.

ယနေ့ထုတ်နှင်းဆီဖြူဂျာနယ်မှ ။ ။

အပြားလွန်သောကမ္ဘာ

(မင်းဒင်)

(၁)
ဝုန်းကနဲ၊ဝုန်းကနဲအရှိန်ပြင်းပြင်း၊အဆက်မပြတ်ရိုက်ခတ်လိုက်တဲ့ခေတ်စနစ်
လှိုင်းလုံးကြီးတွေကြောင့်၊ ကမ္ဘာကြီး ဟာ၊ပြားချပ်သွားပြီတဲ့ဗျ။ ကမ္ဘာပြားသီအိုရီ၊အသေးစိတ်ကို၊ကျုပ်လည်းသိပ်တော့နားမလည်လှပါဘူး၊

ကမ္ဘာကြီးအပြားဖြစ်အောင်ခတ်လိုက်တဲ့လှိုင်းတွေကလည်းကိုးခုဆိုလား။
ဆယ်ခုဆိုလားပဲဗျာ။အဲဒီအကြောင်းရေးထားတဲ့၊ကမ္ဘာပြားပြီဆိုတဲ့၊
နာမည်ကြီးစာအုပ်တစ်အုပ်ဟာနိုင်ငံတကာမှာကော၊ပြည်တွင်းမှာပါ
သိပ်အရောင်းသွက်ခဲ့သတဲ့။ခေတ်ပညာတတ်လေးများ၊
လက်ဖက်ရည်ဆိုင်နဲ့အရက်ဆိုင်တွေမှာဆုံမိကြပြီဆိုရင်ကမ္ဘာပြားပြီ၊
ကမ္ဘာပြားပြီဆိုပြီး၊အာပေါင်အာရင်းသန်သန်၊အပြန်အလှန်အချီအချ၊အားတက်သရောထောက်ခံဆွေးနွေးလိုက်ကြတာ မကြားချင့်အဆုံး။

ကျုပ်လည်းကမ္ဘာပြားတယ်ဆိုတာကြားကာစမှာ၊ ရုတ်တရက်အံ့အားသင့်ခဲ့မိတာအမှန်ပဲဗျ။အေးလေ၊ ငယ် ငယ် တုန်းက သင်ခဲ့ရတဲ့ ကျောင်းစာထဲမှာ“ကမ္ဘာကြီးသည်လိမ္မော်သီးကဲ့သို့
လုံးဝန်းသောသဏ္ဌန်ရှိ၏” ဆိုတာ ကိုပဲ ကျုပ်စိတ်ထဲစွဲနေသကိုး။
အာ၊ခင်ဗျားနှယ်၊ဒုံးဝေးပါဘိ။ ကမ္ဘာလုံးကြီးဟာနံပြားလို၊မုန့်လေပွေလို၊ တကယ် တမ်းပြားချပ်သွားတာတော့ဘယ်ဟုတ်ပါ့မတုန်း။

နည်းပညာတွေမြင့်မားလာ၊ခေတ်စနစ်တွေပြောင်းလာတော့ကမ္ဘာကြီးတခုလုံးဟာ ရွာဖြစ်လာပြီး၊ ဆက်သွယ်ရ ချိတ်ဆက်ရလွယ်ကူလာတဲ့သဘောပေါ့။ကမ္ဘာ့မြောက်ဖျားက
သတင်းကိုတောင်ဖျားမှာရှိတဲ့သူက၊ စက္ကန့်မဆိုင်း သိနေကြ၊ကမ္ဘာ့အရှေ့ပိုင်းကနေ၊အနောက်ပိုင်းကိုရွှတ်ကနဲရွှတ်ကနဲ
ခရီးပေါက်နေကြတဲ့ခေတ်ကြီးကိုရောက်နေပြီဆို ပါတော့။ဒါကြောင့်ကမ္ဘာကြီးဟာ၊သိပ်ကျဉ်းသွားပြီး
ကမ္ဘာပြားသွားတယ်လို့တင်စားကြတာပေါ့ဗျ။

အေးဗျာ။ ကမ္ဘာကြီးဟာဒီလောက်ပြားပြီးကျဉ်းသွားလိမ့်မယ်လို့၊ကျုပ်ဖြင့်စိတ်ကူးတောင် မယဉ်ခဲ့မိပါဘူး။ဒါပေမဲ့ အခုတော့ကမ္ဘာကြီးပြားပြီးကျဉ်းသွားတာအမှန်ပဲဗျာ။ မယုံမရှိနဲ့ဗျ၊ကျုပ်ကိုယ်တွေ့။

(နှစ်)
ကြာတော့လည်းကြာခဲ့ပါပြီ။လွန်ခဲ့တဲ့ဆယ့်ငါးနှစ်ဝန်းကျင်ဆိုပါတော့။
အဲဒီတုန်းက၊ကျုပ်ဟာ ရန်ကုန်၊လမ်းမတော် ဘုန်းကြီးလမ်းမှာ၊ကုမ္ပဏီရုံးခန်းတစ်ခုဖွင့်ထားတဲ့အချိန်ပေါ့။
တစ်နေ့သား၊ညနေငါးနာရီသာသာလောက်မှာကျုပ်နဲ့တပည့်ကျော်နှစ်ယောက်
ရုံးစောစောဆင်းလာကြသဗျ။ရုံး အောက်လည်းရောက်ရော၊ ကျုပ်နဲ့တမြို့နယ် တည်း သား၊ဆိုးဖော်ဆိုးဘက်ကိုဖေစံဆိုတဲ့၊မိတ်ဆွေတစ်ယောက်နဲ့လှေခါးရင်းမှာ
ပက်ပင်းဆုံမိနေပါလေရော။ သူက ကျုပ်နဲ့ မတွေ့ရတာကြာလို့အလွမ်းပြေဝင်လည်တာဆိုပဲ။

တကယ်တော့ကိုဖေစံကြီးဟာ ကျုပ်ထက်အသက်လေးငါးနှစ်လောက်ကြီးပြီးပျော်ပျော်နေတတ်တဲ့လူစုံကြီးဗျ။
အသက်သာလေးဆယ်ကျော်တယ်၊အိမ်ထောင်မကျနိုင်သေးတဲ့လူပျိုကြီး။
ပန်းချီဆွဲတယ်၊သီချင်းရေးတယ်၊သီချင်းဆိုတယ်၊ဟိုးတခေတ်တခါက
သီတင်းကျွတ်တန်ဆောင်တိုင်ပွဲတော်တွေမှာ၊အရပ်စင်တင်ဇာတ်တွေကခဲ့ဖူးတယ်၊
အဲ၊ဘာတခုမှ၊လောက်လောက်လားလားဖြစ်မလာတာကတော့ခြွင်းချက်ဆိုပါတော့ဗျာ။
ကိုဖေစံကြီးဟာ၊ခင်စရာလွှတ်ကောင်းတာတော့အမှန်ပဲဗျ။
လူချင်းမဆုံဖြစ်ခဲ့တာလည်းအတော်ကြာလှပေါ့။

ဒီတော့ကျုပ်လည်း၊ကိုဖေစံကြီးကို ရုံးပေါ်ပြန်တက်ပြီး ဧည့်ထောက် ခံမနေတော့ပဲ၊ကြုံတဲ့ဆိုင်တစ်ဆိုင် ဆိုင် မှာဝင်ပြီး ပြုစုလိုက် မဟဲ့ဆိုတဲ့အတွေးနဲ့ ယာဉ်မောင်းတင်ထွန်းကိုဖယ်ခိုင်း၊ကိုဖေစံကိုရှေ့ခန်းမှာတင်၊ ကားကို ကျုပ်ကိုယ်တိုင်ဝင်မောင်းရင်း၊ကိုဖေစံနဲ့ရှေးဟောင်းနှောင်းဖြစ်တွေ၊
တံထွေးစင်အောင်၊စကားဖောင်ဖွဲ့ဖြစ်ကြတာပေါ့ဗျာ။

သူ့စကားကိုယ့်စကားတဝါးဝါးပွဲကျရင်း၊ဦးဝိစာရအဝိုင်းနားရောက်လာတော့၊ကျုပ်က၊

“ကဲ၊ကိုဖေစံ။ဘယ်ဆိုင်ကြိုက်သတုန်း၊ပြောသာ ပြောအားမနာနဲ့”လို့လည်းမေးလိုက်ရော၊
သူက ကျုပ်ကိုပြုံးဖြီးဖြီးမျက်နှာပေးနဲ့ “သြော်၊ ဆရာရယ်မတွေ့ တာလည်းကြာပြီဆိုတော့၊ဆရာခံစားဖူးတဲ့စည်းစိမ်လေးတွေ၊
တပည့်တို့လည်း ခံစားဖူးတယ် ရှိအောင်ခံစားချင်တာပေါ့ဗျာ” တဲ့။

“ဒါဆိုကျနော်ခင်ဗျားကိုရွှေဘထမင်းဆိုင်မှာညစာကျွေးပါ့မယ်”လို့ဆိုလိုက်ရော၊
သူက “ဟ၊ဟုတ်မလိုလိုနဲ့ အတော်ညံ့တဲ့ငါ့ဆရာပါလား၊အင်း၊ဆရာသမားဆိုတော့
အိပ်ချင်ယောင်ဆောင်တာလည်းဖြစ်နိုင်ပါတယ်လေ”တဲ့။
ကိုဖေစံ့စကားကို၊ရိပ်စားမိသလိုလိုရှိပေမဲ့၊ကျုပ်စိတ်ထဲမှာနည်းနည်း
၊ဇဝေဇဝါဖြစ်သွားတာတော့အမှန်ပဲ။ဒါနဲ့ကျုပ်က ကိုဖေစံ့ မျက်နှာကို စူးစမ်းသလိုအကြည့်မျိုးနဲ့ ပြန်ကြည့်လိုက်ပြီး၊နောက်မှာတပည့်ကျော် နှစ်ယောက်ပါ နေတာကို မျက်နှာ ရိပ်မျက်နှာကဲပြလိုက်တော့၊

“ဟာ၊ ဒါမျိုးမကြိုက်တဲ့သူဘယ်ရှိမလဲဆရာ၊တပည့်တွေက ကြောက်လို့မပြောရဲ တာသာရှိ ပေ မပေါ့”တဲ့၊

လုပ်ပြန်ရောဗျာ။
နေဦးဗျ။အတူပါလာတဲ့ကျုပ်တပည့်ကျော်နှစ်ယောက်အကြောင်းပြောရအုံးမယ်။
ကျုပ်လက်စွဲတော်ယာဉ်မောင်းကတင်ထွန်းတဲ့။
အသက်သုံးဆယ်မပြည့်သေးတဲ့ဟိန္ဒူကုလားလေးပါပဲ။
လူပုံကသာညောင်ညိညိ၊မခုတ်တတ်တဲ့ ကြောင်ဒီဇိုင်းပေမဲ့၊မိန်းမကိစ္စမှာတော့ဇက မသေးလှဘူး။ တခါတုန်းကဒလဖက်မှာ တွေ့ခဲ့တယ်ဆိုတဲ့ ကလေး မလေးတစ်ယောက်နဲ့ငြိပြီး၊လက်ထပ်ဖို့စကားလွန်တယ်ဆိုလား။
တင်ထွန်းမိန်းမငိုကြီးချက်မနဲ့ ကျုပ်ဆီပေါက်ချ လာပြီးပုဏ္ဏားတိုင်လုပ်လို့ ကျုပ်ဝင်ရှင်းပေးခဲ့ရဖူးပါလေရဲ့။

ဌေးညွန့်ုဆိုတဲ့ မောင်ကတော့၊စစ်တပ်ထဲက ထွက်လာတဲ့ကွန်မန်ဒိုတပ်သား ဟောင်း၊သူလည်းကျုပ်ရှေ့မှာသာ ကုတ်ချောင်း ချောင်းပုံစံဖမ်းနေတာ၊အမှန်တော့ဌေးညွန့်ဟာ၊ ဘယ်နေရာမဆိုကွန်မန်ဒိုစစ်စစ် ယမ်းဘီလူး ဆိုတာသူ့ဆရာပီပီလူကြောနပ်တဲ့ကျုပ်ကသိနေတယ်။တကယ်တမ်းတော့ ကျုပ်ကိုမော်မကြည့်ရဲ တဲ့တပည့်တွေ ဟာ၊ကိုဖေစံတောင်းတဲ့အခွင့်အရေးမျိုးကို ကျုပ်ဆီမှာတိုက်ရိုက်တောင်းဖို့ဆိုတာ စိတ်တောင် ကူးရဲကြရှာ တာမဟုတ်ပါဘူး။ကားနောက်ခန်းမှာငြိမ်ကုတ်နေကြလေရဲ့။

(သုံး)
ကျုပ်လည်းပိုသေချာသထက်သေချာအောင်
“ကိုဖေစံကြီး၊ခင်ဗျားတကယ်ပြောတာနော်”လို့ ထပ်ပြီး တောက် ကြည့် လိုက်တော့ “ဒါဟာနောက်စရာမှမဟုတ်တာ”တဲ့။သေချာပါပြီ။လူပျိုကြီးဟာ ဒီနေ့ကျမှ၊ ဘာစိတ်ကူး ပေါက်ပြီး မာတုဂါမဘက်ကိုစိတ်ယိုင်နေပါလိမ့်။

အေးဗျာ။ဖြစ်ချင်တော့အဲဒီရက်ပိုင်းမှာကျုပ်လည်းဝင်ငွေ
အတော်ဖြောင့်နေတာကြောင့်၊ပြုရခဲတဲ့ဒါနပါရမီကိုဖြည့်လိုက်အုံးမဟဲ့ဆိုပြီး၊
အလောင်းတော်ဝေသန္တရာထုံးနှလုံးမူလို့၊ဘယ်အလှူခံပုဂ္ဂိုလ်ကိုမဆို၊
လှူဖွယ်ပစ္စည်းမရွေး၊ အလှူကြီးပေး၊ ပြီး၊စွန့်ခြင်းကြီး၊ကြီးစွာပြုလိုက်ချင်စိတ်က ထူးထူးခြားခြားထက်သန်နေ သဗျ။

ဒါနဲ့“ကဲ၊ကိုဖေစံတို့ပျော်ချင်ရင်ပျော်ပေတော့၊လိုတာကျနော့်တာဝန်ထား၊
လှူဖွယ်ပစ္စည်းကိုတော့၊ကိုယ့်နည်းကိုယ့်ဟန်နဲ့သာစီစဉ်ကြပေရော့”လို့ဆိုပြန်တော့၊
ဒါမျိုးက ကိုယ့် ဆရာဦးဆောင်စီစဉ်ပါမှ၊ဒါနခန်းမြောက်ပေမပေါ့”

ဆိုပြီး၊မြားဦးကိုကျုပ်ဆီလှည့်ပြန်သဗျ။ မှန်ရာကိုဝန်ခံရရင်ဒီကိစ္စမျိုးတွေ
ကိုကျုပ်လုံးလုံးလျားလျား မကင်း ပေမဲ့၊ မခုတ်တတ်တဲ့ကြောင်လို၊ခြေပုန်းခုတ်လေ့ရှိတာမို့၊တပည့်တွေနဲ့လက်ရည်တပြင်တည်း၊ နှီးဒေါင်းလန်း တွေနဲ့ဝိုင်းဖွဲ့ကာ၊စားကြသည်မောင် ဆိုတာမျိုးကိုတော့၊ဘယ် သောအခါမှ အိပ်မက်တောင်မမက်ခဲ့ဖူးပါဘူးဗျာ။

သို့သော်ငြား၊ထူးခြားစွာစိတ်ကောင်းဝင်နေတဲ့ကျုပ်ဟာ
၊ပေါက်တဲ့နဖူးမထူးတော့ပါဘူးလေ၊ဆိုတဲ့အတွေးနဲ့ ဒါနခန်းကိုဆုံးခန်းတိုင်စေဖို့ဆုံးဖြတ်လိုက်ရပါတော့တယ်။

အင်း၊ကိုဖေစံတို့ကံကြီးပုံများ၊ကျုပ်မောင်းလာတဲ့ကား
၊ရွှေဘထမင်းဆိုင်မရောက်ခင်လေးမှာပဲ၊ပလက်ဖောင်းပေါ်မှာ၊
မခို့တရို့ရပ်နေတဲ့၊ခပ်ရွယ်ရွယ်အမိုက်စားမြာလေးတပွေကိုလှမ်းတွေ့ပါလေရော။
ဒါမျိုးတွေဒီနေရာမှာကျက်စား တတ်တာမို့၊လွှတ်အကင်းပါးတဲ့ကျုပ်လည်း ကားကိုပလက်ဖောင်းဘေးကပ်၊ အရှိန်လျှော့မောင်းရင်း၊ “ညည်း ဘယ်သွားမှာတုန်း”နိဒါန်းအစချီပြီး၊ယောက်ျားကောင်းတို့တတ်အပ်သော
အဌာရဿတစ်ဆဲ့ရှစ်ရပ်ထဲက၊ကေတုတည်း ဟူသောသံတမန်အတတ်ကိုထုတ်သုံးပြီး၊ မိတ်ဖွဲ့လိုက်တာ ရွှေဘထမင်းဆိုင် အထိပါလာ ရောဆို ပါတော့။ကလေးမလေးဟာတကယ့်ရည်ရည်မွန်မွန်မို့၊အဲဒီအစားထဲကလို့ထင်ရက်စရာ မရှိပါဘူး။သူ့အသက်ဟာ ရှိလှ အသက်နှစ်ဆယ် ကျော်ပေါ့။

ကျုပ်ဟာဒင်းတို့တဖွဲ့လုံးကို ရွှေဘစားသောက်ဆိုင်မှာ၊
အရက်ဘီယာ၊အမြည်းနဲ့ထမင်းပါမကျန်စေတနာဗလဗွနဲ့ ဝေဿန္တရာလက်မြောက်အရှုံးပေးလောက်ရအောင်၊ဧည့်ခံကျွေးမွေးပြီးတဲ့သကာလ၊လိုမယ်ထင်တဲ့ငွေပါထုတ်ပေးပြီး ကြွလိုရာကြွကြပေတော့လို့၊ဘေးမဲ့ပေးလိုက်ရောပေါ့ဗျာ။
ဒါပေမဲ့၊ဒါပေမဲ့ဗျာ။ဇာတ်လမ်းက၊ကျုပ်ထင်သလို
မြန်မြန်တစခန်းမရပ်ပြန်ဘူးခင်ဗျ။ကိုဖေစံက “ဟာ၊ဆရာဒီလိုတော့မျက်နှာလွဲခဲပစ်မလုပ်နဲ့ လေ၊ပို့မဲ့ပို့ကူးတို့ ရောက်အောင်ပို့မှပေါ”တဲ့။ကောင်းကြ ရောပေါ့ဗျာ။

(လေး)
အတိုချုံ့ရရင်ဒင်းတို့နဲ့လိုက်ဖို့ဝေးစွခြောက်ပါး။သောက်ချင်စားချင်စိတ်မရှိတဲ့အပြင်
အိမ်ပြန်ချင်စိတ်ကဲနေတဲ့ကျုပ်ဟာ၊ဖြစ်ချင်ရာဖြစ်ပါစေတော့နားအေးရင်ပြီးရော
ဆိုတဲ့စိတ်နဲ့၊ရုံးခန်းသော့ကိုကိုဖေစံ့လက်ထဲအပ်ပြီး၊ တစ်ယောက် တည်းအိမ်ပြန်ချလာ လိုက်တော့တာပါပဲ။ဒါပေမဲ့ဗျာ။

ဟုတ်ပါ့ဗျာ။ကျုပ်ဇာတ်လမ်းဟာ ဒါပေမဲ့တွေနည်းနည်းတော့များတယ်။သည်းခံပြီးသာနားထောင်ပေတော့။ကျုပ် အိမ်ပြန်ရောက်လို့၊ခဏအမောဖြေ၊ရေမိုးချိုးမယ်ကြံကာရှိသေး။လက်ကိုင်ဖုန်းသံမြည်လာသဗျ။ကြံရာမရတဲ့လေသံနဲ့ဆက်လာတာက ကိုဖေစံပဲဗျာ။

“ဆရာ့တပည့်တွေကြည့်လုပ်ပါအုံးဆရာရယ်၊လူကြီးကိုလူကြီးမှန်းမသိ၊ သူတို့အရင်လှုပ်ရှားမယ်ဆိုပြီး ဇွတ်အရေးဆိုနေကြသတဲ့။

ဒီတော့ကျုပ်လည်း၊အိမ်ကလူတွေသိကုန်ရင် သောက် ကျိုးနည်းရချည့်ရဲ့ဆိုတဲ့အတွေးကြောင့်၊ စိတ်ရှည်ရှည်ထားပြီး၊အာယုအသက်အားဖြင့်ကြီးသူကို၊ဦးစားပေးသင့် ကြောင်း၊တပည့်ကျော်တွေနားဝင်အောင်၊တရားချလိုက်ရတာပေ့ါ။

နောက်ထပ်တနာရီလောက်အကြာ၊ကျုပ်ထမင်းစားနေတုန်း၊
ဖုန်းသံမြည်လို့၊ထပ်ကိုင်မိပြန်တော့၊မောင်မင်းကြီး သားဌေးညွန့်အသံ။ “အေး။ဌေးညွန့်ငါပါ၊ဘာဖြစ်နေလို့တုန်း၊ပြော”ဆိုတော့၊

“ဆရာရယ်၊တပည့်ကိုစိတ်မဆိုး ပါနဲ့ဆရာ။တပည့်တောင်းပန်ပါတယ်။ဆရာ့ကိုဖေစံကြီးခု ထက်ထိထွက်မလာသေးဘူး”တဲ့။

တော်တော့ကိုအာရုံနောက်ရတဲ့အဖြစ်ပါလားဗျာ။ကျုပ်လည်း
ကျုပ်အိမ်ကလူတွေမရိပ်မိအောင်၊ “အေး၊အေး၊ နောက်ထပ်ဆယ့်ငါးမိနစ်လောက်သည်းခံလိုက်ကွာ၊
အဆင်ပြေသွားမှာပါ”ဆိုပြီး၊အလုပ်ကိစ္စ တစ်ခုကို
အမိန့်ပေး ချင်ယောင်ဆောင်လိုက်ရပြန်သဗျ။

ဒါတင်ဘယ်ပြီးမလဲဗျာ။ကျုပ်တီဗီရှေ့မှာတရုတ်ကားပေါင်ချိန်
ဇာတ်လမ်းတွဲကြည့်မယ်ကြံတုန်း၊တင်ထွန်းရဲ့ခွေး နာလောက်ကိုက်တဲ့ညောင်နာနာအသံဖုန်းထဲကပေါ်လာပြန်ရော။
ဆရာ၊ဆရာ့တပည့်တင်ထွန်းပါဆရာ။ “ကိုဌေး ညွန့်အခန်းထဲမှာအိပ်ပျော်နေပြီထင်တယ်။ဆရာကြည့်ပြောပါအုံး”တဲ့။

ကျုပ်ရင်ထဲမှာ ဒေါသကအလိပ်လိုက် တက် နေပြီပေါ့ဗျာ။ဒါပေမဲ့ အရပ်ရပ်နေပြည်တော်ကြားလို့မှမတော်တာအသာထား
၊ယောက္ခမကြီးများရိပ်မိလို့က တော့ကျုပ်ရဲ့မရှိတဲ့သိက္ခာတပြားသားမှမကျန်ပဲ၊
အရှက်ဗြန်းဗြန်းကွဲရမှာမို့၊တင်ထွန်းကိုလေပြေထိုးပြီး၊ “အေးပါကွာ၊ ဒါမျိုးက သိပ်ဆန္ဒမစောရဘူး။နည်းနည်းလေးစိတ်ရှည်လိုက်”ဆိုပြီး ဖုန်းထဲကနေ ချွေးသိပ် ရပြန်ရောဗျာ။
ဒီလိုနဲ့ ပေါင်ချိန်ဇာတ်လမ်းရဲ့အထွဋ်အထိပ်နောက်ဆုံးတရားစီရင်ခန်းကိုရောက်တဲ့အချိန်မှာ မြည်လာတဲ့ဖုန်းသံ ကတော့၊မင်းသမီးရဲ့အသံခင်ဗျ။

“အန်ကယ့်တပည့်ကိုကြည့်ပြောပါအုံးအန်ကယ်။ကျမကိုရိုက်မယ်ပုတ်မယ်ဆိုပြီး ခြိမ်းခြောက်နေတယ်”တဲ့။ဘယ်သူတုန်းဆိုတော့တင်ထွန်းတဲ့။ကောင်းကြရောပေါ့ဗျာ။
ဒါနဲ့တင်ထွန်းကိုဖုန်းပေးစမ်းဆိုပြီး၊ဟေ့ကောင်၊နေရာတကာလက်ရုံးအားမကိုးနဲ့။င့ါအကြောင်းမင်းသိတယ်နော်လို့ ကျန်ကျောင်းလေသံနဲ့ကြိမ်းလိုက်ရပြန်ရော။

(ခြောက်)
ဇာတ်လမ်းကတော့မသန်းပဲဗျို့။အဲဒီတစ်ညလုံးကျုပ်တမှေးမှ မအိပ်ခဲ့ရပါဘူး။ကလေးမလေးဘေးမှာခွေပြီး အိပ် ချင်တဲ့သူရွေးချယ်ပေးရတဲ့ကိစ္စ၊နှစ်ကျော့ပြန်သုံးကျော့ပြန်လှုပ်ရှားချင်ကြတာကို
ကလေးမလေးက အင်တင်တင် လုပ်နေတဲ့ပြဿနာ၊စတဲ့ ပြဿနာပေါင်းသောင်းခြောက်ထောင်ကို ခိုင်ဖုန်းတရားရုံးလို၊ ညလုံးပေါက်ဖွင့်ပြီး၊ ငုတ်တုတ်ထိုင်ဖြေရှင်းလိုက်ရတာ ပေါင်ချိန်သာမြင်ရင်၊မတ်တတ်ကနေ၊ ဘုန်းကနဲတောင်လဲသေ သွား လောက်ပါရဲ့။နောက်ဆုံး မိုးစင်စင်လင်းတော့မှ ကိုငွေစံကြီးရဲ့ ကိုယ့်ဆရာကျေးဇူးကြီးလှပေပါရဲ့ဆိုတဲ့ မှတ်ချက်နဲ့ အဲဒီတခန်းရပ်ပြဇာတ် နိဂုံးတိုင်ပြီလို့ ကျုပ်ထင်ခဲ့တာပေါ့။

ဒါပေမဲ့ဗျာ။နောက်သုံးလလောက်အကြာ၊တခုသောမနက်ခင်းမှာ၊
ကျုပ်ရုံးသွားဖို့အိမ်ရှေ့ကကားဆီလျှောက်လာတုန်းဗြုန်းဆို၊မိန်းကလေးတစ်ယောက်က၊ အန်ကယ်။သမီးကိုမှတ်မိတယ်နော်။သမီးဟိုဖက်တိုက်ကအခန်း နံပတ်တရာ့ခြောက်ကိုပြောင်းလာတာ၊အန်ကယ်လိုတာရှိရင် သမီးကိုပြော၊
အားမနာနဲ့နော်တဲ့။

အမလေးလေး၊အရပ်ထဲမှာဘုရားတကာရှုံးအောင်၊သိက္ခာသမာဓိအပြည့်နဲ့နေခဲ့တဲ့ ကျုပ်ဟာ၊နွေခေါင်ခေါင် မိုးကြိုးအပစ်ခံရသလိုဖြစ်သွားလေရဲ့။ ဒါနဲ့ဣနြေ္ဒမပျက်လေသံမှန်မှန်လေးနဲ့

အေးအေး၊ညည်းလည်းလိုတာရှိရင် ပြော၊လိမ်လိမ်မာမာနေနော်၊ဘာညာဘာညာနဲ့ချော်လဲရောထိုင်လိုက်ရသဗျာ။ကျုပ်စိတ်ထဲမှာ သူပြောတဲ့ အခန်း နံပတ်တရာ့ခြောက်ဆိုတာ စကားလိမ်များဖြစ်နေသလား၊ကြံဖန်စဉ်းစားလိုက်မိသေးတယ်။

နောက်ပိုင်းတော့၊သူပဲတစ်ခြားတစ်နေရာပြောင်းသွားလေသလား၊ကျုပ်ပဲ ကံကြီးလွန်းလို့ သူကလေးနဲ့ထပ်မဆုံ တော့လေသလားမပြောတတ်တော့ပါဘူး။ကျုပ်ဖူးခက်ကိုပြောင်းလာတဲ့အထိ အဲဒီကလေးမလေးနဲ့မဆုံဖြစ်တော့ ဘူးဆိုပါတော့။

(ခုနစ်)
ဟမ်၊ကျုပ်ပြောနေတာ ကမ္ဘာပြားတာနဲ့ဘာဆိုင်လို့တုန်းဟုတ်လား။ဆိုင်ပါသော်ကောဗျာ။
ကျုပ်ဖူးခက်ရောက်ပြီး တနှစ်လောက်အကြာ၊ကျုပ်မိတ်ဆွေဧရာဝတီသားကလေး ဂျိုးခေါ်ကျော်ကျော်ခိုင်တစ်ယောက်မန်နေဂျာလုပ်နေတဲ့
ဖူးခက်မြို့မရဲ့နာမည်ကျော်အွန်အွန်(On On)ဟိုတယ်ကို တမနက်သားအလုပ်ကိစ္စတစ်ခုတိုင်ပင်စရာရှိလို့ ရောက်သွား သဗျ။ဟိုတယ်လှေခါးကနေ မင်းကတော်အိုက်တင်နဲ့ခေါင်းမော့ပြီး၊ခပ်ကျော့ကျော့ဆင်းလာတဲ့ ခပ်ရွယ်ရွယ် အမျိုးသမီးဟာ၊ ကျုပ်ကိုလည်းမြင် ရော၊မင်္ဂလာစုံတွဲထီပေါက်တဲ့ဝမ်းသာအားရလေသံနဲ့ ဟယ်၊ အန်ကယ်၊ ထူးဆန်းလိုက်တာအန်ကယ်ရယ်။ လက်စသတ်တော့ အန်ကယ်က ဖူးခက်ကိုရောက်နေတာကိုး၊ ဒါကြောင့် သမီးနဲ့မတွေ့တာကိုးတဲ့။

သူ့ဘေးမှာလည်းနေကာမျက်မှန်အနက်နဲ့ဗမာပြည်ကဘောစိတစ်ကောင်ထင်ပါရဲ့။
ကျုပ်လည်းဟန်မပျက်ဣနြေ္ဒ ဆယ်ပြီး၊မာကြောင်းသာကြောင်းဟိုအကြောင်းဒီအကြောင်း
၊ရောယောင်ပြီတော်ကီပွားလိုက်ရတာပါပဲ။သြ၊ ကမ္ဘာပြားတာကို ခင်ဗျားမယုံနိုင်သေးဘူးပေါ့။

အဲဒီကလေးမလေးဟာ၊ကျုပ်ရဲ့ဖေ့စ်ဘွတ်အကောင့်ကို
ဘယ်ကဘယ်လိုခြေရာခံမိတယ်မဆိုနိုင်ဘူး။ဒီမနက်ပဲ။
ကျုပ်ဖေ့စ်ဘွတ်ရဲ့မက်ဆေ့ဘောက်မှာအန်ကယ်၊
အခုသမီးဘန်ကောက်မှာနေတယ်၊ဘန်ကောက်ရောက်ရင်
သမီးကိုအကြောင်းကြားနော်။ဘာကိစ္စရှိရှိ အားမနာနဲ့၊သမီးကိုပြောဆိုပြီး
လာရေးထားပြန်လေရဲ့။ နဂိုကမှ ကိုယ့်လိပ်ပြာ ကိုယ်မလုံတဲ့ကျုပ်ဟာ၊ လိုအပ်တာရှိရင်ပြောပါဆိုတဲ့ သူ့စကားကို ရှေ့ဆက်မတွေးရဲတာအမှန်ပဲဗျာ။

ဒီကလေးမလေးကိုအထင်သေးတဲ့စိတ်ကျုပ်မှာလုံးလုံးမရှိပါဘူးဗျ။
ကျုပ်ပြောချင်တာကကမ္ဘာကြီး ပြားသွားချက် ကတော့၊နံပြားလောက်တင်မကမုန့်လေပွေတို့၊ရေမုန့်တို့
အရှုံးပေးရလောက်အောင်ကိုပြားကပ်သွားခဲ့ပြီဆိုတာကိုပါပဲ။

အေးပါ၊အေးပါ၊အခုတော့ခင်ဗျားက ကျုပ်စာကိုဖတ်ပြီးပြုံးဖြီးဖြီးလုပ်နေပေမပေါ့။
တစ်ခုတော့သတိပေးထားမယ်နော်။ကိုယ့်ကိုယ်ကိုဟုတ်လှပြီ၊
ဆိတ်ကွယ်ရာရပြီဆိုတဲ့အတွေးနဲ့စိတ်လွတ်ကိုယ်လွတ်ထင်တိုင်းကြဲမယ်လို့တော့ မကြံလိုက်ပါလေနဲ့။

ကျုပ်လိုအကြောင်းခြင်းရာခေါင်းစဉ်တူနဲ့မဟုတ်တောင်၊ ခင်ဗျားရဲ့လက်လွတ်စပယ်၊အပြုအမူတခုခုဟာခင်ဗျားဆီစက္ကန့်မဆိုင်းပဲ၊ဝုန်းဒိုင်းဆိုပြန်ရောက်လာကာမှကျုပ်ပြော တာမှန်လိုက်လေခြင်း၊ကမ္ဘာကြီးပြားသွားပြီဆိုတာ ဟုတ်လိုက်လေခြင်းလို့ညည်းချင်းချမှာမြင်ယောင်သေးဗျာ။ ။

၁၄။၀၃။၂၀၁၅နေ့ထုတ် ဆဲဗင်းဒေးနေ့စဉ်သတင်းစာမှ ။ ။

ရှင်ဘုရင်မဆပ်၊ပြည်သူကသာဆပ်ရမည့်နိုင်ငံတော်ကြွေးမြီများနှင့်ကျွန်ုပ် ။
(မင်းဒင်)

(တစ်)
ကျဲကျဲတောက် ပူပြင်းနေ သော ဖူးခက်နေသည် စတီးလင်ပန်းကို မီးမောင်းတို့စုပြုံထိုးထားသည်နှင့်သာတူတော့၏။ အစဉ်သဖြင့် နွေမပီ၊ ဆောင်းပျောက်၊ ကွက်ကျားမိုးသာ တစ်နှစ်ပတ်လုံး တောက်လျှောက်ရွာလေ့ရှိသော ဖူးခက်တွင် သည်တစ်နှစ်တော့ ဖြင့် နွေသည် လူတွင်ကျယ်လုပ် လျက်ရှိ၏။ ပူပြင်းလွန်းလှသည် ကြောင့် ဝယ်သူပါးနေသည့် ဈေး ဆိုင်ငယ်အတွင်း၌ ငုတ်တုတ်ထိုင် နေသော ကျွန်ုပ်သည်ပင် ချွေးဒီး ဒီးကျလျက် နံပြားဖိုထဲတွင် ဝင်ထိုင်နေရဘိသကဲ့သို့ ခံစားရချေသည်။

အပူဒဏ်ကိုခံစားနေရင်း ကျွန်ုပ်ကွန်ပျူတာအင်တာနက် ဖေ့စ်ဘွတ်ခ်ဖြင့် အလုပ်ရှုပ်နေချိန် ၌ တပည့်ကျော်သုံးဦးသည် သမံ တလင်းပေါ်တွင် ကျောခင်းလျက် ဖုန်းကိုယ်စီပွတ်ရင်း အပူဒဏ်ကို ရင်ဆိုင်ကျော်လွှားနေကြလေ၏။ ထိုစဉ် ထိုင်းခွေးဝဲစားတစ်ကောင် သည်လည်း ဆိုင်ရှေ့အမိုးစွန်း အောက်တွင် ခိုဝင်မှေးစက်ရင်း သူ့နည်းသူ့ဟန်ဖြင့် အပူဒဏ်မှ လွတ်အောင် တိမ်းရှောင်လျက်ရှိ လေသည်။

သို့ရှိကြစဉ် ဆိုင်အနီးရှိ တစ် ခုသောကော်ဆန်းဆိုက် (ပန်းရန် လုပ်ငန်းခွင်)မှ ဖြစ်ဟန်တူသည့် မိန်းမပျိုတစ်ဦး ဆိုင်တွင်းသို့ ဝင် လာလေရာ သူ့ပုံပန်းကိုကြည့်ခြင်း ဖြင့် ကျွန်ုပ်ကဲ့သို့ပင် အညာမျိုး အညာဆက်ဖြစ်ဟန်ရှိ၏။ ‘‘ဦးလေးဦးချိန်တီရှိလားတော့’’ သေချာပေ ပြီ။ တစ်နယ်တည်းသားရိုးရိုးအအ တောသူတောင်သားများမို့ ကြုံ တုန်းသတိပေးရပေဦးတော့မည်။ ‘‘ဦးလေးဦးချိန်တီတော့မရှိဘူး ဟေ့ ဦးကြီးဒင်ပဲရှိတယ်။ ရော့.. ရော့ ဦးချိန်တီ ဒါနဲ့ ညည်းတို့လည်း အကြွေးကိစ္စမေ့မနေကြနဲ့ဦးနော်’’

‘‘ဟောတော့.. ကျုပ်ဦးကြီးဆိုင်မှာ ကြွေးမယူတတ်ပါဘူး တော်။ ဦးကြီးလူမှားနေပြီထင် တယ်’’ ‘‘မမှားပါဘူးဟ။ ကျုပ်ဆိုင်ကိုပေးရမယ့် အကြွေးလို့လည်း မဆိုလိုပါဘူး။ ကဲပါလေ။ ဒီညစားသောက်ပြီးကြရင် နီးစပ်ရာလူတွေခေါ်ပြီး အိမ်ဘက်လျှောက် ခဲ့ကြဦး။ အကြွေးကိစ္စလေးတိုင် ပင်ကြရအောင်’’။ ထူးခြားလှသည့်ကျွန်ုပ်၏အမှာစကားကြောင့် ဖုန်းပွတ်နေသော ကပ္ပလီတစ်ယောက် ကျွန်ုပ်အားပေစောင်းပေ စောင်းနှင့် ကြည့်လျက်ရှိလေ၏။

(နှစ်)
ထိုင်းစစ်တပ်အာဏာသိမ်းမှု၏ နောက်ဆက်တွဲဆိုးကျိုး ကြောင့် ထိုင်းတစ်နိုင်ငံလုံးစီးပွားရေးကာလနာတိုက်လျက်ရှိရုံမျှ မက ဖူးခက်မြို့မရှိ ကျွန်ုပ်၏ ဈေးဆိုင်ငယ်ကလေးပါကျီးနှင့် ဖုတ်ဖုတ်ဖြစ်လျက်ရှိ၏။ ဈေးဝယ်သူဟူ၍ တစ်နာရီကြား တစ်ယောက် ခန့်သာပေါ်လာတတ်လေသည်။ သည်တစ်ကြိမ်တွင် ရွှေပန်းငေါက် တောက်နှင့် ၂ နှစ်သားကလေး ငယ်ကိုခါးထစ်ခွင်ကာ ပါးတွင် သနပ်ခါးဘဲကျားဖြင့် ဝင်လာသူ မှာ မွန်မကလေးမိဟံသာဖြစ်လေ သည်။

‘‘အစ်ကိုကြီး သူငယ်နာပေါင်း ချုပ်ရှိလားရှင့်’’ ကျွန်ုပ်လည်း မိဟံ သာအလိုရှိရာကိုထုတ်ပေးရင်း တိုင်းပြည်နှင့် လူမျိုးအကျိုးအလို့ ငှာ သတိပေးစကားဆိုရပြန်သည်။

‘‘ဟဲ့.. မိဟံသာ၊ ညည်း ကလေးတစ်တုံးတစ်ခဲကြီးတယ်ချစ်စရာကောင်းသကိုး။ သူလည်း အကြွေးဆပ်ရမယ့်သူစာရင်းမှာ ပါနေတယ်နော်။ ဒီကလေးဟာ မြန်မာငွေငါးသိန်းအကြွေးဆပ်ရ မှာကွဲ့’’ ‘‘ကျွန်မယူတဲ့အကြွေး ကျွန်မပဲဆပ်ရမှာပေါ့ အစ်ကိုကြီး ရယ်။ ကျွန်မသားလေးကိုဆွဲ မထည့်ပါနဲ့။ အကြွေးမရောင်းဘူး ဆိုရင်လည်း နေပါစေတော့’’

‘‘အာ.. ညည်းနှယ် နားဝေး ချက်။ ငါ့ဆိုင်အကြွေးကိုပြောနေ တာမဟုတ်ဘူးလေကွယ်။ ညည်း တို့တစ်မိသားစုတည်းဆပ်ရမယ့် အကြွေးလည်းမဟုတ်ပါဘူးလေ။ ကဲ.. ကဲ.. ဒီည ညည်းယောကျာ်း တင်ထွန်းနဲ့ ကျုပ်အိမ်သာကြွခဲ့ပေ တော့။ တစ်ယောက်ချင်းရှင်းပြနေ ဖို့ အချိန်မရှိဘူးကွဲ့’’ မိဟံသာတစ် ယောက် ခါးထစ်ခွင်မှ အတန်ငယ်လျှောကျနေသော သားတော်မောင်ကို ခါးအထက်ပိုင်းသို့ ဇောင့်ခနဲ မြှင့်တင်လိုက်ရင်း ဆိုင်တွင်းမှ ခြေလှမ်းခပ်ကျဲကျဲဖြင့် ပြန်လည်ထွက်ခွာသွားချိန်တွင် ခပ်လှမ်းလှမ်း၌ဖုန်းပွတ်နေသော ဖေကြည်ငယ်သည် ကျွန်ုပ်အားမျက်စောင်းခဲကြီး   ထိုးလျက်ရှိကြောင်း ကျွန်ုပ်ကောင်းစွာရိပ်မိသိရှိ၏။

(သုံး)
နောက်ထပ်တစ်နာရီခွဲမျှ အကြာတွင် စံပလော (သုံးဘီး ဆိုင်ကယ်)နှင့် ချွေးသံရွှဲလျက် ဆိုင်တွင်းသို့ဝင်လာသူကား ဖူး ခက်မြို့မဈေးအနီးမှ လက်ဖက် ရည်ဆိုင်ပိုင်ရှင်ကလေးညီညီနိုင် ဖြစ်ချေသည်။ သူကား ကျွန်ုပ်၏ ဆိုင်မှ မြန်မာပစ္စည်းများကို လက် ကားဝယ်ယူကာ ၎င်း၏ လက်ဖက် ရည်ဆိုင်တွင် လက်လီပြန်လည် ရောင်းချနေသူတည်း။

‘‘ဒီမယ်။ မောင်ညီနိုင်လေးရဲ့ အကြွေးဆို တာ သံသရာအထိပါသွားရင် မကောင်းဘူးနော်’’

စိတ်ဆတ်ဟန် ရှိသာ မောင်ညီနိုင်သည် ဆတ်ခနဲ တွန့်သွားကာ ချက်ချင်းဆိုသလို ခွန်းတုံ့ပြန်၏။

‘‘ခင်ဗျားစွပ်စွပ်စွဲစွဲ မပြောနဲ့ဗျာ။ အကြွေးစာရင်းစာ အုပ်သေချာလှန်ကြည့်လိုက်လေ’’
ဒီမျက်နှာက သောက်ကြွေး ယူစားတဲ့မျက်နှာလားဗျာ။ ခင် ဗျားကျုပ်အကြောင်းသိတယ် နော်။ ညီနိုင်တဲ့ တစ်နိုင်တည်းရှိ တယ်’’

‘‘ဟိုး.. ဟိုး.. ဟိုး.. ဒေါသ မကြီးပါနဲ့မောင်ရယ်။ ကျုပ်ပြော တဲ့အကြွေးဆိုတာ မောင်ရင်နဲ့ ကျုပ်အကြားကအကြွေးကို မဆို လိုဘူးကွဲ့။ မြန်မာတစ်ပြည်လုံးနဲ့ ဆိုင်တဲ့ အကြွေးဆိုပါတော့။ ကဲ ပါ.. ကဲပါ.. မောင်ရင့်ဆိုင်လာ သမျှ မြန်မာတိုင်းကိုသာ မောင်း ခတ်လိုက်ပေတော့။ ဒီညကျုပ် အိမ်မှာ မြန်မာ့အကြွေးဆိုင်ရာရှင်း လင်းပွဲရှိလေရဲ့’’

ညီညီနိုင်တစ် ယောက် သူအလိုရှိရာပစ္စည်းကို စင်အသီးသီးပေါ်မှာဆောင့်ကြီး အောင့်ကြီးဆွဲချကာ စံပလောပေါ် ပစ်တင်ရင်း ဝူးခနဲနေအောင်ပြန် မောင်းထွက်သွားချိန်တွင်မူ တပည့်ကျော်လေမင်းသားထံမှ အသံထွက်လာခဲ့လေသည်။

‘‘ဘယ့်နှယ် မြင်မြင်သမျှလူ အကြွေးလျှောက်တောင်းနေကြ သတုံးဆြာ။ ညီညီနိုင်က လူမိုက် နော်။ ကြည့်လည်းလုပ်နော်။ တော်ကြာ လက်သီးစာမိပြီး
ကျော်မကောင်းကြားမကောင်းဖြစ်ကုန် ပါ့မယ်ဗျာ’’

‘‘အေး.. မင်းတို့မလည်း ဖေ့စ် ဘွတ်ခ်ပေါ်မှာ ဗဟုသုတဖြစ်မယ့် သတင်းမျိုးကျတော့ ဆုံးအောင် ဖတ်မယ် စိတ်မကူးဘူး။ အားအား ရှိ ဇွန်သဉ္ဇာ့ဥစ္စာကိုပဲ ထပ်ချည်းတလဲလဲပွတ်နေကြ’’

ဆြာ့ဘာသာ ဇာတ်ရှုပ်နေတာ။ တပည့်တွေကို ဘလိုင်းကြီးလာမရမ်းပါနဲ့လေ။ အခုပွတ်နေတာ ဇွန်သဉ္ဇာမဟုတ်ဘူး။ ထက်ထက်ဝင့်ဆြာရဲ့’’

‘‘အေးပါ။ ဟုတ်ပါပြီ။ နင်တို့ ဘာသာ ဘယ်သူပွတ်ပွတ်၊ ဆပ်ရ မယ့်အကြွေးကတော့တစ်ယော က်ကို   မြန်မာငွေငါးသိန်းပဲမောင် ရေ့။ နင်တို့လည်း လမ်းသလား မယ်မကြံနဲ့။ ဒီညဆြာ့အိမ်မှာ အကြွေးသတင်းရှင်းလင်းပွဲရှိ တယ်။ အခုကတည်းက ရေသန့် ဘူးတွေပြေးဝယ်ပြီး ဧည့်ခံကြိုဆို ရေးအတွက် ပြင်ဆင်ကြတော့လ ဟဲ့’’

တပည့်ကျော်သုံးဦးပါးစပ် အဟောင်းသား၊ ပြူးကျယ်သော မျက်လုံးဝိုင်းများဖြင့် ယောင်နန ဖြစ်နေကြချိန်တွင် ကျွန်ုပ်သည် ကား ယနေ့ညရှင်းလင်းရမည့် အကြွေးကိစ္စနှင့်ပတ်သက်၍ စေ့ စပ်သေချာစွာတင်ပြနိုင်ရန် အွန် လိုင်းဂျာနယ်အသီးသီးမှ နောက် ဆုံးရသတင်းအဖုံဖုံကို အာဂုံနှုတ် တက်ဆောင်နေရချေသည်တမုံ့။

(လေး)
အိုက်စပ်စပ်ညချမ်းပင်ဖြစ် သော်ငြား ကျွန်ုပ်၏အိမ်တွင် လူစုံ နေခဲ့ပြီ။
စက်ဘီး၊ ဆိုင်ကယ်၊ ခြေ လျင်နည်းလမ်းအသွယ်သွယ်ဖြင့်
စိတ်ဝင်တစားအားတက်သရော လာရောက်ကြသည်ဖြစ်ရာ
အစုံ လွန်၍ ဧည့်ခန်းပင်မဆံ့။ ထို့ နောက်တွင်ကား တစ်ခြံလုံးလူ ပြည့်၏။ နောက်ထပ်ရောက်လာ သောဧည့်ပရိသတ်ကို လမ်းထိပ်မှ ဆီး၍ နှင်မထုတ်လျှင် ဖူးခက်လူ ကုန်သိန်းဂဏန်းချီ၍ တက်ရောက် ကြပေလိမ့်မည်။ ဤမျှများပြားလှ သော လူအုပ်ကြီးကို ထိုင်းပုလိပ် နှင့် စစ်တပ်၊ အထင်လွဲမှား၍ လာ မဝိုင်းမီ မြန်မာ့ကြွေးမြီအကြောင်း ဖူးခက်ရောက်မြန်မာရွှေ့ပြောင်း လုပ်သားတို့အား တိုတိုနှင့်လိုရင်း ရောက်အောင် ကျွန်ုပ်ရှင်းပြရချေ သည်။

‘‘ဒီလိုကွဲ့.. မောင်တို့ရဲ့။ ဒီနေ့ ရနောက်ဆုံးသတင်းမှာ မြန်မာ နိုင်ငံရဲ့ ၂၀၁၁-၂၀၁၂ ဘဏ္ဍာနှစ်ယာယီစာရင်းတွေအရ ပြည်ပကြွေးမြီတိုးရင်းပေါင်းဟာ အမေရိကန်ဒေါ်လာသန်းပေါင်းတစ် သောင်းခွဲကျော် ပြည်တွင်းကြွေး မြီစုစုပေါင်းဟာ မြန်မာကျပ်ငွေသန်းပေါင်းသန်းတစ်ရာနီးပါးရှိ နေသတဲ့။ အဲဒီပြည်တွင်း၊ ပြည်ပကြွေးမြီတွေကိုစုပေါင်းပြီး ကျုပ်တို့နိုင်ငံလူဦးရေသန်းငါးဆယ်ကျော် နဲ့ သင်္ချာနည်းအတိုင်းစားကြည့် လိုက်ရင် မြန်မာနိုင်ငံသားတစ်ဦး ချင်းစီအနေနဲ့ ပြန်ဆပ်ဖို့တာဝန် ရှိတဲ့ အကြွေးဟာ မြန်မာငွေကျပ် ငါးသိန်းနီးပါးရှိနေလေရဲ့။ ဖူးခက်ရောက် တို့မြန်မာတွေလည်း မြန်မာနိုင်ငံသားတွေပဲမို့ တိုင်း ပြည်ရဲ့အကြွေးကို ဝိုင်းဆပ်နိုင် အောင် ကြိုတင်ပြင်ဆင်ထားသင့် တာပေါ့။ နောက်ပြီး..

