၁၄ ဇူလိုင်၂၀၁၆နေ့ထုတ် Friday Time အပတ်စဉ်ဂျာနယ်မှ။ ။
“ကျွန်ုပ်၊အမြင်မှန်ရလာသောတပည့်ကျော်များနှင့်၊တရေးချစ်ခွင့်မြင်ရနိုး”
(မင်းဒင်)
(တစ်)
အသူရာပင်အမြင်မှန်ရလေသလော။သိကြားမင်းကပင်လျှင်သဘော
ထားကြီးလေသလော။တိကျစွာကျွန်ုပ်မဆိုနိုင်ချေ။အသူရာနှင့်သိကြားမင်းတို့
ဂျိုးဂျိန်းသံမာန်တင်းလျက်စစ်ခင်းကာပြိုင်လေသဖြင့်၊လွန်ခဲ့သော
ရက်သတ္တတပါတ်လုံး၊အုံ့ကာလေတဖွဲဖွဲ၊ရွာလေတသဲသဲရက်
ဆက်ဖြစ်နေခဲ့သောရွှေမိုးညိုသည်၊ယခုမနက်တွင်ရုတ်ခြည်း တိတ်သွားခဲ့၏။
ကိုးချက်ဝဠာတွင်မိုးသက်မဖြာလေသဖြင့်၊လောကဓာတ်တခုလုံး၊နံနက်ခင်း
သစ်လွင်နေရောင်ခြည်ဖြင့်လင်းလက်တောက်ပနေလေသည်။
ထို့ပြင်တဝ၊ကျွန်ုပ်နေအိမ်နောက်ရှိတောအုပ်ငယ်အတွင်းမှ၊ကျေးငှက်သာရကာ
တို့၏ဘာသာဘာဝဟစ်ကြွေးတွန်ကျူးသံတို့က၊သာတောင့်သာခဲမြင်ကွင်း
ကိုနောက်ခံတီးလုံးဖြင့်အားဖြည့်နေသယောင်ရှိ၏။နှလုံးစိတ်ဝမ်း
ချမ်းမြေ့ဖွယ်အတိပေတကား။
မင်္ဂလာနံနက်ခင်းပေမို့၊ပို၍မင်္ဂလာတိုးရန်လုပ်ဆောင်အံ့ဟုရုတ်တရက်
အတွေးဝင်မိသောကျွန်ုပ်၊တရုတ်မဘောင်းဘီနှင့်တူလှသော၊
ညဝတ်ဘောင်းဘီခပ်ပွပွကို၊ကြိုးကြီးချိတ်ပိုးထည်လုံချည်နှင့်
လဲလှယ်လိုက်၏။ကော့နေအောင်မီးပူတိုက်ထားသည့်လည်ကတုံးအကျီ
အဖြူနှင့်၊ပင်နီတိုက်ပုံတို့ကိုဆင်ယင်လိုက်သော်..၊ကျွန်ုပ်သည်
ပီဘိလူကြီးမင်း စတိုင်အပြည့်ပေါက်သွားလေတော့သည်။
အိမ်အပေါ်ထပ်မှလှေခါးအတိုင်း၊ကျွန်ုပ်တလှမ်းချင်းဆင်းလာခဲ့ပြီး
၊လှေခါးရင်းမှဆင်ခြောက်ကောင်၊ညှပ်ဖိနပ်ကိုစီးကာ၊အိမ်ရှေ့မြက်ခင်းပြင်
ဆီသို့လျှောက်လာခဲ့ပြန်သည်။ယင်းမြက်ခင်းပြင်၏အလယ်တည့်တည့်တွင်
ကျွန်ုပ်ခြေစုံရပ်၏။ထို့နောက်ကျွန်ုပ်၏ဇာတိနိုင်ငံ၊မြန်မာပြည်ဘက်ဆီသို့မျက်နှာ
မူရင်း၊ဦးခေါင်းကိုသုံးဆယ်ဒီဂရီခန့်တိုင်အောင်ငုံ့လျက်သုံးကြိမ်တိုင်တိုင်
ဦးညွှတ်အရိုအသေပြု၏။ထိုသည်ကိုပင်အားမရမတင်းတိမ်လေသဖြင့်
