၁၈ ဇူလိုင် ၂၀၁၆ နေ့ထုတ် သည်ဗွိုက်ဒေးလီးစ် နေ့စဉ်သတင်းစာမှ။ ။
အာဇာနည်ခေါင်းဆောင်ကြီးများကိုအချိန်မီမကယ်တင်နိုင်ခဲ့သော
ကျွန်ုပ်နှင့်(၁၉)ဇူလိုင်
(မင်းဒင်)
(တစ်)
(နှစ်လနာရီ၊ခါရာသီရွေ့ပေမဲ့၊အာဇာနည်နေ့ကိုဖြင့်၊မမေ့သင့်ပါသလေ။
ယနေ့ဖြင့်သတိတရားထားဖို့အခြေ၊(အများပြည်သူတွေ)၂။
အာဇာနည်နေ့ကိုလေတွေးရှုကာပဲ၊အလေးပြုပါမယ်လေ)၂
တလစပ်မရပ်မနားလည်ပတ်ရွေ့လျားနေသည့်၊အချိန်တည်းဟူသော
ကာလယန္တယားကြီးကြောင့်၊မျက်ရည်ဖြိုင်ဘဝင်ညှိုးကာ၊ရာသက်တိုင်
မမေ့နိုင်လေသည့်အာဇာနည်နေ့ကား၊(၆၉)ကြိမ်တိုင်ပေဦးတော့မည်။
အာဇာနည်နေ့နီးလာလေလေ၊လူမသမာတို့၏လက်ချက်ဖြင့်၊ရေတိမ်နစ်ခဲ့
ရရှာလေသည့်အာဇာနည်ခေါင်းဆောင်ကြီးတို့ကိုသတိရလွမ်းဆွတ်ရလေလေ
တည်း။အထက်ကသီချင်းသံမှာ..၊ကျွန်ုပ်၏လက်ကိုင်ဖုန်းအတွင်း
မှကြေကွဲဆွေးမြေ့ဖွယ်ပေါ်ထွက်လာနေခြင်းဖြစ်၏။
ဇူလိုင်လ(၁၈)ရက်မှောင်ရီပျိုးသောသောညနေတွင်ဖြစ်လေသည်။
ကျွန်ုပ်သည်တပည့်ကျော်သုံးဦးနှင့်အတူ၊ယိုးဒယားပြည်ဖူးခက်မြို့
အမ်မခန်အရပ်ရှိ၊ပန်ဝါရေနက်ဆိပ်ကမ်းသို့ရောက်ရှိနေခဲ့ကြ၏။နေလုံးကွယ်
၍မှောင်ရီပျိုးလေပြီ။ဆြာတပည့်လေးဦးသား၊ပန်ဝါကမ်းခြေမှသည်
ပင်လယ်တွင်းသို့ထိုးထွက်နေသောဆိပ်ခံတံတားရှည်ကြီး၏ကွန်ကရစ်
လက်ရန်းပေါ်တွင်တက်ထိုင်ကြရင်း၊အတွေးကိုယ်စီဖြင့်နှုတ်ဆိတ်နေမိကြလေ
သည်။
ကျွန်ုပ်တို့နှင့်မလှမ်းမကမ်းတွင်ထိုင်းဘုရင့်တော်ဝင်ရေတပ်ပိုင်၊သင်္ဘောကြီး
တစီးကျောက်ချရပ်နားလျက်ရှိနေရာ၊(၁၉၄၀)ပြည့်နှစ်သြဂုတ်လ (၈)ရက်နေ့ဆီကစဥ့်အိုးတန်းဆိပ်ကမ်းမှသည်၊တရုတ်ပြည် အမွိုင်မြို့ သို့၊မြန်မာ့လွတ် လပ်ရေးအတွက်ဗိုလ်ချုပ်အောင်ဆန်းနှင့် သခင်လှဖေ(ဗိုလ်လက်ျာ)တို့၊ရဲဘော်သုံးကျိပ်၏ပထမဆုံးအသုတ်အနေဖြင့်၊
တိတ်တဆိတ်စီးနင်းလိုက်ပါခဲ့ကြသောဟိုင်လီအမည်ရှိသင်္ဘောကြီးကို၊
သတိရစရာကောင်းလှပါ၏။
(နှစ်)
“တိုးတိုးသက်သာဖွင့်ပါဆြာရယ်။ဟိုမှာရပ်ထားတာထိုင်းစစ်သင်္ဘောကြီးလေ။
ဒီကောင်တွေကြားသွားပြီးတပည့်တို့ကိုမြန်မာတွေမှန်းသိသွားကြရင်ဒုက္ခ”
