၂၁၊၀၅၊၂၀၁၄ နေ့ထုတ် ဆဲဗင်းဒေးအပတ်စဉ်ဂျာနယ်။မင်းဒင်ရဲ့သက်ခိုင်(၂)

အခန်း(၃၅)

ထိုင်းဓားပြဇာတ်လမ်းထဲက သက်ခိုင်

ထိုင်းနိုင်ငံတွင်နေထိုင်စဉ်ကာလအတွင်း ကြုံတွေ့ခဲ့ရသည့် ဖြစ်ရပ်ပေါင်းမြောက်များစွာထဲတွင် ကျနော်အလွယ်တကူမေ့ဖျောက်မရနိုင် သည့်ဖြစ်ရပ်တစ်ခုရှိခဲ့၏။ထိုသို့မမေ့တဲ့နိုင်ဖြစ်ရခြင်းမှာ အတိတ်ရာဇဝင်ထဲကရန်ဘက်၊ယိုးဒယားမြန်မာတည်းဟူသော လူမျိုးစွဲ စိတ်ဓာတ် ကြောင့်ဖြစ်နိုင်သလို ထိုင်းလူမျိုးအချို့၏နိုင်ငံခြားသား(အထူးသဖြင့်မြန်မာလူမျိုး)များအပေါ်ထားရှိသည့် စိတ်နေစိတ်ထားတစ်ရပ် ကြောင့်လည်းဖြစ်နိုင်ပေသည်။မည်သို့ပင် ဆိုစေကာမူ ယင်းပြသနာတွင်ကိုသက်ခိုင်တစ်ယောက် ကျနော်နှင့်ကျောချင်းကပ်လျက်ရှိနေ ခဲ့ခြင်းကြောင့် အထိုက်အလျောက်တော့ဖြင့် ဖြေဆည်ရာရခဲ့သည်။ထိုဇာတ်လမ်းအပြည့်အစုံမှာအောက်ပါအတိုင်းဖြစ်၏။

ကျနော်နှင့်ကိုသက်ခိုင်ဘန်ကောက်မြို့၌ပြန်လည်ဆုံတွေ့ခဲ့ကြသည်မှ၊မကြာမတင်ကာလ၂၀၁၀ခုနှစ်။နိုဝင်ဘာလတွင်ဖြစ်၏။ထိုနေ့သည် နေသာသောနေ့တစ်နေ့ဖြစ်သည်။ရနောင်းမှ ကုန်အပြည့်တင်ဆောင်လာသည့် ကုန်တင်ကား ရောက်မည့်နေ့ဖြစ်သောကြောင့် နံနက် ခုနစ်နာရီခန့်ကတည်းက ဝထစ်အရပ်ရှိကျနော့်ဈေးဆိုင်ငယ်သုိ့ကျနော်ရောက်နေခဲ့သည်။ကုန်ပစ္စည်းများဆိုင်အတွင်း နေရာချထားပြီးချိန် သည် နံနက်ကိုးနာရီခန့်ရှိခဲ့ပြီ။

ဖူးခက်သို့ရောက်နေသောဇနီးသည်၊တပည့်ကျော်၊ကျော်ဝင်းဌေးတို့နှင့်အတူ တိုယိုတာအေဗင်ဆာကားငယ်ကိုမောင်းနှင်လျက် အမ်မခန် အရပ်ရှိနေအိမ်သို့ ကျနော်ပြန်လာခဲ့ရာခြံဝသို့အရောက် ကျော်ဝင်းဌေးက ခြံတံခါးကိုဆင်းဖွင့်ပြီး ကျနော်က ခြံတွင်းသို့ ကားမောင်းဝင် လာခဲ့၏။ခြံဝင်းထဲသို့ကားအရောက်၊ မျက်နှာစိမ်းသုံးယောက်သည် ခြံတံခါးပိတ်မည့်ကျော်ဝင်းဌေး၏ ရင်ဘတ်ကို ခပ်ကြမ်းကြမ်းတွန်းဖယ် ရင်း ဝင်ရောက်လာသဖြင့် မလှမ်းမကမ်းရှိကျနော်က တတ်သမျှမှတ်သမျှထိုင်းစကားဖြင့်လှမ်းအော်လိုက်မိသည်။

"ဟေ့၊ဖိ။ထမ်အလိုင်ခပ် ထမ်အလိုင်ခပ်"
"ပူးလိ၊ပူးလိ။ပတ်စပို့။ပတ်စပို့"
အဆိုပါလူစိမ်းသုံးယောက်၏အဖြေကို ကျနော်ကောင်းစွာသဘောပေါက်သော်ငြား စိတ်ထဲတွင်မူမသင်္ကာလှချေ။မည်သည့်နိုင်ငံမှ ရဲဝန် ထမ်းမဆိုသီးခြားပိုင်နက်နယ်မြေတစ်ခုတွင်းသို့ဝင်ရောက်မည်ဆိုလျှင် သက်ဆိုင်ရာတရားရုံးတစ်ခုခု၏ခွင့်ပြုမိန့် (ဝါးရမ်း)ပါမှသာ ဝင်ခွင့်ရှိ ကြောင်း ကျနော်သိထားသည်။သို့သော်သူတစ်ပါးနိုင်ငံတွင်စကားနည်းရန်စဲလိုသည့် ကျနော်သည် ထိုလူစိမ်းသုံးယောက်အနက် တယောက်သောပုဂ္ဂိုလ်ထုတ်ပြနေသည့် ပလပ်စတစ်ကဒ်လောင်းထားသော ရဲဝန်ထမ်းကဒ်ကိုပင် မကြည့်တော့ပဲ ပတ်စပို့သုံးအုပ်  ကိုအသာတကြည်ထုတ်ပေးလိုက်သည့်အခါ ဖွင့်၍ပင် မကြည့်ပဲ သူ့အိတ်ကပ်တွင်းသို့ထိုးထည့်လိုက်၏။တစ်စုံတစ်ခုတော့ဖြင့် မှားယွင်း နေလေပြီ။အန္တရာယ်၏အငွေ့အသက်ကို ကျနော်ရစပြုလာသည်။ထိုလူစိမ်းသုံးဦးကို တစ်ဦးချင်းစီ အသေးစိတ်ကျနော်အကဲခတ်မိ၏။

အရပ်ပုပျပ်ပျပ်နှင့်အသက်ငါးဆယ်ကျော်ခန့်ရှိပုဂ္ဂိုလ်မှာ နောက်လိုက်ဖြစ်ဟန်ရှိသည်။အသက်သုံးဆယ့်ငါးနှစ်ဝန်းကျင် အရပ်ငါးပေခုနစ် လက်မခန့်ရှိသူမှာ ခေါင်းဆောင်ဖြစ်ဟန်တူသည်။ကျန်တစ်ဦးကား အရပ်အမောင်းအနေတော်နှင့် ပိန်ပိန်ပါးပါးနှင့်ဖြစ်၏။သုံးယောက်စလုံး အတွင်းခံစပို့ရှပ်ပေါ်တွင်အနက်ရောင်ဂျာကင်အင်္ကျီကိုယ်စီထပ်၍ဝတ်ထားကြသည်။
"ခင်ဗျားတို့အင်္ဂလိပ်လိုပြောတတ်သလား"
ဟူသောကျနော့်အမေးကို သူတို့အဖြေမပေးချေ။ကျနော်တို့သုံးယောက်ကို ကားဂိုဒေါင်ကြမ်းပြင်မှာထိုင်ခိုင်းလေရာ ကျော်ဝင်း ဌေးမှာ ချက်ြခင်းထိုင်ချလိုက်သော်ငြား ကျနော်နှင့်ဇနီးသည်မူကား မာနကို ထိခိုက်သည်ဟုယူဆသဖြင့် မထိုင်သည့်အခါ ခေါင်းဆောင် ဖြစ်ဟန်ရှိသူက ခါးကြားမှသေနတ်ကိုထုတ်ချိန်ရင်း ကြမ်းပြင်ပေါ်သို့ဇွတ်ထိုင်ခိုင်းနေပြန်သည်။အနီးရှိ ပလပ်စတစ်ကုလားထိုင်များ ပေါ်တွင် ကျနော်နှင့်ဇနီးဖြစ်သူ အသာထိုင်လိုက်ရ၏။ခေါင်းဆောင်လုပ်သူသည်ကျေနပ်ပုံမရသည့်မျက်နှာပေးဖြင့်ပင် သူ့တပည့်ကျော် နှစ်ဦးကို ကျနော့်တအိမ်လုံးအား မွှေနှောက်စေတော့၏။နောက်ဆုံးကျနော်ပုခုံးမှာ လွယ်ထားသည့်ပိုက်ဆံအိတ်ဆီသို့ဦး တည်လာသည်။ ဖွင့်ကြည့်သော် ထိုင်းဘတ်နှစ်ထောင်ကျော်ခန့်နှင့်ဘဏ်ကဒ်သာတွေ့သည့်အခါ မကျေမချမ်းလေသံဖြင့်ထိုင်းဘတ်ငါးသိန်း ပေးရမည် ဟုသေနတ်ထောက်ကာအကြပ်ကိုင်တော့၏။

ထိုင်းရဲအယောင်ဆောင်ထိုင်းဓားပြအဖွဲ့နှင့်ကျနော်ထိပ်တိုက်တိုးလေပြီ။အမှားမခံသော အခြေအနေဖြစ်၍ အင်အားကိုချိန်ဆကြည့်သော်တုန့်ပြန်နိုင်သည့် အနေအထားမရှိသည့်အဆုံး ဘဏ်ကဒ်အတွင်းမှ ငွေအကုန်ထုတ် ပေးမည်ဟုခြေဟန်လက်ဟန်ဖြင့်ညှိနှိုင်းလိုက်ရသည်။
ပိန်ပိန်ပါးပါးလူနှင့်အတူကျနော်အေတီအမ်စက်ရှိရာသို့သွားနေချိန်တွင် ကျန်နှစ်ဦးကား ဇနီးနှင့် ကျော်ဝင်းဌေးတို့ကို သေနတ်ဖြင့်ချိန် ရင်းစောင့်ကျန်ရစ်သည်။ဤသို့လျှင်အိမ်နှင့်မလှမ်းမကမ်းရှိအေတီအမ်စက်မှဘဏ်လက်ကျန်ငွေထိုင်းဘတ်ခြောက်သောင်းကိုထုတ်ပေးလိုက်ရတော့၏။ ကျနော်တတ်နိုင်သည်မှာ သူတို့အသုံးပြုခဲ့သောကားနံပတ်ကိုအတိအကျမှတ်သားထားလိုက်နိုင်ရုံ သာဖြစ်သည်။ နာကျဉ်းခံပြင်းမှုနှင့်ရှက်စိတ်ကြောင့် ယင်းကိစ္စနှင့်ပတ်သက်၍ မည်သူ့ကိုမျှ အသိမပေးခဲ့ချေ။ယုတ်စွအဆုံးကိုသက်ခိုင်ဖူးခက်မှာရှိနေ သည်ကို သိလျက်နှင့်ဖုန်းမဆက်ဖြစ်ခဲ့။
ထိုဇာတ်လမ်းသည်ဤတွင်နိဋ္ဌိတံခဲ့ပြီဟုသာ ကျနော်ထင်မှတ်ခဲ့သော်ငြား နောက်တနေ့ညနေတွင် ကျနော့်အိမ်နှင့်တကီလို မကွာဝေးသည့် လမ်းမပေါ်မှာ ထိုကားဟွန်ဒါစီဗစ်ကိုအမှတ်မထင်တွေ့လိုက်ရသည့်အခါ ကိုသက်ခိုင်ကို အကျိုးအကြောင်းဖုန်း ဆက်မိ သည်။ နာရီဝက်အတွင်း ကိုသက်ခိုင်တစ်ယောက်သူ့မိတ်ဆွေထိုင်းရဲဗိုလ်မှူးချင်ချိုင်းနှင့်အတူ ကျနော့်အိမ်သို့ပေါက်ချလာ လေတော့ သည်။

ချင်ချိုင်းနှင့်ကိုသက်ခိုင်သည် ကျနော်ခင်းပြသောနောက်ကြောင်းပြန်ဇာတ်လမ်းကို သေချာနားစိုက်ထောင်ကြရင်း ချက်ချင်းဆိုသလို အဆိုပါကားရှိရာသို့ ခေါ်ဆောင်သွားပြီး သေချာကြောင်းအတည်ပြုစေ၏။ကားခေါင်းခန်းဒက်ရ်ှဘုတ်ပေါ်မှ ကော်ရုပ်ကလေးသည် မနေ့ကကဲ့သို့ပင် ခေါင်းတငြိမ့်ငြိမ့်ဖြင့်နှုတ်ဆက်နေသောကြောင့် ကျနော်ခေါင်းငြိမ့်လိုက်မိသည်။ ဆက်တိုက်ဆိုသလို ကျနော်ငွေထုတ် ပေးခဲ့သည့် ဆဲဗင်းအလဲဗင်းအေတီအမ်ရှိရာသို့ချီတက်ကြပြန်၏။ဆဲဗင်းအလဲဗင်းငွေရှင်းကောင်တာမှ စီစီတီဗီကိုနောက်ပြန်ရစ်စေပြီး လိုအပ်သောအထောက်အထားတို့ကို အသင့်ပါလာသည့်ကွန်ပြူတာသုံးစတစ်(Stick) ဖြင့်ကူးယူသည်။ မကြာမီထိုင်းဝါယာလက် ကားတစ်စီးထိုးဆိုက်လာကာ ထိုကားကိုရှာဖွေပုံစံဖြင့် သိမ်းဆည်း၏။အဆိုပါကားပိုင်ရှင်မှာ ထိုင်းအမျိုးသမီးဖြစ်ပြီး ထိုကိစ္စနှင့် သူမ မပတ်သက်ကြောင်း ငြင်းဆိုနေသည်ဟု ကျနော်ခန့်မှန်းမိသည်။ ကိုသက်ခိုင်ကား အံ့မခန်းခြေလှမ်း ကျဲလှသည်။

ကားဘေးမှာရပ်နေသောကိုသက်ခိုင်သည်  ရုတ်တရက်ချင်ချိုင်းအား တစ်စုံတစ်ရာလှမ်း ပြောလိုက်သည်။ထို့နောက်တွင်ကား ကျနော်နေထိုင်ရာ အမ်မခန်ရပ်ကွက်အတွင်းမှာ ခြေချုပ်ပုဒ်မခံဝန်ဖြင့်နေရသည့် လူဆိုးစာရင်းဝင် တို့၏အိမ်များသို့ ဝင်ရောက်မွှေနှောက်တော့သည်။ အချို့လူဆိုးစာရင်းဝင်တို့မှာ အိပ်ယာထဲမှအကြမ်းပတမ်းဆွဲထုတ်ခြင်းခံရသည်အထိဖြစ်၏။ တယောက်ချင်းကျနော့်ကို ပြသသော်ငြား ကျနာ့်အိမ်ကိုဝင်မွှေခဲ့သည့် ကိုယ်တော်တို့ကိုကား မတွေ့ရချေ။
ဤသို့လျှင် ရဲစခန်းမှ အမှုဖွင့်ခြင်း၊တရားလိုကျနော်၊သက်သေအဖြစ် ဇနီးသည်နှင့် ကျော်ဝင်းဌေးတို့ကို စစ်ဆေးပြီးသည့်အချိန်တွင်ကား ညဥ့်လည်တိုင်ခဲ့ပြီ။ရဲစခန်းမှအိမ်အပြန်တွင် ကားပေါ်မှာကိုသက်ခိုင်က ယတိပြတ်ကောက်ချက်တစ်ခုကိုချရာ ကျနော်အတော်အံ့အား သင့်သွားရသည်။

"ခင်ဗျားအိမ်ကို ဝင်တိုက်တဲ့ဓားပြတွေကို ခင်ဗျားဆိုင်ဘေးက ဘလက်ဆိုတဲ့ နှုတ်ခမ်းမွှေးနဲ့ကောင် လက်ထောက်ချတာပဲကိုမင်းဒင်"
"သေချာမှလုပ်ပါဗျာ။ခင်ဗျားနောက်ကပါနေလို့သာ ကျနော်ရဲစခန်းကိုလိုက်လာခဲ့တာ။ကျနော်ကတော့ ပြီးတာပြီးပါစေတော့လို့သာ သဘော ထားလိုက်ချင်တော့တယ်။တော်တော်စိတ်ပျက်ဖို့ကောင်းတဲ့တိုင်းပြည်ဗျာ"
"သိပ်လည်းစိတ်ဓာတ်မကျပါနဲ့လေ။ဒီဓားပြမှုကိုထောက်ချင့်ကြည့်ရင် ခင်ဗျား ဖူးခက်မှာသူဌေးစာရင်းဝင်ပြီဗျ။စူပါချိသူဌေးတောင် သူ့ဆိုင် ကြီးဖွင့်ခါစက ဘဏ်ကိုငွေသွင်းဖို့အသွားမှာ ရိုက်အလုခံရဖူးသတဲ့။ဒါထိုင်းလူမျိုးချင်းနော်"
"အော်။ စူပါချိဖ်ပိုင်ရှင်သူဌေးလည်း ဒီအဖြစ်မျိုးကြုံရသကိုး"

"ဟုတ်တယ်ကိုမင်းဒင်။တကယ်တော့ ဖူးခက်မြို့ကြီးမှာ ဖူးခက်ဒေသခံလူဦးရေဟာ ဆယ့်ငါးရာခိုင်နှုန်းထက်မပိုဘူးတဲ့ဗျာ။ဖူးခက်မှာ စီးပွားရှာရတာ အဆင်ပြေတယ်ဆိုပြီးတောကမြို့ကို ဝိုင်းတဲ့သဘောပေါ့။အနီးနားမြို့တွေဖြစ်တဲ့ ဖန်င၊ကဘိ၊စူရတ်ဌာနီ၊နခွန်စီထမရတ် စတဲ့မြို့တွေက လူတန်းစားပေါင်းစုံ ဖူးခက်ကို စုပြုံရောက်လာကြပြီး စရိုက်မျိုးစုံနဲ့ဒုစရိုက်မြို့တော်ကြီးဖြစ်နေတော့တာပေါ့။ခင်ဗျားတစ်ခု သတိထားရမှာက ဖူးခက်မှာ ငွေရွှင်မယ်ထင်ရတဲ့နိုင်ငံခြားတွေကို စံနစ်တကျဂိုဏ်းဖွဲ့ပြီးလိမ်နေတဲ့ အုပ်စုတွေရှိတယ်။ စင်္ကာပူက ကျနော့် မိတ်ဆွေသင်္ဘောသူဌေးတစ်ယောက်ဆို သင်္ဘောတစ်စီးအရောင်းအဝယ်လုပ်ရာမှာ ထိုင်းနိုင်ငံသားအမည်ခံမှဖြစ်မယ်ဆိုပြီး လူလည် ထိုင်းတစ်ကောင်ပညာပြလိုက်တာ ထိုင်းဘတ်သန်းသုံးဆယ်လောက်ဆုံးခဲ့ပါရောလား"
"မလွယ်ကြောပါလားကိုသက်ခိုင် ။ဒါနဲ့ခင်ဗျားစောစောက ပြောတဲ့ ဓားပြအဖွဲ့ကိုလက်ထောက်ချတာဟာ ဘလက်ဆိုတဲ့ နှုတ်ခမ်းမွှေးနဲ့ မောင် ဆိုတာ ဘယ်လိုကြောင့် မှတ်ချက်ချနိုင်တာတုန်းဗျာ"

"သေချာဆက်စပ်ပြီးတွေးနိုင်ရင်ရှင်းနေတာပဲကိုမင်းဒင်ရာ။ ခင်ဗျားခြံတံခါးအဖွင့်မှာ ဒီကောင်တွေဝင်လာနိုင်တယ်ဆိုတာ ခင်ဗျားဆိုင်က နေ၊ထွက်ကတည်းက စောင့်ကြည့်တဲ့သူရှိနေလို့ပေါ့။ခင်ဗျားဆိုင်ဘေးမှာ ဖိဝမ်ဆိုတဲ့ထိုင်းအမျိုးသမီးရဲ့ ကွေ့တီယိုဆိုင်ရှိတယ်။ ဖိဝမ်ဟာ လက်ရှိအချိန်မှာ ဘလက်ဆိုတဲ့မောင်နဲ့တွဲနေတယ်။နောက်တချက်က ခင်ဗျား တပည့် ကျော်ဝင်းဌေးကိုကျနော်သေချာမေးကြည့်တော့ ဘလက်ဟာ စောစောက ဓားပြမှုနဲ့သိမ်းသွားတဲ့ကားပိုင်ရှင်ရဲ့အိမ်ကို အဝင်အထွက်ရှိ သတဲ့ဗျ။အဲဒီအိမ်မှာ ဘလက်ကို သုံးလေးကြိမ်၊သူမြင်ခဲ့ရဖူး သတဲ့။နောက်ဆုံးအခိုင်မာဆုံးသက်သေကတော့ ဒီကောင်နဲ့ကျနော် နောက်ခံဇာတ်လမ်းဟောင်း ရှိတာမို့ခင်ဗျားအိမ်ကို ဓားပြတိုက်တာ ဟာ ကျနော်နဲ့ခင်ဗျား ပတ်သတ်နေလို့ဖြစ်နိုင်လေရဲ့"

"သြ၊ခင်ဗျားနဲ့ ဘလက်ဟာ ဇာတ်လမ်းဟောင်းရှိခဲ့သေးသကိုး။ရှင်းစမ်းပါအုံးဗျ။စိတ်ဝင်စားစရာပဲ"
ကိုသက်ခိုင့်စကားကြောင့် ဘေးမှာငိုက်လျက်လိုက်ပါလာသော ကျနော့်ဇနီးသည်ပင်လျှင်  မျက်လုံးပွင့်လာသည်။ ကိုသက်ခိုင်သည် ကားကို ခပ် ဖြေးဖြေးမောင်းရင်း သူနှင့် ဘလက်တို့၏ဇာတ်လမ်းကိုနောက်ကြောင်းပြန်သည်။

"ဒီမောင်ဖူးခက်ကိုရောက်လာတာ နှစ်နှစ်ထက်မပိုသေးဘူး။ကျနော်သိသလောက် ဘလက်ဟာ လိမ်လည်မှုဓားပြမှုတွေနဲ့ ဖူးခက် ထောင်က ထွက်လာတဲ့ ထောင်ထွက်တစ်ယောက်ပဲ။ထောင်ကထွက်လာပြီးဖူးခက်မှာရှိတဲ့ သူ့ညီပန်းရံခေါင်းဆောင်အိမ်မှာကပ်နေရင်း ခင်ဗျား ဆိုင်ဘေးက ထိုင်းမဖိဝမ်နဲ့ညိတာပေါ့ဗျာ။အစပိုင်းဖိဝမ်ကို လာပြီးပိုးပန်းချိန်မှာတော့ တကယ့်ဟိတ်ကြီးဟိန်ကြီးရှိုးစမိုးနဲ့ပေါ့ဗျာ။ မကြာပါဘူး။သူစီးနေတဲ့ တိုယိုတာအက်တလစ်(Altis) ကားကို လစဉ်ပုံမှန်ငွေဆက်မသွင်းနိုင်လို့ ဖိဝမ်အိမ်ရှေ့မှာတင် ကရိန်းနဲ့လာဆွဲ သွားပါရောလားဗျာ"

