“ကျွန်ုပ်၊၀ိုင်းမော်ဒေသမှဧရာမသစ်ခိုးမှုကြီးနှင့်တရုတ်တို့၏ရာဇသံ”

၁၂ ဇန်နဝါရီ ၂၀၁၄ နေ့ထုတ်၊ဆဲဗင်းဒေးနေ့စဉ်သတင်းစာမှ။

“ကျွန်ုပ်၊၀ိုင်းမော်ဒေသမှဧရာမသစ်ခိုးမှုကြီးနှင့်တရုတ်တို့၏ရာဇသံ”

(မင်းဒင်)

(တစ်)
“ရဲရဲတင်းတင်းသာခိုးကြစမ်းကွယ်ရို့၊မင်းတို့နောက်မှာ၊မင်းတို့ဆြာ၊ငါတစ်ယောက်လုံးရှိနေ
ပါတယ်ဟ”

“ဟုတ်ပါ့မလားအဘ၊အဲ၊ဆြာ၊ဒါတရုတ်ပြည်နော်”

“ဆြာ့ကိုယုံကြည်လွန်းလို့သာအရဲစွန့်ပြီးခိုးရမှာ၊မျက်ခုံးကတော့ခပ်လှုပ်လှုပ်ပဲဆြာ”

“သေချာရဲ့လားဆြာရယ်၊တော်ကြာနေ၊တရုတ်ထောင်ထဲမှာနော်ခမ်းလို
ဇာတ်သိမ်းသွားရင်ဖြင့်ကိုယ်ကျိုးနည်းမှာနော်”

“ဆြာကောင်းတပည့်မပီသလိုက်ကြလေခြင်းကွယ်တို့၊ငါက ခိုးပါလို့ဆိုနေမှတော့၊နောက်ကြောင်းအေးလိုက်စမ်းပါ။ ခိုးမှာ သာခိုးကြစမ်းပါဟ”

ကျွန်ုပ်နှင့်လေမင်းသား၊ကပ္ပလီဖေကြည်တည်းဟူသော၊လက်ရင်း
တပည့်ကျော်သုံးယောက်၊အပြန်အလှန်စကားတီးတိုးဆို
နေကြရာနေရာကား၊တရုတ်ပြည်မြို့တော်ပီကင်းရှိ၊(China World Trade Centre)ဧရာမ ကုန်တိုက်ကြီးအတွင်းမှ၊ ရတနာ ဆိုင်ကြီးတစ်ခု၏ရှေ့တွင်ဖြစ်ချေ၏။

တပည့်တို့ကား၊ကျီးကန်းတောင်းမှောက်၊ထိတ်ထိတ်ပြာပြာအမူအယာကိုယ်စီဖြင့်
ဂဏှာမငြိမ်၊ချီတုံချတုံဖြစ်နေကြသော်ငြား၊ဆြာဖြစ်သူကျွန်ုပ်မူကားအေးဆေး
တည်ငြိမ်သောဣနြေ္ဒဖြင့်၊တိုးညှင်းစွာ၊လေချွန်မပျက် လျက်ရှိ၏။
ရတနာဆိုင်ကြီး၏ရှိုးကေ့စ်မှန်ဘောင်ကြီးများအတွင်းမှ၊တန်ဘိုးငွေ
အမေရိကန်သန်းနှင့်ချီ၍တန်ဘိုးရှိသည့်၊လက်ရာမြောက်လက်ဝတ်ရတနာတို့မှာ
၊နိုင်ငံတစ်ကာလူဂုဏ်ထံကမ္ဘာလှည့်ခရီးသည်တို့အား၊သွားရည်တမြားမြား
ကျအောင်၊ဖိတ်ခေါ်နေ သယောင်ရှိ၏။တပည့်တို့မှာအဘိုးတန်ရတနာပစ္စည်းတို့ကို တစ်လှည့်၊ဆြာသခင်ဖြစ်သူ၏မျက်နှာကိုတစ်လှည့်၊ကြည့်ရင်း၊ဆြာ့အမိန့်ကို
နာခံရန်တုံ့ဆိုင်းနေကြစဉ်မှာပင်၊ဦးစီးခေါင်းဆောင်ဖြစ်သူ
ကျွန်ုပ်အနေဖြင့်နောက်ဆုံးလမ်းညွန်ချက်အမိန့်ကိုအာဏာသံပါပါ ပေးလိုက်ရင်း
စစ်ဆင်ရေးကိုစတင်လိုက်ရချေတော့သည်။

