ဖြစ်ပျက်ရှာပုံတော်ခရီးသည် (၃)

တသန္ဓေန္ဓေ တပေလျဉ်းလျဉ်း တညှဉ်းဆိုးဆိုး အမျိုးမျိုးအဖုံဖုံ သက်တုံ တက်တုံ ဆူကြုံနိမ့်မြင့် တဖြင့် တစ်ပါး ဆုံလည်နွားသို့ ပြေးသွားကျင်လည်ခဲ့ရသောဘဝသံသရာတစ်ခွင်၌အမျှင်မပြတ်လူနတ်တိရိစ္ဆာန် နောက်ကြောင်း လှန်၍ ပြန်ကြည့်မဆုံးအောင် ရှိနေတော့၏။

ထိုဘဝများစွာတွင် ယခုအခါ တရားထူးရခြင်း၏အကြောင်းရင်း ဥပနိဿယ ကုသိုလ်ကံထောက်မပုံကို ဆင်ခြင် တော်မူရာ ကဿပဘုရားလက်ထက်၌ ကျေးသား(ကြက်တူရွေး)ဖြစ်ခဲ့သည်ကို မြင်တော်မူ၏။ထိုကျေးသားမှာ ဘုရားရှင်အား လွန်စွာကြည်ညိုလှသဖြင့် တောင်ပံနှစ်ဖက် ထိပ်မှာ ယှက်၍ နှစ်သက်ကြည်နူး သစ်သီးဆွမ်း လှူခဲ့ဖူးသည်ကို မြင်တော်မူ၏။ထိုကုသိုလ်ကံကြောင့် လူ့ပြည်နတ်ပြည်တို့၌လောကီစည်းစိမ်များ သူမတူအောင် ခံစားရသည့် ဘဝများကိုလည်းမြင်တော်မူ၏။

ထိုမှ နောက်ဘဝတစ်ခုတွင်ကား တက္ကသိုလ်ပြည်၌ လွန်စွာထင်ရှားသော သမားတော်ကြီးတစ်ဦး ဖြစ်ခဲ့ဖူးရာ ဆေးပညာဖြင့် သတ္တဝါတို့အားကယ်မခဲ့ရဖူးသည်ကို တွေ့ရပြန်၏။" ထိုဘဝက တွေ့ကြုံ ဆက်ဆံခဲ့ဖူးသူတိုင်း ယခုအခါ ငါ့ထံသို့လာရောက်၍ ကိလေသာရောဂါကင်းဝေးအောင် တရားတည်းဟူသောဆေးကို စားသုံးကြ လိမ့်မည်"ဟုလည်း မြင်တော်မူ၏။

(ယခု ဆရာတော်၏ဝေနေယျများလည်း ဆေးဆရာကြီးဘဝတုန်းက ဝေနေယျများ ဖြစ်ဟန်တူ၏။)

ဂေါတမမြတ်စွာဘုရားသာသနာခေတ်တွင် သုဝဏ္ဏဘူမိ သထုံပြည်၌ မနုဟာမင်းကြီး၏ဆရာ ဘားမဲ့ဆရာတော်

ဘဝလည်း တစ်ဘဝဖြစ်ခဲ့ရဖူးကြောင်း တွေ့မြင်တော်မူ၏။

ယခုဘဝမိခင်လောင်းဒေါ်တုတ်၏ဝမ်းကြာတိုက်၌ဆိုက်ရောက်ကိန်းဝပ်မည်ရှိစဉ်ဖခင်ကြီးဦးသန့်၌အိပ်မက်မြင်၏။

ရည်ရည်မွန်မွန်လူတစ်ယောက်က "ဤအိမ်၌လာ၍ နေပါရစေ"ဟုပြောရာ"ဆင်းရဲလွန်း၍မနေချင်ပါနှင့်"ဟု ပြောသည်ကို မရ၍လက်ခံရသည်ဟု ဦးသန့်ကပြောခဲ့ဖူး၏။ ထို့ကြောင့် "မောင်ကျော်ဒင်" ဟူသော အမည်ဖြင့်အသိဥာဏ်ရောဥစ္စာပါဆင်းရဲငြိုငြင်စွာ အသက်ရှည်ခဲ့ရရှာ၏။ ကျင်လည်ခဲ့ရသော ဘဝများမှာလည်း အများအားဖြင့်အဟိတ်တိရစ္ဆာန်ဘဝသာလျှင်များပြားခဲ့သဖြင့် ပစ္ဆိမဘဝိက(နောက်ဆုံး) ရဟန္တာဖြစ်တော်မူ ရသည့်ယခုဘဝ၌ပင်အသိဥာဏ်ပညာအားနည်းတော်မူရ၏။ "ဘဝငါးရာတွင် လူအဖြစ် နှစ်ဘဝသာရခဲ့သည်" ဟု ဟောတော်မူဖူးသည်။ လူ့ဘဝကို အဘယ်မျှ ရခဲကြောင်းသတိပြုကြရာ၏။

ဂိုဏ်းဆရာ၏တဘောင်စကားဦးကဝိလျောင်းလျာ"မောင်ကျော်ဒင်"သည်ဆင်းရဲငြိုငြင်စွာမင်းစေဘဝဝမ်းကျောင်းခဲ့
ရစဉ်အချိန်တန်အရွယ်ရောက်သောအခါတစ်ရွာတည်းနေ"မရွှေရည်"ဆိုသူအမျိုးသမီးတစ်ဦးနှင့်သင့်မြတ်၍သား
သမီးငါးယောက်ထွန်းကားခဲ့၏။လေးဦးမှာငယ်စဉ်ကပင်ကွယ်လွန်ခဲ့ကြရာကိုရှိန်ခေါ် ကိုကံညွန့်တစ်ဦးသာလျှင် ရှိ
သည်။
အသက်၃၀တွင် လခစားအလုပ်မှ ထွက်ခဲ့ပြီးနောက် မိဘလက်ငုတ် တောင်ယာအလုပ်ဖြင့် အသက်မွေးရ၏။
ကိုကျော်ဒင်မှဦးကျော်ဒင်ဖြစ်ကာဘဝဖြစ်စဉ်မှာလည်းတက်သုတ်နှင်၍လာတော့၏။ဘုရားရှင်ကဲ့သို့သောပုဂ္ဂိုလ်ထူး
ကြီးများ အနီးအပါးတွင် ဒေဝီလ၊ကောဏ္ဍညစသော လောကီဆရာကြီးများ ကပ်မြှောင်၍ရှိနေတတ်ကြ သကဲ့သို့ ဦးကျော်ဒင်၏အနီးအပါးတွင်လည်း သူငယ်ချင်းတစ်ဦးဖြစ်သူ ဦးစံတင်မှာကောဏ္ဍည ပင်ဖြစ်၏။ ဦးစံတင်အား“သမာဓိ မှော်အောင်သူ”ဟု ပြောသူက ပြော၍ “ရံခါ ကမ္ဘာစောင့်နတ်ကြီးများ ပူးကပ်ခံရသူ” ဟု
ဆိုသူက ဆိုကြလေသည်။လောကီနှင့်လောကုတ္တရာသည် ခွဲ၍မရသကဲ့သို့ ထိုမမြင်ရသော ဖြစ်ရပ်ဆန်းများက
လည်းပုဂ္ဂိုလ်ထူးများအနီးအပါးတွင်ကပ်ဝင်လာတတ်ပေသည်။

တစ်နေ့တွင် ဦးကျော်ဒင်အိမ်သို့ ဦးစံတင်ရောက်လာ၏။ခရီးရောက်မဆိုက် ဦးစံတင်က အောက်ပါတဘောင်ကို ရွတ်ပြသည်။

ဦးစံတင်သည်တဘောင်ကိုရွတ်ပြပြီး အဓိပ္ပါယ်ကိုပါဆက်၍ရှင်းပြနေသဖြင့် ဦးကျော်ဒင်မှာ ဘုမသိဘမသိ နားထောင်ရင်း အင်း…..လိုက်နေရပြန်၏။
"အမယ်ဗုဓ်ချည်ခင်ဟာ ဘယ်လောက်ပဲရှုပ်ရှုပ် ရက်ကန်းစင်ကျရင်ရှင်းသွားတာပဲ ကိုကျော်ဒင်ရဲ့။ အမယ်ဗုဓ်ခေါ် တဲ့ ဒီဘုရားရှင်လက်ထက်မှာ အဝိဇ္ဖာချည်ခင်ရှုပ်ကြီးကို သတိပဌာန်ရက်ကန်းစင်မှာ သတိလွန်းတစ်လုံးတည်း နဲ့ပဲ ကိုကျော်ဒင် ခင်ဗျား ရှင်းရလိမ့်မယ်ဗျာ။ "

"အဲဒီအခါမှာ စွန်းလွန်းရွာတောင်ဘက်မှာ တကယ့်ရက်ကန်းစင်လဲ ပေါ်လိမ့်မယ်၊ရက်ကန်းစင်ပေါ်တဲ့ကျွန်းဖိုကုန်း မှာခင်ဗျားသာသနာပြုရလိမ့်မယ်။သာသနာပြုတဲ့အခါ ကျွန်းတိုင်နှစ်လုံးလဲ ပါလိမ့်မယ်။“ဘုရားငုတ်တိုရောင် တော်လွှတ်” ဆိုတာက ပဋိပတ္တိသာသနာတော်ကြီးငုတ်တိုနေခဲ့တာ ပြန်ပေါ်လာတော့မယ်လို့ ဆိုလိုတာပဲဗျ။ အဲဒီတော"့ ကိုကျော်ဒင် ခင်ဗျားရဲ့တရားလက်ခတ်သံကို တနိူင်ငံလုံး သုံးဆယ့်တစ်ဘုံလုံးက ကြားလာရမှာ"ဟု
ဆက်တိုက်မမောနိုင်မပန်းနိုင် ပြောလျက်ရှိရာ.........

