။ ။
.........................

ဇိမ်ခေါင်းများ။ ။

(မင်းဒင်)

(၁)
ဤဆောင်းပါးအတွက်၊ကျွန်တော်အမှန်တကယ်တပ်လိုသောခေါင်းစဉ်မှာ
(-ာ)ခေါင်းများဟူ၍ဖြစ်သည်။ သို့သော် မြန်မာမှုနယ်ပယ်တွင်ယင်းစကားလုံးသည်၊
ရုန့်ရင်းကြမ်းတမ်းလှသည်ဖြစ်၍ ဇိမ်ခေါင်း ဟူသောအသုံးအနှုန်းကို သာရွေးချယ်သုံးစွဲလိုက်ပါသည်။အဆိုပါစကားလုံးနှစ်မျိုးစလုံးသည်ပင်၊
နားဝင်ဆိုးနေရခြင်းအတွက်စာဖတ်သူများအား၊
ကျွန်တော်အနူးအညွတ်တောင်းပန်အပ်ပါသည်။

စာရေးသားရာ၌မိမိ၏ခံစားချက်၊ဆိုလိုချက်တို့ကိုတိကျစွာကိုယ်စားပြုသည့်
စကားလုံးတို့ကိုရွေးချယ်ရှာဖွေရာတွင်၊အခက်အခဲရှိတတ်လေရာ၊
ယခုရေးသားဖော်ပြမည့်အကြောင်းခြင်းရာနှင့်ပတ်သက်၍၊ဇိမ်ခေါင်းဟူသည့်
စကားလုံးအပြင်အခြားထိရောက်သင့်တော်ကောင်းမွန်သောစကားလုံး
မရှာဖွေနိုင်ခြင်းမှာကျွန်တော်၏အားနည်းချက်ဖြစ်သည် ကိုလည်း၊ရိုးသားစွာဝန်ခံလိုပါ၏။

(၂)
ဇိမ်ခေါင်းဟူသည်ယောက်ျားလည်းဖြစ်နိုင်သည်၊မိန်းမလည်းဖြစ်နိုင်သည်။
ပြည့်တန်ဆာအမျိုးသမီးနှင့်၎င်းအားတပ်မက်ပျော်ပါးလိုသောပုရိဿတို့အကြား၊
ချိတ်ဆက်စီမံပေးခြင်းသည်ဇိမ်ခေါင်း၏အလုပ်ဖြစ်သည်။ဇိမ်ခေါင်းတို့သည်
အမျိုးကောင်းအမျိုးသမီးတို့ကိုလည်း၊ပြည့်တန်ဆာလောကသို့ရောက်လာအောင်၊
ကျွမ်းဝင်ပျော်မွေ့လာအောင်၊အနုအကြမ်း၊ငွေကြေးမက်လုံးစသည့်နည်းမျိုးစုံဖြင့်
စည်းရုံးသိမ်းသွင်းတတ်ကြသည်။

ထို့တူရဲ၊အရပ်လူကြီး၊စသည့်အာဏာပိုင်တို့နှင့်အဝင်အထွက်
အပေးအကမ်းရှိရ၏။ပြည့်တန်ဆာအမျိုးသမီးကို
အနိမ့်ဆုံးဈေးပေး၍၊ဖောက်သည်အမျိုးသားကိုအမြင့်ဆုံးဈေးခေါ်ကာ၊
ကိုယ့်အတွက်ဝေစုများအောင်ကြံဖန်ရသည်။ပြည့်တန်ဆာအမျိုး သမီး တို့ကိုသဟောက်သဟမ်းလုပ်ရ၏။ဖောက်သည်ကို
နတ်ဘုံနတ်နန်းရောက်မည့်အလား၊မက်လုံပေးရ၏။

ငယ်နုစဉ်ကအချိန်ကကျွန်တော်ကိုယ်တိုင်ကြုံတွေ့ခဲ့ဖူးသည့်ထင်းရူးတော၊
ဘီအမ်အီး၊အမ်ဘိုအစရှိသောထိပ်တန်းဇိမ်ခန်းများမှသည်၊
အင်းစိန်စော်ဘွားကြီးကုန်း၊မြောက်ဥက္ကလာပ
၊တောင်ငူနှင့်ရေတာရှည်မီးရထားဘူတာတို့မှ ဇိမ်ခန်းများအထိ၊ကြုံတွေ့ခဲ့ဖူးသော ဇိမ်ခေါင်းမှန်သမျှတွင်သိက္ခာရှိသောဇိမ်ခေါင်းဟူ၍တစ်ဦးတစ်ယောက်မျှမရှိခဲ့ ချေ။

ထို့ကြောင့်ပင်လျှင်၊မြန်မာ့လူ့အသိုင်းအဝိုင်းမှာဇိမ်ခေါင်းတို့နှင့်ပေါင်းသင်း
ဆက်ဆံရန်၊လူအများစုအနေဖြင့်ဝန်လေးတတ်ကြလေရာ၊ဘယ်ဇိမ်ခေါင်းမှ
လူတောမတိုးနိုင်ကြ၊အရောတဝင်မဆက်ဆံပဲအဝေးမှရှောင်ရှားကြ၏။

အတိုချုံ့ရလျှင်ဇိမ်ခေါင်း၏လုပ်ရပ်မှန်သမျှလေးစားစရာတချက်မှမရှိ။
မေတ္တာတရားကိုယ်ချင်းစာတရားကင်းမဲ့ ခြင်း၊ကိုယ်ချင်းစာတရားခေါင်းပါးခြင်း
၊ငွေရလမ်းကိုယ်ကျိုးတစ်ခုတည်းကိုသာကြည့်တတ်ခြင်းတို့သည်ဇိမ်ခေါင်း တို့၏ထင်ရှားသိသာသောဂုဏ်အဂါင်္များဖြစ်ကြသည်။

(၃)
ဇိမ်ခေါင်းများအကြောင်းကျွန်တော့်ခေါင်းထဲသို့ဝင်ရောက်ရှိလာခြင်းမှာ၊
ယခုရက်ပိုင်းအတွင်း၊ဖေ့စ်ဘွတ်စာမျက်နှာများတွင်ဖတ်ရှုမိသော၊
သတင်းများမှမြစ်ဖျားခံခဲ့သည်။မြန်မာပြည်အရှေ့မြောက်ပိုင်း၊
တရုပ်မြန်မာနယ်စပ်အနီး၌တရုတ်စစ်ရေးလေ့ကျင့်မှုများစတင်နေပြီဟုဆိုပါ၏။

ကျည်ဆံအစစ်များအသုံးပြုလျက်စစ်ရေးလေ့ကျင့်သည့်နေရာကား
၊မြန်မာတပ်နှင့်ကိုးကန့်လက်နက်ကိုင်တို့အပြင်းအထန်စစ်မက်ဖြစ်ပွားနေသော
နယ်မြေနှင့်အနီးကပ်ဆုံးတွင်ဖြစ်၏။

အဆိုပါစစ်ရေးလေ့ကျင့်မှုကိုတရုတ်သမ္မတဇီကျန်ပင်းကိုယ်တိုင်
ထုတ်ပြန်ခဲ့ခြင်းဖြစ်ပြီး၊မြန်မာဘက်မှတိုက်ပွဲများကျူးကျော်ဖြစ်ပွား
မလာရန်၊မြန်မာစစ်တပ်၏လုပ်ဆောင်မှုပျက်ကွက်နေခြင်းကို
တုန့်ပြန်ခြင်းဖြစ်သည်ဟုအတိအလင်းကြေညာသည်။

ပြီးခဲ့သည်မေလ(၃၀)ရက်နေ့ကတရုတ်စစ်တပ်နှင့်ရဲတပ်ဖွဲ့မရှိခိုက်
၊မြန်မာစစ်သည်နှစ်ရာ ကျော်၊တရုတ်ဘက်သို့ကျွံဝင်လာခဲ့သောကြောင့်
ဟုလည်း၊အဆိုပါစစ်ဆင်ရေးအပေါ်အကြောင်းပြချက်ပေးသည်။

တရုတ်စစ်တပ်အနေဖြင့်လေယာဉ်ပစ်ဒုံးကျည်တပ်ဖွဲ့များကိုထိုဒေသတွင်
တပ်စွဲထားပြီးမြန်မာဘက်ကလေ ယာဉ် များနယ်စပ်ကျော်လာပါက ပစ်မိန့်ပေးထားပြီးဖြစ်သည့်နည်းတူကြည်းတပ်များကလည်းတောင်ကုန်း
ထူထပ်သော ဒေသတိုက်ပွဲများအတွက်လေ့ကျင်ပေးပြီးဖြစ်သည်။

ယူနန်နယ်စပ်လုံခြုံရေးအတွက်၎င်းတို့အနေဖြင့်မကျေ မနပ် ဖြစ်ရပြီး ရဲများအနေဖြင့်ဒေသလုံခြုံရေးကို တာဝန်ယူထားသည်ဟု တရုတ်အစိုးရက ပြောသည်။
တရုတ်စစ်တပ်သည်ဝေဟင်မှမြေမြင်ရှိပစ်မှတ်တစ်ခုကို(၈)စက္ကန့်အတွင်း
တိတိကျကျပစ်ခတ်နိုင်ကြောင်းကြေညာလိုက်ခြင်းဖြင့်၊
အဆိုပါစစ်ရေးလေ့ကျင့်ရာနယ်စပ်မှနေ၍၊မြန်မာနိုင်ငံ၏
မည်သည့်အရပ်ဒေသကိုမဆို၊တိုတောင်း သော
အချိန်ပိုင်းအတွင်းချေမှုန်းဖျက်ဆီးနိုင်စွမ်းရှိကြောင်း
၊မြန်မာစစ်တပ်အားသတိပေးလိုက်ပြီဖြစ်၏။

(၄)
အဆိုပါတရုတ်စစ်ရေးလေ့ကျင့်မှုသည်၊ကိုးကန့်စစ်ပွဲတွင်မြန်မာတို့ဘက်မှ
အရေးပါသောတောင်ကုန်းအချို့ကို သိမ်းပိုက်ပြီး၊ ရက်အနည်းငယ်အကြာတွင်ထွက်ပေါ်လာခဲ့ခြင်းဖြစ်ရာ
ကိုးကန့်စစ်ပွဲ၏နောက်ကွယ်တွင်တရုတ်အ စိုးရအခိုင်အမာ ရပ်တည်လျက်ရှိကြောင်းထင်ရှားသည့်သက်သေသာဓကဖြစ်သည်။

ဆန်းစစ်လေ့လာသူများ၏ထင်မြင်ချက်အရ၊ကိုးကန့်အဖွဲ့သာမက၊
ဝနှင့်ကချင်၊ရခိုင်၊ကယန်း၊တအောင်းလက်နက်ကိုင်အဖွဲ့တို့သည် လည်းတရုတ်အစိုးရ၏မဟာဗျူဟာမြောက်အစီအမံတွင်
ပါဝင်နေကြသည်ဟုဆိုပြန်ရာ၊မြန်မာ နိုင်ငံ၏အချုပ်အခြားအာဏာသည်၊
အရှေ့မြောက်ဒေသမှစတင်၍အကြီးအကျယ်ခြိမ်းခြောက်ခြင်းခံနေရလေပြီ။

မြန်မာနိုင်ငံသည်လွတ်လပ်သည်ဆိုသော်ငြား၊တရုတ်ရန်ကိုစိုးရိမ်ကြောက်လန့်လျက်
၊တရုတ်တို့ကိုမျက်နှာချို သွေးရသောဘဝသို့၊သိသာထင်ရှားစွာကျရောက်ခဲ့ပြီဖြစ်၏။

တရုတ်မယားပါသားများလူထုကကင်ပွန်းတတ်ခံကြရလေသော
၊မြန်မာစစ်တပ်အကြီးအကဲတို့မှာ၊ကိုးကန့်စစ်ပွဲကိုပြည်ပကျူးကျော်စစ်ဟုပြောလိုက်၊
ဘိန်းမှောင်ခိုသူပုန်ဟုခေါင်းစဉ်တပ်လိုက်နှင့်၊မျောက်မီးခဲကိုင်မိသလိုဖြစ်နေ ကြဆဲပင်။ကိုးကန့်လက်နက်ကိုင်ထောင်ဂဏန်းမျှကိုပင်၊အချိန်တိုအတွင်းပြတ်သားစွာ မချေမှုန်းနိုင်ပဲ၊ လူထု အကြီးအကျယ်ထောက်ခံမှုရနေသယောင် ၊အောင်ပွဲအလီလီရသယောင်၊ခြင်းကြားရေယိုသတင်းထုတ်ပြန်နေမှုများမှာ ဇိမ်ခေါင်းတစ်ဦး၏နှုတ်ထွက်စကားများနှင့်တူညီနေလေ၏။

မြန်မာစစ်တပ်၏မှတ်သားဖွယ်ကောင်းလှသောစစ်ဆင်ရေးနည်းနာတခုမှာ၊
ရုရှပြန်ခေတ်ပညာတတ်အများစုပါဝင်သော၊စစ်ဗိုလ်တို့ကိုအသုံးပြုလျက်
၊ငွေကုန်ကြေးကျမြောက်များစွာအကုန်ခံကာ၊ဖေ့စ်ဘွတ်အစရှိသော
အွန်လိုင်းမီဒီယာများမှနေ၍တရုတ်ပြည်တပြည်လုံးအား၊
ရုတ်ခြည်းတခဏအတွင်းသိမ်းယူနိုင်တော့မည့်ဟန်ဝါဒဖြန့်ချိနေကြခြင်းဖြစ်၏။ ဇိမ်ခေါင်းများ၏လက်ဝေခံ(-ာ)ဆွယ်(-ာ)မြှောင်များကိုအောက်မေ့ဖွယ်ဖြစ်လေသည်။

ကာကွယ်ရေးဦးစီးချုပ်ကိုယ်တိုင်ပါကစ္စတန်နှင့်ဘီလာရုဇ်နိုင်ငံများမှ၊
အဆင့်မမီသောလက်နက်အစုတ်အပြတ် များကို၊လိုက်လံ ဝယ်ယူနေခြင်း၊နိုင်ငံခြားရေးဝန်ကြီးအနေဖြင့်တရုတ်အစိုးရထံ
“ကျွန်တော်တို့ပြည်သူတွေ စိုးရိမ် ထိတ်လန့်နေရပြီ” ဟူသောအသုံးအနှုံးဖြင့်လေပြေထိုးနေရခြင်း၊ပြန်ကြားရေးဝန်ကြီးက၊ “ကျွန်တော်တို့မြန်မာ တွေဟာတိုင်းတပါးကျူးကျော်မှုကို
ရင်ဆိုင်ရာမှာသွေးမနည်းပါဘူး”အစရှိသောရှေ့နောက်ဆီလျော်မှုမရှိသည့် ပြော ဆိုလုပ်ကိုင်နေမှုများမှာ၊ပုလိပ်ကိုကြောက်ရသည့် ဇိမ်ခေါင်းတို့၏လေသံဟန်ပန်ကိုသတိရစရာကောင်း လှပါ သည်။

စင်စစ်မြန်မာစစ်တပ်အကြီးအကဲအဟောင်းအသစ်မှန်သမျှ
၊မြန်မာ့သယံဇာတမျိုးစုံကိုတရုတ်သို့သူခိုးဈေးဖြင့်ခိုးထုတ်ခြင်း၊
တရုတ်တို့အားမြန်မာပြည်တဝှန်းရှိအထင်ကရစီမံကိန်းကြီးများခွင့်ပြုပေးခြင်းစသည့်၊
တိုင်းပြည်အားရောင်းစားထားကြသည့်ကိစ္စရပ်မြောက်များစွာ တို့တွင်၊ဇိမ်ခေါင်းများကဲ့သို့၊မြိုးမြိုးမြက်မြက် ဝေစုရနေသူများ အဖြစ်တရုတ်သြဇာခံများဘဝသို့သက် ဆင်းခဲ့သည်မှာ၊ဆယ်စုနှစ်တချို့ပင်ရှိခဲ့ပြီဖြစ်၏။

မြန်မာပြည်တနံတလျားရှိတရုတ်တို့၏အကျိုးစီးပွားကိုကာကွယ်ရန်၊
တရုတ်တို့အလိုကျမြန်မာလူထုတစ်ရပ်လုံးအား ဖိနှိပ်ညှင်းပမ်းလျက်
ဆင်းရဲတွင်း နက်သထက် နက်သည့်နင်းပြား ဘဝသို့ပို့ဆောင်နေပုံမှာ၊
အမျိုးကောင်းသမီး တို့ကို၊ပြည့်တန်ဆာဘဝသို့ရောက်အောင် ၊နှိပ်စက်ကျုံးသွင်းနေပုံနှင့်အလားသဏ္ဍာန်တူပါသည်။

(၅)
ထို့ထက်ပို၍မြင်သာသည်ကား၊မသမာမဲများဖြင့်အာဏာရလာသော
၊ကြံ့ခိုင်ရေးအစိုးရသည်တပ်မတော်နှင့် တ သဘောတည်းရှိကြောင်း၊ ကာကွယ်ရေးဦးစီးချုပ်ကိုယ်တိုင်သိက္ခာမဲ့စွာဗြောင်ဖွင့်ဟကြေညာခဲ့ခြင်းပေတည်း။

စစ်တပ်နောက်ခံရပ်တည်မှုဖြင့်အာဏာရလာသော၊
ကြံ့ခိုင်ရေးပါတီသည်လည်းကောင်း၊အစိုးရအဖွဲ့သည်လည်း ကောင်း၊
လွှတ်တော်သည်လည်းကောင်းလတ်တလောဖြစ်ပေါ်နေသည့်၊
တရုတ်ခြိမ်းခြောက်မှုအန္တရာယ်အပေါ် တစ်စုံတရာထိရောက်စွာ တုန့်ပြန်ဆောင်ရွက်ခြင်းမရှိ၊ငြိမ်ချက်သားကောင်းနေသည်မှာထူးလျက်နှင့်မဆန်းလှချေ။

တရုတ်ကျွန်ဖြစ်နေရခြင်းသည်ပင်၊၎င်းတို့၏ကိုယ်ကျိုးစီးပွားအတွက်ထင်တိုင်း
ဆက်ကြဲနိုင်ရန်၊အခွင့်အလမ်းသာသည်ဟုမှတ်ယူလျက်ရှိကြရာ
၊မြန်မာပြည်၏အမျိုးသားရေးဂုဏ်သိက္ခာသည်၊ဇိမ်မယ်တစ်ဦးထက်မပိုတော့ချေ။

ကမ္ဘာအလယ်တွင်မျက်နှာမွဲ၊တရုတ်ကိုမော်မကြည့်ရဲ၊
မည်သည့်တိုင်းရင်းသားလက်နက်ကိုင်အဖွဲ့အစည်းကမျှ
၊လေးစားယုံမှတ်ခြင်းမခံရတော့သောမြန်မာစစ်တပ်သည်
၊ဆင်းရဲသားတောင်သူလယ်သမားတို့၏လယ်ယာမြေအဓမ္မသိမ်းယူရေး၊
စစ်ဗိုလ်အမတ်များလွှတ်တော်တွင်းတွင်ခြေကုတ်မလွတ်ရေး
၊အပြစ်မဲ့ပြည်သူတို့အားဥပဒေမဲ့လက် ရဲဇက်ရဲသတ်ဖြတ်မှုစသည်တို့တွင်၊ လက်နက်အားကိုးဖြင့်အလွန်လက်သံပြောင်သည်မှာ
ဇိမ်ခေါင်း၏နိုင်ရာစားအမူအကျင့်နှင့်နှိုင်းယှဉ်မြင်ယောင်နိုင်လေသည်။

စစ်တပ်နှင့်အစိုးရ၏အကာအကွယ်ဖြင့်တပြည်လုံးမှာ
ရာဇဝတ်မှုတွေအဆမတန်တိုးပွားလာသည်။အုပ်စုလိုက်ရမ်းကားမှုများ
၊ပြောင်ပြောင်တင်းတင်းကိုယ်ကျိုးရှာမှုများပိုမိုများပြားလာသည်။
မကြာမီကျင်းပတော့မည့်(၂၀၁၅) ရွေးကောက်ပွဲတွင်၊လိမ်နည်းမျိုးစုံသုံး၍
အနိုင်ရစေရန်၊ဗိုလ်ချုပ်ဟောင်းဦးဆောင်သောရွေးကောက်ပွဲကော်မရှင် ၏လုပ်ရပ်များမှာ၊ဇိမ်ခေါင်းတစ်ယောက်ထက်ပင်အရှက်သိက္ခာနည်းလွန်းလှသည်။

။ခြုံ၍ဆိုရသော်မျက်မှောက်ကာလမြန်မာတပြည်လုံးအနှံ့တွင်၊
အာဏာပိုင်တို့ထင်ရာစိုင်းနေကြသည်မှာဇိမ်ခန်းကိုပုလိပ်ဝင်သည်နှင့်သာတူတော့သည်။
ထိုထိုသောအကြောင်းများကြောင့်ကိုယ်ကျိုးကိုသာကြည့်ခြင်း
၊မေတ္တာစေတနာတရားခေါင်း ပါး ခြင်း၊ဂုဏ်သိက္ခာတရားကင်းမဲ့ခြင်းတို့တွင်၊ မြန်မာအာဏာပိုင်တို့သည် ဇိမ်ခေါင်းများနှင့်ဂုဏ်ရည်ချင်းထပ်တူကျ လျက်ရှိသည် ဟု၊ကျွန်တော်ဆိုချင်သည်။ဇိမ်ခေါင်းများအဖြစ်သာစာရင်းသွင်းချင်သည်။

(၆)
အဆိုပါဇိမ်ခေါင်းစာရင်းတွင်စစ်တပ်နှင့်အစိုးရတို့သာ၊ပါဝင်ကြသည်မဟုတ်။
စစ်တပ်အလိုတော်ရိများ

၊အောက်ခြေအာဏာပိုင်အဖွဲ့အစည်းအဆင့်ဆင့်၊

တိုင်းဒေသကြီးအစိုးရအဖွဲ့ဝင်များ

၊စစ်တပ်နှင့်အစိုးရလော်ဘီများ၊

စစ်ဝါဒ စနစ်ဆိုးဖြင့်တနင့်တပိုး ချမ်းသာလာကာ၊
ယင်းစနစ်ဆိုးကိုဖက်တွယ်ထားလိုကြသူများ၊

အရိုးအရင်းဖြင့်ပျော် မွေ့ နေကြသောပြုပြင်ပြောင်းလဲရေးသမားအမည်ခံ
အတိုက်အခံတို့သာမက၊

အရေခြုံသင်္ကန်းဝတ်များ၊ကလောင်အားကိုးဖြင့်၊စစ်ဝါဒသက်ဆိုးရှည်ရေးအတွက်
မိမိ၏ကလောင်ဂုဏ်သိက္ခာကိုငဲ့ကွက်ခြင်းမရှိသောစာရေးဆရာများ နှင့်
သတင်းမီဒီယာတာဝန်ရှိသူအချို့တို့သည်လည်း

အဆိုပါဇိမ်ခေါင်းများစာရင်း၏နောက်တွဲအဖြစ်ပါဝင်နေသည်။

ပစ္စက္ခမြန်မာပြည်သည်လွန်ခဲ့သောနှစ်ပေါင်းခြောက်ဆယ်ကျော်က
အမျိုးသားခေါင်းဆောင်ကြီးဗိုလ်ချုပ်အောင်ဆန်းနိမိတ်ဖတ်မိန့်ကြားခဲ့သော
(-ာ)နိုင်ငံဟူသောအဖြစ်နှင့်ထပ်တူကျလျက်ရှိလေ၏။ထို(-ာ)နိုင်ငံတွင်မိုးကောင်း ကာထင်ရာစိုင်းနေကြသောဇိမ်ခေါင်းစာရင်းသူတို့သည်
သာမန်ဇိမ်ခေါင်းများမဟုတ်ကြချေ။

မိခင်ရင်း၊နှမရင်းနှင့်တူလှစွာသော၊နိုင်ငံနှင့်လူမျိုးအားဇိမ်ခန်းသို့
တွန်းပို့ခဲ့ကြသော၊ထိုအမျိုးကောင်းသမီးပြည့်တန်ဆာများကိုဈေးကောင်း
ရအောင်ပင်၊မစွမ်းဆောင်နိုင်သော၊ညံ့ဖျင်းလွန်းလှသည့်ဂုဏ်ပုဒ်ရှိသော
ဇိမ်ခေါင်းများအဖြစ်၊မှတ်တမ်းဝင်နေကြသူများဖြစ်ကြကြောင်း
ဥာဏ်မျက်စိဖြင့်ရှုမြင်နိုင်သူတိုင်း၊ထင်ရှားစွာသိမြင်နိုင်ကြပေလိမ့်မည်။ ။

၁၂ ဇွန် ၂၀၁၅ နေ့ထုတ်၊သည်လေးဒီးစ်အပတ်စဉ်ဂျာနယ်မှ။ ။

ကျွန်ုပ်တို့ရွာရွှေပင်မှာသူခိုးတွေပူခဲ့စဉ်က။

(မင်းဒင်)

(တစ်)
“သူခိုးဟေ့၊သူခိုးဟ၊သူခိုးဟ”

“သူခိုးဗျို့၊သူခိုး၊သူခိုး”

“လိုက်ဟေ့၊လိုက်ဟ၊လိုက်ကြလဟ”

“သူခိုးတဲ့ဟေ့၊ဝိုင်းဟေ့၊ဝိုင်းဟေ့၊ဝိုင်းကြလဟ”

“မလွတ်စေနဲ့ကွနော်၊မိအောင်ဖမ်းကြလကွ၊
မှတ်လောက်သားလောက်ရှိလောက်ဆုံးမလိုက်ကြစို့ရဲ့”

လွန်ခဲ့သောလအနည်းငယ်ခန့်၊ကျွန်ုပ်တို့ဆြာတပည့်တသိုက်ရွှေပင်ရွာဆီသို့
အလည်တခေါက် ရောက်ခဲ့ ကြစဉ်တခုသော၊
အကာလညဉ့်သန်းကောင်ယံအချိန်တွင်ဖြစ်ပါ၏။

ခရီးပန်းလွန်းလှသောကြောင့်ဆြာတပည့်လေးဦးသား၊ သိုးနေအောင်အိမ်မောကျလျက်ရှိစဉ်ရွာ့အရှေ့ ပိုင်းဆီမှရုတ်တရက်သောသောရုတ်ရုတ်ဆူညံစွာထွက်ပေါ်လာသော၊
အသံတို့သည်၊ကျွန်ုပ်တို့ကိုသာမက၊ရွှေပင်တရွာလုံးကို
အိပ်ယာမှ၊ရုတ်ခြည်းလှုပ်နှိုးလိုက်သကဲ့သို့ရှိလေသည်။

အသံတို့ကားရုတ်ရုတ်သဲသဲရှိလှသဖြင့်၊ကျွန်ုပ်သည်
အိပ်ယာထက်မှငေါက်ကနဲထထိုင်ကာ၊တပည့်ကျော်တို့အား၊
နားရင်းဖြောင်ဖြောင်မြည်အောင်၊တစ်ချက်စီရိုက်လျက်၊
ကဗျာကယာနှိုးလိုက်ရချေသည်။

“ဟကောင်တွေ၊ထကြစမ်းလဟ။ရွာထဲကိုသူခိုးဝင်သတဲ့။
အိပ်နေလိုက်ကြတာများကုလားသေကုလား မောကွာ”

ဆြာကောင်းထံနှစ်ရှည်နည်းခံခဲ့သော်တပည့်တို့သည်၊
ဒုတိယအကြိမ်နားရင်းတစ်ချက်စီ၊နားသယ်စပ်ဆီသို့၊
ထပ်မံမကျရောက်လာမီမှာပင်၊ဝူးဝူးဝါးဝါးအသံပြုလျက်နိုးထလာကြကုန်၏။

ကပ္ပလီငယ်မှာ၊မျက်ချေးဗလပျစ်နှင့်၊ဖေကြည်သည်ပါးပြင်တွင်
အာပုပ်ရည်တမြားမြား၊လေမင်းသားကား၊ခါးတွင်ပုဆိုးမကပ်လေ။
ကျွန်ုပ်တို့အိပ်စက်သည့်နေရာမှာဦးကြီးတင်၏အိမ်ရှေ့မှကွပ်ပျစ်ပေါ်တွင်ဖြစ်၍
အသံလာရာအရပ်နှင့်များစွာမကွာ ဝေးလှချေ။

“ဒီလောက်တောင်အတင့်ရဲတဲ့သူခိုးတပည့်တို့နဲ့တွေ့ကြပြီပေါ့ဆြာ”

ရပ်ရေးရွာရေးတွင်လက်မနှေးကြသည့်တပည့်ကျော်တို့မှာ
၊ကြုံးဝါးသံကိုယ်စီပြုရင်း၊အခင်းဖြစ်ပွားပွားရာ ရွာအရှေ့ပိုင်းသို့
တညီတညာတည်းလေအဟုန်ကဲ့သို့
လျင်မြန်စွာပြေးသွားကြလေရာ၊သင်းတို့၏အမြီးနှင့် ဖုန်လုံးကိုလရောင်သဲ့သဲ့အောက်တွင်၊ကျွန်ုပ်ခပ်ရေးရေးမြင်နေရလေ၏။

(နှစ်)
အိုမင်းမစွမ်းပြီဖြစ်သောကျွန်ုပ်ကားသင်းတို့၏နောက်မှခြေလှမ်းမှန်မှန်ဖြင့်ပင်
လိုက်ပါသွားရလေရာ၊လမ်းခရီးတဝက်ခန့်တွင်၊
ဆူညံသောအသံတို့ကိုထပ်မံကြားရပြန်ချေသည်။

“မိပြီဟေ့၊မိပြီဟ”

“ဝိုင်းရိုက်ကြလေကွာ၊ရိုက်ကြလဟ၊ဒီလောက်အတင့်ရဲတဲ့သူခိုး
၊နောင်ကြဉ်အောင်ပညာပေးလိုက်ကြမှ”

ယင်းသို့သောအသံတို့ကိုကျွန်ုပ်ကြားလိုက်ရချိန်တွင်မူ
၊ခြေလွန်လက်လွန်ဖြစ်မည်ကိုတွေးပူသောကြောင့်၊အိုမင်းသော်ငြား သူမတူအောင်သန်စွမ်းကြံ့ခိုင်ဆဲဖြစ်သောကျွန်ုပ်သည်၊
ကမ္ဘာတာတိုချန်ပီယံဟူစိန်ဘော့၏ခြေလှမ်းမျိုးဖြင့်၊သုတ်ခြေတင်လေရာ၊
သူခိုးကိုဖမ်းမိထားသည့်နေရာ၊ရွှေပင်ရွာသူကြီးလက်သစ်ကလေး
မောင်ဘိုဆန်း၏အိမ်ရှေ့ကွက်လပ်ဆီသို့၊
တမဟုတ်ချင်းပင်၊ဒုတ်ဒုတ်ထိဆိုက်ရောက်လေသည်။

ဒေါသမီးမိုးထိအောင်လောင်ကာ၊ဒေါသအထွက်ကြီးထွက်နေသောရွှေပင်ရွာ
လူထုကား၊ကျွန်ုပ်ကိုမြင်သည်နှင့်၊မီးကိုရေနှင့်ငြှိမ်း လိုက်သည့်အလား၊
အသံတိတ်သွားကြကုန်၏။

မျက်နှာတွင်အညိုအမဲအနည်းငယ်ထင်လျက်ရှိသော၊လူလတ်ပိုင်းအရွယ် သူခိုးသည်၊မြေပြင်တွင်ဒူး တုတ်လျက်ရှိပြီး၊၎င်း၏ဘေးတွင်မူ၊
ကျွန်ုပ်၏တပည့်ကျော်သုံးဦးသည်၊သူခိုးကိုကိုယ်တိုင်လက်ရ ဖမ်းဆီးနိုင်လေဟန်၊အောင်ပွဲရစစ်သူကြီးတို့မျက်နှာပေးကိုယ်စီနှင့်ရှိနေကြလေသည်။

ကျွန်ုပ်လည်းရွှေပင်သူကြီးကလေးမောင်ဘိုဆန်းအား၊
အသို့လျှင်စီရင်မည်နည်းဟူသည့်အဓိပ္ပါယ်ပါသောမျက်နှာပေးဖြင့်
လှမ်းကြည့်လိုက်ရာ၊သူသည်အတန်ငယ်စိတ်အိုက်နေဟန်ဖြင့်ခေါင်းကိုတဗျင်းဗျင်း
ကုတ်လျက်ရှိသည်တွေ့ရလေသည်။ကျွန်ုပ်မနေသာပြီ။
သင့်နိုးသည်ထင်ရသောအကြံကိုပြုရ၏။

“အဟမ်း၊အဟမ်း၊သည်မယ်မောင်ဘိုဆန်းရဲ့။
ဥပဒေအထက်မှာဘယ်မှမရှိဆိုသမို့၊ရွာမွန်ရဲဂတ်ကိုအပ်လိုက်ရင်ဖြင့်
သင့်မယ်ထင်ပါရဲ့”

“ဒီကောင့်ကိုကျုပ်ကောင်းကောင်းသိတယ်ဦးကြီးဒင်ရ၊
ကျုပ်မိဘများပြောသလိုဆိုရင်ဖြင့်ဒီကောင်တွေဆွေစဉ်မျိုးဆက်
ခိုးစားလာကြတာ။ရွှေပင်တင်မက၊ညောင်ကျပ်ပင်၊လင်းကဒိုးစမ်းဂံ၊အထိ
ဒီကောင်တွေလက်ရာချည်းပဲဗျာ။ရဲစခန်းနဲ့သူတို့ကဖောက်သည်ဖြစ်နေပြီခင်ဗျ။
ထူးပါဘူးဦးကြီးရာ၊ဒီပြဿနာမျိုးဟာ ဦးကြီးလိုလူမျိုးမှသာရှင်းနိုင်မယ်ထင်ပါရဲ့”

“ဟုတ်တာပေါ့”

“မှန်လိုက်လေ”

“ဒီကိစ္စမျိုးက ဆြာဒင်လိုဥာဏ်ကြီးရှင်မှဖြစ်မှာလေ”