“ကဲ၊ဟေ့ကောင်တွေ၊ဒါအချိန်ကောင်းပဲ၊တန်ဘိုးအကြီးဆုံးရတနာပစ္စည်းကို
 သေချာရွေးပြီးအလစ်သုတ်ကြပေရော့”

ကျွန်ုပ်၏အမိန့်သံနှင့်မရှေးမနှောင်းမှာပင်၊တပည့်ကျော်သုံးဦးသည်အဆိုပါရတနာ
ဆိုင်ကြီးအတွင်းသို့၊တုန်ရီသောခြေလှမ်း များဖြင့်ဝင်ရောက်သွားကြရင်း
၊ဈေးဝယ်ဟန်ပြုလျက်၊ တန်ဘိုးကြီးရတနာများကိုတစ်ခုချင်းထုတ်ပြစေပြီးနောက်၊
ဆြာ့ညွန်ကြားချက်အတိုင်းအဘိုးတန်ရတနာပစ္စည်းတို့ကို၎င်းတို့၏
အိပ်ထောင်အတွင်းသို့ထည့်ကာအလစ်သုတ်လိုက်ကြသည်၏တခဏမှာပင်
အချက်ပေး သံမျိုးစုံကျယ်လောင်စွာမြည်ဟီးထွက်ပေါ်လာတော့သည်။

ထို့နောက်တွင်ကား၊ခေတ်မီသေနတ်ကိုယ်စီကိုင်ဆောင်ထားကြသည့်၊
တရုတ်ရဲလုံခြုံရေးအမြောက်အများသည်ဘယ်အချိန်က ကြိုတင်စောင့်ဆိုင်းနေကြလေသည်မသိ၊ ချက်ချင်းဆိုသလိုဝိုင်းအုံရောက်ရှိလာကြကာ၊ကျွန်ုပ်၏တပည့်ကျော်သုံးဦးအား ဝင်ရောက်လုံးထွေးဖမ်းဆီးလျက်၊လက်ထိပ်ခတ်ခေါ်ဆောင်သွားကြလေတော့သည်။
တပည့်တို့ကားငိုမဲ့မဲ့မျက်နှာထားကိုယ် စီဖြင့်၊လူအုပ်ကြီးထဲတွင်
၊ခေတ္တကိုယ်ယောင်ဖျောက်နေ သည့်ကျွန်ုပ်ကိုအားကိုးတကြီးရှာဖွေနေကြဟန်ရှိ၏။
ကျွန်ုပ်သည်ကား၊မဟာစီမံချက်၏ပထမဆုံးအဆင့်၊ကောင်းစွာအောင်မြင်ခဲ့လေပြီ
ဟူသောအတွေးဖြင့်၊ကျွန်ုပ်တကိုယ်တည်းကျိတ်၍ ပြုံးလိုက်မိလေသည်။

(နှစ်)
ကျွန်ုပ်သည်ပီကင်းမြို့ရှိခေတ်မီဟိုတယ်ကြီးတစ်ခုတွင်တည်းခိုရင်း၊
အချုပ်နန်းစံနေကြရသောတပည့်ကျော်တို့၏သတင်းအ ပြည့်အစုံကို
(Reference News)နှင့်(People’s Daily)အစရှိသည့် တရုတ်နိုင်ငံထုတ်သတင်းစာများမှတစ်ဆင့် ဖတ်ရှု လေ့လာကာအခွင့်ကောင်း ကိုစောင့်ဆိုင်းလျက်ရှိလေ၏။ရက်သတ္တနှစ်ပတ်မျှကြာသော်၊တပည့်ကျော်တို့သည်၊
 ဒေါ်လာ သန်းချီတန်သော၊ရတနာပစ္စည်းများ ကိုခိုးယူရန်ကြံစည်မှုဖြင့်ပြစ်မှုဆိုင်ရာ တရားဥပဒေအရ၊ သက်ဆိုင်ရာတရားရုံးသို့ တရားစွဲဆိုတင်ပို့ခြင်းခံရလေတော့သည်။