‘‘တော်တော့ဗျာ။ တော်တော့။ နောက်ပြီး မလုပ်နဲ့။ ဆြာဒင့်စကားကို အခုပဲ ရပ်လိုက်ဗျ။ ဘယ့်နှယ်ဗျာ ရွာမှာရှိတဲ့ ယာပေါင်၊ လမ်းစရိတ်လုပ်ပြီး ဖူးခက်မှာ ကျွန်လာခံပါတယ်ဆိုမှ ခပ်ရိုင်းရိုင်းပြောရရင် ကန်တော့ပါရဲ့။ တစ်တိုင်းပြည်လုံးပြည်ပထွက်ပြီး ဖာခံရမယ့်ကိန်းဆိုက်နေပြီဗျ’’

မဟုတ်မခံ ညီညီနိုင်၏ မကျေမချမ်းသံနောက်တွင်ကား တက်ရောက်လာကြသူများ၏ ဒေါသအိုး ပေါက်ကွဲသံတို့မှာ ကုလားသိုက်ကျားဝင်ကိုက်သလို တစ်ခြံလုံးပွက်လောရိုက်ကုန်လေ တော့သည်။

(ငါး)
‘‘ဒီအစိုးရဇာတ်ရှုပ်ချက်က တော့ကွာ။ ကျုပ်တို့အိမ်မှာ မိသားစုငါးယောက်ဆိုတော့ သိန်း အစိတ်တောင်ဆပ်ရမယ်ပေါ့’’

‘‘ကျုပ်တို့က ထိုင်းကိုရောက် နေတာလေဗျာ။ တစ်ပြားတစ်ချပ် သုံးရဖို့နေနေသာသာ မမြင်ဖူး၊ မကြားဖူးလိုက်တဲ့ အကြွေးကို ဘယ့်နှယ်လုပ်ဆပ်ရမှာတုံး။ အံ့ဩပါရဲ့ဗျာ။

‘‘အီသီယိုးပီးယား ဆိုလား၊ အငတ်ဘေးဆိုက်ခဲ့ဖူးတဲ့ နိုင်ငံထက်တောင် ကျုပ်တို့နိုင်ငံ က ဆင်းရဲသေးသတဲ့၊‘ဟော.. အခု လူကြားမကောင်းသူကြား မကောင်းကြွေးစာရင်းတက်လာ ပြန်ပြီ။ တော်တော်သောက်ရှက် နည်းတဲ့အစိုးရကွာ’’

‘‘ဖြစ်မှဖြစ်ရ လေ။ ဖူးခက်မှာ ပန်းရန်လာလုပ် ရင်း ကိုယ့်တဲထဲကိုယ်နေတာ တောင် အလိုလိုနေရင်း အကြွေး လာတင်သတဲ့။ ဒီလောက်တောင် သုံးစားမရတဲ့ အစိုးရကို ပြုတ်ကျ အောင်မဖြုတ်နိုင်ကြတော့ဘူး လားကွာ’’

‘‘ဒင်းတို့အစဉ်အဆက် ခိုးဝှက်ထားသမျှ ကျုပ်တို့သန်း ခြောက်ဆယ်ငထွားတွေက ခါးနာ ရမယ့်ကိန်းပေါ့။ သေချင်းဆိုးမယ့် ကောင်တွေ’’

‘‘ဒီကောင်တွေ ဆင်း ပေးမယ်သာပြောဗျာ။ အက်ဒမန် ပင်လယ်ထဲမှာ ဓားပြတိုက်ပြီး ကြွေးဆပ်မယ်’’

‘‘တစ်ပြည်လုံးက သယံဇာတတွေပြောင်အောင်။ ထုတ်ရောင်းထားတဲ့ငွေတွေဘယ် ရောက်ကုန်ပြီတုံး’’

ဖူးခက်ရောက် မြန်မာလုပ်သားတို့၏ ပေါက်ကွဲ သံစဉ်ကို ပြည့်စုံစွာဖော်ပြရလျှင် ဘုတ်အုပ်ထူကြီးတစ်အုပ်ဖြစ် လောက်လေ၏။ ပြင်းထန်လှ သော ဒေါသတကြီးကြုံးဝါးသံတို့ ကြောင့် ဘေးခြံများမှ သတင်းပို့ လေသလောမဆိုနိုင်။ အဝေးဆီမှ အဆက်မပြတ်ခပ်သဲ့သဲ့ကြား လာရသည့် ထိုင်းရဲကား ဥဩသံ ကြောင့် ကျွန်ုပ်၏ ခြံတွင်းရှိ လူ အုပ်ကြီးမှာ အလျှိုအလျှိုကိုယ် ပျောက်ကုန်ကြချိန်တွင် တပည့် ကျော်ကပ္ပလီသည် ကျွန်ုပ်အပါး သို့ ကပ်လာကာ စပ်စုပြန်၏။

‘‘ဒါနဲ့ ဒီနိုင်ငံတော်ရဲ့ ကြွေးမြီအပေါ်မှာ ဆြာ့အနေနဲ့ ဘာများမှတ်ချက် ပေးချင်ပါလိမ့်ဆြာ’’

(ခြောက်)
စင်စစ် ကျွန်ုပ်အနေဖြင့် ယင်းကြွေးမြီကိစ္စနှင့်စပ်လျဉ်း၍ ဖွင့်ဟ ပြောဆိုလိုသည့်    အကြောင်း အချက်များစွာရှိပါ၏။ သို့သော်.. ပြောစရာ စကားရှာမတွေ့တော့ သည်ဖြစ်၍ တပည့်ကျော်အား ရွှေပြည်အေးတရားတစ်ခွန်းကို သာ ဟောလိုက်ရပေသည်။

‘‘ကိုယ့်တိုင်းကိုယ့်ပြည်ကို တကယ်ချစ်တယ်ဆိုရင်ဖြင့် ဝိုင်း ဆပ်ကြရုံပေါ့မောင်တို့ရာ။ ခက် နေတာ တိုင်းပြည်ကို ချစ်လှပါ ချည်ရဲ့ဆိုတဲ့ မောင်တို့ဟာ ကြွေး ဝိုင်းဆပ်ရမယ်ဆိုတာလည်းကြား ရော တီကောင်ကိုဆားနဲ့တို့သလို ပါပဲလေ’’

ကျွန်ုပ်၏စကားကိုအတည် ဟု မှတ်ယူလေသလောမဆိုနိုင်။ ကပ္ပလီငယ်၏ မီးဝင်းဝင်းတောက် မတတ်ရှိသော မျက်လုံးအစုံမှ ထိုးလိုက်သည့်မျက်စောင်းသည် နဂါးသာဆိုလျှင်ဖြင့် ထိုနေရာ တွင်ပင် ကျွန်ုပ်ချက်ချင်းပြာကျ လောက်ချေသည်တကား။    ။

၁၆မတ်လ၊၂၀၁၅နေ့ထုတ် ဆဲဗင်းဒေးနေ့စဉ်သတင်းစာ မှ။ ။

ကျွန်ုပ်၏လေပုန်းသည်၊စီကေနှင့်ချန်နယ်တို့ကဲ့သို့၊လွန်စွာသင်းပျံ့သောမွှေးရနံ့ရှိ၏။

(မင်းဒင်)

(တစ်)

ဆိပ်ဖလူး ပန်းရနံ့တို့ သင်းပျံ့သော ညတစ်ညဖြစ်လေသည်။ ယိုးဒယားပြည် အမ်မခန် အရပ်မှ တစ်ခုသော ခြံဝင်းကျယ်ကြီး အတွင်းရှိ ကျွန်ုပ်၏ စံအိမ်မှာ ညဉ့်အမှောင်တွင် တစ္ဆေကြီးတစ်ကောင် ငုတ်တုတ် ထိုင်နေသည်နှင့် တူလှ၏။ ပူအိုက်လွန်းလှသည်ဖြစ်သောကြောင့် ကျွန်ုပ်၊ ကပ္ပလီ၊ လေမင်းသားနှင့် ဖေကြည်ဆြာတပည့်လေးယောက်သား အိမ့်အပြင်မှ အုတ်ခုံငယ် တစ်ခုတွင်အတွေးကိုယ်စီဖြင့် ည၏ အလှကို ခံစားလျက်ရှိချိန် ဖြစ်လေသည်။ မဝေးလှသော အက်ဒမန်ပင်လယ်တွင်းဆီမှ မြစ် ဖျားခံလာဟန်ရှိသည့် လေပြည် ညင်းသည် တသုန်သုန် ဖြူးလျက် ရှိရာ ကျွန်ုပ်တို့ကို ကလူကျီစယ် ဆော့ကစားနေဟန်တည်း။

ကျွန်ုပ်သည် မြူမှောင်ကင်း လျက် ၀င်းဝင်းပပသာနေသည့် လမင်းကြီးကို ငေးမျှော်ရင်း ဟော လိဝုဒ်မင်းသမီးကြီး ဆိုဖီယာ လောရင့်နှင့် လွန်စွာဆင်တူလှ သော ငယ်ချစ်ဦးကို ရော်ရမ်းမှန်း ဆတမ်းတနေမိချိန်တွင် တပည့် ကျော်သုံးဦးသားမှာ လေလာရာ ဖင်ပေး၍ အေးအေးလူလူ အပန်း ဖြေနေကြလေသည်။

ထိုသို့ ရှိကြစဉ် နံနက်ခင်းဆီက ကျွန်ုပ် အ၀လွှေးခဲ့သော ပဲပြုတ်နှင့် ချဉ်ပေါင်ရွက်ကြော်သည် မမျှော်လင့်ဘဲ တန်ခိုးပြလာသည် ထင့်။ ၀မ်းတွင်းမှ အတန်ငယ် ရစ် လျက်နာလာလေ၏။ သတိကို မပြတ်ကပ်လျက် တပိုတပါးသွား ရန် လိုအပ်နေပြီလောဟု ဆင်ခြင် မိသည့်အခါတွင်လည်း ရေအိမ် ဆီပြေးရမည့် အနေအထား မဟုတ်ပြန်ချေ။

သို့သော် သေချာလှသောအချက်မှာ ကျွန်ုပ်လေလည်ချင်သလိုလို ခံစားမိလာရ ခြင်းဖြစ်၏။ တပည့်များနှင့် ဝေး ရာသို့ခွာလျက် လေပုပ်ကိုထုတ်ရန် ကြံစည်နေဆဲမှာပင် ယင်းလေသည်ထွက်ပေါက်ရှိရာသို့ အလျင်အမြန်တိုးဝှေ့လေရကား အောင့်အည်းခြင်းငှာ မစွမ်းသာတော့ သည်ဖြစ်၍ ဣနြေ္ဒမပျက်တင်ပါး ကို အသာကြွကာ အလိုက်သင့် လမ်းဖွင့် ပေးလိုက်ရပေတော့ သည်။

အဆိုပါ လေပုန်းသည် တပည့်များ မကြားလောက်သည့် တိုးညင်းသော အသံဖြင့် ပြင်ပသို့ ရောက်ရှိကာ ဆိပ်ဖလူးရနံ့နှင့် ပေါင်းဖက်မိလေ၏။

အဆိုပါ ဖြစ်စဉ်အား ကာယ ကံရှင်ဖြစ်သော ကျွန်ုပ်အနေဖြင့် အသေးစိတ် သိရှိပါသော်ငြား ကျွန်ုပ်ကဲ့သို့ သိက္ခာသမာဓိအ ပြည့်ရှိသည့် ပုဂ္ဂိုလ်တစ်ဦးအနေ ဖြင့် တပည့်တို့အကြား လေလည် မိခြင်းအား အမှန်အတိုင်းဝန်ခံရန် ရှက်နိုးလှသည်ဖြစ်ရကာ ရုတ် ခြည်းပေါ်ထွက်လာသည့် တင်္ခဏု ပ္ပတ္တိဉာဏ်ဖြင့် လိမ္မာပါးနပ်စွာ ဖုံး ကွယ်ရန် အားထုတ်လိုက်ရလေ သည်။

‘‘ဟ ကောင်တွေ၊ ဘယ်လို အနံ့ကြီးပါလိမ့်ကွာ။ ဒီဆိပ်ဖလူး နံ့ဟာ ချိုအီအီနဲ့ တစ်မျိုးကြီးပါ ကလား’’

(နှစ်)

ဆိပ်ဖလူးရနံ့နှင့် လုံးဝကွဲ ပြားခြားနားလျက် ထောင်းခနဲထ လာသော အနံ့ဆိုးကြီးကို ရုတ်တ ရက် ရှူရှိုက်မိနေကြပြီးဖြစ်သည့် တပည့်ကျော်တို့၏ မျက်နှာကား ဘီလူးသံပရာသီးကိုက်မိသည့် နှယ် မဲ့ရွဲ့ရှုံ့တွလျက် တစ်ယောက် မျက်နှာတစ်ယောက် အပြန်အ လှန်ကြည့်ကာ တရှူးရှူးနှာခေါင်း ရှုံ့ကြလျက် လက်သည်တရားခံ အစစ်ကို စူးစမ်းရှာဖွေရင်း မကျေ မချမ်းရေရွတ်ကြကုန်၏။

‘‘ဆိုးလိုက်တဲ့ အနံ့ ဘာတွေ များ မျိုဆို့ထားပါလိမ့်’’

‘‘ဒါဟာ လူကြားထဲမှာ မဆင်မခြင် ဖင်သရမ်းတာပဲ’’

‘‘မဟုတ်မှလွဲရော ဒီအီးမျိုး ဟာ မသေခင်ပုပ်နေတဲ့ လူဆီက လာတာပဲ ဖြစ်ရမယ်’’

တပည့်တို့ထံမှ ထွက်ပေါ် လာသော အသံမျိုးစုံကြောင့် အ ချိန်မီ ၀န်မခံလိုက်ခြင်းသည်ပင် လျှင် မှန်လေစွဟု ကျွန်ုပ် နှလုံး ပိုက်မိ၏။ ဤမျှ ဆိုးရွားလှသော အနံ့သည် ကျွန်ုပ်ထံမှ ထွက်ပေါ် လာခဲ့ခြင်းဖြစ်ကြောင်း ဂနသေ ချာစွာ သိကြပါမူ ယခုအချိန်တွင် မဟာအရှက်တော်ကွဲနေလောက် လေပြီ။

သို့သော် ကျွန်ုပ်နှင့် ၎င်း တို့သုံးဦးတည်ရှိရာ လေတင်လေ အောက်အနေအထားနှင့် ကျွန်ုပ်ပဲပြုတ်ကြိုက်တတ်သည်ကို ကောင်းစွာသိရှိကြသော တပည့်ကျော် သုံးဦးသည် လက်သည် တရားခံအစစ်အား အကင်းပါးစွာသိရှိကြဟန်တူ၏။

ဤအချက်ကို ပြောင်စပ်စပ် မျက်နှာပေးဖြင့် ကပ္ပလီငယ်စောင်းမြောင်းရွတ်ဆိုလိုက်သော စာချိုး ကလေးက သက်သေခံလျက်ရှိ၏။

‘‘ပဲကလေးက ဆိမ့်လိုက်တာ ပြောစရာရှိဘူး။ ညအခါ လသာ သာ ကိုယ်တော်သုံးတယ် လေ ပုန်းကမြူး’’

သည်အခြေအနေတွင် ကျွန်ုပ်ပြုံးရယ်လိုက်လျှင် အပြစ် ကို သွယ်ဝိုက်သော နည်းအားဖြင့် ၀န်ခံရာ ရောက်ပေတော့မည်မို့ တည်ငြိမ်စွာ မျက်နှာပိုးသတ်လျက် ခင်းလက်စ မထူးဇာတ်ကိုပင် မှင် သေသေ ဆက်ခင်းရချေတော့ သည်။

‘‘အေးကွာ၊ ဘယ်သူ့လက် ချက်ပါလိမ့်နော်။ အမည်သာ မဖော်နိုင်တာ တစ်ယောက်ယောက်တော့ တစ်ယောက်ယောက်ပဲကွ’’

သံသယဖြစ်ဖွယ်တရားခံ မှာ အာစရိယစာရင်းဝင် ဆြာသ ခင်ဖြစ်နေ၍ လောမဆိုနိုင်၊ တပည့်ကျော်တို့၏ မျက်နှာထားမှာ ‘‘ငါသိပါတယ်သာလိကာရယ်’’ ဟူသော အဓိပ္ပာယ်ဆောင်သည်ကို ကျွန်ုပ်မသိကျိုးကျွန်ပင် ပြုလိုက်ရချေသည်တမုံ့။

(သုံး)

သို့သော် ကံကြမ္မာသည် ကျွန်ုပ်အား မျက်နှာသာမပေးခဲ့ ချေ။

ညဉ့်နက်တော့မည်ဖြစ်၍ ဆြာတပည့်လေးဦးသား ခြံတွင်း မှသည် နေအိမ်အပေါ်ထပ်သို့ ပြန်တက်လာခဲ့ကြပြီး အတူတကွ အိပ်စက်အနားယူကြမည့် အခန်း ငယ်တွင်းသို့ စုပြုံရောက်ရှိချိန် တွင် ကျွန်ုပ်အောင့်အည်းတားဆီး ချိန် မရလိုက်သော ဒုတိယမြောက်လေပုန်းသည်

‘‘ဘူ’’ ဆိုသော အသံကျယ်ကြီးပြုလျက် တစ်ခန်းလုံးကို ဟိန်းထွက်သွားစေ လေတော့သည်။

ကိုယ်ကျိုးဖြင့် နည်းလေပြီ။ အချိန်မီ မထိန်းသိမ်းနိုင်လိုက်ဘဲ လက်ပူးလက်ကြပ် အမိခံလိုက်ရ သော အဖြစ်ကို စိတ်ကသိက အောက်ကြီးစွာ ဖြစ်ရ၏။ သို့လင့် ကစား ကျွန်ုပ်ကဲ့သို့ လူကြီး၊ လူ ကောင်းတစ်ဦးအနေဖြင့် ခေါင်းငုံ့ လည်စင်းဝန်ခံရန် စိုးစဉ်းမျှအ ကြောင်းမရှိသဖြင့် ပါးနပ်စွာ ဆင် ခြေစကားဆိုလိုက်ရလေသည်။

‘‘ကျန်းမာရေးပေါ့ကွာ။ ဒါ ပေမဲ့ မင်းရို့ဆြာရဲ့ လေပုန်းက တခြားသူတွေလို အနံ့မဆိုးလှပါ ဘူးလေ’’

သည်တစ်ကြိမ်တွင်ဖြင့် အ ခန်းကျဉ်းငယ်အတွင်းတွင် အနံ့ ဆိုး၏ ဒုက္ခကို မပြေးသာ မရှောင် သာခံစားကြရလေသည့် တပည့် ကျော်တို့မှာ ခန္တီတရားလက်လွတ် ကာ သည်းခံစိတ်မမွေးနိုင်ကြ တော့ဘဲ ပွင့်အန်ပေါက်ကွဲကုန်ကြ လေတော့၏။

‘‘ဒါတော့ ဆြာဒင် သိပ်လွန် သွားပြီဗျာ’’

ကပ္ပလီငယ်၏ အသံသည် အတန်ငယ်တင်းမာလျက် ရှိ၏။ ထို့ကြောင့် အကောင်းဆုံးဟု ထင် ရသည့် အကြောင်းပြချက်ဖြင့် ကျွန်ုပ်၏ မဆင်မခြင် လေလည် မှုကို ဖာထေးရန် အားထုတ်ရပြန် သည်။

‘‘လောကကြီးမှာ လူမှန်ရင် လေလည်တတ်ကြတာချည်းပါပဲ မောင်ကပ္ပလီရယ်’’

ဤတွင် အလစ်အငိုက် ချောင်းနေသော လေမင်းသား သည် အခါကောင်းကြုံပြီဟု ယူ ဆဟန်ရှိ၏။

‘‘ဒါတော့ ဒါပေါ့။ ဒါပေမဲ့ ဆြာ့လုပ်ပေါက်က လေလည်တဲ့ ကိစ္စလေးကို ရုပ်ပျက် ဆင်းပျက် ဖာထေးနေတာတော့ သဘာဝ မကျလှဘူးထင်တာပဲဗျ။ ဘာတဲ့ ကိုယ့်အီးတော့ ကိုယ်မွှေးသတဲ့’’

‘‘ဟ၊ အကောင်၊ ကိုယ့်အီး ကိုယ်နံတယ် ပြောလို့ ဖြစ်ပါ့ မလား။ ငါလိုလူမျိုးဟာကိုယ့် နှုတ်က ထွက်တဲ့စကားတစ်ခွန်း ကို ရှေ့နောက်ဆင်ခြင်သင့်တာ ပေါလဟ’’

(လေး)

အိပ်ရာပေါ်တွင် ပက်လက် လှန်ရင်း အလေးအနက် စဉ်းစား နေဟန်ရှိသော ဖေကြည်၏ မှတ် ချက်ကား ကျွန်ုပ်၏ ဒေါသကိုနှိုး ဆွလိုက်သကဲ့သို့ ရှိ၏။

‘‘ဆြာရင်း တပည့်ရင်းတွေ ကြားမှာ ဗြောင်လိမ် ဗြောင်စား လုပ်တာတော့ မကောင်းပါဘူး ဆြာရယ်။ အမှားလုပ်မိတာ လူ့ သဘာဝပါ။ ကိုယ်ပြုခဲ့တဲ့ အမှား ကို မှန်မှန်ကန်ကန် ရဲရဲ ၀ံ့ဝံ့ ၀န်မခံ ရဲတာကမှ ယောက်ျားကောင်း မဆန်၊ သူရဲဘောကြောင်တဲ့ အလုပ်ဆြာရဲ့’

’ဖေကြည်၏ စကားသည် ကျွန်ုပ်၏သိက္ခာ အကြေးခွံကို မညှာမတာ လှန်တွန်းလိုက်သကဲ့ သို့ ဖြစ်လေသည်ကြောင့် ကျွန်ုပ်၏ မဟုတ်မခံ စိတ်ဓာတ်သည်ဟုန်း ခနဲ ထတောက်လေတော့သည်။

‘‘အေးပေါ့ကွာ။ မြေနိမ့်ရာ လှံစိုက်ကြပေါ့။ တပည့်လေးသုံး ယောက်နဲ့ ဆြာကြီးဖြစ်နေရတဲ့ ငါလိုကောင် လေလည်မိတာကို ဆင့်ဥစ္စာအနာလုပ်သလိုရေးကြီး ခွင်ကျယ်ဝေဖန်ကြပေါ့။

မြန်မာ ပြည်မှာ လူကြားမကောင်း သူ ကြားမကောင်း ဖြစ်လာသမျှ ပြဿနာတွေအပေါ် ကာကွယ် ရေးဦးစီးချုပ်ကအစ၊ သမ္မတအ လယ်၊ ပြန်ကြားရေးဝန်ကြီး အ ဆုံး အမြဲလိုလို ဖင်ပိတ်ပြီး ဘူးခံ ငြင်းနေကြတာကိုတော့ မင်းတို့ ဘာတစ်ခွန်းမှ မဟရဲကြဘူး မဟုတ်လား။

မီးလောင်ဗုံးနဲ့ ပစ် တာမှန်တယ်။ နဖူးတည့်တည့် ပစ်တာ တာဝန်အရ။ ဆန္ဒပြလူထု ကို လူမိုက်ငှားရိုက်တာ ဥပဒေနဲ့ ညီတယ်။

တာဝန်ရှိ ရဲမှူးကြီး ကိုယ်တိုင်က ပညာရေးစနစ်ပြင် ဆင်ချင်တဲ့ ကျောင်းသားတွေကို မညှာမတာ ရိုက်နှက်နှိပ်စက်တာ ကိုတောင် အီးယူနည်းအတိုင်း ရိုက်ပါတယ်ဆိုတာတွေကို ဘာ တစ်ခွန်းမှ အသံမထွက်ဘဲ အမြီး ကုပ် ငြိမ်ခံနေကြတာကကော ယောက်ျားကောင်းတွေရဲ့ လုပ် ရပ်လား။ ဖြေကြားစမ်းပါဦးလဟ။
မဟာပညာရှိကြီးတွေရ’’

ဒေါသစွက်နေသာ ကျွန်ုပ်၏ ခုခံလျှောက်လဲ ဖြေရှင်းချက်အဆုံးတွင် အမြင်မှန် အသိတရားရသွားလေဟန် ကိုယ်ချင်းစာ ကရုဏာသက်သည့် အမူ အရာကိုယ်စီဖြင့် လေပြည်ထိုးသည့် မှတ်ချက်အသီးသီးမှာ ကျွန်ုပ်ကျူးလွန်ခဲ့သော လူပုံအ လယ် လေလည်မှုအတွက် ပြစ်မှု မထင်ရှားသဖြင့် အမှုမှ တရား သေလွှတ်မိန့်ချသည်ဟု ကျွန်ုပ်ခံ စားနားလည်မိပါ၏။

‘‘ဟုတ်ပါ့ဆြာရယ်။ ဆြာ့ လျှောက်လဲချက်အတိုင်းဆိုရင် ဆြာ့မှာ အပြစ်လုံးလုံး မရှိပါဘူးလေ’’

‘‘သြော် ဆြာရယ်။ ပြေးကြည့်မှ ဒီဆြာတပည့်တွေ ရှိတာ။ နောက်များဆို လွတ်လွတ်လပ်လပ် ကြိုက်သလိုသာ လေလည်ပါတော့ဆြာ’’

‘‘တကယ်တော့ ဆြာလေ လည်လိုက်ရင် ချန်နယ်တို့၊ စီကေ တို့ ရှုံးလောက်အောင် မွှေးမြလှ ပါတယ်ဆြာ’’

၁၉။၀၃။၂၀၁၅ဆဲဗင်းဒေးနေ့စဉ်သတင်းစာမှ။ ။

ကျွန်ုပ်၊တရုပ်တို့၏ရာဇသံနှင့်ဝါးရင်းတုတ်ကိုင်စစ်သည်တော်များ

(မင်းဒင်)

(တစ်)
တညဉ့်ပတ်လုံး အမြီးကုပ်နေခဲ့သောနေဝန်းနီနီသည်၊အရှေ့အရပ်ဆီမှထွက်ပြူလာကာ
၊လောကဓာတ်တခွင်လုံး ကိုအပူဒဏ်ဖြင့်အနိုင်ကျင့်ရန်ဆင်ကြံကြံနေသည့်
တခုသောနံနက်ခင်း၌၊တပည့်ကျော်လေမင်းသားနှင့်အပေါင်းအပါတသိုက်၊မမျှော်လင့် ပဲ၊ကျွန်ုပ်ထံသို့ပေါက်ချလာကြလေရာ၊ခြံဝတွင်ပက်ပင်းဆုံမိကြ၏။

“အရေးတော်ပုံကြုံပြီဆြာ၊မြန်မာ့သွေးဘယ်လောက်နီတယ်ဆိုတာ၊
ဒင်းတို့သိအောင်ကောင်းကောင်းကြီးအကြောင်းပြရသေးတာပေါ့။
တားမယ်ဆီးမယ်တော့မကြံလေနဲ့”

“အေးပါဟ။မတားပါဘူး။ဒါနဲ့လက်ထဲကကောက်ညှင်းကျည်တောက်ကြီးဟာ ကျုပ်အတွက်များလားဟင်”

“ဒါက၊တရုတ်တွေကိုစပါယ်ရှယ်ကျွေးဖို့ဗျ”

“ကျုပ်သိသလောက်တော့တရုတ်တွေကြိုက်တာအော်ကွေ့ကြည်ပါပဲလေ။
အင်း၊ခေတ်တွေပြောင်းကုန်တော့ တရုတ် တွေကောက်ညှင်းကျည်တောက်ဖက်
လှည့်သွားတာ ကျုပ်ဖြင့်သတိတောင်မထားမိလိုက်ဘူး”

“အာ၊ခင်ဗျားကြီးဟာ၊အတော်ဒုံးဝေးပြီးအမျိုးကိုမချစ်တတ်တဲ့သူပဲဗျ”

“ဟ၊အမျိုးချစ်လို့မိန်းမဖက်ကဟာတွေတဆွေလုံးတမျိုးလုံး၊ကျုပ်အိမ်မှာတင်ကြွေးထားတယ်လေ”

“တိုင်းပြည်နဲ့လူမျိုးအတွက်ပြောနေတာဗျ။ခင်ဗျားကြီးဟာအရေးဟယ်အကြောင်းဟယ်ဆိုရင်၊ဒီလိုပဲဥစ္စာပျောက်သလိုအတိတ်မေ့သလိုရူးချင်ယောင်တာများနေပြီ။ရဲဘော်တို့ မြန်မာ့သွေးဟာနီရဲ့လားဟေ့”

“နီတယ်ဟေ့၊နီတယ်ဟေ့”

အတိုင်အဖောက်ညီလှသည့်အသံတို့ကြောင့်၊
ဓာတ်တိုင်ပေါ်မှတောကျီးကန်းနှစ်ကောင်ပင်ရုတ်ခြည်းလန့်၍ပျံသွားလေသည်။
အတူနေခဲ့သမျှကာလပတ်လုံးခြေသုတ်ပုဆိုးမြွေစွယ်ကျိုးပမာ၊
တရိုတသေဆက်ဆံလေ့ရှိသော၊တပည့်ကျော်လေမင်းသားတယောက်၊ဆြာဖြစ်သူအား၊ခင်ဗျားလုံးချင်းရိုက်ကာထူးခြားစွာဒေါသူပုန်ထနေသည့်အဖြစ်ကြောင့်၊ကျွန်ုပ်ထိတ်ကနဲဖြစ်သွားမိသည်မှာအမှန်ဖြစ်၏။

ထို့ပြင်လက်ရင်းတပည့်လေမင်းသားနောက်တွင်၊သူ့ဘော်ဒါရင်းကွတ်တီယိုဆိုင်စားပွဲထိုးတကျိပ်နီးပါးမျှ၊ကောက်ညှင်းကျည်တောက်ကိုယ်စီကိုင်ဆောင်လျက်၊ညာသံပေးနေကြလေရာ၊ထိပ်တိုက်အခြေအတင်ဖြစ်ရန်မသင့်တော်သည်ကြောင့်၊လေသံအေးအေးဖြင့်၊ကြောက်စိတ်ကိုထိန်းရင်းမျက်နှာချိုသွေးလိုက်ရချေသည်။

“ထိုင်ကြပါဦးမောင်တို့ရ။လူစုလူဝေးနဲ့ဘာများဖြစ်လာကြပါလိမ့်”

(နှစ်)
ဖော်ရွေပျူငှာစွာဖိတ်ခေါ်လိုက်သည့်ကျွန်ုပ်၏နူးညံ့သောလေသံကြောင့်လေမင်းသား၏တင်းမာသောမျက်နှာထားသည်အတန်ငယ်ပြေလျော့သွားဟန်ရှိလေ၏။

“တရုတ်တွေလူဝါးဝနေတာဆြာဒင်သိတယ်မဟုတ်လား”

“နားစွန်နားဖျားတော့ကြားမိသလိုလိုပါပဲ။ပြည့်ပြည့်စုံစုံသိရအောင်ရှင်းပါဦးမောင်ရဲ့”

“လောက်ကိုင်ဘိန်းဓားပြတွေမွှေးတဲ့မီးလေဗျာ။
ကိုးကန့်စစ်ပွဲမှာကြေးစားစစ်သားတွေ၊လက်နက်ခဲယမ်းမီးကျောက်တွေ
အလျှံပယ်ထောက်ပံ့ကူညီနေတဲ့သောက်တရုတ်တွေ၊
အခုသူတို့နယ်မြေထဲဗုံးမှားကြဲမိလို့လူလေးငါးယောက်
သေတာ လေးကိုပုံကြီးချဲ့ပြီးရာဇသံပေးသလေး၊ဘာလေးနဲ့”

“သြော်၊သြော်၊အဲဒီရာဇသံနဲ့မောင်တို့လက်ထဲက၊ကောက်ညှင်း
ကျည်တောက်တွေဘယ်လိုများပတ်သက်နေပါလိမ့်၊ စိတ်မရှိနဲ့နော်”

“အဲဒါကြောင့်ဆြာဒင့်ကိုဒုံးဝေးတယ်ပြောတာပေါ့။
အလောင်းမင်းတရားကြီးလက်ထက်က ယိုးဒယားနဲ့တိုင်းခြား ကိုဝါးရင်းတုတ်နဲ့အောင်နိုင်ခဲ့တာမေ့နေပြီလားဗျ။အခုဒီတရုတ်တွေကိုလည်း ဝါးရင်းတုတ်စာကျွေးပြီး၊မြန်မာ့သွေးကိုပြရမယ်။ဝါးရင်းတုတ်တပ်ချီပြီးပီကင်းကိုဆယ်ရက်နဲ့အပြီးသိမ်းပြမယ်ဆြာ”

တပည့်အပြစ်တင်လျှင်ကျွန်ုပ်ခံရုံသာရှိပါ၏။ဇာတ်ရည်မလည်သည်ကားအမှန်။

“ဇာတိမာန်ကိုတော့လေးစားပါရဲ့ကွာ။ကောက်ညှင်း
ကျည်တောက်ကိစ္စနားမရှင်းသေးတာတော့အမှန်ပဲဟ”

“လေလုံးထွားနေတဲ့တရုတ်တပ်တွေကိုရင်ဆိုင်ချေမှုန်းရာမှာ
အသုံးပြုမဲ့ဝါးရင်းတုတ်တွေလိုတယ်လေ။ဒါကြောင့်အဆက်အသွယ်ကောင်းပြီး
လူရည်လည်တဲ့ဆြာဒင့်ဆီရောက်လာကြတာ။
ဒီကောက်ညှင်းကျည်တောက်တွေကတော့ ၊လိုအပ်နေတဲ့ဝါးရင်းတုတ်တွေရဲ့အရွယ်အစားသိရအောင်နမူနာအဖြစ်ယူလာတာဆိုပါတော့”

တည့်တည့်ပြောသည့်အခါကျွန်ုပ်ကောင်းစွာနားရှင်းလေပြီ။

“သြ၊ဒီလိုလား။ဝါးရင်းတုတ်လေးငါးဆယ်ချောင်းတော့
ဘယ်နေရာကောက်ကောက်အလွယ်လေးပါမောင်ရာ”

“မဟုတ်သေးဘူးလေဆြာ၊ဖေ့စ်ဘွတ်ပေါ်မှာရှိနေတဲ့၊မြန်မာ့တပ်မတော်အမာခံနေဝန်းနီအင်အားကိုထည့်တွက်လိုက်ရင်ဝါးရင်းတုတ်ပေါင်း သန်းနဲ့ချီပြီးလိုမှာဗျ”

ကျွန်ုပ်နှင့်လေမင်းသားစကားအမျှင်မပြတ်သေးခင်မှာပင်၊ခြံဝသို့
ထပ်ရောက်လာကြသူ များကား၊ဖေကြည်နှင့်၊ ၎င်း၏နောက်လိုက်ပန်းရံလူကြမ်းတသိုက်တဒါဇင်ခန့်ဖြစ်ချေ၏။သူတို့သည်လည်းမတ်တတ်တံမြက်စည်းရိုးကိုယ်စီနှင့်ဖြစ်ကြ၏။သူ့ဟန်ပန်သည်တရုတ်လူစွမ်းကောင်းဂါမဏိကိုစီးချင်းထိုးအနိုင်ယူခဲ့သည့်မွန်သူရဲကောင်း သမိန် ဗရမ်းအား၊ သတိ ရစရာကောင်းလှပါ၏။

(သုံး)
“သမိုင်းစာမျက်နှာမှာတရုတ်ကိုအကြိမ်ကြိမ်အောင်နိုင်ခဲ့တာ၊မြန်မာဗျ။
ယူနန်ဘုရင်ခံကိုယ့်ကိုယ်ကိုသတ်သေဖို့သာကြံပေတော့။
ပီကင်းဗိုလ်ချုပ်ကိုပီကင်းဘဲကင်ဖြစ်အောင်တပည့်လုပ်ပြမှဖြစ်တော့မယ်ဆြာရေ့”

“ညှာညှာတာတာတော့လုပ်ပါငါ့တပည့်ရာ”

“ဒီကိစ္စညှာစရာမလိုဘူးဆြာဒင်၊ဘာတဲ့၊ဗုံးကြဲတဲ့လေသူရဲကိုအပြစ်ပေးရမယ်
၊မြန်မာစစ်တပ်ကတောင်းပန်ရမယ်၊လျော်ကြေးပေးရမယ်တဲ့။တောမှာသွားပြော
၊လျော်ကြေးတော့မရဘူး။ဝါးရင်းတုတ်ပဲရမယ်”

“မျိုးချစ်စိတ်ဓာတ်ဇောင်းကြွနေသောဖေကြည်၏လေသံကိုထောက်ချင့်၍၊
သူတို့အုပ်စုသည်လည်းဝါးရင်းတုတ် စစ်သည်တော်များပင်ဖြစ်ချိမ့်မည်။တံမြက်စည်းရိုးတို့သည်လည်း
ဝါးရင်းတုတ်နမူနာဖြစ်ပေလိမ့်မည်။ခံယူချက် တူသောအုပ်စုနှစ်စုပူးပေါင်းမိနေပြီဖြစ်၍ကျွန်ုပ်လေသံမာ၍မဖြစ်ချေ။

“အေးပါကွာ၊အေးပါ၊ဒါနဲ့ တရုတ်စစ်တပ်က အတော်အင်အားကြီးတယ်ကြားမိသလားလို့၊နောက်ပြီး၊
အသံထက် မြန်တဲ့နောက်ဆုံးပေါ်တိုက်လေယာဉ်တွေချည်းအစီးရေ
ငါးသောင်းကျော်ရှိတယ်ဆိုလား”

“ညံ့ပါကိုယ့်ဆြာရယ်။အဲဒီလေယာဉ်တွေပျံတက်မလာခင်၊
အသံတိတ်လက်ဦးမှုယူနိုင်ဖို့က ဝါးရင်းတုတ်နဲ့မှဖြစ်မှာ ဗျ။ဝါးရင်း တုတ်အလုံအလောက်ရဖို့ကတော့ဆြာဒင့်တာဝန်ပဲနော်”

သူမတူအောင်ဆင်ခြင်တုံတရားကြီးမားလှသောဖေကြည့်စကားမဆုံးမီမှာပင်၊
ဖူးခက်ရောက်လက်သမားဆယ်ယောက်ကျော်ပါဝင်သည့်
အဖွဲ့ခြံရံလျက်ရောက်လာပြန်သည်ကားကပ္ပလီငယ်ဖြစ်၏။
သင်းတို့သည်လည်းသင်ပေါင်းရိုးတုတ်တိုကိုယ်စီနှင့်ဖြစ်လေသည်။

အတိုချုပ်ရသော်တပည့်ကျော်တို့နှင့်၎င်းတို့၏သွေးသောက်များသည်၊
ကျူးကျော်လာလတ္တံ့သောတရုတ်တို့၏ရန် စွယ်ကိုရိုက်ချိုးချေမှုန်းနိုင်ရန်၊အပူတပြင်းအလိုရှိနေသည့်၊
အရေအတွက်သန်းချီသော၊အရည်အသွေးမီဝါးရင်းတုတ်များ
အချိန်မီရရှိရေးအတွက်၊ကျွန်ုပ်ရှိရာသို့ရောက်ရှိလာခဲ့ကြခြင်းပေတည်း။

သုံးဖွဲ့ပေါင်းမိကာ၊စိတ်အကြွလွန်နေသောလူအုပ်အား၊ကလန်ကဆန်ပြုရန်၊ ကျွန်ုပ်အနေဖြင့်မဝံ့သည်ဖြစ်၍၊ထွက် ပေါက်ရလိုရငြား၊စကားမရှိစကားရှာလိုက်ရချေ၏။

“နေပါဦးကွဲ့မောင်တို့ရဲ့။အလောင်းမင်းတရားကြီးလက်ထက်ကမြန်မာ
စစ်သည်တော်တွေကိုင်တဲ့ဝါးရင်းတုတ်ဆို တာ ခုခေတ်စွမ်းအားရှင်တွေကိုင်တဲ့၊အခုမောင်တို့လက်ထဲက တစ်တောင်သာသာ
တုတ်အရွယ်မျိုး မဟုတ် ဘူး လကွဲ့။တင်ကျည်းတုတ်လို့ခေါ်တဲ့ရှေးမြန်မာစစ်သည်ကိုင်ဝါးရင်းတုတ်ဟာ
အရှည်လူတရပ်စာရှိတယ်။အဖျား နှစ် ဖက်ချွန်ထားပြီး၊ထိပ်ဖျားတွေမှာ အဆိတပ်သုတ်ထားသတဲ့။ရှေးတုန်းကဝါးခြင်းကျားတွေကိုသယ်ပိုးရာမှာသုံး တာမို့၊လူတွေအမြင်မှာထမ်းပိုးပေါ့။ပျူစောထီးလက်ထက်မှာဆိုတင်ကျည်းတပ်
ဆိုတာတောင်ရှိခဲ့ဖူးသတဲ့။တကယ်ကျွမ်း ကျွမ်းကျင်ကျင်သုံးတတ်ရင်တော့ လှံထက်ကြောက်စရာကောင်းပေမဲ့၊အခုလိုနျူးကလီးယား ခေတ်ကြီး မှာ၊ မောင်တို့လိုလူတွေအနေနဲ့….”

ကျွန်ုပ်၏စကားမဆုံးမီတုန့်ပြန်လာသောအသံမှာ၊တရုတ်အရေးကိုအလျော့ပေးစေ့စပ်ညှိနှိုင်းလိုဟန်မရှိကြကြောင်းအထင်အရှား ဖော်ပြလျက်ရှိ၏။

“ကျုပ်တို့သတ္တိကိုရဲရဲကြီးသာယုံလိုက်စမ်းပါဗျာ။ဆြာဒင်ပြောတဲ့ဝါးရင်းတုတ်မျိုးသာမရရအောင်ရှာပေးပေတော့”

ဇာတိမာန်စိတ်ငယ်ထိပ်တက်နေသောသကောင့်သားများကိုဖြင့်
နားချနိုင်ရန်အကြောင်းမမြင်လေသည်ဖြစ်ရာ၊နီးရာ တုတ်ကိုကြောက်သည့်စိတ်ဖြင့်၊သင်းတို့စေခိုင်းသည့်အတိုင်း၊
ကျိုးနွံနာခံခဲ့ရချေတော့သည်တမုံ့။

(လေး)
ထို့သို့လျှင်ကျွန်ုပ်သည်အရည်အသွေးမီဝါးရင်းတုတ်များ
လုံလောက်စွာရရှိနိုင်ရေးအတွက်၊အဆက်အသွယ်ရှိသမျှ၊
သစ်တောထွက်ပစ္စည်းကုမ္ပဏီများမှတဆင့်၊ဧရာဝတီ၊ချင်းတွင်း၊
သံလွင်နှင့်စစ်တောင်းမြစ်ကြောင်း တလျှောက် အပါအဝင်၊ပဲခူးရိုးမ၊ရခိုင်ရိုးမ၊ဟူးကောင်းတောင်ကြားနှင့်
ဇာတိရွှေပင်ရွာတောကျောင်းဘုန်းကြီးပရဝုဏ်ပါမကျန်မြန်မာနိုင်ငံထက်အောက်
တနံတလျား၊ပြဲပြဲစင်ကုန်အောင်၊တယ်လီဖုန်းတစ်လုံးဖြင့်၊
ချက်ခြင်းပင်ဆက်သွယ်စုံစမ်းရပါ၏။

မဲမဲမြင်သမျှဝါးတောတရုတ်တူစက်ရုံကုန်ကြမ်းအလို့ငှာ
တက်တက်စင်အောင်ပြောင်ကုန်သည့်အပြင်၊ရှိရှိသမျှ
ဝါး တောတို့ကိုမြေလှန်မီးရှို့တပ်ပိုင်မြေအဖြစ်ပြောင်း၊
တရုတ်တုိ့ထံရောင်းစားခဲ့ပြီးဖြစ်ရုံမက၊သွားကြားထိုးတံပင်၊ တ ရုတ်ပြည်မှပြန်လည်မှာယူတင်သွင်းနေရလေသဖြင့်၊
ဝါးရင်းတုတ်တသန်းကျော်ရနိုင်ရေးမှာ၊မိုးနှင့်မြေထိစပ်၊
ရဟတ်သို့လည်သောနေ့များမှာမှပင်ဖြစ်နိုင်ပေတော့မည်။

သို့သော်ကျွန်ုပ်ကံကောင်းခဲ့ပါ၏။ဝါးရင်းတုတ်ကိစ္စစုံစမ်းရင်း
၊နေပြည်တော်သမ္မတရုံးအရာရှိကြီးတစ်ဦးထံမှ ရရှိ သောနောက်ဆုံးသတင်းအရ၊သမ္မတကြီးသည်လည်းကောင်း၊
တပ်မတော်ကာကွယ်ရေးဦးစီးချုပ်သည်လည်း ကောင်း
၊ဖြစ်ဖြစ်ခဲ့သမျှပြဿနာနှင့်စပ်လျဉ်း၍တရုတ်တို့တောင်းဆိုသမျှမြေဝယ်မကျနာခံ
လိုက်လျောပါမည့် အ ကြောင်း၊ဝန်ခံကတိပေးခဲ့လေသဖြင့်၊
တရုတ်ရန်မီးငြိမ်းအေးခဲ့ပြီဆိုပါ၏။

အဆိုပါသတင်းစကားအား၊တပည့်ကျော်များနှင့်နောက်ပါရဲရည်တက်တို့အား
ရှင်းပြလေသည်တွင်၊အသီးသီးအံကြိတ်တောက်ခေါက်ကာ၊ မချင့်မရဲခြေလှမ်းများဖြင့်၊ကျွန်ုပ်၏ခြံဝင်းအတွင်းမှပြန်လည်ထွက်ခွာကြကုန်၏။

နောက်ဆုံးတညီတည်းလေသံတူကြုံးဝါးကြသည်ကား၊
“သမ္မတကြီးနဲ့တပ်ချုပ်ကြီးရှင်းလိုက်လို့ပေါ့ကွာ။ နို့မို့ကတော့ ငတို့လက်စာမိသွားမယ်”ဟူ၏။

(ငါး)
“ခက်ပါဘိငါ့ကောင်တွေရယ်။မြန်မာနိုင်ငံရဲ့ဗျူဟာမြောက်ဆိပ်ကမ်းမှန်သမျှ
တရုတ်ကိုရောင်းစားထားတယ်။ ရေ နံ၊ သဘာဝဓာတ်ငွေ့အပါအဝင်
တိုင်းပြည်သယံဇာတမှန်သမျှတရုတ်လက်ကို ထိုးအပ်ပြီးတာတောင်၊အာဏာရှင် အုပ်စုခိုးကြဝှက်ကြတာမလုံလောက်သေးလို့တရုတ်ဆီကရနိုင်သမျှချေးငွေကို
အတိုးမကြောက်ပဲထပ်ယူတယ်။

တိုက်လေယာဉ်တွေနဲ့ဒုံးကျည်တွေအပါအဝင်လက်နက်အားလုံးမိတ်အင်ချိုင်းနား။
အမျုိုးသားလုံခြုံရေးဆိုင်ရာစစ်ရေးနည်း ပညာကိစ္စတွေမှာတာဝန်ယူနေကြတာတရုတ်ပညာရှင်တွေချည်းပဲ။
တနိုင်ငံလုံးရဲ့အဓိကရ စီမံကိန်း တွေမှာ၊ကြီး စိုးနေတာက ပေါက်ဖော်အင်ဂျင်နီယာတွေ။
အော်ရီဒူး တယ်လီနော အမ်ပီတီတို့အပြင်၊သမ္မတရုံးကအရေးပေါ်ဖုန်းလိုင်းတွေကအစ
တရုတ်လက်ကမလွတ်။

လေကြောင်းရန်ကာကွယ်ရေးစနစ်အားလုံးနဲ့ စစ်လက်နက်ပစ္စည်းစက်ရုံ အများစုဟာ တရုတ်ရဲ့ကျေးဇူး။ အရေး ကြီးအချက်အလက်မှန်သမျှတရုတ်တွေအကုန်သိနေတာကြောင့်၊ အလိုလိုနေရင်းအချုပ်အခြာအာဏာဆုံးရှုံးပြီးသားတိုင်းပြည်။

ကုန်ကုန်ပြောရရင်တရုတ်ပြည်ရဲ့သတိုးသမီးလိုအပ်ချက်ကိုတောင်ဖြည့်ဆည်းပေးနေရတဲ့တိုင်းပြည်ကို၊တရုတ်တွေကစစ်တိုက်ပြီးသိမ်းယူစရာလိုသေးသတဲ့လား။တရုတ်ခိုင်းသမျှခေါင်းငြိမ့်ရတဲ့စစ်တပ်နဲ့သမ္မတရှိနေပြီပဲဟာ၊ဘာလိုသေးသတုန်းမောင်တို့ရာ”

အထက်ပါတို့ကား၊တပည့်ကျော်များနှင့်အပေါင်းအပါဝါးရင်းတုတ်ကိုင်စစ်သည်တော်များ၏နောက်ကျောပြင်ကိုကျွန်ုပ်ငေးကြည့်နေမိရင်း၊နီးရာတိုင်ကိုခေါင်းနှင့်ပြေးဆောင့်ချင်စိတ်ပေါက်လျက်၊ရင်တွင်းမှရေရွတ်နေမိသောစကားများဖြစ်ပါ၏။

ထိုစကားတို့အား၎င်းတို့၏မျက်နှာကိုစေ့စေ့ကြည့်လျက်ကျွန်ုပ်ပြောလိုလှပါသည်။
သို့သော်ကျွန်ုပ်၏စကားမဆုံးမီမှာပင်၊ကောက်ညှင်းကျည်တောက်စာ၊
တံမြက်စည်းရိုးစာ၊ သင်ပေါင်းရိုးစာမိမည်မှာ သေချာ လှသောကြောင့်၊ထိုသို့မပြောဝံ့ခဲ့ခြင်းအတွက်၊စာဖတ်သူတို့
နားလည်ခွင့်လွှတ်နိုင်ကြလိမ့်မည်ဟု၊ကျွန်ုပ် ရိုးသားစွာ ယူ ဆပါ၏။ ။

၂၀။၀၃။၂၀၁၅နေ့ထုတ် သည်လေးဒီးစ်အပတ်စဉ်ဂျာနယ်မှ။ ။

မာရ်နတ်၏စစ်သည်များ

(မင်းဒင်)

(၁)
မြန်မာနိုင်ငံ၏ကြမ္မာနှင့်ပတ်သက်၍ကျွန်ုပ်သည်ဘယ်အခါကမျှ
စိတ်သက်သာရာမရခဲ့မိပေ။အိပ်မက်များအတွင်း မှာပင်၊ကျွန်ုပ်သည်ကျွန်ုပ်၏မလွတ်လပ်သောနိုင်ငံအတွက်ယောင်ရ၏။
ငိုကြွေးရ၏။

မြန်မာ့ကြမ္မာ
ဗိုလ်ချုပ်အောင်ဆန်း
ဗမာ့လွတ်လပ်ရေးအရေးတော်ပုံ
ဗမာ့ခေတ်သတင်းစာ

(၂)
ခုတလောစိတ်ပျက်စရာကောင်းချက်ကတော့၊စိတ်ပျက်တာကိုတောင်
စိတ်ပျက်ပါတယ်လို့ ပြောချင်စိတ်မရှိ အောင်စိတ်ပျက်မိတဲ့အထိပါပဲ။
ဒီမိုကရေစီစနစ်ဆီပြောင်းပြီ၊အာဏာရှင်စနစ်ဟာဟိုးဝေးဝေးမှာ ကျန်ခဲ့ ပြီ လို့သာ ပြောနေကြတာ၊လက်တွေ့မြင်နေကြားနေရတဲ့အဖြစ်အပျက်တွေကိုပြန်ကြည့်ကြပါဦးဗျာ။

လက်ပံတောင်း တောင် ကြေးနီစီမံကိန်းဖြေရှင်းနည်း၊လက်ပံတန်းကျောင်းသား
သပိတ်ဖြိုခွဲပုံ၊ရန်ကုန်မြို့တော်ခန်းမရှေ့ရိုက်ပွဲ၊နိုင်ငံအနှံ့မှာ စစ်တပ်ရဲ့မြေယာမောင်ပိုင်စီးမှု၊လောက်ကိုင်စစ်မြေပြင်မှာ
ဗုံးမှားကြဲလို့တရုတ်နိုင်ငံက၊ဆဲဆိုကြိမ်း မောင်း ရင်း ထုတ်ပြန်လိုက်တဲ့ရာဇသံ၊…၊စတာ၊စတာတွေကြည့်ရင်နိုင်ငံနဲ့လူမျိုးအတွက်ဂုဏ်သိက္ခာဆိုတာမူးလို့တောင်ရှူစရာ မရှိတော့ပါဘူး။သိက္ခာကိုကျောက်ပြင်မှာသွေးပြီး လူးမှအသက်ရှင်ရမဲ့၊သေလုဆဲဆဲဝေဒနာရှင်မျိုးသာ ရှိခဲ့ ရင်၊ဆေးမမီပဲ၊မြန်မြန်မာလကီးယားမှာသေချာတယ်ဗျာ။

ခေတ်အပြောင်းမှာအဟောင်းအသစ်အားပြိုင်ကြတာဆန်းလှတယ်တော့
မဟုတ်ပါဘူး။ခေတ်ဆွေးခေတ်ဟောင်း မှာပျော်ပိုက်ခဲ့တဲ့သူတွေ၊စစ်တပ်ပဓာနအယူဝါဒရှိသူတွေနဲ့မြန်မာနိုင်ငံကို
ဒုက္ခတောထဲကနေဆွဲထုတ်ချင်ကြတဲ့ သူတွေကြားမှာ
လွန်ဆွဲအားပြိုင်နေကြတာဟာ
၊ဖြစ်မြဲဓမ္မတာလို့ကျုပ်နားလည်လက်ခံနိုင်ပါတယ်။

ဒါပေမဲ့ ခေတ်ဆိုးခေတ်ဟောင်းမှာပျော်ချင်နေကြဆဲ၊ကမ္ဘာကြည့်မကြည့်နိုင်ပဲ
၊ရေအိုင်ထဲကဖားသူ ငယ်လိုကိုယ့် ကိုယ်ကိုထင်တစ်လုံးဖြစ်နေကြဆဲသူတွေဟာကျုပ်နဲ့အသက်အရွယ်တန်းတူ
အအိုအမင်းတွေသာ၊ဖြစ်မယ်လို့ကျုပ် တွေးထင်မိခဲ့တာကတော့ တက်တက်စင်အောင်မှားနေသဗျာ။

နောက်တစ်ချက်က လူဆိုတာအမှားမကင်းတတ်တာမျိုးမို့မှားခဲ့တာတွေပြီးပါစေတော့
၊ရှေ့ဆက်မဲ့ခရီးမှာ ကိုယ့် အမှားကိုယ်ပြင်ပြီး၊အများအကျိုးတိုင်းပြည်အကျိုး သယ်ပိုးကြမဟဲ့ဆိုတဲ့စိတ်မျိုး၊ဗိုလ်ချုပ်ဟောင်းတွေခံယူတွေး တောကြလိမ့်မယ်၊
သူတို့မျိုးဆက်သစ်တွေကိုလည်းဒီလိုပဲသွန်သင်ကြ လိမ့်မယ်လို့၊
ကျုပ်ထင်ခဲ့တာလည်း ဧရာမ အလွဲကြီးပါပဲဗျာ။

(၃)
ပိုဆိုးတာကမျက်မှောက်ခေတ်လိုနည်းပညာတွေအစွမ်းကုန်ဖွံ့ဖြိုးတိုးတက်ပြီး
၊လေ့လာသင်ယူစရာတွေအလျှံ ပယ်အလွယ်တကူရှိနေချိန်မှာ၊စစ်တပ်မျိုးဆက်သစ်လေးတွေဟာခေတ်ဆိုး
စနစ်ဆိုးကြီးအပေါ်စိတ်အပျက်ကြီး ပျက်ပြီးခေတ်သစ်ရဲ့ရောင်နီဦးဆီပျော်ပျော်ကြီးချီတက်ဖို့အားသန်နေကြပြီလို့ ကျုပ်ယူဆမိခဲ့တာလည်း၊ ကျုပ်ရဲ့ မိုက်မဲမှုပါပဲ။

အဆိုးတကာ့အဆိုးဆုံးကတော့ခေတ်ဟောင်းကိုခင်တွယ်ပြီး၊
အာဏာရှင်စနစ်ကိုဖက်တွယ်ထားချင်သူတွေထဲ မှာတပ်မတော်အရာရှိဆိုတဲ့ဗိုလ်ကြီးဗိုလ်ငယ်ဗိုလ်ပေါက်စလေးတွေ
အင်နဲ့အားနဲ့ထုနဲ့ထည်နဲ့ကျန်နေသေးတာကို မျက်ဝါးထင်ထင်တွေ့မြင်ရတဲ့ကျုပ်ဟာ၊စိတ်ပျက်လို့သေတဲ့မသာ
စာရင်းထဲဝင်ချင်တော့တာပဲဗျာ။

အေးလေ။လက်ပံတောင်းမှာတရုတ်တွေဖက်ကအခိုင်အမာ
ရပ်တည်ပြီးကျောမွဲတောင်သူလယ်သမားတွေကို အ သက်ဆုံးရှုံးစေတဲ့အထိ ရက်ရက်စက်စက်နှိမ်နင်းတာကို၊အမှန်တရားတဲ့ဗျ။သတင်းထောက်တစ်ယောက် ကို မြို့လယ်ခေါင်လက်ဖက်ရည်ဆိုင်ကနေ၊ဖမ်းခေါ်သွားပြီး
၊သေနတ်လုလို့ပစ်သတ်လိုက်ရပါတယ်ဆိုတဲ့ကိစ္စကို
ဒီလိုကောင်သေတာအေးတယ်ဆိုပြီး၊ကောက်ချက်ဆွဲသတဲ့။

မြို့တော်ခန်းမရှေ့မှာလူမိုက်ငှားရိုက်တာ၊လက်ပံတန်းမှာ
ရဲတပ်ဖွဲ့ကမညှာမတာဥပဒေမဲ့အကြမ်းဖက်တာတွေကို၊
နာအောင်ရိုက်၊သေအောင်ရိုက်၊ရိုက်နေပုံတွေကိုကြည့်ပြီး
အားရလိုက်တာစတဲ့၊လူနဲ့လူချင်းကိုယ်ချင်းစာတရားခေါင်းပါး
၊ကြင်နာသနားစိတ်လုံးလုံးမရှိပဲ၊ အွန်လိုင်းမီဒီ ယာတွေမှာ
၊မြိုင်မြိုင်ကြီးအော်ဟစ်နေကြလေရဲ့။

ဒါတင်ဘယ်ကဦးမလဲဗျာ၊အယူအဆမတူသူတွေကို ကိုယ်သင်ထားတဲ့ပညာ၊ကိုယ်ရထားတဲ့ရာထူး လေးမှ အား မနာအယုတ္တအနတ္တတစ်တစ်ခွခွဆဲဆိုနေကြတာလည်းဝါဒဖြန့်သမား
ဗိုလ်ပေါက်စတစ်စုပါပဲ။

ထူးထွေသည့် အံ့ရာ သော်လို့ဆိုစမှတ်ပြုရမဲ့သတင်းကတော့၊
တိုင်းပြည်ရေစုန်ဆက်မျောစေမဲ့၊အမှားတရားဖြန့်ချီရေးစီမံကိန်းကြီးကို
၊မြန်မာတပ်မတော်ကြီးအနေနဲ့၊နိုင်ငံခြားပြန်ပညာတတ်
စစ်ဗိုလ်ပေါက်စတွေကိုသုံးပြီးမဟာဗျူဟာမြောက်
စနစ်တကျအကောင်အထည်ဖော်နေကြတယ်ဆိုတာပါပဲ။

ခေတ်ဆိုးကြီးကိုပြုပြင်ပြောင်းလဲရမဲ့ကာလမှာ၊ကိုယ်တိုင်အမှားကြီးမှားခဲ့တဲ့အပြင်၊
အမှားကျင့်စဉ်တွေကိုအောင်မြင်စွာလက်ဆင့်ကမ်းနေဆဲ
ဗိုလ်ချုပ်ကြီးများရဲ့စွမ်းဆောင်ရည်ကတော့၊ဒေဝဒတ်ကတောင်
အဖေ၊အဘခေါ်လောက်ပါပေတယ်။

(၄)
ကိုယ်ကျင့်တရားကင်းမဲ့ပြီး၊ဆင်ခြင်တုံတရားခေါင်းပါးလှတဲ့လက်ခစား၊
စစ်ဗိုလ်ပေါက်စတစ်စုရဲ့ခံယူချက်နဲ့အွန်လိုင်းမှာ
၊ပျော်ပျော်ကြီးဝါဒမှိုင်းတိုက်နေကြတာကိုတွေ့ရမြင်ရတော့၊ကျနော်ငယ်ငယ်ကကြည့်ခဲ့ဖူးတဲ့ထူးထူးဆန်းဆန်းရုပ်ရှင်ဇာတ်ကားတကား ကိုပြေးသတိရမိပါရဲ့။

တကယ်တော့အဲဒီရုပ်ရှင်ဇာတ်ကားရဲ့အမည်၊ပါဝင်တဲ့သရုပ်ဆောင်တွေကို
ကျုပ်လုံးဝမမှတ်မိပါဘူး။ ဆယ်တန်း ကျောင်းသားဘဝ အင်္ဂလိပ်စာအားနည်းတဲ့ကျုပ်အနေနဲ့အဲဒီရုပ်ရှင်ရဲ့ ဇာတ်လမ်းအပြည့်အစုံကိုလည်းနားမလည် ကြောင်းဝန်ခံပါတယ်။
ဒီခေတ်ဒီကာလမှာအဲဒီရုပ်ရှင်ဇာတ်လမ်းမျုိုးဟာထူးဆန်းလှတယ်မဆိုနိုင်ပေမဲ့၊လွန်ခဲ့တဲ့ အနှစ်လေးဆယ်ကျော်တုန်းကတော့၊လွှတ်ဆန်းတာပေါ့ဗျာ။

ရုပ်ရှင်လက်မှတ်တစ်စောင်ရဖို့တန်းစီတိုးဝှေ့ရတဲ့ ခေတ်ကြီးမှာအဲဒီရုပ်ရှင်ကိုကြည့်ခွင့်ရအောင်၊လက်မှတ်ရောင်းကောင်တာရှေ့မှာလူနင်းလို့မသေခဲ့တာကံကောင်းမို့ကျုပ်အတွက်အရမ်းထူးဆန်းပြီးယနေ့ထက်တိုင်မမေ့တဲ့နိုင်ဖြစ်နေခဲ့တာပါပဲ။အဲဒီဇာတ်ကားကိုမြေနီကုန်း လမ်း ဆုံမှာရှိခဲ့တဲ့ ဆန်းသီရိရုံမှာကြည့်ခဲ့ရတာပေ့ါ။

