၃၁။၁၀။၂၀၁၄ နေ့ထုတ် သည်လေးဒီးစ်ဂျာနယ်မှ ။
“ကောင်းဖို့ရွယ်သော၊ခေတ်ကိုအထူးသဖြင့်မျှော်မိတယ်”
(မင်းဒင်)
(တစ်)
ပြောမဲ့သာပြောရတယ်။ကျုပ်ဆိုတဲ့ကောင်ကလည်း အမှတ်သည်းခြေသိပ်ရှိတဲ့ကောင်တော့ မဟုတ်ဘူးဗျ။ပြီးခဲ့တဲ့ရက်ပိုင်းတုန်းက ကျုပ်မိတ်ဆွေတစ်ယောက် အလုပ်သမားကဒ်လုပ်ဖို့ ဖူးခက်မြို့နယ်အလုပ်သမားရုံးဆီရောက်ခဲ့တုန်းက ကျုပ်ရင်ထဲမှာ မကောင်း လွန်းလို့မျက်ရည်ကျမိတဲ့အကြောင်း ရေးခဲ့တဲ့စာလေးတစ်ပုဒ်ကိုခင်ဗျား မှတ်မိမယ်ထင်ပါရဲ့။အဲဒီမိတ်ဆွေကပဲ ပြီးခဲ့တဲ့ညက ကျုပ်ကို ဖုန်းဆက်ပြန်တယ်ဗျ။အနှီနေ့က မိုးသာစုန်းစုန်းချုပ်သွားတယ်။အလုပ်သမားကဒ်(ဘတ်)မရခဲ့သေးဘူးဆိုပဲ။ဒါကြောင့်မနက်ဖြန်တစ် ခေါက်ထပ်သွားရအုံးမတဲ့ဗျာ။သူကတော့ “ခင်ဗျားလိုက်မနေပါနဲ့တော့၊ကျနော့်ဘာသာ တစ်ယောက်တည်းသွားလိုက်ပါ့မယ်” ဆိုပေမဲ့၊ ကျုပ် စိတ်ထဲမှာ ဟိုရက်ပိုင်းက ငိုချင်သလိုလိုဖြစ်ခဲ့တဲ့ စိတ်ဟာ ဘယ်ရောက်သွားမှန်းတောင် မသိတော့တဲ့အပြင် ဇာတ်လမ်းပြီးအောင် စပ်စုချင်စိတ်ပေါ်လာပြန်ပါရောဗျာ။ဒါနဲ့ပဲ တရားဝင်ကျွန်စာရင်းဝင်မဲ့ကဒ်ပြား(ဘတ်)စစ်ဆင်ရေး ကိုမကျေပွဲနွှဲဖို့ ဒီမနက်အိပ်ယာကနေ အစောကြီးထပြီး၊ဖူးခက်အန်ဖေရုံးကို ဒုတိယမ္ပိနှစ်ကြိမ်မြောက်ရောက်ခဲ့ပြန်ရောဆိုပါတော့ဗျာ။
အန်ဖေရုံးထဲကို ကျုပ်တို့၊ကားမောင်းဝင်သွားတဲ့အချိန်ဟာ မနက်ခုနစ်နာရီခွဲသာသာလောက်ပဲရှိဦးမယ်ဗျ။ အမယ်၊ထုံးစံအတိုင်း အန်ဖေ ရုံးမှာ ကျုပ်တို့ဗမာတွေနဲ့စည်ကားမြဲစည်ကားနေလိုက်တာ ပျားရည်ဘဏ်တိုက်သီချင်းထဲက “အပြန်အပြန်အပြန်လားကွဲ့၊အသွားအ သွား၊ အသွားပါဗျို့ ၊ခေါက်တုန့်လူးလာ၊ကူးကာသယ်ပို့ကြို” ဆိုတဲ့ စာသားတောင်နားထဲကြားလာသလိုပါပဲဗျာ။
(နှစ်)