အထက်ဖော်ပြပါထိုထိုသောဖြစ်ရပ်တို့ကိုဖြစ်ပေါ်စေခဲ့ခြင်း၏မူလအကြောင်းရင်းခံသည်ကား
၊ကျွန်ုပ်နေထိုင်ရာဖူးခက်မြို့၊အမ်မခန်အရပ်သို့လိပ်မူလျက်
၊နိုင်ငံတော်သမ္မတရုံးမှအမည်မဖော်လိုသူပုဂ္ဂိုလ်ကြီးတစ်ဦးပေးပို့လာခဲ့သော
စာတစ်စောင်မှမြစ် ဖျားခံခဲ့လေ၏။အဆိုပါစာကိုအပြည့်အစုံရေးပြရသော်၊ မသင့်တော်ဟုကျွန်ုပ်ထင်မြင်မိသဖြင့်အကျဉ်းချုပ်အနေဖြင့် ဖော် ပြရလျှင်
၊အောက်ပါအတိုင်းဖြစ်လေသည်။

ဆြာဒင်ခင်ဗျား။

မကြာသေးမီရက်ပိုင်းအတွင်းက၊တရုတ်နိုင်ငံနယ်စပ်အနီးဝိုင်းမော်ဒေသတဝိုက်တွင်၊
တရားမဝင်သစ်ခိုးထုတ်နေသည့် တ ရုတ်နိုင်ငံသားတစ်ရာကျော်ကို၊ သစ်ခုတ်သစ်ထုတ်ယန္တယားများအပါအဝင်၊သစ်တင်ကားအစီးလေးရာကျော်ခန့်နှင့်အတူ မိမိတို့ စစ်ကြောင်းများမှဝေဟင်စစ်ဆေးရေးပြုလုပ်စဉ်လက်ပူးလက်ကြပ်
ဖမ်းဆီးနိုင်ခဲ့ပါသည်။
ထိုဖြစ်ရပ်နှင့်မရှေးမနှောင်းမှာပင်၊အဆိုပါကိစ္စနှင့်စပ်လျဉ်း၍၊ တရုတ်အစိုးရမှ ၊မြန်မာအစိုးရထံဖိအားပေးလာခဲ့ရာ၊မည်သို့မည်ပုံကိုင်တွယ်ဖြေရှင်းရမည်မသိ၊
အကြပ်ရိုက်လျက်ရှိပါသည်။
သို့ပါ၍ဆြာဒင့်အနေဖြင့်ယင်းကိစ္စအပေါ်အကောင်းဆုံးလမ်းညွန်အကြံဥာဏ်ပြုပါရန် အကူအညီတောင်းခံအပ်ပါသည်။

ရိုသေလေးစားစွာဖြင့်
ထိပ်တန်းအရာရှိ
သမ္မတရုံး၊နေပြည်တော်၊
မြန်မာနိုင်ငံတော်အစိုးရ

ယင်းစာတွင်ရည်ညွန်းသည့်ဖြစ်စဉ်အသေးစိတ်ကိုကျွန်ုပ်အနေဖြင့်၊မီဒီယာ
စာမျက်နှာများတွင်ဖတ်ရှုသိရှိပြီးဖြစ်ပါ၏။ကျွန်ုပ်သည်လက်ရှိအာဏာရ အစိုးရအားနှစ်သက်ထောက်ခံခြင်းမရှိသော်ငြား၊ယခုကိစ္စရပ်မှာ အမျိုးသားရေးပြဿနာတစ်ရပ်ဟုခံယူမိသဖြင့်၊တာဝန်ယူဖြေရှင်းပေးရန်ဆုံးဖြတ်လျက်၊၎င်းပုဂ္ဂိုလ်အား၊
ဤကိစ္စနှင့်စပ်လျဉ်း၍ပူပင်ကြောင့်ကျမှုကင်းစွာနေထိုင်
ပါရန်ချက်ချင်းပင်အကြောင်းပြန်စာပေးပို့ပြီး၊ဆရာတပည့်လေးဦးသား၊ရရာလေယာဉ်ဖြင့်ဖူးခက်မှသည်
ပီကင်းဆီသို့အပူတပြင်းခရီးနှင်ကာ၊လိုအပ်သည်တို့ကိုစနစ်တကျအကွက်ချ
စီစဉ်ခဲ့ရချေသည်တစ်မုံ့။

