.

အခန်း(၆)

ထလန်ခံတပ်ရှာပုံတော်

၂၀၁၃ခုနှစ်။ ထိုင်းနိုင်ငံဖူးခက်မြို့။

ကိုသက်ခိုင်။ ။`(ထ)ရူးဝါးဆိပ်ကမ်းဆိုတာ မစ္စတာ`ဥ´ သိသလားဗျ´

ဥ။ ။`(ထ)ရူးဝါးဆိုတာ အနုစာဝါရီအနားတ၀ိုက်နယ်မြေကို ခေါ်တာလေ´

ကိုသက်ခိုင်။ ။`ကျနော်ဆိုလိုတာက ထလန်ခံတပ်ကို ဗမာတွေသိမ်းနိုင်ဖို့ ဗမာတိုက်လှေတွေ ကမ်းကပ်ခဲ့တဲ့ (ထ)ရူးဝါး ဆိပ်ကမ်းကိုပြောတာ၊ ယိုးဒယားမြန်မာစစ်သမိုင်း မှတ်တမ်းတွေအရ ဖူးခက်မြို့ကို ဗမာဘုရင့်တပ်တွေ ရောက်လာတိုင်း (ထ)ရူးဝါးဆိပ်ကမ်းမှာ ကမ်းကပ်တယ်လို့ဆိုတယ်ဗျ၊ယိုးဒယားတပ်တွေဟာ မလေးရှားနဲ့ မဟာမိတ်ဖွဲ့ပြီး ဗမာတပ်တွေကို ခံတိုက်တဲ့ ရာမူးအငူ တိုက်ပွဲဆိုတာ အင်မတန်ကြီးကျယ်တဲ့ တိုက်ပွဲကြီးပဲလေ´

ဥ။ ။`ကျနော်တို့ယိုးဒယားတွေက မလေးရှားနဲ့ အဆင်မပြေတာများတယ်ဗျ။ ယိုးဒယား၊မလေးရှား မဟာမိတ်ဖွဲ့ပြီး ဗမာတွေကို တိုက်ခဲ့တယ်လို့ ဗမာ့သမိုင်းမှာ ရေးထားလေရော့သလား´

ကိုသက်ခိုင်။ ။`ဗမာစစ်သမိုင်းမှာ ဖူးခက်တိုက်ပွဲအကြောင်းကို ဖော်ပြထားတာ မရှိသလောက်ပါပဲ၊အခု ကျနော် ရည်ညွန်း နေတဲ့စာအုပ်က စကော့တလန်လူမျိုးတစ်ယောက်ရေးထားတာပါ´

ဥ။ ။ `အဲဒီသမိုင်းစာအုပ်ဟာ ကျိုးကြောင်းဆီလျော်တယ်လို့ ဆိုနိုင်သလား မစ္စတာသက်´

ကိုသက်ခိုင်။ ။ ဒီစာအုပ်ထဲမှာ ဖော်ပြထားတဲ့အချက်အားလုံးဟာ မှန်တယ်လို့ မဆိုသာပေမဲ့ ထလန်ခံတပ်တိုက်ပွဲမှာ မလေးရှားနဲ့ယိုးဒယားမဟာမိတ်ဖွဲ့ပြီး ဗမာတပ်တွေကုို တိုက်ခဲ့တယ်ဆိုတာမျိုး၊ ထင်ရှားမြင်သာတဲ့အချက်ကတော့ မလွဲ လောက်ဘူး။သမိုင်းမှတ်တမ်း ရှေ့နောက်အစဉ်အဆက်တွေနဲ့လည်း ကိုက်ညီနေတယ်ဗျ´

ဖူးခက်မြို့မဆီမှ ဖူးခက်လေဆိပ်သို့သွားရာ လမ်းမကြီးပေါ်တွင် တရိပ်ရိပ်ပြေးနေသော တိုယိုတာဗီဂိုး ကားပေါ်၌ ကိုသက်ခိုင်နှင့် မစ္စတာ`ဥ´ စကားအချီအချ၊အမေးအဖြေလုပ်နေကြခြင်းဖြစ်လေသည်။မြန်မာလိုပြောဆိုနေကြခြင်းတော့မဟုတ်။ အင်္ဂလိပ်၊ထိုင်းဘာသာ တို့ဖြင့် သူတို့ပြောဆိုချက်များကို သိသာရန် ကျနော်က မြန်မာမှုပြုထားခြင်းဖြစ်၏။

ကိုသက်ခိုင်တစ်ယောက် မည်သည့် စိတ်ကူးပေါက်လေသည် မသိ။ ဗြုန်းစားကြီး အနုစာဝါရီဘက် ခေတ္တသွားမည်ဆိုကာ ကျနော့်ကို အဖော်စပ်သဖြင့် ထုံးစံ အတိုင်းဘုမသိ ဘမသိ၊ ဒရွတ်တိုက် လိုက်ပါခဲ့ရခြင်းပင်။သည်တစ်ကြိမ်တော့ ကိုသက်ခိုင်၏ ယိုးဒယားလူမျိုးမိတ်ဆွေဖြစ်သူ မစ္စတာ`ဥ´၊ကျနော်တို့နှင့် အတူပါလာသည်။

`ဥ´ ၏အမည်ရင်းမှာ `ချင်နာပက် အင်သရာနွန်´ဖြစ်သည်။ `ဥ´၏ ဇနီး`ယင်း´မှာ ဖူးခက်တိုယိုတာကား အရောင်းပြခန်းမှ အအောင်မြင်ဆုံး အရောင်းကိုယ်စားလှယ်တဦးဖြစ်ပြီး သူတို့တမိသားစုလုံးနှင့် ကိုသက်ခိုင် အလွန် ခင်မင်ရင်းနှီးသည်ဆို၏။ ဥသည် သြစတေလျနိုင်ငံတွင်အနုပညာဆိုင်ရာ ဒီပလိုမာရခဲ့သူဖြစ်ပြီး ဥမိခင်မှာ ပါလီမန် အမတ်ဖြစ်သဖြင့် ဖူးခက်မြို့တွင် လူဂုဏ်တန်အသိုင်းအ၀ိုင်းဟု ဆိုနိုင်သည်။မည်သို့သော အကြောင်းကြောင့်ဟု ကျနော် မခန့်မှန်းနိုင်သော်လည်း `ဥ´ သည် ကိုသက်ခိုင်အား အထင်ကြီးလေးစားနေသည့် အမူအရာမှာမူ အလွန်ထင်ရှား၏။

အနုစာဝါရီအ၀ိုင်းအနီးရှိ ဖူးခက်သမိုင်းပြတိုက်ဆီသို့ ကားကွေ့ဝင်လိုက်ရင်း `ကိုမင်းဒင်၊ဟိုစာအုပ်ကြီးကို အဆင်သင့်ယူခဲ့ စမ်းပါဗျာ´ဟူသော ကိုသက်ခိုင်၏ လမ်းညွန်ချက်ကြောင့် ကိုသက်ခိုင်၏ ရည်ရွယ်ချက်ကို ကျနော် အနည်းငယ် ရိပ်စားမိလာသည်။ ပြတိုက်ဝင်ကြေးမှာ တစ်ယောက်လျှင်ဘတ်တစ်ရာနှုန်းဖြစ်သော်ငြား ခင်းကျင်းပြသထားသော ပစ္စည်းများမှာ အားရစရာမရှိလှချေ။ကိုသက်ခိုင်ကား ပြတိုက်တွင်းမှ ရှိသမျှအထောက်အထားများကို စေ့စေ့စပ်စပ် လေ့လာနေ၏။အင်္ဂလိပ်၊ထိုင်းဘာသာတို့ဖြင့် ရေးသားထားသော မှတ်တမ်းဟောင်းတို့ကို စိတ်ဝင်တစားဖတ်ရှုနေ၏။

ယိုးဒယားပြည်ကြီးကား စီးပွားရေးအရ စည်ပင်ဝပြောနေသော်ငြား သမိုင်းမှတ်တမ်းတို့ကို တန်ဖိုးထားရကောင်းမှန်း သိသည့် လူမျိုးမဟုတ်ကြောင်း ဤပြတိုက်က သက်သေခံလျက်ရှိသည်။ပြတိုက်တွင်း ၀င်ကြည့်သူ ထိုင်းလူမျိုးမရှိ သလောက်ပင်။ထို့အတူ နိုင်ငံတကာဧည့်သည်တို့ စိတ်ဝင်တစားဖြစ်အောင် ရှာဖွေစုဆောင်း ပြသနိုင်ခြင်းလည်းမရှိချေ။ အကယ်၍သာ ပြည့်စုံသောဖူးခက်သမိုင်းကို ဖော်ပြထားမည်ဆိုပါလျှင် ကျနော်တို့၊ ဘေးလောင်းတော်၊ဘိုးလောင်းတော် မြန်မာဘုရင်များ၏ တန်ခိုးရှိန်စော်အာနုဘော်စက်ဝန်းသည်လည်း ဒွန်တွဲပါဝင်တည်ရှိနေပေလိမ့်မည်။ဤအချက်ကြောင့်ပင် ဖူးခက်သမိုင်းကို ယိုးဒယား လူမျိုးတို့ မတူးဆွကြလေသလော။

ကျနော်က စကော့လူမျိုးသမိုင်းဆရာ၏ စာအုပ်ထူကြီးကိုကိုင်ရင်း အတွေးမျိုးစုံပွားနေချိန်တွင် ကိုသက်ခိုင်ကား `ဥ´နှင့် စကားလက်ဆုံကျလျက်ရှိသည်။စကားလက်ဆုံဟုဆိုခြင်းထက် ကိုသက်ခိုင်၏ နှိုက်နှိုက်ချွတ်ချွတ်မေးခွန်းများကို `ဥ´တစ် ယောက် ချွေးထွက်အောင်ပြန်ဖြေနေရသည်ဆိုလျှင် ပို၍မှန်ပါမည်။ပြတိုက်မှအထွက် (ထ)ရူးဝါးဆိပ်ကမ်းဆီသို့ သွားရာ လမ်းတလျှောက်တွင်လည်းကောင်း၊(ထ)ရူးဝါးဆိပ်ကမ်းမှ တုန်ဆိုင်းတောင်သို့သွားရာလမ်းတလျှောက်တွင်လည်း ကောင်း ကိုသက်ခိုင်တစ်ယောက် စက်သေနတ်ပစ်သလို မေးခွန်းများတလစပ်မေးနေပြန်သည်။

`(ထ)ရူးဝါးဆိပ်ကမ်းနဲ့ တုန်ဆိုင်းတောင် ဘယ်လောက်ဝေးတုန်း `ဥ´´

`အတိအကျတော့ မပြောတတ်ဘူး။ဘာကြောင့်သိချင်တာပါလိမ့်´

`ဒီလိုဗျ။ ဗမာတပ်တွေရဲ့ တိုက်လှေတွေဟာ (ထ)ရူးဝါးဆိပ်ကမ်းမှာကပ်တယ်။ နောက်`တုန်ဆိုင်းရေတံခွန်´ရှိတဲ့ တုန်ဆိုင်းတောင်ပေါ်ကို အမြှောက်တွေ ဆွဲတင်တယ်။ တုန်ဆိုင်းတောင်ပေါ်ကနေ ထလန်ခံတပ်ဆီကို အမြှောက်တွေနဲ့ လှမ်းပစ်တယ်။တချို့တပ်တွေက ၀ါးညှောင့်တွေလှည်းလိုဆင်ပြီး ခံတပ်ကို ချည်းကပ်တယ်။ ဒါနဲ့ ထလန်ခံတပ်နေရာ အတိ အကျကို ခင်ဗျားသိသလား´

`နှစ်တိုင်းအောင်ပွဲကျင်းပနေတဲ့ ထလန်မီးပွိုင့်အလွန် ညာဖက်ကွေ့နားက ကွက်လပ်ကြီးကတော့ ထလန်ခံတပ်လို့ ပြောကြ တာပဲ´

`မဟုတ်သေးဘူးဗျ။ ထလန်ခံတပ်ထဲကို တုန်ဆိုင်းတောင်ပေါ်ကနေ အမြှောက်နဲ့လှမ်းထုနိုင်တယ်ဆိုတော့ လွန်ခဲ့တဲ့ အနှစ် နှစ်ရာက ဗမာစစ်တပ်အသုံးပြုခဲ့တဲ့ အမြှောက်တွေဟာ ခန့်မှန်းခြေလေးငါးမိုင်အကွာအဝေးကို ပစ်နိုင်သလားဆိုတာ ထည့်စဉ်းစား သင့်တယ်။နောက် ကျနော်စိတ်အ၀င်စားဆုံးအချက်က ထလန်ခံတပ်ဟာ ဗမာစစ်တပ်တွေ အကြိမ်ကြိမ် စီးနင်း တိုက်ခိုက်ခဲ့ပါလျက်နဲ့ အလွယ်တကူမကျခဲ့ဘူး။ ဒီခံတပ်ကို ဘယ်သူတွေ ဘယ်လိုနည်းပညာတွေနဲ့ တည်ဆောက်ခဲ့သလဲ။ အဲဒီခေတ်က ဖူးခက်ဝန်းကျင်ကို ပေါ်တူဂီ၊ဒတ်ခ်ျ၊အင်္ဂလိပ်တွေ အကုန်ရောက်နေပြီမို့ သူတို့ဆီက ခံတပ်တည်ဆောက် နည်း ပညာတွေကို ယိုးဒယားတွေ ရခဲ့သလား´

`ကျနော်လည်း ဖူးခက်ချက်မြှုပ်ပဲဗျ။ ခွန်သက်ခိုင်ပြောတဲ့ အကြောင်းတွေကျနော်တခါမှ မကြားဖူးတာအမှန်ပဲ´

`ဖူးခက်ပင်လယ်ပြင်ထဲမှာ ယိုးဒယားမဟာမိတ်တပ်တွေနဲ့ ဗမာစစ်တပ်တွေဟာ တိုက်လှေတွေထောင်ချီအသုံးပြုပြီး ကြီးမားပြင်းထန်တဲ့ ရေကြောင်းတိုက်ပွဲကြီးတွေဆင်နွှဲခဲ့ကြတယ်။ အဲဒီခေတ်က ယိုးဒယားတိုက်လှေတွေကို ဘယ်မှာ တွေ့နိုင်တုန်းဗျ´

`ကျနော်က သမိုင်းသုတေသီမှ မဟုတ်တာ ဘယ်လိုသိမှာတုန်း´

`ဒီအချက်လောက်ကို သိဖို့ သမိုင်းပညာရှင်ဖြစ်မှ မဟုတ်ပါဘူးဗျာ´

`နေဦးဗျ။ ခွန်သက်ခိုင်ရ။ ကျနော့်ဘိုးဘွားတွေ ပြောစကားအရ အခုခေတ် နိုင်ငံခြားသားတွေနဲ့စည်ကားနေတဲ့ ပါတောင်၊ ကရွန်း၊ကတ၊ကမလာကမ်းခြေတွေဟာ ဟိုးလွန်ခဲ့တဲ့နှစ်ပေါင်းများစွာတုန်းက တောကြီးမျက်မည်းတွေလို့ဆိုတယ်။ ဖူးခက်မြို့ဝန် ရုံးစိုက်တာက ထလန်မြို့ဟောင်းတဲ့။ထလန်မြို့ကို တည်ထောင်တုန်းက မြို့ကို ကာကွယ်နိုင်အောင် လူတွေ ကိုသတ်ပြီး အိုးကြီးတွေထဲမှာထည့်၊မြို့လေးထောင့်မှာ အဲဒီအိုးတွေ မြှပ်ထားသတဲ့။ ရှေးအယူအဆဆိုပါတော့´

စကားတပြောပြောနှင့်ပင် တုန်ဆိုင်းရေတံခွန်မှအပြန် ထလန်ခံတပ်ဟောင်းဟု ယိုးဒယားအများစု လက်ခံထားသည့် မြေကွက်လပ်ကြီးဆီသို့လည်း ကျနော်တို့ရောက်ရှိခဲ့ပြန်သည်။ခံတပ်ဟောင်းဟုဆိုကြသည့် ကျယ်ဝန်းသော မြေကွက် လပ်ကြီးမှနေ၍ စိမ်းညို့နေသော တောင်တန်းကြီးများကို အဝေးမှာလှမ်းမြင်နေရသည်။ ခံတပ်ဟောင်း ဟုတ်မဟုတ် စူးစမ်းနိုင်ရန် အထောက်အထားဟူ၍ အဆောက်အဦးဟောင်း၊အုတ်ရိုးအုတ်ခုံဟောင်း ဘာဆိုဘာမျှမရှိ။ ရေကြည်သော ချောင်းငယ်တစ်ခုကို ဖြတ်ကျော်ဆောက်လုပ်ထားသည့် ခနော်ခနဲ့ သစ်သားတံတားငယ် တစ်စင်းနှင့် ထန်းပင်ခပ်အုပ်အုပ် တို့မှလွဲ၍ နတ္ထိ။

ကိုသက်ခိုင်ကား တောင်တန်းများကို နောက်ခံပြုနေသည့် ထန်းတောအုပ်ကို ဓာတ်ပုံတဖျတ်ဖျတ်ရိုက်နေသည်။ ထလန်ခံ တပ်ဟောင်းကွင်းပြင်အနီးတွင်တည်ရှိသော ဖူးခက်သူရဲကောင်း အနုစာဝါရီညီအမ၏ နတ်ကွန်းကို စပ်စုနေသည်။ ထိုနတ်ကွန်းတွင် အနုစာဝါရီညီအမ၏ ရုပ်တုငယ်ကလေးများကို တွေ့ရလေရာ ၊ထိုရုပ်တုတို့ကို ၀တ်စားဆင်ယင်ထားပုံမှာ မလေးရှားမွတ်ဆလင်အမျိုးသမီးများ၏ ပုံစံအတိုင်းဖြစ်သည်ကို သတိပြုမိသည်။ ထိုနေ့က ကိုသက်ခိုင်တစ်ယောက် ညနေ မှောင်ရီပျိုးချိန်အထိ ထလန်နယ်မြေအနီးတ၀ိုက်တွင် အလုပ်ရှုပ်နေခဲ့ခြင်းမှာ ထလန်ခံတပ်ဟောင်းရှာပုံတော်ခရီးပေ တကား။တစ်နေ့တစ်ရက်၊တဦးတဖွဲ့မျှပင် စူးစမ်းနိုင်လောက်သော ခြင်းရာမဟုတ်လေရာ၊ ကိုသက်ခိုင်ကား နိုင်ငံတကာ သမိုင်းပညာရှင်များနှင့် ချိတ်ဆက်စူးစမ်းဦးမည်ဟု ကြုံးဝါးနေပြန်ချေသည်။

မစ္စတာဥတစ်ယောက် ထလန်၊လိုတပ်(Lotus)ကုန်တိုက်မှာ ကျန်ရစ်ခဲ့သည်ဖြစ်၍ အပြန်လမ်းတွင် ကျနော်နှင့်ကိုသက်ခိုင် ကားပေါ်မှာ စကားဆက်ဖြစ်ကြသည်။

`ဒါနဲ့ခင်ဗျားညီလင်းဆက်ကိုပြောတဲ့ထလန်တိုက်ပွဲမှာ ထလန်ခံတပ်ထဲက ဖူးခက်သားတွေကြောက်ဒူးတုန်နေတာနဲ့ အဆုံး သတ်ထားတော့ မြန်မာတွေက ခံတပ်ကိုသိမ်းနိုင်ရောလားဗျာ´

`မသိမ်းနိုင်သေးဘူးဗျ၊ စာရေးသူဟာ ယိုးဒယားတွေရဲ့ခံစစ်ကိုလည်း ရေးပြထားသေးတယ်´

`ဒါဆိုလည်း ခံတပ်သိမ်းတိုက်ပွဲအကြောင်းဆက်ပါအုံးဗျ၊ ခင်ဗျားဥစ္စာ ဆန့်တငံ့ငံ့နဲ့´

ကျနော့်တိုက်တွန်းမှုကြောင့် ကိုသက်ခိုင် ဆက်ပြောလေသော မြန်မာတို့၏ ဖူးခက်ခံတပ်သိမ်းတိုက်ပွဲမှာ အောက်ပါအတိုင်း ဖြစ်လေ၏။

`အဲဒီစာအုပ်မှာ ဖော်ပြထားတာကတော့ ယိုးဒယားတွေဟာ မြန်မာတွေရဲ့ အရှေ့တောင်ပံတိုက်စစ်ကို အောင်မြင်စွာ ခုခံ နိုင်ခဲ့သတဲ့။အဲဒီလိုခုခံကာကွယ်နိုင်ခဲ့သူဟာ ဒုတိယရာမဘုရင်ကိုယ်တိုင်လို့ဆိုတယ်။သူဟာ ဖူးခက်ကာကွယ်ရေးအတွက် ဖရာ့ထိုင်းနန်ကို စစ်သူကြီးခန့်ပြီး၊နခွန်စီထမရတ်နဲ့ ဆွန်ကလာမြို့ဝန်တွေကို စစ်ကူလွှတ်စေတယ်။စစ်ဦးစီးချုပ် ဖရာ့ သောင် ဆာရိုသာရဲ့ရေတပ်ကိုလည်း ချိုင်းရာကိုလွှတ်ပြီး ထလန်ခံတပ်မကျစေဖို့ အားဖြည့်တယ်။မြောက်ပိုင်းမှာ မြန်မာတပ်တွေကို အောင်နိုင်ပြီးတစ်လအကြာမှာ စစ်သူကြီးဖရာ့ဘူရင်သရာ ဦးဆောင်တဲ့ ယိုးဒယားတပ်မကြီးဟာ တောင်ပိုင်းကို ချီတက်နိုင်ခဲ့ပြီး ကြည်းရေတပ်ပေါင်းစုမှူးက ယိုးဒယားမင်းမျိုးမင်းနွယ်ဖရာ့ယုံမာရတ်ထ်တဲ့။ ကျနော် ကြားဖြတ်ပြောချင်တာက ဘိုးတော်ဘုရားရဲ့မြန်မာတပ်တွေ ယိုးဒယားမြောက်ပိုင်းစစ်ပွဲတွေမှာ အဲဒီကာလက ယိုးဒယား တပ်တွေကို ဘယ်လိုဘယ်ပုံ ရှုံးနိမ့်ခဲ့တယ်ဆိုတာ ကျနော်မဖတ်ဖူးသေးဘူး။

ဖရာ့ထိုင်နန်ရဲ့တပ် နခွန်စီထမရတ်ကိုရောက်တဲ့အခါ နခွန်မြို့ဝန်ဆီက စစ်သင်္ဘော(၁၇)စီး ချက်ချင်းစစ်ကူရခဲ့ပေမဲ့ အဲဒီ အချိန်တုန်းက ကိုလန်တာမှာတပ်စွဲထားတဲ့ မြန်မာ့ရေတပ်ကို မယှဉ်နိုင်သေးဘူးဆိုပဲ။ထိုင်းအနောက်ဖက်ကမ်းရိုးတန်းရဲ့ အဓိက ရေတပ်အင်အားဟာ ကဒက်တဲ့။ ကဒက်မှာရှိတဲ့ မလေးနဲ့ပင်လယ်ဂျစ်ပဆီတွေဟာ ဒေသတွင်းပြိုင်ဖက်ကင်း ရေတပ်သူရဲကောင်းတွေလို့ဆိုတယ်။ ယိုးဒယားတွေအခက်တွေ့နေတာက ကဒက်ဆူလတန်ဟာ မြန်မာဘုရင့် သစ္စာတော် ခံဖြစ်နေတာပါပဲ။ဒါကြောင့် ဆွန်ခလာမြို့ဝန်ဟာ ကဒက်မြို့ဝန်ကို မြန်မာတွေနဲ့ ခွဲထုတ်ဖို့သုံးကြိမ်တိုင်တိုင် လက်ဆောင် ပဏ္ဏာဆက်ခဲ့ရသတဲ့။လက်ဆောင်ပဏ္ဏာဆိုတာ ဆန်အိတ်အပြည့်တင်ထားတဲ့သင်္ဘောတွေကို ကဒက်ဆိပ်ကမ်း၊ ထရန်းကို ပို့လိုက်ရတာတဲ့ဗျ။ အဲသလို ပေါ်ပေါ်တင်တင် လာဘ်ထိုးတဲ့အတွက် ဒေသတွင်း မတည်ငြိမ်မှုတွေဖြစ်လာပြီး ကဒက် စူလတန်ဟာ ယိုးဒယား မြန်မာစစ်ပွဲထဲကို ဇွတ်အတင်းအဓမ္မ၊ ပါလာခဲ့ရတယ်လို့ မလေးကဗျာဆရာကဆိုတယ်။

ကဒက်စူလတန်ရဲ့ လှေနံနှစ်ဘက်နင်းထားတဲ့အခြေအနေအပေါ် ဘန်ကောက်နဲ့နခွန်ရဲ့ကြိုတင်တွက်ဆချက်တွေဟာ မမှား ဘူးဆိုပဲ။နောက်ပိုင်းဖူးခက်တိုက်ပွဲမှာ အဖမ်းခံရတဲ့ မြန်မာတပ်မှူး ဇေယျသူရိယကျော်ရဲ့ အဆိုအရ ကဒက်စူလတန်ဟာ မြန်မာတပ်တွေဆီ လျှို့ဝှက်စာပို့ခဲ့တယ်။ ယိုးဒယားတပ်သား (၃၀၀၀) ချီတက်လာပြီမို့၊ သူတို့ကိုနှိမ်နှင်းပြီး ဘိုးတော်ဘုရား ရဲ့ ဘုန်းတော်ရိပ်အောက်ကို သွတ်သွင်းနိုင်ဖို့ မြန်မာတပ်သား (၆၀၀၀) စေလွှတ်ပေးဖို့ အကူအညီတောင်းခဲ့တယ်။ဒါပေမဲ့ ဖူးခက်မှာ ခြေကျွံနေတဲ့ မြန်မာတပ်တွေ ကဒက်ဖက်ကို ခြေဦးမလှည့်နိုင်တော့တာ သေချာတဲ့အတွက် ကဒက်စူလတန်ဟာ ယိုးဒယားကို တိုက်သင်္ဘော(၂၈)စီး အကူအညီပေးခဲ့တယ်။ဒီဇာတ်လမ်းကို နှောင်းလူတွေသိခွင့်ရတာကတော့ အဲဒီတိုက် သင်္ဘောအုပ်စုမှာပါတဲ့ မလေးကဗျာဆရာရဲ့ လွမ်းမောဖွယ်ကဗျာရှည်ကြီးကြောင့်တဲ့ဗျ။

ညီလင်းဆက်ကို ကျနော်ပြောခဲ့တဲ့ ထလန်တိုက်ပွဲဖြစ်ပြီး သုံးပတ်အကြာ (၁၈၁၀)ခုနှစ် ဇန်န၀ါရီလမှာ စစ်သင်္ဘော (၆၇)စီး၊ တပ်သား(၂၅၀၀) ပါတဲ့ မလေးယိုးဒယားပထမတပ်ပေါင်းစုဟာ ဖူးခက်ကိုရောက်လာခဲ့တယ်။ မြန်မာစစ်သင်္ဘောအများစု ဟာ မြောက်ဘက် ပက်ပရာတူးမြောင်းမှာ တပ်စွဲထားပြီး တချို့သင်္ဘောတွေက ကျွန်ဖမ်းထွက်နေကြသတဲ့။ ဘယ်လိုကျွန် မျိုး ဖမ်းနေခဲ့သလဲတော့ ကျနော်လည်း မတွေးတတ်ဘူး။တခုခုလွဲနေသလိုပဲ။

ဆက်ရေးထားတာကတော့ ယိုးဒယား၊မလေးမဟာမိတ်တပ်ပေါင်းစုဟာ မြန်မာကင်းလှည့်တပ်တွေမမြင်အောင် ကဘီးနဲ့ ကိုရိုးရိုင်ကျွန်းကြားမှာရှိတဲ့ အီကောနဂါးဆိပ်ကမ်းမှာ တိတ်တဆိတ်ကမ်းကပ်တယ်။တာလီဘောင်းသင်္ဘောအုပ်စုက ကပ္ပတိန် အီလက်ခ်ကို ရှေ့ပြေးကင်းထောက်ခိုင်းတယ်။အဲဒီကင်းထောက်အဖွဲ့မှာ ပါသွားတဲ့ မလေးကဗျာဆရာ မှတ်တမ်း တင်ထား တာကတော့ ….

`ထလန်ခံတပ်ကို မြန်မာတွေအတင်းထိုးစစ်ဆင်နေတယ်။ ကမ်းခြေတလျှောက်လုံးလည်း ၀ါးချွန်ဝါးညှောင့်တွေ ဒင်းကြမ်း ပဲ။ခံတပ်ထဲက လူတွေကတော့ ခုထက်ထိမာန်တင်း တောင့်ခံထားတုန်း။ဒါပေမဲ့ မြန်မာတွေဟာ ခံတပ်မြို့တစ်ခုလုံးကို ခြင်ထောင် ထောင်သလိုဝါးချွန်ဝါးညှောင့်တွေဆင်ပြီး သိမ်းတော့မှာမို့၊ဘယ်လိုစစ်ကူလာလာ၊ထလန်ခံတပ်ကျဖို့ မဝေး တော့ဘူး။ အမြောက်သံတွေကို မိုးချိန်းသလိုကြားနေရတယ်´ လို့ဆိုတယ်ဗျ။

(ဆက်လက်ဖော်ပြပါမည်။)

ရုပ်ပုံ။ ။ဂူဂဲလ်

ရာမူးအငူတိုက်ပွဲ

ယိုးဒယား၊မလေးနဲ့အူရန်လားတပ်ပေါင်းစုဟာ လူမျိုးမတူပဲ၊ခေါင်းဆောင်မှုကွဲပြားနေတာကြောင့် အရေးပေါ်စစ်ကောင်စီ အစည်းအဝေးခေါ်ပြီး မြန်မာတပ်ရဲ့ ၀ါးချွန်ဝါးညှောင့်အင်အားကို အားစမ်းမဲ့ တိုက်ပွဲတစ်တစ်ပွဲ၊ ရာမူးအငူမှာ တိုက်ကြည့်ဖို့ သဘောတူကြတယ်။သူတို့ဟာ ညအမှောင်ကို အကာအကွယ်ယူပြီး ရာမူးကို တိတ်တဆိတ် ချီတက်ခဲ့ကြတဲ့အကြောင်း မလေးကဗျာဆရာက ……

ရာမူးအငူကို ရွက်လွှင်ခဲ့ကြပြီ။ရန်သူကိုအလစ်အငိုက်ဖမ်းဖို့ မြန်နိုင်သမျှ မြန်အောင်လှော်ခဲ့ကြတယ်။မြန်မာတွေကလည်း ကတုတ်ကျင်းတွေနောက်ကနေ အသင့်စောင့်ပြီး အမြောက်နဲ့ထုတယ်။မြန်မာတိုက်လှေ(၁၉)စီးလောက် ကမ်းကပ်ထားတာ တွေ့ရတယ်။ဝါးညှောင့်ကတုတ်တွေနောက်မှာ မြန်မာတပ်တွေဖွေးလို့။တပ်ပေါင်းစုက အမြောက်နဲ့ပစ်တယ်။ဝါးစတွေ ဖွာ ကနဲ၊ဖွာကနဲပေါ့။သံကြိုးဆက်တွေထည့်ထားတဲ့ အမြောက်ဆံကို ၀ါးနံရံဘယ်ခံနိုင်မတုန်း။မြန်မာ့အမြောက်ဆံကြားကပဲ မလေးစစ်လှေကြီးတွေ တစ်စီးပြီးတစ်စီး ကမ်းကပ်နိုင်ခဲ့ကြတယ်။တကယ့်ဖောင်ဖျက်တိုက်ပွဲပဲ။ မလေးတပ်သားတွေဟာ ဂုဏ်သိက္ခာအတွက် အသက်စွန့်မယ်လို့ စိတ်ပိုင်းဖြတ်ထားကြပုံပဲ။လူငယ်လေးတွေဟာ တကယ့်မဟာသူရဲကောင်းကြီး တွေလို စစ်သွေး၊စစ်မာန်အပြည့်နဲ့။တောင်ကုန်းပေါ်မှာ ၀ါးချွန်ခံတပ်တွေ အခိုင်အမာတည်ထားတဲ့ မြန်မာတပ်တွေဟာ အမြောက်တွေနဲ့ တရစပ်ပစ်နေတယ်။တလောကလုံး ကမ္ဘာပျက်တဲ့အတိုင်းပဲ။မလေးလှေတွေ နားကွဲမတတ် စစ်ဘင် ခရာသံ တညံညံနဲ့ ရှိနေချိန်မှာ ယိုးဒယားနခွန်စစ်သင်္ဘောအုပ်စုဟာသွေးပျက်နေပြီး မလေးတိုက်လှေတွေနောက်မှာ ရေသာခိုလိုက်နေကြတယ်။ပျားပုတုန်းတွေလို တရွှီရွှီ၊ ၀ီခေါ်ပြီးရောက်လာတဲ့ မြန်မာအမြောက်ဆံ အများစုဟာ ထိချက် လွဲပြီး ရေထဲကျ ပေါက်ကွဲကုန်လေရဲ့။တညလုံးအပြင်းအထန် ဖက်ပြိုင်တိုက်ခိုက်ပြီး၊ နောက်နေ့ မွန်းတည့်ချိန်မှာတော့ မြန်မာတပ်တွေ လက်ရည်ကျစပြုလာတယ်။

မြန်မာတပ်တွေ တပ်ပျက်ပြီး ဆုတ်သွားချိန်မှာ သုံ့ပန်းနဲ့ အဖိုးတန်ပစ္စည်းတွေကို ရှာဖွေယူငင်သွားကြတယ်။ ဒဏ်ရာရလို့ မပြေးနိုင်တဲ့ မြန်မာတပ်သားတချို့ အရှင်အဖမ်းခံရတယ်။ယိုးဒယားနခွန်တပ်တွေဟာ အဲဒီအချိန်ကျမှ မြင်းတွေပြေးသလို ကဆုန်ပေါက်ပြေးလာကြပြီး မြန်မာတွေကိုအပိုင်းပိုင်းခုတ်ထစ်ကြပါလေရော။ ကော်မရှင်နာမင်းကြီးလည်း ဓါးတ၀င့်ဝင့်နဲ့ ကမ်းပေါ်တက်လာပြီး သူ့နားကပ်လာတဲ့ မြန်မာသုံးယောက်ကို ဓားတစ်ချက်တည်းနဲ့ ခုတ်ပိုင်းလိုက်တယ်။အောင်ပွဲရ မဟာမိတ်တပ်တွေဟာ မြန်မာတွေချန်ထားရစ်ခဲ့တဲ့ အဖိုးတန်ပစ္စည်းတွေအကုန်ယူပြီး မြန်မာ့လှေတွေအားလုံးကို မီးတိုက်ခဲ့ တယ်။အနည်းဆုံးမြန်မာ(၁၇)ယောက်ကို အသေမိရုံမက၊ လှေနဲ့ပြေးမယ်လုပ်နေတဲ့ မြန်မာတပ်သားသုံးယောက်ကို ဥပါယ် တမျဉ်သုံးပြီး အရှင်ဖမ်းနိုင်ခဲ့တယ်။မြန်မာတိုက်လှေတွေကို လိုချင်ပေမဲ့ အချိန်မရှိ၊ထိန်းသိမ်းဖို့လည်းခက်တဲ့အပြင် မြန်မာ တပ်ကူတွေရောက်လာမှာ စိုးရိမ်ရတာကြောင့် မီးတိုက်ပစ်ရတယ်´

ကိုသက်ခိုင်ပြောပြသော ယိုးဒယား-မလေးမဟာမိတ်တပ်နှင့်မြန်မာတို့ စစ်ပွဲသမိုင်း၊ ဤနေရာအရောက်တွင် ကျနော့် စိတ်ဝယ် တမျိုးတမည်ဖြစ်လာသည်နှင့် …

`လက်စသတ်တော့ မြန်မာတွေဟာ ယိုးဒယား-မလေးမဟာမိတ်တပ်ကို အရှုံးကြီးရှုံးခဲ့တာပါကလား´

`ကျနော်လည်း စာဖတ်နေရင်း ဒီနေရာအရောက်မှာ ခင်ဗျားတွေးမိသလို ခံစားရတာပါပဲ၊မလေးစာဆို မှတ်တမ်းတင်ထားပုံ က မလေးစစ်သည်တွေဟာ မဟာသူရဲကောင်းတွေဖြစ်၊ယိုးဒယားတွေက ငကြောက်တွေဖြစ်၊မြန်မာတွေကို ယိုးဒယား -မလေးတပ်တွေက ဖြတ်ပိုင်းလှီးချအောင်ပွဲရတဲ့ လေသံနဲ့ပါပဲ၊တကယ်တော့ စောစောကပြောတဲ့ တိုက်ပွဲဇာတ်လမ်းဟာ တိုက်ပွဲကြီးတစ်ခုလုံးကို ခြုံငုံပြီး ပြောတာမဟုတ်ပဲ။တိုက်ပွဲငယ် တစ်နေရာကိုသာ ရည်ညွန်းထားတာဖြစ်တယ်။ တချိန်တည်းမှာ မြန်မာတပ်တွေဟာ ထလန်ခံတပ်ကို လေးဘက်လေးတန် ၀ိုင်းဝန်းပိတ်ဆို့ထားပြီး ဖြစ်နေတာဗျ။ ဇာတ်လမ်းပြီးအောင် စိတ်ရှည်ရှည် နားထောင်ကြည့်ပါအုံးလေ၊ တိုက်ပွဲမှ မဆုံးသေးတာ´

`သို့ကလိုဖြင့် ခင်ဗျားရဲ့ဇာတ်လမ်းကို ဆက်ပါအုံးဗျာ´

ကျနော့်တိုက်တွန်း လောဆော်မှုကြောင့် ကိုသက်ခိုင်သည် ဇာတ်လမ်းကို ရှေ့ဆက်ပြန်ပါသည်။

` ခံတပ်လေးဘက်လေးတန်ကို မြန်မာတွေဝိုင်းထားပြီမို့၊ ဖူးခက်သားတွေ ကြာကြာတောင့်ခံ မထားနိုင်တော့တဲ့အကြောင်း သတင်းတွေရောက်လာတယ်။လက်နက်၊ခဲယမ်းနဲ့ရိက္ခာလည်းကုန်သလောက်ရှိနေပြီမို့ အချိန်ဆွဲနေရင် ထလန်ကျမှာပဲတဲ့။ ဒါနဲ့ပဲ ချက်ချင်းတိုက်သင့်၊မတိုက်သင့်၊ မဟာမိတ်ခေါင်းဆောင်တွေ ခေါင်းချင်းရိုက်ပြီး ညီလာခံကြပြန်တယ်။ မြန်မာ ပင်မတပ်ကြီးကို ခံတိုက်ဖို့က မဟာမိတ်တပ်အင်အားနဲ့ ဆင့်ပါးစပ်၊နှမ်းပက်သလိုဖြစ်မှာမို့ တွေဝေနေတုန်း၊ ညီလာခံ မစဲခင် မြန်မာတပ်တွေ၊ အလစ်ဝင်တိုက်ကြပြန်တာကို နဖူးတွေ့၊ဒူးတွေ့ကြုံရရောတဲ့။

ကြောက်စရာကောင်းလှတဲ့၊လေလိုလျင်မြန်တဲ့ မြန်မာတပ်မှူးတွေဟာ ၀တ်ရုံနီကြီးတွေနဲ့ ဓားလွတ်တဖွေးဖွေးနဲ့ အတင်းတက် အတင်းတိုက်ကြတယ်။မဟာမိတ်တပ်သင်္ဘောတွေဆီက အမြောက်ပစ်ကူပေးပေမဲ့ အရာမထင်ဘူး။မြန်မာတွေဟာ နာရီပိုင်းအတွင်း သူတို့လက်လွှတ်လိုက်ရတဲ့ နေရာကို ဇွတ်အတင်းဝင်သိမ်းပစ်လိုက်တယ်။မဟာမိတ်တပ်တွေဟာ ပင်လယ်ထဲက သူတို့လှေရှိရာရောက်အောင် ဒရောသောပါး ပြန်ပြေးလိုက်ကြတာ ကိုရိုးရိုင်ကျွန်းဆီ ဒုတ်ဒုတ်ထိ ရောက်ကရော။ နောက်ဆုံးတော့ မဟာမိတ်တပ် ဘာမှမတတ်နိုင်တော့ပဲ၊ဘန်ကောက်က တပ်မဟာကိုစောင့်ရုံပဲ ရှိတော့ သတဲ့ဗျ။

ရာမူးတိုက်ပွဲပြီးခါစမှာ ဗြိတိသျှပိုင် ကပ္ပတိန်ပီတာရဲ့ မွန်းထရို့ကုန်သင်္ဘောဟာ ဖူးခက်မှာ အပြင်းအထန်တိုက်ပွဲဖြစ်နေ တာကို သိပုံမရပဲ (ထ) ရူးဝါးဆိပ်ကမ်းကို ကပ်လာခဲ့တယ်။မြန်မာတပ်မှူးဟာ မွန်းထရို့သင်္ဘောကို ပီနန်ဘက်ပြန်လှည့်စေ

ခဲ့တဲ့အကြောင်း မြန်မာတပ်မှူးရဲ့ ပီနန်ဗြိတိသျှအစိုးရဆီကို ပေးတဲ့စာမှာ ဖော်ပြထားတာက …

ရာမူးနဲ့(ထ)ရူးဝါးမှာ မြန်မာတပ်သားသုံးထောင်လောက် ယိုးဒယား၊မလေးတပ်တွေ လှုပ်ရှားမှုကို စောင့်ကြည့်နေတုန်း ကပ္ပတိန်ပီတာ့ သင်္ဘောဝင်လာခဲ့တယ်။သင်္ဘောဆိုက်ဆိုက်ခြင်း ရန်သူ၊မိတ်ဆွေ မကွဲပြားတာကြောင့် သူ့ကိုဖမ်းပြီး ဌာနချုပ်ကို ခေါ်လာတယ်။ကပ္ပတိန်ပီတာကို အခြေအနေရှင်းပြနေတုန်း သူ့သင်္ဘောက သူ့ကိုမခေါ်ပဲ ထွက်သွားတယ်။ ဒါကြောင့် ကျနော်တို့မိတ်ဆွေ ဂျွန်ဘာတဲလ်ကို အကူအညီတောင်းပြီး ကပ္ပတန်ကို ပီနန်အရောက် ပြန်ပို့လိုက်တယ်လို့ ဆိုတယ်။

(ယခုမျက်မှောက်အချိန်တွင် .. ထလန်ခံတပ်ဟောင်းနေရာဟူ၍ ယိုးဒယားတို့အသိအမှတ်ပြု ထားသောေ နရာဖြစ်သည်။အဆိုပါခံတပ်ကိုသိမ်းယူရန် ယိုးဒယား-မလေးရှားမဟာမိတ်တ ပ်နှင့် မြန်မာတပ်တို့ ရာမူးအငူတွင် ပြင်းထန်သောတိုက်ပွဲကြီးတစ်ရပ် (၁၈၁၀) ဇန်န၀ါရီ(၁၂) ရက်နေ့ တွင် ဖြစ်ပေါ်ခဲ့သည်။ထိုစဉ်က အရှေ့တောင်အာရှတွင်ပြိုင်ဘက်ကင်းသော မြန်မာရေတပ်သည် ယိုးဒယားမလေးရှား မဟာမိတ်တပ်ကို ဖြတ်ပိုင်းလှီးချ အောင်ပွဲရခဲ့သည်။

ထလန်ခံတပ် ဇာတ်သိမ်းခန်း

တိတိကျကျပြောရရင် ရာမူးအငူတိုက်ပွဲဟာ (၁၈၁၀)ခုနှစ်၊ဇန်န၀ါရီလ(၁၂)ရက်နေ့မှာ ဖြစ်ခဲ့တယ်။ တောင့်တင်းခိုင်မာလှပါ တယ်ဆိုတဲ့ ဖူးခက်ထလန်ခံတပ်ကို မြန်မာတပ်တွေဝိုင်းထားတာ (၂၆)ရက်မြောက်တဲ့နေ့ပဲဗျ။ယိုးဒယား-မလေးရှား မဟာ မိတ် တပ်ပေါင်းစုကို ဖြတ်ပိုင်းလှီးချအောင်နိုင်ခဲ့တဲ့ မြန်မာတပ်ဟာ ထလန်ခံတပ်ကို၊ အပြီးတိုင်ချေမှုန်းဖို့ ညဖက်ချီတက်၊ နေ့ဖက်အနားယူစံနစ်နဲ့ ခံတပ်နားကို တရွေ့ရွေ့ချီတက်ခဲ့ကြတယ်။

ခံတပ်ထဲမှာ အခိုင်အမာ နေရာယူထားတဲ့ ဖူးခက်သားတွေကတော့ နောက်ဆုံးအချိန်အထိ စစ်ကူမျှော်နေတုန်း။မြန်မာတပ် တွေဟာ မီးမျှားတွေနဲ့ ပစ်လိုက်၊အမြောက်တွေနဲ့ ခွင်းလိုက် အမှည့်ခြွေ၊ခြွေလိုက်တာ ခံတပ်ဟာ လုံးပါး၊ပါးလာတယ်။ နောက်ဆုံးတော့ ခံတပ်နံရံသုံးဘက်ကို မီးတိုက်ပြီး ကျန်တဲ့ခံတပ်ထွက်ပေါက်ရှေ့မှာ အမြောက်တွေကိုစုပြီး ချိန်ထားသတဲ့။

ခံတပ်နံရံ မီးစွဲချိန်မှာ မီးတောက်တွေ ကြီးမားလွန်းတာကြောင့် မလွှဲမရှောင်သာ ဂိတ်ပေါက်က ထွက်ကြရတဲ့ ယိုးဒယားစစ် သည်မှန်သမျှ မြန်မာ့အမြောက်ဒဏ်ချက်နဲ့ မရှုမလှ သေပွဲဝင်ကုန်ရောပေါ့ဗျာ။မဟာမိတ်တိုက်လှေ(၆၄)စီးနဲ့ ကိုရိုးရိုင် ဘက်ကို ဆုတ်ခွာသွားတဲ့ ယိုးဒယား-မလေးမဟာမိတ်တပ်ပေါင်းစုဟာ ဘာမှမတတ်နိုင်ပဲ၊ ထလန်ခံတပ်ကနေ ထွက်ပေါ် လာတဲ့ လိမ္မော်ရောင် မီးညွှန့်မီးတောက်ကြီးတွေကို ညလုံးပေါက်ငေးကြည့်နေခဲ့ရတယ်လို့ဆိုသဗျ။နောက်ဆုံးတော့ ထလန် ခံတပ်ဟာ မီးဟုန်းဟုန်းတောက်ပြီး မြန်မာလက်ထဲကို အပြီးတိုင်ကျရောက်ခဲ့ရောပေါ့ဗျာ။မြန်မာတွေဟာ ဖူးခက်ကို အလုံးစုံ အောင်ပွဲရခဲ့တယ်။ထလန်ခံတပ်ကျတဲ့အခါ မြန်မာတပ်တွေဟာ သုံးပေါင်နဲ့လေးပေါင် အမြောက် (၈၄)လက်၊စက်အမြောက် အလက်(၂၀)၊တူမီး(၅၀)၊မိသားစု(၃၀၀)နဲ့ သံဖြူချောင်းသုံးထောင်ရတယ်။ အားလုံးကို ထားဝယ်ပြန်ပို့တယ်လို့ဖော်ပြထား တယ်။