ကျုပ်ရုပ်ရှင်ရုံထဲရောက်လို့မကြာခင်မှာပဲအစမ်းကားဇတ်လမ်းတိုလေးတွေ
ထိုးပြီးတဲ့နောက်ဇာတ်လမ်းအဖွင့်မှာ သေချာမှတ်မိလိုက်တာကတော့
၊နိုင်ငံ့ခေါင်းဆောင်ကြီးတစ်ယောက်လေဆိပ်တစ်ခုမှာသေနတ်နဲ့ချောင်းအပစ် ခံရပြီးဗိုင်းကနဲလဲကျသွားတဲ့မြင်ကွင်းပဲဗျ။အရုပ်တွေကြည့်ပြီး
ကျုပ်ခန့်မှန်းကြည့်ရသလောက်၊သေနတ်အပစ်ခံ ရသူဟာအမေရိကန်သမ္မတဖြစ်ရမယ်။

ဒီလိုနဲ့အရေးပေါ်လူနာတင်ယာဉ်ရောက်လာပြီးသမ္မတကြီးလည်းဆေးရုံရောက်သွားရော
၊သေနတ်ဒဏ်ရာဟာဦးခေါင်းမှာထိထားတာမို့၊
ဦးနှောက်အတွင်းပိုင်းမှာသွေးခဲနေတယ်။သာမန်ကုရိုးကုစဉ်နည်းမျိုးစုံနဲ့
ဘယ်လိုမှကုမရတော့ဘူးဆိုတာ၊သဘောပေါက်တဲ့သမားတော်ကြီးတွေဟာ၊
သိပ္ပံပညာရှင်ကြီးတွေရဲ့အကူအညီကိုယူပြီး၊ နောက် ဆုံးပေါ် အံ့မခန်းတဲ့နည်းလမ်းနဲ့ သမ္မတကြီးရဲ့အသက်ကိုကယ်တင်ဖို့ဆုံးဖြတ်လိုက်ကြပါတယ်။အဲဒီနည်းကတော့ ဇာတ်လိုက်နဲ့အဖွဲ့ဝင်သုံးဦး၊စုစုပေါင်းလေးဦးပါဝင်တဲ့အဖွဲ့ဟာ၊
သမ္မတကြီးရဲ့ခန္ဓာကိုယ်ထဲကို ယာဉ်တစီးနဲ့ဝင် ရောက်ပြီး ဦးနှောက်ထဲမှာခဲနေတဲ့သွေးတွေကိုလေဆာရောင်ခြည်နဲ့ပစ်ခွင်းကုသဖို့ပါပဲ။

(၅)
အေးပေါ့ဗျာ။လူလေးယောက်နဲ့ယာဉ်တစီးလူတစ်ယောက်ရဲ့ခန္ဓာကိုယ်ထဲကိုဝင်ဖို့ဆိုတာ
လွယ်လွယ်တော့ဘယ်ဖြစ် နိုင်ပါ့မတုန်း။နောက်ဆုံးပေါ်နည်းပညာတွေရဲ့အကူအညီနဲ့ လူတွေရောယာဉ်ကိုပါ၊ အပ်တဖျားစာ လောက်ဖြစ် သွားအောင်၊ဖန်တီးရတာပေါ့။နောက်တော့မှဆေးထိုးအပ်ကနေတဆင့်လူနာသမ္မတကြီးလက်မောင်းထဲကိုထိုးသွင်းလိုက်ရော ဆိုပါတော့။

လူ့ခန္ဓာကိုယ်အတွင်းပိုင်းမှာသဘာဝအလျောက်ဖြစ်ပျက်ပြောင်းလဲနေတဲ့ဖြစ်စဉ်တွေဟာ၊
အဲဒီယာဉ်ငယ်နဲ့အဖွဲ့ သားတွေကို၊ကောင်းကောင်းကြီးဒုက္ခပေးတော့တာမို့၊ ဇာတ်လိုက်ခေါင်းဆောင်တဲ့အဖွဲ့ဟာသက်စွန့်ဆံဖျား၊ ကျား ကုတ်ကျားခဲလိုရာခရီးဆီမရောက်ရောက်အောင်ကြိုးစားလိုက်ကြတာနောက်ဆုံးတော့၊သွေးခဲနေတဲ့ ဦးနှောက် အတွင်းပိုင်းဆီကိုရောက်သွားကြပါလေရောဗျာ။

ဇာတ်လိုက်ကြီးဟာသူ့လက်ထဲက လေဆာရောင်ခြည်သေနတ်နဲ့
သွေးခဲမဲမဲတွေကိုပစ်မယ်လို့လည်းပြင်လိုက် ရောသူတို့အဖွဲ့သားတယောက်ဟာ
ရုရှသူလျှိုဖြစ်နေသတဲ့ဗျ။အဲဒီရုရှသူလျှိုဟာ၊အမေရိကန်သမ္မတမသေသေအောင် ခန္ဓာကိုယ်အတွင်းပိုင်းအထိလိုက်လာပါနိုင်ဖို့ ပိပိရိရိကြိုတင်ကြံစည်ထားခဲ့တာပေါ့ဗျာ။

ရုရှသူလျှိုဟာ၊ သမ္မတကြီးမသေသေအောင်၊နည်းမျိုးစုံနဲ့
အကောက်ကြံနှောင့်ယှက်တော့တာပါပဲ။
ဒါကြောင့်သူတို့စီးလာတဲ့ယာဉ်ငယ်လည်းပျက်စီးသွားခဲ့ပါတယ်။
ဒါပေမဲ့ဇာတ်လိုက်ဟာရုရှသူလျှိုကိုလက်စတုံးပစ်လိုက်နိုင်တဲ့အပြင်၊
ဦးနှောက်အတွင်းကသွေးခဲကိုပါလေဆာနဲ့အောင်မြင်စွာပစ်ခွင်းနိုင်ခဲ့တယ်။
ဇာတ်လမ်းအဆုံးကတော့ ဇာတ်လိုက် နဲ့သူ့အဖွဲ့ဟာ သမ္မတကြီးရဲ့မျက်ရည်စက်နေတဆင့်ပြင်ပကိုထွက်ခွာလာနိုင်ခဲ့ကြပါတယ်။

အဲဒီရုပ်ရှင်ကိုကြည့်ပြီးကတည်းကကျုပ်စိတ်ထဲမှာ၊သြော်၊လောကကြီးမှာ၊လူ့အသက် တချောင်းကိုမဖြစ်ဖြစ် တဲ့ နည်းနဲ့ကယ်တင်နေကြချိန်မှာတောင်၊ ကိုယ်နဲ့အယူအဆမတူတာကိုအကြောင်းပြုပြီး၊ယုတ်မာရက်စက်တတ်တဲ့ သူတွေရှိနေပါသေးကလားလို့၊လူငယ်စိတ်နဲ့အံ့သြတုန်လှုပ်ခဲ့ရပါတယ်။

(၆)
ခင်ဗျားစဉ်းစားကြည့်စမ်းပါ။ပြဿနာပေါင်းသောင်းခြောက်ထောင်နဲ့
ကျုပ်တို့တိုင်းပြည်ဟာ၊အဲဒီဇာတ်လမ်းထဲက သေလုဆဲဆဲ
အမေရိကန်သမ္မတကြီးရဲ့အဖြစ်ထက်အဆရာထောင်မကပိုဆိုးသဗျ။
လက်ရှိကာလကျုပ်တို့တိုင်းပြည်ဟာအနာမျိုးကိုးဆယ့်ခြောက်ပါးစွဲကပ်နေတဲ့ရောဂါသည်လူမမာနဲ့တူနေတာမို့နိုင်ငံချစ်စိတ်ရှိသူတိုင်း၊ကိုယ့်အသိစိတ်ဓာတ်နဲ့ ကိုယ်ဝိုင်းကြဝန်းကြရမဲ့အချိန်ကိုရောက်နေပါပြီဗျာ။

ဒီအခြေအနေမျိုးမှာဒီမိုကရေစီခေတ်ကိုပြောင်းပါပြီဆိုတဲ့လေသံနဲ့တိုင်းပြည်ကို
ကယ်တင်မလိုလိုတခရီးတည်းလိုက်ပါလာခဲ့တဲ့ဗိုလ်ချုပ်ကြီးများဟာ၊
တိုင်းပြည်ကိုတကယ်တမ်းအားစိုက်ပြုပြင်ရမဲ့မိုးထဲရေထဲ၊
အရေးကြီးဆုံးအချိန်ကိုလည်းရောက်လာရော၊
အာဏာလက်မလွတ်ချင်တဲ့ဇာတိရုပ်တွေပေါ်လာတော့တာပါပဲ။

လူမမာတိုင်းပြည်အမြန်ဆုံးကာလနာတိုက်ဖို့
၊ခေတ်ပညာတတ်စစ်ဗိုလ်ပေါက်စတွေကိုအလုံးအရင်းထုတ်သုံးနေ ကြလေရဲ့။ ကျုပ်တို့ဟာအလွန် တရာကောက်ကျစ်ယုတ်မာတဲ့၊ အနီးကပ်ဆုံးရန်သူနဲ့ပက်ပင်းတိုးနေရပြီပေါ့ဗျာ။

အဘစာရင်းဝင်ဗိုလ်ချုပ်ကြီးများရဲ့လမ်းညွန်စေခိုင်းချက်အရ၊
တိုင်းပြည်ချောက်ထဲမရောက်ရောက်အောင်၊ နောက်ဆုံးပေါ်နည်းတွေနဲ့
လမ်းဆုံးကိုတွန်းပို့နေတဲ့ဗိုလ်ပေါက်စတွေရဲ့လုပ်ရပ်ဟာစောစောက
ဇာတ်လမ်းထဲမှာပါတဲ့၊လူယုတ် မာရုရုသူလျှိုရဲ့အကြံအစည်နဲ့တထပ်တည်းပါပဲဗျာ။

အေးဗျာ။ကျေးဇူးရှင်ဗိုလ်ချုပ်ကြီးတွေဟာ၊တိုင်းပြည်ကိုဒုက္ခမျိုးစုံပေးဖို့ဒီဗိုလ်ပေါက်စတွေကို ရုရှပြည်စေလွှတ်ပြီး နှစ်ရှည်လများ၊မဟုတ်တမ်းတရားခေတ်မီနည်းပညာတွေကို၊အားကြိုးမာန်တက်၊သင်ယူခိုင်းခဲ့ကြလေသလား လို့ တောင်တွေးမိတဲ့အထိပါပဲ။

အင်း၊ဒီဗိုလ်ချုပ်၊ဒီစစ်ဗိုလ်ပေါက်စတွေရဲ့သောက်ကျင့်ဆိုးတွေကြောင့်၊
အမည်ခံလွတ်လပ်ရေးသာကျန်ပြီးတတိုင်း
တပြည်လုံး၊သူတို့ပထွေးတရုတ်လက်ထဲထိုးအပ်ထားရတဲ့လက်ရှိအခြေအနေကို၊
ကျုပ်တို့အမျိုးသားခေါင်းဆောင်ကြီးဗိုလ်ချုပ်အောင်ဆန်းသာ၊ရောက်ရာ
ဘဝဘုံဌာနကနေ၊မြင်နေကြားနေရရင်ဖြင့်၊ဒီနေ့ဒီအချိန်အထိ
စစ်ကျွန်ဘဝကနေမလွတ်မြောက်သေးတဲ့မြန်မာနိုင်ငံရဲ့ကံကြမ္မာဆိုး
အတွက်တမလွန်မှာဆက်ပြီးယောင်ရမ်းငိုကြွေး၊ မြည် တမ်းနေဦး မယ် ဆိုတာ၊သိပ်သေချာတာပေါ့ဗျာ။

(၇)
မြန်မာနိုင်ငံ၏ကြမ္မာနှင့်ပတ်သက်၍ကျွန်ုပ်သည်ဘယ်အခါကမျှစိတ်သက်သာရာမရခဲ့မိပေ။အိပ်မက်များအတွင်း မှာပင်၊ကျွန်ုပ်သည်ကျွန်ုပ်၏မလွတ်လပ်သောနိုင်ငံအတွက်ယောင်ရ၏။ငိုကြွေးရ၏။
ဗိုလ်ချုပ်အောင်ဆန်း

ဒီဗွီဘီအွန်လိုင်းစာမျက်နှာမှ ။ ။
ဈေးပြိုင်စနစ်ဖြင့်၊မြိုင်မြိုင်ကြီးသေချင်ကြသူများနှင့်ကျွန်ုပ်။
(မင်းဒင်)
(တစ်)
မျက်စိမှိတ်ထားသော်ငြား၊ဇာတိမြေကိုလွမ်းသည့်စိတ်ဖြင့်၊ကျွန်ုပ်အိပ်၍မပျော်ချေ။
သက်ကြီးခေါင်းချချိန်ဖြစ်၍၊ယိုးဒယားပြည်၊ဖူးခက်မြို့အမ်မခန်အရပ်ရှိ
ကျွန်ုပ်၏နေအိမ်ခြံဝင်းနောက်ဖက်မှတောအုပ်ငယ်သည်မှောင်မိုက်တိတ်ဆိတ်
လျက်ရှိလေသည်။ညတိုင်းလိုလိုတဝုန်းဝုန်းတအုံးအုံးဗြောင်းဆန်အောင်
အလေလိုက်လေ့ရှိသည့်၊အိမ်ပေါက်အမျိုးကောင်းသား၊ကြွက်မခုတ်တတ်သော
ကြောင်တသိုက်ပင်၊ယခုညတွင်ထူးဆန်းစွာငြိမ်ချက်သား ကောင်း နေချေ၏။

ကျွန်ုပ်၏စိတ်အစဉ်တွင်ကား၊မွေးရပ်ဌာနီတိုင်းကြီး ရွှေပြည်၌ပစ္စက္ခကာလများ၌
ဖြစ်ပေါ်လျက်ရှိသော၊ စိတ်မချမ်းမြေ့ဖွယ် အကြောင်းခြင်းရာကိစ္စရပ်များသည်သာ နေရာယူစိုးမိုးလျက်ရှိချေ၏။

ထိုစဉ်အခန်းအပြင်ဆီမှချွတ်နင်းသံဖြင့်အိပ်ခန်းတံခါးအား
တဒေါက်ဒေါက်ခေါက်သံနှင့်အတူဝင်လာသူကား
တပည့်ကျော်ဖေကြည် ဖြစ်လေသည်။

“တောင်တွေးမြောက်တွေးနဲ့မျက်စိကြောင်နေလို့ဆြာဒင်ရေ။
ဒါနဲ့စကားမစပ်ဒီနေ့တရုတ်ယွမ်ငွေဈေးဘယ်လောက်ပေါက်တုန်းဗျ”

“အိပ်လို့မပျော်ရတဲ့အထဲနင်ကတမှောင့်၊မြန်မာငွေတစ်ထောင်ကိုတရုတ်ငွေ
ငါးယွမ်ကျော်ကျော်ထင်ပါရဲ့”

“သြ၊ဒါဆိုယွမ်ငါးသန်းဆိုတော့၊မြန်မာငွေဘယ်လောက်တုန်းဆြာ”

“နေဦး၊တစ်ထောင်မှာငါးယွမ်၊တယွမ်မှာနှစ်ရာ၊
သန်းငါးရာကိုနှစ်ရာနဲ့မြှောက်လိုက်ရင်သန်းတစ်သိန်းပေါ့လဟ”

“အင်း၊သန်းတစ်သိန်းကိုဆယ့်သုံးနဲ့စားတော့။တစ်ယောက်
သိန်းရှစ်ထောင်နီးပါးပေါ့ဆြာ၊ဟုတ်လား”

“နေပါဦး၊နင်နဲ့ဒီလောက်များတဲ့ငွေဘာဆိုင်သတုန်းဟငဖေကြည်ရ၊ညဉ့်နက်လှပေါ့”

“ဟင်း…၊ဒီလောက်ငွေပမာဏရမယ်ဆိုရင်တော့၊ပျော်ပျော်ကြီးသေလိုက်ချင်ပါရဲ့”

အာရုံခေါ်ဖေကြည်သည်၊သက်ပြင်းလေးကြီးချလျက်၊သူ့စကားအဆုံးတွင်
အိပ်ခန်းမျက်နှာကျက်ဆီသို့၊အချိန်အတန်ကြာတွေတွေကြီးငေးစိုက်ကြည့်နေလေရာ၊
ကျွန်ုပ်ရင်ဘတ်ထဲ၌ဒိန်းကနဲဖြစ်သွားလေသည်။

“ဟကောင်၊မကြံကောင်းမစည်ရာ၊ထုတ်တန်းမှာကြိုးဆွဲချသေမလို့လား။
မလုပ်ပါနဲ့မောင်ရယ်။အဖန်ငါးရာငါး ကမ္ဘာတဲ့ဟ၊ ဒီနည်းနဲ့နင်သေလို့ကတော့သိန်းရှစ်ထောင်မပြောနဲ့၊
ကူငွေဘတ်တထောင်ရရင်တောင်ကံကောင်း”

“ဆြာမသိသေးပါဘူးလေ၊ဘာဘဲဖြစ်ဖြစ်သိန်းရှစ်ထောင်ဆိုတာကတော့
သိပ်စိတ်ဝင်စားစရာကောင်းတဲ့ငွေပမာ ဏပဲဆြာ၊အိပ်တော့၊အိပ်တော့၊ဂွတ်နိုက်ပါဆြာ”

(နှစ်)
ဖေကြည်ငယ်၏အဆက်အစပ်ကင်းမဲ့လှသောစကားတို့မြစ်ဖျားခံရာနောက်ခံအကြောင်းရင်းမြစ်ကိုကျွန်ုပ်သိသလို၊မသိသလိုဝေဝါးနေဆဲမှာပင်၊တံခါးခေါက်သံနှင့်အတူ၊ပြူးကြောင်ကြောင်မျက်လုံးများဖြင့်ပေါက်ချလာပြန်သူကားတပည့်ကျော်လေမင်းသားဖြစ်ချေသည်။

“ဆောရီးနော်ဆြာ၊ယွမ်သန်းငါးရာ၊သေတာကငါးယောက်၊ဒဏ်ရာရရှစ်ယောက်စုစုပေါင်း (၁၃)ယောက်ဆိုတော့၊ အညီအမျှဝေလို့ဘယ်ဖြစ်ပါ့မလဲနော်။သေတဲ့သူကပိုရရမှာ ပေါ့”

“မစောတော့ဘူးဟ၊ဆယ့်နှစ်နာရီထိုးတော့မယ်လေ။မင်းတို့ဥစ္စာညကြီး
အချိန်မတော်သင်္ချာဥာဏ်စမ်းပုစ္ဆာတွေလာ ထုတ်နေရအောင်၊ မင်းတို့ဆြာကိုခပ်ညံ့ညံ့ခပ်တုံးတုံးကောင်များထင်နေကြလေရော့သလားကွာ”

“အာ၊မဟုတ်ပါဘူးဆြာရယ်။လောက်ကိုင်မှာတိုက်ပွဲအကြီးအကျယ်ဖြစ်နေတာ
ဆြာသိတယ်မဟုတ်လား။တပည့် တို့မြန်မာ့တပ်မတော်က လေတပ်ကိုပါသုံးပြီးလက်စွမ်းပြလိုက်တာလေ။အဲဒါ တရုတ်ပြည်ယူနန်ဘက်သွားကျပြီး
ငါးယောက်သေ၊ရှစ်ယောက်ဒဏ်ရာရလို့၊တရုတ်တွေကလျော်ကြေးငွေ
ယွမ်ငါးသန်းတိတိတောင်းသတဲ့ဗျ”

“ဟေ၊များလှချည့်လား၊သေချာရဲ့လားဟ။သတင်းမှန်ရင်ဖြင့်
အတော့်ကိုမက်လောက်စရာပဲဟေ့”

“သတင်းကတော့အတည်မဖြစ်သေးပါဘူးဆြာ။ဒါပေသည့်ဒီနှုန်းအတိုင်းသာ
အမှန်တကယ်ပေးမယ်ဆိုရင်၊ ဆြာ့ တပည့်သိပ်စိတ်ဝင်စားတယ်ဆြာ”

“ဟ၊သောက်ကျိုးနည်းမဲ့စိတ်ကူးကြီးပါကလားး၊မပြောကောင်းမဆိုကောင်းကွာ”

“သြော်၊ဆြာရယ်။လူဆိုတာသေမျိုးမို့သေတစ်နေ့မွေးတစ်နေ့ပါဆြာ။
ဆြာ့တပည့်အနေနဲ့၊ဒီအခြေအနေမှာမိဘတွေ၊ဇနီးသားမယား တွေအပေါ်
တာဝန်မကျေနိုင်ဘူးမဟုတ်လား။အဲသလောက်လျော်ကြေးရမဲ့နည်းနဲ့
သေခွင့်ကြုံ မယ်ဆိုရင်ဖြင့်၊ ရဲရဲကြီးသေလိုက်ချင်ပါရဲ့”

“ဟကောင်၊တော်တော့၊တော်တော့”

မကြံကောင်းမစည်ရာ၊မဟာအတွေးဖြင့်စိတ်ကူးယဉ်နေသောလေမင်းသားကို
ဂရုဏာသက်စွာကျွန်ုပ်ကြည့်နေမိ ချိန်တွင်၊ဟထားသောအိပ်ခန်းတံခါးမှ၊ တလှမ်းချင်းလှမ်းဝင်လာပြန်သူကားကပ္ပလီငယ်ဖြစ်နေပြန်ချေသည်တမုံ့။

(သုံး)
“နည်းနည်းနောနောငွေမဟုတ်ပါလားနော်။ဖေကြည်တို့ချည်းသေရဲတာ
မဟုတ်ပါဘူးဆြာရယ်၊ကပ္ပလီဆိုတဲ့ဆြာ့တပည့်ဟောဒီကောင်လည်း ၊ဒီဈေးနှုန်းအတိုင်းသေရရင်၊ရင်ကော့ပြီး သေရဲပါတယ်လေ။ဆြာစဉ်းစားကြည့်၊ မိုးပေါ် ကနေအုံးဆိုကျလာတဲ့ဗုံးဆံနဲ့ဗုန်းကနဲသေရတာလောက်အဆင်ပြေတာဘယ်မှာရှိပါ့မလဲဆြာ”

ကပ္ပလီ၏လေသံအရ၊သူသည်ကျွန်ုပ်နှင့်လေမင်းသားအချေအတင်ပြောဆိုချက်များကို အခန်းအပြင်မှနေ၍၊ တိတ်တိတ်လေးနားစွင့်နေခဲ့ဟန်ရှိ၏။

“အင်း၊မောင်တို့စဉ်းစားသလိုဆိုရင်တော့ တရုတ်တွေရဲ့အသက်တန်ဖိုးကြီးလွန်းတာအမှန်ပါပဲမောင်။ဒါနဲ့ တို့မြန် မာ့တပ်မတော်ဘက်ကနေကမ်းလှမ်းတဲ့လျော်ကြေးက
တစ်ယောက်ဒေါ်လာတစ်သောင်းဆိုလားလို့”

“အပြန်အလှန်ဈေးစကားပြောနေတုန်းပဲဆြာရဲ့။ဒါပေမဲ့တရုတ်ကိုမော်လို့တောင်
မကြည့်ရဲတဲ့၊ဘဝမို့တောင်းတဲ့ဈေးအတိုင်းရဖို့များနေတယ်ဆြာရဲ့။
။သေရကျိုးနပ်လိုက်တာနော်”

“လာပြန်ပြီတစ်ကောင်၊မနုသတ္တဘာဝေါဒုလ္လဘော၊လူ့အဖြစ်ဟာ
အင်မတန်ရခဲလှပါသကွာ”

“ဟုတ်တော့ဟုတ်ပါတယ်ဆြာ၊ဒါပေမဲ့တပည်ကတော့ဖြင့် သိန်းရှစ်ထောင်မရတောင်၊ခြောက်ထောင်ပျော့ပျော့ရ ရင်သေချင်ပါရဲ့။ ဒီထိုင်းနိုင်ငံမှာပုလိပ်ကြောက်ရ၊အလုပ်ရှင်ကြောက်ရ၊အလုပ်ရှင်ရဲ့လူမိုက်အပြင်၊ထိုင်းမာဖီးယား တွေကိုပါကြောက်နေရတော့၊မတော်တဆများအသက်ပါသွားခဲ့ရင်မတန်လွန်းလို့ပါဆြာ”

“တော်ကြပါတော့ကွာ၊ညဉ့်လည်းနက်လှပါပြီ။ဒီလောက်သေချင်နေကြရင်မနက်စောစောမှထသေကြပေရော့။ကြွ၊ ကြွ၊မောင်မင်းကြီးသားတွေကိုယ့်အိပ်ယာဆီကိုယ်ပြန်ကြွကြလဟ”

(လေး)
သင်းတို့ပြန်သွားအပြီးစိတ်ဒုန်းဒုန်းချကာအိပ်စက်တော့မည်ကြံကာရှိသေး။
တယ်လီဖုန်းသံတတီတီဝင်လာပြန် လေပြီ။

“ဟယ်လို၊ဆြာဒင်၊ကျမ၊ပါတောင်ကမ်းတောင်ကမိမိလေးပါ။
။စောစောကဆြာ့တပည့်တွေပြောတဲ့ကိစ္စဈေးတည့် သွားကြပြီလားသိချင်လို့ပါရှင့်”

ပြဿနာကိုဆိုလာစနစ်စနစ်ဖြင့်မီးထွန်းကာ၊ရှာတတ်ကြသည့်အံ့ဖွယ်တပည့်တို့ပါတကား။

“အေး၊အေး၊လောလောဆယ်တော့တောင်းဈေးပေးဈေးညှိတုန်းတန်းလန်းပါပဲကွယ်”

“ဈေးပြတ်ရင်ကျမတို့ကိုလည်းပြောဦးနော်။ သေရကျိုးနပ်လိုက်တာဆြာရယ်”

သက်ပြင်းကိုမှုတ်ထုတ်ရင်းလက်ကိုင်ဖုန်းကိုခေါင်းအုံးဘေးချမည်ကြံဆဲမှာပင်၊
ဖုန်းတကောထပ်ဝင်လာပြန်သည်။

“ဆြာဒင်၊ထလန်ပန်းရံဆိုဒ်ထဲမှာဆေးသုတ်တဲ့ ရိုဇိုပါဆြာ၊တရုတ်တွေခေါ်ထားတဲ့ဈေးအတိုင်းဆိုရင်သေရတာ အရမ်းတန်တယ်နော်ဆြာ”

ကမ္ဘာပေါ်တွင်အမြင့်ဆုံးဈေးပေါက်နေဟန်ရှိသည့်မသာစရိတ်သတင်းမှာ၊
တပည့်ကျော်သုံးကောင်၏အာချောင်မှုစွမ်းရည်နှင့်ပေါင်းစပ်လိုက်သည့်အခါ၊
အိမ်ပေါက်စေ့မောင်းကြေးနင်းလှည့်၍ခတ်ဘိသကဲ့သို့ရှိရကား
ဖူးခက်တမြို့လုံးတောမီးပမာတမဟုတ်ချည်းပျံ့နှံ့သွားဟန်ရှိသည်ကို
ဆက်တိုက်ဝင်လာသောဖုန်းသံများကသက်သေခံလျက်ရှိ၏။

“ဟယ်လိုဆြာ၊စူပါချိကကိုသာဝင်းပါခင်ဗျ။နောက်ဆုံးသတင်းသိရင်ပြောပါဦးနော်။
ကျနော်အနေနဲ့ကတော့ သိန်း လေးထောင်လောက်ဆိုလည်းဖြစ်ပါတယ်ခင်ဗျာ”

“ဗျို့ဆြာ၊ဆြာဒင်၊အဆက်အသွယ်ကောင်းတာယုံတယ်နော်။ဈေးပြတ်ရင်လက်တို့ပါဦး။
ကျနော့်ကတော့ သုံး ထောင် ကျော်ဆိုရပါပြီလေ”

“ကျမကိုလည်းမေ့မထားနဲ့နော်ဆြာဒင်။ကလေးတွေနောင်ရေးအတွက်နှစ်ထောင်ကျော်လောက်ဆိုကျေနပ်ပြီ”

(ငါး)
နံနက်လင်းအားကြီးလေးနာရီထိုးလုချေပြီ။နောက်ဆုံးဝင်လာသော
ဖုန်းနံပတ်ကား၊ဇာတိနိုင်ငံကုဒ်နံပတ်ပါသည့် နိုင်ငံဖြတ်ကျော်ဖုန်းဖြစ်လေသည်။

“ဟယ်လို၊ဒကာဒင်ကြီးလား။ရွှေပင်ကျောင်းထိုင်ဘုန်းကြီးပါဒကာ။လောက်ကိုင်ကိစ္စမှာ
တရုတ်တွေရမဲ့လျော် ကြေးမျိုးသာဆိုရင်၊ဒီအချိန်ဒီနည်းနဲ့ ဘုန်းတော်ကြီးပျံလွန်တော်မူရင်ဖြင့်ဆောက်လက်စဆွမ်းစား ဆောင်လေး အတွက် ရင်အေးခဲ့ရမှာသေချာတယ်ဒကာဒင်ရေ့”

အသက်တရာမနေရအမှုတစ်ရာပွေရတတ်သောလောကကြီးပေတကား၊
ကာလနာတိုက်၍မသာဖြစ်ရမည့် ကိစ္စ အပေါ်ဈေးပြိုင်တင်ဒါစနစ်ဖြင့်ယှဉ်ပြိုင်လိုသူအမြောက်အမြားပေါ်ထွက်လာကြသည်မှာ၊
အဆိုပါဂယက်သည်ဖူးခက်တွင်သာမက၊မိုင်ပေါင်းထောင်ချီဝေးသည့်၊
ကျေးရွာဇနပုဒ်ကျွန်ုပ်၏ဇာတိရွှေပင်ရွာအထိပါ ဒုတ်ဒုတ်ထိ ကူးစက် လောင်မြိုက်ခဲ့လေပြီတကား။

သြော်၊တို့ပြည်နဂရဘုံဌာနတွင်သင်္ဘောနစ်၍သေလေသော်
၊ကျပ်တစ်သိန်းမျှသာလျော်ကြေးရသည်ဖြစ်၍၊တိုင်းခြားတရုတ်တို့၏
အသက်နှင့်တန်ဖိုးချင်းယှဉ်လေသော်မိုးနှင့်မြေပမာ၊ကွာခြားလွန်းလှပေစွ။

ဈေးပြိုင်စနစ်ဖြင့်မြိုင်မြိုင်ကြီးသေလိုကြသူ၊ရပ်ဝေးရပ်နီးမှအသိမိတ်ဆွေများ၏
အမေးသတင်းစကားတို့ကိုအလျဉ်း သင့်သလိုပြန်လည်ဖြေဆိုလျှောက်တင်
ပြီးချိန်သည်၊နံနက်ငါးနာရီဒင်ကနဲထိုးနေလေပြီ။တမှေးဖြင့် အိပ်မှဖြစ်တော့ချေ မည်။ထိုညကကျွန်ုပ်မအိပ်စက်မီဘုရားပုထိုးရှိခိုးအပြီး၊ကျွန်ုပ်၏ ဆုတောင်းမှာ၊ယခင် နေ့များထက်အတန်ငယ် ထူးခြားသည်ဟုဆိုနိုင်လေသည်။

သြကာသ၊သြကာသ၊သြကာသ၊အစိန္ဒေယျအပမေယျ၊
ဘုန်းတော်အနန္တဥာဏ်တော်အနန္တနှင့်ပြည့်စုံတော်မူသော မြတ်စွာဘုရား။
ယနေ့ပြုသမျှကုသလကြောင့်တပည့်တော်သည်ဘဝဆက်တိုင်းမြန်မာပြည်တွင်သာ
လူ့အဖြစ်ကို ရရပါလို၏။ထိုသို့လူဖြစ်လေတိုင်း၊ တရုတ်အားကိုးပုဆိန်ရိုး၊သောက်ချိုးတစ်စက်မှမပြေသည့်၊
ပထွေးတရုတ်ကိုပါပါးခေါ်သောတရုတ်ကြောက်မင်း တို့နှင့်ဘဝဆက်တိုင်းဆက်တိုင်းလွဲရပါလို၏။

ထို့ပြင်တဝ၊မပြေးသာမရှောင်သာ ဝဋ်ကြမ္မာကြောင့်တိုင်းခြားသားတို့၏လက်ချက်ဖြင့်ဗုံးဆံထိမှန်သေဆုံးရပါက၊
ယနေ့တရုတ်တို့တောင်းဆိုသောအသက်ဖိုးလျော်ကြေး ထက်မနိမ့်သည့်တန်းတူဈေးရရပါလို၏။မြတ်ရှင်စော၊သြကာသ၊သြကာသ၊သြကာသ။ ။

http://burmese.dvb.no/archives/86562

၂၆၊မတ်၊၂၀၁၅ နေ့ထုတ် ဆဲဗင်းဒေးနေ့စဉ်သတင်းစာမှ။ ။

အနာဂတ္တိဒိဗ္ဗစက္ခုရကြသူများနှင့်ကျွန်ုပ်။ ။

(မင်းဒင်)

(တစ်)
‘‘နင်း ဟောင် မား ဆြာဒင်၊ ဟန်-ကောက် ရှင့် ကျန့်-သောက်-နီ၊ ဆန်း ရစ် ခွိုက် လယ့်’’

‘‘ကုန်းရှီးဖား ချိုင်’’

‘‘ကျူ နီ ချန်း ကုန်း’’

‘‘ဘာတွေတုံးလဟ။ ကွိစိ ကွစနဲ့ အဆန်းတွေပါကလား’’

‘‘သြော်၊ ဆြာ့မွေးနေ့ကို တရုတ်ဘာသာစကားနဲ့ နှုတ်ဆက်ဂါရ၀ပြုလိုက်တာပါခင်ဗျ။ ဆြာ ဒင်နေကောင်းလား၊ တွေ့ရတာ ၀မ်းပါတယ်။ မွေးနေ့မှာ ပျော်ရွှင် ပါစေပေါ့ ဆြာရယ်’’

‘‘တပည့်ပြောတဲ့ ကုန်းရှီးဖား ချိုင်ဆိုတာ ချမ်းသာကြီးပွားပါစေ လို့ ဆုမွန်ကောင်းတောင်းတာပါ ဆြာ’’

‘‘ကျူနီချန်းကုန်း၊ အောင်မြင်ပါစေပေါ့။ ဆန်း ရစ် ငမ်း သယ် ခိုင်း ရှင်-မွေးနေ့သမယမှာ ပျော်ပျော် နေပါ ဆြာ’’

ဘယ်နှနှစ်မြောက် ဟူ၍ ကျွန်ုပ်ဖွင့်ဟမပြောကြားလိုသော ထိုနေ့က ကျရောက်သည့် ကျွန်ုပ် ၏ မွေးနေ့ရက်မြတ်တွင် နေအိမ် ရှိရာသို့ တစ်စုတစ်ဝေးတည်း ပေါက်ချလာကာ နှုတ်ခွန်းဆက် လာကြသူများကား ကျွန်ုပ်၏ ချစ် လှစွာသော တပည့်ကျော်များ ဖြစ်လေ၏။

‘‘တယ်ဟုတ်တဲ့ ငါ့တပည့် တွေပါကလား။ ဘာသာမျိုးခြား စာ စကားသင်ကြားသင့်သည် မှတ်ဆိုတာ အခုလိုကမ္ဘာပြားနေ တဲ့ ခေတ်ကြီးမှာ သိပ်မှန်တဲ့ စကားပေါ့ကွာ။ အားရချက်၊ ဒါမှ ငါ့ တပည့်တွေကွ’’

‘‘ဒါပေါ့ ဆြာ။ ဒါပေါ့။ လူငယ်ဆိုတာ အနာဂတ်ကို လှမ်းမျှော် ကြည့်နိုင်ရမယ်လေ’’

ဖေကြည်ငယ်၏ ခံယူချက် ကား အလွန့်အလွန် လေးစားဖွယ်ကောင်းလေစွ။ ကျွန်ုပ်ဝမ်းမြောက်ကျေနပ်ရပါ၏။

‘‘ဟာ . . . ကောင်းလိုက်တဲ့ မှန်းမျှော်ချက်။ တို့နိုင်ငံမှာလိုအပ်နေတာ ဒီလိုလူငယ်မျိုး တွေပေါ့လ ဟ’’

လေမင်းသားသည်လည်း ခေသူမဟုတ်လေ။

‘‘လာမယ့် အနှစ် သုံး၊ လေး ဆယ်ကို တွက်ဆထားနိုင်မှ တော် ကျမှာ ဆြာဒင်ရဲ့’’

ကပ္ပလီငယ်၏ ပြုံးရွှင်သော မျက်နှာပေးသည်၊ သူ့ရောင်းရင်းနှစ်ဦး၏ မှတ်ချက် စကားတို့နှင့်တစ်ထပ်တည်း၊ တစ်သဘော တည်းဖြစ်ကြောင်း အထင်အရှားဖော်ပြနေလေရာ ထိုနေ့သည် ကား ကျွန်ုပ်အတွက် အင်မတိ၊ အင်မတန်မင်္ဂလာရှိလှသော မွေးနေ့ အခါ သမယဖြစ်ချေ၏။

(နှစ်)

တပည့်ကျော်များအနေဖြင့် သည်လောက်အထိ ခေတ်မီမီ ကမ္ဘာကြည့်ကြည့်မြင်နိုင်လိမ့် မည်ဟု ကျွန်ုပ်တစ်ရံတစ်ဆစ်မျှ အိပ်မက်ပင်မမက်ခဲ့ချေ။ သင်းတို့အား ခပ်ပေါပေါခပ်ကြောင်ကြောင် တပည့်များဟုသာ ကျွန်ုပ်တွေးထင်မှတ်ယူခဲ့သည်မှာ အမှားကြီးမှားလေပြီ။

‘‘ဒါက ဆြာအားလပ်တဲ့အခါ လေ့လာဖို့ အမျိုးသားစာပေဆုရ တင်မော်(ဓာတု)ရဲ့ လိုတိုရှင်း တရုတ်စကားပြော စာအုပ်ပေါ့ ဆြာ။ မွေးနေ့လက်ဆောင်ပါ’’

ဖေကြည်၏ မွေးနေ့လက် ဆောင်ကို ကျွန်ုပ်လှမ်းယူနေဆဲ မှာပင် လေမင်းသားသည်လည်း သေသပ်လှပစွာ ထုပ်ပိုးထား သည့် စက္ကူဘူးငယ်တစ်ခုဖြင့် လက်ဆောင်ပေးလာပြန်သည်။

‘‘ဒါက တရုတ်စကားပြော လေ့ကျင့်ဖို့ စီဒီနဲ့ ဗီစီဒီခွေတွေပါ ဆြာ’’

တပည့်ကျော် ကပ္ပလီ၏ နောက်ဆုံးလက်ဆောင်ကား အ လွန်တရာထူးခြားသည်ဟု ဆိုနိုင်လေမည်။

‘‘ဖန်တက်စီရှိုးပွဲလက်မှတ် နှစ်စောင်ပါ ဆြာ။ တရုတ်လို၊ အင်္ဂလိပ်လို မွှတ်နေတဲ့ ထိုင်း၊ မလေး နဲ့ တွဲကြည့်ဖို့ ဆြာ့တပည့်ကိုယ် တိုင်စီစဉ်ထားပါတယ် ဆြာ။ တရုတ်စကားပြော လေ့ကျင့်တဲ့ သဘောပေါ့’’

အလိုက်ကန်းဆိုးလွန်စွာသိ ၍ ရှေ့နောက်ဆင်ခြင်အမြော်အ မြင်ကြီးမားသော တပည့်တို့ကား ထင်မှတ်မထား လက်ဖျားခြေဖျားပင် ခါရလောက်အောင် တော်ရှာ ကြပါပေ၏။ သင်းတို့သည် အနုံ ညာတကလေက၀ အဆင့်သာ သာဟု ထင်မှတ်ခဲ့သည့် ကျွန်ုပ်၏ အတွေးမှာ တက်တက်စင်အောင် လွဲခဲ့ချေသည်။

အတိဇာတတပည့်များနှင့် အတူတကွပေါင်းဖော်နေထိုင်ရ ခြင်းသည် မင်္ဂလာတစ်ပါးပေ တည်း။ တပည့်ရကံကောင်းလေ စွ။ တပည့်မွေးရကျိုးနပ်လေစွဟူ ၍ ကျွန်ုပ်ဝမ်းမြောက်ခြင်းကြီးစွာ ဥဒါန်းအကြိမ်ကြိမ်ကျူးရင့်နေမိ ချေသည် တမုံ့။

(သုံး)

ဆြာသမား ဆိုသော်ငြား တပည့်တို့က လမ်းကောင်းကို ညွှန်ပြလျှင် မရှက်မရွံ့၊ မပျင်းမရိ လိုက်နာကျင့်ကြံရမည်မှာ ဆြာ ကောင်းတို့ ဓလေ့ထုံးတမ်းမဟုတ် တုံလော။ ထိုနေ့မှစ၍ ကျွန်ုပ်သည်တရုတ်ဘာသာစကားကို ကျွမ်း ကျင်ရေလည်စွာ ပြောဆိုတတ် စေရန် လက်လှမ်းမီသမျှ ဘုတ် အုပ်၊ စီဒီ၊ ဗီစီဒီနှင့် အွန်လိုင်းတွင် ပါမကျန်ရှာဖွေမွှေနှောက်သင်အံ ခဲ့လေရာ ရက်သတ္တတစ်ပတ်ခန့် မျှအတွင်း ဝေါ် ကျောက် ဆြာဒင် (ကျုပ်နာမည်ဆြာဒင်ပါ)၊ နီတက် မင်ကျူ ကျောက်ဆက်မော့ (ခင်ဗျားနာမည် ဘယ်လိုခေါ်ပါလိမ့်)၊ ယွီကျန့် ကျွင်း မြန့် ဖန့်- ၀မ့် ယီး-ကျို(ခင်ဗျားကို တွေ့ချင်နေတာကြာပြီ)အစရှိသည့် ထမင်းစား၊ ရေသောက် တရုတ်စကားကို ဌာန်ကရိုဏ်းကျကျပြောဆိုနိုင်ခဲ့ လေသည်။

တပည့်ကျော်တို့ကား သင်း တို့ကိုယ်တိုင်လေ့လာရုံသာမက ဖူးခက်ရောက် မြန်မာလုပ်သားတို့ အကြား တရုတ်ဘာသာပြန့်ပွား ရေးအတွက် အလုပ်သမားတန်း လျားများဆီသို့ပါ နေ့မနား၊ ညမ အား သွားရောက်လျက် ပညာဒါန ပြုနေကြလေရာ ကျွန်ုပ်အနေဖြင့် ဖူးခက်ရောက် မြန်မာတို့အလယ် တွင် တပည့်ကောင်းတို့၏ ဆြာ အဖြစ် များစွာ ဂုဏ်တက်လျက် မျက်နှာပန်းပွင့်ရလေသည်။

‘‘ဆြာ့တပည့်တွေ တော်ချက်ကတော့ ကမ်းကုန်တယ် ဆြာရေ။ တရုတ်စကားပြော တတ်တော့ ကျွန်တော့်စားပွဲထိုးအလုပ်မှာ အရင်ကထက် တစ်မန်းနီးပိုရ တယ်ဗျ’’

‘‘ကျွန်တော်က ဟိုတယ်သန့် ရှင်းရေးလေ။ အခုလိုတရုတ် ကမ္ဘာလှည့်ခရီးသွားတွေ သိပ်များ တဲ့အချိန် တရုတ်လိုပြောပြီး ဘောက်ဆူးတောင်းရတာ ဟန် ကျချက်’’

တတ်သိဖွယ်ပညာရပ်တို့ကို ကိုယ်တိုင်လည်း ဆည်းပူး၊ အများသို့လည်း မျှဝေလေသည့် ဖူးခက် မြို့ရောက် မြန်မာတို့၏ မီးရှူးတန်ဆောင် တပည့်တို့ပေတကား။ ထိုမျှသာမဟုတ် ဆြာ့၏ ဈေးဆိုင်ငယ်တွင် ယခင်က၀ယ်သူမရှိသည့် တရုတ်စကားပြော ဘုတ်အုတ်၊ စီဒီနှင့် ဗီစီဒီတို့ အရောင်းသွက်လိုက်သည်မှာ ဆိုင်တွင် တင်သမျှ နာရီပိုင်းအတွင်းပြိုက်ခနဲ၊ ပြိုက်ခနဲကုန်လေသဖြင့် ဆြာ့အားကျွဲကူးရေပါသဘော အကျိုးပြုလျက်ရှိသည်မှာ လွန်စွာ ထင်ရှားလှချေ၏။

(လေး)

ချီးကျူးဂုဏ်ပြုထိုက်သူကို ထိုက်တန်စွာ အသိအမှတ်ပြုရ မည်မဟုတ်တုံလော။ ကျွန်ုပ်သည်လေးစားအပ်သော ကျွန်ုပ်၏ တပည့်ကျော်တို့အား ဖူးခက်မြို့၏ အထင်ကရဟိုတယ်ကြီးဖြစ်သော (Phuket City Hotel) တွင် ညစာဖြင့် တည်ခင်းဧည့်ခံရန် စီစဉ်ရပါ၏။ ယင်းဟိုတယ်၏ အထူးစပါယ်ရှယ်စားသောက်ခန်းမကြီး၌ တပည့်တို့ စိတ်ကြိုက်ဖြစ်မည် ဟု ယူဆရသည့် တရုတ်ဟင်းလျာ မျိုးစုံကို မှာယူလျက် ကျွန်ုပ်ကိုယ် တိုင်ကြိုတင်ရောက်ရှိနေချိန်တွင် တပည့်ကျော်သုံးဦးသည် ရှေးတရုတ်အမျိုးသားဝတ်စုံကိုယ်စီဖြင့် ပြုံးရွှင်စွာ ကြွမြန်းလာကြလေသည်။

သင်းတို့ကိုသည်ပုံဖြင့် မြင် ရသည့်အခါ ကျွန်ုပ်သည် စိတ်မ ဆိုးသော်ငြား ကျွဲမြီးတိုမိသည် ကား အမှန်ဖြစ်၏။

‘‘မင်းတို့ဥစ္စာ၊ တစ်ဆိတ်လွန် လွန်းပြီထင်တယ်နော်။ ဘယ့်နှယ်မြန်မာစစ်စစ်တွေက အမြင်မတော် တရုတ်ဝတ်စုံပြည့်နဲ့ မျက်စိနောက်လိုက်တာကွာ’’

ကျွန်ုပ်၏ စကားကြောင့် ကပ္ပလီငယ်သည် နှစ်ခြိုက်စွာ ပြုံး လိုက်၏။

‘‘ဆြာ မသိသေးပါဘူးလေ။ ဒါဟာ အနာဂတ်ကို ကြိုတင်တွေး မျှော်ထားတဲ့ သဘောပေါ့’’

‘‘ဟကောင်၊ တရုတ်ဘာသာ စကားဟာ ကမ္ဘာပေါ်မှာ ဒုတိယ အသုံးအများဆုံးဘာသာဖြစ်လာ တာ ငါလည်း သိတယ်။ ဒီ လောက်မတုံးဘူး။ အခုမင်းတို့ လုပ်လာပုံက တိုင်းပြည်နဲ့ လူမျိုး ကို ချစ်ရာမရောက် အမေကျော်ထွေးတော် လွမ်းသလိုဖြစ်နေပြီလေ။ ဒါနဲ့ မင်းတို့ တရုတ်စကားလေ့လာဖြန့်ဝေနေတဲ့ အဓိကရည် ရွယ်ချက်က ဘာများပါလိမ့်’’

ဖေကြည်သည် ကျွန်ုပ်အား သနားစရာသတ္တ၀ါတစ်ကောင်လို ကြည့်လျက် ခေါင်းတဆတ်ဆတ် ညိတ်ရင်း လေးနက်စွာ မိန့်ပါ၏။

‘‘ဆြာဟာလေ ပါးမလိုလိုနဲ့ အတော်ထူတဲ့ စာရင်းထဲမှာ ပါနေ တာကိုး"

လက်ရှိ မြန်မာနိုင်ငံမှာ ဖြစ်ပေါ်နေတဲ့ အခြေအနေအရပ် ရပ်ကို ထောက်ရှုရင်း နောင်သိပ် မကြာလှတဲ့ ဆယ်စုနှစ်များမှာ တရုတ်ပြည်သူ့သမ္မတမြန်မာနိုင်ငံ အဖြစ် သေချာပေါက်ရောက် တော့မှာ ဆြာရဲ့’’

‘‘ဟေ’’

ကျယ်လောင်လှသည့် ကျွန်ုပ်၏ အာမေဋိတ်သံကြောင့် စားပွဲဘေးတွင် ယို့ယို့ကလေးရှိ နေသော ထိုင်း-တရုတ်စားပွဲထိုးမကလေးပင် ထိတ်လန့်သွားဟန်ရှိ၏။ ဖေကြည်၏ အဆိုကို ထောက်ခံသော လေမင်းသား၏ လေသံသည်လည်း အေးဆေး တည်ငြိမ်လျက်ပင်ရှိလေသည်။

(ငါး)

‘‘ဟုတ်တယ်လေ ဆြာ။ မြန် မာပြည်ကို ခါးလည်က ဖြတ်ပြီးတရုတ်အတွက် မဟာဗျူဟာ မြောက်ဓာတ်ငွေ့ပိုက်လိုက်သွယ် ပေးထားတယ်။ တစ်ပြည်လုံးအနှံ့ တရုတ် စီမံကိန်းတွေချည်းပဲ။ တရုတ်တွေလိုသမျှ မြန်မာ့သယံ ဇာတကျောက်စိမ်း၊ ပတ္တမြား၊ အဖိုးတန်ရတနာတွေသာမက သလင်းကျောက်၊ အင်ကြင်းကျောက်၊ သစ်တော၊ ၀ါးတောတွေအပြင် တိရစ္ဆာန်မျိုးစုံ၊ ထနောင်းပင်နဲ့ သတို့သမီးပါမကျန် တရုတ်ပြည်ဘက်ပို့ပေး နေရတာကိုကြည့်ရင် မြန်မာ့အ နာဂတ်ကို ကြိုတင်ခန့်မှန်းနိုင်ပါပြီလေ’’

ဒေါသစိတ်ကြောင့် ကျွန်ုပ်၏တစ်ကိုယ်လုံးရှိသွေးတို့သည် ပွက်ပွက်ဆူလာသည်ဟု ထင်ရ၏။

‘‘ဟဲ့ အကောင်၊ နင့်ပါးစိတ် ပိတ်ထားစမ်းလဟ။ တိုင်းပြည်နဲ့ လူမျိုးအတွက် အသက်သွေးချွေး အစဉ်မနှေးပေးဆပ်နေတဲ့ မြန်မာ့ တပ်မတော်ကြီးရှိနေသမျှ ဒီအဖြစ်မျိုးကမ္ဘာတည်သရွေ့ မဖြစ်စေနိုင် ဘူးမှတ်။ တို့မြေ၊ တို့ရေကို တစ် လက်မမှ အကျူးကျော်မခံရ အောင် ခေတ်မီမြန်မာ့တပ်မတော် ကြီးအနေနဲ့ရင်ကို မြေကတုတ် လုပ်ပြီး ခုခံကာကွယ်မှာပေါ့ဟ။ တရုတ်မယားပါသားတွေရ’’

ကျွန်ုပ်ပေါက်ကွဲနေသော် ငြား ဖေကြည်ငယ်၏ အသံသည် မခိုးမခန့်ရယ်သံလွင်လွင်စွက် လျက်ရှိ၏။

‘‘တုံးပ့ါ ဆြာရယ်၊ အင်အား တစ်ထောင်လောက်သာရှိတဲ့ လက်တစ်ဆုပ်စာ ဘိန်းဓားပြတပ် ကို အင်အားနှစ်သောင်းကျော်နဲ့ ကြည်းတပ်၊ လေတပ်အင်အား ကုန်သုံးပြီး တိုက်တာတောင် ဗိုလ် ရော၊ စစ်သားတွေပါ ရာချီပြီး သောက်သောက်လဲ ကျဆုံးနေ တာ ဆြာမသိလေရော့သလား။ ကျတာတောင် နည်းသေး။ တိုက် လေယာဉ်၊တင့်ကားမှန်သမျှ ဈေး ကြီးပေးဝယ်ထားရတဲ့ တရုတ်ထုတ် အစုတ်ပလုတ်။ မြန်မာ့စစ် လက်နက်ပစ္စည်းစက်ရုံမှန်သမျှ တရုတ်လက်ရာ၊ မြန်မာတစ်နိုင်ငံ လုံးမှာ ဖြန့်ကြက်ထားတဲ့ ဆက် သွယ်ရေးစနစ်ကိုတောင် တရုတ် က ပိုင်ပိုင်နိုင်နိုင်ချုပ်ကိုင်ထားပြီ ခင်ဗျာ’’

ကျွန်ုပ်ကား အသားတဆတ် ဆန်တုန်နေသော်ငြား သင်းတို့၏ စကားကို ပြန်လှန်ချေပရန် စကား ရှာမရဖြစ်နေချိန်တွင် လေမင်း သားတစ်ယောက် မီးလောင်ရာ လေပင့်နေပြန်သည်။

(ခြောက်)

‘‘ဒေါသကို လျှော့ပါ ဆြာ ရယ်။ ကျွန်တော်တို့ မြန်မာအစိုးရ တတ်ကျွမ်းတာဆိုလို့ ရိုက်မယ်၊ ဖမ်းမယ်၊ တရားစွဲမယ်၊ ထောင် ချမယ်၊ တရုတ်စီမံကိန်းကို ကန့် ကွက်ရင် သေနတ်နဲ့ အသေပစ် သတ်တယ်။ တရုတ်သံရုံးရှေ့မှာ ဆန္ဒပြရင် ဖမ်းတယ်။ အာမခံမရ ဘူး။ ထောင်ချမယ်။ တရုတ်ဆီက ရသမျှ ငွေချေးမယ်။ ပြည်တွင်း မှာပေါ်လာသမျှ ပြဿနာဗြောင် ငြင်းမယ်၊ ဖင်ပိတ်ငြင်းမယ်။ ငြင်း မှာပေါ။ ဗိုလ်ချုပ်အကြီးအသေး အားလုံးခံစားနေရတဲ့ စည်းစိမ်မှန် သမျှ တရုတ်ကျေးဇူး။ ခိုးဝှက်ထား သမျှ ငွေတွေက တရုတ်ဘဏ်ထဲ မှာ။ ဒီလိုတိုင်းပြည်မျိုး တရုတ် လက်ကျတာ ဘာမှမဆန်းဘူး။ နယ်ချဲ့စနစ်မရှိတော့ဘူးလို့ ဆြာ ဆင်ခြေပေးဦးမလို့လား။ အဲဒီ ခေတ်ကုန်ပြီဆြာရဲ့။ မြန်မာပြည် ကို တရုတ်က သေနတ်တစ်ချက် မှ မဖောက်ရဘဲ အပြီးအပိုင်သိမ်း ယူထားပြီးပြီဆိုတာ ယုံလိုက်ပါ တော့ ဆြာ။ ကြာလှနောက် အနှစ်သုံးဆယ်ပေါ့။ မြန်မာပြည်အနှံ့ မှာ တရုတ်တွေကြီးစိုးလာမယ်။ တရုတ်ယဉ်ကျေးမှုပျံ့နှံ့လွှမ်းမိုး လာမယ်။ တရုတ်ခိုင်းသမျှ လိုက် လုပ်နေရတဲ့ အစိုးရမို့၊ တရုတ် ပြည်သူ့ သမ္မတမြန်မာနိုင်ငံဖြစ် တော့မှာ သေချာပါသော်ကော။ သြော်၊ ဆြာက ၂၀၁၅ ကို မျှော် ချင်သေးသလား။ ရူးနှမ်းနှမ်း မတွေးပါနဲ့ ဆြာ။ ထုံးစံအတိုင်း မဲခိုးမဲလိမ်ပြီး မနိုင်နိုင်အောင် လုပ်၊ တရုတ်အကျိုးဆက်သယ် ပိုးမှာ မပူပါလေနဲ့။ ဒါပဲပေါ့ ဆြာ၊ ဒါကို အကင်းပါးပါးနဲ့ ကြိုမြင်တဲ့ ဆြာ့တပည့်တွေဟာ အခုချိန်ကစပြီး အဘက်ဘက်က ကြိုတင်ပြင် ဆင်နေတာပေါ့’’