(သုံး)
သူကြီးလက်သစ်ကလေး၏စကားအား၊ရွှေပင်လူအုပ်ကြီးတခဲနက်ထောက်ခံနေကြ
သည်မှာနိပတ်တော်လာအရှေ့ယဝမဇ္ဈဂုံးရွာသားတို့အားသတိရဖွယ်ဖြစ်ပါ၏။
နက်နဲလှသောပြဿနာမှန်သမျှကို၊ထက်သန်သောဥာဏ်ပဋိဘန်ဖြင့်၊
တခဏအတွင်းဖြေရှင်းနိုင်သည့်၊မဟော်သဓာသုခမိန်ကဲ့သို့၊ကျွန်ုပ်အားစာရင်း သွင်းဟန်ရှိလေရာ၊အဘယ်သို့လျှင်ကျွန်ုပ်ငြင်းဆန်နိုင်ပါအံ့နည်း။

စစ်စစ်ကျွန်ုပ်သည်သူခိုး၏ရုပ်လက္ခဏာသွင်ပြင်ကို၊
ပကတူးအစမြင်လိုက်ရစဉ်ကပင်၊တစုံတရာထူးခြား နေပြီဖြစ်ကြောင်း၊
ကျွန်ုပ်၏တင်္ခဏုပ္ပတ္တိဥာဏ်ဖြင့်သတိချပ်မိ၏။

သို့သော်ငြားပြဿနာ၏အတိမ်အနက်ကိုအများမြင်သာအောင်၊
အဆိုပါတရားခံသူခိုးအားစစ်ဆေးမေးမြန်းမှုအချို့ပြုရလေသည်။

ကျွန်ုပ်။ ။အမောင်သူခိုး။အဘယ်ကြောင့်သမာအာဇီဝရှာဖွေလုပ်ကိုင်
စားသောက်ခြင်းမပြုပဲ၊ သူတပါး ၏ပစ္စည်း ဥစ္စာကိုခိုးဝှက်လေဘိသနည်း

သူခိုး။ ။ကျုပ်တို့ကမျိုးနဲ့ရိုးနဲ့သူခိုးဗျ

ကျွန်ုပ်။ ။သဟာဖြင့်ယခုည၊သင်ခိုးမှုကျူးလွန်သည်ကိုဝန်ခံပြီလော

သူခိုး။ ။ စွပ်စွပ်စွဲစွဲပေါက်ပေါက်ရှာရှာဗျာ။အိမ်ပေါ်တက်တာက
ခိုးဖို့မဟုတ်ဘူးဗျ။ဘယ်ပစ္စည်းတွေ ခိုးရင်ကောင်းမလဲလို့သဘောရိုးသက်သက်နဲ့ဝင်ကြည့်ရုံကြည့်မိတာ

ကျွန်ုပ်။ ။ စဉ်းငယ်မျှထပ်မံရှင်းပါဦးလော့

သူခိုး။ ။အရှင်းကြီးပဲလေ။ညအချိန်မတော်သူတပါးအိမ်ပေါ်တက်တယ်။
အိမ်ရှင်မသိ၊လူမမိရင်၊ ရသမျှ အကုန်ခိုးတယ်။ အဲ၊မိတဲ့အခါမတော့သဘောရိုးနဲ့ခိုးမလို့ဝင်ကြည့်တဲ့သဘောဆင်ခြေပေးရတာပေါ့ဗျာ

ရဲတင်းချက်ချာလှသောသူခိုး၏အဖြေစကားကြောင့်ရွှေပင်သားတို့
အံ့သြမှင်တက်မိကုန်၏။ကျွန်ုပ်မှအခြားတပါးသောခုံသမာဓိဆိုပါမူ၊
အမှု၏ဤအခြေအနေတွင်၊ခြေမကိုင်မိလက်ကိုင်မိ၊စမ်းတဝါးဖြစ်နေမည် မှာအလွန်သေချာလှသော်ငြားပညာအရာတွင်စွယ်စုံမုန်သောက်ပုဂ္ဂိုလ်အဖို့မူကား
အလွယ်တကူပင်၊အပြီးသတ်စီရင်ချက်ကိုချလိုက်နိုင်ချေသည်။

“ထပါမောင်၊ထပါ။မြေကြီးပေါ်မှာဒူးထောက်နေတာမသင့်တော်လှပါဘူးလေ။
သူခိုးသူခိုးဆိုပြီးကျုပ်ပြော မိတာလည်းဗွေမယူပါနဲ့နော်။ ဟဲ့၊ကိုရင်ဘိုဆန်း၊ဒီသူငယ်ကိုရေမိုးချိုးပြီး၊ဝတ်ကောင်းစားလှဆင်ပြီးပြန် လွှတ်ပါကွယ်။ရော့၊ရော့ရော့။ဒီမှာမောင်ရင်လမ်းမှာလိုတာသုံးဘို့ငွေငါးသောင်း။
လစဉ်ကြေးအဖြစ်တစ်လငါးထောင်လဆန်းရက်တိုင်းလာယူနိုင်သကွဲ့၊
ကိုရင်ဘိုဆန်းလတိုင်းမှန်မှန်ပေးဖို့မေ့မနေနဲ့နော်”

(လေး)
ကျွန်ုပ်၏ထူးခြားပြောင်မြောက်လှသောဆုံးဖြတ်ချက်ကို
ဥာဏ်မီဟန်မရှိကြလေသည့်ရွှေပင်လူထုကား ဟင်ဟူသော၊အာမေဋိတ်သံကြီးကိုတပြိုင်နက်ပြုလိုက်ကြရင်း၊
တီးတိုးဝေဖန်ပြစ်တင်သံများ၊ဟိုမှသည်မှ ထွက်ပေါ်လာရာ၊ကျွန်ုပ်၏တပည့်ကျော်သုံးဦးထံမှအသံမှာအစွာဆုံးဖြစ်လေသည်။

“ဘယ်လိုစီရင်ချက်ကြီးပါလိမ့်။သူခိုးကိုဝတ်ကောင်းစားလှဆင်၊
လမ်းစားရိတ်ပေးပြီး၊ပြန်လွှတ်သတဲ့"

"လက်စသတ်တော့ဆြာဟာပုဇွန်ဦးနှောက်နဲ့လူပဲ။ဘာတဲ့၊
သူခိုးကိုလိုင်းကြေးတစ်လငါးထောင်ပေးရမယ် ဆိုတာလည်းပါသေး”

“ဒီလိုကြေးသာဆိုရင်၊ဆြာ့ကြီးဒေါ်ကြီးခြင်ထောင်သွားလှန်ပြီး
သဘောရိုးနဲ့ဆင်ခြေပေးဦးမှ”

ကျွန်ုပ်သည်တပည့်ကျော်သုံးဦးနှင့်ရွှေပင်ရွာလူအုပ်ကြီးကို
ဂရုဏာသက်စွာကြည့်လိုက်မိ၏။ခုံသမာဓိ လူကြီးမင်းတို့မည်သည်၊ မှန်ရာကိုဆုံးဖြတ်ရုံမျှမက၊မည်သည့်အတွက်ကြောင့်ထိုသို့ဆုံးဖြတ်ရကြောင်း အများမြင်သာသိစေအပ်သည်မဟုတ်ချေလော။

“အချင်းတို့။သင်တို့ကားဆြာ့တပည့်များဖြစ်ကြပါလျက်၊
လူညံ့လူတုံးစာရင်းဝင်ကြလေပြီ။ဤသူကိုစေ့စွာကြည့်လော့။
အစိမ်းရောင်ယူနီဖောင်းနှင့်ဖြစ်၏။ကိုယ်ပိုင်နံပတ်ပါ၏။
လက်မောင်းတွင်အဖွဲ့၏သင်္ကေတဘက်တံဆိပ်ပါ၏။
ရင်ဘတ်တွင်ချိတ်ဆွဲထားသောဘွဲ့တို့ကိုထောက်ရှု၍၊
အရာရှိပိုင်းဟုသေချာပေါက်သုံးသပ်နိုင်၏။

သည်ပုဂ္ဂိုလ်၏ဖြေဟန်မှာနောက်ခံဘက်ဂရောင်း ကောင်းသည်ကိုအထင်အရှားပြဆိုနေ၏။

ဤခေတ်ဤကာလသမယ၌၊သည်လိုလူသည်အဖွဲ့မျိုးသည်
၊နိုင်ငံ၏ထိပ်ဆိုသောလွှတ်တော်အစည်းအဝေးခန်းတွင်ပင်၊
သဘောရိုးဟူသော၊စကားတလုံးဖြင့်ဆင်ခြေပေးကာ
စက်ခလုပ်နှိပ်လျက်မဲခိုးနိုင်၏။မည်သူ့ကိုမဆိုစိတ်မထင်၍
ပစ်သတ်သော်ငြားအမှုအခင်းမကျရောက်တတ်။မုဒိန်းမှုတွင်လည်းကင်းလွတ်ခွင့်ရ၏။

ထိုသို့သောမိုးကျရွှေကိုယ်တို့ကို၊ခိုးမှုဖြင့်တရားတဘောင်စွဲခဲ့လေသော်
၊များမကြာမီရွှေပင်ရွာသည်၊အစိုးရမင်းတို့မှ
အမတော်ကြေးအရနည်းပေတော့အံ့။ဓားမဦးချလုပ်ကိုင်နေသောယာမြေတို့
အဓမ္မအသိမ်းခံရပေအံ့။ကံဆိုးလွန်းလျှင်နိုင်ငံတော်စီမံကိန်းရှိသည်ဟူသော
အကြောင်းပြချက်ဖြင့်ရွာလုံးကျွတ် ပြောင်း ရွေ့ခံရပေလတ္တံ့။
ထိုထိုသောအကြောင်းတို့ကြောင့်သင်တို့ဆြာ၊ငါသည်
အထက်တွင်ဆိုခဲ့သည်အတိုင်းစီရင်ဆုံးဖြတ်ခဲ့ခြင်းပေတည်း”

ဥာဏ်ပညာအရာ၌အနက်တထောင်ခြံရံတွေးတောနိုင်စွမ်းရှိသည့်
မဟာပညာကျော်ကျွန်ုပ်၏လေးနက်၍ အဓိပ္ပါယ်ရှိလှသောရှင်းလင်းချက်ကို တပည့်ကျော်တို့အပါအဝင်ရွှေပင်သားတို့ကြားကုန်လတ်သော်
ခေါင်းငိုက်စိုက်ချကြလျက်၊မိမိတို့အိမ်ဂေဟာအသီးသီးသို့
တုန့်နှေးသောခြေလှမ်းများဖြင့်ပြန်လည်ထွက်ခွာကြရင်း၊

အဘယ်သို့သောခံစားချက်ကိုယ်စီပေါ်ပေါက်ကြလေမသိ။
တပြိုင်တည်းခေါက်လိုက်သည့် တောက်ဟူသော တောက်ခေါက်သံကြီး
ကျယ်လောင်စွာမြည်ဟည်းထွက်ပေါ်လာလေရာ၊ရွှေပင်တရွာ လုံးသာမက၊နတ်မောက်မြို့ဖျားအထိတိုင်အောင်
၊မြည်ဟည်းရိုက်ခတ်သွားသည်ဟုသာ၊ကျွန်ုပ်တွေးထင်မိတော့သည်။

သို့သော်နှစ်သိန်းလေးသောင်းအထုရှိသောမဟာပထဝီမြေကြီးသည်
သည်၊ကျွန်ုပ်၏ဥာဏ်ပညာကြီးမား မှုအား၊မသိကျိုးကျင်ပြုလေလေသလောမဆိုနိုင်။
တော်လဲသံမျှပင်မပြု၊ခတ်မဆိတ်သာနေဘိ၏။

ရွှေပင် ရွာကောင်းကင်ယံထက်မှဆန်းလကွေးကွေးသည်၊တိမ်တိုက်ကြားသို့၊တိမ်းရှောင်သွား၏။
လမိုက်ညရွှေပင်ရွာ၏ညဉ့်သန်းခေါင်မှာယံမှာ၊ပိန်းပိတ်အောင်မှောင်မိုက်ဆဲပါတကား။ ။

၁၉ ဇွန် ၂၀၁၅ နေ့ထုတ်။သည်လေးဒီးစ်အပတ်စဉ်ဂျာနယ်မှ။ ။
ကျွန်ုပ်နှင့်မာရ်နတ်မင်း၏လက်ရုံးတစ်ထောင်။ ။
(မင်းဒင်)
(တစ်)
“ဒီမယ်ဆြာ၊ပရမတ်သဘောအရကြည့်ရင်၊ငါ၊သူတပါး၊ယောက်ျား၊မိန်းမဆိုတာမရှိဘူးခင်ဗျ”
“ဟုတ်တယ်ဆြာရဲ့။ဖြစ်တည်ပျက်သဘောသာရှိတာမို့မြင်မြင်သမျှသင်္ခါရပါပဲဆြာ”
“အနိစ္စအမြဲမရှိတဲ့ဆြာရဲ့”
ထူးထွေသည့်အံ့ရာသော်ပါတကား။အထူးကြီးဖြင့်ထူးလေနေပြီ။
နံနက်စောစောကျီးကန်းတို့ပင်ချေးမစားရသေးမီအချိန်ကာလ၊
ကျွန်ုပ်၏ခြံတံခါးဝဆီသို့ယောဂီဝတ်စုံကိုယ်စီဆင်
မြန်းလျက်၊ယောဂီတဘက်တို့ကိုပုခုံးထက်တွင်လွှမ်းရင်း၊
ဆိုက်ဆိုက်မြိုက်မြိုက်ရောက်လာကာ၊ငါးဖယ်ကပြောင်းပြန်၊
ကျွန်ုပ်အားတရားရေအေးအမြိုက်ဆေးတိုက်ကျွေးနေကြသူများမှာ၊
ကျွန်ုပ်၏လက်ရင်းတပည့်ကျော်များဖြစ်
ကြ သော လေမင်းသား၊အာရုံခေါ်ဖေကြည်နှင့်ကပ္ပလီတို့ဖြစ်ကြပါ၏။
တရုတ်မဘောင်းဘီခပ်ပွပွကိုဝတ်ဆင်လျက်၊မတ်တတ်တံမြက်စည်း
တစ်ချောင်းဖြင့်ခြံတွင်းကအမှိုက်တို့ကို၊ရှင်းလင်းနေသော
ကျွန်ုပ်သည်၊ရောင်နီမပျို့သေးသော၊အရှေ့အရပ်ဆီသို့၊ယောင်ယမ်း
လှမ်းမျှော်ကြည့်လိုက်မိချေသည်။ အနောက်အရပ်မှနေထွက်တော့မည်လော။
မည်သို့ပင်ဆိုစေကာမူ၊မိုးသောက်ကာလ၊မင်္ဂလာယူရမည့်အချိန်
သမယဖြစ်လေသဖြင့်၊ခြံတံခါးကိုဖွင့်ကာ၊တပည့် တို့အားခရီးဦးကြိုဆိုရင်းမင်္ဂလာစကားနှင့်ပင်အလိုက်သင့်
အလျားသင့်တုန့်ပြန်လိုက်ရ၏။
“ဟုတ်ပေသပေါ့မောင်တို့ရယ်။လာကြ၊လာကြ၊ဘယ်အရာမှမမြဲဘူးဆိုတာ၊
အရမ်းကိုမှန်၊သိပ်ကိုမှန်၊သောက်ကျိုးနဲ မှန်တာပေါ့၊
မမြဲခြင်းတရားသာမြဲတယ်လို့ဆိုမဟုတ်လား”
“ဒီလိုတော့လည်း မဟုတ်သေးဘူးဆြာ။မမြဲခြင်းတရားမှာ၊ တပည့်တို့ပါတီကြီးကတော့ခြွင်းချက်ခင်ဗျ”
ကျွန်ုပ်၏စကားဆုံးသည်နှင့်ကျွန်ုပ်အားဒက်ကနဲပြန်ပက်သူမှာ၊
အာရုံခေါ်ဖေကြည်ပေတည်း။
(နှစ်)
ဆြာသမားမပီသစွာကိုယ်ပေါင်ကိုယ်လှန်ထောင်းသူဟုအပြစ်ဖွဲ့လျှင်လည်း
ကျွန်ုပ်ခံရပေခြိမ့်မည်။ကျွန်ုပ်၏လက်ရုံးတပည့်စာရင်းဝင်၊
သကောင့်သားသုံးဦးသည်မဟုတ်တာလုပ်သည့်နေရာ၌
သူမတူအောင်ထူးချွန်သူများဖြစ်ကြကုန်၏။ကလိမ်ကကျစ်နည်းမျိုးစုံ၌လည်း
ကဝိတစ်ဆူပါရဂူမြောက်အသီးသီးအသကအသကကျွမ်းကျင်
လိမ်မာကြသူများလည်းဖြစ်ချေသည်။
သင်းတို့လုပ်ခဲ့လေသမျှမတရားမှုများအတွက်၊ဖူးခက်တခွင်ပြဲပြဲစင်အောင်
သင်းတို့နောက်မှတကောက်ကောက်လိုက်၍ကျွန်ုပ်ဖြေရှင်းခဲ့ရသည့်
အကြိမ်ပေါင်းမရေတွက်နိုင်တော့ပြီ။
သင်းတို့နှင့်ကျွန်ုပ်မှာဆြာရင်းတပည့်ရင်းတို့ပင်ဖြစ်သော်ငြား၊
တချို့သောအယူအဆရေးရာတို့တွင်၊ပြဒါးတ လမ်း သံတလမ်းဖြစ်ကြ၏။အကြီးအကျယ်ဆုံးသဘောထားကွဲလွဲမှုမှာ
သင်းတို့သုံးဦးစလုံးသည်၊ကျွန်ုပ်တို့မြန်မာပြည် ကြီး၏လက်ရှိအာဏာရပါတီအမာခံကေဒါများဖြစ်ကြ၍
ကျွန်ုပ်သည်ကား၊အတိုက်အခံပါတီကြီးဖက်မှ၊ရပ်တည် လိုသူဖြစ်လေသည်။
ဖေကြည်ငယ်၏တရားလက်လွတ်နှုတ်လှန်ထိုးမှုကြောင့်၊
စိတ်ထဲတွင်ထောင်းကနဲဖြစ်သွားမိသည်ကားအမှန်ဖြစ်၏။
သင်းတို့အားအိမ်အပေါ်ထပ်ရှိထမင်းစားခန်းစားပွဲတွင်၊ကော်ဖီနှင့်မှုန့်တို့ဖြင့် သဒ္ဓါတရားခေါင်းပါးစွာ တည်ခင်း ဧည့်ခံ ရန်ပြင် ဆင်နေရင်းတွင်၊
ကျွန်ုပ်၏မကျေချမ်းမှုသည်၊ ရုတ်ခြည်းပွင့်အံ့ထွက်သွားလေရာ၊ ကျွန်ုပ်၏ ပစ်မှတ်မှာဖေကြည်ပင်ဖြစ်လေသည်။
ကျွန်ုပ်။ ။နေပါဦး။ငဖေကြည်ရဲ့၊လာမဲ့ရွေးကောက်ပွဲပြီးတာနဲ့ ၊အနိစ္စသဘောအရကိစ္စချောတော့မယ့် မင်းရို့ လူထုချဉ်ဖတ်ပါတီကြီးက၊ဘယ်နှာကြောင့်မြဲရမှာတုန်း
ဖေကြည်။ ။(ကော်ဖီတငုံကို ရှူးကနဲနေအောင်၊အငမ်းမရသောက်လျက်) ဆြာဟာလေ။တော်တော်ကိုခက်တဲ့ လူစားထဲမှာထိပ်တန်းကပါသကိုး။ တပည့်တို့ပါတီကြီးဟာ၊တိုင်းပြည်ကိုချောက်ကမ်းပါးထဲမကျစေဖို့
အဘက်ဘက်ကနေစီမံထားတဲ့၊တိုင်းကျိုးပြည်ပြုပါတီကြီးပါဆြာ
ကျွန်ုပ်။ ။မောင်ရင့်ပါးစပ်က၊နတ်စကားထွက်နေပါပေါ့လား။သေချာရှင်းပါဦးမောင်ရယ်
ဖေကြည်။ ။သြော်၊ဆြာရယ်။အာဏာလက်မလွတ်ရလေအောင်
၊ရွေးကောက်ပွဲတိုင်းလိုလိုမှာအောင်ပွဲဆင်နိုင် အောင်
၊ရွေးကော်ပွဲကော်မရှင်ဥက္ကဋ္ဌကို၊အစောကြီးကတည်းက၊
တပည့်တို့ဖက်ကနေခိုင်ခိုင်မာမာရပ်မဲ့၊ဒေါင်ဒေါင် မြည်အမာခံကြီးကိုသေချာရွေးခန့်
ထားတာဆြာရဲ့။လာမဲ့ရွေးကောက်ပွဲအတွက်ထင်ရာစိုင်းနိုင်ဖို့၊အရေးပေါ်
အားဖြည့်ထားတဲ့ရွေးကောက်ပွဲအထူးအရာရှိတွေဟာလည်း၊
တပည့်တို့ရဲ့လက်ရုံးတပ်ဖွဲ့ဝင်တွေပဲလေ။ရုရှပြန်ပညာတတ်
တပ်မတော်အရာရှိလေးတွေက၊ခေတ်မီနည်းတွေနဲ့မဲဆွယ်နေတယ်။
ပိုပြီးစိတ်ချရအောင်၊အမေရိကန်အခြေစိုက်
လော်ဘီအဖွဲ့ကိုလည်းငွေကုန်ကြေးကျခံပြီးငှားထားတယ်။
ဘာလိုသေးတုန်းဆြာ၊ဟက်၊ဟက်၊ဟပ်
ဖေကြည်၏အသံတွင်တဟက်ဟက်နှင့်ခြောက်ကပ်ကပ်မခိုးမခန့်
ရယ်သံစွက်လျက်ရှိရာ၊ကျွန်ုပ်၏ဒေါသအိုးကို ဝါး ရင်းတုတ်တိုနှင့်ရိုက်ခွဲလိုက်ဘိသကဲ့သို့ရှိလေသည်တမုံ့။
(သုံး)
“ဇိဉ္ဇမာနလင်ပါသားတွေဥာဏ်ကြီးချက်ကတော့၊ဒေဝဒတ်တောင်
အရှုံးပေးရလောက်အောင်ပါကလား။ဒါဟာ နင်တို့အကြံအကုန်ပဲလား”
အတန်ငယ်ဒေါသသံစွက်လျက်ရှိသောကျွန်ုပ်၏အမေးကို၊သည်
တကြိမ်တာဝန်ယူတုန့်ပြန်သူကား၊ကွတ်ကီး နှစ်ချပ်ကိုပါးစပ်တွင်းသို့
ပါးလုပ်ပါးလောင်းထိုးသွင်းနေသောကပ္ပလီငယ်ဖြစ်ချေသည်။
“ကြံကြီးစည်ရာဘယ်မှာကုန်ပါ့လိမ့်ဦးမလဲဆြာရယ်။
လူမျိုးဘာသာသာသနာဗန်းပြပြီး၊မဲရအောင်ဆွယ်မဲ့၊သင်္ကန်း ဝတ်တွေလည်း၊အဆင်သင့်အားဖြည့်ထားပြီးသားပါလေ။
လိုအပ်ရင်ဝါးရင်းတုတ်တွေနဲ့လက်စွမ်းပြနိုင်မဲ့၊မတူကွဲ ပြားတဲ့ပါတီ၊
ခါတော်မီပါတီ၊အမတ်နေရာရရင်ပြီးရောဆိုတဲ့ဒီမိုကရေစီအမည်ခံပါတီ
အစရှိသဖြင့်၊မဟာမိတ်ပေါင်းစုံနဲ့ဘက်စုံထောင့်စုံက၊မလွတ်အောင်၊
အကွက်ချထားပါတယ်ဆြာ။အခုဆို ကျွန်တော်တို့ပါတီမဲဆွယ် ရာမှာ၊ အမျိုးသားခေါင်းဆောင်ကြီးရဲ့ဗီနိုင်းဓာတ်ပုံတွေကိုပါ၊အသုံးပြုတော့မှာမို့၊
ဗိုလ်ချုပ် အောင်ဆန်းလိုပုဂ္ဂိုလ်ကြီး တောင်၊ကျွန်တော်တို့ပါတီဘက်က၊
ရပ်တည်နေတယ်လို့ယူဆလို့ရပါတယ်ဆြာ”
မျက်နှာပြောင်တိုက်သည့်နေရာတွင်ဧတဒဂ်ရလောက်သူများပါတကား။
ကျွန်ုပ်ခွေးချေးခပ်ပျစ်ပျစ်ကိုငုံလျက်၊ဒင်းတို့ မျက်နှာကို၊ထွေးပစ်လိုက်ချင်စိတ်သာပေါ်မိတော့၏။
ကျွန်ုပ်အကြီးအကျယ်ပေါက်ကွဲလေပြီ။
ကျွန်ုပ်။ ။ဟေ့။လူ့ပေါက်ပန်းတွေ၊ဟိုဒင်းနဲ့အဝှာကန်သင်းရိုးမှာ စပ်ကျတဲ့ကောင်တွေ။လူထုကနင်တို့လုပ်သမျှ
ငြိမ်ခံနေရ အောင်၊အသိဥာဏ်တပြားသားမှမရှိတဲ့
နလဗိန်းတုံးတွေမဟုတ်ဘူးလဟ။ဒီခေတ်ကြီးဟာမီဒီယာ
ခေတ်ကြီးဆိုတာလည်းသတိထားအုံးဟ။အဝှာသည်မသားတွေရ
ကပ္ပလီ။ ။ (ကျွန်ုပ်အားသနားစရာသတ္တဝါဟူသောအကြည့်ဖြင့်) ၊မီဒီယာခေတ်ဆိုတော့ဘာခက်သတုန်းဆြာ။ တပည့်တို့ပါတီထောက်ခံမဲရဖို့ရှင်အပါးထောင်ချီတဲ့အလှူတွေ
လုပ်ပေးမယ်။ကျေးလက်စာသင်ကျောင်းနဲ့ဆေးပေးခန်းတွေ
၊ကျေးလက်ဖွံ့ဖြိုးရေးအတွက်၊လမ်းတွေတံတားတွေဖောက်မယ်ဆောက်မယ့်
သတင်းတွေကိုမီဒီယာတွေ မှာပလူပျံနေအောင်တင်ပြီး၊လုံးပန်းနေပြီလေ။
ဒါနဲ့မှမရသေးရင်၊မဲတပြားကိုဘယ်လောက်ဈေးပေးမယ်ဆိုပြီး
၊ဈေးကွက်စီးပွားရေးဆန်ဆန်လုပ်ကြမယ်လေဆြာ
ကျွန်ုပ်။ ။(အတန်ငယ်စိတ်ပျက်သည့်လေသံဖြင့်) အင်း၊ယုတ်မာချက်ကတော့ကမ်းကုန်နေပါပေါ့လား။မင်းတို့ ကိုယ်မင်းတို့သိပ်ထင်မနေကြနဲ့ကွာ။ရွေးကောက်ပွဲ
ရလာဒ်ကိုသေချာစောင့်ကြည့်ကြသေးတာပေါ့
ကပ္ပလီ။ ။(ကလေးမသာကဲ့သို့တခစ်ခစ်ရယ်မောလျက်)ဆြာဟာလေ။
တရားလက်လွတ်ငှက်တောင်ကျွတ်၊ဒေါ သတရားရှေ့ထားနေပါပေါ့လား။ဆြာလည်းကိုယ့်ပါတီကိုယ်
သိပ်ထင်မနေပါနဲ့ဦးလေ။အခုမဲစာရင်းတွေမှာ၊ကော် မရှင်က၊ပညာခန်းပြလိုက်တာ၊မဲစာရင်းမှန်သမျှ၊
ဘယ်လိုမှသုံးစားမရတော့တဲ့ဥစ္စာ။ရွေးကောက်ပွဲထက်၊
မဲစာရင်း ရေတွက်သူကသာပိုပြီးအခရာကျတယ်ဆိုတဲ့
ဆိုရိုးစကားကိုဆြာမကြားဖူးလေရော့သလား
(လေး)
သည်လူ့တိရိစ္ဆန်များအား၊ကျွန်ုပ်အနေဖြင့်ရှေ့ဆက်စကားစစ်ထိုးရန်မသင့်တော်တော့ပြီ။
လူလိမ်မာပါသားယဉ်ပါး ဆိုဘိသကဲ့သို့၊ခွေးပါး၏နည်းအတိုင်း
ကျွန်ုပ်အမြီးကုပ်လိုက်ရ၏။
“အေးပေါကွာ။အေးပါ။မင်းတို့ဟာ၊ကလိမ်ကကျစ်ကျတဲ့နေရာမှာသေတ္တာမှောက်
ကျွမ်းကျင်ကြပါပေတယ်။ဒါနဲ့။ တကယ်လို့များ၊ဆယ်ရေးတရေးကိုးရေးတရာ၊ လူထုအကြီးအကျယ်သောက်မျင်ကပ်နေတဲ့၊မောင်တို့ပါတီကြီး ခွက်ခွက်လန်အောင်ရှုံးပြီး၊အတိုက်အခံပါတီကြီးအောင်ပွဲခံသွားခဲ့ရင်
ဘယ်လိုများလုပ်ကြမှာတုန်းမောင်”
“ညံ့လိုက်ပါဘိတော့ဆြာရယ်။တပ်မတော်ဟာတပည့်တို့ပါတီကြီးနဲ့
ခံယူချက်ချင်းတူညီနေပါတယ်လို့၊ကာကွယ်ရေး ဦးစီးချုပ် ကိုယ်တိုင်ဗြောင်ဖွင့်ပြောထားတာဆြာမကြားမိသေးဘူး
ထင်ပါရဲ့။ဆြာတို့အတိုက်အခံပါတီအနေနဲ့ မ တော်တဆများရွေးကောက်ပွဲမှာအနိုင်ရသွားခဲ့ရင်၊
တပ်မတော်ကတိုင်းပြည်ကိုချောက်ထဲမကျအောင်ကယ်တင် ဖို့အဆင်သင့်ရှိမယ်လေဆြာ။ကယ်တင်ပြီးရင်တပည့်တို့ပါတီလက်ထဲကို
အာဏာပြန်အပ်။ဒါဟာပုံသေနည်းပဲလေ”
ကမ္ဘာတဝှန်းလုံးရှိ၊အယုတ်တကာ့အယုတ်ဆုံးလူယုတ်မာများကို
ရဲရည်တက်များအဖြစ်ရွေးချယ်စုစည်းလျက်၊ မဟုတ်တမ်းတရားကြံစည်ခိုင်းလျှင်ပင်၊ဒင်းတို့၏ဖင်ဖျားကိုမီနိုင်မည်ဟု
ကျွန်ုပ်မထင်တော့ချေ။ကျွန်ုပ်ဆက်၍မေးမြန်းစပ်စုဦးမည်ဆိုလျှင်၊
အယုတ်တမာအကြံအစည်များသိန်းသောင်းမက၊ကျန်နေသေးဟန်တူသည်မို့၊
ပါးနပ်စွာပင် စကားလမ်းကြောင်းပြောင်းလိုက်ရပေတော့သည်။
“ကောင်းပါလေ့ကွာ။ဒါနဲ့မောင်တို့ပြောနေဆိုနေတဲ့
ညစ်နည်းမျိုးစုံတွေနဲ့မောင်တို့အခုဝတ်လာတဲ့သူတော်ကောင်းဝတ်စုံတွေဟာ၊
မသာနဲ့စိန်နားကပ်လိုတခြားစီဖြစ်မနေပေဘူးလားမောင်တို့ရယ်”
ကျွန်ုပ်အငေါ်တူးလိုက်သည့်မေးခွန်းအား၊မဟာပဏ္ဍိပ်၊ထိပ်တန်းစာရင်းဝင်
ပါမောက္ခကြီး၏ဟန်ပန်ဖြင့်၊အလေးအနက်ပြန်လည်ဖြေကြားသူကား၊
စကားဝိုင်းတလျှောက်လုံးဘေးမှအသာငြိမ်လျက်နားစွင့်နေခဲ့သူစွယ်စုံကျော်ထင်
လေမင်းသားဖြစ်ချေသည်။
(ငါး)
“ဒါကဒီလိုရှိပါတယ်ဆြာ။ဘုရားရှင်ကိုမျက်လွှာချခိုင်းတယ်ဆိုတာဆြာကြားဖူးမယ်ထင်ပါရဲ့”
“ကြားဖူးပါသော်ကောဗျာ။ဘုရားရွှေပွတ်မဲ့သူတွေ၊
ဘုရားဌာပနာဖောက်မဲ့သူတွေဟာ၊သဲလက်တစ်ဆုပ်ကိုကိုင်ပြီး …အရှင်ဘုရား၊တပည့်တော်တို့ကျူးလွန်မည့်အပြစ်အတွက်ခေတ္တမျက်လွှာချတော်မူပါ။
ဒီအပြစ်အတွက်တပည့်တော်တို့ဟာဒီလက်တွင်းမှာရှိမှာရှိတဲ့
သဲဆုပ်နှင့်အမျှသံသရာဘဝများမှပြစ်ဒဏ်ခံပါ့မယ်လို့တိုင်တည်တာမဟုတ် လား”
“ဟာ။ဒီလိုဆိုတော့ ကျွန်တော်တို့ဆြာဘယ်ဆိုးလို့တုန်း။ အခုလဲတပည့်တို့ ယောဂီဝတ်စုံဝတ်လာတာဒီသဘော သွားပဲဆြာ”
“ဟေ”
ကျယ်လောင်လှသောအာမေဋိတ်သံသည်ကျွန်ုပ်၏နှုတ်ဖျားမှ၊
အလန့်တကြားထွက်သွားမိ၏။
“မဟေပါနဲ့ဆြာ။အခုဆြာ့တပည့်တွေအနေနဲ့၊
လက်ရှိအာဏာရပါတီကြီးအောင်ပွဲခံနိုင်ဖို့၊ဖူးခက်တမြို့လုံးကို မဲ ဆွယ်ခရီးစဉ်စမယ်။တပည့်တို့ပါတီအနိုင်ရဖို့အတွက်
ဘယ်လိုနည်းလမ်းမဆိုသုံးမယ်။ညစ်ပတ်နည်း၊ယုတ်မာနည်း၊
မျိုးစုံကိုသုံးမယ်လေဆြာ။လူထုကမကျေနပ်လို့၊လိုအပ်ရင်မြန်မာ့တပ်မတော်ကပါ၊
ပစ်တာခတ်တာတွေလည်း သုံးရမယ်။အကုသိုလ်ကော မသမာမှုဆိုတာကောခေါင်းထဲထည့်စရာမလိုပဲ၊တပည့်တို့အနေနဲ့
ဘာပဲလုပ်ရလုပ်ရလုပ်ဖို့ဝန်မလေးပါဘူးဆြာ။
ဒီတော့ဒီကိစ္စမှာဘုရားရှင်မျက်နှာလွှဲနေဖို့လိုတယ်ဆြာရဲ့။
ဒါကြောင့်တပည့်တို့ပြုလတ္တံ့သော၊မကောင်းမှုဒုစရိုက်အလုံးစုံအတွက်၊
ဘုရားရှင်နဲ့နားလည်မှုယူပြီး မျက်လွှာချတော်မူဖို့၊ တပည့်တို့ရက်ရှည် အဓိဌာန်သဘောဝင် နေတာကြောင့်၊ဒီဝတ်စုံတွေနဲ့ဖြစ်နေတာပါဆြာ”
နိုင်သူတရားသည်ဟူသော၊မဟာအတွေးအခေါ်ရှင်နစ်ရှေးကို
လွမ်းဆွတ်တသအောက်မေ့ဖွယ်ကောင်းလှပါ၏။ကြက်သီးမွှေးညှင်း
ထမတတ်ကြောက်လန့်တုန်လှုပ်မိသောကျွန်ုပ်သည်ယမမင်းကြီး
ရုံးထိုင်ရာ၊မဟာပထဝီမြေကြီးဆီသို့ငုံ့ကြည့်မိ၏။ထို့အတူမကောင်းသူပယ်ကောင်းသူ
ကယ်မည့်ဘိုးတော်သိကြားစံမြန်းရာ၊ကောင်းကင်ဝဠာထက် ဆီသို့လည်းလှမ်းမျှော်ကြည့်မိ၏။
စိုးစဉ်းမျှလှုပ်လှုပ်ရှားရှားထူးခြားသည့်ဟန်မပြလေသဖြင့်၊
သင်းတို့သည်လည်း ပြည်သူ့ချဉ်ပါတီကြီး၏ဂုဏ်ထူးဆောင်
နာယကကြီးများဖြစ်နေလေရော့သလားဟုပင်ထင်မှတ်မှားဖွယ်ဖြစ်ပါ၏။
လောကကြီးကိုစောင့်ရှောက်အပ်သော၊နတ်မင်းကြီးလေးပါးသည်လည်း၊
တဆင့်မြင့်ရာထူးပေးမည်ဟူသော မက်လုံးကြောင့်၊တချောင်ချောင်တွင်၊တခေါခေါအိပ်မောကျနေဟန်ရှိလေသည်။

