၂၀ ဇူလိုင် ၂၀၁၆ နေ့သည်ဗွိုက်ဒေးလီးစ်နေ့စဉ်သတင်းစာမှ။ ။
ကျွန်တော်တို့အားလုံးသည်သက်ရှိထင်ရှားသမိုင်းဆရာများဖြစ်ကြ၏။
(မင်းဒင်)
(၁)
ပုဂံပြည်နရသီဟပတေ့မင်းကြီး၏အမတ်ပညာရှိကြီးရာဇသင်္ကြန်တွင်၊
ပုဂံအုတ်လှကြီး၊ညောင်ဦးအုတ်လှ ငယ်ဟူ၍သားနှစ်ယောက်ရှိ၏။
အဖအနိစ္စရောက်သောအခါ၊အဖ၏အမည်ကိုလုကြရာ၊မင်းကြီးက၊
”အမည်သည်လိုရင်းမဟုတ်။သတ္တိအရည်အချင်းသာလိုရင်းဖြစ်သည်၊
အမည်မလုကြနှင့်”ဟုဆို၍၊အကြီးကို “အနန္တပစ္စည်း”အငယ်ကို “ရန္တပစ္စည်း”ဘွဲ့အမည်ပေးတော်မူ၏။
ဤတွင်အုတ်လှငယ်အကြောင်းကား…၊တခါသော်ရခိုင်ပြည်ဘက်
မစ္ဆဂီရိအရပ်၌၊ပုန်ကန်သည်ကိုနှိမ်နှင်းရာ၊ရာဇသင်္ကြန်ပါစစ်သူကြီးလေးယောက်ကိုမှူး၍စေလွှတ်လိုက်သည်။မစ္ဆဂီရိစားလည်းမခံနိုင်၍အညံ့ခံ ပြီးလျှင်၊
အသက်ကိုလွှတ်ပါဟုအခွင့်တောင်းလာ၏။ထိုအကြောင်းကိုရာဇသင်္ကြန်
သားအဆိုပါအုတ်လှ ငယ်ကိုသံတော်ဦးတင်စေလွှတ်၍၊ အုတ်လှငယ်သည် စလင်းသို့ရောက်လျှင်နေ့ညမရွေး၊လှေဖြင့်ဆန်လေ၏။
မင်းကြီးလည်း “စစ်ကဆက်စာတမန်မရောက်၊ကြာလေသည်” ဟုလေသာပြတင်းကကြည့်မျှော်သော်၊ အဝေးမှရွက်တိုက်လာ သည့်လှေကို၊မြင်တော်မူလျှင်၊စစ်ကလွှတ်လိုက်သောသံလှေဖြစ်တန်ရာသည်
ဟု စစ်အကြောင်းကိုသိလိုဇောနှင့်မေးစေ၏။ အုတ်လှကား စစ်အကြောင်းကို မလျှောက်၊ကျွန်တော်အုတ်လှ လာသည်ဟူ၍သာ၊လျှောက်လိုက်၏။
မင်းကြီးက“ငါကြောင့်ကျတော်မူ၍အလျင်အမြန်မေးစေသည်ကို၊
ဤသို့လျှောက်ရသလော။ငအုတ်လှကိုသတ်လေ”ဟု၊သူသတ်ကိုစေတော်မူ၏။
သူသတ်တို့ဓားတဖွေးဖွေးနှင့်လှေသို့တက်လာမှ၊အကြောင်းကိုသိရသော်၊ “စစ်ရေးသာကြောင်းကို လျှောက်ပါရစေဦး”ဟုဆို၏။သူသတ်တို့လည်းမင်းကြီးအားလျှောက်သော်၊ “အုတ်လှငယ်လာစေဦး”ဟု မိန့်တော်မူပြန် သည်။ရှေ့သို့ရောက်သော်၊မိမိ၏ဦးခေါင်း၌ပေါင်းထားသော အဝတ်ကိုချွတ်ဖွင့်လေ၏။ဆံပင်များအထွေးထွေးကျွတ်ကျလေသည်။
ကျသောဆံပင်မှာလည်းသန်းနှင့်ကျိကျိရှိသည်ကိုမင်းကြီးမြင်စေပြီးမှ၊
“အရှင့်အမှုတော်ကိုဦးဆွေးဆံမြေ့ထမ်းပါသည်၊ အရှင်မြင်တော်မမူပါ။အလွယ်တကူမလျှောက်သာသောကြောင့်
ကျွန်တော်မလျှောက်လိုက်ခြင်းဖြစ်ပါသည်။”ဟုလျှောက်လေ၏။