မြန်မာတပ်တွေဟာ တိုက်လှေအစီး(၁၈၀)နဲ့ ပက်ပရာတူးမြောင်းဝကနေ ယိုးဒယားမဟာမိတ်တပ်တွေကို အဆင်သင့် စောင့်ကြိုနေတယ်။တခါတခါ ထွက်တိုက်တယ်။မဟာမိတ်တပ်တွေဟာ မြန်မာတွေ စစ်ကစားနေတာကို တပ်ကူမျှော်ရင်း လှိမ့်ခံနေရသတဲ့။ အဲဒီခေတ် အဲဒီအခါက မြန်မာရေတပ်ကို အရှေ့တောင်အာရှမှာ ယှဉ်နိုင်တဲ့ ရေတပ်မရှိသေးဘူး လို့တောင် ဆိုတယ်ဗျ။ရေကြောင်းတိုက်ပွဲမှာ ကျွမ်းကျင်လှချည့်ရဲ့လို့ ကိုယ့်ကိုယ်ကို အမွှန်းတင်ကြတဲ့ မလေးတပ်သား တွေကတောင် ` မြန်မာတပ်သားတွေဟာ ရေကြောင်းတိုက်ပွဲမှာ သူလို၊ကိုယ်လိုပါပဲ။ ဒါပေမဲ့ ကြည်းကြောင်း(မြေပြင်) တိုက်ပွဲဆိုရင် အင်မတန် ကြောက်စရာကောင်းတယ်။လူချည်းကြောက်စရာ ကောင်းတာမဟုတ်ဘူး။မြန်မာ့ဝါးညှောင့်က သာပြီး ကြောက်စရာကောင်းသေး´လို့တောင် မှတ်ချက်ချခဲ့ရသတဲ့။ထူးခြားချက်ကတော့ ဖူးခက်တိုက်ပွဲတိုင်းလိုလိုမှာ ယိုးဒယားတပ်တွေဟာ မြန်မာတပ်တွေကို ကြံ့ကြံ့ခံပြီး တိုက်နိုင်တဲ့မှတ်တမ်း မတွေ့ရဘူးဗျာ။ မြန်မာတပ်တွေ အင်နဲ့အားနဲ့ ထိုးစစ် ဆင်လာချိန်မှာ ယိုးဒယားတပ်တွေဟာ ဖနောင့်နဲ့တင်ပါး တသားတည်းကျအောင် ပြေးလေ့ရှိတာကို မလေးစာဆိုက ခပ်လှောင်လှောင် မှတ်တမ်းတင်ထားလေရဲ့။

အသေးစိတ်ပြောနေရင် ဇာတ်လမ်းက ရှည်လျားလွန်းတာမို့ အတိုချုပ်ကြရအောင်ဗျာ။ ဖူးခက်ကျွန်း မြန်မာလက်ကို ကျပြီး ချိန်မှာ မြောက်ပိုင်းက ယိုးဒယားတပ်တွေ စစ်ကူရောက်လာတယ်။ တိုက်လှေ၊စစ်သည်၊ရိက္ခာတွေ ပြန်လည်စုဆောင်းပြီး၊ သုံးလအကြာမှာ တန်ပြန်ထိုးစစ်ဆင်တယ်။ ယိုးဒယားတပ်ကြီးဟာ တိုက်သင်္ဘော(၁၈၀)၊စစ်သည်ဦးရေ (၈၀၀၀)ရှိပြီး၊ မြန်မာတပ်ဟာ တိုက်လှေ(၁၈၀)ကျော်၊စစ်သည်ကိုးထောင်ကျော်ရှိတယ်။ အဲဒီနှစ်ဘက် တပ်ကြီးနှစ်တပ်ဟာ ပက်ပရာ အရပ်မှာ ကြီးမားပြင်းထန်တဲ့ ရေကြောင်းတိုက်ပွဲကြီးကို ဆင်နွှဲခဲ့ကြတယ်။

မလေးစာဆိုရဲ့ မှတ်တမ်းကတော့ ထူးမခြားနားလို့ ဆိုရမယ်။ မလေးစစ်သည်တွေ ဘယ်လိုရဲရင့်တယ်။စွမ်းစွမ်းတမံ ရင်ကို

မြေကတုတ်၊မကြောက်မရွံ့ ဘယ်လိုတိုက်ပွဲဝင်ကြတယ်ဆိုတာကို ခပ်ကြွားကြွားရေးပြတယ်။ ယိုးဒယားတွေကိုခပ်နှိမ်နှိမ် မှတ်တမ်းတင်တယ်။ ပက်ပရာရေကြောင်းတိုက်ပွဲမှာ မြန်မာတပ်တွေကို ဘယ်လိုဘယ်ပုံအောင်ပွဲရတယ်ဆိုတာ ရွှန်းရွှန်းဝေ အောင် ရေးပြထားလေရဲ့။ဒါပေမဲ့ ထုံးစံအတိုင်း မြန်မာတပ်ဟာ သေနင်္ဂဗျူဟာအရ၊စိတ်ကြိုက်ရာသီဥတုကို ရနိုင်ဖို့ ခဏသာပြန်ဆုတ်သွားတာ။ တပ်လိုအပ်ချက်တွေကို ဖြည့်ဆည်းပြီး၊မထင်မှတ်ထားတဲ့အချိန်မှာ ပြန်ရောက်လာပြန်တယ်။ ယိုးဒယား၊မလေးတပ်ပေါင်းစုဟာ ဖူးခက်ကို ရက်ပေါင်း(၆၀)သာ ထိန်းထားနိုင်ခဲ့တယ်။

မြန်မာတပ်တွေဟာ အလုံးအရင်းနဲ့ထိုးစစ်ဆင်ပြီး ဖူးခက်ကိုပြန်လည်သိမ်းပိုက်နိုင်ခဲ့တယ်။ ထလန်ခံတပ်ကို ပြန်သိမ်းပြီး မြေသားနံရံနဲ့ ကျုံးတွေ ဖန်တီးတည်ဆောက်ခဲ့ကြတယ်။ဖူးခက်ကို တစ်နှစ်နီးပါး သိမ်းယူမင်းမူပြီး (၁၈၁၀)ခုနှစ်၊ စက်တင် ဘာလဆန်းမှာ ပြန်ဆုတ်လာခဲ့တယ်လို့ဆိုတယ်။ မလေးစာဆိုရဲ့အာဘော်အရ နခွန်စီထမရတ်ဘက်က ယိုးဒယားတပ်ကြီး ချီလာတာ ကြောင့်လို့ဆိုပေမဲ့၊ ကျနော့်အမြင်အရ မြန်မာဘုရင်ရဲ့ ထီးနန်းအရှုပ်အထွေးနဲ့ အခြားအကြောင်းတွေကြောင့်သာ ဖြစ်တန် ရာတယ်လို့ ယူဆတယ်။ဘယ်နှယ့်ဗျာ။ မှတ်တမ်းအစောင်စောင်မှာ မြန်မာတပ်နဲ့ ရင်ဆိုင်တွေ့လေတိုင်း ခြေကုန်သုတ် ပြေးနေလေ့ရှိတဲ့ ယိုးဒယားစစ်တပ်ကြီး ချီလာတာကို သတင်းကြားရုံနဲ့ မြန်မာတပ်တွေက ဆုတ်ခွာပြေး မတဲ့လား။

ယိုးဒယား-မြန်မာဖူးခက်စစ်သမိုင်းကို ဒီလောက်နဲ့ရပ်ကြစို့ဗျာ။လွန်ခဲ့တဲ့ ဆယ်နှစ်ဝန်းကျင်က ယိုးဒယားမြေမှာ ကျနော် ရင်ဆိုင်ခဲ့ရတဲ့ ဘ၀တိုက်ပွဲတွေ အကြောင်း၊ ကြုံတဲ့အခါ ပြောရသေးတာပေါ့။

မွေးကတည်းက ကြားဖူးခဲ့တဲ့ ပြက်လုံးတွေထဲမှာ အရီရဆုံးပြက်လုံးပဲ ။
စိတ်လျော့ထားတာတောင် အနားမှာရှိရင် နားရင်းထရိုက်မိမယ် ။ ။

ရုန့်ရင်းကြမ်းတမ်းတဲ့စကားကို မသုံးဘူးလို့ ဆုံးဖြတ်ထားတာ အဓိဌာန်ပျက်ပြီ ။
စစ်တပ်က ထင်တိုင်းကြဲလို့ တိုင်းပြည်ပျက်တာ မွေးကင်းစကလေးတောင် သိတယ်။
ဒီအရူး အမြန်ထွက်မှ ၊မြန်မြန်ပြုတ်မှအေးမှာ ။။

(ဒီကောက်ချက်ကို ချနိုင်ဖို့ ဘယ်လောက်ကြာကြာများ စဉ်းစားခဲ့ရပါလိမ့် ။)

အခန်း(၈)ဂျွန်သက်ခိုင်

`စကားမစပ် လက်ရှိအချိန်ှမှာ ခင်ဗျားရဲ့တစ်လ၀င်ငွေဟာ ဘယ်လောက်ရှိသတုန်းဗျ´

`ရော၊ခက်နေပါလား၊ပြည်ပမှာနေတဲ့သူအချင်းချင်း ၀င်ငွေနဲ့အသက်ကို မမေးရဘူးဆိုတာ ခင်ဗျား မေ့နေလေရော့သလား´

`သိပါတယ်ဗျာ။ ခင်ဗျားနဲ့ ကျနော်က လူရင်းတွေပဲ။ ပြောမှာသာပြောစမ်းပါ´

`ထိုင်းဘတ်သုံးသိန်းဝန်းကျင်ဆိုပါတော့´

`များလှချည့်လားဗျာ၊အတော့်ကို ဟန်ကျနေပြီပဲ´

`အင်း၊ဗမာပြည်ထဲမှာ ကျွန်တော်ကျင်လည်ခဲ့စဉ်အချိန်တုန်းက ရှာနိုင်ဖွေနိုင်ခဲ့တဲ့ ၀င်ငွေနဲ့နှိုင်းယှဉ်ကြည့်ရင် ဘာမှပြောပ လောက်တဲ့ ငွေတော့ မဟုတ်ဘူးဗျ။ ဒါပေမဲ့တန်ဖိုးချင်းတော့ အတော်ကွာတယ်ဆိုရမယ်´

`ငွေဟာငွေပဲမို့ အတူတူလို့ မဆိုနိုင်ဘူးလားဗျာ´

`မတူဘူးဗျ၊အများကြီးခြားနားတယ်။ဟိုအရင် ကျနော်ရှာခဲ့တဲ့ငွေဟာ လူလည်လူတတ်လုပ်ပြီး ရှာခဲ့တဲ့ငွေ၊သူများ မျက်ခုံး မွှေးပေါ် စင်္ကြန်လျှောက်ပြီး ရခဲ့တဲ့ငွေ၊အခု ကျနော်ရနေတဲ့ ၀င်ငွေဟာ သမာအာဇီဝလို့ ဆိုနိုင်တဲ့ငွေ၊လွယ်လွယ်ရှာလို့ ရတဲ့ငွေတွေကို ကျနော်ကိုယ်တိုင် တန်ဖိုးထားရကောင်းမှန်း မသိခဲ့သလို၊ ကြာရှည်လည်း မခံခဲ့ဘူး။ပုံပြင်တစ်ပုဒ် ခင်ဗျား ကြားဖူးမယ် ထင်ပါရဲ့။သူဌေးကြီးတစ်ယောက်က စည်းမဲ့ကမ်းမဲ့ သုံးဖြုံးနေတဲ့သားကို တစ်နေ့ တစ်ကျပ်မရှာနိုင်ရင် အိမ်ပြန် မလာနဲ့ ဆိုပြီး စည်းကမ်းထုတ်တော့ သူဌေးသားဟာ သူ့မိခင်ဆီက လွယ်လွယ်ရတဲ့ငွေတစ်ကျပ်ကို သူ့အဖေသူဌေးကြီးဆီ ညနေတိုင်း အပ်သတဲ့။ လာအပ်တဲ့ငွေတစ်ကျပ်ကို သူဌေးကြီးက လှမ်းယူပြီး၊မီးပုံထဲ ပစ်ထည့်တယ်။ညနေတိုင်း တစ်ကျပ်

ပေး၊ လှမ်းယူ၊ မီးပုံထဲ ပစ်ထည့်နေရာကနေ၊ တစ်နေ့တော့ သူဌေးကတော် ခရီးလွန်တဲ့နေ့လည်းရောက်ရော သူဌေးသား ဟာ ငွေတစ်ကျပ်ရဖို့ ထင်းခွဲ၊ရေခပ်၊နဖူးကချွေး ခြေမကျအောင် လုပ်လိုက်ရတယ်။အဲဒီညနေမှာ သူ့အဖေလက်ထဲကို၊ ငွေတစ်ကျပ်လည်း အပ်ရော ထုံးစံအတိုင်း မီးပုံထဲပစ်ထည့်လိုက်တာကို သူဌေးသားက ဇွတ်လိုက်ဆယ်သတဲ့။ငွေတန်ဖိုးနဲ့ ငွေရှာရတဲ့ဒုက္ခကို သူသိသွားပြီလေ။ ဒီသဘောပါပဲဗျာ။အခုကျနော်ရနေတဲ့ဝင်ငွေဟာ အခက်အခဲမျိုးစုံကြားမှာ ကျနော့် ကိုယ်စွမ်းဥာဏ်စွမ်းတွေကိုသုံးပြီး သမာအာဇီဝနည်းနဲ့ ရှာဖွေထားတဲ့ငွေမို့၊နည်းသည်ဖြစ်စေ၊များသည်ဖြစ်စေ တန်ဖိုးထား တတ်နေပြီဗျ။ကျနော် ထိုင်းနိုင်ငံဘက်၊ ရောက်လာကာစ အချိန်မှာ ထိုင်းဘတ်တစ်ဘတ်ကို ဘယ်လိုများ ရှာရပါ့မလဲဆိုတဲ့ အခြေအနေကနေ အစပြုခဲ့ရတယ်ဆိုပါတော့ဗျာ´

`လုပ်စမ်းပါအုံးဗျ။ ထိုင်းနိုင်ငံမှာ ခင်ဗျားငွေရှာခဲ့တဲ့ အတွေ့အကြုံလေး။ ကျနော်တော့ဗျာ။တစ်လဘတ်သုံးသောင်းလောက် ရအောင်တောင်၊ အခုအချိန်အထိ ကျားကုပ်ကျားခဲလုပ်နေရတုန်းပါပဲ´

ခြေခင်းလက်ခင်းသာသော တစ်ညနေတွင်ဖြစ်၍၊နေရာကား.. ဖူးခက်မြို့မ၊စံမကောင်းအရပ်ရှိ၊ခေါင်ရန်းတောင်ထိပ်ပေါ်တွင် ဖြစ်သည်။စကားပြောဖော်၊အတွေးတူရာ မိတ်ဆွေရှားလှသော ဤအရပ်တွင် အလုပ်ပါးချိန်တိုင်းလိုလို ကျနော်နှင့်ကိုသက် ခိုင်၊ ဆိတ်ငြိမ်သောနေရာများတွင် စကားလက်ဆုံကျလေ့ရှိသည်။ ခေါင်ရန်းတောင်ထိပ်ပေါ်သို့ရောက်အောင် အတန်ငယ် မတ်စောက်သော ကားလမ်းကို တက်ခဲ့ကြရသည်။ခေါင်ရန်းတောင်ထိပ်မှ လှမ်းမျှော်ကြည့်လျှင် ဖူးခက်မြို့မတစ်ခုလုံးကို အပေါ်စီးမှ လှမ်းမြင်နေရသည်။ရောင်စုံတိမ်များ၊ဟိုတစ်ကွက် သည်တစ်ကွက်ရှိနေသော ခေတ်မီအဆောက်အဦများ၊ အဝေးဆီက မှိုင်းညို့ညို့တောင်တန်းများမှာ ပြီးပြည့်စုံသော ပန်းချီကားတစ်ချပ်သဖွယ်ပါတကား။

ထိုအချိန်ထိုနေရာတွင် ယိုးဒယားမြေရောက် ကိုသက်ခိုင်၏ ဘ၀ခရီးတစွန်းတစကို ကျနော် သိခွင့်ရခဲ့ပြန်ပါသည်။ ကိုသက်ခိုင်သည် တောင်အောက်ကရှုခင်းများဆီသို့ ငေးမျှော်ရင်း၊ သူ့စိတ်အစဉ်ကို အတိတ်ဆီသို့ စေလွှတ်ကာ အေးဆေး တည်ငြိမ်စွာ ဇာတ်ကြောင်းလှန်နေလေ၏။သူ့နဘေးမှာ ကျနော်ရှိနေသည်ကိုပင် သူမေ့လျော့နေဟန်ရှိလေသည်။

`ဟုတ်တယ်ဗျ။ကိုလှမောင်ရွှေနဲ့ ဦးကြီးစိန်တို့ဆီက ငွေတွေ ရလိုက်တယ်ဆိုပေမဲ့၊ရေခြားမြေခြားကို တရားမ၀င်ရောက်လာ တဲ့ဘ၀မို့၊ ဘာမှမလုပ်တတ်၊မကိုင်တတ်တဲ့ အခြေအနေ၊ရှေ့ဘ၀ခရီးကလည်း မရေမရာ၊ တော်တော်ကို ဂဏှာမငြိမ်ရတဲ့ ကာလတွေပါပဲဗျာ။ရတဲ့ငွေထဲက အာရှဓနဘဏ်ကို ဆပ်ရမဲ့ငွေသိန်းလေးရာကျော်လောက်လည်း ဆပ်လိုက်တယ်။ဒီငွေကို ကျနော်မဆပ်ပဲနေမယ်ဆိုရင် နေသာသပေါ့ဗျာ။ ဒါပေမဲ့ မလုပ်ကောင်းတဲ့အလုပ်ဗျ။ ဇာတ်လမ်းက ဒီလို။

ရဲဘက်စခန်းမရောက်ခင် နှစ်နှစ်ဝန်းကျင် ၂၀၀၁ခုနှစ်လောက်ကပေါ့။စမ်းချောင်းဘက်မှာ ကျနော် ကန်ထရိုက်တိုက် တစ်လုံးဆောက်တော့ ငွေလိုတာနဲ့ အိမ်ပိုင်ရှင်ဦးရွှေသန်းရှေ့မှာ ညည်းမိတော့ သူက သူ့အိမ်ဂရန်ကိုထုတ်ပေးသဗျ။ ဒီတုန်းက အိမ်ဂရန်တွေ အာမခံတင်နိုင်ရင် အာရှဓနဘဏ်က ငွေထုတ်ချေးတယ်။ သိန်းထောင်၊သောင်းချီတဲ့ ချေးငွေ တွေကို လွယ်လွယ်နဲ့ကို ထုတ်ချေးတာ။အာရှဓနဘဏ်ဆီကို ဒီငွေတွေ ဘယ်လို ရောက်လာသလဲဆိုတာ စဉ်းစားကြည့်ရင် လွယ်လွယ်နဲ့သိနိုင်ပါတယ်။ဦးအိုက်ထွန်းနောက်ကွယ်မှာရှိနေတဲ့ လူပုဂ္ဂိုလ်၊အဖွဲ့အစည်းတွေအကြောင်း အတော်များများကို ကျနော်ရိပ်စားမိပါတယ်။

အဲဒီတုန်းက အစိုးရကလည်း သိသိကြီးနဲ့ လွှတ်ထားခဲ့တာပါပဲ။ခင်ဗျားလည်း ကြားဖူးနေမှာပါ။တိုတိုပြောရရင် မူးယစ် ဆေးဝါးကနေရတဲ့ငွေတွေဆိုတာ အလွယ်တကူခန့်မှန်းနိုင်ပါတယ်။ နောက်ပိုင်းမှာတော့ အာရှဓနဟာ မူးယစ်ဆေးဝါးနဲ့ ဆက်နွယ်တယ်ဆိုတဲ့ အကြောင်းပြချက်နဲ့ အပြီးတိုင် လုပ်ငန်းရပ်ဆိုင်းသွားခဲ့တယ်။ဘဏ်လုပ်ငန်းရပ်သွားချိန်မှာ ဘဏ်ကို အကြွေးဆပ်ရမဲ့သူတွေအတွက်တော့ ဖိုးကျိုင်းတုတ်ပေါ့ဗျာ။

ဦးအိုက်ထွန်းကိုယ်တိုင်လည်း ကျနော်ပြန်ဆပ်ရမဲ့ငွေတွေကို အပြည့်ဆပ်စရာမလိုပဲ၊ ရာခိုင်နှုန်းတချို့ဆပ်ရင် ပြေလည် အောင် ဆောင်ရွက်ပေးမယ်ဆိုပြီး ကမ်းလှမ်းရှာပါတယ်။သူ့ဖာသာ ဘယ်ကရတဲ့ငွေဖြစ်ဖြစ်ဗျာ။ကျနော့်စိတ်ထဲရောက်နေ တာက အိမ်ရှင်ဦးရွှေသန်း ကြုံရမဲ့ဒုက္ခပါပဲ။ဒါကြောင့် အာရှဓနဘဏ်ကို တစ်ခွန်းမှ ဈေးမဆစ်ပဲ ဆပ်စရာရှိတဲ့အကြွေး၊ အကုန်ထိုးဆပ်လိုက်ရောဆိုပါတော့။

ကျနော်ဟာ ဘ၀ရပ်တည်ရာ တစ်နေရာရလိုရငြား ထိုင်းတစ်နိုင်ငံလုံးနီးပါး၊စင်္ကာပူမလေးရှားသာမက ဂျပန်အထိပါ ရောက်ခဲ့ပေမဲ့ ခြေတိုပြီးငွေကုန်ရုံဘ၀မှာ တ၀ဲဝဲလည်နေခဲ့တယ်။စင်္ကာပူမှာ ကုမ္ပဏီထောင်တယ်။ထိုင်းမှာ ကုမ္ပဏီဖွင့် တယ်။ဝင်ငွေကတော့ နတ္ထိ။ကျနော်ကျင်လည်ခဲ့တဲ့စရိုက်မျိုးနဲ့ ပြည်ပနိုင်ငံတစ်ခုမှာ ရပ်တည်ဖို့ မဖြစ်နိုင်လောက်ဘူးဆိုတာ ကျနော် တဖြည်းဖြည်းရိပ်စားမိလာတယ်ဗျ။နောက်ဆုံးတော့ ရနောင်ဈေးနားမှာ အိမ်တလုံးငှားပြီး၊ငွေဘယ်လိုရှာရပါ့ မလဲဆိုတာကို မိုးလင်းမိုးချုပ် စဉ်းစားခန်းဖွင့်ရပါတော့တယ်။

ဗမာပြည်မှာ သိန်းပေါင်းများစွာရှာဖွေနိုင်ခဲ့တဲ့ ငါဟာ ထိုင်းဘတ်တစ်ဘတ်ကို ဘယ်လိုရှာရပါ့မလဲလို့ အကြိမ်ပေါင်းများစွာ တွေးမိတဲ့အထိပါပဲ။မဲဆောက်ဘက်မှာ အခြေကျနေတဲ့ မိတ်ဆွေတွေက အတိုက်အခံအဖွဲ့အစည်းတစ်ခုခုမှာ ၀င်လုပ်ဖို့ ကမ်းလှမ်းပေမဲ့ ကျနော့်ဘ၀အခြေအနေနဲ့ မအပ်စပ်ပဲ ယောင်ဝါးဝါးလုပ်ရမဲ့ ကိစ္စမျိုးကို မလုပ်ချင်ပြန်ဘူးဗျ။ရှင်းအောင်ပြော ရရင် ကျနော့်ဘ၀ရပ်တည်ရေးအတွက် နာမည်ခံတော်လှန်ရေးသမား၊အစိုးရဆန့်ကျင်ရေးသမား ကျနော်မဖြစ်ချင်ဘူး။ ဟန်ဆောင်ရတဲ့အလုပ်ကို ကျနော်မုန်းတယ်။

ပြောနေရင်းသတိရပြီဗျ။ကျနော် ထိုင်းဘက်ကိုရောက်ပြီး စီးပွားရေးစလုပ်ဖြစ်ခဲ့တာဟာ မဲဆောက်တံတားကြီးထိပ်မှာ အစ ပြုခဲ့တယ်လို့ဆိုနိုင်တယ်။ဘာရယ်လို့ မယ်မယ်ရရ ရည်ရွယ်ချက်မရှိပဲ မဲဆောက်ကို ကျနော် ရောက်ခဲ့တဲ့ တစ်ခေါက်ပေါ့။

မြ၀တီဘက်က အသိတစ်ယောက်ကို နယ်စပ်တံတားထိပ်မှာချိန်းထားတာကြောင့် တံတားထိပ်မှာ ကျနော်ရပ်စောင့်နေရင်း၊ မလှမ်းမကမ်းက မော်တော်ဆိုင်ကယ်တွေ ရောင်းတဲ့ ဆိုင်ကြီးတစ်ခုဆီကို ကျနော့်မျက်စိရောက်သွားတယ်ဗျ။ဆိုင်ကယ် အသစ်စက်စက်တွေမှာ ရောင်းဈေးကဒ်ပြားတွေကပ်ထားတာကို ကြည့်နေရင်း ရနောင်းဘက်က အသိတစ်ယောက်ပြောဖူး တဲ့ `ဆိုင်ကယ်တွေ ကော့သောင်းဘက်ပို့ရင် ကိုက်တယ်´ဆိုတဲ့ စကားသံကို အမှတ်ရလာတယ်။ဒါနဲ့ ကော့သောင်းက မိတ်ဆွေကို လှမ်းဖုန်းဆက်ပြီး `မော်တော်ဆိုင်ကယ်တစ်စီးကို ဘယ်လောက်အမြတ်ပေးမလဲ´ မေးလိုက်တော့ သူက ဘတ်လေးရာပေးမယ်ဆိုပဲ။တစ်ဘတ်အမြတ်ရရင်တောင် သေပျော်ပါပြီဆိုတဲ့ ခံစားချက်မျိုးဝင်နေတဲ့ ကျနော်ဟာ ရှည်ရှည်ဝေးဝေးမစဉ်းစားတော့ပဲ တံတားထိပ်က အေတီအမ်စက်(ဘဏ်တိုင်)မှာငွေထုတ်ပြီး ဆိုင်ကယ်လေးစီးဝယ်လိုက် ပါလေရော။ ကျနော်ငွေချေပြီးလို့ ဆိုင်ရှင်က `ဆိုင်ကယ်တွေကို ဘယ်ပို့မှာတုန်း´မေးတော့ ကျနော်က ကော့သောင်းကို ပို့မှာလို့လည်း ဖြေလိုက်ရော ဆိုင်ရှင်ဟာ ကျနော့်မျက်နှာကို အံ့သြတကြီး မော့ကြည့်လေရဲ့။ကျနော့်အမှားကို ကျနော် ချက်ချင်းသိလိုက်ပါပြီ။အမှန်တော့ ကော့သောင်းပို့မဲ့ဆိုင်ကယ်ကို ရနောင်းမှာ ၀ယ်ရမဲ့အစား မိုင်ပေါင်းတစ်ထောင် ကျော်ဝေးတဲ့ မဲဆောက်မှာ လာဝယ်တဲ့ ကျနော်လောက်တုံးတဲ့သူ ရှိပါအုံးမလားဗျာ။

ဆိုင်ရှင်ဟာ မအူမလည်ဖြစ်နေတဲ့ ကျနော့်ကို သနားတယ်ထင်ပါရဲ့ ။ ကော့သောင်းရောက်အောင် ရနောင်းက ဆိုင်ခွဲနဲ့ ချိတ်ပေးရှာတယ်။ နောက်ဆုံးတော့ ဆိုင်ကယ်လေးစီးဟာ၊ပါကင်အတိုင်း ကော့သောင်းကိုရောက်သွားရောဆိုပါတော့။ ဘယ်လောက်မြတ်သလဲ ဟုတ်လား။တပြားမှ မမြတ်တဲ့အပြင် ဆိုင်ကယ်လေးစီးဖိုးလုံး ဆုံးသွားသဗျာ။အေးလေ။ ဆိုင်ကယ်လေးစီးကို ဘယ်လိုဘယ်ပုံ ရောင်းပေးပါ့မယ်ဆိုပြီး ရွှန်းရွှန်းဝေအောင် ပြောခဲ့တဲ့ ကော့သောင်းကမ်းနီးငါးဖမ်း ဥက္ကကြီး ကိုမိုးကျော်ဟာ ဆိုင်ကယ်ရောင်းရတဲ့ ငွေတွေကို သူ့အလုပ်မှာငွေလိုလို့ သုံးထားပါရစေဆိုပြီး၊အတိုးလိုလို အမြတ် လိုလို တစ်လလေးငါးထောင် ပေးနေရာက၊ လေးငါးလလည်းကြာရော ကော့သောင်းမှာရှိတဲ့ အိမ်ကိုပါရောင်းပြီး ကိုယ်ယောင်ဖျောက်သွားတော့တာပါပဲ။ဆိုင်ကယ်လေးစီးဖိုးနဲ့တော့ရှောင်တာဘယ်ဟုတ်မလဲဗျ။ရန်ကုန်အိမ်ကနေ ကျနော့် ဆီကို လူကြုံပါးလိုက်တဲ့ငွေတွေပါပေါင်းရင် စုစုပေါင်းဘတ်သုံးသိန်းဝန်းကျင်ရှိမယ်။ တခြားအကြွေးတွေ လည်ပင်း နစ်နေတော့ အိမ်ကို အန်တီအုန်းလက်ထဲ၊ရရာဈေးနဲ့ထိုးအပ်ခဲ့ရတာ။တကယ်တော့ မိုးကျော့်ခြေလှမ်းကို ကျနော်ရိပ်မိလို့ ကျနော်ငွေကို မရ၊ရတဲ့နည်းနဲ့ ပြန်ယူနိုင်အောင် ကျနော်အကွက်ချခဲ့ပါသေးတယ်။ ခင်ဗျားကို ကျနော်ပြောဖူးတာ မှတ်မိမယ်ထင်ပါရဲ့။မိုးကျော်ကို ရနောင်းဘက်ချော့ခေါ်ပြီး ပါးစပ်ထဲက သွေးအတောင့်လိုက်ကျတဲ့အထိ မှတ်လောက် သားလောက်အောင်လုပ်ဖို့ ကြံခဲ့ပေမဲ့ လုပ်သမျှခံရမဲ့ မိုးကျော်ကို တကယ်တမ်းနဖူးတွေ့၊ဒူးတွေ့ကျတော့ ကျနော်မလုပ် ရက်ပြန်ဘူးဗျာ။

အဲဒီအချိန်တုန်းက နောက်ကြောင်းမအေးတဲ့ ကျနော်ဟာ တုံးတိုက်တိုက်၊ကျားကိုက်ကိုက်လုပ်တတ်တဲ့ အကျင့်တွေကို ဆင်ခြင်ဥာဏ်ကြီးကြီးထားပြီး ကိုယ့်ကိုယ်ကို ထိန်းချုပ်နေတာလည်းပါမယ်ဗျ။ကျနော့်မှာ ရွေးစရာလမ်းမရှိပါဘူး။ ယိုးဒယား မြေမှာ ဘယ်လောက်ကြမ်းတဲ့ ခရီးလမ်းပဲဖြစ်ဖြစ် ရှေ့ဆက်ပြီး ခရီးနှင်ဖို့ပဲ ရှိပါတော့တယ်။ ရနောင်းမှာ နှစ်လလောက်ကြာ တော့ ကျနော်စိတ်ကူးတမျိုးဝင်လာပြန်ရောဗျာ။ ကျနော်မနက်တိုင်းရောက်နေကျ ရနောင်းဈေးထဲမှာ ဗမာပြည်ထွက် စားသောက်ကုန်၊ဆေးဝါးအပါအ၀င် ပစ္စည်းအတော်များများ အကြီးအကျယ်အရောင်းအ၀ယ်ဖြစ်နေတာတွေ့မိရာက စတယ် ဆိုပါတော့။လူတကာ မလုပ်နိုင်တဲ့ အလုပ်မျိုးကိုတောင်လုပ်လာခဲ့သေးတာ၊ဒီအရောင်းအ၀ယ်လောက်တော့ လုပ်နိုင်တန် ကောင်းရဲ့ဆိုပြီး ဗမာပစ္စည်းရောင်းဖို့ ကြံပြန်ရောဆိုပါစို့။ တကယ်တော့ ထိုင်းမှာဗမာပစ္စည်းရောင်းတယ်ဆိုတာ မာဖီးယား ဆန်ဆန်အလုပ်တမျိုးပါပဲ။အကောက်ခွန်၊ရဲအပါအ၀င် ထိုင်းအာဏာပိုင်တွေနဲ့ စည်းဝါးရိုက်ထားနိုင်မှ၊ ဇယားနိုင်မှ လုပ်လို့ ရ တဲ့အလုပ်မျိုးဆိုတာ ကျနော်မသိခဲ့ပါဘူး။ထိုင်းနယ်စပ်မှာ လူတလုံးသူတလုံးဖြစ်နေသူမှန်သမျှ ထိုင်းထဲကို ဗမာအလုပ် သမားတွေခိုးသွင်းတာ၊ ငွေလွှဲလုပ်ငန်းနဲ့ ဗမာပစ္စည်းအရောင်းအ၀ယ်လုပ်တဲ့သူလောက်ပဲရှိလေရဲ့ဗျာ။

ဟုတ်ပါတယ်၊ နယ်စပ်တွေမှာ ဒီဇယ်၊ဓာတ်ဆီတွေ၊သစ်မျိုးစုံနဲ့ ငါးဖမ်းလုပ်ငန်းတွေကို ဒေသခံအာဏာပိုင်တွေ၊နယ်စပ်လက် နက်ကိုင်တွေနဲ့ပေါင်းပြီး အကြီးအကျယ် စီးပွားဖြစ်နေကြတာမှန်ပါတယ်။ ခင်ဗျားစဉ်းစားကြည့်လေ။ အဲဒီအ၀န်းအ၀ိုင်းထဲကို ကျနော့်လက်ထဲမှာရှိတဲ့ ငွေလေးနှစ်ပြားတပဲနဲ့၊ထိုင်းစကား တစ်၊နှစ်၊သုံး၊လေးတောင် မရေတတ်ဘဲနဲ့ ဘယ်လိုဝင်တိုး မတုန်း။

ဒါနဲ့ပဲ ကျနော်လည်း ရနောင်းမှာဗမာပစ္စည်းရောင်းမဟဲ့ဆိုပြီး မဒမ်သက်ခိုင်ကို သံကြိုးလှမ်းရိုက်လိုက်တော့၊တသက်လုံး အိမ်ရှင်မဘ၀နဲ့ခေါက်ရိုးကျိုးနေတဲ့ ဒေါ်သက်ဝေတို့ လုပ်ငန်းကျွမ်းကျင်ပုံများ သြချလောက်ပါရဲ့ ။ဦးချိန်တီ၊ လူပျံတော် ပတ္တမြားသွေးဆေးနဲ့ ငန်းနီကျော်တို့လို မြန်မာဆေးပစ္စည်းမျိုးစုံ၊ အထုပ်ကြီးငယ်တွေကို ရန်ကုန်လေဆိပ်ကနေ လေယာဉ် ပျံနဲ့ တင်လွှတ်သဗျာ။ရန်ကုန်ကနေ ကော့သောင်းဘက်ကို ကမ်းရိုးတန်းသင်္ဘောတွေနဲ့ ပစ္စည်းတွေပို့ရတယ်ဆိုတာ ခမျာ မသိရှာဘူး။ တကယ့်အိုးနင်းခွက်နင်းပါပဲဗျာ။

ပစ္စည်းရောက်လာရင် ဈေးကွက်ထဲအရောက်ပို့နိုင်ရမှာမို့ ဈေးကွက်ရှာဖို့ ဟိုမေးဒီမေးနဲ့ ဗမာပစ္စည်းအရောင်းအ၀ယ်ကောင်း လှပါချည်ရဲ့ဆိုတဲ့ ဖူးခက်မြို့ကို ယောင်လည်လည်ရောက်ခဲ့ရောဆိုပါတော့။ ဖူးခက်မှာကျနော်နဖူးတွေ့၊ဒူးတွေ့ကြုံရတာက တော့ ဗမာပစ္စည်းဝယ်မဲ့ဖောက်သည်တွေ မဟုတ်ပါဘူး။လူဦးရေသောင်းချီပြီး အသေအပျောက်ရှိတဲ့ ထိုင်းနိုင်ငံဆူနာမီ ရေဘေးဟာ ကျနော်ကို အသင့်စောင့်ကြိုနေလေရဲ့ဗျာ။ကျနော်အမှတ်မမှားဘူးဆိုရင် ထိုင်း၊အင်ဒိုနီးရှား၊အိန္ဒိယ၊သီရိလင်္ကာ အပါအ၀င် အာရှနိုင်ငံအတော်များများကို ပျက်စီးခြင်း ငါးပါးဆိုက်အောင်ဂြိုဟ်ဝင်မွှေခဲ့တဲ့ စူနာမီရေလှိုင်းကြီးဟာ (၂၀၀၄) ခုနှစ်၊ဒီဇင်ဘာ (၂၆)ရက်နေ့မှာ ရိုက်ခတ်ခဲ့ပါတယ်။ကိုယ်တွေ့စူနာမီဆိုပါတော့။

မဟာပထ၀ီမြေကြီးသည် သက်သေအရာ၌တည်စေသတည်း။

(မင်းဒင်)

(၁)

၁၄၊၁၁၊၂၀၁၃ ရက်နေ့တွင် ဖူးခက်မြို့ အန်မခန်အရပ်မှ ကျနော့်နေအိမ်သို့ မေတ္တာရှင်ရွှေပြည်သာ ဆရာတော် အရှင် ဇ၀န ကြွရောက်လာခဲ့ပါသည်။လွန်ခဲ့သောရက်သတ္တနှစ်ပတ်ခန့်က နာမည်ကျော်ဓမ္မကထိက မေတ္တာရှင်ရွှေပြည်သာ ဆရာတော် ထိုင်းနိုင်ငံဓမ္မခရီးစဉ်ရှိနေကြောင်း အွန်လိုင်းမိတ်ဆွေဖြစ်နေသော ကိုကြီးအမည်ရှိညီငယ်မှတဆင့် သိခဲ့ရသည်။ ထို့ကြောင့် ဖူးမျှော်ဆုံတွေ့ခွင့် ရလိုရငြားဆက်သွယ်ခဲ့ရာ ဆရာတော်ကိုယ်တိုင်မှာလည်း ကျနော်နှင့် ဆုံတွေ့လိုကြောင်း မိန့်သည်ဆို၍ ရေကန်အသင့် ကြာအသင့်ဟုဆိုနိုင်သည်။ ကျနော်အနေဖြင့် ဆရာတော်ကို ကြည်ညိုလေးစားမိသည်မှာ ဗုဒ္ဓ၏ အဆုံးအမများကို စာပေဖြင့်ထိရောက်စွာ ဖြန့်ဖြူးနိုင်ခြင်း၊ သက်ကြီးရွယ်အိုများ၏ ဘ၀ကို ကယ်တင်စောင့်ရှောက် နေခြင်းတို့ကြောင့်ဖြစ်၏။ ဆရာတော်သည်လည်း ကျနော်သည်စာရေးသူဖြစ်၍၊ ရေးသောစာများကိုစိတ်ဝင်စားမိသော ကြောင့် တွေ့လိုသည်ဟု မိန့်သည်။အဆင်သင့်လေစွ။သို့သော် ကျနော်စိတ်မှာလေးနေသည်။ရိုးသားစွာဝန်ခံရလျှင် ထိုနေ့ က ကျနော်စိတ်မကြည်လင်လှ။အကြောင်းမှာ ဤသို့ဖြစ်၏။

(၂)

ကျနော့်ဘ၀ကံကြောင့်ပင်ဖြစ်ပေမည်။မြန်မာဦးရေးသိန်းဂဏန်းနီးပါးရှိသည့် ဖူးခက်မှာ ကျနော့်ကို စာရေးသူတစ်ယောက် အဖြစ် သိသူ ဆယ်ဦး မပြည့်သည့်နည်းတူ ကျနော့်အယူအဆအတွေးအမြင်ကို နားလည်လက်ခံသူ ရှားပါးလှသည်။

ဖူးခက်နေ ရွေ့ပြောင်းလုပ်သားတို့ကား နာမည်ကျော်ဆရာတော်၏ တရားဟောရာစင်မြင့်နှင့်နီးလေ နိဗ္ဗာန်နှင့်နီးလေဟု မှတ်ထင်ကြရှာကြသည်။အိတ်ကပ်ထဲမှ ရှိစုမဲ့ ထိုင်းဘတ်တို့ကိုလည်း ရက်ရောသောသဒ္ဓါစိတ်ဖြင့် လှူကြပါ၏။ သို့သော် လှူဒါန်းမှုအစုစုတွင် ဥာဏ်ဦးစီးသည်ကိုလည်းကောင်း၊ဆရာတော်များ ဟောကြားဆုံးမအပ်သည့် အကျင့်နည်းလမ်း ကောင်းတို့ကို၊ နာယူမှတ်သားကျင့်ကြံအပ်သည်ကိုလည်းကောင်း သိနားလည်သူကား ရှားလှချေ၏။ထို့ပြင် နာမည် ကျော်ဆရာတော်များ၏ အနီးဆုံးတွင်၊အရိယာတို့၏ဟန်ဖြင့် စံနစ်တကျစီမံနေရာယူတတ်ကြသော ဖူးခက်နေမြန်မာ ဥပဿကာအချို့၏ တရားပွဲနောက်ကွယ်မှ အလှူခံခွက်ရှင်းတမ်းပြဿနာမျိုးစုံကိုလည်း မြင်ရကြားရဖန်များသဖြင့် မမြင်လို မတွေ့လိုတော့။မကြာသေးမီက ဖူးခက်တွင်ကျင်းပခဲ့သည့် ဒယ်အိုးဆရာတော်၏ တရားပွဲတွင်လည်း အလားတူ ဖြစ်ရပ်၊ပေါ်ပေါက်ခဲ့သေးသည်။ဆရာတော်ကိုယ်တိုင်ကား သိသွားရှာဟန်မတူချေ ။ထို့ကြောင့် သာရေးနာရေးအစ တရားပွဲ အဆုံး ခပ်ဝေးဝေးမှ ကျနော်ရှောင်ခဲ့သည်။

စင်စစ်သာမှုနာမှုရပ်ရေးရွာရေးကိစ္စများသည် ကျနော်နှင့်ကင်းကွာလှသည်ဟုမဆိုနိုင်ချေ။ဇာတိနိုင်ငံမှာနေစဉ်က ရပ်ရေး ရွာမှုတို့အတွက် ဒိုးပတ်ဝိုင်းတ၀ိုင်းဖြင့် တနေကုန် ခြေတိုအောင် လမ်းတကာလှည့်အလှူခံသောအလုပ်မှသည်၊ ဖူးခက်မြို့ရှိ မြန်မာ အလုပ်သမားတို့၏ သာမှုနာမှုအတွက် ၀ါချီလပ်အမည်ရှိဆေးရုံကြီးသို့၊တနှစ်နီးပါး ချောင်းပေါင်းမတတ်ခြေကြောင်း ကျခဲ့ သည်လည်းရှိပါ၏။အခြေခံပညာနည်းပါးမှုနှင့် မပြည့်မစုံသောဗဟုသုတတို့သည်လူအဖွဲ့အစည်းတရပ် စည်ပင်ဖွံ့ဖြိုး ရေးအတွက် များစွာအဟန့်အတားဖြစ်စေလျက်ရှိသည်။စုပေါင်းလုပ်ဆောင်ခြင်းအလေ့ကို အများစုက စိတ်ဝင်စားမှု မရှိ။ စိတ်ဝင်စားသူအနည်းစုမှာလည်း ကိုယ်ကျိုးရှာမှုနှင့် နာမည်ကျော်ကြားလိုမှုဖက်သို့သာ ဦးတည်နေကြပြန်သည်။

ငွေနှင့်ကြေးနှင့်သက်ဆိုင်သည့်ကိစ္စရပ်များတွင် စည်းစံနစ်ကျစေ လိုသော၊ လုပ်ငန်းဆောင် တာမှန်သမျှ ဥာဏ်ရှေ့သွား စေလိုသော ကျနော့်ဆန္ဒသည် ထင်တိုင်းမပေါက်ခဲ့လေရာ နောက်ဆုံးတွင် ပြဿနာနှင့် ကျနော်သာ နပန်းလုံးကျန်ရစ်သည် ချည်းဖြစ်၍ `ငါသည်ပါရမီနည်းသူပေတကား ´ဟုသာ နှလုံးပိုက်ရတော့သည်။ နောင်သော် ကျနော်သည် သည်းခံခွင့် လွှတ်တတ်သော ၊အကောင်းဘက်မှတွေးသောစိတ်ကိုသာ တွင်တွင်ကြီးနှလုံးသွင်း နိုင်သောအကျင့် တစတစရ လာခဲ့သည်။

(၃)

လွယ်လွယ်နှင့်လက်မလျော့တတ်သူ ကျနော်သည် ပရဟိတလုပ်ငန်းတစ်ခုကို တကိုယ်တော်ဆောင်ရွက်နိုင်ရန် တစုံတခု သော အကြံကို တိတ်တဆိတ်ကြံစည်ခဲ့မိပြန်လေသည်။

အဆိုပါအကြံကား မိမိ၏ဇာတိ၊နတ်မောက်မြို့နယ်၊မှိုက်ပင်ကျေးရွာတွင် ခေတ်မီမူလတန်းကျောင်းသစ် တကျောင်းကို ချွေးနည်းစာဖြင့် ဆောက်လုပ်လှူဒါန်းရန်ဖြစ်လေ၏။ရွှေပင်ရွာဟူ၍ ကျနော်ဇွတ်အမွှန်းတင်လေ့ရှိသော မှိုက်ပင်ရွာမူလတန်း ကျောင်း၏ လက်ရှိအနေအထားမှာ `အင်ဖက်ကိုမိုး၊ကျူရိုးတိုင်ထူ´ ဟူသောစကားကိုသာ အမှတ်ရ စရာကောင်းလှ၏။ လွန်ခဲ့သော ခြောက်လခန့်က ရိုက်ကူးခဲ့သည့်ဓာတ်ပုံကိုရှုပါလော့။အဆိုပါမူလတန်းကျောင်း၏ ဓာတ်ပုံကို စတင်မြင်ရစဉ်က ငါကား လူချင်းတူသူချင်းမျှစွာနေရသော်ငြား ငါ့ဇာတိငါ့ရပ်ရွာကား လွန်ခဲ့သောအနှစ်ကာလကကဲ့သို့ပင် နုံချာမြဲပါတကား ဟု စိတ်ဆင်းရဲခြင်းကြီးစွာဖြစ်ရသည်။

