၅။ လျှောက်သောလမ်းမှာ စမ်းတဝါး
ထိုနေ့က ကိုသက်ခိုင် စကားဖြတ်လိုက်သည့်အချိန်ကား နံနက်ဆယ်နာရီခန့်ရှိပြီဖြစ်၍ နောက်တစ်နာရီခန့်ကြာ လျှင် အကျဉ်းသားများ ဘုတ်တက် ပြန်လာကြတော့မည်ဖြစ်၏။
“လာဗျာ၊ကျနော့်တဲဖက် သွားကြရအောင်၊မနက်စာအတွက် ချက်ရပြုတ်ရအုံးမယ်”
ဟု နှုတ်ကဆိုရင်း တပြိုင်တည်းမှာပင် ကိုသက်ခိုင်တယောက်အဆောင်ပေါ်မှ ဆင်းသွားလေရာ ကျနော်လည်း ခပ်မဆိတ်ပင် ကိုသက်ခိုင်နောက်မှလိုက်ပါသွားခဲ့၏။ကိုသက်ခိုင်ကား လင်းကြည်ကို စာသင်နေသောရက်များ၌ သာ အကျဉ်းသားများအိပ်ဆောင်တွင် လာရောက်အိပ်လေ့ရှိသော်လည်း ပုံမှန်အားဖြင့်မူ သူ့တဲငယ်ပေါ်တွင်သာ အအိပ်အနေများသည်။ ဖိုကြီးမှ ထမင်းကိုသာယူပြီး ဟင်းကိုမူ ကိုယ်တိုင်ချက်ပြုတ်လေ့ရှိသည်။သူ့တဲပေါ်တွင် ဖွင့် လျက်သား ဖတ်လက်စ စာအုပ်များနှင့် အစီအရီထပ်ထားသော စာအုပ်အချို့ကို တွေ့ရ၏။“လာဗျာ၊ကျနော့်တဲဖက် သွားကြရအောင်၊မနက်စာအတွက် ချက်ရပြုတ်ရအုံးမယ်”
“ဒီနေ့တော့ အစိမ်းကြော်လေးကြော်ပြီး မိန်းမပို့ထားတဲ့ ငါးပိကြော်လေးနဲ့ စခန်းသွားရမှာပဲဗျာ၊ခင်ဗျားပါ တခါ တည်း စားသွားပေတော့” ကိုသက်ခိုင်ကား ပြောပြောဆိုဆို တဲပေါ်ရှိဗန်းတချပ်ပေါ်တွင် ရှိနေသော အသီးအရွက် တချို့ကို ကျွမ်းကျင်သော စားဖိုမှူးတဦးပမာ လှီးဖြတ်ပြင်ဆင်နေလေသည်။
“ ကိုသက်ခိုင်က ချက်တာပြုတ်တာတွေ တော်တော်ကျွမ်းကျင်ပုံရတယ်”
“’ဒါလည်း ကျနော့်ဘဝပေး ကိစ္စပဲဗျ”
“ခင်ဗျားကလည်း နေရာတကာ ဘဝနဲ့ ကိုင်ပေါက်နေတော့တာပဲ”
“ရော၊ ကိုင်ပေါက်တာ မဟုတ်ရပါဘူးဗျာ၊ကျုပ် ငယ်ငယ်တုန်းက အဖေအမေတွေ ဈေးထွက်ရောင်းနေကြတာမို့ အိမ်မှာ ညီတွေနဲ့ညီမကို ထိန်းရတယ်၊ ချက်တာပြုတ်တာ တာဝန်ယူ ရတယ်လေ၊ ကျနော့်စိတ်ထင် ကျနော် ရှစ်နှစ်သားလောက်ကတည်းက ထမင်းအိုးစတည်ရတယ်၊ဆယ်နှစ်သားလောက်ရောက်တော့ ဟင်းပါချက်ရ တယ်၊မှတ်မိသေးတယ်ဗျာ၊ငယ်ငယ်တုန်းက ထမင်းအိုးတည်ထားရင်း ကျောက်ဒိုးထွက်ပစ်နေလို့ ဆံပြုတ်ဖြစ် သွားတဲ့ ထမင်းအိုးကို ကြွက်တွင်းရှာပြီး သွန်ပစ်ရတဲ့ အဖြစ်တွေ၊ မိဘလုပ်စာ ဖြုန်းတီးခဲ့တဲ့ဝဋ်ကြွေးတွေ ထင်ပါရဲ့ ဗျာ၊ အခုတော့ ရဲဘက်မှာ ရောင်စုံထမင်းနဲ့ ညားနေတာ”
ကျနော်က မီးသွေးမီးဖိုကို မီးမွှေးပေးနေရင်း သူ့စကားကို နားစွင့်နေလိုက်သည်။ မကြာမီမှာပင် ကိုသက်ခိုင် တယောက် ဒယ်အိုးတလုံးနှင့် အသီးအရွက်မျိုးစုံကို တရှဲရှဲကြော်နေလေရာ ကျနော်က သူ့စာအုပ်ပုံကို လှန်လှော ကြည့်နေ၏။တခဏအကြာ ကိုသက်ခိုင်၏ အစိမ်းကြော်စစ်ဆင်ရေး ပြီးဆုံးသည့်အခါ ကျနော့်ကိုပါ တပါတည်း ဝင်စားရန် ဖိတ်ခေါ်သဖြင့် တဲပေါ်မှာထမင်းဝိုင်းဖွဲ့ဖြစ်ကြသည်။ စားရင်းသောက်ရင်းပင် စကားလက်ဆုံကျပြန် သည်။
“ခင်ဗျား ဖတ်တဲ့စာအုပ်တွေက များလှချည့်လားဗျ”
“အေးဗျာ၊ ကျုပ်ဘဝမှာ ရှားရှားပါးပါး ကောင်းတဲ့အကျင့်လေးတခုကတော့ စာဖတ်တဲ့အကျင့် ဆိုပါတော့၊ ရဲဘက် ရောက်နေတော့ စာပိုဖတ်ဖြစ်တယ်ဗျာ”
“ခင်ဗျားက ဘယ်လိုစာမျိုးတွေ ကြိုက်သတုန်းဗျ”
“ကျုပ်က စာမရွေးဘူး၊စာစုံဖတ်ပါတယ်၊ မကြိုက်တဲ့စာသာ ရှိတယ်၊မကောင်းတဲ့စာမရှိဘူးလို့ ခံယူထားတယ် ဆို ပါတော့၊ ခြွင်းချက်အနေနဲ့ စာဖတ်သူရဲ့ ကိုယ်ခံအားတော့ လိုတာပေါ့ဗျာ၊”
‘အခု ခင်ဗျား ဖတ်လက်စ စာတွေကတော့ တရားစာအုပ်တွေချည်းပါလား ”
“ဟုတ်တယ်ဗျ၊ ကျုပ်လုပ်နေတဲ့ လေ့ကျင့်ခန်းနဲ့ ပတ်သက်ပြီး စာတွေ့လက်တွေ့ဖြစ်အောင် ဆိုပါတော့၊ ကျုပ်ဟာ ဘာသာ တရားကို စာပေမှာချည်း ရှာခဲ့တဲ့တာမျိုးကိုလည်း လုပ်ခဲ့ဖူးတယ်၊တချို့စာပေတွေဟာ ဖတ်ရုံနဲ့တင် အသိပြည့်စုံသွားတယ်လို့ ထင်ရလောက်အောင် ယုတ္တိနည်းကျလွန်းတာတွေလည်း တွေ့ရတယ်ဗျ၊ဥပမာ ဆရာ ဦးသုခရဲ့ ရာမာခရစ်ရှနား၏ သုတ္တန်ပုံပြင်များ ဆိုပါတော့ ”
“ဟ၊ ရာမာခရစ်ရှနားရဲ့ သုတ္တန်ဆိုတော့ ဘုရားဟော သုတ္တန်တွေနဲ့ ရောမကုန်နိုင်ဘူးလားဗျာ”
“ဟုတ်ပါပြီ၊ ဒီစာအုပ်နာမည်နဲ့ ပတ်သက်ပြီး အငြင်းပွားကြတာတွေ ရှိလေရဲ့၊ကျုပ်ကတော့ စာအုပ်ခေါင်းစဉ်ထက် စာအုပ်ထဲက အကြောင်းအရာကို ပိုပြီးစိတ်ဝင်စားတယ်”
“ဘယ်လို အကြောင်းတွေ ရေးထားလို့ သုတ္တန်လို့ တောင် ညွှန်းရသတုံးဗျာ”
“အမှန်တော့ဗျာ၊သုတ္တန်ဆိုတာ ဘုရားဟောတာကိုမှ သုတ္တန်လို့ဆိုနိုင်တာ မဟုတ်ပါဘူး၊သုတ္တန်ရဲ့ မူရင်းအနက် က “အစဉ်”၊” သီကုံးသည်” လို့ ဖတ်ဖူးတယ်ဗျ။ ဆရာကြီးဦးဟုတ်စိန်ရဲ့ မြန်မာ အင်္ဂလိပ် ပါဠိအဘိဓာန် စာမျက်နှာ ၈၇၀မှာ a Buddhist Sutra or the doctrine contain in it ( သုတ္တန္တ) လို့ရေးထားလေရဲ့။ အများနားလည်ကြတဲ့ အဓိပ္ပါယ်ကတော့ လူနတ်ဗြဟ္မာ သတ္တဝါတို့၏ အဇ္ဈာသယ(အလိုဆန္ဒ)ကိုလိုက်ပြီး သင့်လျော်သလို နားလည် အောင် ကျင့်နိုင်လောက်သော ဟောတော်မူသည့် တရားဖြစ်သည် လို့ဆိုတယ်။အဲဒီ ဦးသုခရဲ့ ရာမာခရစ်ရှနား စာအုပ်ထဲမှာ ကျုပ်သဘောကျတဲ့ ပုံဝတ္ထုတချို့ရှိလေရဲ့၊တပုဒ်က လယ်ထွန်ယောက်ျား တယောက်အကြောင်းတဲ့။ တခါတုန်းက ရွာတရွာမှာ အိမ်ထောင်သည် လယ်ထွန်ယောက်ျားတယောက်ရှိသတဲ့။တနေ့ သူလယ်ထွန်ရာက နေ အိမ်အပြန်မှာ ဇနီးဖြစ်သူကို မျက်ရည်စက်လက်နဲ့တွေ့ရတဲ့အပြင်၊ ကျန်တဲ့မိသားစုတွေပါ မျက်နှာမသာ မယာ ဖြစ်နေကြတာကို တွေ့ရတော့ အကျိုးအကြောင်းမေးတဲ့အခါ ဇနီးဖြစ်သူက ကျမတို့အိမ်မှာ အားလုံး ပူဆွေး သောက ရောက်ကြရတော့မယ် လို့ဆိုတယ်၊ဒါနဲ့ လယ်ထွန်ယောက်ျားက သေချာနားရှင်းအောင် ပြောပါအုံးဆို တော့ ဇနီးဖြစ်သူက .. ကျမအဖေ ရှင့်ယောက္ခမဟာ တောထွက်ပြီး တရားကျင့်တော့မယ်လို့ ပြောနေပြီ၊ ဒါကြောင့် သူသာတောထွက်သွားရင် ကျမတို့အားလုံး ဝမ်းနည်းပူဆွေးကြရတော့မယ်လို့ ဖြေသတဲ့ဗျ။ဒီမှာတင် လယ်ထွန် ယောက်ျားဟာ ရီမောပြီး ဒီကိစ္စက ဘာမှပူစရာမရှိပါဘူး၊ ထမင်းခူး မှာသာခူးပါလို့ဆိုရင်း ထမင်းစားပြီး အိပ်ယာဝင်သွားရောတဲ့ဗျ၊ဒီလိုနဲ့ နောက်တလလောက်အကြာ ရောက်ပြန်တော့ လယ်ထွန်ယောက်ျား အိမ်အပြန် မှာ မျက်ရည်စက်လက်နဲ့ ဇနီးသည်ကို တွေ့ရပြန်လို့ အကျိုးအကြောင်း မေးမြန်းတဲ့အခါ ဇနီးဖြစ်သူရဲ့ အကို တော ထွက်မဲ့ ဇာတ်လမ်းဖြစ်နေပြန်သတဲ့၊လယ်ထွန်ယောက်ျားလည်း ရီမောပြီး ထမင်းခူးခိုင်း၊စားသောက်ပြီး အိပ်ယာ ဝင်ပြန်သတဲ့ဗျ၊နောက်ထပ် တလခြား နှစ်လခြားဆိုသလို လယ်ထွန်ယောက်ျား အိမ်ပြန်လာတိုင်း ဆွေမျိုးတွေ ထဲက တယောက်ပြီးတယောက် တောထွက်မယ် ဆိုတဲ့ ဇာတ်လမ်းနဲ့ အကြိမ်ပေါင်းများစွာ ကြုံနေရသတဲ့ဗျာ၊ အဲသလို ကြုံတဲ့အခါတိုင်းလည်း လယ်ထွန်ယောက်ျားဟာ ရီမောပြီး ညစာစား အိပ်ယာဝင်တဲ့အပြုအမူနဲ့ တုန့်ပြန် နေလေ့ ရှိသတဲ့ဗျ။တခု သတိပြုစရာ ရှိတာက တောထွက် တော့မယ်လို့ ကြွေးကြော်နေခဲ့တဲ့ သူ့အမျိုး တယောက် တလေမှ တကယ်တမ်းတောထွက်တာတော့ မရှိပါဘူးတဲ့၊ ဒီလိုနဲ့ တနေ့မှာတော့ လယ်ထွန်ယောက်ျား အိမ်အပြန် မှာ ပုံစံတူဇာတ်လမ်းနဲ့ ကြိုနေတဲ့ ဇနီးသည်ကို အလားတူ တုန့်ပြန်လိုက်တဲ့အခါမှာတော့ ဇနီးဖြစ်သူဟာ လယ်ထွန်ယောက်ျားကို မကျေမချမ်းနဲ့ “ရှင်ဟာ ဘာသာတရားကို နားလည်တဲ့ သူမဟုတ်ဘူး၊တောထွက်မဲ့ သူတွေကို အားကျသင့်တယ်” ဘာညာဆိုပြီး ရန်တွေ့ပါလေရောဗျာ၊ဒီမှာတင် လယ်ထွန်ယောက်ျားက ဇနီးသည် ကို လေသံအေးအေးနဲ့ .. “ တကယ်တောထွက်မဲ့သူကို မင်းမတွေ့ဖူးသေးပါဘူး”လို့ ဆိုသတဲ့။ဒီတော့ ဇနီးဖြစ်သူ က “တကယ်တောထွက်မဲ့သူက ဘယ်မှာတုန်း၊ကျမတွေ့ဖူးအောင် လိုက်ပြစမ်းပါ” ဆိုပြီး ခပ်ငေါ့ငေါ့အမေးမဆုံး ခင်မှာပဲ လယ်ထွန်ယောက်ျားဟာ နံငယ်ပိုင်းတခုကိုသာချန်ပြီး သူ့ကိုယ်ပေါ်က ကျန်တဲ့အဝတ် အစားတွေကို ချွတ်ခွာချလိုက်သတဲ့ဗျ။နောက်တော့ တဆက်တည်းဆိုသလို “ဒီလို လူမျိုးဟာငါပါပဲ”ဆိုတဲ့ စကားတခွန်းကို ပြောရင်း အိမ်ဝကနေ ချာကနဲလှည့်ပြီး အပြီးတိုင်တောထွက်သွား ရော တဲ့ဗျာ၊
“ဟား၊ တယ်ဟုတ်ပါလား၊ ခင်ဗျား ပုံပြင်က အတော်သဘောကျချင်စရာပဲ”
“ဒါတင် မဟုတ်သေးဘူးဗျ၊ နောက်တပုဒ်ရှိသေးတယ်၊ ”
“ ဒါဆိုလည်း ဆက်ပါအုံးဗျာ ၊စားသောက်ထားတဲ့ ပန်းကန်တွေ ကျနော်ဆေးလိုက်ပါ့မယ်“
ထမင်းဝိုင်းက ပန်းကန်ခွက်ယောက်များကို ကျနော်ဆေးကြောနေချိန်တွင် ကိုသက်ခိုင်က တဲနံရံတွင်ချိတ်ထား သောကျွတ်ကျွတ်အိပ်တခုထဲမှာ ကွမ်းရွက်နှင့်ကွမ်းယာပစ္စည်းများကိုထုတ်ကာ အလုပ်ရှုပ်နေပြန်၏။ ကိုသက်ခိုင် ကား ကွမ်းယာကို ဟုတ်တိပတ်တိ စားတတ်ဟန်မတူချေ။ခဏကြာမျှဝါး၍ ငါးမိနစ်မပြည့်ခင် ပြန်ထွေးထုတ်ကာ ပါးလုပ်ကျင်းနေပြန်သည်။ကျနော်က သူ့ပုံပြင်ကို နားထောင်ချင်ဇောဖြင့် စကားထောက်လိုက်၏။ “ဆက်ပါအုံးဗျ၊ ခင်ဗျား ပုံပြင်”
“အော် ၊တခါတုန်းက ဆာဒူးတပါး တရားအားထုတ်နေတဲ့ ကျောင်းသင်္ခန်းအနားမှာ ပြည့်တန်ဆာမ တယောက်ရဲ့ အိမ် ရှိသတဲ့ဗျ၊အဲဒီဆာဒူးဟာ တရားမှတ်နေရင်း ပြည့်တန်ဆာမအိမ်မှာ လူဝင် လူထွက်များနေတာကို သတိပြုမိ သတဲ့၊ ဒီတော့ ပြည့်တန်ဆာမကို တရားပြလေမှလို့ စဉ်းစားဆုံးဖြတ်ပြီး ဆာဒူးဟာ ပြည့်တန်ဆာမအိမ်ကို ဝင်လာ တဲ့ ယောက်ျားတယောက်ကို ကျောက်ခဲတလုံးကျနဲ့ တာလီမှတ်နေသတဲ့၊ရက်တွေကြာလာလေ ဆာဒူးမှတ်တဲ့ တာလီကျောက်ခဲတွေကများလာလေမို့ လေးငါးခြောက်လကြာတော့ ကျောက်ခဲပုံကြီးဖြစ်လာသတဲ့ဗျာ၊အဲဒီတော့ ဆာဒူးဟာ ပြည့်တန်ဆာမကိုခေါ်ပြီး၊ ကျောက်ခဲပုံကြီးကို လက်ညှိုးထိုးပြရင်း နင်ပြုခဲ့တဲ့ မကောင်းမှုတွေ ဘယ်လောက်များနေပြီလဲလို့ ဟောပြောချေချွတ်သတဲ့၊ပြည့်တန်ဆာမလည်း သူ့အမှားကို ကြီးစွာနောင်တရပြီး မျက်ရည် ဖြိုင်ဖြိုင်ကျသတဲ့၊ပုံပြင်အဆုံးမှာတော့ ဆာဒူးကော ပြည့်တန်ဆာမပါ ကွယ်လွန် သွားကြတဲ့အခါ ဆာဒူး က ငရဲကျပြီး ပြည့်တန်ဆာမက နတ်ပြည်ရောက်သွားသတဲ့ဗျ၊”“ယုတ္တိနည်းအရတော့ သဘောကျစရာပဲဗျာ”
“ အေးဗျ၊ ကျုပ်စိတ်ထင် ဘာသာတရားတိုင်းလိုလိုမှာ လက်တွေ့မဟုတ်ပဲ ယုတ္တိနည်းအရ ဆင်ခြင်ပြီး ယုံကြည် ကိုးကွယ်နေကြတဲ့ အရေအတွက်ဟာ ကိုးဆယ်ရာခိုင်နှုန်းအထက် ရှိလောက်မယ် ထင်ပါရဲ့၊ကျုပ်ဆိုတဲ့ကောင် လည်း ဘာသားနဲ့ထုထားတာ မှတ်လို့ဗျာ၊ဟိုတုန်းကတော့ ဘာသာတရားကို ယုတ္တိနည်းနဲ့ ဆင်ခြင်ခဲ့တာပါပဲ” အချိန်ကား နေ့လည် ဆယ့်နှစ်နာရီကျော်ခန့် ရှိပေပြီ။အဆောင်ပေါ်မှ အကျဉ်းသားများ နေ့လည် နားနေချိန်ဖြစ်၍ အတန်ငယ်တိတ်ဆိတ်လျက်ရှိ၏။နှစ်ယောက်သား တဲပေါ်တွင် လဲလျောင်းကြရင်း စကားဆက်မိကြပြန်ပါသည် ။
“တကယ်တော့ စာတွေဖတ်တယ်၊တရားတွေနာတယ်ဆိုတာ ကောင်းတော့ကောင်းပါရဲ့။သို့သော် အငှားအသိ ဆိုတဲ့ အဆင့်မှာပဲ ရှိနေသေးတာပါ။ဒီနေရာမှာ ကျုပ်ရဲ့ ဘာသာတရားအပေါ်ခံယူချက်ကို ရှင်းပြဘို့လိုလိမ့်မယ် ထင်တယ်။ဟုတ်ပါတယ်။ဟိုတုန်းက ခံယူချက်တွေကိုပြောတာပါ။အခုတော့ ကျုပ်ဟာ ဒီအလုပ်ကို စလုပ်တဲ့နေ့ ကစပြီးကျုပ် ကိုယ်ကျုပ် ဗုဒ္ဓဘာသာဝင်အသစ်လို့ ခံယူထားတာဗျ။ဟိုတုန်းကတော့ ကျုပ်လည်း ဘိုးဘိုးအောင်တို့ ဘိုးမင်းခေါင် တို့ကို စိတ်ဝင်စားခဲ့ဘူးတာပေါ့ဗျာ။ကျုပ် ပိုပြီးစိတ်ဝင်စားခဲ့၊ကိုးကွယ်ခဲ့တာက ဘိုးမင်းခေါင်။ဘိုးမင်းခေါင်ကို စိတ်ဝင်စားတာက သူ့ရဲ့ ပြတ်သားပြင်း ထန်မှု၊ တည့်ဒိုးပြောမှု စတိုင်တွေကို ကျုပ်သိပ်သဘောကျတယ်။နေဦး။ အဲဒီစတိုင်ဆိုတာလည်း ဘိုးမင်းခေါင်ကို ကျုပ်မြင်ဘူးတာ မဟုတ်ဘူး။ဟိုလူပြောဒီလူပြောနဲ့ဘိုးမင်းခေါင် ဆိုတာ အဲသလိုမျိုး စရိုက်ရှိတယ်ဆိုလို့ ကျုပ်က ယုံနေ၊သဘောကျနေတာ။ကျုပ်ကိုးကွယ်တဲ့ပုံစံလား။လူတကာလို ပေါ့ဗျာ။ရွှေတိဂုံစေတီဒေါင့်တဒေါင့်မှာ ဘိုးမင်း ခေါင်ရုပ်တု ရှိလေရဲ့။ ကျုပ်ကိစ္စတခုခု လုပ်မဲ့ကြံရင် အဲဒီဒေါင့်ကို သွား၊ကန်တော့ပွဲဝယ်၊အမွှေးတိုင်၊ ဖယောင်း တိုင်၊ ရွှေချတဲ့ရွှေဆိုင်းတွေဝယ်ပြီး ဆုတောင်းတာတွေ။ဘာတွေ လုပ်ခဲ့တာပေါ့။အောင်မြင်ခဲ့ရင်လည်း ထို့နည်း လည်းကောင်းပါပဲ။ကပ်လိုက်တဲ့ အကြိမ်ပေါင်းမနည်းပါဘူးဗျာ။သေသေချာချာ ထပ်စဉ်းစားတော့ ကျုပ် ဗုဒ္ဓဘာ သာအဖြစ် ယုံကြည်ကိုးကွယ်နေတာလဲ ဒီသဘောထက် မပိုဘူးဗျ။အဖေ အမေနဲ့ ဘိုးဘွားတွေကိုးကွယ်ခဲ့လို့ ကျုပ်လည်းကိုးကွယ်ခဲ့တာ။ဗုဒ္ဓကို ကိုးကွယ်တော့ ဘာအကျိုးရှိသလဲ မေးရင် ကျုပ်ပြောခဲ့သလို ယောင်ဝါးဝါးပဲ။ ချွန်ချွန်ထက်ထက် စေတီတော်တွေ၊ ဆင်းတုတော်တွေကို ကျုပ်ဦးချခဲ့တယ်။အရိုအသေပေးခဲ့တယ်။ဘုန်းကြီး ရဟန်းတွေကိုလည်း ထို့နည်းလည်းကောင်းပေါ့။ ဘာလို့ ဒီလိုလုပ်သလဲဆိုရင် ဓလေ့ထုံးစံတခုကို လိုက်နာခဲ့တာ ထက် မပိုခဲ့ပါဘူး။အလေးအမြတ်ပြုကောင်းတဲ့အရာတွေမို့ ကုသိုလ်ရတယ်ဆိုလို့သာ ဦးချခဲ့ရတယ်။ယောင် တောင်တောင် အလုပ်ချည်းပါပဲဗျာ။ဘာကြောင့်တန်ဘိုးထားရတယ်။ဘာကြောင့် အလေးအမြတ်ပြုထိုက်တယ်၊ ဘယ်လိုကုသိုလ်ရတယ် ဆိုတာ ကျုပ်ဘယ်တုန်းကမှ သဘောမပေါက်ခဲ့ရိုး အမှန်ပါ။ အော် ခင်ဗျားက ကျုပ်ဟာ ဘာသာရေးစာတွေမဖတ်ခဲ့ဘူးလားလို့ မေးမယ်။ ဖတ်ပါသကောဗျာ။ဖတ်ခဲ့ပေမဲ့ အမှန်ကိုဝန်ခံရရင် ကျုပ်ခန္ဓာ ကိုယ်ထဲကို အဲဒီဥာဏ် ရောက်မလာခဲ့ဘူး။ယုံတော့ယုံသလိုလိုပဲ။ဘာကြောင့် ယုံရတယ်ဆိုတာ ကျုပ်မှာ သက် သေ ခိုင်ခိုင်မာမာပြစရာမရှိဘူး ဖြစ်နေတယ်ဗျ။အမှန်ကိုပြောရရင် စာထဲတရားထဲက အရာတွေကို သူများအထင် ကြီးလောက်အောင် ကျုပ်ရွတ်ပြခဲ့ဘူးတယ်။သို့သော်အဲဒီတရားဟာ ကျုပ်ရဲ့ ငြင်းခုန်ဖက်တွေအတွက်ပဲ။ကျုပ် အတွက်တော့ သက်သေမခိုင်မာခဲ့ဘူး။ကျုပ်ညံ့ခဲ့တာ ဖြစ်နိုင်တာပေါ့။ဒါဟာ အမှန်တရားပါပဲဗျာ။ကဲ ကြည့်လေ။ ကျုပ်သေတော့မယ်။ကျုပ်ယုံကြည်ခဲ့တယ်ဆိုတဲ့ ဘုရား၊ကျုပ်ဖတ်ခဲ့၊နာခဲ့တဲ့ တရားတွေက ကျုပ်ကို မကယ်နိုင်ဘူး ဖြစ်နေတယ်။ဒါဟာ ဘာကြောင့်လဲ။
ကျုပ်တိုတိုပြောရရင် ကျုပ်ဟာ ဘာသာတရားကို လက်တွေ့တံခါးပေါက်ကနေ မလေ့လာ မစူးစမ်းခဲ့လို့ပါပဲ။ ဒါကြောင့်ကျုပ်ဟာ ဘာသာတရားကို အကျင့်လမ်းကြောင်းကနေ ချည်းကပ်ဘို့ဆုံးဖြတ်ပြီး ဇွတ်လုပ်နေခဲ့တာ ပေါ့။ဘာလဲ ဘိုးမင်းခေါင်ရှိမရှိ ကျုပ်သေချာ ဘယ်သိနိုင်မလဲ။ ဘိုးမင်းခေါင်အကြောင်းတော့ စာပြုဆရာကြီး ဦးပေါ်ဦးရေးပြီး မိဘမေတ္တာ-ဆရာဦးမောင်ကြီး တည်းဖြတ်ပြင်ဆင်တဲ့ ဝိဇ္ဇာဓိုရ်အောင်မင်းခေါင်၏ ထွက်ရပ် ပေါက်ရာဇဝင် အတ္ထုပ္ပတ္တိဆိုတာ ဖတ်ဖူးတယ်။ ခက်တာက အဲဒီစာအုပ်မှာလည်း ဘိုးမင်းခေါင်ကို ဘယ်အချိန် ဘယ်နေရာမှာ မွေးဖွားတယ်ဆိုတာလောက်တောင် ဖော်ပြမထားဘူးဗျာ။ အခုပြောနေတာက ဘိုးမင်းခေါင်ရှိ မရှိ ပြောနေတာ မဟုတ်ဘူးဗျ။ ရှိချင်လည်းရှိမယ်။ မရှိချင်လည်းမရှိဘူး။ အခုက ငွေလိုချင်တာ မဟုတ်ဘူး။သေမှာ ကြောက်တဲ့ရောဂါ။အေးချမ်းမှုကို လိုလားတာ။ဒါကိုရဘို့ ဘိုးမင်းခေါင်ရဲ့ လမ်းညွှန်ချက် ဆိုဆုံးမချက်ထဲမှာ ကျုပ် မတွေ့ခဲ့ဘူး။ဒီတော့သူ့ကို ဒီကိစ္စမှာ ဖယ်ထားမှဖြစ်မယ်။
နောက်တချက်က ဘိုးမင်းခေါင်ဆိုတာလည်း သူ့ရဲ့ကျင့်ကြံအောင်မြင်မှုတခုနဲ့ သူ့အသက်ကို မသေအောင် ဆွဲဆန့်ထားတာတဲ့ဗျ။သူလည်း အချိန်တန်ရင် သေရမှာ။အပြီးတိုင် ငြိမ်းအေးတဲ့လမ်းကို သူမရောက်သေးဘူး တဲ့ဗျ။ဒါလောက်နဲ့ ကျုပ်မကျေနပ်နိုင်ဘူးဗျာ။ကဲပါဗျာ။ပြောလက်စနဲ့ ကျုပ်နဲ့ဘိုးတော်တွေရဲ့ ဇာတ်လမ်းတချို့ လည်းရှိလေရဲ့။ဒါလည်း ပြောပြအုံးမှပါ။တော်ကြာ ထိန်ချန်သလိုဖြစ်နေရင် မကောင်းပါဘူး။ကျုပ်ဟာ ထောင်ဇာ တာပါလာတယ်လို့ ဆိုရမယ်။အချုပ်နဲ့ ထောင်ကိုရောက်ခဲ့တဲ့ အကြိမ်ပေါင်း ဆယ်ကြိမ်လောက်ရှိမယ်။ ဒါပေမဲ့ အကြာကြီးထောင်ထဲမှာ နေရမဲ့ဇာတာတော့မပါပြန်ဘူး။ကျုပ်ဒီတခါ ထောင်ကျတာ အကြာဆုံးနဲ့ ဒုက္ခ အရောက် ဆုံးပဲ။နေအုံးဗျ။ထောင်ထဲကို ခဏခဏရောက်တယ်ဆိုတော့ ခင်ဗျားကျုပ်ကို လူဆိုးလူယုတ်မာ ထင်သွားအုံး မယ်။ ဗမာပြည်မှာက ခက်သားလားဗျာ။ထောင်ထဲမှာ တသက်လုံးထည့်ထားရမဲ့ သူတွေက သုံးမကုန်ဖြုံးမကုန် ဘဝနဲ့လောကနိဗ္ဗာန် ရောက်နေပြီး ထောင်နဲ့လားလားမှ မထိုက်သူတွေက ထောင်ထဲ ရောက်နေတဲ့တိုင်းပြည် မဟုတ်လား။ဘာမှမဟုတ်လည်း ထောင်ကျချင်ကျနေတဲ့သူတွေ အများကြီးဗျ။ ဒါတော့ ခင်ဗျားနားလည်ပေးဗျာ။ ဆိုလိုတာက ကျုပ်ဟာ ထောင်တို့အချုပ်တို့ကို ဝင်လိုက်ထွက်လိုက် လုပ်နေလောက်အောင် ကောက်ကျစ် ယုတ်မာပြီး ဆိုးသွမ်းသူမဟုတ်ဖူး ဆိုတဲ့အချက် ပါ။အမှားမကင်း ခဲ့ဘူးဆိုတာလည်း ကျုပ်မငြင်းပါဘူး။
လွန်ခဲ့တဲ့ ငါးနှစ်လောက်ကဗျာ။မီးရထားဝန်ကြီးဌာနကို အရည်ကြိုသံတိုသံစတွေ တင်ဒါသွင်း တဲ့ကိစ္စမှာ ပစ္စည်းလည်း သွင်းပြီးပြီ၊ငွေလည်းထုတ်ပြီးပြီ။ဒါကို လုပ်နည်းလုပ်ဟန်အဆင့်ကျော်တယ်ဆိုပြီး ၆(၁) နဲ့အမှု ဖွင့်တယ်။အမှန်တကယ် အမှုတန်ဖိုးက ကျပ်ငါးထောင်။ နောက်တရားရုံး ရောက်တဲ့အခါ အမှုစွဲတင်တဲ့ စီအိုင်ဒီ အရာရှိ ရုံးထဲဝင်လာပြီး တရားသူကြီးရှေ့က အမှုတွဲဖိုင်မှာ ငါးတလုံးထပ်ဖြည့်လိုက်တော့ ငါးသိန်းငါးထောင်တန် တဲ့အမှုဖြစ်သွားပြီးအပက(၃)ဖြစ်တော့တာပဲ။အမှန်က ဒီအမှုဟာ မှားယွင်းမှုတော့ မဟုတ်ဘူးဗျ။ ကျုပ်ကိုယ် တိုင်ကလည်း ဌာနဆိုင်ရာ စာရွက်စာတမ်းတစောင်ကို အကြံအဖန်လုပ်ထားမိတာလည်း ရှိတယ်။ ကျုပ်လုပ် ကွက်က ပညာသားပါလွန်းလို့ အဲဒီအမှုကို သာမန်ရဲဌာနအနေနဲ့ ကွင်းဆက်ဖော်လို့ မရတာကြောင့် နောက်ဆုံး အင်းစိန်စီအိုင်ဒီရောက်သွားတဲ့အမှုဆိုပါတော့။စီအိုင်ဒီနဲ့ကျုပ် ဘတပြန်ကျားတပြန် ပညာပြိုင်နေ လိုက်ကြတာ အမှုက ရှုပ်သထက်ရှုပ်လာပြီး နောက်ဆုံးတော့ ဟင်္သာတ ဖက်က ကျုံလဟာရွာရဲစခန်းမှာ ကျုပ်ကို မလိမ့် တပတ်လုပ်၊အချုပ်ထဲ သွင်းလိုက်ရော ဆိုပါတော့ဗျာ။ကျုံလဟာ အချုပ်မှာ နှစ်ပတ်လောက်နေပြီးတော့ လက်ပံတန်းအချုပ်ကို ရောက်လာတယ်။ဒီအမှုဟာ အများပိုင်ပစ္စည်းကာကွယ်စောင့်ရှောက်တဲ့ဥပဒေ(အပက ၃) နဲ့ စွဲတင်ထားတာမို့ လွတ်ဖို့နေနေသာသာ အာမခံရဖို့တောင် အကြောင်းမရှိတာကြောင့် ရွှေပင်လယ်ကာဆီး သည်သို့၊လွတ်လမ်းရယ်ဘယ်မမြင် ဖြစ်နေချိန်ပေါ့။အဲဒီအမှုနဲ့လက်ပံတန်း ရဲအချုပ်ထဲရောက်လို့ တပါတ် လောက်အကြာ တညမှာပေါ့။အချုပ်ခန်းထဲမှာ ကျနော် အိပ်ပျော်သလို မပျော်သလို ဖြစ်နေတုန်း တစုံတယောက် လာနှိုးသလို ခံစားလိုက်ရပြီး နားထဲမှာ “ဟေ့ကောင် သက်ခိုင် အပြင်ကို ကြည့်လိုက်စမ်း ” ဆိုတဲ့ အသံတခု ကြား လိုက်ရတယ်။