၂၆ ဇွန် ၂၀၁၅ သည်လေးဒီးစ်အပတ်စဉ်ဂျာနယ်မှ။ ။

(သည်တပတ်တွင်ဖြင့် တပည့်ကျော်ဖေကြည်၏လက်ရာကို
မြည်းစမ်းလျက်၊ကျေနပ်တော်မူကြပါစေလိုကြောင်း)။

ရွှေပင်ရွာမှအဖွားအို၊ဓားမတိုဖြင့်ပုန်ကန်ခြင်း

(မင်းဒင်)
(တစ်)

အယ်ဒီတာမင်းခင်ဗျာ။

အောက်ဖော်ပြစာမူမှာ၊ဆြာဒင်၏တပည့်ကျော်
ကျွန်တော်မောင်ဖေကြည်၏လက်ရာဖြစ်ပါသည်။ယခုရက်ပိုင်းများအတွင်း
ကျွန်တော်၏ဆြာဖြစ်သူမှာစာမူရေးသားရန်ပင်မဆိုထားဘိ။
သူစားသောက်နေကျကြောင်စာမျှလောက်ပင်ဟက်ဟက်ပက်ပက်စားသောက်ခြင်းမရှိ
၊တချိန်လုံးငူငူငေါင်ဖြစ်ကာ၊လဒမှိုင်မှိုင်လျက်ရှိပါသည်။

ကျွန်တော့်အနေဖြင့်၊ရွှေပင်ရွာနှင့်ကျွန်တော့်ဆြာသမား၏လက်ရှိပကတိ
အခြေအနေများကိုစာဖတ်ပရိသတ်များသိနိုင်စေရန်ဆြာ့ကိုယ်စား
ဤစာမူကိုရေးသားပေးပို့ရခြင်းဖြစ်ပါသည်။သို့ပါ၍စာအရေးအသား စကားလုံးရွေးချယ်မှုနှင့်တင်ပြပုံတို့ချွတ်ယွင်းလိုအပ်ချက်များရှိနေပါက၊
အပြစ်တော်မမြင်အချစ်တော်ဝင်လျက်ခွင့်လွှတ်နားလည်ပေးပါရန်လေးစားစွာ
ကြိုတင်တောင်းပန်အပ်သည်။

ကျွန်တော်အနေဖြင့်ဤသို့စာမျိုးအစမ်းသဘောလေ့ကျင့်ရေးသားနိုင်ခြင်းမှာ
၊ဆြာသမားဖြစ်သူဆြာဒင်၏ရေးဟန်များကိုနည်းမှီ
အတုခိုးရေးသားခဲ့သည်ဖြစ်သောကြောင့်၊ဆြာ၏ကျေးဇူးကို
တတ်နိုင်သမျှပေးဆပ်သည့်အနေဖြင့်စာရေးသူ၏အမည်နေရာတွင်ဆြာ့အမည်ကိုသာ
ထည့်သွင်းပေးပါမည့်အကြောင်းကိုလည်းအနူးအညွတ်တောင်းပန်အပ်ပါသည်။

လေးစားစွာဖြင့်

အာရုံ(ခေါ်)ဖေကြည်
ခေတ္တ ။ ။ရွှေပင်ကျေးရွာ၊
မကွေးတိုင်း၊နတ်မောက်မြို့

(နှစ်)
ချွမ်
ချွမ်
ဒုန်း
ဒုန်း
ဟဲ့၊ငဒင်ခွေး၊နင့်ကိုနင်သူတော်ကောင်းကြီးဆို၊ပညာတတ်ကြီးဆို၊
သမာသမတ်ကျလှချည့်ရဲ့ဆို၊နင်အခုအိမ်အပြင်ထွက်လိုက်စမ်းပါ။
မုန်းခင်တဲ့၊တမုန်းခင်တည်းရှိတယ်။ရွှေပင်သူဟေ့၊တရွာလုံး
အသံမထွက်ရဲပေမဲ့၊မုန်းခင်ထွက်ရဲတယ်။
နင်ယောက်ျားစစ်စစ်ဆိုရင်အခုထွက်ခဲ့။

နံနက်အာရုံပင်မတက်သေး။အလင်းရောင်နှင့်အမှောင်ထုအားပြိုင်နေဆဲအချိန်၊
ကျွန်တော်တို့တည်းခိုရာ ရွှေပင်ရွာခံဦးကြီးတင်၏အိမ်ရှေ့ကွက်လပ်ဆီမှ၊
ဆူညံစွာထွက်ပေါ်လာသည့်အသံကြောင့်၊ကျွန်တော်၊
ကပ္ပလီနှင့်လေမင်းသားတို့အလန့်တကြားအိပ်ယာမှနိုးထာချိန်တွင်၊
ကျွန်တော်တို့ထက်အအိပ်ဆတ်ဟန် တူသောဆြာသမားတစ်ယောက်နိုးနေရုံမက၊အိမ်ထရံကိုအသာဖြဲလျက်
အပြင်ဖက်သို့ချောင်းကြည့် နေသည်ကိုတွေ့လိုက်ရ၏။

ထို့ကြောင့်ကျွန်တော်တို့တပည့်တသိုက်သည်လည်းဆြာ့ကျောနောက်မှကပ်လျက်
၊ချောင်းကြည့်လိုက်သည့်အခါတွင်ကား၊
အံ့သြဖွယ်မြင်ကွင်းကိုမြင်တွေ့လိုက်ကြလေရာ၊
ကျွန်တော်သည်ကိုယ့်ရင်ဘတ်ကိုယ်ယောင်ယမ်း၍ဖိလိုက်မိချေသည်။

အသက်ရှစ်ဆယ်ကျော်အရိုးပေါ်အရည်တင်ပိန်ချိချိအဖွားအိုတစ်ဦးသည်
ထမီကိုဒေါင့်တန်းစွဲတိုတိုဝတ်ရင်း၊ဓားမတိုတစ်ချောင်းကိုကိုင်ကာ၊
ကျွန်တော်တို့၏ဆြာသမားအမည်ကိုတပ်လျက်စိန်ခေါ်နေခြင်ပေ တည်း။အဆိုပါအဖွားအို၏အမည်မှာကြီးမုန်းခင်ဖြစ်ကြောင်း၊
ကျွန်တော်ကောင်းစွာမှတ်မိနေ၏။

ကြီးမုန်းခင်သည်လက်ထဲက ဓားမတိုကို၊အိမ်ထရံဆီသို့ပစ်လိုက်၊ပြန်ကောက်လိုက်၊နောက်တကြိမ်ပြန် ပစ်လိုက်၊အကြိမ်ပေါင်းများစွာပစ်လိုက်ကောက်လိုက်လုပ်ရင်း၊
ဆြာသမားအားခပ်ကြမ်းကြမ်းစိန်ခေါ်နေ လေရာ၊
ကျွန်တော့်ဆြာဖြစ်သူမည်သို့တုန့်ပြန်လေမည်နည်းဟူသော
စူးစမ်းလိုစိတ်ဖြင့်၊ဆြာ့မျက်နှာကို မသိမသာအကဲခတ်လိုက်မိလေသည်။

ဆြာဒင်ကားကြက်ကြီးကိုလည်လိမ်ထားသလိုငေါင်ငေါင်ကြီးတွေဝေလျက်ရှိ၏။
ကြီးမုန်းခင်၏စိန်ခေါ်ကြိမ်းဝါးသံကားအဆက်မပြတ်
ထွက်ပေါ်လာနေဆဲဖြစ်လေသည်။

ဟဲ့၊ငဒင်ကော၊ငတင်ပါထွက်ခဲ့ကြလေ။သူကြီးစုတ်၊သူကြီးနာ၊
ဘယ်နေရာသွားသေနေတုန်း။ဒီလောက်ရာထူးမက်တဲ့မသာတွေ။
နင်တို့ပါဝါအာဏာတွေကိုသေရွာအထိယူသွားကြ။
နင်တို့သေရင်လည်းအေးမယ်မထင်နဲ့။လူယုတ်မာတွေဟာ
သူတော်ကောင်းကိုနိုင်ပေမဲ့အကုသိုလ်ကိုတော့မနိုင်ဘူးဟဲ့
။သေချင်းဆိုးမဲ့သေချင်းဆိုးတွေရဲ့။

(သုံး)
အထက်ပါဖြစ်ရပ်မဖြစ်ပေါ်မီ၊လွန်ခဲ့သောတလခန့်က
ကျွန်တော်တို့ဆြာတပည့်တသိုက်ရွှေပင်ရွာသို့ အရေးပေါ်ကိစ္စတခုဖြင့်ရောက်ခဲ့ကြခြင်းဖြစ်ပါ၏။

လျှို့ဝှက်တတ်လွန်းသောဆြာသမားအနေဖြင့်ကျွန်တော်တို့တပည့်တသိုက်အား
၊ထိုသို့လာရောက်ခြင်းကိစ္စကိုဖွင့်ဟမပြောသော်ငြား၊အကင်းပါးသော
ကျွန်တော်တို့အနေဖြင့်၊ကောင်းစွာရိပ်မိသိရှိနေခဲ့ပါသည်။
မကြာမီကျင်းပလတ္တံ့သောရွှေပင်ရွာရွေးကောက်ပွဲ အသစ်အတွက်ရွှေပင်ရွေးကောက်ပွဲကော်မရှင်ဥက္ကဋ္ဌအဖြစ်
၊ဆြာဒင်၏ဦးရီးတော်စပ်သူဦးကြီးတင်အနေဖြင့်ရွေးကောက်ပွဲအောင်နိုင်ရေး
အတွက်လိုအပ်သောအကြံဥာဏ်တို့ကိုတောင်းခံနိုင်ရန်
၊ဆြာဒင်အားအပူတပြင်းဖိတ်ကြားခဲ့ခြင်းဖြစ်ပါ၏။

ယင်းကိစ္စရပ်အတွက်ကျွန်တော်တို့အနေဖြင့်တပည့်ကောင်းပီသစွာ၊ ဆြာဒင့်အားသတိပေးစကားဆိုခဲ့ကြဖူးပါ၏။

ဆြာရယ်။ဒီမိုကရေစီခေတ်ရောက်နေပြီဆို။ရွေးကော်ဥက္ကဋ္ဌက
ရွေးကောက်ပွဲအောင်နိုင်ရေးလုပ်သတဲ့ လား။အသက်တွေလည်းကြီးလှပါပြီ။ရွှေပင်တရွာလုံးလည်းဖွတ်ကျောပြာစုရုံမက၊
ရွာလုံးကျွတ်ပြည်ပထွက်ပြီးကျွန်ခံနေကြရပါပြီ။
မတော်မတရားတွေရပ်တန်းကရပ်ပါတော့ဆြာ

အေးပါကွ။လာမဲ့ရွှေပင်ရွေးကောက်ပွဲဟာလွတ်လပ်ပြီး
တရားမျှတတဲ့ရွေးကောက်ပွဲဖြစ်ရပါစေ့မယ်။ရွှေပင်တရွာလုံးမဲတေပြာကျ
သွားခဲ့တာကတော့၊ကံတရားကြောင့်ပါကွာ။
ကျုပ်ဘကြီးနဲ့ဆွေမျိုးတသိုက်ဟာရွှေပင်ကောင်းစားမယ်ထင်လို့၊
ကိုယ့်ထမင်းကိုယ်စားပြီးလုပ်ခဲ့ကြပါကွာ

ဆြာသမားကားကျွန်တော်တို့အားသူတော်ကောင်းကြီးဟန်ပန်
အပြည့်ဖြင့်လေပြေထိုးသော်ငြား၊ဆြာ့မျက်ရိပ်မျက်နှာကဲကို
အကဲခတ်ခြင်းဖြင့်၊ဆြာသမားမုသားစကားဆိုနေခြင်းဖြစ်ကြောင်း၊
တပည့်ရင်းများပီပီ၊ကျွန်တော်တို့ကောင်းစွာရိပ်မိသိရှိနေခဲ့ပါ၏။

ထိုရက်များအတွင်း၊ဆြာဒင်သည်ရွှေပင်ရွေးကော်ဥက္ကဋ္ဌနှင့်ခေါင်းချင်းရိုက်၍
တီးတိုးတီးတိုးသဖန်းပိုးအကြိမ်ပေါင်းများစွာလုပ်ရုံမျှမက၊
လက်ရှိအာဏာရရွှေပင်သူကြီးမင်းအိမ်သို့လည်းချောင်းပေါက်မတတ်
ဝင်ထွက်နေခဲ့၏။

ထို့ပြင်ရွှေပင်ကာလသားခေါင်းပေါ်အေးနှင့်သူ့နောက်လိုက်လက်မရွံ့အဖွဲ့ကိုလည်း၊
ထန်း ရည်ချောင်းစီးအောင်အလှူကြီးပေးခဲ့လေ၏။ သင်းတို့အတွက်အထူးစပါယ်ရှယ်ချီးမြှင့်မှုကားလက်ပတ်နီအဝတ်စတခုစီဖြစ်ကာ
၊ပေါ်အေးတို့လူသိုက်၊လက်ပတ်နီတကားကားဖြင့်
၊ရွှေပင်တရွာလုံးမျက်စိ နောက်အောင်လမ်းသလားကြသည်မှာ၊
သင်းတို့အားမြင်သည်နှင့်ခွေးတို့ပင်တပြိုင်နက်တည်းထိုးဟောင်ကြသောဟူ၏။

ထို့သို့လျှင်ဆြာဒင်၊ရွေးကော်ဥက္ကဋ္ဌဦးကြီးတင်၊ရွှေပင်သူကြီးဘိုဆန်း၊
လက်ပတ်နီခေါင်းဆောင်ပေါ်အေးနှင့်အဖွဲ့အကြိတ်အနယ်
တိုင်ပင်လျက်နေ့မအားညမနားအားထုတ်ကြိုးပမ်းပြီးသည်မှ
မကြာမီရက်ပိုင်းတွင် ရွှေပင်ရွေးကော်မှပြုစုထုတ်ပြန်သောရွှေပင်ရွာမဲစာရင်း
ထွက်ပေါ်လာခဲ့လေသည်။ရွှေပင်မဲစာရင်းကို ရွှေပင်သူကြီးအိမ်ရှေ့တွင်ကပ်ထားသော်ငြား၊ရွှေပင်သားတယောက်တလေမှစိတ်ဝင်စားကြဟန်မရှိချေ။

ကြည့်ရုံသာကြည့်သူတစ်ဦးတလေရှိသော်ငြား
၊စာတစ်ကြောင်းဆုံးအောင်မည်သို့မျှမဖတ်ကြလေ။
သို့ သော် ရွှေပင်ရွာသူဒေါ်မုန်းခင်ကား၊ထူးခြားသူစာရင်းတွင်၊
ထိပ်တန်းမှဝင်သူဟုဆိုရပေမည်။တောင်ဝှေး တချောင်းကိုအဖော်ပြုရင်း၊
မဲစာရင်းကပ်ထားရာသို့
တုံချိချိခြေလှမ်းများဖြင့်ရောက်ရှိလာလျက် မဲစာရင်းကိုဖတ်အပြီးတွင်ကား၊ကြီးမုန်းခင်ခုနစ်သံချီအော်ဟစ်လိုက်သော
အသံသည်ရွှေပင်တရွာလုံးကို ဖုံးလွှမ်း သွားခဲ့လေတော့သည်။

(လေး)
အမလေး။ဟဲ့လေး၊လွန်ခဲ့တဲ့ဆယ်နှစ်ကဆုံးသွားတဲ့င့ါယောက်ျား
အသက်ပြန်ရှင်လာပေါ့လား။ဟဲ့။ အကြံပေးဆိုတဲ့ငဒင် ၊ရွေးကော်လူကြီးဆိုတဲ့ငတင်၊နင်တို့လိမ်စရာနည်းလမ်းဒီလောက်တောင်ရှားသ လားဟဲ့။မျက်နှာပြောင်တိုက်လှချည့်လားအာဏာရူးတွေရဲ့။
ဒါဟာငဒင်၊ငတင်၊သူကြီးဘိုဆန်းနဲ့ငမူးပေါ်အေးတို့တကျိတ်တည်း
တဥာဏ်တည်းအကွက်ချတဲ့အလုပ်ဆိုတာငါလိုသက်ကြားအိုတောင်သိသဟဲ့။
အမယ်၊အမယ်၊ ထူးချက်တော်ရေ့။မဲစာရင်းမှာရေးထားတဲ့မွေးသက္ကရာဇ်တွေက
အကုန်အတူတူ ချည်းပါကလား။

ငတို့ရွှေပင်တရွာလုံးတနေ့တည်းတရက်တည်းမှာမွေးကြတာကိုး။
မှန်းစမ်း၊ငါဘယ်နေ့ မွေးတာပါလိမ့်။ဟောတော့။ငါမွေးတဲ့နှစ်က (၁၉၉၀)ဆိုတော့၊အခုမှအပျိုအရွယ်လေးပေါ့။ကျေးဇူးကြီး ချက်ငဒင်တို့ငတင်တို့ရယ်

ထို့နောက်တွင်ကားရွှေပင်သားတို့သည်မဲဆန္ဒရှင်စာရင်းကပ်ထားရာသို့
ဝိုင်းအုံရောက်ရှိကြလျက်၊ကမ္ဘာ့ အထူးဆန်းဆုံးစာရင်းများကို စိတ်ဝင်တစားကြည့်ရှုကြလျက်၊

အင်း၊ဟုတ်ပါရဲ့။ဆုံးသွားတဲ့ တို့ဘကြီး လည်းစာရင်းထဲ ပါနေတော့ မဲပေးမဲ့နေ့မှာသချိုင်္င်းကုန်းကနေများထလာမလား။

အေးဟဲ့။ ဘယ်လို စာရင်းကြီးပါလိမ့်နော်၊ တခုခုတော့တခုခုပဲ

အစရှိသည်ဖြင့်တီးတိုးရေရွတ်သံကိုယ်စီပြု ကြသော်ငြား၊ ဆြာဒင်၊ဦးကြီးတင်နှင့်သူကြီးတို့၏ပါဝါအာဏာကိုကြောက်ရွံ့ဟန်ရှိကြသည်ထင့်။
အတိအလင်းထောက်ပြကန့်ကွက်သူမပေါ်ခဲ့ချေ။ဆြာဒင့်မျက်နှာတွင်အောင်ပွဲရ
စစ်သူကြီးအသွင်ထင်ဟပ်နေခဲ့သည်မှာ၊ကြီးမုန်းခင်ပွဲမကြမ်းခင်
အချိန်ကာလအထိသာဖြစ်ပါ၏။

ကြီးမုန်းခင်၏ဇွဲသတ္တိကား၊နောင်ရေးထိုးအံ့သောမြန်မာ့သမိုင်းရာဇဝင်
အစောင်စောင်တို့တွင်ထိပ်တန်းမှ ပါဝင်လောက်ပါပေ၏။ နံနက်လင်းအားကြီးငါးနာရီခန့်တွင်။ဓားမတိုတချောင်းကိုထမီကြားတွင်ထိုးလျက် စိန်ခေါ်သည်မှာဆွမ်းခံဝင်ချိန်တိုင်အောင်ဖြစ်၏။ကြိမ်းမောင်းဆဲဆိုရင်းမောရင်
၊ခေတ္တနား၍ဆဲ၏။ကြိမ်းမောင်းစိန်ခေါ်၏။

ထို့နောက်နေ့လည်စာအလို့ငှာအိမ်သို့ပြန်၍ခေတ္တအနားယူချက်နေညိုချိန်
ညနေခြောက်နာရီခန့်တွင် ထပ်မံရောက်ရှိလာပြန်သည်မှာ အလင်းရောင်လုံးလုံးပျောက်၍မိုးကြီးစုပ်စုတ်ချုပ်သည့် တိုင်အောင်ဖြစ်လေသည်။

နင်တို့ပြောတော့ဒီမိုကရေစီဆိုပြောင်းနေပြီဆို။ခွေးပါးစပ်ကနတ်စကားထွက်တယ်
ဆိုတာဒါမျိုးပေ့ါ။နင်တို့ရဲ့လိမ်တတ်တဲ့အကျင့်ကအရိုးစွဲနေပြီကိုး။
အရှက်နဲ့လူလုပ်ရတယ်ဟဲ့။လူလွန်မသားတွေနင်တို့ဘယ်လောက်ယုတ်မာယုတ်မာ၊
လာမဲ့ရွေးကောက်ပွဲမှာနင်တို့ဘယ်နည်းနဲ့မှမနိုင်စေရဘူးဟေ့
၊ရွှေပင်သားတွေကထမင်းစားပြီးကြီးတာဟဲ့။အေး။ကမ်းကုန်အောင်ယုတ်မာတဲ့
နည်းတွေနဲ့နင်တို့ရွေးကောက်ပွဲနိုင်ခဲ့ရင်လည်းငါကိုယ်တိုင်
ဓားမတိုကိုင်ပြီးသူပုန်မကြီးလုပ်မဟဲ့။မုန်းခင်တဲ့ဟေ့

ဇွဲနပဲကြီးလှသောကြီးမုန်းခင်တစ်ယောက်၊အထက်ပါအတိုင်းစိန်ခေါ်နေခဲ့သည်မှာ
ရက်သတ္တတစ်ပတ် တိုင်ခဲ့ပြီဖြစ်ပါသည်။ ထိုသို့ကြီးမုန်းခင်စိန်ခေါ်လေတိုင်းရွှေပင်တရွာလုံးမှလူငယ်လူလတ်လူကြီးပါမကျန်
၊ကြီးမုန်းခင်အား၊ရွာလုံးကျွန်ဝိုင်းဝန်းစောင့်ရှောက်အားပေးထောက်ခံကြလျက်ရှိပါ၏။

ထိုရက်များအတွင်းကျွန်တော်တို့ဆြာ၊ဆြာဒင်၊ရွေးကော်ဥက္ကဋ္ဌဦးကြီးတင်၊
ကာလသားခေါင်းပေါ်အေးတို့ လူသိုက်ကား၊ကိုယ်ပျောက်အတတ်ကို ကျင့်လျက်လူမြင်ကွင်းသို့မထွက်ရဲပဲအိမ်တွင်းပုန်းနေကြလေပြီ။

(ငါး)
ဤစာကိုကျွန်တော်အဆုံးသတ်နေချိန်သည်နံနက်သုံးနာရီဝန်းကျင်ခန့်ရှိပြီဖြစ်ပါသည်။
တညလုံးတမှေးမှအိပ်စက်နိုင်ဟန်မရှိသောကျွန်တော့်ဆရာသည်၊
ကျွန်တော်တို့အား၊အဝတ်အစားအိတ်တို့ကိုထုတ်ပိုး ပြင်ဆင်ရန်ခြေဟန်လက်ဟန်ဖြင့်
အမိန့်ပေးနေပါသည်။ရွှေပင်ရွာမှလူမသိသူမသိထွက်ခွာရန်အလို့ငှာ ဖြစ်ပါ၏။

အမှန်စစ်စစ်ကျွန်တော့်ဆြာသည်အာဂလူဖြစ်ပါသည်။
ထိပ်သီးစာရင်းဝင်သည့်ထိပ်ထိပ်ကြဲလူမိုက်တို့ဆြာ့အားမော်၍ပင်မကြည့်ကြရုံမျှဆြာ့က ဟိတ်ဆိုလျှင်အမြီးကုပ်ကြရသူဖြစ်ပါသည်။ဆိုးပေ့မိုက်ပေ့ဆို သည့်လူမိုက်တို့ကိုအချိန်မရွေးလက်ရုံးရည်ဖြင့်၊ယနေ့တိုင်စိန်ခေါ်ရဲသူလည်းဖြစ်ပါသည်။

အရပ်အမောင်း ဥပဓိရုပ်အသံသြဇာနှင့်ပြည့်စုံသူဖြစ်၍ရွှေပင်တွင်မက ဖူးခက်တွင်ပါ၊လူအများယုံကြည်အားကိုးရသူ၊ ဖြစ်ကာ
၊ပွဲတိုင်းကျော်ဘိသိက်ဆရာဖြစ်ပါသည်။
သို့သော်ကျွန်တော့်ဆြာမဟာပညာကျော်၊ရဲရဲတောက်သတ္တိခဲစာရင်း
ဝင်သူကြီးသည်ရွှေပင်သူကြီးမုန်းခင်ကိုမူ ရင်ဆိုင်ရန်အင်အားရှိပုံမရချေ။

ဤလောက၌ရဲရင့်ခြင်းသည်အမှန်တရားအပေါ်တွင်မူတည်သည်နေလေသည် တကား။ယခုကဲ့သို့၊အရှက်သည်းစွာရနေသည့်ကျွန်တော့်ဆြာအား
ကျွန်တော်လွန်စွာသနားစိတ်ဖြစ်ပေါ်မိသည်ကိုရိုးသားစွာဝန်ခံလိုပါသည်။

ဆြာ့အားလေးစားရင်းကြည်ညိုရင်းစွဲမပျောက်သည်မှာ လည်းမှန် သောသစ္စာဖြစ်ပါ ၏။မည်သို့ပင်ဖြစ်စေကာမူကျွန်တော့်ဆြာအတွက်ကျွန်တော်ဂုဏ်ယူမိသော
အကြောင်းခြင်းရာ တစ်ရပ်ရှိနေပါ သေးသည်။ထိုသည်ကား ကျွန်တော့်ဆြာသည် သူမဟုတ်မမှန်လုပ်မိခြင်းအပေါ် ရှက်တတ်သူဖြစ် သော ကြောင့်ပင်တည်း။

ကျွန်တော်ဆြာကဲ့သို့ရှက်ရကောင်းမှန်းမသိရုံမက၊မဟုတ်မမှန်၊
မတော်မတရားမှုများကိုမျက်ပြောင်တိုက်လျက်၊ရင်ကော့ဂုဏ်ယူ
လုပ်ကိုင်ဆဲဖြစ်သောရွှေပင်သူကြီး၊ရွှေပင်ရွေးကော်ဥက္ကဋ္ဌနှင့်ရွှေပင်လူမိုက်
တသိုက်တို့နှင့် တကွ၊ ထိုသူတို့နည်းတူမတရားမှုကို ဖက်တွယ်ထားကြဆဲ၊ပုဂ္ဂိုလ်များရွှေပင်နယ်တရိုးတွင်ရိုက်သတ်၍
မကုန်အောင်ရှိနေဆဲဖြစ်ကြောင်းကျွန်တော်ကောင်းကောင်းကြီးသိနေ၍ဖြစ်ပါသည်။

တရွာလုံးအိပ်မောကျနေဆဲအမှောင်ထုကြီးသိပ်သည်းစွာလွှမ်းမိုးနေဆဲအချိန်တွင်၊
ကျွန်တော်တို့ဆြာတပည့်တသိုက်ရွှေပင်ရွာမှထွက်ခွာခဲ့ကြပါ၏။
ကျွန်တော်တို့ကိုတင်ဆောင်လာသောနွားလှည်းမှလှည်းဝင်ရိုးသံတအီအီ
ထွက်ပေါ်နေချိန်တွင်၊ကျွန်တော့်နားတွင်မူ၊မတရားမှုကိုဓားမတိုတစ်ချောင်းနှင့်
ဖက်ပြိုင်စိန်ခေါ်နေသောကြီးမုန်းခင်၏ရုပ်သွင်နှင့်
အသံကိုသာမြင်ယောင်ကြားယောင်လျက်ရှိလေသည်တကား။ ။

ဇွန် ၂၆၊၂၀၁၅ နှင်းဆီဖြူဂျာနယ်မှ။ ။

ဒုတိယဘုရားသခင်၏မျက်နှာညှိုးချိန်။ ။

(မင်းဒင်)
(၁)
လွန်ခဲ့သောအနှစ်ဆယ်ခန့်ကဖြစ်ပါသည်။ခေတ်မီဟိုတယ်ကြီးတစ်ခု၏ဧည့်ခန်းတွင်၊
ကျွန်တော်နှင့်ကျွန်တော့်မိတ်ဆွေတစ်ဦးတို့စားပွဲတဝိုင်းတည်း၌
မျက်နှာချင်းဆိုင်ထိုင်လျက်ရှိနေကြ၏။သူ့အမည်သည် မြ သောင်းဖြစ်၍၊
သူ့ကိုကျွန်တော်ကဂျက်မြသောင်းဟုချစ်စနိုးခေါ်သည်။ကျွန်တော်နှင့်အသက်ချင်း ငါး နှစ်ခန့်ကွာသဖြင့်ကျွန်တော့်ညီအရွယ်ဖြစ်၏။

ဂျက်မြသောင်းနှင့်ကျွန်တော်နှစ်ဦးစလုံး၊အချိန်အတန်ကြာ
မျက်နှာချင်းဆိုင်ထိုင်နေကြရင်း၊ စကားတ လုံးမျှမဟကြပဲ၊ခပ်ငိုင်ငိုင်ရှိနေကြသည်။ သို့သော်အငိုင်ကိုယ်စီ၏နောက်ကွယ်မှခံစားချက်ချင်း မှာမူ၊ လုံးဝကွဲပြားခြားနားနေသည်မှာအလွန်သေချာကြောင်း
ကျွန်တော်ကိုယ်တိုင်အသိဆုံးဖြစ်၏။စင်စစ်ကျွန် တော်သည်
သူ့မျက်နှာကိုစေ့စေ့မကြည့်ရဲချေ။ဆင်ဖြူ့မျက်နှာဆင်မဲမကြည့်ဝံ့ဟူသောစကားကို ကျွန် တော်ဖျတ်ကနဲသတိရမိသည်။

ကျွန်တော်သည်ဆင်မဲဖြစ်နေခဲ့၏။ထိုသို့ဆင်မဲဖြစ်ရခြင်း၏နောက်ခံဇာတ် လမ်းမှာ
ဤသို့ဖြစ်၏။ထိုကာလများက၊ကျွန်တော်သည်ရှုပ်ထွေးပွေလီသော ဘဝတွင်ကျင်လည်နေခဲ့သည်။ငွေရရေးအတွက် အစုံလုပ်တတ်သည့်ကျွန်တော့်အနီးတွင်၊လူလည်လူရှုပ်တွေဝန်းရံနေခဲ့သည်။
ထိုသို့ကျွန်တော်နှင့်အဖွဲ့ကျနေခဲ့သောလူလည်များကြားတွင် ဂျက်မြသောင်းတစ်ယောက်ပါဝင်နေသော်ငြား၊
သူသည်လူရိုးလူ ကောင်းဖြစ်၏။မြသောင်းလူရည်လည်ခြင်းမှာ
သူ့အလုပ်တွင်သူကျွမ်းကျင်လိမ်မာခြင်းဖြစ်၍၊သူသည်တဖက် သားကိုအမြဲကူညီလေ့ရှိသူဖြစ်ရာ၊ကျွန်တော်သည်ပင်မြသောင်း၏အကူအညီနှင့်
မကင်းခဲ့ချေ။

တကြိမ်တွင်ကျွန်တော်တို့လူလည်တသိုက်၊နာမည်ကျော်
အမွေဆိုင်တရားမမှုကြီးမှ၊ငွေရရာရကြောင်း၊ ကိုယ့်နည်းကိုယ့်ဟန်ဖြင့်၊အကြံအဖန်လုပ်ကြရာမှငွေသားသိန်းဆယ်ဂဏန်းတချို့
ကျွန်တော့်လက်ထဲ သို့ရောက်လာလေရာ၊
လူလည်တသိုက်ကျွန်တော့်ထံမှဝိုင်း၍ဝေစုခွဲကြသည်။
ကျွန်တော်ရွေးချယ်ခဲ့သောနည်းလမ်းကိုမလိုက်ပဲ၊
ကိုယ့်နည်းကိုယ့်ဟန်ဖြင့်၊သီးခြားလှုပ်ရှားခဲ့ကြသူများ ဖြစ်၍၊
ဘယ်သူ့ကိုမှဝေစုမပေးပဲ၊ခပ်တင်းတင်းပင်ကျွန်တော်ငြင်းဆန်ပစ်ခဲ့သည်။