ကျနော်သည်ဘ၀မျိုးစုံကို ကျင်လည်ခဲ့သူဖြစ်သည့်အားလျော်စွာ အဆိုပါမူလတန်းကျောင်းဖြစ်မြောက်ရေးအတွက် နည်း လမ်းမျိုးစုံဖြင့် ငွေရှာနိုင်သူဖြစ်သော်ငြား လက်ရှိဘ၀စိတ်ဓာတ်အနေအားဖြင့် မိမိချွေးနည်းစာသန့်ရှင်းသော ငွေကြေးဖြင့် သာ အကောင်အထည်ဖော်လိုခဲ့သည်။ထို့ကြောင့် ကျနော်ရေးသော စာအုပ်များမှ ၀င်ငွေအချို့ကို စုဆောင်းခဲ့ရာ သိန်းငါး ဆယ်ခန့်စုမိလာသည်။ဖြစ်ချင်ဇောကပ်နေသော စိတ်ကြောင့် ကျနော်၏နောက်ဆုံးထုတ်ဘူးသီးစာအုပ်မှာ ဈေးကြီးသည့် အခြေ အနေရောက်ရသည်။သို့သော်ငြားမူလတန်းကျောင်းအတွက် ကုန်ကျမည့်ငွေကြေးပမာဏမှာ ကျပ်သိန်းနှစ်ရာမှ သုံးရာအထိ ကုန်ကျမည် ဟုခန့်မှန်းမိသည်တွင် ရွှေပြည်တော်မျှော်တိုင်းဝေး လေတော့သည်။ ရင်းနှီးသော သူဌေး သူကြွယ်တို့ထံ အလှူခံလျှင်ပြေလည်နိုင်သော်ငြား ထိုလမ်းကို ကျနော်မရွေးဖြစ်ခဲ့ချေ။အဆိုပါအခြေအနေတွင် ဆရာတော် နှင့်ကျနော် ဆုံတွေ့ခဲ့ကြခြင်းဖြစ်ပါသည်။

(၄)

ကျနော်ထင်မှတ်ထားသည့်အတိုင်းပင် ဆရာတော်နှင့်ကျနော်ဆုံတွေ့မည့်ရည်ရွယ်ချက်ကို မသိရှာကြသော တရားပွဲစီစဉ် သူအချို့မှာ ငါတို့ပင့်ထားတဲ့ဆရာတော့်တရားပွဲကြီး၊မင်းဒင်လက်ပါသွားရချည့်ရဲ့ဟု ပူပင်ကြဟန်ရှိလေသည်။ အတန်တန် ပြေလည်အောင် အလျော့ပေးညှိနှိုင်းပါလျက်နှင့် ဆရာတော်နှင့်တွေ့ဆုံရန်ကိစ္စသည် ရုတ်ခြည်းအဆင်မပြေခဲ့။ ဖူးခက် နေ ဟိုတယ် မန်ဂျာကိုကျော်ကျော်ခိုင်၏ အကူအညီဖြင့် စီစဉ်ထားခဲ့သော နေ့ဆွမ်းသည်လည်း အချည်းအနှီးဖြစ်ရ သည့်နည်း တူ ဟိုတယ်ပိုင်ရှင်ထိုင်းသူဌေ၏ သဒ္ဓါစိတ်ဖြင့်လှူဒါန်းလေသော ပင်လယ်ပြင်ဆီသို့ မျက်နှာမူနေသည့် ယာယီစံကျောင်း သည်လည်း ထင်သလောက်အသုံးမတည့်ခဲ့ပြန်ချေ။ကျနော်ကား မည်သည့်အခြေအနေတွင်မဆို သင့်တင့် သောနှလုံးသွင်း ရန်စိတ်ပိုင်းဖြတ်ထားပြီးဖြစ်လေရာ ထိုစိတ်ဖြင့်ပင် အခက်အခဲအားလုံးကို သည်းခံကျော်လွှားပြီးချိန်တွင် ကျနော်နေအိမ်သို့ ဆရာတော်ကြွရောက်လာပြီး ဖူးမျှော်တွေ့ဆုံဖြစ်ခဲ့သည်။

ဆရာတော်ကား စာအကြောင်းပေအကြောင်းကိုသာ စကားအမျှင်မပြတ်မိန့်သည်။ထိုင်းနိုင်ငံတနံတလျားရှိ မြန်မာရွေ့ ပြောင်းအလုပ်သမားတို့၏ ဆင်းရဲဒုက္ခကို ထင်ရှား မြင်သာသည့် စာတအုပ်ထပ်မံရေးသားရန် တိုက်တွန်းတော်မူ သည်။ ဖူးခက်တွင် တရားပွဲစီစဉ်သည့်အခါ မြန်မာအလုပ်သမားအများအပြား နာယူနိုင်ရန် ပရိသတ်စုစည်းပေးရန် ကျနော့်ကို တာဝန်ပေးသည်။ `အလှူငွေက အရေးမကြီးဘူး၊သူတို့အသိဥာဏ်ဝင်စေချင်တာ၊အလှူငွေ မရချင်နေ´ ဟုတိုတိုပြတ် မိန့်သည်။ထို့နောက် `ဒကာကြီးကော အများအကျိုးပြုလုပ်ငန်းမလုပ်ဘူးလား´မေးမြန်းသဖြင့် ဇာတိရွာမူလတန်းကျောင်း ဆောက်လုပ်မည့် ရည်ရွယ်ချက်နှင့်အခြေအနေကို လျှောက်ထားမိသည်။

အံ့သြဖွယ်ကောင်းလေစွ။ ဆရာတော်သည်`ဒါဆို ဒကာကြီး မ တည်မဲ့သိန်းငါးဆယ်သာစိုက်။ ကျန်တာ ဘုန်းကြီး အကုန်တာဝန်ယူတယ်။ ရွာမှာကျောင်းနဲ့တွဲရက် စာကြည့်တိုက်ပါဆောက်ပေးမယ်´ရုတ်ခြည်းမိန့်လေရာ ကျနော့်မှာ အံ့သြ ခြင်းကြီးစွာဖြင့် ၀မ်းသာလုံးဆို့ရသည်။အိမ်မှ ဆရာတော်ပြန်ကြွချိန်တွင်ကား အစောပိုင်းက အမြင်မရှင်း၊သဘောထားခြင်း မတိုက်ဆိုင်ကြသူများနှင့်ပါ မယုံကြည်နိုင်လောက်အောင် ပြေလည်မှုရခဲ့ကြသည်။

(၅)

ကျနော်၏ အသင့်အတင့်နှလုံးသွင်းတတ်သောအလေ့အကျင့်ပျိုးပင်ကား မေတ္တာရှင်၏မြေတွင် အပင်ပေါက်ခဲ့ချေပြီတကား။ ပြင်းထန်သောယုံကြည်မျှော်လင့်ချက်ကြောင့် စေတနာမှန်သောကံတရားသည် မျှော်လင့်မထားသော အချိန်တွင်အရာ ထင်ခဲ့ချေပြီ။မှိုက်ပင်ရွာတွင် စာကြည့်တိုက်ပူးတွဲပါဝင်သည့် ခေတ်မီမူလတန်းကျောင်း တစ်ကျောင်း မကြာမီပေါ်ပေါက် လာပေတော့မည်။အဆိုပါသတင်းကို ယခုအချိန်အထိ မှိုက်ပင်ရွာသူရွာသားတို့ မသိကြသေး။ သူတို့ပျော်ရွှင်ဝမ်းမြောက် ကြပေလိမ့်မည်။

အဆိုပါ ကောင်းမှုအတွက် မတည်ငွေမှာ စာပေရေးသားခြင်းမှ ရရှိသောဝင်ငွေဖြစ်လေရာ အဆိုပါအလှူသည် ကျနော့်၏ စာဖတ်ပရိသတ်များ အားလုံး၊ဆဲဗင်းဒေး ဂျာနယ်၊စောင့်ကြည့်ဂျာနယ်အပါအ၀င်ပြည်တွင်းရှိဂျာနယ်မဂ္ဂဇင်းတို့နှင့်ပါ သက် ဆိုင်သည်ဟု ဆိုနိုင်ပါသည်။အဆိုပါ ဒါန၏ အကျိုးဆက်သည် ဧကန်ရှိသည်ဆိုငြားအံ့။ အောက်ပါအတိုင်း ကျနော်ရည်သန် ဦးတည် စိတ်ညွတ်လိုပါသည်။

- အခက်အခဲတစုံတရာကြုံတွေ့ကာမျှနှင့် ပရဟိတလုပ်ငန်းကို ပစ်ပယ်မေ့လျော့နေသူတို့ သံဝေဂရ၊နိုးထကြပါစေ ကုန်သတည်း။

-ထားစရာမရှိသူတို့ ထင်ရာစိုင်းချယ်လှယ်သမျှ ခါးစည်းခံကြရသော စားစရာမရှိသည့် နိုင်ငံသားတို့၏ အဖြစ်မှလွတ်မြောက် ကြပါစေကုန်သတည်း။

- နေ့စာညစာတ၀မ်းတခါးအတွက် ကြက်ယက်သလိုရှာဖွေပါလျက် ဇာတိမြေတွင် မ၀ရေစာဖြစ်နေကြရသော၊ ရန်သူ့နိုင်ငံ၊တိုင်းတပါးတွင် ခေတ်သစ်ကျွန်စာရင်းဝင်နေကြရသောဘ၀များမှ လွတ်မြောက်ပါစေကုန်သတည်း။

- နိုင်ငံကူးလက်မှတ်အနီရောင်ကိုင်ဆောင်လျက်လူချင်းတူပါလျက်လူစာရင်းမှ အဖျက်ခံရသော နိုင်ငံသူနိုင်ငံသားများ ဘ၀မှလွတ်မြောက်ကြပါစေကုန်သတည်း။

- ဇာတိမြေအမိမြန်မာနိုင်ငံတွင် လောကပါလတရားထွန်းကားပါစေသတည်း။

နှစ်သိန်းလေးသောင်းအထု ရှိသော ဤမဟာပထ၀ီမြေကြီးသည် သက်သေအရာ၌တည်စေသတည်း ။။

ပြေလည်နားလည်မှုရကြတယ်ဆိုတာ မင်္ဂလာတပါးလို့ ကျနော်မှတ်ယူပါတယ် ။

အပေါ်ပိုင်းမှာ ပြတ်နေတဲ့ စာတိုလေးက ....

ဆရာမင်းဒင်သို့ အိတ်ဖွင့်ပေးစာနှင့်ပတ်သက်၍ ပတ်သက်၍ နားလည်မှုလွဲကြောင်း ဆရာမင်းဒင်မှ တုန့်ပြန်ပြောကြား။ ... လို့ရေထားတာပါ ။

(ကျေးဇူးပြုပြီး ဆရာ ဆိုတဲ့ စကားလုံးကို ဖြုတ်ပြီးဖတ်ကြစေလိုပါတယ်။ဆရာစာရင်းဝင်နိုင်အောင် ကျနော်အများကြီးကျိုးစားရပါအုံးမယ်။)

၂၀၁၃ ခုနှစ် နိုဝင်ဘာ(၁၉)နေ့ထုတ် ဆဲဗင်းဒေး ဂျာနယ်။

အခန်း(၉)

ကိုယ်တွေ့စူနာမီ

ကျနော်ဆိုတဲ့ကောင်ကလည်း ကြုံလိုက်ရင် မထိတ်သာမလန့်သာဆိုတာ တွေချည်းပဲဗျ။ ကျနော့်မိတ်ဆွေတစ်ယောက် ပြောဖူးသလို ကျနော်ဟာ သည်းထိတ်ရင်ဖိုကိစ္စတွေကို မသိစိတ်မှာ စွဲလန်းနေတယ်ဆိုတာဖြစ်နိုင်တယ်ဗျ။ ကြည့်လေ။ ရနောင်းကို ကျနော်ရောက်ပြီးမကြာခင် ကျနော့်ဇနီးနဲ့သမီးရောက်လာကြတော့ မြဘုရားဖူးဖို့ဆိုပြီး တမိသားစုလုံးဘန်ကောက်ကို သွားကြတုန်းက ကျနော့်ပတ်စပို့က တရားမဝင်သလို ဇနီးနဲ့သမီးကလည်းကော့သောင်းဖက် နယ်စပ်ကနေဝင်လာကြတာမို့ သူတို့လည်းထို့နည်းလည်းကောင်းဆိုပါတော့။အမှန်တော့ ကျနော်ဘန်ကောက်ကို သွားပုံသွားနည်းဟာ ထိုင်းနိုင်ငံထဲကို တရားမဝင်ရောက်လာတဲ့ မြန်မာ အလုပ်သမားအများစုသုံးနေကျနည်းလမ်းမို့ ဆန်းတယ်လို့ မဆိုသာပေမဲ့ အန္တရာယ်များတာတော့အမှန်ပဲဗျ။

ကျနော်ကတော့ဗမာစကားမတောက်တခေါက်တတ်တဲ့ (မောင်အက်)ဆိုတဲ့ ထိုင်းလူပွဲစားတယောက်နဲ့ချိတ်လိုက်တာ တယောက်ဘတ် (၃၅၀၀)နဲ့ဈေးတည့်သဗျာ။ဟွန်ဒါစီဗစ်ဆလွန်းကားလေးနဲ့ အမြိန့်သားထွက်လာလိုက်ကြတာ တလမ်းလုံးလိုလို ဘာမှ မထူးခြားပေမဲ့ ဘန်ကောက်ရောက်ခါနီး ကီလိုမီတာ ၂၀၀လောက်အလိုမှာ တော့၊ဓာတ်ဆီဆိုင်နဲ့တွဲဖွင့်ထားတဲ့ ကော်ဖီဆိုင်တစ်ခုမှာ ဗိုက်ဝင်ဖြည့်နေကြတုန်း ဗြုန်းဆို ထိုင်းရဲကားတစီးလည်းဆိုက်လာရော (မောင်အက်)ဟာ ရုတ်ကနဲ ထိုင်ရာကနေ သူ့ကားဆီ ထသွားပြီး မောင်းထွက်သွားပါလေရောဗျာ။ရုတ်တရက်မို့ ကျနော်ဟာ ရင်ထဲမှာထိတ်ကနဲဖြစ်သွားပေမဲ့ ဣနြေ္ဒမပျက်ထိုင် နေလိုက်တော့ သူတို့၊ ကျနော်တို့မိသားစုကိုလှမ်းပြီးအကဲခတ်နေတာ ကျနော်က ခိုးကြည့်နေရင်း သိလိုက်တယ်။ကျနော်လည်း ဘာမှ ရိပ်စားမိဟန်မတူတဲ့ ဇနီးနဲ့သမီးကို စကားမရှိစကားရှာတောင်ပြောမြောက်ပြောလုပ်၊ ထိုင်းရဲတွေနဲ့ အနီးဆုံးဆီကို ဖြတ်လျှောက်ရင်း ကောင်တာမှာ ထပ်မှာစရာရှိတာကို ဘိုလိုအသံကျယ်ကျယ်နဲ့ မှာလိုက်ရောပေါ့ဗျာ။ကံကောင်းတယ်ဆိုရ မယ်ထင်ပါရဲ့။ ထိုင်းရဲသုံးယောက်ဟာ ကျနော့်တို့ထိုင်နေတဲ့ကော်ဖီဆိုင်ထဲမှာ ဆယ့်ငါးမိနစ်လောက်လည်းထိုင်ပြီးရော သူတို့ရဲကားကို ဝီးအော်ဝီးအော်ဆိုတဲ့ ဝါယာလက်ဥသြသံဖွင့်ပြီးပြန် မောင်းထွက်သွားလေရဲ့ဗျာ။နာရီဝက်လောက်အကြာ ကျနော်ဖုန်းဆက်လိုက်မှ မောင်အက်ဆိုတဲ့ ရွှေကိုယ်တော်ပြန်ကြွ လာသဗျ။

အမှန်တော့ သူလိုငါလို သာမန်လူပွဲစားကယ်ရီလို့ကျနော်ထင်ခဲ့တဲ့ မောင်အက်ဟာ နာမည်ကြီးလူကုန်ကူးသူဆိုတာ နောက်တနှစ်ကျော်အကြာမှာ ကျနော်သိခဲ့ရပါတယ်။ ထိုင်းသတင်းစာအစောင်စောင်မှာ လူကုန်ကူးမှုနဲ့ အဖမ်းခံရတဲ့ သူ့ဓာတ်ပုံနဲ့ သူ့နာမည်ကို စာလုံးမဲကြီးတွေနဲ့တွေ့လိုက်ရတာကိုး။

ကျနော်ဆိုတဲ့ကောင်ကလည်း နှစ်ထပ်ရှိမှ မှတ်မိမဲ့ကောင်ထင်ပါရဲ့။ဖူးခက်ကိုဈေးကွက်စနည်းနာဖို့ ထွက်လာတော့လည်း ဇနီးနဲ့သမီးပါလာပြန်တာပါပဲ။မှတ်မှတ်ရရပြောရရင် အဲဒီနေ့ဟာ ဖူးခက်ကို စူနာမီဝင်မွှေဖို့ တပတ်အလို၂၀၀၄ခုနှစ် ဒီဇင်ဘာလ(၁၉)ရက်နေ့ပေါ့။ကျနော်ဟာ အလန်ကွာတာမိန်း၊မာကိုပိုလို၊ဗတ်စကိုဒဂါးမား၊ကိုလံဘတ်၊မြိုင်ရာဇာတွတ်ပီနဲ့ ထက်ထက်မိုးဦးတို့ကို အားကျပြီး ဖူးခက်မြို့ဆီ၊ရင်ကော့ပြီးချီတက်ခဲ့ရောဆိုပါတော့။ဖူးခက်နဲ့ရနောင်းဟာ ကီလိုမီတာ သုံးရာကျော် ဝေးပါတယ်။လမ်းတလျှောက်ရဲ့မြင်ကွင်းတွေဟာ မော်လမြိုင်၊ဘိတ်၊ထားဝယ်ကားလမ်းက မြင်ကွင်းတွေနဲ့ ဆင်တယ်ဗျ။ ရာသီဥတုလည်း သိပ်ကွာခြားပုံမရဘူး။ကွမ်းသီးပင်၊အုန်းပင်နဲ့ ရာဘာခြံတွေကို ကွက်ကြား ကွက်ကြား တွေ့နေရတယ်။ ဒီတောဒီတောင်ဒီရေမြေဟာ ဗမာပြည်နဲ့ တယ်ပြီးအလှမ်းဝေးလှတယ်မဟုတ်ပေမဲ့ တစ်စုံတစ်ခုသော အတိုင်းအတာ ကွာခြားနေတာတော့ အမှန်ပါပဲ။ဆိုလိုချင်တာက ပတ်ဝန်းကျင်ရှုခင်းတွေဟာ အလေ့ကျဖြစ်ကတတ်ဆန်း ပစ်ထားတာနဲ့ စံနစ်တကျပြုစုပျိုးထောင်ထားတဲ့အရာ ကွာခြားသလိုဖြစ်နေတာပါပဲ ။

နန်းယွန်း၊သကွယ်ပါမြို့တွေကိုကျော်ပြီးတော့ ခေါင်လတ်၊ဖန်ငမြို့တွေကိုရောက်တယ်။ အဲဒီမြို့တွေဟာ ပင်လယ်နဲ့နီးတယ်။ ပင်လယ်နဲ့ထိစပ်နေတဲ့မြင်ကွင်းတွေကိုမြင်နေရတယ်။ကားလမ်းဘေးအဆောက်အဦးတွေမှာ ချိတ်ဆွဲထားတဲ့ ငှားရန်ရှိ သည်ဆိုတဲ့ အဆောက်အဦးဆိုင်းဘုတ်တွေကြောင့် ဒီဒေသဒီအရပ်ရဲ့ အဓိက လုပ်ငန်းကတော့ ကမ္ဘာလှည့်ခရီးသွား လုပ်ငန်းလို့ခန့်မှန်းနိုင်ပါတယ်။ခေါင်လတ်မှာဆိုရင် အဆောက်အဦးအသစ်တွေ အရှိန်အဟုန်နဲ့တိုးချဲ့ဆောက်နေတာ ကျနော်သတိပြုမိတယ်။ဒီနေရာတွေမှာ လာပြီးရင်းနှီးမြှုပ်နှံတဲ့ အလုပ်ရှင်အများစုကတော့ အမေရိက၊ဥရောပနဲ့ ထိုင်းတွေပါပဲ။ ထုံးစံအတိုင်း အလုပ်သမားအများစုကတော့ ကျနော်တို့ မဟာမြန်မာတွေပေါ့။ ခေတ်မီငါးဖမ်း စက်လှေတွေကိုလည်း တွေ့ရတာကြောင့် ရေလုပ်ငန်းအကြီးအကျယ်လုပ်နေကြတာကိုလည်း ကျနော်သတိပြုမိတယ်။

မြို့နာမည်တွေကိုပြောနိုင်တာက စံနစ်တကျရေးထားတဲ့ လမ်းညွန်ဆိုင်းဘုတ်တွေကြောင့်ဗျ။ ကျနော်က အင်ဂျင်နီယာ ပေါက်စလုပ်ခဲ့ဖူးလေတော့ အဝေးပြေးလမ်းမကြီးတလျှောက် ဆိုင်းဘုတ်တွေကို ကြည့်ရင်း ကိုယ့်နိုင်ငံနဲ့ ဘာများကွာခြား ပါလိမ့်ဆိုပြီး စပ်စုနေတာ။လမ်းတွေကတော့ ကျနော်တို့ဇာတိမြေက လမ်းတွေနဲ့ ကိုးဆယ်ဆကွာပါသကော။ရနောင်းဖူးခက် အဝေးပြေးလမ်းမကြီးတလျှောက် ကတ္တရာလမ်းပေါ်က အနီအဝါအဖြူမျဉ်းကြောင်းတွေ၊ယာဉ်အန္တရာယ် သတိပေးဆိုင်း ဘုတ်တွေ၊လမ်းညွှန်ဆိုင်းဘုတ်တွေကို ကြည့်ရင်း ငါတို့နိုင်ငံမှာ ဒီလိုမျဉ်းကြောင်းဆွဲဖို့နဲ့ လမ်းညွှန်းဆိုင်းဘုတ်ရေးဖို့တောင် အနှစ်နှစ်ဆယ်နဲ့ပြီးပါ့မလားလို့တွေးမိတဲ့အထိပါပဲ။ ဒီလိုလမ်းမကြီးတွေမျိုးဖြစ်လာဘို့ဆို တာဝေလာဝေးပေါ့။ဒီကြားထဲ မောင်အက်ဆိုတဲ့မောင်ကလည်း ကျနော့်ကို တောသားများထင်ရော့သလားမသိပါဘူးဗျာ။ ကျောင်းရှိသည်။ ဖြေးဖြေးမောင်း၊လမ်းချော်တတ်သည်၊မိုင်၆၀ထက်မပိုရ၊ရှေ့ကားကို မကျော်ပါနှင့် ဆိုတဲ့ လမ်းညွှန်ဆိုင်းဘုတ်တွေရဲ့ အဓိပ္ပါယ်ကို ရှင်းပြနေသေးဗျာ။အမယ်၊သူက လုပ်သေးဗျာ။ ခင်ဗျားတို့နိုင်ငံမှာ မီးမလာဘူးဆို တဲ့ ။ မီးမလာရင် ဓာတ်မီးတိုင်လဲလိုက်ရင်ပြီးတာပဲမဟုတ်လားတဲ့။ သူနားမလည်လို့ပြောနေပေမဲ့ ကျနော့်စိတ်ထဲတော့ အတော်ခံပြင်း မိတယ်ဗျ။ ဘယ်နှယ့်ထိုင်းလို ကျနော်တို့ဘိုးဘွားတွေရဲ့သစ္စာတော်ခံဘဝနဲ့နေလာခဲ့တဲ့မောင်တွေက မီးပျက်တာကို နားမလည်တဲ့အချိုးလာချိုးနေတယ်လို့ထင်မိတာကိုး။နောက်ပိုင်းမှာ ကျနော်သိရတာက ထိုင်းနိုင်ငံမှာသုံးစွဲနေတဲ့ လျှပ်စစ်မီး ၇၀%ရာခိုင်နှုံးဟာ ဗမာပြည်က ဝယ်ထားတာတဲ့ဗျာ။

ဒီတခေါက်မှာတော့ ဖူးခက်ရောက်တဲ့အထိ ဘာအခက်အခဲမှမရှိဘူးလို့ဆိုရမယ်ဗျ။ တိုက်တိုက်ဆိုင်ဆိုင် ကိုဇော်ဝင်းဦး တို့လင်မယားလည်း စင်္ကာပူကနေ ဖူးခက်ကိုရောက်နေသဗျာ။ကျနော်တို့မိသားစုလည်း သူတို့တည်းတဲ့ ပါတောင် ကမ်းခြေနဲ့ကပ်နေတဲ့ ဒန်းဂျစ်ဆိုတဲ့ ဧရာမဟိုတယ်ကြီးမှာတည်းတယ်။ဒန်းဂျစ်ဟိုတယ်ဟာ မြေနေရာအကျယ်ကြီးထဲမှာ ရေကူးကန်တွေ၊ လေးထပ်အဆောက်အဦးတွေနဲ့ပြည့်နေတဲ့ ကြယ်ငါးပွင့်အဆင့်ဟိုတယ်ကြီးပါပဲ။

ကျနော်ဟာ ဖူးခက်မှာ နေရာအနှံ့ကို ခြေဆန့်ခဲ့တယ်။ နာမည်ကျော်ဖီဖီကျွန်းကိုလည်းရောက်၊ဖန်တက်စီရှိုးကိုလည်း မလွတ်၊နာမည်ကျော်ဆွိုင်ဘန်ဂလာလမ်းကြားကိုပါ မကျန်ဆိုပါတော့။ကျနော်ဟာ ဖူးခက်မှာ ငါးရက်နေပြီး ရနောင်းကို ပြန်လာသဗျ။ကိုဇော်ဝင်းဦးတို့လင်မယားကတော့ ဖူးခက်မှာတညအိပ်ပြီး ပြန်သွားကြလေရဲ့။အမှန်တော့ ဖူးခက်ကို စူနာမီဝင်ဖို့ ၄၈နာရီသာလိုပါတော့တယ်။နေ့မြင်ညပျောက်ဆိုတဲ့စကားဟာ တယ်မှန်သကိုး။ ဖူးခက်မှာ ကျနော်ရောက်ဖူး ခဲ့တဲ့နေရာအတော်များများဟာ နောက်လေးဆယ့်ရှစ်နာရီအကြာမှာ ရစရာမရှိ အောင်ကြေမွပြိုလဲပြီး ပျက်စီးခြင်း ငါးပါးဆိုက် ကုန်ပါတော့တယ်။အသေးစိတ်ပြောရရင်ဒီလိုဗျ။

ဒီဇင်ဘာ (၂၆)ရက်နေ့ မနက်ဆယ့်တစ်နာရီလောက်၊ရနောင်းကအိမ်မှာ ကျနော်ဟာ တီဗီဖွင့်ပြီး ထိုင်းသတင်းတွေကိုကြည့်နေတုန်း ပေါ်လာတာက မုန်တိုင်းတစ်ခုဝင်ပြီးစ မြို့ပျက်ကြီးတစ်ခုမှာ ဝရုန်းသုဉ်းကားဖြစ်နေတဲ့ ရေဘေးဒုက္ခမြင်ကွင်းတွေပါပဲ။ ကျနော် နားလည်သလောက်တော့ ဖူးခက်၊ဖူးခက်၊ဖန်င၊ဖန်င ဆိုတဲ့အသံတွေထပ်နေ တယ်ဗျ။ဒါနဲ့တခြားတီဗီလိုင်းတွေကို ဖွင့်ကြည့်ပြန်တော့လည်း ဒီသတင်းတွေကိုချည်းတပြိုင်တည်းထုတ်လွှင့်နေတယ်ဗျာ။ အဲဒီအချိန်မှာပဲ ကိုဇော်ဝင်းဦးဆီက ဖုန်းဝင်လာတယ်။ဥက္ကဋ္ဌနေကောင်းရဲ့လား၊အခုဘယ်ရောက်နေတုန်း၊ ဖူးခက်မှာပဲလား၊ရနောင်းမှာလား၊ဘာတွေဖြစ်ကုန်ပြီလဲ၊ဂြိုဟ်တုသတင်းမှာတော့ ဖူးခက်တမြို့လုံး ရစရာမရှိတော့ဘူး။ အိန္ဒိယ၊အင်ဒိုနီးရှား၊သိရီလင်္ကာ၊မလေးရှားတွေမှာလည်း ငလျင်လှုပ်ပြီး ရေလှိုင်းတွေကြီးတယ်လို့ကြားတယ်၊ ကျနော်စိတ်ပူလို့ဆက်တာပါတဲ့။

ကျနော်လည်းနည်းနည်းတော့ ရိပ်မိသလို ဖြစ်လာတယ်။ဒါနဲ့ ဖူးခက်က ကျနော့်မိတ်ဆွေထိုင်းရှေ့နေ မစ္စတာဝါရင်းကို လှမ်းပြီးဖုန်းဆက်ကြည့်လိုက်တော့ အံ့သြစရာကောင်းတာက ဖူးခက်မြို့ထဲမှာနေတဲ့ ဝါရင်းဟာ အဲဒီအချိန်မှာ ဖူးခက်စူနာမီ ရေဘေးကို မသိသေးဘူးဗျ။သူပြောတာက ဖူးခက်မြို့မထဲမှာ အခြေအနေအေးအေးဆေးဆေးပါပဲ။ ပါတောင်ကမ်းခြေ ဖက်မှာတော့ ရေလှိုင်းရိုက်လို့ အပျက်အစီးတချို့ရှိတယ်လို့တော့ကြားမိသတဲ့။သူ့ဖုန်းချအပြီးမှာ ဆက်တိုက်ဝင်လာတာက ဖူးခက်မှာ မြန်မာပစ္စည်းတွေကို ကားတစီးနဲ့လိုက်ဖြန့်နေတဲ့ ဦးသိန်းအောင်ဆီကဗျ။သူ့မိန်းမကထိုင်း။

ဖူးခက်မှာ ကမ္ဘာပျက်နေပြီဆရာရေ့၊ကျနော့်တသက်နဲ့တကိုယ်တခါမှ မကြုံဖူးဘူး။ရေတွေက ရေနွေးဆူသလိုထပွက်တယ်။ သိပ်မကြာခင်မှာ ဧရာမလှိုင်းလုံးကြီးတွေ တက်လာပြီး ကမ်းခြေက လေးငါးထပ်မြင့်တဲ့တိုက်ကြီးတွေကို ရိုက်တော့တာပဲ ဆရာ၊ဆရာတို့သိပ်ကံကောင်းတယ်။ပါတောင်ကမ်းခြေက ဆရာတို့တည်းခဲ့တဲ့ ဒန်ဂျစ်ဟိုတယ်ကြီးလည်း ရစရာမရှိအောင် ပျက်စီးသွားပြီ။ကားတွေရောလူတွေပါ ပင်လယ်ထဲကို ဆွဲအကုန်ဆွဲချခံရသလိုပဲ။လူတွေလည်း သေလိုက်တာသောက် သောက်လဲပဲဆရာ။ကျနော် အခုပဲ သွားကြည့်ပြီးပြန်လာတာ။ကြောက်စရာကောင်းလိုက်တာ ဆရာရယ် တဲ့။

ကျနော့်စိတ်ထဲမှာ ဖုန်းသတင်းတွေကိုနားထောင်ရင်း နားဝေတိမ်တောင်ဖြစ်လာတာ အမှန်ပါပဲ။သူတို့ပြောနေတဲ့ နေရာတွေ ကိုကျနော်ရောက်ခဲ့တာ နှစ်ရက်တောင်မပြည့်သေးတာမို့ ဟုတ်မှဟုတ်ရဲ့လားလို့ သံသယရှိနေတုန်းပါပဲ။တကယ်တော့ အိပ်မက်မဟုတ်ခဲ့ပါဘူး။မှားယွင်းနေတဲ့သတင်းမဟုတ်ပါဘူး။ကျနော်နဲ့ လက်တကမ်းလွှဲခဲ့တဲ့၊ အာရှနိုင်ငံဆယ့်တစ်နိုင်ငံက လူဦးရေတသိန်းခွဲကိုသေပျောက်စေခဲ့တဲ့၊လူဦးရေသန်းချီပြီး အိုးမဲ့အိမ်မဲ့ဖြစ်စေခဲ့တဲ့၊ဒုတိယကမ္ဘာစစ်အတွင်းက ဥရောပနိုင်ငံ တွေကြုံတွေ့ခဲ့ရတဲ့ ဒုက္ခထက်ဆိုးတဲ့၊လွန်ခဲ့တဲ့အနှစ်လေးဆယ်အတွင်း အဆိုးဝါးဆုံးဖြစ်တဲ့၊ကုလသမဂ္ဂသမိုင်း မှာ မကြုံတွေ့ဖူးတဲ့ ၊ တဲ့ ပေါင်းများစွာရဲ့ အဓိကလက်သည်တရားခံ ရေဘေးဒုက္ခဆိုးကြီးရဲ့အမည်သညာခေါ်စရာကတော့ စူနာမီပါပဲဗျာ။

အေးဗျာ။ ကျနော်သာ ရှေ့ဖြစ်နောက်ဖြစ်ကို ကြိုသိနိုင်တဲ့တန်ခိုးရှင်ဖြစ်ခဲ့ရင် ဒီလိုဒုက္ခဆိုးကြီးကို ကြုံတွေ့ရတော့မဲ့ ရက်သတ္တတပါတ်အလို အချိန်၊ ဖူးခက်ကိုသွားရင်း လမ်းတလျှောက်မှာရှိနေတဲ့မြို့ကြီးတွေတိုင်း လိုလိုမှာ၊ဇာတိမြေ ကိုခွဲခွာပြီး ရေခြားမြေခြားမှာ တဝမ်းတခါးအတွက် လာပြီးအလုပ်လုပ်နေခဲ့ကြတဲ့ ဗမာအလုပ်သမားတွေကို အသေအချာ သတိပေးခဲ့မှာပေါ့။

ခင်ဗျားတို့ဒီနေရာမှာ မနေကြပါနဲ့တော့၊ပင်လယ်ထဲကိုလည်း မထွက်ကြပါနဲ့။ နောက်ခုနှစ်ရက်ကြာတဲ့နေ့ မနက်ကိုးနာရီမှာ စူနာမီဆိုတဲ့ငလျင်ကြောင့်ဧရာမရေလှိုင်းကြီးတွေတက်လာပါလိမ့်မယ်။အဲဒီရေလှိုင်းကြီးတွေကြောင့် ခင်ဗျားတို့အထဲက အရေအတွက်အတိအကျမသိနိုင်တဲ့ လူတွေသေဆုံးကြရမယ်။ ကျန်ရစ်သူတွေဟာလည်း ဒုက္ခသည်ချင်းအတူတူ ပိုပြီးဆိုးဝါးတဲ့ ဒုက္ခကိုခါးစည်းပြီးခံကြရပါလိမ့်မယ်လို့ပေါ့ဗျာ။

(ဆက်လက်ဖော်ပြပါမည်။)

ဆြာဒင်နှင့်ရွှေပင်ရွာမှ ပို့သသောမေတ္တာ

(မင်းဒင်)

(၁)

"ဘွန္တော၊ တေဘုမ္မကဝဋ်ဒုက္ခမှ မုချမလွတ်ငှက်အတောင်ကျွတ်သို့ ဇွတ်နစ်ပျော်ပါး၊အိုလူသားတို့။ ရည်စူးစိတ်သန်မြတ်နိဗ္ဗာန်သို့ ဧကန်ရောက်ကြောင်း သဒ္ဓွါလောင်း၍ ကောင်းမှုဒါနမြတ်ဇာဂနှင့် စိတ်မှာပြဌာန်း ကပ်လှူဒါန်းဖို့ ဆွမ်းချက်ရန် ထတော်မူကြပါ့။ ဘွန္တော သပူရိဿအပေါင်းသူတော်ကောင်းတို့ "

ရောင်ခြည်တစ်ထောင်အလင်းဆောင်သော သူရိန်နေမင်းကြီးပင်လျှင် အရှေ့ဗြုဗ္ဗာအရပ်သို့ ခရီးထွက်ရန် ဘွတ်ဖိနပ်ကြိုးစည်း နေဆဲပင် ရှိအံ့ ထင်မိသည်။ ရွှေပင်ရွာ၊ရွာလည်မှ ထွက်ပေါ်လာသည့် စီညံလှသော ကြေးစည်သံကြောင့် ဆြာဒင်တယောက် လျောင်းစက်ရာ ကွပ်ပျစ်ဆီမှ ငေါက်ကနဲ ထထိုင်လိုက်ချိန်တွင် စတုဒီဿာအရပ်လေးမျက်နှာမှာ မှောင်မိုက်နေဆဲဖြစ်၏။ လင်းကြက်တွန်သံကိုမူကြား နေရပြီ။ ရွှေပင်ကျေးရွာ၏ နိဗ္ဗာန်ဆော်ချက်ကြီးနှင့်အဖွဲ့ကား၊ ရိုးရာအစဉ်အလာအတိုင်း ဘွန္တောဟစ်သံဖြင့် ရွာရိုးလျှောက်နေကြချေပြီ။ ဆြာဒင်နှင့်ကပ်လျက် ကွပ်ပျစ်ပေါ်မှ တပည့်ကျော် လေမင်းသားနှင့် ကပ္ပလီတို့ကား ကုလားသေကုလားမော နှစ်ခြိုက်စွာ၊ ဟောက်သံ တခေါခေါဖြင့် အိပ်မောကျနေဆဲဖြစ်၏။

သင်းရို့လွန်စွာပင်ပန်းကြပေလိမ့်မည်။ အိပ်ဆောင်ကွန်ပြူတာတစ်လုံးကို ဂျိုင်းကြားတွင်ညှပ်လျက်၊ တနေကုန်တနေခန်း ရွာရိုးကိုးပေါက် ခြေဆန့်ကာ အွန်လိုင်းသတင်းမှန်သမျှ ရွာတွင်းရွာပြင် မြင်မြင်သမျှသော ရွှေပင်ရွာသူရွာသား၊လူကြီးလူငယ်ကျားမ၊မရွေးထံ၊ အချိန်နှင့် တပြေးညီ အင်ဖော်မေးရှင်းပေးခဲ့ကြရသည်မဟုတ်တုံလော။

ထိုခဏမှာပင် ရွှေပင်ရွာလယ်၏ တစ်ခုသောဝါးရုံပင်ထိပ်ဖျားရှိ အသံချဲ့စက်မှ ကျယ်လောင်စွာပေါ်ထွက်လာသည့် ရွှေပင့်ပဏ္ဍိတ် ကျောင်းဆရာလေး ကိုဘိုကိတ်၏အသံကား …

ရွှေပင်ကျေးရွာသူကျေးရွာသားများခင်ဗျား၊ ယနေ့ဟာဆိုလျှင်ဖြင့် ရွှေပင်ရွာရဲ့ ဂုဏ်သရေရှိအာဂန္တုဖြစ်တဲ့ ဆြာဒင်နှင့်အဖွဲ့ ယိုးဒယား ပြည်ဖူးခက်မြို့သို့ ပြန်ရန်အတွက် ရန်ကုန်မြို့သို့ ပြန်လည်ထွက်ခွာတော့မှာဖြစ်ပါတယ်။ သို့ဖြစ်ပါသောကြောင့် ဆြာဒင်နှင့်အဖွဲ့အား နှုတ်ဆက်ရန် ကျေးရွာအုပ်ချုပ်ရေးမှူးသူကြီး ဦးတုတ်မြိုင်၏ အိမ်ဂေဟာရှေ့တွင် ဆွမ်းခံကြွချိန်၌ လာရောက် စုရုံးကြပါရန် မေတ္တာအကျိုးမျှော်၍ လေးစားစွာနိုးဆော်အပ်ပါသည်ခင်ဗျား။ ဆြာဒင်ဟာဆိုလျှင်ဖြင့် ရွှေပင်သားထဲမှာ သူ့ခေတ်သူ့အခါက ဆယ်တန်းစာမေးပွဲကို နှစ်ချင်းပေါက်ထူးချွန်စွာအောင်မြင်ခဲ့သူဖြစ်ပြီး ရွှေပင်တရွာလုံးမှာ ဘော်လုံးကို ပထမဆုံးကန်ဖူးသူဖြစ်ပါ တယ်။ကိုရင်ကပ္ပလီနဲ့ ကိုရင်လေမင်းသားတို့ဟာ ဆိုလျှင်ဖြင့် ….