"မွန်းစံတင်…. တော်စမ်းပါကွာ၊ တောက်တီးတောက်တဲ့တွေ ပြောမနေစမ်းပါနဲ့"ဟုဦးကျော်ဒင်က မကြားလိုဟန် ပြောလိုက်သောအခါ …

"ခင်ဗျား...... စောင့်ကြည့်သေးတာပေါ့" ဟုပြောလိုက်၏။

အမှောင်ခွင်းမည့်ဆီမီးတစ်ထောင်
ဦးကျော်ဒင်နှင့်မရွှေရည်သည် ထိုနှစ်တွင် အထိုက်အလျောက်သောင်သာသဖြင့်ယာတစ်ကွက်ကိုပင် ဝယ်ယူ ကာ ဇနီးမောင်နှံ ယာရှင်း ခုတ်ထွင်နေကြရာ-

"ရှင် ရွှေရည်ရေ့၊တို့ဒီနှစ်ဒီယာထဲမှာ နှမ်းကြဲကြရင် ကောင်းမယ်။နှမ်းအတင်းငါးဆယ်သာ ထွက်ပစေ၊ဘုရားမှာ ဆီမီးတစ်ထောင် ပူဇော်ရအောင်ဟေ့"ဟုဦးကျော်ဒင်က ပေါက်ပြားကိုင်၍ နားရင်း ပြောလိုက်၏။

"ငါးဆယ်မရပါနဲ့ဦးတော်၊ လေးဆယ်ပဲရရ၊ဆီမီးပူဇော်ရတာပ"ဟုမရွှေရည်ကသစ်မြစ်သစ်မှိုက် ကောက်ရင်းချက်
ချင်းပြန်ဖြေလိုက်သည်။

"အေး-ကောင်းသဟေ့၊ကတိမဖျက်တမ်းနော်"ဟုဦးကျော်ဒင်က ပြောဆိုကာအတန်ငယ်စကားရပ်၍စိတ်ကူးဖြင့်
အလှူပေးကြည့်လျက်-

"ရှေးကလိုအတီးအမှုတ်တွေနဲ့ငါမသွားချင်ဘူးကွာ၊ကလေးမတွေလက်ဝတ်လက်စားပျောက်နေရင်တို့တာဝန်ဖြစ်နေ
ဦးမယ်၊ ရိုးရိုးပဲသွားကြမယ်"ဟုမမောနိုင်မပန်းနိုင် တောင်ယာခုတ်ရင်း စိတ်ကူးအလှူ ပေးနေမိကြ၏။

မိုးကျ၍ နှမ်းများကြဲကြရာမိုးခေါင်နေသဖြင့်နှမ်းပင်များ သေလုသေခင်ဖြစ်သွား၏။ကျန်ယာနီးချင်းအခင်းများအား
လုံးသေကုန်ကြ၏။ဦးကျော်ဒင်၏နှမ်းခင်းမှာမူမသေမီမိုးရ၍ထူးထူးခြားခြား နှမ်းများရခဲ့သည်။
မရွှေရည် တောင့်တသည့်အတိုင်း အတင်းလေးဆယ်တိတိ တစ်လက်ဆွမ်းမျှ မပို မလို ရှိလေ၏။

ထိုနှစ် ၁၂၈၁ခုသီတင်းကျွတ်လပြည့်နေ့တွင် ဘုရားတရားသံဃာအား ဆီသုံးပိဿာစီလှူ၍ ပရိတ်တရား နာကြားကြ၏။ထိုနှစ်တွင် စီးပွားလည်းတက်၊ဒေါ်ရွှေရည်မှန်းချက်နှင့် နှမ်းထွက်ကလည်း ကိုက်ညီ၍ဒေါ်ရွှေရည် လည်း ပရိတ်နာလာသူများအား ဆေး၊ကွမ်း၊လက်ဖက်ဖြင့် ဧည့်ခံရသည်ကို မမောနိူင်အောင် ရှိတော့သည်။
သူများအား ဆေး၊ကွမ်း၊ လက်ဖက်ဖြင့် ဧည့်ခံ ရသည်ကိုမမောနိုင်အောင် ရှိတော့သည်။

ထိုနေ့ နေဝင်သည်နှင့်တစ်ပြိုင်နက်ရွာ၏အရှေ့တောင်ဘက်ရှိ စေတီတော်သို့သွားကာ ဆီမီးပူဇော်ကြသည်။
ဦးကျော်ဒင်ကား စေတီအပါးမှမခွာ။ဆီမီးတောက်များကို တစိမ့်စိမ့်ကြည့်ရင်း ပီတိဖြစ်နေ၏။ဆီမီးခွက်ထဲမှမီးစာ
အဖျားမှာ မည်း၍မည်း၍လာ၏။ ဆီမီးအညွှန့်ကလေးများက အဆက်မပြတ် တဖျပ်ဖျပ် တလျှပ်လျှပ်တက်၍ တက်၍ လာ၏။ဆီများ ဆူဝေ၍ ပွက်လာ၏။အချို့မီးခွက်များ မီးစာကုန် ဆီခန်း၍ ငြိမ်းသွား၏။
ဦးကျော်ဒင်သည် တစိမ့်စိမ့်ကြည့်ရင်းက မီးပူကြောင့်ဆူဝေကာ တဖျစ်ဖျစ်မြည်သောအသံနှင့် ဆီမီးခွက်များ၏
တောက်လောင်ချုပ်ငြိမ်းမှုများက သူ့အား တဖြိုးဖြိုးတဖြန်းဖြန်းနှင့် ကြက်သီးမွေးညင်းထစေ၏။

ဇနကမင်းကြီးနှင့်ကရဏ္ဍကမင်းကြီးတို့အား အပွင့်အသီးကြောင့် ခက်ရွက်ကျိုးရသောသစ်ပင်များက တောထွက် ရန် တရားဟောပြနေသကဲ့သို့ ဆီိမီးခွက်များကလည်း ဦးကျော်ဒင်အားအဘယ်သို့သော တရားကို ဟောပြလိုက်
သည်မသိ။ ဦးကျော်ဒင်ကား ချက်ချင်းထိုင်ကာ ဘုရားကို လက်အုပ်ချီ၍ ဆုတောင်းလိုက်တော့သည်။

"ယခုနေသာ ငါဆုတောင်းရရင် ဧကန္တ တောင်းတိုင်းရမှာဘဲ"ဟုလည်း ပီတိအဟုန်ဖြင့်ယုံကြည် စ်ိတ်ဝင်ကာ-

"ဤသို့အလင်းရောင်ဆီမီးအလှူကြောင့်အကျွန်ုပ်သည်ရဟန်းဖြစ်ရပါလို၏။ရဟန်းဖြစ်သောအခါအကျွန်ုပ်တရား
ဟောပြောဆုံးမသည့်အတိုင်း သတ္တဝါတွေကျင့်ကြံနိုင်ကြပါစေ"ဟု စိတ်အကြံပေါ်လာသည့်အတိုင်း ဆုတောင်း လိုက်သည်။

ဆုတောင်းပြီးသွားသော်လည်း စိတ်ထဲတွင်"ငါဘယ်လိုလုပ် တရားဟောနိုင်မတုံး၊စာမှမတတ်ဘဲ"ဟူသော မိမိ တောင့်တချက်ကို အနုတ်လက္ခဏာပြသည့် နောင်တပူပန်မှုက ဝင်လာပြန်၏။
“စာတတ်မှသာ တရားဟောနိုင်မည် ” ဟု ထင်နေသောကြောင့်ဖြစ်သည်။တိုးတက်အောင်လုပ်နိုင်သည်မှာ
လည်း ထိုစိတ်ပင်ဖြစ်၍နိမ့်ကျစေနိုင်သည်မှာလည်း ထိုစိတ်ပင်တည်း။
မည်သို့ဖြစ်စေဆီမီးတစ်ထောင်အလင်းကအမှောင်ခွင်းလေပြီ။
မသေသော တရား ရှာသင့်ပြီ
“ပစ္စည်းဥစ္စာတက်ရင် လူသေတတ်တယ်”ဟူသောအစွဲက ဦးကျော်ဒင်အား ဥပါဒါန်ဖြစ်စေ၏။ထိုနှစ် ဦးကျော်ဒင်
တို့လင်မယား ထူးထူးခြားခြားစီးပွားတက်သည်။မြင်းခြံမြို့၌ ပလိပ်ရောဂါဖြစ်၍ နေ့စဉ်သုဿန်၌ လူစည်ကား နေ၏။သူအို၊သူနာ၊သူသေ ရဟန်း နိမိတ်ကြီးလေးပါး ထင်သကဲ့သို့ ဦးကျော်ဒင်၌လည်းသေခြင်းတရားက အရိပ် နိမိတ်များပြလျက်ရှိ၏။
“ပလိပ်ကပ်ရောဂါထဲများ ခုနေပါသွားရင် ငါ့မှာဘာကုသိုလ်မှ မယ်မယ်ရရ အားကိုးစရာမရှိသေးပါလား ” ဟု နီး ကပ်သော သေဘေးကြီးကိုတွေး၍ မိမိကိုယ်ကို စစ်ဆေးကြည့်မိကာမှ ပို၍ ကြက်သီးထနေမိ၏။

တပေါင်းလ၏ညတစ်ညတွင်ဦးကျော်ဒင်သည်အလန့်တကြားအိပ်ယာမှထကာ ဗလုံးဗထွေး မပီမသအသံကြီးဖြင့်
မရွှေရည်အား အိပ်ယာမှ လှုပ်နိုးလိုက်သည်။ မရွှေရည်မှာ -

"ဘာလဲ ကိုကျော်ဒင်ရဲ့"ဟု အလန့်တကြား ထူးထူးထထ ထထိုင်လိုက်၏။

ဦးကျော်ဒင်မှာ ကတုန် ကရင်ဖြစ်လျက် -

"ရွှေရည်ရ၊ ငါ့ရင်ဘတ်ကို စမ်းကြည့်ပါဦး၊ ငါတော့ သေရတော့မှာပါကွာ…."ဟု ဆိုကာ အိပ်မက်မက်ပုံကို ပြော ပြသည်။

"ရွှေရည်ရယ်၊ တို့အိမ်ရှေ့ကမဏ္ဍပ်ထဲမှာ ဘုရားဆင်းတုတော် ကြွလာပြီး လှုပ်လှုပ် လှုပ်လှုပ်နဲ့ ပြုံးတော်မူတာ ဖူး ရတယ်၊ဒါနဲ့ငါက ညည်းလက်ထဲကဆွမ်းအုပ်ကိုယူပြီး ငါကိုယ်တိုင်ဆွမ်းကပ်ရတယ်၊ဆွမ်းကပ်တော့ ဘုရားဆင်းတု
ကပြောတယ်၊“သတ္တဝါတွေဟာတယ်ရှုပ်တယ်၊ငါယခုသာစကားပြောမယ်၊နောက်မပြောတော့ဘူးတဲ့။”ကဲပါ၊ဟယ်….ဘုရားမီးပူဇော်ရအောင်ငါ့ကိုဖယောင်းတိုင်ပေးစမ်းပါ။ငါတော့ ဘုရားမီး ပူဇော်ရအောင် ငါ့ကို ဖယောင်းတိုင် ပေးစမ်းပါ။ငါတော့ သေရတော့မှာပါ၊နောက်ဆုံး ကုသိုလ်လုပ်
ရအောင် ဘုရားကြွလာပြီး သတိပေးတာနေမှာဘဲ" ဟုပြောပြ၏။

"အိပ်မက်အကြောင်းဘယ်သူ့မှမပြောရင်ဖယောင်းတိုင်ပေးမယ်"ဟုကတိခံစေကာ ဖယောင်းတိုင်ပေးလိုက်၏။

ဦးကျော်ဒင်လည်းဖယောင်းတိုင်ယူပြီးချက်ချင်းပင်ဘုရားဘက်သို့ထွက်သွား၏။ဘုရားသို့ရောက်လျှင် သူငယ်ချင်း ဦးချီတိုင်နှင့်တွေ့၍ အကျိုးအကြောင်းမေးရာ သေရမည်ကြောက်၍ ဘုရားမီး ပူဇော်ရန်လာကြောင်း ပြောပြ သောအခါ ဦးချီတိုင်က ခုနှစ်သက္ကရာဇ်မေးစမ်းပြီး တွက်ချက်ကြည့်၏။

"ဟ….မွန်းကျော်ဒင်၊မင်းစနေဂြိုဟ်ထဲမှာပါလားကွ၊ အေး…. ကြောက်တော့လဲသိပ်ကြောက်မနေနဲ့ပေါ့၊မင်းအိမ်မှာ
ခြေနှစ်ချောင်းထွက်ကိန်းလည်း တွေ့နေရတယ်"ဟု ပြောလိုက်ရာ -