ထိုင်းဘတ်ပွဲစား မိန့်တော်မူတာကတော့ မနက်ဆယ်နာရီဆိုကိစ္စပြီးပြီ၊သူယူထားတဲ့တုံကင်နံပတ်က (၅)တဲ့ခင်ဗျ။ ဒီတော့ ကျုပ်လည်း ကျုပ်ရဲဘော်ကို အေးအေးဆေးဆေးပါဆိုတဲ့ အမူအရာနဲ့မေးတစ်ချက်ဆတ်ပြရင်း၊အဲဒီရုံးဝင်းထဲက လက်ဖက်ရည်ဆိုင်ဆီချီတက် ခဲ့ရောဆိုပါတော့။ ဒီနေ့တော့ဟန်ကျတယ်ဆိုရမဗျို့။ ကြွရောက်လာတဲ့ရွှေပွဲလာ ဗမာအလုပ်သမားထုကြီးဟာ တုံကင်နံပတ်အပေါ်အာရုံ များပြီး တောင်လျှောက်မြောက်လျှောက်တရုန်းရုန်းအလုပ်များနေတာကြောင့်၊ လက်ဖက်ရည်ဆိုင်ဆီစိတ်မလည်အားသေးတာမို့၊ ကျုပ်တို့က အထူးတန်းကနေ နေရာရတယ်ဆိုပါတော့။နေရာကတော့ကောင်းသလားမပြောနဲ့။ ဘတ်အတွက် ဆေးစစ်ဖို့ တန်းစီထားတဲ့ လူအုပ်ကြီး ဟာ ကျုပ်တို့နဲ့ ကွာလှဆယ့်ငါးပေပဲဗျာ။
အမယ်၊ဟိုရက်ပိုင်းက လူအုပ်ကြီးရှေ့မှာ ချထားတဲ့ ဆီးသွန်တဲ့ပလတ်စတစ်ပုံးကြီးတော့ မရှိတော့ဘူးခင်ဗျ။ကျုပ်စိတ်ထဲမှာ ကျုပ်ရေးခဲ့ တဲ့ ဆောင်းပါးကို ဒီရုံးက အရာရှိတစ်ယောက်ယောက်များဖတ်မိပြီး အချိန်မီပြင်လိုက်လေသလား လို့တောင် ကြံကြံဖန်ဖန်စဉ်းစား ရင်း၊ ဘဝင်မြင့်သလိုလိုတောင်၊ဖြစ်မိတဲ့အထိ။ကျုပ်တို့မျက်စိရှေ့မှာတော့ ဖူးခက်ရောက်ဗမာအလုပ်သမားတွေဟာ ဗမာစကားကိုခပ်တိုးတိုး နှစ်ကိုယ် ကြားလေသံနဲ့ပြောကြ၊ စာရွက်ကလေးတွေကိုယ်စီကိုင်ရင်း၊ငြိမ်ဝပ်ပိပြားစွာတန်းစီနေကြလေရဲ့။ သေချာဂရုတစိုက်ကြည့်မိ တော့မှ ထိုင်းလူမျိုးဘတ်ပွဲစားဆယ်ယောက်လောက်ဟာ ရုံးထဲကိုဝင်လိုက်ထွက်လိုက်နဲ့၊ကိုယ့်အုပ်စုအလှည့်မြန်မြန်ကျရေးကို လုံးပန်းနေလိုက် ကြတာများ ဗမာပြည်က အကြံအဖန်ရုံးတွေရဲ့မြင်ကွင်းအတိုင်းပဲခင်ဗျ။ကျုပ်ကလူအုပ်ကြီးကိုငေးကြည့်နေတုန်း ဗြုန်းဆို ကျုပ်ဘေးနားမှာ ရှိတဲ့ ဆောင်းဘောက်စ်ကနေ အသံကျယ်ကြီးရုတ်တရက်ထွက်လာပြန်သဗျာ။ လက်စသတ်တော့ လက်ဖက်ရည်ဆိုင် ထဲ၊ ကျုပ်နဲ့ဘေးချင်း ကပ်ဝိုင်းမှာထိုင်းနေတာက အဲဒီရုံးက ရပ်ကွက်လူကြီးဆော်သြရေးမှူးဖုယိုင်ဘန်းထင်ပါရဲ့။ ထိုင်းစကားနဲ့သူ ပြောနေတာကို ကျနော်နားလည်မိသမျှကတော့ “သုံးလလောက်အချိန်ပေးထားပါလျက်နဲ့ ခင်ဗျားတို့ ဒီနေ့မှ စုပြုံပြီးလာကြ တယ်။ ကျန်တဲ့ရက်တွေဘာလုပ်နေကြလဲ။ခင်ဗျားတို့က ဘတ်မရှိရင် ဖမ်းမဲ့ရက်ဖင်နားကပ်လာမှ ဒီရုံးကိုရောက်လာကြတယ်။ တုံကင်နံပတ် တစ်ခုကို လူအယောက်လေးငါးဆယ်သွင်းတယ်။ ဘယ်လောက် လုပ်ငန်းကြီးတဲ့သူဌေးဖြစ်ဖြစ် အလုပ်သမားဦးရေရှိလှ၊ ဆယ့်ငါးယောက်ပေါ့။အခုလာလုပ်နေကြတာ ပွဲစားတွေဆိုတာ သိနေတယ်နော်။ အခုလည်း တုံကင်နံပတ်တစ်ခုကို ဘတ်ငါးရာနဲ့ရောင်း စားတာလည်း ကျနော်သိတယ်”ဆိုပဲ။
(သုံး)
ကျုပ်ဖြင့် “ငါထိုင်ကြည့်နေတာ ဒင်းသိများနေရော့သလား”လို့တောင် စိုးရိမ်မိတဲ့အထိပဲဗျာ။အမှန်က သူပြောနေတာဟာ လူကြား ကောင်းအောင် အသံကောင်းလွှင့်နေတာဗျ။ဒီအလုပ်က နာမည်ခံသူဌေးနဲ့ထိုင်းပွဲစားမပါပဲ၊ဗမာတွေချည်းလာလုပ်လို့ရတဲ့အလုပ်မှ မဟုတ်တာ။ကျုပ်ထိုင်ကြည့် နေမိသလောက် သူလျှောက် နှုတ်ဆက်နေတဲ့၊သူနဲ့ဖက်လှဲတကင်းရှိတဲ့ သူတွေ အားလုံးဟာ၊ ထိုင်းဘတ်ပွဲစားတွေချည်းပဲလေ။အဲဒီအချိန်မှာပဲ ကျုပ်မိတ်ဆွေရဲ့ ဘတ်ပွဲစားရောက် လာပြီး သူယူထားတဲ့တုံကင် နံပတ်ဟာ (၅) မဟုတ်ပြန်ဘူးတဲ့ခင်ဗျ။လူမစုံလို့ နံပတ်လေးဆယ်ဖြစ်သွားပြီမို့ ဆယ့်နာရီထိုးတဲ့အထိ စောင့်ပေအုံးတော့တဲ့။ ကျုပ်ကပဲ သံသယဖြစ်လွန်း နေသလားမဆိုနိုင်ဘူး။တုံကင်နံပတ်ကို ဘတ်ငါးရာနဲ့ရောင်းစားလိုက်တဲ့ ပုဂ္ဂိုလ်ဟာ ဒီလူပဲဖြစ်မယ်ထင်လိုက်မိတဲ့ အထိ။ပေါက်တဲ့နဖူး မထူးတော့တာမို့ စောင့်လက်စနဲ့စောင့်လိုက်အုံးဆိုပြီး၊စိတ်ဒုံးဒုံးချလိုက်ရင်း၊ ထိုင်းဘတ်ပွဲစား လာပေးတဲ့၊ စာအိတ်ဖြူ လေးတအိတ်၊ ကျုပ်မိတ်ဆွေရဲ့ လက်ထဲမှာ၊လှမ်းမြင်လိုက်လို့စပ်စုလိုက်တော့ ဆေးစစ်ဖို့ ရုံးထဲဝင်တဲ့အခါမှာ ပေးရမဲ့ငွေကို စာအိတ် ကလေးနဲ့ ထည့်ထားတာကလား။စာအိတ်ထဲက ငွေတွေကို ရေတွက်ကြည့်လိုက်တော့ စုစုပေါင်း နှစ်ထောင့်ခုရာဘတ် တိတိခင်ဗျ။ ဘယ့်နှယ့်၊ ပွဲစားလက်ထဲကိုစောစောကမှ၊ပေးလိုက်ရတာက သုံးထောင့်ငါးရာ၊ချက်ခြင်းမျက်လှည့်ပြသလို စာအိတ်ထဲပြန် ရောက်လာတာက နှစ်ထောင့်ခုနှစ်ရာပဲလားဆိုပြီးသေချာအောင်မေးလိုက်တော့မှ ပွဲစားဖြတ်ထားတဲ့ ဘတ်ရှစ်ရာဟာ ထိုင်းအလုပ်ရှင်သူဌေး နာမည် ခံခ တဲ့ခင်ဗျ။