(၂)
ထိုအခါမှမင်းကြီးကဟုတ်မှန်လှပေသည်ဟုဝမ်းမြောက်ဝမ်းသာ
ချီးမွမ်းတော်မူ၍ရေမိုးချိုး၊နံ့သာလိမ်း၊အဝတ်ကောင်းဝတ်၊အစားကောင်း
စားစေပြီးမှစစ်အကြောင်းကိုလျှောက်စေ၏။စစ်အကြောင်းကိုကြားရ သော်
“မစ္တဂီရိစားမှစ၍တစ်မြို့လုံးကိုသစ္စာပေးပြီးလျှင်သားနှင့်ညီတို့ကိုပုဂံသို့ယူခဲ့စေ”
ဟုအမိန့်တော်ချလို က်လေသတည်း။
(မြန်မာ့ဂုဏ်ရည်ရာဇဝင်ဖတ်စာ၊အမျိုးသားပညာဝန်ဦးဖိုးကျား)
အထက်ဖော်ပြပါ၊ပုဂံရာဇဝင်ထဲက၊သူရဲကောင်းအုတ်လှငယ်သေဘေးမှ
သီသီလေးလွတ်ခဲ့သည့်သမိုင်းမှတ်တမ်းကို၊ကျွန်တော်မူလတန်းကျောင်းသား
ဘဝကပင်၊အကြိမ်ပေါင်းများစွာဖတ်ရှုခဲ့ဖူးသည်။ဖတ်ပြီးလေတိုင်း၊
မင်းကရာဇ်တို့၏အမျက်မာန်စောင်ကြီးပုံကိုထိတ်လန့်ရပြီး၊အုတ်လှငယ်ခမျာ
ကံကြီး၍မသေလေခြင်းဟုသက်ပြင်းချမိသည်ချည်းပင်ဖြစ်၏။ထိုမှတဆက်တည်းတွင်၊ယင်းဖြစ်ရပ်တွင်၌ပါဝင်သူအားလုံး၏လုပ်ရပ်နှင့်အပြုအမူတို့ကို၊
အဖန်ဖန်တလဲလဲဆန်းစစ်နေမိခဲ့သည်။
နရသီဟပတေ့(မင်းခွေးချေး)ကားသက္ကရာဇ်(၆၁၇)ခုနှစ်တွင်၊အမတ်ကြီး
ရာဇသင်္ကြန်၏အစောင်အမဖြင့်ပုဂံထီးနန်းကိုရခဲ့သူဖြစ်၏။အငြူအစူအမျက်
မာန်စောင်းပြင်း၏။အစားအသောက်ကြူး၏။မိဖုရားစောလုံကိုသံကျပ်စင်တင်၍
သတ်ခဲ့သူဖြစ်၏။အမတ်ကြီးရာဇသင်္ကြန်ကိုအမျက်တော်ရှိ၍ဒလဟူသော
အရပ်သို့နယ်နှင်ခဲ့သူဟုမှန်နန်းရာဇဝင်တွင်ဖော်ပြသည်။
မင်းကရာဇ်တဦးအနေနှင့်စစ်သတင်းကိုအလျင်စလိုသိလိုစိတ်အား၊လူ့သဘာဝ
ဟုနားလည်ပေးနိုင်သော်ငြား၊သူ၏ထီးနန်းစည်းစိမ်ကိုကာကွယ်ရန်အသက်ကို
ပဓာနမထားပဲ၊တိုက်ပွဲဝင်ခဲ့သည့်မင်းမှုထမ်းကောင်းအား၊အသေအချာစိစစ်ခြင်း
မရှိပဲ၊သူသတ်လွှတ်၍သတ်စေခြင်းကား၊အလွန်အရုပ်ဆိုးအကျဉ်းတန်သည်ဟုသာဆိုရပေမည်။အကယ်၍သာအုတ်လှငယ်ကိုသူသတ်တို့သတ်ပြီးကာမှ၊
နရသီဟပတေ့အနေ ဖြင့်၊ဖြစ်ရပ်မှန်ကိုသိပါမူ၊မြန်မာ့သမိုင်းတွင်၊
အဖြစ်ဆိုးမှတ်တမ်းတခုထပ်တိုးခဲ့ပေလိမ့်မည်။
ယင်းဖြစ်ရပ်တွင်အုတ်လှငယ်ဖက်မှတဖန်ပြန်လည်စဉ်းစားကြည့်မိသည့်အခါ၊
မင်းဧရာဇ်စေ၍မေးလာသူအား၊ “နိုင်တယ်လို့လျှောက်လိုက်ပါကွာ” ဟူသောလိုရင်းအဖြေစကားတခွန်းကိုအဘယ်ကြောင့်မဖြေခဲ့ေ လသနည်းဟူသောအချက်သည်စဉ်းစားထိုက်၏။