"ဟ …. မပြောစမ်းပါနဲ့ကွာ၊ နဂိုကမှ ကြောက်ရတဲ့အထဲ"ဟု ပြောလျှင် -

"ငါက ပြောတာမဟုတ်ဘူး၊ ဗေဒင်က ပြောတာ"ဟု ထပ်၍ လောပြန်သဖြင့်

ဦးကျော်ဒင်မှာ ဆောက်တည်ရာမရ ပို၍ပင် ကြောက်လန့်နေတော့သည်။သေရမည်ကို ကြောက်လန့်လှ၍ မသေ တရားရှာခြင်းအားဖြင့် ကြိုးစား၍ ဘုရားဝတ်တက်မည် ဟု အားခဲလိုက်သည်။ သူငယ်ချင်း ဦးချီတိုင်နှင့်

ဦးစံတင် တို့ကိုလည်း နေ့စဉ် ဝတ်တက် ဝတ်ကပ် ခေါ်ရန် သတိပေးတောင်းပန်ထား၏။
အကြောင်းတရားတို့သည် ဆန်းကြယ်လှကုန်၏။ တထစ်ချ သတ်မှတ်ပြီး လွှတ်လိုက်သော ကံတရားက အချိန်
နီးကပ်လှပြီ ဖြစ်၍ ဘဝကို အကျဉ်းရုန်းကာ တက်သုတ်နှင်လေတော့သည်။
များမကြာမီကာလ လသာသော ညတစ်ည၌ ဦးကျော်ဒင်သည် ဦးစံတင်နှင့်အတူ အိမ်ရှေ့ကွပ်ပျစ်၌ စကား ပြောရင်းနှစ်ယောက်သား အိပ်ပျော်သွားကြ၏။တစ်နာရီခန့်ရှိလျှင် ဦးကျော်ဒင်က ဦးစံတင်အား အလန့်တကြား လှုပ်၍နှိုးပြီးလျှင် -

"ကဲ….မင်းပြောတာ ငါနားမလည်ဘူးကွ၊ ဆက်ပြီး ပြောစမ်းပါဦး"ဟုလောတိုက်မေးရာ ဦးစံတင်မှာ အိပ်မှုန်စုံမွှား ဖြင့် -

"ကျုပ်ဘာပြောလို့လဲ"ဟု ကြောင်အမ်းအမ်း ပြောလိုက်ကာမှ ဦးကျော်ဒင်သည် မိမိဘာသာ အိပ်မက်ထဲတွင်
နှစ်ယောက်သား စကားပြောကြရာ နားမရှင်း၍ထပ်မေးမည်ရှိစဉ် နိုးလာသော်လည်း အိပ်မက်ဇာတ်လမ်းအရ ဆက်၍ မေးနေမိခြင်း ဖြစ်ကြောင်း သတိရသွား၏။

ဦးကျော်ဒင်ခမျာ သေခြင်းဘေးကြောင့် မအိပ်နို်င်မစားနိုင်ဖြစ်ကာ အိပ်ပျော်သည်ဆိုရစေကာမူ ကြက်နိုး အိပ်ဖြစ်
နေရှာ၏။ သမ္မာဒေဝနတ်တို့ အပူတပြင်းနှိုးဆော်နေဟန်ရှိသည်။

“ငါတော့ သေဖို့ရက်နီးနေပြီ ထင်ပါရဲ့သူငယ်ချင်းရာ၊ခုတစ်ခါ အိပ်မက်မက်ပြန်တယ်။မင်းက ငါ့ကို ပြောတယ်၊
“သတ္တဝါတွေဟာ အလွန်သနားစရာ ကောင်းနေပြီ၊ ကပ်ကြီးသုံးပါးဆိုက်နေတယ်၊ မျက်စိလယ်လမ်းမှားပြီး ချောက်ကမ်းပါး ကျကုန်ပြီ” လို့ ပြောတော့ ငါ က “ချောက်ကမ်းပါး ကျမှန်းတော့ သိတယ်။ခုနေများ လမ်းမှန် တွေ့ရင် လိုက်ချင်ပါသကွာ"လို့ ပြန်ပြောတာကိုးကွ၊ ဒီတော့မင်းက“လမ်းမှန်ရောက်ချင်ရင် မခက်ပါဘူး၊ လမ်းဆုံ လမ်းမ လမ်းလေးခွကနေ စောင့်ပါ၊လမ်းမှန်ပြမယ့် ပုဂ္ဂိုလ် ပေါ်လာလိမ့်မယ်” လို့ ပြောတာကို ငါ နားမရှင်းလို့ မေးတာ၊လက်စသတ်တော့ မင်းလည်းဘယ်သိမလဲ။အိပ်မက်ထဲမှာ ပြောကြတဲ့ စကားဟာကိုး ”

ပထမတစ်ရက်နှစ်ရက်တွင် ရွာထဲကအဘိဓမ္မာဆရာ စာသမားများသာ လာကြ၏။သုံးရက်မြောက်သောနေ့တွင် ကား စတီးဘရားသားစက်ထဲမှ စာရေးကြီးဦးဘစံသည် အထူးမပင့်ဖိတ်ရဘဲ တရားဆွေးနွေးရန်ပေါက်လာ၏။ စက်ထဲသို့ ထင်းရောင်းလာကြသော အညာဘက်မှ လှည်းသမားနှစ်ယောက်လည်း စာရေးကြီးနှင့်လိုက်ပါ လာ ကြသည်။လှည်းသမားတစ်ဦးမှာ ဘုန်းကြီးလူထွက်၊ လယ်တီဆရာတော်၏ တပည့်ဖြစ်၍ အာနာပါန ကမ္မဋ္ဌာန်း
အကြောင်းကို ပါဠိများ ရွတ်ကာရွတ်ကာ များစွာ ဟောပြောဆွေးနွေးသည်။
စာရေးကြီးဦးဘစံကား အာနာပါနအကြောင်းကို အနည်းငယ်မျှသာ ပြော၍ လှည်းသမားနှင့် စွန်းလွန်းမှ တရားဆရာများကို မိတ်ဆက်ပေး၏။ဦးဘစံကား လယ်တီဆရာတော်ကပင် တရားထူး ရထားသူ ဖြစ်ကြောင်း
(တရားစစ်မေးပြီး)သာဓု ခေါ်ခံရသူဖြစ်သည်။အရိယာပုဂ္ဂိုလ်ထူးပင်တည်း။

ဦးကျော်ဒင်သည်တရားသမားအဘိဓမ္မာသမားများအားရပါးရ ဆွေးနွေးနေကြသည်ကိုအနားမှထိုင်၍သက်ပြင်းချ
ကာ မလှုပ်မရှက် တွေတွေကြီး နားစိုက်နေ၏။သူတို့ပြောသောစကားများတွင် နားမလည်သည်က များသည်။ သို့  သော် “အာနာပါန ” ဟူသော စကားကို ထပ်ချည့်တလဲလဲ ပြောဆိုနေကြရာ “အာနာပါန” ဟူသော အသံကို
ကြားရခါမျှဖြင့် ဦးကျော်ဒင်မှာ ကြက်သီးတဖျဉ်းဖျဉ်း ထနေ။
အာနာပါနနှင့် ပြောင်းရိုးစဉ်း၍ ကောင်း
နောက်တစ်ရက်ည စာရေးကြီး ဦးဘစံ ကြွလာသောအခါ ဦးကျော်ဒင်သည် မဏ္ဍပ်အဝင်မှ ဆီးကြိုနှုတ်ဆက်ကာ-

"စာရေးကြီး ၊ခင်ဗျားတို့ တရားအလုပ်က ကျုပ်တို့လိုစာမတတ်တဲ့လူလုပ်လို့ရပါ့မလား"ဟု စိုးရိမ်တကြီး မေးရာ

"အို … စာတတ်တာမတတ်တာလိုရင်းမဟုတ်ပါဘူးဗျာ။တကယ်ယုံပြီးအဟုတ်လုပ်နိုင်ဖို့သာအရေးကြီးတာပါ။ သဒ္ဓါ ဝီရိယ ရှိဖို့လိုတာပါပဲ" ဟုပြောလိုက်၏။

"ဒါဖြင့် ဘယ်လိုလုပ်ရမတုံး"ဟု ဆက်၍မေးပြန်သဖြင့်….

"ထွက်သက်ဝင်သက်မှတ်နေရုံပါပဲ"ဟု ပြောပြောဆိုဆိုဦးဘစံသည်မဏ္ဍပ်တွင်းရှိသူ၏ဓမ္မမိတ်ဆွေများရှိရာသို့ဝင်
သွား၏။ ထုံးစံအတိုင်းဟောပြောဆွေးနွေးနေကြပြန်သည်။

ဦးကျော်ဒင်ကား မဏ္ဍပ်ထဲသို့ပင် မဝင်တော့ဘဲ အိမ်ဘေးအဖီထဲ သွားကာဂုန်နီအိတ်အခင်း ခင်းထားသော ပက်လက်ကုလားထိုင်၌ထိုင်၍ "ဟင်း- ဝင်တယ်၊ ဟင်း…ထွက်တယ်"ဟု လူမသိ အောင် ကျိတ်၍ မျက်စိစုံမှိတ်ပြီး ရှူရှိုက် မှတ်ရှုနေလေတော့၏။

ထွက်လေ…. ဝင်လေ အဝင်အထွက်မျှပြီး သက်တောင့်သက်သာဖြင့်အရသာတွေ့စ နှစ်ရက် သုံးရက် အရတွင် အနာဂါမ် ဒေါ်ငွေဘုံကြီးထံမှ သတိပဌာန် အမှတ်တရားမှတ်ဖူးသူ ဦးရွှေလုပ်သည် အိမ်သို့ရောက်လာကာ

"အသိလိုက်ရသေးတယ်"ဟု ဆို၍ ….

"ဘယ်လို အသိလိုက်ရမတုံး"ဟု မေးလျှင် ….

"သိ… သိ… သိ ပေါ့ကွာ"ဟု လွယ်လွယ်ပင် ဦးရွှေလုပ်က ပြော၏။

"အသိလိုက်တော့ ဘာဖြစ်မတုံး"ဟု ဦးကျော်ဒင်က မေးပြန်၍….

"ကုသိုလ်ရတာပေါ့ကွာ"ဟု သာဖြေလေသည်။ဦးကျော်ဒင်ကလည်း ….

" ငါလုပ်ရင် မုချ ရ- ရမယ်"ဟု တစ်ထစ်ချ စွဲမြဲယုံကြည်သွားပြီဖြစ်၍ ….