(၂)
ထိုညနေတွင်မြသောင်းကျွန်တော်ထံရောက်လာခဲ့၏။ငွေကိစ္စတလုံးတပါဒမျှ
ဖွင့်မပြောသော်ငြား၊သူ့ပုံစံနှင့်သူ့စကားအသွားအလာကို
အကဲခတ်ရသည်မှာ၊ငွေကြေးအခက်အခဲကြုံနေပုံရသည်။လောဘစိတ် ရိုင်းသည်ကျွန်တော့်ထံမည်သို့ကပ်ငြိလေသည်မသိ။

နေ့လည်ကကျွန်တော်တည့်ခဲ့သောခွင်အတွက်၊ မြသောင်းဝေစုလာခွဲသည်ဟု
ခံစားမိသောကျွန်တော်သည်၊သူ့အခက်အခဲကိုမသိကျိုးကျင်ပြုမိခဲ့လေ သည်။မြသောင်းသည်ကျွန်တော့်မျက်နှာကို၊ခဏတာစိုက်ကြည့်ကာ
၊ချာကနဲပြန်လှည့်ထွက်သွားခဲ့ရာ၊
သူ့အကြည့်သည်ကျွန်တော့်ကိုပြင်းစွာ
တုန်လှုပ်စေခဲ့သည်ကားအမှန်ဖြစ်၏။အဆိုပါရက်များအတွင်း
မြသောင်းအကြောင်း၊ခေါင်းထဲရောက်လာတိုင်း၊
ကျွန်တော့်အမှားအတွက်ယူကြုံးမရဖြစ်ရသည်။

ထိုမှတစ်လခန့်အကြာ၊မြသောင်းအား၊ကျွန်တော်သီးသန့်ခေါ်ယူ၍၊
အထက်တွင်ဆိုခဲ့သော၊ဟိုတယ်ဧည့် ခန်းမတွင်၊ ကျွန်တော့်အမှားကိုပေးဆပ်သည့်အနေဖြင့်သူ့အားငွေကြေးတချို့ပေးအပ်ရန်
ကျွန်တော်စီစဉ်ခဲ့ခြင်းဖြစ်ပါ ၏။ငွေစကားကိုကျွန်တော်စသည်နှင့်ပင်မြသောင်း၏တုန့်ပြန်မှုမှာလိုတိုရှင်းဖြစ်သည်။

“ကျွန်တော်အခုငွေမလိုတော့ပါဘူး။ရပါတယ်”

ကျွန်တော်ဇွတ်အတင်းပေးသော်လည်းသူငြင်းမြဲငြင်းသည်။နောက်ပိုင်းသူနှင့်
ကျွန်တော်အခင်အမင်မပျက်သော်လည်း၊ယခင်ကရှိခဲ့သည့်ရင်းနှီးယုံကြည်မှုကိုဖြင့်၊
ကျွန်တော်ပြန်မရနိုင်တော့ပြီ။ပို၍ဆိုးသည်ကား
၊နောက်တစ်လမျှအကြာတွင်မြသောင်းတစ်ယောက်၊မမျှော်လင့်ပဲ၊
ကားအက်ဆီးဒင့်ဖြင့်ဆုံးပါးသွားလေရာ၊
ကျွန်တော့်အပေါ်မြသောင်းကြွေးကျန်နေရစ်ခဲ့ပြီဟုခံစားရ၏။
ကျန်ရစ်သောသူ့မိသားစုကို၊ကျွန် တော်တတ်နိုင်သမျှထောက်ပံ့ဖူးသော်ငြား၊
အကြွေးကြေပြီဟူ၍ကား၊ကျွန်တော့်စိတ်တွင်ယနေ့တိုင်လိပ်ပြာမသန့်နိုင်သေးချေ။

(၃)
(၁၉၇၅)ဝန်းကျင်နှစ်များတွင်ဖြစ်၏။ဖို့ဒ်မော်တော်ကားကုမ္ပဏီကိုစတင်တည်ထောင်သူ ဖို့ဒ်၏မြေးဖြစ် သူဟင်နရီဖို့ဒ်သည်၊ ဖို့ဒ်ကုမ္ပဏီ၏ဥက္ကဋ္ဌတာဝန်ကို ထမ်းဆောင်နေစဉ်၊အိုင်ယာကော့ကာသည်ဒုတိယ ဥက္ကဋ္ဌရာထူးတွင်ရှိနေခဲ့သည်။

ဖို့ဒ်သည်စည်းစိမ်နှင့်အာဏာအားကိုးဖြင့်၊လက်အောက်ဝန်ထမ်းတို့အပေါ်
အမျက်မာန်စောင်ကြီးသူဟု ဆိုကြသည်။ဟင်နရီဖို့ဒ်သည် သူ့ရုံးခန်းကိုတံခါးမခေါက်ပဲ၊ဝင်လာမိသည့်၊နက်ဆင်အမည်ရှိဖို့ဒ်ကုမ္ပဏီ ထိပ်တန်းအရာရှိတစ်ဦးကိုချက်ခြင်းအလုပ်မှထုတ်ပစ်ခဲ့ဖူးသည်ဟုမှတ်တမ်းရှိသည်။

အကြောင်းသုံးပါး မရွေးသောဟင်နရီဖို့ဒ်၏ အမျက်ဒေါသကြောင့်၊ဒုတိယဥက္ကဋ္ဌဖြစ်သူအိုင်ယာကော့ကာပင်၊အလုပ်ဖြုတ် ခံခဲ့ရရာ၊အိုင်ယာကော့ကာခမျာ၊ရူးမတတ်ခံစားရကာ၊ဟင်နရီဖို့ဒ်အား၊
သတ်ပစ်ချင်စိတ်ပေါက်မိသည် ဟုပင်ဝန်ခံဖူး၏။

ကိုယ်ပိုင်အရည်အချင်းအပြင်ဇွဲနပဲကြီးလှသောအိုင်ယာကော့ကာသည်၊
ဖို့ဒ်မော်တော်ကားကုမ္ပဏီနှင့် ပြိုင်ဖက်ခရိုင်စလာမော်တော်ကားကုမ္ပဏီတွင်
ဥက္ကဋ္ဌရာထူးရလာခဲ့ပြီး၊အောင်မြင်သောဘဝကိုပြန်လည်ထူထောင်နိုင်ခဲ့သည်။
ဟင်နရီဖို့ဒ် အလုပ်ထုတ်ခဲ့ချိန်မှငါးနှစ်ကျော်ကာလ၏တခုသော၊ ဧည့်ခံပွဲကြီး တစ်ခုတွင်၊အိုင်ယာကော့ကာနှင့်ဟင်နရီဖို့ဒ်တို့၊
မျက်နှာချင်းဆိုင်ပြန်လည်ဆုံတွေ့ကြချိန်တွင်မူ၊ဟင်နရီဖို့ဒ်သည်
အိုင်ယာကော့ကာအားမျက်နှာချင်းမဆိုင်ဝံ့ပဲ၊ဧည့်ခံပွဲခန်းမအတွင်းမှ
ထွက်ပြေးတိမ်းရှောင်သွားခဲ့ရလေသည်။

(၄)
မင်းသားကြီးကျော်ဟိန်းနှင့်ကျော်သူတို့ခပ်ကြမ်းကြမ်းပါဝင်သရုပ်ဆောင်ခဲ့သော၊
အကြွေးအမည်ရှိ နာ မည်ကျော်ရုပ်ရှင်ဇာတ်ကားကို ၊မြန်မာရုပ်ရှင်ကြည့်ပရိတ်သတ်များအမှတ်ရကြဦးမည်ထင်ပါသည်။

နယ် လုံးကဖိန့်ဖိန့်တုန်လောက်အောင်မိုက်ဂုဏ်နှင့် လက်ရုံးကိုအားကိုးခဲ့သောလူမိုက်သည်၊သူ့ပြိုင်ဘက်အား၊
မိုက်ဂုဏ်ပြိုင်နိုင်ရန်ဆယ်နှစ်ကြိုးစားလျှင်ပင်၊မမီနိုင်ဟု၊ရဲရဲတောက်ကြွေးကြော်ခဲ့သည်။

သို့သော်ထိုဆယ်နှစ်အတွင်းတွင်ပင်၊လူမိုက်သည်၊
မသမာသောငွေကြေးတို့ဖြင့်ကြေးရည်တတ်စာရင်း ဝင်လာခဲ့ပြီး၊သူ့ပြိုင်ဘက်မှာသူ့ထက်မိုက်သူဖြစ်လာခဲ့သည်။
လူမိုက်၏ရင်သွေးသာမဏေဘောင်သွတ်သွင်းမည့်အချိန်တွင်ကား၊
လူမိုက်သည်ပြိုင်ဘက်ကို၊သူ့သားငယ်၊ရှင်ဖြောင့်ဖြောင့်ပြုနိုင်ဖို့အရေး
ရို့ကျိုးတောင်းပန်ရသည့်အခြေသိုို့ဆိုက်ခဲ့၏။ထိုအချိန်တွင်သူ့မိုက်ဂုဏ်၊
သူ့စည်းစိမ်၊သူ့ဥစ္စာဓနသည်အချည်းနှီးဖြစ်ရသည်။

အထက်တွင်ဖော်ပြခဲ့သောနမူနာဖြစ်ရပ်တို့မှာ၊
ကျွန်တော့်စိတ်တွင်စွဲထင်မှတ်မိနေသောအကြောင်းခြင်းရာမျှသာဖြစ်သော်ငြား
အကယ်၍သာသတိချပ်လျက်၊မိမိ၏စိတ်ကိုသော်လည်းကောင်း၊မိမိပတ်ဝန်းကျင် ကိုသော်လည်းကောင်း၊သေချာစေ့ငုမိလျှင်၊
ကျွန်တော်တို့သည်ဂုဏ်သိက္ခာမဲ့သောလုပ်ရပ်နှင့်အပြုအမူ တို့ကို၊ပြုမူဆောင်ရွက်တတ်လေ့ရှိကြောင်း၊ထင်ရှားစွာသိမြင်လာနိုင်ပါသည်။

(၅)
ငွေကိုဒုတိယဘုရားဟုအများကတင်စားကြသည်။ထို့ပြင်အာဏာ၊ရာထူး
မိုက်ဂုဏ်တို့ကို လည်းထိုသို့ ပင်မှတ်ယူလေ့ရှိကြရာ၊ ထိုသည်တို့ကြောင့်ပင်၊ဂုဏ်သိက္ခာမဲ့သောလုပ်ရပ်
တို့ကိုပြုလုပ်ကြခြင်းဖြစ်လေ သည်။ငွေကြေး၊ရာထူး၊အာဏာပါဝါရှိလျှင်၊ ဘာမဆိုဖြစ်သည်။လုပ်သမျှတင့်တယ်သည်ဟု၊ထင်မှတ်ကြ ကာ၊မိုးကောင်းချိန်မှာထင်တိုင်းကြဲကြ၏။

ဘာသာတရားတွင်ပြဆိုသည့်ရှည်လျားလှသောနောက်ဘဝနှင့်
သံသရာဟူသည်ကိုထားဘိဦး။တိုတောင်းလှသော၊
ကျွန်တော်တို့၏ဘဝသက်တမ်း၌ပင်၊မိမိလိပ်ပြာနှင့်စာရင်းရှင်းကြရသည့်
အချိန်မျိုးရှိလာတတ်ကြောင်း၊ကြုံ လာနိုင်ကြောင်းသတိချပ်မိသူအလွန်နည်းသည်။

အထူးသဖြင့်လက်ရှိအချိန်တွင်၊ကျွန်တော်တို့ပတ်ဝန်းကျင်၊
ကျွန်တော်တို့လူ့အဖွဲ့အစည်း၊ကျွန်တော်တို့ နိုင်ငံတွင်၊ငွေကြေး၊
အာဏာ၊လုပ်ပိုင်ခွင့်တို့ကိုအလွဲသုံးစားပြုလျက်၊ဂုဏ်သိက္ခာမဲ့သောအပြုအမူနှင့်လုပ် ရပ်တို့ကို၊ပျော်ပျော်ကြီးလုပ်ကိုင်ဆောင်ရွက်နေသူတို့ဒုနှင့်ဒေး၊မြင်တွေ့နေရသည်။

ယင်းလုပ်ရပ်တို့ကြောင့်ပင်လျှင်ထိုသူတို့သည်၊
လူတောမတိုးရဲ၊အမှန်တရားကိုလက်ကိုင်ထားသူတို့နှင့် မျက်နှာချင်းမဆိုင်ရဲသောအဖြစ်များနှင့်၊ကြုံတွေ့ရတတ်သည်။

ဤသည်ပင်၊သူတို့ဘဝအတွက်အဓိက နေရာတွင်အသေအချာယုံမှတ်
စာရင်းသွင်းထားခဲ့သောဒုတိယဘုရားသခင်၏မျက်နှာတော်သည်၊
ညိုးနွမ်းသိမ်ငယ် နေတတ်သောအချိန်ဖြစ်ကြောင်း
သူတို့အလေးအနက်သတိချပ်စေချင်မိသည်။ ။

၀၃ ဇူလိုင် ၂၀၁၅ နေ့ထုတ် သည်လေးဒီးစ်အပတ်စဉ်ဂျာနယ်မှ။ ။

ရွှေပင်ရွာ၏ဘောဥပဒေကိုပြင်ဆင်ရန်၊ကျွန်ုပ်တို့ကြိုးပမ်းခဲ့ကြစဉ်က။ ။

(မင်းဒင်)

(တစ်)

“ပုတ်သင်ညိုအက်ဖ်စီတဲ့ဟေ့”

“ရွှေပင်ယူနိုက်တက်ကွ”

“ဂိုး၊ရွှီ၊ဖြောင်း၊ဖြောင်း”

“ဂိုး”
ကမ္ဘာကိုလွှမ်း၏မလွှမ်း၏ကံသေကံမ၊မဆိုနိုင်သောမြန်မာ့အားကစားသည်
ကျွန်ုပ်တို့ရွာရွှေပင်ကို၊အလွှမ်းမိုးကြီးလွှမ်းမိုးခဲ့လေသည်မှာ
ဧကန်မုချသေချာလှချေသည်တကား။ကျွန်ုပ်သည်ရွှေပင်ရွာဘောလုံးကွင်းကြီး
အတွင်းသို့ရောက်ရှိနေခြင်းဖြစ်လေရာလေမင်းသား၊အာရုံ(ခေါ်)ဖေကြည်နှင့်
ကပ္ပလီတည်းဟူသောကျွန်ုပ်၏နောက်ပါတပည့်ကျော်သုံးဦးသည်လည်း၊
ကျွန်ုပ်နှင့်အတူအထူးတန်းစင်မြင့်တွင် ရွှေပင်ဖလားဘောလုံး
ဗိုလ်လု ပွဲကြီးကို စိတ် ပါဝင်စား စွာကြည့်ရှုအားပေးလျက်ရှိလေ၏။

ရွှေပင်ရွာဘောလုံးကွင်းကား၊ရွာဘုန်းတော်ကြီးကျောင်းဘေးတွင်
ကပ်လျက်ရှိသည့်ယာခင်းပြင်ကြီးဖြစ်၏။အထူးတန်းပွဲကြည့်စင်
ဟူသည်ကား၊ရွှေပင်ဘောလုံးကွင်း၏ဘေးစည်းနှင့်
အကြောင်းအားလျော်စွာကပ်လျက်တည်ရှိနေသော
သက်ကယ်မိုးယိုင်နဲ့နဲ့အကြော်တဲကိုဆိုသတည်း။

ကျနေ၏အပူရှိန်မကုန်သေးသောဖုန်ထူထူကွင်းကြီးထဲတွင်
အကြိတ်အနယ်ယှဉ်ပြိုင်ကစားနေသည့်၊ထိပ်တန်းလက်ရွေးစင်
အသင်းနှစ်သင်းမှာရွှေပင်လက်ရှိချန်ပီယံဂေါ်ဇီလာအက်ဖ်စီအသင်းနှင့်
ဗိုလ်လုပွဲသို့အုပ်စုပွဲအဆင့်အဆင့်ကိုကျော်ဖြတ်ကာ
ကျားကုတ်ကျားခဲတက်ရောက်လာခဲ့သောရွှေပင်ယူနိုက်တက်
အသင်းတို့ဖြစ်ကြ၏။

ရွှေပင်ယူနိုက်တက်၏အသင်းတံဆိပ်မှာငှက်တစ်ကောင်၏ရုပ်ပုံဖြစ်၍
၊ဂေါ်ဇီလာအက်ဖ်စီ၏တံဆိပ်မှာ၊ဂေါ်ဇီလာတစ်ကောင်၏ဦးခေါင်းပုံဖြစ်လေသည်။
ဂေါ်ဇီလာကိုမမြင်ဖူးကြလေသည့်ရွှေပင်သားတို့ကား
၊ဂေါ်ဇီလာပုံကိုပုတ်သင်ညိုဟု ထင်မှတ်မှားကာ ပုတ်သင်
ညိုအက်ဖ်စီဟူ၍သာကင်ပွန်းတပ်ခေါ်ဝေါ်အားပေးလျက်ရှိကြကုန်၏။

ပုတ်သင်ညိုအက်ဖ်စီ၏ဝတ်စုံမှာအစိမ်းရင့်ရောင်ဖြစ်၍
၊ရွှေပင်ယူနိုက်တက်သည်အနီရောင်ဝတ်စုံကိုယ်စီနှင့်ဖြစ်ကြသည်။

အသက်အရွယ်အားဖြင့်ဇရာထောက်လာပြီဖြစ်သော
ကျွန်ုပ်သည်၊လူထူထူပွဲလမ်းသဘင်များကို ရှောင်ရှားနေခဲ့ သည်မှာ၊ကြာပြီဖြစ်သော်ငြားဇာတိရွှေပင်ရွာသို့
တပည့်ကျော်တို့နှင့်အတူခေတ္တခဏအလည်အပတ်ရောက်ရှိနေစဉ်
၊ရွှေပင်သူကြီးလက်သစ်ကလေးမောင်ဘိုဆန်း၏
တကူးတကဖိတ်မန္တကပြုမှုကြောင့်၊ယခုကဲ့သို့ ရောက်ရှိအား
ပေးနေရခြင်းသာဖြစ်ချေသည်။

ဂေါ်ဇီလာအက်ဖ်စီအသင်းမှာရွှေပင်ရွာသူကြီးဟောင်း၏ငယ်မွေးခြံပေါက်များဖြစ် လျက်၊ရွှေပင်ယူနိုက်တက်သည်ကား၊ရွှေပင်လူငယ်ခြေတက်တို့၏စုစည်းမှုဖြစ်၏။

(နှစ်)
ဘောလုံးဝါသနာအိုးရွှေပင်သားတို့သည်၊အဆိုပါဘောပွဲကို
ရွာလုံးကျွတ်လာရောက်အားပေးကြလေရာ၊ကွင်း၏လေးဖက်လေးတန်တွင်
၊ကြက်ပျံမကျစည်ကားလျက်ရှိချေသည်။

ပွဲကားမြိုင်လှ၏။
ထို့ထက်ကြမ်းလှသည်ဟုဆိုရမည်။ရွှေပင်ယူနိုက်တက်သည်ဘောလုံးကို
ပညာသားပါပါကစားနေသော်ငြား၊ပုတ်သင်ညိုအက်ဖ်စီကမူ၊
အဝင်အထွက်ခပ်ကြမ်းကြမ်းဖြင့်ကစားနေသည်ကို
၊ဘောသမ္ဘာရင့်နေသည့်ကျွန်ုပ်အနေဖြင့်ကောင်းစွာသိရှိ၏။ဖုန်လုံးတို့
ကြားတွင်ဘောလုံးနှင့်ကစားသမားတို့ကိုသဲကွဲစွာ
မမြင်ရလောက်အောင်ပင်ပွဲကြမ်းလှသည်။

ပုတ်သင်ညိုအက်ဖ်စီသည်မဲမဲမြင်ရာစွတ်ကန်ရင်းလူချကစားနေလေရာ
၊ဘောလုံးပွဲမှာဘောလုံးပွဲနှင့်မတူတော့ပဲ၊တဖက်သတ်
အနိုင်ကျင့်နေသည့်ရန်ပွဲတစ်ခုနှင့်သာအလားသဏ္ဍန်တူတော့သည်။
ဒိုင်လူကြီးသည်လည်းခရာကို၊ရမ်းသမ်းမှုတ်ရင်း
ပွဲကိုနိုင်အောင်ထိန်းနိုင်ဟန်မတူချေ။

ကြည့်မကောင်းလှသောဘောပွဲကစားချိန်မိနစ်ကိုးဆယ်
တင်းတင်းပြည့်ချိန်တွင်မူကား၊ရွှေပင်ယူနိုက်တက်မှနှစ်ဂိုး၊ဂိုးမရှိဖြင့်
အသာစီးရရှိခဲ့လေသည်။သို့သော်ဝါးရုံပင်ထိပ်ဖျားရှိလော်စပီကာမှ
တဆင့်ဘောလုံးပွဲကျင်းပရေးကော်မီတီ၏ ထုတ်ပြန်ကြေညာချက်မှာမူ၊လွန်စွာထူးခြားသည်ဟုဆိုရပေမည်။

“ယခုကျင်းပပြီးစီးခဲ့တဲ့ရွှေပင်ဖလားဘောလုံးဗိုလ်လုပွဲမှာ
၊ရွှေပင်ယူနိုက်တက်ဟာနှစ်ဂိုးတည်းသာသွင်းယူနိုင်ခဲ့တာကြောင့်၊
တဂိုးမှမသွင်းနိုင်တဲ့လက်ရှိချန်ပီယံဂေါ်ဇီလာအက်ဖ်စီအသင်းမှ၊
အနိုင်ရရှိသွားပါကြောင်းကြေညာအပ်ပါတယ်ခင်ဗျား”

ရုတ်ခြည်းကြားရသည့်ကြေညာသံကြောင့်ကျွန်ုပ်တို့ဆြာတပည့်လေးဦးမှာ၊
ကိုယ့်နားပင်ကိုယ်မယုံနိုင်အောင် အံ့သြတကြီးဖြစ်ကြရသည်။
ကျွန်ုပ်တို့နားကြားမမှားကြောင်း၊
အင်္ကျီကော၊ဘောင်းဘီပါချွတ်ကာ၊ဝမ်းသာအားရ
ပျော်ရွှင်မြူးတူးစွာအောင်ပွဲခဲ့နေကြသည့်ဂေါ်ဇီလာအသင်းသားတို့၏
အပြုအမူတို့ကသက်သေပြလျက်ရှိ၏။

ဘောလုံးကွင်းဆီမှတစစဖယ်ကြဉ်ကြလေသောရွှေပင်သားပွဲကြည့်
ပရိသတ်တို့၏မျက်နှာတွင်လည်း၊အဆိုပါအနိုင်အရှုံးထုတ်ပြန်
ကြေညာချက်နှင့်ပတ်သက်၍တစုံတရာထူးထူးခြားခြား
ခံစားရဟန်မမြင်ရသည်မှာထူးလှဘိ၏။
ရွှေပင်သားတို့သည်ဘောလုံးဥပဒေအခြေခံသဘောတရားမျှကိုပင်
မသိကြလေယောင်တကား။

ကျွန်ုပ်၏ရင်ဝယ် အသိဥာဏ်နုံနဲ့လှသော၊ရွှေပင်သားတို့အပေါ်
သနားဂရုဏာသက်မိနေချိန်မှာပင်၊တပည့်ကျော်တို့၏
မကျေမချမ်း ရေရွတ်သံတို့ပေါ်ထွက်လာခဲ့လေသည်။

“အနိုင်အရှုံးစာရင်းကြီးကဘယ်လိုဟာကြီးပါလိမ့်”

“လက်စသတ်တော့ဆြာဒင့်ရွာသားတွေဟာနလဗိန်းတုံးတွေပဲ”

“ကမ္ဘာ့ပေါ်မှာတော့အထူးဆန်းဆုံးဘောပွဲပဲဟေ့”

(သုံး)

ကိုယ်ရည်မသွေးလိုသော်ငြား၊ကျွန်ုပ်သည်ဘောလုံးနှင့်
ပတ်သက်လျှင်ခေသူမဟုတ်ကြောင်း
အလျဉ်းသင့်သည်ဖြစ်၍ဖော်ပြရပေဦးမည်။

ကျွန်ုပ်သည်၊ဗဟာဒူး၊အေးမောင်ကြီး၊အေးမောင်လေး၊စိန်ဝင်းကြီး၊
စိန်ဝင်းလေး၊တင်အောင်မိုး၊ဝင်းမောင်၊ဘပု၊တင်အေး၊
ဂိုးတင်အောင်စသူတို့ လျှမ်းလျှမ်းတောက်အောင်မြင် ခဲ့သည့်မြန်မာ့ဘောလုံးရွှေခေတ်ကိုကောင်းစွာသိမှီသူဖြစ်၏။

ကျွန်ုပ်သာဘောလုံးကိုစိုက်လိုက်မတ်တတ်၊ကစားခဲ့ပါက၊
ဇီဒန်း၊ရော်ဘတ်တိုဘက်ကီယို၊မက်ဆီ၊ရော်နယ်ဒိုတို့နှင့်တန်းတူ
ကမ္ဘာကျော်လောက်သူဖြစ်ချေသည်။

ကျွန်ုပ်နှင့်နှိုင်းယှဉ်လျှင်ဘောလုံးဗဟုသုတခေါင်းပါးရှာကြသော
၊ရွှေပင်သားတို့အတွက်ကျွန်ုပ်မနေသာတော့ပြီ။
လူစုကွဲစဘောလုံးကွင်းအတွင်းမှာပင်၊အနီးရှိသူကြီးမောင်ဘိုဆန်းထံမှ
လိုအပ်သောစုံစမ်းမေးမြန်းမှုများကို ပြုရ၏။

“နေပါဦး၊သူကြီးကလေးမောင်ဘိုဆန်းရဲ့။ဘောလုံးပွဲမှာဂိုးပိုသွင်းနိုင်တဲ့အသင်း
အနိုင်ရတယ်ဆိုတာလောက်တောင်၊မောင်တို့ရွာသားတွေမသိကြလေရော့သလား”

မောင်ဘိုဆန်း၏ဖြေဟန်ကား၊တည်ငြိမ်အေးဆေးလှ၏။

“ဒါကဒီလိုရှိတယ်ဦးကြီးဒင်ရဲ့။အခုပွဲရဲ့အဆုံးအဖြတ်ဟာ
၊ရွှေပင်ဘောဥပဒေအရဆုံးဖြတ်တာမို့၊မှန်တယ်လို့ဆိုရ ပါမယ်”

“ဟေ၊မောင်တို့ရွှေပင်ဘောဥပဒေကဘယ်လိုကြီးပါလိမ့်”

“သြော်၊ဗိုလ်လုပွဲတက်လာတဲ့အသင်းဟာလက်ရှိချန်ပီယံကို၊
ဂိုးအစိတ်သားအကြောပေးရတာ၊ရွှေပင်ထုံးစံပဲလေ။ ပိုပြီးနားရှင်းအောင်ပြောရရင်၊ပြိုင်ဘက်အသင်းအနေနဲ့၊ဂေါ်ဇီလာအက်ဖ်စီကို၊
သုံးဂိုးကျော်ကျော်သွင်းနိုင်မှ၊အနိုင် ရမှာခင်ဗျ။လေးဂိုး၊ဂိုးမရှိသွင်းနိုင်ရမယ်ဆိုပါတော့”

သူကြီးကလေးမောင်ဘိုဆန်း၏ကျိုးကြောင်းဆီလျော်ခြင်းအလျဉ်းမရှိသည့်
အဖြေစကားကြောင့်၊ကျွန်ုပ်၏ဒေါသ သည်ငယ်ထိပ်ဆီသို့ တက်သွားခဲ့သော်လည်း၊ကျွန်ုပ်အတတ်ဆုံးစိတ်ကိုထိန်းလိုက်ရချေသည်။

“ငတို့ရွှေပင်သားတွေဟာသူကြီးကအစအရူးတွေပါကလား။
ဒီမယ်မောင်ဘိုဆန်းရဲ့။ခုခေတ်ဟာဒီမိုကရေစီခေတ်ကွဲ့။
ပွင့်လင်းမြင်သာမှုရှိရမယ်။နည်းဥပဒေလုပ်ထုံးလုပ်နည်းတွေဟာ၊
ကမ္ဘာ့အဆင့်မီနေမှဖြစ်မယ်လေ။
ဒီတော့မောင်တို့ရဲ့ရွှေပင်ဘောဥပဒေကိုချက်ခြင်းပြင်မှဖြစ်မယ်ဟေ့”

“ဦးကြီးဒင်၊ဒီစကားကိုဒီမှာတင်ရပ်လိုက်ရင်ကောင်းမယ်ဗျာ။
ဂေါ်ဇီလာအက်ဖ်စီဟာသူကြီးဟောင်းရဲ့လူတွေဗျ။ ကျုပ်လည်းဘာမှမတတ်နိုင်ဘူး။သူတို့ကရွှေပင်လုံခြုံရေးကို
အစဉ်အဆက်တာဝန်ယူထားကြတာလေဗျာ။ ဧည့်သည်ကဧည့်သည်လိုနေပါဗျာ။ရွှေပင်ရဲ့အချုပ်အခြာအာဏာကို
ထိပါးမလာပါနဲ့”

(လေး)
သူကြီးလေးဘိုဆန်း၏တုန့်ပြန်ချက်မီးစသည်ကျွန်ုပ်၏ဒေါသယမ်းအိုးပေါ်သို့၊
တည့်မတ်စွာကျရောက်ခဲ့လေပြီတကား။ထိုမျှသာမက။
ကျွန်ုပ်တို့ဘေးတွင်တချိန်လုံးယှဉ်လျက်လျှောက်နေကြသည့်
တပည့်ကျော်များပါ၊ပေါက်ကွဲ ကြလေပြီ။

“တကယ့်သူကြီးငတုံးပါကလားဟရို့။နင့်အချုပ်အခြာနဲ့
ဒီဘောပွဲဘာဆိုင်သတုန်းဟ။ဘောပွဲအနိုင်အရှုံးလောက်
တောင်သမာသမတ်ကျအောင်မဆုံးဖြတ်နိုင်တဲ့၊
လူ့အန္ဓကသူကြီးတက်လုပ်နေမှတော့၊ရွှေပင်ရှေ့ရေးရင်လေးလှသကွာ”

“ကျုပ်တို့ဆြာ၊ပြောတာအမှန်ဗျ။ကိုဘိုဆန်းတို့ဘောဥပဒေကြီးက
၊ရုပ်ပျက်ဆင်းပျက်နိုင်လှတယ်”

“အေးလေ။ကျုပ်တို့ဆြာပြောတဲ့အတိုင်း၊ကိုဘိုဆန်းတို့ဘောဥပဒေကြီးကို
အချိန်မီပြင်မှဖြစ်မှာပေါ့”

“ဒီတခါတော့ဆြာသမားရဲ့ဘောဥပဒေပြင်ဆင်ရေးကို
တပည့်တို့၊ရာနှုန်းပြည့်ထောက်ခံပါတယ်ဆြာ”

သက်ရောက်မှုတိုင်းတွင်တူညီသောတန်ပြန်သက်ရောက်မှုရှိသည်
ဟူသော၊သိပ္ပံပညာရှင်အကျော်အမော်နယူတန်၏
နိယာမသည်သွေးထွက်အောင်မှန်လေပြီ။

သူကြီးလေးဘိုဆန်း၏မျက်နှာတစ်ခုလုံးသည်ခရမ်းချဉ်သီးကဲ့သို့နီမြန်း
သောအရောင်အဆင်းသို့၊ချက်ချင်းကူးပြောင်းသွားလေတော့သည်။
သူ့ချေပချက်တွင်ဒေါသစွက်လျက်ရှိ၏။

“ကျုပ်မရူးဘူးဗျ။ခင်ဗျားတို့ဆြာတပည့်တွေသာ၊ရွှေပင်ကို
အပျင်းပြေသဘောတခေါက်တကျင်းရောက်ရုံနဲ့၊
ဆရာကြီးစတိုင်လေကျယ်နေကြတာ။ခင်ဗျားတို့ရွှေပင်အကြောင်း၊
ဇာတိနိုင်ငံအကြောင်းဘယ်လောက်များသိကြလို့တုန်း။

ခင်ဗျားတို့ပြောနေတဲ့ဒီမိုကရေစီခေတ်ရဲ့အမြင့်ဆုံးအာဏာပိုင်ဆိုတဲ့
လွှတ်တော်လိုနေရာမျိုးမှာတောင်၊တိုင်းပြည်ရှေ့ရေးအတွက်
အသက်တမျှအရေးကြီးလှပါချည့်ရဲ့ဆိုတဲ့အဆိုတွေ
၊ထောက်ခံတဲ့ဘက်ကမဲအများစုရပေမဲ့၊ဘယ်အဆိုမှမအောင်ပဲ၊
ရှုံးနိမ့်နေရတာကို၊မကြားမိကြဘူးလား။

အဲဒါဟာကျုပ်တို့ရွှေပင်ဘောဥပဒေလို၊အစိတ်သားဂိုးအကျောပေးရတာ
မဟုတ်ဘူးလားဗျာ။ဒီတော့ခင်ဗျားတို့ဆြာတပည့်တွေ
၊ရွှေပင်ဘောဥပဒေကိုပြင်ချင်သပဆိုရင်၊လွှတ်တော်မှာသုံးနေတဲ့
ဥပဒေကိုအရင်ပြင်ကြပါဗျာ။

ဘာမဟုတ်တဲ့ရွှေပင်မှာချစ်တီးခေါင်းသန်းလာမရှာကြပါနဲ့။
မဟာလူစွမ်းကောင်းကြီးတွေရဲ့”

သူကြီးလေးဘိုဆန်း၏စကားအဆုံးတွင်ကား၊
ကျွန်ုပ်တို့ဆြာတပည့်တသိုက်၏မျက်နှာတို့မှာဖရဲသီးကားကြိတ်ခံ လိုက်ရသကဲ့သို့ဖြစ်သွားရုံမျှမက၊တခွန်းမျှနှုတ်လှန်ပြန်
မထိုးနိုင်လောက်အောင်၊ဆွံ့အသွားကြကုန်၏။
အာစေးမိသွားကြကုန်၏။အမွှန်ကိုရုတ်တရက်
အခွပ်ခံသောကြက်ကဲ့သို့ဖြစ်သွားရသောကျွန်ုပ်သည်
၊ဘောလုံးကွင်းဆီသို့ယောင်အမ်းအမ်းနှင့် လှမ်းမျှော်ကြည့်လိုက်မိ၏။

