၂၁ ဇွန် ၂၀၁၆ နေ့ထုတ် သည်ဗွိုက်ဒေးလီးသတင်းစာမှ။ ။
ကျွန်ုပ်၊တပည့်ကျော်များနှင့်၊ စွန့်ဦးတီထွင်၊“ဒင်”သပွတ်အူကုမ္ပဏီလီမိတက်
(မင်းဒင်)
(တစ်)
“ဆြာရယ်။ဆြာ့တပည့်သာ၊ဘိုးဘိုးအောင်လိုတန်ခိုးရှင်ဖြစ်ခဲ့ရင်၊
မြန်မာပြည်ကြီးအတွက်၊နောက်ဆုံးပေါ်ဘိုးရင်းဂျက်လေယာဉ်ပျံကြီးတွေ၊
ဧရာမပင်လယ်ကူးသင်္ဘောကြီးတွေအစီးရေထောင်ချီပြီး
ဖန်ဆင်းပေးလိုက်ချင်ပါရဲ့”
“အလိုလေး။ငဖေကြည်ရယ်။မောင်ရင့်အတွေးဟာ
ဆင့်ဖင်လိုကြီးလည်းကြီး၊ကျယ်လည်းကျယ်လှပါပေတယ်။
ဘယ်လိုရည်ရွက်ချက်နဲ့များသို့ကလိုဖန်ဆင်းပေးချင်ရတာပါလိမ့်”
“တပည့်တို့တိုင်းပြည်နေ့ချင်းညချင်းကမ္ဘာနဲ့ရင်ဘောင်တန်းနိုင်ဖို့ပေါ့ဆြာ”
“ဖြစ်မှဖြစ်ရလေမောင်ရာ။မောင်တန်ခိုးရှင်ဖြစ်ရင်၊ဖူးခက်မှာရှိတဲ့
ဓာတ်တိုင်တွေ၊ကတ္တရာလမ်းတွေနဲ့ပုံစံတူတွေကိုဖန်ဆင်းပေးမှ
သဘာဝကျပေမပေါ့။မီးမလာ၊လမ်းမကောင်းရင်မောင့်လေယာဉ်ပျံတွေ၊
သင်္ဘောတွေဘာလုပ်နိုင်မှာမို့တုန်း”
“ဒီနေရာမှာတော့ဆြာရောတပည့်ပါညံ့တာချင်းထပ်တူကျသွားပြီခင်ဗျ။
တကယ်တမ်းတိုင်းပြည်တခုတိုးတက်ဖို့ဆိုရင်၊အခြေခံ
လူတန်းစားတွေအတွက်၊တနိုင်တပိုင်အိမ်တွင်းမှုလုပ်ငန်းလေးတွေ
လုပ်နိုင်ကိုင်နိုင်အောင်၊အခွင့်အလမ်းတွေဖန်တီးပေးရမယ်၊
၊ရှေ့ဆောင်လမ်းပြအနေနဲ့စွန့်ဦးတီထွင်လုပ်ပြရမယ်
ဆိုတာလောက်တောင်မသိတဲ့ဆြာတပည့်ပါကလား”
အသံရှင်ကားကြွက်စုပ်ဥပဓိရုပ်နှင့်ကပ္ပလီငယ်ဖြစ်၏။ကျွန်ုပ်နှင့်
တပည့်ကျော်ဖေကြည်တို့နှစ်ယောက်သား၊ထမင်းစားခန်းထဲတွင်
ထိုင်ရင်းတိုင်းရေးပြည်ရာနှင့်စပ်လျဉ်း၍၊အလေးအနက်ဆွေးနွေးနေကြစဉ်၊
၊ဆေးရိုးသည်ကပ္ပလီတယောက်၊ငါ့စကားနွားရလေသံနှင့်
ဝင်နှောက်လေသဖြင့်၊ကျွန်ုပ်တို့ဆြာတပည့်
ရုတ်တရက်နှုတ်ဆွံ့သွားကြ၏။
သို့သော်..၊ဆြာဂုဏ်အင်္ဂါနှင့်အညီသဘောထားကြီးမြတ်လှသည်ကို
ပြသသည့်အနေဖြင့်ကျွန်ုပ်သည်၊ဒင်းအား၊စကားဝိုင်းတွင်းသို့
အရေးတယူဖိတ်ခေါ်လိုက်ရချေသည်။