"ကုသိုလ်ရရင် လုပ်မယ်ဗျာ"ဟု ဆိုကာ ထိုအသိမျှလောက်ဖြင့် အာနာပါနကိုစတင်ခဲ့ရရှာ၏။
အားကျဖွယ်ကြီးပါပေ။

ဦးကျော်ဒင်သည် ဤမျှလောက်သောအသိဖြင့် အချိန်ရှိသမျှ သတိကပ်ပြီးလာခဲ့ရာ တစ်နေ့ထက်တစ်နေ့ တိုးတက်လာ၏။ နွားစာအတွက် ပြောင်းရိုးများကိုစဉ်းရာ၌လည်း သတိကပ်ပြီးစဉ်းရာ ဗျောက်ကနဲ ဗျောက်ကနဲ ပြောင်းရိုးဖြတ်သံနှင့် အမှတ်သတိအံကျဖြစ်ကာ တိကနဲတိကနဲ ချက်ကျကျသွားသည်ကို ပီတိဖြစ်နေ၏။ မောရမှန်းပင် မသိချေ။

"အင်း …. ခုမှ ပိုပြီးနေရာကျ၊ကုသိုလ်လဲရ၊ပြောင်းရိုးစဉ်း လဲများများရ၊အမောလဲ သက်သာသေး"ဟု တွေးကာ ဝမ်းသာအားရ နေ့ညမပြတ် ရေခပ်ရင်း၊နွားကျောင်းရင်း၊ပေါင်းနုတ်ရင်း၊ယာလုပ်ရင်းတစ်ချိန်ထဲအလုပ်နှစ်ခုပြီးနေ လေ၏။ရှုပုံမှတ်ပုံလည်း "မုဆိုးစိုင်သင်"ဟူသကဲ့သို့အလုပ်ကပင်တည့်၍တည့်၍ ပေးသွားလေသည်။အိပ်သော အခါ ခေါင်း၊လက်၊ ခြေ၊ကိုယ်အဂါင်္အနေအထားကို တမင်ပြုပြင်မနေရဘဲအိပ်ရင်းက နေသားတကျအလိုလို ပြင်ပြီး သားဖြစ်သွားသကဲ့သို့တည်း။ တရားကိုသာအားထုတ်ပါလေ။ မှားလျှင်တရားကပင်ပြင်ပေးသွားလိမ့်မည်ဟူ၏။
မောင်ရင်ပေါ်ချောက်သို့ သွား၍လည်း ညအိပ်ညနေ အားထုတ်၏။ အလင်းရောင်များကို တွေ့သောအခါ-

"ငါတရားအားထုတ်လို့ဘုရားရောင်ခြည်တော်ဖူးရပဟေ့"ဟုတိုး၍ကြိုးစားပြန်၏။မျက်နှာအနီး၌ချာချာလည်နေသော အလင်းလုံးကလေးများကိုမြင်ရပြန်သောအခါတစ်မျိုးအားတက်ကာစိုက်၍ကြည့်မိ၏။ကြည့်လျှင်အလင်းလုံးကလေး
များကအပေါ်သို့တက်၍တက်၍သွား၏။တက်၍တက်၍သွားတိုင်း…."တက်ဟာတက်ဟာ"ဟုအားပေးရင်းစိတ်ကအမှီ
လိုက်၍ ကြည့်ရာ တိမ်ပေါ်သို့ပင် ရောက်သွား၏။

"အင်း….တယ်လဲဟုတ်ပါကလား။ငါတိမ်ပေါ်ကိုတောင်ရောက်နေနိုင်မှကော"ဟုမမောနိုင်အောင် ကျေနပ်လျက်ရှိ
သည်။မကြာမီ အလင်းလုံးကလေးများကို တက်၍တက်၍လိုက်ရင်းဘုံနန်း ပြဿဒ်ကြီးများကို တွေ့ရပြန်ရာ….

"အင်း…တရားအားထုတ်လို့ငါသေရင် နေရမယ့် ပြာဿဒ်ကြီးတွေပဲ"ဟုယူဆကာမကြောက်မရွံ့စွန့်စွန့်စားစား တိုး၍ အားထုတ်ပြန်လေ၏။

(ယခုခေတ်ကဲ့သို့ပွင့်ပွင့်လင်းလင်းမရှိသေး၍စိတ်ကူးပေါက်သလိုလုပ်နေရသည်ကိုသတိပြုပါ။ဤယခုရေးနေသည်
မှာ ဆရာတော်ပြန်ဟောသည့်အတိုင်းရေးနေခြင်း ဖြစ်ပါသည်။ )

မှတ်ချက်။။အထက်ပါအကြောင်းအရာများနှင့်ပတ်သက်၍ဆရာတိုင်ကိုယ်တိုင်ဟောကြားသောမူရင်းအသံကိုအင်တာ
နက်စာမျက်နှာများတွင် ရှာဖွေနာယူနိုင်ပါသည်။

ဦးကျော်ဒင်သည် လူတွေ ပြောပုံ ဆိုပုံ၊လုပ်ပုံ ကိုင်ပုံတို့ကို မြင်လေ ကြောက်လေ၊ငရဲခံနေရသည့် သတ္တဝါများကို မြင်လေ ထိတ်လန့်လေ ဖြစ်နေ၏။ကြောက်ရွံ့ထိတ်လန့်လေ ဝီရိယကိုတိုးမြှင့်လေဖြစ်သည်။သွားလည်း ဒီစိတ် အိပ်လည်းဒီစိတ်ဖြင့် ကျိတ်မှိတ်ပြီး လုပ်နေသည်ကို မြင်ရသောအခါ “ငါတို့တော့ နိဗ္ဗာန်မရချင် နေပေစေ ၊ ဒီ
လောက်တော့ မလုပ်နိုင်ဘူး” ဟု ထင်ရ၏။

ကိုယ့်ကိုကိုယ် လျော့တွက်ကြသည်။"သူဒီလိုဒုက္ခခံနိုင်တာပါရမီရှိလို့"ဟု မြှင့်၍တွက်တတ်ကြပြန်၏။မဟုတ်ချေ။

လက်တွေ့လုပ်ကြည့်လျှင်တဖြည်းဖြည်းရက်ပိုင်းမျှဖြင့်ဓမ္မအရသာ တွေ့ကာယုံကြည်မှု(သဒ္ဓါ)၊တိုးလာ၏၊ယုံကြည်မှု
တိုးလျှင် ဝီရိယတိုး၏။ဝီရိယတိုးလျှင် သတိတိုး၏။သတိတိုးလျှင် သမာဓိတိုး၏။သမာဓိတိုးလျှင် ပညာတိုး၏။တမင်ိကြိုးစားဖျစ်ညှစ်၍ လုပ်နေရသည် မဟုတ်ချေ။

တစ်ရက်ထက် တစ်ရက် ကိုယ်နှုတ်စိတ် အပူဓာတ်များ ကင်းကာအေးငြိမ်း၍ အေးငြိမ်း၍ လာသည်ကို ကိုယ်တိုင်ပင် သိလာ၏။ သူများဟောစရာ၊ တိုက်တွန်းစရာမလို။

ယင်းကိုပင်"အကာလိကော=ချက်ချင်းအကျိုးရနိုင်သည်။သန္ဒိဋ္ဌိကော=ကိုယ်တိုင်လက်ငင်းခံစားတွေ့ရှိနိုင်သည်"ဟု တရား တော်က ဆိုလေသည်။

လက်တွေ့စမ်းဖို့၊လုပ်ကြည့်ဖို့သာ အရေးကြီး၏။"ဒီလိုမှန်းသိငါ အစောကြီးက(ငယ်ငယ်က)မလုပ်ရလေလား" ဟု
ယောဂီတိုင်းနောင်တဖြစ်ကြရသည်။ပြောရသည်ထက်အလုပ်ကပို၍လွယ်၏။ထို့ကြောင်“ဧဟိပဿိကော=မယုံ ရင်လာလှည့် စမ်း၍ကြည့် ” ဟု အာမခံရဲခြင်းဖြစ်သည်။ လူတိုင်း မလုပ်တတ်မရှိရအောင်လည်း ရှင်းလင်း၏။
လွယ်ကူ၏။သို့ရာတွင် လက်တွေ့ ယုံယုံကြည်ကြည် လုပ်လိုသူများ ရှားပါးလှသဖြင့် တဖွဖွ ဟောရလွန်း၍-
“နွားစာမှ ရရဟု ကျတ်တီးကုန်းမှာ တောင်ယာလုပ်ရသလို တစ်ပုဒ် တစ်ပါဒမျှသိရင် မနည်းအကျိုးများမည် ဟု ယူဆ၍ ဒီလောက်ငါပြောပြလို့မှ မသိမမြင်တဲ့ပုထုဇဉ်အမိုက်အကန်းတွေကို ငါဘာတတ်နိုင်ဦးမှာလဲ" ဟုတစ်ခါ ကဘုရားရှင်ပင်လျှင်ညည်းညူတော်မူဖူး၏။ (ခန္ဓဝဂ္ဂ-ခေတ္တူပမ သုတ်။)
ထိုချမ်းသာကားအဖော်မလို၊သန္တော= အေးငြိမ်း၏။ ပဏီတော= မြိန်၏။ တင်းတိမ်ရောင့်ရဲမှုမရှိ။
အသေစနကော=ပို၍ ကောင်းအောင်တစ်စုံတစ်ရာဖြည့်စွက်(နှမ်းဖြူး)စရာမလို၊အလိုလို့ကိုအရသာရှိနေ၏။

ပြဆိုပြီး (ဣနြေ္ဒငါးပါး၊ဗိုလ်ငါးပါးဟုလည်း ခေါ်ဆိုရသော) သဒ္ဓါ၊ဝီရိယ၊ သတိ၊သမာဓိ၊ ပညာငါးမျိုး တိုးတက်လာ လေပို၍အရသာရှိလေအသိညာဏ်တိုးလေဖြစ်တော့သည်။ထိုအခါအာရုံငါးပါး၏ခိုင်းစေရာလိုက်ပါနေကြရသောလူများစုနှင့်
ခွဲခွာကာတစ်ကိုယ်တည်း နေနိုင်သည်မှာသတ္တိကောင်းလွန်း၍၊ပါရမီရှိလွန်း၍မဟုတ်။အလိုလိုခံနိုင်ရည်ရှိသွား၏။ ချမ်းသာနေ ၏။ လူသာမန်တို့ ကိုယ်ချင်းစာ၍ မရနိုင်ပြီ။

ဦးကျော်ဒင်သည် နှာသီးဖျား၌ထွက်လေဝင်လေတို့ထွက်တိုင်းထိ၊ထိတိုင်းသိ၊ဝင်တိုင်းထိ၊ထိတိုင်းသိ၊အသိချင်းစပ်
အောင်မှတ်နိုင်လာသည့်အပြင်လျောင်း၊ထိုင်၊ရပ်၊သွားဣရိယာပုတ်၊လေးပါးလုံး၌လည်းရှုမှတ်ပုံတိုးချဲ့မှတ်သိနိုင်လာ
၏။

သွားလျှင်မြေ၌ခြေဖြင့်ထိသည်ကိုသတိကပ်၍မှတ်ခြင်း၊ယင်းသို့မှတ်နေသည်ကိုသိမြင်နေခြင်း(သတိ၊ပညာ)ထိုင်လျှင်
တင်ပါးနှင့်ကြမ်းပြင်ထိနေသည်ကိုမှတ်သိခြင်း၊စားလျှင်ထမင်းလုပ်နှင့်လက်ထိနေသည်ကိုမှတ်သိခြင်း၊ပါးစပ်၌ထိနေ
သည်ကိုမှတ်သိခြင်းစသည်ဖြင့်"ထိ+သိ+သတိ"ဟုပင် သတိပဌာန်တစ်ခုလုံးကို ခြုံမိအောင် ဆောင်ပုဒ်ပြုသွား နိုင်လေတော့၏။ (ပထဝီဓာတ်ကို ပဓာနပြု ရှုမှတ်သော သတိပဌာန်ဖြစ်၏။