(၂)

ရွှေပင်ရွာကား အမှန်ပင်တခေတ်ဆန်းခဲ့ချေပြီ။အဆိုပါလော်စပီကာသည် ရွှေပင်ရွာပြန်ကြားရေးဌာနကြီးပေတည်း။ ရွှေပင်ရွာ၌ ကျပ်တစ် ထောင့်ငါးရာတန်လက်ကိုင်ဖုန်းဆင်းကဒ်များ မဲဖောက်ရောင်းချခဲ့သောကြောင့် လုံးဝန်းသောကမ္ဘာကြီးကို အပြားခတ်နိုင်ခဲ့ပြီဖြစ်လေရာ ရွှေပင်ရွာသည် လက်ကိုင်ဖုန်းမှတဆင့် ကမ္ဘာကြီးနှင့် ချိတ်ဆက်နိုင်ခဲ့ပြီဖြစ်၏။သို့သော် မဲဖောက်ပေးသည့် စုစုပေါင်းဆင်းကဒ်သုံးပြားဖြင့် ရွာလုံးကျွတ်မလုံလောက်ခြင်း၏ နောက်ဆက်တွဲရလာဒ်အဖြစ် ရွာလည်တွင်ဖုန်းခေါ်ဆိုင်တစ်ဆိုင်ပေါ်ပေါက်လာလေ၏။ ထိုဖုန်းခေါ်ဆိုင် ၏ရှေ့မှ ၀ါးရုံပင်တွင် လော်စပီကာတစ်လုံးကို ချိတ်ဆွဲလျက် ဆက်သွယ်ရေးနှင့်ပြန်ကြားရေးတာဝန်ကို ဆောင်ရွက်ပေးလျက်ရှိရာ ရွှေပင်ရွာ၏အသံလွှင့်ရုံဟုဆိုနိုင်လေမည်။ ကြိမ်ဖန်များစွာ ကြားရလေ့ရှိသော လော်သံတို့ကို နမူနာအားဖြင့် ဥဒဟရုဏ်ဆောင်ပါအံ့။

`ကြီးမယ်သီခင်ဗျား၊ မလေးရှားက သားတော်မောင်ကိုရင်ခွေးသိုးဖုန်းဆက်နေပါတယ်။ အမြန်လာရောက်၍ လက်ခံစကားပြောပေး စေလိုပါတယ်ခင်ဗျာ။´

`၀ိုင်းစိန်မရေ။ နင့်ယောက်ျားကိုရင်ဆန်စိ။ ဘန်ကောက်ကနေဖုန်းခေါ်နေပြီဟ။ နင်ပဲမဆက်တာကြာလို့ ခဏခဏလာလာမေးနေတာ အခုလာပြောတော့´

`ဆက်ကြောင်းဆိုလား၊အက်ကြောင်းဆိုလား ပြင်နေတဲ့အတွက် တယ်လီဖုန်းသုံးရက်ပျက်မှာမို့ သုံးရက်လွန်မြောက်သည့်နေ့တွင်မှ ဖုန်းဆိုင်သို့ လာရောက်ကြပါရန် ရွာလုံးကျွတ်အသိပေးအပ်ပါတယ်ခင်ဗျား´

ရံခါ၌ကား အသံချဲ့စက်၏တခုသော ခလုပ်ကိုမပိတ်မိလေသဖြင့် ကာယကံရှင်တို့ အပြန်အလှန်အချေအတင်ပြောဆိုသံကို ရွာလုံးကျွတ် နားဆင်ရကာ၊အိမ်တွင်းရေး၊ကိုယ်ရေးကိုယ်တာ အချက်အလက်အချို့ ပေါက်ကြားဖူးသည်ကိုမူ နားလည်ခွင့်လွှတ်ရမည်ဖြစ်ပေသည်။ ဥပမာအားဖြင့်...."ကိုရွှေကြည်၊ရှင် ဟိုတခေါက်ပြန်လာတုန်းက ကျုပ်နဲ့ဘာမဆိုင်ညာမဆိုင်အပ်ပုန်းဆရာဆီ ခေါ်သွားတာမျိုး မလုပ်ပါနဲ့။ ရှင်ဘန်ကောက်မှာ မဟုတ်တယုတ်တွေလုပ်လာခဲ့တာ ကျုပ်သိတယ်။ကျုပ်က မပြောချင်လို့ ကြည့်နေတာ၊သိနေတယ်နော်"ဟူသော အသံမျိုးဖြစ်ချေ၏။

ဖုန်းခေါ်ပါးသည့်အချိန်ကာလများတွင်ကား ရွှေပင်ရွာအကြိုက်တေးသီချင်းများနှင့် ဓာတ်ပြားဟောင်းအချို့ကို ဖွင့်ကာ ဖျော်ဖြေလေ့ရှိ၏။

လော်စပီကာ၏ သတိပေးချက်ကြောင့် ဆြာဒင်တယောက် ဇာတိရွှေပင်တွင် စတည်းချနေခဲ့သည်မှာ သီတင်းပတ်အချို့ပင် ကုန်ဆုံး ခဲ့ပြီဖြစ်၍ ပျော်ရာအရပ်မဟုတ်လေသည့်တော်ရာအရပ်၊ဖူးခက်မြေသို့ပြန်ရပေဦးတော့မည်ကို သတိချပ်မိလေ၏။

(၃)

ဆြာဒင်နှင့်တပည့်ကျော်နှစ်ဦး၊သုံးယောက်သား အမင်းကြမ်းခဲနှုင့်အမဲခြောက်ဖုတ်ကို မက်ဒေါ်နယ်ဟမ်ဘာဂါအမှတ်ဖြင့် ဘရိတ်ဖတ်စ် သုံးဆောင်ပြီးသကာလ အဖန်ရည်တစ်အိုးကျချိန်တွင် ဆွမ်းခံဝင်ချိန်နီးပြီဖြစ်လေရာ ရွှေပင်ရွာလူထု၏ နှုတ်ဆက်မှုကို ခန့်ငြားစွာ ဗိုလ်ရှုခံရန်အလို့ငှာ သူကြီးဦးတုတ်မြိုင်အိမ်ဂေဟာရှိရာသို့ ချီတက်ရာ လမ်းတလျှောက်တွင်ကား ဆင်ကြယ်ဖိနပ်နောက်ဖျားမှ လည်ဂုတ်သို့ တက်စင်လေသော သဲတို့သည် ဆြာဒင်နှင့်အဖွဲ့အား ဝှဲချီးကြိုဆို၊ပန်းမိုးရွာသကဲ့သို့ ရှိလေ၏။ယခုခေတ်အခေါ် ကျေးရွာအုပ် ချုပ်ရေးမှူးအိမ်သို့ မရောက်မီ အလင်္ကာကျော်စွာရွှေမန်းဦးတင်မောင်၏ အောင်ပါစေသီချင်းသံကို ကြားနေရချေပြီ။

အောင်ပါစေ၊ ဇေယျတုနဲ့ခြွေ၊ သပြေနုခက်ဝေ ရွှေရေချမ်းလောင်းလို့ တောင်းဆုပန်ခြွေ။ ကမ္ဘာမြေအမှီပြုတဲ့ လူထုအားလုံး ကျန်းမာချမ်း သာစေ။(အောင်ပါစေသား အောင်စေသားဟေ)။( မြန်မာနိုင်ငံတော်မလေ၊ မင်းသူဌေးကုန်သည် လယ့်ပိုင်ရှင်၊လယ်သမား ဆင်းရဲသား မကျန်ပေ၊ လိုရာဆန္ဒ ပြည့်ဝစေ အောင်ပါစေ။)၂

သူကြီးအိမ်ရှေ့တွင်ကား ရွှေပင်ရွာသူရွာသားတချို့ရောက်နှင့်ကြပြီ။ အချို့သည်လည်း ဝင်လာမစဲတသဲသဲရှိနေဆဲပင်ဖြစ်၏။ ဆြာဒင် တစ်ယောက် တစ်ခုသော ကွပ်ပျစ်ပေါ်တွင်နေရာယူပြီးချိန်တွင်မူ ပူဇာစပူဇနေယျာနံဟူသောမင်္ဂလာတရားတော်ကို နားလည် ကျေညက် ကြဟန်ရှိလေသည့် ရွှေပင်သားတို့ကား မြေပြင်ကွက်လပ်တွင် ခြေဆန့်၍တနည်း ပုဆစ်တုတ်လျက်တဖုံ ၊ခြေလက်ကားယားဖြင့်တနည်း ရှိကြကုန်၏။

ထိုစဉ်ခဏ၌ ဆြာဒင့်၏မျက်လုံးအစုံသည် ကွပ်ပျစ်ရှေ့နှင့်ပရိသတ်အကြားတွင် ထန်းသီးခိုင်၊ရွှေဖရုံသီး၊ဘူးသီး၊နှမ်းပျစ်ထုတ်၊ မြေပဲယို စသော ရွှေပင်ရွာထွက် စုံစီနဖာ၊ရွာပြန်လက်ဆောင်အစုအပုံကြီးကို မြင်မိသည်တွင်၊ ငတို့ ရွှေပင်သားများကား သဒ္ဓါ တရားကြီး မားလှပေစွဟု ဆင်ခြင်အောက်မေ့လျက် "အင်း၊ ရွာပြန်လက်ဆောင်တွေက များချက်ဗျာ။ တယ်လဲ စေတနာကြီးကြသကိုး။ အနို့ပေမင့် ကျုပ်လည်း ရွှေပင်သားပေမို့ သဟာတွေ မလိုလောက်ဘူးထင်ပါရဲ့"ဟူ၍ ကျေးဇူးတင် စကားမြွက်ဟရန်နိဒါန်းချီမိသည်တွင် လူအုပ် အတွင်းမှ ဆူညံသောတုန့်ပြန်သံများ ရုတ်ခြည်းပေါ်ထွက်လာလေ၏။

"ဟာ၊ ဒါတွေက ဆြာဒင့်ဖို့မဟုတ်ဘူးလေ"

"အေးလေ၊ဆြာဒင်က နှမ်းပျစ်နဲ့အညက်ခဲ စားနေကျဟာပဲ"

"လွှတ်ခက်တဲ့ဆြာဒင်ဗျာ။အဲသာတွေက ရန်ကုန်ဝန်ကြီးချုပ်အတွက် လဗျာ"

"ဆြာဒင်တယောက်လည်း မဲမဲမြင်ရာ သူ့ဟာချည်းထင်နေတာကိုး"

"ဆြာဒင်ကလည်းတမှောင့် ဒါတွေက ရန်ကုန်ကို လူကြုံပါးတာတွေလဗျာ။ဖူးခက်သယ်သွားဖို့ ဟုတ်ဘူးဗျ"

ချက်ဆိုနားခွက်က မီးတောက်သော ဆြာဒင်ကား တစုံတရာမှားယွင်းနေပြီကို အကဲခတ်မိသည်နှင့် တပြိုင်နက် ဤဖြစ်ရပ်၏ မြစ်ဖျား ခံရာအရပ်ကို ဒက်ကနဲ ရိပ်စားမိလေသဖြင့် နဘေးတွင်ခပ်ယို့ယို့ထိုင်နေသော တပည့်ကျော်ကပ္ပလီအား ဘာသတင်းတွေများဖြန့် ထားပြန်ပြီတုန်း"ဟူသောအဓိပ္ပါယ်ပါသည့် အကြည့်ဖြင့် ကြည့်လိုက်ရာ ဆရာကောင်းတပည့်ပီသလှသော ကပ္ပလီငယ်သည် ဤသို့ကြုံရ မည်ကို လက်မွန်မဆွ ဦးစွာကြိုတင်သိမြင်နေဟန်ရှိရကား အသင့်ဖွင့်ထားသောခရီးဆောင်ကွန်ပြူဖန်သားပြင်ကို ဆြာဒင်ရှိရာသို့ စဉ်းငယ် ငဲ့စောင်းပြလိုက်သောအခါဖတ်ရှုရသော ဆွေသဟာစာမျက်နှာပါစာတပုဒ်မှာ အောက်ပါအတိုင်းဖြစ်၏။

(၄)

အရင်တပ်မတော်အစိုးရက ပြည်သူတွေကို အလျှော့ပေးလွန်းလို့၊ အလိုလိုက်လွန်းလို့၊ အနာခံလွန်းလို့၊ အရှုံးခံလိုက်လို့ တိုင်းပြည်က ဆင်းရဲခဲ့ရတယ်။ ဟိုအရင် စစ်အစိုးရ လက်ထက် မှာဆို အနစ်နာခံ ၊ အရှုံးခံ ပြီး ပြည်သူကို လုပ်ပေးတယ်၊ ရထားဆွဲ တာလဲ အရှုံးခံပြီး ဆွဲတာ ပဲ၊ ဆီတို့  ဘိလပ်မြေ၊ အစား အသောက် အကုန် အရှုံး ခံ ပြီး လုပ်ပေးတာ ၊ အဘက်ဘက်က အရှုံးခံပြီး လုပ်ပေးတာ၊ နောက်ဆုံး အဆင်းရဲဆုံး နိုင်ငံဘ၀ရောက်သွားတယ်။ ဒီလောက် ကျေးဇူးတင်စရာကောင်းတဲ့ အစိုးရဟာ ကမ္ဘာမှာ မရှိသေးဘူး။

(ရန်ကုန်တိုင်းဝန်ကြီးချုပ်ဦးမြင့်ဆွေ)

အတန်ငယ်ဇာတ်ရည်လည်သွားပြီဖြစ်သော ဆြာဒင်သည် ပရိသတ်ရှိရာသို့ တည်ကြည်သောဥပဓိဖြင့် တဖန်လှည့်လျက် အဟမ်းအဟမ်း ဟူသောချွဲခတ်သံဖြင့် လည်ချောင်းတွင်းမှ သလိပ်ခဲအစုကိုရှင်းလင်းလိုက်ရင်း ...

"လက်ဆောင်ပေးခြင်းဆိုသဟာ မင်္ဂလာတပါးပေမို့ သာဓုခေါ်ပါရဲ့။အနို့ပေသည့် ဘယ်လိုကြောင့်များ သဒ္ဓါစိတ်ပေါ်ကြပါလိမ့်ဆိုတာ သိချင်စမ်းပါဘိ"ဟူသော အမေးစကားမဆုံးမီမှာပင် ပရိသတ်ကြီးထံမှ လက်ပံပင်ဆက်ရက်ကျဘိသကဲ့သို့ ဆူညံသော တုန့်ပြန်သံများ ပေါ်ထွက်လာပြန်ချေသည်တမုံ့။

"အာ၊ ကျေးဇူးတရားဆိုတာကို နားမလည်တဲ့ဆြာဒင်ပဲ"

"သူတို့က ဒါလောက်အရှုံးခံ အနစ်နာခံတာ တို့ရွာကလည်း တတ်နိုင်သလောက်ကျေးဇူးပြန်ဆပ်သင့်တာပေါ့"

"ဒါလောက်ရှားပါးတဲ့ စေတနာရှင်တွေကို ဆြာဒင် အသိအမှတ်မပြုတာ အံ့ချက်"

"ဒီလိုမှန်းသိရင် အစက ကျုပ်တို့ကို အလိုမလိုက်ခိုင်းခဲ့ပါဘူး"

"တိုင်းပြည်မွဲရတာ ကျုပ်တို့ကြောင့်မို့ပါဗျာ။သူလည်း အနေအစားချို့ငဲ့နေရှာရော့မယ်"

ဆြာဒင်ကား ခေါင်းကိုသာ တဗျင်းဗျင်းကုပ်ရင်း စေတနာမေတ္တာဂရုဏာတရားကြီးမားလှသော ရွှေပင်ရွာကျောမွဲတသိုက်၏ ဆန္ဒကို ခုခံတွန်းလှန်နိုင်ခြင်းငှာ မစွမ်းနိုင်လေရကား၊ အဖြစ်စုံသနစ်ပုံကို ရာဇဝင်အူပေါက်ရှင်းပြရန်အခွင့်မသာလေသဖြင့် ဝေဿန္တရာထုံး နှလုံးမူကာ လူကြုံပါးကြလေသော ရွှေပင်ရွာထွက်ကုန် ရွာပြန်လက်ဆောင်အလုံးစုံကို နှီးတောင်းအချို့နှင့်ဖာကြီးဖာငယ်တို့တွင် ထုတ်ပိုးသယ်ဆောင်ရန်သာ တပည့်ကျော်တို့ကို မျက်နှာရိပ်မျက်နှာကဲပြရလေတော့သည်။ရွှေပင်ရွာသားတို့၏ မေတ္တာမိုးကား အတော မသတ်နိုင်သေးချေ။ သာမြားဘူတာရှိရာသို့ ရထားချိန်အမီထွက်ခွာရန် လှည်းကောက်နေသောတခဏ၌ ရွာပြင်ထန်းတောမှာ စံမြန်း လေသည့် ဆြာဒင့်ငယ်ပေါင်း ကိုရင်ပေါ်အေးတယောက် ထန်းလျက်ဖာကြီးကိုထမ်းကာ ချွေးတောက်တောက် ယိုစီးလျက် မောကြီး ပန်းကြီး ပေါက်ချလာပြန်ချေပြီ။

"ဘာတွေတုန်းဟ ပေါ်အေးရ။ ကျုပ်အတွက်တော့ မလိုဘူးနော်။အသက်ကြီးပြီမို့ အညက်ခဲတွေ မစားတော့ဘူးလဟ"

"ဟာ ကိုကြီးဒင်ကလည်း ရန်ကုန်ကဦးအောင်ခိုင်အတွက်ဗျ။ ရန်ကုန်မှာ လျှပ်စစ်ဌာနကဆိုလား၊သူက လျှပ်စစ်မီးဈေးတက်မှာကို ကြိုပြောရင် ကျုပ်တို့ စိတ်ဆင်းရဲမှာစိုးလို့ မပြောတာတဲ့ဗျ။လွှတ်စိတ်ကောင်းရှိသူပဲဗျာ။ နောင်ဆိုရင် ဘာဘဲဖြစ်ဖြစ် ကြိုသာပြောပါလို့။ ကျုပ်တို့က စိတ်ညစ်စရာတွေနဲ့ လုံးလားထွေလားနေတတ်နေပါပြီ။ဒီအညက်တောင်းတော့ လူကြုံပါးလိုက်ချင်တယ်"

ဆြာဒင့်ရင်ဝယ် ကိုရင်ပေါ်အေးကို လွှတ်ကနဲ ခွန်းတုန့်ပြန်ရန် စကားလုံးအချို့ဖြစ်ပေါ်လာသော်ငြား မပြောဖြစ်ခဲ့ချေ။

"ပေါ်အေးရာ၊ မင်းတို့ရွှေပင်ရွာနဲ့လျှပ်စစ်မီးဈေးတက်တာ၊ကျတာဘာဆိုင်သတုန်း။ရွာတည်ကတည်းက မီးခွက်နဲ့နေလာခဲ့တာကမင့်ဟာ"။

(၅)

သာမြားဘူတာသို့ဦးတည်ရာလမ်းတလျှောက်လှည်းဝင်ရိုးသံ၊တအီအီထွက်ပေါ်နေချိန်၌ ဆြာဒင်ခြေတွဲလောင်းချစီးနင်းလိုက်ပါလာသော လှည်းနောက်မှ လှည်းလမ်းကြောင်း တလျှောက်တွင်ဖုန်လုံးကြီးတွေ တလိမ့်လိမ့်တက်ကာ ကျန်နေခဲ့သည်ကိုလွမ်းမောရီဝေစွာ ကြည့်နေမိချိန်တွင် ယခင့်ယခင်က နှုတ်သွက်အာချောင်၊ စကားဖောင်သလောက် ရွှေပင်ရွာနှုတ်ဆက်ပွဲတွင်မှ တချိန်လုံးရေငုံနှုတ်ပိတ် လာခဲ့သော တပည့်ကျော် လေမင်းသားတယောက် သူ့ခံစားချက်များကို ဖွင့်အံထုတ်နေလေသည်။

"ရွှေပင်သားတွေကတော့ စံပါပဲ။ သူ့တို့ဖာသာ ဘယ်လောက်အရှုံးခံခံ၊အနစ်နာခံခံ ခုချိန်ထိရွှေပင်ကို ကားလမ်းလည်းမပေါက်၊ သဘောင်္လမ်းနဲ့ကအဝေးကြီး၊မီးရထားဘူတာရောက်ဖို့ လှည်းလမ်းကလည်းကြမ်းပါ့။ ဆန်ဆီတွေက ကိုယ့်အရပ်ကထွက်တာ။ဒါနဲ့များ ဒီဘူးသီးခရမ်းသီးတွေကို ရန်ကုန်တိုင်းဝန်ကြီးချုပ်အိမ်ကို လက်ဆောင်ပို့ ပေးရအုံးမတဲ့။ဟိုက ခြံတံခါးဖွင့်ပေးရင်တောင် ကံကောင်း။ ဓာတ်မီးတိုင်မမြင်ဖူး တဲ့ရွာသားတွေက လျှပ်စစ်ဥက္ကဋ္ဌကို သနားသတဲ့။ကြုံ၊ ကြုံဖူးပေါင်ဗျာ"

ဆြာဒင်ကား သူတပါးအပြစ်အား ဆီလိုအပေါက်ရှာကာ ရွှေပင်ရွာ၏သဒ္ဓါတရားကိုမုဒိတာမပွားနိုင်လေသော လေမင်းသား၏ တွတ်ထိုး သံကို နားကြားပြင်းကပ်လာ သဖြင့် နှုတ်ဆက်ပွဲတွင် ကြားခဲ့ရသော အောင်ပါစေသီချင်းကို မှတ်မိသလောက်၊ ကဘောက်တိ ကဘောက်ချာ၊ စိတ်ထင်သလို အသံကုန်ဟစ်လိုက်ရာ လှည်းကိုရုန်းနေကြသော နွားကြန်စုံတရှဉ်းမှာ သူတို့ကိုငေါက်ငန်းသည် ထင်ဟန်ရှိလေ၏။ အရင်ကထက်ဒုန်းစိုင်း ပြေးနေလေသည်။

တဦးမေတ္တာတဦးမှာ ကူးကာဆက်စပ်ဆုံပြန်ပါသည် ။ဧကန်မလွဲအမှန်ပဲအတည် ။(ရွှေမန်းမောင်ဒင် ကြည်လင်သော မေတ္တာဓာတ်ကို သိမှတ်ကြပေလိမ့်မည်။သောတဆင်ကြတဲ့လူထုပရိသတ်ကြီးကစုံညီ၊မွန်မွန်မြတ်မြတ်နဲ့သာ အားပေးတယ်လို့ ကျနော်ယုံကြည်။)၂။ ပြည်သူပြည်သားအပေါင်းက ချစ်သဒ္ဓါပွားလို့မေတ္တာထားပေသည်။

အခါ ခပ်သိမ်းမယိမ်းယိုင်ပါဘူး ကျောက်စာတိုင်ကြီးပုံသို့အညီ။အတည်၊ ရွှေမန်းဒင်ရဲ့ ကြံ့ခိုင်မာပါတဲ့ မေတ္တာဂုဏ်ရည်။ မေတ္တာ တော်ပြန်ကြပါတဲ့ ချစ်မိတ်ဆွေများကိုအတည် ။ ကျနော်လေထို့နည်းလည်းကောင်း ထို့နည်းလည်းကောင်း စီးပွားရေး အခြေအနေ ကောင်းလို့ ကျန်းမာစေကြောင်း ဆုတောင်းရပါသည် ။

Credit to ဓာတ်ပုံ ။ ။ ကိုကိုသက်

ကျနော့်အတွေးတစကို ဖေ့စ်ဘွတ်မိတ်ဆွေတချို့ရဲ့ဝိုင်းဝန်းအားဖြည့်မှုကြောင့် ဒီနေ့ထုတ် ဆဲဗင်းဒေးသတင်းစာမှာ စာတပုဒ်ပါလာခဲ့ပါတယ်။
ဖော်ပြထားတဲ့ ဓာတ်ပုံဟာ The Lady ဇာတ်ကားမှာ ဗိုလ်ချုပ်အောင်ဆန်းအဖြစ် သရုပ်ဆောင်ထားတဲ့ ၊ညီငယ်လိုခင်မင်ရတဲ့ ဖိုးဇော်ပါပဲ။ ဖိုးဇော်ကိုငေးကြည့်နေတာ မီရှဲယိုးပေါ့ခင်ဗျာ။

                                           တွေးပူမိတယ်
                           (မင်းဒင်)
(၁)
ကျနော်ဟာ နတ်မောက်နယ်၊ မှိုက်ပင်ရွာမှာမွေးတဲ့အညာသားပါ။ရွာကိုခွဲခွာခဲ့တာလည်း နှစ်ကာလအားဖြင့် ငါးဆယ်လောက် ရှိနေပြီမို့ လှည်းလမ်းကြောင်းတလျှောက်ဖုံလုံးတွေတလိမ့်လိမ့်တက်နေတတ်တဲ့၊မြေနီတောတမာလမ်း၊အညာအကြောင်းတောင် မေ့တေ့တေ့ပါပဲ။ ကျနော့်မွေးရပ်မြေဟာ မလွတ်သကောင်းချောက် အရပ်မျိုးဖြစ်ပေမဲ့ အမျိုးသားခေါင်းဆောင်ကြီးရဲ့ ဖွားရာဇာတိမို့ စိန်နားကပ်ရောင်နဲ့ ပါးပြောင်သလို ကြံဖန်ပြီးဂုဏ်ယူခဲ့ဖူးပါတယ်။ခေတ်ဆိုးခေတ်ကြပ်ကြီးလည်းရောက်ရော ဗိုလ်ချုပ်အောင်ဆန်းဓာတ်ပုံလက်ဝယ်ထားရှိမှု၊ နေအိမ်မှာချိတ်ဆွဲမှုတွေနဲ့ ထောင်တန်းကျသူတွေပါ ရှိလာတာမို့၊ ပြောင်နေတဲ့ပါးအိုးမဲအသုတ်ခံရသလိုဖြစ်ရပြန်ပါတယ်။
မမျှော်လင့်ဘဲ ဒီမိုကရေစီအရေးကိုရှေ့တန်းက ဦးဆောင်ခဲ့တဲ့ ဒေါ်အောင်ဆန်းစုကြည်ရဲ့ ဘဝတစိတ်တပိုင်းကို ဖော်ကျူးတဲ့ The Lady ရုပ်ရှင်ထွက်လာတော့ အငမ်းမရကြည့်မိပါတယ်။တိုက်တိုက်ဆိုင်ဆိုင် အဲဒီရုပ်ရှင်မှာ ဗိုလ်ချုပ်အောင်ဆန်းနေရာက သရုပ်ဆောင်ခဲ့တဲ့ ဖိုးဇော်ဆိုတဲ့ လူငယ်လေးဟာ ကျနော်နဲ့ အင်မတန်ရင်းနှီးသူဖြစ်နေပြန်ပါတယ်။သူက ချင်းမိုင်မှာနေပြီး လွန်ခဲ့တဲ့သုံးနှစ်ကာလ ချင်းမိုင်ကို Burma Media Association က၊ကမကထလုပ်ပြီးကျင်းပတဲ့ စာနယ်ဇင်းညီလာခံမှာ တွေ့ခဲ့သူပါ။ မိတ်ဆွေအပေါင်းအသင်းတွေအပေါ်မှာ အတော့်ကို အနွံတာခံတဲ့သူငယ်မို့ သံယောဇဉ်ဖြစ်ရပါတယ်။
အညာသားလည်းဖြစ် ဗိုလ်ချုပ်ကိုလည်းအထင်ကြီးလေးစား၊ဖိုးဇော်ကိုလည်းအားပေးချင်ခဲ့တဲ့ ကျနော်ဟာ The Lady ဇာတ်လမ်းကို စကြည့်ပြီး ဗိုလ်ချုပ်အောင်ဆန်းနဲ့အာဇာနည်ခေါင်းဆောင်ကြီးတွေကို လုပ်ကြံသူတွေက ပစ္စတိုနဲ့ထုတ်ပစ်တဲ့အခန်းကိုလည်း ကြည့်မိရော
ရင်ဘတ်ကိုလက်သီးနဲ့ထုမိပါတော့တယ်။
(၂)
ဒီနေရာမှာ သက်ဆိုင်၏မဆိုင်၏ အတည်မပြုနိုင်သော်ငြား ကျနော့်ရဲ့အချဉ်ပေါက်နေတဲ့စိတ်ဟာ အဲဒီကာလက အတိုက်အခံတွေဆီ ရောက်သွားသဗျာ။ ဗိုလ်ချုပ်အဖြစ်သရုပ်ဆောင်ခဲ့တဲ့ ဖိုးဇော်ဟာ ချင်းမိုင်မှာနေတာမို့ The Lady ဒါရိုက်တာဟာ ချင်းမိုင်ဖက်ကို ခြေစက် ကျခဲ့တာ အဆက်အသွယ်ရှိခဲ့တာ သေချာတဲ့အချက်ပါပဲ။အဲဒီထင်မြင်ချက်ကို ကျနော့် ကိုယ်တွေ့ဖြစ်ရပ်တခုကလည်း အားဖြည့်နေလေ ရဲ့။ နာဂစ်မုန်တိုင်းဝင် တဲ့အချိန်ကာလတုန်းက ကုလသမဂ္ဂအတွင်းရေးမှူးချုပ် ဘန်ကီမွန်းဖုန်းခေါ်တာကို ဗိုလ်ချုပ်မှူးကြီး မကိုင် တာကြောင့် ဘယ်လိုရအောင် ဆက်သွယ်ရမယ်ဆိုတာ ကျနော့်ကို ဖုန်းဆက်ပြီးအကူအညီတောင်းဖူးပါတယ်။ ဆက်သွယ်သူအခြေစိုက် ရာအရပ်ဟာ ချင်းမိုင်မြို့ပါပဲ။
အဲဒီမှာရှိနေခဲ့တဲ့ အတိုက်အခံအမျိုးကောင်းသားတွေကနေတဆင့် ဒီရုပ်ရှင်ရဲ့ သမိုင်းဆိုင်ရာအကြံပေးအဖြစ် မြန်မာ့သမိုင်းကို အထိုက် အလျောက်ကျွမ်းကျင်နှံ့စပ်တဲ့ မြန်မာပညာတတ်တဦးဦးကို ရှာဖွေခဲ့မှာပါပဲ။ ဘယ်လို အမျိုးကောင်းသားကများ ဒီလောက်ညံ့ဖျင်းတဲ့၊ လေးတန်းကျောင်းသားလောက်တောင် သမိုင်းဗဟုသုတမရှိတဲ့၊ မြန်မာ့သမိုင်းဆိုင်ရာ အကြံပေးအဖြစ် လက်သင့်ရာ၊ ဆွေတော်မျိုးတော် တပည့်ကျော်ကို၊ "ဂွင်တည့်ပြီ၊ငါ့ကောင်၊ငါတပည့်ငွေရရင်ပြီးရော"ဆိုပြီး ထည့်ပေးလိုက်တာပါလိမ့်။တော်တော်ကိုရင်နာစရာပါပဲ။
အထိုက်အလျောက်ထင်သာမြင်ရာရှိလာချိန်မှာအမျိုးသားခေါင်းဆောင်ကြီးရဲ့ဘဝမှတ်တမ်းကို ရုပ်ရှင်အဖြစ် ရိုက်ကူးမှတ်တမ်းတင်ကြ မယ်၊လိုအပ်တဲ့ငွေကြေးပမာဏကိုလည်း အမျိုးသားခေါင်းဆောင်ကြီးရဲ့ရင်သွေးအပေါ် ယုံကြည်လေးစားမှုနဲ့ စေတနာရှင်နိုင်ငံခြား အဖွဲ့အစည်းတွေက အကုန်အကျခံမယ်ဆိုတာတွေလည်း ရေခြားမြေခြားကနေကြားလာရတော့ တိုင်းထက်အလွန်ဝမ်းမြောက်မိတာ အမှန်ပါပဲ။
အဆင့်မီရုပ်ရှင်ဇာတ်ကားကြီးဖြစ်ဖို့ ပြည်တွင်းက ဒိတ်ဆိုတဲ့ ရုပ်ရှင်ဒါရိုက်တာတွေ၊ဇာတ်ညွန်းအကျော်အမော်တွေ၊ကဏ္ဍပေါင်းစုံက ပညာရှင်တွေ အင်တိုက်အားတိုက် စေတနာထက်သန်စွာနဲ့ ဝိုင်းကြဝန်းကြမယ်ဆိုတာသိရပြန်တော့ ဝမ်းမြောက်မှုကနေပီတိ အဆင့် ရောက်ရပြန်ပါတယ်။ငွေထုပ်ကြီးပိုက်ပြီး ထင်ရာမြင်ရာလျှောက်လုပ်နေသလိုမျိုး အချို့သောဝေဖန်မှုတွေကိုဖတ်ရတော့ သူတို့ ထင်မြင်ဝေဖန်နေသလို မဖြစ်ပါစေနဲ့လို့သာ စိတ်ညွှတ်ရပါတယ်။
(၃)
ကျနော်ဟာအညာသား မြန်မာပြည်သားမို့ ဗိုလ်ချုပ်အောင်ဆန်းရဲ့ဘဝဖြစ်စဉ်ကို ရုပ်ရှင်အဖြစ် ဖန်တီးကြမယ့်ကြိုးပမ်းမှုကို ကျနော်နဲ့ မနီးရိုးစွဲ၊ကျနော်နဲ့တန်းတူ ။ ကျနော့်ထက်သာလွန်သော မြန်မာပြည်သားအားလုံးလိုလို ဝမ်းမြောက်မှုကိုယ်စီရှိကြမှာ မြေကြီးလက်ခတ် မလွဲပါပဲ။မြန်မာဒါရိုက်တာတွေချည်းရိုက်သင့်သလား၊နိုင်ငံတကာအဆင့်မီဒါရိုက်တာ ရိုက်သင့်သလားဆိုတဲ့ကိစ္စ မှာတော့ ကျနော့်အမြင် ကို ပြောရရင် ကျနော်တို့မြန်မာလူမျိုးတွေရဲ့မွေးရာပါကိုယ်ရည်ကိုယ်သွေးမညံ့ကြပါဘူး။ သို့သော်ငြား မလိုလားအပ်တဲ့တားမြစ် ပိတ်ပင်မှုတွေတင်းကြမ်းဖြစ်နေတဲ့ ခေတ်ဆိုးခေတ်ကြပ်ကြီးမှာ အပြေးသန်တဲ့မြင်းကို ဇက်ခွံ့ထားသလို ဖြစ်နေခဲ့တာ၊ အသစ် အသစ်သော ခေတ်မီစက်များ၊နည်းပညာများနဲ့အဆက်ပြတ်နေတာ စတဲ့ အားနည်းချက်တွေကြောင့် ပြည်တွင်း ဒါရိုက်တာ တွေနဲ့တော့ အလုပ်ဖြစ်မယ်မထင်ပါဘူး။ ဒါပေမဲ့ ဘယ်နိုင်ငံသားဘယ်ကမ္ဘာကျော် ဒါရိုက်တာရိုက်ရိုက် သဘာဝကျတဲ့ အချက် အလက်တွေ ပါဝင်နိုင်အောင် အဲဒီဒါရိုက်တာကို ထိထိရောက်ရောက် ဆွေးနွေးရှင်းလင်းပြနိုင်တဲ့ မြန်မာတွဲဖက်ဒါရိုက်တာတဦး(သို့မဟုတ်) အဖွဲ့ မရှိမဖြစ်လိုအပ်ပါလိမ့်မယ်။ဗိုလ်ချုပ်ရုပ်ရှင်ဟာ ဗိုလ်ချုပ်ရဲ့စိတ်ထားအပြုအမူ၊ဗိုလ်ချုပ်မွေးရပ်မြေရဲ့ဓလေ့စရိုက်၊မြန်မာနိုင်ငံသားတွေရဲ့ စိတ်အသွင်၊ စတာတွေကို မှန်ကန်တိကျစွာထည့်သွင်းချယ်မှုန်းနိုင်မှသာ ငွေကုန်ရကျိုး၊ရိုက်ရကျိုးနပ်မဲ့အပြင် ပြည့်စုံကောင်းမွန် သောမှတ်တမ်းတခုအဖြစ် တင်ကျန်ခဲ့မှာဖြစ်ပါတယ်။ဒီအချက်တွေပေါ်လွင်ဖို့ ကမ္ဘာကျော်ဒါရိုက်တာကို မြန်မာဒါရိုက်တာက အားမနာတမ်းထောက်ပြ နိုင်ရပါမယ်။
(၄)
ဥပမာဆိုပါစို့။
ထိန်လင်းငယ်ဘဝက အညာမှာ ကြီးပြင်း၊ဦးသောဘိတ ကျောင်းမှာပညာ စသင်၊နောက်တော့ ရေနံချောင်းအထက်တန်းကျောင်း ရောက်။... အစရှိသဖြင့် ကာလတွေမှာ ထိန်လင်းရဲ့စကားပြောပုံ ပြောပေါက် လေသံတွေ၊ဇာတ်လမ်းအရဆက်စပ်နေတဲ့ ဗိုလ်ချုပ် အမေအဖွားဒေါ်စုအပြင်နယ်သူနယ်သားတွေရဲ့လေသံဟာ နတ်မောက်နယ်က မြေလတ် (အညာ)လေတွေသာ ဖြစ်တယ်။ အဲဒီ စကားပြော ဟန်လေတွေကို သိနားလည်တဲ့ ဇာတ်ညွန်းစကားလုံး ပညာရှင်တွေ ပါမှပါပါ့မလား စိုးရိမ်မိတယ်။
သိသာတဲ့ စကားပြောဟန်(လေ) ကွာခြားချက်အများကြီးရှိပါတယ်။ နမူနာတချို့ဖော်ပြရရင် .....
အလွန်ကောင်း= လွှတ်ကောင်း။
အလွန်ကြိုက်= လွှတ်ကြိုက်
ထန်းလျက်= အညက်
နံနက်စောစော= မနက်ကြီး
ညအချိန်= မိုးချုပ်ကြီး
ထန်းရေချိုး(ဂျိုး)=အလင်။ ထလင်
ဖခင်၏ညီငယ်= ပထွေးလေး(မိခင်၏နောက်အိမ်ထောင်မဟုတ်)
ဖခင်၏ညီမ= အရီးလေး
မိခင်၏အမ=ဂျီး(ဂျီးမယ်သီ)
မိခင်၏ညီမ= ဒွေးလေး
အလွန်အံ့သြသည်= ရောက်ပတ်ချက်
မကြာတော့ဘူး= ကြာခင်ဘူး
ပူလွန်းလို့=ပူနွန်းနို့
နံနက်ငါးနာရီဝန်းကျင်=လက်ကြားမြင်၊လက်ကြားမမြင့်တမြင်
ဒူးအထက်ပေါင်လယ်။ ရအိုးတင်
လေးငါးရာ= လေးငရာ
လေးငါးယောက်= လေးငယောက်
တိုတိုပြတ်ပြတ်ပြောသည်=တုံးတိမုံးတိ(ဒုံးတိမုံးတိ)
စိုးမင်းဦး=စိုးမူး
ပြောတာလေဗျာ=ပြောတာလဗျာ
ရန်ဖြစ်ကုန်ကြပြီ=ရန်သတ်ကုန်ကြပြီ
အပြောရခက်=နားဝေးချက်
လယ်ထဲယာထဲသွား=တောထဲသွား
ခေါင်းတုံးပြောင်= ဂဒိန်းတို
လှဲလျောင်းသည်=တုံးလုံးလှဲ
ပိုက်ဆံ(ငွေ)=ပက်ဆပ်
ပိုက်ဆံချေးပါအုံး= ပက်ဆပ်လှည့်ပါအုံး
တုတ်=ခနောင်း(ဒုတ်ခနောင်းကောက်ခဲ့၊ချီးဒုတ်ခနောင်း)
ဝင်ချည်ထွက်ချည်(ကြိမ်ဖန်များစွာ)= တရွှတ်ရွှတ်
သားရေ=လူကလေးရေ
မိန်းခလေး= မိတ်ခလေး
ကြာဇံဟင်းခါး၊ကြာဇံချက်= ကြာဇံကျို
နွားကိုလှည်းတွင်တပ်ဆင်သည်= လှည်းကောက်သည်။
ဘယ်လိုလုပ်=ဘယ့်နှလုပ်
ထမင်းကြမ်းခဲ=အမင်းကြမ်းခဲ
ဆနွင်း= ဆနွန်း
ဆပ်ပြာတခါတိုက်= ဆပ်ပြာတပွတ်
စပျစ်သီး=သဗျက်သီး
ဗျာ(ခေါ်လျှင်ထူးသံ) = ဗျို ၊ ဗျိုး
ဟေ့ကိုရင်ချက်ကြီး= ဗျို့ကိုရင်ချက်ကြီး
လုံချည်၊ပုဆိုး၊ထမီ=လုံကွင်း ( လုံဂွင်း )
မူလ၊အစ၊နဂို၊အရင် (တုန်းက)= လက်ရင်းတုန်းက
ကြေးနန်းရိုက်= စက်နဲ့ပေါက်
ဘာမှမဆိုင် = သက်သက်မှမဆိုင်
အဘွားကြီး = အမယ်ကြီးအို
ပြောင်ချော်ချော် = ပွတ်စတ်စတ် = ပြောင်စပ်စပ်
မိန်းကလေး = ကလေးမ = ခလေးမ
အခွံ=အခွင်(ငှက်ပျောသီးကို အခွင်မနွာပဲစားနေတာ အံ့ချက်)
မုန့်ဟင်းခါးစား=မုန့်ဟင်းခါးသောက်
ဆံပင်ညှပ်= ဆံပင်ကိုက်
ည= ညှ(ဟဲ့ ညှဖက်ကြီး ဘာလာလုပ်တာတုန်း။ညှကျမှ လာပြောတော့)
မီးခြစ်=မီးဂတ်။
ရှုးဖိနပ်= ဘိုးဖိနပ်။
စတဲ့အသုံးတွေဖြစ်ပါတယ်။ ဒါ့အပြင်နတ်မောက်နယ်မှာ အမေကို အမ ၊ အဖေကို အဘ ၊ အဖွားကို အမေဂြီးခေါ်ဝေါ် သုံးစွဲကြသလို ညီလေး ညီမလေး ခေါ်ကြတဲ့ အကျင့်မရှိပဲ မောင်လေး ၊ ငါ့နှမ စသဖြင့် ပြောဆိုလေ့ရှိကြပါတယ်။
သို့သော် တဆက်တည်းလိုသတိပြုစေချင်တာက အဲဒီအသုံးတွေဟာ လွန်ခဲ့တဲ့နှစ်ငါးဆယ်ဝန်းကျင် မှိုက်ပင်ရွာ အပါအဝင် အနီးအပါး ကရွာတွေမှာ သုံးခဲ့၊သုံးနေဆဲတွေဖြစ်ပါတယ်။ ဗိုလ်ချုပ်အောင်ဆန်းမွေးဖွားခဲ့တာ အနှစ်တရာဝန်းကျင် ရှိပြီဖြစ်တဲ့အပြင် နတ်မောက် နယ်မှာ ကျေးရွာအုပ်စုပေါင်းရာချီရှိနေတဲ့အချက်ပါပဲ။
သည်ဇာတ်ညွန်းမှာ နတ်မောက်သားသို့မဟုတ် နတ်မောက်နယ်ရေးရာနှံ့စပ်ကျွမ်းကျင်သူ တစ်ယောက်ယောက်ပါသင့်တယ်လို့ ထင်မိပါ တယ်။The Lady ကို ကြည့်ပြီး စိတ်ပျက်မိလွန်းလို့ပါ။မြန်မာ့သမိုင်းနဲ့တိုက်ရိုက်ချိတ်ဆက်ပတ်သက်နေတဲ့ ဓာတ်ရှင်ကားကြီးမို့ ကြိုဆိုခြင်း နဲ့အတူတွေးပူမိကြောင်းပါခင်ဗျ။

(ကျေးဇူးစကား၊ ။ ဒီဆောင်းပါးမှာပါရှိတဲ့ နတ်မောက်အညာလေအသုံးအနှုန်းတွေကို စင်္ကာပူရောက်နတ်မောက်နယ်၊ရုံးတောဇာတိ ကိုဝင်းနိုင်ဦးနဲ့ ကျနော့်ဖေ့စ်ဘွတ်ပရိတ်များက အားဖြည့်ပေးခဲ့ကြပါတယ်။)

ယနေ့ထုတ် ဆဲဗင်းဒေးဂျာနယ်

မင်းဒင်ရဲ့သက်ခိုင်(၂)