(၃)
အုတ်လှငယ်သည်စစ်သတင်းကို၊ဧကရာဇ်ထံတင်ပြရန်၊နေ့ညမရွေး၊လှေဖြင့်
အပြင်းဆန်ခဲ့သူဖြစ်သည်။အဖြစ်မှန်အရနိုင်သည်ဟူသောသတင်းစကားတခု
တည်းဖြင့်မလုံလောက်၊မစ္ဆဂီရိကိုအောင်နိုင်ပုံ၊မစ္ဆဂီရိစား၏အသနားခံချက်တို့ကို၊အုတ်လှငယ်ကိုယ်တိုင်အလေးအနက်လျှောက်တင်မှသာ၊ပြည့်စုံမည်ဖြစ်သည်။
ဆက်၍စဉ်းစားရန်ရှိသေး၏။မင်းစေလိုက်သောမင်းချင်းသည်အုတ်လှငယ်
၏လှေအားကမ်းစပ်သို့ဦးစွာ ကပ်စေလျက်၊အုတ်လှငယ်နှင့် မျက်နှာချင်းဆိုင်စကားဆိုခဲ့ရဟန်မတူချေ။ဘုရင့်ထံ၊အရေးကြီးသတင်းတရပ်
အလျင်အမြန်သံတော်ဦးတင်မည့်လှေကိုမင်းချင်းက၊ကမ်းကပ်ပါဦးဟု
၊ခေါ်ဝံ့မည်လည်းမဟုတ်သဖြင့်မြစ်ကမ်းနဖူးတွင်ရပ်ကာ၊မြစ်တွင်းကလှေဆီသို့
အော်ဟစ်မေးမြန်းခဲ့ခြင်းသာဖြစ်တန်ရာသည်။ထိုအေ ခြအနေတွင်
အုတ်လှငယ်အနေဖြင့်မင်းချင်းကိုဇာတ်စုံခင်းရန်၊မည်သို့မျှအခွင့်မသာချေ။
ဤနေရာ၌မင်းချင်း၏အပြုအမူကိုဆက်လက်ဆန်းစစ်လိုသည်။မင်းချင်းသည်
အုတ်လှငယ်အား၊မကျေနပ်စိတ်အခံ၊နဂိုမူလကပင်ရှိနေသလော။တိကျသော
အဖြေစကားကိုသူမှတဆင့်မပါးလေသဖြင့်၊အုတ်လှငယ်ကိုငြိုငြင်လေသလော။
စဉ်းစားတွေးတောထိုက်သည်ဟုကျွန်တော်ထင်မြင်ယူဆသည်။
အသွားတမန်အပြန်ရှေ့နေဟူသောမြန်မာစကားပုံတရပ်ရှိသည်။နှစ်ဖက်ကြား
တွင်ဝင်ရပ်ရသောသူသည်၊နှစ်ဖက်အခြေအနေမှတဆင့်ဆိုးကျိုးတစုံတရာ
မဖြစ်ပေါ်လာစေရန်၊လိမ်မာပါးနပ်ရမည့်ဝတ္တရားအခြေခံရှိသည်။မင်းချင်းသည်
မင်း၏အနီးနေကျွန်ယုံဖြစ်၍၊ထိုမင်း၏စရိုက်ကိုသိနားလည်ပြီးသူဖြစ်သည့်
အလျောက်၊မိမိမည်သည့်စကားသုံးလျှင်၊မည်သို့သောဆိုးကျိုးနောက်ဆက်တွဲ
ရှိမည်ကိုသေချာပေါက်တွေးဆထားရမည်။
“အုတ်လှငယ်က၊ကိုယ်တိုင်သံတော်ဦးတင်လိုကြောင်းပါဘုရား”ဟူ၍
ဆီပွတ်ကျည်ပွေ့လျှောက်ထားသင့်ပါလျက်၊ “သူရောက်မှပြောမယ်တဲ့” ဟူသောတင်လျှောက်ပုံကြောင့်၊ငယ်သည့်အမှုကြီးကာ၊ကြီးသည့် အမှုကံသီ၍ကိုယ်ကျိုးမနည်းခဲ့ခြင်းဖြစ်၏။
(၄)
ကျွန်တော့်အယူအဆအရ၊ဤနေရာတွင်အထူးကျေးဇူးတင်ထိုက်သူမှာ
သူသတ်ခေါင်းဆောင်ဖြစ်သည်။သူသည်သမိုင်းဖြစ်ရပ်ဆိုးတခုကို၊ရဲဝံ့ပြတ်သား