ကျုပ်လည်း အိပ်ချင်မူးတူးနဲ့ အချုပ်ခန်းအပြင်ကို လှမ်းကြည့်လိုက်တော့၊လား လား၊ဝတ်ဖြူ စင်ကြယ်နဲ့ ဘိုးတော် တွေ လက်ပံတန်းရဲစခန်းတခုလုံးကို စက်ဝိုင်းပုံပတ်ပြီး တရားထိုင်နေသလို ထိုင်နေကြတာကလား။ကျုပ်ဆိုတဲ့ ကောင်ကလည်း ဘာမဆို နှိုက်နှိုက်ချွတ်ချွတ် စပ်စုတတ်တဲ့ကောင်ဆိုတော့ သေချာအောင်ထပ်ကြည့်မိ တယ်။ကျုပ်တို့ အချုပ်ခန်းဟာ အပြင်ဖက်ကို ကောင်းကောင်းလှမ်းမြင်နိုင်တဲ့ အနေအထား ဗျ။ခပ်လှမ်းလှမ်းမှာ စေတီတဆူကို လှမ်းမြင်နေရတယ်။ကျုပ်ပြောတဲ့ ဘိုးတော်တွေဟာ အဲဒီစေတီနဲ့ အချုပ်ခန်း ကြားကွက်လပ်မှာ ရှိနေကြတာကိုး။စက်ဝိုင်းပုံ အထပ်ထပ်ဝိုင်းပြီး ထိုင်နေလိုက်ကြတာ မျက်စိတဆုံးဆိုပါတော့ဗျာ။ကျုပ်စိတ်ထဲမှာ တော့ တော်တော်အံ့သြသွားမိတာ အမှန်ပဲဗျ။ဘယ့်နှယ့်၊ဒီဘိုးတော်တွေက ငါ ဒုက္ခရောက် နေတာကို ဘယ်လို သိပြီး ဘာအကြောင်းကြောင့် ဒီစခန်းကိုလာဝိုင်းနေကြပါလိမ့်ပေါ့။အမှန်တော့ ကျုပ်ဆိုတဲ့ကောင်ကလည်း ဘိုးတော်တွေက လာကယ်ရလောက်အောင် ကိုယ်ကျင့်တရား လွှတ်ကောင်းနေတဲ့ သူမျိုးလည်း မဟုတ်ဘူးလေ။ ကျုပ်လည်း ဘိုးတော်ပဟေဠိကို တောင်တွေးမြောက်တွေးနဲ့ အဖြေထုတ်နေတုန်း လေးငါးရက်လောက် ကြာ တော့ ပဲခူးတိုင်းရဲမင်းကြီးဦးတင်အောင် လက်ပံတန်းအချုပ်ကို ရောက်လာပြီး ကျုပ်ကို လာတွေ့ပါလေရောဗျာ။ သူ့ကိုယ်ရေးအရာရှိ ရဲမှုးကိုစစ်နိုင်အပြောအရတော့ ရဲမင်းကြီးဟာ ကျုပ်ရဲ့သတင်းကိုကြားတာကြောင့် ပြည်မြို့ ဖက်ကို စစ်ဆေးရေးခရီး အကြောင်းပြပြီး လက်ပံတန်းရဲစခန်းကို ဝင်စစ်တဲ့ပုံစံနဲ့ တမင်ဝင်တွေ့တာတဲ့ဗျာ။ တိုတိုပြောရရင် ရဲမင်းကြီးမျက်နှာကြောင့် ကျုပ်ဟာ ဘာရောဂါမှမရှိပဲ လက်ပံတန်းဆေးရုံမှာ တက်ခွင့်ရပြီး အချုပ်ကနေ လွတ်တော့တာပဲဗျ။ နောက်နှစ်လလောက်ကြာတော့ ကျုပ်အာမခံရတယ်။အမှုရင်ဆိုင်ပြီး တနှစ် ကျော်လောက်ကြာတော့ အဲဒီအမှုကနေ ကျုပ်ကွင်းလုံးကျွတ်လွတ်ခဲ့တာပဲဗျာ။ နေဦးဗျ။ ကျုပ်ဟာ အဲဒီ အချိန် တုန်းက ပဲခူးစစ်တိုင်းမှူးနဲ့ အလုပ်တွဲပြီး လုပ်နေချိန်ပေါ့။ အဲဒီ ဘိုးတော်တွေဟာ တကယ်ပဲလား။ကျုပ်စိတ်က ထင်မိထင်ရာထင်သလား။ဒါတော့ ကျုပ် ဘယ်လိုမှမပြောတတ်ဘူး။အော်.. ခင်ဗျားက ဘိုးတော်တွေ ကျုပ်ကို စောင့်ရှောက်တယ်ထင်နေသလား။ခက်တာက ဒီလိုအတွေးတွေဟာ အထင်တွေသက်သက်လို့ပဲ ကျုပ်ယူဆခဲ့ တယ်။ဘာ သက်သေ၊ သက္ကာယမှ ဆုပ်ဆုပ်ကိုင်ကိုင် ပြနိုင်တာမဟုတ်ဘူး။
နောက်တခေါက် အင်းစိန်ထောင်ထဲကို ၅(ည)နဲ့ရောက်တုန်းကလဲ ဘိုးတော်ဇာတ်လမ်း ရှိသေးသဗျ။အဲဒါက ဒုတိယအကြိမ် ၅(ည)။အမှန်တော့ အဲဒီအမှုဟာ ဘာနိုင်ငံရေးနဲ့မှ ပတ်သက်တဲ့ အမှုမဟုတ်ပါဘူးဗျာ။ကျုပ်တပည့် လူမိုက်တယောက် မူးပြီးရမ်းကားရာကနေ နယ်မြေရဲက အထိန်းမတတ်တော့ ပြဿနာ ပိုကြီးသွားတယ် ဆိုပါတော့။စခန်းမှူးဟာ ကျုပ် သာမန်ရဲနဲ့အချင်းများတာကို စစ်ကြောင်းမှူးဆီ ဖုန်းဆက်ရာက တပ်ခွဲတခွဲ လက်နက်၊ အပြည့်အစုံနဲ့ ရောက်လာပြီး ကျုပ်ကို ဖမ်းတော့တာပဲ။စခန်းမှူးက ကျုပ်ရှိနေရင် သူ့စခန်းအပိုင်မှာ အုပ်ချုပ်လို့မရပါဘူးလို့ အချွန်ကြီးကြီးနဲ့ မ လိုက်တော့ ၅(ည)ဖြစ်ပြီး အင်းစိန်တောရရောက်ခဲ့ရော ဆိုပါတော့။ အဲဒီအချိန်ဟာ နဝတအာဏာ သိမ်းထားတဲ့အချိန် ၁၉၉၀ ခုနှစ်ဝန်းကျင်ဗျ။ခေတ်ပျက်ကြီးထဲမှာ ထောင်ထဲကို ၅(ည)နဲ့ရောက်လာတော့ အကျဉ်းသားအချင်းချင်း အားပေးကြလေရဲ့။စစ်ခုံရုံးနဲ့ညားမှာပဲ။အနည်းဆုံးတော့ ငါးနှစ် ပဲ။ကိုင်းကြီးကြီးမှာ နားဘို့တော့သေချာပြီ။ ကြိုတင်ပြီး လိုင်းလေးဘာလေးဝင်ထားပေါ့တဲ့။ ကျုပ်မိသားစုကလည်း ဟိုလိုက်ဒီလိုက်၊ကျုပ်ကို ဆွဲထည့်တဲ့ရဲမှူးကလည်း ကျုပ်ထောင်မကျ ကျအောင်နေရာ အနှံ့သတင်းပို့ပြီး ပြစ်ဒါဏ် မကြီးကြီးအောင်ဆွဲဆန့်၊ဒါနဲ့ စစ်ခုံရုံးရောက်သွားပါလေရော။ သိတဲ့အတိုင်းပဲဗျာ။ စစ်ခုံရုံးတွေ သိပ်ခေတ်စားနေ တဲ့အချိန်။ စဉ်းစားသာကြည့်ပေတော့။လွတ်ဘို့ကတော့ လမ်းဘယ်မမြင် ဖြစ်ပြန် ရော။
ဒီလိုနဲ့ ချုပ်ရက် နှစ်လလောက်ရှိတော့ ကျုပ်မိန်းမက ရှင်ဒီနေ့လွတ်မယ်လို့စာတိုလေးတစောင် ထောင်ဝန်ထမ်းနဲ့ ပို့လိုက်တယ်။ကျုပ်လည်း ယုံရခက်၊မယုံရခက်နဲ့ လွတ်လေနိုး မျှော်လိုက်တာ ညနေခြောက်နာရီထိုးပြီး ထောင် ပိတ်သွားတဲ့အထိပေါ့ဗျာ။ကျုပ် စိတ်ဓာတ်ကျကျနဲ့ သံတိုင်ကိုခေါင်းပေးပြီး ပက်လက်လှန်၊ မျက်စိမှိတ်နေလိုက်မိ တဲ့အချိန်မှာ ဝတ်ဖြူစင်ကြယ်နဲ့ ဘိုးတော်တယောက် ပေါ်လာသဗျာ။သူက ကျုပ်ကို ပြုံးပြရင်း ဒီနေ့ မင်းလွတ်မှာ ပါလို့ ဆိုလာသဗျာ။ ကျုပ်ကလည်း တအံ့တသြ ဖြစ်နေရင်းက စိတ်ချဉ်ချဉ်နဲ့ ပြန်တွန်းလိုက်မိတယ်။ `ခင်ဗျား ကသာ လွတ်နေ။ ထောင်ကပိတ်သွားပြီ`လို့ ခပ်ငေါ့ငေါ့ ပြန်ပြောတော့၊သူက သူ့လက်ကို ကမ်းလိုက်ပြီး `ကဲ ၊မင်း မယုံရင် ငါခေါ်ပြမယ်။မင်းလက်ပေး`တဲ့။ကျုပ် သူ့ကို လက်လှမ်းပေးလိုက်တော့သူက ကျုပ်လက်ကို ဆွဲကိုင်ပြီး ခေါ်ပါလေရော။ယုံနိုင်စရာတောင် မရှိပါဘူးဗျာ။ကျုပ်ဟာ ဝိဥာဉ်တွေ အကြောင်းရိုက်ကူးတဲ့ ရုပ်ရှင်ထဲ ကလို သံတိုင်တွေနံရံတွေကို ဝှစ်ကနဲ ဖြတ်ကျော်ပြီး အပြင်ကိုချက်ချင်းရောက်သွားပါတော့တယ်။ကျုပ်ဟာ ထောင် အပြင်ကနေ ထောင်ထဲကို ထင်ထင်ရှားရှား လှမ်းမြင်နေရတယ်ဗျာ။ဒီမှာတင် အဲဒီဘိုးတော်က မင်းငါ့ကိုယုံပြီ လား တဲ့။
ကျုပ်က ငါတော့ လွတ်ကြောင်ကြောင်သွားပြီ ထင်တယ်ဆိုပြီး မျက်လုံးဖွင့်လိုက်မိတော့ ဦးကိုဆိုတဲ့ မူဆလင် နှစ်ရှည်အကျဉ်းသားက အပေါ်အဖြူအောက်အဖြူဝမ်းဆက်နဲ့ ကျုပ်ကို လက်လှမ်းပေးရင်း အကိုကြီး အိမ်ပြန်လို့ ရပြီ၊ လွှတ်ဝါးရမ်း နောက်ကျနေလို့ တဲ့ဗျာ။ ကဲ ခင်ဗျားယုံရဲ့လား။ အေးဗျာ ဒီလို နှစ်ခါသုံးခါ ကြုံလာတော့ ကျုပ်ကို ကယ်မနေတာ ဘိုးမင်းခေါင်ပဲ ဆိုပြီး ဟိုလူကပြော ဒီလူကပြောနဲ့ ကျုပ်လည်း ဘိုးမင်းခေါင်ဘက် ပါသွားခဲ့တာပဲ။ တကယ်တမ်း မညှာတမ်း ဆန်းစစ်တဲ့အခါ ဒီလို စိတ်အာရုံမှာ ထင်လာပေါ်လာရုံနဲ့ ကိုးကွယ်တယ်ဆိုတာ တော် တော် ယောင်ဝါးဝါးကိစ္စပဲ။ဘိုင်အိုဂရပ်ဖီမရှိ။အထောက်အထား နတ္ထိ၊မှတ်တမ်း မခိုင်မလုံနဲ့ ရှေ့တိုးပြီး စွတ်ယုံဘို့ ဆိုတာ ကျုပ်အတွက် အခက်တွေ့နေခဲ့တယ်ဗျ။