“အေးပါ။ကပ္ပလီရာ။ကျဆုံးလေပြီးသောအာဇာနည်ကြီးတွေကိုသတိရ
လွမ်းဆွတ်တသမိလွန်းလို့ပါကွာ"
“တပည့်တို့လည်းလွမ်းသပေါ့ဆြာရယ်။အခုဟာက သူတပါးနိုင်ငံမှာ မျက်နှာငယ်ငယ်နဲ့မြင်မြင်သမျှကြောက်နေရ တဲ့ဘဝဆိုတာ လည်းမေ့မနေနဲ့ဦးလေ”
“သြော်..၊မင်းကပါဆြာ့ကိုဟောက်လားဟိန်းလားလုပ်နေပြီပေါ့။အသံတိုး
လိုက်ပါပြီငဖေကြည်ရယ်။သေချာနားစိုက်ထောင်ကြည့်ကြစမ်းပါကွာ။
ဂီတစာဆိုဆရာကြီးဂီတာတင်အုန်းရဲ့စာသား၊အဆိုတော်ကြီးဒေါ်မေလှမြိုင်
ရဲ့ကြေကွဲဆို့နစ်နေတဲ့အသံ၊ဘယ်အချိန်မဆိုနားထောင်လိုက်ရင်မင်းတို့ဆြာတော့အမြဲလိုလိုမျက်ရည်စို့မိတာပါပဲကွာ၊ဟုတ်ဖူးလားလေမင်းသားရာ”
“သိပ်မှန်တာပေါ့ဆြာရယ်၊ဒီလိုကြေကွဲစရာအဖြစ်ဆိုးကိုရှောင်လွဲနိုင်ခဲ့ရင်ဖြင့်
ဘယ်လောက်များကောင်းလိုက်လေမလဲဆြာ၊ဆြာတို့ကျွန်တော်တို့လည်း
အခုလိုသူတပါးနိုင်ငံမှာမျက်နှာငယ်လေးတွေနဲ့တကြောင့်ကျကျနေနေကြရမှာ
မဟုတ်ဘူးဆြာ”
“ဟုတ်ပါ့ကွာ၊အဲဒီ(၁၉၄၇)ခုနှစ်ဗိုလ်ချုပ်တို့လုပ်ကြံမခံရခင်တုန်းက၊
ငတို့နတ်မောက်သားဗိုလ်မှူးဘုန်းကျော်ဆိုတာဗိုလ်ချုပ်ရဲ့အနီးနေတပည့်တဲ့ကွ။
သူနတ်မောက်ကိုခွင့်နဲ့ပြန်သွားတုန်း၊ဗိုလ်ချုပ်လုပ်ကြံခံရတာမို့၊တို့နတ်မောက်သားတွေအကြီးအကျယ်စိတ်ထိခိုက်ပြီး၊ဗိုလ်မှူးဘုန်းကျော်ကိုအားမလိုအားမရ၊
အပြစ်တင်ခဲ့ကြဖူးသတဲ့ကွာ။တကယ်လို့ဆြာသာအဲဒီခေတ်ကလူဖြစ်ခဲ့ရင်၊
ဗိုလ်ချုပ်တို့လုပ်ကြံမခံရအောင်၊ဆြာကျွမ်းကျင်လိမ်မာတဲ့နည်းပေါင်းစုံနဲ့ ကယ်တင်နိုင်မယ်ထင်ပါရဲ့”
“ဝုန်း”
ထိုအခိုက်စူးရှလွန်းလှသောအလင်းတန်းကြီးတစ်ခု၊ကျွန်ုပ်တို့အပေါ်သို့
တည့်တည့်မတ်မတ်ထိုးကျလာပြီး၊ဝုန်းဟူသောအသံကြီးနှင့်အတူ၊
ကျွန်ုပ်လောကကြီးနှင့်အဆက်အသွယ်ပြတ်သွားခဲ့လေသည်။
(သုံး)
အချိန်မည်မျှကြာညောင်းသွားခဲ့သည်မသိ။ကျွန်ုပ်သတိကောင်းစွာပြန်ဝင်
လာပြီး၊ပတ်ဝန်းကျင်ဘေးဘီဝဲယာကိုအကဲခတ်လိုက်မိသည့်အခါ၊ကျွန်ုပ်သည်
တခုသောဆိပ်ခံဘောတံတားငယ်ပေါ်တွင်မတ်တတ်ရပ်လျက်သားဖြစ်နေ
သည်ကိုတွေ့ရလေ၏။ကျွန်ုပ်၏လက်စွဲတော်တပည့်ကျော်တို့၏အရိပ်အယောင်