(သုံး)
တပည့်ကျော်သုံးဦးအား၊ရုံးတင်စစ်ဆေးမည့်နေ့တွင်၊သက်ဆိုင်ရာ
တရားရုံးရှိရာသို့ကျွန်ုပ်ရောက်ရှိသွားချိန်၌၊တာဝန်ကျ တ ရားသူကြီးသည်အမှုတွဲကိုစတင်လက်ခံကြားနာရန်အသင့်အနေအထားရှိနေပြီဖြစ်၏။
ထို့ကြောင့်ကျွန်ုပ်သည်အနည်းငယ်မျှတွေဝေတုံ့ဆိုင်းနေခြင်းမရှိပဲ၊
တရားရုံးလုံခြုံရေးအရာရှိမှတစ်ဆင့်၊တရားသူကြီးအား၊အဆိုပါအမှုတွင်
တရားခံဟုစွပ်စွဲခံရသူများဖက်မှလိုက်ပါလျှောက်လဲခွင့်ပြုရန်၊ ကျွန်ုပ်၏ကိုယ်ရေးရာဇဝင်အကျဉ်းနှင့်အတူ၊ ရန်ကုန်တက္ကသိုလ်မှဥပဒေဘွဲ့လက် မှတ်၊
 နိုင်ငံ တစ်ကာရှေ့နေများကောင်စီ၏ အသိအမှတ်ပြုကဒ်ပြား၊တို့ကိုပူးတွဲတင်ပြလျက် အခွင့်တောင်းခံရာ၊တရားသူကြီး သည် ကျွန်ုပ်၏မျက်နှာကိုစေ့စေ့စပ်ကြည့်ရင်း၊ ချက်ချင်းဆိုသလိုလက်ခံအတည်ပြုလေသည်။
ကျွန်ုပ်ကားစစ်ဦးဘီလူးဆိုသကဲ့သို့၊ပွဲစသည်နှင့်ပင်တိုက်စစ်ကိုဟူးဟူးလျင်လျင်
ဖွင့်လိုက်ရချေတော့၏။

“တရားသူကြီးမင်းခင်ဗျာ။ကျနော်ဟာမြန်မာရှေ့နေရာဇဝင်မှာနေလိုလလိုထင်ရှားခဲ့တဲ့
၊ရေစကြိုသားအခုံတော်ဦးကျဘမ်းရဲ့ မျိုးနွယ်ဆက်ဖြစ်သလို၊တရားသူကြီးမင်းဟာလည်း၊ တရုတ်နိုင်ငံတရားစီရင်ရေးရာဇဝင်မှာ၊အလွန်သမာမတ်ကျ၊ဖြောင့်မတ် တည်ကြည်သူအဖြစ်ကမ္ဘာအနှံ့ဂုဏ်သတင်းမွှေးပျံ့ခဲ့တဲ့၊တရားသူကြီးပေါင်ချိန်နဲ့
တန်းတူဂုဏ်သိက္ခာရှိသူလို့ ကျွန်ုပ် အခိုင်အ မာယုံကြည်တဲ့အတွက်၊
ဤစာလွှာကိုရုံးတော်သို့ တင်သွင်းအပ်ပါတယ်ခင်ဗျာ"