အခုလည်း ရွှေတိဂုံစေတီကြီးက ကျုပ်ရှေ့ရောက်လာပြန်တော့ ကျုပ်တမျိုး စဉ်းစားလာပြန်တယ်။ငါ လေ့ကျင့် နေတာ တော့ဟုတ်ပြီ။အခုက အကန်းလမ်းသွားသလို ဖြစ်နေတယ်။လမ်းညွှန်လိုတယ် လို့ယူဆလာတယ်။ဒီတော့ ထောင်ဝင်စာလာတွေ့ပြီး ကျုပ်တဲမှာလာနားတဲ့ ကိုနေအောင်ဆိုတဲ့သူကို အာနာပါနမှတ်တာနဲ့ပါတ်သက်လို့ သိ သလောက်ပြောပါလားဗျာ ဆိုပြီး မေးတော့ ကျုပ်ဘေးနားမှာထိုင်နေတဲ့ဇနီးလုပ်သူက ကြားသွားတယ်။သူနောက် တခေါက်လာတော့ စာအုပ်အညိုလေးတအုပ် ပါလာတယ်။အဲဒါ ခင်ဗျားတွေ့တွေ့နေတဲ့ စာအုပ်လေးပဲဗျ။ပညာ အလင်းပြစာအုပ်တိုက်က ထုတ်တာ။ကျေးဇူးရှင် လယ်တီဆရာတော်ဘုရားကြီးနှင့်အနာဂါမ်ဆရာသက်ကြီးတို့၏ ဥပနိဿယအတိုင်း အာနာပါနသိမှုဖြင့်ဝိပဿနာရှုမှတ်နည်းတဲ့ဗျာ။ပါဠိဆရာကြီး ဦးဘုန်းကျော် ကြီးကြပ်ပြင် ဆင်သည် တဲ့။ အဲဒီစာအုပ်လည်း ကျုပ်လက်ထဲရောက်ရော ကျုပ်ဟာ စာတအုပ်လုံးကို တလုံးချင်းအားထုတ်ပြီး ဖတ်တယ်။သူဘာကို ဆိုလိုသလဲဆိုတာ သဘောမပေါက် ပေါက်အောင် အကြိမ်ပေါင်း မရည်မတွက်နိုင်အောင် ဖတ်တယ်။လူပြိန်းနားလည်အောင်ရေးထားတာဆိုတော့ကျုပ်နဲ့တော့အံကိုကျလို့ဗျာ။ သေချာဖတ်၊ စေ့စေ့စပ်စပ်ဖတ်တော့ ကျုပ်လုပ်နေတာတွေဟာ ဝိပဿနာ မဟုတ်သေးဘူး။သမထတဲ့ဗျာ။ဝိပဿနာဆိုတာ ရုပ်နာမ်တို့၏ ဖြစ်ပျက်မှုကိုသိအောင် ရှုပွားသော ကမ္မဋ္ဌာန်းတဲ့ဗျ။ ဒီတော့ကျုပ်လည်း ဝိပဿနာဖြစ်အောင်လုပ်နည်းကို အဲဒီစာအုပ်ထဲမှာ ထပ်ရှာရပြန်တယ်။ဘာရေးထားသလဲ ဆိုတော့ စားတဲ့အခါ သွားတဲ့အခါမှာလည်း သတိကပ် ပြီးနေရသတဲ့။ ရော့ ၊ ဒီမှာ ဖတ်ကြည့်ဗျ၊ စားတဲ့အခါ ဘယ်လို သတိထားပြီး စားရတယ်ဆိုတာ “
ကျုပ်တိုတိုပြောရရင် ကျုပ်ဟာ ဘာသာတရားကို လက်တွေ့တံခါးပေါက်ကနေ မလေ့လာ မစူးစမ်းခဲ့လို့ပါပဲ။ ဒါကြောင့်ကျုပ်ဟာ ဘာသာတရားကို အကျင့်လမ်းကြောင်းကနေ ချည်းကပ်ဘို့ဆုံးဖြတ်ပြီး ဇွတ်လုပ်နေခဲ့တာ ပေါ့။ဘာလဲ ဘိုးမင်းခေါင်ရှိမရှိ ကျုပ်သေချာ ဘယ်သိနိုင်မလဲ။ ဘိုးမင်းခေါင်အကြောင်းတော့ စာပြုဆရာကြီး ဦးပေါ်ဦးရေးပြီး မိဘမေတ္တာ-ဆရာဦးမောင်ကြီး တည်းဖြတ်ပြင်ဆင်တဲ့ ဝိဇ္ဇာဓိုရ်အောင်မင်းခေါင်၏ ထွက်ရပ် ပေါက်ရာဇဝင် အတ္ထုပ္ပတ္တိဆိုတာ ဖတ်ဖူးတယ်။ ခက်တာက အဲဒီစာအုပ်မှာလည်း ဘိုးမင်းခေါင်ကို ဘယ်အချိန် ဘယ်နေရာမှာ မွေးဖွားတယ်ဆိုတာလောက်တောင် ဖော်ပြမထားဘူးဗျာ။ အခုပြောနေတာက ဘိုးမင်းခေါင်ရှိ မရှိ ပြောနေတာ မဟုတ်ဘူးဗျ။ ရှိချင်လည်းရှိမယ်။ မရှိချင်လည်းမရှိဘူး။ အခုက ငွေလိုချင်တာ မဟုတ်ဘူး။သေမှာ ကြောက်တဲ့ရောဂါ။အေးချမ်းမှုကို လိုလားတာ။ဒါကိုရဘို့ ဘိုးမင်းခေါင်ရဲ့ လမ်းညွှန်ချက် ဆိုဆုံးမချက်ထဲမှာ ကျုပ် မတွေ့ခဲ့ဘူး။ဒီတော့သူ့ကို ဒီကိစ္စမှာ ဖယ်ထားမှဖြစ်မယ်။
နောက်တချက်က ဘိုးမင်းခေါင်ဆိုတာလည်း သူ့ရဲ့ကျင့်ကြံအောင်မြင်မှုတခုနဲ့ သူ့အသက်ကို မသေအောင် ဆွဲဆန့်ထားတာတဲ့ဗျ။သူလည်း အချိန်တန်ရင် သေရမှာ။အပြီးတိုင် ငြိမ်းအေးတဲ့လမ်းကို သူမရောက်သေးဘူး တဲ့ဗျ။ဒါလောက်နဲ့ ကျုပ်မကျေနပ်နိုင်ဘူးဗျာ။ကဲပါဗျာ။ပြောလက်စနဲ့ ကျုပ်နဲ့ဘိုးတော်တွေရဲ့ ဇာတ်လမ်းတချို့ လည်းရှိလေရဲ့။ဒါလည်း ပြောပြအုံးမှပါ။တော်ကြာ ထိန်ချန်သလိုဖြစ်နေရင် မကောင်းပါဘူး။ကျုပ်ဟာ ထောင်ဇာ တာပါလာတယ်လို့ ဆိုရမယ်။အချုပ်နဲ့ ထောင်ကိုရောက်ခဲ့တဲ့ အကြိမ်ပေါင်း ဆယ်ကြိမ်လောက်ရှိမယ်။ ဒါပေမဲ့ အကြာကြီးထောင်ထဲမှာ နေရမဲ့ဇာတာတော့မပါပြန်ဘူး။ကျုပ်ဒီတခါ ထောင်ကျတာ အကြာဆုံးနဲ့ ဒုက္ခ အရောက် ဆုံးပဲ။နေအုံးဗျ။ထောင်ထဲကို ခဏခဏရောက်တယ်ဆိုတော့ ခင်ဗျားကျုပ်ကို လူဆိုးလူယုတ်မာ ထင်သွားအုံး မယ်။ ဗမာပြည်မှာက ခက်သားလားဗျာ။ထောင်ထဲမှာ တသက်လုံးထည့်ထားရမဲ့ သူတွေက သုံးမကုန်ဖြုံးမကုန် ဘဝနဲ့လောကနိဗ္ဗာန် ရောက်နေပြီး ထောင်နဲ့လားလားမှ မထိုက်သူတွေက ထောင်ထဲ ရောက်နေတဲ့တိုင်းပြည် မဟုတ်လား။ဘာမှမဟုတ်လည်း ထောင်ကျချင်ကျနေတဲ့သူတွေ အများကြီးဗျ။ ဒါတော့ ခင်ဗျားနားလည်ပေးဗျာ။ ဆိုလိုတာက ကျုပ်ဟာ ထောင်တို့အချုပ်တို့ကို ဝင်လိုက်ထွက်လိုက် လုပ်နေလောက်အောင် ကောက်ကျစ် ယုတ်မာပြီး ဆိုးသွမ်းသူမဟုတ်ဖူး ဆိုတဲ့အချက် ပါ။အမှားမကင်း ခဲ့ဘူးဆိုတာလည်း ကျုပ်မငြင်းပါဘူး။
လွန်ခဲ့တဲ့ ငါးနှစ်လောက်ကဗျာ။မီးရထားဝန်ကြီးဌာနကို အရည်ကြိုသံတိုသံစတွေ တင်ဒါသွင်း တဲ့ကိစ္စမှာ ပစ္စည်းလည်း သွင်းပြီးပြီ၊ငွေလည်းထုတ်ပြီးပြီ။ဒါကို လုပ်နည်းလုပ်ဟန်အဆင့်ကျော်တယ်ဆိုပြီး ၆(၁) နဲ့အမှု ဖွင့်တယ်။အမှန်တကယ် အမှုတန်ဖိုးက ကျပ်ငါးထောင်။ နောက်တရားရုံး ရောက်တဲ့အခါ အမှုစွဲတင်တဲ့ စီအိုင်ဒီ အရာရှိ ရုံးထဲဝင်လာပြီး တရားသူကြီးရှေ့က အမှုတွဲဖိုင်မှာ ငါးတလုံးထပ်ဖြည့်လိုက်တော့ ငါးသိန်းငါးထောင်တန် တဲ့အမှုဖြစ်သွားပြီးအပက(၃)ဖြစ်တော့တာပဲ။အမှန်က ဒီအမှုဟာ မှားယွင်းမှုတော့ မဟုတ်ဘူးဗျ။ ကျုပ်ကိုယ် တိုင်ကလည်း ဌာနဆိုင်ရာ စာရွက်စာတမ်းတစောင်ကို အကြံအဖန်လုပ်ထားမိတာလည်း ရှိတယ်။ ကျုပ်လုပ် ကွက်က ပညာသားပါလွန်းလို့ အဲဒီအမှုကို သာမန်ရဲဌာနအနေနဲ့ ကွင်းဆက်ဖော်လို့ မရတာကြောင့် နောက်ဆုံး အင်းစိန်စီအိုင်ဒီရောက်သွားတဲ့အမှုဆိုပါတော့။စီအိုင်ဒီနဲ့ကျုပ် ဘတပြန်ကျားတပြန် ပညာပြိုင်နေ လိုက်ကြတာ အမှုက ရှုပ်သထက်ရှုပ်လာပြီး နောက်ဆုံးတော့ ဟင်္သာတ ဖက်က ကျုံလဟာရွာရဲစခန်းမှာ ကျုပ်ကို မလိမ့် တပတ်လုပ်၊အချုပ်ထဲ သွင်းလိုက်ရော ဆိုပါတော့ဗျာ။ကျုံလဟာ အချုပ်မှာ နှစ်ပတ်လောက်နေပြီးတော့ လက်ပံတန်းအချုပ်ကို ရောက်လာတယ်။ဒီအမှုဟာ အများပိုင်ပစ္စည်းကာကွယ်စောင့်ရှောက်တဲ့ဥပဒေ(အပက ၃) နဲ့ စွဲတင်ထားတာမို့ လွတ်ဖို့နေနေသာသာ အာမခံရဖို့တောင် အကြောင်းမရှိတာကြောင့် ရွှေပင်လယ်ကာဆီး သည်သို့၊လွတ်လမ်းရယ်ဘယ်မမြင် ဖြစ်နေချိန်ပေါ့။အဲဒီအမှုနဲ့လက်ပံတန်း ရဲအချုပ်ထဲရောက်လို့ တပါတ် လောက်အကြာ တညမှာပေါ့။အချုပ်ခန်းထဲမှာ ကျနော် အိပ်ပျော်သလို မပျော်သလို ဖြစ်နေတုန်း တစုံတယောက် လာနှိုးသလို ခံစားလိုက်ရပြီး နားထဲမှာ “ဟေ့ကောင် သက်ခိုင် အပြင်ကို ကြည့်လိုက်စမ်း ” ဆိုတဲ့ အသံတခု ကြား လိုက်ရတယ်။