မျှကိုပင်မတွေ့ရချေ။အချိန်ကားနံနက်ခြောက်နာရီခန့်သာရှိသေးသည်ဖြစ်၍၊
အဆိုပါဆိပ်ခံတံတားငယ်ပေါ်တွင်၊လူသူခြောက်ကပ်လျက်ပင်ရှိသေး၏။
ကျီးကန်းတောင်းမှောက်တောင်ကြည့်မြောက်ကြည့်နှင့်၊အူတူတူဖြစ်နေသော
ကျွန်ုပ်သည်လူစည်ကားမည် ဟုထင်ရသောအရပ်ဆီသို့ ဦးတည်လျှောက်ခဲ့၏။အဆောက်အဦး၊လမ်း၊ဈေးဆိုင်များ၏ဆိုင်းဘုတ်အများစု
မှာ အင်္ဂလိပ်ဘာသာဖြင့်ရေးထားကြပြီး၊အချို့မှာမြန်မာဘာသာနှင့်ဖြစ်၏။
(Strand Road,Phongyee Street,Godwin Street)ဟူသော လမ်းအမည်တို့ကို၊ကျွန်ုပ်တွေ့လတ်သော်..၊ဘုရား၊ တရင်း၊ ရန်ကုန်မြို့ပေတကားဟုတအံ့တသြဖြစ်ရလေသည်။လမ်းတွင်တွေ့မိသော
ဖြတ်သွားဖြတ်လာလူအများစုမှာမြန်မာစကားကိုပင်ပြောဆိုကြလျက်
အချို့မှာမူအိန္ဒိယစကားဖြင့်ကျယ်လောင်ကျယ်လောင်အော်ဟစ်နေကြလေသည်။
နံငယ်ပိုင်းသာသာမျှရှိသောဒိုတီဝတ်စုံဖြင့်လံချားဆွဲနေကြသည့်အိန္ဒိယနွယ်ဖွား
တို့သည်လည်းပျားပန်းခတ်သကဲ့သို့ရှိလေသည်။(Addidas)တံဆိပ်
ကွာတားဘောင်းဘီနှင့်၊(U.S-Polo-Assn.)တံဆိပ်စပို့ရှပ်ဝတ်ဆင် ထားသောကျွန်ုပ်အား၊လမ်းသွားလမ်းလာတချို့ကလူထူးလူဆန်းသဖွယ်
မသိမသာအကဲခတ်လျက်ရှိကြ၏။တစုံတခုဖြင့်အကြီးအကျယ်မှားယွင်း
နေလေပြီတကား။
လွန်စွာလူကင်းပါးသူစာရင်းဝင်၍၊အများထင်သလောက်ဒုံးမဝေးလှသော
ကျွန်ုပ်သည်၊လမ်းဘေးပလက်ဖောင်း တလျှောက်အော်ဟစ်ရောင်းချနေသော၊
ဗမာ့ခေတ်အမည်ရှိသတင်းစာတစ်စောင်ကိုဝယ်ယူပြီး၊ရက်စွဲကိုသေချာ
ဖတ်ရှုလိုက်ရာ…၊(၁၉၄၇)ခုနှစ်၊ဇူလိုင်လ(၁၉)ရက်ဟူသောစာတန်းကို
ထင်ရှားစွာတွေ့ရလေသည်။
(၂၀)ရာစု၏စိတ်ကူးယဉ်ဝတ္ထု၊ရုပ်ရှင်များတွင်ဖတ်ရှုမြင်တွေ့ခဲ့ရဖူးသည့်
ကာလယန္တယားကြီး၏ချွတ်ချော်မှု(Time Slip)ဟူသောခြင်းရာကို ကျွန်ုပ်ကိုယ်တိုင်နဖူးတွေ့ဒူးတွေ့ကြုံနေရလေပြီတကား။
(လေး)
ပေါက်သည့်နဖူးမထူးတော့ပြီမို့ကျွန်ုပ်မမွေးခင်ခေတ်ကာလနှင့်အရပ်ဒေသကို
ကြုံတောင့်ကြုံခဲရောက်ရသည်ဟုသာသဘောပိုက်လျက်၊(Dalhousie Street)ဒါလဟိုစီလမ်းမကြီးအတိုင်း၊ဆူးလေစေတီတော်ရှိရာသို့ဦးတည်၍