စွာကြိုတင်တားဆီးနိုင်ခဲ့သူဖြစ်၏။မင်းမိန့်အရသတ်စေဟုမိန့်လာသဖြင့်
၊နောက်လိုက်တို့နှင့်အတူအုတ်လှငယ်၏လှေပေါ်သို့ဓားဖွေးဖွေးနှင့်တက်သည်။
ချက်ချင်းမသတ်သေး၊အကြောင်းစုံကိုမေးမြန်းစေ့ငုဟန်ရှိသည်။
အမျက်မာန်စောင်းပြင်းသော၊မင်း၏စရိုက်ကိုကောင်းစွာနားလည်သူဖြစ်သည့်
အပြင်၊မင်း၏ဒေါသကြောင့်၊မသေသင့်ပဲ၊သူ့ဓားသွားအောက်တွင်
အသက်ပျောက်ခဲ့ရသူတို့၏အဖြစ်ကိုလည်းကောင်းစွာဆင်ခြင်နိုင်ပုံရသည်။
ထို့ကြောင့်ပင်..၊“စစ်ရေးသာကြောင်းလျှောက်ပါရစေ”ဟူသောအုတ်လှငယ်
၏တောင်းပန်ချက်ကိုလက် ခံကာ၊မင်းဧရာဇ်အား၊ရဲဝံ့စွာပြန်လည်လျှောက်တင် သည်ကိုထောက်ချင့်ခြင်းဖြင့်သူ့ဥာဏ်ရည်ကိုမြင်သာ သည်။
သူ့ကြောင့်ပင်၊အမျက်မာန်စောင်းကြီးသူမင်း၏အမှားကိုအချိန်မီတားဆီးနိုင်ခဲ့
သည်။အမှုထမ်းကောင်းတယောက်၏အသက်ကိုလွတ်ငြိမ်းချမ်းသာခွင့်
သာမက၊အမှန်တကယ်ရထိုက်သောဆုလာဘ်အဆောင်အယောင်တို့ကို
ရစေခဲ့သည်။ထိုမျှမက၊တိုင်းပြည်၏အကျိုးစီးပွားအတွက်အရှည်ကိုမျှော်တွေးသောအမိန့်ဖြစ်သည်မစ္ဆဂီရိစားနှင့်သူ့ဆွေမျိုးတို့၏အသက်အိုးအိမ်စည်းစိမ်ကိုလည်း၊
တပြိုင်နက်တည်းကာကွယ်ကယ်တင်နိုင်ခဲ့သည်။
အကယ်၍သာအဆိုပါသမိုင်းဖြစ်ရပ်တွင်ကျွန်တော်နှင့်စာဖတ်သူတို့ကိုယ်တိုင်၊
၎င်းဇာတ်ကောင်တဦးဦး၏နေရာတွင်ပါဝင်ခဲ့သည်ဆိုငြားအံ့။နရပသီဟပတေ့
မင်းကဲ့သို့၊အုတ်လှငယ်ကိုသူသတ်လက်သို့စိတ်လို က်မာန်ပါအပ်၍ သတ်စေမည်လော။ရှေ့နောက်မဆင်ခြင်သောမင်းချင်းကဲ့သို့၊ဆိုးကျိုး
ဆက်တိုက်ဖြစ် ပေါ်လာနိုင်သည့်သတင်းစကားလျှောက်တင်ပုံအတိုင်း
၊ပြုမူမည်လော။သူသတ်ခေါင်းဆောင်ကဲ့သို့၊ တည်ငြိမ်စွာတွေးခေါ်မြှော်မြင် လျက်၊လုပ်သင့်သည်အလုပ်ကိုရဲဝံ့စွာလုပ်ဆောင်နိုင်မည်လော။သို့တည်း မဟုတ်အုတ်လှငယ်ကဲ့သို့ပင်၊ဂုတ်ပေါ်ဓားဝဲလျက်အသတ်ခံရလု
ဆဲဆဲကြုံလေမည်လော။အတွေးများစွာပွားဖွယ်ရာဖြစ်ပါသည်။
(၅)
သက်ဦးဆံပိုင်ဘုရင်စနစ်တို့ကုန်လွန်ခဲ့ဖြစ်၍လက်ရှိကျင့်သုံးနေသော
ဒီမိုကရေစီစနစ်တွင်အချုပ်အခြာအာဏာသည်ပြည်သူမှဆင်းသက်သဖြင့်၊