အောင်ပွဲရဂေါ်ဇီလာအသင်းသားတို့သည်လည်းကောင်း၊
သင်းတို့ကိုထောက်ခံအားပေးနေကြသူများသည်လည်းကောင်း၊
အကြီးအကျယ်မြူးတူးအားရအောင်ပွဲခံနေကြသည်မှာ၊ဘောင်းဘီ၊
အင်္ကျီနှင့်အောက်ခံလံကွတ်တီတို့ပင်မကပ်တော့ပဲ၊
ကိုယ်လုံးတီးတည်းကျောပြောင်ဖင်ပြောင်၊ဖြစ်နေကြသည်ကို၊
ကျွန်ုပ်စိတ်မသက်သာစွာတွေ့မြင်နေရလေသည်။ ။

၀၃ ဇူလိုင် ၂၀၁၅ နှင်းဆီဖြူ ဂျာနယ်မှ။ ။

“လက်ခုပ်သံငိုချင်းရှည်”
(မင်းဒင်)
(၁)
အချို့သောသမိုင်းမှတ်တမ်းများအရ၊တရုတ်တရက်တို့ရန်ကြောင့်၊
ပုဂံနေပြည်တော်ပျက်စီးရသည်၏နောက်၊ပုဂံမင်း၏နတ်မောက်မိဖုရားသည်၊
သူ၏နောက်လိုက်နောက်ပါအခြွေအရံတို့နှင့်အတူ
ဇာတိနတ်မောက်မကွေးခရိုင်သို့ပြန်လာခဲ့သည်ဟုဆိုပါသည်။

အကြင်အရပ်ဒေသသည်အစဉ်အဆက်လူစွမ်းကောင်းများမွေးဖွားခဲ့လျက်၊
ဇာတိမာန်ထွန်းပြောင်ခဲ့သောဘူမိနက်သန်ဖြစ်၏။နယ်ချဲ့ဗြိတိသျှတို့ကို
အသက်ကိုစွန့်၍ဆန့်ကျင်ခဲ့သော၊မြန်မာ့ တော်လှန် ရေးခေါင်းဆောင်
ဗိုလ်ချို၏နယ်နှင့်တကြောတည်းဖြစ်၏။ဗိုလ်မင်းရောင်ကဲ့သို့ပုဂ္ဂိုလ်မျိုးသာမက
၊မြန်မာ့လွတ်လပ် ရေးဗိသုကာကြီးဗိုလ်ချုပ်အောင်ဆန်း၏
ဖွားရာဇာတိလည်းဖြစ်လေသည်။

ထိုမည်သောအရပ်တွင်ချက်မြှုပ်ခဲ့လေသည့်ကျွန်တော်သည်၊
ဇာတိပုညဂုဏ်မာနကြောင့်ဆိုရမည်ဟုထင်ပါ၏။
စစ်သွေးတွေတဝေဝေဖြစ်ကာ၊အမျိုးသားရေး
ဇာတိမာန်ဇောင်းကြွနေတတ်သူဖြစ်ပါသည်။
မူလတန်းဖတ်စာထဲမှကျန်စစ်သားသည်ကျွန်တော့်ဘဝ၏
သူရဲကောင်းစာရင်းဝင်၏။ထိုမှဆက်၍ဘုရင့်နောင်၊
တပင်ရွှေထီး၊အလောင်းဘုရားတို့အပြင်၊
တိမ်ကြားမင်းခေါင်၊ညောင်ဦးဖီး၊ငလုံးလက်ဖယ်၊ငထွေရူး၊
အုတ်လှငယ်၊ငခင်ညို၊ရန်မာန်ငထွေး၊ သမိန် ဗရမ်း၊
လဂွန်းအိမ်တို့ကိုပါလေးစားအားကျခဲ့သူ လည်းဖြစ်လေသည်။

ကျွန်တော်ကြီးပြင်းခဲ့သည့်ခေတ်ကာလတဝိုက်သည်လည်း
၊မြန်မာ့တပ်မတော်၏ဂုဏ်သိက္ခာမြင့်မားနေချိန်ဖြစ်ရာ၊ ကျွန်တော်အပါအဝင်ကျွန်တော်နှင့်သက်တူရွယ်တူများသည်၊
စစ်ဗိုလ်ရူး၊ရူးခဲ့ကြသည်။ဗိုလ်မဖြစ်လျှင်ထားဘိဦး။

သာမာန်အကြပ်တပ်သားအဖြစ်နှင့်ပင်၊အမယ်မင်းငါ့သား၊စစ်သားကြီးလုံးလုံး၊
ဗိုလ်မှူးကြီးရှုံးလောက်ရဲ့ဟူသော ဆရာဇော်ဂျီ၏ကဗျာစာချိုးအတိုင်းမွေးမိခင်၏
ဝမ်းသာအားရကြုံးဝါးသံကိုရမ်းရော်တပ်မက်ခဲ့သူများဖြစ်ပါသည်။

(၂)
ကျွန်တော်သည်စစ်သားဘဝကိုမက်မောခဲ့သည့်အပြင်၊
အာဂစစ်သည်တော်တို့၏ဂုဏ်ရည်ကိုလည်း
၊တိတ်တခိုး လေးစားနေလေ့ရှိသူဖြစ်ရာ၊ကမ္ဘာ့သမိုင်းရာဇဝင်ထဲမှ၊
စစ်သည်အကျော်အမော်များ၏အထုပ္ပတ္တိတို့ကိုလည်း
စွဲလန်းခုံမင်စွာဖတ်ရှုလေ့ရှိသူဖြစ်ပါ၏။

ထိုသည်များထဲမှကျွန်တော့်စိတ်တွင်စွဲထင်ကျန်နေသော၊
မဟာစစ်သူရဲကောင်းများစွာရှိသည့်အနက်၊အောက်ပါ ပုဂ္ဂိုလ်တို့၏အပြုအမူနှင့်စိတ်ဓာတ်တို့သည်၊
ကျွန်တော်၏အာရုံတွင်ပို၍ပီပြင်ထင်ရှားနေသည်ဟုဆိုရပါမည်။

မဟာအလက်ဇန္ဒားသည်ဂရိတ်သည်၊
ကမ္ဘာမြေပြင်တွင်ပေါ်ပေါက်ခဲ့ဖူးလေသည့်စစ်သူရဲကောင်းတို့၏
အထွဋ်၊အောင်သူတကာတို့၏ထိပ်၊ဗိုလ်တကာ့ဘုရင့်ဟု
မှတ်တမ်းရှိသည်။ကမ္ဘာအနောက်ခြမ်းခေါမမှသည်၊
ကမ္ဘာ့အရှေ့ခြမ်းအိန္ဒိယတိုက်ကြီးသို့တိုင်၊ကမ္ဘာတခြမ်းကျော်ကို
သိမ်းသွင်းစိုးမိုးနိုင်ခဲ့သူဖြစ်၏။မဟာအလက်ဇန္ဒားသည်
ခရစ်တော်မပေါ်မီ၊နှစ်ပေါင်း(၃၅၀)ခန့်က၊ပါရှား(အီရန်)အင်ပါယာကို
တိုက်ခိုက်အောင်နိုင်ခဲ့ရာ၌၊တရားလက်လွတ်
မဖြစ်ရလေအောင်၊အောင်ပွဲရတပ်မတော်ကြီးကို
စည်းကမ်းတကျတင်းကျပ်စွာအုပ်ချုပ်ခဲ့သူဖြစ်၏။

တနေ့တွင်၊အလက်ဇန္ဒား၏စစ်သည်များသည်စစ်ရာဇဝတ်ကောင်တစ်ဦးကို
လိုက်လံဖမ်းဆီးရာတွင်၊အဆိုပါရာဇဝတ်သားသည်၊
လမ်းမတစ်နေရာရှိဘုရားဝတ်ကျောင်းတစ်ခုအတွင်းဝင်ရောက်
ခိုလှုံနေခဲ့သည်ဟုဆိုပါသည်။

ထိုနိုင်ငံ၏ဓလေ့ထုံးတမ်းအစဉ်အလာအရ၊ဘာသာရေးအဆောက်အဦအတွင်းရှိ၊
မည်သည့်သက်ရှိသတ္တဝါကိုမဆို၊ဝင်ရောက်ဖမ်းဆီးနှိပ်စက်ခွင့်မရှိချေ။
အလက်ဇန္ဒားသည်အဆိုပါဝတ်ကျောင်းအတွင်းအတင်းအဓမ္မဝင်ရောက်၍
ရာဇဝတ်ကောင်ကိုဖမ်းဆီးလိုသောသူ၏စစ်သည်များကို
တားမြစ်ကာ၊အခြားနည်းလမ်းတစ်ရပ်ရပ်ကိုသာ
အသုံးပြုဖမ်းဆီးရန်ညွန်ကြားခဲ့သည်။

အလက်ဇန္ဒားသည်ပါရှားအင်ပါယာကိုစတင်တည်ထောင်ခဲ့သူစိုင်းရပ်(The Great Cyrus)ဘုရင်၏သချိုင်္င်းကျောက်ဂူကို၊ခမ်းနားစွာမွမ်းမံပေးခဲ့ခြင်းဖြင့်
ရန်သူ၏မျိုးရိုးအစဉ်အဆက်ကိုရိုသေလေးစားခဲ့ဖူးသည်။

ထို့ကြောင့်မဟာအလက်ဇန္ဒားသည်နိုင်တိုင်းထင်ရာစိုင်းသူမဟုတ်၊
လူကြီးလူကောင်းပီပီစိတ်ကိုချုပ်တည်းထိန်းသိမ်းနိုင်သူ၊
တိုင်းသူပြည်သားများအပေါ်နိုင့်ထက်စီးနင်းပြုမူလေ့မရှိသူအဖြစ်၊
သမိုင်းကမ္ဗည်းတင်ရစ်သည်။

ခရစ်နှစ်(၁၇၉၈)တွင်ဖြစ်၏။အီဂျစ်ပြည်အလက်ဇန်းဒရီးယားမြို့အနီးနိုင်းလ်မြစ်ဝ၌
အင်္ဂလိပ်ရေတပ်ကပြင်သစ်ရေတပ်ကိုဝင်ရောက်တိုက်ခိုက်ရာ၊
အင်္ဂလန်ရေတပ်အောင်ပွဲရသည်။သို့သော်ထိုတိုက်ပွဲတွင်အင်္ဂလန်ရေတပ်မှ လက်ထောက်ဗိုလ်ချုပ်ဆာ-ရာလပ်-အဘာကရိုဘီသည်သေလုမြောပါး ဒဏ်ရာအကြီးအကျယ်ရခဲ့သည်။

ထို့ ကြောင့်အဆိုပါစစ်ဗိုလ်ချုပ်ကိုသင်္ဘောကြီးတစ်စင်းပေါ်သို့ရွှေ့ပြောင်းပြုစုစဉ်၊
အနည်းငယ်သက်သာရာရစေရန် အလို့ငှာ၊သူ၏ဦးခေါင်းအောက်သို့စောင်တစ်ထည်ခုထားပေးခဲ့၏။

ဆာ-ရာလတ်သတိပြန်လည်လာချိန် တွင်၊ သူ့ဦးခေါင်းကိုခုပေးထားသည့်အဝတ်အကြောင်းကိုမေးရာ၊အရာရှိများကယင်းသည်၊သာမန်စစ်သည်တစ်ဦး၏စောင်တထည်ဖြစ်ကြောင်းပြန်လည်ဖြေကြားသည်။

“စောင်ကတော့ဟုတ်ပါပြီ။ဘယ်သူ့စောင်လဲ”

“ရဲဘော်တစ်ယောက်ရဲ့စောင်ပါ”

“အဲဒီစောင်ပိုင်ရှင်ရဲ့အမည်ကိုပြောစမ်းပါ”

“တပ်ရင်း(၄၂)ကတပ်သားဒန်ကင်းရွိုင်းပါဗိုလ်ချုပ်”

“ဒါဖြင့်၊အခုပဲသူ့စောင်ကိုသူ့ဆီပြန်ပေးလိုက်ပါကွာ၊ခမျာချမ်းနေရှာရော့မယ်”

ဗိုလ်ချုပ်ရာလပ်သည်တိုင်းပြည်နှင့်လူမျိုးအတွက်တိုက်ပွဲဝင်ရင်း၊
ဒဏ်ရာပြင်းထန်စွာရနေခဲ့သူဖြစ်သော်ငြား၊လက် အောက်ငယ်သားများအား၊
အနစ်နာခံစေလျက်၊မိမိသက်သာရာရသောအပြုအမူမျိုးကို၊
အခွင့်ထူးခံသည်ဟုယုံကြည် ခဲ့သူဖြစ်ပါသည်။

သေလုမြောပါးဒဏ်ရာကြောင့်သေအံ့မူးမူးအချိန်မှာပင်၊
မိမိအနေဖြင့်သက်သာရာရနေသော်လည်း၊ချမ်းအေးလှ သောရာသီဥတုတွင်
သာမန်ရဲဘော်ဒန်ကင်းတစ်ယောက်စောင်ဗလာဖြင့်
တညဥ့်လုံးနေရမည့်အရေးကို ဗိုလ်ချုပ် ရာလပ်တွေှးတောပူပန်ခဲ့ပါသည်။

(၄)
ဒုတိယကမ္ဘာစစ်ကြီးအတွင်းတွင်ဖြစ်၏။အာဖရိကစစ်မျက်နှာတွင်ဗြိတိသျှ
တပ်မဟာ(၈)နှင့်၊ဂျာမန်စစ်သူကြီးရွန်းမဲဦးစီးသည့်
အာဖရိကတပ်ပေါင်းတို့ရင်ဆိုင်တိုက်ပွဲဖြစ်ပွားလေရာ
၊ဂျာမန်တို့အောင်ပွဲဆင်နိုင်ခဲ့ကြပြီး၊ဗြိတိသျှတပ်ပေါင်းစုမှ
တပ်သားအများအပြားစစ်သုံ့ပန်းများအဖြစ်အဖမ်းခံခဲ့ကြရသည်။

သို့သော်သဲကန္တာရအတွင်းပူပြင်းလှသောမေလ၊
ဇွန်လကဲ့သို့အခါသမယမျိုး၌ဖမ်းမိ ထားသောအိန္ဒိယတပ်ပေါင်း စုကို အဆိုပါဂျာမန်တပ်ကြီးအနေဖြင့်၊ ရိက္ခာလုံလောက်အောင်ပေးနိုင်ခြင်းမရှိချေ။ နောက်တန်းမှပို့လွှတ်မည့် ရိက္ခာတပ်များရက်သတ္တတပတ်ကြာသည့်တိုင်ရောက်မလာသည့်အခါ၊
အိန္ဒိယစစ်သုံ့ပန်းများအဖို့ရေတငုံသောက်ရန်ပင်
အလုအယက်ဖြစ်လာရသည့်အခါ၊အိန္ဒိယစစ်သုံ့ပန်းဗိုလ်မှူး
အာချာရှီဆိုသူက၊ဂျာမန်စစ်သူကြီး၊ရွန်းမဲနှင့်သွားရောက်တွေ့ဆုံပြီး၊
သုံ့ပန်းများအားအစာရေစာမပေးနိုင်လျှင်ဗြိတိသျှစစ်ကြောင်းရှိရာသို့ပြန်လွှတ်ပေးရန်
အရေးဆိုခဲ့သည်။

ဤတွင်ဗိုလ်ချုပ်ရွန်းမဲ၏ပြန်ကြားချက်မှာအလွန်မှတ်သားထိုက်ဖွယ်ကောင်းလှပါ၏။

“အခုသုံ့ပန်းတွေရနေတဲ့ရာရှင်ဟာ၊ကျုပ်ရောကျုပ်တပ်ဖွဲ့ပါရနေတဲ့
အချိုးအစားနဲ့တန်းတူညီမျှပါပဲ။ကျုပ်တို့လည်း
သောက်ရေခွဲတမ်းမတ်ခွက်တစ်လုံးစာပဲရပါတယ်။
ဒီအခြေအနေအတိုင်းတာရှည်မသွားနိုင်ဘူးဆိုတာကျုပ်နားလည်ပါတယ်။
ဒီညနေမှာမှ၊သုံ့ပန်းတွေအတွက်ရိက္ခာထောက်ပံ့ရေးကားရောက်မလာခဲ့ရင်၊
ခင်ဗျားတို့ကိုပြန်လွှတ်ပေး နိုင်ဖို့ဗြိတိသျှဗိုလ်ချုပ်နဲ့ကျုပ်စကားပြောပါ့မယ်”

(၅)
လွန်ခဲ့သော(၂၀၀၈)ခုနှစ်ကဖြစ်၏။ကျွန်တော့်ဇာတိတိုင်းပြည်ကြီးတွင်၊
သဘာဝဘေးအန္တရာယ်ကပ်ဆိုးကြီးတစ်ခု နှင့်အတူ
၊နိုင်ငံအုပ်ချုပ်ပုံစည်းမျဉ်းဥပဒေကြီးတစ်စောင်ပြဌာန်းပေါ်ပေါက်လာခဲ့လေသည်။

ထိုစည်းမျဉ်းစာတမ်းကို ပြည်သူလူထုအများစုကထောက်ခံကြသည်ဟု၊
သတင်းမီဒီယာကိုချုပ်ကိုင်ထားသူအုပ်စိုးသူတို့ကဖော်ပြကြပါသည်။
ယင်း၏နောက်ဆက်တွဲအဖြစ်၊မြန်မာ့တပ်မတော်အရာရှိ(၂၅%)သည်၊
တိုင်းရေးပြည်ရာအဖြာဖြာကို၊လူထုက ရွေးချယ်တင်မြှောက်ခြင်းမရှိပဲလျက်၊
စီမံစွက်ဖက်ခွင့်ရခဲ့ကြပါ၏။

မကြာမတင်ရက်ပိုင်းကမူ၊နိုင်ငံ၏အမြင့်ဆုံးအာဏာပိုင်
အစည်းအဝေးကြီးတစ်ခု၌၊နိုင်ငံရှေ့ရေးနှင့်ပတ်သက်၍
အလွန်တရာအရေးကြီးလှသည့်အဆိုတစ်ရပ်ကို၊
မဲခွဲဆုံးဖြတ်ခဲ့ရာ၊ယင်းအဆိုသည်လူထု၏အလိုဆန္ဒနှင့်ကင်းကွာ လျက်၊ပြုပြင်ပြောင်းလဲရေးဖက်မှရှုံးနိမ့်ခဲ့ပါသည်။

လောကဓမ္မတာအရအမှောင်နှင့်အလင်း၊ဓမ္မနှင့်အဓမ္မ၊မောဟနှင့်
အမောဟရောထွေးယှက်တင်ရှိတတ်သည့်အချိန်ကာလများရှိတတ်လေရာ၊
ထိုအခြေအနေနှင့်ပတ်သက်၍၊ကျွန်တော်ကောင်းစွာခံစားနားလည်နိုင်ပါသည်။

သို့သော်အများပြည်သူ၏သဘော၏ဆန္ဒကိုမျက်ကွယ်ပြုလေသည့်၊
၎င်းအဆိုအနိုင်ရကြောင်း၊ယင်းအစည်းအဝေးကြီး၏
တာဝန်ရှိသူမှကြေညာချိန်တွင်၊ကျွန်တော်တို့၏
သမိုင်းရာဇဝင်လာသူရဲကောင်းမျိုးဆက်ကိုဆက်ခံကြသည်ဆိုလေသော၊
တပ်မတော်အရာရှိအမတ်မင်းအပေါင်းသည်သောင်းသောင်းဖြဖြ၊
ဝမ်းပန်းတသာ၊ရွှင်မြူးအားရ လျက်၊မစဲနိုင်သော လက်ခုပ်သြဘာသံများဖြင့်အောင်ပွဲခံခဲ့ကြသည့်သတင်းကို
ကျွန်တော်ဖတ်ရှုရသည့်အခါ၊ကျွန်တော့်ရင်ဝယ်အမြစ်တွယ်နေခဲ့သော
ဇာတိပုညဂုဏ်မာနသည်၊ညှိုးငယ်ခြင်း၊ရှက်ကြောက်ခြင်းသည်းစွာဖြင့်
အဘယ်မည်သောအရပ်သို့၊ထွက်ပြေးခိုဝင်ပုန်းရှောင်လေသည်ကိုမသိနိုင်တော့ချေ။

ကျွန်တော်ဖတ်ရှုလေ့လာခဲ့ဖူးသောစစ်သူရဲကောင်းမည်သည်
လူကြီးလူကောင်းပီသစွာ၊ဣနြေ္ဒသိက္ခာရှိကြသူများ၊ မိမိရန်သူကိုပင်ဖြစ်စေနိုင့်ထက်ကလူမပြုတတ်၊
သူတစ်ပါးအားစော်ကားမော်ကားမပြောဆိုတတ်၊
ခမာဂုဏ်နှင့်ပြည့်စုံသူများဖြစ်ကြပါ၏။

သို့သော်သူတို့နှင့်ကားမတူလေ။သူတို့လက်ခုပ်မြိုင်စွာတီးခဲ့ကြပါသည်။

ကျွန်တော့်စိတ်အစဉ်တွင်မူ၊အဆိုပါလက်ခုပ်သံတို့သည်
၊မြန်မာပြည်ကြီး၏ငိုချင်းရှည်အဖြစ်သာမြင်ယောင်ကြားယောင်ဖြစ်ရပါချေသည်။ ။

ကိုးကား။ ။နတ်မောက်ဘုန်းကျော်၏လူကြီးလူကောင်း၊ပထမအကြိမ်
အားမာန်သစ်စာပေ၊(၁၉၉၉ဧပြီလ)

၁၀ ဇူလိုင် ၂၀၁၅ နေ့ထုတ် သည်လေးဒီးစ်ဂျာနယ်မှ။ ။

ခင်ယုံကြည်အောင်ပြောစမ်းပါဒင်ရယ်၊
ချစ်တယ်ဆိုတာလေးကိုပြောစမ်းပါဒင်ရယ်

(မင်းဒင်)

(တစ်)
ရွှေပင်ရွာတံခါးဆီမှအရှေ့တလွှားသို့ရှုလိုက်သည့်အခါ၊
စိမ်းလဲ့နေသောနှမ်းခင်းတို့ကို၊မျက်စိတဆုံး
တမျှော်တခေါ်တွေ့မြင်နေရလေသည်။နှမ်းခင်းတို့ကား
မှုန်းနေအောင်ကောင်းလွန်းလှ၏။မြင်ကွင်းကား၊
စိတ်ချမ်းမြေ့ဖွယ်ကောင်းလှချေ၏။ရွှေပင်သားတို့တမိုးကောင်းတချောင်းစီး၊
ရွာလုံးကျွတ်အလှူကြီးပေးနိုင်တော့မည်။

လွန်ခဲ့သောသီတင်းပတ်များကမူ၊မိုးဦးကောင်းခဲ့သော်ငြား
တန့်နေသောမိုးလယ်ကြောင့်၊ရေငတ်နေသောနှမ်းခင်းများကိုကြည့်ရင်း
၊ရွှေပင်သားတို့သက်ပြင်းတမမချလျက်မျက်ကလဲဆန်ပြာဖြစ်ခဲ့ကြရပါ၏။

မိုးကိုအမျှော်ကြီးမျှော်ခဲ့ ကြပါ၏။ထိုစဉ်ကာလတိုက်ဆိုင်စွာပင်
မိုးဒေဝါသည်ရွှေပင်သားတို့အား၊အလိုက်သိစွာ မျက်နှာသာပေးခဲ့လေရာ၊ယခုရက်များအတွင်းပုလဲလုံးရွဲအလှ
ရွာချသည့်ရွှေမိုးငွေမိုးကြောင့်၊ရွာလုံးကျွတ်ဝမ်းသာလုံးဆို့ကာ၊
အပျော်ကြီးပျော်ခဲ့ကြရလေပြီ။

ဇာတိရွှေပင်သို့ကျွန်ုပ်တို့အလည်အပတ်ရောက်ရှိနေခဲ့သည်မှာ
ရက်ဖျဉ်လစွန်းခဲ့ပြီဖြစ်၏။မိုးခေါင်နေခဲ့သောရက် များကြောင့်၊အိမ်ရှေ့ပူအိမ့်နောက်မချမ်းသာဆိုဘိသကဲ့သို့၊
ကျွန်ုပ်တို့ပြန်ရက်နှောင့်နှေးကြန့်ကြာနေခဲ့ခြင်းပေတည်း။

နေခြည်မပွင့်သေးသည်နံနက်စောစောအချိန်တွင်၊
ကျွန်ုပ်တို့ဆြာတပည့်လေးဦးသား၊ရွာလယ်လမ်းမကြီးအတိုင်း
လျှောက်လာရင်း၊ရွာထိပ်ဆီသို့ရောက်လာလေရာ၊မြင်ရတွေ့ရသမျှ
၊နှလုံးစိတ်ဝမ်းချမ်းမြေ့ဖွယ်ဖြစ်ဖွယ်လေသဖြင့် အနုပညာဓာတ်ခံရှိသော၊ ကျွန်ုပ်မှာခေတ်ဟောင်းတေးတစ်ပုဒ်ကို၊နှုတ်မှဖွဖွတီးတိုးညည်းဆိုမိချေသည်။

“မောင်ယုံကြည်အောင်၊ပြောစမ်းပါခင်ရယ်၊
ချစ်တယ်ဆိုတာလေးကိုပြောစမ်းပါခင်ရယ်၊ခင်ရယ်၊ကြင်မယ်၊ခင်..ခင်..”

“ဟာ၊ဒီဆြာတပည့်တွေစောစောစီးစီး၊သီချင်းတကြော်ကြော်နဲ့ပါကလား။
အတော်ပဲဗျာ။ဆြာဒင်တို့ယုံအောင် ပြောလိုက်ရဦးမယ်။
ကျုပ်ဟာရွှေပင်ရွာအတွက်နှမ်းတွေကိုပွင့်စေခဲ့ပြီဗျ”

အသံပြုရင်း၊နှမ်းခင်းကြားမှဘွားကနဲ၊ထွက်ပေါ်ကာလူလုံးပြလာသူမှာ
၊ရွှေပင်သူကြီးဦးဘိုဆန်းပေတည်း။ကျားသားမိုးကြိုး၊
အနှီသူကြီးမင်းသည်နံနက်စောစောနှမ်းခင်းထဲသို့
မည်သည့်အကြောင်းကြောင့်ရောက်ရှိနေဘိသနည်း။

ထူးပေစွ။သူကြီးမင်းသည်အထူးရွှင်လန်းအားရနေဟန်ရှိကြောင်း၊
သူ့စကားသံကိုသက်သေခံလျက်ရှိလေသည်။
“ကဲ၊ဆြာရေ၊ကျုပ်လက်ကိုင်ဖုံးလေးနဲ့၊မှတ်တမ်းတင်ဓာတ်ပုံလေး
ရိုက်ပေးပါဦးဗျာ၊နောက်ခံနှမ်းခင်းကြီးပါပေ့စေနော်”

(နှစ်)
ယောင်နနဖြစ်နေသောကျွန်ုပ်တို့ဆြာတပည့်မှာ၊
သူကြီးတောင်းသည့်အကူအညီကိုငြင်းပယ်နိုင်စွမ်းမရှိပဲ၊
အပွင့်တို့ထွက်ပြူစနှမ်းခင်းကြီးအလယ်တွင်၊
အိုက်တင်အမျိုးမျိုးပေးနေသောသူကြီးမင်းကို၊လက်ကိုင်ဖုန်းဖြင့်တဖျတ်ဖျတ် မှတ်တမ်းတင်ပေးရုံမျှမက၊ကျွန်ုပ်တို့ဆြာတပည့်တသိုက်ပါ
ပူးတွဲအရိုက်ခံရသည်လည်းရှိ၏။

ထူးခြားလှသောသူကြီး၏အပြုအမူကိုသိလိုစိတ်ချိုးနှိမ်၍မရသည့်အဆုံး၊
တဲ့တိုးပင်ဖွင့်ဟမေးမြန်းရချေသည်။

“အသက်တွေလည်းမငယ်လှတော့ပါဘူးသူကြီးရာ၊
ဘယ်နှယ့်မင်းသားရှုံးအောင်၊ဓာတ်ပုံတွေနင်းကန်ရိုက်ခိုင်းနေရ သတုန်း၊ဧကန္တနှမ်းတွေလွှတ်ကောင်းနေတော့သူကြီးလည်းပျော်နေပုံရတယ်”

“ကျုပ်တယောက်တည်းအတွက်ပျော်တာမဟုတ်ရပါဘူးဆြာဒင်၊
တရွာလုံးအတွက်ပျော်ရတာဆိုပါတော့၊အခုရွှေပင်တရွာလုံးရတနာပုံဆိုက်စေတဲ့၊
မင်္ဂလာမိုးဟာ၊ကျုပ်တာဝန်ယူခဲ့တဲ့သက်တမ်းမှာ၊ရွာခဲ့တာမို့၊ကျုပ်ဟာရွှေပင်ရဲ့နှမ်း များကိုပွင့်စေသူပေါ့ဗျ။တနည်းအားဖြင့်ဆိုရရင်၊
ကျုပ်ဟာခေတ်မီဖွံ့ဖြိုးတိုးတက်တဲ့ရွှေပင်ကိုထူထောင် နိုင်ခဲ့ပြီ ဆိုပါတော့။
ဒီပုံတွေကို ကျုပ်ကိုယ်ပိုင်ဖေ့စ်ဘွတ်မှာတင်မယ်လေ။ဆြာတို့ဆီကိုလည်းရှယ်လိုက်ပါ့မဗျာ”

သူကြီးမင်း၏ဆန္ဒတော်ကိုဖြည့်ဆည်းပေးပြီးသည်နှင့်၊ရွာပြင်ဖက်ဆီသို့
ကျွန်ုပ်တို့ခရီးဆက်ခဲ့ကြပါ၏။ကြုံခဲ့ရသည့်ဖြစ်ရပ်အပေါ်
ဘူးလုံးနားမထွင်းဖြစ်နေဟန်ရှိသည့်၊တပည့်ကျော်ကပ္ပလီကမူ၊
တကိုယ်တည်းတီးတိုးရေရွတ်လျက်ရှိ၏။

“သူကြီးပြောသလိုဆိုရင်ဖြင့်၊ရွှေပင်မှာမိုးရွာတာ၊
သူကြီးရဲ့မဟာဂရုဏာတော်ကြောင့်ထင်ပါရဲ့။ထူးပါဘိ”

သင်းစကားမဆုံးမီမှာပင်ကျွန်ုပ်တို့ရှေ့မှောက်သို့
ဘွားကနဲပေါ်လာပြန်သူကား၊ရွှေပင်ကာလသားခေါင်းဘအောင်လှိုင်ပေတည်း။
သူသည်လည်းနံနက်စောစောမှာဝိရီယကြီးစွာဖြင့်ရွာပြင်ရောက်နေပြန်လေပြီ။

“ဒီမယ်မောင်ဒင်ရဲ့။ရွှေပင်အုပ်ချုပ်ရေးမှာ၊ကျုပ်တို့ကာလသားခေါင်းတွေ
ပါဝင်နေမှုကိုမိုးနတ်မင်းကတောင် လက် ခံတဲ့သဘောကွဲ့ ။ ၊ရွှေပင်မှာရွှေမိုးရွာချတာကိုသာကြည့်ပေတော့ဗျား။
ကဲ၊ကဲ၊ကြုံတုံးကြုံခိုက်၊ကိုရင်တို့ဆြာသမားတွေနဲ့၊
အမှတ်တရဓာတ်ပုံလေးရိုက်လိုက်ကြဦးစို့”

လာပြန်ချေပြီတယောက်၊လက်စွဲတော်လူမိုက်တသိုက်ဖြင့်
၊ရွှေပင်တရွာလုံးထောင်းလမောင်းကြေအောင်၊
ချိုမွှေနေသည့်ဘအောင်လှိုင်လည်း၊ဓာတ်ပုံရောဂါရနေပြန်ချေပြီ။
ဒင်းဇကိုသိပြီးဖြစ်နေသည့်ကျွန်ုပ်တို့ဆြာတပည့်လည်း
ငြင်းဆန်ရန်ခွန်အားမရှိလေသဖြင့်သင်းအလိုကျ၊လိုက်လျောရပြန်ချေသည်။

(သုံး)
ကျွန်ုပ်တို့၏ဝဋ်ကြွေးကား၊ဤမျှဖြင့်မကုန်နိုင်သေးချေ။
ဘအောင်လှိုင်နှင့်လူချင်းခွဲ၍ရွှေပင်ဖက်ဆီသို့၊ခြေဦးပြန်လှည့်စဉ်မှာပင်
၊ရွှေပင်ရွေးကော်ဥက္က၊ဦးကြီးတင်တစ်ယောက်၊ရွာလယ်လမ်းမမှ
ကျွန်ုပ်တို့အား၊ပြုံးရွှင်သောမျက်နှာထားဖြင့်ဆီးကြိုနေပြန်ချေသည်။

အဆင့်သင့်လိုက်လေကိုရင်တို့ရာ။ကျုပ်ရဲ့သီလဂုဏ်သမာဓိဂုဏ်ကို
ယုံကြပြီမဟုတ်လား၊ရွှေပင်မှာရှင်အဇ္ဇဂေါဏမတဲ့ကိန်းကြုံနေပြီ
ဆိုတာမောင်တို့အမြင်ပဲနော်။အမှတ်တရဂရုဖိုတိုလေးတွေရိုက်လိုက်ကြရအောင်

ဦးကြီးတင်အကြောင်းကျွန်ုပ်ကောင်းကောင်းကြီးသိပါ၏။
သူတာဝန်ယူသည့်မဲစာရင်းမှန်သမျှအကုန်မှားလေသဖြင့်
ရွှေပင်တရွာလုံးကမေတ္တာထားကြသူတည်း။သူသည်လည်း ဘာစိတ်ရူးပေါက်သည်မသိ၊အထူးကြီးထူးကာ၊ မျက်နှာငွေလရွှင်ပြပြဖြင့်၊အူမြူးနေပြန်လေပြီ။ကျွန်ုပ်တို့မငြင်းသာပြန်လေ။