မငြင်းသာသော အချက်များ လည်း ဖြစ်၊ အသက်အရွယ်နှင့် ဆြာသမားတည်းဟူသော ဂုဏ်ကိုစောင့်ထိန်းနေရသည်ဖြစ်၍ နှုတ် ဆိတ်နေရသော်ငြား ကျွန်ုပ်စိတ် ထဲတွင် မူသင်းတို့အား မအေနှမ၊ သေချင်းဆိုး၊ ခွေးသူတောင်စား အစရှိသည့် အယုတ္တအနတ္တဆဲ နည်းမျိုးစုံဆူညံစွာ ပေါ်ထွက်လာ နေ၏။

ကျွန်ုပ်တည်ခင်းသမျှ မသဒ္ဓါ ရေစာ တရုတ်ဟင်းလျာတို့ကို တရုတ်ဝါးတူကိုယ်စီကျွမ်းကျင် စွာ ကိုင်တွယ်လျက် ပါးဖြဲနားဖြဲ တဟဲဟဲ၊ သင်းတို့အပင်းဆို့နေကြ သည်ကို စိတ်မသက်မသာဖြင့် ကြည့်နေမိချိန်တွင် စားသောက် ခန်း၏ တစ်နေရာမှ ထွက်ပေါ်လာ သည့် တရုတ်သီချင်းအလွမ်း တေးသံမှာ ကျွန်ုပ်၏ နားထဲသို့ သံရည် ပူဖြင့် လောင်းထည့်လိုက်ဘိသကဲ့ သို့ရှိလေရာ စိတ်ကို အနိုင်နိုင် ထိန်းနေရင်း ကြားမှာပင် ကျယ် လောင်သော ဖရုဿဝါစာတစ် ခွန်းသည် ကျွန်ုပ်၏ နှုတ်ဖျားမှ မထင်မှတ်ဘဲ ပွင့်အန်ကျသွားခဲ့ လေသည်။

‘‘မျိုကြ၊ ဆို့ကြဟဲ့။ မသေ ခင်လေး အားရအောင်မျိုကြ၊ ဆို့ ကြ။ သေချင်းဆိုးမဲ့ တရုတ်အား ကိုး မအေရိုးတွေ’’

၂၇၊မတ်၊၂၀၁၅ နေ့ထုတ် သည်လေးဒီးစ်အပတ်စဉ်ဂျာနယ်မှ ။ ။

နွားရိုင်းသွင်းချိန်။ ။

(မင်းဒင်)

(၁)
နေဝင်သွားခဲ့သော်ငြား၊ညမဟုတ်သေးချေ။နေ့အလင်းရောင်သည်
မြေကမ္ဘာမှအသာတကြည် ဆုတ်ခွာရန် အကြောက်အကန်ငြင်းဆန်လျက်ရှိ၏။ထွက်ပြူလာမည့်
လမင်းသည်လောကဓာတ်တခွင်ကိုမဝံ့မရဲ ချောင်းကြည့် ရင်း၊အေးရိပ်ပေးရန်အားယူလျက်ရှိသည်။အန္တရာယ်၏အရိပ်အငွေ့ကို
စူးစမ်းနေလေသလောမဆိုနိုင်ချေ။

နေညိုခဲ့ပြီ။ညီအကိုမသိတသိအချိန်ဖြစ်၍၊ကောင်းကင်ထက်တွင်
အိပ်တန်းပျံငှက်တို့ကိုဟိုတစ်အုပ်သည်တစ်အုပ် တွေ့မြင်နေရသည်။
ဟိုးအဝေးဆီမှနွားခလောက်သံ၊ခြူသံဂလုံဂလုံ၊တချွင်ချွင်တို့ကိုကြားလာရသည်။
မကြာမီယိုင်နဲ့နဲ့ ရွာတံခါးဆီမှရွာအတွင်းသို့တဟုန်ထိုးပြေးဝင်လာသည့်နွားအုပ်ကြီးကြောင့်
ရွာလယ်လမ်းမကြီးမှာ ဖုန်းတ ထောင်း ထောင်းထနေလေပြီ။

နွားကျောင်းသား၏နွားအုပ်ကိုဖရုဿဝါစာဆဲဆိုကြိမ်းမောင်းသံတို့နှင့်အတူ
ရွာတွင်းမှာလည်းသတိပေးသံတချို့ပေါ် ထွက်လာ၏။

“ဟိတ်၊ဟို၊ငါရိုးမနွား၊ဘယ်ချောင်ဝင်တိုးနေပြန်တာတုန်း”

“ဟဲ့၊ကလေးတွေလမ်းပေါ်မထွက်ကြနဲ့လေ။နွားရိုင်းသွင်းချိန်ဟဲ့။သေနာလေးတွေရဲ့”

“အပမှီလာမယ်နော်။အိမ်ထဲမဝင်ခင်ခြေဖဝါးကဖုန်မှုန့်ကိုနဖူးတို့လိုက်အုံး”

နွားရိုင်းသွင်းချိန်နေရီရီကားဖုန်လုံးထူ၏။မြူခိုးဝေ၏။ခွေးအူ၏။
။နွားကျောင်းသား၏ငါရိုးသံညံ၏။ညနေညိုတွင်နေရီရီမချိုတော့။
။နွားရိုင်းတို့သူ့ခြံသူမဝင်မချင်း၊နေဝင်ရီတရောသည်လှလျက်နှင့်ဘဝပျက်ကာ
အကျည်းတန်လျက်ရှိ လေသည်။

အထက်ပါမြင်ကွင်းသည်ဇာတိရွာမှနွားရိုင်းသွင်းချိန်မြင်ကွင်းကို
ကျွန်တော်ဝိုးတဝါးမှတ်မိသမျှပုံဖော်ထားခြင်းဖြစ်သည်၊
ဥမမယ်စာမမြောက်အရွယ်ကျွန်တော့်၊မှတ်ဥာဏ်တွင်ထင်ကျန်ခဲ့သော၊
ဝရုန်းသုဉ်းကားဖြစ်စဉ်တခုကိုဖော်ပြပါဆိုလျှင်နွားရိုင်းသွင်းချိန်ဖြစ်၏။
လူမမယ်အရွယ်ဖြစ်၍နွားရိုင်းသွင်းချိန်တိုင်းတွင်၊ကျွန်တော်အထိတ်တလန့်ဖြစ်ခဲ့ရသည်။

အမည်တပ်ဖော်ပြ၍မရသောစိုးရိမ်စိတ်၊ကြောက်စိတ်တမျိုးကိုခံစားရသည်။
စင်စစ်ထိုနေညိုချိန်သည်ထင်ရာစိုင်းမည့်နွားရိုင်းအုပ်ကြီး
အုံနှင့်ကျင်းနှင့်ရွာတွင်းသို့တရှိန်တိုးပြန်ဝင်လာကြချိန်ဖြစ်၍ထင်မှတ်မထားသော
အန္တရာယ်အကြီးစားတခုခု၊မမျှော်လင့်ပဲပေါ်လာတတ်သောအချိန်ပေတည်း။

(၂)
ကျွန်တော်တို့မိသားစုရန်ကုန်သို့ပြောင်းရွေ့အခြေချခဲ့ချိန်သည်
(၁၉၆၂)တော်လှန်ရေးကောင်စီတက်လာသည့်အ ချိန်နှင့်တိုက်ဆိုင်နေခဲ့သည်။တော်လှန်ရေးကောင်စီကား၊
ဆင်းရဲသားတောင်သူလယ်သမားကျောမွဲလူတန်းစားတို့အတွက်
သာယာဝပြောသောဆိုရှယ်လစ်လူ့ဘောင်သစ်ဆီသို့ချီတက်ရန်ဟုဆိုပါသည်။
ပုဂ္ဂိလကပိုင်စီးပွားရေး လုပ်ငန်းများ၊စက်ရုံအလုပ်ရုံများကို
ပြည်သူပိုင်သိမ်းသည်။ဌာနဆိုင်ရာအသီးသီးတွင်စစ်တပ်မှအရာရှိကြီးငယ် များဝင်ရောက်နေရာယူလာကြသည်။

နယ်စုံကပြောင်းရွေ့လာကြသူများကြောင့်၊ရန်ကုန်ဆင်ခြေဖုံးရပ်ကွက်တိုင်းလိုလို
ကျူးကျော်တဲများနှင့်ပြည့်နှက်နေရာ၊ တရားဥပဒေစိုးမိုးမှုကင်းမဲ့နေသည်။
လူဆိုးလူမိုက်တို့ကြီးစိုးကာနယ်မြေလုံ ခြုံရေးနှင့်အုပ်ချုပ်မှုကောင်စီ (နလက)ရုံးတို့မှာ၊ဟန်ပြအဆင့်သာရှိခဲ့သည်။

ဗိုလ်ချုပ်ကြီးနေဝင်းအစိုးရသည်မြန်မာ့ဆိုရှယ်လစ်လမ်းစဉ်ပါတီကို
ထူထောင်ကာ၊မြန်မာ့နည်းမြန်မာ့ဟန်ဆိုရှယ် လစ်စနစ်ဖြင့်မြန်မာပြည်ကိုဦးဆောင်ခဲ့ရာ၊ယင်း၏အကျိုးဆက်အဖြစ်၊
ဆံသဆရာများ၊အနှေးယာဉ်လုပ်သားများ ပါရပ်ကွက်နှင့်မြို့နယ်အဆင့်တရားသူကြီးများဖြစ်ကုန်ခဲ့ကြဖူးသည်ဆိုလျှင်၊ယနေ့ခေတ်လူငယ်တို့အဖို့ယုံနိုင်ဖွယ်မရှိသောပုံပြင်တပုဒ်သာဖြစ်နေပေလိမ့်မည်။

ဆန်၊ဆီ၊ဆား၊နို့ဆီ၊ရေနံဆီ၊ပုဆိုးစ၊အထည်စ၊အိမ်သုံးဆေးဝါးနှင့်လူသုံးကုန်ပစ္စည်း
အတော်များများကိုသမဝါယမခွဲတမ်းစနစ်ဖြင့်ရောင်းချသည်။
သစ်ခွဲသား၊သံချောင်း၊ဘိလပ်မြေစသောကုန်မာပစ္စည်းများကို
ရပ်ကွက်၊မြို့နယ်အောက်ခြေအဆင့်ဆင့်၏ထောက်ခံချက်များ
ပါရှိသောလျှောက်လွှာများဖြင့် ကုန်သွယ်ရေး ဝန်ကြီးဌာနမှနေ၍ရောင်းချသော
စနစ်ကိုကျင့်သုံးခဲ့ သည်။

အတိုချုပ်ဆိုရလျှင်တိုင်းပြည်၏နိုင်ငံရေးစီးပွားရေးအရေးအရာ
မှန်သမျှမြန်မာ့ဆိုရှယ်လစ်လမ်းစဉ်ကသာ ဦး ဆောင်စီမံခဲ့သည်။နိုင်ငံတော်ကိုထူထောင်ရာ၌တံခါးပိတ်ဝါဒကျင့်သုံးခဲ့ပြီး၊
တိုင်းပြည်၏အမာခံအင်အားစုမှာပါတီ့မိတ်ဆွေ၊အရံပါတီဝင်၊
တင်းပြည့်ပါတီဝင်နှင့်ပါတီကေဒါတို့ဖြစ်ကြ၏။
ကျွန်တော့်၏ပညာရေးဘဝတစ်လျှောက်လုံးသည်လမ်းစဉ်ပါတီခေတ်တွင်
ကုန်ဆုံးခဲ့သည်။ကျွန်တော်အပါ အဝင် ပြည်သူလူထုအများစုမှာ လမ်းစဉ်ပါတီ၏ခေါ်ဆောင်ရာသို့မျောပါနေခဲ့ကြ၏။နိုင်ငံတကာနှင့်မျက်ခြေပြတ်လျက်၊ နယူးယောက်တိုင်း၊နယူးဝိခ်စသည့်မဂ္ဂဇင်းများမှာ၊လမ်းစဉ်ပါတီဗဟိုကော်မီတီဝင်
အဆင့်မှသာဖတ်ခွင့်ရလေရာ
အားလုံးလိုလိုမျက်စိပိတ်နားပိတ်ဖြစ်ကုန်ကြသည်။

(၃)
အမှန်မှာမူမအောင်မြင်သောမြန်မာ့ဆိုရှယ်လစ်လမ်းစဉ်ပါတီကြောင့်
တပြည်လုံးအတွင်းကြိတ်လောင်မြိုက်၊ပျက်စီးခြင်းငါးပါးဆိုက်နေခဲ့ခြင်းသာဖြစ်လေရာ
၊နေ့စဉ်သုံးစွဲနေသောငွေစက္ကူများတရားမဝင်ကြေညာရသည်မှအစပြု၍၊
တကမ္ဘာလုံးတွင်အဆင်းရဲဆုံးနိုင်ငံအဖြစ်သို့ကျရောက်ခဲ့သည့်အခါ
(၁၉၈၈)ခုနှစ်ပြည်လုံးကျွတ်လူထုအုံကြွမှုကြီးဖြင့်
၊မြန်မာ့ဆိုရှယ်လမ်းစဉ်ပါတီနိဌိတံခဲ့လေသည်။

တချိန်တည်းမှာပင်၊စစ်တပ်ဗဟိုပြုသည့်နဝတ၊နအဖခေတ်များသို့
ကူးပြောင်းလာပြန်ရာ၊ဈေးကွက်စီးပွားရေးစနစ်ကျင့်သုံးသည်ဆိုသော်ငြား၊
အုပ်ချုပ်ရေး စီးပွား ရေးကဏ္ဍ အသီးသီးတွင်၊ယင်းဌာနတို့နှင့်ပတ်သက်၍ နကန်းတလုံးမှ၊တတ်မြောက်ကျွမ်းကျင်ခြင်းမရှိသော၊
မိုးကျရွှေကိုယ်စစ်ဗိုလ်အရာရှိလူတန်းစားပေါ်ထွက်ခဲ့သည်။

(၁၉၉၀)ပြည့်နှစ်ရွေးကောက်ပွဲအနိုင်ရပါတီကိုအာဏာလွှဲပြောင်းခြင်းမပြုပဲ၊
ကတိကတိဝတ်ကိုပြောင်ပြောင်းတင်း တင်းချိုးဖောက်ခဲ့ပြီးသည်၏နောက်ဆုံးတွင်၊ စစ်အစိုးရအဆက်ဆက်သည် နိုင်ငံတိုးတက်ရေးခေါင်းစဉ်ဖြင့်၊
တ တိုင်းပြည်လုံးရှိမြေပေါ်မြေအောက်၊ရေပေါ်ရေအောက်ရှိရှိသမျှသယံဇာတတို့ကို၊
ကိုယ်ကျိုးအတွက်နေ့မနား၊ညမအားအားကြိုးမာန်တက်ရောင်းထုတ်ခဲ့ကြသည်။

အသွင်ကူးပြောင်းရေးကိုနည်းမျိုးစုံဖြင့်ရှောင်လွှဲခဲ့ပြီးနောက်၊
အဖက်ဖက်မှယိုယွင်းနေသောတိုင်းပြည်သည်နောက်ဆုံးလမ်းကျဉ်းသို့ရောက်ခဲ့ပြန်ရာ၊
(၂၀၀၈)နာဂစ်ဖွဲ့စည်းပုံကိုအခြေခံလျက်၊(၂၀၁၀)ခုနှစ်တွင်ပြည်သူ့လွှတ်တော်ပေါ်လာခဲ့၏။

သို့သော်ရိုးသားသည့်နည်းဖြင့်ကားမဟုတ်။မဲခိုးမဲလိမ်မသမာမှုမျိုးစုံဖြင့်၊
စစ်ဗိုလ်အရေခွံချွတ်ကာတက်လာကြသူအများစုဖြစ်၏။
အစိုးရအဖွဲ့တာဝန်ရှိသူတို့သည်ဒီမိုကရေစီဟူသောစကားလုံးကို
အသုံးပြုလျက်နိုင်ငံတကာချေးငွေရအောင်နည်းလမ်းမျိုးစုံဖြင့်ကြံဆောင်သည်မှာယင်းတို့၏အမြင့်ဆုံးအရည်အချင်းဖြစ်၏။

တကျောင်းတဂါထာ၊တရွာတပုဒ်ဆန်းဆိုသကဲ့သို့၊
ပြည်နယ်တိုင်းအသီးသီးမှ အစိုးရအဖွဲ့အသီးသီးအနေဖြင့် ကိုယ် ထင်ရာ ကိုယ်စိုင်းနေနိုင်ခွင့်ရကြဆဲဖြစ်၏။ မျက်နှာပြောင်တိုက်ကာကိုယ်ကျိုးရှာနိုင်ရန်၊
လူထုကိုအကြမ်း နည်းဖြင့်ဓားမိုးအုပ်ချုပ်ဆဲပင်ဖြစ်၏။ဆင်ခြင်တုံတရားမရှိ၊စစ်တပ်အားကိုး၊
ရဲအားကိုး၊လက်ရုံးအားကိုးဗရမ်းဗတာလူ့အဖွဲ့အစည်းဖြစ်ကာ၊ရှေ့သို့အရွေ့မရှိချေ။

(၄)
သမ္မတ၊ကာကွယ်ရေးဦးစီးချုပ်၊ လွှတ်တော်ဥက္ကဋ္ဌ၊လွှတ်တော်အမတ်၊ပြည်နယ်တိုင်းဝန်ကြီးချုပ်စသည့်တာဝန်ရှိ ပုဂ္ဂိုလ်များ၏တိုင်းရေးပြည်ရာအပေါ်မှတ်ချက်စကားတို့မှာ၊
လူထုအကြားတွင်ရယ်စရာပြက်လုံးအဖြစ်တွင်တွင်ကြီး
ရေပန်းစားနေခြင်းကိုကြည့်ခြင်းဖြင့်၊တိုင်းပြည်ခေါင်းဆောင်ဆိုသူတို့သည်၊
တိုင်းပြည်ကိုဆင်းရဲတွင်းမှပြန်လည် ကယ်တင်နိုင်သည့်အရည်အချင်းမရှိသူများအဖြစ်ထင်ရှားသည်။

။ပျောက်ဆုံးသွားခဲ့သောအမျိုးသားရေးဂုဏ်သိက္ခာကိုပြန်လည်ဆယ်ယူပေးနိုင်သူများ
မဟုတ်သည်မှာသေချာလှသည်။မြေယာသိမ်းယူမှု ၊ငွေကြေးဖောင်းပွမှု၊စီးပွားရေးစီမံခန့်ခွဲမှုညံ့ဖျင်းမှု၊တရုတ်တို့သြဇာအာဏာစက်
အလွန်အကျွံလွှမ်းမိုးလာမှု၊စစ်တပ်အပေါ်လူထုအကြည်ညိုကင်းမဲ့နေမှုစသည်တို့ကို ဆက်စပ်ဆင်ခြင်လျှင်၊မြန်မာပြည် သည် ကပ်သုံးပါးဆိုက်မည့်
လမ်း ကြောင်းပေါ်သုိ့ဦးတည်နေပြီဟုအခိုင်အမာဆိုနိုင်သည်။

များမကြာမီ၊(၂၀၁၅)အထွေထွေရွေးကောက်ပွဲကျင်းပတော့မည်ဖြစ်လေရာ
၊လူထုသည်မင်းပြောင်းမင်းလွဲကို အ ကြီးအကျယ်မျှော်လင့်လျက်ရှိနေချိန်၌
၊နိုင်ငံတော်သမ္မတကြီးသည်တိုင်းပြည်၏ရှေ့အနာဂတ်တွင် တပ်မ တော် ကိုဆက်၍အားပြုမည်ဟုဆိုလာ၏။ကာကွယ်ရေးဦးစီးချုပ်ကလည်း
တပ်မတော်သားလွှတ်တော်အမတ်များအနေဖြင့် လွှတ်တော်ထဲတွင်ဘက်မလိုက်ဘဲအကြံပြုဆွေးနွေးနေပြီး
လွှတ်တော်အတွင်းနှင့်ပြည်သူလူထု ကလည်း လက်ခံလျက်ရှိသည်ဟုမိန့်ကြားပြန်သည်။

ကျွန်တော်သည်မြန်မာပြည်၏စစ်အစိုးရအဆက်ဆက်ကို
နဖူးတွေ့ဒူးတွေ့ကြုံတွေ့ဖြတ်သန်းခဲ့သူဖြစ်လေရာ
၊ရွေး ကောက်ပွဲအလွန်နီးကပ်လာနေသည့်ယခုအချိန်ကာလတွင်၊နိုင်ငံနှင့်အဝှမ်းကသောင်းကနင်းဖြစ်စဉ်များကိုမြင်နေ ကြားနေရသည့်အခါ၊ငယ်စဉ်ကမြင်တွေ့ခဲ့ ရသောနွားရိုင်းသွင်းချိန်ကိုပြန်လည်သတိရမိသည်။

အထိတ် တလန့်ဖြစ်ခဲ့ရသည်။

အမည်တပ်ဖော်ပြ၍မရသောစိုးရိမ်စိတ်၊ကြောက်စိတ်တမျိုးကို
ကျွန်တော့်ရင်မှာပြင်းထန်စွာခံစားရရုံမျှမက၊လူအုပ်ကြီးအတွင်းသို့
တည့်တည့်ချိန်ရွယ်ပစ်ခတ်လိုက်သော၊သေနတ်သံတဒိုင်းဒိုင်းနှင့်သွေးသံရဲရဲ
အလဲလဲအပြိုပြိုဖြစ်နေသောလူထုကြီးကို
ကျွန်တော်မြင်ယောင်ကြားယောင်နေလေသည်။

၂၇၊မတ်လ၊၂၀၁၅နေ့ထုတ် နှင်းဆီဖြူ ဂျာနယ်မှ ။ ။

ပုံသေကွက်။ ။

(မင်းဒင်)

(၁)
“ခင်ဗျားပြောတာသွေးထွက်အောင်မှန်တယ်ဗျာ။ထိုင်းနိုင်ငံရဲ့ရှေ့ရေးကို
ကြိုတင်တွေးဆနိုင်တဲ့ခင်ဗျားရဲ့အရည်အချင်းကိုကျနော်သိပ်လေးစားသွားပြီ”

သူ့မျက်နှာတွင်ကျနော့်အားအလွန်အမင်းအံ့သြလေးစားသည့်အမူအရာ
အထင်အရှားပေါ်လွင်လျက်ရှိသော်ငြား၊ကျနော့်မှာမူ
ရှက်ရွံ့အားနာစွာဖြင့်သူ့ကိုငေးကြည့်မိသည်။

သူ့အမည်သည် မစ္စတာဥဖြစ်၏။ထိုင်းလူမျိုးဖူးခက်ဇာတိအသက်လေးဆယ်ဝန်းကျင်ဖြစ်သည်။ ခပ်သွယ် သွယ် မျက်နှာပေါက်၊ခြောက်ပေနီးပါးရှိသောအရပ်အမောင်း၊ အနေတော်ကိုယ်လုံးကိုယ်ဖန်နှင့် ရုပ်ရည်အတော် ကြည့် ကောင်းသူဟုဆိုနိုင်သည်။အမြဲတစေပြုံးနေတတ်သည့် မျက်နှာထားမှာ သူ့ပင်ကိုယ်စိတ်ရင်းအားဖော်ပြ လျက်ရှိ သည်။ပြည့်စုံသော လူဂုဏ်တန်မိဘများမှ ပေါက်ဖွားလာသူ ဖြစ်၍သြစတေလျနိုင်ငံတွင်ဂီတပညာရပ်ကို ငါးနှစ် တာဆည်းပူးလေ့လာခဲ့သူဖြစ်၏။ သူသည် ဖူးခက်မှနာမည်ကျော်တီးဝိုင်းတခု ၏ပင်တိုင်ဒရမ်မာသမားလည်းဖြစ် သည်။သူနှင့်သာမကသူ့မိသားစုနှင့်ပါကျနော်အလွန် ရင်း နှီးသည်။

အနုပညာသမားပီပီ၊အေးဆေးသောဘဝကိုသာ၊မက်မောဟန်ရှိသည့် ဥသည်၊ထိုင်းရဲတို့၏ခပ်ကင်းကင်းနေလို သဖြင့် သူ့မိဘပိုင်၊ဧရာမကာရာအိုကေ ဆိုင်ကြီးကိုပိတ်ကာ၊ခရီးသွားလုပ်ငန်းကုမ္ပဏီငယ်တစ်ခုထူထောင်ခဲ့ သည်။ဝန်ထမ်းများများစားစားမထားပဲ၊တခါတရံသူကိုယ်တိုင်၊ခရီးသွား
လမ်းညွန်အဖြစ်ကိုယ်ပိုင်တက္ကစီမောင်း နေလေရာ၊ဖူးခက်သို့
အခါအားလျော်စွာလာရောက်လည်ပတ်ကြသည့်၊ကျနော့်မိတ်ဆွေမြန်မာလူမျိုး
ခရီးသွား များကို သူနှင့်ချိတ်ဆက်ပေးရသဖြင့်၊သူနှင့်ကျနော်အမြဲလိုလိုလူချင်းဆုံမိနေသည်။

(၂)
လွန်ခဲ့သောတစ်နှစ်ခန့်ကဖြစ်၏။ရှပ်နီရှပ်ဝါတို့၏ပြင်းထန်သောအားပြိုင်မှုကို
အကြောင်းပြုလျက်၊ထိုင်းစစ်တပ်က အာဏာသိမ်းခဲ့သည်။အစပိုင်းတွင် အနီအဝါပြေလည်စေရေးအတွက်ထိုင်းစစ်တပ်အနေဖြင့်၊သမာသမတ်ကျကျ ကြားနေမည့်အရိပ်အယောင်များပေါ်ထွက်ခဲ့သော်လည်း၊မကြာမီမှာပင်လပိုင်းမှာပင်၊
ထိုင်းစစ်တပ်သည်ထိုင်းနိုင် ငံ၏အလုံးစုံသောအာဏာအရပ်ရပ်ကို အပြီးအပိုင်ရယူချုပ်ကိုင်ခဲ့ခြင်းဖြစ်သည်။

စစ်ချီတေးတွေဆက်တိုက်လွှင့်သည်။အာဏာသိမ်းဗိုလ်ချုပ်ကြီးက၊
နာရီပေါင်းများစွာကြာသောမာရသွန်မိန့်ခွန်း များကိုခြွေသည်။
မဟာမိန့်ခွန်းကြီးမှာထိုင်းစစ်တပ်ကို
အသေအလဲထောက်ခံကြသော၊ထိုင်းတောင်ပိုင်းလူထုပင် အသံထွက်ညည်းညူကြသည်အထိဖြစ်၏။စစ်သားများဇာတ်စင်ပေါ်တက်ကာ
သီချင်းဆိုကြသည့်ရုပ်သံလှိုင်းအ သီးသီးမှထုတ်လွှင့်ပြသလျက်၊ လူထုထောက်ခံမှုအကြီးအကျယ်ရသယောင်ပုံမှားရိုက်ကြသည်။

ရေမြောင်းတွေဖောက်ကြ၏။လမ်းဘေးဈေးသည်တွေနှိမ်နှင်း၏။မြန်မာ၊လာအို၊
ကမ္ဘောဒီးယားရွေ့ပြောင်းလုပ်သားများကိုဒလမန်းကြမ်းဖမ်းဆီး၏။
စစ်တပ်အသားပေးဧရာမဆိုင်းဘုတ်ကြီးတွေထောင်သည်။မြန်မာဘာသာဖြင့်
ဆီလျော်အောင်ပြန်ဆိုရလျှင်၊တပ်မတော်သာအမိ၊တပ်မတော်သာအဖ၊တပ်မတော်အင်အားရှိမှတိုင်းပြည်အင်အား ရှိမည်။တပ်မတော်သည်အမျိုးသားရေးကိုဘယ်တော့မှ သစ္စာမဖောက်၊ခေတ်မီဖွံ့ဖြိုးတိုးတက်သောနိုင်ငံတော် သစ်ကြီးဆီသို့ ၊ဟူသောအဓိပ္ပါယ်ပါသည့်စာသားများဖြစ်ပါသည်။

အဆောက်အဦးသစ်ဖွင့်ပွဲ၊ဆောက်လုပ်ရေး၊ လမ်းတံတားလုပ်ငန်းခွင်နှင့်ဌာနဆိုင်ရာရုံးပေါင်းစုံနှင့်ထိုင်းရဲစခန်းများတွင်ပါ၊
ထိုင်းစစ်ဗိုလ်စစ်သားများကို၊တမိုးလုံး ဖျောက်ဆိပ်မြင်လာရသည်။
အာဏာသိမ်းအဖွဲ့၏ခေါင်းစီးအမည်နာမကား
၊နိုင်ငံတော်ငြိမ်ဝပ်ပိပြားရေးတည် ဆောက်အဖွဲ့ဟူ၏။

(၃)
ဥသည်ထိုင်းစစ်တပ်မှာအာဏာသိမ်းခြင်းကိုအပြည့်အဝထောက်ခံသူဖြစ်သည်။
စင်စစ်သူသည်ထိုင်းဘုရင်မင်း မြတ်ကိုလေးစားယုံကြည်ကိုးကွယ်နေသူဖြစ်၍
စစ်တပ်နှင့်ဘုရင်ကိုရောထွေးမြင်နေဟန်ရှိ၏။အာဏာသိမ်း ခြင်း ဖြင့်
ထိုင်းနိုင်ငံတဝှမ်းအေးချမ်းသာယာလာမည်ဟုလည်းမျှော်လင့်နေပုံရသည်။
အဆိုပါအာဏာသိမ်းလုပ်ရပ်အပေါ်စကားစပ်မိကြ၍
ကျနော့်ထင်မြင်ချက်ကိုတောင်းခံသည့်အခါ၊

“ဒါဟာစစ်တပ်လုပ်ရမဲ့အလုပ်မဟုတ် ဘူး မစ္စတာဥ၊တိုင်းပြည်အတွက်အလားအလာမကောင်းဘူး”

ဟူသောကျနော့်တုန့်ပြန်ချက်ကို၊ သူသဘောတွေ့ ဟန် မတူချေ။

ထိုအတွက်ဥကိုကျနော်အပြစ်မမြင်ပါ။ရာဇဝင်စဉ်ဆက်ထိုင်းတောင်ပိုင်းသည်
အဝါတို့ကြီးစိုးရာနယ်မြေဖြစ်ခဲ့သည်။တရားမျှတသောရွေးကောက်ပွဲများတွင်
အစဉ်အဆက်အားဖြင့်အနီုတို့သာအကြိမ်ပေါင်းများစွာဆက်တိုက်အနိုင် ရနေခဲ့လေရာ၊သက်ဆင်ရှင်ဝါဝပ်ကိုမျက်မုန်းကျိုးနေသောစစ်တပ်သည်
အဝါဖက်ယိမ်းသယောင်ရှိသဖြင့်၊ဥအပါ အဝင်ထိုင်းတောင်ပိုင်းသား၊အဝါအုပ်စုတို့၊စစ်တပ်အာဏာသိမ်းခြင်းကို
အကြီးအကျယ်ထောက်ခံကြိုဆိုခဲ့ကြ သည်မှာမဆန်းလှ။

ဥကားကျနော်နှင့်ဆုံလေတိုင်းထိုင်းစစ်တပ်၏ကောင်းမှုကြောင့်၊
ဖူးခက်မြို့ကြီး၌မည်သို့မည်ပုံပြောင်းလဲတိုးတက် နေပြီ၊အကျင့်ပျက်လာဘ်စားမှုများ၊
မာဖီးယားတို့လက်ဝါးကြီးအုပ်မင်းမူအုပ်စိုးနေမှုများလျော့ကျသွားပြီ၊အစရှိ သည့်စစ်တပ်ကောင်းကြောင်းတရားတို့ကို ကျနော့်အားစိတ်အားထက်သန်စွာဖောက်သည်ချနေခဲ့သည်။ထိုအ ချိန်တိုင်းတွင်၊အခြေအတင်မငြင်းခုံလိုသောကျနော်သည်
သူ့ကိုပြုံးလျက်သာကြည့်နေခဲ့သည်။

သူကျနော့်ကို ပြန်ကြည့်သောမျက်လုံးများမှာ၊ “ထိုင်းစစ်တပ်နဲ့ထိုင်းနိုင်ငံအကြောင်း၊ခင်ဗျား၊ဘာမှမသိ ပါသေး ဘူးလေ” ဟူသောအဓိပ္ပါယ်ဆောင်လျက်ရှိသည်မှာသေချာလှသည်။

(၄)
လွန်ခဲ့သောနှစ်လခန့်ကမူ၊နိုင်ငံတကာဧည့်သည်များအလုံးအရင်းဝင်ရောက်လာလေ့ရှိသည့်၊
ခရီးသွားရာသီမှာပင်၊ဖူးခက်သို့ခရီးသည်ဝင်ရောက်မှုအကြီးအကျယ်လျော့ကျသွားလေရာ၊
ဥ၏စစ်တပ်ကောင်းကြောင်းတရားတို့မှာ ယခင်ကလောက်အားမပါလှတော့ချေ။

ဟိုတယ်နှင့်စားသောက်ဆိုင်များတွင်ကျီးနှင့်ဖုတ်ဖုတ်ဖြစ်နေသည့်နေ့ရက်များညွှန်းဆိုရင်း၊ “ဒါအစပဲရှိပါသေးတယ်မစ္စတာဥ” ဟူသောကျနော့်မှတ်ချက်ကိုခပ်ငေးငေး
နားထောင် နေခဲ့ သည်။
သို့သော်

“ဒီအခြေအနေဟာ နှစ်လထက်ပိုမကြာလောက်ပါဘူးလေ”
ဟူသောသူ့စကားသည်၊ထိုင်းစစ်တပ်အပေါ် ယုံကြည်အားထား စိတ်မကုန်သေးကြောင်းပြဆိုလျက်ရှိသည်။

ထို့ပြင်ထိုင်းစစ်တပ်၏သက်ဆင်အမျိုးဖြုတ်ရေး စီမံကိန်းများကိုသူအားရသည်။ယင်လပ်ကိုအမှုမျိုးစုံပုဒ်မမျိုးစုံတပ်၍ထောင်မကျကျအောင်၊
စစ်တပ်၏အားကျိုး မာန်တက်လုပ်ရပ်တို့ကို သူကျေနပ်နေပုံရသည်။

ထိုရက်များအတွင်း၊ကျနော့်ဗီဇာသက်တမ်းတိုးရန်၊ဖူးခက်လူဝင်မှုကြီးကြပ်ရေးရုံး
(တောမော)သို့ကျနော်ရောက် သည်။ယခင်အခါများက
ဆယ့်ငါးမိနစ်ဖြင့်ပြီးပြတ်သည့်၊(One Stop Service)မှာလူငါးဆယ်ခန့်လူတန်းရှည် ကြီးဖြင့်၊နှစ်နာရီနီးပါးကြာမြင့်အောင်စောင့်ခဲ့ရသည်။

တဖန်တူတော်မောင်၏ယာဉ်မောင်းလိုင်စင်အတွက်
ဖူးခက်မော်တော်ယာဉ်မှတ်ပုံတင်ရုံးသို့ရောက်ခဲ့ပြန်ရာ၊ ယခင်ကတမနက်တည်းပြီးပြတ်သည့်ဇာတ်လမ်းမှာ မနက်ခုနစ်နာရီမှနေ့လည်နှစ်နာရီအထိငါးရက်တိတိ ရက် ဆက်သွားရောက်မှသာဆုံးခန်းတိုင်ခဲ့သည်။အဆိုပါရုံးနှစ်ရုံးစလုံးတွင်လာဘ်ပေးလာဘ်ယူစနစ်မပျောက် ရုံမျှ မကပို၍ဆိုးရွားနေသည်မှာကိုယ်တွေ့ဖြစ်၏။

လွန်ခဲ့သောတပတ်ခန့်က ဖူးခက်ရောက်မြန်မာခရီးသွားတဖွဲ့ကိုဧည့်ခံရင်း၊သူနှင့်စကားလက်ဆုံကျရာမှ၊ ဖူး ခက် ဌာနဆိုင်ရာများ၏အပြောင်းအလဲအတွေ့အကြုံကို၊ပြောပြမိသည့်အခါတွင်မူ၊

“ဟာ၊ဟုတ်တယ်ဗျ၊စစ်တပ်ဟာ စီမံ ခန့်ခွဲမှုတွေမှာ အရမ်းအားနည်းတယ်၊စီးပွားရေးလုပ်ငန်းကိုနားမလည်ကြဘူး။ တချို့ထိုင်းကျေးလက်ဒေသ တွေမှာ၊ဆင်းရဲသားတောင်သူလယ်သမားတွေ
အကြီးအကျယ်ဒုက္ခရောက်ကုန်ကြပြီ”

ဟူ၍လှိုက်လှဲစွာထောက်ခံသောအသံထွက်လာသည်။ကျနော်သူ့ကိုပြုံးလျက်ကြည့်ရင်း၊

“ဇာတ်လမ်းမဆုံးသေး ပါဘူးလေ၊ခင်ဗျားစောင့် ကြည့်ပါဦး၊ရှေ့လျှောက်ဆိုးဖို့ပဲရှိတယ်"

ဟုခပ်အေးအေးလေသံဖြင့်မှတ်ချက်ပြုခဲ့ပါ၏။

ထိုအခါဥ၏တုန့်ပြန်စကားမှာ
“ဒါလည်းခဏပါဗျာ၊မကြာခင်ရွေးကောက်ပွဲတွေပြန်ပြီး ကျင်းပတော့မှာပါ၊ပါတီစုံ ဒီမို ကရေစီစနစ်ဆီပြန်ရောက်တော့မှာမို့၊ထိုင်းနိုင်ငံရှေ့ရေးအတွက်ပူစရာမလိုပါဘူးလေ”
ဟူ၏။

(၅)
သူ့စကားအဆုံးတွင်၊ “အေးပေါ့ဗျာ၊ဒီမိုကရေစီပြန်လာမှာပါ၊ဒါပေမဲ့ဒီမိုကရေစီအစစ်ကိုတော့ ခင်ဗျားအိပ်မက်မ မက်နဲ့တော့ဗျ။ထိုင်းနည်းထိုင်းဟန်ထိုင်းဒီမိုကရေစီဆိုတာလာပါလိမ့်မယ်”

ဟု၊ကျနော်အမှတ်မထင်ဆို ခဲ့မိ သည်။လွန်ခဲ့သောညက၊ကျနော်ဆိုခဲ့သောစကားနှင့် တထပ်တည်းတူညီသည့်၊ထိုင်းဝန်ကြီးချုပ်၏မိန့်ခွန်းကိုကြေ ညာခဲ့လေရာ၊ ဥတစ်ယောက်၊ယနေ့မနက်စောစောကျနော့်အိမ်သို့ပေါက်ချလာကာ၊
ဤဆောင်းပါး၏အစတွင်၊ဖော်ပြခဲ့ သောချီးကျူးစကားကိုဆိုခဲ့ခြင်းဖြစ်ပါ၏။
ကျနော်သူ့ကိုတွေငေးလျက်သာကြည့်နေမိခဲ့သည်။

စင်စစ်ကျနော်ကဲ့သို့(၁၉၆၂)နှစ်ဝန်းကျင်တွင်လူ့လောကကြီးသို့ရောက်ရှိလျက်၊
စစ်တပ်မှအကြိမ်ကြိမ်အာဏာသိမ်းမှုများကိုကြုံတွေ့ခဲ့သူ၊ထိုအာဏာသိမ်းပွဲတိုင်းကို
အကောင်းဖက်မှရှုမြင်ခဲ့သူ၊လူထုဒေါ်အမာ၏ “အာဏာရှင်ဆို တာ အရှင်မထွက်ဘူး”၊ဟံသာဝတီဦးဝင်းတင်၏ “စစ်အစိုးရဟာဘယ်တော့မှမယုံရဘူး”ဟူသည့်မှတ်ချက်များကို နားဝင်မချိုခဲ့သူ၊ယနေ့တိုင်စစ်အာဏာရှင်စနစ်၏ဆိုးမွေအဆက်ဆက်ကို၊
ကိုယ်တိုင်ကြုံတွေ့ခံစားနေရသူ၊မြန်မာနိုင် ငံသားတစ်ဦးအနေဖြင့်၊အာဏာသိမ်းထိုင်းစစ်တပ်၏ရှေ့ခြေလှမ်းများကိုကြိုတင်
သိမြင်ခန့်မှန်းနိုင်နေခြင်းမှာ၊ ဘာ မျှထူးဆန်းအံ့သြဖွယ်ရာမဟုတ်ပါချေ။

(၆)
မကြာမတင်ကာလ၌၊ထိုင်းစစ်တပ်သည်ထိုင်းနိုင်ငံ၏ဦးဆောင်မှု
အခန်းကဏ္ဍမှနောက်မဆုတ်စတမ်း၊ ဆက်လက် ပါဝင်နေဦးမည့်အကြောင်း၊ထိုင်းဗိုလ်ချုပ်ကြီးများပါဝင်သည့်နိုင်ငံတော်ကာကွယ်ရေးနှင့်
လုံခြုံရေးကောင်စီ(ကာလုံ)ပေါ်လာပြီး၊စစ်ဗိုလ်တမတ်သား
ထိုင်းလွှတ်တော်သို့ရောက်လာဦးမည့်အကြောင်း၊ဆန္ဒပြလူထုကို
ပစ်ခတ်သတ်ဖြတ်မှုများနှင့် ညှင်းပန်းနှိပ်စက်မှုများ သံသရာလည်ဦးမည့်အကြောင်း၊လာမည့်အနှစ်နှစ်ဆယ့်ခန့်အတွင်း ထိုင်းနိုင်ငံဆင်းရဲတွင်းနက်လာမည်ဖြစ်ကြောင်း၊စသည့်၊ကြိမ်းသေပေါက်ရှေ့ဖြစ်တို့ကိုပါ ကျနော်ဆက်၍ဟော လိုက်လျှင်၊သူပို၍အံ့သြပါလိမ့်မည်။

လက်ရှိအနေအထား၌ကျန်းမာရေးချူချာနေသောထိုင်းဒီမိုကရေစီ၏မီးရှူးတန်ဆောင်
ထိုင်းဘုရင်မင်းမြတ်နတ်ရွာစံချိန်တွင်၊ကျနော့်ဟောကိန်းအတိုင်ြးေ
မကြီးလက်ခတ်မလွဲဖြစ်လာသည့်အခါ၊မစ္စတာဥအနေဖြင့်၊သည့်ထက်ပို၍
ရင်သပ်ရှုမောဖြစ်ပေလိမ့်ဦးမည်မှာအလွန်တရာသေချာလှပါသည်။

၃၀၊မတ်၊၂၀၁၅ နေ့ထုတ် ဆဲဗင်းဒေးနေ့စဉ်သတင်းစာမှ ။ ။

ကျွန်ုပ်၊တပည့်ကျော်များနှင့်၊မဲသူခိုးစစ်ဆင်ရေး(၂၀၁၅)မဟာဗျူဟာ

(မင်းဒင်)

(တစ်)
ပြူးကြောင်ကြောင်မျက်လုံးငယ်တစ်စုံဖြင့်၊ပတ်ဝန်းကျင်ကိုအကဲခတ်ရင်း၊မျက်နှာကျက်ဆီမှ တွဲလောင်းကျနေ သောကြိုးစ၏လားရာအတိုင်းအောက်ဖက်သို့
တရွေ့ရွေ့ဇောက်ထိုးဆင်းလာနေသည့်ကြွက်တစ်ကောင်ကိုကျွန်ုပ်မြင်နေရ၏။

ကြိုးစ၏နှစ်တောင်ခန့်အကွာအဝေးသို့အရောက်တွင်အခြားကြိုးသုံးချောင်းရှိနေရာ
၊ကြွက်ငယ်သည်တခုသောကြိုးစအတိုင်းအောက်သို့ဆက်၍ဆင်းသွားပြန်ရာ
၊ဗန်းငယ်တစ်ခုဆီသို့ရောက်သည်။အဆိုပါဗန်းကိုကြိုးသုံးချောင်းဖြင့်
မျက်နှာကျက်မှတွဲလွဲဆွဲထားခြင်းဖြစ်ကာ၊ဗန်းငယ်ထဲတွင်ကြက်ဥအလုံးနှစ်ဆယ်ခန့်ရှိနေ၏။ဗန်း သည်ကြမ်းပြင်မှ လူတစ်ရပ်ကျော်အမြင့်တွင်ရှိနေသည်။

ယင်းကြွက်ငယ်သည်ကြက်ဥဗန်းအတွင်းသို့ရောက်သည်နှင့်၊ခြေနှစ်ချောင်းလက်နှစ်ချောင်း လက်နှစ်ချောင်းကို၊ မျက်နှာဆီသို့ ထောင်လျက်ပက်လက်လှန်ချလိုက်လေသည်။
ခြေလက်ကား ယားနှင့် တုတ်တုတ်မျှမလှုပ် တော့ချေ။

ဒီကြွက်ဘာလုပ်တာပါလိမ့်၊ဟုဥာဏ်မီအောင်တွေးတောခြင်းငှာမစွမ်းသာသည့်ကျွန်ုပ်သည်
တပည့်ကျော် ကပ္ပလီ အားစူးစမ်းသောအကြည့်ဖြင့်ကြည့်လိုက်ရာ၊
“ရှူး” ဟူသည့်အသံနှင့်အတူ၊ သူ၏လက်ညှိုးဖြင့်နှုတ်ခမ်း အစုံကို
ကန့်လတ်ဖြတ်ပြလျက် ကျွန်ုပ်အားဆိတ်ဆိတ်နေစေ၏။

ထိုအချိန်တွင်အခြားကြွက်ငယ်တစ်ကောင်သည်၊ဆိုခဲ့သည့်လမ်းကြောင်းအတိုင်း
ကြက်ဥဗန်းဆီသို့ဆင်းလာနေပြန်သည်။သူဗန်းအတွင်းသို့အရောက်တွင်
၊ကြက်ဥတစ်လုံးကိုခြေလက်တို့ဖြင့်အသာလှိမ့်လျက်၊ပထမကြွက်ငယ်၏ဗိုက်ပေါ်သို့
အားကြိုးမာန်တက်တွန်းတင်နေလေရာ၊မကြာမီမှာပင်ပက်လက်လှန်နေသော
ကြွက်ငယ်သည်ကြက်ဥကိုပိုက်မိလျက်သားဖြစ်သွားလေ၏။
သကောင့်သားကြွက်လူလည်နှစ်ကောင်၏အလုံးအဖန်ကား၊ကြက်ဥထက်ပင်ငယ်သေး၏။

ထို့နောက်ဒုတိယကြွက်ငယ်သည်ကြက်ဥပိုက်ထားသောပထမကြွက်ကိုခြေနှင့်ရော
လက်ဖြင့်ပါတွန်း၏။ခေါင်းဖြင့်ဝှေ့တွန်းတွန်း၏။မြင်သာအောင်ဆိုရသော်ပေပါတိုင်ကီလှိမ့်
သကဲ့သို့ဖြေးဖြေးချင်းတွန်းလှိမ့် လှိမ့်နေခြင်းဖြစ်၏။

သို့နှင့်မကြာမီပင် ကြက်ဥဗန်း၏နှုတ်ခမ်းစပ်ဆီသို့အရောက်တွင်၊ ဒုတိယကြွက်သည်ပထမကြွက်အား အောက် ဖက် ကြမ်းပြင်ဆီသို့ဆတ်ကနဲ၊အားစိုက်၍တွန်းကန်ချလိုက်လေတော့သည်။
ကိစ္စချောပဟဟုကျွန်ုပ်ထင်လိုက်သော်ငြား အလိုက်သင့်ကျောပြင်နှင့်ကျကာ ကြက်ဥအကောင်းပကတိကို ပိုက်လျက်သားပင် ခလုတ်မထိဆူးမငြိပဲ၊ဖုတ်ကနဲကြမ်းပြင်သို့ရောက်လေ၏။အံ့ဖွယ်သုတပါတကား။

(နှစ်)
အံ့အားသင့်လွန်းသောကြောင့်ကျွန်ုပ်၏နှုတ်ဖျားမှဟိုက်ကနဲပင်
အသံခပ်တိုးတိုးထွက်သွားရချေသည်။အနှီကြွက်မသားသည်
၊ခြောက်ပေခန့်အမြင့်မှကျသည့်တိုင်ကြက်ဥကိုပိုက်လျက်သား
ကျွမ်းကျင်ပိုင်နိုင်စွာထိန်းသိမ်းထားလိုက်နိုင်ပုံမှာ၊
တခေတ်တခါဆီကမြန်မာ့ဂန္ထဝင်ဘောလုံးသမားကြီးများဖြစ်ကြသော
ဂိုလီဘာခင်မောင်ထွန်း၊ဂိုးတင်အောင်တို့ကိုသတိရစရာကောင်းလှပါ၏။
ကမ္ဘာကျော်မန်ယူဂိုးသမားကြီးပီတာရှမိုက်ကယ်အားအောက်မေ့ဖွယ်ဖြစ်ချေ၏။

သူသည်ပွေ့ထားသောကြက်ဥကို ကြမ်းပြင်တွင်အသာအယာချလျက်
တွင်းပေါက်ရှိရာအရပ်သို့ တွန်းလှိမ့်နေရာ၊ ကြက်ဥဗန်းအတွင်း၌ကျန်ရစ်သောကြွက်ငယ်သည်၊
လာရာကြိုးစလမ်းအတိုင်း၊ကြမ်းပြင်သို့ရုတ်ခြည်းဆင်းလာ ကာ၊သူ့ရဲဘော်ကိုကူညီနေပြန်သည်။

ဤသို့လျှင်ကြွက်ငတက်ပြားညီနောင်သည်အထက်တွင်ဖော်ပြခဲ့သည့်နည်းဗျူဟာအတိုင်းအတိုင်အဖောက်ညီညီဖြင့်ကြက်ဥအလစ်သုတ်ခြင်းစီမံကိန်းကိုအကောင်အထည်ဖော်နေကြလေ ရာငါးမိနစ်အတွင်းသုံးလုံးပြည့်အောင်၊အံ့မခန်းစံချိန်တင်နိုင်သောဟူ၏။

ဤကြွက်စုတ်တို့၏စစ်ဆင်ရေးကိုကျွန်ုပ်၊ကပ္ပလီ၊လေမင်းသားနှင့်ဖေကြည်
တည်းဟူသောဆြာတပည့်လေးယောက်သား၊ညကြီးသန်းခေါင်သန်းနွှဲတွင်၊
မအိပ်စက်နိုင်ပဲ၊ဖင်ဘူးထောင်းကိုယ်စီထောင်လျက်၊အိမ်အပေါ်ထပ်ကြမ်းပေါက်ဆီမှ
၊အောက်ထပ်မီးဖိုချောင်ခန်းအတွင်းသို့ချောင်းမြောင်းကြည့်ရှုနေကြခြင်းဖြစ်ချေ၏။

လွန်ခဲ့သောရက်များဆီက၊ဘယ်သူ့လက်ချက်မှန်းမသိမျက်နှာကြက်တွင်
တွဲလောင်းဆွဲထားသောဗန်းအတွင်းမှကြက်ဥများ၊
မကြာခဏဆိုသလိုပျောက်ခြင်းကြီးမလှပျောက်ဆုံးနေခြင်း၏လက်သည်တရားခံကို
ကျွန်ုပ်တို့မျက်ဝါးထင်ထင်၊မြင်တွေ့ရလေပြီ။ အသက်ပင်မရှူမိပဲ၊ရှိနေမိသောကျွန်ုပ်သည်ရုတ်ခြည်းသတိပြန်ဝင်လာ၏။

“ဟကောင်တွေ၊ကြွက်ငနာနှစ်ကောင်နောက်ကိုလိုက်လဟ။
အတော်လည်တဲ့ကြွက်သူခိုးတွေ၊ကမ္ဘာ့အထူးချွန်ဆုံးသူခိုးဆုပေးတောင်ကောင်းဖို့နေပြီ”

တပည့်ကျော်ဖေကြည်ကား၊အေးဆေးတည်ငြိမ်သည့်အမူအရာဖြင့်အပြုံးမပျက်ရှိနေလေသည်။
“အသာနေစမ်းပါဆြာရာ။ကြက်ဥထက်အရေးကြီးတဲ့စစ်ဆင်ရေးတစ်ခုတပည့်တို့မှာ
ရှိနေပါတယ်လေ”

(သုံး)
ကျွန်ုပ်အူကြောင်ကြောင်ဖြစ်နေဆဲမှာပင်တပည့်ကျော်သုံးဦးတို့သည်၊
ကျွန်ုပ်အားထမင်းစားခန်းဆီသို့လက်တို့ ခေါ်ဆောင်ကာ၊ကျွန်ုပ်နေ့စဉ်မှီဝဲသည့်
ပျားရည်ပုလင်းငယ်၏အနီးတဝိုက်အားမှန်ဘီလူးငယ်ဖြင့်ကြည့်စေပြန်၏။

“ဘာတွေတွေ့တုန်းဆြာ”

“ပုရွက်ဆိတ်တွေတွေ့တာပေါ့ဟ”

“သေချာကြည့်ပါဆြာရဲ့။ဆြာရဲ့ ပျားရည်ပုလင်းကိုပုရွက်ဆိတ်မတက်နိုင်အောင်ရေထည့်ထားတဲ့ပန်းကန်ထဲမှာ ထည့်ထားတယ်မဟုတ်လား။အခုအသိဥာဏ်နုံနဲ့လှတဲ့စောရ
ပုရွက်ဆိတ်တချို့လောဘဇောတိုက်ပြီးရေကိုဖြတ်ကူးတော့၊ရေနစ်ပြီး
ကာလနာအတုံးအရုံးတိုက်ကုန်ပြီလေ”

“ဘာတွေတုန်းကွာ။နားရှုပ်လာပြီ”

“စိတ်မလောပါနဲ့ဆြာ၊တပည့်တို့နဲ့အတူခြံထဲဆင်းလိုက်ခဲ့ပါအုံးလေ”

ပြောပြောဆိုဆိုဒင်းတို့သုံးဦးခြံထဲသို့ဆင်းသွားကြပြန်ရာ၊ကျွန်ုပ်သည်လည်း
ညဉ့်နက်သန်းခေါင်ကြီးတွင်၊သင်းတို့ နောက်မှခပ်ကုပ်ကုပ်လိုက်ပါသွားရပြန်သည်။ခြံတွင်းတွင်လရောင်သဲ့သဲ့ဖြာလျက်ရှိ၏။ကျွန်ုပ်တို့သည်အသံလုံသောခြေလှမ်းများဖြင့်ခေါင်းရင်း အိမ်၏နောက်ဖေးဖက်သို့ရောက်လတ်သော်၊လေမင်းသားသည်ခြံအုတ်တံတိုင်း
ဘေးမှဝါးလုံးရှည်ကိုအသာဆွဲယူလိုက်ကာတဖက်ခြံမှတစုံတရာကို၊ညင်သာစွာလှမ်း၍ကော်ယူလိုက်၏။ဝါးလုံးဖျားတွင်ငြိမ်သက်စွာငိုက်လျက်သားပါလာသည်ကား၊ခေါင်းရင်းအိမ်မှထိုင်းလူပျိုကြီးတယုတယမွေးမြူထားသောထိုင်းတိုက်ကြက်ဖကြီးပေတည်း။အိပ်ပျော်နေသောကြက်ဖ၏ခြေနှစ်ချောင်းကြားရင်ဘတ်တည့်တည့်မှ၊အသာအယာ၊မကာဆွဲယူလိုက်ခြင်းဖြစ်၏။

“ဟိတ်ကောင်တွေ၊ဘာတွေလျှောက်နေတာတုန်း၊ကပ်စေးနဲကြက်သမား
လူပျိုကြီးနိုးလာမှဖြင့်ကျော်မကောင်း ကြားမကောင်း၊ဗမာကြက်သူခိုးတွေဆိုပြီးစံမကောင်းရဲစခန်းရောက်နေပါဦးမယ်ကွာ”

လိပ်ပြာလွင့်မတတ်လန့်ဖြန့်သွားသောကျွန်ုပ်သည်တပည့်တို့အားလေသံတိုးတိုးဖြင့်
စိုးရိမ်တကြီးသတိပေးနေ သော်ငြားရွှေကိုယ်တော်တို့ကား၊စိုးစဉ်းမျှစိတ် လှုပ်ရှားဟန်မပြကြချေ။

“အေးဆေးပါဆြာရယ်။အခုပဲပြန်ထားလိုက်မှာပါ။ဆြာသမားကို
လက်တွေ့လုပ်နည်းလုပ်ဟန်ပြချင်တာက လိုရင်း ပါဆြာ”

(လေး)
အိမ်အပေါ်ထပ်ပြန်အရောက်တွင်မူ၊ကျွန်ုပ်ဆက်၍သည်းခံအောင့်အီးခြင်းငှာ
မတတ်သာတော့ချေ။

“ကဲ၊နင်တို့အကြံအစည်ဘာတုန်းဆိုတာဗြောင်ပြောကြစမ်းလကွာ။
တကတည်း၊ခေါင်းတွေတောင်နောက်လာပြီ”