(နှစ်)
“သြ၊မောင်ကပ္ပလီပါကလား။လာကွဲ့၊လာ၊လာ၊အခုလို
ဒီမိုကရစီခေတ်သစ်ကြီးမှာ၊ငတို့တိုင်းတို့ပြည်ကြီးပွားရာကြီးပွားကြောင်း၊
တိုင်ပင်နေကြတာလကွဲ့။မောင့်လိုခေတ်အမြင်ခေတ်အတွေးရှိတဲ့
လူငယ်တယောက်အနေနဲ့၊ဆြာတို့မသိသေးတာတွေကို
သွန်သင်အကြံပြုနိုင်ပါသကွယ်။ရော့၊သည်မှာလစ်ပတန်တီးလေးနဲ့၊
မက်ခရိုကုန်တိုက်ကနာမည်ကျော်ကွတ်ကီးလေးတွေလည်း
အားပေးပါဦးမောင်ရယ်”
ဤတွင်တပည့်ကျော်ကပ္ပလီငယ်သည်ကမ္ဘာကျော်စီးပွားရေး
ပညာရှင်ကြီး၏မျက်နှာပေးဖြင့်၊ချေးလက်လေးသစ်တက်နေသော
သူ့အင်္ကျီကော်လံစကိုညာလက်ဖြင့်ပင့်လျက်၊ကုလားထိုင်လွတ်
တလုံးတွင်မိန့်မိန့်ကြီးဝင်ထိုင်ရင်း၊ဘယ်လက်က၊ကွတ်ကီးသုံးခုကို
သင်းပါးစပ်ထဲသို့၊အငမ်းမရသွပ်သွင်းကာငတ်ကြီးကျလေ၏။
“အတော်ခက်တဲ့ဆြာပါကလား။အိမ်သာထဲအီးအီးကုန်းဖို့၊
ယူသွားတဲ့သတင်းစာစက္ကူစုတ်လေးကိုဖတ်ပြီး၊ကိုယ့်ကိုယ့်ကို
အဟုတ်ကြီးထင်နေတဲ့ကောင်ကိုများအကြံပေးခန့်သတဲ့။
ဒီမှာခင်ဗျ။အက်စ်အမ်အီး(SME)လို့ခေါ်တဲ့အိမ်တွင်းမှုလုပ်ငန်း
အသေးစားလေးတွေလူတိုင်းလုပ်နိုင်ဖို့လွယ်တယ်များမှတ်နေလား။
အဲဒီအသေးအဖွဲလုပ်ငန်းလေးတွေချက်ချင်းထလုပ်နိုင်တဲ့၊
စက်ကိရိယာအသေးစားလေးတွေဘယ်မတုန်း၊နည်းပညာတွေ
ဘယ်မတုန်း။လျှပ်စစ်မီးဘယ်မတုန်း၊တုန်း.. အဟွတ်၊အဟွတ်…”
ပြောပြောဆိုဆိုဝင်လာရင်း၊စားပွဲပေါ်ရှိပန်းကန်ထဲမှကွတ်ကီးနှစ်ချပ်စီကို
ဘယ်ညာလက်အစုံဖြင့်ပါးစပ်တွင်းသို့၊ပလုပ်ပလောင်းထိုးသွင်း
လေသောကြောင့်၊တဟွတ်ဟွတ်သီးသွားသူကား၊ကျွန်ုပ်၏
တပည့်ကျော်လေမင်းသားပေတည်း။သူ့လေသံကိုထောက်ရှုခြင်းဖြင့်၊
ဒင်းလည်းခေသူမဟုတ်ချေ။ဗိုလ်အပေါင်းဖြင့်စုံချေပြီ။
ဤသိှု့လျှင်..၊ခေတ်မီဖွံ့ဖြိုးတိုးတက်သောနိုင်ငံတော်သစ်ကြီး
ထူထောင်အံ့ဟုရည်သန်လျက်၊ပြည်တွင်းဖြစ်ဈေးကွက်ဝင်
လူသုံးကုန်ပစ္စည်းတခုအားစံနမူအဖြစ်ထုတ်လုပ်ရောင်းချရေး
တည်းဟူသောဆင်ခေါင်းကိုချီမည့်၊မဟာအကြံအစည်ကို၊