သေဘေးနဲ့အကြိမ်ကြိမ်လွတ်ခဲ့တဲ့ ကျနော်ဟာ၊ကမ္ဘာကျော်စူနာမီနဲ့ နာရီပိုင်းအကွာမှာ၊ကပ်လွတ်ခဲ့ပြန်ပါပြီ။ ဒါပေမဲ့ ကံဆိုးရှာလှတဲ့ စူနာမီ စက်ကွင်းထဲမှာ တဝမ်းတခါးအတွက် ဇာတိမြေကိုစွန့်ခွာလာခဲ့ကြသူ၊ မြန်မာတချို့တော့ မလွတ်ကြရှာပါဘူး။ဒုက္ခသည်ချင်းအတူတူ ပိုပြီးကြီးမားတဲ့ ဒုက္ခကိုရင်ဆိုင်ရတယ်ဆိုတာ ကျနော့်မျက်မြင် ကိုယ်တွေ့ပါပဲ။အသေးစိတ်ပြောရရင် စူနာမီဗမာ့ဒုက္ခဆိုတဲ့ စာအုပ်ထူကြီး တအုပ်တောင်ဖြစ်လောက်ပါရဲ့။ ခင်ဗျားမြင်သာအောင် ကျနော်ကြိုးစားပြီးပြောပါ့မယ်။ ဒီလိုဗျ။
စူနာမီသတင်းတွေ ဆက်တိုက်တက်လာနေတာကြောင့် စူနာမီဆိုတာဘယ်လိုဟာများပါလိမ့်ဆိုပြီး ကျနော်သိချင်လာတယ်။သတင်းဌာန မျိုးစုံက ထုတ်လွှတ်နေတာကြောင့် အဲဒီစူနာမီဟာ အိန္ဒိယသမုဒ္ဒရာထဲက ပင်လယ်ရေအောက်ကြမ်းပြင်ကြီး အက်ကွဲသွားလို့တဲ့ဗျ။ ဆက်စပ်ပြီးစဉ်းစားလိုက်တော့ ဧရာမမြေအောက်ကြမ်းပြင်ကျွံကျမှုကြောင့် အနီးနားက ပင်လယ်ရေတွေဟာ အဲဒီအက်ကွဲကြောင်းကြီး ထဲကို ရုတ်ခြည်းစီးဝင်ကုန်တယ်။ အဲဒီစီးဝင်ကုန်တာကြောင့် စူနာမီနဲ့နီးနဲ့ ပင်လယ်ကမ်းစပ်တွေမှာ ရေတွေဟာ ကမ်းစပ်ကနေ အဝေးကြီးကို ရောက်သွားတယ်။ရေကျသွားတယ်ဆိုပါတော့။ မကြာခင်မှာပဲ အက်ကြောင်းကြီးထဲကို ကျသွားတဲ့ ပင်လယ်ရေ တွေနေရာ ကို ရုတ်ခြည်း အစားထိုးဝင်လာတဲ့ ပင်လယ်ရေတွေကြောင့် အလွန်တရာကြီးမားတဲ့ ရေလှိုင်းကြီးတွေ ကမ်းခြေကိုရိုက်ခတ်တော့ တာပါပဲ။
ကျနော်တို့မြန်မာလူမျိုးများ ဗဟုသုတကြီးမားလိုက်ပုံကို ရီစရာပြောရအုံးမယ်။ ကျနော်နဲ့မျက်မှန်းတန်းမိနေတဲ့ ရနောင်းနဲ့ကော့သောင်း ပါချန်မြစ်ကိုဖြတ်ပြီး ဗမာပစ္စည်းဖြန့်တဲ့ကုန်သည် ဒေါ်ခင်မမဆိုတဲ့ အမျိုးသမီးကြီးတယောက်ကို အဲဒီရေဘေးအကြောင်း စကားစလိုက်မိ တယ်။ သူက ချက်ခြင်းဆိုသလို ဟာ၊ အဲ"ဒီစူနာမဏိ"က သိပ်ကြောက်စရာကောင်းတယ်တဲ့။ ကျနော်နားကြားများမှားသလားလို့ ထပ်ပြော ခိုင်းတော့လည်း "စူနာမဏိ"ပါပဲ။
အဲဒီရိုက်ခတ်ခဲ့တဲ့စူနာမီလှိုင်းဟာ ဘယ်လောက်ကြီးသလဲ။ ပျက်စီးဆုံးရှုံးမှု များသလဲဆိုတာကို ကျနော်မျက်ဝါးထင်ထင်မြင်ခဲ့ရပါတယ်။ ဟုတ်တယ်လေ။ စူနာမီဖြစ်ပြီးနောက်တနေ့ ဒီဇင်ဘာ(၂၇)ရက်မှာပဲ ကျနော်ဖူးခက်ကို ရောက်ခဲ့ပြန်တယ်။ ဇနီးနဲ့သမီးကို ကော့သောင်း ဖက်ပြန်ပို့ပြီးပြီးချင်း ကျနော် ဖူးခက်ကိုထွက်ခဲ့တာပေါ့။ ဘာတွေဖြစ်ကုန်ပြီလဲ ၊ဘယ်လိုဘယ်ပုံဖြစ်တာလဲ၊သိချင်တဲ့စိတ်ကြောင့်ပေါ့။
စူနာမီရဲ့ပြင်းအားကို အလန့်တကြားဖြစ်စေခဲ့တဲ့ မြင်ကွင်းကတော့ ခေါင်လတ်ဆိုတဲ့ အရပ်က၊ ထိုင်းရေတပ်စစ်သင်္ဘောတစီး ပင်လယ် ကမ်းစပ်ကနေ ကိုက်လေးငါးရာအကွာ ကုန်းပေါ်မှာ လာတင်နေတာပဲဗျ။ သင်္ဘောဟာ စူနာမီရေလှိုင်းကြောင့် ကမ်းခြေနဲ့ ကားလမ်းကြား က ကိုက်လေးရာလောက်ကွာတဲ့ ကားလမ်းကိုကျော်ပြီး မြေပြင်မှာ ဘွားဘွားကြီးတင်နေလေရဲ့။
ခေါင်လတ်မြို့ဟာ ဖူးခက်နဲ့ ကီလိုမီတာ တရာကျော်ဝေးပါတယ်။ ထူးခြားချက်က ခေါင်လတ်ကမ်းခြေပင်လယ်နဲ့ထိစပ်နေတဲ့ ကျယ်ဝန်း ရှည်လျားသောကမ်းခြေဖြစ်တာကြောင့်စူနာမီဒဏ်ကို အကြီးအကျယ်ခံရတဲ့နေရာတခုပါပဲ။
လွန်ခဲ့တဲ့နာရီပိုင်းက တွေ့ခဲ့ရတဲ့ ဆောက်လက်စအဆောက်အဦးတွေအားလုံး ရစရာမရှိအောင်၊ မယုံကြည်နိုင်လောက်အောင် စုတ်ပြတ် နေပါပြီ။ နောက်ပိုင်း ကျနော်ဟာ ဖူးခက်ရနောင်း ရနောင်းဖူးခက် ကြိမ်ဖန်များစွာ လူးလာခေါက်တုန့်နေခဲ့ချိန်မှာ ခေါင်လတ်ဟာ မြို့ပျက် ကြီးတစ်ခုလိုပါပဲ။ညနေခြောက်နာရီအချိန်လောက် ကျနော်ကားပေါ်ကနေ ခေါင်လတ်ကမ်းခြေကို ဖြတ်သွားတဲ့အခါ အတော့်ကို ချောက်ချောက်ခြားခြား ဖြစ်စေတဲ့မြင်ကွင်းပါပဲ။ ကြည့်လေ။ အဆောက်အဦးပျက်တွေနဲ့၊လမ်းမီးတွေမလာ၊လမ်းပေါ်မှာ လမ်းသွား လမ်းလာလူသူမရှိ။မှောင်မှောင်မဲမဲ။ ဒီကြားထဲ စူနာမီသူရဲဇာတ်လမ်းတွေကလည်း ရှိသေးဗျာ။
ဘာတဲ့။ အငှားကားမောင်းတဲ့ ယာဉ်မောင်းတယောက်က ခေါင်လတ်ကမ်းခြေနားက ကားလမ်းပေါ်မှာ ကားတားစီးတဲ့ လူတွေကို တွေ့တော့ ဈေးညှိပြီး ကားပေါ်တင် မောင်းလာလိုက်တာ ငါးမိနစ်လောက်ကြာလို့ သူတို့ကိုကြည့်လိုက်တော့ ရေနစ်သေနေတဲ့ မသာ ရုပ်တွေ ဖြစ်နေသတဲ့။ ဒရိုင်ဘာလည်း ကားကိုထားခဲ့ပြီး တချိုးတည်း ခြေကုန်သုတ်ပြေးတဲ့ဇာတ်လမ်းမျိုးတွေပေါ့ဗျာ။ နောက် ဇာတ်လမ်း တပုဒ်က စူနာမီကြောင့် သေဆုံးကြရတဲ့ အလောင်းတွေကို ခေါင်လတ်မှာစုပြုံထားပြီး ဒီအန်အေစစ်ကြ၊ နိုင်ငံသားစစ်ဆေးဖို့လုပ်ကြ၊ အလောင်းတွေထောင်ချီပြီး စုထားတုန်းကဆို ညညသန်းကောင်ယံကျော်ရင်ငိုသံတွေ ငြီးသံတွေ၊တုန်လှုပ်ချောက်ချားစရာကောင်းတဲ့ အသံမျိုးစုံတွေ ထွက်ပေါ်လာတတ်တာလည်း လူပြောများသဗျ။ထိုင်းလူမျိုးအများစုဟာ ဒီလို တမလွန်၊ဝိဥာည်တစ္ဆေ သူရဲဇာတ်လမ်း တွေကို တခြားလူမျိုးတွေထက် အစွဲသန်ကြတော့ ပိုဆိုးတာပေါ့။
ကျနော်ဖူးခက်ကိုရောက်တော့ တလပ်ကဆစ်ဈေးနားမှာရှိတဲ့ ဈေးပေါပေါဟိုတယ်တခုမှာ တည်းတယ်။ တနေကုန် ဖူးခက်မြို့ကို လျှောက်ပတ်ကြည့်တယ်။ ကြည့်ရတဲ့ ရည်ရွယ်ချက်က နှစ်ခုရှိတယ်ဗျ။ ကျနော်ဒီမြို့မှာ တဝမ်းတခါးအတွက် အခြေချသင့်သေးသလား ။ နောက်တော့ ဖူးခက်မြို့ကြီးဘာတွေဖြစ်ကုန်ပြီလဲ သိချင်တဲ့စိတ်။ ဒီနှစ်ခုဆိုပါတော့။
လိုရင်းပြောရရင် ဖူးခက်တောင်းလို့ခေါ်တဲ့ ဖူးခက်မြို့မမှာနေတဲ့သူတွေ စူနာမီကို မသိလိုက်တာ သိပ်သဘာဝကျတယ်။ ဖူးခက်မြို့ဟာ ပင်လယ်ထဲက ကျွန်းကြီးဗျ။ကျနော့်စိတ်ထင်ခန့်မှန်းချေ အလျားကီလိုမီတာ ခုနှစ်ဆယ်၊အကျယ်ဆုံးနေရာမှာ အနံသုံးဆယ့်ငါးမီတာ လောက်ရှိနိုင်တယ်။ ကမ်းစပ်နဲ့ ဖူးခက်မြို့မကို တောင်ကြီးတွေနဲ့ စည်းခြားထားတယ်။ ကမ်းခြေကနေ တောင်တန်းတွေကိုကျော်မှ ဖူးခက်မြို့မကို ရောက်တယ်။ အခုတိုက်ခတ်ခဲ့တဲ့ စူနာမီဟာ ကမ်းခြေတွေကို ရိုက်တာမို့ မြို့ထဲကလူတွေ ရုတ်တရက်ဘယ်သိနိုင်ပါ့မလဲ။
နောက်တချက်ကတော့ ကမ်းခြေတိုင်းလည်း စူနာမီဒဏ်မခံရပြန်ဘူး။ စူနာမီလှိုင်းနဲ့ မျက်နှာချင်းဆိုင်နေတဲ့ ပါတောင်၊ကမလာ၊ ကရွန်း၊ ကတ၊တဲ့ ကမ်းခြေတွေသာ ခံရတာဆိုပါတော့။
တခုစဉ်းစားကြည့်ဗျာ။ အဲဒီအချိန်က ထိုင်းနိုင်ငံမှာ စူနာမီအချက်ပေးစံနစ်ဆိုတာမပေါ်သေးဘူးတဲ့ဗျ။ဖူးခက်ကနေ ပင်လယ်ပြင်ထဲက ကျွန်းတွေဆီ၊ကမ္ဘာလှည့်ခရီးသွားတွေကိုတင်ဆောင်သွားတဲ့ စပီဘုတ်နဲ့ သင်္ဘောအကြီးစားတွေဟာ နေ့တိုင်းလို အစီးရေရာချီပြီး ထွက်ကြတယ်။ ထွက်တဲ့အချိန်က မနက် ရှစ်နာရီဝန်းကျင် ၊အဲဒီစပိဘုတ်နဲ့သင်္ဘောတွေကျွန်းတခုခုကိုရောက်ဖို့ ခုတ်မောင်းချိန်က နှစ်နာရီဝန်းကျင်ရှိတယ်။ စူနာမီလှိုင်းရိုက်တာက မနက်ကိုးနာရီ။သေချာသာစဉ်းစားကြည့်ပေတော့။ ဖူးခက်ကမ်းခြေကနေထွက်တဲ့ ကမ္ဘာလှည့်ခရီးသည်တွေတင်ထားတဲ့ သင်္ဘောကြီးငယ်မှန်သမျှဟာ ပင်လယ်ပြင်ထဲမှာပဲရှိနေကြတုန်း ချိန်ကိုက်မိုင်းဗုံးနဲ့တူတဲ့ စူနာမီကြောင့် ပင်လယ်ထဲမှာတင် နိဂုံးချုပ်ဖို့သာရှိတော့တာ ပေါ့ဗျာ။
အဲဒီစူနာမီရဲ့ အသေအပျောက်စာရင်းကိုဘယ်သူမှ မသိနိုင်ဘူး။ ဘယ်လိုမှလည်း အတိအကျကောက်နိုင်စရာ အကြောင်းမရှိဘူးဗျ။ ထိုင်းအစိုးရကတော့ ကမ္ဘာလှည့်ခရီးသည်လုပ်ငန်းကို ထိခိုက်လာမှာ စိုးတာကြောင့် ထိန်းထိန်းသိမ်းသိမ်းကြေညာတာပေါ့ဗျာ။ ခက်တာက ထိုင်းအစိုးရကိုယ်တိုင် စူနာမီရဲ့အသေအပျောက် အပျက်အစီးစာရင်းကို တိတိကျကျရဖို့ဆိုတာ မဖြစ်နိုင်တဲ့ ကိစ္စပါ။ အေးပေါ့ဗျာ။ အမေရိကန်။ဥရောပနဲ့ စကင်ဒီနေဗီးယန်းနိုင်ငံတွေလိုလူတန်းစေ့နေနိုင်တဲ့နိုင်ငံတွေကတော့ သူတို့နိုင်ငံသား ဘယ်နှစ်ယောက် ဘယ်နေ့က ဘယ်မှာပျောက်သွားတယ်ဆိုတာ စိုးရိမ်တကြီးလိုက်ရှာကြတာပေါ့။
ဖူးခက်လေယာဉ်ကွင်းမှာ နိုင်ငံတကာက လေယာဉ်အကြီးအလတ်အငယ်မျိုးစုံဆိုက်လာတယ်။ သူတို့နိုင်ငံသားမှန်ရင် တပြားမှ မကုန်ပဲ နေ့ရောညပါလေယာဉ်တွေဆွဲပြီး ကူသယ်ခေါက်သယ်ပြေးနေတယ်။ ဆေးရုံပေါ်ရောက်နေတဲ့မိသားစုနဲ့ အဆက်အသွယ်မရတဲ့ ကမ္ဘာ လှည့်ခရီးသည်တွေရဲ့ပုံတွေကို တိုက်ရိုက်ထုတ်လွှင့်ပေးနေတယ်။ သူတို့ရဲ့ငြီးတွားသံတွေ သူတို့မိသားစုကို သူတို့ပြောချင်တဲ့ စကားတွေ ကို ထုတ်လွှင့်ပေးနေခဲ့တယ်။နိုင်ငံတော်တော်များရဲ့ သံရုံးဝန်ထမ်းတွေ အထူးအရာရှိတွေဟာ စူနာမီဒုက္ခသည်ကူညီထောက်ပံ့ရေး အတွက် နေ့ရောညပါ ခြေချင်းလိမ်ပြီး အလုပ်ရှုပ်ခဲ့ကြတယ်။

ကမ္ဘာအနှံ့ကနေ ဖူးခက်မှာ ဒုက္ခကြုံနေရတဲ့သူတို့နိုင်ငံသားတွေကို အကောင်းဆုံးကူညီဖြေသိမ့်မှုတွေ ပေးနိုင်ချိန်မှာ ကျနော်တို့ မြန်မာနိုင်ငံသား ရွေ့ပြောင်းအလုပ်သမားတစ်ယောက်ကတော့သူ့အကိုအလောင်းကို အုန်းပင်တခုရဲ့အကွယ်ကနေ ချောင်းကြည့်နေရ သတဲ့ဗျ။ မော်လမြိုင်ဇာတိမွန်လေးတယောက်ကိုယ်တိုင်ပြောပြတဲ့ဇာတ်လမ်းပေါ့ဗျာ။အော်၊ချောင်းကြည့်နေရတယ်ဆိုတာ သူ့မှာ တရား ဝင်အလုပ်သမားကဒ်မရှိဘူးလေ။ ဒါကျနော့်အကိုအလောင်းပါလို့ပြောမိတာနဲ့ ထိုင်းရဲက မင်းမှာပတ်စပို့ရှိလားမေးရင် ကွိကနဲ နေမှာပေါ့။
ဘန်ကောက်မြန်မာသံရုံးက တာဝန်ရှိသူတကောင်တမြီးမှလာသံမကြားမိဘူးဗျာ။အဆိုးဆုံးကတော့ စူနာမီဒဏ်ခံရပြီး စုတ်ပြတ်ကျန်ခဲ့တဲ့ အဆာက်အဦင်္ပျက်တွေကြားက အဖိုးတန်ပစ္စည်းတွေကို ဗမာအလုပ်သမားတချို့ ဝင်ပြီး ခိုးတယ်ဝှက်တယ်ဆိုတဲ့သတင်းတွေလည်း ထိုင်းတီဗီက လွှင့်သေးဗျာ။အဲဒီသတင်းကြောင့် ဗမာရွေ့ပြောင်းအလုပ်သမားအများစုခမျာ စူနာမီဒုက္ခကြောင့် ဂရုဏာအသက်မခံရတဲ့ အပြင် လူမုန်းပွားစရာပိုဖြစ်ရတာပေါ့။
နေဦး၊စူနာမီအရှိန်ကို ခင်ဗျားခန့်မှန်းနိုင်အောင် ခင်ဗျားကိုပြောပြရအုံးမယ်။အဲဒီရက်ပိုင်းမှာ တနေ့ ကျနော်အငှားကားတစီးနဲ့ နာမည် ကျော် ပါတောင်ကမ်းခြေဖက်ကို ထွက်ခဲ့ရောဆိုပါတော့။ ကားပေါ်မှာထိုင်နေရင် စကားစမြည်ပြောနေရာကနေ လမ်းတလျှောက် အပျက်အစီးတွေကို ကြည့်နေရာက ကျနော်က ဒရိုင်ဘာကို စပ်စုလိုက်မိတယ်။ ခင်ဗျားစူနာမီလှိုင်းရိုက်တဲ့နေ့က ဘယ်မှာရှိနေတုန်း လို့ပေါ့။
တိုက်တိုက်ဆိုင်ဆိုင်ဗျာ။ သူက ကျနော် ဒီပါတောင်ကမ်းခြေမှာပဲရှိနေတာတဲ့။ "ခင်ဗျားဘာလုပ်နေတာတုန်း"ဆိုတော့ "ကျနော်ထုံးစံ အတိုင်း ကားမောင်းနေတာလေ"တဲ့။
ကျနော်လည်း စိတ်မရှည်တာနဲ့ "ခင်ဗျား ဒီပါတောင် ကမ်းခြေမှာ စူနာမီကို ကြုံတယ်ဆိုရင် ခင်ဗျား ဘာမှ ဖြစ်မသွား ဘူးလား"မေးတော့မှ "အဲဒီတုန်းက ကျနော် ဒီပါတောင်ကမ်းခြေပေါ်မှာ ကားကိုခပ်ဖြေးဖြေးမောင်းနေတာ။ဘေးမှာ ကျနော့် သူငယ် ချင်းတယောက်ပါတယ် ။ စူနာမီတက်တယ်ဆိုတဲ့ ဆူဆူညံညံအသံတွေကြားရပြီး စက္ကန့်ပိုင်းအတွင်းမှာ ကျနော့်ကားရော ကျနော်ပါ ကားလမ်းဘေးမှာရှိတဲ့ ဟိုတယ်ရဲ့ ဒုတိယထပ်ကို ရေလှိုင်းနဲ့အတူမြှောက်တက်သွားတယ်။ ကျနော်သူငယ်ချင်း ဘယ်နေရာ မှာဘယ်လိုကျန်ခဲ့မှန်းမသိဘူး။ အခု သူ့သတင်းကိုစုံစမ်းနေတုန်းပါပဲ။ ကျနော့်စိတ်ထင် သူ့ကို လှိုင်းလုံးကြီးတွေက ပင်လယ်ထဲကို ဆွဲချသွားတယ်ထင်တာပါပဲ။ လှိုင်းအမြင့်ဟာ ပေလေးငါးဆယ်လောက်ရှိမယ်ထင်တယ်ဗျာ။ ခင်ဗျားအခုကြည့်လေ။ ကမ်းခြေက အုန်းပင်တွေရဲ့ အဖျားတွေခြောက်နေတာ တွေ့တယ် မဟုတ်လား"တဲ့။ စူနာမီလှိုင်းဘယ်လောက်ကြီးတယ်၊ ဘယ်လောက်အရှိန်ပြင်း တယ်ဆိုတာခင်ဗျားဖာသာ စဉ်းစားပေတော့။
နေဦးဗျ။ အဲဒီစူနာမီရေဘေးမှာ ထိုင်းဘုရင့်မင်းမြတ်ရဲ့ အကြီးဆုံးသမီးရဲ့ရင်သွေး သားကြီးသြရသလည်း ဆုံးရှာသတဲ့။ကျနော့်ဆီမှာ ယာဉ် မောင်းဒရိုင်ဘာလုပ်သွားတဲ့ဖေကြည်ရဲ့စူနာမီအတွေ့အကြုံကလည်း တမျိုးတဘာသာခင်ဗျ။ သူကတော့ စူနာမီရေလှိုင်းတက်နေတာကို ဖူးခက်နဲ့ကီလိုမီတာ ၃၀လောက်ဝေးတဲ့ ပင်လယ်ထဲက ကျွန်းတကျွန်းကနေ ကြည့်နေမိကြတယ်တဲ့ဗျ။ အစကတော့ ကမ်းစပ်ကရေတွေ သိသိသာသာလျော့သွားတာကို သူသတိပြုမိတယ်ဆိုပဲ။ နောက်တော့ ပင်လယ်ထဲကနေ ဧရာမလှိုင်းလုံးကြီးတွေ တလိမ့်လိမ့်တက်လာ တာကိုလည်းမြင်ရော သူလည်း နီးရာတောင်ကုန်းပေါ်ကို ပြေးတက်ရင်း အသက်ဘေးကလွတ်ခဲ့သတဲ့ဗျာ။
အေးဗျာ။လွန်ခဲ့တဲ့လေးဆယ့်ရှစ်နာရီက ကျနော်တို့မိသားစုရှိနေခဲ့တဲ့ ဖီဖီကျွန်းတကျွန်းလုံးရစရာမရှိအောင် ပျက်စီးသွားသတဲ့။ ကျနော် မှတ်မိနေတာကတော့ အဲဒီကျွန်းပေါ်မှာ မကြာခင်က အာစီယံအစည်းအဝေးလုပ်ခဲ့ဖူးတာကြောင့် ပင်လယ်ပြင်ထဲကနေ ကျွန်းဆီကို လှမ်းကြည့်တဲ့အခါ လေထဲမှာ တလူလူလွှင့်နေတဲ့ အာစီယံဆယ်နိုင်ငံက အလံတွေပါပဲ။စူနာမီဟာ အာစီယံနိုင်ငံတော်တော် များများကို အကြီးအကျယ်ပျက်စီးဆုံးရှုံးစေခဲ့တယ်။

ကျနော့်ကိုယ်တွေ့အရ အားလုံးသော ဒုက္ခသည်တွေထဲမှာ မျက်နှာအငယ်ရဆုံးခိုကိုးရာအမဲ့ဆုံးကတော့ ထိုင်းနိုင်ငံစူနာမီစက်ကွင်း မလွတ်တဲ့ အရပ်ဒေသတွေက မြန်မာအလုပ်သမားတွေပါပဲ။ကျနော့်စပ်စုကြည့် သလောက်တော့ ဖူးခက်ကို ပထမဆုံးခြေချတဲ့ ခေတ်သစ်အလုပ်သမားလူတန်းစားဟာ မွန်ပြည်နယ်၊လမိုင်းရွာသားတွေတဲ့ဗျ။ ဒီတော့ ဖူးခက်မှာ အလုပ်လုပ်နေကြတဲ့ မြန်မာ အလုပ်သမားတွေထဲမှာ မွန်တွေအများစုလို့ဆိုရမယ်။ နောက်တော့ ကရင်တွေရောက်လာပြန်တယ်။ နိုင်ငံနှစ်ခုနယ်နိမိတ် ချင်းထိစပ်နေတဲ့ အရပ်ဒေသကလူတွေ အရင်ဆုံးရောက်လာကြတာပေါ့ဗျာ။ ဥပမာ ရေး၊ဘိတ်၊ထားဝယ်၊ကော့သောင်းလိုမြို့တွေက လူတွေလာပြီး အလုပ်လုပ်ကြတယ်။ အခုအချိန်မှာတော့ ပဲခူး၊ဧရာဝတီ၊မကွေး၊မန္တလေး၊ရန်ကုန်လို ဖူးခက်ကနေ ဝေးလံသီခေါင်လှတဲ့ အရပ်က လူတွေတောင် အတော်များများရောက်နေကြပါပြီ။ ကျနော်ပြောလိုက်ရင် ခင်ဗျားအံ့သြသွားမယ်။ မကွေး တိုင်းဆိတ်ဖြူဖက်ကလို ဖူးခက်ဆိုတာ ဘယ်အရပ်မှန်း မသိတဲ့ရွာသူရွာသူတွေ ဖူးခက်ကို ရောက်နေကြပြီဗျ။ ကျနော်တို့တိုင်းပြည်က အုပ်ချုပ်သူတွေ သိမှ သိပါလေစဗျာ။နိုင်ငံသားတဦးချင်းစီရဲ့ အခြေခံစားဝတ်နေရေးကိုတောင် ပြေလည်အောင် မဖြေရှင်းနိုင်ပဲ ခေတ်မီ ဖွံ့ ဖြိုးတိုးတက်သောနိုင်ငံတော်သစ်ကြီးဆီသို့ ဆိုတဲ့ စာသားပါတဲ့ဆိုင်းဘုတ်တွေကို ဘာကြောင့်များ လူတကာမြင်အောင် ချိတ်ဆွဲ ထားကြပါလိမ့်ဗျာ။
စူနာမီမှာလူတွေအများကြီးသေကြကြေကြ၊ ပျက်စီးကြဒုက္ခရောက်ကြရတာ မျက်မြင်ကိုယ်တွေ့တွေ့ရတော့ ကျနော့်ဘဝအကြောင်းကို ကျနော်ပြန်စဉ်းစားမိတယ်ဗျာ။ တကယ်တော့ ကျနော်ဟာ ကြီးစွာသောကံအကြောင်းတရားကြောင့် လူ့ဘဝကို ရခဲ့တယ်လို့ ပြောနိုင် တယ်ဗျ။ သေချာစဉ်းစားလေ ကျနော်ဟာ ကံကြီးလွန်းလို့လူ့ဘဝကို ရခဲ့တယ်ဆိုတာထင်ရှားလေပဲဗျ။ လူ့ဘဝဆိုတာ ဘယ်ဆီနေ မှန်းမသိခင် ကျနော်ဟာ လူ့ဘဝကို မရောက်နိုင်တဲ့ အကြောင်းတရားတွေရှိခဲ့လေရဲ့။
ခင်ဗျားစဉ်းစားကြည့်လေ။ ကျနော့်အဖေဟာ ကျနော့်ကိုမမွေးခင် လည်ပင်းကိုကြိုးတပ်ပြီး အသေသတ်ခံ့ရမဲ့ဘဝကို ကြုံခဲ့ရဖူးတယ်။ အဖေအသတ်ခံရရင် ကျနော်ဘယ်မှာလာ လူလာဖြစ်ပါတော့မလဲ။ခင်ဗျားနဲ့စကားပြောရတာတော်တော်လက်ပေါက်ကပ်တာပဲ။ နေအုံး။ ခင်ဗျားနားရှင်းအောင်ကျနော်ရှင်းပြပါအုံးမယ်။
(၁၉၅၀)ဝန်းကျင်၊လွတ်လပ်ရေးရပြီးကာစ အချိန်ပေါ့ဗျာ။ကျနော့်အဖေနဲ့အမေက အိမ်ထောင်ကျခါစအချိန်။ အဖေဟာ သူ့အမေ ကျနော့်အဖွားဒေါ်ရွှေဘွဲ့ရဲ့ တံပိုးကျဲကိုကြောက်ပြီး အမေ့ကိုလက်ထပ်ရတာလို့ ကျနော်ပြောဖူးတာ မှတ်မိလား။တံပိုးကျဲဆိုတာက ဒီလိုဗျ။ နွားလှည်းမှာ နွားတပ်တဲ့အခါ နွားနှစ်ကောင်ရဲ့ဂုတ်ပေါ်ကို ကန့်လန့်ဖြတ်တင်ရတဲ့ တံပိုးတုံးဆိုတာ ရှိတယ်။ နွားလည်ပင်းတဖက် တချက်ကို ထိန်းဖို့ တံပိုးတုံးမှာ အပေါက်လေးနှစ်ပေါက်ဖောက်ပြီး ဝါးဆစ်တုတ်အနေတော်လေးတွေတပ်ထားတယ်။ အဲဒီတထောင့်ထွာ လောက်ရှိတဲ့ ဝါးဆစ်တိုလေးတွေဟာ တံပိုးကျဲပဲ။ တံပိုးကျဲနှစ်ချောင်းအနက် အတွင်းဖက်ကျတဲ့ တံပိုးကျဲက အတို။ အပြင်ဖက် တံပိုးကျဲက အရှည်ဆိုပါတော့ ။တံပိုးကျဲကို သီထားတာက တံပိုးကြိုးပေါ့ဗျာ။ အတွင်းဖက်ကို အတိုထားတာက တံပိုးကြိုးသီ လို့ရအောင်တဲ့ ။ရှင်းရတာ အာပေါက်ချက်။ကျနော့်အဖွားက ကျနော့်အဖေကို အဲဒီတံပိုးကျဲတွေ လက်ကိုင်ထားပြီး သွန်သင်လေ့ရှိသတဲ့။ ဆန်းချက်တမျိုးက ကျနော့်အဖိုး ဦးချစ်မောင်ဟာ လူအေးတဲ့ဗျာ။ ကျနော့်အဖေအပါအဝင် သားသမီးခြောက်ယောက်ကို ကျနော့်အဖိုးက လက်ဖျားနဲ့တောင် မတို့ဖူးဘူးတဲ့။ ကျနော့်အဖွားလက်သံပြောင်ချက်ကတော့ ကျနော့်အဖေ တစ်ခုခုထင်ရာစိုင်းလာပြီဆိုတာ သိတာနဲ့ ဟိတ်၊အောင်မြ။ တင်းကုပ်ကတိုင်မှာ ကပ်လိုက်စမ်းဆိုပြီး တံပိုးကျဲနဲ့လက်စွမ်းပြလေရဲ့ရှိသတဲ့။ ကျနော်ခန့်မှန်းမိသလောက် အဖွားဟာ သူရဲ့ဆွေဂုဏ်မျိုးဂုဏ်ကြောင့် အထိုက်အလျောက် စိတ်ဓာတ်မာကျောကြံ့ခိုင်ဟန်ရှိတယ်။ အဖိုးဦးချစ်မောင်ကတော့ အဖွားဒေါ်ရွှေလဲ့ ပြောသမျှ အေးပါ၊အေးပါ၊ဆိုတဲ့အထဲက ထင်ပါရဲ့ဗျာ။ အမယ်သူလည်းသူ့ခေတ်နဲ့သူတုန်းက ဟိုစာဖတ်၊ဒီစာဖတ်နဲ့ စာတိုငညို စာရင်းဝင်သတဲ့ဗျ။
အဖေဟာ အဖွားရဲ့တချက်လွှတ်အမိန့်ကြောင့် အမေ့ကိုယူခဲ့ရပေမဲ့ မိုက်လက်စကတော့ မကုန်သေးဘူးတဲ့ဗျ။

ယနေ့ထုတ်ဆဲဗင်းဒေးဂျာနယ်

မင်းဒင်ရဲ့သက်ခိုင် (၂)

တရံရောအခါက မိစု

ခေတ်ပျက်ကြီးထင်ပါရဲ့ဗျာ။ သေနတ်မျိုးစုံကလည်းအတော်ပေါဆိုပဲ။ နဂိုကတည်းက ဇမသေးတဲ့အဖေဟာ သူ့မိုက်ဖော်မိုက်ဖက်တွေနဲ့ ထင်တိုင်းကြဲနေခဲ့တာပေါ့။ အဲဒီကာလက တကယ်ကိုရောင်စုံသူပုန်လို့ဆိုရမယ်။ ကျနော်ကြားဖူးတာက ရဲဘော်ဖြူ၊ရဲဘော်ဝါ၊ရဲဘော်နီ အပြင် မထူးတပ်သားတွေမထူးတပ်ဗိုလ်လည်း ရှိသေးသတဲ့ဗျ။ မထူးတပ်ဆိုတာ ကျနော်တို့နယ်ဖက်မှာအတော်နာမည်ကြီးသတဲ့ဗျာ။ တိုင်းပြည်ဗရမ်းဗတာဖြစ်ပြီး သေမထူးနေမထူးတော့တာကြောင့် လူစုပြီးရရာလက်နက်နဲ့ စားရေးဝတ်ရေးကို ဖြစ်တဲ့နည်းနဲ့ဖြေရှင်းကြဖို့ တပ်ထောင်ကြတယ်ထင်ပါရဲ့။ကျနော်သိသလောက်တော့ ရဲဘော်ဖြူတို့ရဲဘော်နီတို့ဆိုတာ ကွန်မြူနစ်တွေတဲ့ဗျာ။ရဲဘော်ဖြူဆိုတဲ့အလံဖြူ ခေါင်းဆောင်ကတော့ သခင်သန်းထွန်း၊အလံနီ်ဥက္ကဋ္ဌကတော့ သခင်စိုးပေါ့။အဲဒီကွန်မြူနစ်ပါတီတွေဟာ လွတ်လပ်ရေးရပြီးတာနဲ့တောခို ကြသတဲ့။တောခိုရတဲ့အကြောင်းရင်းက မြန်မာပြည်ရဲ့လွတ်လပ်ရေးဟာ အစစ်မဟုတ်၊လွတ်လပ်ရေးအတု၊လွတ်လပ်ရေးအလိမ်၊ရွှေရည် စိမ်လွတ်လပ်ရေးသာဖြစ်တယ်လို့ ခံယူကြလို့တဲ့ခင်ဗျ။လွတ်လပ်တယ်ဆိုတဲ့ မြန်မာနိုင်ငံဟာ ဗြိတိသျှနယ်ချဲ့ရဲ့ ကိုလိုနီတပိုင်းသာ ဖြစ်နေ လို့ အပြည့်အဝအချုပ်အချာအာဏာပိုင်မှုအတွက် တောခိုရတာလို့ ကျနော်ဖတ်ဖူးသဗျ။လိုတိုရှင်းပြောရရင် ဗိုလ်ချုပ်အောင်ဆန်းတို့ ဦးနုတို့ အင်္ဂလိပ်အစိုးရနဲ့ ချုပ်ဆိုခဲ့တဲ့ အောင်ဆန်းအက်တလီ၊နုအက်တလီဆိုတဲ့စာချုပ်တွေကို အယုံအကြည်မရှိဘူးပေါ့ဗျာ။

အေးဗျာ။ ကျနော့်စိတ်ထင်ပြောရရင် ကျနော့်တို့နယ်ဖက်က တောသူတောင်သားတွေကို လွတ်လပ်ရေးဟာ အစစ်လား၊အတုလား လျှောက်ပြောလို့ကတော့ ဇယားရှုပ်ရုံသာရှိမယ်ထင်ပါရဲ့။အုပ်ချုပ်ရေးအာဏာကလည်း မထိရောက်၊ထင်ရာစိုင်းတဲ့ အုပ်စု၊ပါတီ၊ဂိုဏ်းဂဏ တွေနဲ့ခေတ်ကြီးဟာ ဖြစ်ချင်တိုင်းဖြစ်နေခဲ့တယ်ထင်ပါရဲ့။

အမေပြောဖူးတာကတော့ အဲဒီကာလက ရွာမှာနေရတယ်မရှိပဲ၊ နီးစပ်ရာ တောထဲတောင်ထဲ ခရိုးရှိုမြောင်ကောင်းကောင်းထဲ လျှောက် ပုန်း နေကြရတယ်ဆိုပဲ။ ဘယ်နယ်က ဗိုလ်ဘယ်သူဦးစီးတဲ့ မထူးတပ်ဝင်လာပြီဟေ့ ဆိုတဲ့အသံကြားရတာနဲ့ ပြေးကြရတာပဲတဲ့ဗျ။အဲဒီလို ခေတ်ကာလကြီးထဲမှာ ကျနော့်အဖေ ကိုအောင်မြတ်က လူသူတော်ကောင်းကြီးလုပ်ပြီး လုပ်ပြီး နယ်ကျွံလာတဲ့ နွားအုပ်ကြီးတအုပ်ကို သူ့သဘောနဲ့သူ မှိုက်ပင်ရွာသားတွေကို ဝေခြမ်းရေးလုပ်ပစ်ပါလေရောတဲ့ဗျာ။

အမှန်တော့ ရဲဘော်ဖြူတဖွဲ့က အဲဒီနွားအုပ်တွေကို ရွာစဉ်လှည့်ပြီးသိမ်းခဲ့တာတဲ့ဗျ။ နွားအုပ်ကြီးက ကြီးလွန်းတော့ ရဲဘော်ဖြူအဖွဲ့လည်း ထိန်းမနိုင်သိမ်းမနိုင်မို့ သူ့တို့သြဇာဘယ်ကောင်မှမလွန်ဆန်ဝံ့ဘူး။ နွားကောင်ရေတရာလောက်ရှိတဲ့ နွားအုပ်ကြီးကို ဒီနယ်တရိုးမှာ ဘယ်သကောင့်သား မှ အပျောက်မရိုက်နိုင်ဘူးလို့ထင်ကြဟန်တူပါရဲ့။

ရဲဘော်ဖြူတွေကံဆိုးချက်ကတော့ အဲဒီနွားအုပ်ကြီးဟာ ကျနော့်အဖေ ခေါင်းဆောင်တဲ့ မှိုက်ပင်လူမိုက်အုပ်စုလက်ထဲ တည့်တည့်ကြီး ကိုရောက်သွားတော့တာပါပဲ။နွားအုပ်ကြီးကို အောင်မြတ်ဝေခြမ်းရေးလုပ်ပစ်တဲ့ သတင်းဟာ ရဲဘော်ဖြူတွေဆီကို ဘီဘီစီသတင်းလို မြန်မြန်မှန်မှန်၊တနယ်လုံးတောမီးလောင်သလိုပျံ့နှံ့သွားတယ်ထင်ပါ့ဗျာ။

ရဲဘော်ဖြူလက်မရွံ့ ဗိုလ်နဲ့ သူ့တပ်ဖွဲ့ဟာ မှိုက်ပင်ကိုရောက်လာပြီး အဖေ့ကို တောနင်းတော့တာပါပဲ။ အမှန်တော့ ခေတ်ပျက်ကြီးမှာ သူ့လူကိုယ့်လူ မခွဲခြားနိုင်တာမို့ အဖေလည်း ရှောင်ချိန်တိမ်းချိန်မရဘူးထင်ပါရဲ့။ နွားအုပ်ကြီးကို ဝေခြမ်းရေးလုပ်မှုနဲ့ ရဲဘော်ဖြူတွေ အဖမ်းခံရတော့တာပါပဲ။အဖေ့ကို ဖမ်းမိတော့ နောက်ပြန်ကြိုးတုတ်ပြီး သရက်ပင်တပင်မှာချည်ထားတယ်။ လည်ပင်းကိုကြိုးကွင်းစွပ် တယ်။သိပ်လူဝါးဝတဲ့ကောင် မှတ်လောက်သားလောက်သားလောက်အောင် ပညာပေးလိုက်မဟဲ့ဆိုပြီး လည်ပင်းမှာစွပ်ထားတဲ့ကြိုးကို သစ်ကိုင်းခွပေါ်တင်ပြီး မြင်းနဲ့ ဆွဲတင်မဲ့အလုပ် ကျနော့်အဖေကံကောင်းတယ်ဆိုရမယ်ဗျာ။

ကျနော့်အဖေရဲ့လူရင်း ဦးဖိုးချစ်ဆိုတဲ့ သူကို ဘယ်သူမှန်းမသိတဲ့ အုပ်စုတစုက ဦးဖိုးချစ်အိပ်ယာထဲကို ဝင်ပြီး ဓားနဲ့အသေပိုင်းတဲ့ဇာတ်လမ်းလည်း ရှိသေးတယ်ဗျ။ ဦးဖိုးချစ်ကံကောင်းပုံများ အိပ်ယာထဲမှာ အိပ်နေတဲ့ ဦးဖိုးချစ်ကို ဓားနဲ့ အချက်ပေါင်းများစွာ အသေပိုင်းရာမှာ ဓားချက်က မျက်နှာကျက်နဲ့မလွတ်တာကြောင့် စိတ်ကြိုက်ခုတ်ခွင့်မရရှာဘူးတဲ့။ အဲဒီရုန်းရင်းဆန်ခတ်အခြေအနေမှာ ကျနော့်အဖ ကိုအောင်မြတ်က လက်စွဲတော်သေနတ်နဲ့ သေနတ်သံပေးပြီးဝင်သွားတာကြောင့် ဦးဖိုးချစ် အသက်ဘေးက လွတ်သတဲ့။ခေတ်ပျက်ကြီးဆိုတော့ နာကျည်းချက်ရှိတဲ့သူကို ရတဲ့နည်းနဲ့ သတ်ဖို့ဖြတ်ဖို့ လုပ်ကြထင်ပါရဲ့ဗျာ။ ကျနော့်ကိုယ်တိုင် ဦးဖိုးချစ်ရန်ကုန်လာလည်တုန်းက သူ့လက်မောင်းကျောပြင် နဲ့ ခန္ဓာကိုယ် အနှံ့ဓားဒဏ်ရာတွေကို မြင်ဖူးပါတယ်။

တိုတိုပြောရရင် အဖေ့လည်ပင်းကို ကြိုးတပ်ပြီးဆွဲတင်မဲ့အလုပ်မှာ အဖေ့ရဲဘော်ရင်းဦးဖိုးချစ်နဲ့ တခြားရဲဘော်ဖြူ ဗိုလ်တယောက်သူတို့အုပ်စု အင်အားအလုံးအရင်းနဲ့ ရောက်လာပြီး အောင်မြတ်ကိုလွှတ်ဆိုပြီး ရဲဘော်ဖြူအချင်းချင်း လက်နက်အပြည့်အစုံနဲ့ ရင်ဆိုင်ဖြေရှင်းကြရင်း ကျနော့်အဖေ သေဘေးက လွတ်ခဲ့တယ်ဆိုပါတော့။

ကျနော်သိသလောက်တော့ အဲဒီခေတ်က နတ်မောက်နယ်မှာ ကြီးစိုးတာက ရဲဘော်ဖြူတွေတဲ့ဗျ။ ကျနော့်အသိ နတ်မောက်ရုံးတောဇာ တိကိုဝင်းနိုင်ဦး ရဲ့အဆိုအရ သူတို့နယ်မှာလည်း ရဲဘော်ဖြူပဲ အင်အားကြီးသတဲ့ဗျာ။ စကားမစပ်ကျနော့်အဖေအကြောင်းပြောရအုံးမယ်။ ကျနော့်အဖေဟာ ကျနော်နဲ့စိတ်ဓာတ်ချင်းတူနေသလားပဲဗျာ။ ကျနော့်အဖေဘက်က မျိုးရိုးဟာ ထီးရိုးနန်းရိုးမို့ အဖေဟာ ထင်တိုင်းကြဲ တတ်သတဲ့။ မှိုက်ပင်တရွာလုံးမှာ ဒေါ်ရွှေဘွဲ့ဟေ့ဆိုရင် ပြားပြားဝပ်သတဲ့။ လယ်မြေချောင်းမြောင်းတွေ လက်ညှိုးထိုးမလွတ်အောင် ပိုင်တယ်။ အဲဒါတွေကိုဒိုင်ခံဖြုန်းတာကတော့ ကျနော့်အဖေပဲ။ ဖဲရိုက်တယ်ကြက်တိုက်တယ်။ ဖဲရိုက်ရင်းငွေပြတ်ရင် ပါလာတဲ့နွားလှည်းကို ချထိုးတယ်။ ကျနော့်အဖေဆိုးသမျှ ဒိုင်ခံလိုက်ရှင်းတာကတော့ ကျနော့်အဖွား ဒေါ်ရွှေဘွဲ့ပါပဲ။

အဖေဟာ ဆိုးမိုက်သူတယောက်ရဲ့ မျက်နှာအသွင်အပြင်နဲ့ လုံးဝကွာခြားတဲ့တည်ကြည်တဲ့ ရုပ်အသွင်ရှိသတဲ့ဗျ။ အဖေဘယ်လောက်များ ဆိုးသလဲဆိုရင် သူပိုင်သမျှ လယ်မြေချောင်းမြောင်းတွေကို ဖဲဝိုင်းနဲ့ကြက်ဝိုင်းတွေမှာ အကုန်ချထိုးပြီး တပြားမှ မကျန်တဲ့အချိန်မှာ မန္တလေးဖက်ကို တက်သွားတယ်။ လက်လုပ်လက်စား ကူလီလိုဘဝမျိုးနဲ့ ဘဝကိုရုန်းကန်ခဲ့တယ်။ ကျနော့်စိတ်ထာင် အဖေပြောဖူးတဲ့ စကားတွေအရ အဖေဟာ အဲဒီကုန်တင်ကုန်ချ ကူလီလိုဘဝမျိုးကို တော်တော်နာကျည်းခဲ့ပုံရတယ်ဗျ။ သူဌေးသား ဆွေဂုဏ်မျိုးဂုဏ်တင့်တောင့်တင့်တယ်ဖြစ်ပါလျက် သူမိုက်ပြစ်ကြောင့် ဘဝပျက်ရတာကိုလည်း ဆင်ခြင်မိပုံရတယ်။ အမေခမျာလည်း သားသမီးလေးငါးယောက်နဲ့ မိုးလင်းမိုးချုပ် ကောက်သင်းကောက်ရတာ လက်ဖျားတွေကတောင်သွေးယိုတယ်ဆိုပဲ။ အမေ တခါတခါ ပြောပြဖူးတာက ကိုအောင်မြတ် က မန္တလေးတက်သွား၊ဒီကလေးတွေတပြုံတမနဲ့ အမေလည်း ရှိတဲ့ ဝက်သားအုပ်ကိုရောင်းပြီး စားရတာပေါ့။ ဝက်သားအုပ်ရောင်းတဲ့ပက်ဆပ်က ဘယ်လောက်ခံမတုန်း။ မကြာပါဘူး မြေပဲတောထဲမှာ ကောက်သင်း ကောက်ရတာပါပဲ။

ကောက်သင်းကောက်တယ်ဆိုတယ် ဒီလိုဗျ။ မြေပဲပင်တွေနှုတ်ကြတဲ့အခါ တချို့မြေပဲတောင့်တွေက မြေကြီးထဲမှာ ကျန်ရစ်တယ်။ အဲဒီ မြေကြီးထဲကျန်ရစ်တဲ့ မြေပဲတောင့်တွေကို ယာခင်းရှင်နဲ့ အချိုးကျဝေစုခွဲယူကြရတာ။ မြေကြီးထဲကို ယက်ပြီး ပဲတောင့်တွေရှာရတာ

ပေါ့ဗျာ။တခါတလေ အမေက ကျနော်တို့ မောင်နှမတတွေ ဟင်းဖိုးထမင်းဖိုး ပြည့်ပါစေတဲ့ဆိုတဲ့ လောဘနဲ့ မြေကြီးကို ယက်ရတာ လက်ဖျားတွေကနေ သွေးတောက်တောက်တောင်ကျတယ်ဆိုပဲ။ တခါတခါ ကောက်သင်းကောက်ရာက အပြန် ညကြီးမိုးချုပ်ဖြစ်နေရင် အမေ့အမျိုးတွေဟာ အမေ့ကို ရွာဝကစောင့်ပြီး ဟေ့ခင်သန်း ဖရုံသီးတွေခူးသွားအုံး၊ ခရမ်းချဉ်သီးတွေ ဆွတ်သွားအုံး။ တချို့ကလည်း အဆင်သင့်ခူးဆွတ်ပြီးသားတွေ စောင့်ပေးကြသတဲ့။ အမှန်တော့ အမေ့အမျိုးက မဆင်းရဲဘူးဗျ။အဖေ့အမျိုးနဲ့ ဂုဏ်ချင်းယှဉ်မရဘူးဆိုပဲ။

ကျနော့်အမေဖက်က အဖိုးကတော့ မိတ်ကလေး ဘာမှမပူနဲံ့ အဖေ့ဆီငါ့မြေးတွေနဲ့လာနေဖို့ဆိုသတဲ့။အမေကတော့ လူမမာ ယောက္ခမ တွေကို ငဲ့၊ကိုယ့်ဒုက္ခမိဘတွေကို ဒုက္ခမပေးချင်ဘူးထင်ပါရဲ့။

အမေ့ကို အဖေ့ဆွေမျိုးအများစုကတော့ အသိအမှတ်မပြုကြဘူးတဲ့ဗျ။ ထင်တိုင်းကြဲနိုင်တဲ့ဆွေကြီးမျိုးကြီး လူပုံချောက အမေ့လို ကျောက်ပေါက်မာသဲ့သဲ့နဲ့ ရုပ်ရည်ရွက်ကြမ်းရေကျို နဲ့ အိမ်ထောင်ရက်သား ကျရတာကို တယ်ပြီးနှစ်မျို့ကြပုံမရဘူးဗျ။ အမှန်က အမေ့ကို ကျနော့်အဘွား ချွေးမအဖြစ်ရွေးရတာဟာ အလွန်သဘာဝကျပါတယ်။ အမေဟာ အဘွားအိမ်မှာ အဘွားခိုင်းသမျှ လက်တိုလက်တောင်း အကုန်အစင်လုပ်ပေးလေ့ရှိပါတယ်။ နောက်ဆုံး ကျနော့်အဖိုး ဦးချစ်မောင် ကိုယ်တပိုင်းသေပြီး ဘယ်သူမှ မထိချင်မကိုင်ချင်တဲ့ အခြေအနေမျိုးမှာ အမေဟာ မရွံမရှာပြုစုခဲ့ပါတယ်။ အမေ ကျနော့်ကို ပြောဖူးတာက သားရယ် မင်းအဖိုးဟာ အောက်ပိုင်းသေနေတာတော့ ညည ကြွက်တွေလာလာကိုက်တတ်တာကြောင့် ဂုံနီအိတ် စွတ်ထားရတာတဲ့ အမေကတော့ ကြွက်စောင့်ပေါ့တဲ့။ကျနော့်အဖေဟာ သူ့ခေတ်သူ့အခါက ဥစ္စာပေါရုပ်ချော ပျိုတိုင်းကြိုက်တဲ့ နှင်းဆီခိုင်ပေါ့။ အဖေအစွဲလန်းဆုံး ရည်းစားက သားမြားရွာသူ စိမ်းမြတဲ့။ အဖေတခါတလေ အရမ်းမူးတဲ့အခါ မင်းအဘွားကြောင့် ငါ စိမ်းမြနဲ့လွဲခဲ့ရတာပေါ့ကွာလို့ ရင်ထုမနာ ပြောတတ်လေရဲ့။ ကျနော်က အဖေနဲံ့အတူအိပ်တာလေ။ ထူးထူးခြားခြား အဖေဟာ ဘယ်သူနဲ့မှ အတူအိပ်လေ့မရှိဘူးဗျ။ အရက်သောက်ထားရင် တခြားသူနဲ့ စကားပြောခဲတယ်။ ခြင်ထောင်ထဲမှာ ရှိနေတဲ့ ကျနော့်ကိုတော့ ရင်ဖွင့်လေ့ ရှိတယ်။ သူ့စိတ်ထဲမှာ ကျနော်ဟာ သူ့ခြေရာကိုနင်းမဲ့ သူအိပ်မက်တွေကို အကောင်အထည်ဖော်မဲ့ သားလို့ယုံကြည်ထင်မှတ်ဟန်တူပါရဲ့။

ဒီစိတ်ဓာတ်ရဲ့ နောက်ဆက်တွဲအကျိုးဆက်ကတော့ အဖေဟာ ကျနော်တို့ညီအကိုတွေကို ပညာတတ်တွေ ဖြစ်ရစေမဟဲ့ ဆိုတဲ့ ဆုံးဖြတ်ချက်ကို ဖြစ်ပေါ်စေခဲ့ပါတယ်။