“သြော်၊ဆြာရယ်။ဆြာတို့ဘူဒါးကြီးတွေခေတ်ကိုမျက်ခြေပြတ်ကျန်ခဲ့ပါပကော။
အခု(၂၀၁၅)ဆိုတော့မကြာခင်လပိုင်းအတွင်းမှာအထွေထွေရွေးကောက်ပွဲကြီး
ကျင်းပတော့မယ်လေ”

“ဟ၊ရွေးကောက်ပွဲနဲ့ကြွက်သူခိုး၊ပျားရည်နဲ့ပုရွက်ဆိတ်၊ကြက်ခိုးနည်းတွေ
ဘာဆိုင်သတုန်း။အလှမ်းဝေးချက်ကွာ”

“အဲဒါဆြာသမားနားဝေးနေတာခင်ဗျ။ရွေးကောက်ပွဲလုပ်တော့မယ်၊အာဏာရပါတီက
သူ့အကျင့်ဆိုးထုံးစံအတိုင်း စစ်တပ်အားကိုးနဲ့မဲလိမ်မယ်၊ မဲခိုးမယ်။ဒီနည်းနဲ့ဒင်းတို့အာဏာဆက်ရသွားရင်၊အသက် ဖုတ်လှိုက်ဖုတ် လှိုက်ဖြစ် နေတဲ့တိုင်းပြည်ဟာသေချာပေါက်မာလကီးယားပြီပေါ့။
ဒါကိုဆြာတို့၊တပည့်တို့အနေနဲ့အတတ်နိုင်ဆုံးအပြောင်
မြောက်ဆုံးမဟာဗျူဟာနည်းဗျူဟာတွေချပြီးကာကွယ်တားဆီးမှသာ
၊နိုင်ငံနဲ့လူမျိုးကိုချစ်ရာရောက်တော့မပေါ့ဆြာ”

တပည့်ကျော်ကပ္ပလီ၏အဓိပ္ပါယ်ရှိ၍လေးနက်သောအဖြေစကားထောက်ရှုခြင်းဖြင့်၊
ကျွန်ုပ်၏လက်ရင်းတပည့်တို့သည်၊ဆြာကောင်းတပည့်ပီပီသြချရလောက်အောင်
အမြော်အမြင်တရားကြီးမားလွန်းပေစွ။

လေမင်းသား၏ထပ်ဆင့်ထောက်ခံဆွေးနွေးချက် သည်လည်းစိတ်ဝင်စားဖွယ်ကောင်းလှပေ၏။

“ဟုတ်တယ်ဆြာ။(၂၀၁၀)တုန်းကလို၊ဘယ်ကပေါက်ချလာမှန်းမသိတဲ့ကြိုတင်မဲတွေ
သိန်းချီရောက်လာတာမျိုးကိုလုံးဝအဖြစ်မခံနိုင်ဘူး။စောရနက္ခတ်ပါနေတဲ့
အာဏာရူးတွေကတော့၊မရရတဲ့နည်းနဲ့ခိုးမှာပဲ။တပည့်တို့ကလည်း မဖြစ်ဖြစ်တဲ့နည်းနဲ့တားဆီးရမှာပဲ။မဲသူခိုးစစ်ဆင်ရေး(၂၀၁၅)ဆိုပါတော့ဆြာ”

“အင်း၊ငါ့တပည့်ပြောတာဟုတ်တော့ဟုတ်ပါရဲ့။နို့ပေသိ တိရိစ္ဆာန်တွေခိုးပုံခိုးနည်းနဲ့ ဘယ်လိုများဆက်စပ်နေပါ လိမ့်မောင်ရယ်”

ကျွန်ုပ်၏အမေးကိုဒက်ကနဲနေအောင်တုံ့ပြန်ဖြေကြားသူကားလေမင်းသားဖြစ်၏။

“ဒီလူတွေကသိက္ခာဆိုလို့တပြားသားမှရှိကြတာမဟုတ်ဘူးဆြာရဲ့။အယုတ်တမာနည်းမျိုးစုံနဲ့ ကလိမ်ကကျစ်ကျ ကြမှာ ဆိုတော့တပည့်တို့က ဒင်းတို့နှာနုကိုဖြတ်ရိုက်နိုင်အောင်၊ တိရိစ္ဆာန်တွေရဲ့အမူအကျင့်ပါမကျန် ဒေါင့်ပေါင်း စုံကနေ လေ့လာပြင်ဆင် ထားရတဲ့သဘော ပေါ့ခင်ဗျာ။ဒါကြောင့်ဆြာတပည့်တွေအနေနဲ့၊ဒင်းတို့အသုံးပြုမဲ့ နေအေး လိမ်နည်း၊စောရလက်စွဲ၊ငတက်ပြား၏ဂန္ထဝင်မြောက်ခိုးနည်းတစ်ထောင်၊သူခိုးဋီကာ၊ မျက်နှာပြောင် တိုက်နည်း ပေါင်းချုပ်တွေကိုပါအကုန်အစင်လေ့လာနေရတာပေါ့ဆြာ”

(ငါး)
ကျွန်ုပ်၏တပည့်သုံးဦးအနက်တစ်ဦးကိုသမ္မတ၊နောက်တစ်ဦးကိုကာကွယ်ရေးဦးချုပ်၊
ကျန်တစ်ဦးအားလွှတ်တော်ဥက္ကဋ္ဌခန့်အပ်နိုင်ခဲ့ချေသော်၊အမိမြန်မာပြည်ကြီးသည်၊
အချိန်တိုတိုအတွင်းတဟုန်ထိုးတိုးတက်ကြီးပွားသွားပေ လိမ့်မည်ဟုကျွန်ုပ်တွေးတောမိလျက်၊ဝမ်းပန်းတသာ
လက်ပန်းပေါင်းခတ်မိမတတ်ဖြစ်သွားရချေသည်။

“အင်း၊လေးစားစရာကောင်းလှပါဘိတော့။ဒါနဲ့သူ့ချည်းသာလောမောင်တို့”

“ဒါတင်ဘယ်ကမတုန်းပါဆြာ။တမျိုးသားလုံးလှည်းနေလှေအောင်းမြင်းဇောင်းမကျန်
မဲသူခိုးစစ်ဆင်ရေးမှာပါဝင် လာအောင်၊လူထုနည်းနဲ့စည်းရုံးပညာပေးမယ်ဆြာ။ “မဲသူခိုးပါတီအလိုမရှိ”၊ “မင်းတို့လိမ်မှာငါသိတယ်”၊ “လူမှန် ရင်ရှက်တတ်ကြ”ဆိုတဲ့ စာသားပါတီရှပ်တွေ၊ ခြင်္သေ့ကိုငတက်ပြားမျက်နှာဖုံးစွပ်ပေးထားတဲ့ ရုပ်ပုံနောက်ခံနဲ့ “သူခိုး ပါတီလက်ကနေတိုင်းပြည်ကိုကယ်တင်ကြ”ဆိုတဲ့ ဗီနိုင်းပိုစတာဆိုင်းဘုတ်ကြီးတွေ၊ မဲသူခိုးဖော်ထုတ် ရေးလှုံ့ ဆော်ရေးတေးသီချင်းတွေပါ၊ပါဦးမှာဆြာရဲ့”

“အလိုလေးလေး၊အဟောဝတကောင်းလေစွ၊ဒါပေမဲ့ သူတို့မှာလက်နက်ရှိတယ်နော်ငဖေကြည်၊လျှော့မတွက် လေနဲ့”

“မပူပါနဲ့ဆြာ။ကျိန်စာတိုက်နည်းလဲပါသေးတယ်ဆြာ ။လက်ပံတောင်းတောင်မှာကျိန်စာတိုက်လိုက်တာ လောက် ကိုင်မှာအဖြစ်ဆိုးတွေနဲ့ပက်ပင်းတိုးကုန် ရောမဟုတ်လား”

“မဟုတ်တာတွေစိတ်မကူးပါလေနဲ့မောင်တို့ရာ။ဘယ်သူတရားပျက်ပျက်ကိုယ်မပျက်နဲ့လို့
ပညာရှိသူတော်ကောင်းများက၊ဆုံးမခဲ့တယ် မဟုတ်လား”

“ဟုတ်ပါတယ်ဆြာ။ဒါကနောက်ဆုံးနည်းလမ်းအနေနဲ့ဆြာ့ကိုတင်ပြတဲ့သဘောပါဆြာ။
လူထုအလွယ်တကူပါဝင် လာနိုင်တဲ့အကောင်းဆုံးနည်းလမ်းတခုလည်းရှိပါသေးတယ်”

“လုပ်ပါဦးင့ါတပည့်ရ။ဘယ်လိုနည်းလမ်းများပါလိမ့်။စိတ်ဝင်စားလှပါဘိ”

“မေတ္တာစူးတယ်၊စိမ်ရည်သင့်တယ်ဆိုတာတော့ ဆြာယုံတယ်မဟုတ်လား”

“ယုံပါသော်ကောမောင်ရယ်၊ပြောမှာသာပြောစမ်းပါ”

“ညဉ့်နက်လှပါပြီဆြာ၊ဆြာ့တပည့်တွေအဓိကလက်စွဲအဖြစ်အသုံးပြုမဲ့ မဟာဗျူဟာနည်းနာကိုသိချင်ရင်ဖြင့် တပည့်တို့ရဲ့အိပ်ယာဝင်ဘုရားရှိခိုးသံကိုသာ နားစွင့်ပါတော့၊ဂွတ်နိုက်ဆြာ”

(ခြောက်)
ထိုညက၊ကျွန်ုပ်သည်အိပ်ယာထက်တွင်လျောင်းစက်ရင်း တပည့်တို့၏အိပ်ယာဝင် ဘုရားရှိခိုးသံကိုနားစွင့်နေ ခဲ့ရာ၊သြကာသကန်တော့ချိုးရွတ်ဆို၊ သီလယူကြပြီးသည်မှနောက်ဆုံးမေတ္တာပို့အမျှဝေခန်းအရောက်တွင်၊ကြားရသည့်
သံပြိုင်မေတ္တာပို့သံအပြည့်အစုံမှာအောက်ပါအတိုင်းဖြစ်၍၊
မဲသူခိုးစစ်ဆင်ရေး(၂၀၁၅)ကိုပါဝင်ဆင်နွှဲလိုသူမိဘ ပြည်သူများနည်းယူနိုင်ရန်
၊လေးစားစွာဖြင့်မျှဝေဖော်ပြအပ်ပါသည်။

အစိုးရအဖွဲ့အတွင်း၌ရှိကြကုန်သော၊သမ္မတကြီးအမှူးပြုသည့်စံပြသူခိုးမဟာ၊
ဝန်ကြီးအယုတ်တမာတို့၊ဘေးရန်ခပ်သိမ်း ငြိမ်းကြပါစေ၊ဒေါသခပ်သိမ်းငြိမ်းကြပါစေ၊
ဆင်းရဲခပ်သိပ်သိမ်းငြိမ်းကြပါစေ၊နှလုံးစိတ်ဝမ်းအေးချမ်းကြပါစေ၊

လွှတ်တော်တွင်း၌ရှိကြကုန်သော၊မဲခိုးတက်လာ၊အမတ်အလိမ်အညာတို့
ဘေးရန်ခပ်သိမ်း ငြိမ်းကြပါစေ၊ ဒေါသ ခပ် သိမ်းငြိမ်းကြပါစေ၊ ဆင်းရဲခပ်သိပ်သိမ်းငြိမ်းကြပါစေ၊နှလုံးစိတ်ဝမ်းအေးချမ်းကြပါစေ၊

စစ်တပ်အတွင်း၌ရှိကြကုန်သော၊ဦးစီးချုပ်နှင့်တကွ၊အနန္တများစွာ၊
ဗိုလ်ချုပ်ဖွတ်ကချလာတို့ ဘေးရန်ခပ်သိမ်း ငြိမ်း ကြပါစေ၊ဒေါသခပ်သိမ်းငြိမ်းကြပါစေ၊ဆင်းရဲခပ်သိပ်သိမ်းငြိမ်းကြပါစေ
၊နှလုံးစိတ်ဝမ်းအေးချမ်းကြပါစေ။ ။

ဒီဗွီဘီအွန်လိုင်းစာမျက်နှာ ။ ။

ကျွန်ုပ်အား လူအများက လွန်စွာမြတ်နိုးလေးစား တန်ဖိုးထားကြ၏။ ။

(မင်းဒင်)
(တစ်)

အမှာစာ။ ။

အောက်တွင် ဖော်ပြလတ္တံ့သော စာတန်းငယ်သည်၊ ကျွန်ုပ်၏အနီးနေ လက်ရင်းတပည့် တဦးဖြစ်သူ မောင်ကပ္ပလီ၏ ပွဲဦးထွက်လက်ရာ ဖြစ်၏။ သူသည် ကျောင်းနေပညာအားဖြင့် သင်ရိုးကုန်အောင်ဆည်းပူးနိုင်ခဲ့သူ မဟုတ်သော်ငြား၊ စာရေးစာဖတ်ခြင်းတို့၌မူ ဝါသနာအလေ့ထုံသည်ကို ကျွန်ုပ်ကောင်းစွာ သတိပြုမိသည်။

တံငါနားနီးတံငါ၊ မုဆိုးနားနီးမုဆိုး၊ အတုမြင်အတတ်သင်ဟူသော ဆိုရိုးစကားတို့အတိုင်း မောင်ကပ္ပလီသည် ကျွန်ုပ်စာတိုပေစတချို့ရေးသားနေသည်ကို အားကျအတုယူလျက် ကျွန်ုပ်ကို အဓိကဇာတ်ကောင်အဖြစ် စိတ်ကူးယဉ် ဖန်တီးကာ ကြီးစွာသောလုံ့လဖြင့် မည်သည့်စာအမျိုးအစားဟူ၍ ခွဲခြားဖော်ပြရန်ခက်ခဲသည့် စာတပုဒ်ကို အစမ်းသဘော ရေးသားကာ ကျွန်ုပ်အားဖတ်စေခဲ့၏။ တဆက်တည်းမှာပင်၊ ၎င်းစာမူ၏အကျအပေါက်နဲ့ အခြား လိုအပ်ချက်တို့ကို ဖြည့်စွက်ပြင်ဆင်ပေးပါရန် မေတ္တာရပ်ခံခဲ့ရာ၊ အာစရိယဂိုဏ်းဝင် ကျွန်ုပ်အနေဖြင့် တပည့်ကျော်၏ ဝါသနာ ကောင်းအား မြေတောင်မြှောက်ပေးရမည့် ဝတ္တရားရှိသည်နဲ့ အညီ၊ လိုအပ်မည်ထင်ရသော၊ သဒ္ဒါဝါကျအထားအသိုအနည်းငယ်ကို ထောက်မပြင်ဆင်လျက် မူရင်းအာဘော်မပျက်စေပဲ အတန်ငယ် တည်းဖြတ်သုတ်သင်ကာ သူ၏ လက်ရာကို စာဖတ်သူတို့ မြည်းစမ်းနိုင်ရန် မိတ်ဆက်ပေးလိုက်ရပေသည်။

ယင်းစာ၌ သူရချင်ရောက်ချင်သော ဘဝတခုကို စိတ်ကူးပုံဖော်လျက်၊ ဆြာသမား၏ဂုဏ်ကို မြင်ယောင်ကြားယောင်ဖြစ်လာအောင် ဖတ်ချင့်စဖွယ်စန်းတင်ဖွဲ့ဆိုထားချက်ကို တွေ့မြင်နိုင်သည်။

သူ၏စာတွင်၊ အချို့နေရာများ၌ ကျွန်ုပ်၏ရေးဟန်များ မသိမသာရောစွက်လျက်၊ ကျွန်ုပ်နည်းတူ ကဘောက်တိကဘောက်ချာ ဖြစ်နေသည်ကို သတိချပ်မိသော၊ စာဖတ်သူတို့အနေဖြင့် လက်သင်တပည့်အား နားလည်ခွင့်လွှတ်ကြစေလိုကြောင်းနှင့် သူသည် နောင်တချိန်ကျွန်ုပ်ကဲ့သို့ပင် အစိုးရလူကြီးမင်းများ အမြင်ကပ်သည့်ကလောင်ရှင်တဦး သေချာပေါက်ဖြစ်လာမည်ဟု မျှော်လင့်ရပါ၏။

ဆြာဒင်(ရွာပြင်)

ခေတ္တ၊ ဖူးခက်ကျွန်း

ထိုင်းနိုင်ငံတောင်ပိုင်း၊

ခရစ်သက္ကရာဇ် ၂၀၁၅ ခုနှစ်၊ မတ်ခ်ျလ ၂၈ ရက်။ ။

(နှစ်)

“ချစ်သောအာစရိ”

(မောင်ကပ္ပလီရေးသည်)

ကျနော်၏အမည်သည် ကပ္ပလီ ဖြစ်ပါသည်။ ကျနော်၏ဖခင်မှာ ဦးဘ၊ မိခင်မှာ ဒေါ်ကုလားမ ဖြစ်ပါသည်။ မွန်ပြည်နယ်၊ ဘီလူးကျွန်းဇာတိဖြစ်သော ကျနော်သည် ၆ တန်း အောင်ခဲ့ပြီး၊ မိဘများ ဆင်းရဲသောကြောင့်၊ ကျောင်းမှ ထွက်ခဲ့ရပါသည်။ ထို့နောက် စစ်ထဲသို့ ဝင်ရောက်ပြီး၊ တပ်ကြပ်အဆင့်အထိ တာဝန်ထမ်းဆောင်ခဲ့ပါသည်။

စစ်တပ်ထဲတွင် ကျနော့်ဆရာ ဗိုလ်ကြီးဒင်နှင့် စတင်သိကျွမ်းခဲ့ပါ၏။ သူသည် သူ၏ဖိနပ်ကို တိုက်ပေးရန် ကျနော်အား တာဝန်စတင်ပေးခဲ့ရာ၊ အလွန်ပြောင်သဖြင့် ကျနော့်ကို သူသဘောအလွန်တရာ ကျသွားပါသည်။

ထို့နောက် ကျနော်သည် သူ၏လက်စွဲတော်အနီးကပ်တပည့် ဖြစ်လာပါတော့သည်။ ကျနော်၏ဆရာသည် ဗိုလ်ကျောင်းဆင်းဖြစ်၍ ထိုဗိုလ်ဆရာနှင့်ကျနော် ရှေ့တန်းစစ်မြေပြင် တိုက်ပွဲများတွင် အကြိမ်ပေါင်းများစွာအတူ တိုက်ပွဲဝင်ဖူးရာ၊ ပြင်းထန်သောတိုက်ပွဲများဖြစ်လေတိုင်း၊ ကျနော့်ဗိုလ်ဆရာသည် လှစ်ကနဲလှစ်ကနဲ၊ ပျောက်ခြင်းမလှ ပျောက်သွားတတ်လေရာ၊ ကျနော် သူ့ကို စိုးရိမ်တကြီး လိုက်ရှာသည့်အခါ ကတုတ်ကျင်းထဲတွင် ခေါင်းပု ၍ ဝပ်နေသည်ကို အမြဲလိုလို တွေ့ရလေ့ရှိပါ၏။ ထိုကြောင့် ကျနော့်ဆရာအား၊ သူနှင့် ကျောင်းဆင်းဖက်ဗိုလ်များက ကတုတ်ကျင်း ဗိုလ်ဟု၊ ကွယ်ရာတွင် နောက်ပြောင်ခေါ်ဝေါ်ကြသဖြင့် ကတုတ်ကျင်းဗိုလ်ဟူသောနာမည်တလုံး ရလာလေ၏။

ထိုနာမည်ပြောင်ကို ကျနော်ဆရာ ဘယ်ကနေကြားမှန်းမသိ။ ငါလိုဗိုလ်၊ လွယ်လွယ်ကျလို့ မဖြစ်၊ တပ်သားဆိုတာ ဘယ်လမ်းဘေးလျှောက်ရှာရှာ အလွယ်လေးဟု ဆင်ခြေ ပေးတတ်ပါသည်။

သို့သော် သူသည် အလွန်ရာထူး အတက်မြန်ခဲ့ပါ၏။ စစ်သက် ၁၅ နှစ်ကျော်အတွင်း၊ ဒုတိယဗိုလ်ချုပ်ကြီးအဆင့်သို့ ရောက်ရှိခဲ့ရာ၊ ကျနော်သည်လည်း မူလဒုံရင်းတပ်ကြပ်ရာထူးဖြင့် သူ၏အိမ်တော်ပါတပည့် ဖြစ်လာပါသည်။ သူသည် ထိုစဉ်က ကာကွယ်ဦးစီးချုပ်၏ တူအရင်း ဖြစ်သောကြောင့်၊ ကတုတ်ကျင်းအတွင်းမှသည် ဗိုလ်ချုပ်ကြီးဖြစ် လာသည်ဟု၊ ကျောင်းဆင်းဘက် အချင်းအချင်း သွားပုပ်လေလွင့် ပြောကြပါ၏။ ကျနော်၏အနေဖြင့်မူ၊ ဗိုလ်ချုပ်ကြီးချင်းအတူတူ ကျနော့်ဗိုလ်ချုပ်ကြီးက နှစ်မူးသာသည်ဟု ဆိုချင်ပါသည်။

(သုံး)

ထိုမှသည် ရန်ကုန်တိုင်းစစ်တိုင်းမှူး ဖြစ်လာပြန်ပါသည်။ ထိုကာလက၊ တနိုင်ငံလုံးတွင်၊ လမ်းတံတား၊ အဆောက်အဦးအများအပြား တည်ဆောက်နေချိန်ဖြစ်ရာ၊ ကျနော့်ဆရာသည် အဆိုပါလမ်းသစ်၊ တံတားသစ်၊ အဆောက်အဦ သစ်ဖွင့်ပွဲတို့အပြင်၊ ရေလောင်းအိမ်သာ အသစ်ဖွင့်ပွဲကိုပါမကျန်၊ ဝါသနာအရ မပျက်မကွက်၍ ကတ်ကျေးတလက်ဖြင့် တက်ရောက်လေ့ ရှိရာမှ၊ သူ၏အမည်သည် ဗိုလ်ကတ်ကျေးဟူ၍ ထင်ရှားလာပြန်ပါသည်။

ထို့နောက် ၂၀၁၀ ခုနှစ်တွင် ဒီမိုကရေစီစနစ်သို့ ကူးပြောင်းလာခဲ့ရာ၊ အခြားဗိုလ်ချုပ်ကြီးများ အနေဖြင့် အမတ်တနေရာအတွက် မျက်ကလဲဆံပြာ ဖြစ်နေကြရချိန်တွင်၊ ကျနော်ဆရာကား၊ အောင်လံထူစစ်သူကြီးပွဲဟူသောစကားအတိုင်း ရန်ကုန်တိုင်းအစိုးရအဖွဲ့တွင် ၀န်ကြီးချုပ်ရာထူး ရလာပြန်ပါသည်။

ထိုအချိန်တွင်လည်း ရန်ကုန်တိုင်းအတွင်းရှိ စည်ပင်သာယာဈေးကြီးတချို့ မကြာခဏမီးလောင်မှုများ ဖြစ်ပွားခဲ့ရာ ထိုမီးသည် ကျနော့်ဆရာ၏ လက်ချက်ဟု၊ အကင်းပါးသူများသူက ထောက်ပြကြရာမှာ ရှို့မီးမောင်ဒင်ဟူသော ဂုဏ်ပုဒ်တခု တိုးလာပြန်ပါသည်။ ကျနော်ကမူ၊ လူကြီးလူကောင်းစာရင်းဝင်ဆရာသမားအား စိုးစဉ်းမျှ သံသယ မဝင်မိခဲ့ကြောင်း ရိုးသားစွာ ပြောလိုပါ၏။

သူသည် တိုင်းဝန်ကြီးချုပ်ရာထူးရလာခါစက၊ ကျင်းပခဲ့သောအခမ်းအနားတခုတွင် ဒီမိုကရေစီ ခေါင်းဆောင်အမျိုးသမီးကြီးနဲ့ အတူ တက်ရောက်ခဲ့ဖူးရာ၊ အချို့သောသူများအနေဖြင့် အလွန်တအံ့တသြ ဖြစ်သွားကြသော်လည်း တပည့်ရင်းဖြစ်သူ ကျနော်ကမူ၊ ဟန်ဆောင် ကောင်းသော ကျနော့်ဆရာ၏အကွက်ကို ကြိုသိနေသဖြင့်၊ ရီချင်ပါသည်။

အမှန်စင်စစ် ကျနော်ဆရာသည် လူတကိုယ်လုံး ဉာဏ်နီဥာဏ်နက် ဖုံးနေသူဖြစ်ရာ၊ ထိုဆရာမျိုးကို ဆရာတော်ရသော ကျနော်အဖို့ အလွန်တရာကံထူးသည်ဟု ဆိုနိုင်ပါ၏။ အခွင့်သာသည်ဖြစ်၍ ကျနော့်ဆရာ အလွန်ပြောင်မြောက်သောရိုက်ချက်တခုအကြောင်း ပြောချင်ပါသေးသည်။

အဆိုပါ ဧရာမခွင်၊ မဟာရိုက်ချက်မှာ ဒလတဖက် ကမ်းတွင် တည်ဆောက်မည့် မြန်မာ့စေတနာ မြို့သစ်စီမံကိန်းကြီးပင် ဖြစ်ပါသည်။ ကျနော်ဆရာက အဆိုပါ ခွင်ကြီး အတွက်၊ အငြိမ်းစားဗိုလ်ချုပ်မှူးကြီး၏ ကျောထောက်နောက်ခံဖြင့်၊ သမ္မတထံ နှစ်ကိုယ်ကြား ချဉ်းကပ် စည်းရုံးခဲ့ရာ၊ ကျနော်ဆရာ၏ ဇကို သိနေသောသမ္မတကြီးခမျာ ငြင်းပယ်ရန်အင်အား မရှိခဲ့ချေ။

(လေး)

ကျနော်ဆရာ၏ ရာဇဝင်ပြောင်ပုံမှာ သမိုင်းဆရာအဆူဆူ သြချလောက်ပါ၏။ အမေရိကန်သန်းဘီလျံနဲ့ ချီ၍ ကုန်ကျမည့်စီမံကိန်းကြီးအတွက်၊ နောက်ဆုံး အတည်ပြုချက် ရယူရန်၊ လွှတ်တော်အစည်းအဝေးသို့၊ သူကိုယ်တိုင်ပင်မသွား၊ မြို့တော်ဝန်ကို အငှားဗိုက်ဖြင့် ဓားထိုးခံခိုင်းသည်အထိ ဇယားနိုင်သူ ဖြစ်ပါသည်။

သို့သော် ထိုတချီတွင် ကျနော့်ဆရာ ကံမကောင်းခဲ့ပါ။ အဆိုပါ စီမံကိန်းကြီးတွင်၊ အငြိမ်းစား ဗိုလ်ချုပ်မှူးကြီး၏ သမီးများနဲ့ ဆောက်လုပ်ရေးလုပ်ငန်းရှင် တရုတ်နွယ်ဖွား ရှောက်ပန်း၊ ရှောက်စန်း ညီအကို ၂ ဦးတို့ ပါဝင်နေသည့်အပြင်၊ ရွှေပြည်သာစက်မှုဇုန်တွင် မတည်ငွေ မြန်မာ ကျပ်သိန်း ၇၀ ခန့်ဖြင့်သာ၊ ဟန်ပြသဘော ဖွင့်လှစ်ထားသည့် လျှို့ဝှက်ကိစ္စများ ပေါက်ကြားသွားခဲ့ပြီး၊ စားရခါနီးမှ၊ ပါးစပ်ဝတွင် ပြုတ်ကျသွားခဲ့ပါသည်။

လူတကာ ထင်မှတ်မထားသည့် အချီကြီးပွပေါက်ကို ဆင်ကြံကြံနိုင်သည့် ကျနော့်ဆရာ အား တနိုင်ငံလုံး လန့်ဖျန့်သွားရသည် ဖြစ်ရာ၊ တပည့်တဦးဖြစ်သော ကျနော်အနေဖြင့်၊ ဆရာ့အရှိန်အဝါကြောင့် များစွာဂုဏ်တက်ရပါ၏။

ထိုမျှမကသေးပါ။ ရန်ကုန်မှာ ဖြစ်ဖြစ်သမျှ ကျနော်ဆရာ၏ လက်ရာချည်း ဖြစ်ပါ၏။ ကျူးကျော်တဲများကို ဘူဒိုဇာဖြင့် ထိုးကော်သည့်ကိစ္စ၊ အလုပ်သမားလစာ တိုးတောင်းသည့်သပိတ်၊ ကျောင်းသားလှုပ်ရှားမှုအပါအဝင်၊ လူထုနဲ့ ထိပ်တိုက်ရင်ဆိုင်ရသောကိစ္စများကို သေချာကျနစွာ ဖြေရှင်းနိုင်ရန်၊ ထောင်ထွက်လူမိုက် ကလေကချေများကို မိဘပြည်သူ အမည်ခံစေလျက်၊ စွမ်းအားရှင်လက်ရုံးတပ်ဖွဲ့ကို စစ်ရေးအမြင်ဖြင့် ကြိုတင် ဖွဲ့စည်းထားကာ၊ လိုအပ်သလို လက်စွမ်းပြစေပါသည်။ သူကိုယ်တိုင်နံပါတ်တုတ်ကို ကိုင်လျက် “ဟောဒီလို လက်ကို လွှဲပြီး ဖြတ်ရိုက်ရ မယ်။ ပြီးရင် လက်ပြန်တချက် ထပ်ရိုက်မယ်။ အားရှိသလောက်ရိုက်။ နာနာရိုက်၊ ဆက်တိုက်သာ ရိုက်။ အသားကုန် ရိုက်၊ မသေမချင်းရိုက်”ဟူသော သရုပ်ပြဟန်များမှာ ကျနော်၏အာရုံထဲတွင် ဗွီဒီယိုရိုက်ထားသကဲ့သို့ စွဲမြဲစွာ မှတ်မိနေပါသည်။

မကြာသေးခင်က ဖြစ်ပွားခဲ့သည့် မြို့တော်ခန်းမရှေ့ လူအုပ်ကြီးအား အောင်မြင်စွာ နှိမ်နင်းခဲ့ပုံကို အကြောင်းပြုကာ ဝါးရင်းတုတ်မောင်ဒင်၊ လက်ပတ်နီမောင်ဒင်ဟူသော အမည်ကောင်း ဂုဏ်ပုဒ်တို့ တိုးလာပြန်ပါသည်။ ဆရာ့လက် စွမ်းကား၊ သမ္မတရုံးမှပင် မျက်လုံး မျက်ဆန်ပြူးရသည် အထိပင် ဖြစ်ပါ၏။

အဆိုပါ ရိုက်ပွဲအပေါ် ပုဂ္ဂလိကမီဒီယာအသီးသီးက ဆူညံစွာပြစ်တင် ရေးသားခဲ့ကြခြင်းအတွက်၊ သတင်းထောက်တဦးအား ရိုက်ပွဲအတွက် ၀န်ချတောင်းပန် မယောင်၊ သတင်းပေးမယောင် ဖြားယောင်းခေါ်ဆောင်စေကာ၊ လက်ရုံးတပ်ဖွဲ့ဝင်တို့ကို ထပ်မံ ဝိုင်းဝန်းရိုက်နှိပ်စေခြင်းဖြင့်၊ အကောင်းဆုံးသင်ခန်းစာပေးနိုင်ခဲ့သူမှာလည်း ကျနော်ဆရာ၏ သူမတူသော စွမ်ရည်ထူးပင် ဖြစ်ပါချေ သည်။

(ငါး)

ယခုရက်ပိုင်းများ၌ ကျနော်ဆရာသည်၊ မြေနီကုန်းဂုံးကျော်တံတားဖွင့်ပွဲတွင် ခရီးသည်များအား၊ လက်ဆောင် ပစ္စည်းများ အခမဲ့ပေးဝေနေပုံ၊ လမ်းဘေးရေမြောင်းထဲမှ အမှိုက်များကို ကိုယ်တိုင်လိုက်လံ ကောက်ယူနေပုံများ အား နေ့စဉ်ထုတ်သတင်းစာ၊ ဂျာနယ်နဲ့ ရုပ်မြင်သံကြားမီဒီယာအသီးသီးတွင်၊ ဝေဆာစွာတခမ်းတနား ဖော်ပြနေ ကြသည်ကို သင်တို့ သတိပြုမိကြလိမ့်ဟု ထင်ပါသည်။

သူ၏ဂုိုက်ဆိုက်မှာ အများပြည်သူခရီးလမ်းပန်းဆက်သွယ်ရေးအဆင်ပြေစေရန် ဂုံးကျော် တံတားကြီး တစင်း သူ့ကိုယ်ပိုင်ငွေကြေးဖြင့် စိုက်ထုတ်တည်ဆောက်ပေးလေဟန် ကွယ်လွန်သူ စင်ကာပူဝန်ကြီးချုပ်ကဲ့သို့ မြို့ရွာ သန့်ရှင်းလှပရေးကို ဂရုဓမ္မပြုတတ်သည့် အိုက်တင်တို့ကို မြင်တွေ့နိုင်ပါသည်။ ဤသည်ပင် ကျနော့်ဆရာ၏ရှေ့ရေးကို ကြိုတင်မျှော်မြင်နိုင်သော အရည်အသွေးကို အထင်အရှား ပြဆိုနေခြင်းပင် မဟုတ်တုံလော။

ကျနော့်ဆရာဖြစ်သူ၏ အရည်အချင်းအား သူ့ဦးရီးတော်နှင့်တကွ ဇနီးသားသမီးများကပါ နှစ်ထောင်းအားရရှိကြ ပါသည်။ သူနဲ့ လက်ဝါးရိုက်ဖက် ဗိုလ်ချုပ်ကြီး၊ ဗိုလ်ချုပ်ကလေး၊ ဝန်ကြီး၊ ဝန်ကလေး၊ မြို့ဝန်ကြီး၊ မြို့ဝန်ကလေးတို့က၊ အထူးအားကိုးကြပါသည်။ ထို့အတူ သူနဲ့ စီးပွားဖက်တရုတ်လူမျိုး လုပ်ငန်းရှင်ကြီးတို့သည်လည်း သူတို့၏ တာဏံလေဏံ မှီခို ပုန်းအောင်းလဲလျောင်းရာအဖြစ် လွန်စွာတန်ဖိုးထားကြပါ၏။

ထို့ပြင် တဝ ကျနော်အနေဖြင့်လည်း ဆရာသမား၏ ကောင်းမှုကြောင့် လှိုင်သာယာတွင် ပေ ၂၀၊ ပေ ၆၀ အကျယ် ကိုယ်ပိုင်သစ်သားအိမ်တလုံး ပိုင်ဆိုင်နိုင်ပြီး ဖြစ်လေရာ၊ ဆရာသမားအား၊ ဘယ်ခေတ်ဘယ်စနစ်တွင်မဆို၊ မိုးဆန်းပန်းကဲ့သို့ မညှိုးတမ်းလန်းစေချင်ပါ၏။

ဇမ္ဗူတလူဟု တင်စားအပ်သော ကျနော်၏ ဆရာသမားသည် သူ့အား ချစ်ခင်လေးစားကြသူများ၏ စူးရှသော မေတ္တာဓာတ်အရှိန်အစော် အာနုဘော်ကြောင့် ၂၀၁၅ ခုနှစ်လွန်ကာလများတွင်လည်း၊ ပန်းပန်လျက်ပါဟူသည့်ဘဝ မျိုးတွင် ဆက်လက် တည်မြဲ နိုင်ပါစေသတည်း။ ဘေးရန်ခပ်သိမ်းကင်းငြိမ်း၍ နှလုံးစိတ်ဝမ်း အေးချမ်းပါစေသတည်း။

(ပြီးပါပြီ)

မှတ်ချက်။။ မောင်ကပ္ပလီ၏ လက်စမ်းစာသည် တစုံတဦးအား အာဃာတတရားဖြင့် စောင်းပါးရိပ်ခြေ ထိုးနှက်ရာ ရောက်နေသည်ဟု စာဖတ်သူထင်မြင်သည်ရှိသော်၊ ဤစာ၏နိဒါန်းအစတွင် ဖော်ပြထားသည့် မိတ်ဆက်မှတ်ချက်ကို ပြန်လည်ဖတ်ရှုကြခြင်းဖြင့် သံသယကင်းကြစေလိုပါ၏။

၃၊ဧပြီ၊၂၀၁၅နေ့ထုတ် သည်လေးဒီးစ်အပတ်စဉ်ဂျာနယ်မှ။ ။

တုံချမ်ဘိုင်စကုပ်။ ။

(မင်းဒင်)

(၁)
တုံ၊
ချမ်၊
တုံ၊
ချမ်၊
တုံချမ်၊တုံချမ်၊တုံချမ်၊
တုံ၊
ချမ်၊
တုံချမ်၊တုံချမ်၊တုံချမ်၊တုံချမ်၊ချမ်း၊

တုံဟူသောအသံသည်ဗုံတိုကိုတုတ်တိုနှင့်ရိုက်သံဖြစ်၍၊ချမ်ဆိုသည်ကား
လင်းကွင်းကိုတုတ်ဖျားနှင့်ထိခတ်သံဖြစ်၏။ယင်းအသံစတင်ထွက်ပေါ်လာစဉ်ကသော်
တုံနှင့်ချမ်ကြားတွင်၊မဆိုစလောက်အချိန်ခြား၏။တဖြည်းဖြည်း တုံ သံနှင့် ချမ်သံနီးကပ်လာကာ၊တုံချမ်၊တုံချမ်၊တုံချမ်ဟူသောအသံဖြစ်ပေါ်လာခြင်းဖြစ်သည်။

ငယ်စဉ်ကသော်တုံချမ်သံသည်ကျွန်တော့်အတွက်မင်္ဂလာရှိလှပါ၏။
ကျွန်တော့်နည်းတူအခြားသောကလေးငယ်တို့အတွက်လည်းဝမ်းပန်းတသာဖြစ်ရသော
အသံဖြစ်ပါသည်။ထိုတုံချမ်သံသည်၊တုံချမ်ဘိုင်စကုပ်ကားပေါ်မှ
ထွက်ပေါ်လာခဲ့ခြင်းဖြစ်သည်။ကျွန်တော်တို့ကတုံချမ်ကားဟု
အမည်သညာပြုကြသော်ငြား၊စင်စစ်မော်တော်ကား မဟုတ်ချေ။သစ်သားဘော်ဘီကို သံပြားဖြင့်အလုံပိတ်နီးပါးကာ၊သံဘီးတပ်ထားသည့်တွန်းလှည်းဟောင်းကြီးမျှ သာဖြစ်သည်။

တုံချမ်ကား၏နောက်ဖက်တွင်လူတစ်ကိုယ်စာဝင်ပေါက်ရှိသည်။တုံချမ်သံသည်
တုံချမ်ကားခေါင်းရင်း စက်ခန်းမှထွက်ပေါ်လာနေသဖြင့်၊တီးနေသူကိုမမြင်ရချေ။
ထိုတုံချမ်ကားသည်သီတင်းကျွတ်တန်ဆောင်တိုင်ပွဲတော်ရက်များ၌၊
လှိုင်မြို့နယ်ကမာရွတ်ဘူတာရုံလမ်း ၊၁၂ လမ်းထိပ်ဗလီရှေ့သို့၊နှစ်စဉ်ရောက်လာတတ်သည်။

ဤတုံချမ်ကားသည်၊အဆိုပါရပ်ကွက်ရှိနှပ်ချေးမစင်ကြ သေး သော၊ဂုဏ်သရေရှိကလေးငယ်တစ်သိုက်၊ကမ္ဘာဦးလူတို့နေလကိုအမျှော်ကြီးမျှော်နေခဲ့ကြရသောအရာဖြစ်ခဲ့ချေ၏။တုံချမ်ကားသည်ဘိုင်စကုပ်ပြသည့်ကားဖြစ်၍ကျွန်တော်တို့အဖို့၊လူကြီးသူမများပါးစပ်ဖျားမှသမ္မတရုပ်ရှင်ရုံနှင့်မလဲနိုင်သည့်တန်ဖိုးထားဖွယ်၊ရုံတော်မင်္ဂလာဖြစ်၏။

(၂)
တုံချမ်သံကြားပြီဟေ့ဆိုကတည်းက၊ကျွန်တော်တို့ကလေးတစ်သိုက်တုံချမ်ကားဘေး၌၊
ဝိုင်းအုံကာ၊ကား ဘော် ဒီဘေးသွပ်ပြားပေါ်တွင်၊မြေဖြူနှင့်ရေးထားသည့် ထိုနေ့ညပြသမည့်ရုပ်ရှင်ဇာတ်ကားအမည်များကိုဖတ်ရသည်မှာအမော။ရုံဝင်ခမှာ တခါကြည့်ဆယ်ပြားဖြစ်သည်။ကလေးတိုင်းလိုလို၊အိမ်ကိုနားပူနာပူနာဆာလုပ်ကြသည်။

ချောင်ကြိုချောင်ကြားမှာရှိနေတတ်သည့်ဘူးခွံပုလင်းခွံအဟောင်းတို့ကို၊
လမ်းထိပ်ရှိဘော်တယ်ကုလားဆိုင်မှာထုတ်ရောင်းသူကရောင်းနှင့်၊ဗျာများကုန်ကြ၏။
ငါးမူးပြားခြောက်ဆယ်တန်သည်ရှိမှဖြစ်မည်။မည်သူမျှတစ်ကားတည်းနှင့်
တင်းတိမ်ရောင့်ရဲရိုးထုံးစံမရှိ၊ထိုအထဲတွင်ကျွန်တော် လည်းပါဝင်သည်။

တုံချမ်ကားထဲသို့ဝင်လိုက်သည့်နှင့်လူငွေ့ကြောင့်ပူလောင်အိုက်စပ်ကာချွေး
တလုံးလုံးဖြစ်နေကြသော်ငြား၊မည်သူ ကမျှငြီးသံမထွက်ကြချေ။ နဂိုကမှကျဉ်းကြပ်ရသည့်အထဲ၊အလယ်ခုံပါထိုးထားသောကြောင့်၊လှုပ်မရအောင် ကြပ်သည်ကိုမမှုသည့်အပြင်လေလည်သည့်အနုံ့ဆိုးကိုလည်းသည်းခံနိုင်ကြသည်။

ခါးထစ်ခွင်လျက်ပါလာတတ်သည့်ကလေးတချို့မူငိုသံမတိတ်လေ။
တုံချမ်ခေါင်းခန်းထဲမှဖလင်ရစ်သံကလစ်ကလစ်ထပ်၊ထပ်၊ထပ် ဟူသော အသံစ၍ကြားရလျှင် မီးကိုရေနှင့်ငြိမ်းလိုက်သလိုဖြစ် ကာ၊ ငိုနေသောကလေးလည်းအသံတိတ်ပြီ။

ပိတ်လိုက်သောတံခါးမှာရုပ်ရှင်ပိတ်ကားဖြစ်၏။အလင်းတန်းနှင့်အတူပိတ်ကားတွင်
အစင်းရာခြစ်ရာတချို့ပေါ်လာပြီးနောက်၊လူရုပ်တွေပေါ်လာချိန်တွင်ကား၊
ကျွန်တော်တို့မှာအသက်ရှူဖို့ပင်မေ့လျော့နေတတ်ကြသည်။

။ကျော်ဆွေ၏ပုလဲမျက်ရည်၊ရွှေဘ၏တောကဖိုးတုတ်၊ဝါးရမ်းပြေးဘိုးသိန်း
ဇာတ်ကားများမှာကျွန်တော်တို့အသည်းစွဲဖြစ်၏။

“ဒီမယ်။ရဲဘော်၊စစ်သားစစ်တိုက်ရတယ်ဆိုတာမဆန်းပါဘူးကွာ။သေတစ်နေ့မွေးတစ်နေ့ပေါ့”

“တုံ”

“ဆရာကျော်၊ဆရာကျော်”

“ချမ် ချမ် ချမ်”

“စိန်နားကပ်ရောင်နဲ့ပါးပြောင်နေတဲ့မင်းတို့လိုအမျိုးယုတ်တွေကိုအမျိုးဖြုတ်မဲ့
ဖိုးတုတ်တဲ့ကွ၊ကဲကွာ၊ကဲကွာ”

“တုံချမ်၊တုံချမ်၊တုံချမ်”

“ဟေ့ကောင်၊ငါ့မျက်နှာကိုသေချာကြည့်စမ်းပါ။ဖိုးသိန်းလေ။ဖိုးသိန်း၊
မင်းတို့လိုက်ရှာနေတဲ့ဝါးရမ်းပြေးဖိုးသိန်းလေ”

“တုံ၊ချမ်၊ချမ်၊ချပ်”

(၃)
တုံသံ၊ချမ်သံနှင့်ဇာတ်ကားထဲက မင်းသမီး၊မင်းသားနှင့်လူကြမ်းပေါင်းစုံ၏အသံတို့ကိုတစ်ဦးဒိုင်ခံဖန်တီးနေသူ ကားတုံချမ်ကားခေါင်းတွင်းမှ၊လူမမြင်ရသော၊ပြစက်ဆရာဖြစ်၏။
ပါးစပ်ကိုအနားမပေးပဲ၊တုတ်တိုတစ်ချောင်းနှင့် တုံလိုက်၊ချမ်လိုက်၊တတုံတုံ၊တချမ်ချမ်လုပ်နေသောစက်ဆရာထံ
ကျွန်တော်တို့ရွှေပွဲလာပရိတ်သတ်မင်းများကစိတ်မဝင်စား၊ပိတ်ကားပေါ်က အရုပ်တွေကသာ၊ကျွန်တော်တို့အာရုံကိုဖမ်းစားထားသည်။

သူရွတ်နေသည့် စကားလုံးတို့မှာ၊မူရင်းရုပ်ရှင်တွင်တကယ်ပါသည်၊ မပါသည်ဆိုခြင်းသည်လည်းကျွန်တော်တို့အတွက်ရေးကြီးခွင်ကျယ်ပြဿနာမဟုတ်ချေ။ တုံချမ်ဇာတ်ကားတို့မှာဟိုတကွက်သည်တကွက်၊ ဘာအဆက်အစပ်မှမရှိသော်ငြား၊ ကျနော်တို့ကလေးတသိုက်ကား ဇာတ်လမ်းတပုဒ်လုံးကိုနားလည်သည့်အလားကျေနပ်ပျော်ပိုက်ကြ လေသည်။

ပြသချိန်ငါးမိနစ်ထက်မပိုသော၊ဖလင်အတိုအစတိုိ့အား
ဇာတ်ကားကြီးနာမည်ထိုးပြခြင်းကိုလည်းကျွန်တော်တို့အကျေနပ်ကြီးကျေနပ်ကြသည်။
ပွဲချိန်ဆုံး၍ချွေးတလုံးနှင့်ပြန်ထွက်လာကြသော်လည်း၊အိတ်ကပ်ထဲကပိုက်ဆံတပြား မကျန်အောင်၊နောက်တပွဲကိုအလုအယက်တန်းစီကြပြန်သည်။

။နောက်ဆုံးကားဆိုလျှင်၊ရုံတော်မင်္ဂလာအတွင်းသို့ဝင်ခွင့်မရလိုက်မည်စိုးသည်ကြောင့်၊
အရင်ကားများထက် ပို၍အားစိုက်တိုးဝှေ့ရသည်။
ထိုသို့လျှင်ကျွန်တော်တို့သည်တုံချမ်ရုပ်ရှင်ကိုနှစ်ခြိုက်စွာကြည့်ကြသည်။
ခဏခဏကြည့်သည်။ တနေ့လေးငါး ပွဲကြည့်သည်။ကြည့်ပြီးသားပြန်ကြည့်၏။

ဇာတ်ပွဲအငြိမ့်ပွဲနှင့်ကွာ၊လူကောင်ကြီးမြင်နေရတာထက်လူပုံအရုပ်ပိတ်ကားပေါ်မှာ
လူရုပ်တွေပေါ်လာနေခြင်းကိုကျွန်တော်တို့အလွန်ထူးဆန်းအံ့သြစွာ
အားပေးခဲ့ကြဖြစ်ကြလေသည်။ကြည့်ခွင့်ရရေးအတွက်၊
ရုံဝင်ခကိုတုံချမ်တံခါးဝတွင်ငွေကောက်နေသူ(ပြစက်ဆရာ၏တပည့်)
လက်ဝယ်သို့၊သူ့ထက်ငါဦးအောင်၊နှမြောတွန့်တိုစိတ်အလျဉ်းမရှိပဲ
၊ရက်ရောစွာထိုးထည့်ပေးကြသည်။

(၄)
မျက်မှောက်ခေတ်တွင်မူအိမ်တိုင်းစေ့နီးပါးတီဗီ၊စီဒီစက်၊ဗွီစီဒီစက်တို့သာမက၊ လက်ကိုင်တယ်လီဖုန်းဖြင့်ပါ၊ တုံ ချမ်ထက်သာသော ရုပ်ရှင်ကြည့်၍နေကြပြီဖြစ်ရာ၊တုံချမ်ဘိုင်စကုပ်ပြလျှင် အားပေးမည့်ပရိသတ်မရှိလောက် တော့ပြီဟုကျွန်တော်ထင်ခဲ့သည်။

အိမ်ရှေ့တွင်လာရပ်၍ တုံချမ်းတုံချမ်းအသံပေးကာ
တနေကုန်တုံချမ်သံဖြင့် မြူဆွယ်နေလျှင်လည်း လှည့်ကြည့်ကြမည်မဟုတ်။ ကလေးငယ်များကပို၍ဆိုး လိမ့် မည်။ဘယ်ကအရူးတွေ လမ်းထိပ်လာပြီး အရူးထနေပါလိမ့်ဟု ပြက်ရယ်ပြုကြလိမ့်မည်ဟုသာကျွန်တော်ယူဆနေခဲ့ သည်။

သို့သော်နာဂစ်ဖွဲ့စည်းပုံအခြေခံဥပဒေကိုအားပြုလျက်၊
(၂၀၁၀)ရွေးကောက်ပွဲကိုဖြင့်ဖြစ်တည်လာသော၊အစုိုးရအဖွဲ့၏
လေးနှစ်ကျော်သက်တမ်းကာလနိုင်ငံရေးအခင်းအကျင်း တို့ကိုမြင်နေကြားနေရသည့်အခါ၊ ငယ်စဉ်က စွဲလမ်းနှစ်ခြိုက် ခဲ့ဖူးသည့်တုံချမ်ဘိုင်စကုပ်များကိုပြန်၍အမှတ်ရလာမိသည်။

“ကောင်းမွန်သောအစိုးရ”

“တုံ”

“သန့်ရှင်းသောအစိုးရ”

“ချမ်”

“တရုတ်ချေးငွေရယူရန်လွှတ်တော်မှတခဲနက်အတည်ပြု”

“တုံချမ်၊တုံချမ်”

“လွှတ်တော်တွင်းမှတပ်မတော်သားအမတ်တို့အား၊ပြည်သူလူထုကအပြည့်အဝထောက်ခံလျက်ရှိ”

“တုံ၊ချမ်၊တုံ၊ချမ်”

“ပြည်ပမှနားရွက်တံထွေးလာမဆွတ်ရဲသည့်တပ်မတော်ဖြစ်ရေးအတွက်လယ်ယာမြေများကိုသိမ်းဆည်းရခြင်းဖြစ်”

“တုံချမ်၊တုံချမ်၊တုံချမ်”

“ဗိုလ်ချုပ်ဝါဒ၊ဖော်ဆောင်နေသည်တို့ပါတီ”

“တုံချမ်၊တုံချမ်”
ထို့ပြင်တဝအဆိုပါတုံချမ်အစိုးရ၊တုံချမ်စစ်တပ်၊တုံချမ်လွှတ်တော်၊
အာဏာရတုံချမ်ပါတီမှတုံချမ်ဆရာသမားတို့အားအဘအခေါ်မပျက်
တခဲနက်ထောက်ခံနေကြဆဲဖြစ်သော၊လူငယ်ပညာတတ်တုံချမ်လော်ဘီ
တချို့ကိုမြင်နေတွေ့နေရပြန်သော်၊

လွန်ခဲ့သောနှစ်ငါးဆယ်ခန့်က၊နှပ်ချေးမစင်သေးသည့်ခုနှစ်နှစ်၊
ရှစ်နှစ်သားအရွယ်ကျွန်တော်အပါအဝင်ဖြစ်ခဲ့သည့်တုံချမ်ဘိုင်စကုပ်၏
အမာခံတုံချမ်ပရိသတ်တို့ကိုသာ၊ပြေးမြင်မိလေတော့သည်။ ။

ကျွန်ုပ်နှင့်နေမြင့်ချိန်မှာအပွင့်ဆိုင်ကြသူများ

(မင်းဒင်)
(တစ်)
သည်သောက်ရူးတွေကြောင့်၊ကျွန်ုပ်စိတ်ကသိကအောက်ဖြစ်ရပေါင်းများလေပြီမို့
တန်ခူးနေပူပူမှာကျွန်ုပ်ရူးချင်စိတ်သာပေါက်တော့သည်။

(နှစ်)
အပွင့်ဆိုင်အစည်းအဝေးကျင်းပရာအခန်းသည်ကြီးကျယ်ခမ်းနားခြင်းမရှိသည့်အပြင်၊
စားပွဲကုလားထိုင်များ သည်လည်းသာမန်မျှသာဖြစ်သည်။ တက်ရောက်လာသူတို့၏ရှေ့တွင်စာဖိုင်တစ်ခုစီ၊
ဖန်ခွက်နှင့်ရေသန့်ဗူးငယ်တဗူးစီရှိနေသည်။၎င်းတို့၏အမူအယာကား၊ သံပတ်ပေးထားသောစက်ရုပ်များကိုသတိရစရာကောင်းပါ၏။ အကြီး အကျယ် စိတ်မသက်သာမှုကိုယ်စီခံစားနေကြရသော်ငြား၊အပူရုပ်ကိုဟန်လုပ်ကာ၊
အလွန်အမင်းခင်မင်ရင်းနှီးကြ သယောင်ဟန်ဆောင်သည်မှာ၊ဘေးကကြည့်သူအနေဖြင့်သိသာလွန်းနေသည်။
ထိုစဉ်ကစားပွဲထိပ်ဆုံး၌ထိုင်နေသူထံမှစကားသံထွက်လာသည်။
အစည်းအဝေးသဘောမဆန်ချင်၍ဖြစ်တန်ရာသည်။သူသည်ထိုင်ရာမှမထချေ။

(သုံး)
“ကဲ၊အားလုံးမင်္ဂလာနေ့လည်ခင်းပါဗျာ။ဘယ့်နှယ့်လဲ၊နေ့လည်စာစားရတာ
အဆင်မှပြေကြရဲ့လား။အေးဗျာ၊ဖုတ်ပူမီးတိုက်ကတိုက်ကရိုက်စီစဉ်ရတာဆိုတော့
လိုအပ်ချက်ရှိရင်လည်း နားလည်ပေးစေချင်တယ်။ကျွန်တော့ကို လည်း သမ္မတကြီးဘာညာဆိုပြီးသိပ်မစဉ်းစားပါနဲ့၊မိသားစုဝင်တွေတွေ့ဆုံကြတယ်လို့သာ
သဘောထားကြပါဗျာ။ အခုအ ချိန်ဟာတိုင်းပြည်အတွက် အရေးကြီးဆုံးအချိန်ဆိုလည်းဟုတ်ပါတယ်။

မိဘပြည်သူတွေလည်းသတင်း ကောင်းကို ကြားချင်ကြမှာပါ။အခုတက်ရောက်လာတဲ့လုပ်ဖော်ကိုင်ဖက်တွေသိကြတဲ့အတိုင်း
ကျွန်တော်တာဝန် ယူခဲ့ တဲ့လေးနှစ်ကျော်ကာလအတွင်းမှာ၊ သန့်ရှင်းသောအစိုးရကောင်းမွန်သောအစိုးရ အဖြစ်ကြိုးပမ်းဆောင် ရွက်ခဲ့လို့၊ဘက်စုံကဏ္ဍစုံမှာထူးခြားတဲ့အောင်မြင်မှုတွေရရှိနေပါပြီ။

ဒီတော့လာမဲ့သက်တမ်းမှာ ကျွန်တော့်အနေနဲ့ လက်ရှိသမ္မတတာဝန်ကိုဆက် ပြီးထမ်းဆောင်ရအုံးမယ်ဆိုရင်လည်း၊ခုနကပြောခဲ့သလို
အောင်မြင်မှုတွေဆက် တိုက်ရနေအောင်၊ အရိုးကြေ ကြေအရေခန်းခန်း
ကြိုးပမ်းသွားအုံးမှာပါ။ ဒါကလည်း၊အငမ်းမရလုပ်ချင်တာမျိုး မဟုတ်ပဲ၊ တိုင်းပြည်ကိုချစ် လွန်းလို့သာ၊ မလွှဲမရှောင် သာလုပ်ရမှာပါ။ ကျွန်တော့်ကျန်းမာရေး အခြေအနေ ကိုလည်း ခင်ဗျားတို့အားလုံးသိပြီး သားပဲလေ။