လျှောက်ခဲ့ပြန်သည်။ယခုခေတ်သိမ်ကြီးဈေးတည်ရှိရာနေရာတွင်(Rangoon Bazaar)နှင့်(Surati Bazaar) တို့ကိုမျက်နှာချင်းဆိုင်လျက်တွေ့ရ၏။
ဒုတိယကမ္ဘာစစ်ကြီးပြီးစဖြစ်၍ရန်ကုန်မြို့သည်စစ်ဒဏ်အငွေ့အသက်တို့ မကုန်သေးသော်ငြား၊ယခုခေတ်ကာလလောက်လမ်းဘေးဈေးသည်မများလှချေ။အတော်ပင်သန့်ရှင်းသပ်ယပ်သည်ဟုဆိုနိုင်သည်။ထူးခြားချက်တရပ်ကား၊
ကျွန်ုပ်၏အိတ်ကပ်အတွင်းတွင်ပါလာသည့်ယိုးဒယားဘတ်ငွေများကို၊
သုံးစွဲနိုင်ခြင်းဖြစ်၏။ပေါက်ဈေးမူနည်းလှ၏။သို့သော်သတင်းစာဈေးနှုန်းကို
ထောက်ရှုလျှင်ဈေးနှုန်းချိုလှသည်ဖြစ်၍မထောင်းတာလှချေ။
ဤသို့လျှင်(Mongul Street)မဂိုလမ်း(ရွှေဘုံသာလမ်း)သို့ရောက်၏။ မနီးမဝေးရှိ၊လူစည်ကားလှသောစားသော က်ဆိုင်တခုအတွင်းမှ၊ မဆလာနံ့သင်းသင်းသည်လေသင့်ရာမွှေးလေသဖြင့်ကျွန်ုပ်၏ဝမ်းဗိုက်သည်
တကြုပ်ကြုပ် အသံပြုလာသောကြောင့်၊ယင်းဆိုင်တွင်းသို့ဝင်ကာ ဆိတ်သားခါးပတ်နှစ်ပွဲ၊ကာကာရည်နှစ်ခွက်ဖြင့်ဟာနေသော
ဝမ်းကိုဖြည့်တင်းရ၏။ကျွန်ုပ်အငမ်းမရငတ်ကြီးကျနေသည့်ဟန်ပန်ကို
ကောင်တာမှဆိုင်ရှင်ဖြစ်ဟန်တူသောဘာဘူကြီးက၊မသိမသာအကဲခတ်
လျက်ရှိလေသည်။ဗိုက်တင်းပြီဖြစ်၍၊ကောင်တာတွင်ငွေရှင်းလျက်ကော့လန်ကော့လန်နှင့်ကျွန်ုပ်ဆိုင်ပြင်သို့ထွက်လာပြီးသကာလ၊လမ်းဘေးဆိုင်မှ
ကွမ်းတယာကိုပါးစောင်တွင်ညှပ်၏။(Captain) တံဆိပ်စီးကရက်ကိုမီးညှိလျက်၊ ဓာတ်ရှင်မင်းသားစတိုင်ဖွာရှိုက်၏။မိုးဖွဲဖွဲရွာလာသည်မို့၊ထီးတချောင်းဝယ်ကာ
တောင်ငေးမြောက်ငေးနှင့်တလမ်းဝင်တလမ်းထွက်ခြေဆန့်၏။
ကျွန်ုပ်တွင်ငွေအပြည့်ပါလာသည်မို့၊မည်သည့်ခေတ်ကာလ၊မည်သည့်
အရပ်ဒေသသို့ရောက်နေသည်ဖြစ်စေ၊ပူပန်စရာမရှိလေသဖြင့်၊ရန်ကုန်မြို့
လယ်တခွင်ပြဲပြဲစင်အောင်၊ကိုးကျင်းကိုးကျင်းခြေဦးတည့်ရာလျှောက်နေသည်မှာ ဆယ်နာရီတိုင်ခဲ့ပြီဖြစ်၍၊ပလေဒီယံရုံရှိရာသို့ခြေဦးလှည့်ကာ၊ကျွန်ုပ်
အလွန်နှစ်သက်သောခေတ်ဟောင်းအင်္ဂလိပ်ဇာတ်ကားကိုကြည့်ပေအံ့ဟု
ဆုံးဖြတ်လိုက်၏။ပလေဒီယံရုံရှေ့သို့ရောက်လေသော်၊အစောဆုံးရုပ်ရှင်ပြချိန်မှာ
(၁၂)နာရီခွဲဖြစ်၍၊ရုပ်ရှင်ရုံရှေ့ရှိတန်းလျားတခုပေါ်တွင်ထိုင်ရင်း၊အချိန်ဖြုန်းသည့်အနေဖြင့်၊လက်ထဲမှဗမာခေတ်သတင်းစာကိုလှန်လှောဖတ်ရှုနေမိ၏။