မဟာစည်ဆရာတော်ဘုရားကားဝါယောဓာတ်ကိုပဓာနမူသည်။) ထို့နောက်ခန္ဓာကိုယ်၌ နာကျင်ကိုက်ခဲမှု ပူမှု အေးမှုစသော ဝေဒနာများကိုပါစူးစိုက်၍ မှတ်သိခြင်းများပင်တိုး၍လာ၏။"ဝေဒနာလိုက်"သည်ဟု ပြောစမှတ်ပြု ကုန်၏။ဝေဒနာနုပဿနာခေါ်သည်။ထင်ရှားခံခက်သောဒုက္ခဝေဒနာကိုသာဦးစားပေး၍မှတ်ဟန်တူ၏။
(သုခ-ဥပေက္ခာ ဝေဒနာတို့ကိုလည်း မှတ်သိရသည်ပင်။ သို့သော် အကျုံးဝင်လေပြီ ဖြစ်၍ အထူးမဆို ။)ထို့ကြောင့် လည်း ဦးကျော်ဒင်က - အောက်ပါအတိုင်း မှတ်တမ်းတင်ခဲ့သည်။

"မခံသာ မှန်ပါဘိ သည်တရား။ ခံသာလျှင် သံသာကြောမှာ ၊ မျောလိမ့်အများ"

ဦးကျော်ဒင်အား အဆုံးအဖြတ်ပေးမည့်နေ့
ဦးကျော်ဒင်သည် ထိုသို့နေညမလပ်သတိချင်းစပ်အောင်ရှုမှတ်လေရာ မချိမဆန့်ထိုးအောင့်ကိုက်ခဲလာသော ဝေဒနာများ ရိပ်ကနဲရိပ်ကနဲ အားသေးပျောက်ကွယ်သွားကုန်၏။ အာရုံနိမိတ်များလည်း တဖြည်းဖြည်းကင်းကွာ ၍၊ ခွာ၍၊လျစ်လျူရှု၍ ခန္ဓာကိုယ်ရုပ်နာမ်တရားတို့၏ဖြစ်မှုပျက်မှုအစဉ်ကိုသာ သိမြင်လျက်ရှိ၏။ ဖြစ်ပျက်အပေါ်၌ သာစူးစိုက်သိမှတ်နေခဲ့ရာ ရှုမှတ်၍ အလွန်ချက်ကျလက်ကျ စီးစီးပိုင်ပိုင်ရှိနေ၏။ စိတ်ထဲတွင် အလွန်ကျေနပ် ဝမ်းမြောက်နေမိ၏။ ကြည်နူးနှစ်သက်နေမိပြန်၏။ ကျေနပ်ဝမ်းသာလွန်းအားကြီးနေစဉ်ဦးကျော်ဒင်၏ ရှေ့၌ အလင်း ဓာတ်ကြီးမှာထင်းကနဲ ပေါ်လာတော့သည်။

ပီတိဖြင့်ဖုံးအုပ်ပေးထား၍ ဝေဒနာငြိမ်းသွားပြီဟုထင်ရသော်လည်းအခိုးအရှိန်များ ပြည့်ဟုန်ပြီးစွဲကျန်နေသေးရာ
အလင်းဓာတ်ကြီး ပေါ်လာသောအခါတွင်မှ ဝေဒနာများစုပ်စမြုပ်စငြိမ်းချုပ်ကာလုံးဝအေးသွားတော့သည်။
ထို့ကြောင့်အလင်းဓာတ်ကြီးကိုတွယ်တာနေမိပြန်၏။ဖြစ်ပျက်သတိလည်းလွတ်နေတော့သည်။ဦးကျော်ဒင်သည် အတန်ငယ်စဉ်းစားကာ"အင့်ဟင် ငါ့ဟာဟုတ်သေးပါဘူး"ဟု ပညာဖြင့်ဆင်ခြင်၍ သိမှတ်မှုကို ခန္ဓာကိုယ်ပေါ်သို့
ချက်ချင်းပြန်၍ တင်ပို့ လိုက်၏။(သြဘာသ၌လဲကျ၍ ပဿဒ္ဓိ၌နစ်သွားသည်ကိုဆွဲထူလိုက်ခြင်းပင်တည်း။)
ထိုအခါစောစောက ဝေဒနာများပြန်၍ ပေါ်လာကြပြန်၏။လှိုင်းထန်သောဝဲဂယက်၌ သစ်တုံးတိုကိုဖက်၍ ကူးနေရ
သကဲ့သို့ရှိတော့သည်။ မဂ္ဂါမဂ္ဂဥာဏဒဿန၀ိသုဒ္ဓိခေါ်လမ်းမှန်လမ်းမှား၌ သတိရှိရှိ၊ ၀ီရိယမှန်မှန်၊ ဥာဏ်ကို အသုံး ချ၍ပဲ့ကိုင်နေရပုံတည်း။

ပေါ်လာသော ဝေဒနာများကိုသိမှတ်ပြန်ရာ အာရုံနှင့်သိမှတ်မှုမှာ တော်တော်နှင့်အံမကိုက်၊ ခွင်မကျ။ မဆုံးနိူင် အောင် တမှတ်ထဲမှတ်နေရသည်ကိုပင် ငြီးငွေ့လာ၏။ အာရုံနှင့်သိမှတ်မှုမှာ အထက်လွန် သွားလိုက်၊ အောက်ကျ သွားလိုက်၊ရှေ့ရောက်သွားလိုက်၊နောက်ကျကျန်ရစ်လိုက်ဖြစ်နေပြန်၏။

ထိုအခါဦးကျော်ဒင်သည် အသက်မှန်မှန်ရှုရှိုက်ကာ မဇ္စျိမပဋိပဒါကျအောင် ညှိယူလိုက်သောအခါ ဣနြေ္ဒငါးပါး လုံးမျှ တညီညွတ်သွားသဖြင့် နိရောဓဓါတ်ကို ဖတ်ကနဲမိကာ ယမ်းတောင့်ထိုးထားသော သေနတ်ကို စိကနေ ကိုင်ဖြုတ်လိုက်သကဲ့သို့ ဒိုင်းကနဲမှတ်သိမှုပြုတ်ထွက်သွားလေတော့၏။ သတိဝီရိယဥာဏ်ရှိသော ရေနစ်သူသည် အလိုက်သင့်မှေး၍မျှောလိုက်ရာမှ ဆိပ်ကမ်းကိုခေါင်းဖြင့်ဒိုင်းကနဲ ဆောင့်ဝင်၍တိုက်ရာ ဆိပ်ကမ်းကို မလွှတ် တမ်းဆုပ်ကိုင်၍ အမောဖြေသကဲ့သို့လည်း ဖြစ်နေပေမည်။ တစ်သံသရာလုံးမခံစားခဲ့ရဖူးသေးသော ငြိမ်းအေးမှု ကြီးကို မျက်ဝါးထင်ထင်တွေ့ မြင်ရကာအမောပြေ သက်သာရာ ရလေတော့၏။

"အာလောကောဥဒပါဒိ" တရားအလင်းဓာတ်ကြီးသည် ဦးကျော်ဒင်၌ ပထမဆုံးအကြိမ် ကိန်းဝပ်လေတော့ သည်။ မြွေကိုက်ခံရသူသည် ထိုဝေဒနာ လုံးဝချုပ်ငြိမ်းပပျောက်သွားသော်လည်း တစ်သက်နှင့်တစ်ကိုယ် မမေ့ နိုင်အောင် စဉ်းစားလိုက်တိုင်း ခံစားရပုံကိုတပ်အပ်မှတ်ချ သိနိုင်သကဲ့သို့ ထိုအခြေအနေနှင့်ထိုနေ့ကို ဦးကျော်ဒင် အဖို့  ရာသက်ပန်မမေ့နိုင်တော့ချေ ။

ပထမရစ် အနေဖြင့် အပါယ်လေးပါး ကြွေးစာရင်း ဖျက်လိုက်သော ထိုနေ့ ကား…..

"၁၂၈၂ - ခုနှစ် ၊ ၀ါဆိုလပြည့်ကျော် ၁၃ -ရက်၊ ကြာသပတေးနေ့  ၊ ညဥ့် ၁၀ -နာရီခန့်  ။"

ဦးကျော်ဒင်သည် ဒေါ်ရွှေရည်၏အမျိုးမျိုးသော နှောင့်ယှက်ခြင်းကို မေတ္တာဖြင့်သည်းခံကာ အချိန်ရသမျှ ရှုမှတ် ပွားများရာယခင်ကထက်ပို၍ အသိဥာဏ်များလင်းလာ၏။ သွားဖူးပြီးသောလမ်းဖြစ်၍ အခက်အခဲလည်း မရှိတော့ပေ။“အတွင်းဝေဒနာပို၍ တက်ခြင်းမျှလောက်သာ ထူးတော့သည်။”ဟု ဟောကြားဖူး၏။(ယောဂီတိုင်း ဤသို့ဖြစ်ရမည်ဟုကား တစ်ထစ်ချ မမှတ်သင့်၊)

တစ်ညတွင်ဦးကျော်ဒင်သည် သတိဖြင့်ပင်အိပ်ပျော်သွားခိုက် အိပ်မက်ထဲတွင် မီးရထားဘူတာရုံတစ်ခုကို ရောက်သွား၍ လက်မှတ်ယူရာ မိမိကတစ်ခုသာယူသော်လည်း လက်မှတ်ပေးသူက လေးခုပေးပုံ၊ ထို့နောက် လေးခုလုံးအိတ်ထဲထည့်ပြီး ရထားသို့လျှောက်ခဲ့ရာ ရထားမှာထွက်ခါနီးနေ၍ အမြန်လိုက်ပါတက်စီးရပုံကို မြင် မက်၏။ နောက်မကြာမီရက်အတွင်း အိပ်မက်မက်ပြန်သည်မှာ ယာခင်းသို့ရောက်သွားခိုက် နွားတစ်ကောင် ပြေး လာသည်ကိုမြင်၍လိုက်ဆွဲရာ အမြီးကိုဆွဲမိသဖြင့် အမြီးရင်းမှပြုတ်ပါလာသည်ကို မြင်မက်၏။(ယောဂီ၌အိပ်မက် များသည် တစ်နည်းတစ်ဖုံအားဖြင့် အကျိုးပြုပုံကိုကျွန်ုပ်တို့ပြခဲ့ပြီ။)

ဦးကျော်ဒင်သည်အဆိုပါအိပ်မက်များကိုအတိတ်ကောက်၍"သာသနာနောက်ပိုင်းမှာအပြုတ်ဟ” ဟုကြိမ်းဝါးကာ
ဝင်လာသမျှ အာရုံသညာတို့ကို သတိဖြင့် ဖမ်း၍ပညာဖြင့်ဖြတ်လျက် ပထမ အကြိမ်နှင့်တစ်လ တိတိအကြာ -

"၁၂၈၂ခုနှစ် ဝါခေါင်လပြည့်ကျော်၁၃ရက်၊ စနေနေ့ညဥ့်၁၀နာရီအချိန်ခန့်တွင် ဒုတိယအကြိ်မ်နိဗ္ဗာန်ကို မျက် မှောက် ပြုတော်မူ၏။"