ဇာတ်လမ်းကတော့ အဲဒီမှာစတာပဲဗျ။ ခင်ဗျားစဉ်းစားကြည့်လေ၊ဗမာအလုပ်သမားတွေဟာထိုင်းပွဲစားတွေနဲ့ လုပ်ထားတဲ့ဘတ်တွေကို ကိုင်ပြီး အလုပ်ရှင်နာမည်မတူတဲ့ နေရာတွေမှာ လျှောက်လုပ်နေကြရတော့ ထိုင်းပုလိပ်က ဖမ်းချင်သပဆိုရင် အလုပ်ရှင်မတူတဲ့ခေါင်းစဉ် နဲ့ ကွိကနဲနေအောင် အဖမ်းခံရမှာလေ။ကိုယ့်သူဌေးနာမည်နဲ့ကိုယ်လုပ်ကြပါလားလို့ ခင်ဗျားအထွန့်မတက်လေနဲ့။ဖူးခက်မှာ ကျုပ်တွေ့မိ သမျှ အလုပ်ရှင်တော်တော်များများဟာ ကိုယ့်အလုပ်သမားကို ကိုယ့်နာမည်ခံပြီးဘတ်လုပ်ပေးတာ မရှိသလောက်ကို ရှားတယ်ဗျာ။
(လေး)
နေမြင့်လာလေ ဗမာအလုပ်သမားတွေအပြည့်တင်လာတဲ့ ကားတွေ တဖွဲဖွဲထပ်ရောက်လာလေပဲဗျို့။ဒီနေ့အတွက် အလုပ်သမားဦးရေ ခြောက်ရာပဲလက်ခံမယ်ဆိုလို့ တချို့လည်း တပ်နောက်သို့ပြန်လှည့်သွားကြလေရဲ့။ ဒီနေ့ကျုပ်မျက်စိရှေ့ကမြင်ကွင်းမှာတော့ ကိုယ်ဝန် ဆောင်တွေကော၊ခါးထစ်ခွင်အရွယ်ကလေးငယ်တွေအပါအဝင် ဗမာအလုပ်သမား လူငယ်လူလတ်တွေ ရုံးဝင်းထဲမှာ ပြည့်နှက်နေပြန်ပြီ ခင်ဗျ။ဒီမှာတင် မော်လမြိုင်ဖက်က ကိုလင်းကြည်ဆိုတဲ့ ကျုပ်အသိတစ်ယောက်ပြောခဲ့ဖူးတာ ပြေးသတိရမိတယ်။သူတို့ရွာက ရွာလုံးကျွတ် နီးပါး ဖူးခက်ရောက်နေပြီဆိုပဲ၊ကုန်ကုန်ပြောရရင် ရပ်ကွက်ကောင်စီဥက္ကဋ္ဌလုပ်ခဲ့ဖူးတဲ့ သူ့ညီတောင် ဖူးခက်ကိုလာပြီး အလုပ်လုပ်နေ သတဲ့။ဒါဆို ခင်ဗျားတို့ရွာမှာ ကျီးစောင့်ကြက်နှင်၊သက်ကြီးရွယ်အိုမသန်မစွမ်းတွေနဲ့ ဘုန်းကြီးတွေပဲကျန်ရစ်ခဲ့မှာပေါ့လို့ ကျုပ်က လျှာရှည်မိတော့ ..၊ “ဘုန်းတော်ကြီးတွေလည်း ဖူးခက်ကိုရောက်လာတာပဲ၊တရားရေအေးတိုက်ကျွေးရင်း အလှူခံရင်းဆိုပါ တော့” တဲ့။