သည်မနက်ခင်းသည်ကား၊ကျွန်ုပ်အတွက်အတွေးပွားဖွယ်
နံနက်ခင်းပေတည်း။ရွှေပင်ရွာတဝှမ်းတွင်မေတ္တာရနံ့တို့ထုံလွှမ်းလေပြီလော။
စင်စစ်အားဖြင့်ရွှေပင်သူကြီး၊ဆယ်အိမ်ခေါင်းနှင့်ရွေးကော်ဥက္ကဋ္ဌတို့သည်
ရွှေပင်ကိုအမှန်ပင်ချစ်ရှာကြလေသည်လော။

ကျွန်ုပ်၏ဘေးတွင်ကပ်လျက်လျှောက်နေသောတပည့်တို့ကိုပင်မေ့လျော့ကာ
၊တောင်တောင်အီအီအတွေးရှည်ကြီးတွင်နစ်မြောနေမိသော
ကျွန်ုပ်သည်၊ဒေါသသံစွက်နေသောခေါ်သံတခုကြောင့်၊သတိပြန်ဝင်လာခဲ့၏။

“ဟဲ့၊ငဒင်၊ဒီကိုလာဦး။စောစောစီးစီး၊ဘာသဘောနဲ့အရူးတွေကို
ဘုံမြှောက်နေရသတုန်း”

ခပ်ငေါက်ငေါက်ခေါ်လိုက်သူကား၊ရွာလယ်အကြောတဲဆီမှ၊ကြီးလုံးခင်တည်း။
အသက်ခုနစ်ဆယ်တန်းဝင်နေပြီဖြစ်သည့်ကြီးလုံးခင်မှာ၊
ကျွန်ုပ်ငယ်စဉ်ကပင်ရိုသေလေးစားရသောငယ်ကြောက်ဖြစ်၏။

ရယ်ကျဲကျဲမျက်နှာပေးဖြင့် အကြော်တဲအတွင်းသို့ကျွန်ုပ်တို့ဝင်လိုက်ရသည်။

“ဘာမှမလုပ်ရပါဘူးကြီးလုံးခင်ရယ်။မနက်စောစောလမ်းလျှောက်ထွက်ရင်း၊
သူကြီးတို့ဆယ်အိမ်ခေါင်းတို့တွေ့လို့ ဓာတ်ပုံလေးတွေရိုက်ပေးခဲ့ရုံပါ”

“ဟဲ့၊သေနာ၊ဒင်းတို့က အကြံသမားတွေဟဲ့။ငါးရံ့မင်းပရိတ်ရွတ်လို့မိုးရွာချတာကိုများ ဒင်းတို့၊စွမ်းလို့မိုးရွာသလိုလို ။ဘာတဲ့ ..စတေးတပ်မှာရေးထားပုံက
.နှမ်းများကိုပွင့်စေသူတဲ့
။နောက်တကောင်ကလာလာချည်သေး၊ရွှေပင်အုပ် ချုပ်ရေးလူလွန်မသားများဝင်စွက်မှုမိုးနတ်မင်းလက်ခံတဲ့”

ကြီးလုံးခင်၏ဒေါသကိုအကြောင်းသိသောကျွန်ုပ်ကားလေပြေထိုးရ၏။

“အထင်မလွဲပါနဲ့ကြီးလုံးခင်ရာ။သူတို့ကြည့်ရတာ ရွှေပင်ကိုချစ်ပုံရ..မေတ္တာထား…”

ဟဲ့အကောင်၊တော်တော့၊ဒင်းတို့မနက်စောစောထပြီး
လုံ့လကြီးနေတာ၊လာမဲ့နိုဝင်ဘာ(၈)ရက်နေ့မှာရွေးကောက်ပွဲကျင်းပမဲ့
သတင်းကြေညာလိုက်လို့ဟဲ့။ ဒါကြောင့် ဖုတ်ပူမီးတိုက်
လူအထင်ကြီးအောင်ကြံဖန်ပြီး မဲဆွယ်နေကြ တာ။နင်တို့နဲ့တွဲရိုက်ထားတဲ့ဓာတ်ပုံတွေ၊
ရွာလုံးကျွတ်မြင်ပြီးကုန်ပြီ။ပြောတော့ဖူးခက်လိုမြို့ကြီးမှာနေသတဲ့။
တုံးချက်ကကမ်းကုန်ရောပဲ”

“ဗျာ”

အံ့ဖွယ်မီဒီယာခေတ်ကြီးပါတကား။မိနစ်ပိုင်းအတွင်းမှာပင်၊
ကျွန်ုပ်တို့၏ဓာတ်ပုံများရွှေပင်တရွာလုံးသို့ပျံ့နှံ့ခဲ့လေပြီ။

ကြီးလုံးခင်၏ဒေါသအိုးကား၊ဆက်လက်ပေါက်ကွဲလျက်ရှိ၏။

“ပြောလိုက်ရင်သူတို့အပြင်ရွှေပင်ကိုချစ်တဲ့သူမရှိဘူး။
။ရွှေပင်အကျိုးဆောင်ရွက်ချင်လှပါချည့်ရဲ့ဆိုပြီး၊
တဖွဖွပြောနေတာလည်းဒင်းတို့ပဲ၊လုပ်လိုက်သမျှအစအဆုံး
တခုမကျန်သောက်တလွဲ။ရွှေပင်တရွာလုံးကိုနှိပ်စက်၊ဆင်းရဲတွင်း နက်သထက်နက်အောင်လုပ်၊ဒင်းတို့မှာတော့
ချမ်းသာလိုက်တာထားစရာမရှိတော့ဘူး။
ဒါတောင်ရှက်ရကောင်းမှန်းမသိ။ရွှေပင်တရွာလုံးမွဲတေပြီး
သူကြီးနဲ့သူ့အုပ်စုကျိကျိတက်ချမ်းသာနေတာရှက်စရာမဟုတ်ဘူးလား။
အဲဒီအရှက်မရှိတဲ့သူတွေက၊မဟုတ်မမှန်တာဆက်လုပ်ဖို့၊
အာဏာဆက်လိုချင်သေးတဲ့သေချင်းဆိုးမဲ့ဟာတွေ”

(လေး)
သည်အတိုင်းဆက်နေလျှင်ဖြင့်ဟန်မည့်ပုံမပေါ်လေ။
ကျွန်ုပ်တို့အသာအမြီးကုပ်လျက်၊ကြီးလုံးတင်အပါးမှ၊ခပ်သွက် သွက်ခြေလှမ်းများဖြင့်ထွက်ခွာလာခဲ့၏။

သို့သော်ကြီးလုံးခင်ပေါက်ကွဲသံစဉ်ကားမရပ်။

“ငဒင်၊ဒီလောက်အာဏာရူးနေတဲ့သူတွေကို နင်တို့ကပါအလိုတူအလိုပါမြှောက်ထိုးပင့်ကော်လုပ်နေတာမို့၊နင် လည်းကြံရာပါပဲ။ဒင်းတို့ရွှေပင်မှာလူကြီးလုပ်ကတည်းက၊
တပ်မြေဆိုပြီးသိမ်းလိုက်တာငါလည်းယာပြုတ်နွားပြုတ်၊
အကြော်ရောင်းတာတောင်၊ဆီဈေးကခေါင်ခိုက်၊ကျူးကျော်ဆိုပြီး
အကြော်တဲဖယ်ခိုင်းနေပြီ။သောက်ရေးထဲ ဒီထင်းစက မီးမစွဲပြန်ဘူး။ဟဲ့၊ငဒင်၊ရွာကနေ၊နင်တို့မြန်မြန်ပြန်နော်။ငါ့စိတ်ကိုနင်သိတယ်”

ကြီးလုံးခင်စကားသံမဆုံးမီမှာပင်၊ထင်းချောင်းတိုတစ်ချောင်းသည်
ကျွန်ုပ်နားထင်ဘေးမှ ဝှီးကနဲအသံနှင့်အတူ
ဖြတ်သန်းသွားလေရာ၊ကျွန်ုပ်တို့ဆြာတပည့်တသိုက်
ဖနောင့်နှင့်တင်ပါးတသားတည်းနေအောင်၊ခြေကုန်သုတ်နေ ကြစဉ်တွင်၊တပည့်ကျော်အာရုံခေါ်ဖေကြည်ထံမှ၊
ထွက်ပေါ်လာသောခနဲ့တဲ့တဲ့စကားသံသည်၊
ကျွန်ုပ်အား ကလူကျီစယ်ပြုနေသကဲ့သို့ရှိချေ၏။

“ဗျို့ဆြာ၊ဆိုလက်စသီချင်းလေးဆက်ပါဦးခင်ဗျ။
ဘာတဲ့၊ခင်ယုံကြည်အောင်ပြောစမ်းပါဒင်ရယ်။
ချစ်တယ်ဆိုတာလေးကိုပြောစမ်းပါဒင်ရယ်ဆိုလားဗျာ”

၂၄ ဇူလိုင် ၂၀၁၅ ရက်နေ့ထုတ် သည်လေးဒီးစ် အပတ်စဉ်ဂျာနယ်မှ။ ။

သေနေ့မစေ့ခဲ့သောကျွန်ုပ်နှင့် ရွှေပင်ရွာလုပ်ကြံမှုကြီး

(မင်းဒင်)

(တစ်)

“ဝှီး”

“ဒုတ်”

“ဒုတ်”

“ဒုတ်”

“ဖတ်”

ဝှီးဟူသောအသံမှာကျွန်ုပ်၏နားထင်ဘေးမှတစုံတရာ၊ဖြတ်သွားသည့်
အသံဖြစ်၍ဒုတ်ဟူသောအသံတို့သည်၊ယင်းတစုံတရာ လှည်းနံတိုင်များကိုထိမှန်ရာမှထွက်ပေါ်လာခြင်းဖြစ်ကာ၊
ဖတ်ဟူသောအသံကား၊ကျွန်ုပ်၏နားရွက်ဖျားအားအဆိုပါ တစုံတရာ၊ရှပ်၍မှန်သွားသောအသံဖြစ်လေသည်။

ပူကနဲဖြစ်သွားသောနားရွက်ဖျားကို၊ရုတ်တရက်ယောင်ယမ်း၍
ကိုင်မိရင်း၊စက္ကန့်ပိုင်းမျှငိုင်တွေတွေဖြစ်သွားသော်ငြား
သတိကြီးလှသောကျွန်ုပ်သည်၊ လက်ဝါးနှစ်ဖက်ကိုနောက်စေ့တည့်တည့်တွင်
ဖျတ်ကနဲ ထပ်လျက်အုပ်လိုက်ကာ၊ဦးခေါင်းကိုပေါင်နှစ်လုံးကြားသို့ ရနိုင်သမျှထိုးသွင်းလိုက်၏။ပေါင်ရင်းမှသည်ပေါင်ကြား
အရင်းပိုင်းတိုင်အောင်၊ရနိုင်သမျှတိုးဝှေ့၊ဝှေ့လိုက်ရ၏။

နောက်ထပ်ဒုတ်၊ဒုတ်ဟူသောအသံနှစ်ချက်ကို
ကျွန်ုပ်ထပ်မံ၍ကြားရပြီးနောက်တွင်ကား၊အချိန်အတန်ကြာသည်အထိ၊
မည်သည့်ထူးခြားမှုမျှဆက်လက်ဖြစ်ပေါ်လာခြင်းမရှိသဖြင့်
အခြေအနေသည်အေးဆေး ငြိမ်သက်သွားဟန်ရှိလေသည်။

ပေါင်ကြားမှဦးခေါင်းကိုဇတ်ကနဲပြန်ထုတ်လိုက်ရင်း
၊ဘေးဘီဝဲယာကိုစေ့စပ်သေချာစွာကြည့်ရှုလိုက်ချိန် တွင်မူ၊သံဂေါ်လီငါးလုံးသည်ကျွန်ုမောင်းနှင်လာသည့်
လှည်းကြမ်းပြင်တွင်ဟိုတလုံးသည်တလုံးပြန့်ကျဲလျက်ရှိသည်ကိုတွေ့ရလေသည်။

တရုပ်သိုင်းကားများနှင့်ဟောလီးဝုဒ်အက်ရှင်
ဇာတ်ကားများ၏ကျေးဇူးတရားကား၊လွန်စွာကြီးမားလှချေ သည်။အဆိုပါဘိုင်စကုပ်များကိုကြိမ်ဖန်များစွာကြည့်ရှုခဲ့ဖူးသည့်
ကျွန်ုပ်အဖို့၊မျှော်လင့် မထား သော ရန်သူ ၏ချောင်းမြောင်း
လုပ်ကြံခြင်းခံရပါက၊မည်သို့မည်ပုံလျင်မြန်စွာလှုပ်ရှားတုန့် ပြန်ရမည်
ဆို သည် ကို၊ကောင်းစွာကျင့်သားရ၊ နားလည်ကျွမ်းကျင်နေပြီးဖြစ်ရာ၊ယင်းကြောင့်ပင်၊
ကျွန်ုပ်အသက်ဘေးမှသီသီကလေးလွတ်ခဲ့ခြင်းပေတည်း။

အမိအဘနှင့်တူလှစွာသောဇာတိမြေရွှေပင်ရွာကောင်းစားရေးအတွက်၊
အားသွန်ခွန်စိုက်ကြိုးပမ်းနေသည့်၊သုဝဏ္ဏလျှံနှင့်တူလှစွာသော
အကျွန်ုပ်အား၊အဘယ်မည်သောပီဠိယက္ခလက်သစ်သည်၊
ယုတ်မာပက်စက်စွာချောင်းမြောင်းလုပ်ကြံလေဘိသနည်း။
ရွှေပင်မှာငါ့ရန်သူမရှိလေဟုထင်မှတ်ခဲ့သည်မှာ
အမှားကြီးမှားလေပြီတ ကား။

(နှစ်)
ထိုနေ့၊နေ့လည်ကကျွန်ုပ်သည်နောက်တော်ပါတပည့်ကျော်
များဖြစ်ကြသည့်ကပ္ပလီ၊ဖေကြည်၊လေမင်းသားတို့နှင့်အတူ၊
ရွာ့အနောက်ဖက်ထန်းတောသို့ရောက်ရှိခဲ့ကြ၏။နေညိုချိန်ရောက်လတ်သော်
တပည့်ကျော်တို့မှာလူငယ်ဘာဝဝိုင်းဖွဲ့သောက်စားပျော်ပါးကြသော်ငြား၊
ကျွန်ုပ်ကဲ့သို့ဂုဏ်သရေရှိလူကြီးလူကောင်းတစ်ယောက်အနေဖြင့်၊
ထိုဝိုင်းမျိုးတွင်ပါဝင်ရန်၊မသင့်လျော်လေရကား၊ကျွန်ုပ်တစ်ဦးတည်း
ကိုယ်တိုင်နွားလှည်းမောင်းလျက်၊တည်းခိုရာအိမ်သို့ပြန်လာခဲ့စဉ်၊
ရွာလယ်လမ်းမကြီး၏လမ်းဆုံတစ်နေရာတွင်
၊နောက်မှလိုက်ပါလာသောအခြားလှည်းတစ်စီးက၊
ကျွန်ုပ်၏လှည်းကိုဘေးချင်းယှဉ်လျက် အနေအထားဖြင့်၊
ကျွန်ုပ်အားလုပ်ကြံရန်ပြုခဲ့ကြခြင်းဖြစ်၏။

ကျွန်ုပ်လုပ်ကြံခံရသည့်သတင်းသည်ရွှေပင်တရွာလုံးသို့တောမီးပမာ
တမဟုတ်ချင်းပျံ့နှံ့သွားခဲ့လေသည်။ရွှေပင်တွင်တရားဥပဒေစိုးမိုးသည်ဟု
ယုံကြည်လေသောကျွန်ုပ် သည်လည်း၊သက်သေခံသံဂေါ်လီတို့နှင့်အတူ
၊ရွှေပင် သူကြီးထံသတင်းပို့တိုင်ကြားခဲ့ပါ၏။ခေါင်းနှင့်ကိုယ်အိုးစားမကွဲ၊ ခလုပ်မထိဆူးမငြိသည့်အနေအထားဖြင့်၊ကျွန်ုပ် အားတွေ့မြင်လိုက်ရသော သူကြီးမင်းသည်နေ့ခင်းကြောင်တောင်တစ္ဆေခြောက်ခံရသူကဲ့သို့ဖြစ်လျက်ရှိကြောင်း သူ၏တအံ့တသြရေရွတ်သံတို့ကသက်သေခံလျက်ရှိလေသည်။

“သြ၊ခင်ဗျားမသေသေးပဲကိုး။ကျုပ်လည်းခင်ဗျားမသေသေးတာကို..
အဲ၊ခင်ဗျားကိုလောက်လေးခွနဲ့ဘယ်သူတွေများ
ကျီစယ်ပါလိမ့်ဆိုတာကိုအံ့သြနေတာဗျ”

သည်တခေါက်ဖူးခက်မှသည်ရွှေပင်ဆီသို့ကျွန်ုပ်တို့ဆြာတပည့်တသိုက်၊
တက်သုတ်နှင်လာရသည့်အကြောင်းရင်းခံမှာမကြာမီကျင်းပတော့မည့်
(၂၀၁၅)ရွေးကောက်ပွဲအားတရားမျှတသောရွေးကောက်ပွဲဖြစ်ရန်အလို့ငှာ၊
အပူတပြင်းရောက်ရှိလာခဲ့ကြခြင်းဖြစ်လေရာ၊သူကြီးမင်းအနေဖြင့်
ကျွန်ုပ်အားမေတ္တာတော်အနန္တစူးရှလေသည်မှာဆန်းလှသည်ကားမဟုတ်။

ကျွန်ုပ်တို့ဆြာတပည့်တသိုက်သည်အချိန်ရှိခိုက်လုံ့လစိုက်ကာ
၊ရွှေပင်သူကြီးမင်း၊ဆယ်အိမ်ခေါင်း၊ကာလသားခေါင်းနှင့်
ယင်းတို့၏ဆွေတော်ရှစ်သောင်းမျိုးတော်ပေါင်းတို့၊ရွှေပင်တွင်
ထင်တိုင်းကြဲလေသမျှမတရားမှုတို့ကိုရာဇဝင် အူပေါက်ဖော်ထုတ်ခဲ့ကြ၏။ကိုယ်ကျိုးရှာလာဘ်စားမှု၊မတရားမှု၊
ဥပဒေမဲ့ညှင်းပမ်းနှိပ်စက်မှုနှင့်အာဏာရူးပုံတို့ကို
ရွှေပင်သားတို့သိစေရန်ဖော်ထုတ်ဟောပြောခဲ့ကြ၏။

ဤသည်ပင်ဆိုခဲ့သောလုပ်ကြံမှု၏အကြောင်းရင်းခံဖြစ်ဟန် ရှိလေသည်။

ယင်းလုပ်ကြံမှုဖြစ်ပွားပြီးနောက်နာရီပိုင်းအတွင်းမှာပင်၊ရွာတောင်ပိုင်းမှ
ဘိန်းစားငမြင့်နှင့် ငစွေတို့ကိုသံသယရှိ သူ များအဖြစ်၊သူကြီး
ကိုယ်တိုင်ဖော်ထုတ်ဖမ်းဆီးခဲ့လေရာ၊
ကျွန်ုပ်အားလုပ်ကြံမှုကို သူကြီး မင်းကိုယ်တိုင် စိတ်ဝင် တစားရှိကြောင်း၊ထင်ရှားလျက်ရှိ၏။သို့သော်…။

(သုံး)
ထိုသို့သော်သည်၊ဘိန်းစားငမြင့်နှင့်ငစွေကိုဖမ်းဆီးရမိပြီး
၊နှစ်ရက်မျှအကြာတွင်ကျွန်ုပ်၏တပည့်ကျော်ကပ္ပလီတစ်ယောက်
ကျွန်ုပ်အားမသင်္ကာသောမျက်နှာပေးဖြင့်၊မေးမြန်းစပ်စုမှုတွင်မြစ်ဖျားခံ၏။

“စိတ်တော့မရှိနဲ့ဆြာ၊ချောစိန်မဆိုတာကြားဖူးလား”

“သိပါသော်ကောမောင်”

“အင်း၊အဲဒီချောစိန်မကိုဆြာသမားစာလိုက်ပေးဖူးတယ်ဆိုတာကော
ဟုတ်သလားဆြာ”

“ဟေ၊ငါ့တပည့်ပြောမှရေးတေးတေးပေါ်လာပါပကော၊ပေးဖူးတယ်ထင်ပါရဲ့”

“အဲဒါပေါ့ဆြာ၊တကယ်တော့ဆြာ့အပြစ်လည်းမကင်းလှဘူးလေ။
အခုသံဂေါ်လီပြဿနာဟာ ချောစိန်မကို ဆြာစာပေးဖူးတဲ့ရန်ကြွေးတဲ့ခင်ဗျ”

“သေဟဲ့နန္ဒိယ၊ချောစိန်မကိုငါစာပေးဖူးတာလွန်ခဲ့တဲ့အနှစ်လေးဆယ်ကဟဲ့ငတုံးရဲ့။
အခုချောစိန်မ၊အပျိုကြီးဘ ဝနဲ့ဆုံးတာ တောင် အနှစ်နှစ်ဆယ်ပြည့်တော့
မယ်။နေပါဦးလဟ။ဒီသတင်းဘယ်ကနေထွက်လာတာတုန်း”

“သူကြီးတပည့်တွေပြောနေတာနားစွန်နားဖျားကြားမိတာပါဆြာရယ်”

“နေပါဦးမောင်ကပ္ပလီရယ်။ချောစိန်မကို စာပေးလို့ရာဇဝတ်မှုမြောက်တယ်ဆိုရင်လည်း၊လူသတ်ရန်ကြံစည်မှု နဲ့ သီးခြားစီမဟုတ်လား။ရည်စားစာပေးမိလို့၊အသတ်ခံရရင်
ဘဲစားဘဲချေ၊ကြေရောဆိုပြီးချေလို့ရသတဲ့လားမောင်”

“ဟုတ်ပါပြီဆြာရဲ့။နောက်တခုကြားမိတာက ဒီကျေးလက်လူငယ်တွေဟာ၊ဆြာဒင့်အပေါ်မကျေနပ်ချက်လေး တချို့ရှိလို့၊လောက်လေးခွလေးတွေနဲ့၊မထိတထိကလိတာလို့လည်းဆိုကြတယ်ဆြာ”

“နင့်အမေကလွှား။လှည်းသံဂေါ်လီထိချက်ပြင်းလွန်းလို့
လှည်းနံတိုင်တွေတောင်ချိုင့်ဝင်ကုန် တာ မထိတထိ တဲ့လား။ဒီသူကြီးလက်ပါးစေတွေနဲ့တော့ခက်နေပါပြီကွာ”

ဤသို့ဖြင့်ရက်သတ္တနှစ်ပတ်ခန့်မျှကြာမြင့်သည့်တိုင်
လုပ်ကြံမှု၏နောက်ဆက်တွဲသတင်းကို၊တစွန်းတစမျှ
မကြားသိရတော့သည်ဖြစ်ရာ၊ကျွန်ုပ်အနေဖြင့်
ဆက်လက်အောင့်အည်းသည်းခံခြင်းငှာမတတ်သာတော့သည့်အဆုံး၊
အမှုခြင်းရာနှင့် ပတ်သက်သောနောက်ဆုံးအခြေအနေ ကိုသိရှိနိုင်ရန်အလို့ငှာ၊ကျွန်ုပ်ကိုယ်တိုင်ပင် သူကြီး၏အိမ်တော်သို့ တပည့်တို့ခြံရံလျက်ရောက်ရှိခဲ့ရပြန်ချေသည်တမုံ့။

(လေး)
သူကြီးမင်းအိမ်သို့ ကျွန်ုပ်တို့ဆြာတပည့်တစ်သိုက် ရောက်ရှိသွားချိန်တွင်၊
သူကြီးမင်းသည် သူ့အိမ်ရှေ့ရှိ၊ သရက်ပင်ပုကလေးတွင်ပြွတ်နေအောင် သီးနေသောသရက်သီးတို့၏ဖင်ကိုတစ်လုံးချင်းလိုက်စမ်းလျက်ရှိ၏။

ကျွန်ုပ်ကိုမြင်သော်သူသည်မအူမလည်မျက်နှာပေးနှုတ်ခမ်းပါးကလေးဖြင့်
ပဋိသန္ဓာရစကားဆိုသည်။

“ဟော၊ဆြာဒင်ပါကလား။ဘာများအကြောင်းရှိလို့ပါလိမ့်။
သွားသတိလာသတိစားသတိတဲ့နော်”

“ဟင်။ဘာအကြောင်းရှိရမလဲ။ကျုပ်ကိုမာလကီးယားအောင်
လုပ်လိုက်တဲ့ကိစ္စလေ။တရားခံတွေကို တိတိကျကျ စစ်စစ်ပေါက်ပေါက်မေးမြန်းပြီး၊ကြံရာပါတွေကိုဖော်ထုတ်၊
ရွာမွန်ဂတ်ကိုပို့၊ပြီးတော့ နတ်မောက်တရားရုံးမှာ တရားစွဲတင်ပြီးထိုက်သင့်တဲ့ပြစ်ဒဏ်ကျခံစေရမှာ၊
သူကြီးတာဝန်မဟုတ်လားဗျာ။ကျုပ်သာသွားလေရာသတိမကပ်နိုင်ခဲ့ရင်၊
အဲဒီနေ့ကတည်းကကာလနာတိုက်ပြီပေါ့ဗျာ။ရှင်းနေတာပဲ”

“အဲဒါတွေခက်တာပဲဆြာဒင်။နှုတ်ကြောင့်သေ၊လက်ကြောင့်ကြေသတဲ့”

“အေးလေ။လူမသမာတွေလက်ချက်ကြောင့်
ကျုပ်သေဘေးကနေလွတ်လာခဲ့ပါပကော”

“ဒါကိုပြောတာမဟုတ်ဘူးဆြာဒင်။ဆြာဒင်ရွာထဲမှာ၊
ကျုပ်တို့သိက္ခာကျရာကျကြောင်းတောင်ပြောမြောက်ပြောလျှောက်ပြောနေတာ
ကိုဆိုလိုတာ”

“ကျားသားမိုးကြိုး။လက်စသတ်တော့သူကြီးကိုယ်တိုင်အလိုတူ
အလိုပါသဘောဖြစ်နေသကိုး။ဒီမယ်သူကြီး။ အခု ဖမ်းမိထားတဲ့
ငမြင့်နဲ့ငစွေဟာ၊ဆယ်အိမ်ခေါင်းနဲ့
ကာလသားခေါင်းလက်ရင်းတပည့်တွေလေ။
ဒီကိစ္စဘယ်သူ့လက်ချက်ဆိုတာတရွာလုံးသိပြီးသားပါဗျာ။
ခင်ဗျားလည်းသိတယ်။ကျုပ်လည်းသိတယ်။
အမှုကိုပေါ့ပျက်ပျက်ဖြစ်အောင်မုန်လာဥလုပ်ဖို့မကြိုးစားပါလေနဲ့”

ကျွန်ုပ်၏စကားသံတွင်ဒေါသစွက်လျက်ရှိသော်ငြား
သူကြီးမင်းမှာမူလေသံအေးဖြင့်ပင်တုန့်ပြန်၏။

“အေးအေးဆေးဆေးပြောလည်းဒီစကားပါပဲဗျာ။
ဒီကိစ္စမျိုးဟာအဆန်းတကြယ်မဟုတ်လှပါဘူးလေ”

“ဗျာ။အသက်သေအောင်သတ်တဲ့ကိစ္စထက်ဆန်းတဲ့ကိစ္စ
၊လောကကြီးမှာရှိသေးလားဗျာ။စိတ်ပျက်ဖို့ကောင်းလိုက် တဲ့သူကြီး၊ညောင်နာနာလေသံနဲ့သူတော်ကောင်းအိုက်တင်ထုတ်နေတာ
ဘာသဘောလဲဗျာ”

ကျွန်ုပ်၏ဒေါသအိုးပြင်းထန်စွာပေါက်ကွဲနေသော်ငြားသူကြီးမင်းကမူ
၊နှုတ်ခမ်းထောင့်ကိုမသိမသာကွေးသွား အောင်မဲ့တဲ့တဲ့ပြုံးလိုက်ရင်း
တည်ငြိမ်စွာပင်တုန့်ပြန်စကားဆိုသည်။

(ငါး)
“ဒီမယ်ဆြာဒင်။ကျုပ်တို့ရွှေပင်လိုဘာမဟုတ်တဲ့ဇနပုဒ်မှာ၊
ခင်ဗျားလိုလူကိုလေးဂွနဲ့ပစ်တာဘာမှမဆန်းဘူးခင်ဗျ။
ရန်ကုန်လိုရွှေမြို့တော်ကြီးမှာတောင်၊အစိုးရမင်းများအပေါ်
ဝေဖန်ခြေကျောက်တဲ့နိုင်ငံကျော်သတင်းစာတိုက်ပိုင်
သူဌေးကြီးကိုတောင်မီးပွိုင့်မှာလေးဂွထဲကုန်းသီးထည့်ပစ်တာ
အခုချိန်အထိ၊ရေရေရာရာဘယ်မှာလာဖော်ထုတ်နိုင်လို့တုန်း။

သိပ်မကြာသေးတဲ့လပိုင်းကလည်း မြို့တော်ခန်းမရှေ့မှာဆူဆူပူပူ
လာလုပ်တဲ့သူတွေကို လက်ပတ်နီ တွေလွှတ်ပြီးအရိုက်ခိုင်းတဲ့ ကိစ္စခင်ဗျားမှတ်မိတယ်မဟုတ်လား။အဓိကတာဝန်ရှိသူတွေ
ဘာမှမဖြစ်တဲ့အပြင်၊လက်ပတ်နီကိစ္စသတင်းလိုက်တဲ့
သတင်းထောက်ကိုတောင်၊ထပ်ရိုက်ပြလိုက်သေးတယ်လေ။

ကျုပ်တို့အာဏာပိုင်အဖွဲ့အစည်းအဆင့်ဆင့်ဆိုတာ
အထက်အဖွဲ့တွေရဲ့လုပ်ပုံကိုင်ပုံကို နမူနာယူပြီးလုပ်ကြရတာဗျ။
ဒီတော့ ခင် ဗျားမပူပါနဲ့ဗျာ ။ရန်ကုန်လုပ်ကြံမှုပေါ်လာရင်ရွှေပင်လုပ်ကြံမှုပေါ်ရပါစေ့မယ်။ရှင်းတယ်နော်”

ပါးစပ်အဟောင်းသားဖြင့်ကျွန်ုပ်ဘာပြောရမည်ကိုမသိမီမှာပင်
သူကြီးမင်းကစကားဆက်၏။

“ဒီမယ်ဆြာဒင်။ခင်ဗျားကိုလည်းတရွာတည်းသားချင်းမို့
သတိပေးလိုက်ပါရစေ။ရန်ကုန်မှာအစိုးရကိုပုတ်ခတ်နေတဲ့ ဥပဒေဒေါက်တာဘွဲ့ရအမျိုးသမီးအမတ်ကိုတောင်၊ရန်ရှာဖို့ခြိမ်းခြောက်နေပြီနော်။
ခင်ဗျားရော၊ခင်ဗျားတပည့်ကျော်နောက် တော်ပါတွေပါ
၊ရွှေပင်မှာအပြောအဆိုဆင်ခြင်ပါလေ”

ပြောပြောဆိုဆိုသူကြီးမင်းသည်၊သူ့အိမ်တံခါးကိုတွန်းဖွင့်ရင်း၊
အိမ်အောက်ထပ်ဧည့်ခန်းဆီသို့တည်ငြိမ်သောခြေလှမ်းများဖြင့် ကြွချီတော်မူရာ၊ဧည့်ခန်းအတွင်းရှိယိုးဒယားလုပ်ပက်လက်
ကုလားထိုင်(ဒရင်းဘက်)နှစ်လုံးပေါ် တွင်အငြိမ့်သားစံပယ်လျက်ရှိသည့်
ဘိန်းစားငမြင့်နှင့်ငစွေ
သကောင့်သားနှစ်ကောင်ကို ဖျတ်ကနဲမြင်လိုက်ရပါချေ ၏။

သင်းတို့၏နံဘေးတွင်ရာဂဏန်းချီသောလောက်လေးခွများနှင့်
ထောင်ချီသောသံဂေါ်လီပုံကြီးကိုလ ည်းထင် ရှားစွာမြင်တွေ့ရ၏။သတ္တိသွေးစွေးစွေးနီသည့်ပုဂံမျိုးဆက်
ကျွန်ုပ်အတွက်ထွေထူး၍မတုန်လှုပ်မိသော်ငြား၊
လုပ်ကြံမှုဖြစ်စဉ်ကိုသိပြီးလည်းဖြစ်၊ငမြင့်နှင့်ငစွေ
တို့ကိုလည်းကောင်းကောင်းကြီးမျက်မှန်းတန်းမိနေသော
တပည့်ကျော်တို့မှာသည်းဆုတ် အေးမျှကြောက်ရွံ့
တုန်လှုပ်ကြဟန်ဖြင့်၊မတ်တတ်ရပ်လျက်ပင်သေးဖြန်းဖြန်းပါကြကုန်၏။

(ခြောက်)
ကျွန်ုပ်တို့၏အပြန်လမ်းတွင်၊ရွှေပင်ညသည်မှောင်မိုက်လျက်ရှိ၏။
ထို့အတူကျွန်ုပ်၏စိတ်အစဉ်သည်လည်းမိုက်မဲလျက်ရှိ၏။
အဘယ်ကြောင့်ဆိုသော်၊ကျွန်ုပ်၏စိတ်တွင်ရွှေပင်သူကြီး၊ဆယ်အိမ်ခေါင်းနှင့်
ကာလသားခေါင်းတို့၏ ဆွေခုစ်နှဆက်မျိုးခုနှစ်ဆက်အား၊
အရှင်လတ်လတ်တကိုယ်လုံးမြေမြှုပ်လျက်၊
ဦးခေါင်းကိုသာဖော်ထားပြီး၊မသေ မချင်းထွန်ခြစ်ဖြင့်၊တိုက်ကာ၊ တစစီဖြစ်အောင်တိုက်ကြိတ်လက်စားချေ
လိုစိတ်ပြင်းထန်နေ၍ဖြစ်လေသည်။