"ဖိဝမ်က သဘောကောင်းပါတယ်ဗျ။ကျနော်နဲ့လည်း အတော်ရင်းနှီးပါတယ်"
ဖိဝမ်၏ကွေ့တီယိုနှင့်ကော်ဖီတွဲလျက်ရောင်းချသော ဆိုင်ငယ်သည် ကျနော့်ဆိုင်နှင့်နှစ်ခန်းကျော်ဖြစ်၏။ ဖိဝမ်သည်အသာားဖြူဖြူနှင့် လုံးကြီးပေါက်လှ၊အသက်လေးဆယ်အရွယ်ထိုင်းအမျိုးသမီးဖြစ်သည်။နံနက်တိုင်းလိုလို သူ့ဆိုင်ရှေ့မှ .. "အောင်မာလေး၊အောင်မာလေး" (လာကြနော်။ဝယ်ကြနော်)ဟူသည့် ဘလက်၏အသံစာစာကို ကြားရလေ့ရှိသည်။

"ဟုတ်ပါ့ကိုမင်းဒင်ရာ။ဖိဝမ်ဟာ သဘောကောင်းတာအမှန်ပဲ။သူ့မှာပြောစရာရှိနေတာက ယောက်ျားမရှိရင် မနေတတ်တဲ့ပြသနာပဲဗျာ"
"ဟုတ်ရဲ့လားဗျ။ကျနော်မြင်မိသလောက်တော့ ဘလက်နဲ့တွဲနေတာခပ်အေးအေးပါပဲ"
"ဖိဝမ်ဟာ ဖူးခက်နဲ့မိုင်လေးရာကျော်လောက်ဝေးတဲ့လပ်ဘူရီမြို့ဇာတိဗျ။ဖိဝမ်က အငယ်ဆုံးသမီးမို့မိဘတွေက အလိုလိုက်ထားတော့ စာတောင်ဖြောင့်ဖြောင့် မဖတ်တတ် ရှာဘူး။သူ့ရဲ့ ပထမဆုံးယောက်ျားက သူအသက်သုံးဆယ်ဝန်းကျင်လောက်မှာ ဆုံးတယ်။ သားတစ်ယောက်ကျန်ခဲ့လေရဲ့။သူ့ယောက်ျားဆုံး ပါးသွားပြီးတဲ့နောက်ပိုင်း ဖိဝမ်တွဲခဲ့တဲ့ ယောက်ျားတွေ မနည်းလှဘူးဗျ။ ကျနော်သိသလောက်တောင် လေးငါးယောက်ရှိမယ်။ ကုန်ကုန်ပြောရရင်ဗျာ ၊ဖိဝမ်ဟာ ဝထစ်ဘုန်းကြီးကျောင်းက ကိုယ်တော်တစ်ပါးနဲ့ တောင် မကင်းဘူးလို့ အသံထွက်လာဖူးတယ်။ဖိဝမ်ဟာ ကျနော့်ကိုတောင်ရေလာမြောင်းပေးလုပ်ခဲ့သေးသဗျ။

ကျနော်ရှောင်နိုင်ခဲ့ပေမဲ့ ကျနော့်တပည့်ကျော် ဖေကြည်ကတော့ မရှောင်နိုင်ရှာခဲ့ဘူး ဆိုပါတော့။နောက်ပိုင်းမှာ မော်လမြိုင်သား ဖေကြည်ဟာ ဖိဝမ်နဲ့ ဇာတ်လမ်းဖြစ်ရောပေါ့ဗျာ။ ခက်တာက ဖေကြည်နဲ့ဖိဝမ်ညိကြတဲ့အချိန်မှာ ဖိဝမ်ဟာ ဆူရတ်ဌာနီက သင်္ဘောဆလင်ထိုင်းတစ်ကောင်နဲ့ တပွင့်နှစ်ခိုင်ဇာတ်လမ်းကလည်းရှိနေသေးသဗျ။အဲဒီထိုင်းက ဖူးခက်ကို တပတ်တကြိမ် လောက်သာလာတာမို့ အစပိုင်းမှာ မရိပ်မိပေမဲ့ ဖေကြည်ရဲ့ အနေအထိုင်မတတ်မှုကြောင့် ပြသနာတက်ကြလေ သတည်းပေါ့။ သေနတ်သမားငှားပြီး ဖေကြည့်ကို အပြတ်ရှင်းမဲ့အထိ ဇာတ်လမ်းတွေဖြစ်ခဲ့ပေမဲ့  ကျနော့် အရှိန်အဝါ ကြောင့် ဘာမှတော့ ဆိုးဆိုးဝါးဝါးဆက်မဖြစ်ခဲ့ပါဘူး။ဖေ ကြည့်ဇာတ်လမ်းပြီးတဲ့နောက် ပေါ်လာတဲ့မင်းသားသစ်ကတော့ ဘလက်ပေါ့ဗျာ။ဘလက်အလုပ်လက်မဲ့ဖြစ်နေချိန်တုန်းက ဖိဝမ်ကိုယ်တိုင်ကျနော့်ကို လာပြီးအကူအညီ တောင်းလို့ ကျနော့်ဒရိုင်ဘာအဖြစ် နှစ်လလောက်ခန့်ဖူးသေးဗျာ။နောက်ပိုင်းဒီမောင် ကျနော့်ကားပေါ်ကို ဘိန်းစားရွက်တွေတင်ပြီး လျှောက်ရောင်းနေလို့ အလုပ်ကထုတ်ပစ်လိုက်တာ ။ဒီမှာတင် ကျနော့်ကို ရန်ငြိုးဖွဲ့ခဲ့ထင်ပါရဲ့။ဒါပေမဲ့ ဒီမောင် ကျနော့်ကိုတော့မလုပ်ရဲခဲ့ ဘူး။

ကျနော်နဲ့အလားတူအလုပ်မျိုးလုပ်တဲ့ ခင်ဗျားဟာ ကျနော်လို အထိုက်အလျောက်ချောင်လည်တဲ့သူဖြစ်မယ်ဆိုပြီး ဒီဇာတ်လမ်းကို ဖန်တီးခဲ့တာဖြစ်နိုင်လောက်တယ်"
"အော်။ တကယ့်ဇာတ်ရှုပ်ကြီးပါလားဗျာ။ ခင်ဗျားပြောတော့လဲ အချိတ်အဆက်က မိနေသားပဲ။ဘာဘဲဖြစ်ဖြစ် အမှုဖွင့်ပြီးနောက်ဆက်တွဲ ကိစ္စတွေ ကျနော်ရင်မဆိုင်ချင်ဘူးကိုသက်ခိုင်"
"အန္တရာယ်များတာတော့အမှန်ပဲကိုမင်းဒင်။ ဒီဇာတ်ကိုဒီမှာရပ်လို့တော့ မဖြစ်ချေသေးဘူး။ ရပ်ရမဲ့အချိန်ကိုကျနော်ပြောပါ့မယ်။ အဆိပ် ပြင်းတဲ့အကြောင်းနှာမှုတ်သံလောက်တော့ပေးမှဖြစ်မယ်။ကျနော်တစ်ယောက်လုံးရှိပါသေးတယ်။သိပ်လည်းမပူပါလေနဲ့ဗျာ"

နောက်ပိုင်းတွင် ဖူးခက်စံမကောင်းရဲစခန်းမှ ကျနော့်အားသုံးလေးကြိမ်ခန့်ခေါ်ယူစစ်ဆေးခဲ့ပြီး ကျနော်ရဲစခန်းသို့ရောက်လေတိုင်း ဓားပြမှုတွင်သက်သေခံအဖြစ်သိမ်းဆည်းထားသည့်ကား ကို ကျနော်တွေ့မြင်နေရသည်။လေးလကျော်ခန့် မိုးရေထဲတွင် ရှိနေသဖြင့် ကားဘီးဂွေတို့မှာ သံချေးပင် တက်စ ပြုနေချေပြီ။ထူးခြားသည်ကား ဘလက်တစ်ယောက် သိသိသာသာမျက်နှာပျက်နေခြင်းဖြစ်၏။ ဖိဝမ်သည်လည်း သတင်းအတိအကျအပြည့်အစုံ မဟုတ်သည့်တိုင် ဘလက်၏ခြေရာလက်ရာကို အနည်းငယ်ရိပ်စားမိဟန်တူ၏။ မျက်နှာမကောင်းလှချေ။

ကိုသက်ခိုင်ကား ကျနော့်အမှု၏နောက်ကွယ်တွင် ထိုင်းဓားပြတို့နှင့် သူတပြန်ကိုယ်တပြန်အားစမ်းနေကြဟန်ရှိ၏။အဆိုပါအမှု ဖြစ်ပွားပြီးလေးလခွဲခန့်အကြာတွင် ဓားပြအုပ်စုသည်သက်သေခံကားကို အာမခံဖြင့် ထုတ်သွားနိုင်ခဲ့သည်။ကိုသက်ခိုင့်နားသို့ ထိုသတင်း ရောက်သွားသည့်အခါ မည်သို့အကွက်ရွေ့လိုက်ပြန်သည်မသိ။ အာမခံဖြင့်ထုတ်သွားပြီးသောကားမှာနှစ်ရက်အကြာတွင် စံမကောင်းရဲ စခန်းသို့ ပြန်ရောက်နေပြန်သည်။မကြာမီ တရားလိုကျနော့်အား ရဲစခန်းမှဆင့်ခေါ်ပြန်ကာ တရားခံများ၏အနီးစပ်ဆုံးပုံတူကိုရနိုင်ရေး အတွက် ထိုင်းပန်းချီဆရာတစ်ယောက်နှင့်အလုပ်ရှုပ်ရပြန်သည်။အကြောင်းစုံအား ကိုသက်ခိုင်ကို ပြောပြသည့်အခါ သူက ခပ်အေးအေး လေသံဖြင့် ကျနော့်ကိုတရားချသည်။

"ထိုင်းပန်းချီဆရာခေါ်ပြီး ခင်ဗျားရဲ့ထွက်ချက်အရ တရားခံရဲ့ပုံတူကိုဆွဲတယ်ဆိုတာ ရဲကိစ္စကုန်အောင်လုပ်တဲ့သဘောပဲကိုမင်းဒင်။အမှန်ဆိုစီစီတီဗီကရတဲ့အထောက်အထားနဲ့တင်ပြီးရမဲ့ကိစ္စဗျ။ဓားပြ တွေကို ဖမ်းမိစရာအကြောင်းမရှိတော့ဘူး။နောက်ဆုံးမှာတော့ သူတို့ကားကိုဖြစ်တဲ့နည်းနဲ့ ပြန်ထုတ်သွားကြလိမ့်မယ်။ထိုင်းတရားခံက ထိုင်းရဲကို လာဘ်ထိုးတဲ့နည်းနဲ့ပေါ့။ဘယ်ထိုင်းရဲမှ ဗမာအိမ်ဝင်တိုက်တဲ့ထိုင်းဓားပြကို မိအောင်မဖမ်းချင်ကြပါဘူး။တကယ်တော့ ဖူးခက်ဟာ  ထိုင်းက ဗမာကိုသတ်ရင်တောင် ကြီးကြီးကျယ်ကျယ်အမှုအခင်းမဖြစ်တဲ့မြို့ကြီးပါဗျာ။အရှုံးအမြတ်တွက်ကြည့်ရင် ခင်ဗျားဆုံးရှုံးခဲ့တာ ဘတ်ငွေခြောက်သောင်း။ ဓားပြတွေအမှုလိုက်ပိတ်ရတာ ဘတ်သိန်းချီကုန်နေလောက်ပြီ။ဒီနေရာမှာမှ ဒီဇာတ်လမ်းကို မရပ်ရင် ဒီမောင် တွေနဲ့ ကျနော့်ကြားမှာ ပွဲပိုကြမ်းပြီးမလိုလားအပ်တဲ့ နောက်ဆက်တွဲဖြစ်ရပ်ဆိုးတွေ ပါလာတော့မယ်။ဒီတော့ အဆိပ်ရှိမှန်းသိအောင် နှာမှုတ်ပြတာ လုံလောက်ပြီလို့ယူဆတယ်ဗျာ။အရေးကြီးဆုံးအချက်က သတ်ကွင်းဟာ သူတစ်ပါးတိုင်းပြည်ဖြစ်နေတဲ့ကိစ္စပါပဲ"

"ခင်ဗျားသဘောပါပဲကိုသက်ခိုင်ရာ။ ဘလက်ဆိုတဲ့ကောင်လည်း အခုတော့ အမြီးကုတ်နေလေရဲ့။ဓားပြတွေဆီက ဝေစုမရတဲ့အပြင် မီးမသေပဲ လက်ထောက်ချရသလားဆိုပြီးတောင် ပြန်အကြိမ်းခံနေရမဲ့အဖြစ်ကို ကျနော်ရိပ်မိပါတယ်"
"ဘလက်ရဲ့အကုသိုလ်က ဆုံးခန်းမတိုင်သေးဘူးဆိုရမယ်ကိုမင်းဒင်"
"ဟ။ခင်ဗျားက ဘလက်ကိုဘာလုပ်ထားပြန်ပြီတုန်း"
"ကျနော်ဘာမှမလုပ်ပါဘူး။သူ့အကုသိုလ်နဲ့သူပါဗျာ။ဖေကြည်နဲ့ ဖိဝမ်ဇာတ်လမ်းပြတ်သွားတာဟာ ဖေကြည့်မှာ အိပ်ခ်ျအိုင်ဗီပိုးပေါ့စတစ် တွေ့လို့ဗျ"

"ဗျာ"
"မဗျာနဲ့။ ဖေကြည်ဟာ ကျနော့်ကားကိုမောင်းနေရင်း ရုတ်တရက်နာမကျန်းဖြစ်တယ်။သူ့အခြေအနေကို ကျနော်အကဲခတ်ရတာ မဟန် တာကြောင့် ကျနော်ကိုယ်တိုင် ဝေါဗီးရှင်းမှာသွေးစစ်ဖို့တိုက်တွန်းခဲ့ရတယ်။ဖေကြည့်ခမျာ အကြောက်လွန်ပြီး အစစ်မခံရဲလို့ ကျနော်ကိုယ် တိုင်အဖော်အဖြစ်အစစ်ခံခဲ့ရသေးဗျာ။ကျနော်ထင်တဲ့အတိုင်းပါပဲ။ နောက်ပိုင်းတော့ဖေကြည်လည်း မော်လမြိုင်ကိုပြန်သွားရှာတယ်။ ဖိဝမ်ကတော့ အဖြစ်စုံကိုသိဟန်မတူသလို ကျနော်လည်း ဘာမှ ရှင်းမပြနိုင်ခဲ့ပါဘူး။ဖိဝမ်ခမျာ ဖေကြည့်ရောဂါကို သွေးရိုးသားရိုးရောဂါ ထင်ပြီး တရုတ်ဘုံကျောင်းက နတ်ဆရာတွေနဲ့တောင် ကုပေးခဲ့လေရဲ့။ အခုတော့ ဖေကြည်လည်း မော်လမြိုင်မှာကျန်းမာပကတိ ချမ်းသာစွာ ရှိနေသတဲ့ဗျ။ဖေကြည်ရဲ့စားတော်ကျ ဖိဝမ်နဲ့ဆက်တွဲနေတဲ့ ဘလက်ရဲ့အနာဂတ်ဟာ ဘယ်သို့ဘယ်ပုံရှိ မယ်ဆိုတာ ခင်ဗျား စဉ်းစား ကြည့်ပေတော့။တစ်ခုတော့ လေးလေးနက်နက်သတိပေးထားပါရစေကိုမင်းဒင်။

ဥရောပတိုက်သားမျက်နှာဖြူကို သခင်၊ ဗမာကိုကျွန်လို့ အရိုးစွဲထင် မြင်နေကြတဲ့ ယိုးဒယားမြေမှာ ဗမာတစ်ယောက်အတွက် တရားမျှတမှုဆိုတာ အိပ်မက်ထဲမှာတောင် မမက် ပါလေနဲ့"
နံဘေးမှဇနီးသည်ကား အိပ်ပျော်နေလေပြီ။အာစေးမိသလိုဖြစ်သွားသည့်ကျနော်သည်  တခွန်းတပါဒမျှတုန့်ပြန်စကားမဆိုနိုင်တော့ပဲ ကိုသက်ခိုင့်မျက်နှာကိုသာခပ်ငေးငေး ကြည့် နေရင်း ဆင့်ကဲအတွေးပွားမိပြန်သည်။ မကောင်းမှုဟူသည်ဆိတ်ကွယ်ရာမရှိဆိုသော်ငြား မသမာမှုများဖြင့် စီမံဖန်တီးထားလေသည့် စစ်ဝါဒစံနစ်ဆိုးကြီးကား ဗမာပြည်တွင်ပန်းပန်လျက်ရှိ နေဆဲ။စစ်ဝါဒဟူသော ရေခံမြေခံ စံနစ်ဆိုးကြီးကြောင့် လူရည်လူသွေးမညံ့လှသော သာကီနွယ်တို့သည် ရာဇဝင်ထဲက လက်အောက်ခံပဏ္ဏာဆက်နိုင်ငံသို့ ပြေးဝင်ခိုလှုံ နေကြရ၏။ရေခံမြေခံစံနစ်ကောင်းတစ်ခု၏ အကျိုးဆက်ကြောင့် ဇာတာတက်ကာစင်ပေါ်ရောက် နေကြသည့် လူစွမ်းလူစကင်းမဲ့သော ထိုင်းလူမျိုးတို့၏ လက်အောက်ဝယ် ဆီးဖြူသီးကို ဆန်ကောထဲ လှိမ့်သလို မတရားမှု မျိုးစုံကို ခါးစည်းခံရင်း မျက်နှာငယ်နေကြရသော ထမင်းတစ်လုပ်၊ တုတ်တစ်ချက်အဖြစ်သနစ် များကား၊ ဖူးခက်မြို့ကြီးတွင်သာမက ယိုးဒယားပြည်တဝှမ်းတွင် ရေးဖွဲ့မကုန်နိုင် လောက်အောင်ရှိမည်မှာ ဧကန်တရားပေတည်း။ ဗမာပြည်ကြီး၏ နေသာသော နေ့များဆီ သို့မရောက်မီ ကျနော်နှင့်ကျနော့်လက် တကမ်းမှ အညတြတို့ ၏ရင်နာ ဖွယ်အဖြစ်အပျက်တို့ကို သမိုင်းမှတ်တမ်း ဝင်သည်ဖြစ်စေ၊ မဝင်ဖြစ်စေ၊ နောင်တချိန်ချိန်တွင် နောင်လာနောက်သားတို့ သတိချပ် အမှတ် ရနိုင်ကြစေရန်အလို့ငှာ ရေးချင်သည်ဖြစ်စေ၊ မရေးချင်သည်ဖြစ်စေ၊ ကျနော်ရေးနေ ရပေ ဦးမည်။

ဓာတ်ပုံ။ ။ဂူဂဲလ်

၂၂။၀၅။၂၀၁၄နေ့ထုတ်ဆဲဗင်းဒေးနေ့စဉ်သတင်းစာ

ဆြာဒင်၏ခြေဥတရားစီရင်ခန်း
မင်းဒင်

(၁)
"ဃရာဝါသောဗဟုကိစ္စော"ကိစ္စများမြောင်လူတို့ဘောင်ဟု ပညာရှိတို့ဆိုကြလေသောကြောင့် အသက်အရွယ်ထောက်လာသော ဆြာဒင် တစ်ယောက် လောကီအရေးတို့ကို အထိုက်အလျောက် အာရုံနည်းလာသည်ကား အမှန်ဖြစ်၏။ ယောင်တစ်ထုံး အဆုံးခံကာ စိတ်ပုတီး နှင့်ရိပ်ကြီးခိုလိုသော်ငြား "တောခိုချင် စိတ်ကယ်နဲ့၊သပိတ်ကို လွယ်သရေနွယ်ကွဲ့ ရှာတုန်း။ချောင်အနီးမှာလ၊ မောင်ကြီးကို  တစ္ဆေ ကိုက် လိမ့်မယ်မင်းလိုက်ခဲ့အုံး"ဟူ၍စာချိုးကာအဖော်ခေါ်ရမည်ဖြစ်လေရာ ဖဝါးခြေထပ် ထပ်ချပ်မကွာရေပူရေချမ်းကမ်းလှမ်း ရန်လိုက်ပါ ကြ မည့် မော်ဒယ်အလှကပ္ပိယတစ်ပြုံတစ်မကြီးဖြင့်မူ မသင့်တော်လေရကား ဧကစာရီတောမှီလိုသည့် မဟာအလောင်း တော်တို့၏စိတ်ထား မျိုးကို အတန်တန်ချိုးနှိမ်နေရပြန်ချေ၏။

ထိုသို့လျှင် ဆြာဒင်တစ်ယေက် ရှုပ်ထွေးပွေလီလှသည့် လောကီထုပ္ပတ်လူတို့ဇာတ်နှင့် တတ်နိုင်သမျှကင်းအောင်ရှောင်ကာ ယိုးဒယား ပြည် ဖူးခက်မြို့အမ်မခန်အရပ်ရှိနှစ်ထပ်အိမ်အိုကြီးပေါ်တွင် မြင်မြင်သမျှသင်္ခါရပေတကားဟု ဓမ္မာနုဿတိတရား ပွားများလျက် ရှိနေချိန် တစ်ခုသော နံနက်ခင်းတွင် အိမ်အောက်ထပ်ဆီမှ အုံးအုံးကျွက်ကျွက်ဆူညံသောငြင်းခုံသံများကို ကြားရလေရာ လက်စွဲတော် တပည့် ကျော်သုံးဦးနှင့် မျက်နှာစိမ်းလူငယ်တို့ကို တွေ့မြင်ရလေ၏။ဆြာဒင်၏အိမ်ဂေဟာကား ၎င်းတို့အတွက်သာလာယံဇရပ်မျှသာ တည်း။
"ပြင်စရာမလိုဘူးလေ"
"ပြင်မှဖြစ်မှာပေါ့ဗျာ"
"မပြင်လို့ဘယ်ဖြစ်မလဲ"
"ခင်ဗျားတို့ဆြာဒင့်အားကိုး၊လူအုပ်ကြီးအားကိုးနဲ့ အနိုင်မကျင့်ကြနဲ့နော်။ဘာမှပြင်စရာမလိုဘူးဗျ။ဒီအတိုင်းပဲကောင်းပါတယ်"