ကျုပ်လည်း အိပ်ချင်မူးတူးနဲ့ အချုပ်ခန်းအပြင်ကို လှမ်းကြည့်လိုက်တော့၊လား လား၊ဝတ်ဖြူ စင်ကြယ်နဲ့ ဘိုးတော် တွေ လက်ပံတန်းရဲစခန်းတခုလုံးကို စက်ဝိုင်းပုံပတ်ပြီး တရားထိုင်နေသလို ထိုင်နေကြတာကလား။ကျုပ်ဆိုတဲ့ ကောင်ကလည်း ဘာမဆို နှိုက်နှိုက်ချွတ်ချွတ် စပ်စုတတ်တဲ့ကောင်ဆိုတော့ သေချာအောင်ထပ်ကြည့်မိ တယ်။ကျုပ်တို့ အချုပ်ခန်းဟာ အပြင်ဖက်ကို ကောင်းကောင်းလှမ်းမြင်နိုင်တဲ့ အနေအထား ဗျ။ခပ်လှမ်းလှမ်းမှာ စေတီတဆူကို လှမ်းမြင်နေရတယ်။ကျုပ်ပြောတဲ့ ဘိုးတော်တွေဟာ အဲဒီစေတီနဲ့ အချုပ်ခန်း ကြားကွက်လပ်မှာ ရှိနေကြတာကိုး။စက်ဝိုင်းပုံ အထပ်ထပ်ဝိုင်းပြီး ထိုင်နေလိုက်ကြတာ မျက်စိတဆုံးဆိုပါတော့ဗျာ။ကျုပ်စိတ်ထဲမှာ တော့ တော်တော်အံ့သြသွားမိတာ အမှန်ပဲဗျ။ဘယ့်နှယ့်၊ဒီဘိုးတော်တွေက ငါ ဒုက္ခရောက် နေတာကို ဘယ်လို သိပြီး ဘာအကြောင်းကြောင့် ဒီစခန်းကိုလာဝိုင်းနေကြပါလိမ့်ပေါ့။အမှန်တော့ ကျုပ်ဆိုတဲ့ကောင်ကလည်း ဘိုးတော်တွေက လာကယ်ရလောက်အောင် ကိုယ်ကျင့်တရား လွှတ်ကောင်းနေတဲ့ သူမျိုးလည်း မဟုတ်ဘူးလေ။ ကျုပ်လည်း ဘိုးတော်ပဟေဠိကို တောင်တွေးမြောက်တွေးနဲ့ အဖြေထုတ်နေတုန်း လေးငါးရက်လောက် ကြာ တော့ ပဲခူးတိုင်းရဲမင်းကြီးဦးတင်အောင် လက်ပံတန်းအချုပ်ကို ရောက်လာပြီး ကျုပ်ကို လာတွေ့ပါလေရောဗျာ။ သူ့ကိုယ်ရေးအရာရှိ ရဲမှုးကိုစစ်နိုင်အပြောအရတော့ ရဲမင်းကြီးဟာ ကျုပ်ရဲ့သတင်းကိုကြားတာကြောင့် ပြည်မြို့ ဖက်ကို စစ်ဆေးရေးခရီး အကြောင်းပြပြီး လက်ပံတန်းရဲစခန်းကို ဝင်စစ်တဲ့ပုံစံနဲ့ တမင်ဝင်တွေ့တာတဲ့ဗျာ။ တိုတိုပြောရရင် ရဲမင်းကြီးမျက်နှာကြောင့် ကျုပ်ဟာ ဘာရောဂါမှမရှိပဲ လက်ပံတန်းဆေးရုံမှာ တက်ခွင့်ရပြီး အချုပ်ကနေ လွတ်တော့တာပဲဗျ။ နောက်နှစ်လလောက်ကြာတော့ ကျုပ်အာမခံရတယ်။အမှုရင်ဆိုင်ပြီး တနှစ် ကျော်လောက်ကြာတော့ အဲဒီအမှုကနေ ကျုပ်ကွင်းလုံးကျွတ်လွတ်ခဲ့တာပဲဗျာ။ နေဦးဗျ။ ကျုပ်ဟာ အဲဒီ အချိန် တုန်းက ပဲခူးစစ်တိုင်းမှူးနဲ့ အလုပ်တွဲပြီး လုပ်နေချိန်ပေါ့။ အဲဒီ ဘိုးတော်တွေဟာ တကယ်ပဲလား။ကျုပ်စိတ်က ထင်မိထင်ရာထင်သလား။ဒါတော့ ကျုပ် ဘယ်လိုမှမပြောတတ်ဘူး။အော်.. ခင်ဗျားက ဘိုးတော်တွေ ကျုပ်ကို စောင့်ရှောက်တယ်ထင်နေသလား။ခက်တာက ဒီလိုအတွေးတွေဟာ အထင်တွေသက်သက်လို့ပဲ ကျုပ်ယူဆခဲ့ တယ်။ဘာ သက်သေ၊ သက္ကာယမှ ဆုပ်ဆုပ်ကိုင်ကိုင် ပြနိုင်တာမဟုတ်ဘူး။
နောက်တခေါက် အင်းစိန်ထောင်ထဲကို ၅(ည)နဲ့ရောက်တုန်းကလဲ ဘိုးတော်ဇာတ်လမ်း ရှိသေးသဗျ။အဲဒါက ဒုတိယအကြိမ် ၅(ည)။အမှန်တော့ အဲဒီအမှုဟာ ဘာနိုင်ငံရေးနဲ့မှ ပတ်သက်တဲ့ အမှုမဟုတ်ပါဘူးဗျာ။ကျုပ်တပည့် လူမိုက်တယောက် မူးပြီးရမ်းကားရာကနေ နယ်မြေရဲက အထိန်းမတတ်တော့ ပြဿနာ ပိုကြီးသွားတယ် ဆိုပါတော့။စခန်းမှူးဟာ ကျုပ် သာမန်ရဲနဲ့အချင်းများတာကို စစ်ကြောင်းမှူးဆီ ဖုန်းဆက်ရာက တပ်ခွဲတခွဲ လက်နက်၊ အပြည့်အစုံနဲ့ ရောက်လာပြီး ကျုပ်ကို ဖမ်းတော့တာပဲ။စခန်းမှူးက ကျုပ်ရှိနေရင် သူ့စခန်းအပိုင်မှာ အုပ်ချုပ်လို့မရပါဘူးလို့ အချွန်ကြီးကြီးနဲ့ မ လိုက်တော့ ၅(ည)ဖြစ်ပြီး အင်းစိန်တောရရောက်ခဲ့ရော ဆိုပါတော့။ အဲဒီအချိန်ဟာ နဝတအာဏာ သိမ်းထားတဲ့အချိန် ၁၉၉၀ ခုနှစ်ဝန်းကျင်ဗျ။ခေတ်ပျက်ကြီးထဲမှာ ထောင်ထဲကို ၅(ည)နဲ့ရောက်လာတော့ အကျဉ်းသားအချင်းချင်း အားပေးကြလေရဲ့။စစ်ခုံရုံးနဲ့ညားမှာပဲ။အနည်းဆုံးတော့ ငါးနှစ် ပဲ။ကိုင်းကြီးကြီးမှာ နားဘို့တော့သေချာပြီ။ ကြိုတင်ပြီး လိုင်းလေးဘာလေးဝင်ထားပေါ့တဲ့။ ကျုပ်မိသားစုကလည်း ဟိုလိုက်ဒီလိုက်၊ကျုပ်ကို ဆွဲထည့်တဲ့ရဲမှူးကလည်း ကျုပ်ထောင်မကျ ကျအောင်နေရာ အနှံ့သတင်းပို့ပြီး ပြစ်ဒါဏ် မကြီးကြီးအောင်ဆွဲဆန့်၊ဒါနဲ့ စစ်ခုံရုံးရောက်သွားပါလေရော။ သိတဲ့အတိုင်းပဲဗျာ။ စစ်ခုံရုံးတွေ သိပ်ခေတ်စားနေ တဲ့အချိန်။ စဉ်းစားသာကြည့်ပေတော့။လွတ်ဘို့ကတော့ လမ်းဘယ်မမြင် ဖြစ်ပြန် ရော။
ဒီလိုနဲ့ ချုပ်ရက် နှစ်လလောက်ရှိတော့ ကျုပ်မိန်းမက ရှင်ဒီနေ့လွတ်မယ်လို့စာတိုလေးတစောင် ထောင်ဝန်ထမ်းနဲ့ ပို့လိုက်တယ်။ကျုပ်လည်း ယုံရခက်၊မယုံရခက်နဲ့ လွတ်လေနိုး မျှော်လိုက်တာ ညနေခြောက်နာရီထိုးပြီး ထောင် ပိတ်သွားတဲ့အထိပေါ့ဗျာ။ကျုပ် စိတ်ဓာတ်ကျကျနဲ့ သံတိုင်ကိုခေါင်းပေးပြီး ပက်လက်လှန်၊ မျက်စိမှိတ်နေလိုက်မိ တဲ့အချိန်မှာ ဝတ်ဖြူစင်ကြယ်နဲ့ ဘိုးတော်တယောက် ပေါ်လာသဗျာ။သူက ကျုပ်ကို ပြုံးပြရင်း ဒီနေ့ မင်းလွတ်မှာ ပါလို့ ဆိုလာသဗျာ။ ကျုပ်ကလည်း တအံ့တသြ ဖြစ်နေရင်းက စိတ်ချဉ်ချဉ်နဲ့ ပြန်တွန်းလိုက်မိတယ်။ `ခင်ဗျား ကသာ လွတ်နေ။ ထောင်ကပိတ်သွားပြီ`လို့ ခပ်ငေါ့ငေါ့ ပြန်ပြောတော့၊သူက သူ့လက်ကို ကမ်းလိုက်ပြီး `ကဲ ၊မင်း မယုံရင် ငါခေါ်ပြမယ်။မင်းလက်ပေး`တဲ့။ကျုပ် သူ့ကို လက်လှမ်းပေးလိုက်တော့သူက ကျုပ်လက်ကို ဆွဲကိုင်ပြီး ခေါ်ပါလေရော။ယုံနိုင်စရာတောင် မရှိပါဘူးဗျာ။ကျုပ်ဟာ ဝိဥာဉ်တွေ အကြောင်းရိုက်ကူးတဲ့ ရုပ်ရှင်ထဲ ကလို သံတိုင်တွေနံရံတွေကို ဝှစ်ကနဲ ဖြတ်ကျော်ပြီး အပြင်ကိုချက်ချင်းရောက်သွားပါတော့တယ်။ကျုပ်ဟာ ထောင် အပြင်ကနေ ထောင်ထဲကို ထင်ထင်ရှားရှား လှမ်းမြင်နေရတယ်ဗျာ။ဒီမှာတင် အဲဒီဘိုးတော်က မင်းငါ့ကိုယုံပြီ လား တဲ့။
ကျုပ်က ငါတော့ လွတ်ကြောင်ကြောင်သွားပြီ ထင်တယ်ဆိုပြီး မျက်လုံးဖွင့်လိုက်မိတော့ ဦးကိုဆိုတဲ့ မူဆလင် နှစ်ရှည်အကျဉ်းသားက အပေါ်အဖြူအောက်အဖြူဝမ်းဆက်နဲ့ ကျုပ်ကို လက်လှမ်းပေးရင်း အကိုကြီး အိမ်ပြန်လို့ ရပြီ၊ လွှတ်ဝါးရမ်း နောက်ကျနေလို့ တဲ့ဗျာ။ ကဲ ခင်ဗျားယုံရဲ့လား။ အေးဗျာ ဒီလို နှစ်ခါသုံးခါ ကြုံလာတော့ ကျုပ်ကို ကယ်မနေတာ ဘိုးမင်းခေါင်ပဲ ဆိုပြီး ဟိုလူကပြော ဒီလူကပြောနဲ့ ကျုပ်လည်း ဘိုးမင်းခေါင်ဘက် ပါသွားခဲ့တာပဲ။ တကယ်တမ်း မညှာတမ်း ဆန်းစစ်တဲ့အခါ ဒီလို စိတ်အာရုံမှာ ထင်လာပေါ်လာရုံနဲ့ ကိုးကွယ်တယ်ဆိုတာ တော် တော် ယောင်ဝါးဝါးကိစ္စပဲ။ဘိုင်အိုဂရပ်ဖီမရှိ။အထောက်အထား နတ္ထိ၊မှတ်တမ်း မခိုင်မလုံနဲ့ ရှေ့တိုးပြီး စွတ်ယုံဘို့ ဆိုတာ ကျုပ်အတွက် အခက်တွေ့နေခဲ့တယ်ဗျ။