လက်တွေ့အကောင်အထည်ဖော်နိုင်ရန်အလို့ငှာ၊
ကျွန်ုပ်တို့ဆြာတပည့်တသိုက်အကြိတ်အနယ်အခြေအတင်
ဒူးတိုက်ဆွေးနွေးကြသည်မှာ၊အချင်းချင်းနပန်းထမသတ်ကြရုံ
တမယ်သာရှိခဲ့ပေသည်တမုံ့။
(သုံး)
“အမှန်က ကုန်ကြမ်းအတွက်ပူစရာမလိုတဲ့ ရိုးရာအစားအသောက် လုပ်ငန်းတွေကို၊ဈေးကွက်ဝင်အောင်ကြိုးစား ရမှာ၊ဥပမာ..၊ ဇီးဖြူသီး၊ဖန်ခါးသီး၊ထန်းသီးစည်သွပ်ဗူး၊အရံသင့်သောက်နိုင်တဲ့
ကြာရှည်ခံထန်းရည်စသည်ဖြင့်ပေါ့”
“ဆင်ကိုဖြူအောင်အိုးနဲ့ထည့်ပြုတ်တာတော့ဟုတ်ပါရဲ့။
ပြုတ်စရာအိုးကဘယ်မတုန်းငတုံးရဲ့။နင့်ဟာတွေကိုသွပ်မဲ့ စည်ကို၊ဘယ်တိုင်းပြည်ကမှာရမတုန်း။ပြီးတော့အစားအသောက်ကို
ကြာရှည်ခံအောင်ထားနိုင်မဲ့နည်းပညာကလိုသေးတယ်လေ”
“ကြက်ဥဘဲဥမုန့်သိုင်းခြုံ၊ခိုတောင်မုန့်တီ၊မန္တလေးနန်းကြီးသုပ်
စတာတွေကိုကမ္ဘာ့ဈေးကွက်တင်နိုင်ဖို့၊ကေအက်စီ(KFC)လို၊
ကုမ္ပဏီကြီးနဲ့ချိတ်ဆက်နိုင်ရင်ကောင်းမယ်ထင်တယ်နော်။
ဖက်စပ်လုပ်ငန်းသဘောပေါ့။”
“ထန်းပလပ်တွေကနေထန်းကြောဖျာ၊ထန်းခေါက်ဖာ၊
ထန်းလျှော်တောင်းတွေယက်ပြီးဈေးကွက်တင်ကြည့်တာက
ပိုပြီးတွက်ချေကိုက်နိုင်တယ်နော်”
“ကျိုက်ထီးရိုးဘုရားမှာရောင်းတဲ့ဝါးသေနတ်နဲ့ကစားစရာ
ဝါးရုပ်တွေကိုလည်းကမ္ဘာ့ဈေးကွက်အရောက်ပို့ကြည့်သင့်တယ်”
“ထန်းလျက်အရက်စစ်စစ်ဆိုရင်တော့ ကမ္ဘာ့ယမကာဈေးကွက်ကိုထိုးဖောက်နိုင်မှာသေချာတယ်”
ဤသို့ဖြင့်ကျွန်ုပ်နှင့်တပည့်ကျော်တို့သည်၊မြန်မာ့ကျေးလက်လူထု၏
လူနေမှုဘဝကိုမြှင့်တင်ရန်၊အသေးစားလူသုံးကုန်တခုကိုစံချိန်မီ
ထုတ်လုပ်ပြသနိုင်ရေးအတွက်၊ဈေးကွက်လိုအပ်ချက်၊ကုန်ကြမ်းရရှိနိုင်မှု၊
ထုပ်လုပ်မှုနည်းစနစ်၊စက်ပစ္စည်းကိရိယာအပါအဝင်၊
အဘက်ဘက်မှ၊ထောင့်စေ့အောင်တွက်ချက်မြှော်မြင်ပြီးသကာလ၊
အများ သဘောတူဆုံးဖြတ်အတည်ပြုလိုက်သည့်အရာကား…၊ သပွတ်အူခြောက်ချေးတွန်းတံထုတ်လုပ်ဖြန့်ဖြူးရောင်းချရန်
ဖြစ်လေသတည်း။