ရွှေပင်ရွာရှေ့ရေး အတွက်ကျွန်ုပ်လွန်စွာရင်လေးလှချေသည်တကား။

၁၇ ဇူလိုင် ၂၀၁၅ သည်လေးဒီးစ်အပတ်စဉ်ဂျာနယ်မှ။ ။

မိုးနတ်မင်းကိုအန်တုခြင်း
(မင်းဒင်)

(၁)
“တနိုင်ငံလုံးပျက်စီးခြင်းငါးပါးဆိုက်နေပြီအန်ကယ်ရဲ့”

“တိုင်းပြည်သယံဇာတတွေတင်ဘယ်ကမလဲအန်ကယ်၊
လူတွေရဲ့စိတ်ဓာတ်တွေပါအောက်ဆုံးအဆင့်အထိထိုးကျကုန်တာ၊
ဘယ်လိုလုပ်ပြုပြင်လို့ရပါတော့မလဲ”

“သတ်ဖို့လိမ်ဖို့ဝန်မလေးပဲ၊မတရားမှု၊မသမာမှုတွေကိုပြောင်ပြောင်
တင်းတင်းလုပ်ရဲနေကြတဲ့ခေတ်ကြီးကိုရောက်နေတာလေ”

“အစိုးရအဖွဲ့ရဲ့အဓိကတာဝန်ရှိသူတွေကပါ၊ပေါကြောင်ကြောင်စကားတွေကို၊
ပညာရှိကြီးလေသံနဲ့၊စွာကျယ်ဖွာလောင်ပြောနေမှတော့ဒီတိုင်းပြည်ပျက်ပြီပေါ့”

“လူငယ်တွေရဲ့အနာဂတ်ဟာအပြီးတိုင်ပျောက်ဆုံးသွားပြီအန်ကယ်”

အထက်ဖော်ပြပါစကားသံတို့မှာပညာတတ်မြန်မာမိန်းခလေးနှစ်ဦး၏
ညည်းညူသံများဖြစ်ပါသည်။ဖူးခက်ကိုအလည်အပတ်ရောက်လာသော
သူတို့နှစ်ဦးသည်၊ကျွန်တော့်သမီးအရွယ်များသာဖြစ်၍၊
ညစာအတူစားကြရင်း၊တောအကြောင်းတောင်အကြောင်း
၊ရောက်တတ်ရာရာ၊ပြောဆိုနေကြရင်းမှ၊အဆိုပါ
ညည်းတွားသံများပေါ်ထွက်လာ ပြီးချိန်တွင်၊
ကျွန်တော်တို့စကားဝိုင်းသည်ရုတ်တရက်တိတ်ဆိတ်ခြောက်ကပ်သွားခဲ့လေသည်။

သူတို့၏မျက်နှာတွင်စိတ်ပျက်အားငယ်ခြင်းအတိပြီးလျက်ရှိ၏။
ကမ်းမမြင်လမ်းမမြင်သောပင်လယ်ပြင်ခရီးကို ဟို သည်ရော်ရမ်းမှန်းဆလျက်၊လက်ပစ်ကူးနေရသူတို့ကဲ့သို့
အကြီးအကျယ်စိတ်ဓာတ်ကျနေသည့်ခံစားချက်မျိုး၊
သူတို့မျက်နှာများတွင်ထင်ဟတ်လျက်ရှိ၏။

သူတို့မှတ်ချက်ပြုညည်းညူသောအချက်အလက်တို့မှာ၊
မှန်လွန်းကြီးမကမှန်နေလေသဖြင့်၊ကျွန်တော်ကိုယ်တိုင်ပင်၊
စိတ်ပျက်ချင်သလိုလိုဖြစ်သွားခဲ့သည်မှာလည်းအမှန်ပင်ဖြစ်ချေ၏။
ကျွန်တော်ရုတ်ခြည်းငိုင်တွေသွားခဲ့သည်။

(၂)
အချိန်အတန်ကြာငြိမ်သက်နေပြီးနောက်၊ကျွန်တော့်ခေါင်းထဲတွင်
စိတ်ကူးတစ်ခုပေါ်လာသည်နှင့်သူတို့မျက်နှာ ကိုစေ့စေ့ကြည့်ရင်း၊စကားဝိုင်းကိုပြန်လည်အသက်ဝင်စေလိုက်မိ၏။

“အင်း၊ညည်းတို့ပြောတာလည်းအမှန်ပဲဟ။လောကကြီးမှာ
တချို့ပျက်စီးမှုတွေဟာ၊ပြုပြင်နေမဲ့အစား
အသစ်တည် ဆောက်လိုက်တာကမှကောင်းဦးမယ်။
တို့တိုင်းပြည်ဖြစ်ပျက်နေပုံတွေဟာပြန်ပြင်လို့ရမဲ့လက္ခဏာမတွေ့ရဘူး။
ဒါ ကြောင့်နိုင်ငံတော်ကိုအမြန်ဆုံးနည်းနဲ့အသစ်ပြန်လည်
တည်ဆောက်ရေးအတွက်၊ငါတို့၊ညည်းတို့တက်တက်ကြွကြွ
ပါဝင်မှဖြစ်တော့မယ်ထင်ပါရဲ့”

သူတို့မျက်နှာသည်ချက်ခြင်းဝင်းကနဲလက်ကာအရောင်ပြောင်းသွားသည်ဟုထင်ရလေ၏။
တတ်နိုင်သည့်အနေအထားမှရရာနည်းလမ်းဖြင့်၊
ဝိုင်းဝန်းလိုသောစိတ်အားတက်ကြွသည့်မျက်နှာပေးမျိုးကိုလည်းတွေ့မြင်ရသည်။
ထိုစဉ်ကျနော့်စကားကိုရှေ့ဆက်လိုက်ရ၏။

“နိုင်ငံတော်သစ်တည်ဆောက်ဖို့ဆိုတာ၊လက်ရှိနိုင်ငံတော်ကြီး
အမြန်ဆုံးနည်းနဲ့ဘုန်းဘုန်းလဲသွားမှဖြစ်မှာလေ။ ဒါကြောင့်ညည်းတို့ငါတို့လည်း၊တိုင်းပြည်ကိုအမြန်ဆုံးပျက်စီးသွားအောင်၊
ကိုယ်တတ်ထားတဲ့ပညာ၊ကိုယ်တတ်ထားတဲ့နည်းလမ်းတွေနဲ့
ဝိုင်းဖျက်ကြရမှာပေါ့။ဒင်းတို့ကလည်းဖျက်၊တို့လည်းဝိုင်းဖျက်ဆိုတော့၊
အဖျက်အင်အား ကောင်းလာမှာပါ။သိပ်မကြာလောက်တော့ပါဘူး”

ဝါးကနဲသူတို့ပွဲကျသွားကြသည်။သူတို့နှစ်ဦးကျယ်လောင်စွာတပြိုင်တည်း
ရယ်မောလိုက်သံသည်၊သွေ့ခြောက်နေ သော
စကားဝိုင်းကိုပြန်လည်စည်ပင်လာစေခဲ့လေပြီ။
စင်စစ်ကျွန်တော်သူတို့ကိုပြက်လုံးထုတ်လိုက်ခြင်းသာဖြစ်ပါ သည်။သူတို့အရယ်အပြုံးမဆုံးမီမှာပင်ကျွန်တော့်စကားကိုဆက်ခဲ့ရပါ၏။

“ဒါနဲ့စကားမစပ်၊ဒီမနက်ပိုင်းမှာအန်ကယ်ကိုယ်တိုင်ကြုံခဲ့ရတဲ့အဖြစ်လေး
တစ်ခုကိုနားထောင်ကြည့်ကြပါဦး။တို့ရှာနေတဲ့အဖြေတွေ့လိုတွေ့ငြားပေါ့”

သူတို့ငြိမ်သက်စွာကျွန်တော့်စကားကိုနားစွင့်နေကြရာ၊
ကျွန်တော်ထိုနေ့က၊ညစားထမင်းစားဝိုင်းတွင်၊ကျွန်တော်
ပြောပြဖြစ်ခဲ့သောအကြောင်းအရာမှာအောက်ပါအတိုင်းဖြစ်ပါသည်။

(၃)
နံနက်ကိုးနာရီခန့်အချိန်ဖြစ်၏။အိမ်နောက်ဘက်ကကွက်လပ်ရှိရာသို့
ကျွန်တော်အမှတ်မထင်ရောက်သွားချိန်တွင်ဟီးထနေ သောအမှိုက်ပုံကြီးက ကျွန်တော့်ကိုဆီးကြိုလျက်ရှိ၏။ငြုပ်ဆီထည့်သောသစ်သား သေတ္တာများ၊ ပျဉ်ပါးနှင့်မျှစ်ခွံတို့ဖြင့်ပြုလုပ်ထားသောထုံးပုံးအခွံများ
၊မြန်မာပြည်ထွက်ပစ္စည်းမျိုးစုံထုတ်ပိုးသည့်စက္ကူပုံးအခွံမျိုးစုံတို့
ပါဝင်သည်အမှိုက်ပုံကြီးသည်မိုးရေတို့ဖြင့်ရွှဲနစ်နေလေသည်။

ထုထည်ကြီးမားကာအရည်အတွက်များလှသော၊
သည်အမှိုက်တွေကို၊တစ်ရက်ခြားမီးရှို့ရသည်။
သည်လောက်များသည်မြန်မာပြည်ထွက်ပစ္စည်းထုတ်ပိုးခွံတို့ကို၊ခြံရှေ့တွင်စွန့် ရန်မဖြစ်နိုင်သောကြောင့်ဖြစ်၏။

ဤရက်ပိုင်းများတွင်ဖူးခက်တွင်မိုးရွာရက်စိတ်သည်ဖြစ်၍၊
ဆိုင်ကိုတာဝန်ယူထားသောတူတော်မောင်နှင့်အဖွဲ့ ယင်းအမှိုက်ပုံကိုမီးရှို့မရှင်းလင်းနိုင်ပဲ၊သည်အတိုင်း
လက်လျော့ထားကြဟန်တူသည်။ကျွန်တော့်စိတ်ထဲတွင် မသက်မသာဖြစ်လာသည်နှင့်အမှိုက်ပုံအားအောင်မြင်စွာ
မီးရှို့ရှင်းလင်းနိုင်မည့်နည်းလမ်းကိုအပြေးအလွှားကြံဆရသည်။
မိုးကားအုံ့လျက်ပင်ရှိ၏။

ဖြစ်သည့်နည်းနှင့်ရှင်းမည်ဟုငယ်စိတ်ပေါ်မိသောကျွန်တော်သည်
၊ရေတွေရွှဲနစ်နေသည့်အမှိုက်ပုံတွင်းရှိ၊ငြုပ်ဆီ သေတ္တာတွင်းမှ
ရှားရှားပါးပါးကောက်ရိုးခြောက်တချို့နှင့်ကတ္တူစက္ကူပုံးခွံတခုကို
လှန်လှောရှာဖွေကာ၊အမှိုက်ပုံကြီး၏အစွန်းတစ်နေရာမှမီးတင်ရှို့ရန်
အားထုတ်သည်။ခြောက်သွေ့သည်ဟုထင်ရသောအရာတို့သည်
မိုးငွေ့အခံကြောင့် ရုတ်တရက်မီးမစွဲချေ။

တတိယအကြိမ်မြောက်အားထုတ်ရာ၊မီးတောက်သေးတစ်ခုနှင့်
မီးခိုးတို့အူလာသည်။ သို့သော်မီးညွန့်ငယ်သည်၊ ရွှဲရွှဲစိုနေသောအမှိုက်ပုံကြီး၏အစိုဓာတ်ကိုမလှန်နိုင်ရှာချေ။မကြာမီမီးငြိမ်းသွားခဲ့၏။

အရေးထဲတွင်၊အုံ့နေသောမိုးသည်ရွာမယောင်ဖြစ်လာကာ၊
တိုက်နေသောလေထဲတွင်မိုးငွေ့ပါပြန်သည်။
ကျွန်တော်လက်လျော့လိုက်ချင်သလိုလိုဖြစ်လာသည်။

အမှိုက်ပုံသည်ကျွန်တော့်မခံချင်စိတ်ကိုနှိုးဆွနေချေပြီတကား။
ဓာတ်ဆီ၊ဒီဇယ်၊ဖယောင်းခဲတို့ကဲ့သို့မီးလောင်ခြင်းကို
လျင်မြန်စွာအားပေးသောအရာတို့အဆင်သင့်ရှိလျှင်မူ၊ကောင်းလေစွ။
သို့သော်လတ်တလောအားဖြင့်ကျွန်တော့်အိမ်တွင်အရံသင့်မရှိချေ။

(၄)
ကောင်းကင်တမွတ်ကြယ်ကိုဆွတ်အံ့ဟူသောယောက်ျား
တံခွန်စိတ်ဓာတ်သည်၊နံကြိုနံကြားမှ၊အမှတ်မထင်ထွက်ပေါ်လာဟန်
ရှိလေသည်။မဟာဇနက္ကထုံးနှလုံးမူပြီးသည်၏နောက်တွင်ကား
၊ရေစိုအမှိုက်ပုံကြီး၏ထောင့်တစ်နေရာတွင်၊မီးကောင်းစွာစွဲခဲ့လေပြီ။

ထိုသည်နှင့်တချိန်တည်းလိုမှာပင်၊မိုးစက်မိုးပေါက်တို့ကျစပြုလာလေရာ၊
အိမ်ခေါင်မိုးသွပ်တို့အား၊တဖြောင်းဖြောင်းမြည်အောင်ထိမှန်နေသည့်
အသံတို့ကိုကြားရစပြုလာပြန်၏။စွဲကာစမီးတောက်သည်
မိုးပေါက်တို့နှင့်ပက်ပင်းဆုံပြန်သဖြင့်၊
ကျွန်တော့်ရင်မှာထိတ်ကနဲဖြစ်ရသည်မှာလည်းအမှန်ဖြစ်၏။

သို့သော် နောက်ဆုတ်ရန်ကိုမူ၊ကျွန်တော်စိတ်မကူးမိတော့။
အမှိုက်ပုံကိုအမြန်ဆုံးမီးစွဲလောင်စေမည့်အနေအထားဖြစ်အောင်
တတ်စွမ်းသမျှကျွန်တော်အားထုတ်ခဲ့၏။ခပ်ကျဲကျဲကွက်ကြားမိုးသည်
မီးပုံပေါ်သို့၊အဆက်မပြတ်ကျရောက်နေသော်ငြား၊
အမှိုက်ပုံမီးတောက်သည်ရုတ်ခြည်းမငြိမ်းပဲ၊မိုးကိုအံတုနေလေသည်။

မိုးပေါက်တို့သည်ရံခါ၌စိပ်၏။ထို့အတူရံခါ၌ကျဲ၏။တောက်လောင်လက်စ
မီးတောက်တို့၏အပူရှိန်သည်ကပ်လျက်ရှိသော
၊လောင်စာအစိုတို့ကိုကြိုတင်ခြောက်သွေ့စေခြင်းဖြင့်၊
မီးတောက်မီးလျှံသည်ကြီးမားသည်ထက်ကြီးမားလာလေရာ၊မိုးကိုမမှုတော့ချေ။

ကျွန်တော်လက်ဦးမှုရခဲ့လေပြီ။မီးခိုးငွေ့များကြောင့်နှပ်ချေးရောမျက်ရည်ပါ
ကျွန်တော်သုတ်နေရချိန်၌အမှိုက်ပုံတွင်တောက်လောင်နေသော
မီးတောက်မီးလျှံတို့သည်မိုးကိုထီမထင်ပဲ၊အာခံအံတုနေနိုင်လေပြီ။

မိုးတဖွဲဖွဲရွာနေစဉ်အချိန်၊မိုးရေရွှဲနစ်နေခဲ့သောအမှိုက်ပုံကြီးသည်
မိုးဖွဲတို့အောက်မှာပင်တစခန်းသိမ်းကာနိဌိတံခဲ့ ပါ၏။
သာမန်ခြောက်သွေ့သောနေ့ရက်များတွင်
တနာရီခန့်အချိန်အတွင်းပြီးပြတ်သော၊အနှီစစ်ဆင်ရေးသည်
ထိုနေ့ကမူ၊သုံးနာရီးနီးပါးကြာမြင့်ခဲ့သော်လည်း၊မိုးကိုကျွန်တော်အောင်နိုင်ခဲ့သည်။

(၅)
မဆန်းပြားလှသောကျွန်တော့်ဇာတ်လမ်းတိုအဆုံးတွင်
၊ငြိမ်သက်စွာနားထောင်နေသည့်မိန်းကလေးနှစ်ဦးအနက် မှတစ်ဦးသောမိန်းကလေးထံမှ၊ခပ်လေးလေးလေသံဖြင့်
မှတ်ချက်ပြုသံတခွန်းထွက်ပေါ်လာသည်။

“အင်း၊ဒါကတော့ အန်ကယ်ကံကောင်း တာလဲဖြစ်နိုင်တာပဲလေ။တကယ်လို့များမိုးကြီးသာသဲသဲမဲမဲရွာချလိုက်ရင် အန်ကယ်ကြိုးစားသမျှဘယ်မှာလာအရာထင်ပါတော့မလဲ။
အန်ကယ့်နည်းကလည်းသိပ်အဟုတ်ကြီးတော့မဆိုနိုင်သေးဘူးထင်တယ်”

ကျွန်တော်သူ့ကိုပြုံးလျက်ကြည့်လိုက်ရင်း၊တည်ငြိမ်စွာအေးဆေးစွာတုန့်ပြန်မိသည်။

“ရောမ လူမျိုး တရားဟောဆရာနဲ့စာရေးဆရာစင်နကာ(စီနီယာ)(ဘီစီ၅၅၊အေဒီ၃၉)ပြောခဲ့ဖူးတဲ့စကားတစ် ခွန်းရှိတယ်။အသင့်ပြင်ထားမှုနှင့် အခွင့်အလမ်းတို့ဆုံတွေ့သောအခါ ကံတရားဆိုတာဖြစ်ပေါ်လာသတဲ့။ကံ ကောင်းခြင်းတွေသယ်ဆောင်
လာမဲ့ခေတ်သစ်ဆီကိုလှမ်းမျှော်တဲ့အခါ၊ဒီနေ့မိုးတွေသိပ်ရွာရင်
၊နောက်နေ့မှာဆက်ပြီး၊ဒီအတိုင်းဆက်အားထုတ်ဖို့ပေါ့သမီးရယ်။
နေ့တိုင်းတော့မိုးမရွာနိုင်ပါဘူးလေ”

“ဟား၊ဟား၊အန်ကယ်ကအလာကြီးပဲ”

စိတ်ထွက်ပေါက်တစ်ခုကိုရသွားဟန်ရှိသောသူတို့နှစ်ဦး၏ရယ်သံလွင်လွင်သည်
တခန်းလုံးကိုရိုက်ခတ်ပျံ့နှံ့သွားလေရာ၊ဤသည်ပင်လျှင်ကျွန်တော့်
ဇာတိနိုင်ငံ၏ခေတ်ဆိုးစံနစ်ဆိုးကြီးကိုထီမထင်သောစိန်ခေါ်သံများဟုသာ ကျွန်တော်မှတ်ထင်ယုံကြည်မိတော့သည်။ ။

(ဖိုးဒီနှင့်အမရာသို့အမှတ်တရ)

၃၁ ဇူလိုင် ၂၀၁၅နေ့ထုတ် သည်လေးဒီးစ်အပတ်စဉ်ဂျာနယ်မှ။ ။

...............

ရန်ကုန်ပုလိပ်တို့ခေါင်းခြောက်ခဲ့ရသော
ပိုင်ရှင်မဲ့မူးယစ်ဆေးဝါးမှောင်ခိုမှုကြီးကို၊ ကျွန်ုပ်စုံထောက်ပုံ

(မင်းဒင်)

(တစ်)
ကျွန်ုပ်။ ။အိုင်ဆေး၊မောင်ကပ္ပလီ၊ဒီအမှုဖြစ်စဉ်မှာအဓိကသက်သေဖြစ်တဲ့
ယာဉ်မောင်းဟာ၊ ထွက် ပြေးလွတ်မြောက်သွားခဲ့တယ်ဆိုတာမို့၊ ဧကန္တ၊သူဟာအဖမ်းမခံရဲလို့ဖြစ်ရမယ်မောင်ရဲ့။

ကပ္ပလီ။ ။(စိတ်ပျက်သောမျက်နှာပေးဖြင့်) သြော်၊သြော်

ကျွန်ုပ်။ ။ဒါ့အပြင်သေချာလှတဲ့ နောက်တစ်ချက်ကတော့၊
အခုလိုသိမ်းဆည်းရမိခဲ့တဲ့၊ မူးယစ်ဆေး ဝါး ပမာဏဟာကြီးမားလွန်းတာကြောင့်၊ဒီပြစ်မှုကိုကျူးလွန်တဲ့အဓိက
တရားခံများဟာ၊မဟုတ်မှလွဲရော၊သိပ်ချမ်းသာတဲ့၊လူချမ်းသာတွေဖြစ်ရမယ်လကွဲ့

ကပ္ပလီ။ ။ (စိတ်ဝင်စားခြင်းအလျဉ်းမရှိသည့်လေသံဖြင့်) အင်း၊အင်း

ကျွန်ုပ်။ ။အတိအကျပြောနိုင်တာကတော့၊မူးယစ်ဆေးဝါးကို
အခုလိုကွန်တိန်နာကားကြီးမျိုးနဲ့ သယ် ဆောင်တာဟာဖြင့်၊ကားအသေးစားနဲ့မဆန့်လို့ပဲဖြစ်ရမယ်

ကပ္ပလီ။ ။(ခေါင်းကိုတဗျင်းဗျင်းကုတ်လျက်) ဟုတ်၊ဟုတ်

ကျွန်ုပ်။ ။နောက်ပြီးဒီလောက်များတဲ့မူးယစ်ဆေးဝါးတွေဟာ၊
တစ်ယောက်တည်းသုံးဖို့တော့မဖြစ်နိုင်ဘူး ကွဲ့။ဧကန်မုချပိုင်ပိုင်နိုင်နိုင်ပြောတာကတော့ရောင်းစားဖို့အတွက်ပဲဖြစ်ရမယ်

ကပ္ပလီ။ ။(စိတ်တိုလာသည့်လေသံဖြင့်) တော်ပါတော့ဆြာရယ်။ အဲဒီစိတ်ကြွရူးသွပ်ဆေးပြားတွေဟာ၊ ကာလတန်ဖိုးကျပ်သိန်းပေါင်းတစ်ရာ့သုံးဆယ်ကျော်ဘီလျံဆိုလား၊
KIA အမျိုးအစား BONGO ကွန်တိန်နာဘောက်အဖြူရောင် ကိုယ်ပိုင်ကားနဲ့ဆိုလားသိမ်းဆည်းရမိတယ်ဆိုတဲ့သတင်းဟာ၊
လူတကာမသိချင်မှအဆုံး၊အွန်လိုင်းမှာပြန့်နေပါပြီဆြာရယ်။ထွေထူးပြီး
အပင်ပန်းမခံပါနဲ့တော့။သွားမဲ့ခရီးကိုဖြောင့် ဖြောင့်သွားကြပါစို့ရဲ့

(နှစ်)

ယခုနှစ်ဇူလိုင်လကုန်ပိုင်း၏မိုးစွေသောနေ့တစ်နေ့ဖြစ်လေသည်။
ကျွန်ုပ်၊လေမင်းသား၊ကပ္ပလီနှင့်အာရုံခေါ်ဖေကြည်တို့ဆြာတပည့်လေးဦးသား
၊ဇာတိမြေရွှေပင်ကျေးရွာမူလတန်းကျောင်းသစ်ဖွင့်ပွဲသို့
တက် ရောက်ရန်အလို့ငှာ၊ထိုင်းနိုင်ငံဖူးခက်မြို့မှသည်
ရန်ကုန်မြို့သို့လေကြောင်းခရီးဖြင့်ရောက်ရှိနေခဲ့ကြပြီးထိုမှတဆင့်၊ရန်ကုန်-မကွေးခရီးစဉ်ကိုအဝေးပြေးဘတ်စ်ကားကြီးဖြင့်စီးနင်းလိုက်ပါရန်
အောင်မင်္ဂလာ အ မည်ရှိအဝေးပြေးကားဂိတ်ကြီးတွင်ရောက်ရှိနေကြချိန်ဖြစ်၏။

ထိုစဉ်အချိန်၌၊ကျွန်ုပ်ရန်ကုန်မြို့သို့ရောက်ရှိနေကြောင်းမည်သို့မည်ပုံ
သတင်းရလေသည်မသိ။လွန်ခဲ့သောနှစ်ပေါင်းနှစ်ဆယ်ခန့်က
ကျွန်ုပ်နှင့်အလွန်တရာခင်မင်ရင်းနှီးခဲ့သည့်၊အင်းစိန်စီအိုင်ဒီ
ပုလိပ်အရာရှိဟောင်းဦးသောင်းကြီးဆိုသူထံမှ၊ကျွန်ုပ်အား
တယ်လီဖုန်းဖြင့်ဆက်သွယ်လျက်၊သူ၏တပည့်သားမြေးများဖြစ်ကြကုန်သော
ရန်ကုန်ပုလိပ်အရာရှိတို့၏ငယ်ထိပ်တည့်တည့်ပေါ်သို့
ဆင်တက်နင်းသကဲ့သို့၊အခက်ကြုံနေရသောအမှုကိစ္စတစ်ခုအပေါ်၊
ကျွန်ုပ်တတ်အားသမျှ၊ကူညီစုံစမ်းပေးပါရန်အသိပေးအကြောင်းကြားလာခဲ့၏။

စင်စစ်ကျွန်ုပ်သည်ပင်ကိုယ်ဗီဇအားဖြင့်၊ခပ်အေးအေးနေထိုင်တတ်သူဖြစ်သော်ငြား၊
တစ်ခေတ်တစ်ခါက မက္ခရာနယ်မြေဟုကျော်ကြားခဲ့သည့်၊ လှိုင်မြို့နယ်သံကြိုးတိုင်နှင့်အေးရပ်ကွက်တို့တွင်၊နှစ်အတန်ကြာကျောင်းဆရာ
လုပ်ခဲ့ဖူးသူဖြစ်ရာ၊ကျွန်ုပ်၏တပည့်အချို့မှာရန်ကုန်ဒုစရိုက်လောက၌၊
နာမည်ဆိုးဖြင့်ထင်ရှားခဲ့သောရာဇဝင်လူမိုက်စာရင်းဝင်များဖြစ်ကြသည့်အလျောက်၊
ကျွန်ုပ်သည်ရန်ကုန်ဒုစရိုက်မြေအောက်လောကနှင့် မစိမ်းလှသူဖြစ်ကြောင်း၊သိသူအလွန်နည်းလှလေသည်။

ထို့ပြင်ကျွန်ုပ်သည်လျှို့ဝှက်နက်နဲသောကိစ္စရပ်တို့အပေါ်၊မိမိ၏ဥာဏ်ရည်ကို
အသုံးပြုလျက်စုံစမ်းဖော်ထုတ်ရသည့်စုံထောက်အတတ်ပညာကိုဝါသနာအထုံ
ပါရုံမျှမက၊ဆရာကြီးရွှေဥဒေါင်း၏စုံထောက်မောင်စံရှား အမှီးဝတ္ထုကြီးများ၊
တင့်ဆန်း၏ကပ္ပိယစုံထောက်ကြီးဦးဖြူသီးဝတ္ထုများ၊ ဆရာမြသန်းတင့်၏
ရှားလော့ဟုမ်းဇာတ်လမ်းတွဲမြန်မာပြန်များ၊မောင်ကိုယု ဘာသာပြန်ဆို
အပ်သောရှေ့နေကြီးပယ်ရီ မေဆင် ဇာတ်လမ်းတွဲများ၊ ဆရာမင်းသိင်္ခ၏ ဆားပုလင်းနှင်းမောင်ဝတ္ထုများ..အစရှိသည့်၊စုံထောက်ဝတ္ထုပေါင်း
မြောက်များစွာကို၊စွဲလန်းခုံမင်စွာ ဖတ်ရှုခဲ့ဖူးသူဖြစ်၏။

ထို့ကြောင့်ပင်၊ကျွန်ုပ်၏လူစွမ်းလူစကိုကောင်းစွာသိရှိနေသော၊
ကျွန်ုပ်နှင့်ဆိုးတူကောင်းဖက်ရောင်းရင်းဦးသောင်းကြီးကဲ့သို့
စီအိုင်ဒီအရာရှိမင်းကိုယ်တိုင်ကျွန်ုပ်အား၊အားကိုးတကြီး အကူအညီတောင်းခံလာခဲ့ခြင်းဖြစ်ဟန်ရှိလေသည်။

(သုံး)

ကျွန်ုပ်အနေဖြင့်ညီအကိုရင်းတမျှခင်မင်ကျွမ်းဝင်ခဲ့သောဦးသောင်းကြီး၏
အကူအညီတောင်းခံလာမှုကို မငြင်းပယ်ရက်သည်ကတစ်ကြောင်း ၊ခေတ်ဆိုးခေတ်ကြပ်ကြီးထဲတွင် ပုလိပ်အရာရှိလက်သစ်ကလေးများကြုံတွေ့နေရသော အခက်အခဲကိုကူညီဖြေရှင်းပေးလိုသည်ကတစ်ကြောင်းတို့ကြောင့်၊
ကျွန်ုပ်အနေဖြင့်အဆိုပါအမှုကိုတတ်အားသမျှစုံစမ်းထောက်လှမ်းပေးရန်
ဆုံးဖြတ်လိုက်ရပေသည်။

အဆိုပါရက်ပိုင်းများ၌၊မြန်မာပြည်အနှံ့မိုးကြီးနေလေရာ၊
အဝေးပြေးလမ်းမများပေါ်တွင်ရေကြီးရေလျှံခြင်းများဖြစ်ပေါ်နေသဖြင့်
ရန်ကုန်မကွေးခရီးစဉ်အဝေးပြေးကားမှာ သတ်မှတ်ချိန်ထက်၊သုံးနာရီခန့် နောက် ကျမည်ဖြစ်ရာ၊ယင်းသည်ပင်ကျွန်ုပ်၏ဆုံးဖြတ်ချက်ကိုကူညီပံ့ပိုးလျက်ရှိ၏။

ထို့ထက်ပို၍တိုက်ဆိုင်နေခြင်းကား၊အဆိုပါမှုခင်းကြီးဖြစ်ပွားရာ၊မင်္ဂလာဒုံစက်မှုဇုန်
(ဇေကမ္ဘာဝင်း)အိုးအိမ်(၆)လမ်းသွားလမ်းမကြီး သည်၊ကျွန်ုပ်ရောက်ရှိနေ သည့်အောင်မင်္ဂလာအဝေးပြေးကားဂိတ်နှင့်ခဲတပစ်စာသာသာမျှသာကွာ ဝေး
နေခြင်းကြောင့်ပေတည်း။

ယင်းအမှုကားအရေအတွက်များပြားလှသောစိတ်ကြွရူးသွပ်ဆေးပြားများ
ပိုင်ရှင်မဲ့သိမ်းဆည်းရမိသည့် အမှုဖြစ်ချေ၏။

အခင်းဖြစ်ပွားရာနေရာသို့ကျွန်ုပ်တို့ရောက်ရှိသည့်အချိန်တွင်
အမှုဖြစ်ခြင်းရာနှင့်ပတ်သက်၍၊ခိုင်လုံ မြင် သာသောအထောက်အထားတစ်စုံတစ်ရာမျှမတွေ့ရသော်ငြား၊
အနီးပတ်ဝန်းကျင်ရှိမျက်မြင်သက် သေ တချို့ထံမှ သတင်းစကားတို့ကိုအခြေခံကာ၊ယင်းအမှုအပေါ်ကျွန်ုပ်၏ထင်မြင်သုံးသပ်ချက်တို့ကို ကျွန်ုပ်၏လက်ရင်းတပည့်ကျော်သုံးဦးအနက်မှအတန်ငယ်အကင်းပါးဟန်ရှိသော
ကပ္ပလီငယ်နှင့်အထက်တွင်ဖော်ပြခဲ့သည့်အတိုင်း
၊မေးဖြေပြောဆိုနေခဲ့ကြခြင်း ဖြစ်လေသည်။

ကျွန်ုပ်သည်အမှုဖြစ်ကွန်တိန်နာကား၊ရပ်နားသွားခဲ့သည်
ဆိုသောနေရာတဝိုက်ကိုစေ့စပ်သေချာလေ့လာရင်း၊ကျွန်ုပ်၏သဘာဝယုတ္တိ
အာဂမယုတ္တိတွေးတောဆင်ခြင်မှုတို့ကိုတပည့်တို့အား၊ဗဟုသုတအလို့ငှာ ရှင်းလင်းပြောပြရ၏။

ကျွန်ုပ်။ ။အင်း၊သည်နေရာမှာကွန်တိန်နာကားကြီးရပ်ခဲ့တယ်ဆိုပေသည့်၊ ကားဘီးရာတွေကို မတွေ့ရပုံထောက်ရင်ဖြင့်၊မိုးရွာချလိုက်လို့ပျက်ကုန်တာဖြစ်ရမယ်

ဖေကြည်။ ။ဟုတ်လားဆြာ။မှတ်သားထိုက်ပါပေတယ်ခင်ဗျာ

ကျွန်ုပ်။ ။ဒါပေါ့ဒါပေါ့မောင်ဖေကြည်ရယ်။အခုချိန်လောက်ဆို၊
အဓိကလက်သည်တရားခံဟာ ရန်ကုန် ပုလိပ်တွေကိုပြက်ရယ်ပြုရယ်သွမ်းသွေးနေလောက်ပြီဆိုတာလည်း၊
အင်မတိအင်မတန်သေချာတဲ့အချက်ပေပဲ။

ဖေကြည်။ ။တော်ပါတော့ဆြာရယ်။ရွှေပင်ရောက်အောင်ဆက်ရမဲ့ခရီးက အဝေးကြီးရှိသေးတာ။ဒီကြား ထဲမိုးလေကတစ်မှောင့်။ ဆြာ့ဥစ္စာဆင်တစ်ကောင်လုံးတွေ့နေတာကြီးကိုဆင်ခြေရာလျှောက်ရှာနေသလိုပဲဆြာ