၊ညာလက်ကို ခပ်စောင်းစောင်းအနေအထားနှင့်နဖူးပြင်ကို ဆတ်ကနဲဆတ်ကနဲထိလုထိခင်ပြုရင်းတပ်ပုံစံသုံးကြိမ်အလေးပြုမိပြန်သည်။
“ဟာ။ဆြာတပည့်ချင်းအားနာစရာကြီးဆြာရယ်။တပည့်တို့ကို၊ဒီလောက်ကြီး
ဂရုဓမ္မစိုက်ပြီးအလေးပြုနေဖို့၊မလိုပါဘူးလေ”
“ဘာဘဲဖြစ်ဖြစ်လေ၊ဆြာလိုပုဂ္ဂိုလ်ကြီးကိုယ်တိုင်က၊လေးစားပြတယ်ဆိုတော့
လည်း၊အများအမြင်မှာတင့်တယ်ပြီးလူရှိန်တာပေါ့ ဆြာ”
“ရပါပြီဆြာ။အေးစေ။နေမြဲ”
(နှစ်)
အသံလာရာသို့ကျွန်ုပ်ကြည့်လတ်သော်..၊ခြံတံခါးဝဆီမှအသံရှင်တို့ကား၊
မဟုတ်မဟတ်လုပ်တတ်သည့်အရာတွင်ဘယ်သူခွဲခွဲတို့မကွဲ၊
အမြဲစည်းလုံးကြလေသည့်ကျွန်ုပ်၏တပည့်ကျော်များဖြစ်ကြသော၊
ကပ္ပလီ၊လေမင်းသားနှင့်ဖေကြည်တို့ပေတည်း။လွန်ခဲ့သောညက၊
ညဥ့်လုံးပေါက်ဘယ်သဝေထိုးနေကြသည်မသိ။မျက်တွင်းဟောက်ပက်
ကိုယ်စီနှင့်ဖြစ်၏။
ကျွန်ုပ်ဦးညွတ်အလေးပြုရာအရပ်သည်ခြံတံခါးနှင့်တူရူဖြစ်နေလေသဖြင့်၊
သင်းတို့ကိုကျွန်ုပ်အလေးပြုသည်ဟုထင်မှတ်ကာ၊စိတ်ကြီးဝင်တုန့်ပြန်သံ
များဖြစ်လေ၏။ခြံတံခါးသော့ကိုသွားဖွင့်ပေးရင်း၊သင်းတို့ကိုကျွန်ုပ်မြည်တွန်
မောင်းမဲလိုက်ရသည်။
“တော်စမ်းပါကွာ။တညလုံးဘယ်အတန်းသွားပြီးအလေလိုက်နေမှန်းမသိတဲ့၊
လူ့ဗာလတွေကိုများ၊ငါလိုလူကအလေးပြုစရာလားလဟ”
“ဆြာတပည့်ချင်းနောက်တာပါဆြာရယ်။ဆြာ့ပုံစံကြည့်ကတည်းက၊
အာဇာနည်နေ့အတွက်အကြိုအစမ်းလေ့ကျင့်နေတယ်ဆိုတာ၊တပည့်
သိပါတယ်ဆြာရဲ့”
“ဟ၊အာဇာနည်နေ့ကအဝေးကြီးလိုသေးတယ်လေ။အာဇာနည်နေ့မှာ
အလေးပြုဖို့၊အာဇာနည်ကုန်းသွားမှာပေါ့ငဖေကြည်ရယ်”
“ဟမ်၊ဒါဆိုဆြာဘလိုင်းကြီးထကြောင်တာပေါ့နော်”
“ဟိတ်ကောင်ကပ္ပလီ။နင့်ပါးစပ်ပိတ်စမ်း။အခုငါလေးလေးစားစား
ဦးညွတ်ရည်မှန်းပြီးအလေးပြုနေတာက..၊ကာကွယ်ရေးဦးစီးချုပ်ကိုကွ”
“ဆန်းခေါင်ထိမျိုးလို့သာ၊အသံကုန်အော်လိုက်ချင်ပါဘိဆြာရယ်။
ထိုင်းအာဏာသိမ်းဗိုလ်ချုပ်ကိုများ၊ဆြာလိုသာကီနွယ်စစ်စစ်ကြီးက