ယင်းချေးတွန်းတံသည်ဖူးခက်ဈေးကွက်၌၊ကုန်တိုက်တိုင်းတွင်
တင်သမျှရောင်းမလောက်သောအရောင်းသွက်ပစ္စည်းပေတည်း။
သပွတ်သီးခြောက်တပိုင်းအား၊ခြောက်လက်မခန့်ရှိသော
သစ်သားချောင်းငယ်တခုတပ်ဆင်ထားခြင်းဖြစ်၏။
သစ်သားချောင်းငယ်၏အရွယ်အစားမှာ၊တစ်လက်မ၊ငါးမူးဆိုဒ်သာဖြစ်ပြီး၊
သစ်အမျိုးအစားမှာရာဘာသားဖြစ်လေသည်။ဈေးကွက်တွင်
အရောင်းအဝယ်ဖြစ်နေသောတန်ဖိုးမှာထိုင်းဘတ်တရာ့နှစ်ဆယ်၊
၊မြန်မာငွေအားဖြင့်ကျပ်လေးထောင်နီးပါးရှိ၏။
မြန်မာပြည်တနံတလျားတွင်၊ယင်းထုတ်ကုန်ပစ္စည်းအတွက်
လိုအပ်သောအခြေခံကုန်ကြမ်းမှာ၊ဘယ်နေရာတွင်ကောက်ကောက်
အလကားရနိုင်သည်ဖြစ်၍၊လုပ်အားခစိုက်ထုတ်ရုံဖြင့်၊
ကျွန်ုပ်တို့မီလျံနာဖြစ်ကာ၊မြန်မာပြည်ကြီးကိုပါ၊ရှင်အဇ္ဇဂေါဏမသည့်
ကိန်းဖြင့်ရတနာပုံဆိုက်စေနိုင်ပေတော့မည်။
(လေး)
အို၊ချစ်သောစာရှုသူ။ရန်ကုန်ကြေးနီမီးရထားလမ်းတွင်
နတ်မောက်လေးအိမ်စသောဘူတာတို့ကိုလွန်သော် သား မြားဘူတာရုံငယ်ကိုတွေ့ရပေအံ့။
ထိုသားမြားဘူတာမှသည်၊ထော်လာဂျီဖြင့်နှစ်တိုင်ခန့်ခရီးနှင်လေသော်
၊ရွှေပင်အမည်ရှိရွာငယ်၏ရွာလယ်လမ်းဘေး၊တခုသော
ခြံဝင်းကျယ်ကြီး၏အဝင်ဝတွင်..၊ “ဒင်”သပွတ်အူကုမ္ပဏီ လီမိတက်ဟူသောဆိုင်းဘုတ်ကြီးတခုအား
ခန့်ငြားစွာမြင်တွေ့ရပေလိမ့်မည်။
ဤသည်ကား၊ခေတ်သစ်ရွှေပင်ရွာ၏စွန့်ဦးတီထွင်သူများသမိုင်းတွင်
ထိပ်ဆုံးမှကမ္ဗည်းတင်ရမည့်၊ကျွန်ုပ်နှင့်တပည့်ကျော်များ၏
အားထုတ်ကြိုးပမ်းမှုပြယုဂ်ပေတည်း။ကျွန်ုပ်တို့၏အဖိုးအနဂ္ဃ
ထိုက်တန်လှသော၊စိတ်ကူးစိတ်သန်းကို၊တိကျမှန်ကန်မြန်ဆန်စွာ
အကောင်အ ထည်ဖော်ခဲ့ကြပါ၏။
ကျွန်ုပ်၊လေမင်းသားနှင့်ကပ္ပလီတို့က၊ရွှေပင်ရွာဝန်းကျင်ရှိ
သပွတ်သီးခြောက်တို့ကိုလှည်းတစီးနှင့်တနေကုန်လိုက် ကောက်ကြ၏။
ထိုသပွတ်သီးခြောက်တို့ကိုချွတ်ဆေးတမျိုးတွင်နာရီအနည်းငယ်စိမ်၍
ဖြူဖြူဖွေးစေ၏။ယင်းနောက်သပွတ်သီးခြောက်၏ထိပ်နှစ်ဖက်ကိုတိကာ၊
အလယ်မှအရွယ်ညီအောင်ဖြတ်တောက်၏။