သူ့လူကိုယ့်လူ အခြေအတင်ဖြစ်နေချိန်ဖြစ်ရကား၊ကြားဝင်ရန်ခက်လှသဖြင့် ဆြာဒင်ခမျာ လှေခါးခြေရင်းမှာ ငူငူကြီးရပ်နေရင်း အကြောင်းခြင်းရာ အဖြစ်သနစ်အစုံကို ပညာရှိသုခမိန်ဂိုက်ဖမ်းလျက်မေးမြန်းသမှုပြုရလေ၏။
"မကောင်းရင်ပြင်ပေါ့။ကောင်းရင်ဒီအတိုင်းထားလိုက်ကြပေါ့မောင်တို့ရာ။ဒါနဲ့ ဘာကိုပြင်မှာတုန်း။ဘာကိုမပြင်ချင်တာတုန်းမြွက်ကြပါစံ့"
"အာ၊ခေတ်နောက်ကျပါ့ဆြာဒင်ရယ်။ခြေဥလေဗျ။ခြေဥ"
ရုတ်တရက်အရင်းမရှိအဖျားမရှိဆိုလာသော ဖေကြည်ခေါ်အာရုံ၏ စကားတစွန်းတစ်စ၏အဖြေကို ဆြာဒင်တွေးမရသဖြင့် မျက်မှောင်ကို ကျုံ့လိုက်မိ၏။
"ဘာတုန်းဟ၊ခြေဥ။တော်သေးတာပေါ့ကွာ။လက်ဥမဖြစ်လို့"
"ဒုံးကတော့ ဝေးချက်ဆြာဒင်။၂၀၀၈ဖွဲ့စည်းပုံအခြေခံဥပဒေကိုပြောနေတာဗျ။တကတည်းဗျာ။ဗိုလ်စိန်မှန်နဲ့ အောင်ပင်လယ်က သတင်း တွေ မဖတ်ဘူးထင်ပါ့"

တင်္ခဏုပ္ပတ္တိဥာဏ်နှင့်ပြည့်စုံ၍ အကင်းပါးလှသောဆြာဒင်သည် ကပ္ပလီငယ်၏ဒဲ့ဒိုးအဖြေစကားအဆုံးတွင်  ချက်ဆိုနားခွက်က မီးတောက် ခဲ့လေပြီတကား။သို့နှင့်ပင် အဆိုပါနက်နဲလှသော ပုစ္ဆာပဟေဠိ၏အဖြေကို သဘာဝယုတ္တိ၊အာဂမယုတ္တိတို့ဖြင့် အဖြေတွက်ထုတ်နိုင်ရန် အလို့ငှာ မုတ်ဆိတ်မွှေးကင်းမဲ့နေသော မေးစေ့ကို ညာလက်ဖြင့် အသာပွတ်ရင်း လေးနက်စွာစဉ်းစားခန်းဝင်မိခဲ့ပြန်ချေသည်တမုံ့တကား။
(၂)
အဆိုပါမျက်နှာစိမ်းလူငယ်၏အမည်မှာ ဝင်းကျော်ခိုင်ဖြစ်၍ ဖူးခက်ပါတောင်ကမ်းခြေတွင် လက်ဖက်ရည်ဆိုင်ဖွင့်လှစ်ကာ ထိုင်းနိုင်ငံတွင် လာရောက်အခြေကျစီးပွားလမ်းဝင်ငွေဖြောင့်နေသည့် ဘွဲ့ရလူငယ်တစ်ဦးဖြစ်ချေ၏။သူ၏ဖခင်မှာ ဗမာ့တပ်မတော်တွင် ဒုတိယဗိုလ်မှူး ကြီး ဖြစ်ခဲ့၍ ရဟန်းဘဝနှင့်အရိုးထုတ်သွားခဲ့သူဖြစ်ကြောင်း သူကိုယ်တိုင်ဖွင့်ဟသော သူ့ဘဝဇာတ်ကြောင်းတစ်စွန်းတစ်စမှ ဆြာဒင်သိ ရပါ၏။
စင်စစ် ဆြာဒင့်မျက်စိရှေ့တွင် လူငယ်ဘာဝ အငြင်းပွားနေကြသည့် ကိစ္စပြဿနာသည် ဆြာဒင်၏ ရင့်သန်လှသောဥာဏ်ပဋ္ဋိဘန်နှင့် နှိုင်းစာသော် ရေးကြီးခွင်ကျယ်ကိစ္စရပ်မဟုတ်သော်ငြား  မင်းပူးဆရာတော်ဦးသြဘာသ၏ မဟော်သဓာဇာတ်တော်ကြီးတွင်ဖော်ပြထား သော အောက်ပါစာပိုဒ်သည် ဆြာဒင်၏အတွေးအိမ်တွင်းသို့ ရုတ်ခြည်းအမှတ်မထင်ဝင်ရောက်လာလေ၏။

"မင်းကြီးအား ဤရှားလှံတံတစ်ထွာမျှလောက်ကို အရင်းအဖျားသိရုံဖြင့် အဘယ်အသုံးဝင်အံ့နည်း။ငါ့အားပညာစမ်းစေလွှတ်သည်သာ ဖြစ်မည် ဟုကြံပြီးလျှင် "ဖခင်၊ဤရှားလှံတံကိုဆောင်ယူခဲ့လော့။အကျွန်ုပ်အရင်းအဖျားကိုသိလတ္တံ့"ဟုဆို၍ ရှားလှံတံကို ဆောင်ယူစေပြီး သော် ဘုရားလောင်းသည် လက်ဖြင့်ရှားလှံတံ၏အလယ်၌ကိုင်၍ချီကာမျှဖြင့် "ဤကားအရင်း၊ဤကားအဖျား"ဟု သိငြားသော်လည်း အများအားထင်ရှားစေခြင်းငှာ ရေတခွက်ကိုဆောင်ယူစေပြီးလျှင် ရှားလှံတံ၏အလယ်ချက်တည့်တည့်၌ ချည်ကြိုးဖြင့်ချည်၍ ကြိုးစွန်က ကိုင်စေလျက် ရေအပြင်၌ တင်ကာထား၏"(မူရင်းသတ်ပုံအတိုင်း)

ဤတွင်မသိတာမရှိ၊စုံစီနဖာ၊အနုံညာတပညာရှိ ဆြာဒင်သည် ကြီးစွာသောဆင်ခြင်ဥာဏ်ဖြင့် စွယ်စုံမုန်သောက်လေသည့် မဟာပညာ ကျော် အိုက်တင်ဖြင့် အောက်ပါအတိုင်းမြွက်ဟကြေညာလေ၏။
"အို၊အမောင်တို့။ခြေဥဟူသည်ကား လူထုနှင့်အစိုးရချုပ်ဆိုအပ်သော နှစ်ဘက်သဘောတူစာချုပ်ဟု ဆိုကြပါကုန်၏။အစိုးရမင်းတို့ကား မပြင်လိုကြ။လူထုကြီးကမူ ပြင်လိုကြကြောင်း လူထုခေါင်းဆောင်များက အင်အားပြကြကုန်၏။ဤအစွန်းထွက်သော ပြသနာ၏ အဖြေကို ဆြာဒင်ဒက်ကနဲသိသော်ငြား အများအားဖြင့်ထင်ရှားစေခြင်းငှာ ခိုင်လုံသောသက်သေသာဓကတို့ဖြင့် ပြမှသာ တရားနည်းလမ်းကျပေအံ့။

ကျွန်ုပ်အပါအဝင်မောင်တို့အားလုံးသည် အဆိုပါခြေဥအတည်ပြုစဉ်ကာလက ယိုးဒယားပြည်သို့ရောက်ရှိနေကြကုန်သည်ဖြစ်၍ ပြသနာ ၏အဝေးမှနေ၍မချဉ်းကပ်စကောင်း။သို့ဖြစ်၍ မိမိနေရင်းအရပ် ရွှေနိုင်ငံတော်အရပ်တွင်းဆီသို့ ကိုယ်တိုင်ကိုယ်ကျ ကွင်းဆင်းကာ အဖြေ ရှာခြင်းသည် အကောင်းတစ်ကာ့အကောင်းဆုံးဖြစ်ပေသောကြောင့် ခုမကြာခရီးနှင်ကြရလေအောင် ပေါက်ဖော်တို့ နောက်တော်က လိုက်ခဲ့ကြပေကရော့"
(၃)
တကျိပ်၏ထက်ဝက်ဖြစ်သော ဆြာဒင်နှင့်အဖွဲ့သည်ကုန်ကျစားရိတ်ကို ခြိုးခြံခြွေတာသည့်အနေဖြင့် လေကြောင်းလိုင်းခရီးစဉ်ကို အဝေး မှဖယ်ကြဉ်လျက် ဖူးခက်မှသည် ကားနှင့်တသွယ်၊ကုန်းကြောင်းတနည်း ခရီးပြင်းနှင်လာကြရာ ရွှေပြည်ဌာန၏နယ်စပ်တံခါးပေါက် မြဝတီ မြို့မှတစ်ဆင့် မွန်ပြည်နယ်ဘီးလင်းမြို့အနီးသို့ဆိုက်ရောက်လာကြလေသည်။ခရီးကကြမ်းလူလည်းပမ်းကြသည်ကြောင့် ဟာနေသော ဝမ်းတထွာကို ဖြည့်လျက်ပါစကမီးငြှိမ်းရန်အလို့ငှာ လမ်းခရီးတစ်နေရာမှ အတန်ငယ်သန့်ရှင်းသပ်ယပ်သည့် "အောင်ပြည့်စုံ"အမည်ရှိ စားသောက်ဆိုင်တစ်ခု အတွင်းသို့ မတိုင်ပင်ပဲခြေဦးလှည့်၊ဝင်ရောက်မိကြပြီးသကာလ ဘီယာနှင့် စားဖွယ်စုံတို့ကို ဖြည့်တင်း မှီဝဲပြီး သည်တွင်လာရင်းကိစ္စကို သတိပြန်လည်လာကြပြန်၏။

"ဗျို့ဆြာဒင်။ပြည်တွင်းရောက်နေပြီလေဗျာ။မေးမြန်းစုံစမ်းရမဲ့ လုပ်ငန်းစတော့လေဗျာ။အဖြေကိုသိချင်လှပြီ"
အစားပိတ်အနေဖြင့် ထိုင်းနိုင်ငံထုတ် ချန်းဘီယာလေးမြံုံ့နေသော ဆြာဒင်မှာ တပည့်ကျော်၏သတိပေးစကားကြောင့် ရုတ်ခြည်း သတိ ဝင်လာလျက် စားပွဲပေါ်မှာ စားကြွင်းစားကျန်ပန်းကန်ခွက်ယောက်တို့ကို သိမ်းဆည်းနေသည့် ဘိုကေဆံပင်၊စစ်စွပ်ကျယ်ဂျိုင်းပြတ်နှင့် အသက်ခပ်ကြီးကြီးစားပွဲထိုးအား ဆိုင်းမဆင့်ဗုံမဆင့်၊ကောက်ကာငင်ကာ မေးခွန်းထုတ်လိုက်လေသည်။

"ဒီမယ်နောင်ကြီးရဲ့။စကားမစပ်ဗျာ။ ၂၀၀၈ ဖွဲ့စည်းပုံအခြေခံဥပဒေကို ပြင်သင့်မပြင်သင့် နောင်ကြီးရဲ့အမြင်လေးသိပါရစေခင်ဗျာ"
စစ်တဘက်တထည်ကိုပုခုံးပေါ်တင်ထားသည့်စားပွဲထိုးကြီးသည် ဆြာဒင့်ကို ဆတ်ကနဲခေါင်းမော့ကြည့်၏။သူ့မျက်နှာတွင် သရော်ပြုံး တစ်ချက်ကိုလှစ်ကနဲမြင်လိုက်ရပြီး လေသံ ခပ်အေးအေးဖြင့် ဆြာဒင့်အမေးကို ခွန်းတုန့်ပြန်၏။
"၂၀၀၈ဖွဲ့စည်းပုံကို ထောက်ခံသလား၊မထောက်ခံဘူးလားဆိုတာ ဖြေရမှာလား"
"ဒီသဘောပါပဲနောင်တော်ကြီးရယ်။ထောက်ခံတယ်ဆိုရင်ဖြင့်ပြင်စရာမလိုဘူးပေါ့"
"သိပ်ရှည်ရှည်ဝေးဝေး ဖြေစရာကိုမလိုပါဘူး။ ၂၀၀၈ဖွဲ့စည်းပုံဆိုတာ လူတွေဘာမှန်းတောင်မသိမှ မသိလိုက်ကြဘဲ အတင်းအတည်ပြုခဲ့ တဲ့ ဖွဲ့စည်းပုံကြီးပဲ"
ကပ္ပလီ၊ဖေကြည်နှင့်လေမင်းသားတို့၏မျက်နှာထားအသီးသီးကား ဝင်းပကြည်လင်သွားကြ၏။ဝင်းကျော်ခိုင်ကမူ ကျေနပ်ဟန်မပြပဲ ဆိုင်မှ အထွက်တွင် စကားတခွန်းဆိုသည်။

"ဆြာဒင်လူရွေးမမေးနဲ့လေ။အဲဒါစားပွဲထိုးမဟုတ်ဘူးနော်။နိုင်ငံတော်စာရင်းစစ်ချုပ်အငြိမ်းစားဗိုလ်ချုပ်လွန်းမောင်ဗျ။ ဦးသိန်းစိန်အစိုးရ လက်ထက် မှာ ပြည်ထောင်စုဝန်ကြီးဋ္ဌာတွေရဲ့ ငွေစာရင်းကွာဟချက်တွေကို  စစ်ဆေးတွေ့ရှိခဲ့တဲ့သူ၊ မီဒီယာတွေဆီသတင်းပေါက်ကြား လို့ ရာထူးက အနားပေးခံခဲ့ရတာဗျ"
"ဟုတ်ပါပြီမောင်ရဲ့။ဗိုလ်ချုပ်ဟောင်းပြောကာမျှနဲ့လည်း အတည်မယူသေးပါဘူး။ရှေ့ခရီးဆက်ကြအုံးစို့ရဲ့။ကားကြုံလေးသာတားပါလေ"
(၄)
ဆြာဒင်နှင့်အဖွဲ့ကား ရွှေပြည်ဌာန၊ဒုတိယမြို့တော်ရန်ကုန်ဆီသို့ရောက်ကြသည်တွင် နီးစပ်ရာ၊တွေ့တွေ့သမျှ ရဟန်းရှင်လူပြည်သူတို့အား ခြေဥ ပြင်ရေးမပြင်ရေးအမေးပုစ္ဆာကိုမေးခဲ့ကြသည်ချည်းဖြစ်ပါ၏။သို့သော်အဖြေတို့ကား ယောင်ဝါးဝါးနိုင်လှချေသည်။
"ရပ်ကွက်လူကြီးထည့်လိုက်တယ်ပြောတာပဲဗျာ"
"အချိန်ကုန်ခံပြီး မဖြေပါရစေနဲ့၊သည်းခံလော့ဒကာ။သီတင်းသုံးနေတဲ့ကျောင်းလေး ဘူဒိုစာလက်ချက်မိသွားလို့ပါ"
"နေပါဦး။၂၀၀၈တုန်းက အဲဒီဥပဒေကို ကန့်ကွက်လို့ရရဲ့လားဗျာ။လမ်းဘေးဈေးသည်ဘဝကနေ အင်းစိန်တောရရောက်သွားတော့ မပေါ့"
"ရုံးတွေမှာပဲ စုပြီးထည့်လိုက်ကြတာပါပဲ။မထောက်ခံလို့မှမဖြစ်ပဲကိုး"

အဆိုပါအဖြေတို့အပေါ်လိုရာဆွဲတွေးလျက်ကောက်ချက်ချနိုင်သော်ငြား အစွန်းတရားကင်းလိုသော ဆြာဒင်သည် ခရီးကို ရှေ့ဆက်နှင် ပြန်လေရာ ခရီးလမ်းကြောင်းသည် ဧရာဝတီတိုင်းဆီသို့ဖြစ်၏။ခြေဥပြင်သင့်မပြင်သင့်ကိစ္စရပ်နှင့်ပတ်သက်၍ ဆြာဒင်တို့အဖွဲ့ ဧရာဝတီ တိုင်းသို့ ရောက်ရှိလာသည်ကို ကြိုတင်သတင်းရဟန်တူသည့် တိုင်းဝန်ကြီးချုပ်သည် ၎င်းစံမြန်းရာအိမ်တော်သို့ ဆြာဒင်နှင့်အဖွဲ့ကို ဖိတ်ခေါ်ကာ လွန်စွာလက်ရာမြောက်လှသောဧရာမကျွန်းကနုတ်ဆက်တီပေါ်တွင်အမိန့်သားထိုင်လျက် လေးလေးနက်နက်မိန့်ဆို မှတ်ချက်ပြုသည်ကား ...."ဒီဖွဲ့ စည်းပုံရေးဆွဲစဉ်က တိုင်းပြည်ရဲ့ထိပ်တန်းပုဂ္ဂိုလ်တွေပါတယ်။ လူမှုရေးအဖွဲ့အစည်း ပေါင်းစုံပါတယ်။ မပါချင်တဲ့ပါတီ မပါတာ ကတော့ မတတ်နိုင်ဘူး။ခုမှလာပြီး တောင်အော်မြောက်အော် မအော်နဲ့"ဟူသတည်း။

ခရီးစဉ်တလျှောက်ဖတ်ရှုရသည့်သတင်းစာနှင့်ဂျာနယ်များတွင်ဖော်ပြထားချက်များအရ သမတကြီးအနေဖြင့် ခြေဥပြင်ဆင်ရေး လှုံ့ဆော်စည်းရုံးပွဲများသည် တိုင်းပြည်ကိုဆူပူမှုဖြစ်ပွားစေနိုင်သဖြင့် ပူပန်မိကြောင်းသိရှိရ၏။ကြံ့ဖွံ့အသင်းကြီး၏ တာဝန်ရှိပုဂ္ဂိုလ်ကြီး တစ်ဦးကမူ အခြေခံဥပဒေကို တစ်ယောက်တည်းအတွက် မပြင်ဆင်နိုင်ဟုဆို၏။အာဏာရပါတီမှ လွှတ်တော်အမတ်အများစုနှင့် ကာကွယ်ရေးဦးစီးချုပ်တို့ကား ၉၂% ကျော်လူထုဆန္ဒဖြင့် ထောက်ခံထားခဲ့သည်ဖြစ်၍ မပြင်လိုကြောင်း အသံကုန်ဟစ်ကြ၏။ဤသို့လျှင် ဆြာဒင်နှင့်အဖွဲ့သည် ဧရာဝတီတိုင်းဘိုကလေးမြို့နယ် ကဒုံ၊ကနိ၊ဧရာ၊အမာစသော ပင်လယ်နှင့်ထိစပ်နေသည့် ဒေသများဆီသို့ ရောက်ခဲ့ ကြပြန်လေရာ သောင်မတင်ရေမကျဖြစ်နေဆဲ ပုစ္ဆာ၏အဖြေကို တွက်ထုတ်နိုင်ရန်အလို့ငှာဆက်လက်လုံးပန်းကြရပြန်ပါ၏။
(၅)
"ခြေဥပြင်သင့်မပြင်သင့်"ဟူသော ကိစ္စနှင့်ပတ်သက်၍ မေးမြန်းနိုင်ရန်အလို့ငှာ ရပ်မိရပ်ဖတို့ကို မေတ္တာရပ်ခံတောင်းပန်လေရာ  တစ်ခု သောကွင်းပြင်ကွက်လပ်ကြီးတစ်ခုဆီသို့တက်ရောက်လာကြသော ပြည်သူပရိသတ်တို့ကား သောင်းဂဏန်းမျှပင်ရှိအံ့ထင်၏။ဆြာဒင် ကား ခွေးခြေငယ်တစ်ခုပေါ်တွင် မတ်တပ်ရပ်ရင်း စုရုံးရောက်ရှိလာသောလူထုကြီးအားလိုတိုရှင်းပင်မေးမြန်းသမှုပြုခဲ့ရချေသည်။
"၂၀၀၈ ခြေဥကိုပြင်သင့်မပြင်သင့် ကိုရင်တို့ထင်မြင်ချက်လေး သိပါရစေခင်ဗျာ"
လူထုပရိသတ်သည်ဆြာဒင်၏ အသံကြောင့်မီးကို ရေနှင့်ဖြန်းသကဲ့သို့ ခေတ္တမျှ ငြိမ်သက်သွားပြီးနောက် အသံတချို့ ကွက်ကြားကွက် ကြားထွက်ပေါ်လာ၏။

"ဟာ။ဒီလူတွေ အူကြောင်ကြောင်နဲ့ ဘာတွေလာမေးနေပါလိမ့်"
"အေးလေကွာ။ဘောင်းဘီတွေရှူးဖိနပ်တွေနဲ့ဆိုတော့ နိုင်ငံတကာကူညီထောက်ပံ့ရေးအဖွဲ့ကများလားလို့။လက်စသတ်တော့.."
"တော်တော်အလိုက်ကန်းဆိုးမသိတဲ့လူတွေပဲ"
မည်သို့ပင်တီးတိုးရေရွတ်စကားဆိုနေကြစေကာမူ ဆြာဒင်ကား စိတ်ပျက်အားလျော့ခြင်းမရှိပဲ၊ ဒုတိယမ္ပိမေးခွန်းထုတ်မိပြန်၏။ မေးခွန်းအဆုံးမှာပင် လူထုကြီးထံမှ ကျယ်လောင်လှသော.. "အီး အီး အီး ရွှတ် ရွှတ်"ဟူသည့် ငိုချင်းချသံကြီးသည် အထက်ဘဝဂ် တိုင်လောက်အောင် မြည်ဟည်းဆူညံလျက် ဒေါသတကြီးကြိမ်းမောင်းသံတို့ပါဆက်တိုက်ထွက်ပေါ်လာတော့သည်။

"ကိုချစ်စူရေ။ ရှင့်အလောင်းကိုမကောက်ပဲ ရှင့်လက်ဗွေကို ဇွတ်နှိပ်ပြီးအတည်ပြုဖြစ်သွားတဲ့ဥပဒေကြီးကိုလာကြည့်လှဲ့ပါအုံးတော့"
"နာဂစ်ဖြစ်ပြီလည်းဆိုရော ဘာမှပါမလာ၊လက်ချည်းသက်သက် အခြေအနေလာကြည့်သွားတဲ့ လူတွေရေးတဲ့ဥပဒေကြီးပေါ့"
"၂၀၀၈မှာသူတို့ပွဲပျက်မှာစိုးလို့ နာဂစ်လာမှာသိသိချည်းနဲ့ သတင်းမှောင်ချထားခဲ့ကြတာကွ"
"အမေရိကန်က ထောက်ပံ့ရေးသင်္ဘောတွေ အဝင်မခံခဲ့ဘူးတဲ့ကွာ။ရိုင်းချက်ကတော့ ကမ်းကုန်တယ်"
"အေးလေကွာ။မေးစရာမှမလိုတာ"