ဦးကျော်ဒင်သည် ဒုတိယဆင့်ရောက်ပြီး တစ်လတိတိကြာသောအခါ -

"၁၂၈၂ခုနှစ်၊တော်သလင်းလပြည့်ကျော်၁၃ရက်၊တနင်္လာနေ့၊ညဥ့်၁၀နာရီအချိန်ခန့်၌တတိယအကြိမ်နိဗ္ဗာန်ကို
မျက်မှောက်ပြုလေ၏။"

ဆယ်နာရီမထိုးမီကလေးတွင် ဦးကျော်ဒင်တစ်ကိုယ်လုံးရှိ အကြောအခြင်များတုတ်တုတ်ဆွဲကာ ပြတ်သွားမတတ် အလွန်ပြင်းထန်လှသော ဝေဒနာကို ခံစားရသည်။

"ဒီနေရာမှာ ခံနိုင်ရင်ခံ၊မခံနိုင်ရင် လန်ရော၊ဒါကျော်မှ ငါသာဓုခေါ်မည်"ဟုလည်း ပြန်လည်ဟောကြားဖူး၏။
နောက်တစ်နေ့တွင် ဦးကျော်ဒင်၏ ရှေ့ ၌ပင် ပြင်းထန်သော မိုးကြိုးကျ၏။

ဦးကျော်ဒင်ကားမည်သို့မျှမတုန်လှုပ်၊ မထိတ်လန့်၊စိတ်ဆိုးခြင်း၊ကြောက်ရွံ့တုန်လှုပ်ထိတ်လန့်ခြင်းသည် ဒေါသပင်
ဖြစ်၏။ဦးကျော်ဒင်ကားဒေါသကို အမြစ်ပြတ်သတ်နိုင်လေပြီ။ ထိုအဆင့်သို့ရောက်ပြီးဖြစ်ကြောင်း ထောက်ခံချက် ပေးလာသော မိုးကြိုးပင်တည်း။

နွားနှစ်ကောင်နှင့်ထွန်ထောင်ကိုယ်တော် ဦးကျော်ဒင်သည် ၁၂၈၂ခုနှစ်သီတင်းကျွတ်လပြည့်ကျော် ငါးရက်နေ့ တွင်ပဲကြဲရန်ထွန်က, ၍ ယာခင်းသို့ထွက်လာခဲ့၏။

ယာထဲသို့ရောက်သောအခါထွန်ရေးစရန် မောင်းနှင်ရာ နွားနှစ်ကောင်မှာ လှည့်ကြည့်လှည့်ကြည့်လုပ်ကာမသွား ဘဲတွေပြီးရပ်နေကြ၏။"ဟဲ့"ဟုငေါက်သော်လည်း ရှေ့သို့မတိုးဘဲ လှည့်ကြည့်ပြီးဦးကျော်ဒင်အား တစ်စုံတစ်ခု ပြန်
ပြောနေကြသကဲ့သို့ရှိ၏။ "ခါတိုင်းဆိုဟဲ့လို့တောင်မငေါက်ရဘဲ သူ့ထက်ငါရုန်းကြတဲ့ကျေးဇူးရှင်ကြီး နှစ်ကောင်က
တောင်ထုံပေပေနဲ့ ငါ့ကိုနှင်နေကြပါပကောလား။ အင်းကိုယ့်အကြောင်းကိုယ်အသိဆုံးမို့ ကိုယ့်ဟာကိုယ် မဆုံး ဖြတ်နိုင်ရင်ကိုယ့်အသိဥာဏ်ဟာ ဘာအသုံးကျတော့မှာလဲ။"

ဦးကျော်ဒင်သည် ရုတ်တရက်အကြံပေါက်ကာ ထွန်ပေါ်ကဆင်းပြီး နွားကိုထမ်းပိုးမှကြိုးဖြုတ်၍ ထွန်တုံးကိုထောင်
ထားလိုက်၏။

"ကဲ-မင်းတို့နဲ့ငါနဲ့လည်း သေခန်းဖြတ် ကြွေးရှင်းကြစို့။ တော်ရာသွားကြပေရော့။သင်တို့ကိုငါ ဘေးမဲ့ပေးလိုက်ပြီ" ဟုဆိုကာနွားနှစ်ကောင်ကိုလွှတ်လိုက်သည်။ ပြီးလျှင်ဦးဝီရိယခေါ်ဘုန်းတော်ကြီး ဦးကျောက်ကျောင်းဆီသို့ ထွက် လာခဲ့၏။ လမ်းတွင်ဒေါ်တင်ဆိုသူနှင့် တွေ့၍အကျိုးအကြောင်း မေးရာသင်္ကန်းဝတ်သွားမည့်အကြောင်း ပြောပြ လျှင်….

"ဟဲ့- မောင်ကျော်ဒင်၊ဒီလိုဆိုရင်တို့အိမ်က မောင်တာကိုရင်ကြီးဝတ်တုန်းကဧကသီအဟောင်းတစ်ထည်ရှိတယ်။
ယူသွား။မိရွှေရည်လည်း မသိစေနဲ့"ဟုဆိုကာ ဒေါ်တင်လှူလိုက်သောဧကသီ ၊ဦးဝီရိယချီးမြှင့်သော သင်းပိုင်
တစ်ထည်ဖြင့် ထိုနေ့၌ပင် ဦးကျော်ဒင်မှ ကိုရင်ကြီး ရှင်ကဝိဖြစ်လာလေတော့၏။

"ထွန်ဆင်းကိုယ်တော် ထွန်ထောင်ကိုယ်တော်" ဟုလည်း သမုတ်ကြသည်။"

ကိုရင်ကြီးဦးကဝိကားယခုမှပင်စိတ်နှင့်ကိုယ်၊အတွင်းနှင့်အပြင်၊အသွင်နှင့်သဘောထားတစ်သားတည်းကိုက်ညီကာ အာနာပါနကို စိတ်တိုင်းကျရှုမှတ်ခွင့်ရလေတော့သည်။

ဦးကဝိကိုရင်ဝတ်ပြီး ငါးရက်အရတွင် သူငယ်ချင်းဦးရွှေလုပ်လည်းရှင်ဝိဇယအမည်ဖြင့်ရှင်ကဝိနှင့်အတူလိုက်ပါ၍
သာမဏေပြု၏။(ပြဆိုခဲ့သည်အတိုင်း)အနာဂါမ်ဖြစ်ပြီး တစ်လတိတိအကြာ မောင်ရင်ပေါ်ချောက်တွင်အရဟတ္တ ဖိုလ်သို့ ဆိုက်ရောက်ကာ`ရဟန္တာ´ဖြစ်တော်မူလေ၏။ ဦးကျော်ဒင်သည်၁၂၈၁ခုနှစ်သီတင်းကျွတ်လပြည့်နေ့၌ ဆီမီးတစ်ထောင်ပူဇော်၍ထိုနှစ်တပေါင်းလတွင်မဏ္ဍပ်ထိုးကာဘုရားပူဇော်ခဲ့၏။

အာနာပါနတရားကို တစ်စွန်းတစ်စကြားသိရုံမျှဖြင့်"မုဆိုးစိုင်သင်"အားထုတ်ခဲ့ရာ၁၂၈၂ခုနှစ်ဝါဆို၊ဝါခေါင်၊တော် သလင်း၊ သီတင်းကျွတ်လပြည့်ကျော်၁၃ရက် ညဥ့်၁၀နာရီအချိန်ချည်းသာလျှင် အချိန်ကာလတစ်လစီ တစ်လစီ ခြား ကွာ၍ အရိယာ လေးဆင့် အောင်လံ လွှင့်တော်မူလေပြီ။

သက်တော်၄၃- နှစ်ကိုရင်ကြီးဘဝဖြင့်"ရဟန်းကိစ္စ" ပြီးတော်မူသည်။အရိယာစခန်းအတွက်ဦးကျော်ဒင်ပေးသော သင်ခန်းစာထက် အားကျဖွယ်သည် အဘယ်မှာရှိပါသေးတော့အံ့နည်း။

ရေလယ်ဆရာတော်သည် ရှင်ကဝိနှင့်ရှင်ဝိဇယတို့အား အပန်းဖြေစေပြီးနောက် စာပေကျမ်းဂန်နှင့် ညှိ၍ပို၍ တိကျစွာ ကြည်ညိုနိုင်ရန်အောက်ပါအတိုင်းထပ်မံ မေးစစ်ပြန်လေသည်။ ဦးဖြိုးသာနှင့်ဦးဘစံတို့လည်း အနား၌ ပင်နာယူကြည်ညိုနေကြ၏။

(မှတ်ချက်။ ။ စာမတတ်သူတစ်ဦးအနေဖြင့် ဖြေဆိုရန် မည်မျှခက်ခဲသောမေးခွန်းများဖြစ်သည်ကို သတိပြု၍ ဖတ်ပါ။)

မေး။ ။ ရှင်ကဝိ၊ ဘုံသုံးပါးမှာ ဘယ်သူက အိမ်ဆောက်လုပ်ပေးပါသလဲ။

ဖြေ။ ။ တဏှာက ဆောက်လုပ်ပေးပါတယ် ဘုရား။

မေး။ ။ တေဘုမ္မက သင်္ခါရဟာ ဘယ်ကမျိုးစေ့ ဖြစ်ပါသလဲ။

ဖြေ။ ။ အဝိဇ္ဇာက မျိုးစေ့ ဖြစ်ပါတယ် ဘုရား။

မေး။ ။ လူရယ်လို့ဖြစ်တာ ကုသိုလ်ကြောင့်လား၊ ဒါမှမဟုတ် အကုသိုလ်ကြောင့်လား။

ဖြေ။ ။ လူဖြစ်တာ ကုသိုလ်,အကုသိုလ် နှစ်မျိုးလုံးကြောင့် ဖြစ်ပါတယ် ဘုရား ။

မေး။ ။ ကုသိုလ်ဟာ သုခ ဆိုမလား၊ ဒုက္ခဆိုမလား ။

ဖြေ။ ။ ကုသိုလ်ဟာ သုခလို့ ဆိုပါတယ်။ စင်စစ်အားဖြင့် ဒုက္ခ ပါပဲ။

မေး။ ။ လူချမ်းသာ နတ်ချမ်းသာဆိုတာ အမှန်ရှိသလား။

ဖြေ။ ။ သင်္ခတနယ်မှာ အမှန်ပင်ရှိပါတယ်။ ပရမတ် သဘောအရ ဆိုလျှင် မရှိပါ။

မေး။ ။ ငရဲခံတဲ့ ပုဂ္ဂိုလ် ၊ နတ်ပြည်စံတဲ့ ပုဂ္ဂိုလ်များ ရှိသလား။

ဖြေ။ ။ မရှိပါဘုရား။

မေး။ ။ လောကကြီးမှာ ခံစားသူ စံစားသူ နှစ်မျိုးရှိသည်တွင် ဘယ်သူ့ကို အမှန် ခေါ်မတုံး။