အဝေးကနေအလေးပြုရတယ်လို့”
“နင်ဝင်ရှုပ်မှသပွတ်အူလိုက်တော့မှာပါကလား။လေမင်းသားငတုံးရာ”
(သုံး)
“ဒါဖြင့်ဆြာကဘယ်သူ့ကိုအလေးပြုနေတယ်ဆိုတာသေချာရှင်းဦးလေ”
“ဘယ်သူရှိရပါ့မတုန်း။ငါတို့မြန်မာ့တပ်မတော်ကာချုပ်ကြီးပေါ့လဟ”
“ဗျာ”
သကောင့်သားသုံးယောက်၏အလန့်တကြားထအော်လိုက်သော
ဗျာတည်းဟူသည့်အာမေဋိတ်သည်ကျယ်လောင်လွန်းလှသဖြင့်
မလှမ်းမကမ်းရှိဓာတ်ကြိုးတန်းပေါ်မှ ဆက်ရက်သုံးကောင်ပင်၊ ရုတ်တရက်ထပျံသွားလေသည်။
“ဟုတ်တယ်ကွ။တို့ကာချုပ်ကထားဝယ်ဇာတိဆိုတော့သဘောမနော
သိပ်ကောင်းတာ။မင်းတို့ကြည့်လေ၊တို့ဖူးခက်မှာတွေ့မိသမျှသိန်းဂဏန်း
ချီတဲ့ရွေ့ပြောင်းအလုပ်သမားထားဝယ်သူထားဝယ်သားအားလုံးလိုလို
စိတ်ရင်းကောင်းကြတာပဲမဟုတ်လား”
“သြော်..၊လက်စသတ်တော့..၊ဟို..၊မ..မ..”
“ဟေ့ကောင်ခွေးမသားအဆိုးမြင်ဝါဒီကပ္ပလီ။လူကမွေးရင်လူစကားပြော။
မင်းအဘထက်အသက်ကော၊ဂုဏ်ပါအပုံကြီးကြီးတယ်။ရိုင်းမယ်မကြံနဲ့”
“မရိုင်းပါဘူးဆြာရယ်။တပည့်ကရုတ်တရက်ကြီးဆိုတော့အံ့အားသင့်ပြီး၊
ပါးစပ်ကထွက်မိထွက်ရာထွက်တော့မလိုဖြစ်သွားတာပါ။ရှစ်ခိုးပြီးတောင်းပန်
ပါတယ်ဆြာ။တပည့်တို့နားရှင်းအောင်သာမိန့်ပါတော့ခင်ဗျာ”
“အေးကွ။ငါလည်းအတော်အံ့သြနေတာ။အဲဒီသတင်းကိုဖေ့စ်ဘွတ်စာမျက်နှာမှာ
ငါဆြာသေချာဖတ်လိုက်ရတာလဟ။လိုက်ခ်တွေ၊ရှယ်တွေလည်းထောင်သောင်း
ချီရှိ၊ရေးပုံသားပုံကလည်းချက်နဲ့လက်နဲ့ဆိုတော့၊အမှန်ဖြစ်ဖို့များသကွဲ့။ပြီးခဲ့တဲ့
ဇွန်လတတိယပတ်ကဆိုလား။တို့တပ်ချုပ်ကြီးကတပ်မှူးကြီးများညီလာခံ
တွေ့ဆုံပွဲအပြီးမှာအလွတ်သဘောပြောသွားတာက..၊
စစ်သက်စာချုပ်ပြည့်နေတဲ့အရာရှိအကြပ်ရဲဘော်စစ်သည်တွေအထဲက
ထွက်လိုတဲ့သူတွေကိုအတားအဆီးတစုံတရာမရှိစစ်တပ်ကနေထွက်ခွင့်ပြု
တော့မယ်။စစ်သက်စာချုပ်ပြည့်လို့ဆက်လက်စစ်မှုမထမ်းလိုသူတွေကို
အတင်းအကြပ်စစ်မှုဆက်ထမ်းခိုင်းတာဟာလူ့အခွင့်အရေးချိုးဖောက်