ရလာသောသပွတ်သီးပိုင်းကို၊ပေါ်လစ်ရောင်တင်ထားသည့်
ရော်ဘာသားတုတ်တံတွင်၊အထူးစပါယ်ရှယ်ကော်တမျိုးဖြင့်
ကပ်လိုက်သည့်အခါ၊ရောင်းတန်းဝင်သပွတ်သီးခြောက်ချေးတွန်းတံများ
ဖြစ်လာလေတော့သည်။ရာဘာသားလက်ကိုင်တုတ်တံကား
၊မော်လမြိုင်ဇာတိ၊တပည့်ကျော်ဖေကြည်၊၎င်း၏ဘကြီးခြံတွင်းမှ
အလကားရသည်ဟူ၏။
ခေတ်မီဆေးသိပ္ပံပညာရှင်များ၏အဆိုအရသပွတ်သီးခြောက်နှင့်
အသားအရေကိုပွတ်တိုက်ခြင်းဖြင့်အရေပြား ပေါ်ရှိချေးညှော်တို့ကို၊
အထူးဖယ်ရှားသန့်စင်ပေးနိုင်သည့်အပြင်၊သပွတ်သီးခြောက်တွင်
ကျန်ရှိနေသည့်အခါး ဓာတ်ခံကြောင့်၊အရေပြားကျန်းမာရေးကို ထိန်းသိမ်းရာတွင်သူမတူအောင်အစွမ်းထက်သည်ဟုညွှန်းဆိုကြပါ၏။
(ငါး)
ဓာတုဗေဒနည်းဖြင့်ဖော်စပ်သောဆေးဝါးအသုံးအဆောင်တို့၏
နောက်ဆက်တွဲဆိုးကျိုးများကိုသိမြင်နားလည်နေကြပြီဖြစ်သည့်
ခေတ်သစ်ကြီးတွင်၊သဘာဝအသီးကိုအခြေခံထုတ်လုပ်သည့်
“ဒင်”သပွတ်သီးခြောက်ကုမ္ပဏီ၏ရှေးဦးခြေလှမ်းတို့ကား
၊ရွှေရောင်အတိလွှမ်း သည့်နိဒါန်းဟုပင်တင်စားရပေတော့မည်။
ဒင်တံဆိပ်(Made in Shwe Bin)သပွတ်သီးခြောက်ချေးတွန်းတံတို့၊ အာရှဈေးကွက်တွင်အရှိန်ကောင်းကောင်းနှင့်ကြီးအကျယ်
ထိုးဖောက်နေရာယူချေပြီ။
“ဖူးခက်မက်ခရိုကုန်တိုက်က၊အချောင်းငါးထောင်အော်ဒါတက်တယ်ဆြာရေ့”
“မလေးရှားကုန်တိုက်တွေကလည်း အမှာစာတွေရောက်နေပြီဆြာ”
“စင်္ကာပူကုန်သည်တွေကတော့ဥရောပဈေးကွက်အတွက်
စိတ်ဝင်စားလွန်းလို့ရွှေပင်စက်ရုံအထိလာပြီးလေ့လာ
ချင်ကြသတဲ့ဆြာ”
ကျွန်ုပ်နှင့်တပည့်ကျော်နှစ်ဦးကိုယ်တိုင်သပွတ်သီးခြောက်
လိုက်မကောက်အားတော့ပြီ။ကုမ္ပဏီဆိုင်းဘုတ်အောက်မှာပင်၊ “သပွတ်သီးခြောက်ဈေးကောင်းပေး၍ဝယ်သည်”ဟူသော
ဆိုင်းဘုတ်သစ်ကြီးဖြင့်၊ကုန်ကြမ်းရရေးအ တွက်လုံးပန်းရ၏။
ရက်ပိုင်းအတွင်း၊ဗျတ်တောင်း၊ထန်းခေါက်ဖာတို့နှင့်သာမက၊
လှည်းနှင့်ပါတိုက်၍ကုန်ကြမ်းပစ္စည်းပေးသွင်းကြလေရာ
၊ခြံဝင်းကျယ်ကြီးတခုလုံးသပွတ်သီးခြောက်တို့တောင်ပုံရာပုံ