တရားသူကြီး၏လက်ဝယ်သို့ ကျွန်ုပ်ပေးအပ်ခဲ့သော စာလွှာတွင်အောက်ပါအတိုင်းရေးသားပါရှိသည်။
“ရတနာပစ္စည်းများခိုးယူမှုဖြင့် ဖမ်းဆီးခံနေရသည့်မြန်မာလူငယ်သုံးဦးကိစ္စ မှန်မှန်ကန်ကန်ကိုင်တွယ်ရန် တရုတ်အစိုးရသို့ တိုက်တွန်းခြင်း”
၁။ မြန်မာတမျိုးသားလုံး၏ပြောရေးဆိုခွင့်ရှိသူ၊ကျွန်ုပ်ဆြာဒင်အနေဖြင့်၊
တရုတ်နိုင်ငံပီကင်းမြို့တွင်ဖြစ်ပွားခဲ့သော၊မြန်မာလူ ငယ်သုံးဦးအား၊ရတနာပစ္စည်းများခိုးယူမှုဖြင့်စွပ်စွဲထားခြင်းအပေါ်၊
တရားသဖြင့်မျှမျှတတကိုင်တွယ်ပေးစေလိုသည်။မြန်မာပြည်သူတစ်ရပ်လုံးနှ
င့်နိုင်ငံတစ်ကာအသိုင်းအဝိုင်းအနေဖြင့်၊အဆိုပါကိစ္စရပ်အပေါ်
အသေးစိတ်လေ့လာစောင့်ကြည့်လျက်ရှိသည်။

၂။ နိုင်ငံတစ်ကာရောက်မြန်မာလူမျိုးများ၏ဘေးကင်းလုံခြုံမှု၊တရားဥပဒေစိုးမိုးမှုရှိစွာ၊
မှန်မှန်ကန်ကန်ကိုင်တွယ်ဖြေရှင်း ဆောင်ရွက်ပေးရန်၊ကျွန်ုပ်တို့အနေဖြင့်ဆန္ဒရှိသည်။
တချိန်တည်းတွင်ပင်အဖမ်းဆီးခံထားရသော၊မြန်မာလူငယ်သုံးဦး၏တ
ရားဥပဒေ ဆိုင်ရာအခွင့်အရေးနှင့်အကျိုးစီးပွားကိုအကာအကွယ်ရရန်သေချာစေချင်ပါသည်။

ပုံ
ဆြာဒင်
ခေတ္တ၊ဖူးခက်မြို့၊
ယိုးဒယားပြည်တောင်ပိုင်း။

(လေး)
မျက်ပေါက်ကျဉ်းသည့်တရားသူကြီးသည်၊ကျွန်ုပ်ပေးအပ်သည့်စာကိုဖင်လှန်ခေါင်းလှန်
အကြိမ်ကြိမ်ဖတ်ရှုပြီးသည့်အခါ၊မည်သို့နားလည်ဝေခွဲရမည်မသိသော၊
အူကြောင်ကြောင်မျက်နှာပေးနှင့်ရှိနေ၏။အတန်ကြာမှသူ့စကားသံထွက်ပေါ်လာသည်။

“ဘယ့်နှယ့်စာကြီးပါလိမ့်၊အသနားခံစာလည်းမဟုတ်၊အယူခံလွှာလည်းမမည်၊
ရာဇသံလိုလိုဘာလိုလိုနဲ့၊ဒါနဲ့နေပါဦးမောင်ရင်။ဒီအ မှုဟာကိုယ်ကျင့်တရားပျက်ပြားတဲ့ခိုးမှုဆိုတာတော့သိပါတယ်နော်”

“ဟုတ်ကဲ့၊သိပါသော်ကောဗျာ”

“နောက်တစ်ချက်က၊ဒီတရားခံတွေဟာ၊တရုတ်ပိုင်နက်နယ်မြေထဲမှာလက်ရဲဇက်ရဲ
လာပြီးကျူးလွန်တာကိုကော၊မောင်ရင် မသိတာလေရော့သလား”

“အရမ်းအရမ်းကိုသိပါတာပေါ့ခင်ဗျာ”
“ဒါဖြင့်ဒီစာဟာ၊တရုတ်နိုင်ငံရဲ့တရားဥပဒေစိုးမိုးမှုကိုသိသိကြီးနဲ့စော်ကားလိုက်ရာ
ကျနေတယ်ဆိုတာ၊မောင်ရင်နားမလည်ဘူး လား”