ဗိုလ်ချုပ်နှင့်၊အမှုဆောင်ကောင်စီဝန်ကြီးအဖွဲ့၊တိုင်းပြုပြည်ပြုလွှတ်တော်
အထူးအစည်းအဝေး၊ယနေ့ကျင်းပမည်….။
“အလိုလေး။မြတ်စွာဘုရားကယ်တော်မူပါ”
(ငါး)
ထိတ်လန့်တုန်လှုပ်လွန်းသဖြင့်၊ကျွန်ုပ်တကိုယ်လုံးသွေးလေမလျှောက်တော့
သလိုခံစားသွားရလေသည်။
“ငါသာအဲဒီခေတ်အခါက၊သက်ရှိထင်ရှားရှိခဲ့ရင်၊ဗိုလ်ချုပ်တို့လုပ်ကြံမခံရ
လေအောင်၊ကယ်တင်ချင်လှချည့်ရဲ့”ဟူသောကျွန်ုပ်၏လေလုံးထွားမှုကို၊
အလုပ်ဖြင့်သက်သေထူနိုင်ရန်အလို့ငှာ၊သမာဒေဝနတ်ကောင်းနတ်မြတ်များက ဤနေရာသို့အချိန်ကိုက်ပို့ဆောင်ပေးလိုက်ခြင်းပါတကား။ကျွန်ုပ်ဦးစွာ
ပထမရောက်ရှိခဲ့ရာနေရာမှာ၊ဗိုလ်ချုပ်တို့ အမွိုင်မြို့သို့ခရီးစတင်ထွက်ခွာခဲ့ရာ စဥ့်အိုးတန်းဆိပ်ကမ်းပါတကား။
ကျွန်ုပ်ဗိုက်ဝင်ဖြည့်ခဲ့သည့်မဂိုလမ်းမှ စားသောက်ဆိုင်မှာ၊ဗိုလ်ချုပ်ဗိုက်ဆာ လွန်းသဖြင့်၊သူ့အပါးတော်မြဲဗိုလ်ထွန်းလှက၊ဗိုလ်ချုပ်အားထိုဆိုင်သို့ခေါ်ယူ
ကျွေးမွေးပြီးကာမှ၊ငွေတပြားမှမပါရှိလေသောကြောင့်၊ကျသင့်ငွေကိုနောက်နေ့မှယူပါရန်ဆိုင်ရှင်ကိုတောင်းပန်ခဲ့လေသည့်ဆိုင်ပေတကား။
ယခုကျွန်ုပ်ဇိမ်ကျကျအပန်းဖြေရန်၊ရောက်ရှိနေသောပလေဒီယံရုပ်ရှင်ရုံမှာ၊
ဗိုလ်ချုပ်အောင်ဆန်းကိုယ်တိုင်၊တမတ်တန်းမှရုပ်ရှင်ကြည့်ခဲ့သောရုံပေတကား။
“ညံ့လိုက်တဲ့ငါ။အရှည်မတွေးတတ်တဲ့ငါ။အစားအသောက်နဲ့အပျော်အပါးကို
သာမက်တဲ့ငါ”စသည်ဖြင့်၊ကိုယ့်ကိုယ်ကိုယူကြုံးမရအပြစ်တင်ရင်း၊ကျွန်ုပ်
တကိုယ်လုံးနတ်ကျသကဲ့သို့တဆတ်ဆတ်တုန်နေလေသည်။
အချိန်ကားနံနက်ဆယ်နာရီစွန်းပေပြီ။
ကျွန်ုပ်ဘာလုပ်ရမည်နည်း။နီးစပ်ရာရဲဌာနတခုခုသို့ဝင်လျက်၊နောက်နာရီဝက်
အတွင်း၊ဗိုလ်ချုပ်တို့လုပ်ကြံခံရတော့မည်ဟု၊သတင်းပေးတိုင်ချက်ဖွင့်ရလေ
မည်လော။မဖြစ်သေး။ဘယ်စခန်းကမှယုံကြမည်မဟုတ်။ယုံသည်ထားဦး။
သတင်းပေးချက်ရေးမပြီးမီမှာပင်၊ဗိုလ်ချုပ်နှင့်အာဇာနည်တို့အသက်ပျောက်
ရပေတော့မည်။
ခေါင်းမီးတောက်အောင်နည်းလမ်းမျိုးစုံစဉ်းစားပြီးမှ၊ကျွန်ုပ်အကြံရသည်ကား၊