"မမေးသင့်မေးခွန်း လာမေးနေတယ်။ ကြာတယ်ကွာ။ဝိုင်းရိုက်ကြ"
"ဟုတ်တယ်။ရိုက်ကွ။ချကွ။နာနာလေးသာရိုက်"
"ခဲနဲ့ထု၊တုတ်နဲ့ပစ်ကြဟေ့။ဆော်ကြကွာ၊ဆော်ကြ"
နောက်ကျသောဖနောင့်သည် ဆြာဒင်တို့၏သစ္စာဖောက်ပေတည်း။ဆရာတပည့်အားလုံး ဘွတ်ဖိနပ်ကိုယ်စီကျွတ်ကျကျန်ခဲ့သည်ကိုပင် မကောက်အား။နောက်မှလိုက်ပါလာသော လူအုပ်ကြီးနှင့်ဝေးရာသို့ တင်ပါးကိုဂျက်တပ်ကာ ခြေကုန်သုတ်ကြရ၏။ဦးခေါင်းထက်ဆီမှ တဝီဝီဝဲပျံနေသည့် ဖိနပ်စုပ်၊တုတ်အပိုင်းအစ၊အုတ်ခဲကျိုးတို့ကို ကျွမ်းကျင်စွာရှောင်တိမ်းပြေးလွှားနေသော ဝင်းကျော်ခိုင်ထံမှ အမော ဖောက်သံကြီးနှင့်အတူ ဝန်ခံစကားတခွန်းသည် မြန်နှုန်းမြင့်ခြေအစုံဖြင့် အသားကုန်ပြေးနေသော ဆြာဒင့်နားစည်တွင်းသို့ လေအဟုန် ဖြင့်ဝင်လာခဲ့လေ၏။

"၉၂%ရာနှုန်းမကလို့။ရာနှုန်းတစ်သောင်းကျော်ရင်လည်း၊သေချာပေါက်ပြင်သင့်တာပေါ့ဆြာဒင်ရယ်။ပြေးနိုင်မှလွတ်မယ်ဆြာဒင်ရေ့"
ဤသို့လျှင် ခြေဥတရားစီရင်ခန်းအပြီး၌ ဆြာဒင့်အပေါ်တပည့်ကျော်တို့၏ ကောင်းချီးမင်္ဂလာသည်တကြိမ်ဖြစ်ပြန်လေသတည်း။

http://7daydaily.com/story/11364#.U31I7Sior90

၂၄။၀၅။၂၀၁၄ ယနေ့ထုတ် ဆဲဗင်းဒေးနေ့စဉ်သတင်းစာ။

ဆြာဒင်နှင့် LIKE ကို LIKE ကြသူများ။

မင်းဒင်

(တစ်)
ဆြာဒင့်အိမ်နောက်ကတောအုပ်ငယ်မှာ ပိန်းပိတ်အောင်မှောင်မိုက်နေ၏။ပုစဉ်းရင်ကွဲသံမှအပ ပတ်ဝန်းကျင်တစ်ခုလုံးတိတ်ဆိတ်ငြိမ် သက်နေသော အကာလညအခါပေတည်း။ သက်ကြီးခေါင်းချချိန်လွန်ခဲ့ပြီ။ အိပ်ယာအနီးစားပွဲပေါ်မှ ဖွင့်လျက်သားကွန်ပြူတာနှင့် ကပ်လျက်ရှိသော မှိန်ပျပျစာကြည့်မီးအလင်းရောင်လဲ့လဲ့အောက်တွင်ဆြာဒင် တစ်ယောက်အိပ်၍မပျော်နိုင်သေးချေ။ အိပ်ယာပေါ်တွင် လှဲလျောင်းလိုက်၊ကွန်ပြူတာရှေ့တွင်ထထိုင်လိုက်၊ဖေ့စ်ဘွတ်နှင့်အလုပ်ရှုပ်လျက်ရှိ၏။အထူးသဖြင့် ကွန်ပြူတာဆီမှ တိန်ကနဲ အသံကြား လျှင် ဆြာဒင်သည် ဇာတ်ကနဲကွန်ပြူတာဆီသို့ထသွားကာ မောက်စ်ခလုပ်ကိုကောက် ကိုင်လှုပ်ယမ်းရင်းတစ်စုံတခုသော အာရုံတွင် စိတ်ဇော ကပ်လျက်ရှိ၏။

ဆြာဒင်၏စိတ်ဇောအာရုံကို ဖမ်းစားညှို့ယူ၊ရတက်ပူစေသည်ကား LIKE ဟူသောအရာပေတည်း။ဖေ့စ်ဘွတ်လောကတွင် LIKE သည် လွန်စွာ အဖိုးတန် လှ၏။LIKE များများရရေးသည် အရေးကြီး၏။LIKE သည်သာဆြာဒင့်ဘဝ၊LIKEသည်သာ ဆြာဒင်၏ကိုးကွယ်ရာ ပေတည်း။
လွန်ခဲ့သောနာရီဝက်ခန့်က ဆြာဒင်၏ဖေ့စ်ဘွတ်တွင် ဆြာဒင်တင်ခဲ့သော စတေးတပ်ကား ..."ဝတ်ကြောင်ကိုလွတ်အောင် ရုန်းမယ်လို့ ကတုံးစိန်ကကြံ"ဟူ၏။ရှေးခေတ်ဗမာဇာတ်မင်းသားကြီးဦးစိန်ကတုံး၏ ညီတော်မင်းနန် နှစ်ပါးသွားမြိုင်ထသီချင်းမှ အပိုင်းအစတစ်ခုမျှ သာဖြစ်လေသည်။ယင်းစတေးတပ်တင်ပြီးသည်၏ နှစ်မိနစ်မရှိတရှိမှာပင် LIKE သူဦးရေ ငါးဆယ် ကျော်လေပြီ။တစ်ဦးသော ဖေ့စ်ဘွတ် မိတ်ဆွေကမူ ဆြာဒင်၏စတေးတပ်ကို မည်သို့သဘောပေါက်လေသည်မသိ၊"အော်.. ဆြာဒင် ကတုံးကေနဲ့ဖြစ်သွားပြီကိုး"ဟု COMMENT မှတ်ချက်ပြု၏။ကိစ္စမရှိလေ။ဆြာဒင့်မျှော်လင့်သည့်အဓိကအချက်မှာ LIKE များများရ ရေးသာ မဟုတ်တုံလော။

သို့အတွက် ဆြာဒင်မှာ ဘုရားရှစ်ခိုးရာတွင်ပင်စိတ်ကမဖြောင့်။သြကာသ၊သြကာသ၊သြကာသ ကာယကံ၊ဝစီကံ၊မနောကံတို့မှ တစ်ပါးပါး သောကံဖြင့်....(အင်း၊ခုလောက်ဆို နောက်ထပ် LIKE ဆယ်ယောက်လောက်တိုးနေရောပေါ့)။သမ္ဗုဒ္ဓေအဋ္ဌဝီသဉ္စ၊ဒွာဒဿဉ္စ၊သဟသကေ၊ (ငါးယောက်လောက်တော့ LIKE စာရင်းမှာထပ်ပြီးLIKE နိုင်ကောင်းပါရဲ့)။အရှေ့အရပ်၌ရှိသော အနန္တစကြာဝဠာ၊အနန္တသတ္တဝါတို့.. (အင်း စကြဝဠာ အနန္တက၊အနန္တသတ္တဝါတွေ အကုန်သာ ဆြာဒင့်စာမျက်နှာကိုLIKE ကြရင်ဖြင့် ဟိုခွဲစိတ်ကုသမားတော်၊ ဖေ့စ်ဘွတ် ဆယ်လစ် ဗရစ်တီကြီးကို ဆြာဒင်မှီရုံမက ရွှတ်ကနဲ ကျော်တက်သွားပေခြိမ့်မည်။LIKE ကြစမ်းဗျာတို့လွတ်လပ်တယ်။
ဆြာဒင်သည်၊ညဥ့်သန်းခေါင်သန်းလွဲ၊ရွှေပြွန်မှရေသွန်ရန်အိပ်ချင်မူးတူး ထမိသည့်အချိန်များတွင်လည်း LIKE အရေအတွက်စစ်ဆေးမိ၏။ ထို့ပြင်တဝ နံနက်မိုးသောက်အလင်းမရောက်မှီ မျက်နှာပင်မသစ်ရသေးချိန်တွင်လည်း LIKEကိုCHECK ရပြန်၏။LIKE သည်သာ ဒင့် ဘဝဒင့်ကမ္ဘာ ဆိုရလေမည်လား။

(နှစ်)
ကွန်ပြူတာအင်တာနက်နှင့်ရင်းနှီးကျွမ်းဝင်ကြပြီးလေသော  ခေတ်ပညာတတ်မြို့ကြီးနေလူငယ်လူရွယ်တို့ကား ဖေ့စ်ဘွတ်ဟု ဆိုလိုက် သည် နှင့်ဒက်ကနဲချက်ချင်း၊ကွင်းကွင်းကွက်ကွက်သိနားလည်ကြမည်ဖြစ်ပေ၏။ အချို့သောကျေးလက်တောရွာနေ လူတန်းစားနှင့် အင်တာနက်ခေတ်ကို မျက်ခြေပြတ်ကျန်ခဲ့ကြသူ၊ သက်ကြီးရွယ်အိုတို့အတွက်မူ ဖေ့စ်ဘွတ်တည်းဟူသည့် စကားရပ်ကိုရှင်းလင်းရန် လိုအပ်မည်ဟုထင်မိ၏။

ဖေ့စ်ဘွတ်စာမျက်နှာကို တီထွင်ကြံဆခဲ့သူမှာ အမေရိကန်နိုင်ငံသား မတ်ဇူကာဘတ်အမည်ရှိလူငယ်ဖြစ်ချေ၏။ယခုစာရေးနေချိန်တွင်ပင် အသက်အားဖြင့် ၂၉နှစ်သာရှိသေးသော မတ်ဇူကာဘတ်သည် ခရစ်နှစ်၂၀၀၂ခုနှစ်တွင် ဖေ့စ်ဘွတ်စာမျက်နှာကို စတင်တီထွင်ခဲ့ပြီး ယခုလက်ရှိအချိန်တွင် အသုံးပြုသူဦးရေ သန်းထောင်ချီရှိကာ ကမ္ဘာ့အကြွယ်ဝဆုံးပုဂ္ဂိုလ်စာရင်းဝင်ခဲ့သူဟုလည်းဆိုပါ၏။
ဖေ့စ်ဘွတ်သည် နဂိုမူလက ဟားဗတ်တက္ကသိုလ်ကျောင်းတော်သားများအချင်းချင်း မိတ်ဆွေသင်္ဂဟတိုးပွားစေသည့် အင်တာနက် စာမျက်နှာတစ်ခုသာဖြစ်သော်ငြား လက်ရှိကာလတွင်မူ တကမ္ဘာလုံးမှ အသုံးပြုသူများအချင်းချင်း အချိန်မရွေးမိတ်ရင်းဆွေချာဖြစ်နိုင် သည့် ဧရာမလူမှုကွန်ယက်ကြီးတစ်ခုဖြစ်နေချေပြီ။

မေးလ်အကောင့်တစ်ခုရှိလျှင်မည်သူမဆိုဖေ့စ်ဘွတ်အကောင့်တစ်ခုအချိန်မရွေးဖွင့်နိုင်၏။ဖေ့စ်ဘွတ်စာမျက်နှာတွင် ဓာတ်ပုံတို့ကို တင်နိုင် ရုံမက မိမိဘဝထုပ္ပတ်နှင့် ခံစားချက်အသီးသီးကိုလည်း ရင်ဖွင့်နိုင်ပြန်လေသည်။ရံခါမျှမမြင်မတွေ့ဘူးသူ၏ ကိုယ်ရေးအချက်အလက် အကျဉ်းကိုရုတ်ခြည်းသိနိုင်ကာ မိတ်ဆွေဖွဲ့လိုက ဖိတ်ခေါ်နိုင်၏။ထို့အတူ မိတ်ဆွေ ဖြစ်ရန် ကမ်းလှမ်းချက်ကို လက်ခံနိုင် ၏။ ထို့ပြင်မိမိ စိတ်ဝယ်ဘဝင်မကျသူအား အချိန်မရွေး မိတ်ဆွေစာရင်းမှပယ်ဖျက်နိုင်ပြန်၏။ ထိုမျှမကမက်ဆေ့ခ်ျဘောက်မှ အခြေအတင် စကား ဆိုနိုင်လေ၏။ ဖေ့စ် ဘွတ်နှင့်ပတ်သက်၍ စိတ်ဝင်စားဖွယ်ရာအချက်အလက်တို့ကား များမြောင်လှသည်ဖြစ်ရာ စာလေးအံ့မည် ထင်မိ သဖြင့် ယခုမျှဖော်ပြလျှင် သင့်တော်လုံလောက်ပေပြီဟုဆိုနိုင်လင့်ကစား အထူးအရေး ကြီးသည့် အချက်တစ်ချက်မူ ကျန်ရစ်နေ သေး၏။

ဖေ့စ်ဘွတ်တွင် LIKE,COMMENT နှင့် SHARE တည်းဟူသော အရေးကြီးသည့် ကဏ္ဍသုံးရပ်ရှိ၏။ရေးသားတင်ပြထားသည့် စာသား သို့မဟုတ် ဓာတ်ပုံတစ်ခုခုကိုနှစ်သက်သဘောကျပါက LIKE ဟူသောလက်မထောင်ထားသည့်သင်္ကေတနေရာလေးကို နှိပ်ခြင်း ဖြင့်ဖော်ပြနိုင်၏။ထို့ထက်ပို၍ အဆိုပါတင်ပြချက်အပေါ်သဘောထားမှတ်ချက်တစ်စုံတစ်ရာပေးလိုပါက COMMENT ဟူသောနေရာတွင် ဖော်ပြရေးသားနိုင်၏။အများသိစေလိုပါမူ SHARE ခြင်းဖြင့်မျှဝေနိုင်လေ၏။COMMENT မှတ်ချက်နှင့် မျှဝေ SHARE တို့မှာ တကူးတက လုပ်ဆောင်ရသော်ငြား LIKE နှစ်သက်ခြင်းမှာ အလွယ်တကူအပန်းမကြီး ပြုနိုင်သည်ဖြစ်ရာ ဖေ့စ်ဘွတ်အသုံးပြုသူအများစုမှာ LIKE ကို အကြိုက်ကြီးကြိုက်ကြသည်ဟူသတတ်။
(သုံး)
လူထဲကလူပင်ဖြစ်၍ ဖေ့စ်ဘွတ်သုံးနေသော ဆြာဒင်သည်လည်း LIKE ကိုကြိုက်လှချေ၏။ LIKE သည်ဆြာဒင့်စိတ်ကိုကြည်နူးစေ၏။ မိမိ၏ ဖော်ပြချက်STATUS ကို LIKE ကြစေရန်အလို့ငှာ ဘုတ်ကျီးမြှောက်၊ကျီးဘုတ်မြှောက်ဆိုရိုးစကားနှင့်အညီ သူတစ်ပါး၏ ဖော်ပြ ချက်တို့ကိုလည်း ဂရုဓမ္မပြု၍LIKE ရ၏။ရံဖန်ရံခါ မက်ဆေ့ခ်ျဘောက်မှနေ၍ ခင်မင်ရင်းနှီးသူအချို့သို့ မိမိ၏ဖော်ပြချက်အား LIKE ပေးပါ ရန် တိတ်တခိုးမေတ္တာရပ်ခံရသည့်နည်းတူ အပြန်အလှန်အားဖြင့်အခြားသူ၏တိတ်တခိုးမေတ္တာရပ်ခံချက်ကိုလက်ခံလိုက်နာကာ LIKE ပေးရသည်လည်း ရှိတတ်ပေပြန်သည်။ဆြာဒင် ဖေ့စ်ဘွတ်ဝါးမဝခင်ကသော်

အငြိမ်းစားအထက်တန်းကျောင်းအုပ်ဆရာမကြီး၏ .. "ဆြာဒင်တို့များ LIKE ကလေးတချက်နှိပ်ရမှာတောင် တွန့်တိုနေလိုက်တာ"ဟူ၍စကားနာထိုးခံခဲ့ရဖူးသော်ငြားနောင်သော် အကင်းပါးလှ သည့်ဆြာဒင်သည် ဆရာမကြီးတင်ပြအပ်သော ခွေးပုံကြောင်ပုံပါမကျန် တင်လိုက်သည်နှင့် LIKE ပြီးဖြစ်နေခဲ့လေသည်။ထို့အတူ ဆရာမ ကြီးသည်လည်း ဆြာဒင်၏.."ဗိုက်တင်းလိုက်တာ၊ပျင်းချက်"ဟူသော စတေးတပ်မျိုးကို မဆုတ်မဆိုင်း LIKE ပေးခဲ့ချေသည်။ ဤသည်ပင် ဖေ့စ်ဘွတ် သွေးစည်းညီညွတ်ပေတကား။သို့မှသာ ဖေ့စ်ဘွတ်သင်္ဂဟလူထူထူစုံမိချိန်တွင် "ကျုပ်စတေးတပ်ကို LIKE ကြတာ ရာချီပြီ"ဟု လက်မထောင်ရင်ကော့ကာ၊ခပ်မော့မော့ဝင့်ကြွားနိုင်မည်မဟုတ်ချေလော။

ဖေ့စ်ဘွတ်တွင် ကျွန်းကိုင်းမှီ၊ကိုင်းကျွန်းမှီတည်းဟူသော အပြန်အလှန်အကျိုးပြုအပ်သည့် အညမညသဘောတရားသည်ပိုမိုပေါ်လွင် ထင်ရှားပေသည်။ဆြာဒင်သည် ဖေ့စ်ဘွတ်မိတ်သဟာအပေါင်း၏လက်ဖက်သုတ်၊ဂျင်းသုတ် အသုတ်စုံ ဓာတ်ပုံ တို့ကိုလည်း မဆိုင်းမတွ LIKE ၏။"ဗိုက်တွေရစ်ရစ်ပြီး နာနေ တယ်၊ အီးအီးပါလိုက်တော့ဇိမ်ပဲ"ဟူသောစတေးတပ်ကိုလည်း အလွတ်မပေး။"ဝမ်းသွားလိုက်တော့ တကိုယ်လုံးပေါ့ပါးသွား တယ်"ဟူသည့်ချက်ကျလက်ကျ၊ကျန်းမာရေးအမြင်ကိုလည်း ကြိုက်လွန်းသဖြင့် ဆြာဒင် LIKE၏။"အားလုံးကို ထီး ထင်တယ်"ဟူသည် ဖရုဿဝါစာတို့ကိုလည်း

ထို့နည်းလည်းကောင်း၊"သားသား မိန်းမလိုချင်ပြီမေမေ""ဘယ်ယောက်ျားကိုမဆို သမီးချစ် ပါရစေမေမေ"ဟူသည့်၊ဘယ်အမေကိုတမ်းတမှန်းမသိလေသည့်မေမေတမ်းချင်းတို့ ကိုလည်း မလွတ်စေရ။ ရင်သားနှင့် တင်ပါးကို အဓိကထားဦးစားပေး ဖော်ပြသည့် မော်ဒယ်လေးတို့၏ ရုပ်ပုံတို့ကိုလည်း ဆြာဒင့် အနေဖြင့် မျက်နှာမငယ်စေရ။LIKE , LIKE, LIKe မြဲLIKEပေ၏။
ထို့အတူရင်းနှီးချစ်ခင်လှစွာသော ဖေ့စ်ဘွတ်မိတ်ဆွေတို့ကလည်း ဆြာဒင်၏

"ချစ်ဦးဒင့်ထံပြန်လာပါ"၊ "မချောသုံးယောက်ဒင်တစ် ယောက်"၊ "သူများနဲ့ညားတဲ့ဒင့်ရည်းစားသို့"၊ "သူသာဒင့်ဘဝ၊သူသာဒင့်ရဲ့ကမ္ဘာ"၊ "ဒင့်အပြင်နောက်လင်မရှာလိုက်ပါနဲ့"၊ "ဒင့်အချစ်နဲ့ အရာရာကို အကောင်း အတိုင်းဖြစ်စေမယ်"အစရှိသည့် အရည်မရအဖတ်မရ၊ပေါက်တတ်ကရသီချင်းအပိုင်းအစတို့ကို မေတ္တာရှေ့ထား၊ စေတနာ ဗလဗွနှင့် ရုတ်ရုတ်သည်းသည်း၊LIKE၍မစဲ၊LIKEမြဲLIKE တော်မူကြလေသည်တကား။ဤသို့လျှင်ဆြာဒင်နှင့်သူသူငါငါ ဖေ့စ်ဘွတ် အကောင့်ပိုင်ရှင် အသီးသီးသည် LIKE များစွာကို ပိုင်ဆိုင်သည့် ဖေ့စ်ဘွတ်ဆယ်လီဗရစ်တီ ဖြစ်လာကြစေရေးငှာ အလောင်း တော် မဟာဇနက္ကမင်းသား၏မတွန့်မဆုတ်သောဇွဲနဘဲကိုအတုယူလျက်၊ လုံ့လဝီရိယကိုယ်စီဖြင့် အပတ်တကုတ်ကြိုးပမ်း အားထုတ် တော်မူကြလေကုန်သည်တမုံ့။

(လေး)
ထိုသို့ဖြင့် ဆြာဒင်တစ်ယောက် သူ၏ဖေ့စ်ဘွတ်စာမျက်နှာတွင် LIKEများနှင့်ရွှင်မြူးကခုန်ကာ LIKE၍ LIKEကာ LIKE လာကြရာမှ တစ်နေ့တွင်မူ ဆြာဒင်သည် ရုတ်ခြည်းဆိုသလို သူသူငါငါလူတစ်ကာတို့မရှောင်လွှဲနိုင်သော ဇရာမှမြစ်ဖျားခံလေသည့်ဗျာဒိတည်းဟူ သော ဘေးကြောင့် ကောက်ကာငင်ကာ အဖျားကြီးဖျားပါလေတော့သည်။ဆြာဒင်ကား ဖေ့စ်ဘွတ်ဆီသို့စိတ်မရောက်နိုင်သည့်တိုင် ဖေ့စ် ဘွတ်ဖော်သဟာ မိတ်ရင်းဆွေချာတို့ထံ မိမိမမာမချာဖြစ်နေသည့် သတင်းစကားကိုမူပါးလိုလှသည်ဖြစ်၍ ငန်းနီကျော်တထုတ်ကို ကွမ်းရွက်ပြုတ်ရည်နှင့် အံကြိတ်မျိုချပြီးသကာလ စောင်ထူထူခြုံလျက် ချွေးထုတ်နေချိန်တွင် .."အို၊အဆွေတော်တို့၊ ဆြာဒင်မကျန်းမမာ ဖြစ်လျက်ရှိပါ၏"ဟူသည့်

စတေးတပ်အတိုလေးကို ရေးတင်မိသည်၏။တခဏတွင် ဖေ့စ်ဘွတ်မင်းပရိသတ်တစ်ထောင်ကျော်သည် အုတ်အာသရဲ LIKE ကြလေ ကုန်၏။တစ်စုံတစ်ရာဖြင့်မှားယွင်းနေလေပြီ။LIKE ဟူသော စကားကို အင်္ဂလိပ်မြန်မာအဘိဓာန်၌ ကြိုက်သည်။နှစ်သက်သည်ဟု အဓိပ္ပါယ်ဖွင့်ဆိုလေရာ ဆြာဒင် နေထိုင်မကောင်းဖြစ်ခြင်းကို သင်းတို့ ဝမ်းမြောက်ဝမ်းသာရှိကြ လေကုန် သလော။ဆြာဒင်ကား စိတ်မဆိုးသော်လည်း ကျွဲမြီးတိုမိသည်မှာ အမှန်ဖြစ်ချေသည်။ဒင့်ကိုသေစေညွန်းရော့လေသလား။