“ဒီလိုပြောကြကြေးဆိုရင်ဖြင့် တရားသူကြီးတို့ရဲ့တရုတ်အစိုးရဟာလည်း၊မြန်မာနိုင်ငံရဲ့တရားဥပဒေစိုးမိုးရေးကို၊
သိသိကြီးနဲ့ ဝင်စွက်တဲ့သဘောမို့ဒီစာကိုထုတ်ပြန်တာလားခင်ဗျာ”

ကျွန်ုပ်သည်တရားသူကြီး၏လက်ဝယ်သို့ဒုတိယမြောက်စာတစ်စောင်ကိုပေးအပ်ရာ၊
ယင်းစာအပြည့်အစုံမှာအောက်ပါအတိုင်းဖြစ်လေသည်။

“တရားမ၀င်သစ်ခုတ်မှုဖြင့် ဖမ်းဆီးခံနေရသူများကိစ္စ မှန်မှန်ကန်ကန်ကိုင်တွယ်ရန် တရုတ်အစိုးရ တိုက်တွန်း”

၁။တရုတ်နိုင်ငံခြားရေးဌာန ပြောရေးဆိုခွင့်ရှိသူ ဟောင်းလီက မြန်မာနိုင်ငံတွင်ရှိသော၊
တရုတ်သံရုံးအနေနှင့်အဆိုပါကိစ္စ အပေါ်အသေးစိတ်စိစစ်စုံစမ်းမှု
များပြုလုပ်နေပြီး၎င်းအမှု ကို တရားသဖြင့် မျှမျှတတ ကိုင်တွယ်ဆောင်ရွက်ပေးစေလိုသည်။

၂။တရုတ်-မြန်မာနယ်စပ်တလျောက် ဘေးကင်းလုံခြုံဥပဒေစိုးမိုးမှုရှိပြီး ယင်းကိစ္စကိုမြန်မာနှင့်အတူမှန်မှန်ကန်ကန်မျှမျှ တတဖြစ်အောင်ကိုင်တွယ်ဖြေရှင်းဆောင်ရွက်ရန်တရုတ်တို့ဘက်မှဆန္ဒရှိပါသည်။
တချိန်တည်းမှာပင်၊ဖမ်းဆီးခံထားရသော တရုတ်နိုင်ငံသားများအားလုံး၏ တရားဥပဒေဆိုင်ရာအခွင့်အရေးနှင့် အကျိုးစီးပွားကို အကာအကွယ်ရရန် သေချာစေချင်ပါ သည်။(တရုတ်နေ့စဉ်သတင်းစာ)

တရုတ်တရားသူကြီးသည်ကျွန်ုပ်၏စာကိုတက်သုတ်ရိုက်ဖတ်ရှုပြီးသည်တွင်၊
တအံ့တသြအမူအယာဖြင့်တလုံးတပါဒမျှခွန်းတုန့်မပြန်နိုင်ပဲရှိနေစဉ်၊
ကျွန်ုပ်သည်ထောက်လက်သီးနှင့်တူလှစွာသောနောက်ဆုံးလျှောက်လဲချက်ဖြင့်၊
ပွဲကိုအဆုံးသတ်ခဲ့လေ တော့သည်။

“တရားသူကြီးမင်းခင်ဗျား၊ဝိုင်းမော်သစ်ခိုးမှုမှာ၊တရားခံတရုတ်လူမျိုးတွေဟာ၊
ကိုယ်ကျင့်တရားဖောက်ဖျက်တဲ့ခိုးမှုကျူးလွန်သူတွေမဟုတ်ဘူးလား၊
သူတပါးနိုင်ငံပိုင်နက်နယ်မြေထဲကိုအတင့်ရဲစွာကျူးကျော်ဝင်ရောက်ပြီး
၊လောဘဇောတိုက်ခိုးခဲ့ကြတာမဟုတ်ဘူးလား။ဒါကိုသိပါလျက်နဲ့ဘာကြောင့် ရာဇသံပါတဲ့စာမျိုးကိုကျုပ်တို့အစိုးရအဖွဲ့ထံပေးပို့ခြိမ်းခြောက်ရပါသလဲ။
အခုရုံး ရှေ့မှာရောက်နေတဲ့လူငယ်တွေဟာသူခိုးအစစ်တွေမဟုတ်ပါဘူး။
အမှန်တရားကိုဆင်ခြင်သုံးသပ်နိုင်ဖို့ကျုပ်ကိုယ်တိုင် တမင်ကြိုတင်စီမံပြီး၊ဟန်ဆောင်ခိုးမှုကျူးလွန်စေခဲ့ခြင်းသာဖြစ်တယ်”