အစောင့်လုံခြုံရေးမရှိသော၊ဗိုလ်ချုပ်တို့အစည်းအဝေးကျင်းပရာခန်းမအတွင်းသို့၊ကျွန်ုပ်ဇွတ်အတင်းဝင်လျက်၊ဖြစ်လာလတ္တံခြင်းရာကုန်စင်ကို၊ဖွင့်ပြောပေအံ့။
ကျွန်ုပ်အားအရူးဟုထင်ကြလျက်၊မယုံကြည်သည်တိုင်၊လူသတ်သမားတို့ကို
လှေခါးရင်းဆီမှ၊ကျွန်ုပ်ရင်ကို ကော့လျက်ဆီးကြိုကာ၊
“မင်းတို့အကြံကိုငါအကုန်သိထားပြီ။ငါကိုအရင်သေအောင်ပစ်မှမင်းတို့
လုပ်ချင်ရာလုပ် နိုင်မယ်မှတ်”ဟုအော်ဟစ်တားဆီးရန်တည်း။
သင်းတို့ကျွန်ုပ်ကိုပစ်ခတ်နေဆဲမှာပင်ဗိုလ်ချုပ်တို့တနည်းနည်းဖြင့်
လွတ်လမ်းရှာနိုင် လေမည်။
ကျွန်ုပ်သည်လက်ထဲကထီးနှင့်သတင်းစာကိုမြေကြီးပေါ်သို့လွှတ်ချလျက်၊
လံချားတစီးကိုဇွတ်တား၍စီးရင်း၊ဖရေဇာလမ်းအတိုင်းဆူးလေဘုရားလမ်းသို့
လက်ညှိုးညွန်ကာ..၊ဂျောင်း၊ဂျောင်း၊ဂျောင်းဟူ၍အရူးတယောက်လိုအော်ဟစ်နေမိလေသည်။
သည်အချိန်ဆိုလျှင်ဖြင့်ဦိးစော၏လက်ပါးစေများဖြစ်ကြသော၊စိန်ကြီး၊မှုန်ကြီး၊
ခင်မောင်ရင်၊သက်နှင်း၊သုခ၊မောင်စိုးဟူသည့်လက်မရွံ့သေနတ်သမားတို့သည်၊သူတို့ဆရာ၏စေခိုင်းချက်အတိုင်း၊ဗိုလ်ချုပ်အောင်ဆန်းနှင့်ဝန်ကြီးအဖွဲ့အား
လုပ်ကြံသတ်ဖြတ်ရန်၊အင်းလျားလမ်းစုရပ်နေအိမ်မှထွက်ခွာလာနေကြ
လောက်ပေပြီ။
(ခြောက်)
အရေးထဲအရာပေါ်ဆိုသလို၊ဆူးလေဘုရားလမ်းကိုလွန်သည်နှင့်၊
လံချားကုလားမှာလျှာထွက်လျက်အမောဖောက်လေပြန်ရာ၊ကျွန်ုပ်သည်
ဖရေဇာလမ်းမကြီးအတိုင်း၊အတွင်းဝန်များရုံးရှိရာသို့ခြေကုန်သုတ်ရပြန်သည်။
အားကုန်စိုက်၍ပြေးနေဆဲမှာပင်၊“ငါ့နှယ်..၊မနက်အစောကြီးကတည်းက၊
အချိန်ရပါလျက်နဲ့”ဟူသောအတွေးဖြင့်၊ကိုယ့်ကိုယ်ကိုကျိန်ဆဲပြစ်တင်နေမိ၏။
ပြေးနေရင်းသေလျှင်သေပါစေတော့ဟူသောစိတ်ဖြင့်၊အားကုန်သွန်ခဲ့ရာ၊
အတွင်းဝန်ရုံးအဝင်ဝဂိတ်သို့ရောက်လတ်သော်..၊အဆိုပါရုံးဝင်းအတွင်းမှ
နာရီစင်ကြီးသည်နံနက်ဆယ်နာရီသုံးဆယ်မိနစ်တိတိကိုပြလျက်ရှိလေပြီ။
ဘုရား၊ဘုရား၊ခွေးမသားတွေရောက်နေလောက်ပြီ။
ဂိတ်ဝမှအစောင့်ရဲဘော်တို့ကိုဂရုမထားနိုင်တော့ပဲ၊ဇွတ်အတင်းဖြတ်ကျော်
ပြေးလွှားရင်း၊ဗိုလ်ချုပ်တို့အစည်းအဝေးကျင်းပနေသည့်၊ခန်းမတည်နေရာကို၊