ဘာဘဲဖြစ်ဖြစ်ဒီနေ့ဆွေးနွေးပွဲ မှာတော့၊ကျွန်တော်တို့အစိုးရ အနေနဲ့ယူလက်စ၊
တာဝန်ကိုဆက်ပြီး ယူသွားနိုင်အောင်၊ဝိုင်းဝန်းထောက်ခံအကြံပြု ကြစေချင်ပါတယ်။
ကဲ၊ ကိုရွှေမန်းလုပ်ပါဦးဗျာ။ ခင်ဗျားရဲ့သဘော ထားလေးသိရအောင်”
ကိုရွှေမန်းဟုအခေါ်ခံရသူကလည်းခပ်လေးလေးလေသံဖြင့်
၊ထိုင်ရာမထပျင်းတိပျင်းတွဲဆွေးနွေးပြန်သည်။

“ဒီမယ်၊ဗိုလ်သိန်းစိန်၊လက်ရှိနေရာကိုခင်ဗျားဆက်လုပ်တာမလုပ်တာကတော့
တပိုင်းပေါ့ဗျာ။တိုင်းပြည်တကယ် ကောင်းစားစေချင်တယ်ဆိုရင်၊
လွှတ်တော်လုပ်သမျှခင်ဗျားကပယ်ချနေတာကတော့မကောင်းပါဘူးဗျာ။

ဒီတော့ နောင်မှာတိုင်းပြည်ကြီးတကယ်တိုးတက်လာဖို့ကျုပ်တို့လွှတ်တော်ရဲ့
အတည်ပြုချက်မှန်သမျှကိုအမြန်ဆုံးအကောင်အထည်ဖော်ဖို့တော့
လိုမယ်လေ။နောက်ပြီးလွှတ်တော်ဥက္ကဋ္ဌရာထူးမှာကျုပ်ထက်ပိုပြီးသင့်တော်တဲ့သူ၊နာယက ဂုဏ်ခြောက်ပါးနဲ့ပြည့်စုံတဲ့သူမျိုးဟာရှာမှရှားတာကလား။အေးပေါ့ဗျာ။

အခြေအနေပေးရင်ကျွန်တော်လည်း ခင် ဗျားလိုသမ္မတရာထူးနဲ့ ကုလားထိုင်နဲ့၊သမ္မတလယ်တောစံအိမ်နဲ့ဖြစ်ချင်ဖြစ်လာဦးမှာပါ။
ကံထမ်းလာတာ မမြင်နိုင် ဘူးမဟုတ်လား။ကဲ၊ကာချုပ်၊ခင်ဗျားအလှည့်ကျပြီ။လုပ်ဦးလေ”

(လေး)
ကာချုပ်ဆိုသူအရပ်ပုပျပ်ပျပ်နှင့်နပိုလီယံစတိုင်ဖမ်းထားသူကလည်းဖန်ခွက်ထဲမှ
လက်ကျန်ရေသန့်ကို ကဗျာက ယာမော့သောက်လိုက်ရင်း ထိုင်လျက်ဒူးနှံ့မပျက် ညောင်နာနာလေအေးကလေးဖြင့်၊
ဝင်ရောက်ဆွေးနွေးနေ ပြန် သည်။

“အားလုံးသိတော်မူကြတဲ့အတိုင်းပါပဲ။ကျွန်တော်တို့တပ်မတော်အနေနဲ့
ကတော့ပြည်ထောင်စုမပြိုကွဲရေး၊အချုပ်အခြာအာဏတည်တန့်ခိုင်မြဲရေး၊
တိုင်းရင်းသားစည်းလုံးညီညွတ်မှုမပြိုကွဲရေးဆိုတဲ့ တို့တာဝန်အရေးသုံးပါးဦး ထိပ်ထားပြီးနိုင်ငံတော်တာဝန်တွေကို စွန့်လွှတ်စွန့်စားဆောင်ရွက်နေဆဲပါပဲ။

ဒီလိုကြီးလေးလှတဲ့နိုင်ငံတော်လုံခြုံ ရေးကာကွယ်ရေးတာဝန်တွေကို
ထမ်းဆောင်ရင်းကြားကနေလွှတ်တော်အဆင့်ဆင့်မှာလည်း၊တပ်မတော်အရာရှိ ၂၅%ပါဝင်ပြီးနိုင်ငံတော်ကြီးစည်ပင်ဖွံ့ဖြိုးအောင်ဝင်ရောက်တာဝန်
ထမ်းဆောင်နေကြတာကိုလည်းပြည်သူလူထုအနေနဲ့ နှစ်သက်သဘောကျ
လက်ခံလျက်ရှိပါတယ်။အခုလတ်တလောဖြစ်ပွားနေတဲ့ လောက်ကိုင်စစ်ပွဲမှာ လည်းတပ်မတော်သားအရာရှိအကြပ်စစ်သည်များ
အသက်သွေးချွေးတွေစွန့်လွှတ်ပြီးတိုက်ပွဲဝင်နေဆဲပါပဲ။အဲ၊တ ရုတ်ဖက်ကိုဗုံးဆံသွားကျတဲ့ကိစ္စကတော့၊
သူတို့ကျေနပ်လောက်အောင်လျော်ကြေးပေးပြီး၊တရိုတသေတလေး တစားတောင်းပန်လိုက်ရင်ပြီးသွားမှာပါ။

ကျွန်တော့်ရဲ့အခြေခံမူကတော့တပ်မတော်ခေါင်းဆောင်ကြီးများဥာဏ် အမြော်အမြင်ရှိရှိချမှတ်သွားခဲ့တဲ့လမ်းညွန်ချက်တွေအတိုင်း
ဒီမိုကရေစီစနစ်အောင်မြင်အောင်တဆင့်ချင်းဖော် ဆောင်သွားမှာဖြစ်ပါတယ်။
သိပ်လောရင်ဘယ်အရာမကောင်းဘူးမဟုတ်လား၊

ဒါကြောင့်ကျွန်တော့်အသက်(၆၅)နှစ်ကျော်တဲ့အထိကာချုပ်တာဝန်ကို
ဆက်လက်ထမ်းဆောင်ဖို့လိုပါတယ်။ကဲ၊အမျိုးသားလွှတ်တော်ဥက္ကဋ္ဌ ကြီး၊ ကျွန်တော်ပြောတာမှန်တယ်မဟုတ်လား၊ထောက်ခံဆွေးနွေးပါဦးဗျာ”

ကျွန်ုပ်ကားမျက်စိကိုစုံမှိတ်ရင်း အသံတို့ကိုသာဆက်၍နားစွင့်နေမိသည်။

“ဒါတော့ဟုတ်တယ်ကိုမင်းအောင်လှိုင်၊လူတွေကစစ်တပ်မကောင်းကြောင်းပြောလိုက်ရင်း၊
တပျော်တပါးဝိုင်းပြီး လက်ခုပ်လက်ဝါးတီးထောက်ခံနေကြတာ သိပ်အမြင်ကပ်ဖို့ကောင်းတယ်ဗျ။အမှန်တော့တိုင်းပြည်မှာစစ်တပ် မရှိ ရင်ကိုယ်ကျိုးနည်းကုန်မှာပေါ့။စစ်တပ်သိပ်အရေးကြီးတာကိုနားမလည်ပဲ
စစ်တပ်ကိုအပုပ်ချနေကြတဲ့သူတွေဟာ လူ့အန္ဓတွေလူ့တဇောက်ကန်းတွေဗျ။

တကယ်တော့စစ်တပ်ကျေးဇူးမြင့်မိုရ်ဦးလို့တောင်ဆိုလိုက်ချင်ပါရဲ့။
ဇီးသီးဗန်းမှောက်တဲ့ကိစ္စတွေကလည်းအခုတော့အတော်လေးကိုနည်းသွားပါပြီလေ။
ကျွန်တော်ကိုယ်တိုင်ဝင်ကိုင်လိုက်တာပဲ၊
မနည်းဘယ်ခံမတုန်းဗျာ။ရှေ့လျှောက်အားလုံးကောင်းဖို့ချည်းပါပဲလေ

။နိုင်ငံတော်ထူထောင်ရေးတာဝန်ကို ကျွန်တော်တို့ထက် ဘယ်သူကပိုပြီးထမ်းဆောင်နိုင်မတုန်းဗျာ၊ဟုတ်တယ်မဟုတ်လားကိုအေးမောင်”

(ငါး)
“ဟုတ်ကဲ့၊ကျွန်တော်ဒေါက်တာအေးမောင်ပါ။စိတ်တော့မရှိကြပါနဲ့ဗျာ။
ဆရာတို့ဟာဆရာကြီးတွေဆိုတာသိပြီးသားမို့ဆရာတို့ကို
ဆရာလို့ပဲလေးလေးစားစားခေါ်ပါရစေ။တိုင်းပြည်ရဲ့ပကတိအခြေအနေဟာ
အဖက်ဖက်က ချွတ်ခြုံ ကျ နေပါပြီ။ဒီတော့ ဆရာတို့ရာထူးဆက်ယူဖို့၊စစ်တပ်ကြီးသိက္ခာထပ်ဖို့ထက်၊
တိုင်းပြည်ဆင်းရဲတွင်းကနေလွတ် မြောက်နိုင်အောင်
၊ပြင်ဆင်သင့်တဲ့ဥပဒေတွေပြင်ဖို့ဦးတည်ဆွေးနွေးသင့်ကြတယ်ထင်ပါတယ်။

ဆရာတို့ကျေးဇူး ကြီးမားလွန်းတာတပြည်လုံးသိပါတယ်ဆရာတို့ရယ်။ အမကြီးဒေါ်အောင်ဆန်းစုကြည်ခင်ဗျာ၊နှုတ်မနည်းပါနဲ့၊
လိုအပ်တာကိုဝင်ပြီးဆွေးနွေးပေးပါခင်ဗျာ”

“ကျမကတော့ခပ်ပြတ်ပြတ်ပဲ။ဒီအချိုးအတိုင်းဆက်သွားနေလို့ကတော့၊
လာမဲ့ရွေးကောက်ပွဲကိုကျမတို့ပါတီအနေနဲ့ သပိတ်မှောက်ရပါလိမ့်မယ်။မှောက်ချင်လွန်းလို့မှောက်ရမှာမဟုတ်ဘူး။
သမ္မတကြီးကိုယ်တိုင်အပြောတမျိုး အလုပ်တမျိုးလုပ်လိုို့မှောက်ရမှာ။ကျမကတော့လူကြီးလူကောင်းကတိစကားဆိုပြီး
သမ္မတကြီးကိုယုံပါတယ်လို့ ပြောခဲ့တယ်။အတူပူးပေါင်းဆောင်ရွက်မှုတွေလုပ်ခဲ့တယ်

။ဟောအခုလေးနှစ်လည်းကျော်လာရော၊ဘာများကောင်းတာရှိလို့တုန်း။
သမ္မတကြီးကောင်းသလား၊လွှတ်တော်ကြီးသိပ်ကောင်းသလား။
စစ်တပ်ကြီးကိုလူထုကသိပ် ကြည်ညိုနေသလား။ ရှင်တို့ကိုယ်တိုင်လူထုကြားထဲဝင်ပြီးလေ့လာရင်သိလိမ့်မယ်။

ဒီတော့၊ဖွဲ့စည်းပုံအခြေခံဥပဒေ ထဲက ပုဒ်မ(၄၃၆)အပါအဝင်မပြင်မဖြစ်တဲ့ဥပဒေတွေကိုဘယ်လိုပြင်မယ်။
လာမဲ့ရွေးကောက်ပွဲကို ဘယ်လိုသမာ သမတ်ကျအောင်ကျင်းပမယ်ဆိုတာတွေကို အရေးတကြီးဆွေးနွေးစေချင်ပါတယ်။

ကိုယ့်ကိုယ်ကိုသိပ်ကောင်း သိပ်တော်တယ်လုိ့ထင်တစ်လုံးနဲ့အိပ်မက်မက်နေရာကနေ နိုး ချိန်တန်၊ တန်၊ တန်”

“ဟိုး၊အမကြီး၊ဟိုးဟိုး”

“အမကြီးဆွေးနွေးသွားတာသိပ်ကောင်းပါတယ်ခင်ဗျာ။
ဒါပေမဲ့သတ်မှတ်ထားတဲ့အချိန်စေ့သွားပါပြီ”

“ယနေ့ကျင်းပတဲ့ ခြောက်ပွင့်ဆိုင်အစည်းအဝေးအောင်မြင်စွာပြီး
ဆုံးကြောင်းကြေညာအပ်ပါတယ်ခင်ဗျာ”

(ခြောက်)
အသာငြိမ်၍နားထောင်နေရာမှသည်းမခံနိုင်တော့သည်၏အဆုံးတွင်၊
ကျွန်ုပ်သည်ခုနစ်သံချီတင်၍အသံကုန်ဟစ် အော်လိုက်မိ၏။

“သောက်ရူးတွေ၊ပေါလည်းပေါနိုင်ပါ့ကွာ။မင်းတို့ဟာရူးတဲ့ပေါတဲ့အဆင့်ကျော်ပြီး
သွက်ချာပါဒလိုက်ကုန်ပြီကွ”

“ဟား၊ဟား၊ဆြာ့တပည့်တွေပဲဆြာ၊သည်လောက်တော့ရှိမှာပေါ့။ဆြာ့ခြေရာ
နင်းနိုင်တယ်ဆိုပြီးဂုဏ်ယူလိုက်စမ်းပါ ဆြာရယ်”

သင်းတို့ဆွေးနွေးပွဲကိုလှေခါးရင်းမှာဆောင့်ကြောင့်ထိုင်ရင်းစိတ်ရှည်လက်ရှည်
နားထောင်မိသည်ကပင်ကျွန်ုပ်၏ အမှားပေတည်း။

စင်စစ်သည်ရက်ပိုင်းများတွင်ဖူးခက်၌အပူရှိန်ပြင်းထန်သည်။
ထိုင်းစစ်အစိုးရ၏ပြောင်မြောက်သောစွမ်းဆောင်ချက်၏နောက်ဆက်တွဲရလာဒ်အဖြစ်၊
ဖူးခက်ကမြန်မာအလုပ်သမားတချို့အလုပ်လက်မဲ့ဖြစ်ကုန်ရာ၊
တပည့်ရင်းများဖြစ်ကြကုန်သောကပ္ပလီ၊ဖေကြည်နှင့်လေမင်းသားတို့လည်းအပါအဝင်ဖြစ်၏။

ယင်းမဟာပညာကျော်တို့သည်နေပူပူတွင် စိတ်ဖောက်ကြလေသည်ထင့်။ ကျွန်ုပ်၏အိမ်အောက်ထပ်က၊စား ပွဲခုံတွင်၊ကျောပြောင်ကိုယ်စီနှင့်ထိုင်လျက်၊ မကြာမီသင်္ကြန်အကြိုရက်များ၌ကျင်းပမည့်ခြောက်ပွင့်ဆိုင် ဆွေး နွေးပွဲသရုပ်သကန်ကို
သင်းတို့ထင်မိထင်ရာ၊စိတ်ရူးပေါက်ကာပုံစံတူ ကျင်းပ နေခဲ့ကြခြင်းဖြစ်ပါ၏။ယောက်ျားသံ၊ မိန်းမသံအသံမျိုးစုံသင်းတို့ချည်းဟန်ပါပါအသံထွက်ဆွေးနွေးနေကြခြင်းဖြစ် ချေသည်။

“မင်းတို့ကွာ သင်္ကြန်ရက်မှာ မင်္ဂလာရှိတဲ့သတင်းလေးများကြားရမလား မှတ်တယ်။အရူးထတာကြည့်ထစမ်း လကွ၊ငကြောင်တွေရ”

“ဆြာဝင်ဟောက်တာစောသွားလို့ခင်ဗျ။ဇာတ်လမ်းကတကွက်ကျန်သေးတယ်နော်”

“အံမယ်လေး၊ငဖေကြည်ရယ်၊ဒိထက်ဆိုးတာဘာများကျန်ရပြန်သတုန်းဟ”

“တကယ်တော့ဒေါ်အောင်ဆန်းစုကြည်ဒီစကားပြောလာတဲ့အချိန်ကျရင်၊
မင်းတို့စကားဝိုင်းကိုအဲဒီနေရာမှာတင်ဖြတ်လိုက်ကြဆိုတဲ့ဗိုလ်ချုပ်မှူးကြီးဟောင်းရဲ့
လမ်းညွှန်မိန့်လည်းပါသေးတယ်ဆြာရ။ဆြာတပည့်တွေလို အနုံညာ တတွေတောင်ဒီထူးမခြားနားဇာတ်လမ်းကြီးကိုကြိုသိနေကြတာ၊ဆြာကဘာများမင်္ဂလာသတင်းမျှော်လင့်နေပါလိမ့်။စိတ်ကိုငြိမ်အောင်ထား ပါဆြာ၊နေပူတယ်နော်”

ကျွန်ုပ်သင်းတို့ကိုတခွန်းတပါဒမျှတုန့်ပြန်ပြောဆိုလိုစိတ်မရှိတော့ချေ။
သည်သောက်ရူးတွေကြောင့်၊ကျွန်ုပ်စိတ်ကသိကအောက်ဖြစ်ရပေါင်းများလေပြီမို့
တန်ခူးနေပူပူမှာကျွန်ုပ်ရူးချင်စိတ်သာပေါက်တော့သည်။

၂၄၊ဧပြီ၊၂၀၁၅နေ့ထုတ် နှင်းဆီဖြူဂျာနယ်မှ။ ။

အတ္တမှဝေးရာဆီသို့။ ။

(မင်းဒင်)
(၁)
လူချင်းတရံတဆစ်မျှဆုံတွေ့ဖူးခြင်းမရှိပဲ၊အွန်လိုင်းဖေ့ဘွတ်မှတဆင့်ခင်မင်ရင်းနှီးနေ
သည့်စာရေးဆရာမကြီး ဒေါ် ခင်သူသူဝင်းထံမှ၊လက်ဆောင်အဖြစ်အမှတ်တရပေးပို့သော၊
သူ့လက်ရာစာအုပ်နှစ်အုပ်သည်၊ရန်ကုန်မှသည်မိုင်ထောင်ချီခရီး နှင်ခဲ့ပြီးနောက်၊ဖူးခက်မြို့ဆီသို့ချောမောစွာဆိုက်ရောက်လာခဲ့လေသည်။

သို့သော်၊ထိုစာအုပ် နှစ်အုပ်ရောက်လျှင်ရောက်ခြင်းကျွန်တော်မဖတ်ဖြစ်ခဲ့ချေ။
အကြောင်းမူကား၊အသက်အတော်အတန်ရလာပြီဖြစ်သော
ကျွန်တော်သည်ငယ်စဉ်ကလိုစာအုပ်တစ်အုပ်ကိုမာတိကာမှစတင်ကာအစမှ
အဆုံးတိုင်ဖတ်လေ့မရှိတော့ပဲ၊တောင်လှန်မြောက်လှန်လုပ်ရင်းစိတ်ဝင်စားဖွယ်
ထင်မိသောအကြောင်းအရာခေါင်းစဉ်တခုခုကို လေးငါးရွက်ခန့် ဖတ် လိုက်၊ အိပ်ယာဘေးတွင် ပြန်ပစ်ချထားလိုက်၊မေ့သလောက်ရှိမှတခါပြန်လှန်ဖတ်လိုက်နှင့်
ဘယ်အချိန် ကစွဲ နေမှန်းမသိသောအကျင့်ဆိုးနှင့်လူဖြစ်သောကြောင့်တည်း။

ထိုမျှမကတခါတရံစိတ်ဝင်စားမိသည့်အကြောင်းအရာတခုခုကိုဖတ်ရှုနေရင်း၊
စာရေးသူခြယ်မှုန်းရေးဖွဲ့ထားသောစာ၏တရားကိုယ်သဘောမှသွေဖည်၍မဆီမဆိုင်၊
တောင်တောင်အီအီဆင့်ပွားအတွေး နယ်ချဲ့တတ် သူလည်း ဖြစ်ပါသည်။

ဆရာမကြီးဒေါ်ခင်သူသူဝင်း၏လက်ရာ”ကျွန်မ၏ဆရာများအကြောင်း”၊
“ဇီးကွက်နှစ်ကောင်နှင့် ဝတ္ထုတိုများ” အ မည်ရှိစာအုပ်နှစ်အုပ်အနက်မှ၊
သူ့ဆရာတွေဘယ်လိုလူတွေပါလိမ့်ဟူသောစပ်စုလိုစိတ်အရင်းခံဖြင့်၊
အထက်ဖော်ပြပါနည်းအတိုင်းကျွန်တော်ရွေးချယ်မိသောစာအုပ်မှာ၊ “ကျွန်မ၏ဆရာများအကြောင်း”ဖြစ်၏။

ထိုဆရာများအကြောင်းတွင်မှတောင်လှန်မြောက်လှန်လုပ်ရင်း၊မျက်စိကျမိသည်ကား၊ “လူစောင်းစောင်းအတွေး စောင်းစောင်းနှင့်မောင်သော်က”အမည်ရှိ
သူ့ဆရာဗိုလ်မှူးဘသော်ခေါ်မောင်သော်ကအကြောင်းဖြစ်သည်။

(၂)
ကျွန်တော်သည်ဆရာမောင်သော်က၏စာများကိုနှစ်သက်ခဲ့သူဖြစ်၏။
တိုက်ရေယာဉ်(၁၀၃)ကိုစွဲလန်းခဲ့ဖူးသည်။ သူ့လက်ရာသရော်စာများကိုနှစ်ခြိုက်ခဲ့သည်။
ထို့ထက်စစ်အာဏာရှင်စနစ်ဆိုးကိုအာခံခဲ့သည့်၊ရှားရှားပါးပါး
တပ်မတော်အရာရှိဟောင်းဖြစ်ကာ၊ယုံကြည်ချက်အတွက်အကျဉ်းထောင်အတွင်းမှာ
အသက်ဆုံးပါးသွားခဲ့ရသူမို့၊လေးစားကြည်ညိုရင်းစွဲရှိသောကြောင့်
သူ့ဘဝသူ့အကြောင်းကိုပို၍သိလိုသဖြင့်၊ဒေါ်ခင်သူသူဝင်း၏အခြားဆရာများအနက်မှ
ဆရာ့အကြောင်းကိုရွေးထုတ်ဖတ်ရှုမိခြင်းဖြစ်၏။

ဆရာမောင်သော်ကအားလူစောင်းစောင်းဟုဆိုရခြင်းကား၊ဆရာသည်
တိုက်ရေယာဉ်(၁၀၃)မှဘဝဒဏ်ချက်ကြောင့်ဇက်ကြီးစောင်းနေရှာသည်ကို
ကျီစယ်သမှုပြုထားခြင်းဖြစ်သည်။

စာရေးသူသည်ဆရာမောင်သော်ကနှင့်ပွန်းပွန်းတီးတီး
ခင်မင်ခဲ့သူဖြစ်ကြောင်းဖော်ပြနေသောစာတချို့သည် ဆရာ့၏ဘဝခရီးကြမ်းကိုမြင်သာအောင်မီးမောင်းထိုးပြနေသည်။ရှုပါ။

“ဟဲ့၊ခင်သူသူဝင်း၊နင်ကိုယ့်သေးကိုယ်ပြန်သောက်ဖူးလား”

ဟုကောက်ကာငင်ခါမေးသဖြင့်ကျွန်မအံ့အားသင့်ကာ၊

“အန်ကယ်ကလည်းဘာကိစ္စကိုယ့်သေးကိုယ်ပြန်သောက်ရမှာလဲ” ဟုပြန်ပြောရာအန်ကယ်က

“ငါသောက်ဖူးတယ်”

ဟုပြန်ဖြေပါသည်။ကျွန်မအံ့အားသင့်ကာ၊

“ဘယ်တုန်းကလဲအန်ကယ်။တကယ်လား။ဘာဖြစ် လို့သောက်တာလဲ။ဘယ်လိုနေလဲအန်ကယ်”

ဟုမေးခွန်းများစွာမေးလိုက်မိသော်လည်းအန်ကယ်နောက်နေသည်ဟု သာထင်သည်။

“တကယ်သောက်ဖူးတာဟ။တိုက်ရေယာဉ်(၁၀၃)နစ်တုန်းက
အသက်ကယ်ဖောင်လေးနဲ့မျောနေတုန်းရေချိုမရှိလို့ ရေအစားသောက်ရင်ရမလားလို့
ငါ့သေးငါပြန်သောက်ကြည့်ဖူးတယ်”

ဟုပြောသဖြင့် “ဘယ်လိုနေလဲအန်ကယ်”ဟု မေးမိသည်။

“လုံးဝသောက်လို့မရဘူးခင်သူသူဝင်းရေ။နင်ဆိုဒါအခါးသောက်ဖူးသလား”

မေးသဖြင့်ကျွန်မခေါင်းခါပြလိုက်ပါသည်။

“အဲဒီဆော်ဒါအခါးကိုဆပ်ပြာမြှုပ်ရည်နဲ့ရောသောက်ရတဲ့အတိုင်းပဲ။
လုံးဝကိုသောက်လို့မရတာသိလား”

ထို့ပြင်ဆရာမောင်သော်ကသည်အောင်မြင်ကျော်ကြားသောသရော်စာ၊
စာရေးဆရာတစ်ဦးအမှန်ပင်ဖြစ်ထိုက်ကြောင်း၊လောကတံထွာလူ့ဓမ္မတာကို
သရော်တော်တော်မြင်တတ်သည့်သူ့ဗီဇအရည်အသွေးကိုထင်ဟပ်နေသည့် အမြူးဓာတ်ခံသူ့အသောစရိုက်ကိုလည်းမြင်ရသည်။

“ဒီမှာခင်သူဝင်း။လှိုင်ထိပ်ခေါင်တင်ကိုကြည့်၊ကနောင်မင်းသားကသူ့ကို
ဂရုမစိုက်တော့ပဲအပြင်လျှောက်လည်နေ တော့စိတ်ညစ်ပြီး
သူစိန်ခြူးကြာညောင်ကိုရေးတယ်။ရေးလို့လည်းပြီးရောဘာနာမည်ပေးရမလဲလို့
စဉ်းစားမှာပေါ့။ သူ့လူလျှောက်လည်လို့သူဘောလယ်လို့နာမည်ပေးခဲ့တာ”

(၃)
ဤဆောင်းပါးသည်ဆရာမောင်သော်က၏ထပ်မံဖော်ကျူးရန်မလိုအပ်သည့်ဂုဏ်ပုဒ်တို့ကို
သိက္ခာထပ်ဇန်းတင်လိုခြင်းမဟုတ်သကဲ့သို့၊ဒေါ်ခင်သူသူဝင်း၏စာအရေးအသား
ကိုလည်းဝေဖန်ဆောကြောရန်ရည်ရွယ်သည်မဟုတ်ချေ။

ဆိုခဲ့သောကျွန်တော့်အကျင့်အတိုင်း၊ဆရာမောင်သော်ကအကြောင်းဖတ်ရှုနေရာမှ၊
တစ်နေရာသို့အရောက်တွင်၊အာရုံကျမိသည့်စာတစ်ပိုဒ်သည်ကျွန်တော့်စိတ်အစဉ်အား၊
ဖတ်လက်စစာ၏တရားကိုယ်သဘောမှဖယ်ခွာကာ၊အခြားသောအတွေးစဉ်တခုသို့
တွန်းပို့ခဲ့လေသည်။ယင်းစာမှာဆရာမောင်သော်က၏လက်ရေးမူဓာတ်ပုံမိတ္တူဖြစ်ကာ၊ဆရာမဒေါ်ခင်သူသူဝင်းအား၊ဆရာကိုယ်တိုင်အမှတ်တရရေးသားပေးခဲ့ခြင်းဖြစ်သည်ဟုဆိုပါသည်။

အဆိုပါစာမှာအောက်ပါအတိုင်းဖြစ်၏။

ကဗျာဟူသည်
ပုဂ္ဂိုလ်တဦး၏ပင်ကိုယ်ရည်သွေးကို၊
ဟစ်ကြွေးကြေညာသည်မဟုတ်။
ထွက်ပြေးရှောင်ခွာခြင်းသာတည်း။

ကဗျာသည်စိတ်၏ခံစားချက်အတွေးများကို
သွန်လျက်ရေးသားသည်မဟုတ်။
ယင်းခံစားချက်အတွေးများကို
ဖိထားနှိပ်ကွပ်ခြင်းမျှသာတည်း။

သို့တစေ
ပင်ကိုယ်ရည်သွေးနှင့်
ခံစားချက်အတွေးရှိသူများသာလျှင်
ယင်းအရည်အသွေးနှင့်အတွေးတို့မှ၊
ထွက်ပြေးနှိပ်ကွပ်လိုခြင်း၏
အဓိပ္ပါယ်ယတ္တကို
တိကျကုန်စင်သိမြင်နားလည်ပေလိမ့်မည်။

မောင်သော်က
၂၈၊၁၀၊၈၁
……………..
ဆရာ့မှတ်ချက်သည်ကဗျာနှင့်သက်ဆိုင်သော်ငြားကျွန်တော်သည်ကဗျာများနှင့်
အကျွမ်းဝင်သူမဟုတ်ပါ။သာမန်စကားပြေ၊စကားပြောစကားပြေတို့ဖြင့်သာ၊
တတ်မှတ်သမျှစာတိုပေစတချို့ရေးသားနေသူဖြစ်ပါသည်။

အထက်ပါကဗျာနှင့်စပ်လျဉ်းသောမှတ်ချက်သဘောထားသည်ဆရာမောင်သော်က၏
မူပိုင်ဖြစ်နိုင်သကဲ့သို့၊ကမ္ဘာကျော်ဂန္ထဝင်ကဗျာဆရာကြီးတစ်ဦးဦး၏
အဆိုအမိန့်လည်းဖြစ်ကောင်းဖြစ်နိုင်ပါသည်။မည်သို့ပင်ဆိုစေ၊
ယင်းမှတ်ချက်အတွေးအမြင်သည်ကျွန်တော့်အတွေးစများကိုအားပြင်းစွာ
လှုပ်ယမ်းဆွဲဆန့်ပစ်လိုက်သည်ကားအလွန်သေချာလှပေရာ
၊ကျွန်တော်ဆက်၍တွေးမိသော၊အတွေးကိန်းစဉ် တန်းမှာအောက်ပါအတိုင်းဖြစ်လေသည်။

(၄)
သည်ခေတ်ကြီးမှာဝါသနာအရလည်းကောင်း၊အသက်မွေးဝမ်းကျောင်းမှုအရ လည်းကောင်း၊စာရေးခြင်း ကဗျာ ရေးခြင်း၊စာမူရွေးချယ်ခြင်း၊တည်းဖြတ်ခြင်း၊ စသည့်စာပေအလုပ်တို့နှင့်ထိစပ်နေ သူတွေများလှသည်။ကျွန်တော် တို့စာတွေရေးကြသည်။ကဗျာတွေဖွဲ့ကြသည်။တည်းဖြတ်ကြသည်။သတင်းဖန်တီးကြသည်။

ယင်းတွင်အများစုသည်မိမိရောက်ရှိနေရာမှ၊ငါဘာကောင်ပဲ၊ငါကွ၊ငါမှငါဟူသော
အယူအစွဲပြင်းထန် ကာ၊ပင်ကိုယ် အရည်အသွေးကို သိသိသာရော၊မသိမသာပါ၊ဟစ်ကြွေးထုတ်ဖော်နေသူတွေ၊ဒုနဲ့ဒေးတွေ့မြင်နေရသည်။
ခံစား ချက်ကိုဖိထားနှိပ်ကွပ်ရကောင်းမှန်းမသိကြတော့ချေ။

အားလုံး ကိုသိမ်းကြုံးဆိုလိုခြင်းမဟုတ်သော်ငြား၊ စာရေး သူအများစုမှာသူ့စာတွင်သူ့အတ္တအပေါ်အခြေတည်သည့်ခံစားမှုအတွေးများကို
အားကုန်သွန်ချပုံဖော်သည်။ကိုယ့်ကိုယ်ရည်ကိုယ်သွေးကို
မသိစိတ်အစဉ်မှာဇောင်းပေးဖော်ကျူးမိကြသည်။

ဝါသနာအရ၊စာတိုပေစလက်သင်ရေးနေချိန်တွင်ငုတ်လျှိုးနေခဲ့သောအတ္တအခံသည်
နာမည်ကြီးလာချိန်တွင်မရိုးသားတော့၊စောင်ရေများလာပြီး၊
လုပ်ပိုင်ခွင့်တွင်ကျယ်လာသောအယ်ဒီတာအစရှိသူတို့နဂိုလိုမဖြူစင်တော့ချေ။
သတင်းထောက်တို့ သည်လည်းထို့နည်း လည်းကောင်း၊ မိမိတို့ရောက်ရှိနေသည့်နေရာအသီးသီးတွင်ထိုစိတ်ဓာတ်အခံမျိုးနှင့်မကင်းနိုင်ကြချေ။
ဤနည်းနှင်နှင်၊ကျွန်တော်ကိုယ်တိုင်သည်လည်းထိုစိတ်အခြေခံမျိုးဖြစ်ပေါ်လာဖူး
သည်ကိုမကွယ်မဝှက်ဝန်ခံလိုသည်။

ထို့အတူအခြားအခြားသောရုပ်ရှင်ဂီတအစရှိသည့်အနုပညာရပ်ဝန်းတို့တွင်လည်း
၊မိမိ၏ကိုယ်ရေးကိုယ်သွေးကို ဇန်းတင်ဇောင်းပေးလိုကြသည်ကအများစုဖြစ်သည်။
ပုဂ္ဂလိကခံစားချက်အတွေးများကိုဖိထားနှိပ်ကွပ်နိုင်သူ ကား ၊မရှိသလောက်ရှားပါးသည်။

စင်စစ်အနုပညာတစ်ရပ်၏အရည်အသွေးမှာအတ္တကိုဟစ်ကြွေးဖော်ထုတ်ရန်မဟုတ်၊ အတ္တမှထွက်ပြေးရှောင်ခွာခြင်းသာဖြစ်ကြောင်းကျွန်တော်တို့မေ့လျော့နေတတ်ကြသည်။
ခံစားချက်အတွေးသက် သက်တို့ကိုသွန်ချရန်မဟုတ်၊ ဖိနှိပ်ချိုးနှိမ်ထားရန်သာဖြစ်ကြောင်း၊သတိမကပ်နိုင်ကြတော့ချေ။

အဆိုးတကာ့အဆိုးဆုံးကား၊မိမိအတ္တကိုသာမက၊မိမိနှင့်ရင်းနှီးကျွမ်းဝင်သော၊
မိမိကိုယ်ကျိုးကိုဖြစ်ထွန်းစေသော လူပုဂ္ဂိုလ်အဖွဲ့အစည်းတို့၏အတ္တခံစားချက် အလွဲအမှားတို့ကို၊အမှန်တရားပုံဖမ်း၍တွင်တွင်ကြီးသွန်ချနိုင်အောင်
အနုပညာကိုကြားခံလက်နက်အဖြစ်အသုံးပြုဖော်ကျူးလာနေကြခြင်းပေတည်း။
အဘယ်သို့လျှင်အနုပညာကောင်းကိုဖော်ဆောင်နိုင်ကြပါအံ့နည်း။

(၅)
ထို့ပြင်ကျွန်တော်တို့မှာလူတစ်ဦးချင်းစီ၏ကိုယ်ပိုင်လူမှုဘဝတစ်ခုစီကိုပိုင်ဆိုင်ကြသည်။ထိုလူမှုဘဝခရီးကိုနှင်လေကြသည်တွင်လည်း၊မိမိ၏ပင်ကိုယ်၊ကိုယ်ရည်ကိုယ်သွေးကိုပုံဖော်လှစ်ကျူးရန်သာအားသန်မိကြသည်။ချိုးနှိမ်ရမည့်အတ္တမာနကိုအားကောင်းမောင်းသန်ဖြစ်လာရန်သာ၊အားထုတ်ကြံဆောင်မိကြသည်။ဘဝကောင်းဟူသည် အဘယ်မှာနည်း။

ထိုမှဆက်၍လူတစ်ဦးချင်းစီပေါင်းစုလိုက်သည့်အခါလူ့အဖွဲ့အစည်းကြီး၏
အသွင်ကိုဆောင်လာသည်။ယင်းတွင် လည်းအတ္တနောမတိကိုသာရှေ့တန်းတင်လျက်၊ ကိုယ်ပိုင်ခံစားချက်အသီးသီးတို့ပွင့်အံ့ပေါက်ကွဲနေကာမျှဖြင့် နေ ချင့်စဖွယ်၊အေးချမ်းသော လူ့အဖွဲ့အစည်းအဖြစ်သို့မည်သို့လျှင်ရောက်ရှိနိုင်ကြပါအံ့နည်း။

ဆက်၍ဆိုဦးအံ့။ကြီးမားသောလူ့အဖွဲ့အစည်းသည်၊နိုင်ငံတစ်ခုအဖြစ်ဖွဲ့တည်ဖြစ်ပေါ်လာ၏။
အာဏာကိုအစိုးရသူ တို့က၊အတ္တသက်သက်ဖြင့်ခရီးနှင်နေလျှင်၊ အမှန်တကယ်တည်ငြိမ်ဖွံ့ဖြိုးသည့်တိုင်းကားပြည်ရွာအဖြစ်သို့၊
ကူး ပြောင်းရောက်ရှိနိုင်ပါသလော။

ထိုထိုတို့မှသည်၊ကမ္ဘာကြီးသာမကလောကသုံးပါးသို့တိုင်ကျွန်တော့်အတွေးစဉ်ရောက်ရှိ
သွားသည့်အခါ၊အထက် ရည်ညွန်းပါဒေါ်ခင်သူသူဝင်းရေးသားသော၊ စာအုပ်မှဆရာမောင်သော်က၏မှတ်ချက်စကားသည်၊
ကျွန်တော့်ဘဝလမ်းညွန်အဖြစ်သို့အောက်ပါအတိုင်းပုံပေါ်လာလေတော့သည်။

ဘဝဟူသည်
ပုဂ္ဂိုလ်တဦး၏ပင်ကိုယ်ရည်သွေးကို၊
ဟစ်ကြွေးကြေညာသည်မဟုတ်။
ထွက်ပြေးရှောင်ခွာခြင်းသာတည်း။

ဘဝသည်စိတ်၏ခံစားချက်အတွေးများကို
သွန်ချပုံဖော်ရသည်မဟုတ်။
ယင်းခံစားချက်အတွေးများကို
ဖိထားနှိပ်ကွပ်ခြင်းမျှသာတည်း။

သို့တစေ
ပင်ကိုယ်ရည်သွေးနှင့်
ခံစားချက်အတွေးရှိသူများသာလျှင်
ယင်းအရည်အသွေးနှင့်အတွေးတို့မှ၊
ထွက်ပြေးနှိပ်ကွပ်လိုခြင်း၏
အဓိပ္ပါယ်ယတ္တကို
တိကျကုန်စင်သိမြင်နားလည်ပေလိမ့်မည်။

(၆)
နိဂုံးအားဖြင့်ကိုယ်ရည်ကိုယ်သွေးကိုဖိထားနှိပ်ကွပ်လျက်၊ခံစားမှုတို့မှလုံးလုံးလျားလျားထွက်ပြေးရှောင်ခွာနိုင်ခြင်းမရှိသေးသောကျွန်တော်သည်၊ဘဝ၏အဓိပ္ပါယ်ယတ္တကိုတိကျကုန်စင်သိမြင်သူတို့ကို၊လေးစားအားကျလှသဖြင့်ဤစာစုကိုရေးရကြောင်း တခုတ်တရပြောလိုပါသည်။ ။

ယနေ့ထုတ် စောင့်ကြည့်အပတ်စဉ်ဂျာနယ်မှ။ ။

ဒီဗွီဘီအွန်လိုင်းစာမျက်နှာတွင်ဖော်ပြခဲ့ပြီး၊ပုံနှိပ်စာမူအဖြစ်ထပ်မံဖော်ပြအပ်ပါသည်။ ။

ဈေးပြိုင်စနစ်ဖြင့်၊မြိုင်မြိုင်ကြီးသေချင်ကြသူများနှင့်ကျွန်ုပ်။
(မင်းဒင်)
(တစ်)
မျက်စိမှိတ်ထားသော်ငြား၊ဇာတိမြေကိုလွမ်းသည့်စိတ်ဖြင့်၊ကျွန်ုပ်အိပ်၍မပျော်ချေ။
သက်ကြီးခေါင်းချချိန်ဖြစ်၍၊ယိုးဒယားပြည်၊ဖူးခက်မြို့အမ်မခန်အရပ်ရှိ
ကျွန်ုပ်၏နေအိမ်ခြံဝင်းနောက်ဖက်မှတောအုပ်ငယ်သည်မှောင်မိုက်တိတ်ဆိတ်
လျက်ရှိလေသည်။ညတိုင်းလိုလိုတဝုန်းဝုန်းတအုံးအုံးဗြောင်းဆန်အောင်
အလေလိုက်လေ့ရှိသည့်၊အိမ်ပေါက်အမျိုးကောင်းသား၊ကြွက်မခုတ်တတ်သော
ကြောင်တသိုက်ပင်၊ယခုညတွင်ထူးဆန်းစွာငြိမ်ချက်သား ကောင်း နေချေ၏။

ကျွန်ုပ်၏စိတ်အစဉ်တွင်ကား၊မွေးရပ်ဌာနီတိုင်းကြီး ရွှေပြည်၌ပစ္စက္ခကာလများ၌
ဖြစ်ပေါ်လျက်ရှိသော၊ စိတ်မချမ်းမြေ့ဖွယ် အကြောင်းခြင်းရာကိစ္စရပ်များသည်သာ နေရာယူစိုးမိုးလျက်ရှိချေ၏။

ထိုစဉ်အခန်းအပြင်ဆီမှချွတ်နင်းသံဖြင့်အိပ်ခန်းတံခါးအား
တဒေါက်ဒေါက်ခေါက်သံနှင့်အတူဝင်လာသူကား
တပည့်ကျော်ဖေကြည် ဖြစ်လေသည်။

“တောင်တွေးမြောက်တွေးနဲ့မျက်စိကြောင်နေလို့ဆြာဒင်ရေ။
ဒါနဲ့စကားမစပ်ဒီနေ့တရုတ်ယွမ်ငွေဈေးဘယ်လောက်ပေါက်တုန်းဗျ”

“အိပ်လို့မပျော်ရတဲ့အထဲနင်ကတမှောင့်၊မြန်မာငွေတစ်ထောင်ကိုတရုတ်ငွေ
ငါးယွမ်ကျော်ကျော်ထင်ပါရဲ့”

“သြ၊ဒါဆိုယွမ်ငါးသန်းဆိုတော့၊မြန်မာငွေဘယ်လောက်တုန်းဆြာ”

“နေဦး၊တစ်ထောင်မှာငါးယွမ်၊တယွမ်မှာနှစ်ရာ၊
သန်းငါးရာကိုနှစ်ရာနဲ့မြှောက်လိုက်ရင်သန်းတစ်သိန်းပေါ့လဟ”

“အင်း၊သန်းတစ်သိန်းကိုဆယ့်သုံးနဲ့စားတော့။တစ်ယောက်
သိန်းရှစ်ထောင်နီးပါးပေါ့ဆြာ၊ဟုတ်လား”

“နေပါဦး၊နင်နဲ့ဒီလောက်များတဲ့ငွေဘာဆိုင်သတုန်းဟငဖေကြည်ရ၊ညဉ့်နက်လှပေါ့”

“ဟင်း…၊ဒီလောက်ငွေပမာဏရမယ်ဆိုရင်တော့၊ပျော်ပျော်ကြီးသေလိုက်ချင်ပါရဲ့”

အာရုံခေါ်ဖေကြည်သည်၊သက်ပြင်းလေးကြီးချလျက်၊သူ့စကားအဆုံးတွင်
အိပ်ခန်းမျက်နှာကျက်ဆီသို့၊အချိန်အတန်ကြာတွေတွေကြီးငေးစိုက်ကြည့်နေလေရာ၊
ကျွန်ုပ်ရင်ဘတ်ထဲ၌ဒိန်းကနဲဖြစ်သွားလေသည်။

“ဟကောင်၊မကြံကောင်းမစည်ရာ၊ထုတ်တန်းမှာကြိုးဆွဲချသေမလို့လား။
မလုပ်ပါနဲ့မောင်ရယ်။အဖန်ငါးရာငါး ကမ္ဘာတဲ့ဟ၊ ဒီနည်းနဲ့နင်သေလို့ကတော့သိန်းရှစ်ထောင်မပြောနဲ့၊
ကူငွေဘတ်တထောင်ရရင်တောင်ကံကောင်း”

“ဆြာမသိသေးပါဘူးလေ၊ဘာဘဲဖြစ်ဖြစ်သိန်းရှစ်ထောင်ဆိုတာကတော့
သိပ်စိတ်ဝင်စားစရာကောင်းတဲ့ငွေပမာ ဏပဲဆြာ၊အိပ်တော့၊အိပ်တော့၊ဂွတ်နိုက်ပါဆြာ”

(နှစ်)
ဖေကြည်ငယ်၏အဆက်အစပ်ကင်းမဲ့လှသောစကားတို့မြစ်ဖျားခံရာနောက်ခံအကြောင်းရင်းမြစ်ကိုကျွန်ုပ်သိသလို၊မသိသလိုဝေဝါးနေဆဲမှာပင်၊တံခါးခေါက်သံနှင့်အတူ၊ပြူးကြောင်ကြောင်မျက်လုံးများဖြင့်ပေါက်ချလာပြန်သူကားတပည့်ကျော်လေမင်းသားဖြစ်ချေသည်။

“ဆောရီးနော်ဆြာ၊ယွမ်သန်းငါးရာ၊သေတာကငါးယောက်၊ဒဏ်ရာရရှစ်ယောက်စုစုပေါင်း (၁၃)ယောက်ဆိုတော့၊ အညီအမျှဝေလို့ဘယ်ဖြစ်ပါ့မလဲနော်။သေတဲ့သူကပိုရရမှာ ပေါ့”

“မစောတော့ဘူးဟ၊ဆယ့်နှစ်နာရီထိုးတော့မယ်လေ။မင်းတို့ဥစ္စာညကြီး
အချိန်မတော်သင်္ချာဥာဏ်စမ်းပုစ္ဆာတွေလာ ထုတ်နေရအောင်၊ မင်းတို့ဆြာကိုခပ်ညံ့ညံ့ခပ်တုံးတုံးကောင်များထင်နေကြလေရော့သလားကွာ”

“အာ၊မဟုတ်ပါဘူးဆြာရယ်။လောက်ကိုင်မှာတိုက်ပွဲအကြီးအကျယ်ဖြစ်နေတာ
ဆြာသိတယ်မဟုတ်လား။တပည့် တို့မြန်မာ့တပ်မတော်က လေတပ်ကိုပါသုံးပြီးလက်စွမ်းပြလိုက်တာလေ။အဲဒါ တရုတ်ပြည်ယူနန်ဘက်သွားကျပြီး
ငါးယောက်သေ၊ရှစ်ယောက်ဒဏ်ရာရလို့၊တရုတ်တွေကလျော်ကြေးငွေ
ယွမ်ငါးသန်းတိတိတောင်းသတဲ့ဗျ”

“ဟေ၊များလှချည့်လား၊သေချာရဲ့လားဟ။သတင်းမှန်ရင်ဖြင့်
အတော့်ကိုမက်လောက်စရာပဲဟေ့”

“သတင်းကတော့အတည်မဖြစ်သေးပါဘူးဆြာ။ဒါပေသည့်ဒီနှုန်းအတိုင်းသာ
အမှန်တကယ်ပေးမယ်ဆိုရင်၊ ဆြာ့ တပည့်သိပ်စိတ်ဝင်စားတယ်ဆြာ”

“ဟ၊သောက်ကျိုးနည်းမဲ့စိတ်ကူးကြီးပါကလားး၊မပြောကောင်းမဆိုကောင်းကွာ”

“သြော်၊ဆြာရယ်။လူဆိုတာသေမျိုးမို့သေတစ်နေ့မွေးတစ်နေ့ပါဆြာ။
ဆြာ့တပည့်အနေနဲ့၊ဒီအခြေအနေမှာမိဘတွေ၊ဇနီးသားမယား တွေအပေါ်
တာဝန်မကျေနိုင်ဘူးမဟုတ်လား။အဲသလောက်လျော်ကြေးရမဲ့နည်းနဲ့
သေခွင့်ကြုံ မယ်ဆိုရင်ဖြင့်၊ ရဲရဲကြီးသေလိုက်ချင်ပါရဲ့”

“ဟကောင်၊တော်တော့၊တော်တော့”

မကြံကောင်းမစည်ရာ၊မဟာအတွေးဖြင့်စိတ်ကူးယဉ်နေသောလေမင်းသားကို
ဂရုဏာသက်စွာကျွန်ုပ်ကြည့်နေမိ ချိန်တွင်၊ဟထားသောအိပ်ခန်းတံခါးမှ၊ တလှမ်းချင်းလှမ်းဝင်လာပြန်သူကားကပ္ပလီငယ်ဖြစ်နေပြန်ချေသည်တမုံ့။

(သုံး)
“နည်းနည်းနောနောငွေမဟုတ်ပါလားနော်။ဖေကြည်တို့ချည်းသေရဲတာ
မဟုတ်ပါဘူးဆြာရယ်၊ကပ္ပလီဆိုတဲ့ဆြာ့တပည့်ဟောဒီကောင်လည်း ၊ဒီဈေးနှုန်းအတိုင်းသေရရင်၊ရင်ကော့ပြီး သေရဲပါတယ်လေ။ဆြာစဉ်းစားကြည့်၊ မိုးပေါ် ကနေအုံးဆိုကျလာတဲ့ဗုံးဆံနဲ့ဗုန်းကနဲသေရတာလောက်အဆင်ပြေတာဘယ်မှာရှိပါ့မလဲဆြာ”

ကပ္ပလီ၏လေသံအရ၊သူသည်ကျွန်ုပ်နှင့်လေမင်းသားအချေအတင်ပြောဆိုချက်များကို အခန်းအပြင်မှနေ၍၊ တိတ်တိတ်လေးနားစွင့်နေခဲ့ဟန်ရှိ၏။

“အင်း၊မောင်တို့စဉ်းစားသလိုဆိုရင်တော့ တရုတ်တွေရဲ့အသက်တန်ဖိုးကြီးလွန်းတာအမှန်ပါပဲမောင်။ဒါနဲ့ တို့မြန် မာ့တပ်မတော်ဘက်ကနေကမ်းလှမ်းတဲ့လျော်ကြေးက
တစ်ယောက်ဒေါ်လာတစ်သောင်းဆိုလားလို့”

“အပြန်အလှန်ဈေးစကားပြောနေတုန်းပဲဆြာရဲ့။ဒါပေမဲ့တရုတ်ကိုမော်လို့တောင်
မကြည့်ရဲတဲ့၊ဘဝမို့တောင်းတဲ့ဈေးအတိုင်းရဖို့များနေတယ်ဆြာရဲ့။
။သေရကျိုးနပ်လိုက်တာနော်”

“လာပြန်ပြီတစ်ကောင်၊မနုသတ္တဘာဝေါဒုလ္လဘော၊လူ့အဖြစ်ဟာ
အင်မတန်ရခဲလှပါသကွာ”

“ဟုတ်တော့ဟုတ်ပါတယ်ဆြာ၊ဒါပေမဲ့တပည်ကတော့ဖြင့် သိန်းရှစ်ထောင်မရတောင်၊ခြောက်ထောင်ပျော့ပျော့ရ ရင်သေချင်ပါရဲ့။ ဒီထိုင်းနိုင်ငံမှာပုလိပ်ကြောက်ရ၊အလုပ်ရှင်ကြောက်ရ၊အလုပ်ရှင်ရဲ့လူမိုက်အပြင်၊ထိုင်းမာဖီးယား တွေကိုပါကြောက်နေရတော့၊မတော်တဆများအသက်ပါသွားခဲ့ရင်မတန်လွန်းလို့ပါဆြာ”

“တော်ကြပါတော့ကွာ၊ညဉ့်လည်းနက်လှပါပြီ။ဒီလောက်သေချင်နေကြရင်မနက်စောစောမှထသေကြပေရော့။ကြွ၊ ကြွ၊မောင်မင်းကြီးသားတွေကိုယ့်အိပ်ယာဆီကိုယ်ပြန်ကြွကြလဟ”

(လေး)
သင်းတို့ပြန်သွားအပြီးစိတ်ဒုန်းဒုန်းချကာအိပ်စက်တော့မည်ကြံကာရှိသေး။
တယ်လီဖုန်းသံတတီတီဝင်လာပြန် လေပြီ။

“ဟယ်လို၊ဆြာဒင်၊ကျမ၊ပါတောင်ကမ်းတောင်ကမိမိလေးပါ။
။စောစောကဆြာ့တပည့်တွေပြောတဲ့ကိစ္စဈေးတည့် သွားကြပြီလားသိချင်လို့ပါရှင့်”

ပြဿနာကိုဆိုလာစနစ်စနစ်ဖြင့်မီးထွန်းကာ၊ရှာတတ်ကြသည့်အံ့ဖွယ်တပည့်တို့ပါတကား။

“အေး၊အေး၊လောလောဆယ်တော့တောင်းဈေးပေးဈေးညှိတုန်းတန်းလန်းပါပဲကွယ်”

“ဈေးပြတ်ရင်ကျမတို့ကိုလည်းပြောဦးနော်။ သေရကျိုးနပ်လိုက်တာဆြာရယ်”

သက်ပြင်းကိုမှုတ်ထုတ်ရင်းလက်ကိုင်ဖုန်းကိုခေါင်းအုံးဘေးချမည်ကြံဆဲမှာပင်၊
ဖုန်းတကောထပ်ဝင်လာပြန်သည်။

“ဆြာဒင်၊ထလန်ပန်းရံဆိုဒ်ထဲမှာဆေးသုတ်တဲ့ ရိုဇိုပါဆြာ၊တရုတ်တွေခေါ်ထားတဲ့ဈေးအတိုင်းဆိုရင်သေရတာ အရမ်းတန်တယ်နော်ဆြာ”

ကမ္ဘာပေါ်တွင်အမြင့်ဆုံးဈေးပေါက်နေဟန်ရှိသည့်မသာစရိတ်သတင်းမှာ၊
တပည့်ကျော်သုံးကောင်၏အာချောင်မှုစွမ်းရည်နှင့်ပေါင်းစပ်လိုက်သည့်အခါ၊
အိမ်ပေါက်စေ့မောင်းကြေးနင်းလှည့်၍ခတ်ဘိသကဲ့သို့ရှိရကား
ဖူးခက်တမြို့လုံးတောမီးပမာတမဟုတ်ချည်းပျံ့နှံ့သွားဟန်ရှိသည်ကို
ဆက်တိုက်ဝင်လာသောဖုန်းသံများကသက်သေခံလျက်ရှိ၏။

“ဟယ်လိုဆြာ၊စူပါချိကကိုသာဝင်းပါခင်ဗျ။နောက်ဆုံးသတင်းသိရင်ပြောပါဦးနော်။
ကျနော်အနေနဲ့ကတော့ သိန်း လေးထောင်လောက်ဆိုလည်းဖြစ်ပါတယ်ခင်ဗျာ”

“ဗျို့ဆြာ၊ဆြာဒင်၊အဆက်အသွယ်ကောင်းတာယုံတယ်နော်။ဈေးပြတ်ရင်လက်တို့ပါဦး။
ကျနော့်ကတော့ သုံး ထောင် ကျော်ဆိုရပါပြီလေ”

“ကျမကိုလည်းမေ့မထားနဲ့နော်ဆြာဒင်။ကလေးတွေနောင်ရေးအတွက်နှစ်ထောင်ကျော်လောက်ဆိုကျေနပ်ပြီ”

(ငါး)
နံနက်လင်းအားကြီးလေးနာရီထိုးလုချေပြီ။နောက်ဆုံးဝင်လာသော
ဖုန်းနံပတ်ကား၊ဇာတိနိုင်ငံကုဒ်နံပတ်ပါသည့် နိုင်ငံဖြတ်ကျော်ဖုန်းဖြစ်လေသည်။

“ဟယ်လို၊ဒကာဒင်ကြီးလား။ရွှေပင်ကျောင်းထိုင်ဘုန်းကြီးပါဒကာ။လောက်ကိုင်ကိစ္စမှာ
တရုတ်တွေရမဲ့လျော် ကြေးမျိုးသာဆိုရင်၊ဒီအချိန်ဒီနည်းနဲ့ ဘုန်းတော်ကြီးပျံလွန်တော်မူရင်ဖြင့်ဆောက်လက်စဆွမ်းစား ဆောင်လေး အတွက် ရင်အေးခဲ့ရမှာသေချာတယ်ဒကာဒင်ရေ့”