ဘဝနာခဲ့တဲ့အဖေဟာ ရန်ကုန်မြို့ကိုရောက်တာနဲ့ သားသမီးတွေပညာရေးအတွက် ကျနော်တို့မိသားစုကို ရန်ကုန်မြို့ကြီးဆီ ခေါ်နိုင်ဖို့ ကြိုးစားခဲ့တယ်။ အရေးထဲ ခင်ဗျားက နောက်နေပြန်ပြီ။ အမေက ဘယ်လောက်အရုပ်ဆိုးဆိုး သူ့မိန်းမသူ လွမ်းတာလည်းပါမှာပေါ့ဗျ။ အဖေဟာ လူထူးလူဆန်းလို့ဆိုရမယ်။ သူ့အမေကျနော့်အဘွားပေးစားတဲ့ ကျနော့်အမေကို သေတပန်သက်တဆုံး ပေါင်းရမယ်လို့ ယုံကြည်လက်ခံသွားတယ်။ ကျနော့်အဖေ မိန်းမကိစ္စရှုပ်မရှုပ် ကျနော်သေချာမသိပေမဲ့ အဖေဟာ အမေ့ကို ကွာဖို့ရှင်းဖို့ ဘယ်သောအခါမှ ပြောသံမကြားမိဘူးဗျ။ သူ့အမေဒေါ်ရွှေဘွဲ့ ဆုံးမညွန်ပြရာကိုသာ နာခံခဲ့တဲ့ အဖေပါပဲ။ ကျနော့်အဖေရဲ့ ရုပ်သွင်ကို အနီးစပ်ဆုံး ခန့်မှန်းချင်ရင် ဒါရိုက်တာ မောင်တင်ဦးရဲ့ သင်္ကြန်မိုးရုပ်ရှင်ဇာတ်ကားမှာ စွပ်ကျယ်အကျီလက်ပြတ်နဲ့ နာမည်ကျော်ရုပ်ရှင်မင်းသားကြီးနေအောင် ပုံကိုသာကြည့်ပေတော့ဗျာ။

စူနာမီကနေ ကျနော့်အဖေနဲ့အမေအကြောင်း ရောက်သွားပြန်ပြီ။ စူနာမီမှာ ရင်နာစရာကောင်းတဲ့ မိစုဆိုတဲ့ ထားဝယ်သူ မလေး တယောက် အကြောင်းပြောချင်သေးတယ်။ဇာတ်လမ်းကဒီလိုဗျ။ ကျနော့်ရနောင်းကို ရောက်ပြီးတလလောက်အကြာ ရနောင်းဈေးထဲကို လျှောက်သွားနေတုန်း နောက်ဖက်ကနေ အကို အကို ဆိုတဲ့ ခေါ်သံကြားလို့လှည့်ကြည့်လိုက်တော့ မူဆလင်ကုလားလေးတယောက် ကို တွေ့သဗျ။ သူက အကို ကျနော့်ကိုမမှတ်မိဘူးလားတဲ့။ အမှန်ပြောရရင် ကျနော်လည်းဇဝေဇဝါပါပဲ။ သူကဆက်ပြီး ကျနော့်ဗီဒီယိုခွေတွေ ရောင်းတုန်းက ပြဿနာဖြစ်လို့လိုက်ရှင်းပေးခဲ့ဖူးတယ်လေ။ ကျနော်အောင်မြင့်ဆွေပါတဲ့။ ကျနော့်မှတ်မိသွားပါပြီ။ ဒါနဲ့ သူဘဝ သူ့အကြောင်း စပ်စုကြည့်လိုက်တော့ သူက ရနောင်းဈေးထဲမှာ ငါးပိငါးခြောက်တွေရောင်းနေသတဲ့။ နေဦးဗျ။ အဲဒီကိစ္စကလည်း တမျိုးတဖုံ စိတ်ဝင်စားစရာပါပဲ။ ရနောင်းမြို့မှာ စကီနာဆိုတဲ့ မူဆလင်မိန်းကလေးတယောက်ခိုကိုးရာမဲ့ဖြစ်နေတဲ့သတင်းကြောင့် ဒီမိန်းကလေးကို ဘယ်သူအတည်တကျ လက်ထပ်ပေါင်းသင်းနိုင်သလဲဆိုတာ သူတို့ဘာသာဝင်အချင်းချင်းဆက်သွယ်ရှာဖွေလိုက်လိုက် တော့ ဖိုးကံကောင်းက အောင်မြင့်ဆွေဖြစ်နေသဗျ။ စကီနာက လုံးကြီးပေါက်လှပါပဲ။ ခက်တာက အောင်မြင့်ဆွေဟာ ဟိုကိစ္စဒီကိစ္စမှ အတော်အားသန်ပုံရတယ်။

ကျနော်နဲ့လည်း ပြန်ဆုံရော သူ့မိန်းမစကီနာဆီမှာ ကျနော့်ကိုအကြောင်းပြပြီး အပြင်ထွက်ခွင့်ပါမစ်ရတဲ့အခါ ရနောင်းမြို့တခွင် ပြဲပြဲစင်အောင်လည်မိရာကနေ ဟိုအတန်းသည်အတန်းတွေရောက်တော့တာပါပဲ။ ပြောပြရင်ယုံနိုင်စရာတောင် မရှိပါဘူးဗျာ။ ရနောင်း စဖန်ဖလားဝန်းကျင်က ရပ်ကွက်တွေမှ ဗမာပြည့်တန်ဆာတွေချည်းပါပဲ။ညပိုင်းကိုးနာရီလောက်ဆို ×ာဆွယ်နေကြတာ တကယ့်ကို ပွဲကြီးလမ်းကြီးပါပဲ။ ခင်ဗျားကလည်း တမျိုးထင်နေပြန်ပြန်ပါပြီ။ ကျနော့်က ဘာစိတ်မှ မရှိဘူးဗျ။ နေရေးထိုင်ရေးအထိုင်ကျဖို့ လုံးပန်း နေရတဲ့ကာလမို့ ဘာမှ စိတ်မကူးအားပါဘူး။ တနေ့ အောင်မြင့်ဆွေနဲ့အတူ အဝှာအိမ်တအိမ်ရောက်သွားသဗျ။ အဲဒီမှာ တွေ့မိတာ မိစုပါပဲ။

မိစုဟာ မိန်းမပျက်ပုံလုံးဝမပေါက်တဲ့မိန်းကလေးပဲဗျ။ သူက နေ့ပိုင်းအိမ်မှာ လှုပ်ရှားသလို ညပိုင်းမှာ ထိုင်းအမျိုးသမီးတယောက်ပိုင်တဲ့ အနှိပ်ခန်းမှာလုပ်သတဲ့။နောက်ပိုင်း ကျနော်ဟာ မိစုနဲ့ရင်းနှီးလာတယ်။ အသေးစိတ်တော့ မသိချင်ပါနဲ့တော့ဗျာ။ မိစုမှာ သားတယောက် ရှိသတဲ့။ သူ့ယောက်ျားက စူနာမီတိုက်တုန်းမှာ ထိုင်းငါးဖမ်းလှေတစီးနဲ့ပါသွားရာကနေ အစအနပျောက်သွားရာက ဒီဘဝရောက်သတဲ့ ဗျာ။ကျနော့်ဆိုတဲ့ကောင်ကလည်း နှလုံးကြီးဝမ်းကောင်းဆိုတော့ မိစုဒီဘဝကလွတ်အောင် ဘယ်လိုကူညီရမလဲ စပ်စုကြည့်မိတော့ ထိုင်းဘတ်သုံးသောင်းကူညီရင် သူ့ဇာတိထားဝယ်ကို ပြန်မယ်ဆိုပဲ။ အဲဒီအချိန်က ထိုင်းဘတ်သုံးသောင်းဆိုတာ ကျနော့်အတွက် ဘာမှ မပြောပလောက်တာမို့ ကူညီလိုက်ရောဆိုပါတော့ဗျာ။မိစုထားဝယ်ကို ပြန်သွားခဲ့ပါတယ်။မိစုအမေဟာလည်း သွေးတိုးရောဂါသည်ပါ။ ဒါပေမဲ့ဗျာ ကျနော့်ကူညီလိုက်ပြီးနောက် လေးငါးလအကြာမှာ မိစုကို ရနောင်းဈေးထဲမှာ မီးဖွားပြီးခါစ နီတာရဲကလေးငယ်လေးနဲ့တွေ့ရ ပြန်ပါတယ်။မိစုနောက်အိမ်ထောင်ကျနေပြန်ပါပြီ။

ယနေ့ထုတ်ဆဲဗင်းဒေးဂျာနယ်
မင်းဒင်ရဲ့သက်ခိုင် (၂)

ကျနော်သူ့ကို အပြစ်မဆိုရက်ပါဘူး။ဂယောက်ဂယက်ခေတ်ကြီးထဲမှာ ကျနော်ထောက်ပံ့ခဲ့တဲ့ ဘတ်သုံးသောင်းဆိုတာ ဆင့်ပါးစပ်နှမ်းပက် သလိုဖြစ်ပေမပေါ့။တခုသတိထားမိတာက နှစ်နိုင်ငံ နယ်နမိတ်ချင်းကလည်း နီးကပ်နေ၊ စီးပွားရေးဖွံ့ဖြိုးမှုကလည်း မိုးနဲ့မြေလို ဖြစ်နေတာကြောင့် မြန်မာပြည်သားအများစုဟာ ရာဇဝင်ထဲကရန်သူ့နိုင်ငံကို တဝမ်းတခါးအလို့ငှာရောက်လာကြတော့တာပါပဲ။ ထိုင်းလူမျိုးတိုင်းဆိုးတယ်လို့တော့ ကျနော်မဆိုချင်ဘူး။ ခက်နေတာက သူတို့ကျောင်းသုံးစာအုပ်တွေထဲမှာ ပြဌာန်းထားတာကိုက ဗမာဟာ ထိုင်းနိုင်ငံကိုထင်တိုင်းကျဲခဲ့တဲ့ ရန်သူနိုင်ငံမို့ အမြင်ရှင်းဖို့တော့ တော်တော်ခက်တယ်ဗျာ။ နေဦးဗျ။ စကားမစပ် ထိုင်းရောက်ဗမာတွေ ပြောလေ့ပြောထရှိတဲ့သူဌေးဆိုတဲ့အသုံးအနှုံးက ကျနော့် နားထဲ အတော်ကို ကန့်လန့်ဖြစ်တယ်နေတယ်ဗျ။ အမှန်ပြောချင်တာက အလုပ်ရှင်၊ဆိုင်ရှင်ဆိုတဲ့သဘော။ အဲဒါကို ကျနော်တို့ ကိုရွှေဗမာများက ကျနော်တို့သူဌေး ကျနော်တို့သူဌေး ဆိုပြီး လုပ်ကြသဗျာ။လိုရင်းပြောရရင် ဗမာလို မုန့်ဟင်းခါး ထိုင်းလိုကွတ်တီယိုရောင်းတဲ့ ဆိုင်ရှင်ကိုလည်း ကျနော်တို့ရွှေဗမာများက သူဌေး စာရင်း သွင်းကြသဗျာ။ခင်ဗျားမြင်သာအောင် ပြောရရင် ဗမာပြည်မှာ လမ်းဘေးက ဝက်သားထုတ်ထိုးရောင်းတဲ့ ဆိုင်ရှင်ဆီမှာ လုပ်နေတဲ့ ဗမာအလုပ်သမားကလည်း သူ့ဆိုင်ရှင်ကို သူဌေးတဲ့။ ကျနော်သတိထားမိသလောက် ဒီစကားဟာ ဗမာစကားအသုံးနှုံးချို့တဲ့တဲ့ မွန်လူမျိုးအလုပ်သမားတွေက စတာဗျ။နောက်တချက်က ထိုင်းဖက်ကို ရောက်လာတဲ့ ဗမာအလုပ်သမားအများစုဟာ ပညာအခြေခံ အလွန်နည်းကြပါတယ်။ဇာတိမာန်တို့ဆွေဂုဏ်မျိုးဂုဏ်တို့ဆိုတာ နားလည်ဖို့ဝေလာဝေးပေါ့ဗျာ။

အေးဗျာ၊လောကကြီးအကြောင်းပြောရရင်ထူးဆန်းတာတွေအများကြီးပဲဗျ။ ကျနော့်ဖူးခက်မှာနည်းနည်းအခြေကျလာတော့ ဖူးခက်မှာ ရှိနေတဲ့ဗမာလူမျိုးတွေအကြောင်း တဖြည်းဖြည်းသိလာရသဗျာ။ ကျုပ်တို့တိုင်းပြည်အပြင်ဖက်ကို ရောက်နေကြရှာတဲ့ ဖူးခက်ရောက် တောသူတောင်သားတွေအကြောင်း ရေးပြရရင် ဝတ္ထုရှည်ကြီးတပုဒ်ဖြစ်လောက်ပါရဲ့။ သူတို့ခမျာ ရန်ကုန်မြို့ကြီး တောင်မရောက်ဖူး ကြပါပဲ ဖူးခက်ဆိုတဲ့ မြို့ကိုရောက်လာကြသဗျာ။ ကျနော်သတိပြုမိတဲ့အချက်ကတော့ သူတို့ဟာ အခြေခံမရှိသော ဗဟုသုတနဲ့ ခေတ်မီမြို့ကြီးကိုရောက်နေကြသူများပါပဲ။ ထင်ရှားတဲ့ ဥပမာတစ်ခုပေးပါ့မဗျာ။

လွန်ခဲ့တဲ့လေးငါးနှစ် ဒေါ်အောင်ဆန်းစုကြည် နေအိမ်အကျယ်ချုပ်က မလွတ်ခင်ကာလပေါ့။ ဒေါ်အောင်ဆန်းစုကြည်လွတ်မြောက်ရေး အတွက် ကုလသမဂ္ဂအတွင်းရေးမှူး ဘန်ကီမွန်းကိုယ်တိုင်တောင်းဆိုနေတဲ့ကာလ။ ကျနော်လည်း အင်တာနက်က နောက်ဆုံးသတင်း ကြည့်ရင်း ဈေးဆိုင်ဆီရောက်သွားရောဆိုပါတော့။ ဒီမှာတင်ဈေးဝယ်တယောက်က အန်ကယ် ၊ ဒေါ်အောင်ဆန်းစုကြည်လွတ်သွားတာ သိပြီးပြီလားတဲ့။ကျနော့်စိတ်ထဲအတော် ဇဝေဇဝါဖြစ်သွားတာအမှန်ပါပဲ။ လွန်ခဲ့တဲ့ဆယ်မိနစ်ဝန်းကျင်ကမှ အင်တာနက်ရှေ့က ခွာခဲ့တာမို့ ဒေါ်အောင်ဆန်းစုကြည်ကို လွှတ်ပေးလိုက်တာ ဟုတ်ပါ့မလားပေါ့။ တဖြည်းဖြည်းစဉ်းစားရင်း ကျနော်သိလိုက်ပါပြီ။ သတင်းသဘောအရ ဒေါ်အောင်ဆန်းစုကြည်ရဲ့သတင်းကိုထုတ်ပြန်ရာမှာ လွန်ခဲ့သောကာလများက ဒေါ်အောင်ဆန်းစုကြည်ရဲ့ ခြံရှေ့မှဟောပြောတဲ့ ပြကွက်တွေကို သူ့ခမျာ လတ်တလောပြကွက်တွေ လက်ရှိဖြစ်ရပ်တွေလို့ထင်နေရှာသကိုး။

နေဦးဗျ။ ဒီကလေးက မသိနားမလည်ရှာတာ။ သူ့ထက်ထူးခြားတဲ့ ဒေါ်အောင်ဆန်းစုကြည်နဲ့နယူးဒေလီ တက္ကသိုလ်မှာ ဆုံဖူး ပါတယ် ဆိုတဲ့ ဖူးခက်က ဟင်နရီတိုးအောင်ဆိုတဲ့လူတယောက်အကြောင်း ကျနော်ပြောချင်သေးတယ်။နေဦးလေ။ ကျနော် ပြောသမျှ စွတ်မယုံနဲ့ဦး။ အခုကျနော်ပြောမှာက သူ ကျနော့်ကိုပြောသမျှ ပြောမှာ။ မှန်၏မမှန်၏ခင်ဗျားဖာသာစဉ်းစားရမှာ ၊ မပူပါနဲ့၊ သူ့ဘဝဇာတ်ကြောင်းကိုလည်း ကျနော့်ဖာသာစုံစမ်းထားတာ ရှိပါရဲ့။ဦးတိုးအောင်ဆိုတာ အသက်ခုနစ်ဆယ်ကျော်ပြီဗျ။ စာတော့ အလွန်ဖတ်တဲ့သူလို့ဆိုရမယ်။ ကျနော့်ဆီက နာမည်ကျော်စာအုပ်တွေလည်း သူငှားဖတ်တာ မနည်းလှဘူး။

သူပြောတာက သူနဲ့ဒေါ်အောင်ဆန်းစုကြည်ဟာ နယူးဒေလီတက္ကသိုလ်မှာ ဆုံခဲ့ကြဖူးလေသတဲ့။ ဟာ ကျနော်လည်း ခပ်တုံးတုံး ကောင်မှမဟုတ်တာ သူ့အသက်အရွယ်နဲ့ သူပြောနေတဲ့မှင်မှောင်းကောင်းကောင်းကြောင့် ရုတ်တရက်ခွန်းတုန့်မပြန်နိုင်တာတော့ ကျနော်ဝန်ခံပါတယ်။ မရိုသေ့စကား နယူးဒေလီတက္ကသိုလ်မှာမှာ သူနဲ့ဒေါ်အောင်ဆန်းစုကြည် တတန်းတည်းတက်နေတုန်း ဒေါ်အောင်ဆန်းစုကြည်ရဲ့ တင်ပါးကို ပုတ်ပြီးသူက နောက်ပြောင်ဖူးသတဲ့။ ဒီတော့ ဒေါ်အောင်ဆန်းစုကြည်ဟာ ဟဲ့ ဟင်နနီနေရာတကာ နောက်ပြောင်ရတာ မဟုတ်ဘူးဆိုသတဲ့။ ကျနော့်စိတ်ထဲမှာ ဒီလူပြောပုံ ဆိုပုံ တယ်မဟုတ်လှဘူးဆိုတာ သတိပြုမိပေမဲ့ သူ့ပြောပေါက်က အတည်ကြီးဖြစ်နေတာကြောင့် ကျုပ်မှာငြင်းရခက်နေပြန်ရောဗျာ။ ဖြစ်ချင်တော့ တခုသောနေ့မှာ ကျနော့်မွေးဇာတိ နတ်မောက်သားတယောက်က ကျနော့်ကို ထမင်းဖိတ်ကြွေးရာမှာ မစ္စတာဟင်နရီနဲ့ ထိပ်တိုက်တိုးပြန်ပါလေရောဗျာ။ ထမင်းဖိတ်ကျွေးတဲ့ကလေးက ကျနော်တို့ရွာနားက ဂွေးကုန်းသားဗျ။ ဇာတ်ပွဲတွေသွင်းတဲ့အချိန် ကျနော် တို့ရွာကနေ လင်းအားကြီး အချိန်ထွက်၊တောတွေတောင်တွေကိုကျော်ပြီး နေ့လည် ဆယ့်နှစ်နာရီလောက်မှ ရောက်တဲ့ ပွဲသွင်းတဲ့ ဂွေး ကုန်းပေါ့ဗျာ။ ကျနော်သေချာပြောနိုင်တာပေါ့။ ရှားရှားပါးပါး အနှစ်လေးဆယ်အတွင်း ရွာကို နှစ်ခေါက်သာ ရောက်ဖူးတဲ့ ကျနော်ဟာ တခေါက်သားမတော့ ရွာက ကြီးတော်အုပ်စု ပွဲကြည့်ချင်တယ်ဆိုတာနဲ့ ကျနော့်နောင်တော်နဲ့အတူပွဲလက်မှတ်ဝယ်ဖို့ မှိုက်ပင်ကနေ ဂွေးကုန်းကို ခြေလျင်တလှည့် ကုန်းကြောင်းတလှည့်ရောက်ဖူးကြောင်းပါဗျာ။အညာမှာမွေးပါလျက် တောနဲ့တောင်နဲ့စိမ်းခဲ့တဲ့ ကျနော်ဟာ မှိုက်ပင်ဂွေးကုန်းခရီးစဉ်မှာ တကယ့်ကို သဘာဝကျလှတဲ့ တောတောင်ရှုခင်းတွေကို အံ့မခန်းကြုံခဲ့ရသဗျာ။ စမ်းရေအိုင်တစ်ခုနား ကျနော်ခြေပစ်လက်ပစ်ထိုင်နေတုန်း ကျနော်လက်ထောက်ထားတဲ့နေရာကနေ မိချောင်းပေါက်စလို အကောင်တကောင် ထွက်လာတာနဲ့ အလန့်တကြား ထအော် တော့ ကျနော့်အကိုက အသံကျယ်ကြီးနဲ့ ရီပြီး အဲဒါ ဖွတ်ကွတဲ့။

ကျနော့်စိတ်ထဲမှာတော့ ဇာတ်ပွဲတပွဲကြည့်ရဖို့အရေး တမနက်ခရီးနှင်ရတဲ့အဖြစ်ကို အံ့သြလို့မဆုံးဘူးဗျာ။ နေဦး စကားစ ပြတ်သွား အုံးမယ်။ ကျနော်ပြောနေတဲ့ ဟင်နရီခေါ်ဦးတိုးအောင်ဟာ အဲဒီဂွေးကုန်းသား ဖိတ်တဲ့ ထမင်းဝိုင်းမှာ ထပ်ပြီး ဆုံမိကြပြန်သဗျ။ ခက်တာက ဒီလူ့ကြည့်ရတာ စိတ်မနှံ့တဲ့အမူအရာလည်း မတွေ့ရဘူးဗျာ။ သူက ထမင်းစားနေရင်း ဒေါ်အောင်ဆန်းစုကြည်နဲ့ သူ ဘယ်လို ဘယ်ပုံ ရင်းနှီးတယ်။ ဘယ်ကျောင်းမှာ အတူတက်ခဲ့တယ်ဆိုတာတွေ စကားစလာပြန်ရောဗျာ။ ကျနော်ကတော့ သူပြောချင်ရာပြောပါစေ လို့သာ စိတ်ပိုင်းဖြတ်ပြီး သူပြောသမျှထိုင်နားထောင်နေရာကနေ သူက ဘာထပြောပြန်သလဲဆိုတော့ သူသာ အာဏာရရင် ဒီမိန်းမကို သတ်ပစ်ရမယ် တဲ့ဗျာ။ တကယ်တော့ ကျနော်ဟာ ဒေါ်အောင်ဆန်းစုကြည်ကို ကိုးကွယ်သူမဟုတ်ပါဘူး။ သူလုပ်တဲ့အလုပ်မျိုးတော်ရုံ လူမလုပ်နိုင်တာ ကိုယ်ကျိုးစွန့်နိုင်တာတွေကို လေးစားရင်းစွဲရှိတာတော့အမှန်ပါ။ သူ့စကား အဲဒီနေရာလည်း ရောက်ရော ကျနော့် ဒေါသ အိုးဟာ ယမ်းပုံမီးကျပါတော့တယ်။

ခင်ဗျားဖာသာ ဘာကောင်ဖြစ်ဖြစ် ခင်ဗျား ပါးစပ်ကို ချက်ချင်းပိတ်စမ်းဗျာဆိုပြီး ပေါက်ကွဲပါလေရော။ဟင်နရီခေါ်ဦးတိုးအောင်ဟာ လူလုံး လူဖန်သေးလှသူတော့ မဟုတ်ဘူး။ အရပ်ငါးပေခွဲလောက်ပဲ။ အသက်ကတော့ ကျနော့်ထက် ဆယ်နှစ်ကျော်လောက် ကြီးမယ်ဗျ။ ကိုတိုးအောင် ဟာ ကျနော့်ဒေါသသံကြောင့် ရုတ်တရက် ငြိမ်သွားရှာသဗျာ။ရန်သူတော်နှစ်ယောက်ကို ထမင်းဖိတ်ကြွေးခဲ့တဲ့ ဝင်းနိုင်ဦးခမျာလည်း ဒါနကြောင်း ပျက်ရောဆိုပါတော့။ဘယ့်နှယ်ဗျာ။ မိန်းမတယောက်ကို ကွယ်ရာမှာ သတ်မယ်ဖြတ်မယ် ဆိုပြီး တောင်ပြောမြောက်ပြောလုပ်နေတာကို ကျနော် ဆက်နားမထောင်နိုင်ပါဘူး။ တကယ်တော့ အဲဒီနေ့က ကျနော်မှားတာဗျ။ ဦးတိုးအောင် ခေါ် ဟင်နရီဟာ ယဉ်ယဉ်လေးနဲ့ စိတ်ရောဂါရနေသူဆိုတာ နောက်ပိုင်းမှာ ကျနော်သိလာရလို့ပေါ့။ ဦးတိုးအောင်ပြောတဲ့ ဇာတ်လမ်းတွေကတော့ တော်ရုံလူကြားရင် ရူးလောက်ပါရဲ့ဗျာ။ ကျနော်ကြားဖူးသလောက်ပြောပါအုံးမယ်။

သူဟာ သီပေါဘုရင်နဲ့ ဇာတ်လမ်းရှိခဲ့တဲ့ဒိုင်းခင်ခင်နဲ့အမျိုးတော်တယ်လို့လဲ ဆိုသသဗျ။ မော်လမြိုင်မြို့က ဒိုင်းဝန်ကွင်းဆိုတာ သူ့အဖွား ဒိုင်းခင်ခင်ပိုင်တာတဲ့ခင်ဗျာ။တကယ့်ကို ရာဇဝင်အူပေါက်ရောမွှေပြီး ဆွေတော်မျိုးတော်ဇာတ်ခင်းတတ်တဲ့သူပါပဲဗျာ။ အရေးထဲ ခင်ဗျားက လူကို အထင်သေးတဲ့အကြည့်နဲ့ ကြည့်နေပြန်ပါပြီ။ ကျနော်ပြောပြနေတာက သူ့ဆီက ကြားရသမျှ အကြောင်းတွေလေ။

သူ့အိမ်မှာ ကျားနှစ်ကောင်မွေးထားသတဲ့။ အခုသူ့ဇနီးထိုင်းအမျိုးသမီးဟာ ဖူးခက်ရဲ့အချမ်းသာဆုံးဆွေတော်မျိုးတော်တဲ့ဗျာ။သူဟာ ဗမာပြည်ကြီးလွတ်မြောက်စေချင်လွန်းလို့ ကိုယ်ပိုင်ဟယ်ရီကော်ပတာကိုမောင်းပြီး ကျောင်းသားခေါင်းဆောင် မင်းကိုနိုင်ကို အကျဉ်းထောင်ထဲမှာသွားတွေ့ဖူးသတဲ့။တိုင်းပြည်လွတ်လပ်ရေးအတွက် မင်းလက်နက်ဘယ်လောက်လိုသလဲ။ ငါပံ့ပိုးနိုင်တယ်ဆိုပဲ။ သူ့အပြောကတော့ ဒီကလေးက လက်နက်ကိုင်ပြီးတိုက်ပွဲဝင်မဲ့အစားထဲက မဟုတ်ဘူးတဲ့။အမယ် ဒါတင်ဘယ်ကပါ့မလဲ။ သူက ဗိုလ်ချုပ်မှူးကြီးမောင်အေးကို ကိုယ်တိုင်တွေ့ပြီး ကိုအေး၊ ခင်ဗျားငွေဘယ်လောက်လိုသလဲမေးဖူးသတဲ့ဗျာ။

ဦးတိုးအောင်အကြောင်းကို ကျနော်ပြောရင် ဂဘောက်တိဂတိချာဖြစ်နေမယ် ဒါကိုတော့ ခင်ဗျားနည်းနည်းသည်းခံပေတော့။ခက်တာက ကျနော်မလည်း မပတ်သက်ချင်ဘူးဆိုပါလျက် တဲ့တဲ့တိုးနေရတဲ့အဖြစ်ဗျ။ဗိုလ်တိုးပြောပေါက်ဆိုပေါက်ကို ကြည့်မရတာနဲ့ ကျနော်လည်း သူနဲ့ခပ်ကင်းကင်းနေလိုက်တဲ့အချိန်မှာ ကျနော့်ကို အားကိုးပြုပြီး တူလိုသားလို ခင်မင်နေတဲ့ မောင်မျိုးဝင်းဆိုတဲ့သူငယ်က အိမ်ထောင် ပြုဖို့ ကျနော့်ကို တိုင်ပင်သဗျ။ ဟ ကောင် သီးချိန်သီးပွင့်ချိန်တန်ပွင့်ဆိုတဲ့ စကားရှိသားပဲ။ မင်းအရွယ်က လေးဆယ်နားကပ်နေပြီမို့ ပွင့်ချိန်တောင်မဟုတ် ကြွေချိန်တောင်ရောက်နေပါပကော ဆိုပြီး ခပ်သောသောပြောမိတော့ အမယ်မင်း၊ သူယူမဲ့ မိန်းကလေးဟာ ဗိုလ် တိုးရဲ့သမီးဆိုပဲ။ဇာတ်ကတော့ အတော့်ကို ရှုပ်တယ်ဆိုရမဗျ။ကျနော့်စိတ်ထဲမှာ ဗိုလ်တိုးသမီးဆိုတာကိုကြား လိုက်ရတာနဲ့အတော့်ကို စိတ်ဝင်စားမိတာ တော့အမှန်ပဲ။ ဘယ့်နှယ့် အိမ်မှာဘင်္ဂလားကျားနှစ်ကောင်မွေးထားတဲ့ ထိုင်းဆွေကြီးမျိုးကြီးဗိုလ်တိုးအောင် သမီးနဲ့ ငါ့ကောင် လူရိုး မောင်မင်းကြီးသား မျိုးဝင်း ဘယ်လိုများဖူးစာဆုံကြပါ့ လိမ့်ပေါ့ဗျာ။

ကျနော်သေချာမေးမြန်းလေ့လာတော့မှ ဗိုလ်တိုးဟာ မီးရထားလက်မှတ်စစ်ဆိုပဲ။ တပည့်ကျော်မောင်မျိုးဝင်းရဲ့ ယောက်ခမအမ လောင်းကြီးက လည်း မှောင်ခိုခေတ်ကောင်းစဉ်က ဖလန်းဖလန်းထပြီး အချစ်ပန်းပွင့်လန်းလိုက်ပုံများ အိမ်ထောင် ခုနစ်ခါကျဆိုပဲဗျာ။ အနှီအိမ်ထောင်များထဲက စတုတ္ထမြောက်အိမ်ထောင်ဟာ ဗိုလ်တိုးပါပဲတဲ့ခင်ဗျား။နေဦးဗျ။ မျိုးဝင်း ကျနော့်ကို တိုင်ပင်တာက ငွေခန်း ကြေးခန်းမဟုတ်ရှာပါဘူး။သူ့မင်္ဂလာဆောင်ဖိတ်စာမှာ ဗိုလ်တိုးနာမည်ကို ထည့်ရေးမထည့်ရေး ကိစ္စဗျ။ ကျနော်လည်း သေချာ စဉ်းစား ကြည့်တော့ မျိုးဝင်းရဲ့ဇနီးလောင်းဟာ ဗိုလ်တိုးသမီးဆိုတာ ဖူးခက်ရောက် သူတို့ရွာသား တွေ အကုန်သိနေတာမို့ ထည့်သာထည့် လိုက်ပါကွာ မိဘနဲ့သားသမီး ဘယ်လိုတားတား အခြားမထင် ဆိုပြီး မဟာရွှေဥာဏ်တော်နဲ့ ဆုံး ဖြတ်လိုက်မိတာ ဘယ်လိုမှထင်မထားတဲ့ ဇာတ်ရှုပ်တခုကြုံရတော့တာပါပဲ။

မင်္ဂလာဆောင်ဖိတ်စာလည်း ဖတ်ပြီးရော ဗိုလ်တိုးဟာ အဲဒီမင်္ဂလာပွဲကို မပျက်ပျက်အောင် သူ့သြဇာအာဏာကိုသုံးပြီးဖျက်မယ်ဆိုတဲ့ ရာဇသံ ကျနော့်ဆီရောက်လာတော့တာပါပဲဗျာ။ အမှန်တော့ မျိုးဝင်းရဲ့ဇနီးလောင်း ဟာ ဗိုလ်တိုးသမီးဆိုတာ ရွာခံမြို့ခံတော်တော်များများ သိပြီးသားကိစ္စပါ။ ခက်တာက ဗိုလ်တိုးရဲ့ ရာဇသံကို မလွန်ဆံဝံ့ကြတာတော့အမှန်ပဲဗျ။ကျနော်ကတော့ ပေါက်တဲ့နဖူးမထူးတော့ဘူးဆိုပြီး ဗိုလ်တိုးမကလို့ ဗိုလ်တိုးအဖေလာပေ့စေ မင်္ဂလာပွဲတော့ မပျက်စေရပါဘူးဆိုပြီး ဖူးခက် ၊ ဖန်င ၊ ကဘိ သုံးခရိုင်ထောက်လှမ်းရေး တာဝန်ခံ ဗိုလ်မှူးကြီး ၀စ်ရှာဝပ် ကို ဇွတ်အတင်းချောဆွဲပြီး လူမိုက်လုပ်ရတော့တာပါပဲ.။ တကယ်တော့ ဗိုလ်တိုးဟာ သင်္ကြန် အမြောက်ပါ။ မင်္ဂလာပွဲဟာ အေးအေးချမ်းချမ်း ပြီးသွားခဲ့ပါတယ်။ နေအုံးဗျ။ ဗိုလ်တိုးလို လူတယောက်ဟာ ကျနော်လို လူလည်ကို နဝေတိမ်တောင် ဖြစ်အောင် လုပ်နိုင်တာကလည်း နည်းတဲ့ အရည်အချင်းတော့မဟုတ်ဘူး။ ဗိုလ်တိုးရဲ့ထူးခြားချက်ကတော့ စာဖတ်အား ကောင်းခြင်းပါပဲ။သူဟာ ဝန်ကြီးချုပ်ဟောင်းဦးနု ထိုင်း ဖက်ကို တိမ်းရှောင်လာစဉ်က ဦးသွင်နဲ့အတူပါလာတယ် လို့လည်းဆိုသဗျ။

ဆက်လက်ဖော်ပြပါမည်။

ယနေ့ထုတ် ဆဲဗင်းဒေးဂျာနယ်

မင်းဒင်ရဲ့သက်ခိုင်(၂)

ဖယ်အုံကန်လူသတ်ပွဲ

ဗိုလ်တိုးအကြောင်းပြောရမယ်ဆိုရင်တော့ သူပြောသမျှမဟာ့မဟာဇာတ်လမ်းတွေဟာဟုတ်မဟုတ်၊မှန်မမှန်၊ယုတ္တိတန်မတန် ဆင်ခြင် ဆုံးဖြတ်ရမဲ့ကိစ္စဟာ နားထောင်သူ အပေါ်လုံးလုံးလျားလျားကျလာတတ်တာကို သတိပေးထားပါရဲ့ဗျာ။ အလွန်ထူးဆန်း လှသောအချက်ကတော့ သူဟာ သူပြောသမျှ လေတလုံး မိုးတလုံး ကိုယ်ရည်သွေးမဟာဋီကာတွေကို တကယ့်လူထူထူ မင်းပရိသတ်များရှေ့မှာ တချက်မှ မျက်နှာမပျက်ပဲ ပြောနိုင်တဲ့ အလွန်ထူးခြားတဲ့မှင်မောင်းပါပဲဗျ။
တခါတလေများဗိုလ်တိုးဘယ်လောက်အပြောကောင်းလိုက်သလဲဆိုရင် နားထောင်နေတဲ့ပရိသတ်ဟာ ဗိုလ်တိုးမှန်တယ် ဗိုလ်တိုးမှား တယ် ဆိုပြီး ဗိုလ်တိုးထောက်ခံသူနှင့် ဗိုလ်တိုးဆန့်ကျင်သူ အုပ်စုကွဲကုန်ကြတဲ့အထိပါပဲ။ ဗိုလ်တိုးလုပ်ပုံကလည်း ကြည့်အုံးလေ။ ဖူးခက်မြို့ရဲ့အဓိကနေရာမှာ တလပ်စွပ်ဆိုတဲ့ အသီးအနှံမျိုးစုံရောင်းတဲ့ မြို့မဈေးကြီးရှိသဗျ။ ဗိုလ်တိုးဟာ သူ့ရွှေပွဲလာပရိသတ် တွေကြားမှာ ဖူးခက်စည်ပင်သာယာရေးကော်မီတီက သူ့ကို ဂုဏ်ထူးဆောင်ဥက္ကဋ္ဌခန့်ထားတဲ့အတွက် ဈေးတွေရဲ့အခြေအနေကို လိုက်ပြီးလေ့လာရမှာဖြစ်ကြောင်း ပြောရင်း၊ကောက်ကါငင်ခါထွက်သွားပါလေရောဗျ။ ဒီမှာတင် ဗိုလ်တိုးရဲ့ပရိသတ်မင်းများလည်း ပါစပ်အဟောင်း သားနဲ့ကျန်ရစ်ကြရော။သူပြောတာ ဖြစ်နိုင်တယ်ဆိုတဲ့ တီးတိုးသံတွေလည်း ဆူညံကျန်ရစ်ပေါ့။အမှန်တော့ ဗိုလ်တိုးဟာ အဲဒီတလပ်စွပ် ဈေးရဲ့ဈေးကောက်အဖြစ်လုပ်ကိုင်ခဲ့သူပါ။
ဗိုလ်တိုးဟာ ဖူးခက်မှာအခြေချခဲ့ဖူးတဲ့ နိုင်ငံခြားသားပညာရှင်တယောက်ရဲ့လက်တိုလက်တောင်းဝန်ထမ်းအဖြစ်လည်း လုပ်ခဲ့ဖူးသေးသတဲ့ဗျ။ အဲဒီနိုင်ငံခြားသားနဲ့အတူနေရင်း အင်္ဂလိပ်စာကျွမ်းကျင်လာခဲ့ပုံရသဗျ။နိုင်ငံတကာ စီမံကိန်းခေါင်းစဉ် တခုခုအကြောင်းများ ဗိုလ်တိုး လက်တန်းရှင်းပြရင် တော်ရုံပညာရှင် တထိုင်တည်းလေးစားသွားလောက်ပါရဲ့။
ကဲပါဗျာ။ ဗိုလ်တိုးအကြောင်းထားလိုက်ပါတော့။ စောစောက ကျနော်ပြောခဲ့တဲ့တလစွပ်ဆိုတဲ့ မြိ့မဈေးမှာ အလွန်ကြေကွဲစရာ ကောင်းတဲ့ မယုံနိုင်စရာဇာတ်လမ်းတခုဖြစ်ခဲ့ဖူးသဗျ။အမှန်တော့ ဒီဇာတ်လမ်းကို ကျနော်ပြန်မပြောချင်ဘူးဗျာ။ ဘာကြောင့် ပြောရတာတုန်းဆိုတော့ ထိုင်းရောက်မြန်မာတွေရဲ့ ပြောင်းလဲလာနေတဲ့ ယဉ်ကျေးမှုဆိုင်ရာ စရိုက်ကို မီးမောင်းထိုးပြချင်တာပါ။
တိုတိုပြောရင် အဲဒီအမှုဟာ မုဒိန်းလူသတ်မှုပါပဲ။ ထူးခြားတာက အဲဒီအမှုဟာ ဗမာလူမျိုးက ဗမာမိန်းကလေးကို ရက်ရက်စက်စက် ကျူးလွန်တဲ့အမှု။ ပိုဆန်းတာက အဲဒီ မုဒိန်းမှုကျူးလွန်မဲ့ အမျိုးသားကို ကာယကံရှင်မိန်းကလေးကိုယ်တိုင် ညအချိန် သုံးနာရီ လောက်မှာ ချိန်းဆိုခဲ့တယ်ဆိုပဲ။
ခင်ဗျားရှင်းအောင်ပြောရရင် အဲဒီကလေးမလေးဟာ ဖူးခက်ကို ရောက်တာ ရက်ပိုင်းပဲရှိသေးသဗျ။သူ့အသက်က ဆယ့်ရှစ်နှစ်ပဲ ရှိသေးဗျာ။ဖူးခက်ကို လွန်ခဲ့သောကာလများက ကြိုရောက်နေတဲ့ သူ့အမများအဆက်အသွယ်နဲ့ဆိုပါတော့။ အမှန်တော့ကလေးမလေးဟာ သူဗမာပြည်မှာ မကိုင်ဖူးမသုံးခဲ့ဖူးတဲ့ တယ်လီဖုန်းတလုံးနဲ့ ဟိုလူ့ဆက် ဒီလူ့ဆက် လုပ်ရာကနေ လူမသမာကို သွားဆက်မိတာပါပဲ။
ထိုင်းရောက်မြန်မာများရဲ့ ထူးဆန်းလှသော ဖုန်းချစ်သူသို့မဟုတ် လေလှိုင်းကနေ ချစ်သူထားကြတဲ့ ဓလေ့ဆိုပါတော့ဗျာ။ တနေကုန်မိုးလင်းမိုးချုပ် အလုပ်ကို ဇယ်စက်သလို လုပ်နေကြရတာာမို့ အချိန်အားရတုန်း တယ်လီဖုန်းတစ်လုံးနဲ့ ရင်ခုန်ကြတယ်ဆိုပါတော့။အပြစ်တော့မဆိုရက်ဘူးဗျ။အဲဒီမိန်းကလေးရဲ့ လေလှိုင်း ချစ်သူဟာ အချိန်မတော်မှာ နှစ်ယောက်ချင်းတွေ့ခွင့်တောင်းသတဲ့။ ကာမရောဂါဝမ်းတွင်းနာကား ကုရာနတ္ထဆေးမရှိဆိုသမို့လား။ ဒီကလေးမလေးမှာကံဆိုးမိုးမှောင်ကျဖို့ ကံဇာတာပါလာတယ်ထင်ပါရဲ့။
အဲဒီကလေးမလေးရဲ့ ညီအမများက ညဖက်နှစ်နာရီလောက်ဆို ဈေးဆင်းကြတာမို့ သူတယောက်တည်း ကျန်နေချိန်မှာ ချိန်းတွေ့ကြရောဆိုပါတော့။အသံနဲ့ရုပ်ဆိုတာ ထပ်တူကျတတ်တာမှ မဟုတ်တာ။ တကယ်တမ်းလည်း လူချင်းတွေ့ ရော တယ်လီဖုန်း ကတဆင့် ချိတ်ဆက်မိတဲ့အမျိုးကောင်းသားဟာ၊ မိန်းကလေး ဘယ်လိုမှ မျှော်မှန်းမထားတဲ့ ရုပ်ရည်နဲ့အသက်အရွယ်ဖြစ် နေပါရောတဲ့။
ဘယ်လိုဘယ်ပုံ အသေးစိတ်ဖြစ်ကြတယ်ဆိုတာတော့ ကာယကံရှင်နှစ်ဦးသာ သိကြပေလိမ့်မယ်။အမျိုးသားရဲ့အလိုကို ကောင်မလေးက မလိုက်ရောရာကနေ အတင်းအဓမ္မဇာတ်လမ်းတွေ ဖြစ်ကုန်တယ်လို့သာယူဆရပါတော့တယ်။ အချင်းဖြစ်နေရာကို ကျနော်ကိုယ်တိုင် ရောက်သွားတော့ ကလေးမလေးဟာ စောင်းကြမ်းတထည်ကို ပတ်ပြီးဘေးတစောင်းအနေအထားနဲ့အသက်ပျောက်နေလေရဲ့။
ကျနော်ဆိုတဲ့ကောင်ကလည်း စပ်စပ်စုစုကောင်ပဲဗျာ။ အဲဒီပြသနာမဖြစ်ခင် လွန်ခဲ့တဲ့နှစ်နှစ် မနက်ခြောက်နာရီလောက် မွန်မလေး တယောက် မုဒိန်းကျင့်အသတ်ခံရတဲ့အကြောင်း ဖုန်းဝင်လာဖူးလို့ တတ်နိုင်တာလုပ်ပေးရအောင် ထလိုက်သွားမိသေးတယ်ဗျ။ လမ်းတလျှောက်လုံးမှာတော့ မုဒိန်းတရားခံဟာ ဘယ်လူမျိုး၊ဘယ်လိုကောင်မျိုးပဲဖြစ်စေ။ ကျနော့်မှာရှိသမျှ အဆက်အသွယ်နဲ့ ပညာပေးလိုက် မဟဲ့ပေါ့ဗျ။အင်း။ ပြသနာဖြစ်နေတဲ့ ဝပ်ချလောင်ဖက်လည်းရောက်သွားရော ကိုရွှေတရားခံဟာ မွန်လူငယ်တယောက် ဖြစ်နေသဗျာ။ ကဲ ဘယ့်နှယ့်လုပ်ကြမတုန်း။
အင်း ဗမာအလုပ်သမားဦးရေ သိန်းချီရောက်နေတဲ့ ဖူးခက်မြို့ကြီးမှာ သောင်းပြောင်းထွေလာ မြန်မာ့ဇာတ်လမ်းပဒေသာများကတော့ တထောင့်တညနဲ့ ကာရစ်ဘီယံဇာတ်လမ်းတွဲတွေကတောင် အဘခေါ်လောက်ပါရဲ့။
နေဦးဗျ။ ဖူးခက်ဟာ ရေလုပ်ငန်းအကြီးအကျယ်ဖြစ်တာကြောင့် ရေလုပ်သားတွေဟာ ဗမာတွေများသဗျ။ တိတိကျကျဆိုရရင် ထားဝယ်လူမျိုးတွေများတယ်ဗျ။ နောက်ပိုင်း ရခိုင်လူမျိုးတချို့လည်း ရေလုပ်သားတွေဖြစ်လာတယ်။ကျနော်ကိုယ်တိုင်ကြုံခဲ့တဲ့ ဖယ်အုံကန်ဆိုတဲ့ဆိပ်ကမ်းတစ်ခုက ရေလုပ်သားချင်း အုပ်စုဖွဲ့ပြီး အသေအကြေတိုက်ကြတဲ့ အဓိကရုဏ်းအကြောင်း ပြောချင်သေးတယ်။

တကယ်ဆို ဖယ်အုံကန်အရပ်ဟာ ဟိုလွန်ခဲ့တဲ့လေးငါးခြောက်နှစ်က ဖူးခက်ရဲတွေတောင် မသွားရဲတဲ့နေရာလို့ဆိုသဗျ။ထိုင်းရဲဆိုတာ ခေတ်မီသေနတ်ကို ခါးကြားထိုးပြီး အသင့်ပစ်နိုင်တဲ့သူတွေနော်။ အထာမသိပဲ အချိန်မတော် ဖယ်အုံကန်ထဲကို ဝင်သွားမိတဲ့ရဲတွေ လက်စပျောက်တာ မနည်းလှဘူးတဲ့ဗျ။
အမှန်တော့ မြန်မာရေလုပ်သားတွေဟာ သေမထူးနေမထူးစိတ်မွေးကြဟန်တူပါတယ်။ ပိုဆိုးတာက ဗမာရေလုပ်သားတွေကို သေနတ်ဒုတ်ဓါးလက်နက်က အစ လိုလေသေးမရှိထုတ်ပေးပြီးမြှောက်ပေးနေတာ ထိုင်းငါးဖမ်းလှေပိုင်ရှင်တွေပါပဲ။ ဒီလိုဗျ။ ထိုင်းငါးဖမ်း လှေပိုင်အချင်းချင်းလည်း စီးပွားတူနေကြတော့ သိပ်အစည်းမကပ်ကြဘူးဆိုရမယ်။လှေတစ်စီးနဲ့တစ်စီး ခိုက်ရန်ဖြစ်လို့ကတော့ နှစ်ဘက် လူအုပ်ဟာ ရရာလက်နက်နဲ့ တဘက်နဲ့တဘက်အပျောက်ရှင်းကြတာပဲ။
ကျနော်က ဖယ်အုံကန်ကို ဘာသွားလုပ်သတုန်းဟုတ်လား။ ကျနော့်ဆီက ဗမာပစ္စည်းတွေဖောက်သည်ယူနေတဲ့ ထားဝယ်မလေး မခိုင်တို့ဆိုင်ဘက်ကို သွားရင်းနဲ့ ဖယ်အုံကန်လူသတ်ပွဲကို ကြုံရတာပါပဲ။