တာဖြစ်တယ်။အပြစ်မကင်းတဲ့လုပ်ရပ်ဖြစ်တယ်ဒီလိုလုပ်ရပ်တွေကြောင့်
စစ်တပ်နာမည်အထိခိုက်မခံနိုင်ဘူး။တပ်ထဲမှာကလေးစစ်သားလုံးဝ
မရှိအောင်ဆောင်ရွက်သွားမယ်ကလေးတွေစစ်တပ်ထဲဝင်တာကို
မမြင်ချင်ယောင်ဆောင်နေတဲ့တပ်မှူးတွေကိုပြင်းပြင်းထန်ထန်
အရေးယူမယ်တဲ့ကွ”
“ဟာ။ကောင်းလှချည့်လားဆြာရယ်။တကယ့်ကိုလေးစားစရာပါကလား၊
အစတုန်းကတော့ ခင်ဗျားကြီးပဲ၊တပ်ချုပ် ကြီးကိုတောင်ပြောမြောက်ပြော၊ ဘာဖြစ်သလေးညာဖြစ်သလေးနဲ့”
“သြော်..၊တပည့်တို့ရယ်။မမှားသောရှေ့နေမသေသောဆေးသမားဆိုတာ
ဘယ်မှာရှိပါ့မတုန်း။မင်းရို့ဆြာကလည်း ဂရုဏာဒေါသောနဲ့ပြောမိတာပါလေ”
(လေး)
“ဒါတင်ဘယ်ကဦးမလဲ။ဒီနှစ်စစ်တက္ကသိုလ်ဝင်ခွင့်တွေမှာတိုင်းရင်းသား
လူငယ်တွေကိုဦးစားပေးခေါ်ယူသွားမယ်။၂၁ရာစုပင်လုံညီလာခံအမှီအပစ်
အခတ်ရပ်စဲရေးလုပ်ဖို့ရှိတယ်။သူတို့ဘက်ကမရပ်ရင်ကိုယ့်ဖက်က
တဖက်သတ် အပစ်ရပ်မယ်။တပ်တွင်းမိသားစုတွေဖေ့ဘုတ်သုံးနေတာကို
မကန့်သတ်ရဘူးအကြောင်းအကျိုးညီညွတ်ရင်လွတ်လပ်စွာဝေဖန်ပြောဆို
ခွင့်တွေပေးမယ်။စစ်သက်စာချုပ်မပြည့်သေးပေမယ့်မိဘမောင်ဖွားတွေက
အတင်းတိုက်တွန်းလို့တပ်ထဲဝင်ပြီးစိတ်မပါဖြစ်နေတဲ့အရာရှိငယ်တွေကိုလည်း
တပ်ထဲကနေ ထွက်ခွင့်ပေးမယ်။စစ်သားမဖြစ်ထို က်သူတွေနဲ့ဖောင်းပွနေ တဲ့စစ်တပ်မဖြစ်စေရ။တပ်အသုံးစာရင်းတွေကိုအသေးစိတ်စစ်ဆေးဖို့ရှိနေတယ်။
ကိုယ့်အကြောင်းကိုယ်သိရင်စာရင်းတွေကို သေသေချာချာလုပ်ထား။စစ်တပ်ပိုက်ဆံ အလွဲသုံးစားလုပ်တာဘယ်သူ့ကိုမှ သည်းခံမှာမဟုတ်ဘူး။ အထက်ဖားအောက်ဖိလုပ်လို့ရာထူးတက်မယ်မကြံကြနဲ့။
အရည်အချင်းပြည့်စုံတဲ့အရာရှိစစ်သည်စစ်စစ်ဖြစ်တယ်လို့ပြနိုင်မှ
ရာထူးတက်မယ်။ ခေတ်ပြောင်းသွားပြီလို့လည်းပါသေးသတဲ့”
“ဟုတ်မှလည်းလုပ်ပါဆြာရယ်။ဟိုတလောတုန်းကတောင်၊တပ်မတော်ရဲ့
တာဝန်ဟာ၊ကာကွယ်ရေးတခုတည်းမဟုတ်ဘူး။အမျိုးဘာသာသာသနာ