အသက်တရာမနေရအမှုတစ်ရာပွေရတတ်သောလောကကြီးပေတကား၊
ကာလနာတိုက်၍မသာဖြစ်ရမည့် ကိစ္စ အပေါ်ဈေးပြိုင်တင်ဒါစနစ်ဖြင့်ယှဉ်ပြိုင်လိုသူအမြောက်အမြားပေါ်ထွက်လာကြသည်မှာ၊
အဆိုပါဂယက်သည်ဖူးခက်တွင်သာမက၊မိုင်ပေါင်းထောင်ချီဝေးသည့်၊
ကျေးရွာဇနပုဒ်ကျွန်ုပ်၏ဇာတိရွှေပင်ရွာအထိပါ ဒုတ်ဒုတ်ထိ ကူးစက် လောင်မြိုက်ခဲ့လေပြီတကား။

သြော်၊တို့ပြည်နဂရဘုံဌာနတွင်သင်္ဘောနစ်၍သေလေသော်
၊ကျပ်တစ်သိန်းမျှသာလျော်ကြေးရသည်ဖြစ်၍၊တိုင်းခြားတရုတ်တို့၏
အသက်နှင့်တန်ဖိုးချင်းယှဉ်လေသော်မိုးနှင့်မြေပမာ၊ကွာခြားလွန်းလှပေစွ။

ဈေးပြိုင်စနစ်ဖြင့်မြိုင်မြိုင်ကြီးသေလိုကြသူ၊ရပ်ဝေးရပ်နီးမှအသိမိတ်ဆွေများ၏
အမေးသတင်းစကားတို့ကိုအလျဉ်း သင့်သလိုပြန်လည်ဖြေဆိုလျှောက်တင်
ပြီးချိန်သည်၊နံနက်ငါးနာရီဒင်ကနဲထိုးနေလေပြီ။တမှေးဖြင့် အိပ်မှဖြစ်တော့ချေ မည်။ထိုညကကျွန်ုပ်မအိပ်စက်မီဘုရားပုထိုးရှိခိုးအပြီး၊ကျွန်ုပ်၏ ဆုတောင်းမှာ၊ယခင် နေ့များထက်အတန်ငယ် ထူးခြားသည်ဟုဆိုနိုင်လေသည်။

သြကာသ၊သြကာသ၊သြကာသ၊အစိန္ဒေယျအပမေယျ၊
ဘုန်းတော်အနန္တဥာဏ်တော်အနန္တနှင့်ပြည့်စုံတော်မူသော မြတ်စွာဘုရား။
ယနေ့ပြုသမျှကုသလကြောင့်တပည့်တော်သည်ဘဝဆက်တိုင်းမြန်မာပြည်တွင်သာ
လူ့အဖြစ်ကို ရရပါလို၏။ထိုသို့လူဖြစ်လေတိုင်း၊ တရုတ်အားကိုးပုဆိန်ရိုး၊သောက်ချိုးတစ်စက်မှမပြေသည့်၊
ပထွေးတရုတ်ကိုပါပါးခေါ်သောတရုတ်ကြောက်မင်း တို့နှင့်ဘဝဆက်တိုင်းဆက်တိုင်းလွဲရပါလို၏။

ထို့ပြင်တဝ၊မပြေးသာမရှောင်သာ ဝဋ်ကြမ္မာကြောင့်တိုင်းခြားသားတို့၏လက်ချက်ဖြင့်ဗုံးဆံထိမှန်သေဆုံးရပါက၊
ယနေ့တရုတ်တို့တောင်းဆိုသောအသက်ဖိုးလျော်ကြေး ထက်မနိမ့်သည့်တန်းတူဈေးရရပါလို၏။မြတ်ရှင်စော၊သြကာသ၊သြကာသ၊သြကာသ။ ။

ဧရာဝတီသတင်းဌာနဝက်ဘ်ဆိုက်မှ။ ။(၂၄ဧပြီ၊၂၀၁၅)

ကျွန်ုပ်တို့ခါတော်မီပါတီ၏စွမ်းပကားဖြင့်မြန်မာတပြည်လုံးလူညွန့်တုံးစေအံ့ ။ ။

(မင်းဒင်)

နွေရာသီ ပြန်စလေပြီမို့ ထက်ခွင်ယုဂန်သည် ပူရှိန်ထန်ပြင်းလျှက် ရှိ၏။ လည်ချင်းယှက်လျက် ရှိသောငှက်ကျေး သာရကာ မျိုးစုံတို့ လွမ်းမောဖွယ် တွန်ကျူးသံတို့မှာ နွေရောက်ပြီ၊ နွေရောက်ပြီဟု ပြောနေကြသည့်နှယ်ပါ တကား။ ဇာတိနိုင်ငံ၏ တောင်ပြာတဆစ် တောတရစ်တွင် ကျေးငှက်တို့၏ မြူးတူးစွာ အပြန်အလှန် ဖိုမခေါ်သံတို့ဖြင့်၊ သာမျိုးငယ်စုံသည့် ပန်းမြိုင်ရဂုံ ဖြစ်နေရော့မည်။

သည်လိုရာသီဦးတွင်ဖြင့်၊ အဘယ်သူသည် မလွမ်းမဆွတ် နေနိုင်ပါအံ့နည်း။ ညို့ညို့တောမြိုင်တန်းတွင်၊ နေခြည်ဖြာလူး ရွက်ကြွေမူးသည့်၊ ယခုကဲ့သို့ ဆန်းစနွေ လတန်ခူးတွင် ဘယ်သို့စိတ်ဝယ် ရည်စူးတမ်းတရမည်ကို၊ မသိနိုင်လေတော့ပြီ။

အနှီကာလ သမယဝယ်၊ ကျွန်ုပ်သည် ခပ်ပါးပါး လံကွတ်တီ ခါးစည်းလွှာဖြင့် အပူဒဏ်ကို အံတုရင်း၊ ကျောပြောင်ကြီးတွင် ချွေးတလုံးလုံးနှင့် ခေါင်းတဗျင်းဗျင်း ကုတ်လျက် ဆင်ကြံကြံလျှက်ရှိ၏။ ကိုယ်တိုင်မကြံသာ ကံကြမ္မာငယ် မှေးငိုရေး ကြုံလာသည်တွင်မူ လက်ရင်း တပည့်များကို တိုင်တည်ရင်း အသံထွက် ညည်းညူမိ၏။

“ကြံကြစမ်းပါဦးလဟ တပည့်တို့ရ၊ ဆြာ့မှာ စဉ်းစားရလွန်းလို့ ခေါင်းတောင် မီးထတောက်တော့မယ်”

“ထိုင်း ပုလိပ်နဲ့ ပေါင်းပြီး ဆြာ အဆက်မပြတ် မွှေနေလို့ ဖူးခက်က မြန်မာတွေလည်း ဒုက္ခပင်လယ် ဝေလှပါပြီ။ ဆြာတခုခု ကြံနေပြန်ပြီ ဆိုရင်တော့ ခုနစ်ရက် သားသမီးတွေ ပြေးစရာ မြေမရှိတော့ပါဘူးဆြာ”

“ဖူးခက် တမြို့လုံး ဗြောင်းဆန်အောင် ထင်တိုင်းကြဲနေနိုင်တာ ဆြာက ဘာများ ထပ်ကြံစရာ လိုသေးလို့တုန်း။ ဓားပြဂိုဏ်း ဖွဲ့ဖို့တခုက လွဲလို့ပေါ့”

“ဒီအရွယ် ရောက်တဲ့အထိ ဟုတ်တာဆိုလို့ ဘာတခုမှ မလုပ်ခဲ့တဲ့ ငတို့ဆြာ၊ ဘယ်လို ရွှေဉာဏ်တော်တွေများ ထပ်ပြီး စူးရောက် နေပြန်ပါလိမ့်”

“နင်တို့နဲ့ အဲဒါတွေ ခက်နေတာပေါ့။ ထစ်ကနဲရှိ ပုဂ္ဂိုလ်ရေး ဇောင်းပေး တိုက်ခိုက်ဖို့လောက်သာ သိတဲ့၊ ကျီးကန်းလို ဝိုင်းအာချင်ကြတဲ့ ကောင်တွေပါကလား။ လူနဲ့အလုပ်ကို မကွဲပြားဘဲ၊ လူကြီးတွေရဲ့ စေတနာတရားကို နားမလည်တဲ့ လူ့ ငမိုက်သားတွေ”

မည်သို့ပင် ဖြစ်စေကာမူ ကျွန်ုပ်၏ လက်ရင်းတပည့်များ ထဲတွင် ကပ္ပလီငယ်ကား အတန်ငယ် ချိန်ချိန်ဆဆ ရှိပုံရ၏။

“ဆြာရင်း တပည့်ရင်းတွေမို့ နောက်ပြောင်နေတာပါ ဆြာရယ်။ ဒါနဲ့ဆြာ၊ ဘာတွေများ ခေါင်းခြောက်နေပါလိမ့်”

“မင်းရို့ဆြာ ပြည်တော် ပြန်တော့မလို့လကွ။ အခု ထိုင်းမှာက မောင်ရင်သိတဲ့အတိုင်း ခွင် (ဂွင်) ပျက်နေပြီ”

“ဗျာ”

“မဗျာနဲ့ငါ့တပည့်၊ ပြည်တော်ဝင်ပြီး ပါတီထောင်ရမယ့် အချိန် ရောက်ပြီလဟ။ ၂၀၁၅ ရွေးကောက်ပွဲကလည်း သိပ် နီးကပ်လာပြီ မဟုတ်လား၊ ဒါခွင် (ဂွင်) အကြီးစားပေါ့”

“နေပါဦးဆြာ၊ ပါတီထောင်ရအောင် ဆြာ့မှာ ဘယ်နှပြား ရှိလို့တုန်း”

“ဒါကတော့ကွာ၊ ဖူးခက် မြန်မာအလုပ်သမားများ လူမှုရေး အသင်းကြီးရဲ့ ရန်ပုံငွေကနေ အလုပ် စကြတာပေါ့ကွာ”

“ဟား၊ ကောင်းလိုက်တဲ့ စိတ်ကူး၊ ဒါကြောင့်လည်း ဆြာက ဆြာဖြစ်နေတာပေါ့။ ဒါနဲ့ ဆြာက ဘာရည်ရွယ်ချက်နဲ့များ ပါတီ ထောင်မှာပါလိမ့်”

“ဟ၊ အခုခြောက်ပွင့်ဆိုင် ဆွေးနွေးပွဲပြီးရင် စစ်ဗိုလ်အမတ်တွေကို တမတ်သားကနေ နှစ်ဆယ်သားအထိ လျှော့ချပေးဖို့ အစီအစဉ် ရှိတယ်လဟ။ အဲဒီ လွတ်သွားတဲ့ နေရာတွေအပြင်၊ ကျန်တဲ့အမတ် နေရာအတော်များများကို အုပ်စီးမိအောင်၊ မဟာမိတ် ပါတီများများ ဖွဲ့ထားဖို့ သိပ်အရေးတယ်လေ။ စုစုပေါင်း အမတ်ဦးရေရဲ့ တဝက်ကျော်ကို ငတို့အုပ်စုက ဆက်ထိန်းထားနိုင်ဖို့ အားဖြည့်ကြရမှာကွဲ့”

“သြော်၊ တပည့်သိပြီဆြာ၊ လက်စသတ်တော့ ဗိုလ်ချုပ်အောင်ဆန်း ရုပ်ပုံကို ခါတော်မီဆွဲထုတ် ဗန်းပြပြီး အင်အားအကြီးဆုံး ပါတီ၊ မည်သည့် နိုင်ငံကိုမှ မမှီခိုတဲ့ပါတီ၊ အရည်အချင်း အရှိဆုံးပါတီ၊ ငြိမ်းချမ်းရေးကို တည်ဆောက်နိုင်တဲ့ ပါတီ၊ အမျိုးကို စောင့်ရှောက်သော ပါတီ၊ ပြည်သူ့အကျိုးကို စောင့်ရှောက်သော ပါတီ၊ ဒီမိုကရေစီကို ဖော်ဆောင်သော ပါတီ၊ နိုင်ငံတော်နှင့် နိုင်ငံသားတို့၏ အကျိုးစီးပွားကို ဖော်ဆောင်နေသော ပါတီရယ်လို့ ကြေညာမောင်းခတ် နေတာ ဆြာ့အဘ ပါတီကြီးကိုး”

“ဒီလိုဆိုတော့လည်း ငါ့တပည့် မဆိုးပေဘူးပဲ၊ လွှတ် အကင်းပါးတဲ့ မောင်ပါကလား”

“နေဦးဆြာရဲ့ ဖေ့စ်ဘွတ်တွေပေါ်မှာ ဆြာ့ဆြာတွေရဲ့ ပါတီကို သရော်တော်တော် လုပ်ထားတာလေး တွေ့မိသလားလို့။ ဘာတဲ့ … လူမိုက်အင်အားအကြီးဆုံး ပါတီ၊ နိုင်ငံတော်ပိုင် ပစ္စည်း အခိုးဆုံးပါတီ၊ တရားဥပဒေ စိုးမိုးရေးကို လက်ပတ်နီပတ်နှင့် ဝါးရင်းတုတ်များဖြင့် ဖော်ဆောင်သောပါတီ၊ ဝှိုက်ကတ်ပေးပြီး အမျိုးစောင့်သောပါတီ၊ ပြည်သူ့ အကျိုးကို ဗန်းပြပြီး မဲလိမ်သောပါတီ၊ ဒီမိုကရေစီကို ပုဒ်မ ၁၈ ဖြင့် ဖော်ဆောင်သော ပါတီဆိုလား”

“ဟား … ဟန်ကျလိုက်လေ ငါ့တပည့်ရာ။ မောင့်ဝေဖန်ချက်ကြောင့်၊ ဆြာ့ပါတီ အလံမှာ ဘယ်လိုရုပ်ပုံမျိုး သုံးရမယ်ဆိုတာ ခေါင်းထဲကို ဒိုင်းကနဲ ဝင်လာပြီလဟ”

“ဗျာ”

“လာပြန်ပြီ ဒီဗျာ။ မင်းရို့ ဆြာ ခေါင်းခြောက်နေရတယ် ဆိုတာ ဒီကိစ္စပဲလေ။ ငတို့ပါတီရဲ့ ဆောင်ပုဒ်၊ ရည်မှန်းချက်နဲ့ ပါတီ အမှတ်တံဆိပ် ရုပ်ပုံကားချပ် စသည်ဖြင့် လူကြိုက်များမယ့် ပြောင်ပြောင်မြောက်မြောက် စကားလုံး စာသားတွေ ရှာဖွေ ကြံဆဖို့ အခက်တွေ့တာကွ၊ ကျေးဇူးကြီးပါဘိ မောင်ရယ်”

ကျွန်ုပ်တို့ စကား ဤနေရာသို့အရောက်တွင် နှုတ်နည်းလှပါသည် ဆိုသော ဖေကြည်ငယ်သည်ပင် စကားဝိုင်း အတွင်းသို့ ဝင်ရောက်လာ၏။

“ကျန်သေးတယ်ဆြာရေ၊ ရပ်ကွက်ထဲက ပန်းခြံမှန်သမျှ သိမ်းပြီး အရောင်းစားဆုံး ပါတီ၊ တရုပ်အကျိုးစီးပွားကို အမြဲကြည့်တဲ့ပါတီ၊ မိုးကျရွှေကိုယ်တို့ မင်းမူကြီးစိုးတဲ့ ပါတီ၊ သူခိုးဓားပြကြီးများ ကြီးစိုးရာပါတီ၊ နိုင်ငံဘဏ္ဍာ အခိုးဆုံးပါတီ၊ နွားနို့ အမြဲသောက်ပြီး နယ်လှည့်ပါးရိုက်မယ် ဆိုတဲ့ လူတွေ စုရုံးရာ ပါတီ၊ တရုပ်ကြောက်များ စုဝေးရာ ပါတီ၊ ဘုရင်ရူး ရူးနေသည့် ပါတီ၊ နိုင်ငံတကာသို့ အိမ်ဖော်အပို့ဆုံး ပါတီ၊ အကြမ်းဖက်သူများ ခိုအောင်းရာပါတီ၊ လူလိမ်များ ခေါင်းဆောင်နေသော ပါတီ၊ ခေါင်းဆောင်ကစ အောက်ခြေ အထိ မစားရ ဝခမန်းပြောကာ ကိုယ်ပြောတဲ့စကား ကိုယ်တာဝန်မယူတဲ့ပါတီ …”

“ဟိုး … ဟိုး မောင်ဖေကြည်၊ ဒီလောက်ဆို ရပြီကွဲ့။ တကယ့်ကို အဖိုးတန်တဲ့ စကားလုံးတွေကပဲ။ ပါတီကြော်ငြာ စာသားအတွက် အသုံးတည့်လိုက်လေခြင်း မောင်ရယ်”

စကားဝိုင်း တလျှောက်လုံးတွင် တုံဏိဘာဝေ ဆိတ်ဆိတ်နေခဲ့သော လေမင်းသားသည် ပင်လျှင် ကျွန်ုပ်တို့အား အလွန်အမင်း စိတ်ဝင်စားဟန် ရှိလာပြန်သည်။

“ဘယ့်နှယ်ကြီးတုန်း ဆြာရယ်၊ ဘာတခုမှ သုံးစားလို့မရတဲ့ပါတီကြီးကို မဟာမိတ်လုပ်မယ့် ဆြာ့ခါတော်မီ ပါတီဟာ ဘယ်လို လူမျိုးတွေကနေ ထောက်ခံအားပေးမှု ရပါလိမ့်မတုန်း”

“ခက်ပါဘိမောင်ရယ်၊ ဆြာ့ပါတီကို တခဲနက်ဝိုင်းအုံ ထောက်ခံကြမယ့် ဗိုလ်ချုပ်ဟောင်းကြီးတွေ ရိုက်သတ်လို့ မကုန်ပါဘူးကွဲ့”

“ဘာပဲဖြစ်ဖြစ် ဆြာ့ပါတီကို မဲဆွယ်စည်းရုံးပေးမယ့် သူတော့ မရှိလောက်ဘူး ထင်တာပဲဆြာ”

“ညံ့ပါ့ကွာ၊ ရွေးကောက်ပွဲ နိုင်တဲ့အခါ ဆယ်အိမ်ခေါင်း ရာထူးလေးလောက် ပေးမယ်ဆိုတဲ့ လေသံပစ်လိုက်ရင် လော်ဘီလုပ်ပေးမယ့် လူ့အန္ဓတွေ ဘုံးပေါလအော ပေါတဲ့ခေတ်လဟ။ ဟို ဒင်းဝမ်းသာအောင် လေလည်ပြဆိုတဲ့ စကားလိုပေါ့လကွာ။ ဖေ့စ်ဘွတ်ပေါ်မှာ ဆြာ့ပါတီအတွက် အရိုးကြေကြေ အရေခန်းခန်း မျက်စိစုံမှိတ်ပြီး စည်းရုံးပေးမယ့် ခေတ်ပညာတတ် စစ်ဗိုလ်လှုံ့ဆော်ရေးမှူး လေးတွေ မှိုလို ပေါက်နေကမင့်ဟာ”

“အင်း … ဒါဆိုဆြာ့ပါတီကို ဘယ်လိုလူစားမျိုးတွေက မဲပေးကြမှာပါလိမ့်”

“ကောင်းလိုက်တဲ့ မေးခွန်း၊ မသေမချင်းမှတ်ပေတော့ ငါ့တပည့်။ လောကကြီးမှာ လူမိုက်နဲ့ လူလိမ္မာ စာရင်းကောက် ကြည့်လိုက်ရင် လူမိုက်က ပိုများသဟ။ ဒါကြောင့် လူမိုက်တွေ အင်အားနဲ့ ဆြာတို့ပါတီ တောင်ပြိုကမ်းပြို နိုင်မှာ သေချာ နေတယ်လေ”

အို … ချစ်သောစာရှုသူ၊ သင် ဤစာကို ဖတ်ရှုနေချိန်၌ ကျွန်ုပ်သည် ကျွန်ုပ်ကိုယ်တိုင် ဥက္ကဋ္ဌအဖြစ် ပါဝင်သော ပါတီကြီး တခု ထူထောင်ရန် ပါတီအမည်၊ ပါတီအလံ၊ ပါတီဆောင်ပုဒ်နှင့် ပါတီ၏ မူဝါဒ စသည်တို့ကို အပြည့်အစုံ ဖော်ပြလျှက် ရွေးကောက်ပွဲ ကော်မရှင်သို့ တင်ပြလျှောက်ထားပြီး ဖြစ်ရာ ခွင့်ပြုမိန့်ကို စောင့်ဆိုင်းလျှက်ရှိပါ၏။

ယင်း လျှောက်ထားလွှာတွင် လုပ်ထုံးလုပ်နည်းများအရ ပါတီ၏ အခြေခံမူဝါဒကို ဖော်ပြရာတွင် အမျိုးဘာသာ သာသနာ စောင့်ရှောက်ရေး၊ မြန်မာ့တပ်မတော်ကြီးအား အူလှိုက်သည်းလှိုက် ထောက်ခံရေး စသော လူပြိန်းကြိုက် အသုံးအနှုံးများ ပါဝင်ပါသည်။ ပါတီ၏ အလံမှာ ဂဠုန်ငှက် တကောင် ဆားချက်နေသော ရုပ်ပုံဖြစ်ပါသည်။ ယင်းမှာ လက်ရှိကာလ၌ အကြံ ကုန်နေသော ကျွန်ုပ်တို့၏ ပကတိအခြေအနေကို ဖော်ညွှန်းခြင်း ဖြစ်ပါသည်။

သို့ပါ၍ နေ့စဉ်ထုတ်သတင်းစာ၊ ရေဒီယို၊ ရုပ်မြင်သံကြား၊ လမ်းဆုံလမ်းခွတို့တွင် အကြံကုန်၍ ဆားချက်နေသော ဂဠုန် ရုပ်ပုံနှင့် အောက်ဖော်ပြပါ ပွင့်လင်းမြင်သာသည့် ကြော်ငြာစာသား တို့ကို မကြာမီ ရက်ပိုင်းအတွင်း မြင်တွေ့ရတော့မည် ဖြစ်ရာ မိဘ ပြည်သူများ အနေနှင့် ကျွန်ုပ်၏ ပါတီအပေါ် ချစ်ခင်မြတ်နိုး အားကိုးကြောင်း ပြသသည့်အနေဖြင့် တခဲနက် ထောက်ခံ ဆန္ဒမဲ ပေးတော်မူကြ စေလိုပါသည်။

“ကျွန်ုပ်တို့ ပါတီစွမ်းပကားဖြင့် မြန်မာတပြည်လုံးအား လူညွန့်တုံးစေအံ့”

၁။ တိုင်းပြည်ကိုဖျက်၊ ယုတ်မာလျှက်၊ ဆားချက်တော့မည် တို့ပါတီ။
၂။ ဗိုလ်ချုပ်ဟောင်းကြီးများ အမှူးထား၍ ထူထောင်မည့် ပြည်ညွန့်တုံး ပါတီကြီးသို့ မည်သည့် လူမသမာမဆို ပါတီဝင်အဖြစ် စတင် လျှောက်ထားနိုင်ပါပြီ။
၃။ ကိုယ့်သေတွင်း ကိုယ်တူးလိုသူများ၊ ကိုယ့်ဘဝကိုယ် မနှမျောကြသူများ၊ အရှက်မရှိကြသူများ၊ ဘယ်သူသေသေ မာချင်သည့် ငတေများ၊ မြန်မာပြည်ကို ဖြစ်သည့်နည်းနှင့် ဖျက်ဆီးလိုသူများ တခဲနက် ပူးပေါင်းပါဝင် ထောက်ခံကြပါ။

ပုံ
မောင်မောင်ဒင်
ဥက္ကဋ္ဌ
ပြည်ညွန့်တုံးပါတီ။

http://burma.irrawaddy.org/satire/2015/04/24/74085.html

သည်လေးဒီးစ်ဂျာနယ်။ ။

မြို့မေတ္တာခံယူသည့် ပြည်သူ့အချစ်တော် ကျွန်ုပ်

|| သရော်စာ ဆောင်းပါး - မင်းဒင် ||

(တစ်)

အမှာစာ။ ။

အောက်တွင်ဖော်ပြလတ္တံ့သော စာတန်းငယ်သည် ကျွန်ုပ်၏အနီးနေ လက်ရင်းတပည့်တစ်ဦးဖြစ်သူ မောင်ကပ္ပလီ၏ ပွဲဦးထွက်လက်ရာဖြစ်၏။ သူသည် ကျောင်းနေပညာအားဖြင့် သင်ရိုးကုန်အောင် ဆည်းပူးနိုင်ခဲ့သူမဟုတ်သော်ငြား စာရေးစာဖတ်ခြင်းတို့၌ မူဝါသနာအလေ့ထုံသည်ကို ကျွန်ုပ် ကောင်းစွာသတိပြုမိသည်။

တံငါနားနီးတံငါ၊ မုဆိုးနားနီးမုဆိုး၊ အတုမြင်အတတ်သင်ဟူသော ဆိုရိုးစကားတို့အတိုင်း မောင်ကပ္ပလီသည် ကျွန်ုပ်စာတိုပေစတချို့ ရေးသားနေသည်ကို အားကျအတုယူလျက် ကျွန်ုပ်ကို အဓိကဇာတ်ကောင်အဖြစ် စိတ်ကူးယဉ်ဖန်တီးကာ မည်သည့်စာအမျိုးအစားဟူ၍ ခွဲခြားဖော်ပြရန်ခက်ခဲသည့် စာတစ်ပုဒ်ကို ကြီးစွာသောလုံ့လဖြင့် အစမ်းသဘောရေးသားကာ ကျွန်ုပ်အားဖတ်စေခဲ့၏။ တစ်ဆက်တည်းမှာပင် ၎င်းစာမူ၏ အကျအပေါက်နှင့်အခြား လိုအပ်ချက်တို့ကို ဖြည့်စွက်ပြင်ဆင်ပေးပါရန် မေတ္တာရပ်ခံခဲ့ရာ အာစရိယဂိုဏ်းဝင် ကျွန်ုပ်အနေဖြင့် တပည့်ကျော်၏ဝါသနာကောင်းအား မြေတောင်မြှောက်ပေးရမည့် ဝတ္တရားရှိသည်နှင့်အညီ လိုအပ်မည်ထင်ရသော သဒ္ဓါဝါကျအထားအသိုအနည်းငယ်ကို ထောက်မပြင်ဆင်လျက် မူရင်းအာဘော်မပျက်စေပဲ အတန်ငယ်တည်းဖြတ်သုတ်သင်ကာ သူ၏လက်ရာကို စာဖတ်သူတို့ မြည်းစမ်းနိုင်ရန် မိတ်ဆက်ပေးလိုက်ရပေသည်။

ယင်းစာ၌ သူရချင်ရောက်ချင်သော ဘဝတစ်ခုကို စိတ်ကူးပုံဖော်လျက် ဆြာသမား၏ဂုဏ်ကို မြင်ယောင်ကြားယောင်ဖြစ်လာ အောင်ဖတ်ချင့်စဖွယ် ဇန်းတင်ဖွဲ့ဆိုထားချက်ကို တွေ့မြင်နိုင်သည်။

သူ၏စာတွင် အချို့နေရာများ၌ ကျွန်ုပ်၏ ရေးဟန်များ မသိမသာရောစွက်လျက် ကျွန်ုပ်နည်းတူ ကဘောက်တိကဘောက်ချာ ဖြစ်နေသည်ကို သတိချပ်မိသော စာဖတ်သူတို့အနေဖြင့် လက်သင်တပည့်အား နားလည်ခွင့်လွှတ်ကြစေလိုကြောင်းနှင့် သူသည် နောင်တစ်ချိန် ကျွန်ုပ်ကဲ့သို့ပင် အစိုးရလူကြီးမင်းများ အမြင်ကပ်သည့် ကလောင်ရှင်တစ်ဦး သေချာပေါက်ဖြစ်လာမည်ဟု မျှော်လင့်ရပါ၏။

ဆြာဒင်( ရွာပြင် )

ခေတ္တ၊ ဖူးခက်ကျွန်း

ထိုင်းနိုင်ငံတောင်ပိုင်း၊

ခရစ်သက္ကရာဇ်၂၀၁၅ခုနှစ်၊ မတ်ခ်ျလ(၂၈)ရက်။ ။

(နှစ်)

“ချစ်သောအာစရိ”

(မောင်ကပ္ပလီရေးသည်)

ကျွန်တော်၏ အမည်သည် ကပ္ပလီဖြစ်ပါသည်။ ကျွန်တော်၏ဖခင်မှာ ဦးဘ၊ မိခင်မှာ ဒေါ်ကုလားမ ဖြစ်ပါသည်။ မွန်ပြည်နယ်၊ ဘီလူးကျွန်းဇာတိဖြစ်သော ကျွန်တော်သည် ခြောက်တန်းအောင်ခဲ့ပြီး မိဘများဆင်းရဲသောကြောင့် ကျောင်းမှထွက်ခဲ့ရပါသည်။ ထို့နောက် စစ်ထဲသို့ဝင်ရောက်ပြီး၊ တပ်ကြပ်အဆင့်အထိ တာဝန်ထမ်းဆောင်ခဲ့ပါသည်။ စစ်တပ်ထဲတွင် ကျနော့်ဆရာဗိုလ်ကြီးဒင်နှင့် စတင်သိကျွမ်းခဲ့ပါ၏။ သူသည်သူ၏ဖိနပ်ကို တိုက်ပေးရန် ကျွန်တော့်အား တာဝန်စတင်ပေးခဲ့ရာ၊ အလွန်ပြောင်သဖြင့် ကျွန်တော့်ကို သူအလွန်တရာ သဘောကျသွားပါသည်။

ထို့နောက် ကျွန်တော်သည် သူ၏လက်စွဲတော် အနီးကပ်တပည့် ဖြစ်လာပါတော့သည်။ ကျွန်တော်၏ဆရာသည် ဗိုလ်ကျောင်းဆင်းဖြစ်၍ ထိုဗိုလ်ဆရာနှင့် ကျွန်တော် ရှေ့တန်းစစ်မြေပြင်တိုက်ပွဲများတွင် အကြိမ်ပေါင်းများအတူ တိုက်ပွဲဝင်ဖူးရာ ပြင်းထန်သောတိုက်ပွဲများ ဖြစ်လေတိုင်း ကျွန်တော့်ဗိုလ်ဆရာသည် လှစ်ကနဲလှစ်ကနဲ ပျောက်ခြင်းမလှ ပျောက်သွားတတ်လေရာ ကျွန်တော်သူ့ကို စိုးရိမ်တကြီးလိုက်ရှာသည့်အခါ ကတုတ်ကျင်းထဲတွင် ခေါင်းပု ၍ဝပ်နေသည်ကို အမြဲလိုလို တွေ့ရလေ့ရှိပါ၏။ ထိုကြောင့်ကျွန်တော့်ဆရာအား သူနှင့်ကျောင်းဆင်းဖက် ဗိုလ်များက ကတုတ်ကျင်းဗိုလ်ဟု ကွယ်ရာတွင် နောက်ပြောင်ခေါ်ဝေါ်ကြသဖြင့် ကတုတ်ကျင်းဗိုလ်ဟူသော နာမည်တစ်လုံး ရလာလေ၏။

ထိုနာမည်ပြောင်ကို ကျွန်တော့်ဆရာ ဘယ်ကနေကြားမှန်းမသိ။ ငါလိုဗိုလ် လွယ်လွယ်ကျလို့မဖြစ် တပ်သားဆိုတာ ဘယ်လမ်းဘေးလျှောက်ရှာရှာ အလွယ်လေးဟု ဆင်ခြေပေးတတ်ပါသည်။

သို့သော်သူသည် အလွန်ရာထူးအတက်မြန်ခဲ့ပါ၏။ စစ်သက်ဆယ့်ငါးနှစ်ကျော်အတွင်း ဒုတိယဗိုလ်ချုပ်ကြီးအဆင့်သို့ ရောက်ရှိခဲ့ရာ ကျွန်တော်သည်လည်း မူလဒုံရင်းတပ်ကြပ်ရာထူးဖြင့် သူ၏အိမ်တော်ပါ တပည့်ဖြစ်လာပါသည်။ သူသည် ထိုစဉ်က ကာကွယ်ဦးစီးချုပ်၏ တူအရင်းဖြစ်သောကြောင့် ကတုတ်ကျင်းအတွင်းမှသည် ဗိုလ်ချုပ်ကြီးဖြစ်လာသည်ဟု ကျောင်းဆင်းဖက်အချင်းအချင်း သွားပုပ်လေလွင့်ပြောကြပါ၏။ ကျွန်တော့်အနေဖြင့်မူ ဗိုလ်ချုပ်ကြီးချင်းအတူတူ ကျွန်တော့်ဗိုလ်ချုပ်ကြီးက နှစ်မူးသာသည်ဟု ဆိုချင်ပါသည်။

(သုံး)

ထိုမှသည် ရန်ကုန်တိုင်းစစ်တိုင်းမှူး ဖြစ်လာပြန်ပါသည်။ ထိုကာလက တစ်နိုင်ငံလုံးတွင် လမ်းတံတား၊အဆောက်အဦ အများအပြား တည်ဆောက်နေချိန်ဖြစ်ရာ ကျွန်တော့်ဆရာသည် အဆိုပါ လမ်းသစ်၊တံတားသစ်၊ အဆောက်အဦသစ်ဖွင့်ပွဲတို့အပြင် ရေလောင်းအိမ်သာအသစ်ဖွင့်ပွဲကိုပါမကျန် ဝါသနာအရ မပျက်မကွက်၍ ကတ်ကျေးတစ်လက်ဖြင့် တက်ရောက်လေ့ရှိရာမှ သူ၏အမည်သည် ဗိုလ်ကတ်ကျေးဟူ၍ ထင်ရှားလာပြန်ပါသည်။

ထို့နောက် ၂၀၁၀ ခုနှစ်တွင် ဒီမိုကရေစီစနစ်သို့ ကူးပြောင်းလာခဲ့ရာ အခြားဗိုလ်ချုပ်ကြီးများအနေဖြင့် အမတ်တစ်နေရာအတွက် မျက်ကလဲဆံပြာ ဖြစ်နေကြရချိန်တွင် ကျွန်တော်ဆရာကား အောင်လံထူစစ်သူကြီးပွဲဟူသော စကားအတိုင်း ရန်ကုန်တိုင်းအစိုးရအဖွဲ့တွင် ဝန်ကြီးချုပ်ရာထူး ရလာပြန်ပါသည်။

ထိုအချိန်တွင်လည်း ရန်ကုန်တိုင်းအတွင်းရှိ စည်ပင်သာယာဈေးကြီးတချို့ မကြာခဏမီးလောင်မှုများ ဖြစ်ပွားခဲ့ရာ ထိုမီးသည် ကျွန်တော့်ဆရာ၏ လက်ချက်ဟု အကင်းပါးသူများသူက ထောက်ပြကြရာမှ ရှို့မီးမောင်ဒင်ဟူသော ဂုဏ်ပုဒ်တစ်ခု တိုးလာပြန်ပါသည်။ ကျွန်တော်ကမူ လူကြီးလူကောင်းစာရင်းဝင် ဆရာသမားအား စိုးစဉ်းမျှသံသယ မဝင်မိခဲ့ကြောင်း ရိုးသားစွာပြောလိုပါ၏။

သူသည် တိုင်းဝန်ကြီးချုပ်ရာထူး ရလာခါစက ကျင်းပခဲ့သော အခန်းအနားတစ်ခုတွင် ဒီမိုကရေစီခေါင်းဆောင်အမျိုးသမီးကြီးနှင့်အတူ တက်ရောက်ခဲ့ဖူးရာ အချို့သောသူများအနေဖြင့် အလွန်တအံ့တသြဖြစ်သွားကြသော်လည်း တပည့်ရင်းဖြစ်သူ ကျွန်တော်ကမူ ဟန်ဆောင်ကောင်းသော ကျွန်တော့်ဆရာ၏အကွက်ကို ကြိုသိနေသဖြင့် ရယ်ချင်ပါသည်။

အမှန်စင်စစ် ကျွန်တော့်ဆရာသည် လူတစ်ကိုယ်လုံး ဥာဏ်နီဥာဏ်နက် ဖုံးနေသူဖြစ်ရာ ထိုဆရာမျိုးကို ဆရာတော်ရသော ကျွန်တော့်အဖို့ အလွန်တရာကံထူးသည်ဟု ဆိုနိုင်ပါ၏။ အခွင့်သာသည်ဖြစ်၍ ကျွန်တော့်ဆရာ အလွန်ပြောင်မြောက်သော ရိုက်ချက်တစ်ခုအကြောင်း ပြောချင်ပါသေးသည်။ အဆိုပါဧရာမခွင် မဟာရိုက်ချက်မှာ ဒလတစ်ဖက်ကမ်းတွင် တည်ဆောက်မည့် မြန်မာ့စေတနာမြို့သစ်စီမံကိန်းကြီးပင် ဖြစ်ပါသည်။ ကျွန်တော့်ဆရာ အဆိုပါခွင်ကြီးအတွက် အငြိမ်းစားဗိုလ်ချုပ်မှူးကြီး၏ ကျောထောက်နောက်ခံဖြင့် သမ္မတထံ နှစ်ကိုယ်ကြားချဉ်းကပ်စည်းရုံးခဲ့ရာ ကျွန်တော့်ဆရာ၏ဇကိုသိနေသော သမ္မတကြီးခမျာ ငြင်းပယ်ရန်အင်အားမရှိခဲ့ချေ။

(လေး)

ကျွန်တော့်ဆရာ၏ ရာဇဝင်ပြောင်ပုံမှာ သမိုင်းဆရာအဆူဆူ သြချလောက်ပါ၏။ အမေရိကန်ဒေါ်လာသန်းဘီလျံနှင့်ချီ၍ ကုန်ကျမည့်စီမံကိန်းကြီးအတွက် နောက်ဆုံးအတည်ပြုချက်ရယူရန် လွှတ်တော် အစည်းအဝေးသို့ သူကိုယ်တိုင်ပင်မသွား မြို့တော်ဝန်ကို အငှားဗိုက်ဖြင့် ဓားထိုးခံခိုင်းသည်အထိ ဇယားနိုင်သူဖြစ်ပါသည်။

သို့သော် ထိုတစ်ချီတွင် ကျွန်တော့်ဆရာ ကံမကောင်းခဲ့ပါ။ အဆိုပါစီမံကိန်းကြီးတွင် အငြိမ်းစားဗိုလ်ချုပ်မှူးကြီး၏ သမီးများနှင့် ဆောက်လုပ်ရေးလုပ်ငန်းရှင် တရုတ်နွယ်ဖွားရှောက်ပန်း၊ ရှောက်စန်းညီအစ်ကိုနှစ်ဦးတို့ ပါဝင်နေသည့်အပြင် ရွှေပြည်သာစက်မှုဇုန်တွင် မတည်ငွေ မြန်မာကျပ် သိန်းခုနစ်ဆယ်ခန့်ဖြင့်သာ ဟန်ပြသဘော ဖွင့်လှစ်ထားသည့် လျှို့ဝှက်ကိစ္စများ ပေါက်ကြားသွားခဲ့ပြီး စားရခါနီးမှ ပါးစပ်ဝတွင် ပြုတ်ကျသွားခဲ့ပါသည်။ လူတကာ ထင်မှတ်မထားသည့် အချီကြီးပွပေါက်ကို ဆင်ကြံကြံနိုင်သည့် ကျွန်တော့်ဆရာအား တစ်နိုင်ငံလုံး လန့်ဖျန့်သွားရသည်ဖြစ်ရာ တပည့်တစ်ဦးဖြစ်သော ကျွန်တော့်အနေဖြင့် ဆရာ့အရှိန်အဝါကြောင့် များစွာဂုဏ်တက်ရပါ၏။

ထိုမျှမကသေးပါ။ ရန်ကုန်မှာဖြစ်ဖြစ်သမျှ ကျွန်တော့်ဆရာ၏ လက်ရာချည်းဖြစ်ပါ၏။ ကျူးကျော်တဲများကို ဘူဒိုဇာဖြင့်ထိုးကော်သည့်ကိစ္စ၊ အလုပ်သမားလစာ တိုးတောင်းသည့်သပိတ်၊ ကျောင်းသားလှုပ်ရှားမှု အပါအဝင်၊ လူထုနှင့်ထိပ်တိုက်ရင်ဆိုင်ရသော ကိစ္စများကို သေချာကျနစွာ ဖြေရှင်းနိုင်ရန် ထောင်ထွက်လူမိုက်ကလေကချေများကို မိဘပြည်သူအမည်ခံစေလျက် စွမ်းအားရှင်လက်ရုံးတပ်ဖွဲ့ကို စစ်ရေးအမြင်ဖြင့် ကြိုတင်ဖွဲ့စည်းထားကာ၊ လိုအပ်သလို လက်စွမ်းပြစေပါသည်။ သူကိုယ်တိုင် နံပါတ်တုတ်ကိုကိုင်လျက် “ဟောဒီလို လက်ကိုလွှဲပြီးဖြတ်ရိုက်ရမယ်။ ပြီးရင်လက်ပြန်တစ်ချက်ထပ်ရိုက်မယ်။ အားရှိသလောက်ရိုက်။ နာနာရိုက်၊ ဆက်တိုက်သာ ရိုက်။ အသားကုန် ရိုက်၊ မသေမချင်းရိုက်” ဟူသောသရုပ်ပြဟန်များမှာ ကျွန်တော်၏ အာရုံထဲတွင် ဗီဒီယိုရိုက်ထားသကဲ့သို့ စွဲမြဲစွာမှတ်မိနေပါသည်။

မကြာသေးခင်က ဖြစ်ပွားခဲ့သည့် မြို့တော်ခန်းမရှေ့ လူအုပ်ကြီးအား အောင်မြင်စွာ နှိမ်နင်းခဲ့ပုံကို အကြောင်းပြုကာ ဝါးရင်းတုတ်မောင်ဒင်၊ လက်ပတ်နီမောင်ဒင်ဟူသော အမည်ကောင်းဂုဏ်ပုဒ်တို့ တိုးလာပြန်ပါသည်။ ဆရာ့လက်စွမ်းကား သမ္မတရုံးမှပင် မျက်လုံးမျက်ဆန်ပြူးရသည်အထိပင် ဖြစ်ပါ၏။ အဆိုပါရိုက်ပွဲအပေါ် ပုဂ္ဂလိကမီဒီယာအသီးသီက ဆူညံစွာပြစ်တင်ရေးသားခဲ့ကြခြင်းတွက် သတင်းထောက်တစ်ဦးအား ရိုက်ပွဲအတွက် ဝန်ချတောင်းပန်မယောင် သတင်းပေးမယောင် ဖျားယောင်းခေါ်ဆောင်စေကာ လက်ရုံးတပ်ဖွဲ့ဝင်တို့ကို ထပ်မံဝိုင်းဝန်းရိုက်နှိပ်စေ ခြင်းဖြင့်၊ အကောင်းဆုံး သင်ခန်းစာပေးနိုင်ခဲ့သူမှာလည်း ကျွန်တော်ဆရာ၏ သူမတူသော စွမ်ရည်ထူးပင်ဖြစ်ပါချေသည်။

(ငါး)

ယခုရက်ပိုင်းများ၌ ကျွန်တော့်ဆရာသည် မြေနီကုန်းခုံးကျော်တံတားဖွင့်ပွဲတွင် ခရီးသည်များအား လက်ဆောင် ပစ္စည်းများ အခမဲ့ပေးဝေနေပုံ လမ်းဘေးရေမြောင်းထဲမှအမှိုက်များကို ကိုယ်တိုင် လိုက်လံကောက်ယူ နေပုံများအား နေ့စဉ်ထုတ်သတင်းစာ၊ ဂျာနယ်နှင့် ရုပ်မြင်သံကြားမီဒီယာအသီးသီးတွင် ဝေဆာစွာ တစ်ခန်းတနား ဖော်ပြနေကြသည်ကို သင်တို့သတိပြုမိကြလိမ့်ဟု ထင်ပါသည်။ သူ၏ဂုိုက်ဆိုက်မှာ အများပြည်သူ ခရီးလမ်းပန်းဆက်သွယ်ရေး အဆင်ပြေစေရန် ခုံးကျော်တံတားကြီးတစ်စင်း သူ့ကိုယ်ပိုင်ငွေကြေးဖြင့် စိုက်ထုတ်တည်ဆောက်ပေးလေဟန်၊ ကွယ်လွန်သူ စင်ကာပူဝန်ကြီးချုပ်ကဲ့သို့၊ မြို့ရွာသန့်ရှင်းလှပရေးကို ဂရုဓမ္မပြုတတ်သည့် အိုက်တင်တို့ကို မြင်တွေ့နိုင်ပါသည်။ ဤသည်ပင် ကျွန်တော့်ဆရာ၏ ရှေ့ရေးကို ကြိုတင်မျှော်မြင်နိုင်သော အရည်အသွေးကို အထင်အရှား ပြဆိုနေခြင်းပင် မဟုတ်တုံလော။

ကျွန်တော့်ဆရာဖြစ်သူ၏ အရည်အချင်းအား သူ့ဦးရီးတော်နှင့်တကွ ဇနီးသားသမီးများကပါ နှစ်ထောင်းအားရရှိကြပါသည်။ သူနှင့်လက်ဝါးရိုက်ဖက် ဗိုလ်ချုပ်ကြီး ဗိုလ်ချုပ်ကလေး၊ ဝန်ကြီး ဝန်ကလေး၊ မြို့ဝန်ကြီး မြို့ဝန်ကလေးတို့က အထူးအားကိုးကြပါသည်။ ထို့အတူ သူနှင့်စီးပွားဖက် တရုတ်လူမျိုးလုပ်ငန်းရှင်ကြီးတို့သည်လည်း သူတို့၏ တာဏံလေဏံ မှီခိုပုန်းအောင်း လဲလျောင်းရာအဖြစ် လွန်စွာတန်ဖိုးထားကြပါ၏။

ထို့ပြင်တဝ ကျွန်တော်အနေဖြင့်လည်း ဆရာသမား၏ကောင်းမှုကြောင့် လှိုင်သာယာတွင် ပေနှစ်ဆယ်၊ ပေခြောက်ဆယ် အကျယ် ကိုယ်ပိုင်သစ်သားအိမ်တစ်လုံး ပိုင်ဆိုင်နိုင်ပြီးဖြစ်လေရာ ဆရာသမားအား ဘယ်ခေတ်ဘယ်စနစ်တွင်မဆို မိုးဆန်းပန်းကဲ့သို့ မညှိုးတမ်းလန်းစေချင်ပါ၏။

ဇမ္ဗူတလူဟု တင်စားအပ်သော ကျွန်တော်၏ဆရာသမားသည် သူ့အားချစ်ခင်လေးစားကြသူများ၏ စူးရှသော မေတ္တာဓာတ်အရှိန်အစော်အာနုဘော်ကြောင့် ၂၀၁၅ ခုနှစ်လွန်ကာလများတွင်လည်း ပန်းပန်လျက်ပါဟူသည့်ဘဝမျိုးတွင် ဆက်လက်တည်မြဲနိုင်ပါစေသတည်း။ ဘေးရန်ခပ်သိမ်းကင်းငြိမ်း၍ နှလုံးစိတ်ဝမ်းအေးချမ်းပါစေသတည်း။

(ပြီးပါပြီ)

မှတ်ချက် ။ ။ မောင်ကပ္ပလီ၏ လက်စမ်းစာသည် တစ်စုံတစ်ဦးအား အာဃာတတရားဖြင့် စောင်းပါးရိပ်ခြေထိုးနှက်ရာ ရောက်နေသည်ဟု စာဖတ်သူထင်မြင်သည်ရှိသော် ဤစာ၏နိဒါန်းအစတွင် ဖော်ပြထားသည့် မိတ်ဆက်မှတ်ချက်ကို ပြန်လည်ဖတ်ရှုကြခြင်းဖြင့် သံသယကင်းကြစေလိုပါ၏။

(ဒီဗွီဘီအွန်လိုင်းတွင် ကျွန်ုပ်အားလူအများက ချစ်ခင်လေးစားတန်ဖိုးထားကြ၏ ဟူသော အမည်ဖြင့်ဖော်ပြခဲ့သောစာမူဖြစ်ပါသည်၊)

ဒီဗွီဘီသတင်းဌာန။ ။

ကျွန်ုပ်နှင့်သိကြားမင်းသည်ကွန်မြူနစ်ပါတီအမာခံကေဒါများဖြစ်ကြ၏။ ။

(မင်းဒင်)

(၁)
ဤဇာတ်လမ်း၏ မြစ်ဖျားခံရာသည်ကား လွန်ခဲ့သောသင်္ကြန်ရက်များ၏ တခုတည်းသော ညဉ့်ဦးပိုင်းတွင် ဖြစ်လေသည်။ ထိုညက ကျွန်ုပ် အိပ်ယာဝင် ဘုရားရှိခိုးအပြီး အဟံဝေယောဟောမိအစချီ၊ မေတ္တာပို့ပုံသည်လည်း သာမန်ရွတ်စဉ် သာဖြစ်၏။

သို့သော်(နတ်တို့သနင်းသိကြားမင်းသည်လည်းကောင်း)ဟူသည့်နေရာအရောက်တွင် ကျွန်ုပ် စကားထစ်နေသဖြင့် ၃ ကြိမ်ရွတ်ဆိုမိသည်ကား ထူးခြားချက် ဖြစ်၏။

နောက်ဆုံး ဦး ၃ ကြိမ်ချ၍ ခေါင်းချကာ အိပ်စက်တော့အံ့ဟု မျက်စိကို အနားပေးလိုက်ချိန်တွင်မူ အုန်းဆိုသည့်အသံ နဲ့အတူ ကျွန်ုပ်အိပ်ခန်းတခုလုံး စူးရှသော အလင်းရောင်တို့ဖြင့် ဝင်းထိန်သွားသဖြင့် အလန့်တကြားမျက်လုံးဖွင့် ကြည့်မိသည့်အခါတွင်ကာ ဇာတ်ထဲက သိကြားမင်းဝတ်စုံနဲ့ ထူးဆန်းသောပုဂ္ဂိုလ်တဦးသည် ကျွန်ုပ်၏ကုတင် ဘေးတွင် မတ်တပ်ရပ်လျက်သား ရှိနေကာ ကျွန်ုပ်အား ဇာတ်ဟန်ပါပါ ချိုသာစွာ နှုတ်ဆက်ပါ၏။

“ဝတိံဖျားကငါသိကြား ဖြစ်တော့သကိုး၊ ကိုဒင်ကြီးရဲ့”
အနည်းငယ် အံ့သြ ထိတ်လန့်သွားမိသည်ကို ဝန်ခံပါ၏။ သို့သော် တခဏချင်းပင် ကြောက်စိတ်နေရာ၌ ဒေါသစိတ်သည် ထူးဆန်းစွာ ဝင်ရောက်လာခဲ့လေသဖြင့် သိကြားမင်းဟု ဆိုသည့် ထိုပုဂ္ဂိုလ်အား ကျွန်ုပ် သရော် တော်တော်ခွန်းတုန့်ပြန် လိုက်မိ၏။

“ခင်ဗျား ကြည့်ရတာ သင်္ကြန်ရက်ကြီးမှာ လက်ပတ်နီတွေ၊ ဝါးရင်းတုတ်နဲ့ လိုက်ရိုက်လို့ ဖူးခက်ဘက် ပြေးလာတာတော့ မဟုတ်လောက်ပါဘူးနော်။”

“ဟ။ ခင်ဗျားပြောပေါက်က ဘုဂလန့်ကြီးပါလား။ ကျုပ်က အခုလို သင်္ကြန္တအခါသမယမှာ လူ့ပြည်ဆင်းလာပြီး ကိုယ့်အလုပ် ကိုယ်လုပ်ဖို့ပေါ့။ အခု ရောက်လာရတာ ခင်ဗျားပဲ ကျုပ်ကို မေတ္တာနင်းကန်ပို့နေလို့ လိုရာဖြည့်ဆည်းပေးရအောင်ရောက်လာတာပါလေ။”

“တော်စမ်းပါဗျာ။ ခင်ဗျားကို အယုံအကြည် မရှိတာ။ မင်းတုန်းမင်းကြီး လက်ထက်ကတည်း ကဗျ။ ဒီခေတ်ကြီးမှာဆို ပို ဆိုးသေး။ သိကြားဆိုတဲ့နာမည်တောင် ကြားချင်စိတ်မရှိတော့ဘူး။ အလကား သိကြားမင်း၊ သိကြားလိမ်။”

“ဟမ်”

ဘိုးတော်သိကြားမင်းသည် သူအား ပမာမခန့် သဟောက်သဟမ်းပြုနေသော ကျွန်ုပ်အား အတန်ငယ် ရှိန်သွားဟန်ရှိကြောင်း သူ၏ အာမေဋိတ်သံက အထင်အရှားသက်သေခံလျက် ရှိ၏။

(၂)
“မဟမ်နဲ့ ကိုယ့်လူ။ ကုန်းဘောင်ခေတ်စာဆိုကျော်ဦးပုညရဲ့ သိကြားလိမ်ဖွဲ့ သာမည တေးထပ်ကို ကိုယ့်လူ ဖတ်ပြီးသားနေမှာပါ။

ဘာတဲ့။ နန်းမေရုပြာသာဒ်၊ လမ်းဖြတ်တဲ့ဣန္ဒာ၊ ကမ်းသတ်လို့ နှိမ်ရှာတယ်၊ အလိမ္မာလွန်သား၊ ထောက် လှမ်းချက် သုဓမ္မာဝယ်၊ ခုအခါ လစ်ကြသလား။ ဘုရားက သိကြားကို မှာတယ်၊ ဌကထာ ရှိသား၊ သာသနာ ငါထားငဲ့၊
မမှားအောင် စေ့ဆော်၊ မကောင်းသူ ကောင်းသူတို့ကို၊ ကြောင်းယူလို့ ဆန်းစစ်ကာမျှော်။ ဝိမလနန်းသစ်ပေါ်မှာ၊ သန်းရှစ်ဖော် ရွေများနှင့်၊ ဘုရားကို နှစ်ရစ်လိမ်၊ ညစ်တဲ့မာဃိန်၊ ပစ်ရှာမယ့် ဝရဇိန်ငယ်၊ ပန်းထိမ်မှာ ပြင်တုန်း ထင့်လေးတဲ့ဗျ။”

“အေးဗျ။ အဲဒီ တေးထပ်ကို ကျုပ်ခဏခဏကြားဖူးတာတော့အမှန်ပဲ။ ဒါနဲ့ အဓိပ္ပာယ်က ဘာတဲ့တုန်းဗျာ။”

“သိကြားမင်းထဲမှာတော့ ခင်ဗျားအညံ့ဆုံးပဲဗျာ။ မဲလိမ်မဲခိုးပြီး တက်လာတဲ့သိကြားများ ဖြစ်လေရော့သလား။ မသေ မချင်း မှတ်ပေတော့။ သာသနာအနှစ် ၅၀၀၀ ထားခဲ့ရာမှာ ပထမအနှစ် ၂၅၀၀ က ဘုရားသာသနာ၊ ဒုတိယအ နှစ် ၂၅၀၀ က သိကြားသာသနာ။ သိကြားသာသနာမှာ မကောင်းသူပယ် ကောင်းသူကယ်ရမဲ့၊ ခင်ဗျားအလုပ် ခင်ဗျားမလုပ်လို့ ခုလိုသိကြားသာသနာမှာ လူမသမာတွေ မိုးကောင်းနေကြတာလေ။

စစ်တပ်က ဦးပိုင်ထောင်ပြီး တိုင်းပြည် ရဲ့ အဆီအနှစ်မှန်သမျှ လက်ဝါးကြီး အုပ်တယ်။ မဲလိမ်မဲခိုးပြီး အစိုးရတက် လုပ်တယ်။ အခု လာမဲ့သက်တမ်းမှာလည်း လိမ်ကြ ခိုးကြဦးမယ်။ ဒါတွေကို သိသိကြီးနဲ့ လျစ်လျူရှုနေတာ ခင်ဗျားရဲ့ သောက်သုံးမကျချက်တွေပေါ့ဗျာ။ ဘယ့် နှယ် လိမ်စရာမရှိ ဘုရားကိုတောင် နှစ်ထပ်ကွမ်းလိမ်တဲ့ သိကြားယုတ်။ ခင်ဗျားရဲ့ ဝရဇိန်လက်နက်ဟာ ပန်းတိမ်မှာ ပြင်နေတာတော့ မဟုတ်လောက်ဘူး။