သို့နှင့်ဆြာဒင်နလံမထူနိုင်သေးချိန်တွင် ဇာတိရွှေပင်ရွာမှ ဆြာဒင်လေးစားချစ်ခင်ရသည့် အသက်ရှယ်ဆယ်အရွယ် အရီးလေးမငွေမြိုင် အနာရောဂါ ဖိစီးသဖြင့်အိပ်ယာထက်တွင်လဲနေကြောင်း သတင်းစကားပါးသည့် သံကြိုးကြေးနန်းစာတစောင်သည်လည်း ဆြာဒင့် ထံရောက် လာပြန်လေရာ အဆိုပါစာကို ဆမ်ဆောင်းလက်ကိုင်ဖုန်းဖြင့် ဓာတ်ပုံရိုက်လျက် ဖေ့စ်ဘွတ်တွင်တင်မိသည့်အခါတွင်လည်း ဖေ့စ်ဘွတ် မိတ်ဆွေအပေါင်းတို့သည်သောင်းသောင်းဖျဖျLIKEကြပြန်လေ၏။

ဆြာဒင်ထောင်းကနဲအမျက်ထွက်မိ၏။ အဘယ်ရန်ငြိုး ကြောင့်အရီးလေးမမာသည်ကို LIKEကြပါ သနည်း။LIKE သူများကို ဘလော့လျက် ငယ်စာရင်းဖျက်၍လည်းမသင့်တော်ပြန်ချေသေး။
မကြာမီမှာပင် အရီးလေးမငွေမြိုင်၏ဝေဒနာသည် သက်သာပျောက်ကင်းခြင်းမရှိပဲ ဘုရားရဟန္တာတို့သော်မှ မလွန်ဆန်နိုင်သည့် သင်္ခါရ တရားသဘောအတိုင်းဘဝတပါးသို့ပြောင်းသွားကွယ်လွန်လေရာ ဆြာဒင်မှာ ယူကြုံးမရအပူလုံးကြွလျက် ဖြေဆည်ရာရလိုရငြား အရီး လေး ၏နာရေးကြော်ငြာကြေးမုံသတင်းစာဖြတ်ပိုင်းဓာတ်ပုံကို ဖေ့စ်ဘွတ်တွင်၊တင်သည့်အခါတွင်လည်း ရှေးနည်းနှင်နှင်တွင်တွင်ကြီး LIKE ကြပြန်ကုန်၏။ ဆြာဒင်၏ဒေါသစိတ်ကား ငယ်ထိပ်သို့တက်လေပြီ။ လွန်စွာအလိုက်ကန်းဆိုးမသိချက်ကား ကမ်းကုန်လှပေ၏။ သောက ပရိဒေဝ များနှင့်ယှဉ်သော ဒေါသတရားကြောင့်

.."ခင်ဗျားတို့လူစကားမှနားလည်ကြသေးရဲ့လား။ကျုပ်အရီးလေးသေတာ LIKE စရာလားဗျာ။"ဟူသော ပြစ်တင်ကြိမ်းမောင်းသည့် ခပ်ကြမ်းကြမ်းစတေးတပ်ကို တင်လိုက်ချိန်တွင်ကား LIKE အရေအတွက် ကိုပြ ဆိုသည့် ကိန်းဂဏန်းရာပေါင်းများစွာ ရုတ်ခြည်းတိုးပွားလာပြန်တော့သတည်း။LIKE၍မစဲ၊တသဲသဲပင်။ဆြာဒင် LIKE ကိုမုန်းမိလေပြီ။

(ငါး)
ဆြာဒင်ကား LIKE သံသရာ၊LIKE ဝဲသြဂ၊LIKEဂယက်တွင်းသို့သက်ဆင်းနေကြသူများ၏ ဖြစ်အင်ကို ရိပ်စားမိချေပြီ။ ဖေ့စ်ဘွတ်မိတ်ဆွေတို့ ၏ပေါ်လစီကား ဘာစာကိုမျှမဖတ်၊ဘာလာလာLIKE၊ ဘာရေးရေးLIKE၊ ရမ်းLIKE၊စွတ်LIKEသည့်မူပေတကား။ ဖိုးLIKEချင်၊ မယ်LIKE ချင်၊ ဦးLIKEချင်၊ ကိုLIKEချင်၊ဒေါ်LIKEချင်တို့များလှလေသည်တကား။

အာယုအသက်အားဖြင့်လည်းကောင်း၊ ဥာဏံဥာဏ်အား ဖြင့် လည်းကောင်း ကြီးမြင့်လှသည့် ဆြာဒင်သည်ခွန်းကြီးခွန်းငယ် အချေအတင်ပြုရန် မသင့်တော်သည် လေရကား၊ ခွေးပါးအမြီးကုပ်၊ လူပါး နောက်ဆုတ်ဆိုဘိသကဲ့သို့ လူကင်းပါး သူတစ်ယောက်ဖြစ်သည့်အားလျော်စွာ၊ နေသေးသပ၊ခြုံထဲက၊ ဂျိုသွေး တမြမြဟူသော စကား အတိုင်း ဒင်းတို့ကိုယ်တိုင်နှင့်ဆွေမျိုးရင်းချာ မိတ်သဟာများ နာမကျန်းသည့်အခါ၊ နာရေးကြုံလာသည့် စတေးတပ်တင်လာသည့်အခိုက်တွင်မှ ဆြာဒင် အနေဖြင့် လက်မနှေးပဲ အပြေး LIKE ရန်သာ တေးမှတ်ထားလိုက်ရချေတော့သတည်း။ ။

http://7daydaily.com/story/11506#.U3_kxSior90

၂၇၊၀၅၊၂၀၁၄ နေ့ထုတ် ဆဲဗင်းဒေးနေ့စဉ်သတင်းစာ။

http://7daydaily.com/story/11723#.U4PaKSior90

ဆြာဒင်၏ကျပ်နှစ်ထောင်တန်အာချောင်မှုတရားစီရင်ခန်း

(မင်းဒင်)

(၁)
"တွေးတွေးပြီးတော့ တဝဲလည်လည်၊ မျှော်လင့်ချက်ရည်ရွယ်ချက်တွေ ကင်းမဲ့ယွင်းခဲ့လေတယ်။ကိုယ်တစ်ယောက်တည်း အတွေးဗိမာန် ကြီး တည်ဆောက်ကာရယ်။ စိတ်ကူးယဉ်သက်သက် မှတ်ချက်တွေရေးကာ ဆိုဖူးခဲ့တဲ့တေးသံဝယ် ရေပြင်ကိုကြည့်ကာကြည်ကာ ကြည်နူးမှုရဲ့အရိပ်ဝယ် နှစ်သက်စရာစကားတွေနဲ့ ဖောင်ဖွဲ့ကာပဲ ကမ်းခြေဇေယျာဦးဝယ် မှန်းခြွေမေလာမှူးမယ် လွမ်းနေ၊နေပါဘူးကွယ် ကမ်းခြေဇေယျာဦးဝယ်"

တေးပြုစာဆိုကိုလှမိုး၊တေးသံရှင်ကိုခင်လတ်၏"ကမ်းခြေဇေယျာဦး"အမည်ရှိ ခေတ်ဟောင်းဂန္တဝင်တေးတပုဒ်ကို ဆြာဒင်တေးသီကျူးနေ သည့်အရပ်ဒေသကား စစ်ကိုင်းမြို့အနီးမှ ဧရာဝတီမြစ်ကမ်းပါးတွင်မဟုတ်မူပဲ၊ဖူးခက်မြို့အမ်မခန်အရပ်ရှိ အိမ်အိုကြီးတစ်လုံးတည်ရှိရာ ခြံကျယ်ကြီးတစ်ခု၏ရှေ့မှ ကွန်ကရစ်ရေမြောင်းဘေးတွင် ဖြစ်ချေ၏။နေလုံးနီနီသည် ညနေစောင်းအချိန်မို့အနောက်ဂေါယာကျွန်းဆီ ယွန်းလုလုအချိန်တွင် ဆြာဒင်၏အိမ်ပေါက်တစ်ဒါဇင်ကျော်မျှသော ကြောင်အုပ်၏ဖင်သရမ်းမှုကြောင့် အိမ့်အနောက်တောအုပ်ဆီမှ တိုက်ခတ်လာသည့် လေနုအေးသည် ကြောင်ချေးနံ့ဖြင့် သင်းပျံ့လျက်ရှိလေ၏။

"ဆြာဒင်၊ပေါင်ချိန်ရှိပါသလားရှင်"
ဆြာဒင့်နောက်ကျောဘက်ဆီမှ ရုတ်တရက်ကြားလိုက်ရသော အသံကြောင့် ဆတ်ကနဲသမင်လည်ပြန်စောင်းငဲ့ကြည့်မိသည့်အခါ တွင် ကား ခပ်နွမ်းနွမ်းအဝတ်အစား၊အသက်အားဖြင့်လေးဆယ်ကျော်ခန့်ရှိမည့် ခပ်ရွယ်ရွယ်အမျိုးသမီးတစ်ဦးကို တွေ့မြင်ရလေ၏။ သူသည် နှပ်ချေးတွဲလောင်းနှင့်သုံးနှစ်အရွယ်ကလေးတစ်ဦးကို ခါးထစ်ခွင်လျက်ရှိ၏။သူ့နံဘေးတွင်မူ ခင်ပွန်းယောက်ျားဖြစ်ဟန်ရှိသည့် ညောင်နာ နာ လူရွယ်တစ်ဦးသည်လည်း နှုတ်နည်းစွာ ငူငူကြီးရပ်လျက်ရှိ၏။အဆိုပါအမျိုးသမီးကြီးကို အကဲခတ်ရသည်မှာ အကြောက် အလန့် ရှိပုံမရပဲ မှန်ရာကို ဟောဟောဒိုင်းလုပ်ရဲကိုင်ရဲဇတ်ဇတ်ကြဲဖြစ်ပုံရ၏။မည်သို့ဆိုစေ သူ့အမေးကို ဆြာဒင်တစ်ယောက်တည်ငြိမ် အေးဆေး စွာပင် ဖြေဆိုသမှုပြုလိုက်ရပေသည်။
"ပေါင်ချိန်ချင်ရင် အိမ်ထဲမှာ ရှိလေရဲ့။ကီလိုပါ ချိန်လို့ရပါတယ်လေ၊အထဲကိုကြွပြီး ချိန်ချင်တာသာ ချိန်ပါလေတော့"

"ဟင်း ဆြာဒင်ပြောင်ချော်ချော်မလုပ်ပါနဲ့၊ကျမတွေ့ချင်တာက တရားသူကြီး မျက်နှာမည်းပေါင်ချိန်ရှင့်၊အမှုဖွင့်ချင်လို့"
ငယ်ထိပ်ကို တည့်တည့်ထုကာမှ စဉ်းငယ်ရိပ်မိခဲ့ရချေပြီ။သည်သူငယ်မကား မတရားမှုသို့တည်းမဟုတ် မကျေနပ်ချက် တစ်စုံတစ်ရာ ရှိ ဟန်တူပေရာ ဆြာဒင်မှာ ဖြစ်ကြောင်းကုန်စင်ကို သိနိုင်ရန်အလို့ငှာ အိမ်တွင်းသိုကြွပါမည့်အကြောင်း ဖိတ်ခေါ်သမှုပြုလိုက်ရလေသည်။
"ဆြာဒင်လိုလူမျိုးနဲ့ နဖူးတွေ့ဒူးတွေ့နေကမင့်ဟာ၊ပေါင်ချိန်ကို ရှာစရာလိုသေးလား မယ်မင်းကြီးမရယ်။ဆြာဒင်ရဲ့ ရုံးတော်ရှေ့က စည်ကြီး ကိုသာတီးလိုက်ပါလေ။အဲ၊အိမ်အတွင်းသို့သာကြွပါလေ။ရွှေဉာဏ်တော်ကလော်တိုင်းထွက်လေသည့် ဆြာဒင်၏မဟာ ဖြုတ်ဦးနှောက် ဖြင့် တရားမျှတမှုကို ဖြစ်စေပါအံ့"

(၂)
ပေါင်ထင်းလျှန်ဟုအမည်ကျော်ကြားလေသည့် ပညာရှိခုံသမာဓိတရားသူကြီးမင်းကား တရားတဘောင်အမှုအခင်းကြီးငယ်တို့တွင်  မှူးကြီးမတ်ရာသေနာပတိမဆိုထားနှင့်၊မင်းဧရာဇ်နှင့် မိဖုရားကိုသာမက ဧကရာဇ်၏မယ်တော်ကိုပင် ညှာတာသက်သာခွင့်မပေး အစဉ် အမြဲတော်တည့်မှန်ကန်စွာ ဆုံးဖြတ်ခဲ့လေသည့်  စိနရာဇဝင်ထဲမှ ပုဂ္ဂိုလ်ကျော် တစ်ဦးဖြစ်ပေတည်း။သူ၏ကြောင်းရာဗျုပ္ပတ်ကို လွန်ခဲ့ သောဆယ်စုနှစ်များဆီက မြဝတီရုပ်မြင်သံကြားဇာတ်လမ်းတွဲများမှတစ်ဆင့် မြန်မာပြည်သူတို့ရင်းနှီးခဲ့ကြချေသည်။ ဤသူ ငယ်မ သည် အသိဉာဏ်နုံနဲ့သည့်အားလျော်စွာ ပေါင်ချိန်တည်းဟူသော တရားသူကြီးသည် ယခုထက်တိုင်သက်ရှိထင်ရှားရှိနေ လေသေးသည် ဟုထင်မြင်နေခြင်း ဖြစ်တန်ရာသည်။

"ကဲ၊မယ်မင်း၊အဘယ်သော အမှုကို အဘယ်အတွက်ကြောင့်ဖွင့်လိုပါသနည်း။ဆြာဒင်နှင့်ဆုံတွေ့ကြပြီဖြစ်၍ ဆြာဒင်သည်ပေါင်ချိန်ထက် သာလွန်ထက်မြက်ရဲဝံ့သူဖြစ်သည့်အားလျော်စွာ မယ်မင်း၏တိုင်ချက်ကို လက်ခံကြားနာပါအံ့"
"ဆြာဒင် မလုပ်ရဲလောက်ဘူးနော်"
ဆြာဒင့်ရှေ့တွင် ပုဆစ်တုပ်လျက်ပျဝပ်ကျိုးနွံစွာရှိနေသည့် တရားလိုသူငယ်မ၏သတိပေးစကားကြောင့် ဆြာဒင့်ရင်မှာ ထိတ်ကနဲဖြစ်သွား သော်ငြား ဟန်ကိုယ်ဖို့ဟူသောဆိုရိုးရှိသည်မဟုတ်တုံလော။
"ဆိုမှာသာဆိုပါလေမယ်မင်း၊ဇမ္ဗူထိပ်မင်းကရာဇ်တို့၏မတရားမှုကိုသော်မှ ဆြာဒင်၏အသက်ကိုစွန့်လျက် မှန်ရာကိုဖြစ်စေပါအံ့၊ အဘယ် အမှုပေနည်း"

"အာချောင်မှုပါဆြာဒင်၊ကျူးလွန်သူက ဒုသမ္မတပါ"
"ဟေ"
ဆြာဒင်မှာဟေတစ်လုံးသာအော်နိုင်လျက် တကိုယ်လုံးကြက်သီးဖျန်းကနဲထသွားပြန်သော်တည့် မရဲသော်လည်းပြေးခဲစေ ဟုပညာရှိတို့ ဆိုလေရာ ယင်းသူငယ်မ၏လျှောက်တင်ချက်ကို ဟန်မပျက်ရှေ့ဆက်နားထောင်ရပြန်၏။
"ကျွန်တော်မတို့လင်မယားယိုးဒယားပြည်ဖူးခက်ကိုရောက်နေတာ ဆယ့်ငါးနှစ်ဝန်းကျင်ရှိပါပြီဆြာဒင်၊စားဝတ်နေရေးချောင်လည်ရုံ ဝင်ငွေ ရရေး အတွက် တစ်နေ့ဆယ့်နှစ်နာရီမျှ ပင်ပန်းဆင်းရဲစွာလုပ်ခဲ့ရသော်ငြား ထိုင်းပုလိပ်တို့နှိပ်စက်သည်ကြောင့် ဝမ်းဝသော်ငြား နေ့စဉ်နှင့် အမျှ ကျီးလန့်စာစား ဖြစ်ရပါသည်။ယခုအခါ ဇာတိရွာတွင်ဒီမိုကရေစီစံနစ်ထွန်းကားပြီးဖြစ်၍ မိခင်တိုင်းပြည်မှာပင် ရရာ အလုပ်ဖြင့် ကျိုးကုပ်အသက်မွေးရန်စီစဉ်ဆဲတခဏ၌ ဒုသမ္မတမင်း၏ တစ်နေ့နှစ်ထောင်ကျပ်ဖြင့် ထမင်းနပ်မှန်သည်ဟူသော အာချောင်စကား ကြောင့် ကျွန်တော်မတို့မှာ ဂယောင်ခြောက်ချား နေရပ်သို့ပြန်နိုင်အင်အားမရှိတော့ပဲ၊ ယိုးဒယားပြည်တွင်သာ ကျွန်သက်ဆက် ရှည်ဖွယ် ရှိပါသဖြင့် လိုအပ်သလို ထိရောက်စွာအရေးယူပေးစေချင်ပါသည်ဆြာဒင်ရှင့်"

(၃)
ဤသူငယ်မကား အပြောအဆိုချက်ချာပေစွ။အမည်နာမကား မရွှေတုတ်ဟုတွင်၏။ မင်းဘေးစိုးဘေးကိုမကြောက်ရွံ့ယောင်တကား၊ ခင်ပွန်းဖြစ်သူဥပဓိရုပ်စုတ်ချာချာငနဲကမူ ယောင်တီးယောင်အနှင့်ကလေးငယ်၏နှပ်ချေးဖတ်တို့ကို အလုပ်မရှိအလုပ်ရှာ ငြင်သာစွာခွာ လျက်ရှိ၏။ဆြာဒင်သည် ဒုသမ္မတဟူသောာ အမည် နာမကိုကြားရကာစပင်လျှင် ဒူးတတဆတ်ဆတ်တုန်လျက်ရှိသည့်ကြားမှ မရဲဘဲ ကျွဲပြဲစီးမိပြီဖြစ်၍ ပေါက်သည့်နဖူးမထူးတော့ပြီမို့ ရှိစုမဲ့ နတ်မောက်ရွှေပင်ဇာတိသွေးကို ဇွန်းခြစ်ခြစ်ကာ မာန်ပါပါဖြင့်အောက်ပါ အတိုင်း မြွက်ဟစကားဆိုလေ၏။
"သူငယ်မ၊ကောင်းလှပေပြီ။ကျွန်သက်ရှည်မည့်အရေးမှာ တွေးထိုက်လှပေသည်။ခုံသမာဓိမင်းတို့မည်သည် ငွေကြေး၊သြဇာအာဏာတို့ကို ထိတ်လန့်တုန်လှုပ်ခြင်းကင်းလျက် မှန်ရာကိုဖြောင့်မတ်စွာ ဆုံးဖြတ်ရာသည်ချည်းဖြစ်၍အဂတိတရားလေးငါးတို့မှ ကင်းစေ ရာ၏။ အဆိုပါအရေး ကိစ္စတွင် ထိုပုဂ္ဂိုလ်သည် မည်သည့်အတွက်ကြောင့် ဤသို့အာချောင်ရကြောင်းဆြာဒင်သိသော်ငြား အများပြည်သူ ထင်သာမြင်သာရှိရန် အလို့ငှာ တပည့်ကျော် လေမင်းသား၊ကပ္ပလီနှင့်ဖေကြည်ခေါ်အာရုံတို့ကို စနည်းနာရန်အလို့ငှာ အချင်းဖြစ်ဇာတိမြေ သို့ ယခုပင်စေလွှတ် ပေအံ့။နောက်လေးဆယ့်ရှစ်နာရီအကြာတွင် တရားလိုသူငယ်မနှင့်တကွ မင်းပရိတ်တို့သည် ဆြာဒင်၏ အိမ်ဂေဟာ တွင် စုရုံးကြကုန်လော့"

ထိုသို့လျှင် ဆြာဒင်သည် အခင်းဖြစ်အမှုတွင်ပြစ်မှုကျူးလွန်သည်ဟုသံသယဖြစ်၊စွပ်စွဲခြင်းခံရသူဒုသမ္မတစံမြန်းရာ နေပြည်တော်သို့ တပည့်ကျော်တို့အား တစ်ဦးလျှင် ထိုင်းဘတ်နှစ်ထောင်၊ဗမာငွေအားဖြင့် ကျပ်ခြောက်သောင်းစီထုတ်ပေးလျက် ဖူးခက်မှသည်ရနောင်း ၊ထိုမှ ရေလမ်းခရီးဖြင့် ကော့သောင်းမြို့သို့ကူးဖြတ်စေလျက် နေပြည်တော် သို့ ကုန်းလမ်းခရီးပြင်းနှင်စေရန် ညွန်ကြားစေလွှတ် လေသည်။

ထို့မှ နှစ်ရက်ကာလပြည့်မြောက်သည့်နေ့တွင် တပည့်ကျော်သုံးဦးဘေးမသီရန်မခပြန်လည်ရောက်ရှိလာကြရာ ဆြာဒင်သည် အိမ်တော်တွင် အသင့်ရောက်ရှိနေကြသည့် တရားလို မရွှေတုတ်နှင့် ဆြာဒင်၏ တရားစီရင်ခန်းသတင်းအစအနကို ကြားသိကြ လေ သည့်အနီးအဝေးမှ ဧည့်ပရိသတ်များ ရှေ့မှောက်တွင် တပည့်ကျော်တို့ စနည်းနာ သိရှိမှတ်သား လာသမျှ အကြောင်းခြင်းရာ အပြည့်အစုံ ကို မခြွင်းမချန်ဖွင့်ဟပြောဆိုစေတော့၏။
ထိုအခါ တရားလိုနှင့်မရွှေတုတ်အပါအဝင် ပရိသတ်အပေါင်းမှာ နားရွက်မျှပင် မခတ်နိုင်ကြပဲ အပ်ကျသံပင်ကြားရအောင်တုတ်တုတ်မျှ မလှုပ်ကြဘဲ ဆြာဒင်၏ပညာဉာဏ်စွမ်းကို ရင်သပ်ရှုမော အံ့ဘနန်းကြီးစွာရှိလှသည့် မျက်နှာပေးကိုယ်စီဖြင့် ငံ့လင့်ကြကုန်၏။