(ငါး)
တရားသူကြီးသည်အမွှန်ကိုအခွပ်ခံရသောကြက်ကဲ့သို့လည်လိမ်ကာ
ဇက်စောင်းလျက်ရှိလေပြီ။နောက်ဆုံးတွင်မူယခုကိစ္စ မှာတရုတ်ကွန်မြူနစ်ပါတီဗဟိုဦးစီးအဖွဲ့နှင့်တရုတ်အစိုးရတို့ထံတင်ပြရမည့်
အမှုဖြစ်ကြောင်းပြောကြားကာရုံးတော်ကိုရပ်နား ၏။နှစ်ရက်မျှကြာသော်၊ ကျွန်ုပ်၏တပည့်ကျော်သုံးဦးအား၊စွဲဆိုထားသောပြစ်မှုမှတရားသေလွှတ်မိန့်နှင့်အတူ၊
တရုတ်အစိုးရထံမှ၊ကျွန်ုပ်ထံလိပ်မူသည့်စာတစောင်ရောက်ရှိလာခဲ့လေသည်။

အဆိုပါစာတွင်၊တရုတ်နေ့စဉ်သတင်းစာ၌ဖော်ပြခဲ့သော၊တရုတ်နိုင်ငံခြားရေး
ဌာနပြောရေးဆိုခွင့်ရှိသူဟောင်းလီ၏ပြောကြားချက်ကိုမိမိတို့အနေဖြင့်
အလေးအနက်ပြန်လည်စဉ်းစားသုံးသပ် မည် ဖြစ်ပါကြောင်း၊ လက်ရှိမြန်မာအစိုးရ၏အရည်အသွေးညံ့ဖျင်းမှုနှင့်၊ကိုယ်ကျင့်တရား
ပျက်ပြားနေမှုများကို၊မိမိတို့ ကောင်းစွာသိရှိကြောင်းနှင့်နောက်တက်လာမည့်
အစိုးရသစ်လက်ထက်တွင်၊တရုတ်မြန်မာနှစ်နိုင်ငံ၏ရေရှည်ဆက်ဆံရေး
တည်တံ့နိုင်စေရန်၊ကိုယ်ကျင့်တရားကို အဓိကထားသည့်၊ မူဝါဒ ကိုပြောင်းလဲကျင့်သုံးမည်ဖြစ်ကြောင်းဖော်ပြပါရှိသည်။

ယခုဤစာကိုရေးသားနေချိန်အထိ၊ကျွန်ုပ်ထံစာဖြင့်ရေးသား
အကူအညီတောင်းခံခဲ့သည့်သမ္မတရုံးထိပ်တန်းအရာရှိကြီးထံမှမူ၊ အကြောင်းတစုံတရာအသိပေးဆက်သွယ်လာခြင်းမရှိသေးချေ။
မည်သို့ပင်ဆိုစေကာမူ၊အချုပ်မှကျန်းမာရွှင်လန်းစွာပြန် လည်လွတ်မြောက်လာကြသော၊တပည့်ကျော်တို့၏ရင်တွင်းမှ၊တက်ကြွစွာ
ကျူးရင့်လိုက်သည့်စကားကြောင့်၊ကျွန်ုပ် ဝမ်း မြောက်ကျေနပ်ခြင်းဖြစ်ရသည်ကားအမှန်ဖြစ်ချေ၏။

“ဆြာရယ်၊နိုင်ငံနဲ့လူမျိုးသိက္ခာရှိမယ်ဆိုရင်၊ အချုပ်ကျရုံတင်မကပါဘူး။ကြိုးစင်တက်ပေါ်ဆိုရင်တောင် ရင်ကော့ပြီးတက် သွား ဖို့ဆရာ့တပည့်တို့အဆင်သင့်ရှိပါတယ်ဆြာ”

…………………………….