အခုလည်း ရွှေတိဂုံစေတီကြီးက ကျုပ်ရှေ့ရောက်လာပြန်တော့ ကျုပ်တမျိုး စဉ်းစားလာပြန်တယ်။ငါ လေ့ကျင့် နေတာ တော့ဟုတ်ပြီ။အခုက အကန်းလမ်းသွားသလို ဖြစ်နေတယ်။လမ်းညွှန်လိုတယ် လို့ယူဆလာတယ်။ဒီတော့ ထောင်ဝင်စာလာတွေ့ပြီး ကျုပ်တဲမှာလာနားတဲ့ ကိုနေအောင်ဆိုတဲ့သူကို အာနာပါနမှတ်တာနဲ့ပါတ်သက်လို့ သိ သလောက်ပြောပါလားဗျာ ဆိုပြီး မေးတော့ ကျုပ်ဘေးနားမှာထိုင်နေတဲ့ဇနီးလုပ်သူက ကြားသွားတယ်။သူနောက် တခေါက်လာတော့ စာအုပ်အညိုလေးတအုပ် ပါလာတယ်။အဲဒါ ခင်ဗျားတွေ့တွေ့နေတဲ့ စာအုပ်လေးပဲဗျ။ပညာ အလင်းပြစာအုပ်တိုက်က ထုတ်တာ။ကျေးဇူးရှင် လယ်တီဆရာတော်ဘုရားကြီးနှင့်အနာဂါမ်ဆရာသက်ကြီးတို့၏ ဥပနိဿယအတိုင်း အာနာပါနသိမှုဖြင့်ဝိပဿနာရှုမှတ်နည်းတဲ့ဗျာ။ပါဠိဆရာကြီး ဦးဘုန်းကျော် ကြီးကြပ်ပြင် ဆင်သည် တဲ့။ အဲဒီစာအုပ်လည်း ကျုပ်လက်ထဲရောက်ရော ကျုပ်ဟာ စာတအုပ်လုံးကို တလုံးချင်းအားထုတ်ပြီး ဖတ်တယ်။သူဘာကို ဆိုလိုသလဲဆိုတာ သဘောမပေါက် ပေါက်အောင် အကြိမ်ပေါင်း မရည်မတွက်နိုင်အောင် ဖတ်တယ်။လူပြိန်းနားလည်အောင်ရေးထားတာဆိုတော့ကျုပ်နဲ့တော့အံကိုကျလို့ဗျာ။ သေချာဖတ်၊ စေ့စေ့စပ်စပ်ဖတ်တော့ ကျုပ်လုပ်နေတာတွေဟာ ဝိပဿနာ မဟုတ်သေးဘူး။သမထတဲ့ဗျာ။ဝိပဿနာဆိုတာ ရုပ်နာမ်တို့၏ ဖြစ်ပျက်မှုကိုသိအောင် ရှုပွားသော ကမ္မဋ္ဌာန်းတဲ့ဗျ။ ဒီတော့ကျုပ်လည်း ဝိပဿနာဖြစ်အောင်လုပ်နည်းကို အဲဒီစာအုပ်ထဲမှာ ထပ်ရှာရပြန်တယ်။ဘာရေးထားသလဲ ဆိုတော့ စားတဲ့အခါ သွားတဲ့အခါမှာလည်း သတိကပ် ပြီးနေရသတဲ့။ ရော့ ၊ ဒီမှာ ဖတ်ကြည့်ဗျ၊ စားတဲ့အခါ ဘယ်လို သတိထားပြီး စားရတယ်ဆိုတာ “
ပြောပြောဆိုဆို ကိုသက်ခိုင်က သူ့ဘေးမှာ အသင့်ဖွင့်ထားသည့် စာအုပ်ငယ်ကို ကျနော့်ဆီသို့ လှမ်းပေးလိုက်၏။ (အဆိုပါစာအုပ်၏ စာမျက်နှာ ၄၉တွင် ရေးသားဖော်ပြထားသည့် စားသောအခါရှုမြင်နည်း အကျဉ်းမှာ အောက်ပါ အတိုင်းဖြစ်၏။မူရင်းသတ်ပုံအတိုင်း။)
စားသောအခါ ရှုမြင်နည်းအကျဉ်း
စားသောအခါ၌ ထမင်းလုတ်ကို ပြုသောလက်သည် ထမင်းကို ယူသောအခါ ဖြည်းဖြည်း ကလေးယူ။ ယူသော လက်ချောင်းကို ပဓာနမထားနှင့်။လက်ချောင်းကြီးထဲက ပထဝီ၊အာပေါ၊တေဇော၊ ဝါယော ဓာတ်တို့ ဖြစ်ပေါ်ပျက် နေပုံကိုသာ စိတ်က စိုက်ထား။ဤကဲ့သို့ပင် စိတ်ကိုထားရင်းနှင့်ပင် ထမင်းကိုယူ၍ ထိုထမင်းလုတ်သည် ပါးစပ်သို့ ရောက်အောင် တမိနစ်၊နှစ်မိနစ်ခန့် ကြာအောင် ဖြည်းဖြည်း ကလေးယူ။ စိတ်ကိုမူ လက်ထဲမှာပဲထား။ပရမတ် ဆတ်ဆတ်ဖြစ်သော “ခက်မာဖွဲ့စေး ပူအေးထောက်ကန်”ဆိုတဲ့ သဘောကလေးတွေ သူတို့ဘာသာသူတို့ ဖြစ်နေတာတွေကို အပျောက်မခံနှင့်၊ သတိအမြဲရှိစေ။ ထမင်း ကိုပါးစပ်၌ထည့်တုန်းကလည်း သတိမလစ်စေနှင့်။ဒါကြောင့် သတိပဋ္ဌာန်ဟုခေါ်သည်။ဤကား ပရမတ္ထ သဘာဝကျနသော ပရမတ်ကိုမြင်လျက် ရှုနေသော သမ္ပဇညပဗ္ဗ သတိ ပဋ္ဌာန်ပင်တည်း။
သူ့စာကို ကျနော်ဖတ်ပြီးသည်နှင့်တပြိုင်နက် ကိုသက်ခိုင်က စကားဆက်ပြန်ပါသည်။
![]()
“အမှန်ဝန်ခံရရင် အဲဒီတုန်းက ပရမတ်တို့၊ပညတ်တို့၊ပထဝီ၊တေဇော၊အာပေါ၊ဝါယောဆိုတဲ့ ဓာတ်ကြီးလေးပါး ဆိုတာတွေလည်း ကျုပ်သေချာမသိသေးတာ အမှန်ပဲဗျ။ဒါပေမဲ့ အဲဒီစာကိုဖတ်ပြီး ကျုပ်နားလည်သလောက် လိုက်လုပ်တယ်။ ကလေးတယောက် လူကြီးစကားနားထောင်သလို လိုက်လုပ်ကြည့်တယ်။ကျုပ်စားတော့မဲ့ ထမင်းလုတ်ကို လက်နဲ့ စထိတာကနေ ပါးစပ်ထဲထည့် ဝါးပြီးမြိုချတဲ့အထိ ကျုပ်သတိနဲ့ လိုက်ကြည့်တယ်။ အသက်ရှူ မှတ်တဲ့အလုပ်ကိုလည်း ကျုပ်ရပ်မထားဘူး။နေ့တိုင်း အချိန်ရတိုင်း လေ့ကျင့်တယ်။ညညဆို တနာရီ ကျော်ကျော်မှတ်တယ်။ လေးလဝန်းကျင်လောက်ကြာပြီးတဲ့ တနေ့မှာတော့ ညဖက်ထိုင်လိုက်တယ်ဆိုရင်ပဲ ဆယ် မိနစ်ဝန်းကျင်လောက်ရောက်တာနဲ့ ကျုပ်ခန္ဓာကိုယ်ကြီးဟာ သံတုံးကြီးတတုံးချထားသလို ငြိမ်သက် တည်မြဲနေ တာကို ကြုံရပါတော့တယ်။တော်တော်ကို အံ့သြဖို့ကောင်းတာကလား။လေကို မှတ်နေရင်း ခန္ဓာကိုယ် ကြီးဟာ မလှုပ်မရှားခိုင်ခိုင်မြဲမြဲ ထိုင်မိနေတာဗျ။လေ့ကျင့်ခန်းလုပ်ခါစကဆိုဗျာ။ခန္ဓာကိုယ်ကို ငြိမ်သက်နေအောင် ကြိုးစား ရတဲ့ဒုက္ခက မသေးလှဘူးဗျ။ခုတော့ သူ့ဖာသာ ငြိမ်နေတယ်ဗျာ။ဒါတင် ဘယ်ကမတုန်း။ ကျုပ်ခန္ဓာကိုယ် ဟာ တခု ခုထူးခြားနေသလိုပဲလို့ထင်မိတာနဲ့ ကျုပ်ဟာမျက်စိမှိတ်နေရင်းနဲ့ ခန္ဓာကိုယ်ရဲ့ရှေ့ပိုင်းကို အာရုံစိုက်ကြည့်လိုက်မိ တယ်။အမယ်၊ကျုပ်ခန္ဓာကိုယ်ထဲကနေ မှန်သားလိုကြည်လင်တဲ့ နောက်ထပ်ခန္ဓာကိုယ်တခု ထပ်ထွက်လာတာကို တွေ့ရသဗျ။အဲသလို ထွက်လာပြီး လင်းနေတဲ့ခန္ဓာကိုယ်ဟာ ဝိုးတိုးဝါးတား မဟုတ်ဘူးဗျ၊သိသိ သာသာကြီးကို ဖြစ်နေတာ။ခက်တာက အဲဒီ အရောင်အလင်းထွက်နေတဲ့ကိုယ်ပွားဟာ တကယ့်မျက်စိနဲ့ မြင်နိုင်တာမျိုးတော့ ဟုတ်ဟန်မတူဘူး။ ကျုပ်ကလည်း အဲဒီအရောင်ကို မျက်စိဖွင့်မကြည့်မိဘူး။ ကျုပ်စိတ်ထဲမှာ အထူးအဆန်းတွေ နောက် လျှောက်လိုက်ချင်တဲ့စိတ် ကုန်နေတာလည်း ဖြစ်နိုင်ပါရဲ့။ နောက်ပိုင်းရက်တွေမှာတော့ ကျုပ်ဟာ လေ့ကျင့်ခန်းတနာရီထိုင်မယ်လို့ ဆုံးဖြတ်လိုက်ရင် ပထမဆယ်မိနစ်လောက်မှာသာ အချိန်ကုန်တာကို သိရပြီး နောက်မိနစ်ငါးဆယ်ဟာ ရုတ်ခြည်း ကုန်ကုန်သွားပါတော့တယ်။ဆိုလိုတာက မိနစ်ငါးဆယ်လောက် အချိန်တွေ အတွင်းမှာ ကျုပ်စိတ်ဟာ တနေရာတည်းမှာ စွဲမြဲငြိမ်သက်နေတာပါပဲ။အဲသလို ငြိမ်သက်နေတဲ့ အချိန်မျိုးမှာ ခံစားရတဲ့ ခံစားချက်ဟာ ဘယ်လိုအရာမျိုးနဲ့မှ ဥပမာပေးလို့မရအောင် အေးချမ်းတာကလား ။ဘာနှိုးစက်မှ ပေးမထားပေမဲ့ တနာရီထိုင်မယ်လို့ အဓိဋ္ဌာန်ပြုထားရင် တနာရီတိတိမှာ ကျနော် သတိပြန်ဝင်လာတတ်တာပါ ပဲ။တနာရီခွဲ၊နှစ်နာရီထိုင်မယ်လို့ ဆုံးဖြတ်ထားရင်လည်း အဲဒီအချိန်အတွင်း ကျုပ်စိတ်မှာ အေးချမ်းပြည့်စုံမှုတခု ကလွဲလို့၊ ဘာခံစားမှုမှ ထူးထူးထွေထွေမရှိပဲ အချိန်စေ့မှ သတိပြန်ပြန်ဝင်လာသဗျာ။ အဲသလို ရက်ပေါင်းများ လာတော့ ကျုပ်စိတ်ထဲမှာ ငါဘာဖြစ်နေတာလဲ။ အဲဒီအချိန်တွေဟာ ဘယ်ကိုရောက်သွားသလဲ ။အဲဒီအချိန်တွေ မှာ ငါဘာလို့ သတိမပြုနိုင်တော့တာလဲ။၊လောကကြီးမှာ အချိန်ကာလကို ချုံ့ပစ်လို့ရနိုင်သလား။ အချိန်ဆိုတာ ကျဉ်းနိုင်ကျုံ့နိုင်သလားဆိုတဲ့ မေးခွန်းတွေ ဆက်တိုက်ပေါ်လာပါတော့တယ်။ဒီမှာတင် ဘယ်ရပ်အုံးမလဲဗျာ။ ဒိထက် အံ့သြဖွယ်အဖြစ်အပျက်တွေဟာ ဆက်တိုက်ဖြစ်ပေါ်လာပါတော့တယ်။ကျုပ်ဟာ ငှက်တကောင်လို လေ ထဲမှာ ပျံတက်သွားတော့မလားလို့တောင် ခံစားလာရပါတော့တယ်။ခင်ဗျား သေချာနားထောင်ပါ။ ဒါတွေကို ခင်ဗျားယုံစေချင်တဲ့ဆန္ဒ ကျုပ်မှာမရှိပါဘူး။စဉ်းစားချင့်ချိန်နိုင်ဘို့ တွေးခေါ်မျှော်မျှင်နိုင်ဘို့ပြောနေခြင်းသာ ဖြစ် တယ်။ကျုပ်ကိုလည်း အထင်မကြီးပါနဲ့။ကျုပ်ပြောနေတဲ့ အကြောင်းအရာတွေ ဆုံးတဲ့အခါ ဘိုးတော်၊ရုက္ခစိုး၊ နတ် ဗြဟ္မာ ဆိုတာတွေနဲ့ ပတ်သက်ပြီး အားလုံးကို ခြုံငုံမိတဲ့အဖြေတခု ရလာပါလိမ့်မယ်။အဲဒီအဖြေကိုပေးနိုင်ဘို့ မရှိ မဖြစ်လိုတဲ့ အရာကတော့ ဖြစ်ပျက်ကိုသိဘို့ပါပဲ။တညပေါ့ဗျာ။လေ့ကျင့်ခန်းဆင်းပြီး ကျုပ်အိပ်ရာထဲ ပက်လက် လှဲနေလိုက်တယ်။အိပ်တော့ မပျော်သေးဘူး။ အိပ်တော့မဲ့ ဆဲဆဲ စပ်ကူးမတ်ကူး အချိန်လေးမှာပေါ့ဗျာ။