ကာကွယ်ဖို့လည်းပါသေးတယ်ဆိုပြီး၊ပြောဖူးတာထောက်ရင်၊နောက်ကွယ်မှာ
တခုခုကြံစည်နေသလားလို့ဆြာ”
“တော်တော့်ကိုအတွေးကြောင်တဲ့ငါ့တပည့်တွေပါကလား။တပ်ချုပ်ကြီးက၊
အမျိုးသားရေးကိုဘယ်လိုလုပ်သစ္စာဖောက်လို့ဖြစ်ပ့ါမတုန်း။ရှေ့စကားနဲ့
နောက်မိန့်ခွန်းကိုဆက်စပ်ကြည့်ရင်အသိသာကြီးပဲဟာ”
“တပည့်တို့ဥာဏ်မမီတော့ပါဘူးဆြာရယ်။ဆြာသာ၊ကကြီးကနေအအထိ၊
အနုလုံပဋိလုံရှင်းပြပါတော့ဆြာ”
ဤတွင်၊တပည့်တို့အား၊ရင်ဝယ်သားကဲ့သို့သနားကြင်နာတတ်သော
ကျွန်ုပ်သည်၊သင်းတို့ဥာဏ်အလင်းရလျက် အမြင်မှန်ရောက်စေ၊ ရစေခြင်းငှာ၊စက္ကဝက်ကြိုးကြာသံကဲ့သို့သောအောင်မြင်ခန့်ညား
တည်ကြည်သည့်သြဇာ ဂုဏ်မြောက်အသံဖြင့်၊ကြီးစွာသော ဣနြေ္ဒကိုဆောင်ကာအောက်ပါအတိုင်းရှင်းလင်းမြွက်ကြားရလေတော့သည်။
“မောင်တို့သံသယဖြစ်ပြီးထောက်ပြတဲ့မေးခွန်းဟာ၊တကယ်တော့ရိုးရိုးသားသားအတည့်တွေးရင်လယ်ပြင်ဆင်သွားသလိုအရှင်းကြီးပါမောင်တို့ရာ။ကလေးစစ်သားတွေ၊တပ်မှာမပျော်တဲ့အရာရှိတွေကိုထွက်ခွင့်ပေးလိုက်ရင်၊တပ်မတော်မှာ
အင်အားနည်းသွားမယ်လေ။တပ်မတော်အင်အားရှိမှတိုင်းပြည်အင်အားရှိမှာမို့၊
အဲဒီလစ်လပ်သွားတဲ့အကြပ်စစ်သည်၊အရာရှိတွေနေရာမှာ၊အမျိုးဘာသာသာ
သနာအပေါ်စွမ်းစွမ်းတမံကာကွယ်စောင့်ရှောက်လိုကြပြီး၊အရိုးကိုတောင်၊
တိုင်းပြည်အတွက်စည်းရိုးထိုးဝံ့တဲ့၊လူစွမ်းကောင်းတွေကိုအစားထိုးဖို့ပဲဖြစ်မှာ
သေချာပါတယ် ငါ့တပည့်တို့ရာ”
(ငါး)
ကျွန်ုပ်၏စကားအဆုံးတွင်၊တပည့်ကျော်တို့သည်ချက်ကောင်းကိုထင်းစထိမှန်
သွားသည့်ကြက်ကဲ့သို့၊ပုံကနဲခွေမလဲရုံတမယ်၊ငူငူကြီးရပ်ရင်းနှုတ်ဆွံ့
လျက်ရှိကြလေရာ၊ကျွန်ုပ်လည်းဒင်းတို့လည်ကိုလိမ်ကာဟင်းအိုးတွင်းသို့
အပြီးပိုင်ထည့်နိုင်စေရေးအတွက်မိန့်ခွန်းကိုနိဂုံးချုပ်လိုက်ရချေတော့သည်။
“အေး။အခုဆြာနောက်ဆုံးကြားရတဲ့သတင်းစကားကတော့၊လာမဲ့
အာဇာနည်နေ့မှာတပ်ချုပ်ကြီးကိုယ်တိုင်၊အာဇာနည်ဗိမာန်ကိုတက်ရောက်ပြီး