ဖယ်အုံကန်ရန်ပွဲအကြောင်းမပြောခင် အဲဒီဖယ်အုံကန်နေရာလေးအကြောင်းထည့်ပြောမှ ပြည်စုံမယ်ဗျ။ထိုင်းတွေပြောနေတဲ့ ဖယ်ဆိုတာ (pier) ဆိုတဲ့စကားကလာတယ်ဗျ။ငါးဖမ်းလှေတွေကပ် ငါးပိငါးခြောက်လုပ်ငန်းတွေအဓိကထားလုပ်ကြတဲ့ ရေလုပ်ငန်းရပ်ကွက်လေးပါပဲ။ ဒီနေရာနာမည်ကြီးလာတာကလည်း မြန်မာရေလုပ်သားတွေကြောင့်လို့ပဲဆိုရမယ်။ ဒီလိုဗျာ။ ကမ်းဝေးငါးဖမ်းလှေတွေဟာ ပင်လယ်ထဲကို တခေါက်ထွက်ရင် တလကျော်ကျော်ကြာသတဲ့။ကမ်းမမြင်လမ်းမမြင်ပင်လယ်ထဲမှာ တလကိုးသီတင်းနေခဲ့ကြရတဲ့ ရေလုပ်သားအများစုဟာ ငါးဖမ်းလှေကမ်းကပ်ပြီဟေ့ ဆိုတာနဲ့ ငရဲပြည်ကနေ တာဝတိံသာကို ချက်ချင်းရောက်ရတယ်လို့ ခံစားမိကြဟန် တူပါရဲ့။ပင်လယ်ထဲမှာ အထီးကျန်အနေစုတ်သမျှ ကမ်းပေါ်လည်း ရောက်ရော ယောက်ျားတို့တောင့်တအပ်သော အရာအားလုံးနဲ့ အပျော်ရှာကြတော့တာပါပဲ။
ဒီတော့ ဖယ်အုံကန်ဆိုတဲ့နေရာဟာ မြန်မာရေလုပ်သားတွေအတွက် လိုချင်တာမှန်သမျှ အားလုံးရတဲ့နေရာလို့ဆိုရမယ်။ နည်းနည်းသည်းခံပြီးနားထောင် ပါဗျာ။အရက်ဖဲဖာ မူးယစ်ဆေးအာစီယံ စတဲ့ အရာအားလုံးဖယ်အုံကန်မှာ အကုန်ရလေရဲ့။ ဒီတော့ ငါးဖမ်းလှေကပ်ပြီဆိုတာနဲ့ ဖယ်အုံ ကန်မှာ ပွဲတော်ကြီးလိုကို ဖြစ်လို့။ တချို့ခပ်အေးအေး မောင်တွေကတော့ အရက်ဘီယာလေးနဲ့ ကာရာအိုကေလောက်ဆိုပေမဲ့ တချို့ အပျော်လွန်တတ်တဲ့မောင်တွေကတော့ ထင်တိုင်းကြဲပြီး သုံးကြဖြုန်းကြတော့တာပါပဲ။ အမယ်စကားမစပ် ဖယ်အုံကန်မှာ ထူးထူးဆန်း ဆန်းစာပေစိတ်ဝင်စားတဲ့ ရေလုပ်သားတချို့က စာကြည့်တိုက်လေးထောင်ဖူးတယ်ဗျ။ ကျနော့်စိတ်ထင် တနှစ်လောက် သက်တမ်းတော့ ဖွင့်နိုင်ခဲ့ထင်ပါရဲ့။
ဖယ်အုံကန်မှာ ဖြစ်လိုက်တဲ့ပြသနာတိုင်းကတော့ အမူးသမားအချင်းချင်း၊ မူးယစ်ဆေးသမားအချင်းချင်း၊ လှေပေါ်မှာ ဖဲရိုက်လာပြီး ဖဲကြွေးမ ပေးတဲ့ ပြသနာမျိုးတွေပါပဲ။ ဟိုအတန်းက ဟိုဟာလေးတွေနဲ့ သူ့ဦးစားပေးရမလား ငါ့ကိုတော့ ငယ်စာရင်းဖျက်ရမလား စသည်ဖြင့် အပျော်အိမ်က ရည်းစားလုပွဲတွေလည်း ရှိသေးဗျာ။ထိုင်းရောက်ငါးဖမ်းလှေသမားတွေရဲ့ဘဝက ကျနော်မြင်မိတွေ့မိသလောက် တယ်ဇယားမကျလှဘူးဗျာ။ ဆိုလိုတာက ရှာလို့ဖွေလို့ ရတဲ့ဝင်ငွေကို ဇာတိမြေက မိသားစုဆီရောက်တယ်ဆိုတာ အတော်ကို ရှားမယ်။ ဘာကြောင့်ဆို ရက်ကာလကြာမြင့်စွာ ရေထဲမှာနေရတော့ ငါးဖမ်းလှေကမ်းကပ်ပြီဆိုတာနဲ့ လူ့သဘာဝ ပျော်ချင်ပါးချင်ကြတာ၊ စိတ်ထွက်ပေါက်ရှာကြတာ ထုံးစံလိုဖြစ်နေတာကြောင့် ရေထဲသွားလိုက် ကုန်းပေါ်တက်လာပြီး သောက်စားပျော်ပါးသုံးဖြုန်းလုပ်နေ ကြတာပါပဲ။

အော် ပြောနေရင်း ဖယ်အုံကန်မှာ ကျနော်ကြုံခဲ့ရတဲ့ ရန်ပွဲအကြောင်းမေ့နေပြန်ပြီ။ နေ့ရက်လတော့ မမှတ်မိတော့ဘူးဗျာ။ မမှတ်မိတာလည်း ဘာမှမဆန်းဘူးဗျာ။ ဒီလိုရန်ပွဲတွေဟာ ဖယ်အုံကန်မှာ ခဏခဏဖြစ်နေကျမို့ပေါ့။ ဒီတခါထူးဆန်းတာက ကျနော်ကိုယ်တိုင် မျက်ဝါးထင်ထင် ကြုံခဲ့ရတာမို့ ပါ။ကျနော် ဖူးခက်ကိုရောက်ပြီး နှစ်နှစ်လောက်အကြာ မနက်ဆယ်နာရီလောက် ကျနော် ဖယ်အုံကန်ဖက်ကိုရောက်သွားသဗျ။ ကျနော်နဲ့ မခိုင် ဈေးပစ္စည်းတွေအကြောင်းပြောနေတုန်း ဗြုန်းဆို ငါးဖမ်းလှေတွေဆီက ဆူဆူညံညံအသံတွေကြားလိုက်ရတယ်ဗျ။
အမှန်တော့ မခိုင်တို့ဆိုင်နဲ့ ငါးဖမ်းလှေတွေဆိုက်ကပ်တဲ့နေရာဟာ ကိုယ်တစ်ရာဝန်းကျင်လောက်ကွာမယ်ဗျ။ ငါးဖမ်းလှေတွေဆိုက်တဲ့ နေရာကို သံဇကာတွေနဲ့ ကာထားတယ်။ သံဇကာရဲ့တချို့နေရာမှာ စက္ကူပန်းရုံလေးတွေ ရှိနေပေမဲ့ ကျနော်ရပ်နေတဲ့ နေရာကနေ စောစော ဆူဆူညံညံအသံကြားတဲ့ နေရာက မြင်ကွင်းကို ထင်ထင်ရှားရှားမြင်နေရတယ်။ ကျနော့်စိတ်ထင် အဲဒီလှေဆိပ်မှာ ငါးဖမ်းလှေ လေးငါးစီးကပ်ထားတယ်ထင်မိတယ်။
ဆူညံတဲ့အသံဟာ ပထမတော့ လူလေးငါးယောက်လောက်ဆီကလာတာဗျ။ ဒါပေမဲ့ အသံဟာ ကျယ်သထက် ကျယ်လာတယ်။ ကျနော့် စိတ်ထင် အဲဒီအသံတွေဟာ ထိုင်းစကားသံတွေ ဖြစ်ပေမဲ့ ထိုင်းတွေပြောနေကြတာ မဟုတ်ပဲ ထားဝယ်လူမျိုးလှေသမားတွေ ပြောနေကြမှန်း ကျနော်ခန့်မှန်းနိုင်တယ်။
ဒီအဖြစ်မျိုးကို ကြုံရဖန်များနေတဲ့ မခိုင်ဟာ အကိုကြီးဆိုင်ထဲဝင်တော့ သူတို့အကြီးအကျယ်ရန်ဖြစ်ကြတော့မယ်။ ဆိုပြီး ကျနော့်ကို ဆိုင်ထဲဝင်ခိုင်းပြီး ဆိုင်တံခါးကို အသာစေ့ထားလိုက်ပါတယ်။တကယ်တော့ ထားဝယ်သူလေးမခိုင်ဟာ ဆိုင်ပိုင်ရှင်မဟုတ်ရှာပါဘူး။ ပေါင်းသင်းဆက်ဆံရေးနဲ့ အပြောအဆိုလိမ်မာရေးခြားရှိတာကြောင့် ထိုင်းဆိုင်ရှင်အမျိုးသမီးကြီးက သားသမီးလို မျက်နှာလွှဲထားခံ ရတဲ့ မိန်းကလေးပါ။မခိုင်ရဲ့ခင်ပွန်းဟာလည်း ရေလုပ်သားလို့ပဲဆိုပါတယ်။
မခိုင်ရလိုက်တဲ့ အန္တရာယ်ရဲ့အငွေ့အသက်ဟာ မမှားဘူးဆိုနိုင်ပါတယ်။ဆိုင်တံခါးကြားကနေ လှမ်းမြင်နေရတာတော့ ငါးဖမ်းလှေနှစ်စီး ဆီက လူနှစ်ဆယ်ကျော်စီရှိနိုင်တဲ့ လူအုပ်ကြီးနှစ်ခုဟာ လက်ထဲမှာ ဒုတ်၊ဓား၊ ဂျင်ကလိ၊သုံးခွလှံချွန်စတာတွေကိုယ်စီကိုင်ပြီး ညာသံပေး ဆင်းလာကြပါတော့တယ်။သူတို့နှစ်ဖက်ရင်ဆိုင်လိုက်ကြတဲ့ အကွာအဝေးဟာ ပေလေးဆယ်လောက်ကွာမယ်ထင်ပါရဲ့။ အုပ်စုကြီးနှစ်ခု ဟာ ချက်ချင်းမတိုိက်ခိုက်သေးပဲ အပြန်အလှန်အချည်အချ ဒေါသတကြီး စကားဆိုကြပါသေးတယ်။ ဒီအချိန်မှာ မခိုင်က အကိုကြီး အခုအုပ်စုနှစ်ခုလုံးဟာ ဗမာတွေချည်းပဲတဲ့။
သူတို့လှေပိုင်ရှင်ထိုင်းသူဌေး ဘာအမိန့်ပေးမယ်ဆိုတာကို စောင့်နေကြတာထင်တယ်တဲ့ ။ကျနော်တွေးလုိုက်မိပါပြီ။ လက်စသတ်တော့ ထိုင်းလူမျိုးငါးဖမ်းလှေပိုင်ရှင်အချင်းချင်းဖြစ်တဲ့ ပြသနာကို ဗမာတွေ ထားဝယ်တွေ ရခိုင်တွေက လူမိုက်အဖြစ်ဝင်ရှင်းပေးကြတာကိုး။ ကျနော့်စိတ်ထဲထူးခြားနေတာက ဒီလောက်ကြီးမားတဲ့လူအုပ်ကြီးနှစ်စု လက်နက်ကိုယ်စီနဲ့ သတ်မယ်ဖြတ်မယ် ရင်ဆိုင်မိနေကြတာာကို ဘယ်ထိုိင်းလုံခြုံရေး ဘယ်ထိုင်းရဲမှ ရောက်မလာတာပါပဲ။ တကယ်တော့ ဒီလောက်ဆက်သွယ်ရေးကောင်းတဲ့ထိုင်းလိုနိုင်ငံမှာ ဖုန်းတချက်နှိပ်တာနဲ့ ထိုင်းရဲရာချီပြီးရောက်လာနိုင်ပါတယ်။
တမျိုးစဉ်းစားဖို့ကောင်းတာက ထိုင်းငါးဖမ်းစက်လှေပိုင်ရှင်တွေဟာ သူတို့ငါးဖမ်းလှေနှစ်စင်းပြသနာကို သူတို့ကိုယ်တိုင် ဗမာရေလုပ်သား တွေကို သုံးပြီး သူတို့နည်းသူတို့ဟန်နဲ့ရှင်းမှာမို့ ထိုင်းရဲတွေ ရောက်မလာအောင် တားဆီးထားတာလည်း ဖြစ်နိုင်ချေတခုပါပဲ။
ရန်စောင်နေတဲ့ ရေလုပ်သားအုပ်စုနှစ်ခုကို ကြည့်ရင်း တောင်တွေးမြောက်တွေးလုပ်နေတဲ့ ကျနော်ဟာ ဒိုင်း ဒိုင်းဆိုတဲ့ သေနတ်သံနှစ်ချက်ကြောင့် ရုတ်တရက်အလန့်တကြားဖြစ်သွားပါတယ်။ အမှန်တော့ အဲဒီသေနတ်သံဟာ တိုက်ပွဲစဖို့ အမိန့်ပေးလိုက်တဲ့ ထိုင်းငါးဖမ်းလှေပိုင်ရှင်ရဲ့ စစ်ခရာတံပိုးမှုတ်သံပါပဲဗျာ။

အခန်း(၁၀)

ခယောင်းလမ်းပေါ်က သက်ခိုင်

သေနတ်သံရဲ့နောက်ဆက်တွဲဖြစ်ရပ်ကတော့ မယုံနိုင်စရာပါပဲဗျာ။ တစ်ဖက်ကိုလူနှစ်ဆယ်စီလောက် ရင်ဆိုင်နေကြရာ ကနေ၊ သေနတ်သံလည်းထွက်လာရော တခြားငါးဖမ်းစက်လှေတွေပေါ်က လူခြောက်ဆယ်၊ခုနစ်ဆယ် လောက်ထပ်ဆင်း လာကြပြီး အဲဒီလူတွေဟာ တစ်ခုသော အုပ်စုနဲ့ ပူးပေါင်းလိုက်ကြတယ်ဗျ။ ဒီတော့ လူနှစ်ဆယ်ကျော် တစ်အုပ်စု နဲ့၊လူတစ်ရာနီးပါး တစ်အုပ်စု၊ နှစ်အုပ်စုအဖြစ် ရင်ဆိုင်တွေ့ကြပါလေရော။ခင်ဗျားကို စကားဖြတ်ပြောရအုံးမယ်။ ငါးဖမ်းစက်လှေ တစီးမှာ ရေလုပ်သားနှစ်ဆယ်ကနေသုံးဆယ်အထိပါသတဲ့ဗျ။ အဲဒီအချိန်တုန်းက ဖယ်အုံကန်ဆိပ်ကမ်းမှာ ငါးဖမ်းစက်လှေ ခြောက်စီးလောက် ကမ်းကပ်ထားတာ တွေ့ရတယ်။

အင်အားချင်းမမျှတာကို သတိပြုမိဟန်တူတဲ့ လူနှစ်ဆယ်ကျော်အုပ်စုဟာ စက်လှေတစ်စီးပေါ်ကို ပြေးတက်သွားကြပြီး "မိုက်တဲ့ကောင် လှေပေါ်တက်ခဲ့ကွာ"ဆိုတဲ့ စိန်ခေါ်သံတွေထွက်လာတယ်ဗျ။သူတို့လက်ထဲမှာလည်း လက်နက် ကိုယ်စီနဲ့ပေါ့။ တချိန်တည်းမှာပဲ သံဒုတ်၊ဓားကိုယ်စီနဲ့ လူတစ်ရာနီးပါးရှိတဲ့ အုပ်စုဟာ စိန်ခေါ်နေတဲ့လှေပေါ်ကို နောက် ကနေ တဟုန်ထိုး ပြေးတက်သွားကြပြီး နှစ်ဘက်အပြန်အလှန်အသေအကြေထိုးကြခုတ်ကြ သတ်ကြဖြတ်ကြပါ လေရောဗျာ။ မြင်ကွင်းဟာ ကျနော်နဲ့ သိပ်မဝေးတာမို့လူတဦးချင်းစီရဲ့မျက်နှာကိုသဲသဲကွဲကွဲ မမြင်နိုင်ပေမဲ့ သူတို့လှုပ်ရှားမှု တွေကိုတော့ အသေးစိတ် မြင်နေရပါတယ်။ အဲဒီလှေပေါ်မှာတော့ အပြန်အလှန် ထိုးခုတ်သတ်ဖြတ်နေကြတာမို့ ဆဲဆိုသံ၊ညည်းညူသံ၊ အော်ဟစ်သံ၊ ကြိမ်းမောင်းသံတွေနဲ့ တကယ့်ကို ကမ္ဘာပျက်သလိုပါပဲဗျာ။ သွေးသံတရဲရဲဒဏ်ရာ တွေနဲ့ ရေထဲကို ကန်ချခံရတဲ့ လူလေးငါးယောက်ကိုလည်း မြင်နေရတယ်။

တဖက်နဲ့တဖက် လူအင်အားချင်းမမျှတာမို့ အင်အားကြီးတဲ့အုပ်စုဟာ လူနှစ်ဆယ်ကျော်အုပ်စုကို တယောက်မကျန် အပြတ်ရှင်းပြီးရေထဲကန်ချ၊အစဖျောက်ဖို့ အားထုတ်နေတယ်ဆိုတာထင်ရှားလာပါတယ်။ အများစုကိုင်ထားတဲ့ ဓားတွေဟာ ဗမာငှက်ကြီးတောင်လို ဓားရှည်တွေမဟုတ်ဘူးဗျ။ တထောင့်ထွာလောက်အရှည်ရှိတဲ့ ထိုင်းဓားအပြားကြီးတွေ ။

ကျနော့်စိတ်ထဲမှာ အတော့်ကို ဇဝေဇဝါ ဖြစ်သွားတာ အမှန်ပဲဗျ။ ဘယ်လိုဖြစ်ကုန်ကြတာတုန်းပေါ့။အစတုန်းက ငါးဖမ်းစက် လှေနှစ်စီး၊ အုပ်စုနှစ်စု ရန်ပွဲလို့ ထင်နေပေမဲ့ အမှန်တကယ်က ငါးဖမ်းစက်လှေတစီးနဲ့ အခြားငါးဖမ်းစက်လှေ လေးငါးစီး စုပြီးတိုက်တဲ့မြင်ကွင်းဖြစ်နေတာကိုး။ ကျနော်နဲ့အတူ ဆိုင်ထဲမှာ ရှိနေတဲ့ ထားဝယ်လူငယ်လေးတစ်ယောက်ရှင်းပြမှကျနော် လည်း အဖြစ်မှန်ကိုဇာတ်ရည်လည်ပါတော့တယ်။

အခုလူနှစ်အုပ်၊ထိုးခုတ်သတ်ဖြတ်နေကြတဲ့ ငါးဖမ်းလှေရဲ့နာမည်ဟာ ပျံလွှားတဲ့ဗျာ။ ပျံလွှားပေါ်က ရေလုပ်သားအုပ်စုဟာ ဖယ်အုံကန်မှာ ဗိုလ်ကျကြီးစိုးနေတဲ့ အုပ်စုတဲ့။ငါးဖမ်းစက်လှေအချင်းချင်းကြားမှာလည်း ပျံလွှားအုပ်စုကို တခြားငါးဖမ်း လှေတွေက အကြောက်ကြီးကြောက်ကြ ရသတဲ့။နှစ်ပေါင်းများစွာ ဗိုလ်ကျစိုးမိုးလာတဲ့ ပျံလွှားအုပ်စုရဲ့ အနိုင်ကျင့်ဗိုလ်ကျ မှုကို မခံနုိုင်တဲ့အဆုံး တခြားငါးဖမ်းစက်လှေပိုင်ရှင်ထိုင်းသူဌေးတွေ မဟာမိတ်ဖွဲ့ပြီး ပျံလွှားကို လက်စတုံး တဲ့ပွဲပါပဲ။ နောက်ဆုံးတော့ ရာချီတဲ့ လူအုပ်ဟာ ပျံလွှားကလူတွေကိုသာမက ပျံလွှားလှေကိုပါ ဖျက်ဆီးနှစ်မြှုပ်ပစ်မဲ့သဘောနဲ့ လှေပေါ်မှာ ရှိသမျှပစ္စည်း လှေအစိတ်အပိုင်း တွေကိုပါ ခုတ်ထစ်ဖျက်ဆီး နေကြပါလေရောဗျာ။လှေပေါ်က ရာချီတဲ့ ရေခဲပုံး တွေကို ရေထဲကန်ချ ပစ်ကြတယ်။ ခွမ်းလို့ခေါ်တဲ့ဗုံလုံတိုင်တွေ၊ပဲ့နင်းခန်း၊စက်ခန်း၊လှေသားခန်း စတဲ့ မဲမဲမြင်သမျှ ခုတ်ထစ်ဖျက်ဆီးနေကြလေရဲ့။

ကျနော်က ငါးဖမ်းစက်လှေလို့ပြောနေလို့ခင်ဗျားစိတ်ထဲမှာ ဘောက်တူသမ္ဗာန်လို သစ်သားလှေထင်မနေနဲ့အုံး။ ဝါးတန်း၊ ဝါးလတ်လို့ ခေါ်တဲ့ ငါးဖမ်းစက်လှေတွေဗျ။သင်္ဘောအငယ်စားလို့ပြောလို့ရတယ်။နာရီဝက်လောက်အကြာ အလောင်းဆယ် လောင်းလောက် ရေထဲကျအပြီး ပျံလွှားစက်လှေပေါ်က ရှိရှိသမျှအရာတွေကို ခုတ်ထစ်ဖျက်ဆီးပြီး ချိန်လောက်မှာတော့ အရေးပေါ်အချက်ပေးသံတွေနဲ့အတူရဲကား ငါးစီးလောက် ဖယ်အုံကန်ဆိပ်ကမ်းရန်ပွဲဆီကို အရှိန်ပြင်းပြင်း မောင်းဝင်လာပါ တော့တယ်။ရဲကားဥသြသံတွေဟာ ဖယ်အုံကန်တစ်ခုလုံးမှာ ဆူညံနေလေရဲ့ဗျာ။ ထိုင်းရဲငါးဆယ်လောက်ဟာ သေနတ် အချက်ပေါင်းများစွာကို မိုးပေါ်ထောင်ပစ်ပြီး ရန်ပွဲကို ရပ်တန့်နိုိင် လိုက်ပါတယ်။ ပျံလွှားကံကောင်းသွားတယ်ဆိုပါစို့ဗျာ။ လူနာတွေတင် အလောင်းတွေကောက် တွေ့ရာလူကို ဝမ်းလျားမှောက်ခိုင်းပြီးလက်ထိပ်ခတ်ဖမ်း၊တကယ့်ကို ရုန်းရင်း ဆန်ခတ်မြင်ကွင်းပါပဲ။

ကျနော်သိရသလောက် အဲဒီနေ့ရန်ပွဲမှာ ပျံလွှားလှေသားဆယ့်နှစ်ယောက်လောက် သေပြီး ကျန်တဲ့သူတွေ ဒဏ်ရာ အပြင်း အထန်ရကြပါတယ်။ ပျံလွှားလည်း ရစရာမရှိအောင် ပျက်စီးသွားပြီး နောက်ဆုံးမှာပျံလွှားကို အဲဒီဆိပ်ကမ်းမှာ မတွေ့ရ တော့ဘူးတဲ့ဗျာ။အဲဒီနေ့အဲဒီအချိန်ကစပြီး ပျံလွှားအုပ်စုဟာ ဖယ်အုံကန်ကနေ အစအနပျောက်သွားရောဆိုပါတော့။ကျနော် ကြားတာတော့ ပျံလွှားလှေပိုင်ရှင်ထိုင်းသူဌေးဟာ ပျံလွှားကို ရောင်းပစ်လိုက်ရတယ်ဆိုပါတယ်။ မှတ်သားစရာကတော့ အဲဒီနေ့က ဖယ်အုံကန်မဟာရန်ပွဲဆင်နွှဲကြတဲ့လူအုပ်စုကြီးထဲမှာ ထိုင်းလူမျိုး တယောက်မှ မပါဘူးတဲ့ဗျာ။

ကိုသက်ခိုင်၏ ဖယ်အုံကန်မှ ပျံလွှားဇာတ်သိမ်းခန်းပြီးဆုံးချိန်တွင် ခေါင်ရန်တောင်ပေါ်မှာ နေညိုခဲ့ပြီ။ မှုန်ပြာသော ကောင်းကင်တွင် ငှက်အုပ်တချို့အိပ်တန်းပျံနေကြပြီ။ ခေါင်ရန်းတောင်အောက်က ဖူးခက်မြို့မြင်ကွင်းပင်လျှင် အနည်းငယ် မှုန်ဝါးလာချိန်တွင် ကျနော်နှင့်ကိုသက်ခိုင် တောင်ပေါ်က ပြန်ဆင်းလာကြသည်။ ကားမောင်းနေသော ကိုသက်ခိုင်နံဘေး မှာ ထိုင်နေရင်း ဘဝစုံလှသော ကိုသက်ခိုင်အကြောင်းကို ကျနော်စဉ်းစားခန်းဝင်နေမိသည်။ ကိုသက်ခိုင်သည်လည်း ကားမောင်းရင်း တစုံတခုကိုတွေးတောကာ ခတ်မဆိတ်ရှိနေသည်။ အပြန်လမ်းကား နှစ်ဦးသားအတွေးကိုယ်စီဖြင့်။ ။

အခန်း(၁၀)

ခယောင်းလမ်းပေါ်က သက်ခိုင်

မထင်မှတ်သော အချိန်တွင်၊မထင်မှတ်သောနေရာမှ ဘွားကနဲပေါ်လာတတ်သည်မှာ ကိုသက်ခိုင်၏ စရိုက်တစ်ခုဖြစ်သဖြင့် ကျနော့်အတွက် အဆန်းတကြယ်မဟုတ်တော့ချေ။ တစ်ခုသောနေ့မှာ ဝထေ့ဖ်အရပ်မှာ ရှိသော ကျနော့်ဆိုင်ရှိရာသို့ ကိုသက်ခိုင် ဆိုင်းမဆင့်ဗုံမဆင့်ပေါက်ချလာပြန်သည်။ အကြောင်းပြချက်မှာ "ပျင်းလို့ဗျာ"ဟူ၏။ကိုသက်ခိုင်သည် ကျနော့် ဆိုင်အတွင်းရှိ ပစ္စည်းမျိုးစုံကို တခုစီစေ့စေ့စပ်စပ်လျှောက်ကြည့်လျက်ရှိသည်။ထို့နောက် ပလစ်စတစ်အိပ်ငယ်များဖြင့် တကီလိုစီထုတ်ထားသော ပဲကြီးလှော်ထုတ်များကို ကိုင်ကြည့်ရင်း ပြုံးနေသောကြောင့် ကျနော်က သူ့ကိုမေးခွန်းထုတ် လိုက်မိသည်။

"ပဲကြီးလှော်မှာ ဘာရီစရာရှိလို့တုန်းဗျာ"

"အော် ဆန်းပြားလှတဲ့ ဘဝအလှည့်အပြောင်းကို ပြန်စဉ်းစားမိလို့ပါ။ လွန်ခဲ့တဲ့ဆယ်နှစ် ထိုင်းကို ကျနော်ရောက်စကပေါ့။ ခင်ဗျားအခုလုပ်နေတဲ့အလုပ်မျိုး၊ခင်ဗျားဖွင့်ထားတဲ့ဆိုင်မျိုးကို ကျနော်ဖွင့်ခဲ့ဖူးတယ်။ ကိုယ့်မြေကိုယ်ရေမှာ တဗိုလ်တမင်း ဘဝနဲ့ လူတွင်ကျယ်လုပ်ခဲ့တဲ့ ကျနော်ဟာ ဒီလိုပဲကြီးလှော်ထုတ်တွေကို ကိုယ်တိုင်ထုတ်ခဲ့ဖူးတယ်။ကွမ်းစား ထုံးထုပ် ကလေးတွေ၊ အုန်းဆီပုံးကြီးထဲကနေ အုန်းဆီပုလင်းတွေထဲကို ထည့်တဲ့အလုပ်မျိုးက အစ ကျနော်လုပ်ခဲ့ရတယ်"

"ခင်ဗျားကြည့်ရတာ အဲဒီအဖြစ်ကို ရှက်နေပုံရတယ်"

"ဘာရှက်စရာရှိတုန်းဗျ။ ကျနော်တို့မိသားစု နတ်မောက်ကနေတက်လာတုန်းကလည်း အနှိမ်ခံ၊အပယ်ခံဘဝမျိုးနဲ့ ရုန်းကန် ခဲ့ဖူးတာပဲ။အဲဒီတုန်းက ကျနော့်စိတ်ထဲမှာရှိနေတာက ငါဟာခယောင်းလမ်းကိုဖြတ်ကျော်ရတော့မယ်ဆိုတဲ့ အသိတစ်ခုပဲရှိ နေခဲ့တယ်။ရှေ့ဆက်ရမဲ့ဘဝခရီးအတွက် ခြေကုတ်တစ်နေရာစာ၊ကျားကုတ်ကျားခဲရှာနေရ ချိန်မဟုတ်လား။ ဒုစရိုက် အလုပ်က လွဲရင် ဘယ်လို အလုပ်မျိုးမဆို လုပ်မယ်။ဓားတောင်ကိုကျော်မယ် မီးပင်လယ် ကိုဖြတ်မယ်ပေါ့ဗျာ။ ရှုပ်ရှုပ် ထွေးထွေး အလုပ် တွေကိုတော့ ကျနော်စိတ်ကုန်ခဲ့တာအမှန်ပါပဲ"

ထိုစဉ်ခဏတွင်ပင် ကိုသက်ခိုင်၏ တယ်လီဖုန်းမှ အသံမြည်လာသဖြင့် ကျနော်တို့ စကားစကိုဖြတ်ကာ ကိုသက်ခိုင့်စကား သံကိုနားစွင့်နေလိုက်သည်။

"အေး ၊ရာမန်။ ငါပါ ။သက်ခိုင်ပါ ပြော"

"....................."

"ဘယ်မှာအဖမ်းခံရတာတုန်း"

"....................."

"မင်းကလေးမက သကွယ်ပါကဆို။ ဘယ်နှယ့်ဖူးခက်တံတားကြီးဂိတ်မှာ အဖမ်းခံရတာတုန်း"

"........................."

"ပစ္စည်းတန်ဖိုးဘယ်လောက်ရှိလဲပြော၊ ဘာပစ္စည်းတွေလဲ ငါ့ကို အမှန်အတိုင်းပြော"

".........................."

"အဲဒီကလေးမကို စိတ်အေးအေးနေဖို့သာပြောလိုက်၊ မဖြစ်ဖြစ်တဲ့နည်းနဲ့ပြန်ရအောင်လုပ်ပေးမယ်"

"........................."

"ဟေ့ကောင် ရာမန် အေးအေးနေဆို နေလိုက်တော့ကွာ။ ဘယ်လိုပိုင်တယ် ဘယ်လိုရှင်းမယ်ဆိုတာ မင်းကို ငါသံတော်ဦး မတင်နိုင်ဘူး"

"......................"

"ပြန်ရ ရပါစေ့မယ်ဆိုကွာ။ မင်းက မန္တလေးသားတော်တော်ပီသတယ်၊ လျှာကရှည်ပါ့"

"............................."

ရာမန်ကို ကျနော်သိသည်။ အထူးသဖြင့် ရနောင်းမြို့မှာ ရာမန်ကို မသိသူရှားသည်။ ရာမန်သည်လည်း ဘဝစုံသူဖြစ်သည်။ ရာမန်သည် မန္တလေးဇာတိ မဟာမေဒင်ဘာသာဝင်ဖြစ်၏။ အရပ်ခြောက်ပေနီးပါးရှိသောအရပ်အမောင်း၊ ခက်ထန်သော ရုပ်ရည်ကြောင့် ရာမန့်ကို လူရှိန်သည်။ရာမန်ကား လွန်ခဲ့သောအနှစ်နှစ်ဆယ်ကျော်ကပင် ထိုင်းနိုင်ငံဖက်သို့ သူ့ဘဝ၏ တခုသောအကြောင်းဖြင့်ရောက်ရှိခဲ့သူဖြစ်သည်။ ထိုင်းအမျိုးသမီးတဦးနှင့်အကြောင်းပါပြီး ထိုင်းနိုင်ငံသားကဒ်ပင်ရနေ သူဖြစ်၏။ ရာမန်ငယ်စဉ်ဘဝက မူးယစ်ဆေးဝါးမျိုးစုံကို ခုံခုံမင်မင်သုံးစွဲခဲ့သည် ဟုဆိုသည်။ မူးယစ်ဆေးဝါးမှုကြောင့်ပင် ထိုင်းအကျဉ်းထောင်မှာ နှစ်ရှည်ထောင်ဒဏ်ကျခဲ့ဖူးသည်။ ယခုသော် အချိန်မှန်ဗလီတက်၍ ဘာသာရေးကိုင်းရှိုင်းသူ ရနောင်းမြို့ မဟာမေဒင်အသိုင်းအဝိုင်းမှာ ဝင်ဆန့်သူဖြစ်နေပြီ။

အဆိုပါ ရာမန်ကို ကိုသက်ခိုင်တစ်ယောက် မင်းနဲ့ငါ ဟူသော အသုံးအနှုံးမျိုးဖြင့် ပြောဆိုနေသည်ကို ကျနော်ကြည့်ရင်း တအံ့တသြဖြစ်ရသည်။

"ခင်ဗျားက ဘိုင်ကြီးနဲ့ သိတာကိုး"

"ဘိုင်ကြီးဆိုတာ ရာမန့်ကိုပြောတာလား"

"ဟုတ်ပါ့ဗျာ"

"သိတယ်ဆိုပါတော့"

"ဘိုင်ကြီးက ရနောင်းမှာဆရာကြီးနော်။ ခင်ဗျားက မင်းနဲ့ငါနဲ့ ချနေတာ ကျနော်အံ့သြလွန်းလို့"

"ဆရာကြီးဆိုတာ ဘာတုန်းဗျ"

"ခပ်မိုက်မိုက် ခပ်ထန်ထန် တပည့်တပန်းပေါတဲ့သူ ဆိုပါတော့"

"အဲဒီတော့ ကျနော်က သူ့ကို ဘယ်လိုခေါ်ရမတုန်း ဘိုင်ကြီးလို့ခေါ်စေချင်တာလား။ ဒီမယ် ကိုမင်းဒင်၊ သူမိုက်သလို ကျနော်လည်းမိုက်ခဲ့တာပဲ။ လူမိုက်မှာလည်း တန်းစီဇယားရှိတယ်။ စိတ်ထင်သလိုဗိုလ်လုပ်ချင်တိုင်းလုပ်လို့မရဘူး လူမိုက် ဝါစဉ်မှာ ရာမန်ဟာ ကျနော့်ကိုမကျော်နိုင်ဘူး ။ ဒီတော့ ရာမန်ကို ကျနော်ဘာမှ ရေးကြီးခွင်ကျယ်လုပ်ပြီး ဆရာတင်စရာ မလိုဘူး။ အရေးအကြီးဆုံး ခင်ဗျား မသိသေးတဲ့အချက်ကတော့ ရာမန်ဟာ ရုပ်ရင့်နေလို့ အသက်ကြီးတယ် ထင်နေရတယ် သူက ကျနော့်ထက် နှစ်နှစ်ငယ်တယ။် ရာမန်နဲ့ ကျနော် ပြောမနာဆိုမနာ ညီအကိုလို ဖြစ်နေတာ ဆယ်နှစ်လောက် တောင်ရှိရော့မယ်။အမှန်က ရာမန်ရုပ်က ခပ်ကြမ်းကြမ်းမို့ အများက ရှိန်နေတာပါ တကယ်တန်းမှာ ရာမန်ဟာ လူရိုး လူအေးပါ။ သူ့အခက်အခဲတော်တော်များများကို ကျနော်ရှင်းပေးဖူးတယ်။ ကျနော်လိုအပ်တဲ့ကိစ္စ သူကူညီတယ် ။ ကျနော်က သူ့ကိုလူဆိုးဗိုလ်လို ဆက်ဆံစေချင်နေသလား။အခုလည်း သူ့အသိကလေးမလေးတယောက် ဗမာပစ္စည်းတွေ အဖမ်းခံရလို့ ကျနော့်ကို လှမ်းအကူအညီတောင်းတာ။ကဲ၊ လာ။ ကားပေါ်တက်။ ခင်ဗျားဘိုင်ကြီးက အခုကျနော့်ကို မြွေဖမ်းပြီးလှမ်းခိုင်းနေတာ ဖူးခက်မြို့ဝင်တံတားကြီးဂိတ်က ရဲစခန်းကိုသွားကြမယ်"

"နေပါဦးဗျ။ တံတားကြီးဂိတ်က ရဲဖမ်းထားတဲ့ တရားမဝင်ပစ္စည်းတွေကို ခင်ဗျားက ဘယ်လိုလုပ်ပြန်ယူမှာတုန်း"

"လျှာရှည်ချက်ဗျာ၊ ကားပေါ်တက်မှာသာတက်။ ဟိုကျတော့ ခင်ဗျားသိလိမ့်မပေါ့"

နှစ်သစ်ဦး ရင်တွင်းစကား

၁။ ကျနော်ဟာ လွန်စွာရိုးသားသူ၊မလှည့်ဖျားတတ်သူမဟုတ်ပါဘူး။ ရိုးဂုဏ်ရဲ့တန်ဖိုးကို အထိုက်အလျောက်သိနားလည်လာတဲ့အတွက် ရိုးဖြောင့်စွာ နေနိုင်ရန် အားထုတ်နေသူမျှသာ ဖြစ်ပါတယ်။
၂။ ကျနော်ဟာ ဒေါသနည်းသူ၊အေးဆေးတည်ငြိမ်သူမဟုတ်ပါဘူး။ ထွက်သွားတဲ့ ဒေါသကို အသိတရားတစ်ခုနဲ့ နောက်ကနေ လိုက်ဖမ်းနေတတ်တဲ့ လူတစ်ယောက်မျှသာ ဖြစ်ပါတယ်။
၃။ကျနော်ဟာ လောဘနည်းသူ၊ရောင့်ရဲတင်းတိမ်နိုင်သူမဟုတ်ပါဘူး။ လောဘနောက်ကို ပါပါသွားတတ်တဲ့ စိတ်ကို သမာအာဇီဝဆီ ပြန့်တွန်းရွေ့နိုင်အောင် လုံးပန်းနေသူမျှသာဖြစ်ပါတယ်။
၎။ ကျနော်ဟာ ရင့်ကျက်သူ၊နာခံလွယ်သူ မဟုတ်ပါဘူး။ ကြီးသူငယ်မရွေး သွန်သင်ထောက်ပြမှုတွေကို လက်ခံနိုင်အောင် ကျိုးစားနေသူမျှသာဖြစ်ပါတယ်။
၅။ ချစ်သော မုန်းသော ဘယ်လိုမှ မနေသော ပုဂ္ဂိုလ်သတ္တဝါအားလုံး နှစ်ဦးမှာ ချမ်းသာကိုယ်စိတ်မြဲစေဖို့ ကြိုးစားပြီးနှလုံးသွင်းလျက်ရှိပါတယ်။

ခင်မင်လေးစားမှုများဖြင့်

မင်းဒင်
ဖူးခက်ကျွန်း
၃၁။၁၂။၂၀၁၃

အက်ဒမန်ပင်လယ်ဓားပြရာမန်

အရွယ်နှင့်မလိုက်အောင် စိတ်မြန်လက်မြန်ရှိလှသော ကိုသက်ခိုင်သည် ကျနော်ကို ကားရှိရာသို့တွန်းပို့ရင်း သူကိုယ်တိုင် လည်းကားပေါ်သို့ ခပ်သွက်သွက်တက်ကာ၊ ကျနော့်ဆိုင်တည်ရှိရာ ဆွတ်နီရန်လမ်းသွယ်မှသည် ကျောက်ဖားလမ်းမကြီး ဆီသို့ဦ်းတည်မောင်းနှင်လိုက်သည်။အချိန်ကား နံနက်ကိုးနာရီဝန်းကျင်ခန့်ရှိပြီဖြစ်၍ ကျောက်ဖားလမ်းမပေါ်မှာ ကားတွေ ကြပ်ညပ်နေသည်။ကျနော်လေ့လာမိသလောက် ဖူးခက်မှာ ကားလမ်းတွေဂျမ်းဖြစ်လာတာ နှစ်နှစ်ခန့်သာရှိသေးသည်။ အောင်မြင်နေသော ခရီးသွားလုပ်ငန်း၏နောက်ဆက်တွဲအကျိုးရလာဒ်အဖြစ်၊ ဖူးခက်မှာ ပြည်တွင်းပြည်မှ လာရောက် အခြေစိုက်သူ များပြားလာခြင်းကြောင့် ဖြစ်သည်။ ထို့ကြောင့် ဖူးခက်နေရာအနှံ့မှာ ကားလမ်းတွေချဲ့ နေသည်။ ခေတ်မီ ဂုံးကျော်တံတားတွေ၊ ကားအသွားအလာ ရှုပ်ထွေးလွန်းသည့် လမ်းဆုံမီးပွိုင့်တို့တွင် ခေတ်မီမြေပေါ်မြေအောက် ကားလမ်း တွေ နေ့မအားညမအား ဆောက်လုပ်လျက်ရှိသည်။ကျောက်ဖားလမ်းမကြီးမှသည် ရာဘာတောခပ်အုပ်အုပ် ရှိသော လမ်းသွယ်တစ်ခုကိုဖြတ်ကာ (ချာလူဝမ်ဖရာ့ကက်) လမ်းမကြီးပေါ်သို့ရောက်လာသည်။ကိုသက်ခိုင်သည် ဖူးခက် တမြို့လုံး ကို လမ်းသွယ်လမ်းမြောင် ချောင်ကြို ချောင်ကြားပါမကျန် အကျွမ်းတဝင်ဖြစ်နေသည်ကို ကျနော်အံ့သြမိသည်။ ကျနော် ဆိုခဲ့ပြီးသည့်အတိုင်း ဖူးခက်မြို့သည် နေ့ချင်းညချင်း အရှိန်အဟုန်ပြင်းစွာ စည်ပင်ဖွံ့ဖြိုးလာနေသောမြို့ ဖြစ်သည်ကား မှန်ပါ၏။ သို့သော် ခေတ်မီမြို့ကွက်ရိုက်ကာ စံနစ်တကျ တည်ဆောက်ထားသောမြို့မူ မဟုတ်။

ရေလုပ်ငန်း၊ ငွေဖြူကျောက်မိုင်းနှင့်ရာဘာစိုက်ပျိုးရေးလုပ်ငန်းတို့လုပ်ကိုင်သော ကျွန်းရွာကြီးတစ်ခုအနေအထားမှသည် ကမ္ဘာကျော်ခရီးသွားမြို့အဖြစ် လွန်ခဲ့သောနှစ်နှစ်ဆယ်ကျော်ကမှ အသွင်ပြောင်း လာခြင်းဖြစ်ရာ၊လမ်းကြီးလမ်းငယ်အသွယ် သွယ်မှာ စိတ်ထင်သလိုတောင်ရောက်မြောက်ရောက်ဖောက်လုပ်ထားခြင်းဖြစ်၍ တော်ရုံလူအဖို့ အဆိုပါလမ်းတို့ကို မှတ်မိ ရန်ခက်ခဲလှသည်။

မြို့အဝင်ဆာရက်ဆင်တံတားကြီးရှိရာသို့ ဦးတည်မောင်းနှင်နေရာမှ စင်ထန်းမီးပွိုင့်အရောက်တွင် ဂုံးကျော်တံတားအသစ် ကြီးတည်ဆောက်နေသဖြင့် ကားလမ်းပိတ်ဆို့နေလေရာ မီးပွိုင်မှ မီးနီစိမ်းသည်အထိ အချိန်အတော်ကြာစောင့်ရသည်။ (မှတ်ချက်။ ထိုင်းတို့သည် Central ဟူသော စကားလုံးကို "စင်ထန်း"ဟုတညီတညွတ်တည်း အသံထွက်ကြသည်။)ထိုစဉ် ကိုသက်ခိုင်ထံမှ စကားသံထွက်လာသည်။

"အင်း၊ ခင်ဗျားပြောမှ ရာမန့်အကြောင်း ကျနော်စဉ်းစားမိတယ်။ ရာမန့်ကိုလူရှိန်မယ်ဆိုလည်း ရှိန်လောက်တယ်ဗျ"

ဖူးခက်မြို့မနှင့်မြို့အဝင်ဆာရက်ဆင်တံတားမှာ ကီလိုမီတာ ငါးဆယ်နီးပါးရှိရာ တနာရီနီးပါးမောင်းနှင်ရမည်ဖြစ်၍ လမ်းတ လျှောက် မပျင်းမရိခရီးနှင်နိုင်ရန် စကားစရပြီဖြစ်၍ ကျနော်ဝမ်းသာသွားသည်။

"လုပ်စမ်းပါအုံးဗျ။ ခင်ဗျားက ရာမန့်အကြောင်း နှိုက်နှိုက်ချွတ်ချွတ်သိတယ်ထင်တယ်"