အရွယ်ကောင်းလူငယ်တွေလည်း ဖူးခက်မှာပဲ နဖူးစာရွာလည်ကြရင်း၊အိမ်ထောင်ရက်သားကျပြီးသားသမီးတွေပွားစီးကြပြန်တာပါပဲ။ ဒါပေမဲ့ ဖူးခက်ကိုရောက်လာတဲ့ ဗမာအလုပ်သမားတွေကြားမှာ နှစ်ကာလရှည်ကြာစွာနေသော်ငြား ထွေထွေထူးထူး စုမိဆောင်း မိကြဟန်တော့မတူဘူး။ “ဖူးခက်မြို့မှာဆယ်နှစ်ကြာ၊ရွာပြန်လက်ဆောင်ကလေးနှစ်ကောင်”ဆိုတဲ့ စာချိုးတွေလည်းရှိပါ့ဗျာ။
အန်ဖေရုံးရှေ့က လက်ဖက်ရည်ဆိုင်မှာထိုင်ရင်း ကျုပ်ဟိုတွေးဒီတွေး လျှောက်တွေးနေလိုက်တာ ဆယ်နှစ်နာရီထိုးကာနီးတော့ ကျုပ်မိတ် ဆွေအလှည့်ရောက်လာပါလေရောဗျာ။အန်ဖေရုံးထဲကို ထိုင်းဘတ်ပွဲစားတွေဥဒဟိုဝင်ထွက်နေတာ မြင်နေလေတော့ ကျုပ်လည်း ခပ်တည်တည်နဲ့ ရောယောင်ပြီး၊ဝင်လိုက်သွားခဲ့ရောဆိုပါတော့ဗျာ။
အမယ်။ရုံးခန်းထဲလည်းရောက်ရော ခန်းမကျယ်ကြီးတစ်ခုထဲမှာ စားပွဲပေါင်းလေးငါးဆယ်လောက်ကိုရှိနိုင်တယ်ဗျ။ အခန်းထိပ်ဆုံးက နံရံပေါ်မှာလည်း တကြိမ်တည်းအပြီးဆောင်ရွက်ပေးသည်(One Stop Service) ဆိုတဲ့ စာတန်းကြီးက ပြူးနေလေရဲ့။ထိုင်းဘာသာ၊ အင်္ဂလိပ်၊မြန်မာနဲ့ကမ္ဘောဒီယားလိုပါ လေးဘာသာနဲ့ရေးထိုးထားတာမို့ ရာဇကုမာရကျောက်စာကိုတောင် သတိရစရာကောင်းသေးဗျာ။ ဖြစ်ချင်တော့ ဗမာစာနဲ့ ရေးထားတဲ့ စာတန်းဟာ စာလုံးပုံစံ(Font) မှားပြီး ပရင့်ထုတ်ထားတာမို့ဘာရေးထားမှန်း၊ကျုပ်တောင်မဖတ်တတ် ခဲ့ပါဘူး။
တိုတိုပြောရရင် ဆီးစစ်၊သွေးစစ်၊ပုံစံဖြည့်၊ဓာတ်ပုံရိုက်၊အမာစားကဒ်ပြားလုပ် စတဲ့ လုပ်ငန်းစဉ်အဆင့်ဆင့်ကို၊စားပွဲအသီးသီးမှာ ကျသင့်ငွေအမျိုးမျိုးနဲ့၊တစ်နာရီခွဲကြာ ဖြတ်ကျော်ပြီးချိန်မှာတော့ ဝါချီလတ်ဆေးရုံကြီးဆီ ဓာတ်မှန်သွားရိုက်ဖို့ စာရွက်လေးတစ်ရွက်ထုတ် ပေးလိုက်ပါတော့တယ်။ကျုပ်မိတ်ဆွေရဲ့ အင်္ကျီကော်လံမှာတော့ (၅၂၉)ဆိုတဲ့ နံပတ်လေးတစ်ခု ကလစ်နဲ့ ချုပ်ပေးလိုက်တဲ့အပြင် လက်မောင်းနှစ်ဖက်မှာလည်း ခရမ်းရောင်မှင်နဲ့ ရိုက်ထားတဲ့ တံဆိပ်တွေစာလုံးတွေစုစုပေါင်းလေးခုခင်ဗျ။ကျုပ်ကတော့ နွားသတ်ရုံ၊ဝက် သတ်ရုံတွေမှာ အသတ်မခံရခင် တံဆိပ်ရိုက်ခံကြရတဲ့၊တိရိစ္ဆာန်တွေရဲ့ဘဝကိုပြေးမြင်မိပေမဲ့ သူရှက်သွားမှာစိုးလို့ စိတ်ထဲကပဲ ကျိတ်ပြီး မချိတင်ကဲဖြစ်မိတာပါပဲ။