(လေး)

ဖေကြည်ကဲ့သို့မလောက်လေးမလောက်စား၊ကျွန်ုပ်၏အိမ်တော်ပါ
တပည့်ဖြစ်သူ၏လေသံမှာကျွန်ုပ်၏ မခံချင်စိတ်ကိုနှိုးဆွပေးလိုက်သယောင်ရှိ၏။

ကျွန်ုပ်။ ။နေပါဦးမောင်ရဲ့။မောင်ရင်က ဒီအမှုကိုပေါ့သေးသေးအမှုလို့များထင်နေရော့သလားဟင်

ဖေကြည်။ ။မထင်ပါဘူးဆြာရယ်။ဒီအမှုမှာသိမ်းဆည်းရမိတဲ့စိတ်ကြွဆေး
ပမာဏဟာ၊ရန်ကုန်လိုမြို့ကြီး မှာခေတ်မီဂုံးကျော်တံတား ငါးစင်းဆောက်နိုင်တယ်။အာရှတိုက်တတိုက်လုံးမှာစံချိန်တင်ရမဲ့၊မူးယစ်ဆေး ဝါးအမှုကြီးဆိုတာလည်း၊တပည့်သိပြီးသားပါ။တပည့်တို့နိုင်ငံမှာ
အဲသလိုဆေးပြားတစ်ပြားနှစ်ပြားသုံး စွဲမိရင်သာ၊ချက်ချင်းပေါ်တာဆြာရဲ့။ ကားအစီးလိုက်ချတဲ့အမှုမျိုးဆိုပိုင်ရှင်မဲ့အမှုဖြစ်သွားတာချည်းပဲလေ။
ကဲ၊ထားပါတော့၊ဆြာအခုလိုရွှေဥာဏ်တော်နဲ့ဆင်ခြင်နေတော့
၊နောက်ဆုံးပိတ်အဖြေကိုဘယ်လိုများကောက်ချက်ချမိ ပါလိမ့်

ကျွန်ုပ်။ ။အင်း၊သက်ရှိသက်မဲ့သက်သေ၊အခြေအနေအရပ်ရပ်ကိုထောက်ရှု ဆင်ခြင်သုံးသပ်လိုက်ရင် တော့၊ဒီမူးယစ်ဆေးဝါးတွေဟာ၊
ပိုင်ရှင်မဲ့တွေဆိုတာသေချာတယ်ကွဲ့

ဖေကြည်။ ။ဗျာ
တပည့်ကျော်ဖေကြည်၏ဗျာအာမေဋိတ်မဆုံးမီမှာပင်၊ တချိန်လုံးနှုတ်ဆိတ်နေခဲ့သောလေမင်းသားထံမှ စကားသံထွက်ပေါ်လာ၏။

လေမင်းသား။ ။စိတ်တော့မရှိပါနဲ့ဆြာ။အသက်ကြီးပြီးအချိန်မစီးတဲ့ ဆြာ့ပေါကြောင်ကြောင်လုပ်ရပ် တွေကိုရပ်ပါတော့။ကားဆီကို
အချိန်မီပြန်မရောက်ရင်၊လမ်းဘေးမှာအိပ်ရပြီး၊ဒီအမှုရဲ့တရားခံဖြစ်နေမယ်နော်

ကျွန်ုပ်၏သည်းခံနိုင်စွမ်းသည်ကား၊ဂိတ်ဆုံးခဲ့လေပြီ။ကျွန်ုပ်သည်
မီးဝင်းဝင်းတောက်သောမျက်လုံးများဖြင့် တပည့်ကျော်များကို စူးစူးရဲရဲကြည့်လိုက်ရင်း၊ခရားရေလွှတ်ဘိသကဲ့သို့၊သွင်သွင်တွင်တွင်ကြီး တုန့် ပြန်ခဲ့မိချေသည်တမုံ့။

(ငါး)

သည်မယ်ကွဲ့။ငတုံးလေးတွေရဲ့။တပည့်တွေဘယ်လောက်တတ်တတ်၊
ဆြာမျက်စိဖြဲနေသလောက်ပဲရှိ တယ်ဆိုတာသေချာမှတ်ကြလကွဲ့။ မင်းရို့ဆြာဟာ၊ရန်ကုန်ဒုစရိုက်လောကမှာသာမက၊
ဘန်ကောက်လို နိုင်ငံတကာဒုစရိုက်မှု၊ဒင်းကြမ်းဖြစ်နေတဲ့နေရာမျိုးမှာတောင်၊
ဘယ်လောက်ထဲထဲဝင်ဝင်ရှိတယ်။လက်တံရှည်တယ်ဆိုတာမောင်တို့သိပြီးသားပါလေ။

မသေမချင်းမှတ်။ဒီအမှုဟာလကမ္ဘာကိုသွားနိုင်လောက်အောင်
ကျိကျိတက်ချမ်းသာနေတဲ့ပုဂ္ဂိုလ်ရဲ့လက်ချက်ဆိုတာမင်းရို့ဆြာသတင်းအစအန
ရပြီးသားကွဲ့။ဒါတင်ဘယ်ကမတုန်း။အခုဖမ်းမိတဲ့ဆေးပြားတွေဟာ၊ ရန် ကုန်ဈေးကွက်နဲ့ဆိုရင်တောင်သိပ်များပြားလွန်းနေတာမို့၊နိုင်ငံတကာ
ဈေးကွက်အတွက်၊ ရန်ကုန်မှာရှိတဲ့ပုဂ္ဂလိကဆိပ်ကမ်းကြီးတစ်ခုကနေ တင်ပို့ဖို့စီစဉ်ခဲ့တယ်ဆိုတာသိပ်သေချာတယ်။

သည့်အရင်ဘယ်နှစ်ခေါက်သည်လိုခိုးထုတ်ပြီးပြီလဲဆိုတာ ဘယ်သူမှ
ကံသေကံမသေချာပေါက်မပြောနိုင်ဘူး။အေး။သေချာပြောနိုင်တာက၊
ဒီကိစ္စမျိုးကို နင်တို့ငါတို့အစိုးရမျိုးကသာ၊မသိချင်ယောင်ဆောင်မယ်။

မသိတာလည်းဖြစ်ချင်ဖြစ် မယ်။နိုင်ငံတကာမူးယစ်ဆေးဝါးဈေးကွက်မှာတော့ သိပ်မြင်သာထင်သာသ ကွဲ့။ဒါကြောင့်ပဲအမေရိကန်ဒီအီးအေလို
မူးယစ်နှိမ်နှင်းရေးအဖွဲ့ကနေ လှမ်းပြီးသတင်းပေးလိုက်ပုံရတယ်။

ဒီသတင်းကိုရတဲ့မြန်မာနိုင်ငံရဲတပ်ဖွဲ့တာဝန်ရှိလူကြီးမင်းကနေတဆင့်ပြီး
တဆင့်အကြောင်းကြားလိုက်တော့နောက်ဆုံး ကွန်တိန်နာမောင်းတဲ့ကားဒရိုင်ဘာဆီရောက်သွားပုံရသဟဲ့၊ငစနူတွေရဲ့။

ဒါကြောင့်မို့၊ ဒီလောက်တန်ဖိုးကြီးတဲ့ပစ္စည်းတွေတင်လာတဲ့ ကွန်တိန်နာကို ရှေ့တံခါးရော၊နောက်တံခါးတွေပါဖွင့် လျက်သားထားခဲ့ပြီးကိုယ်လွတ်ရုန်းခဲ့တာအသိသာကြီးပဲလေ။နောက်ထပ်
သိချင်သေးလား။ဒီအမှုရဲ့ ကြံရာပါပြည်တွင်းမူးယစ်ဆေးဝါး အရောင်းကိုယ်စားလှယ်ဟာ၊အခုဘန်ကောက်ကိုရောက်နေပြီဆိုတာ၊
မင်းတို့ဆြာရဲ့ ရေဒါမှာပေါ်နေသကွဲ့

စက်သေနတ်ပစ်သကဲ့သို့တလစပ်ထွက်ပေါ်လာသောကျွန်ုပ်၏စိတ်လိုက်မာန်ပါ
စကားများအဆုံးတွင် ကျွန်ုပ်၏တပည့်ကျော်တို့သည်နေ့ခင်းကြောင်တောင် တစ္ဆေအခြောက်ခံရဘိသကဲ့သို့ထိတ်လန့်အံ့သြတုန်လှုပ်သွားကြဟန်ရှိ၏။

ယင်းတို့သုံးဦးစလုံး၏နှုတ်မှတပြိုင်တည်းထွက်ပေါ်လာသည့်အသံကား “ဗျာ”ဟူ၏။

မဗျာနဲ့မောင်တို့။အစိုးရညံ့ချက်တွေကိုဖော်ထုတ်တဲ့နာမည်ကျော်သတင်းစာ
စီအီးအိုလိုအဖြစ်မျိုး။ပစ္စည်းလု၊လူသတ်တဲ့အမှုကိုပေါ်အောင်ဖော်ထုတ်ဖို့ကြိုးစားတဲ့၊
ပုလိပ်အရာရှိလေးလို၊အဖြစ်ဆိုးတွေကြုံမှာစိုးလို့ရူးကြောင်ကြောင်
ထင်မြင်ချက်တွေပေးနေရတာဟ။ခုမှတော့မထူးတော့ပါဘူး။ပြောလက်စနဲ့
ဆက်ပြောလိုက်ပါဦးမယ်။

ကွန်တိန်နာကားပေါ်က၊ဒရိုင်ဘာနဲ့သူ့အဖော်နှစ်ယောက်တက်ပြေးနိုင်ဖို့၊
အဆင် သင့်လာ ကြိုနေ တဲ့ကားဟာ ပရာဒိုအမျိုးအစားတဲ့။
ကွန်တိန်နာမှာရေးထားတဲ့ ကုမ္ပဏီနာမည်က စနေနံနဲ့စတဲ့ စာလုံးသုံးလုံးပါသဟဲ့

(တပည့်ကျော်များ)။ ။အမလေး။အမလေး၊သေချာလှချည့်လားဆြာရယ်။
လက်စသတ်တော့ ဆြာဟာ ဆြာပါကလား။ဆြာသာဒီအမှုကိုလိုက်ရင်
ချက်ချင်းပေါ်ပြီပေါ့နော်

ကျွန်ုပ်။ ။ဒီအမှုပေါ်ဖို့ဘာခက်သလဲကွာ။ဒုစရိုက်လောကဆိုတာ
အပိုင်နယ်မြေရဲစခန်းတွေ နဲ့ကင်းလို့ရတာမှမဟုတ်တာ။သေချာစဉ်းစားကြည့်ရင် ဒီဆေးပြားတွေကိုထုတ်တဲ့စက်ရုံဟာ၊အဲဒီဝန်းကျင်တဝိုက်မှာပဲရှိရမယ်။

တနေ့သောင်းချီထွက်တဲ့ဆေးပြားထုတ်ဖို့စက်ရုံအသေးလေးအတွက်ပေနှစ်ဆယ်
ဝန်းကျင်အခန်းဆိုရင်လုံလောက်ပြီ၊အဲဒီစက်ရုံမျိုးကို မြစ်နားချောင်းနားမှာ
တည်လေ့ရှိတယ်။ အဲဒါကလည်း မက်သာ အက်ဖီတမင်းကနေ ထွက်တဲ့ကြောင်ချေးနံ့နဲ့ဆင်တဲ့စွန့်ပစ်ပစ္စည်းတွေကို အလွယ်တကူ စွန့်ပစ်နိုင်ဖို့။သြစတေလျလိုနိုင်ငံမျိုးမှာတော့၊
အဲဒီအနံ့ကိုဖုံးကွယ်နိုင်အောင်၊ အဲဒီစက်ရုံရှိတဲ့နေအိမ်မှာကြောင်တွေနွားတွေမွေးထားတတ်တယ်။

ဒီတော့အဲဒီနယ် မြေတဝိုက်မှာ ရဲတပ်ဖွဲ့ရာချီပြီး ကြောင်ချေးနံ့ လိုက်ခံလိုက်ရင် ပွဲပြတ်လောက်ပါတယ်တပည့်တို့ရယ်။ ကဲ၊ကားထွက်ချိန်နီးရော့မယ်။
ငတို့ကားဆီပြန်ကြပါစို့ရဲ့

(ခြောက်)
ကျွန်ုပ်သည်ပြောလက်စ၊စကားကိုလက်စသတ်လိုက်ရင်းအဝေးပြေးကားဂိတ်ကြီး
ရှိရာသို့ခြေဦးလှည့်လိုက်၏။ကျွန်ုပ်၏နောက်မှကပ်လျက်လိုက်ပါလာသော
တပည့်ကျော်တို့အနေဖြင့်၊ကျွန်ုပ်အားအလွန်အမင်းအထင်ကြီး လေးစားသည့်
အကြည့်များဖြင့်ကြည့်နေကြမည်ကိုသိရှိသော်ငြား၊အထွေအထူးဂုဏ်ယူ
ဝမ်း မြောက်ခြင်းမပြုလိုသောကျွန်ုပ်မှာ၊အဆိုပါအမှုကြီးနှင့်ပတ်သက်သည့်
စုံစမ်းထောက်လှမ်းသိရှိသမျှသတင်းအပြည့်အစုံကိုလက်ကိုင်တယ်လီဖုန်း၏
ဗိုက်ဗာမှတဆင့်၊ကျွန်ုပ်၏မိတ်ဆွေစီအိုင်ဒီအရာရှိဟောင်း၊ ဦးသောင်းကြီးထံ လမ်း လျှောက်ရင်းပေးပို့လျက်ရှိ၏။

အကယ်စင်စစ်ကျွန်ုပ်ကဲ့သို့သောစွယ်စုံမုံသောက်ပုဂ္ဂိုလ်တစ်ဦးအနေဖြင့်၊
အမှုတစ်ခုကိုမဖော်ထုတ်နိုင်ခဲ့ သော်၊ယင်းအမှုကိုကျူးလွန်ခဲ့ကြသူများနှင့်ကြံရာပါဖြစ်
တတ်သည်ဟူသောပုလိပ်လက်စွဲဆောင်ပုဒ်ကို နှစ်ခြိုက် လက်ခံမိသောကြောင့်၊ယခုကဲ့သို့စွမ်းစွမ်းတမံဖော်ထုတ်ခဲ့ရသော်ငြား၊
ယခုခေတ်သမယကဲ့သို့ ၊သူခိုးတို့မင်းဖြစ်နေသည့်အချိန်ကာလတွင် အန္တရာယ်မကင်းတတ်သည်ကိုမူ ကျွန်ုပ်ကောင်းစွာ သိရှိပြီး ဖြစ်၏။

ထို့ကြောင့်ပင်၊ကျွန်ုပ်၏မိတ်ဆွေရင်းဖြစ်ခဲ့သူကွယ်လွန်သူစုံထောက်ကြီး
တင်မောင်ဆွေမှကျွန်ုပ်အား သူမကွယ်လွန်မီအချိန်ကလေးတွင်အမှတ်တရ လက်ဆောင်အဖြစ်ပေးအပ်ခဲ့သောလျူဂါပစ္စတိုကို၊ကုတ်အင်္ကျီအိတ်ကပ်အတွင်းတွင်
လက်ထည့်လျက်ခပ်တင်းတင်းဆုပ်ကိုင်ရင်း၊ဘေးဘီဝဲယာဝန်းကျင်ကို
သတိမပြတ်အကဲခတ်လျက်မိုးစက်ဖွဲဖွဲအောက်တွင်၊ကျွန်ုပ်တို့စီးနင်းလိုက်ပါမည့်
အဝေးပြေးကားရှိရာသို့လျှောက်လှမ်းနေလေသည်။

ဆေ့ဖ်ဖြုတ်ထားသည့်သေနတ်ခလုပ်ပေါ်တွင်ခပ်ဖွဖွရှိနေသောကျွန်ုပ်၏လက်ညိုးသည်၊
အန္တရာယ်ပြုမည့် လှုပ်ရှားမှုတစ်စုံတရာကိုဖျတ်ကနဲတွေ့လိုက်ရသည်နှင့် ဇတ်ကနဲကွေးညွှတ်လျက် အတွဲလိုက်ပြန် လည် တုံ့ပြန်ပစ် ခတ်လိုက်ရန် အသင့် အနေအထားရှိသည်ကိုမူ၊တပည့်ကျော်တို့သိရှိအောင်၊ ရှင်းပြရန်လိုမည် မထင်တော့ချေ။

ကျွန်ုပ်တို့ကားပေါ်သို့အရောက်တွင်အငြိုးကြီးသောမိုးသည်၊သည်းထန်စွာ
ရွာသွန်းချလိုက်၏။ကားထွက်ပေတော့မည်။သည်လိုရာသီမျိုး၊
အဝေးပြေးလမ်းဆိုးဆိုးတွင်၊ကျွန်ုပ်အနေဖြင့်အဘယ်အရာကိုမျှစိတ်မချနိုင်သည်ဖြစ်ရာ၊
ကျွန်ုပ်သည်ခရီးပန်းတိုင်လမ်းဆုံးကားဂိတ်ဆီသို့မရောက်မချင်း၊
တမှေးသော်မျှမအိပ်စက်ပဲ၊ကုတ်အင်္ကျီအိတ်ကပ်အတွင်းမှသေနတ်ကို
တင်းတင်းကြပ်ကြပ်ပင်ဆက်လက်ဆုပ်ကိုင်ထားမိလျက်ရှိချေ၏။ ။

သြဂုတ်လ(၅)ရက်၊၂၀၁၅ သည်ဗွိုက်ဒေးလီးသတင်းစာမှ။ ။

သို့၊ဒေါ်အောင်ဆန်းစုကြည်။
မှ၊မင်းဒင်။

(၁)
အမကြီးဒေါ်အောင်ဆန်းစုကြည်ခင်ဗျား။

ဂါရဝတရားရှေ့ထားလျက်၊စာရေးသားပေးပို့အပ်ပါသည်။ကျွန်တော်သည်
ထိုင်းနိုင်ငံဖူးခက်မြို့တွင်နေထိုင်လျက်၊စာတိုပေစများ ရေးသားနေသူဖြစ်ပါသည်။
ကျွန်တော်သည်မည်သည့်ပါတီသို့မျှဝင်ရောက် ထားသူမဟုတ်ပဲ၊သာမန်ပြည်သူတစ်ဦးအနေဖြင့်အမကြီးအား
ယုံကြည်ချစ်ခင်လေးစားနေသူမျှသာဖြစ်ပါသည်။

ထိုသို့ယုံကြည်လေးစားရခြင်းမှာပုဂ္ဂိုလ်ရေးဆည်းကပ်ကိုးကွယ်မှုကြောင့်
မဟုတ်ပဲ၊အမကြီးအနေဖြင့်လူအများအပေါ်ထားရှိသည့်ကြီးမား
နက်ရှိုင်းလှသောစိတ်ရင်းစေတနာနှင့် လူတကာမယှဉ်သာ သည့် ကိုယ်ကျိုးစွန့်အနစ်နာခံမှုများကြောင့်ဖြစ်ပါသည်။

ယခုဤ စာကိုရေးသားပေးပို့ရခြင်းမှာ အဖွဲ့ချုပ်(၂၀၁၅)ရွေးကောက်ပွဲ
လျာထားကိုယ်စား လှယ်များ စာရင်း ထုတ်ပြန်ကြေညာချက်တွင်၊၊ဒေါက်တာဒေါ်ညိုညိုသင်း၊(၈၈)ပွင့်လင်း
လူ့အဖွဲ့အစည်းမှ ဦး ကိုကိုကြီး၊ဒေါက်တာသိန်းလွင်အပါအဝင် အများပြည်သူယုံကြည်လေးစားသော၊စွန့်လွှတ်အနစ်နာခံမှု
အစဉ်အလာကြီးမားသည့်၊ပုဂ္ဂိုလ်တချို့မပါဝင်ကြောင်း၊အဖွဲ့ချုပ်၏တရားဝင်ထုတ်ပြန်သောသတင်းများအရသိရှိရသောကြောင့်ဖြစ်ပါသည်။

(၂)
ထိုသို့သတင်းထုတ်ပြန်ချက်ကြောင့်၊အဖွဲ့ချုပ်အားအလေးအနက်ထောက်ခံ
ယုံကြည်ကြသော၊ကျွန်တော်အပါအဝင်ပြည်သူအများစုမှာ
မှင်တက်အံ့အားသင့်ခြင်း၊တွေဝေခြင်းကြီးစွာဖြစ်ကြရပါသည်။

ခံစားချက်ကိုမမြိုသိပ်နိုင်သူများအနေဖြင့်လည်း၊အဖွဲ့ချုပ်အပေါ်မကျေနပ်ခြင်း
၊ပြင်းထန်စွာရေရွတ်ပေါက်ကွဲဝေဖန်ခြင်း၊အဖွဲ့ချုပ်ဝင်များ
ကိုယ်တိုင်ပင်မြို့နယ်လုံးကျွတ်ပါတီဝင်အဖြစ်မှနှုတ်ထွက်မည်
စသည့်ဖြင့်၊မလိုလားအပ်သောနောက်ဆက်တွဲ ဖြစ်ရပ်များ
၊နေရာအတော်များများမှထွက်ပေါ်လာခဲ့ပါသည်။

အဆိုးရွားဆုံးမှာ၊အဖွဲ့ချုပ်ကိုဝန်းရံခဲ့သော၊(၈၈)ပွင့်လင်းလူ့အဖွဲ့အစည်းနှင့်
အဖွဲ့ချုပ်တို့ အကြားရင်ကြား စေ့ ၍မရနိုင်အောင်၊ သဘောထားကွဲလွဲနေကြပြီဟူသော၊သတင်းစကားဖြစ်ပါသည်။

မည်သို့ပင်ဖြစ်စေကျွန်တော့်အနေဖြင့်မူ၊အမကြီး၏ဖခင်ဖြစ်သူ၊
အမျိုးသားခေါင်းဆောင်ကြီးဗိုလ်ချုပ် အောင်ဆန်း၏
ဖဆပလခေတ်ရွေးကောက်ပွဲမိန့်ခွန်းကိုပြန်ပြောင်းဆင်ခြင်သတိရလျက်၊
အကောင်းဖက်မှသာ ရှုမြင်နားလည်ခဲ့ပါသည်။

“ခင်ဗျားတို့ဒေသကိုရွေးချယ်ခံဖို့၊လွှတ်လိုက်တဲ့ကိုယ်စားလှယ်လောင်းကို
ခင်ဗျားတို့ကြိုက်ချင်မှကြိုက်မယ်။တနိုင်ငံလုံးအတိုင်းအတာနဲ့မို့၊
လူရွေးမှားတာ၊ပါကောင်းပါမယ်။အရေးကြီးတာကဖဆပလအနိုင်ရဖို့လိုတယ်။
ဖဆပလထက်တိုင်းပြည်ကိုပိုလုပ်ပေးတဲ့အဖွဲ့အစည်းမရှိဘူး။
ဒီတော့လွှတ်လိုက်တဲ့ကိုယ်စားလှယ်ကိုခင်ဗျားတို့မကြိုက်လည်း ဖဆပလအဖွဲ့ချုပ်မျက်နှာကိုထောက်ပြီးမဲထည့်လိုက်ပါ”

(ဗိုလ်ချုပ်အောင်ဆန်း)

ဗိုလ်ချုပ်မိန့်မှာဘိသကဲ့သို့ယခုကာလသမယသည်လည်း
ဖဆပလခေတ်နည်းတူတိုင်းပြည်ရှေ့ရေးအလှည့်အပြောင်းအတွက် အမှားမခံ၊ညီညွတ်ရေးမပြိုကွဲသင့်သောအချိန်ဖြစ်လေရာ၊
ရွေးကောက်ပွဲကိုယ် စားလှယ်စာရင်းသည်၊အမှားအယွင်း၊အားနည်းချက်တချို့
ပါရှိနိုင်သည်၊နားလည်ခွင့်လွှတ်ကြရမည်ကိုလည်း ၊ပြည်သူအများစုအနေဖြင့်ကောင်းစွာသိရှိသဘော ပေါက်ကြပါသည်။

(၃)
ကျွန်တော်အပါအဝင်၊ကိုးဆယ်ရာခိုင်နှုန်းကျော်မျှသောမြန်မာပြည်သူလူထုသည်၊
အမျိုးသားဒီမိုကရေစီ အဖွဲ့ချုပ်၏အနစ်နာခံစွန့်လွှတ်မှုနှင့် အမကြီး၏သူမတူသောစွမ်းဆောင်ရည်ကိုအလေးအနက်ယုံကြည် ကြသူများဖြစ်ရာ၊အထက်ရည်ညွန်းပါကိစ္စရပ်အား၊သွေးရိုးသားရိုးသဘောဟုသာ
မှတ်ယူယုံကြည်ခဲ့ပါ သည်။

သို့သော်အထိုက်အလျောက်ဘဝအတွေ့အကြုံစုံခဲ့သောကျွန်တော့်အနေဖြင့်၊
ခိုင်လုံသည်ဟုယုံကြည်လောက်သည့်အဖွဲ့ချုပ်ကြီး၏
အတွင်းပိုင်းကျကျသတင်းများအရလည်းကောင်း၊တောင်ဥက္ကလာ၊
ဗဟန်းအပါအဝင်မြို့နယ်အချို့၏အလုပ်အမှုဆောင်အဖွဲ့
အစည်းအဝေးမှတ်တမ်းများအရလည်းကောင်း၊အဖွဲ့ချုပ်မှထုတ်ပြန်ခဲ့သော
ကိုယ်စားလှယ်စာရင်းလွဲချော်မှုသည်သွေးရိုးသားရိုးမဟုတ်ကြောင်း၊
သံသယဖြစ်ဖွယ်ရှိနေပါသည်။

အမကြီးနှင့်အလွန်နီးစပ်သောပုဂ္ဂိုလ်တချို့အနေဖြင့်၊
ကိုယ်စားလှယ်လောင်းရွေးချယ်ရေးတတ်သိပညာရှင်များ၏
သဘောဆန္ဒကိုကျော်လွန်လျက်၊ထင်ရာစိုင်းခဲ့ကြသည်ဟု၊ထင်ကြေးပေးလျက် ရှိပါသည်။အဆိုပါထင်ကြေးသည်အမှန်တရားနှင့်
အလွန်နီးစပ်နေဟန်ရှိကြောင်းကိုလည်း အလေး အနက်ဖော်ပြလိုပါသည်။

မြန်မာနိုင်ငံသည်ခေတ်ဆိုးစံနစ်ဆိုးကိုဖန်တီးခဲ့ကြသော
ကိုယ်ကျိုးရှာသမားတို့ကြောင့်၊ခရုဆံကျွတ်ဘဝ ဖြင့်နှစ်ပရိစ္ဆေဒများစွာ၊
လူမှုဒုက္ခမျိုးစုံကိုကျောကော့နေအောင်ခံစားနေခဲ့ကြရရာမှ၊
ယခုကဲ့သို့ဒီမိုကရေစီ ခေတ်ဦးဆီသို့မှုန်ပျပျမြင်လာရချိန်တွင်၊
အဖွဲ့ချုပ်သည်လည်းကောင်း၊အမကြီးသည်လည်းကောင်း၊
တတိုင်းပြည်လုံး၏တာဏံလေဏံမှီခိုလဲလျောင်းရာ၊ပုန်းအောင်းရာဟူ၍
၊ပြည်သူအများမှယုံကြည်ကိုးစား
ကြသည်ဖြစ်ရာ၊အဆိုပါဝမ်းနည်းဖွယ်ဖြစ်ရပ်အတွက်
အမကြီးအားအောက်ပါအတိုင်း၊လေးစားစွာအကြံပြုလိုပါသည်။

(၄)
(က)အဆိုပါရွေးချယ်ထုတ်ပြန်မှုသည်ပြည့်စုံလုံလောက်သော
ဆင်ခြင်တုံတရားအပေါ်တွင်အခြေခံခြင်းရှိ မရှိ၊အမကြီးကိုယ်တိုင်နာရီပိုင်းမျှအချိန်ပေးစိစစ်စေလိုပါသည်။

(ခ) အကယ်၍မှန်ကန်သည်ဆိုပါက၊မည်သည့်အကြောင်းတို့ကြောင့် ယင်းသို့ထုတ်ပြန်ရကြောင်း၊ ပြည်သူလူထုသို့၊အမကြီးကိုယ်တိုင်
တခွန်းတပါဒဖွင့်ဟအသိပေးနှစ်သိမ့်ကျေအေးစေလိုပါသည်။

(ဂ)အကယ်၍ပုဂ္ဂိုလ်ရေးတင်းမာမှု၊မကျေနပ်မှု၊မရိုးသားမှု၊လုပ်ပိုင်ခွင့်လွန်ဆွဲမှု၊
ပါဝါအာဏာပြမှုများ ကြောင့် ဖြစ်ပေါ်ခဲ့သည်ဆိုပါက၊
အဆိုပါအမှားကို၊အမကြီးအနေဖြင့် အကောင်းဆုံးကုစားမှုတစ်ခုခု အလျင်အမြန်ဆောင်ရွက်ပေးစေလိုပါသည်။
သို့တည်းမဟုတ်၊ထိုသို့ဆောင်ရွက်ပေးမည်ဖြစ်ကြောင်း၊ ကိုယ်တိုင်ကတိပြုစေလိုပါသည်။ဆိုလိုသည်မှာ
ကိုယ်စားလှယ်လောင်းစာရင်းတွင်၊မကျန်ရစ်သင့်ပဲ ကျန်နေခဲ့သော၊
ပုဂ္ဂိုလ်များပါဝင်လာနိုင်မည့်
၊ပိုမိုကောင်းမွန်သောရှေ့နိုင်ငံရေးအခင်းအကျင်း တစ်ရပ်ကိုမြင်သာ အောင်ဖော်ပြကြေညာပေးရန်ဖြစ်ပါသည်။

(၅) “တိုက်ပွဲကာလမှာတိုက်ရည်ခိုက်ရည်ရှိတဲ့သူတွေ
လိုအပ်တယ်။ပြန်လည်တည်ဆောက်ရေးကာလရောက်ရင်တော့၊
တတ်သိပညာရှင်တွေလိုအပ်တယ်။သစ်ပင်ခုတ်တဲ့အခါ
သစ်ခုတ်သမားကခုတ်ရပေမဲ့၊အဲဒီသစ်ကိုပန်းပုထုတဲ့အခါမှာတော့၊
သစ်ခုတ်သမားထုလို့မရတော့ပါဘူး။ပန်းပုဆရာနဲ့ပဲထုရမှာပါ”

အထက်ပါစကားရပ်မှာအမကြီးပြောကြားဖူးသော
မိန့်ခွန်းတစ်ခုမှကောက်နှုတ်ချက်ဖြစ်ပါသည်။
အငြင်း ပွားရန်မရှိပါ။သို့သော်…။

ရည်ညွန်းပါဖြစ်ရပ်မှာ၊တိုက်ရည်ခိုက်ရည်နှင့်တတ်သိပညာရှင်များပါ၊
တပြိုင်တည်းအပူတပြင်းလိုအပ် နေချိန်တွင်၊သစ်ခုတ်သမားရော၊
ပန်းပုဆရာတို့ကပါ၊စွမ်းစွမ်းတမံကြိုးပမ်းဆောင်ရွက်ကြရန်၊
ကိုယ်တိုင် ဆန္ဒ ပြု ပါဝင်ကြပါလျက်၊မယုံကြည်ဖွယ်ရာ အဖယ်အကြဉ်ခံကြရသကဲ့သို့ရှိနေပါသည်။

နှစ်ပေါင်းငါးဆယ်ကျော်မျှအစိုးရအဆက်ဆက်၏ညံ့ဖျင်း
ယုတ်မာပက်စက်မှုများကြောင့်၊နာကျည်းခံပြင်းနေသောလူထုသည်၊
လာမည့်ရွေးကောက်ပွဲတွင်၊(မရိုသေ့စကား)ခွေးကိုအမြီးဖြတ်လျက်
အဖွဲ့ချုပ်ကိုယ်စားလှယ်အဖြစ်ပါဝင်ယှဉ်ပြိုင်လျှင်ပင်၊အနိုင်ရမည်ကို၊
ကျွန်တော်ကောင်းစွာခန့်မှန်းရိပ်စားမိပါသည်။

သို့သော်စံနစ်ဆိုးကိုအချိန်တိုတိုအတွင်းတွန်းလှန်ဖြိုဖျက်နိုင်ရေးအတွက်
၊တောင်ပြိုကမ်းပြိုအနိုင်ရဖို့လိုပါသည်။

တိုက်ရည်ခိုက်ရည်အပြင်နှလုံးရည်ပြည့်ဝသော၊ဒေါင်ဒေါင်မည်၊
ကိုယ်စားလှယ် များဖြစ်ပါမှ၊ အဖွဲ့ချုပ်အနေဖြင့်ခိုင်မာသည့်အစိုးရတစ်ရပ်ကို
ဖွဲ့စည်းနိုင်ကာ၊ အဖက်ဖက်မှချွတ်ခြုံကျ နေ သောတိုင်း ပြည်ကို အမြန်ဆုံးအဖတ်ဆယ်နိုင်ပါလိမ့်မည်။

နိဂုံးချုပ်အနေဖြင့်၊တိုင်းပြည်နှင့်လူမျိုးအတွက်အသက်အရွယ်နှင့်မမျှ၊
ပင်ပန်းခြင်းကြီးစွာ၊အချိန်ပြည့် ရုန်းကန်ပူပန်နေရသော အမကြီး၏နေ့စဉ်ဘဝကိုကျွန်တော်ကောင်းစွာစာနာနားလည်ပါသည်။

ကျွန်တော်၏စာတွင်၊အမှားအယွင်းတစုံတရာပါရှိပါကလည်းမေတ္တာတရားဖြင့်ခွင့်လွှတ်ပါမည့်အကြောင်း တောင်းပန်စကားဆိုအပ်ပါသည်။

ကျန်းမာရွှင်လန်းပါစေကြောင်း ဆုတောင်းမေတ္တာပို့သအပ်ပါ၏။

ဂါရဝတရားဖြင့်၊
လေးစားမှုများစွာဖြင့်၊

မင်းဒင်
ဖူးခက်ကျွန်း
ထိုင်းနိုင်ငံတောင်ပိုင်း၊
(၂၀၁၅)သြဂုတ်လ (၃)ရက်။