(၄)
တပည့်ကျော်သုံးဦးသားအနက် ကိုယ်တိုင်ကိုယ်ကျကြုံလာရသည့်အဖြစ်သနစ်ကို ဦးစွာဖွင့်ဟသူမှာ ကပ္ပလီငယ်ဖြစ်ချေသည်။
"ဆြာဒင်ခင်ဗျာ၊အဆိုပါဒုသမ္မတကြီးမှာရေတပ်ထွက် ဒုတိယဗိုလ်ချုပ်ကြီးဟောင်းဟုဆိုပါ၏။ကာလပေါက်ဈေးသိန်းငါးရာဝန်းကျင် တန် သည်ဟု ကျနော်မျိုးရမ်းသမ်းခန့်မှန်းသည့်အကောင်းစားကားကြီးဖြင့် ရုံးတက်ပါသည်။ဒုသမ္မတကြီးသည် မာန်မာနရှိဟန်မတူ၊လမ်းဘေး မုန့်ဟင်းခါးဆိုင်တွင် ပြည်သူတို့နှင့်လက်ရည်တပြင်တည်း၊အီကြာကွေးအပါအဝင်အကြော်နှင့်နှစ်ပွဲစားသည်ကိုတွေ့မြင်ခဲ့ရပါသည်။ ရှယ်ပေါ့ဆိမ့်လက်ဖက်ရည် တစ်ခွက်ကိုလည်း သောက်ပါ၏။ အဆိုပါ မုန့်ဟင်းခါးဖိုးနှင့်လက်ဖက်ရည်ဖိုးကျသင့်ငွေမှာ ကျပ်နှစ်ထောင် တိတိဖြစ်ပြီး ထိုဆိုင် တွင်အသင့်ရှိနေသည့် ကြေးရည်တတ် တစ်ဦးက စေတနာအလျောက် ကြားဝင်၍ဒကာခံသည်ကိုတွေ့မြင်ရပါ၏"

ဆြာဒင်၏ရုံးတော်ရှေ့တွင် ၎င်း၏အတွေ့အကြုံကို လွတ်လပ်သောမိမိဆန္ဒအလျောက်ဖွင့်ဆိုသောာဒုတိယပုဂ္ဂိုလ်မှာ ဖေကြည်ခေါ် အာရုံဖြစ်၏။
"ဆြာဒင်၊ဒုသမ္မတကြီးကား နံနက်စာကို အိမ်တွင်စား၍နေ့လည်စာကို ရုံးတွင်သုံးဆောင်ပါ၏။ပါစကဝမ်းမီးတောက်၍ အစာကြေရန် အလို့ငှာ ဝိုင်အနီကို အသားနှင့် လည်းကောင်း၊ဝိုင်အဖြူကို ငါးအစရှိသော ပင်လယ်စာနှင့်လည်းကောင်း ရံဖန်ရံခါသုံးဆောင်ပါ၏။ နိုင်ငံ တစ်ကာအဆင့်မှီ ဝိုင်တစ်လုံး၏တန်ဖိုးမှာ ဗမာငွေဖြင့်တွက်ချက်လျှင် ကျပ်နှစ်သိန်းဝန်းကျင်ဖြစ်ပါ၏။ အဆိုပါစားရိတ်အတွက် ကျခံသည့် ငွေစာရင်း ခေါင်းစဉ်မှာ နိုင်ငံတော်ဧည့်ခံစားရိတ်မှဖြစ်ပါသည်။ဒုသမ္မတကြီးသည် လွန်စွာသနားညှာတာစိတ်ရှိသူဖြစ်ပြီး သမ္မတရုံး ဝန် ထမ်း အသီးသီးအား မောင်တို့ကြိုက်သလိုသုံးပါလေဟူသော မိန့်မှာစကားကိုဆိုရင်း တစ်ဦးလျှင် ကျပ်တစ်ရာတန်တရွက်နှုန်း မကြာခဏ စေတနာဗလဗွဖြင့်စွန့်ကြဲ ပေးကမ်းသည်ဟုလည်းကြားသိရပါ၏"

၎င်းနောက် တတိယမြောက်ပုဂ္ဂိုလ်လေမင်းသားသည် သူ၏အတွေ့အကြုံကို ဆက်လက်တင်ပြဖွင့်ဟပြန်ပါသည်။
"ဆြာခင်ဗျာ၊ခရီးစဉ်၏နောက်ဆုံးညတွင် တပည့်ကြီးသည် ဒုသမ္မတ၏အိမ်တော်တွင်းတိုင် အမှတ်မထင်ရောက်ရှိသွားခဲ့ရာ အိမ်တော်၏ အိပ်ခန်းတွင်းမှ ဒုသမ္မကတော်၏မဲမောင်းပြစ်တင်သံကို နားဖြင့်ဆတ်ဆတ်ကြားခဲ့ရပါသည်။ရှင်မသိတဲ့ကိစ္စကို မသိသလိုနေ၊ တောင်ပြော မြောက် ပြောအာမချောင်နှင့်၊ကြက်သွန်၊ငြုပ်သီးနှင့် အာလူးမကျန်ဈေးတွေတက်နေပြီ။တစ်ကျပ်မှာ  ဘယ်နှစ်ပြား ရှိတယ် ဆိုတာမသိပဲ လူအမြင် ကပ်အောင်မလုပ်နှင့်၊ဘာမှမပြောပဲနေရင် အကောင်းဆုံး၊အခုကိစ္စမှာ ကိုရဲထွဋ်ကယ်လို့ရှင်သက်သာ တယ်မှတ်။ နောက်တစ်ခါ လူရှေ့သွားရင် ကျုပ်ကိုယ်တိုင် ရှင့်ပါးစပ်ကို ပလာစတာကပ်ပေးလိုက်မယ် ဟူ၍ဖြစ်ပါသည်"

တပည့်ကျော်တို့၏ဖွင့်ဟပြောဆိုချက်အသီးသီးဆုံးခန်းတိုင်သည်နှင့် တရားလိုမရွှေတုတ်သည် ဖျတ်ကနဲမတ်တတ်ရပ်တဲ့ကာ ..
"တော်ပြီတော်ပြီ ဆြာဒင်၊ကျွန်တော်မျိုးမနားလည်ပါပြီ။လက်စသတ်တော့ သူ့ခမျာငွေရေးကြေးရေးကို ကလေးသာသာ လောက်ပဲ သိသေးတာကိုး၊ဗွေယူမိရင် ကျမသာအရူးဖြစ်တော့မပေါ့။သူဘာပြောပြော ကျမတို့က လုပ်အားကိုရောင်းတာပဲ၊ အလုပ်ရှင်နဲ့ညှိနှိုင်း ဖို့သာအဓိကပါ။တရားတဘောင်တွေ မဖြစ်ချင်တော့ပါဘူး။သူစိတ်ချမ်းသာမယ်ထင်တာပြောပါစေလေ။သူလည်း အိမ်က ကိုကြွက်နီနဲ့ ဘာထူးလို့တုန်း"

ဤတွင် ကြွရောက်နားထောင်နေကြသည့် ပရိသတ်တို့ထံမှ ကျွက်ကျွက်ညံသောထောက်ခံဆွေးနွေးသံတို့သည် နေရာအနှံ့မှထွက်ပေါ် လာပြန်၏။
"ဟုတ်တယ်ဟ၊ရွှေတုတ်ရ၊ဇာတ်သမား၊ကလေးနဲ့အရူးတွေပြောရင်မှန်တတ်တယ်။အကောင်းဘက်ကစဉ်းစားရင်သူ့စကားဟာ ဗမာငွေ တန်ဖိုးတက်မဲ့သဘော"
"ဇမ္ဗူဒီပါလက်ျာတောင်ကျွန်း၊သြဘာနိမိတ်ထွန်းသတဲ့၊မင်္ဂလာလို့မှတ်ကြဟေ့"
"အေးဟ၊ငါတို့ဒုသမ္မတအူမြူးရင် တိုင်းပြည်အေးချမ်းမဲ့သဘောပဲ"
"ဘာမှမသိလို့ပြောမိတာ အပြစ်လို့မဆိုနိုင်ပါဘူး"
"သူ့မိန်းမကြိမ်းထားပြီဆိုတော့နောက်တစ်ခါမပြောရဲလောက်တော့ပါဘူး"

ထိုခဏ၌ ဆြာဒင်၏ပညာဉာဏ်ကိုကောင်းချီးပေးလေဟန်ရှိသည်ထင့်၊ဆြာဒင့်အိမ်မှကြောင်အရွယ်မျိုးစုံသည် တညောင်ညောင်အသံဖြင့် ဆူညံစွာ အာခေါင်ခြစ်အော်ဟစ်မြည်ကြွေးကြရုံမျှမက အိမ်အနောက်တောအုပ်မှ လေပြင်းတစ်ချက်တိုက်လာပြန်ရာ အော်ဂလီဆန်စရာ ကြောင်ချေးနံ့ တသင်းသင်းသည် ဆြာဒင်၏ အိမ်တွင်းသို့ပါ ထုံသင်းကြိုင်လှောက်နေလေတော့၏။တရားရုံးစားရိတ်ကို ဆြာဒင်၏ရှိစုမဲ့စု ချွေးနည်းစာဖြင့် ကျခံစေလျက် အဆိုပါအမှုသည် နှစ်ဘက်ကြေလည်ငြိမ်းအေးမှုရပြီးသကာလ ပြီးဆုံးခြင်းသို့ရောက်ခဲ့လေပြီ။ သြဘာလက်ခုပ်သံများ နှင့်အတူ လက်ခေါက်မှုတ်သံတရွှီရွှီအပြင် ဝမ်းစမိုးသံသောသောညံလေသတည်း။
ဤသို့လျှင် ဆြာဒင်၏ကျပ်နှစ်ထောင်တန်အာချောင်မှုတရားစီရင်ခန်းအဆုံးတွင်လည်း ဆြာဒင်၏ပညာဉာဏ်ဂုဏ်သတင်းသည် တပည့်ကျော်များနှင့် ရပ်ဝေးရပ်နီးမှပရိသတ်မင်းတို့အလယ်၌ ထင်ပေါ်ကျော်စောခြင်းသည် နောက်ထပ်တစ်ကြိမ်ဖြစ်ပြန်လေသတည်း။

၂၈။၀၅။၂၀၁၄နေ့ထုတ် ဆဲဗင်းဒေးဂျာနယ် မင်းဒင်ရဲ့သက်ခိုင်(၂)

အခန်း(၃၆)

ထိုင်းနိုင်ငံ၏အာဏာသိမ်းရက်စွဲများ

၂၀၁၄ ခုနှစ်။မေလ(၂၀)ရက်။
ဤရက်ပိုင်းများအတွင်း ထူးထူးခြားခြားအသံတိတ်နေသောကိုသက်ခိုင်ထံမှ နံနက်ငါးနာရီမထိုးမီ ကျနော့်ထံဖုန်းဆက်လာသဖြင့် ကျနော် အိပ်ချင်မူးတူးဖြင့် ဖုန်းကိုင်လိုက်ရသည်။
"ကိုမင်းဒင်။ထိုင်းစစ်တပ်က အာဏာသိမ်းလိုက်ပြီတဲ့ဗျ"
"အာ၊ဟုတ်ရဲ့လား။ကိုသက်ခိုင်ရာ။အခုမှ ငါးနာရီတောင်မထိုးသေးတဲ့ဥစ္စာ။ခင်ဗျားပြောလိုက်မှဖြင့် အဆန်းကြီးပဲ"
"ကဲပါဗျာ။ထိုင်းမှာအာဏာသိမ်းတာအဆန်းတော့မဟုတ်လှပါဘူး။ခင်ဗျား မျက်နှာသစ်လိုက်ပေတော့။ဘစ်စီဘေးနားက ထိုင်းစား သောက်ဆိုင်မှာ ဒင်မ်ဆမ်းလေးဘာလေးစားရင်း စကားပြောကြ တာပေါ့။ကျနော်စောင့်နေမယ်"

ကိုသက်ခိုင်၏လုပ်ပေါက်သည်အမြဲတစေဤနည်းနှင်နှင်ချည်းဖြစ်၏။ညက အိပ်ယာဝင်နောက်ကျသောကျနော်သည် မထချင်ထချင်နှင့် ကမန်းကတန်းမျက်နှာသစ်ရင်း ဈေးဆိုင်အတွက်လိုအပ်သည်များကို တူတော်မောင်အားမှာကြားကာ ကိုသက်ခိုင်ချိန်းဆိုရာသို့ ထွက်လာ ခဲ့ရသည်။ကိုသက်ခိုင်ချိန်းဆိုသောဆိုင်သည် စင်စစ်လမ်းဘေးဆိုင်သာသာမျှသာဖြစ်သည်။သို့သော် သန့်ရှင်းသပ်ယပ်မှုရှိသည့်အပြင် ဈေးနှုန်းလည်း အထိုက်အလျောက်ချိုသာ၏။ထူးခြားချက်မှာ အဆိုပါဆိုင်မှ ဗမာရွေ့ပြောင်းအလုပ်သမားစားပွဲထိုးကလေးများသည် ကိုသက်ခိုင်နှင့် တရင်းတနှီးအဖွဲ့ကျနေခြင်းဖြစ်သည်။ကိုသက်ခိုင်သည်ထိုင်းစကားကိုမွှတ်နေအောင်ပြောတတ်သော်ငြား အဆိုပါ စားပွဲ ထိုးကလေးများနှင့် လူကျိတ်ကျိတ်တိုးနေသည့် ဆိုင်တွင်း၌ပင် ဗမာစကားဖြင့်ပြောဆို၏။အမှန်တော့ ထိုင်းရောက် ဗမာအလုပ် သမားအတော်များများသည် လူပုံအလယ်မှာ ဗမာစကားကို ခပ်ဟဟပြောဆိုရန်ပင်ဝန်လေးတတ်ကြသည်။ ဗမာအလုပ်သမား ဗမာ စကားပြောသည်ကို ထိုင်းဆိုင်ရှင်က မကြိုက်တတ်သလို၊ဗမာစကားသံကြား၍ ဗမာအလုပ်သမားရှိကြောင်းသိလျှင်လည်း နောက်ဆက် တွဲပြဿနာမျိုးစုံရှိတတ်သည်။ကျနော်ထိုဆိုင်သို့ရောက်သွားချိန်တွင် ကိုသက်ခိုင်သည် ဆိုင်၏ဘေးကျကျစားပွဲတစ်လုံးမှာ ထိုင်ရင်း စွပ်ပြုတ် တစ်မျိုးကို တဇွန်းချင်းခပ်ဖြေးဖြေးသောက်လျက်ရှိသည်။

"လာထိုင်၊ကိုမင်းဒင်၊ဘာထပ်မှာအုံးမလဲ။ဒင်ဆမ်းနဲ့စွပ်ပြုပ်တော့မှာထားတယ်"
အိပ်ချင်စိတ်မပြေသေးသော ကျနော်က ပါးစပ်ဝမှာလက်ပိတ်၍သန်းဝေချင်စိတ်ကို ထိန်းရင်း ဘာမှထပ်မမှာတော့ပဲလုံလောက်ပြီးဖြစ် ကြောင်းလက်ကာရင်းခေါင်းရမ်းပြလိုက်ရသည်။
"ဒီမနက်သုံးနာရီလောက်မှာသိမ်းတာဗျ။ထိုင်းတီဗီချင်နယ်မှာကျနော်ကြည့်လိုက်ရတယ်။ထိုင်းရုပ်မြင်သံကြားလိုင်းတစ်ချို့တော့ အပိတ်ခံ ရသတဲ့"
"နဂိုကမှ ထိုင်းတစ်နိုင်ငံလုံး စီးပွားပျက်သလိုဖြစ်နေတာဗျာ။ဘာတွေများရှုပ်ရှုပ်ထွေးထွေးတွေ ဆက်ဖြစ်လာအုံးမှာပါလိမ့်"
"ခင်ဗျားက ဗမာစစ်တပ်အာဏာသိမ်းတာကို စိတ်စွဲနေဟန်တူပါရဲ့။မတူဘူးဗျ။အခုဟာက ထိုင်းစစ်တပ်ဟာ အာဏာသိမ်းတယ်လို့တောင် မဆိုနိုင်ဘူး။မာရှယ်လောထုတ်ပြီး လုံခြုံရေးချတယ်။လမ်းပေါ်က အရှုပ်တွေကိုရှင်းတယ်။အုပ်ချုပ်ရေုးပိုင်းမှာ အိမ်စောင့်အစိုးရတစ်ခု တည်း မနိုင်မနင်းဖြစ်နေတာကို ဝင်ထိန်းပေးတဲ့သဘောလောက်ပဲဗျ။ထိုင်းစစ်တပ်ကောင်းလှချည့်ရဲ့ကျနော်မဆိုချင်ပေမဲ့ ၁၉၇၆ခုနှစ်မှာ ထိုင်း တက္ကသိုလ်ကျောင်းသားတွေကို အကြမ်းဖက်နှိမ်နှင်းတဲ့လုပ်ရပ်မျိုးကတော့ ရာဇဝင်ထဲမှာကျန်ရစ်ခဲ့တာအမှန်ပဲဗျာ။ ထိုင်းနိုင်ငံရေး အကြပ်အတည်းဟာ ဘာအဖြေမှ မထွက်ပဲ အီခံနေခဲ့တာကြာပြီဗျာ။ထိုင်းနိုင်ငံရေးရှေ့ဆက်ရမဲ့ခရီးမှာ ဥာဏ် ဦးစီးဖို့တော့လိုလိမ့်မယ်"

ကိုသက်ခိုင်က ထိုင်းနိုင်ငံရေးနှင့်အာဏာသိမ်းသည့်ကိစ္စရပ်ကိုအာရုံရောက်နေသော်ငြား ကျနော်ကမူ၊စိတ်ထဲတွင်မတင်မကျဖြစ်နေသည့် အကြောင်းခြင်းရာတစ်ခုကို ကောက်ခါငင်ကာ မေးလိုက်မိသည်။
"ဒါနဲ့ စကားမစပ် ခင်ဗျားလည်းပျောက်ချက်သားကောင်းလိုက်တာ။ဆရာမောင်စိန်ဝင်းတို့အဖွဲ့နဲ့ဆုံပြီးကတည်းက အသံတိတ်နေ ပါလား"
ကိုသက်ခိုင်သည်ခေါင်းကိုတဆတ်ဆိတ်ငြိမ့်ရင်း ပြုံးယောင်ယောင်မျက်နှာပေးဖြင့် ကျနော့်ကိုငေးကြည့်နေပြန်လေသည်။လွန်ခဲ့သော တစ်ပတ်ကျော်ခန့်က ဖူးခက်သို့ ဗမာပြည်မှစာရေးဆရာများလာရောက်၍ဟောပြောကြရာ မောင်စိန်ဝင်းပုတီးကုန်း၊ဂျက်ကွမ်းခြံကုန်းခေါ် ဆရာမောင်သာချိုနှင့် ညီမင်းညိုတို့ပါဝင်သည်။စာပေဟောပြောပွဲအတွက်လိုအပ်သည်များ၊ ညှိနှိုင်းတိုင်ပင်နိုင်ရန် ကိုသက်ခိုင်ကို ကျနော်ဖုန်းဖြင့် အကြိမ်ကြိမ်ဆက်သွယ်ခဲ့သည်။သူ၏ပြန်ကြားချက်မှာလိုတိုရှင်းဖြစ်၏။

"စာရေးဆရာတွေ ဖူးခက်ကို ရောက်လာဖို့၊လေယာဉ်စားရိတ်ကအစ၊အားလုံးကျနော့်တာဝန်သာထားလိုက်ဗျာ။ဖူးခက်က ကိစ္စတွေကို တော့ ခင်ဗျားဖာသာ ကျုပ်ကျက်လိ ထားပေတော့"ဟုဆိုသည်။ကိုသက်ခိုင်သည် သူ့ကတိစကားအတိုင်းပင် စာရေးဆရာအဖွဲ့ဖူးခက် အရောက်ဗမာငွေဆယ်သိန်းကျော်အကုန်အကျခံ၍စပွန်ဆာပေးသည်။ပွဲဖြစ်မြောက်ရေး အတွက်မူ ဘာဆိုဘာမှ မလုပ်ချေ။ သူ့လက်သုံး စကားမှာ "ခင်ဗျားဘာမှ မသိသေး ပါဘူးဗျာ။လုပ်မှာသာလုပ်ထားစမ်းပါ"ဟူသတည်း။

ဆရာမောင်စိန်ဝင်းတို့အဖွဲ့ရောက်ရှိပြီး နှစ်ရက်အကြာတွင် ကိုသက်ခိုင်က ကျနော့်အိမ်မှာပင် ညစာစားပွဲတစ်ဝိုင်းဒကာခံချင်သည်ဆို၍ စီစဉ်ပေးခဲ့ရသေး၏။ထိုနေ့ညခုနစ်နာရီခန့်၊ ကျနော့်အိမ်မှာအာဖရိကဝိုင်ဖြင့်ဧည့်ခံအပ်သည့်စားဝိုင်းသောက်ဝိုင်းတွင် ကိုသက်ခိုင်၊ ကျနော်နှင့်စာရေးဆရာတသိုက်ဆုံဖြစ်ခဲ့ကြရာ၊သူက ဆရာမောင်စိန်ဝင်းကို အကိုဟုခေါ်သည်။ ဂျက်ကွမ်းခြံကုန်းနှင့် ကိုသက်ခိုင် မှာ သက်တူရွယ်တူဖြစ်၍ ကိုသာချို၊ ဆရာဂျက်ဟုလည်းကောင်းသူသုံးသည်။ ညီမင်းညိုကိုမူ ကိုညီမင်းညို ဟုသာ ဆိုသည်။ကိုသက်ခိုင် ကိုကြည့်ရသည်မှာ ဗမာပြည်က စာရေးဆရာများကို တွေ့ဆုံရခြင်းအတွက်ဂုဏ်ယူကျေနပ်နေဟန်ရှိသည်။ထုိဝိုင်း တွင်ကိုသက်ခိုင်သည် အသက်အရွယ်ကွာဟချက်ကြောင့်လောမဆိုနိုင်။စကားလမ်းကြောင်းအတော်များများကို ဆရာမောင်စိန်ဝင်း ဆီသို့သာဦးတည်သည်။