(ခြောက်)
သိပ်ကိုသိသာတဲ့အချက်ကတော့ ရုံးအတွင်းဖက်မှာတွေ့ရတဲ့ ငွေလက်ခံတဲ့ စားပွဲတွေဆီက၊ထိုင်းဝန်ထမ်းတွေဟာမျက်နှာထားသိပ်တင်း တင်းမာမာမရှိကြပါဘူး။ သေချာပြန်စဉ်းစားကြည့်တော့ ငွေလာပေးတဲ့သူတွေမို့၊ဘယ်မှာလာ မာကြပါမလဲဗျာ။ငွေနဲ့မဆိုင်တဲ့ စားပွဲတွေဆီက မျက်နှာထားတွေကတော့ တလောကလုံးသူတို့လုပ်စာထိုင်စားနေတဲ့ အချိုးပါပဲ။ဝါချီလပ်ဆေးရုံ ဓာတ်မှန်ခန်းရှေ့ မှာတွေ့ခဲ့ရတဲ့ ထိုင်းသူနာပြုအမျိုးသမီး တစ်ယောက်၊ဗမာအလုပ်သမားတွေကို ငေါက်ငန်းနေပုံများ ငါးစိမ်းသည်တောင်ရှုံးလောက်ပါရဲ့။
တကယ်ဆိုခင်ဗျားတွက်ကြည့်ဗျာ။ဗမာအလုပ်သမားတစ်ယောက်ကို အလုပ်သမားဘတ်တစ်ကဒ်အတွက်၊တရားဝင်ကောက်ခံတဲ့ငွေဟာ (၂၇၀၀)ဘတ်နှုန်းနဲ့တွက်ရင် ဖူးခက်တမြို့လုံးမှာ ဗမာဦးရေနှစ်သိန်းရှိတယ်ထား၊ဘတ်သိန်းပေါင်း(၅၄၀၀)ဖြစ်မယ်။ထိုင်းတစ်နိုင်ငံလုံးကို ရောက်နေတဲ့ ဗမာဦးရေသုံးသန်းဝန်းကျင်နဲ့သာတွက်လိုက်ရင် ခင်ဗျားလက်ထဲကဂဏန်းပေါင်းစက်တောင် ဂဏန်းပြည့်အောင် ဖော်ပြနိုင် မယ်မထင်မိဘူး။ကျုပ်တို့နိုင်ငံမှာ ပြည်ပရင်းနှီးမြှုပ်နှံမှုတွေလှိမ့်ဝင်နေပြီဆိုတော့ ဗမာပြည်ထဲကိုဝင်လာပြီး အလုပ်လုပ်ကြတဲ့ နိုင်ငံခြား သားတွေဆီက ဘယ်လိုဘယ်ပုံများ ငွေကောက်ခံကြသလဲဆိုတာလည်းစဉ်းစားမိပါရဲ့။
နေ့လည်နှစ်နာရီကျော်လောက်၊ ကျုပ်တို့နှစ်ယောက်သားဝါချီလတ်ဆေးရုံကြီးကနေ အောင်မြင်စွာဆုတ်ခွာလာချိန်မှာ ကျုပ်လည်း သက်ပြင်းတစ်ချက်ချလိုက်ရင်း “ခင်ဗျား၊ဒုက္ခတစ်မီးငြိမ်းသွားပြီပေါ့”လို့၊ကျုပ်မိတ်ဆွေကို၊ စကားစမိတော့၊သူက မထုံတက်တေးနဲ့ “အဲဒီလိုလည်း ကံသေကံမပြောလို့မရသေးပါဘူးဗျာ၊ဟိုတလောက