ဖုံးလွှမ်းနေတော့သည်တကား။သို့သော်…….၊
ဆိုခဲ့သောသပွတ်သီးခြောက်တို့မှာဈေးကောင်းရမည်ဟူသော
ကြော်ငြာကြောင့်၊မြင်မြင်သမျှ သပွတ်သီးတို့ ကို အနုအရင့် မရွေးပဲ၊အခြောက်လှမ်း၍ပို့ကြလေသောသဖြင့်၊ချွတ်ဆေးရည်တွင်
စိမ်လိုက်သည့်အခါ၊သပွတ်အူ သားမကျန်ရစ်တော့ပဲ၊ အလုံးစုံအရည်ပျော်သည့်ဘဝသို့ရောက်လေ၏။
ဤသို့လျှင် ရက်ပိုင်းအတွင်း သပွတ်အူ ခြောက်ချေးတွန်းတံအချောင်းရေ တစ်သောင်းမပြည့်မီမှာပင်၊ရွှေပင်ရွာတွင်ရှိရှိသမျှသပွတ်ပင်တို့
အသီးကင်းကုန်၏။တဆက်တည်းအားဖြင့်တလမပြည့်မီမှာပင်
၊ရွှေပင်၏ရွာနီးချုပ်စပ်များဖြစ်သောညောင်ကျပ်ပင်၊ရွာလေး၊
လင်းကဒိုး၊စမ်းဂံ၊သာမြားတို့တွင်ပါ၊အသီးကင်းကြရာ၊
“ဒင်”သပွတ်အူကုမ္ပဏီလီမိတက်မှာ၊ဗြုန်းစားကြီးဆိုသလိုလုပ်ငန်း ရပ်ဆိုင်းသွားတော့သည်ဟူ၏။
သည်ကြားထဲမော်လမြိုင်နေတပည့်ကျော်ဖေကြည့်ထံမှသတင်းစကား
တစ်ရပ်ကလည်း၊နူရာဝဲစွဲ၊လဲရာသူခိုး ထောင်းပြန်လေသည်။ယင်းမှာ..၊ “ဆြာရေ။ ရာဘာသားတလက်မငါးမူးဆိုက်တွေလည်း ထိုင်းဖက်မှာဓာတ်ပုံ ဘောင်လုပ်ဖို့အတွက်ဈေးကောင်းပေးပြီး
ဝယ်နေကြပြန်လို့၊ဆက်မပို့နိုင်တော့ဘူးဆြာ”ဟူ၏။
(ခြောက်)
တခုသောညနေတွင်ကျွန်ုပ်၊လေမင်းသားနှင့်ကပ္ပလီတို့သုံးဦးသား၊
ဒင်သပွတ်အူကုမ္ပဏီလီမိတက်ဆိုင်းဘုတ်ကြီးအောက်တွင်လဒမှိုင် မှိုင်နေမိကြ၏။ကျွန်ုပ်ကား၊အမေရိကန်နှင့်ဥရောပဈေးကွက်မှ
သပွတ်အူချေးတွန်းတံ အချောင်းရေတသိန်းမှာယူသည့်၊ အမှာစာကိုလက်တွင်ကျစ်နေအောင်ဆုတ်ကိုင်ရင်းတွေဝေငေးမောနေမိ၏။
ကတိစာချုပ်များအတိုင်း၊ပစ္စည်းအချိန်မီမပေးသွင်းနိုင်သဖြင့်၊နိုင်ငံတကာ
ဥပဒေအရလျော်ကြေးငွေတွေ၊တလှေကြီး ပေးရတော့မည်ဖြစ်၍
ရှိစုမဲ့အရင်းအမြတ်ငွေအားလုံးတက်တက်စင်အောင်ပြောင်မည့်ကိန်း
ဆိုက်လေပြီ။
အနီးရှိမကျည်းပင်အိုကြီးထက်တွင်မူ၊ငှက်ငယ်တကောင်သည်
နွေတေးလော၊မိုးဘွဲ့လောမဆိုနိုင်သည့်၊မဂဓတေးတပုဒ်ကို၊