ခင်ဗျားမိန်းမ ၄ ယောက် စိန်နားကပ်ပန်ဖို့ အစိုးရနဲ့ စစ်တပ်ဆီမှာ ဒေါ်လာနဲ့ ရောင်းစားပစ်တာပဲ ဖြစ်ရမယ်။ ကျုပ်အတွက်ကတော့ ဆီးချိုသွေးချို ဖြစ်မဲ့ သကြားရော၊ ကလိမ်ကကျစ်ဘိုးတော်သိကြားကော၊ ဘယ်သိကြားမှ အဖက်မလုပ်ချင်ဘူးဗျာ။ ဒီမယ် ကိုမာဃ ခင်ဗျားအစား ကျုပ်ရှက်တယ်ဗျာ။ ခင်ဗျား မြန်မြန်သာ ပြန်ပါတော့ ကြွကြွ၊ မြန်မြန်ကြွ။”

“ဟား၊ ကိုဒင်ကြီးပြောကာမှ ကျုပ်လည်း တပြားမှမတန်တဲ့ သိကြားဖြစ်ရမဲ့ကိန်းပါကလား။ ကဲပါလေ။ ရောက်တုန်း ရောက်ခိုက် ကျုပ်တာဝန်ကျေရအောင်၊ ခင်ဗျားလိုချင်တဲ့ဆုသာ တောင်းပေတော့ဗျား။”

“သြ၊ ဘုရားကို လိမ်တာ အားမရသေးလို့ ကျုပ်ကိုပါ ထပ်လိမ်ဦးမယ်ပေါ့။ သုံးထပ်ကွမ်း
လူလိမ်၊ အဲ သိကြားလိမ် ဖြစ်သွားမယ်နော်။”

ကျွန်ုပ်၏ အဆက်မပြတ် ထိုးနှက် ပြစ်တင်ရှုံ့ချနေမှုကြောင့် ဘိုးတော်သိကြား၏ မျက်နှာ သည် မန်ကျည်းမှည့်ရောင် သန်းလာခဲ့ချေပြီတမုံ့။

(၃)
“ဒီမယ် ဦးမောင်ဒင်၊ တော်ရုံကောင်းတယ်နော်။ လိုတဲ့ဆုသာ တောင်း၊ မပြည့်တော့မှ ကျုပ်ကို အပြစ်တင်၊ ဟုတ်ပြီနော်။”

“သြ။ ဒီလိုကြေးလား။ ခင်ဗျားက ခပ်ပြတ်ပြတ်ပြောတော့ ကျုပ်ဖက်ကလည်း တိုတိုပြတ်ပြတ် ပြောရတာပေါ့ဗျာ။ လူထုအတွက် ထွန်ယက်လုပ်ကိုင်စားသောက်ဖို့၊ နေဖို့ထိုင်ဖို့ မြေကွက်တွေ လိုတယ်။ နောက်တချက်က လာမဲ့ ရွေးကောက်ပွဲဟာ လွတ်လပ်ပြီး တရားမျှတတဲ့ ရွေးကောက်ပွဲ ဖြစ်ချင်တယ်။ ဒါပါပဲဗျာ။”

“အိုကေ ကိုဒင်ကြီး။ ဒီလိုဆိုရင်ဖြင့် မြေကွက်လိုချင်သူတွေစာရင်းကို ခင်ဗျားကိုယ်တိုင် စာရင်းကောက်ပြီး ကျုပ်ဆီပို့ လိုက်ပေတော့။ ခင်ဗျားတောင်းတဲ့ဆုနဲ့ တလုံးတဝတည်း ပြည့်ရမယ်ဆိုတာ ကျုပ်ရဲရဲကြီး အာမခံတယ်။”

“ခင်ဗျားဟာလေ။ ပြောတော့လည်း မခံချင်ဘူး။ ကျုပ်က မြေကွက်လိုချင်တဲ့လူစာရင်း
ကောက်ပြီး၊ သို့။ သိကြားမင်း၊ တာဝတိံသာဆိုတဲ့လိပ်စာနဲ့ စာတိုက်ကနေ ပို့ရမှာလား။ လူကို အချဉ်မှတ်နေသလားဟင်။”

“အလိုက်တဲ့ မောင်ဒင်၊ အီလက်ထရောနစ်ခေတ်ကြီးမှာ စာပို့တာ
စာတိုက်လိပ်စာ မလိုတော့ဘူး ငတုံးရဲ့။ tha-jar-min2015@gmail.com ဆိုရင် ရပြီ။ မြန်မြန်သာ ပို့လိုက်ပေတော့။”

“ဒါဖြင့် ရွေးကောက်ပွဲကိစ္စကကောဗျာ။”

“အတော်လျှာရှည်တဲ့မိကျောင်းသားပါကလား။ မေးလ်ပို့မှာသာ ပို့လိုက်။”

စိတ်တိုနေဟန်ရှိသော သိကြားမင်းသည် ကျွန်ုပ်၏ ကုတင်ဘေးစားပွဲပေါ်မှ စက္ကူစုတ်တရွက်ကို ဖျတ်ကနဲ လှမ်းယူကာ သူ၏ အီးမေးလ်လိပ်စာကို ကတိုက်ကရိုက် ရေးချလိုက်ရင်း စကားစ မြန်မြန်ဖြတ်ကာ၊ ကျွန်ုပ်အပါးမှ ရုတ်ခြည်းပျောက်ကွယ်သွားခဲ့ရာ သင်၏အမြီးနဲ့ ဖုန်လုံးကိုပင် မမြင်လိုက်ရတော့ချေ။

နောက်တနေ့ နံနက် လက်ဖက်ရည်ဝိုင်းတွင် ကျွန်ုပ်နဲ့ သိကြားမင်း
တွေ့ဆုံခဲ့သည့်အကြောင်းကို တပည့်ကျော်များ ဖြစ်သော လေမင်းသား၊ ကပ္ပလီနဲ့ ဖေကြည်တို့အား အသေးစိတ်ပြောပြမိရာ စကားအစ၌ မယုံချင်ကြသော်လည်း ဘိုးတော်သိကြား၏ ထူးဆန်းသောပဲပင်ပေါက်သဏ္ဌာန်လက်ရေး စက္ကူစုတ်ပေါ်မှ
အီးမေးလ် လိပ်စာကို မြင်ကြသည့် အခါတွင်မူ သင်းတို့လည်း မြေကွက်ရလိုကြောင်း အားတက်သရော စာရင်းပေးသွင်းကြကုန်၏။

ထို့ပြင်တဝ တပည့်ကျော်တို့သည် ဘယ်နိုင်ငံဘယ်မြို့က ဘယ်မြေကွက်ကို ပေးလေမည့်မသိ အူကြောင်ကြောင်သတင်းစကားကို ဇာတိ နိုင်ငံတွင်းရှိ ဆွေတော်ရှစ်သောင်း၊ မျိုးတော်အပေါင်းတို့ထံ ဖုန်းဆက်အကြောင်းကြားကြရာမှ အစိုးရမင်းများ၏ နားတော်သို့ ဒုတ်ဒုတ်ထိ ပေါက်ကာ ကျွန်ုပ်မှာ အရူးမီးဝိုင်းသလို အခက်ကြုံရလေတော့သည်။

(၄)
“ဟယ်လို၊ ဖူးခက်က ဆြာဒင်လား။”

“ဟုတ်ကဲ့ပါ”

“ဟုတ်၊ ကာကွယ်ရေးဦးစီးချုပ်ရုံးကပါ။ အဘကြီး ဆက်ခိုင်းလို့ပါ”

“ဟုတ်ကဲ့၊ ဘာကိစ္စများပါလိမ့်။”

“သြော်၊ ဆြာဒင်မြေကွက်တွေ ဝေခြမ်းရေးလုပ်နေတယ်ဆိုလို့။ အဲဒါ အဘကြီးရယ်၊
အဘကြီးရဲ့ လုပ်ဖော်ကိုင်ဖက်တွေ အတွက် တယောက်ကို
ဗွီအိုင်ပီအကွက် ၄၊ ၅ ကွက်စီလာက် လိုချင်လို့ပါ။”

“ဗျာ။ ဒါက ဒီလိုရှိပါတယ် မောင်ရင်။ မြေကွက်ဝေခြမ်းရေးလုပ်တယ်ဆိုတာ…”

“ဒီလိုတွေ ဟိုလိုတွေ ပြောမနေပါနဲ့ဗျာ။ တပ်ချုပ်ကြီးကိုယ်တိုင် ပြောနေတယ်ဆိုရင်
ခင်ဗျားကြီး သဘောပေါက်သင့်တယ်။”

“ပေါက်တော့ ပေါက်ပါတယ်။ ဒါပေမဲ့ ဒီကိစ္စနဲ့ ပတ်သက်လို့ နည်းနည်းရှင်းပြ၊ ရှင်း..၊ ရှင်း”
“ကျနော်တို့ စစ်တပ်မှာ ဒါပေမဲ့ဆိုတာ မရှိလို့ပါ။ ဒါပဲနော်။”

(ဂွတ်)

“ဟယ်လို”

“ဟုတ်ကဲ့ပါ။”

“နေပြည်တော်သမ္မတကြီးရဲ့ ရုံးကပါ။”

“ဟုတ်ကဲ့”

“ဗွီအိုင်ပီမြေကွက်တွေ ခွဲဝေပေးနေတယ်ဆိုလို့ အဘရယ်၊
အဘရုံးက ဝန်ကြီးတွေရယ် အတွက် တယောက် ၃ ကွက်စီလောက်
စာရင်းပေးချင်လို့ပါ။”

“ဒီကိစ္စဟာ ဒီလို ရှိပါတယ်။ မြေကွက်တွေပေးဖို့ စာရင်းကောက်နေတယ်ဆိုတာတော့
မှန်ပါတယ်။ ဒါပေမဲ့၊ဒီ..၊ဒီ”

“အေးဗျာ။ ကျနော်လည်း တာဝန်အရ ဆက်တာပါ။ ခင်ဗျား မြန်မာပတ်စ်ပို့ ကိုင်ထားတယ် ဆိုတာ မမေ့နဲ့နော်။”

(ဂွတ်)

(၅)
အဆက်မပြတ် ၀င်လာနေသည့် တယ်လီဖုန်းတို့ကို အမျှင်မပြတ် ဆက်တိုက် နားထောင်နိုင်ရန်အလို့ငှာ ကျွန်ုပ်သည် နားရွက်နဲ့ တယ်လီဖုန်းကို သားရေကြိုးဖြင့် ပူး၍ ချည်ထားလိုက်ရ၏။

ကာချုပ်ရုံး၊ သမ္မတရုံး၊ လွှတ်တော်ပေါင်းစုံ၊ ဗိုလ်ချုပ်ဟောင်းဝန်ကြီး၊ ဗိုလ်ချုပ် အမတ်မင်းစသော အာဏာလက်ကိုင်ရှိ လူကြီးလူကောင်းအပေါင်းတို့ထံမှ အိုဗာဆီးကော်လ် တွေချည်း ဆက်တိုက်ဝင်နေသည်မှာ ကျွန်ုပ်အဖို့ ထမင်းစားချိန်ဖို့ မဆိုထားဘိ၊ ရေပင် ဖြောင့်အောင်သောက်ချိန်မရသည့်အပြင် ယားယံသည့်တင်ပါးကိုပင်လျှင် အားလပ်မှ စိမ်ပြေနပြေ ကုတ်ရန် ထုံးဖြင့်တို့မှတ်ထားရချေသည်။

ဝင်လာသမျှ တယ်လီဖုန်းတို့မှာ မြေကွက်ကိစ္စချည်းပင်ဖြစ်၏။ မြေကွက်တောင်းခံသည်လေသံမှာလည်းအ ထက်စီးမှ အာဏာ၊ ပါဝါသံပေါက်နေသော်ငြား၊ ဒင်းတို့နဲ့ မကင်းနိုင်လေသည်မို့၊ အောင့်အီးသည်းခံကာ၊ ခဲတံတို တချောင်းကို တံတွေးဆွတ်ရင်း ရေးမှတ်နေရချေသည်။

အကြောင်း ၃ ပါး မရွေးသည့် နဂါးမျက်စောင်းထက်ပင် တန်ခိုးရှိန်စော် အာနုဘော်ကြီးမားလှသည့် အစိုးရမင်းတို့၏ သြဇာအာဏာကို ကျွန်ုပ်ကဲ့သို့ ငပါမွှားအနေဖြင့် အဘယ်မှာလျှင် လွန်ဆန်နိုင်ပါအံ့နည်း။

မြေကွက်အလိုရှိသည့် အာဏာရှိ ပုဂ္ဂိုလ်အသီးသီး၏ အမည်စာရင်းကို ပထမဦးစားပေးအနေဖြင့် ရေးချလိုက်ရာ ဂျီမေးလ်မှ ခွင့်ပြုသည့် ၂၅ ဂစ်ဂါဗိုက် ကျော်လွန်သွားလေရာ ကျွန်ုပ် တပည့်ကျော်များနဲ့ နေပြည်တော် ဒက္ခိဏသီရိမြို့နယ် တမာပင်ကုန်းကျေးရွာမှာ မြေယာကျူးကျော်မှုဖြင့် ထောင်ကျခံရလေသော အသက် ၈၀ ကျော် အဘွားအိုဒေါ်တင်လှိုင်၏အမည်တို့ကိုပင် ဖြုတ်ထားရစ်ခဲ့ရသောဟူ၏။

(၇)
ထူးဆန်းအံ့သြဖွယ်ကောင်းလေစွ။ သိကြားမင်း ပေးထားရစ်သော ဂျီမေးလ်လိပ်စာအတိုင်း မေးလ်ပို့အပြီး ချက်ချင်း ဆိုသလိုပင် ကျွန်ုပ်၏မေးလ်လိပ်စာသို့ သိကြားမင်းထံမှ ပြန်ကြားစာ ရောက်ရှိလာခဲ့လေရာ ယင်းစာမှာ အောက်ပါအတိုင်း ဖြစ်လေ၏။

သို့

ကိုဒင်ကြီး

၁။ ခင်ဗျား စကားကြီးစကားကျယ်တွေ လျှောက်ပြောတော့ ကျုပ်ဖြင့် အဟုတ် မှတ်လို့။ လက်စသတ်တော့ ခင်ဗျားက သူတော်ကောင်း ယောင်ဆောင်လိုက်တာကိုး။ ခင်ဗျားကော ဘာထူးလို့တုန်း။ ခင်ဗျားမြေကွက်တောင်းတဲ့လူစာရင်းကို ဂူဂဲလ်မှာ လုပ်ကြည့်လိုက်တော့ အကုန် လူမသမာတွေချည်းပဲ။

၂။ အခု ငရဲပြည် ၆ ထပ်မှာ သူတို့အတွက် ၅ စက္ကန့် သက်တမ်းရှိတဲ့ဂရန်နဲ့ မြေကွက် ၁ စတုရန်းဂါဝုတ်စီချ ထားပေးလိုက်ပြီ။ ဆီပူအိုးထဲ ထည့်မကြော်ခင် ကြည့်ခွင့်ရသွားကြမှာပါ။ မြေပုံမြေရာဇဝင် အမြန်ဆုံးထုတ်ယူဖို့ အကြောင်းကြားလိုက်ပါ။ သူတို့မြေကွက်တွေ မြန်မြန်လာလက်ခံလိုက်ရင် ခင်ဗျားလိုချင်တဲ့ဆုတွေ အကုန်ပြည့်ပြီပေါ့။

၃။ ဒီကိစ္စနဲ့ ပတ်သက်လို့ ခင်ဗျားအနေနဲ့ သတင်းစာမျက်နှာ တွေမှာ ပြက်ချော်ချော် လုပ်ပြီး သရော်စာရေးတာကို ဖတ်မိတဲ့ အစိုးရဘက်က လူတွေအနေနဲ့ ခင်ဗျားကို ကွန်မြူနစ် အမာခံကေဒါအဖြစ် စာရင်းသွင်းကြလိမ့်မယ်။ ခင်ဗျားအတွက်က ဘာပြဿနာမှ မရှိပေမဲ့ ကျုပ်နာမည် ပါနေရင် ကွန်မြူနစ်သိကြားမင်းဆိုပြီး ယုန်ထင်ကြောင်ထင် ဖြစ်မဲ့ကိစ္စကိုတော့ ခင်ဗျား သတိပြု စေချင်တယ်။ ။

တော်သေးပြီ။

ကတိတည်စွာဖြင့်

မာဃ
သိကြားမင်း
တာဝတိံသာ

၁၁။၀၅။၂၀၁၅နေ့ထုတ် နှင်းဆီဖြူဂျာနယ်မှ ။ ။

လိပ်ပြာတို့၏နားခိုရာ
(မင်းဒင်)

(၁)
အိုရနာရမည်ကိုသိသော်ငြား၊အသက်သာဆုံးနည်းဖြင့်လွတ်အောင်ရှောင်ကွင်းလိုသော
ကျွန်တော်သည်ကျန်းမာရေးအလို့ငှာ၊နေ့စဉ်လိုလိုနံနက်စောစောတွင်
လမ်းလျှောက်ထွက်လေ့ရှိသူဖြစ်ပါသည်။

ဖူးခက်ကဲ့သို့မြို့ကြီး၌၊နံနက်စောစောအချိန်၌ကတ္တရာလမ်းဘေးပလက်ဖောင်းများပေါ်တွင်၊
ကျန်းမာရေးလိုက်စားသူများလမ်းလျှောက်လေ့မရှိချေ။ဖူးခက်သို့ရောက်စတွင်မူ၊
ပလက်ဖောင်းဘေးတွင်ကျွန်တော်လမ်းလျှောက်ခဲ့ဖူးသည်။
အထူးအဆန်းသဖွယ်ခွေးတွေဟောင်ကြလေသည်။အရှိန်ပြင်းစွာမောင်းနှင်ကြသော
ယာဉ်အန္တရာယ်သည်လည်းမသေးလှသဖြင့်နောင်သော်ဖူးခက်တွင်
လူရည်လည်လာသောကျွန်တော်သည်ဝီချစ်ရပ်ကွက်၊ကျောက်ဖားလမ်းမပေါ်ရှိ၊
ထိုင်းဘုရင့်တော်ဝင်ပန်းခြံသို့ခြေစက်ကျခဲ့သည်။

ယင်းပန်းခြံကြီးကား၊(၃၅၀)ဟက်တာကျယ်ဝန်းသောသဘာဝပန်းခြံကြီးဖြစ်၏။
ဖူးခက်မြို့တွင်အကျယ်ဝန်းဆုံးပန်းခြံကြီးအဖြစ်မှတ်တမ်းဝင်သည်။
လက်ရှိထိုင်းဘုရင်မင်းမြတ်ဘူမိဘော(ရာမ-၉) ၏သက်တော် ခြောက်ဆယ်ပြည့် မြောက်သည့်(၁၉၈၇)ခုနှစ်မှစတင်၍ အများပြည်သူအပန်းဖြေရန်၊ကိုယ်လက်လှုပ်ရှား၊အား ကစားမျိုးစုံပြုလုပ် နိုင်ရန် အဆင့်မြှင့်လုပ်ငန်းများတိုးမြှင့်ဆောင်ရွက်လာခဲ့သည်မှာယနေ့ထက်တိုင်အထိဖြစ်၏။

“King Of The King” ဟူ၍၊ပန်းခြံအဝင်ဝတွင်ပန်းစာတမ်းထိုးကမ္ဗည်းတင်ထားသည့်ထိုင်းဘုရင့် တော်ဝင်ပန်းခြံ သည်၊ရေပတ်လည်ဝိုင်းရံလျက်ရှိသည်ကားထူးခြားချက်တစ်ရပ်ဟုဆိုနိုင်ပါသည်။

(၂)
“ဦးလေး၊မနက်ဖက်လမ်းထလျှောက်ရင်ကျွန်တော်လည်းလိုက်ချင်တယ်”

ယခင်အချိန်များက၊နံနက်စောလမ်းလျှောက်ထွက်ရန်အဖော်စပ်မိလျှင်
တီကောင်ကိုဆားနှင့်တို့သည့်နှယ်၊အ ကြောက်အကန်ငြင်းဆန်သွေဖီလေ့ရှိသော၊
အတူနေ တူတော်မောင်တစ်ယောက်ဘယ်သို့စိတ်ရူး ပေါက်လေ သည်မသိ၊သည်ရက်ပိုင်းတွေမှာထူးဆန်းစွာလမ်းလျှောက်မဟာမိတ်အဖြစ်ပါဝင်လာသဖြင့်၊
ကျွန်တော့်မှာတအံ့တသြဖြစ်ရသည်။

စင်စစ်အသက်ခြောက်ဆယ်နားနီးလာသည့်တိုင်စိတ်မြန်လက်မြန်ရှိဆဲဖြစ်သည့်၊
ကျွန်တော့်စိတ်ဓာတ်အခံအရမူ၊နှစ်ဆယ့်ငါးနှစ်ဝန်းကျင်သာရှိသေးသည့်၊
တူတော်မောင်သည်လေးတုံ့လေးကန်၊ပျင်းတိပျင်းတွဲနိုင်လှသူဖြစ်၏။

နံနက်ငါးနာရီဒေါင်ကနဲမြည်ချိန်တွင်၊လမ်းလျှောက်ထွက်ရန်အဆင်သင့်ဖြစ်နေတတ်သော
ကျွန်တော့်မှာ၊သင်းကိုအိပ်ယာမှနှိုးကာ၊ကိုယ်လက်သန့်စင်ချိန်၊အဝတ်အစားလဲချိန်
နာရီဝက်ခန့်ပေးရခြင်းအား၊စိတ်မရှည်ချင်သော်ငြား လမ်းလျှောက်ခြင်းမှာ
ကျန်းမာရေးအတွက်အလေ့အကျင့်ကောင်းတစ်ရပ်ဖြစ်၍သည်းခံစိတ်ဖြင့်နားလည်ပေးရ၏။

လွန်ခဲ့သောလေးရက်ခန့်က၊ကျွန်တော်တို့တူဝရီးနှစ်ယောက်အမ်မခန်နေအိမ်မှ
ကားမောင်းထွက်လာချိန်သည် ခြောက်နာရီမတ်တင်းခန့်ဖြစ်ရာ၊
မိုးမပီဆောင်းမပျေက်သေးချိန်မို့၊ဝန်းကျင်မှာ၊မှောင်ရီသန်းနေဆဲပင်ဖြစ်သည်။ ပန်းခြံနှင့်ကျွန်တော့်နေအိမ်သည်မဝေးလှ၊ဆယ်မိနစ်ခန့်မျှသာမောင်းရသော၊ခရီးတိုဖြစ်၏။

(၃)
“ဦးလေး၊ပန်းခြံထဲမှာအိမ်သာရှိသလား၊ကျွန်တော်ရှူးပေါက်ချင်လို့”

ပန်းခြံအဝင်ဝ၊ကားရပ်နားရန်နေရာသို့အရောက်၊အသက်ငယ်သလောက်
ဗာဟီယများတတ်သည့်တူတော်မောင်တစ်ယောက်ဇာတိပြလာပြန်လေပြီ။
အိမ်သာနေရာကားအတန်ငယ်လှမ်းသေးသည်။ပန်းခြံတွင်လည်းလူမစည် ကားသေးသဖြင့်၊မတတ်နိုင်သည့်အဆုံး၊ကားပါကင်ဘေးမှသစ်ပင်ခပ်အုပ်အုပ်ကြားမှာ
သူ့ပြသနာကိုဖြေရှင်းစေ ရန်။မသင့်တော်မှန်းသိလျက်လမ်းညွန်ရတော့သည်။

သင်းပြသနာသင်းဖြေရှင်းနေချိန်တွင်၊ကျွန်တော်ကားပေါ်မှအဆင်း၊
နံနက်စောစောအပူအအေးအပြောင်းအလဲကြောင့်ပေလောမသိ၊နှာခေါင်းတွင်းမှ
ယားယံသလိုလိုဖြစ်လာနှာခေါင်းတဖက်ကိုလက်မဖြင့်ပိတ်ကာ၊ရှူးကနဲနေအောင်
ညှစ်ထုတ်လိုက်မိရာ၊ခပ်ပျစ်ပျစ်နှပ်ချေးဖြူဖြူတချို့သည်ကွန်ကရစ်တုံးတို့ဖြင့်
အလှကွက်ဖော်ထားသည့်လမ်းပေါ်သို့၊ဘတ်ကနဲကျကာမိတ်ဆက်လေ၏။
ယင်းနှပ်ချေးဖတ်ကိုမြင်လိုက်ရသည့်အချိန်တွင်မူ၊ကျွန်တော်ရုတ်ခြည်းသတိဝင်လာခဲ့သည်။

လူမမြင်သူမမြင်အချိန်တွင်သတိလက်လွတ်လုပ်လိုက်မိသည့်ကျွန်တော့်အပြုအမူအတွက်၊
မလုံမလဲဖြစ်ရင်း၊ ဘေးဘီကို၊မသိမသာစူးစမ်းမိရာ၊မလှမ်းမကမ်းကွန်ကရစ်ခုံတစ်ခုပေါ်တွင်
လူလတ်ပိုင်းအမျိုးသမီးတစ်ဦးထိုင်လျက်ရှိသည် ကိုမြင်လိုက်ရသည်။ထိုအမျိုးသမီးသည် ကျွန်တော့်အားကွက်ကြည့်ကွက်ကြည့်လုပ်နေလေ၏။

“ဗုဒ္ဓေါ၊ငါဖြင့်အမှားကြီးမှားလေပြီ။တူတော်မောင်ကိုလမ်းဘေးအပေါ့စွန့်ခိုင်းသည့်အပြင်၊
ကိုယ်တိုင်ပါအလှဆင်ကွန်ကရစ်လမ်းပေါ်တွင်၊စည်းကမ်းမဲ့စွာနှပ်ညှစ်မိလေပြီတကား”
ဟူသောအသိစိတ်သည်ကျွန်တော်အာရုံကိုဒိန်းကနဲ နေအောင်နောက်စေလေပြီ။

(၄)
သို့သော်ကျွန်တော့်စိတ်ထဲတွင်ထိုအမျိုးသမီးကွက်ကြည့်ကွက်ကြည့်လုပ်နေသော
အမူအရာမှာတစ်စုံတစ်ခုထူး ခြားနေသည်ဟုထင်မြင်မိသဖြင့်၊မသိမသာလှမ်း၍
စူးစမ်းမိပြန်သည်တွင်မူ၊သူသည်ဘီယာတစ်လုံးကို သူ့ရှေ့ ကျောက်စားပွဲခုံပေါ်တွင်တင်ကာ၊
မနက်စောစောစီးစီးဇရက်မင်းစည်းစိမ်ကိုမိန့်မိန့်ကြီးခံစားနေလေသည်တကား။

သူသည်လည်းသူ့လုပ်ရပ်ကို လိပ်ပြာလုံဟန်မတူလေသဖြင့်၊ ကျွန်တော့်ထံသူ့မျက်လုံးများရောက်နေဟန်ရှိလေ သည်။
ထိုအမျိုးသမီးထံနှင့်ကျွန်တော်၊ဆုံမိနေသည့်နှစ်ယောက်သားအကြည့်များကို၊
ကိုယ်စီလွှဲဖယ်လိုက်ရင်း၊ပန်းခြံတွင်းသို့ဝင်ရန်ပန်းခြံကျုံးရေပြင်ကိုဖြတ်ကျော်
တည်ဆောက်ထားသည့်ခုံးကျော်တံတားပေါ်သို့တက်ရန်
တာစူလိုက်ချိန်တွင်နောက်တော်ပါးမှတူတော်မောင်၏သူခိုးလူမိသည့်အသံ
ထွက်ပေါ်လာပြန်သည်။

“ဦးလေး၊ဟိုလူနှစ်ယောက်က၊ကျွန်တော်ရှူးပေါက်တာမြင်သွားပြီထင်တယ်။
ကျွန်တော့်ကိုလှမ်းလှမ်းကြည့်နေတယ်နော်။လုံခြုံရေးတွေဖြစ်နေရင်ပြသနာတက်နိ်ုင်သလား”

တူတော်မောင်ညွှန်ပြရာသို့ကျွန်တော်လှမ်းကြည့်လိုက်သောအခါ၊ခေါင်းစွပ်အင်္ကျီကိုယ်စီနှင့် အသက်နှစ်ဆယ် ကျော်လူငယ်နှစ်ဦးကျွန်တော်တို့အား၊မသိမသာ
အကဲခတ်နေသည်ကိုတွေ့လိုက်ရပြန်သည်။ကျွန်တော်သည်တော်ဝင်ပန်းခြံနှင့်
ရှစ်နှစ်ဝန်းကျင်မျှရင်းနှီးကျွမ်းဝင်ခဲ့သူဖြစ်ရာ၊အဆိုပါလူငယ်နှစ်ဦးကိုတွေ့လိုက်သည်နှင့်၊
သူတို့၏ဝတ်စားဆင်ယင်ပုံနှင့်ဖိနပ်အမျိုးအစားကိုကြည့်ခြင်းဖြင့်
အခြားသူများကဲ့သို့ကိုယ်လက်လှုပ်ရှားအားကစားပြုလုပ်ရန်လာရောက်ကြသူများမဟုတ်၊
ဝန်ထမ်းဝတ်စုံမပါရှိသဖြင့်ပန်းခြံလုံခြုံရေးတို့လည်းမဟုတ်ကြောင်း၊ချက်ချင်းအကဲဖမ်းမိသည်။

သူတို့ကား၊ပန်းခြံကိုဝန်းရံလျက်ရှိသည့်ကျုံးအတွင်းမှငါးများကို
ခိုးမျှားနေကြသူများသာဖြစ်ကြောင်းသူတို့၏မျက် နှာရိပ်မျက်နှာကဲကိုကြည့်လျက်
ကျွန်တော်ချက်ချင်းကောက်ချက်ဆွဲနိုင်သည်။

ပန်းခြံကိုဝန်းရံလျက်ရှိသောကျုံးသည်ငါးလွှတ်သူများကုသိုလ်ယူလေ့ရှိသည့်နေရာဖြစ်၍
ပိဿာနှင့်ချီ၍အလေးချိန်စီးသည့်ငါးကြီးမျိုးစုံရှိနေသည်သဖြင့်၊
သည်အချိန်သည်နေရာတွင်သူတို့စားကျက်ကျလေ့ရှိသည်ကို၊
အကြိမ်ပေါင်းများစွာကျွန်တော့်မျက်မြင်ကြုံတွေ့ခဲ့ဖူးလေသည်။

(၅)
နံနက်စောစောပန်းခြံဝတွင်၊မထင်မှတ်ပဲဆုံမိကြသည့်ကျွန်တော်အပါအဝင်ငါးဦးသော
သူတို့ကား၊မကောင်းမှု၊အမှားကိုယ်စီနှင့်၊ကျီးကန်းတောင်းမှောက်ဖြစ်နေကြရသည့်
အဖြစ်ကိုတွေးမိသောကျွန်တော်သည်၊မိလိန္ဒပဥှာတွင်ဖော်ပြ ထားသောမကောင်းမှုနှင့်သက်ဆိုင်သည့်စာတစ်ပိုဒ်ကိုချက်ခြင်းပြေး၍သတိရမိသည်။

“လောက၌ဆိပ်ငြိမ်ရာသောအခွင့်ကိုကြည့်သော်၊လူတို့မှဆိတ်ကွယ်ရာကို
အကယ်၍ရငြားသည်ဖြစ်အံ့၊နတ်တို့မှဆိတ်ကွယ်ရာမရ၊

နတ်တို့မှဆိတ်ကွယ်ရာကိုအကယ်၍ရငြားသည်ဖြစ်အံ့၊ထိုအခါသူတစ်ပါး၏စိတ်ကို
သိတတ် သောရဟန်းသူတော်ကောင်းတို့မှဆိတ်ကွယ်ရာကိုမရ၊

အကယ်၍သူတပါး၏စိတ်ကိုသိတတ်သောပညာရှိတို့မှ ဆိတ်ကွယ်ရာကိုရငြားသည်ဖြစ်အံ့၊သူတစ်ပါး၏စိတ်ကိုသိတတ်သော
နတ်တို့မှဆိတ်ကွယ်ရာကိုမရ၊

အကယ်၍ သူတစ်ပါး၏စိတ်ကိုသိတတ်သောနတ်တို့မှ ဆိတ်ကွယ်ရာကိုရငြားအံ့၊မိမိသည်ပြုအပ်သော၊မကောင်းမှုမှဆိတ် ကွယ်ရာကိုမရ၊

မိမိသည်ပြုအပ်သောမကောင်းမှုမှဆိတ်ကွယ်ရာကိုရငြားအံ့၊အဓမ္မမှဆိတ်ကွယ်ရာကိုမရ”
(မူရင်း သတ်ပုံအတိုင်း)

မှန်လေစွ။အရိယာသူတော်စင်တို့ကား၊မကောင်းမှု၏ဆိတ်ကွယ်ရာကို၊
ရှာမရကြသည်ဖြစ်သောကြောင့်၊မကောင်းမှုကိုမပြုမိကပင်ဝေးစွာ
ရှောင်ကြဉ်လေ့ရှိကြ၏။သာမန်ပုထုဇဉ်စာရင်းဝင် ကျနော်အပါအဝင်လူအများစုကား၊ ဆိတ်ကွယ်ရာကိုရပြီဟုမှတ်ထင်ကာ၊ဆိတ်ငြိမ်ရာအရပ်တို့တွင်ရံဖန်ရံခါ၌
မကောင်းမှုပြုတတ်လေ့ရှိကာ၊ကိုယ့်လိပ်ပြာကိုယ် မလုံရှိတတ်ကြလေသည်။

(၆)
ဝိညာဉ်လိပ်ပြာဟူသည်စိတ်၏အသွင်တမျိုးဖြစ်မည်ဟုကျွန်တော်ထင်ပါသည်။
ထို့ကြောင့်ပင်မိမိပြုခဲ့သောကောင်းမှု၊မကောင်းမှု၊ကုသိုလ်၊အကုသိုလ်တို့အပေါ်
လိပ်ပြာသန့်ခြင်းမသန့်ခြင်း၊စိတ်လုံခြင်းမလုံခြင်းစသော၊နောက် ဆက်တွဲပြဿနာများပေါ်ပေါက်လာရခြင်းဖြစ်ပေလိမ့်မည်။

လိပ်ပြာမလုံခြင်းအတွက်အပြစ်ကင်းသည်၊ကျေနပ်ခွင့်လွှတ်ဖွယ်ဖြစ်သည်ဟု
ကျွန်တော်မဆိုလိုသော်ငြား၊အမှားမ ကင်းနိုင်ကြသောကျွန်တော်တို့သည်၊ ဆိတ်ကွယ်ရာမရှိသောမကောင်းမှု၊ အကုသိုလ်တို့အတွက်လိပ်ပြာမလုံရှိ တတ်ခြင်းမှာတော်သေးသည်ဟုကျွန်တော်တွေးချင်သလိုလိုဖြစ်လာမိသည်။

အဘယ်ကြောင့်ဆိုသော်၊အချို့သော သူတို့ကား၊ကာလရှည်ကြာစွာအမှားကြီးမှားခဲ့ကြရုံမက၊လက်ရှိအချိန်၌တွင်ပင်
ဆက်၍မှားနေကြဆဲဖြစ်ကာ၊နောင် တွင်လည်းပျော်ပျော်ကြီး ဆက်မှားသွားရန်အသင့်ရှိနေကြသည်ကို
ပကတိထင်ရှားစွာတွေ့မြင်နေရဆဲ ကြောင့် ဖြစ်ပါသည်။

ထိုသူတို့၏စိတ်အစဉ်တွင်အကုသိုလ်အမှားတရား၏ရောင်ပြန်လိပ်ပြာသည်၊
အများသူငါကဲ့သို့မနိုးထကြလေယောင်တကား။မကောင်းမှုဟူသည်နောက်ဆုံး၌
အဓမ္မတရားအဖြစ်မှလွတ်ကင်းဆိတ်ကွယ်ရာမရှိကြောင်း၊မသိကြလေယောင်တကား။
၎င်းတို့၏ဝိဥာဏ်လိပ်ပြာသည်အဘယ်မည်သောအရပ်တွင်အဘယ်သို့ခိုနားလေသည်ကို
ကျွန်တော်သိချင်လှပါဘိတော့သည်။ ။

၀၈၊မေ၊၂၀၁၅နေ့ထုတ် သည်လေးဒီးစ်အပတ်စဉ်ဂျာနယ်မှ။ ။

ဗောက်သီးလွမ်းချင်း
(မင်းဒင်)

(၁)
ဧရာမရေခဲသေတ္တာကြီးကိုကျွန်တော်ဆွဲဖွင့်လိုက်သည့်အခါအတွင်းတွင်၊
ဗလာနတ္ထိ၊ဘာပစ္စည်းမှမရှိသဖြင့်၊ကျွန်တော်အလွန်အံ့အားသင့်သွားရသည်။
စင်စစ်ရေခဲသေတ္ထာ၏မျက်နှာစာမှာမှန်သားဖြစ်၍အတွင်းပိုင်းတွင်ဘာပစ္စည်းမှမရှိသည်ကို၊
အပြင်ဖက်မှ ဒိုးယိုပေါက်မြင်နေရသော်ငြား၊ပို၍သေချာချင်သောကြောင့်၊
အဆိုပါရေခဲသေတ္တာ ကြီး ကိုကျွန်တော်ဆွဲဖွင့်ခဲ့ခြင်းဖြစ်ပါသည်။

ယင်း၏ဘေးဝဲယာမှမျက်စိတဆုံးစီတန်းတည်ရှိနေသည့်အခြားသော
ရေခဲသေတ္ထာကြီးများတွင်ကား၊အမျိုးအမည်မရေတွက်နိုင်သော
စားသောက်ကုန်မျိုးစုံကိုအဝေးမှပင်အထင်းသားတွေ့မြင်နေရ၏။

ထူးဆန်းပေစွ၊ဤရေခဲသေတ္တာတခုလုံးပြောင်သလင်းခါလျက်နောက်ထပ်
အလားတူပစ္စည်းထပ်မံဖြည့်တင်းခြင်း မပြုနိုင်လောက်အောင်ရှားပါးသည့် ၊ရောင်းအားကောင်းသောပစ္စည်းကားအဘယ်အရာပေနည်း။

အလွန်အမင်းစိတ်ဝင်စားမိသောကြောင့်၊၎င်းရေခဲသေတ္တာကြီး၏အတွင်းပိုင်း
တဆင့်ချင်းစီအား၊စေ့စေ့စပ်စပ်ရှာဖွေမိသည့်အခါ တွင်မူ၊အပေါ်ဆုံးထပ် ၊ထောင့်တနေရာ၌၊ပလပ်စတစ်ဗူးငယ်တစ်ခုကိုတွေ့ရ၏။
ကျွန်တော်သည်အဆိုပါဗူးကို အ သာလှပ်၍ကြည့်မိသောအခါတွင်မူ၊အံ့သြစိတ်သည် အထွဋ်အထိပ်သို့ရောက်ရှိသွားရလေတော့သည်။

ကျွန်တော်မြင်လိုက်သည့်အရာမှာသီးနှံတစ်မျိုးမျှသာဖြစ်ပါ၏။အသီး၏
အရွယ်အစားမှာနို့သီးခေါင်းခန့်ရှိပြီး၊ ခရမ်း ချဉ်သီးမှည့်နှင့်အရောင်ချင်းဆင်၏။
အပြင်ပိုင်းကို မွဲခြောက်ခြောက်အရောင်အခွံပါးဖြင့်ဖုံးအုပ်ထားသည်။
ယင်း ကိုမြင်လိုက်သည်နှင့်ပင်၊ ချိုချဉ်ဖြစ်သောနှစ်သက်စရာ၊ သူ့အရသာကို၊ကျွန်တော်ချက်ခြင်းပြေး၍သတိရသည်။

“ဟေ့ကောင်၊ရဲသူ၊ဒါဘာသီးတုန်းဆိုတာသိလားကွ၊မင်းတို့ဘိတ်(မြိတ်)ဘက်မှာ
ဘယ်လိုခေါ်သတဲ့တုန်း”

“ဟား၊အဲဒါဗောက်သီးပေါ့ဆရာရယ်”
(၂)
အဖော်အဖြစ်အတူလိုက်ပါလာကာ၊ကျွန်တော့်ဘေးတွင်ကပ်လျက်ရပ်နေသော
တပည့်ကျော်၏ရယ်သံစွက်နေသည့် အဖြေသည်လည်းကျွန်တော့်အတွက်၊ အထူးအဆန်းဖြစ်ရပြန်ပါသည်။သည်အသီးအမည်ကိုမြန်မာနိုင်ငံ၏
အ ထက်နှင့်အောက်၊တောင်နှင့်မြောက်၊မိုင်ထောင်ချီဝေးကွာလှသော၊
အရပ်ဒေသနှစ်ခု၌အခေါ်အဝေါ်တူညီနေကြပုံမှာလည်းဆန်းချက်တစ်မျိုးပင်။

။ဗောက်သီးပင်သည်မြန်မာနိုင်ငံအနှံ့အပြားတွင်ပေါက်ရောက်ရှင်သန်နေဟန်ရှိ၏။
ထိုဗောက်သီးဗူးပေါ်တွင်ကပ်ထားသည့်ဈေးနှုန်းစက္ကူစာရွက်ခပ်သေးသေးပေါ်တွင်ကား၊
တန်ဘိုး(၉၅)ဘတ်ဟူ ၍ပါရှိရာ၊အလေးချိန်ဖော်ပြချက်(၀.၄၀)ကီလိုနှုန်းအတိုင်း တွက်ချက်လျှင်တစ်ကီလို၏ဈေးနှုန်းမှာဘတ်(၂၅၀)နီး ပါးဈေးပေါက်လေသည်။လက်ရှိငွေဈေးနှင့်ဆိုလျှင်မြန်မာငွေကျပ်ရှစ်ထောင်ကျသင့်၏။
ပိဿာဈေးဖြင့်တွက်လျှင် မူကားတပိဿာလျှင်ကျပ်တစ်သောင်းနှစ်ထောင်ကျော် သည်မို့မြေပဲဆံဈေးထက်ငါးဆနီးပါးကြီးမြင့်လျက်ရှိလေသည်။

ကျွန်တော့်ခေါင်းထဲသို့မြေပဲဆံအကြောင်း၊ရောက်လာသည့်အခါတွင်မူ
ကျွန်တော်စိတ်အစဉ်သည်လွန်ခဲ့သောအနှစ်လေးဆယ်ကျော်၊
ကျွန်တော်ခုနစ်တန်းစာမေးပွဲဖြေအပြီး၊ကျောင်းပိတ်ရက်အလည်ခရီးအဖြစ်
သွားရောက်ခဲ့ သည့်ကျွန်တော့်မွေးဇာတိ၊နတ်မောက်မြို့နယ်၊
မှိုက်ပင်ရွာ၏မြေပဲခင်းများဆီသို့၊ရုတ်ခြည်းဦးတည်ဒုန်းစိုင်းသွားခဲ့ လေသည်။

ဇာတိရွာသို့ကျွန်တော်အလည်ရောက်ချိန်သည်မြေပဲခင်းများနှုတ်သိမ်းချိန်ဖြစ်၏။
အရီးကြီးအရီးလေးတို့နှင့်အတူမြေပဲနှုတ်ရာသို့အပျော်သဘော
လိုက်ပါသွားခဲ့ရာမှဗောက်သီးကိုပထမဆုံးအကြိမ်စတင်မြင်ဖူးစားဖူးခဲ့ခြင်းဖြစ်သည်။

ဗောက်သီးပင်မှာအလေ့ကျပေါက်ပင်များဖြစ်၍မြေပဲခင်းများအနှံ့ဆွတ်၍စား၍မကုန်နိုင်ပါချေ။
အဆိုပါအလေ့ကျပေါက်ပင်ဗောက်သီးတို့မှာယခုအခါနိုင်ငံတကာခေတ်မီ
ကုန်တိုက်ကြီးတွင်အရောင်းသွက်သီးနှံအဖြစ်ဈေးကွက်၌တွင်ကျယ်နေလေသည်တကား။

(၃)
ကျွန်တော်တို့ဆရာတပည့်နှစ်ဦးရောက်ရှိနေသည့်နေရာကား၊
ဖူးခက်မြို့မက်ခရို(Makro)ကုန်တိုက်ကြီးဖြစ်၏။ ယင်းကုန်တိုက်တွင်ဟင်းသီးဟင်းရွက်နှင့်သားငါးအပါအဝင်စားသောက်ကုန်အမျိုးမျိုး၊
မီးဖိုချောင်နှင့်အိမ်သုံးပစ္စည်းမျိုးစုံ၊အရက်နှင့်အဖျော်ယမကာမျိုးစုံကို
လက်ကားဈေးနှုန်းဖြင့်ဖြန့်ချိရောင်းချပြီး၊အရည်အသွေးမြင့်မားသော
ပစ္စည်များကိုသက်သာသောဈေးနှုန်းဖြင့်ရနိုင်သည်ဟုနာမည်ကောင်းရှိသည်။

မက်ခရိုကုန်တိုက်သည် (Dutch SHV Group(Steenkolen Handels-Vereening)၏လုပ်ငန်းခွဲတစ်ခုဖြစ်ကာ၊ (၁၈၆၉)ခုနှစ်တွင် စတင်တည်ထောင်၍အာရှတိုက်နှင့်တောင်အမေရိကတိုက်၊ အာဂျင်တီးနား၊
ကိုလံဘီယာ၊ဘရာ ဇီး၊ပီရူး၊ဗင်နီဇွဲလား၊ကမ္ဘောဒီးယားနိုင်ငံတို့၏ဈေးကွက်ကို စိုးမိုးထားသည်ဟုဆိုပါသည်။ထိုင်းနိုင်ငံတွင်မူ(၁၉၈၈)ခု နှစ်မှစတင်ကာ၊
ကုန်တိုက်ခွဲများနိုင်ငံအနှံ့ဖွင့်လှစ်နိုင်ခဲ့သည်ဟုဆိုပါသည်။

ပြည်ပနိုင်ငံများသို့ကျွန်တော်ရောက်စကသော်၊ကုန်တိုက်ကြီးတို့သည်
ခန်းနားကြီးကျယ်လှပေစွ။ငါကဲ့သို့တော သားအနုံညာတအဖို့မတန်မရာ၊အလှမ်းဝေးလေစွဟု
ထင်မြင်မိခဲ့သော်ငြား၊ကြိမ်ဖန်များစွာရောက်ရှိသည့်အခါ၊
ကုန်တိုက်ဆိုသည်မှာဈေးဆိုင်အကြီးစားမျှသာတည်းဟုကျွန်တော်သဘောပေါက်လာသည်။

စင်စစ်စနစ်တကျဈေးရောင်းတတ်ခြင်းကြောင့်အံ့ဘနန်းကျယ်ပြန့်ကြီးမား
လာခြင်းမျှသာဖြစ်ပါသည်။ခေတ်မီထုတ်ပိုးမှုစနစ်၊ကြာရှည်ခံအောင်ထိန်းသိမ်းမှုနည်းပညာ၊
မျှတသောဈေးနှုန်းသတ်မှတ်နိုင်မှုစသည်တို့သာအခရာကျပါ၏။

တိုတိုနှင့်လိုရင်းပြောရလျှင် စဉ်းစားဆင်ခြင်တွေးခေါ်မှုကို
အခြေခံသည့်ခေတ်မီဈေးရောင်းနည်း အကြီးစားပင်ဖြစ်ပါသည်။

နံနံပင်ကဲ့သို့မီးဖိုချောင်သုံးသားငါးသီးနှံမှအစ၊အသေးစားစက်ကိရိယာကော်ဖီဖျော်စက်၊
အမှုန့်ကြိတ်စက်၊ ဟို တယ်သုံးပစ္စည်းများ၊စားသောက်ဆိုင်သုံးပစ္စည်းများ၊ ဥရောပအစားအစာနို့နှင့်နို့ထွက်ပစ္စည်း၊ ဝက်ပေါင်ခြောက် ၊စသော ဖူးခက်မက်ခရိုကုန်တိုက် အတွင်းတွင် ကျွန်တော်တွေ့မြင်ခဲ့သည့်ရောင်းကုန်ပစ္စည်းများကိုလက္ကားရောင်း ချပုံနည်းစနစ်များမှာစိတ်ဝင်စားဖွယ်ကောင်းလှပါသည်။မှတ်သားစရာ
ဥပမာတစ်ခုအဖြစ်ဖော်ပြရလျှင်စားသုံးဆီဝယ်ယူရာ၌တစ်လီတာဝင်
ပုလင်းသုံးပုလင်းအနည်းဆုံးဝယ်ယူရသည်။

(၄)
ယင်းကုန်တိုက်တွင်ပြည်တွင်းပြည်ပစားသုံးသူများကြိတ်ကြိတ်တိုးဝယ်ယူ
အားပေးနေကြသောဟင်းသီးဟင်းရွက်နှင့်မြောက်များစွာသောသီးနှံမျိုးစုံမှာ
ထိုင်းနိုင်ငံထွက်သီးနှံအများစုဖြစ်နေသည်မှာပို၍စိတ်ဝင်စားဖွယ်ကောင်း ပါသည်။ကျွန်တော်စိတ်အဝင်စားဆုံးကား၊အထက်ကဆိုခဲ့သည်ဗောက်သီးအပါအဝင်၊
အရည်သောက်အုန်းသီးဆယ်လုံးတွဲအိတ်များ၊အခွံနွှာထားသည့်ကြက်သွန်ဖြူ ထုတ်ငယ်များ၊ရေချိုးခန်းသုံးသပွတ်အူခြောက်များ၊ အိန္ဒိ ယစား သောက် ဆိုင်များတွင်အသုံးပြုရန်အနေတော်အရွယ်အစားငှက်ပျောရွက်ထုတ်များ၊ဖြစ်ပါ၏။

သည်မြင်ကွင်းတို့သည်စီးပွားရေးပညာရှင်မဟုတ်သောကျွန်တော်အားနိုင်ငံတကာ
စီးပွားကုန်သွယ်မှု၏သရုပ်သကန်ကိုရိပ်ဖမ်းသံဖမ်းတစွန်းတစ
သဘောပေါက်စပြုလာစေ၏။ကမ္ဘာကျော်အစားအသောက်အမှတ်တံဆိပ်များဖြစ်ကြသည့် မက်ဒေါ်နယ်(Mc Donald’s)၊စတားဘတ်(Stabuck)၊ဆပ်ဗ်ဝေး(Subway)၊ကေအက်ဖ်စီ(KFC)၊ ပီဇာ ဟတ်(Pizza Hut)တို့ထိပ်တန်းစာရင်းလာကြရခြင်းမှာဆင်ခြင်တုံတရားပါဝင်သော အသိဥာဏ်တွင် အခြေခံခြင်း သာဖြစ်၏။

ပကတိအခြေအနေအတိုင်းသုံးသပ်ရှုမြင်တတ်လျှင်ဗောက်သီးကိုပင်ဈေးကွက်တင်နိုင်၏။
ငှက်ပျောရွက်သည်ပင်အရောင်းသွက်ထုတ်ကုန်ဖြစ်လာ၏။
သပွတ်အူခြောက်သည်ဈေးကောင်းရလာနိုင်၏။အမှိုက်ကိုရွှေဖြစ်အောင်လုပ်တတ်ဖို့သာအဓိကကျလေသည်။ဘာမျှတန်ဖိုးမရှိဟုထင်ရသောထိုင်းလယ်ယာခြံထွက်သီးနှံတို့မှ၊ထိုင်းလယ်သ မားတို့၏ဝင်ငွေကိုတိုးနေစေလေသည်မှာ၊မျက်ဝါးထင်ထင်ဖြစ်ချေသည်။

နိုင်ငံတကာမှလာရောက်ရင်းနှီးမြှုပ်နှံမှုများတွင်ပြည်တွင်းထုတ်ကုန်များ
ကိုဈေးကွက်ဖော်ထုတ်ဆက်စပ်ချိတ်ဆက်ပေးနိုင်သောကြောင့်
ထိုင်းတောင်သူလယ်သမားအများစု၏ဘဝကိုတထစ်ချင်းမြှင့်တင်ပေးနေလေပြီ။မက်ခရို ကုန်တိုက်တွင်အလွယ်တကူဝယ်ယူရရှိနိုင်သော၊အသေးစားအိမ်တွင်းမှုလုပ်ငန်းသုံး
စက်ကိရိယာများမှာ၊တချို့ထိုင်း နိုင်ငံလုပ်ဖြစ်၍အချို့မှာပြည်ပမှ
တင်သွင်းလာကြခြင်းဖြစ်ရာ၊အချိတ်အဆက်ကောင်းကောင်းကြီးမိလျက်ရှိပြန် သည်။သို့ကြောင့်သာထိုင်းနိုင်ငံ၏အသေးစားအိမ်တွင်းမှုလုပ်ငန်းများနှင့်လယ်ယာကဏ္ဍတို့
ကျွဲကူးရေပါသဘောဖွံ့ဖြိုးစည်ပင်နေခြင်းသာဖြစ်၏။

(၅)
နိုင်ငံတခုကိုထူထောင်ရာ၌ကံကောင်းထောက်မ၍အလျှံပယ်ပေါကြွယ်နေသော
ရတနာမျိုးစုံအပါအဝင်သဘာဝသယံဇာတအရင်းအမြစ်များကိုမြေလှန်ရှာဖွေခြင်းကိုချည်း
အားထုတ်ရန်မသင့်။ရေနံနှင့်သဘာ ဝဓာတ်ငွေ့လုပ် ကွက်များကို သဲကြီးမဲကြီးလေလံတင်ဖို့သာစိတ်စောနေကြရုံမျှဖြင့်မလုံလောက်။

သစ်ပင်သစ်တော ငုတ်တိုမကျန် အောင်အပြောင်ရှင်းနည်းတွင်သာ အားကြိုးမာန်တက်ကြိုးစားရုံမျှဖြင့်မပြီး။ပြည်ပချေးငွေများကို ရနိုင်သလောက် ချေးယူရန်လုံးပန်ခြင်းသည်နည်းလမ်းမှန်မဟုတ်ချေ။

ကျွန်တော်သည်ဇာတိနိုင်ငံကိုထူထောင်နေကြသည်ဆိုသူများအားဖူးခက်မြို့ရှိ
မက်ခရိုကုန်တိုက်ကြီးဆီသို့၊စားရိတ်ခံဖိတ်ခေါ်ကာ နိုင်ငံတကာစီးပွားရှာနည်း
၊ကျေးလက်နေပြည်သူ၊တောင်သူလယ်သမားများ၏ ဘဝတိုး တက် မြင့်မားအောင်မြှင့်တင်အတွက်လုပ်ဆောင်နေကြသည့်နည်းနာ
တို့ကိုလေ့လာစေလိုလှပါ၏။

အတိတ်ရာဇဝင်သ မိုင်းထဲကမြန်မာနိုင်ငံ၏ပဏ္ဍာဆက်နိုင်ငံငယ်တစ်ခုကျင့်သုံးနေသည့် တိုင်းပြည်စည်ပင်ဖွံ့ဖြိုးရေးနည်းနာတို့ကိုအတုယူစေလိုလှပါ၏။
အလေ့ကျဗောက်သီးတို့ကိုမြေပဲဆံဈေး၏ငါးဆနီးပါးရအောင်ရောင်းနည်းကို
သင်ယူစေချင်လှပါ၏။

သို့သော်ဗောက်သီးကိုပလစ်စတစ်ဗူးတွင်ထည့်၍ ကမ္ဘာအနှံ့ဖြန်ချိနိုင်ရန်ကိစ္စကိုမူ။လတ်တလောအားဖြင့် ဖြစ်နိုင် လိမ့်ဦးမည်ဟုကျွန်တော်မထင်မြင်မိချေ။ဗောက်သီးပင်များ
စိုက်ပျိုးဖြစ်ထွန်းအောင်မြင်ရေးအတွက်၊စိုက်ပျိုးရေးကဏ္ဍကို၊
တခေတ်ဆန်းရန်လိုအပ်ပါလိမ့်ဦးမည်။

အဘယ်ကြောင့်ဆိုသော်မြန်မာပြည်တနံတလျားရှိ မိတ်ဆွေ တ ချို့ထံမှသတင်းစကားအရ
မြန်မာနိုင်ငံတဝှမ်းလုံးတွင်လှိုင်လှိုင်ကြီးပေါများလျက်၊စားမကုန်ဆွတ်မခန်းရှိခဲ့သည့်
အလေ့ကျဗောက်သီးပင်များသည်တရုတ်နိုင်ငံလုပ်ပေါင်းသတ်ဆေး၊
ပိုးသတ်ဆေးမျိုးစုံတို့၏တန်ခိုးအာနုဘော်ကြောင့်၊

မျက်မှောက်ခေတ်လူငယ်တို့ပင်မမြင်ဖူးတော့လောက်အောင်
မျိုးတုံးပျောက်ကွယ်ကုန်ပြီဖြစ်ကြောင်းသိရသောကြောင့်ဖြစ်ပါသည်။