ကျွန်ုပ်ဖတ်ရှုခဲ့ဖူးသည့်နိုင်ငံတော်လုပ်ကြံမှုစာအုပ်များတွင်ဖော်ပြထားသော၊
အချက်အလက်များနှင့်ဆက်စပ်စဉ်းစားရပြန်သည်။ဤသို့လျှင်စမ်းတဝါးဝါးနှင့်
ဧရာမရုံးဝန်းအကျယ်ကြီးအတွင်း၊ချွေးဒီးဒီးကျအောင်တောင်ပြေးမြောက်ပြေး
လုပ်နေဆဲမှာပင်၊တခုသောအဆောက်အဦး၏အပေါ်ထပ်အခန်းတခုဆီမှ၊
ဆူညံလှသောသေနတ်သံတို့သည်၊ကျွန်ုပ်၏နားတွင်းသို့ကျက်သရေကင်းမဲ့စွာ
ဝင်ရောက်လာခဲ့လေတော့သည်။
ကျွန်ုပ်၏ရင်ဝတွင်ဧရာမအပူလုံးကြီးဆို့လျက်ပင်၊အဆိုပါသေနတ်သံများ
ထွက်ပေါ်လာရာဆီသို့အပြေးတပိုင်းဖြင့် သုတ်ခြေတင်ခဲ့ပြန်ရာ ၊ခြင်္သေ့တံဆိပ်တပ်စစ်ယူနီဖောင်းဝတ်၊တော်မီဂန်းကိုယ်စီကိုင်ဆောင်ထားသော၊လူမသမာတို့သည်၊အသင့်ရပ်ထားသောဂျစ်ကားပေါ်သို့၊ကသုတ်ကရက်
တက်ရင်း၊ဝူးကနဲနေအောင်လီဗာကိုအားကုန်နင်းလျက်မောင်းနှင်ထွက်ခွာ
သွားကို၊ကျွန်ုပ်မလှမ်းမကမ်းမှမျက်ဝါးထင်ထင်မြင်တွေ့လိုက်ရပေတော့သည်။
လူမသမာတို့စီးနင်းအသုံးပြုသည့်ဂျစ်ကားအမှတ်မှာ၊သမိုင်းမှတ်တမ်းများ
တွင်ဖော်ပြထားသည့်အတိုင်း..RC–1814။ ဗိုလ်ချုပ်တို့ရေတိမ် နစ်ခဲ့ရလေပြီ။
အခင်းဖြစ်ပွားရာအဆောက်အဦ၏လှေခါးရင်းတွင်၊ဝန်ကြီးဦးရာဇတ်၏
သက်တော်စောင့်ရဲဘော်ကိုထွေးသည်သေနတ်ဒဏ်ရာဖြင့်ပီဘိကလေးငယ်
တဦးအပြစ်မဲ့စွာအိပ်စက်နေသည်သို့ခွေခွေကလေးလဲကာအသက်ပျောက်
နေရှာ၏။အပေါ်ထပ်ရှိအစည်းအဝေးခန်းတွင်းသို့ကျွန်ုပ်ရောက်ရှိချိန်တွင်
ယမ်းနံ့တို့မပြယ်သေးချေ။ဗိုလ်ချုပ်အောင်ဆန်းအမှူးပြုသော၊
အာဇာနည်ခေါင်းဆောင်ကြီးတို့ကား၊သွေးအိုင်ထဲတွင်၊မမြင်ရက်မရှုစရာ၊
လွတ်လပ်ရေး၊ဒီမိုကရေစီရေးတို့အတွက်အသက်ပေးလှူသွားခဲ့ကြလေပြီတကား။
တံခါးဝတွင်ကျွန်ုပ်ငူငူကြီးရပ်ရင်း၊ယူကြုံးမရသည့်စိတ်ကြောင့်ကျွန်ုပ်၏မျက်လုံး
အိမ် မှမျက်ရည်တို့ဆည်ကျိုးသကဲ့သို့ဒလဟောကျဆင်းလာသည့်အပြင်ငိုသံပါ ကြီးနှင့်အရူးသွေးတမ်းအော်ဟစ်မိလိုက်၏။
“ဖြစ်မှဖြစ်ရလေခြင်းဗိုလ်ချုပ်တို့ရယ်။အဖြစ်ဆိုးလိုက်လေခြင်း၊
ရင်နာစရာကောင်းလိုက်လေခြင်း”
(ခုနစ်)
“ဟာ..။ဆြာသတိရလာပြီ။ဆြာမျက်လုံးဖွင့်ကြည့်ပါဦး။ဆြာ့တပည့်တွေလေ။