"ဒီလိုဗျ။ ဖြစ်ချင်တော့ ကျနော်ထိုင်းဖက်ကို ရောက်ကာစ ရနောင်းဈေးနားမှာ အိမ်ငှားနေတော့ တိုက်တိုက်ဆိုင်ဆိုင် ရာမန်က ကျနော့်အိမ်ဘေးက တိုက်ခန်းလေးမှာ လက်ဖက်ရည်ဆိုင်ဖွင့်ထားတယ်။ ဒါကြောင့် သူနဲ့ကျနော် အဆမတန် ရင်းနှီးသွားရာက သူ့အကြောင်း ပြည့်ပြည့်စုံစုံသိနေတာဆိုပါတော့။ တကယ်ဆို ရာမန်ဟာ ပင်လယ်ဓားပြလို့တောင် ဆိုနိုင်တယ်။ ကဗျာဆန်ဆန်ပြောရရင် အက်ဒမန်ပင်လယ်ဓားပြရာမန်ပေါ့"

"ဗျာ။ ရာမန်က ပင်လယ်ဓားပြ၊ဟုတ်လား။ခင်ဗျားကလည်း နောက်နေပြန်ပါပြီ"

"ဟ။ ဘာနောက်စရာရှိတုန်း။ ရာမန်ရဲ့ပင်လယ်ဓားပြဇာတ်လမ်းကို ကျနော်ပြောပြမယ်။ခင်ဗျား နားထောင်ကြည့်။ ဇာတ်လမ်းဆုံးမှ ရာမန်ဟာ ပင်လယ်ဓားပြဟုတ်မဟုတ်ခင်ဗျား ဆုံးဖြတ်ပေါ့ဗျာ"

ဤသို့လျှင် ရာမန်၏ အကူအညီတောင်းခံမှုကြောင့် ဖူးခက်မြို့မမှ ဖူးခက်မြို့အဝင် ဆာရက်ဆင်တံတားကြီးရှိ ရဲဂိတ်သို့ သွားရာ လမ်းတလျှောက် ကိုသက်ခိုင်တစ်ယောက်ကားမောင်းရင်း အပျင်းပြေပြောပြခဲ့သော ရနောင်းမြို့မှ ရာမန်၏ ပင်လယ်ဓားပြ ဇာတ်လမ်းမှာအောက်ပါအတိုင်းဖြစ်လေ၏။

"ဒီလိုဗျ။ အမှန်တော့ ရာမန်ဟာ ရနောင်းဆိပ်ကမ်းဖက်ကို ငယ်ငယ်လေးကတည်းကရောက်နေခဲ့တာလို့ဆိုတယ်။ ဘယ် လောက်တောင်ငယ်သလဲဆိုရင် ရနောင်းကို ပထမဆုံးအကြိမ်သူရောက်တုန်းက သူ့အသက်ဟာ ဆယ့်လေးနှစ်ပဲ ရှိသေး သတဲ့ဗျာ။ဟုတ်တယ်။ ခင်ဗျားသိထားတဲ့ ရာမန်၊ရနောင်းမှာ အနှစ်နှစ်ဆယ်ကျော် နေခဲ့တယ်ဆိုတာ တဆက်တည်း နေခဲ့တဲ့ အချိန်ကိုပြောတာ။ အမှန်က ဆယ့်လေးနှစ်သားကတည်းက ရနောင်းကို ရောက်နေတာ။ ပြန်လိုက်သွားလိုက် ဆိုပါတော့။ဒါပေမဲ့ ပထမအကြိမ်မှာတော့ ရနောင်းကနေ မန္တလေးကို သုံးနှစ်ကျော်မှ ပြန်နိုင်ခဲ့တယ်။ဘာကြောင့်လဲဆို တော့ ရာမန်ဟာ ရနောင်းထောင်မှာ ပင်လယ်ဓားပြမှုနဲ့ ထောင်ကျနေခဲ့လို့ပဲဗျာ။ ဟုတ်တယ်။ ခင်ဗျား မအံ့သြနဲ့။ ရာမန်ဟာ အသက်ဆယ့်လေးနှစ်မို့ ကလေးသူငယ်ဥပဒေအရ ပြစ်ဒဏ်လျော့ပေါ့လို့ခြောက်နှစ်ပဲကျတာ။ နောက်ပိုင်းထိုင်းဘုရင့် သမီးတော်ရဲ့ ကလေးသူငယ်ကူညီစောင့်ရှောက်ရေးအဖွဲ့ရဲ့ အကူအညီကြောင့် သုံးနှစ်ပဲ ထောင်ထဲမှာနေခဲ့ရတယ်။ သူ့အမှုတွဲ ဆယ့်ငါးယောက်ကတော့ ထောင်ဒဏ်အနှစ်နှစ်ဆယ်ကျော်အထိ ကျကြတယ်။ ကျမှာပေါ့ဗျာ။ ကျူးလွန်တဲ့ အပြစ်ကလည်း ငါးဖမ်းစက်လှေ တစီးလုံးမှာ ရှိသမျှလှေသားတွေကို သတ်ဖြတ်၊ ရေထဲကန်ချ။ လုယက်ဖျက်ဆီး မီးလောင်တိုက်သွင်းပြီး ကျွန်းတကျွန်းပေါ်ကို စွန့်ပစ်ထားခဲ့တဲ့ အမှုကိုး "

"ဖြစ်ချင်တော့ ဆယ့်လေးနှစ်သားရာမန်ဟာ ရနောင်းရောက်စမှာ မအူမလည်နဲ့ ငါးဖမ်းလှေပေါ်ရောင်းစားခံရတဲ့ ဘဝကို ရောက်ရာက ဒီဇာတ်လမ်းကို ကြုံရ၊ဒီပြစ်မှုကို ကျူးလွန်တဲ့စာရင်းထဲမှာ ပါရတာပါပဲ။ ကလေးမို့ဘာမှ သိနားလည်ပုံမရ။ တကယ်တမ်းလည်း သူကိုယ်တိုင် ဒီလိုရက်စက်တဲ့ပြစ်မှုကြီးကို ကိုယ်ထိလက်ရောက် ပါဝင်ကျူးလွန်ခဲ့ပုံမရပါဘူး။ ရာမန် လိုက်သွားတဲ့ငါးဖမ်းစက်လှေရဲ့နာမည်က ဗမာလိုပြောရရင် "နဖူးစာ"တဲ့ဗျ။ ဖြစ်ချင်တော့ အဲဒီငါးဖမ်းစက်လှေရဲ့ပဲ့နင်းဟာ နာမည်ကျော်ထိုင်းလူမျိုး လူဆိုးဗိုလ် စာရင်းဝင်နေသဗျာ။ထူးခြားချက်ကတော့ အဲဒီလူကို ရနောင်းတမြို့လုံးက လွိုင်ဆော့ဖ် (အလောင်းတစ်ရာပြည့်အောင် လူသတ်ခဲ့သူ)လို့ခေါ်ကြသတဲ့။လွိုင်ဆော့ဖ်ရဲ့ဇနီးအသိုင်းအဝိုင်းဟာ ရနောင်း မြို့က မျက်နှာကြီးအသိုင်းအဝိုင်းမို့ လွိုင်ဆော့ဖ်တစ်ယောက် သူ့မိန်းမမျက်နှာနဲ့ ထင်တိုင်းကြဲနိုင်ခဲ့တယ်ဆိုပါတော့။ဒါပေမဲ့ လွိုင်ဆော့ဖ်ဟာ လူဆိုးလူလည်လို့ ဆိုရမယ်။ သူက ဗမာလှေသားတွေကိုချည်း သီးသန့်မွေးထားပြီး လိုသမျှ ငွေကြေး ထုတ်ပေးတယ်။ငွေရတဲ့အလုပ်မှန်သမျှ အကုန်လုပ်တယ်။ဗမာဖက်ကမ်းကော့သောင်းက ငါးခိုးရောင်းမဲ့သူ၊ သစ်ခိုးရောင်း မဲ့သူ၊သတ္တုခိုးရောင်းမဲ့သူတွေကို သူ့လှေသား ဗမာတွေကို ငွေထုတ်ပေးပြီး တရားမဝင်ဝယ်ခိုင်းတဲ့ အလုပ်တွေလည်း ပါတာပေါ့ဗျာ။"

"လွိုင်ဆော့ဖ်လုပ်နေတဲ့ အလုပ်တော်တော်များများဟာ ဥပဒေနဲ့ မလွတ်ကင်းတာကြောင့် တချို့ကိစ္စတွေမှာ ပြိုင်ဖက်ကို အပြတ်ရှင်းရတာ၊နှုတ်ပိတ်တဲ့သဘော ပင်လယ်ပြင်မှာ လူသတ်ပြီး အလောင်းကိုရေထဲမှာ လက်စဖျောက်ရတာတွေလည်း အများကြီးရှိသတဲ့။သူဟာ နဖူးစာစက်လှေရဲ့ စက်ခန်းပေါင်းမိုးပေါ်မှာ စက်သေနတ်ကြီးတစ်လက်တင်နိုင်တဲ့ သုံးချောင်း ထောက်ဒေါက်တခုတင်ပြီး ဗမာ့ရေတပ်က တန်ကေးလှေတွေကိုခံပစ်ဖူးသတဲ့ဗျာ။ ဗမာရေတပ်တန်ကေးစက်လှေဆိုတာ ဒီလိုဗျ။ ဗမာရေတပ်ဟာ ထိုင်းတန်ကေးငါးဖမ်းစက်လှေတွေကို ဖမ်းပြီး ရေတပ်သုံးစက်လှေအဖြစ် အသွင်ပြောင်းသုံးခဲ့ ကြလို့ဗျ။ထိုင်းငါးဖမ်းစက်လှေပုံစံဖြစ်နေတာကြောင့် ငါးခိုးဖမ်းတဲ့ ထိုင်းလှေတွေကို အကြောင်ရိုက်ပြီး ဖမ်းနိုင်တာပေါ့ဗျာ။ ဒီလိုနဲ့ လွိုင်ဆော့ဖ်ဟာ(အလောင်းတစ်ရာဗိုလ်)ဆိုတဲ့ နာမည်တစ်လုံးရလာတာဆိုပါတော့။ဒါပေမဲ့ လွိုင်ဆော့ဖ်ရဲ့ နာမည်ခံ မူလ အလုပ်ကတော့ ငါးဖမ်းစက်လှေပဲ့နင်းကြီးပါပဲ"

"တနေ့တော့ လွိုင်ဆော့ဖ်နဲ့ဗမာလှေသားအဖွဲ့ဟာ သူ့စက်လှေနဲ့ ထိုင်းမြန်မာနယ်နိမိတ်ချင်းထိစပ်နေတဲ့ အက်ဒမန် ပင်လယ်ထဲကို ငါးဖမ်း ထွက်ခဲ့ကြရောဆိုပါတော့။အမှန်တော့ဗျာ ထိုင်းငါးဖမ်းစက်လှေတော်တော်များများ အက်ဒမန် ပင်လယ်ထဲကို ငါးဖမ်းထွက်တယ်ဆိုတာ ဗမာပြည်ရေပိုင်နက်ထဲက ငါးတွေကို တရားမဝင်ခိုးဖမ်းဖို့ထွက်ခဲ့ကြတာ ပါပဲ။ ဟုတ်တယ်လေ။ ထိုင်းပင်လယ်ပြင်မှာ ငါးဖမ်းမိတဲ့နှုန်းနဲ့ ဗမာရေပိုင်နက်မှာ ငါးဖမ်းမိတဲ့နှုန်းဟာ အဆမတန်ကွာခြား တယ်ဆိုပဲ။တချို့အပြောအရဆို ထိုင်းပင်လယ်ပြင်မှာ ငါးတောင်မရှိတော့ဘူးဆိုတယ်။ဒါလည်း သိပ်သဘာဝကျတယ်။ ထိုင်းငါးဖမ်းစက်လှေတွေက ခေတ်မီငါးဖမ်းစံနစ်တွေ၊ ငါးဖမ်းကိရိယာတွေကို အသုံးပြုတာကြောင့် ထိုင်းပင်လယ်ပြင်မှာ ငါးမျိုးတုန်းကုန်ပြီး၊ ဘာနည်းပညာမှ မရှိတဲ့ ဗမာပြည်ရေပိုင်နက်မှာ ငါးတွေရှိ နေသေးတဲ့သဘောပါပဲ။ဒီတော့ ထိုင်းငါးဖမ်း စက်လှေတွေက ဗမာ့ပင်လယ်ပြင်မှာ ဘယ်နေရာမှာ၊ ဘယ်နှစ်နာရီ ငါးဖမ်း ဖို့အတွက်၊ ဘယ်လောက်ပေးရမတုန်းဆိုပြီး ဗမာရေတပ်ကို လှမ်းညှိကြတာပေါ့။"

"ခင်ဗျားသိတဲ့အတိုင်းပေါ့ဗျာ။ ဗမာ့ရေတပ်မတော်ကလည်း ဘာသားနဲ့ထုထားတာမို့တုန်း။ခေတ်ဆိုးခေတ်ပျက်ကြီးထဲမှာ ဆိုတော့ ပိုဆိုးသပေါ့။ခင်ဗျားမှတ်မိလား။ ကျနော်တို့ စခန်းခွဲ(၁)ရဲဘက်မှာ ဆုံခဲ့တဲ့ ဗိုလ်မှူးမျိုးဆွေနဲ့ တပ်ကြပ်ကြီး ထွန်းထွန်းဦးတို့ဟာ ဒီကော့သောင်းရနောင်း ထိုင်းမြန်မာနယ်စပ် ပင်လယ်ပြင်မှာ ထိုင်းငါးဖမ်းစက်လှေတစီးကို အပျောက် ရှင်းတဲ့အမှုနဲ့ ထောင်ကျလာကြတာလေ။ကြုံတုန်းပြောရအုံးမယ်။ထိုင်းငါးဖမ်းစက်လှေတွေမှာ အခုသုံးနေကြတဲ့ ခေတ်မီ ငါးဖမ်းနည်းစံနစ်တွေငါးဖမ်းကိရိယာတွေဟာ တော်တော်အံ့သြဖို့ကောင်းတယ်ဗျ။ ကျနော်လည်း အစက ဒီလောက် အဆင့်မြင့်မှန်းမသိပါဘူး။ လွန်ခဲ့တဲ့ခုနစ်နှစ်လောက်တုန်းက ကျနော်နဲ့ဖူးခက်မှာဆုံပြီး ရင်းနှီးခဲ့တဲ့ ဂျပန်တရုတ်ကပြား မစ္စတာဝူးဆိုတဲ့ သဘောင်္အရောင်းကိုယ်စားလှယ်တစ်ယောက် ကျနော့်ကို ရှင်းပြဖူးလို့သိနေတာဗျ။"

"ခုခေတ်ကာလ ငါးဖမ်းတယ်ဆိုတာ ကျနော်တို့ထင်နေသလို စက်လှေတစီးနဲ့ ဟိုဟိုဒီဒီလျှောက်မောင်းပြီး ငါးရှိမယ်ထင်တဲ့ နေရာကို ငါးဖမ်းပိုက်လိုက်ချပြီး ဖမ်းနေကြတာ မဟုတ်တော့ဘူး။ ဘယ်နေရာမှာ ဘယ်ငါးအုပ် တန်ချိန်ဘယ်လောက် ရှိနေတယ်ဆိုတဲ့ သတင်းအချက်အလက်နဲ့ ကိရိယာကို နည်းပညာအဖွဲ့တွေဆီကနေ ဝယ်ကြရတာတဲ့ဗျာ။ အဲဒီလို အချက်အလက်နဲ့ ကိရိယာရောင်းစားနေတဲ့ ကုမ္ပဏီတွေလည်း ဒုနဲ့ဒေးရှိနေပြီတဲ့ဗျ။ ဒါတင်ဘယ်ကအုံးမလဲ။ ဘယ်ငါးအမျိုး အစားတွေ တနေရာတည်းကို စုံပြုံရောက်လာအောင် လယ်လိုလုပ်ရမယ်ဆိုတဲ့ နည်းပညာကိုလည်း ဝယ်ကြရတာပဲခင်ဗျာ။ ဥပမာဆိုပါတော့ ကင်းမွန်လို့ခေါ်တဲ့ ပြည်ကြီးငါးတွေ တနေရာတည်းကို စုပြုံရောက်လာစေချင်ရင် ငါးဖမ်းလှေရဲ့ အောက်ခြေ ပင်လယ်ရေထဲ မှာ မီးလုံးတမျိုးထွန်းထားရသတဲ့။ အဲဒီမီးရောင်ကို ကင်းမွန်တွေ မြင်ရင် တနေရာတည်းကို စုပြုံတိုးလာကြရောတဲ့။ ကျနော်ခန့်မှန်းသိသလောက် တချို့ပိုးဖလံတွေ မီးရောင်ရှိရာကို တိုးဝင်လာကြတဲ့သဘောပါပဲ။ နောက်ထပ် ကျွန်တော် နာမည် မမှတ်မိတဲ့ ငါးတမျိုးရှိသေးတယ်။အဲဒီငါးမျိုးကျတော့ ငါးဖမ်းစက်လှေထဲကနေ စီဒီပြား တချပ်ဖွင့်ပြီး ပင်လယ်ရေအောက်မှာ အသံလှိုင်းတမျိုးဖြစ်ပေါ်စေသတဲ့။အဲဒီအသံလှိုင်းတုန်ခါသံကြောင့် အဲဒီငါးတွေဟာ တနေရာတည်းကို စုပြုံရောက်လာပြန်ရောတဲ့ဗျာ။ခင်ဗျားကြားဖူးမလားပဲ။ ငှက်သိုက်လို့ခေါ်တဲ့ ငှက်အံဖတ်တွေ အံထုတ်တတ်တဲ့ ဇီဝဇိုးငှက် တွေကို၊ စီဒီပြားတချပ်ဖွင့်ပြီး ငှက်တွေအများကြီး စုဝေးလာအောင် မြူဆွယ်တဲ့နည်းလည်း ရှိသေးတယ်ဗျ။အေးပေ့ါဗျာ။ဒီခေတ်ကာလမှာ ငှက်သိုက်ကို ပင်လယ်ထဲက ကျောက်ဆောင်ကြီးတွေပေါ်မှာ လိုက်ရှာစရာ မလိုပဲ ပင်လယ်ကမ်းခြေက အိမ်အိုဟောင်းကြီးတွေဆီ လာပြီး အသိုက်ဖွဲ့အောင် မျှားခေါ်နိုင်ပြီဆိုပါစို့။ ဆိုနာလို့ခေါ်တဲ့ ကိရိယာတမျိုးကလည်း ပင်လယ်ရေအောက်မှာရှိတဲ့ ငါးအုပ်တွေကို ကီလိုမီတာအတော်လှမ်းလှမ်းကနေ ကြည့် နိုင်သိ နိုင်တယ်ဆိုသဗျ"

"ကျနော်တော့ မစ္စတာဝူးရဲ့ခေတ်မီငါးဖမ်းနည်း နိသရည်းတွေကို နားထောင်ရင်း တချိန်မှာ ကုလားနဲ့ငါး အရုပ်ရေးကြည့် ရမယ်ဆိုတဲ့ အတိတ်လိုလို တဘောင်လိုလို စကားကို ပြေးသတိရမိတော့တာပါပဲ။ကုလားတော့ မပြောတတ်ဘူးဗျာ။ ငါးကတော့ ဒီနည်းတွေနဲ့သာ ဖမ်းနေရင် မကြာခင်မျိုးတုန်းပျောက်ကွယ်တော့မှာအမှန်ပဲ။ ကုလားကုလားဆိုလို့ ရိုင်းတယ် မထင်ပါနဲ့ဗျာ။နှုတ်ကျိုးနေလို့ပါ။ဒီဖက်က အိန္ဒိယသွေးပါတဲ့ဗမာတော်တော်များများဟာ ကုလားခေါ်ရင် မကြိုက်ကြတာ ကျနော်သတိပြုမိပါတယ်။ခက်နေတာက အိန္ဒိယလူမျိုးနဲ့ငါး အရုပ်ရေးကြည့်ရမယ်လို့ ပြောပြန်ရင်လည်း မူလတဘောင်နဲ့ လွဲရုံမက အသံကာရန်ပါ မညီပြန်ဘူး။ငါးဖမ်းနည်းဖက် ချော်တောငေါ့သွားတာနဲ့ လွိုင်ဆော့ဖ် ပင်လယ်ဓားပြ ဇာတ်လမ်း တောင် ဘယ်ရောက်သွားပါလိမ့်။ အော် ။ သူတို့ ငါးဖမ်းထွက်လာကြတယ်။ ကံဆိုးချင်တော့ အဲဒီရက်ပိုင်းတွေက ဗမာရေတပ်နဲ့ ညှိရတာ အဆင်မပြေဘူးဆိုပဲ။ဒါနဲ့ လွိုင်ဆော့ဖ်လည်း ထုံးစံအတိုင်း ဗမာ့ပင်လယ်ပြင်ထဲ ကို ဗမာ့ရေတပ်ရဲ့ ခွင့်ပြုချက်မရပဲ နေ့ဖက်မှာ ထိုင်းဘက်၊ညဘက်မှာ ဗမာရေပိုင်နက်ထဲ တရားမဝင်၊ဝင်ပြီး ငါးခိုးဖမ်းကြ ရောဆိုပါတော့။ ညှိလို့နှိုင်းလို့ မရပဲ ခိုးဝင်ဖမ်းရတာဆိုတော့ ကျီးလန့်စာစား ရင်တထိတ်ထိတ်နဲ့ပေါ့ဗျာ"

"ဒီလိုနဲ့တနေ့သောရက်၊တစ်ခုသောညမှာတော့ သူတို့ဗမာရေပိုင်နက်ထဲမှာ ငါးဖမ်းပိုက်တွေချပြီး ငါးခိုးဖမ်းနေကြတုန်း၊ ဗြုန်းဆို ဗမာဘက်ခြမ်း ပင်လယ်ပြင်ဆီကနေ သူ့တို့သင်္ဘောရှိရာကို မီးနီဖွင့်ပြီး အရှိန်နဲ့ခုတ်မောင်းလာနေတဲ့၊ စက်လှေ တစ်စီးကို ညအမှောင်မှာ စက်လှေမီးရောင်နဲ့လှမ်းမြင်ကြရသတဲ့ဗျ။မီးနီဖွင့်ပြီး မောင်းတယ်ဆိုတာ ဗမာ့ရေတပ်က တိုက်ရေယာဉ်တွေ လုပ်လေ့လုပ်ထရှိတာမို့ ဗမာရေတပ်သူတို့စက်လှေကို လိုက်ဖမ်းပဟဆိုပြီး အလန့်တကြားနဲ့ ငါးဖမ်းပိုက်ကြိုးတွေကို ကမန်းကတန်းဖြတ်၊ စက်လှေကို စက်ကုန်ဖွင့်၊ မောင်းပြေးကြရောပေါ့။ငါးဖမ်းပိုက်ကြိုးတွေကို ကြောက်လန့်တကြားဖြတ်ပစ်လိုက်ရတာကြောင့် ထိုင်းဘတ်သိန်းချီပြီး ဆုံးရှုံးရသတဲ့ဗျ။လွိုင်ဆော့ဖ်က လူလည်ဆိုတော့ စက်လှေကိုမောင်းပြေးနေရင်း နောက်ကလိုက် လာတဲ့စက်လှေကို အကဲခတ်ပြန်တော့ မီးနီဟာ တချက်တချက် ပြန်ပြန် စိမ်းသွားသတဲ့ဗျ။ဒီမှာတင် လွိုင်ဆော့ဖ်က သံသယ နည်းနည်းရှိလာလို့ စက်လှေကို အရှိန်လျော့ပြီး သေချာ အောင်စောင့်ကြည့်လိုက်တော့၊ နောက်ကလိုက်လာတဲ့ စက်လှေဟာ ဗမာရေတပ်က စက်လှေမဟုတ်ပဲ သူတို့လို ထိုင်းငါးဖမ်းလှေပဲဖြစ်နေသတဲ့ဗျ။ အမှန်တော့ အဲဒီစက်လှေဟာ ငါးဖမ်းထွက်လာတဲ့ လှေတော့မဟုတ်ဘူး။ ဗမာပိုင်ဘိတ် ကျွန်းစုတဝိုက်ကနေ ပုဇွန်တွေကို ထိုင်းဖက်ကမ်းဆီ၊ကယ်ရီသယ်လာတဲ့ လှေတဲ့ဗျ"

"ဒီမှာတင် လွိုင်ဆော့ဖ်ဟာ ငါးဖမ်းရတာက အဆင်မပြေရတဲ့အထဲ၊ ဗမာရေပြင်ထဲကို ခိုးဝင်တဲ့စက်လှေချင်း အတူတူ သူလို လူမျိုးကို အလန့်တကြားဖြစ်အောင်၊ဘတ်သိန်းချီတန်တဲ့ သူ့ငါးဖမ်းပိုက်တွေဆုံးအောင် လုပ်ရပါ့မလားဆိုတဲ့ အကြောင်းပြ ချက်နဲ့ လူမိုက်ဇာတိပြတော့တာပါပဲဗျာ။ ပဲ့နင်းလွိုင်ဆော့ဖ်ဟာ သူ့နောက်က လိုက်လာတဲ့ငါးဖမ်းစက်လှေကို စောင့်နေ လိုက်တယ်။ သူ့လှေသားတွေကိုလည်း အသင့်အနေအထားရှိနေကြဖို့ အမိန့်ပေးလိုက်တယ်။ နောက်ဆုံး အတိုချုပ်ရရင် လွိုင်ဆော့ဖ်နဲ့ သူ့ဗမာလှေသားအုပ်စုဟာ ပုဇွန်ဖမ်းတဲ့စက်လှေပေါ်ကို အတင်းတက်ပြီး စီးနင်းပါ တော့တယ်။ ဂျစ်ကန် ကန်၊ကလန်ကဆန်လုပ်တဲ့ ပုဇွန်ဖမ်းစက်လှေက လှေသားတွေကို လက်စတုံးသတ်တယ်။ အလောင်းတွေကို ရေထဲ ကန်ချတယ်။ တိုးလျှိုးတောင်းပန်တဲ့လှေသား တချို့ကိုတော့ ငါးထည့်တဲ့ လေးဂါလံဝင် ပလပ်စတစ်ပုံး တလုံးစီဝေပေးပြီး ရေထဲကန်ချတယ်။ ကီလိုချိန်ထောင်ချိန်တဲ့ပုဇွန်တွေကို သိမ်းယူတယ်။ နောက်ဆုံးအဲဒီစက်လှေကို မီးတင်ရှို့ပြီး ထိုင်းမြန်မာရေပြင်နယ်နိမိတ်နားက ကျွန်းတကျွန်းမှာ ကျောက်ဆောင်နဲ့ထိုးခွဲပစ်လိုက်ရောတဲ့ဗျာ။ အေးလေ။ အဲဒါ ပင်လယ်ဓားပြပေါ့။ ဟုတ်တယ်။ အဲဒီစက်လှေမှာ ခင်ဗျားဘိုင်ကြီးလို့ခေါ်နေတဲ့ ရာမန် ပါတယ်။ ဆယ့်လေးနှစ်သား အက်ဒမန်ပင်လယ်ဓားပြရာမန်ပေါ့ "

"ဆြာဒင်နှင့် မြတ်ဘုရားရွှေတိဂုံ"

(မင်းဒင်)

(၁)

(မြတ်ဘုရားရွှေတိဂုံ၊လေးဆူဓာတ်တော်ခိုလှုံ၊ရည်စူးလို့သာ ဖူးမျှော်ပါကုန်၊ခြောက်သွယ်မီးရေပြည့်စုံ၊ကျွန်းဇမ္ဗူမှာ အံ့ချီး၍ မကုန်။)၂ (သိင်္ဂုတ္တရတောင်သေလာမှာ၊ များဝေနေယျာသဒ္ဓါပွားဖို့၊ထင်ရှားစွာပဲကြုံ၊တည်ထားဓာတုစေတီ၊ မွေသရီဓာတ် ပေါင်း ကျွန်းဇမ္ဗူမှာအံ့ချီး၍မကုန်)၂

ဖူးခက်သို့အပြန်၊ဆီးဂိမ်းကြောင့် ရန်ကုန်မှာသောင်တင်နေသော ဆြာဒင်သည် အေးချမ်းလှသော ဆောင်းနံနက်တစ်ခုတွင် နိုင်ငံ့ကျက်သရေဆောင် လေးဆူဓာတ်ပုံရွှေတိဂုံစေတီတော် မြတ်ကြီး၏ အနောက်ဖက်စောင်းတန်းမှလှေခါးထစ်များကို တထစ်ချင်းတက်လျက်ရှိ၏။ လက်တဖက်တွင်ကားစိတ်ပုတီး၊ အခြားတဖက်တွင်ကားနားကြပ်တပ်ထားသော အိုင်ဖုန်း နှင့်ဖြစ်၍ မလိုသူတို့ကား မီးစတဘက်၊ ရေမှုတ်တဘက်ဟု ဆိုကြပေမည်။ အထက်ပါ သီချင်းသံသည် ဆြာဒင်၏ အိုင်ဖုန်း မှတဆင့် တဘက်သော နားတွင် ဆို့ထားသည့် နားကြပ်ငယ်အတွင်းမှ ထွက်ပေါ်နေ ခြင်းဖြစ်လေသည်။ ဘုရားတရား၏ အရိပ်အာဝါသကား အေးချမ်းလှပါဘိ။ ခြွင်းချက်အနေဖြင့် ဆြာဒင့်နောက်တော်မှ စောင်းတန်းလှေခါးကိုတထစ်လျှော့ ကပ်လိုက်နေကြသော ကပ္ပလီ၊ဖေကြည်နှင့်လေမင်းသားတို့၏ မကြာမတင်က လွန်လေပြီးခဲ့လေသည့် ဆီးဂိမ်းမှ မြန်မာ့အားကစားအကြောင်း၊ ဘောလုံးပွဲဒိုင်များအကြောင်း၊ မစင်ခြောက်ရေနှူးသံ တို့မှာကား ဆြာဒင့်၏ ကျန်တဖက်နား ကို ဧကန်ပင်ခါးစေ၏။ ကလောစေ၏။ တခဏတာ အေးချမ်းနေသော စိတ်အစဉ်ကို နေပြင်းပြင်းမှာ ထုတ်အလှန်းခံရ သကဲ့သို့ ပူလောင်လှချေ၏။

"စမူဆာမကွာ၊ ဒီလောက်ရှင်းနေတဲ့ဂိုးကို လူကျွံတယ်ဆိုပြီး လုပ်ပစ်တယ်။တမင်ညစ်တာကွ"

"နည်းပြလုပ်နေပြီး ဟက်တူဟက်ဆိုတာလေးတောင် မသိဘူးတဲ့။အံ့ရော။ယူထားတာက ဒေါ်လာသန်းချီ"

"ဒိုင်တွေကြောင့်ပေါ့ကွာ။ဒီဆီးဂိမ်းမှာ မြန်မာ့အားကစား ကမ္ဘာကိုလွှမ်းနိုင်မဲ့ဆဲဆဲမှာ၊လက်မတင်လေးလွတ်သွားတာ နာ လိုက်တာ"

အလယ်ပစ္စယံဆီင်္သို့ရောက်လာပြီဖြစ်၍ ရွှေတိဂုံစေတီတော်မြတ်ကြီးကိုဖူးမျှော်နိုင်ပြီဖြစ်ရာ လောကီအရေးတို့ဖြင့် ရတက် မအေးဖြစ် နေကြသော တပည့်ကျော် နောက်တော်ပါတို့ကို လူကြီးပီပီ ဆြာဒင်ဟန့်လိုက်ရသည်။

"တော်ကြစမ်းကွယ်ရို့၊ကိုရင်တို့ဟာ တို့ရွှေပင်ရွာက ဖွားမြရီပြောသလို "ပေါင်မရှိပဲဘောကန်"နေကြသလိုပါကလား။ တနိုင်ငံလုံးပေါင်းမှ ခေတ်မီအားကစားကွင်းဆယ်ကွင်းမပြည့်တဲ့တိုင်းပြည်က အားကစား၊ ကမ္ဘာကိုလွှမ်းဖို့ အချိန်နည်းနည်း တော့စောင့်ကြအုံးစို့ရဲ့။ တော်ကြပါတော့။ရောက်တုန်းရောက်ခိုက် ဘုရားဖူးလိုက်ကြစို့"

(၂)

တောခေါင်ခေါင်ကျေးလက်မှာ ချက်မြှုပ်ခဲ့လေသည့် အညာသားဆြာဒင်ကား တရပ်တကျေးအဝေးနယ်၊ ပင်လယ်ပြင်ကြီး ထဲက ကျွန်းငယ်ဖူးခက်တွင် ဆယ်နှစ်ဆယ်မိုးခိုအောင်းခဲ့ရသည်ဖြစ်၍ ရွှေတိဂုံစေတီတော်ကြီးကို ဖူးမျှော်မဝရှိ၏။ ဦးနှိမ် မာန်လျှော့ အကြိမ်ကြိမ်ကန်တော့၏။ထိုစဉ်ခဏ၌လည်း မွေးရပ်မြေရွှေပင်ရွာက ရှေးလူကြီးသူမများ၏ လိုအင်ဆန္ဒ တောင့် တသံကို ကြားယောင်မိ၏။"ရန်ကုန်ဆိုတာရောက်ခဲ ဘိချင်းကွာ။ရွှေတိဂုံဘုရားကြီးဖူးလိုက်ရရင် အမေ့နို့တလုံးဖိုးကျေပြီ"ဟူသတည်း။

ကြည်နူးဖွယ်ဘုရားရိပ်တွင် အချိန်မည်မျှကြာလေသည်မသိ၊သတိပြန်ဝင်လာသည့်အခါ နောက်ဖက်သို့လှည့်အကြည့်တွင် တပည့်ကျော်သုံးဦးကား မိုးတိုးမတ်တတ် ခြေစုံရပ်လျက်ရှိနေကြဆဲဖြစ်လေရာ ဆြာဒင်မှာ နားမလည်နိုင်သည်နှင့် အတန် ငယ် ဆတ်သောအသံဖြင့်ငေါက်ငန်းလိုက်ရလေသည်။

"ဟ၊ကောင်တွေ။ မင်းတို့က ကွန်မြူနစ်တွေလား။ဒါမှမဟုတ်ဘာသာများပြောင်းသွားလေကြရော့သလား။ခေတ်ကာလ သား သမီးများ ခက်ချက်ကွာ။မိစ္ဆာဒိဋ္ဌိတွေဖြစ်ကုန်ကြပြီထင်ပါရဲ့"

"အာ၊ ဆြာဒင်ကလည်း တဆိတ်ရှိ ပိဿလေးနဲ့ဘေးပစ်ဖို့ပဲ ချောင်းနေတာကိုး။ဒီဘုရားကြီးရဲ့ထီးတော်မှာ ဘယ်သူ့ နာမည် ထိုးထားတယ်ဆိုတာ ဆြာဒင်မသိဘူးထင်တယ်။ဒါအကွက်ဆင်ထားတာနော်။ဘုရားကို ညအိပ်ယာဝင်တိုင်း ရှစ်ခိုးလည်း ရပါတယ်ဆြာဒင်ရဲ့"

"ဟုတ်တယ်ဆြာဒင်၊ တွေ့ရာဆင်းတုတော် လျှောက်ပြီး ရှစ်ခိုးမနေနဲ့အုံး။ မျက်နှာတော်ကို ဒင်းတို့မျက်နှာနဲ့ အစားထိုးထား တာ။ ဆြာဒင် သူတို့ဂွင်ထဲ ဝင်သွားမယ်နော်"

"အင်း၊ဆြာဒင်တစ်ယောက် မျက်စိပိတ်နားပိတ်ဖြစ်နေပါရောလား။ အထက်ပစ္စယံက ပတ္တမြားမျက်ရှင်ဘုရားတောင် ဘတ်ကီးရိုက်ခံရသလိုလို၊ အသံတွေထွက်နေတယ်နော်"

တပည့်ကျော်သုံးဦးထံမှ ဆင်ခြေဆင်လက်မျိုးစုံသည် တီးဝိုင်းတိုက်ထားသည့်အလား တပြိုင်တည်းထွက်ပေါ်လာလေရာ ဆြာဒင်မှာ မမျှော်လင့်ပဲ ကွင်းလယ်မှ ကန်သွင်းလိုက်သော ဘောလုံးကို ရုတ်ခြည်းမဖမ်းနိုင်လိုက်သည့် ဂိုးသမားနှယ် အငိုက်မိသွားသော်ငြား သူတော်ကောင်းလေသံဖြင့်သာ တုန့်ပြန်မိတော့သည်။

"မင်းတို့နှယ်ကွာ။ ဘုရားရိပ်တရားရိပ်ရောက်နေတာတောင် ပူလွန်းချက်။အင်း၊ အဝိဇ္ဇာ၊အဝိဇ္ဇာ၊အဝိဇ္ဇာဆိုတဲ့ အမှောင်များ တယ်ကြောက်စရာကောင်းသကိုး"

(၃)

တပည့်ကျော်တို့ မည်သို့ဆိုစေ။ဆြာဒင်ကား ဘုရားရှင်ခြေတော်ရင်းဆီသို့ ကြုံတောင့်ကြုံခဲရောက်ခဲ့ရသည်ဖြစ်၍ လုပ်စရာ အလုပ်တို့ကို တရစပ်ဆက်တိုက်လုပ်နေမိ၏။ လေးဘက်လေးတန်မုဒ်ဦးတန်ဆောင်းများအတွင်းမှ ဘုရားအဆူဆူတို့ကို ရှစ်ခိုးပူဇော်၏။မွေးနံထောင့်တိုင်းမှာ ပန်းဆီမီးကပ်လှူ၏။ရေချမ်းကပ်လှူ၏။ အထူးသဖြင့် မွေးနံတိုင်းမှ ရုပ်ပွားတော်တို့ကို ရေအကြိမ်ကြိမ် ကပ်လှူသပ္ပါယ်၏။ဆြာဒင်လိုချင်သောဆုကို နှုတ်တက်ရွရွ၊ရွတ်ဆိုကာ ဘုရားရှင်ထံအကြိမ်ကြိမ် တောင်း ခံမိ၏။"ဘုရားတပည့်တော်၏ မြေးမြစ်များ ရေငတ်သော အငတ်ဘေးနှင့် မကြုံမတွေ့ရပါလို၏ဘုရား"

ဆြာဒင်၏ ဝပ်တွားခယမှုနှင့် ဆုတောင်းပတ္ထနာအပြုအမူသည် အစွန်းရောက်လေသလော မဆိုနိုင်။နောက်တော်ပါတို့ထံမှ အသံထွက်လာပြန်လေ၏။

"တော်ရုံပေါ့ဆြာဒင်ရယ်။ရှစ်ခိုးနေလိုက်တာ ခါးတောင်သွင်သွင်ကျိုးမတတ်။ဆြာဒင် ရေသပ္ပါယ်နေပုံက ဘုရားရှင်ကို တောင် ပါရာစီတမော့ တိုက်ရမဲ့ကိန်းရောက်နေပြီဗျ"

သည်တကြိမ်တွင်ကား ဆြာဒင်သည် ဘောလုံးလာရာလမ်းကို ကြိုတင်သိနှင့်နေသည့် ကျွမ်းကျင်လိမ္မာပါးနပ်လှစွာသော ဂိုးသမား၊ဘောလုံးကို ပိုင်နိုင်စွာဖမ်းယူလိုက်နိုင်သည့် မျက်နှာပေးဖြင့် အိပ်ထောင်ထဲမှ စာရွက်တရွက်တရွက်ကို နောက် တော်ပါများထံ တည်တည်ငြိမ်ငြိမ်ကြီးကမ်းပေးလိုက်ရင်း.....။

"ရော့၊ ကိုယ်တော်တွေ ဖတ်ကြည့်။ဒါ ဆြာဒင့်မိတ်ဆွေ ကဗျာ့အကျော်အမော်ကိုရင်ဟယ်ရီရေးထားတဲ့ကဗျာ။ ဆြာဒင့် အတွက် ဆြာဒင် ပူတာမဟုတ်ဘူး။ မြေးမြစ်တွေ ရေငတ်ကုန်တော့မဲ့ ဘဝမို့ ဒီလောက် ရှစ်ခိုးဦးတင်ဆုတောင်းနေတာ"

သူတို့ထံကမ်းပေးလိုက်သော စာရွက်ပေါ်ရှိ ဆြာဒင်ကိုယ်တိုင်အွန်လိုင်းမှ ကူးယူထားသည့် ကဗျာကို ဆြာဒင်အလွတ်ရ လျက်ရှိ၏။ အထူးသဖြင့် "ရေလမ်းတွေ တွင်တွင် ကျဉ်းပါလိမ့်၊ရေဆင်းဟာအလျဉ်နှေးကာပ၊ ရင်သွေးတွေရေမဝနိုင်ဘူး"ဟူသော စာသားသည် ဆြာဒင့်ရင်ကို ပြင်းစွာနင့်စေ ၏။အဆိုပါကဗျာကို အပြည့်အစုံဖော်ပြရသော် အောက်ပါအတိုင်း ဖြစ်လေသည်။

မဟာနဒီ၏ဈာပနနိဒါန်း
အကြေအညာဆက်ပေး၊
ပြေ(ပြည်)မြန်မာအသက်သွေးမို့၊
ရတက်မအေးပါမဟာနဒီ။
မြစ်နှစ်စင်းဟာ၊
မြစ်မင်းမဟာဖြစ်၊
ကြာရစ်လေပြီ။
ခင်ဝမ်းရဲ့ဧရာဝတီ၊
ရွှေဝါပြည်ရဲ့ဇာတိသမိုင်း။
မပြစ်မှားလေနဲ့၊
မြစ်ဖျားမှာဆည်တွေပိတ်ရင်ဖြင့်၊
အပြစ်များစွာကြွယ်နေလိမ့်ပေမပေါ့၊
ရေဆိပ်တွေမသွေခမ်းပါလို့၊
ရေလမ်းတွေတွင်တွင်ကျဉ်းပါလိမ့်၊
ရေဆင်းဟာအလျဉ်နှေးကာပ၊
ရင်သွေးတွေရေမဝနိုင်ဘူး၊
ဂေဟတွေဖြစ်စဉ်ပျက်ရုံမက၊
မြစ်ပြင်နက်တိမ်ကောကာ၊
ကျိန်ပြောပါမှ“မြစ်”ဆိုရပါလျှင်၊
ခေတ်ကိုပြတဲ့ကြေးမုံအင်မှာ၊
တေးပုံပြင်စာတင်နှိုင်းလာသမျှဟာ
ကွယ် ... ရာဇဝင်ရိုင်း။

(ဟယ်ရီလွင်)

(၄)

ကိုရင်ဟယ်ရီ၏ ကဗျာကို သုံးဦးသားခေါင်းချင်းဆိုင် ဖတ်ရှုပြီးချိန်တွင် ရှေ့တန်းတိုက်စစ်မှူးများနှင့်တူလှစွာသော တပည့် ကျော်တို့သည် ဂိုးသမားလက်မှ ပြန်အံထွက်လာသည့် ဘောလုံးကို ပြန်ကန်သွင်းရန်ကျိုးပမ်းလိုသည့် လေသံဖြင့် "လက်စသတ်တော့ ဆြာဒင်က မြစ်ဆုံအရေးကို ပူပန်နေသကိုး။ဆြာဒင့်နှယ်။ ဘုရားရိပ်တရားရိပ်ရောက်နေတာတောင် ပူလွန်းချက်။အင်း၊ အဝိဇ္ဇာ၊အဝိဇ္ဇာ၊အဝိဇ္ဇာဆိုတဲ့ အမှောင်များ တယ်ကြောက်စရာကောင်းသကိုး"ဟု ဆြာဒင့်လေသံ အတိုင်း ထပ်တူချေပကြပါသေး၏။သို့သော် အဆိုပါကန်ချက်မှာ ဂိုးတန်းပေါ်ကျော်သွား မည့်အရေးကို ကြိုတင်သိမြင် နေပြီဖြစ်ရကား ဆြာဒင်သည် စောင်းတန်းလှေခါးထစ်များကို တထစ်ချင်းဆင်း နေရင်း အိုင်ဖုန်းဖြင့် နားထောင်လက်စ သီချင်းနှင့်သာ ဆက်၍ နှစ်ပါးသွားနေလိုက်တော့သည်။ စေတီတော်ကြီးဆီမှ ဆည်းလည်းသံတို့သည် ဆြာဒင်၏ ဆုတောင်းကို တချွင်ချွင် မြည်သံဖြင့် ပိုင်စေ၊ပြည့်စေ ဆိုနေဟန်ပေတကား။

(ကဿပဂုံ၊ကောဏဂုံ၊ ကကုသန်ဘုရား ဂေါတမဘုရားရယ် ရည်စူးလို့သာ ပူဇော်ကြကုန် မွေသရီလေးဆူဓာတ်ပုံ ကျွန်းဇမ္ဗူ မှာ အံ့ချီး၍မကုန်။တန်ခိုးတော်ဂုဏ်၊ ဗုဒ္ဓမြတ်ဘုရား ဆံတော်စုံ၊ တည်ထားပုံ အဓိကရထင်ရှားစွာပဲကြုံ၊ ဟိုရှေးက ကုန်သည်ညီနောင်တူစုံ မဇ္ဇျိမကိုသွား၊ ဘုရားပွင့်တာနဲ့အခါကြုံ၊ ပျားမုန်ဆွမ်းတွေလှူပါကုန်၊ အဟောဝတပြည့်စုံ မနော ဟဒယမွေ့ပုံ၊ အနာဂတံ ဥာဏ်တော်အဟုန်ချီးမြှင့်ပါတဲ့ ရှစ်ဆူသရီဓာတ်ပုံ)

ဖူးခက်မြန်မာ ခရီးသွားလာရေး ဝန်ဆောင်မှုလုပ်ငန်း

အရောင်းသွက်စာအုပ်များ။ (စာပေလောက)

မင်းဒင်ရဲ့သက်ခိုင်(၂)

မင်းဒင်ရဲ့သက်ခိုင်(၂)

တွံ သင်သည် ဧ၀ံ ဤသို့ ဂဏှာဟိ မှတ်လေလော့

မင်းဒင်ရဲ့သက်ခိုင်(၂)

မဟာပထ၀ီမြေကြီးသည် သက်သေအရာ၌တည်စေသတည်း။

နားလည်မှု ပြေလည်မှု ရရှိခြင်း

မင်းဒင်ရဲ့သက်ခိုင်(၂)

ဆြာဒင်နှင့်ရွှေပင်ရွာမှ ပို့သသောမေတ္တာ ။

တွေးပူမိတယ်။

မင်းဒင်ရဲ့သက်ခိုင်(၂)

မင်းဒင်ရဲ့သက်ခိုင်(၂)

Article 0

မင်းဒင်ရဲ့သက်ခိုင်(၂)

မင်းဒင်ရဲ့သက်ခိုင်(၂)

နှစ်သစ်ဦး ရင်တွင်းစကား

မင်းဒင်ရဲ့သက်ခိုင်(၂)

"ဆြာဒင်နှင့် မြတ်ဘုရားရွှေတိဂုံ"

မောင်ဝိတ်အတွက် မင်းဒင်ရဲ့မှတ်ချက်