၊ကျဆုံးလေပြီးသောအာဇာနည်ခေါင်းဆောင်ကြီးများကိုအလေးပြုဦးမတဲ့ကွာ”
အမြင်မှန်ကြလေပြီဖြစ်သည့်တပည့်ကျော်များကား၊ခါတိုင်းကဲ့သို့ကက်ကက်လန်တုံ့ပြန်စောဒကတက်ခြင်း အလျဉ်းမရှိတော့ပဲ၊ ဤစာ၏အစတွင် ကျွန်ုပ်ပြုမူခဲ့သည်ပုံနှယ်အတိုင်း၊မြန်မာပြည်ရှိရာအရပ်သို့၊မျက်နှာမူလျက်
အရပ်ပုံစံ၊တပ်ပုံစံသုံးကြိမ်စီအလေးပြုကြကုန်၏။
အလေးပြုပြီးသည့်နောက်တွင်လည်း….၊
“တပ်ချုပ်ကြီးကျန်းမာပါစေ”
“တပ်ချုပ်ကြီးချမ်းသာပါစေ”
“တပ်ချုပ်ကြီးသက်တော်ရာကျော်ရှည်ပါစေ”
ဟူ၍၊တခဲနက်သံပြိုင်ဆုတောင်းမေတ္တာပို့ကြပြန်လေ၏။အဆိုပါမြင်ကွင်းကို
ကျွန်ုပ်ကြည့်နေရင်းစိတ်အချမ်းမြေ့ကြီးချမ်းမြေ့လွန်းလှသဖြင့်၊ယင်းရုတ်ခြည်း
တခဏ၌ဂီတစာဆိုကိုလေးညွန့်၏တရေးချစ်ခွင့်မြင်ရနိုးသီချင်းကိုညည်းဆို
ဆိုမိရာ၊ခံစားချက်အဟောင်းကြောင့်ပေလောမသိ။အဆွေးသံအနည်းငယ်
စွက်နေသယောင်ထင်ရပေ၏။
“နီးဖို့ရာဆိုရင်၊ဝါဆိုတောင်မှပြာသိုနားတွင်ထားလိုက်ချင်။ရက်ဖြင့်လစွန်း၊ယွန်းလေသည်အဝေး၊ကြာလေလေ သတိရတိုင်း..၊တိုင်း၊တပြန်တဗီ၊တနာရီမျှ၊ တဆံချည်မျှင်မေ့နိုင်အောင်ပဲ။စေ့စေ့ကဲလျှင်၊ထိလုမိုးဆီ၊တိမ်သို့မီသား၊
ထွဋ်ဘုန်းခေါင်ဖျား၊မြတ်စေတီအပါး၌နယ်ခြားမြေဝေး၊နှောင်းချစ်တွေးနှင့်၊တရေးချစ်ခွင့်မြင်ရနိုးထင့်၊တရေးချစ်ခွင့်မြင်ရနိုးထင်။
ဦးလည်ဆံမြိတ်၊နှောင်းတရွေ့ရွေ့၊မြူးဆွယ်ဟန်ဓလေ့၊အောက်တမေ့မေ့။
တနေ့နေ့ တချိန်ချိန်အိမ်သူ့ဆွေအား၊ သည်ကမေတ္တာ “မင်း”ဖို့ပါပဲ။သြော်..၊ “မင်း”ကိုပါပဲ။အမွန်စကားလက်ဆောင်ပါး၍၊ မျှော်ရလတ်သူ၊စောင့်ရ လတ်သူ၊နေ့တာကရှည်ညတာလည်းရှည်၊
ချိုးလက်ရည်(အခါခါပြောင်း)၂၊ညောင်းနိုင်ဘူးထင်။ကြောင်းလျားစိစစ်
ဒင့်အပြစ်ချည်းမို့၊ဝမ်းနည်းဝမ်းပါး၊ရွှေအားတော်ငယ်ပါဘိ။မှားမိသည့်ဝန်တာ
၊ဆွေရင်းချာသို့ကျေရာကြေကြောင်းတောင်းပန်ချင်….”
သရုပ်ဖော်ပုံ။ ။သီဟမောင်မောင်