ဖြေ။ ။ နှစ်မျိုးစလုံးပင် မှန်ပါတယ် ဘုရား။

မေး။ ။ ၎င်း နှစ်မျိုးကို ဘာခေါ်မတုံး။

ဖြေ။ ။ နာမ် ရုပ် နှစ်ပါးဟု ခေါ်ပါတယ် ဘုရား။

မေး။ ။ လောကမှာ သတ်သူ၊ သေသူ ရှိသလား။

ဖြေ။ ။ ရှိပါတယ် ဘုရား။

မေး။ ။ ရှိပါတယ် ဆိုတာ ဘယ်လို မှတ်ရမလဲ။

ဖြေ။ ။ နာမ် ရုပ် နှစ်ပါးပါပဲ ဘုရား။

မေး။ ။ သူ့အသက် သတ်လျှင် ငရဲကျတယ်ဆိုတာ အမှန်ပဲလား ။

ဖြေ။ ။ အမှန်ပါပဲ ဘုရား။

မေး။ ။ မှန်တယ်ဆိုလျှင် ဘယ်ဟာ အမှန်ခေါ်မတုံး။

ဖြေ။ ။ ရုပ်နာမ်နှစ်ပါးဟာ ငရဲကျအောင်လည်း သူတို့ပါပဲ။ နိဗ္ဗာန်ရောက်အောင်လည်းသူတို့ပါပဲ။

မေး။ ။သတ်သူသေသူရှိတယ်ယူတာမျိုး၊မရှိဘူးယူတာမျိုး၊ထိုနှစ်မျိုးတို့တွင်ဘယ်ဟာသမ္မာအယူ
ခေါ်၍ဘယ်ဟာ မိစ္ဆာအယူ ခေါ်သတုံး။

ဖြေ။ ။ ရုပ်နာမ်နှစ်ပါးကလွဲ၍ ရှိတယ်မရှိဘူး နှစ်မျိုးစလုံးပင် မိစ္ဆာအယူဆိုရမှာပဲ ဘုရား ။

မေး။ ။ သမ္မာအယူ ဖြစ်အောင် ဘယ်လို ယူရမှာတုံး။

ဖြေ။ ။ ရုပ်နာမ် နှစ်ပါးသာ ရှိတယ်ယူလျှင် သမ္မာအယူ ဖြစ်ပါတယ် ဘုရား။

မေး။ ။ ပရမတ်သဘောကို မသိသောသူ ပါရမီဆယ်ပါး ပြည့်စုံနိုင်ပါသလား။

ဖြေ။ ။ မပြည့်စုံနိုင်ပါ ဘုရား။

မေး။ ။ ပညတ်ပရမတ် နှစ်ပါးရှိရာ ပညတ်ကိုသာ သိသောသူ မဂ်ကိုရသလား။

ဖြေ။ ။ မရနိုင်ပါ ဘုရား။

မေး။ ။ ပညတ် ပရမတ် နှစ်ပါး ဘယ်ဟာ အမှန်ခေါ်မတုံး။

ဖြေ။ ။ ပရမတ်ကိုသာ အမှန်ခေါ်နိုင်ပါတယ် ဘုရား။

မေး။ ။ မိစ္ဆာအယူ သမ္မာအယူ နှစ်မျိုးတွင် ဘယ်အခါ သမ္မာအယူ ခေါ်မတုံး။

ဖြေ။ ။ ဒိဋ္ဌိ၊ ဝိစိကိစ္ဆာ ကင်းလွတ်သည်က စ၍ သမ္မာအယူ ဖြစ်ပါပြီဘုရား ။

"အင်း….သာဓုသာဓု၊မှန်ကန်ကောင်းမြတ်လှပါပေတယ်ဦးကဝိ၊သည်သဘောသဘာဝမျိုးဟာအလွန်အသိခက်ပေ
တယ်ဦးကဝိ၊သည်နေ့ကစပြီး ဘုန်းကြီးများလည်းဦးက၀ိရဲ့ နည်းနာနိဿယအတိုင်း အားထုတ်လိုပါတယ်။ ဒကာ ဒကာမတွေလည်းအပါယ်တံခါးပိတ် အောင် ဦးကဝိတို့လဲ တစ်ဝါတစ်ချီဒီမှာပဲ သီတင်းသုံးပါဦးနော်" ဟု ရေလယ် ဆရာတော်ကအမိန့်ရှိရာ …….

"မှန်လှပါဘုရား၊တပည့်တော်များလည်းယခုအခါမှီခိုရာနိဿယည်းဆရာရှာတုန်း၊ယခုလိုအမိန့်ရှိတာဝမ်းမြောက်လှ
ပါတယ်ဘုရား"ဟု လျှောက်ကာ ရေလယ်တိုက်၌ပင်ဦးကဝိနှင့်ဦးဝိဇယတို့သီတင်းသုံး နေထိုင်ကြလေ၏။

ရေလယ်ဆရာတော်နှင့် ညောင်လွန့်တောရဆရာတော်တို့သည်"တရားထူးရလျှင်အသိပေးကြစတမ်း"ကတိအရ ရှင်ကဝိအကြောင်းစာရေးလျှောက်ထားသဖြင့် ညောင်လွန့်တောရဆရာတော်မိတ္ထီလာသို့ကြွလာစုံစမ်းစစ်မေးတော်
မူသည်။

ရှင်ကဝိက လောကီ လောကီသတ်သတ်၊ လောကုတ္တရာလောကုတ္တရာသတ်သတ် မေးရန်ကြိုတင် လျှောက်ထား ၏။လောကုတ်- လောကီတစ်ရက်စီခွဲ၍ မေးတော်မူသည်။အနယ်နယ်မှစာတတ် ပေတတ်အကျော် ဆရာတော် ကြီးအချို့ကလည်း စာမတတ်ဘဲတရားထူးရသည်ဆိုသည်ကို မယုံကြည်နိုင်ကြသဖြင့် အထပ်ထပ်စစ်မေးကြပုံ၊ နှိမ်ချသောစကားများပြောဆို၍ အပြစ်ကြီးကြပုံ၊ စာမတတ်သောဦးကဝိ၏အလုပ်ခွင်နှင့်စပ်သော သိပုံများကို နောက်ဆက်တွဲ၌ကြည့်ပါ။
ယင်းသို့မေးမြန်းစိစစ်ကြသည်မှာ ပဓာနအားဖြင့် အစစ်အမှန် ဝမ်းမြောက်ကြည်ညိုလိုကြ၍ဖြစ်သည်။ အထင် သေးသည့် ပုဂ္ဂိုလ်များလည်းများစွာရှိ၏။ မည်သို့ဖြစ်စေ၊ ထိုအစစ်အဆေးအမေးအမြန်းအားလုံးသည် ဦးကဝိ၏ အရဟတ္တဂုဏ်ကို တစ်နိုင်ငံလုံးကယုံကြည်လက်ခံလာရအောင် မှတ်ကျောက်တင် အတည်ပြုပေးကြရခြင်းပင် တည်း။မေးသောပုဂ္ဂိုလ်တိုင်းကပင် "စာမသင်ဘဲစာတတ်"နေသော ပဋိပတ်သဘောကိုအံ့သြမဆုံးရှိကြရလေ၏။
ထို့ကြောင့်(ပဋိသမ္ဘိဒါမဂ်နှင့်ဝိဘင်းအဋ္ဌကထာ)တို့၌ "အရိယာဖြစ်သွားလျှင် ပဋိသမ္ဘိဒါပတ္တမဖြစ်သူမရှိနိုင်" ဟုဖွင့် ဆိုကြ
ကုန်၏။"ပဋိသမ္ဘိဒါပတ္တ"ဟူသည်ရုပ်နာမ်သဘာဝကိုသဒ္ဒါအနက်စသည်ခွဲခြားဝေဖန်၍အမှန်တကျထိုးထွင်းသိမြင်သွား
သည့်အသိဥာဏ်ထူးရသူဟုဆိုလိုပေ၏။ အရိယာတိုင်းပဋိဝေဓအဖြစ် ရောက်သည်ကိုပင် "ပဋိသမ္ဘိဒါဥာဏ် ရသည်" ဟုဆိုသည်။

မေး။ ။ ရှင်ကဝိ၊ လောကီဈာန် အဂါင်္ ငါးပါး ပြောစမ်းပါ။

ဖြေ။ ။ ဆရာတော် အမိန့်ရှိတဲ့ ဈာန်ကိုတပည့်တော်မပြောတတ်ပါ။တပည့်တော် ပြောတတ်သလို ပြောပါရစေ ဘုရား။(ပြောပါ၊ပြောပါဆို၍)ဆရာတော်ဘုရား ဟောဒါကကသိုဏ်းဝန်းပါဘုရား။ ပထမကသိုဏ်းဝန်း ပေါ်ကို အာရုံသိမ်းပြီး တင်လိုက်တယ်။ပြီးတော့ ဆင်ခြင်တယ်။ ကြက်သီးထပြီးတုန်လာတယ်။ ချမ်းသာနေ တယ်။ တည်ငြိမ်နေတယ်။

မေး။ ။ ဘာ .. ဘာ … ဘာဗျ။ ရှင်ကဝိရဲ့ ၊ ပြန်ပြောစမ်းပါဦး။

ဖြေ။။ ဟောဒါကကသိုဏ်းဝန်းပါဘုရား၊အဲသည်အပေါ်ကိုအာရုံသိမ်းပြီးတင်လိုက်တယ်။ပြီးတော့ဆင်ခြင်တယ်၊ ကြက်သီးထပြီးတုန်လာတယ်၊ချမ်းသာနေတယ်၊တည်ငြိမ်နေတယ်။အဲဒါပါပဲဘုရား၊အမည်ကတော့အရှင်ဘုရားတို့

မှည့်ချင်သလို မှည့်ခေါ်ချင်သလို ခေါ်ရုံပါ ပဲ ဘုရား။

ထိုအခါ ညောင်လွန့်ဆရာတော်က"ဟုတ်ပြီရှင်ကဝိရေ၊ကသိုဏ်းဝန်းအပေါ်(နှာသီးဖျားမှာမှတ်လျှင် နှာသီးဖျားကို ယူပါ။)အာရုံသိမ်းပြီးတင်လိုက်တာကဝိတက်၊ဆင်ခြင်တာကဝိစာရ၊ကြက်သီးထပြီးတုန်လာတာကပီတိ၊ချမ်းသာတာ
ကသုခ၊တည်ငြိမ်နေတာကဧကဂ္ဂတာ၊ကဲ…သဘောကျပါပြီဗျာ၊ ရှေ့ဆက်လျှောက်ပါဦး"ဆို၍ပဉ္စမဈာန်အထိဆက်၍
လျှောက်ထားရ၏။ (စာသိပုံနှင့် အလုပ် သိပုံကို နှိုင်းယှဉ်လေ့လာသင့်၏။ )

မေး။ ။ ဒါဖြင့် နေပါဦး၊ အာကာသာနဉ္စာယတန ဈာန်ဟာ ပညတ်အာရုံပြုသလား၊ပရမတ်အာရုံ ပြုသလား။

ဖြေ။ ။ ပညတ်အာရုံပြုပါတယ် ဘုရား။

မေး။ ။ ဝိဉာဏဉ္စာယတန ဈာန်ကကော ။

ဖြေ။ ။ ပရမတ်အာရုံပြုပါတယ် ဘုရား။

မေး။ ။ အာကိဉ္စညာယတန ဈာန်ကကော ။

ဖြေ။ ။ ပညတ်အာရုံပြုပါတယ် ဘုရား။

မေး။ ။ နေဝသညာ နာသညာယတန ဈာန်ကကော ။

ဖြေ။ ။ ပရမတ်အာရုံ ပြုပါတယ် ဘုရား။

မေး။ ။ ဒါဖြင့် အာကာသာနဉ္စာယတန ဈာန်ကနေ ဝိဉာဏဉ္စာယတန ဈာန်ကို တက်တော့ အောက်

အာရုံပြုသလား၊ အထက် အာရုံပြုသလား။

ဖြေ။ ။ အောက်အာရုံပြုပြီး တက်ပါတယ် ဘုရား။

ထိုအခါဆရာတော်က"ဟင်…ဘယ့်နှယ်မဟုတ်တာ၊အထက်တက်တာဘာ့ကြောင့်အောက်အာရုံပြုရမှာတုံးဗျ"ဟုဆို၍ ရှင်ကဝိက ….