"စိတ်မရှိနဲ့အကိုရာ။ကျနော်ဖူးခက်ကိုရောက်နေတာကိုက လောကဓံတရားရဲ့ကျီစယ်မှုပါပဲ။တချို့ကိစ္စတွေမှာ ကျနော်နဲ့ဒီကကလေးတွေ ကင်းကွာနေတာအမှန်ပဲ။ခဏတဖြုတ်အလည်ရောက်တဲ့အကိုတို့ကို ရှင်းပြရင်လည်း ရုတ်တရက်နားလည်လက်ခံဖို့မလွယ်ပြန်ဘူး"
ကိုသက်ခိုင်က ထိုမျှသာစကားဟဟဆိုခဲ့ပြီး စာရေးဆရာတို့ပြောဆိုသည့် အလ္လာပ၊သလ္လာပစကားတို့ကိုသာ ငြိမ်သက်စွာနားထောင် နေခဲ့၏။
ဆရာမောင်စိန်ဝင်း၏ဟန်ပန်စရိုက်သည်မျှော်လင့်ထားသည်နှင့်လုံးဝကွဲလွဲနေသည်။ စကားများများမဆိုပဲ တခွန်းမေးတခွန်းဖြေ၊ လိုအပ်သည်ဟုထင်မြင်သည့်အခါမှ အနည်းငယ်အကျယ်ချဲ့၏။နှုတ်နည်းသည်။ဆရာဂျက်ကမူ သူ့စာတွေထဲကလိုပင် ခပ်သောသော ခပ်ရွှန်းရွှန်းဖြစ်၏။အသက်လေးဆယ် ပြည့်သည်မှာမကြာသေးသော ကိုညီမင်းညိုကား ထိုအထဲတွင်အသွက်ဆုံးဖြစ်၏။ တိမွေးကုဘွဲ့ရ၊ အဟောကောင်းအပြောကောင်း စာရေးဆရာလူငယ်သည် ပျော်စရာစုံလှသည့်ဖူးခက်မြေကို အလည်ရောက်ရခြင်း အတွက်ကြောင့် လောမဆိုနိုင်။ဖျတ်လတ်တက်ကြွလျက်ရှိ၏။ကိုညီမင်းညို သည်သူ့ထက် အသက်အရွယ်အရ၊ စာပေဝါစဉ်အရကြီးမြင့်သည့် ဆရာ မောင်စိန်ဝင်းနှင့် ဆရာဂျက်တို့ကို ရှေ့တန်းတင်လေး စား သည့် အမူအယာတို့အား ကျနော်သဘောကျမိသည်။စာပေဟောပြောပွဲကား အောင်မြင်ခဲ့ပါ၏။သို့သော် ပွဲကိုဦးဆောင်စီစဉ်သူများနှင့်ကျနော့်အကြားအချေအတင်ကိစ္စအတော်များများကြုံခဲ့ရသဖြင့် ကိုသက်ခိုင် ရှောင်ဖယ်ဖယ်လုပ်နေခဲ့သည်ကို အပြစ်မဆိုသာချေ။
ကိုသက်ခိုင်တစ်ယောက်ကျနော့်အမေးအပေါ်တစ်စုံတစ်ရာမတုန့်ပြန်ပဲ ခတ်မဆိတ်တုံဏိဘာဝေဖြစ်နေသောကြောင့် ကျနော်ထပ်ဆင့် မေးခွန်းထုတ်လိုက်မိပြန်သည်။
"ဟေ့လူ၊ဖြေအုံးလေဗျာ။ စာရေးဆရာတွေမလာခင်ကလည်း ရှောင်ဖယ်ဖယ်၊ပြန်သွားတော့လည်း အသံတိတ်နေ၊ဘာဖြစ်နေတာတုန်း"
ငေါင်းစင်းစင်းနှင့်နှုတ်ဆိတ်နေသော ကိုသက်ခိုင်သည် သတိပြန်လည်လာသည့်လူမမာနှင့်တူနေပြန်သည်။

"ခက်တယ်ကိုမင်းဒင်။ကက်ဆက်ထဲမှာစီဒီပြားထည့်ဖွင့်လို့မရဘူးလေ။ကွန်ပြူတာတစ်လုံးမှာ ပရိုဂရမ်တစ်ခုထည့်သွင်းမယ်ကြံရင် မော်ဒယ်ချင်းကိုက်မကိုက်၊စံနစ်ချင်းညီမညီအရင်စစ်ရတာမျိုးမဟုတ်လား။အခုဟောပြောပွဲလုပ်ကြည့်တော့ ကိုယ်တွေ့အခက်ကြုံပြီ မဟုတ်လား"
"ဘာဆိုင်လို့လဲကိုသက်ခိုင်ရာ။ခင်ဗျားလည်းဗမာဖူးခက်ရောက်ဗမာအလုပ်သမားတွေလည်းဗမာပဲဥစ္စာ။ ခင်ဗျားလိုပေါက်ပေါက် ရောက် ရောက်လူက ထဲထဲဝင်ဝင် ပံ့ပိုးနိုင် ရင်ပိုမကောင်းဘူးလားဗျာ"
"ခင်ဗျားနှယ်ခက်ချက်ဗျာ။ထဲထဲဝင်ဝင်အဆင့်တင်မကဘူး။ဟိုဘက်ပေါက်ထွက်သွားတဲ့အထိပါ ကျနော်လုပ်ခဲ့ပြီးပြီဗျ။ဘယ်သူကိုမှ အပြစ် ပြောစရာမရှိပါဘူး။ကျနော့်ပါရမီနည်းသေးတယ်လို့သာမှတ်ပါတယ်"
"ခင်ဗျားက ဘာတွေများလုပ်ခဲ့လို့တုန်း ရှင်းပါအုံးကိုယ့်ဆရာရယ်"

"ဒီကိစ္စတွေကို ကျနော်နောက်ကြောင်းမပြန်တော့ဘူး၊မပြောတော့ဘူးလို့ဆုံးဖြတ်ထားပေမဲ့ ခင်ဗျားရဲ့စောင်းနေတဲ့အမြင်ကို တည့်လိုတည့် ငြားပြောရသေးတာပေါ့ဗျာ။ အမှန်တော့ဖူးခက်မှာ ဗမာအသိုင်းအဝိုင်းနဲ့ကျနော်ခပ်ကင်းကင်းနေရတာဟာ အကြောင်းရှိတယ်ဗျ။ ဟိတ်ကြီးဟန် ကြီးလုပ်တာတော့ မဟုတ်ရပါဘူး။ဒီလိုပါ"
ထိုသို့လျှင် မိုးညို့နေသည့်ဖူးခက်၏တစ်ခုသောနံနက်ခင်း (Big C)ဘစ်စီအနီးရှိထိုင်းစားသောက်ဆိုင်တစ်ခုတွင် ကိုသက်ခိုင်နှင့် ကျနော် နံနက်စာ အဖြစ်ဒင်ဆမ်းစားနေကြချိန်တွင်  ဖူးခက်မြို့ရောက် ဗမာအသိုင်းအဝိုင်းနှင့်ကိုသက်ခိုင်တို့အကြား သမရိုးကျဆက်ဆံရေး မရှိခြင်းအပေါ် ကိုသက်ခိုင်၏ ရှင်းလင်းချက်မှာအောက်ပါအတိုင်းဖြစ်လေသည်။

"ကျနော်ဖူးခက်ကိုစရောက်တာ ၂၀၀၃နိုဝင်ဘာလဗျ။ရောက်စကတော့ ဗမာမိတ်ဆွေများများစားစားမရှိလှပါဘူး။မရှိဆို ဗမာတွေ ဒီလောက်များများ ရောက်နေမှန်းလည်းကျနော်မှ မသိတာကိုး။တစ်နှစ်ကျော်လောက်လည်းရှိရော၊ဗမာတွေသိန်းချီပြီးရှိနေတယ်ဆိုတာ ကျနော်သိလာရတယ်။ကျနော်က နေရာတစ်ကာ ဟိုစပ်စပ်ဒီစပ်စပ်လုပ်ချင်တဲ့ကောင်ဆိုတော့ ဒီလောက်များတဲ့ဗမာအုပ်စုကြီးအတွက် ငါဘာများလုပ်ပေးနိုင်ပါလိမ့်ဆိုပြီး မကြာခဏအတွေးဝင်မိတယ်။ဖြစ်ချင်တော့ ၂၀၀၄နှစ်ကုန်ပိုင်းလောက်မှာ ကျော်ဝင်းဆိုတဲ့လူငယ်တစ် ယောက် ဆူနာမီနောက်ဆက်တွဲအလှူရှင်အဖွဲ့တစ်ခုကနေ စပွန်ဆာရပြီး ဖူးခက်ပါတောင်ကမ်းခြေမှာ (Patoung Learning Centre)ဆိုတဲ့ ကွန်ပြူတာသင်တန်းလေးတစ်ခုလာဖွင့်သဗျ။သူကလူငယ်ဆိုတော့တက်ကြွနေတာပေါ့ဗျာ။သူလည်း ဘယ်လိုစိတ်ကူး ပေါက်သလဲတော့မဆိုနိုင်ဘူး၊ဖူးခက်ရောက်မြန်မာတွေစုဖွဲ့ပြီး လူမှုရေးအသင်းတစ်ခုထောင်ချင်တယ်လို့လာပြီးတိုင်ပင် တော့ ကျနော်လည်း "ဒါဆိုကောင်းတာပေါ့"ဆိုပြီး ဗြုန်းစားကြီးခေါင်းငြိမ့်လိုက်တာပါပဲ။တိုတိုပြောရရင် အဲဒီအချိန်ကစပြီး ဖူးခက်ရောက် မြန်မာတိုင်းရင်းသားများ လူမှုရေးအသင်းဆိုပြီး အသင်းဝင်လေးထောင်နီးပါးရှိတဲ့အဖွဲ့ကြီးတစ်ဖွဲ့ဖွဲ့ဖြစ်တယ်ဆိုပါတော့။ကျနော်က အဲဒီအဖွဲ့မှာမမျှော်လင့်ပဲ ဥက္ကဋ္ဌဖြစ်လာတယ်ပေါ့ဗျာ။အဲဒီအသင်းရဲ့အတိုကောက်နာမည်က မြန်တိုင်းတဲ့ဗျ။တကယ်တော့ မြန်တိုင်းအသင်း ဟာ အသင်းဝင်လေးထောင်ကျော်ရှိတာမို့ ပြည်ပရောက်အဖွဲ့တွေကြားမှာ အင်အားအတောင့်ဆုံးလို့တောင်ဆိုနိုင်တယ်ဗျ။မဲဆောက်က ကျနော့်မိတ်ဆွေကိုကျော်ထက်ရဲ့မှတ်ချက်အရ "ကေအန်ယူတောင်ခင်ဗျားတို့အသင်းလောက်အင်အားမတောင့်ဘူး"ဆိုပဲ"

"အသင်းရဲ့လှုပ်ရှားမှုက ရိုးရိုးရှင်းရှင်းပါပဲ။အသင်းဝင်တစ်ယောက်ကို တစ်လ၊လစဉ်ကြေးဘတ်ငါးဆယ်ကောက်တယ်။ သာရေးနာရေး တွေမှာ အသင်းကဆုံးဖြတ်ချက်တဲ့အတိုင်း ငွေကြေးထောက်ပံ့တယ်။ဒီလောက်ပါပဲ။ဗမာအလုပ်သမားတစ်ယောက်သေဆုံးရင် ဘတ်တစ် သောင်း၊မင်္ဂလာဆောင်ရင်ဘတ်ငါးထောင်အစရှိသည်ဖြင့်ပေါ့။အစပိုင်းတော့ ဘာမှ အခက်အခဲမရှိလှပေမဲ့ လူအင်အားငွေအင် အားသိပ် တောင့်တင်းလာတဲ့အခါ ကျနော်တို့မဟာမြန်မာလူမျိုးများရဲ့စရိုက်အတိုင်းမမျှော်လင့်တဲ့ပြသနာတွေ သဘောထားကွဲမှု တွေဖြစ်လာ တော့တာပါပဲ။မှတ်မှတ်ရရပြောရရင် အဲဒီသဘောထားခံယူချက်ကွဲပြားမှုဟာ ကျနော်စင်္ကာပူဘက်ကို စီးပွားရေး ကိစ္စတစ်ခုနဲ့ရောက်နေ တုန်းမှာ စပြီးဖြစ်ခဲ့တာဗျ"

"ဟုတ်တယ်။ကျနော်ဖူးခက်မှာရှိနေစဉ် သာမှုနာမှုကိစ္စတွေအတွက် အသင်းရဲ့ထောက်ပံ့ကြေးပေးတဲ့အခါ သေချာစိစစ်တယ်။အမျိုးတော် တာမှန်သလား။မိသားစုဝင်လား၊လင်ကွာမယားကွာကိစ္စတွေရှိနေသလား။လိမ်လည်တောင်းခံတာလား အစရှိသည်ဖြင့်ပေါ့။အသင်းပိုင် ငွေမို့ ကျနော်က ကြားထဲကနေ နှမျောတွန့်တိုစရာမဟုတ်ပေမဲ့ ထောက်ပံ့ကြေးကို လက်လွတ်စပယ်ပေးလိုက်ရင် အချောင်သမားတွေ ပေါ်လာမယ်ဆိုတာ ကျနော်ကြိုမြင်နေတယ်ဆိုပါတော့။စင်္ကာပူဂျိုဒေါင်းအိစ် ဘူတာရုံမှာ ကျနော်ရထားစောင့်နေတုန်း ဖူးခက်ကနေ ကျနော့်ဆီကို မြန်တိုင်းအတွင်းရေးမှူးရဲ့တယ်လီဖုန်းဝင်လာတယ်။ဆေးရုံတက်လူနာအတွက်၊နာမကျန်းလူနာတွေအတွက် ထောက်ပံ့ ကြေးထုတ်ပေးဖို့ သတင်းပို့ တာတဲ့။ဒီတော့ကျနော်လည်း "စိစစ်စရာရှိတာစစ်ဆေးပြီးထုတ်ပေးလိုက်လေ"လို့လည်းဆိုရော အတွင်းရေးမှူး လုပ်တဲ့ ကိုအောင်မြိုင်က "ဥက္ကဋ္ဌနေရာတစ်ကာဟိုစစ်ဒီစစ်လုပ်နေလို့မဖြစ်ဘူးလေ။ များများထောက်ပံ့နိုင်မှ၊ပေးနိုင်မှ အသင်းဝင် တိုးလာမှာပေါ့"တဲ့။သူကတော့သူ့စကားဟာ ဘယ်လောက်တာသွားတယ်ဆိုတာ ခန့်မှန်းမိပုံမရပေမဲ့ ကျနော့်အာရုံ ထဲမှာတော့ အသင်းကြီးပျက်စီးကျဆုံးခန်းကိုဖျတ်ကနဲလှမ်းမြင်လိုက်ရသလိုပါပဲ"

ပြောလက်စစကားကို ခဏရပ်၍  စွပ်ပြုတ်တငုံသောက်နေသော သူ့ကို ကျနော်စိုက်ကြည့်မိနေမိသည်။သူပြောနေသမျှ သိပ်ရေးကြီးခွင် ကျယ်ကိစ္စဟုကျနော်မမြင်ချေ။ဆိုင်အတွင်းမှာ လူအတော်ကျနေပြီဟုဆိုရမည်။ဇွန်းသံပန်းကန်သံဆူဆူညံညံနှင့် စားစရာမျိုးစုံမှာယူနေ သံတို့ကို ကြားနေရသည်။

"ခင်ဗျားကတော့ ဘာမှရေးကြီးခွင်ကျယ်မဟုတ်ဘူးလို့ထင်မှာပေါ့။အမှန်တော့ အသင်းကြီးတစ်ခုတည်မြဲဖို့ဆိုတာ အသင်းဝင်တွေရဲ့ခံယူ ချက်မှန်ဖို့အဓိကဗျ။အသင်းဝင်တွေအနေနဲ့ထောက်ပံ့ကြေးလိုချင်လို့၊ငွေကြေးအကျိုးအမြတ်ကိုပဓာနပြုတဲ့စိတ်ဓာတ်မျိုးနဲ့ဘယ်မှာလာ ရေရှည်ရပ်တည် နိုင်ပါ့ မလဲ။ အသင်းကနေ ငွေလွယ်လွယ်ရမှန်းလည်းသိရော၊ ဒူးနာတဲ့မောင်၊ရင်ကြပ်ချောင်းဆိုးတဲ့ မောင်၊ဖျားချင် သလိုလိုဖြစ် တယ်ဆို တဲ့မောင်တွေ မနက်လင်းတာနဲ့ ကျနော့်အိမ်ရှေ့လာတန်းစီနေလိုက်တာများ ပွဲတော်ကြီးကိုဖြစ်လို့ဗျာ။ နယ်မြေ တာဝန်ခံတွေကလည်း လစဉ်ကြေး ကောက်လို့မှ လက်ထဲပူအောင်မကိုင်ရသေးဘူး၊ထောက်ပံ့ကြေးထုတ်မဲ့သူက ကြိုတင်ပြီးထိုင်စောင့် နေပါရောလားဗျာ။ ကိုယ့်လူမျိုးစိတ်ဓာတ်ညံ့ဖျင်းတာတွေပြောရတာ ရှက်စရာတော့အကောင်းသားဗျာ။ တချို့ကိစ္စတွေဆို ရီစရာ လည်းကောင်းပါရဲ့။ မြန်တိုင်းအသင်းကနေ အသင်းဝင်တွေမီးဖွားရင် ထောက်ပံ့ကြေးဘတ်ငါးထောင်ပေးမယ်။ ထောက်ပံ့ကြေးလိုချင်ရင် မြန်မြန် အသင်းလာဝင်ကြဆိုပြီးမောင်းခတ်လိုက်တော့ ခြောက်လဗိုက်ခုနစ်လဗိုက်၊ရှစ်လကိုးလဗိုက်နဲ့ကိုယ်ဝန်ဆောင်အမျိုးသမီးတွေ အသင်းဝင် လိုက်ကြတာ အုတ်အော် သောင်းနင်းပေါ့ဗျာ။ အဖွဲ့ကို ဦးဆောင်သူတွေက အသင်းကိုဘယ်လိုခိုင်မာအောင် တည်ဆောက်ရမယ် ဆိုတာမသိ။ တပွဲတိုးနည်း၊ဆွယ်လုံးမက်လုံးတွေသုံးပြီး အသင်းဝင်လူဦးရေများဖို့အဓိကထား၊ အသင်းဝင်တွေက လည်း အခြေခံပညာ ဟုတ်ဟုတ် ငြားငြားမရှိပြန်တော့အခွင့်အရေးကိုမျှော်ကိုး၊ရလိုမှုတစ်ခုတည်းကိုသာကြည့်။ ဒီအသင်းမျိုးဘယ်မှာ လာ သက်ဆိုး ရှည်ပါ့ မတုန်းဗျာ။ နောက်ဆုံးတော့ တနှစ်ကျော်အကြာမှာ အသင်းကြီးနိဂုံးချုပ်သွားရောဆိုပါတော့။ ဥာဏ်ပြဿနာ ပေါ့ဗျာ"

"အော် လက်စသတ်တော့ ကိုသက်ခိုင် ဒီကလူတွေနဲ့ ခပ်ကင်းကင်းနေတာဟာ ဒီအသင်းကြီးပျက်သွားလို့ကိုး"
"မဟုတ်သေးဘူးကိုမင်းဒင်။ ဒီအခက်အခဲမျိုးဟာ ကျနော့်ဘဝအတွေ့အကြုံနဲ့နှိုင်းစာရင် အကင်းပဲရှိပါသေးတယ်။ ဒါပေမဲ့ဗျာ။ အသင်းကြီး ပျက်လုပျက်ဆဲအချိန် ကျနော်ကြုံခဲ့ရတဲ့ပြသနာတစ်ခုမှာ အပြစ်မဲ့တဲ့ ကိုးနှစ်အရွယ်ကလေးမလေး တစ်ယောက်ပါ ရေတိမ်နစ် ခဲ့ရရှာတယ်။ ဖြစ်ပုံကဒီလိုဗျ"
"အသင်းဖွဲ့ပြီးလို့ တစ်နှစ်ဝန်းကျင်လောက်အချိန်ပေါ့။ကျနော့်ဆီကို ကိုသန်းမောင်ဆိုတဲ့ ရခိုင်အမျိုးသားတစ်ယောက်ဖုန်းဆက်လာတယ်။ သူ့သမီးလေး အသည်းအသန်ဖြစ်နေလို့ ဆရာတို့အသင်းက ကူညီပေးပါတဲ့။ဒါနဲ့ ကျနော်လည်း အဲဒီကလေးမလေး ရှိနေတဲ့၊ဖူးခက်က ဝါချီလတ်ဆေးရုံကို ရောက်သွားရောဆိုပါတော့။ အသည်းအသန်လူနာခန်းမှာ တခေါင်းလုံးပတ်တီးတွေအဖွေးသားနဲ့ကုတင်ပေါ် မှာမှိန်းနေတဲ့ ကလေးမလေး တစ်ယောက်ကို ကျနော်တွေ့ပါတယ်။ သူ့ရဲ့ဦးခေါင်းခွံကိုဖွင့်ပြီး အကြီးစားခွဲစိတ်ကုသမှုလုပ်ထားတာတဲ့ဗျာ။ ကလေးမလေးနာမည်က ဝါဝါတဲ့ဗျ။ရခိုင်ပြည်နယ်ကျောက်ဖြူဇာတိဆိုလားပဲ။ဝါဝါ့မှာ နီနီ ဆိုတဲ့အမွှာညီအမတစ်ယောက်လည်း ရှိသေးသတဲ့။ဝါဝါခုနစ်နှစ်လောက်အရွယ် ကျောက်ဖြူမှာ မူလတန်းတက်နေတုန်း ရုတ်တရက်ကျောင်းအသွားလမ်းပေါ်မှာ အကြော တက်သလို ဆန့်ငင်ဆန့်ငင်ဖြစ်ပြီး မေ့မြောသွားဖူးသတဲ့။အရပ်ဆေးခန်းဆီကိုပွေ့ချီသွားကြပြီး ဆရာဝန်ကစမ်းသပ်တော့လည်း ဘာရောဂါမှ မတွေ့ခဲ့ဖူးဆိုပဲ။

သူ့အဖေကိုသန်းမောင်ပြောစကားအရတော့ ဝါဝါဟာ ဒါမျိုးသုံးကြိမ်လောက်ပြည်တွင်းမှာ ဖြစ်ခဲ့ဖူးတယ်တဲ့။ လွန်ခဲ့တဲ့နှစ်ကမှ ကိုသန်းမောင်တို့လင်မယားဖူးခက်ကိုတက်လာတော့ ဝါဝါက အတူပါလာပြီး နီနီကတော့ ကျောက်ဖြူမှာပဲ အဖိုးအဖွား တွေနဲ့ကျန်ခဲ့တာပေါ့ဗျာ။ဆေးရုံမတက်ရခင်သုံးရက်လောက်က၊ ဝါဝါဟာ အကြောတက်ပြီး ကုလားထိုင်ပေါ်ကနေ အောက်ကိုပြုတ် ကျသွားရာက ဝါချီလတ်ဆေးရုံကိုရောက်၊နောက် ဆေးရုံက အထူးကုဆရာဝန်ကြီးတွေက ဓာတ်မှန်ရိုက်တာအပါအဝင် ခေတ်မီ နည်းမျိုးစုံနဲ့ရောဂါရှာလိုက်တော့ ဦးနှောက်မှာအကျိတ်တွေ့ရမို့ အသက်လုတဲ့အနေနဲ့ အရေးပေါ်ခွဲစိတ်လိုက်ရရောပေါ့ဗျာ"
"အမှန်က ဖူးခက်အပါအဝင်ထိုင်းနိုင်ငံဆေးရုံတွေမှာ ဗမာအလုပ်သမားတွေအခမဲ့ဆေးကုသခွင့်ရတယ်ဆိုတာ သာမန်အာဂန္တုဖျားတာ နာတာလောက်ပဲကုခွင့်ရတာပါ။အဲဒီလိုခပ်ပေါ့ပေါ့ရောဂါစာရင်းမှာ မပါတဲ့ အသည်းအသန်လူနာတွေအတွက် ဆေးရုံဆင်းတဲ့အခါ ဆေးကုသစားရိတ် အတိအကျကိုစာရင်းပြုစုပြီးတောင်းလေ့ရှိပါတယ်"