တညလုံးမေ့မြောနေလို့စိတ်ပူလိုက်ရတာဆြာရယ်။မနေ့ညနေကတပည့်တို့ဆြာတပည့်တသိုက်ထိုင်နေခဲ့တဲ့ဆိပ်ခံတံတားလက်ရန်းတိုင်တွေဆီကိုထိုင်းရေတပ်သင်္ဘောကနေ၊မီးမောင်းဆလိုက်ကြီးနဲ့လှမ်းထိုးလိုက်တော့ဆြာလန့်ပြီး
ရေထဲပြုတ်ကျသွားတာဆြာရဲ့။တပည့်တို့အချိန်မီဆယ်လိုက်နိုင်ပေလို့သာပေါ့။
မသေကောင်းမပျောက်ကောင်းဆြာရယ်”
ကျွန်ုပ်ကောင်းစွာသတိပြန်လည်လာခဲ့ပြီဖြစ်သော်ငြား၊မျက်လုံးအစုံကို
မဖွင့်သေးပဲမှိန်းလျက်ပင်၊တပည့်များမှတ်သားသင့်သည့်ဆုံးမစကားတို့ကို၊
တခွန်းချင်းပြောမိ၏။
“ငါ့တပည့်တို့။အာဇာနည်ခေါင်းဆောင်ကြီးတွေကိုမဆုံးရှုံးစေချင်ရင်ဖြင့်..၊
အစားမက်တာ၊အပျော်အပါးမက်တာတွေလျှော့ကြပါကွာ။ဘယ်သောအခါမှ
မေ့မေ့လျော့လျော့ပေါ့ပေါ့ဆဆမနေကြပါလေနဲ့။သတိတချက်လွတ်တာနဲ့
တတိုင်းပြည်လုံးရေစုန်မျောသွားနိုင်တာကိုသတိမြဲမြဲချပ်ကြပါကွာ”
“သြော်၊လက်စသတ်တော့ဆြာကအာဇာနည်နေ့ကိုစိတ်စွဲနေတာကိုး။
တိုက်ဆိုင်လိုက်တာဆြာရယ်။အခုဇူလိုင်လ(၁၉)ရက်နေ့၊မနက်ဆယ်နာရီ
သုံးဆယ့်ခုနစ်မိနစ်တိတိဆြာရဲ့။တပည့်တို့အသင့်ပြင်ထားတဲ့အာဇာနည်နေ့
ဝမ်းနည်းကြေကွဲခြင်းအထိမ်းအမှတ်ဥသြသံလေးကိုတယ်လီဖုန်းထဲကနေ
တိုက်ရိုက်နားထောင်လိုက်ပါဦးဆြာ”
လွမ်းဆွတ်တသယူကြုံးမရခံစားရသည့်ဥသြသံရှည်ကြီးကိုကျွန်ုပ်နားစိုက်ရင်း၊
အိပ်ယာထက်မှပက်လက်အနေအထားဖြင့်ပင်၊ကျဆုံးလေပြီးသောအာဇာနည်ခေါင်းဆောင်ကြီးကိုစိတ်မှရည်မှန်းတမ်းတဦးညွတ်ရပါ၏။
ဥသြသံအဆုံးတွင်မူ..ဤနေ့ဤကာလသို့ရောက်လေတိုင်းကြားရစမြဲဖြစ်သည့်၊
သီချင်းသံသည်နောက်ဆက်တွဲအဖြစ်၊ ဆို့နင့်ဖွယ်အသံဖြင့် ထွက်ပေါ်လာပြန်ပါလေသည်။
“စနစ်အခြေပြောင်းခဲ့ပေမဲ့၊အဖြစ်ဟောင်းများတော့ဖြေသော်မပြေ၊
လွမ်းမျက်ရည်မြေခပြီမို့၊ဆွေးတသသ၊တွေးဆမရွှင်ပေ၊ရွှေရင်ဆူကဲ
၊ကြေကွဲဝမ်းနည်းရပုံတွေ၊ယနေ့ထက်တိုင်အခြေ၊သြော်..၊မမေ့ရက်နိုင်ပါသလေ၊
(အာဇာနည်ခေါင်းဆောင်ကြီးတွေ)၂၊ကောင်းရာသုဂတိရောက်ရှိကြပါစေ၊
တေးကဗျာအနုစာခွေ၊ရေးကာတေးပြု၊အလေးပြုပါတယ်လေ”
သရုပ်ဖော်သီဟမောင်မောင်