"တပည့်တော်ဥပမာနဲ့ လျှောက်ပါ့မယ်ဘုရား၊ ဟောဟိုနားမှာမစင်ပုံကြီးရှိတယ်။အဲဒီမစင်ပုံကြီးထဲကျသွားမှာ စိုးလို့အထက်တွယ်တက်ရတာပါ၊အဲသလိုပါပဲ၊ အောက်ကိုအာရုံပြုပြီးအထက်ကိုတွယ်တက်ရခြင်း ဖြစ်ပါတယ် ဘုရား"ဟု ပြန်၍ လျှောက်ထားသဖြင့် ကျေနပ်တော်မူသွား၏။

"အဲဒီတုန်းကဆရာတော်များက ရှေ့ဆက်မမေးလို့၊ မေးရင် အရူပဘုံမှာ နတ္ထိဘောပညတ်မရှိလို့ စာကဆိုထား တယ်။ ပညတ်ကိုလည်းအာရုံပြုတယ်လို့ ဆိုတယ်၊ဘယ်လိုပညတ်ကိုဘယ်ပုံအာရုံပြုသတုံးလို့ မေးမယ်ဆိုပါ တော့။ ဒီတော့"မရှိပညတ်ကိုအာရုံပြုတယ်"လို့ဖြေလိုက်မှာပဲ။မရှိတာကို ဘယ်လိုအာရုံပြုသတုံးလို့ ထပ်မေးမယ် ဆိုရင်ပစ္စည်းတစ်ခုကို ပြပြီးဒီမှာကြည့်စမ်း၊ မြင်တယ်မဟုတ်လား၊ ဝှက်ထားလိုက်ပြီ၊ ရှိသေးရဲ့လား၊ မရှိတော့ဘူး။ မရှိပေမယ့် စောစောက မြင်ဖူးတာကိုအာရုံပြုကြည့်စမ်း၊ အာရုံပြုလို့ရတယ် မဟုတ်လား၊ "အဲသလိုမရှိ ပညတ် ကိုအာရုံပြုတယ်လို့ ဖြေလိုက်မှာပဲ"ဟု ဦးကဝိကိုယ်တိုင် တစ်ချိန်က ဟောပြခဲ့ဖူး၏။

ရှင်ကဝိ ရဟန်းဘောင်တက်၍ သာသနာပြုခြင်း
ယင်းသို့ရှင်ကဝိအားစာပေကျမ်းဂန်နှင့်စစ်ဆေးပြီးနောက် ရေလယ်ဆရာတော်သည်ရှင်ကဝိအားရဟန်းပြုရန်တိုက် တွန်းတော်မူ၏။

"တပည့်တော်လည်း စာကမတတ်၊သင်လည်းမသင်လိုတော့ပါ။ တပည့်တော်ရပြီးတရားကိုသာ နှလုံးသွင်းနေချင် ပါတယ်။ ပဉ္ဇင်းမတက်လိုပါဘုရား" ဟု ငြင်းဆိုနေရာ ရေလယ်ဆရာတော်က …..

"ဦးကဝိ၊ဝိနည်းသင်ဖို့မလိုပါ၊ ကျုပ်တို့ပြောစကားနားထောင်နေလျှင်ပြီးရောပေါ့၊ ရဟန်းပြုတဲ့အကျိုးဟာ အင်မ တန်ကြီးပါတယ်။ ဦးကဝိလိုပုဂ္ဂိုလ်မျိုး ရဟန်းဘောင်တက်ပြီး ရဟန်းတစ်ပါးလောက် ဖြစ်စေ၊ သိမ်တစ်လုံး လောက်ဖြစ်စေ ဆောင်ရွက်ပေးရလျှင် အလွန်အကျိုးများသွားနိုင်ပါတယ်" ဟု တိုက်တွန်းတော်မူသည်။

ဦးကဝိကလည်းသဘောတူ၍ ၁၂၈၂ခုနှစ် တပေါင်းလပြည့်ကျော်၁၂ရက် တနင်္လာနေ့ညနေ လေးနာရီကိုးမိနစ် အချိန်၊ယင်းကျောင်းရှိခဏ္ဍာသိမ်၌ ဟင်းရန့်ကန်ဆရာတော်ကို ဥပဇ္ဈာယ်ပြု၍ ရေလယ်ဆရာတော်၊ ညောင်လွန့် ဆရာတော်များ ဦးစီးကာ သံဃာတော် တစ်ကျိပ်ကျော်တို့က ဥပသမ္ပဒါဘိသေမင်္ဂလာ ရဟန်းဘိသိက်သွန်းတော် မူကြ၏။ မိတ္ထှီလာမြို့ပွဲစားဦးပေါ၊ ဒေါ်ကျီးညိုတို့ကပဉ္ဇင်းဒကာပြု၍ရှင်ကဝိနှင့်ရှင်ဝိဇယတို့ရဟန်းဘောင်သို့ ရောက် တော်မူကြသည်။

အရိယာဖြစ်ရန် ကျန်သေး၍ စောင့်ကြိုတော်မူခြင်း
ဆရာတော်ဘုရားကြီးကို အမှီရ၍ အရိယာဖြစ်တော်မူကြရသော ပုဂ္ဂိုလ်တို့လည်းမရေတွက်နိုင်အောင်ရှိရာပြီ။ ဆရာတော်သည် ၁၃၀၁ခုနှစ်က တကြိမ်၊၁၃၁၁ခုနှစ်က ဗုဒ္ဓသာသနာနုဂ္ဂဟအဖွဲ့ကပင့်၍ တစ်ကြိမ်၊၁၃၁၃ခုနှစ် ဘောက်ထော် စွန်းလွန်းဂူဋ္ဌာန သိမ်သမုတ်ရန် တစ်ကြိမ်၊ ရန်ကုန်သို့ ကြွရောက်ချီးမြှင့်သည်ကို တွေ့ရ၏။

ဆရာတော်၏တရားများ၊နီတိဥပဒေသစကားများမှာ အလွန်မှတ်သားဖွယ် ကောင်းလှပေသည်။အပြည့်အစုံကို "ထေရုပ္ပတ္တိနှင့်သာရဏီယကထာ"စာအုပ်တို့၌ ကြည့်ရှုကြပါကုန်။
အထူးသဖြင့် ဆရာတော်၏သြဝါဒတရား၊ဥပဒေသစကားများကိုဖော်ပြကြရာ၌ ကျမ်းဂန်ပါဠိများကို ကိုးကား၍ အခိုင်အမာပြချင်လွန်းလျှင်မူလစကားများဖုံးကွယ်မသွားရအောင်စီစဉ်ကြရာ၏။ဆရာတော်၏တရားစကားများကို အရင်းကျနိုင်သမျှကျအောင် ဖော်ပြကြပါလျှင် ပို၍ဓမ္မရသရှိပါမည်။ နောက်ထပ်လည်းများစွာ ထွက်ပေါ်လာနိုင် ပေသေးသည်။ မူရင်းကား ဆားဖြူးရန်မလို၊အလိုလိုပင် မြိန်ယှက်လှပါပြီ။

"စာသင်ရန်အခြေအနေမပေး၍စာမတတ်စေကာမူတရားအားထုတ်၍ရနိုင်သည်။အကျွတ်အလွတ်တစ်ကိုယ်တည်း
တောထဲသွား၍အားထုတ်နိုင်မှရသည်မဟုတ်။တကယ်ယုံ၍အဟုတ်လုပ်လျှင်မည်သူမဆိုရနိုင်သည်"ဟူသောသင်
ခန်းစာစာတမ်းကြီးကိုပဋိပတ္တိသာသနာဝင်၌စိုက်ထူတော်မူခဲ့သော"စွန်းလွန်းဂူဆရာတော်ဘုရားကြီး"ကား၁၃၁၄
ခုနှစ်၊ကဆုန်လပြည့်ကျော်ကိုးရက်၊စနေနေ့ညနေ ငါးနာရီ အချိန်တွင် ခန္ဓာဝန်ကို စွန့်တော်မူခဲ့သည်။

ပရိနိဗ္ဗာန်မပြုမီငါးနှစ်ခန့်ကပင်ပရိနိဗ္ဗာန်ပြုမည့်ရက်ကိုကြိုတင်၍အမိန့်ရှိတော်မူခဲ့ရာ(မှတ်သားသူတို့အမှတ်မှား၍
လောမသိ) ရက်မျှသာလွဲသည်ဟု ဆိုကြသည်။

"ငါသေရင်ဘာမှမလုပ်နဲ့။ထိုးထားလိုက်"ဟူသောအမှာစကားအရစွန်းလွန်းဂူကျောင်း၌ပင်ဂန္ဓကုဋိသံသရာအေးစေတီတည်ကာ ပကတိအသွင် မပြောင်းသောအလောင်းတော်ကိုလည်း ယခုတိုင် ဖူးမြှော်နိုင်ကြ၏။

ပရိနိဗ္ဗာန်ပြုခါနီး နောက်ဆုံးစကားအနေဖြင့်"အရိယာတွေဖြစ်ဖို့အများကြီးကျန်နေသေးတယ်"ဟု မိန့်တော်မူရာ ဆရာတော်၏ ရုပ်ကလာပ်သည်ကြွင်းကျန်နေသေးသော ဆရာတော်၏ ဝေနေယျများကို ဆိုင်းငံ့စောင့်ကြိုတော် မူနေဟန်ရှိစွတကား...

……………

မှန်ပါတယ်။ ဦးကျော်ဒင်လို့လူနာမည်တွင်တဲ့ စွန်းလွန်းဆရာတော့်အကြောင်းကို အကြိမ်ပေါင်းများစွာ ကျုပ်ဖတ်ခဲ့ ဘူးပါတယ်။ ဓမ္မာစရိယဦးဌေးလှိုင်ရဲ့ ရဟန္တာနှင့်ပုဂ္ဂိုလ်ထူးများဆိုတဲ့စာအုပ်ကို ကျုပ်တို့ ဘာသာဝင်တိုင်းလိုလို ဖတ်ဘူးကြမှာပါ။ သို့သော်ကျုပ်သိတာကဒိထက်နည်းနည်းပိုပြီး ထူးခြားတယ်လို့  ပြောနိုင်တယ်ဗျ။

(ဆက်လက်ဖော်ပြပါမည်။)