(ဆက်လက်ဖော်ပြပါမည်။)
(ရုပ်ပုံ။ ။ ဂူဂဲလ် )
စားသောအခါ ရှုမြင်နည်းအကျဉ်း
စားသောအခါ၌ ထမင်းလုတ်ကို ပြုသောလက်သည် ထမင်းကို ယူသောအခါ ဖြည်းဖြည်း ကလေးယူ။ ယူသော လက်ချောင်းကို ပဓာနမထားနှင့်။လက်ချောင်းကြီးထဲက ပထဝီ၊အာပေါ၊တေဇော၊ ဝါယော ဓာတ်တို့ ဖြစ်ပေါ်ပျက် နေပုံကိုသာ စိတ်က စိုက်ထား။ဤကဲ့သို့ပင် စိတ်ကိုထားရင်းနှင့်ပင် ထမင်းကိုယူ၍ ထိုထမင်းလုတ်သည် ပါးစပ်သို့ ရောက်အောင် တမိနစ်၊နှစ်မိနစ်ခန့် ကြာအောင် ဖြည်းဖြည်း ကလေးယူ။ စိတ်ကိုမူ လက်ထဲမှာပဲထား။ပရမတ် ဆတ်ဆတ်ဖြစ်သော “ခက်မာဖွဲ့စေး ပူအေးထောက်ကန်”ဆိုတဲ့ သဘောကလေးတွေ သူတို့ဘာသာသူတို့ ဖြစ်နေတာတွေကို အပျောက်မခံနှင့်၊ သတိအမြဲရှိစေ။ ထမင်း ကိုပါးစပ်၌ထည့်တုန်းကလည်း သတိမလစ်စေနှင့်။ဒါကြောင့် သတိပဋ္ဌာန်ဟုခေါ်သည်။ဤကား ပရမတ္ထ သဘာဝကျနသော ပရမတ်ကိုမြင်လျက် ရှုနေသော သမ္ပဇညပဗ္ဗ သတိ ပဋ္ဌာန်ပင်တည်း။
သူ့စာကို ကျနော်ဖတ်ပြီးသည်နှင့်တပြိုင်နက် ကိုသက်ခိုင်က စကားဆက်ပြန်ပါသည်။
“အမှန်ဝန်ခံရရင် အဲဒီတုန်းက ပရမတ်တို့၊ပညတ်တို့၊ပထဝီ၊တေဇော၊အာပေါ၊ဝါယောဆိုတဲ့ ဓာတ်ကြီးလေးပါး ဆိုတာတွေလည်း ကျုပ်သေချာမသိသေးတာ အမှန်ပဲဗျ။ဒါပေမဲ့ အဲဒီစာကိုဖတ်ပြီး ကျုပ်နားလည်သလောက် လိုက်လုပ်တယ်။ ကလေးတယောက် လူကြီးစကားနားထောင်သလို လိုက်လုပ်ကြည့်တယ်။ကျုပ်စားတော့မဲ့ ထမင်းလုတ်ကို လက်နဲ့ စထိတာကနေ ပါးစပ်ထဲထည့် ဝါးပြီးမြိုချတဲ့အထိ ကျုပ်သတိနဲ့ လိုက်ကြည့်တယ်။ အသက်ရှူ မှတ်တဲ့အလုပ်ကိုလည်း ကျုပ်ရပ်မထားဘူး။နေ့တိုင်း အချိန်ရတိုင်း လေ့ကျင့်တယ်။ညညဆို တနာရီ ကျော်ကျော်မှတ်တယ်။ လေးလဝန်းကျင်လောက်ကြာပြီးတဲ့ တနေ့မှာတော့ ညဖက်ထိုင်လိုက်တယ်ဆိုရင်ပဲ ဆယ် မိနစ်ဝန်းကျင်လောက်ရောက်တာနဲ့ ကျုပ်ခန္ဓာကိုယ်ကြီးဟာ သံတုံးကြီးတတုံးချထားသလို ငြိမ်သက် တည်မြဲနေ တာကို ကြုံရပါတော့တယ်။တော်တော်ကို အံ့သြဖို့ကောင်းတာကလား။လေကို မှတ်နေရင်း ခန္ဓာကိုယ် ကြီးဟာ မလှုပ်မရှားခိုင်ခိုင်မြဲမြဲ ထိုင်မိနေတာဗျ။လေ့ကျင့်ခန်းလုပ်ခါစကဆိုဗျာ။ခန္ဓာကိုယ်ကို ငြိမ်သက်နေအောင် ကြိုးစား ရတဲ့ဒုက္ခက မသေးလှဘူးဗျ။ခုတော့ သူ့ဖာသာ ငြိမ်နေတယ်ဗျာ။ဒါတင် ဘယ်ကမတုန်း။ ကျုပ်ခန္ဓာကိုယ် ဟာ တခု ခုထူးခြားနေသလိုပဲလို့ထင်မိတာနဲ့ ကျုပ်ဟာမျက်စိမှိတ်နေရင်းနဲ့ ခန္ဓာကိုယ်ရဲ့ရှေ့ပိုင်းကို အာရုံစိုက်ကြည့်လိုက်မိ တယ်။အမယ်၊ကျုပ်ခန္ဓာကိုယ်ထဲကနေ မှန်သားလိုကြည်လင်တဲ့ နောက်ထပ်ခန္ဓာကိုယ်တခု ထပ်ထွက်လာတာကို တွေ့ရသဗျ။အဲသလို ထွက်လာပြီး လင်းနေတဲ့ခန္ဓာကိုယ်ဟာ ဝိုးတိုးဝါးတား မဟုတ်ဘူးဗျ၊သိသိ သာသာကြီးကို ဖြစ်နေတာ။ခက်တာက အဲဒီ အရောင်အလင်းထွက်နေတဲ့ကိုယ်ပွားဟာ တကယ့်မျက်စိနဲ့ မြင်နိုင်တာမျိုးတော့ ဟုတ်ဟန်မတူဘူး။ ကျုပ်ကလည်း အဲဒီအရောင်ကို မျက်စိဖွင့်မကြည့်မိဘူး။ ကျုပ်စိတ်ထဲမှာ အထူးအဆန်းတွေ နောက် လျှောက်လိုက်ချင်တဲ့စိတ် ကုန်နေတာလည်း ဖြစ်နိုင်ပါရဲ့။ နောက်ပိုင်းရက်တွေမှာတော့ ကျုပ်ဟာ လေ့ကျင့်ခန်းတနာရီထိုင်မယ်လို့ ဆုံးဖြတ်လိုက်ရင် ပထမဆယ်မိနစ်လောက်မှာသာ အချိန်ကုန်တာကို သိရပြီး နောက်မိနစ်ငါးဆယ်ဟာ ရုတ်ခြည်း ကုန်ကုန်သွားပါတော့တယ်။ဆိုလိုတာက မိနစ်ငါးဆယ်လောက် အချိန်တွေ အတွင်းမှာ ကျုပ်စိတ်ဟာ တနေရာတည်းမှာ စွဲမြဲငြိမ်သက်နေတာပါပဲ။အဲသလို ငြိမ်သက်နေတဲ့ အချိန်မျိုးမှာ ခံစားရတဲ့ ခံစားချက်ဟာ ဘယ်လိုအရာမျိုးနဲ့မှ ဥပမာပေးလို့မရအောင် အေးချမ်းတာကလား ။ဘာနှိုးစက်မှ ပေးမထားပေမဲ့ တနာရီထိုင်မယ်လို့ အဓိဋ္ဌာန်ပြုထားရင် တနာရီတိတိမှာ ကျနော် သတိပြန်ဝင်လာတတ်တာပါ ပဲ။တနာရီခွဲ၊နှစ်နာရီထိုင်မယ်လို့ ဆုံးဖြတ်ထားရင်လည်း အဲဒီအချိန်အတွင်း ကျုပ်စိတ်မှာ အေးချမ်းပြည့်စုံမှုတခု ကလွဲလို့၊ ဘာခံစားမှုမှ ထူးထူးထွေထွေမရှိပဲ အချိန်စေ့မှ သတိပြန်ပြန်ဝင်လာသဗျာ။ အဲသလို ရက်ပေါင်းများ လာတော့ ကျုပ်စိတ်ထဲမှာ ငါဘာဖြစ်နေတာလဲ။ အဲဒီအချိန်တွေဟာ ဘယ်ကိုရောက်သွားသလဲ ။အဲဒီအချိန်တွေ မှာ ငါဘာလို့ သတိမပြုနိုင်တော့တာလဲ။၊လောကကြီးမှာ အချိန်ကာလကို ချုံ့ပစ်လို့ရနိုင်သလား။ အချိန်ဆိုတာ ကျဉ်းနိုင်ကျုံ့နိုင်သလားဆိုတဲ့ မေးခွန်းတွေ ဆက်တိုက်ပေါ်လာပါတော့တယ်။ဒီမှာတင် ဘယ်ရပ်အုံးမလဲဗျာ။ ဒိထက် အံ့သြဖွယ်အဖြစ်အပျက်တွေဟာ ဆက်တိုက်ဖြစ်ပေါ်လာပါတော့တယ်။ကျုပ်ဟာ ငှက်တကောင်လို လေ ထဲမှာ ပျံတက်သွားတော့မလားလို့တောင် ခံစားလာရပါတော့တယ်။ခင်ဗျား သေချာနားထောင်ပါ။ ဒါတွေကို ခင်ဗျားယုံစေချင်တဲ့ဆန္ဒ ကျုပ်မှာမရှိပါဘူး။စဉ်းစားချင့်ချိန်နိုင်ဘို့ တွေးခေါ်မျှော်မျှင်နိုင်ဘို့ပြောနေခြင်းသာ ဖြစ် တယ်။ကျုပ်ကိုလည်း အထင်မကြီးပါနဲ့။ကျုပ်ပြောနေတဲ့ အကြောင်းအရာတွေ ဆုံးတဲ့အခါ ဘိုးတော်၊ရုက္ခစိုး၊ နတ် ဗြဟ္မာ ဆိုတာတွေနဲ့ ပတ်သက်ပြီး အားလုံးကို ခြုံငုံမိတဲ့အဖြေတခု ရလာပါလိမ့်မယ်။အဲဒီအဖြေကိုပေးနိုင်ဘို့ မရှိ မဖြစ်လိုတဲ့ အရာကတော့ ဖြစ်ပျက်ကိုသိဘို့ပါပဲ။တညပေါ့ဗျာ။လေ့ကျင့်ခန်းဆင်းပြီး ကျုပ်အိပ်ရာထဲ ပက်လက် လှဲနေလိုက်တယ်။အိပ်တော့ မပျော်သေးဘူး။ အိပ်တော့မဲ့ ဆဲဆဲ စပ်ကူးမတ်ကူး အချိန်လေးမှာပေါ့ဗျာ။(ဆက်လက်ဖော်ပြပါမည်။)
(ရုပ်ပုံ။ ။ ဂူဂဲလ် )