သူ့ဘာသာဘာဝအော်မြည်တွန်ကျူးလျက်ရှိ၏။
“အဘက်ဘက်ကထောင့်စေ့အောင်ပြင်ဆင်ထားပါလျက်၊
မွန်းတည့်ချိန်မှာနေဝင်ရတာ၊စိတ်လည်းပျက်၊ရှက်လည်း ရှက်ပါရဲ့ဆြာရယ်”
“ဟ။စိတ်ပျက်တာတော့ငါဆြာလည်းပျက်ပေသပေါ့ကွာ။
ဒါပေသိရှက်စရာတော့မလိုဘူးလကွ။သမာအာဇီဝလုပ်ငန်းကို
စွန့်ဦးတီထွင်တယ်။အောင်မြင်ရင်ကိုယ်ရော၊ကိုယ့်ရပ်ရွာပါအကျိုးရှိမယ်။
ဒီတကြိမ်မအောင်မြင်သေးရင်၊အောင်မြင်တဲ့အထိအကြိမ်ပေါင်းများစွာ
မလျော့တဲ့ဇွဲနပဲနဲ့ဆက်ပြီးကြိုးစားမယ်။ဒါပဲလေ။ရှက်ရမဲ့သူတွေက၊
ငတို့မဟုတ်ပါဘူးကွာ”
“ဘယ်သူတွေများပါလိမ့်ဆြာ”
“တိုင်းပြည်ကိုချစ်လှပါချည့်ရဲ့ဆိုပြီးဟိုအရေးဒီအရေးအကြောင်းပြ
၊ခေတ်မီဖွံ့ဖြိုးတိုးတက်သောနိုင်ငံတော်ဆီသို့ ဆိုတဲ့ဆိုင်းဘုတ်ကြီးတွေနဲ့၊ အရည်မရအဖတ်မရဦးတည်ချက်တွေချမှတ်ပြီး၊တိုင်းပြည်မှာရှိရှိသမျှ
သယံဇာတတွေကို၊ကိုယ်ကျိုးအတွက်ချည်းသက်သက်၊
မျက်နှာပြောင်တိုက်ပြီးဘုံးခဲ့ခိုးခဲ့တဲ့သွားလေသူကြီးများကသာ
ရှက်ရမှာပေါ့ကွ”
မန်ကျည်းပင်ထက်မှငှက်ငယ်ကား၊မာဂဓတေးကိုဆက်၍
ဟစ်ကြွေးနေမြဲဖြစ်၏။ကျွန်ုပ်ပင်စိတ်အစွဲလွန်နေသည် လောမဆိုနိုင်။
ယင်းငှက်ငယ်၏ရှည်ကြောလှသောတေးသံသည်၊ခေတ်ဟောင်းဆီက၊
အသံကောင်းဟစ်ခဲ့သည့် စီးပွားရေးဦးတည်ချက်လေးရပ်ကို၊ အပ်ကြောင်းထပ်၍ရွတ်ဆိုပြနေသည်ဟုသာ၊ကျွန်ုပ်ထင်မြင်မိတော့သည်။
“စိုက်ပျိုးရေးကိုအခြေခံ၍အခြားသောစီးပွားရေးကဏ္ဍများကိုလည်း
ဘက်စုံဖွံ့ဖြိုးတိုးတက်အောင်တည်ဆောက်ရေး၊ဈေးကွက်စီးပွားရေး
စနစ်ပီပြင်စွာဖြစ်ပေါ်လာရေး၊ပြည်တွင်းပြည်ပမှအတတ်ပညာနှင့်
အရင်းအနှီးများဖိတ်ခေါ်၍စီးပွားရေးဖွံ့ဖြိုးတိုးတက်အောင်ဆောင်ရွက်ရေး
၊နိုင်ငံတော်စီးပွားရေးတစ်ရပ်လုံးကိုဖန်တီးနိုင်မှုစွမ်းအားသည်
နိုင်ငံတော်နှင့်တိုင်းရင်းသားပြည်သူတို့၏လက်ဝယ်တွင်ရှိရေး”
ကျွန်ုပ်၏နားတွင်းသို့သံရည်ပူနှင့်လောင်းချသလိုခံစားရ၏။
နားကလောလှပါဘိတောင်း။ ။