ပါတောင်ကမ်းခြေ (APK)ဟော်တယ်ကြီးမှာ ဗမာအလုပ်သမား တစ်ယောက်လျှပ်စစ်မီးဖိုနဲ့ ငါးကင်နေတာ ထိုင်းပုလိပ် တွေ့သွားလို့ လစဉ်ကြေးပေးနေရပါပကောလား၊ဒီလိုပါပဲလေ။ ဗမာအလုပ် သမားတွေလုပ်ခွင့်ရှိတာက အန္တရာယ်ရှိ၊ ညစ်ပတ်ပြီး အောက်တန်းကျတဲ့ သရီးဒီ(3D,Dirty, Dangerous and Demeaning.) တွေပဲလေ” တဲ့ဗျ။
သူ့စကားအဆုံးမှာကျုပ်ဆိုတဲ့ကောင်ကလည်း လွယ်လွယ်နဲ့အလျော့ပေးချင်တဲ့ကောင်မဟုတ်လေတော့ “ဒါဆို ဒီအလုပ်သမား ကဒ်ကနေ တရားဝင်ပတ် စပို့စာအုပ်ကြီးလုပ်ပြီးရင်တော့ ခင်ဗျား စိတ်အေးရပါပြီ”လို့ ထပ်ပြီးအရစ်ရှည်လိုက်မိပြန်ရောဗျာ။ကိုယ်တော် ချော ငါးသလောက်ပြုံးမျက်နှာပေးလေးနဲ့ ကျုပ် ကိုပြန်ပက်လိုက်ပုံက “အင်း၊ပတ်စပို့လုပ်တဲ့အခါ၊နောက်ထပ်ဘတ်သောင်းချီပြီး ကုန်ရမှာပါပဲ။ဒီပုံစံအတိုင်း ထိုင်းသူဌေးအငှားနဲ့လုပ်ရဦး မှာလေ။ သူဌေးနာမည်မတူတဲ့ အမှုနဲ့ ငွေညှစ်ခံရမှာမို့၊ထိုင်းပုလိပ်စက်ကွင်းကနေ ဘယ်မှာလာ လွတ်ပါ့မလဲဗျာ”တဲ့။
ဟုတ်ပါ့ဗျာ။ဗမာတွေရဲ့လွမ်းတေးက ဆုံးရိပ်မမြင်သေးပဲကိုး။ကျုပ်လည်း ဘာမှ ခွန်းတုန့်မပြန်နိုင်တော့ပဲ နှုတ်ဆိတ်မိနေရာကနေ အာရုံတစ်ခုခုပြောင်းလိုပြောင်းငြား ကားကက်ဆက်ခလုပ် ကိုဆတ်ကနဲနှိပ်ပြီး ဖွင့်လိုက်တော့ စက်ထဲမှာ အဆင်သင့်ရှိနေတဲ့ ဗမာ သီချင်းစီဒီပြားထဲကနေ၊အသံဝါကြီးနဲ့ထွက်လာတဲ့ ကိုသုမောင်ရဲ့ အောင်ပင်လယ်သီချင်းသံဟာ ကျုပ်ရင်ထဲက ဆန္ဒနဲ့တစ်ထပ်တည်း ဖြစ်နေလေရဲ့။ ဒီသီချင်းကို ခင်ဗျားလည်း၊ကြားဖူးမှာပါဗျာ။ဘာတဲ့။
(ကြာစိမ်းကြာပြာပွင့်နီများ လှုပ်ရှားကာရယ်၊များစွာကွယ်၊လေယူရာကိုကြိုင်လှိုင်မွှေးလို့အေးကြည်တယ်၊ရှေးမှီဖွယ်၊ လူအိုလူမင်းပြော ချင်းလက္ခဏာ၊ ဟင်္သာမောင်နှံရယ်၊ဝဲတယ်၊ဝဲတယ်၊(အောင်ပင်လယ်)၆တကယ်တောအစစ်ကဲ့သို့၊အခုတော့၊လယ်ကော ဖြစ်လို့မို့ ကောင်းဖို့ ရွယ်သောခေတ်ကို အထူးသဖြင့်မျှော်မိတယ်)