တင်းပြည့်ကျပ်ပြည့်မဟုတ်သည့်တိုင်၊ပြည်သူတို့အနေဖြင့်အထိုက်အလျောက်
လွတ်လပ်ခွင့်ကားရခဲ့ကြပြီ။အထူးသဖြင့်၊လူမှုကွန်ယက်မီဒီယာခေတ်ကြီးတွင်၊
သတင်းစကားတို့ကို၊သတင်းစာ၊ဂျာနယ်များမှတဆင့်သာသိခွင့်ရသည့် ခတ်ကိုကျော်လွန်ခဲ့ပြီဖြစ်၏။၊
လူတိုင်းလူတိုင်းသတင်းသမားဖြစ်ကြလျက်မိမိ၏ခံယူချက်ယုံကြည်ချက်တို့ကို ၊ဖေ့စ်ဘွတ်ဟူသည့်လူမှုကွန်ယက်မီဒီယာမှ၊လွတ်လပ်စွာရေးသားတင်ပြခွင့်၊
ဆန်းစစ်ခွင့်၊ဖလှယ်မျှဝေခွင့်၊ဆုံးဖြတ်ခွင့်ရှိနေကြချေပြီ။
ယင်းသို့ဖလှယ်မျှဝေ၊ဆုံးဖြတ်ဆန်းစစ်ကြရာ၌၊ရာဇဝင်ထဲက၊အုတ်လှငယ်
၏ဖြစ်ရပ်မျိုးနှင့်ပက်ပင်းတိုးသည့်အခါရပ်တည်ချက်မှန်ဖို့လိုသည်။ စိတ်ခံစားမှုအခြေခံဖြင့်ဒေါသနောက်သို့မလိုက်မိဖို့လိုသည်။
မီဒီယာခေတ်ကြီး၏သဘောသဘာဝအရ၊ကျွန်တော်တို့အားလုံးသည်ပင်
နရသီဟပတေ့ဖြစ်သွားနိုင်သည်။မင်းချင်း၏နေရာတွင်ရှိနေနိုင်သည်။
အုတ်လှငယ်၏ဘဝမျိုးလည်းကြုံနိုင်သည်။သူသတ်ခေါင်းဆောင်နေရာသို့
လည်းရောက်ရှိနေနိုင်သည်။
ထိုကြောင့်၊ဦးဆွေးဆံမြေ့အမှုထမ်းခဲ့သည့်အုတ်လှငယ်ကဲ့သို့သောအမှုထမ်း
ကောင်းကိုအလျင်စလိုပြစ်တင်ရှုံ့ချခြင်းဖြင့်သူသတ်လက်သို့မအပ်မိရန်လိုသည်။
အမျက်ကြီးသောမင်းကရာဇ်၏အမှားမျိုးကိုမကျူးလွန်မိရန်သတိချပ်သင့်သည်။
အရည်အချင်းမပြည့်မီသောတမန်မင်းချင်း၏အမူအကျင့်နှင့်တူသည့်စရိုက်ကို
လည်းမကျင့်ကြံမိအောင်ရှောင်ရှားသင့်သည်။သူသတ်သမားကဲ့သို့ရဲဝံ့ကျွမ်းကျင်လိမ်မာသောစိတ်ဓာတ်နှင့်လုပ်ရပ်ကိုအတုယူသင့်သည်။
ကြက်ဥအရောင်တိမ်တောင်သဖွယ်မင်းရေးကျယ်၊ပြည်ထဲအရေးပေါက်နှင့်ကျေး
ဟူသည့်အခြေခံသဘောမျှကိုမူ၊လူတိုင်းနားလည်သင့်သည်။ခေတ်သမိုင်းကို
ပြည်သူလူထုကိုယ်တိုင်ရေးထိုးနေချိန်ဖြစ်သည်ကိုလည်းကြီးစွာ
သတိချပ်ရပေမည်။
ထိုသို့သမိုင်းသင်္ခန်းစာမယူနိုင်ခဲ့ပါမူ၊ဤစာ၏အစတွင်ဖော်ပြခဲ့သောပုဂံရာဇဝင်မှတ်တမ်းအရ၊မင်းဧရာဇ်ကိုယ်တိုင်တရုတ်ပြေးမင်းအမည်တွင်ခဲ့လျက်၊ပုဂံထီးနန်းပင်၊တရုတ်တရက်တို့လက်အောက်သို့ကျရောက်ခဲ့ရသည့်ဖြစ်ရပ်များ၊မြန်မာ့သမိုင်းတွင်ဆက်လက်ပေါ်ပေါက်နေဦးမည်သာဖြစ်ပေသည်။ ။
သရုပ်ဖော်။ ။ဖေသစ်တည်