"ကိုသန်းမောင်ကျနော့်ကိုဖုန်းဆက်တာ သူ့သမီးလေးဝါဝါ ဆေးရုံကဆင်းတဲ့အခါ ဆေးရုံကခွဲစိတ်ကုသစားရိတ်ကိုဘယ်လို ဘယ်ပုံရှင်းရ မယ်ဆိုတာ ကြံရာမရလို့ပါပဲ။ဘာဘဲဖြစ်ဖြစ်ဗျာ။ဝါချီလပ်ဆေးရုံက ဆရာဝန်တွေဆေးဝန်ထမ်းတွေကို ကျနော်ကျေးဇူးတင်မိတာ အမှန်ပါပဲ။ အေးလေ။ဒီရောဂါမျိုးဗမာပြည်မှာဖြစ်ရင် ငွေဘယ်လောက်ကျသင့်မယ်၊ငွေဘယ်လိုချေမှာလဲ၊ ငွေနဲ့ပတ်သက်တဲ့မေးခွန်းတွေ အရင်မေးပြီးမှ ခွဲစိတ်ကြမှာသေချာပါ တယ်။ ဘာမီတွန်၊အရက်ပျံနဲ့ပတ်တီးတောင် မလုံလောက်တာ ခင်ဗျားလည်းသိပြီး သားပဲ။ အဲဒီအချိန်တုန်းက ကျနော်လည်း စိတ်ဓာတ်တက် ကြွနေတဲ့အချိန်မို့ဝါဝါ့အဖေကိုသန်းမောင်ရဲ့အခက်အခဲကို ကျနော်ကူညီဖြေရှင်း နိုင် မယ်လို့ ယုံကြည်နေခဲ့တာပေါ့"

"တရက်ခြားနှစ်ရက်ခြားဆိုသလို ကျနော်ဝါချီလပ်ဆေးရုံကိုရောက်တယ်။ တပတ်လောက်ကြာတော့ ဝါဝါခေါင်းက ပတ်တီးတချို့ကို ဖြည်တယ်ဗျ။ခွဲစိတ်မှုအောင်မြင်တယ်တဲ့ဗျာ။ကလေးမလေးဟာ စွတ်ပြုတ်ရည်တချို့သောက်နိုင်တယ်။ မျက်လုံးဖွင့်ပြီးဘေးဘီက လူတွေကို လျှောက်ကြည့်တယ်။ကျနော်က သူ့လက်ကလေးကိုကိုင်ပြီး "သမီး"လို့ခေါ်လိုက်တော့ ကျနော့်ကိုပြုံးပြတယ်ဗျာ။ဝါဝါ့အပြုံးကို ကျနော်မြင်ရတော့ ဖခင်တစ်ယောက်ရဲ့ကိုယ်ချင်းစာအကြင်နာတရားဟာ ကျနော်ရင်ထဲကို ဘယ်လိုဘယ်ပုံရောက်လာတယ် မပြောတတ် တော့ပါဘူး။တကယ်တန်းအရေးကြီးတဲ့ အခြေအနေမှာ ထိုင်းလူမျိုးဆရာဝန်တွေသူနာပြုတွေကတောင် ကလေးမလေးရဲ့ အသက်တစ် ချောင်းကိုကျိုးစားကယ်တင်ခဲ့ကြပြီပဲ။ ကျသင့်ငွေကို ရှင်းနိုင်ဖို့လိုအပ်တဲ့ငွေကြေးကို ကျနော်လိုလူလည်က ဘာကြောင့်မဖြေရှင်းနိုင်ရမှာ တုန်း။ ကျနော့်ဘဝမှာကျနော်အကျွမ်းကျင်ဆုံးအလုပ်ဟာငွေရှာခြင်းပဲဗျာ။ ဒီလိုလူ့အသက်တစ်ချောင်းအတွက် ကျနော်လိုကောင်မျိုး တစ်ထောင့် တစ်နေရာကနေ ဝင်ပြီးအားဖြည့်ရင် မအောင်မြင်စရာအကြောင်းမရှိပါဘူး"

"ဒီနေရာမှာကြားဖြတ်ပြီးတစ်ခုပြောရအုံးမယ်ဗျ။ထိုင်းဆေးရုံတွေကနေ ဗမာအသည်းအသန်လူနာတွေဆီက ဆေးဝါးကုသစားရိတ်၊ ဆေးရုံတက်စားရိတ်တောင်းတယ်ဆိုပေမဲ့ မပေးရင် တရားစွဲမယ်ဆိုတဲ့အဆင့်အထိတော့မလုပ်ကြပါဘူး။အလုပ်သမားဘတ်၊ပတ်စပို့တွေ ရှိနေရင် အတိုးအလျော့ ဈေးညှိနှိုင်းလို့ရပါတယ်။မျက်နှာကြီးထိုင်းမိတ်ဆွေတစ်ဦးဦးပါလာရင်တော့ ပိုကောင်းတာပေါ့ဗျာ။ခက်တာက ကျနော်တို့ ကိုရွှေဗမာများကလည်း အဲဒီလိုအခြေအနေမျိုးမှာတည်တည်ငြိမ်ငြိမ်ဖြေရှင်းတဲ့နည်းလမ်းကို မစဉ်းတော့ပဲ ဆရာဝန်တွေ သူနာပြုတွေအလစ်မှာ ဆေးရုံကနေ ဆင်းပြေးကြတတ်ကြသဗျ။ဆေးရုံမှာဆေးဖိုးဝါးခငွေမရှင်းနိုင်လို့ အဖမ်းခံရတဲ့လူနာတော့ ကျနော်မတွေ့ မိသေးတာ အမှန်ပဲဗျာ"

ကိုသက်ခိုင်သည် သူ့ဇာတ်လမ်းမှာ သူကိုယ်တိုင်မျောနေဟန်ရှိသည်။ဘေးဘီကို သူဂရုမထားတော့ပဲ ပြောလက်စဝါဝါအမည်ရှိ ရခိုင် ကလေးမလေး၏ဇာတ်ကြောင်းကို ရှေ့ဆက်နေသည်။

"ဒီမှာတင် ကျနော်ဟာ ဝါဝါဆိုတဲ့ကလေးမလေးအတွက် နည်းမျိုးစုံကြံဆခဲ့တယ်။ ကျနော်တတ်နိုင်တဲ့ငွေကြေးပမာဏတစ်ခုကို စိုက်ထုတ် မယ်။အသင်းထဲက ငွေတချို့ကို အမှုဆောင်အဖွဲ့အရေးပေါ်အစည်းအဝေးခေါ်ပြီးသုံးနိုင်ဖို့ ညှိနှိုင်းမယ်။ နောက်တစ်နည်း ကတော့ ကျနော် စီးပွားရေးလောကထဲမှာကျင်လည်ခဲ့စဉ်က ခင်မင်ရင်းနှီးခဲ့ပြီး ကျနော့်အပေါ်အခင်အမင်မပျက်သေးတဲ့ စီးပွားရေး အသိုင်းအဝိုင်းက မိတ်ဆွေတွေကို အကူအညီတောင်းမယ်။ဒီနည်းတွေအားလုံးသုံးရင် လိုအပ်တဲ့ငွေကြေးပမာဏအပြည့်အဝ မရသည့်တိုင်အောင် တစ်ပိုင်းတစ်စပြေလည်မှာတော့သေချာတယ်ဗျာ။နောက်တစ်နည်းရှိသေးတယ်။ဒီကလေးရဲ့အခြေအနေကို ပြည် တွင်းပြည်ပမီဒီယာတွေကနေ တဆင့်တင်ပြပြီး နိုင်ငံတစ်ကာရောမြန်မာပြည်ထဲက စေတနာရှင်တွေကိုပါ မေတ္တာရပ်ခံမယ်။ အလှူခံ မယ်ပေါ့ဗျာ။ ဒီနည်းတွေနဲ့မှ အဆင် မပြေသေးဘူးဆိုပါတော့။နောက်ဆုံးနည်းလမ်းတစ်ခုကျန်သေးတယ်ဗျာ"

"အဲဒီနည်းလမ်းကတော့ ကျနော့်မိတ်ဆွေထိုင်းရဲဗိုလ်မှူးကြီးတစ်ယောက်ကိုအဖော်ခေါ်ပြီး ဝါချီလပ်ဆေးရုံအုပ်ကြီးဆီတိုက်ရိုက်ဝင်၊ အသနားခံဖို့ပေါ့ဗျာ။ဒီလိုနဲ့ ဝါဝါဟာ တစ်စတစ်စ သက်သာလာလိုက်တာ နောက်နှစ်ပတ်သုံးပတ်လောက်နေရင် ပတ်တီးအားလုံးဖြေပြီး ဆေးရုံကဆင်း၊ပြင်ပလူနာအနေနဲ့ နှစ်ရက်ခြားသုံးရက်ခြား လာပြရမဲ့အခြေအနေဆိုက်လာတယ်ဗျာ"
"အမှန်ပြောရရင် အဲဒီကာလက ကျနော်ဟာ ထိုင်းနိုင်ငံကိုရောက်ကာစမို့ စီးပွားရေးအခြေကျအောင် ကျားကုတ်ကျားခဲရုန်းကန်နေရတဲ့ အခြေအနေမို့စိတ်သွားတိုင်းတော့ကိုယ်မပါပါဘူး။အဆင်ပြေနိုးနိုးလုပ်ငန်းပေါင်းစုံလျှောက်လုပ်၊ထင်သလိုမဖြစ်တော့ ရင်းနှီးထားသမျှ ငွေကြေးတွေဆုံးရှုံး၊ထိုင်းရဲတွေရန်ကတစ်ဖက်၊တကယ့်ဝါးရုန်းသုဉ်းကားအချိန်ကြီးဆိုပါတော့။အဲဒီအချိန်မှာ ကျနော်မှာ ရှိတာဆိုလို့ ဒီကလေးမလေးကို မဖြစ်ဖြစ်တဲ့နည်းနဲ့ အသက်ရှင်အောင် လုပ်မယ်ဆိုတဲ့ စိတ်ဓာတ်ထက်သန်မှုတစ်ခုပါပဲ။ တစ်နေ့တော့ ကျနော့်စိတ် ကူးဖဲရိုက်နေတာတွေကို အကောင်အထည်ဖော်ဖို့ ကုတင်ပေါ်မှာပက်လက်ကလေးရှိနေတဲ့ ဝါဝါ့ကို ကျနော့်လက်ကိုင်ဖုန်း နိုကီရာလေး နဲ့ ဗီဒီယိုနှစ်မိနစ်စာလောက်ရိုက်ထားမိလိုက်တယ်ဗျာ"

"နိုင်ငံတကာမှာ ဒုက္ခသည်တွေကိုဗန်းပြပြီး ကိုယ်ကျိုးရှာနေတဲ့ အန်ဂျီင်္အိုလိုလို ပရဟိတအဖွဲ့လိုလို အဖွဲ့တွေရှိနေတယ်ဆိုတာ ကျနော်သိပါ တယ်။ အဲသလိုအဖွဲ့တွေနဲ့လည်း ကျနော်အလွယ်တစ်ကူချိတ်ဆက်နိုင်ပါတယ်။ချိတ်ဆက်တတ်ပါတယ်။ဒါပေမဲ့ ကိုယ်ကျိုးရှာ မှာတွေ၊ နောက်ဆက်တွဲအရှုပ်အရှင်း၊သင်္ကာမကင်းစရာတွေကြုံရမှာကို ကြိုတင်စဉ်းစားမိတာကြောင့် ဘယ်အဖွဲ့ကိုမှ ကျနော်မဆက် သွယ်ခဲ့ဘူး။ ဒီဇာတ်ကို ကျနော်နိုင်အောင်ကနိုင်မယ်လို့သာ ကျနော်ပြင်းပြင်းထန်ထန်ယုံကြည်နေခဲ့တယ်။ ဒါပေမဲ့ဗျာ။ အဲဒီဒါပေမဲ့က တော်တော် ရင်နာစရာကောင်းတဲ့ဒါပေမဲ့ပါပဲ"


ဓာတ်ပုံ။ ။ဂူဂဲလ်

၃၀။၀၅၊၂၀၁၄ နေ့ထုတ် ဆဲဗင်းဒေးနေ့စဉ်သတင်းစာ။

http://7daydaily.com/story/11947#.U4fx-Cior90

ဆြာဒင်၏ရယ်နေလျက်နှင့်ငိုလေခြင်း

မင်းဒင်

(၁)
နေညိုချိန်လေနုအေးကား တသွဲ့သွဲ့နော့နေဆဲကို။
ရုပ်၊နာမ်၊ခန္ဓာ၊အာယတနတည်းဟူသော သံသရာစက်ကို လေးတန်သောမဂ်ဖြင့် ချိုးဖဲ့ဖျက်ဆီးတော်မူပြီး၍ အရဟံတည်းဟူသည့် ဂုဏ် တော်အထူးကိုခံယူတော်မူထိုက်သောဘုရားရှင်၏အဆုံးအမအတိုင်း ကိလေသာတို့မှလွတ်ရာလွတ်ကြောင်း ကျင့်ကြံကြိုးကုတ်အား ထုတ်လိုပါသော်ငြား သဒ္ဓမ္မဂဝေသီ ဘုရားပစ္စေကအရိယာတို့ ရှာမှီး၊ရညောင်းသူတော်ကောင်းတရားနှင့် မယဉ်ပါးသေးသည့် ဆြာဒင်မှာ ဖူးခက်မြို့ပါတောင်ကမ်းခြေမှ အကိုကာလသားများသဘောကျနှစ်ခြိုက်လေသည့် ယိုးဒယားမော်ဒယ် အလှပဂေးတို့၏ အဖော်အချွတ် ရှိုးပွဲများဆီသို့ မကြာခဏရောက်နေဆဲဖြစ်ရာ ရုတ်ခြည်းသော် ဆြာဒင့်အားလူ့အန္ဓစာရင်းဝင်သူဟု ထင်မြင်စရာရှိပေ၏။

သို့သော်ငြား အဆိုပါပွဲ၊အနှီပွဲများသို့ စွပ်ကယ်စွပ်ကယ်ရောက်ရခြင်းမှာ ဆြာဒင်၏ဝါသနာအရင်းခံကြောင့် မဟုတ်မူပဲ၊သာစွဌာနေ ဖူးခက်မြေနဂရဆီသို့ အပန်းဖြေအလည်ခရီးအလို့ငှာ ရံဖန်ရံခါရောက်လာတတ်ကြသည့် ရပ်ဝေးရပ်နီးမှ ဧည့်သည်ကြီးငယ် အသွယ် သွယ်တို့၏နားပူနားဆာတိုက်တွန်းဆော်ဖန်မှုကြောင့် ပါရမီဖြည့်ဆည်းသူနတ်လမ်းညွန်အဖြစ် မလွှဲမရှောင်သာရောက်ခဲ့ရခြင်းသာဖြစ်၍ မြင်ဆဲခဏ၌ သွားရည်တောက်တောက်ကျခဲ့သော်ငြား အပြန်လမ်းတွင်မူ ဤရုပ်နာမ်တို့သည် အပုပ်ကောင်ချည်းပါတကားဟု ဆင်ခြင်ခဲ့ သည်ကို၊ချစ်သော စာရှုသူတို့သိပါမူ ဆြာဒင့်အပေါ် ကောင်းစွာနားလည်ခွင့်လွှတ်ကြပေလိမ့်မည်။

စင်စစ်ဆြာဒင်သည် ဝိပဿနာတည်းဟူသော ရုပ်နာမ်ဓမ္မသခါင်္ရကို အထူးအားဖြင့်ရှုမှတ်ခြင်း၊ပဋိပတ္တိအလုပ်တွင် ဇွဲမနှစ်နိုင်သေးသော် ငြား ဖူးခက်မြို့အမ်မခန်အရပ်ရှိ အိမ်အိုကြီး၌ အချိန်ရလျှင်ရသလို မှတ်ဖွယ်ရာရာ၊ထိုထိုစာကို ရှာ၍မပြတ်အိမ်တွင်ဖတ်ဟူသော အဆုံး အမနှင့်အညီ ဗုဒ္ဓစာပေကျမ်းဂန်တို့ကိုလေ့လာဖတ်ရှုလေ့ရှိသည်ဖြစ်ရာ ဘာသာတရားနှင့်ကင်းကွာသူဟူ၍တော့ ဆိုနိုင်မည်မဟုတ်ချေ။
ယခုလတ်တလောဆြာဒင်၏ဖတ်လက်စ စာအုပ်မှာ မင်းပူးဦးသြဘာသ စီရင် ရေးသားတော်မူအပ်သည့် ဇာတ်ကြီးဆယ်ဘွဲ့ ဘုတ်အုပ် ထူကြီးဖြစ်ပြီး ဖတ်ရှုနေဆဲအခန်းမှာ သုဝဏ္ဏသာမဇာတ်တော်ဖြစ်၏။

"သုဝဏ္ဏသာမ ၁၆-နှစ်သို့ရောက်လာသည့်တိုင်အောင် အမိအဖတို့သည် အစဉ်စောင့်ရှောက်လျက် ကျောင်းသင်္ခမ်း၌ နေစေလျက် မိမိတို့အလိုလိုသာလျှင် တောသစ်သီး သစ်မြစ်တို့ကို ရှာအံ့သောငှာ တောသို့သွားကြလေကုန်၏။တနေ့တွင် အချိန်လွန်သည့်တိုင်အောင် ကျောင်းသင်္ခမ်းသို့ ရသေ့များပြန်မလာသဖြင့် အရွယ်ရောက်ပြီဖြစ်သော သုဝဏ္ဏသာမသည် စိတ်ပူလာသောကြောင့်၊တောထဲသို့ အရဲစွန့် ကာ လိုက်ရှာရင်း "အဖေ၊အမေ"ဟု အော်ခေါ်လေ၏။ တနေရာသို့ရောက်လျှင် ရသေ့တို့သည် သစ်သီးရှာရင်း လေကြီးမိုးကြီးကျ၍ သစ်ပင်အောက် မိုးဝင်ခိုပြီး တောင်ပို့ပေါ်ထိုင်လိုက်သည့်အခါ တောင်ပို့ထဲက မြွေဆိုး၊ အခိုးလွှတ်သဖြင့် အဆိပ်ငွေ့သင့်ပြီး မျက်စိ ကွယ်ကြောင်း ပြောကြကုန်၏။ ထိုအခါ သုဝဏ္ဏသာမသည် ငိုလဲငို၏၊ ရယ်လဲရယ်၏။(ငိုရခြင်းအကြောင်းကား ငယ်ငယ်ရွယ်ရွယ်နှင့် မျက်စိကွယ်ရခြင်းကြောင့်တည်း။ရယ်ရခြင်းအကြောင်းကား မိဘတို့ကို လုပ်ကျွေးခွင့် ရခြင်းကြောင့်တည်း။) ဟု ဆို၏။"
(၂)
အိမ့်အနောက်ဖက်က၊တောအုပ်မှာ ကျေးငှက်မျိုးစုံတို့၏အသံတို့ဖြင့် စီစီညံလျက်ရှိ၏။မာဂဓဘာသာနှင့်ကျွမ်းဝင်ရင်းနှီးမှုမရှိသောကြောင့် အဓိပ္ပါယ်အပြည့်အစုံကို ဆြာဒင်အတိအကျဘာသာပြန်ဆို၊မဖော်ပြနိုင်သော်ငြား လူတို့ဘာဝအားဖြင့်ဆိုလျှင် တေးသီနေကြခြင်းဖြစ်တန် ရာပါ၏။ချစ်တေးလော၊လွမ်းတေးလောဟူသည်ကား ဆြာဒင်မဝေခွဲနိုင်။မည်သို့ဆိုစေကာမူ သာတောင့်သာယာရှိလှသော ညနေဆည်း ဆာချိန်ပေတည်း။ လောကဓာတ်တခွင်၏အေးချမ်းတိတ်ဆိတ်မှုသည် ဆြာဒင့်စိတ်အား၊ သုဝဏ္ဏံသျှံဇာတ်တော်တွင် နစ်မျောစေခြင်း ငှာ အထောက်အပံ့သဖွယ်ဖြစ်တော့သည်။

သို့သော် သဗ္ဗညုတရှင်တော်မြတ်ဘုရားပင်လျှင် ပုဒိအာတည်းဟူသော ရွှေဉာဏ်တော်ကိုရသည်နှင့် မာရ်နတ်အဖျက်ရန်ပေါ်လာလေဖူး သည့်ထုံးနည်းအတိုင်း ဆြာဒင်၏အေးချမ်းကြည်နူးမှုကို ဖျက်ဆီးမည့် အဖျက်အမှောင့်သည် ရုတ်တရက်ပေါ်လာပြန်ချေသည်တမုံ့။

'ဟား ဟား ဟား။ ဟီး ဟီး ဟီး။ အဟားဟား ဟားဟား"
ပါးစပ်နှင့်နားရွက်တက်ချိတ်လုနီးပါး အသံကုန်အော်ဟစ်ရယ်မောလျက် ဆြာဒင်၏အခန်းတွင်းသို့ ရုတ်ခြည်းဝင်လာသူကား ဆြာဒင်၏ တပည့်ကျော်လေမင်းသား ပေတည်း။သူသည် Samsung Note2 ကို လက်ဖြင့်ပွတ်ရင်း မနားတမ်းရယ်မောလျက်ရှိရာ ရယ်နေရင်း အသက်ထွက်သွားမည်ကိုစိုးရိမ်မိသဖြင့် ဆြာဒင့်မှာ ခပ်ထန်ထန်ဟန့်လိုက်ရချေသည်။
"ဖြေးဖြေးသက်သာ ရယ်လည်းရပါတယ်ကိုရင်။ဘဇာကြောင့် ဤသို့ခွက်ထိုးခွက်လှန်ရယ်မောလေသနည်း"

လေမင်းသားကား ဆြာဒင့်အမေးကို နှုတ်ဖြင့်မဖြေ သူ့လက်ထဲမှ နုတ်တူးကိုသာ ကမ်းလေသဖြင့် ဆြာဒင်သည်  ဘတ်နှစ်သောင်းကျော် တန် Police တံဆိပ်မျက်မှန်ကိုကျော်ဖြတ်ကြည့်ရှုမိသောအခါတွင် နုတ်တူးဖလ်သားပြင်၌ အောက်ပါစာသားကို ဖတ်ရှုရလေသည်။
အမြန်လမ်း သေဆုံးသူများလျော်ကြေးပေးအပ်ပွဲတွင် ဒုဝန်ကြီး ဦးမောင်မောင်သိန်းက "ပရီမီယံကြေးက သုံးရာပဲ ရှိတယ် မုန့်ဟင်းခါး တစ်ပွဲ ဖိုးပဲ ရှိတယ်။ လျော်ကြေးက အဆတစ်သောင်း ပေးတယ် ကမ္ဘာမှာ မြန်မာပြည်ပဲရှိတယ် ""အာမခံ တစ်ခုဝယ်ရင် သိန်းသုံးဆယ် နှစ်ခု ဝယ်ရင် သိန်း ၆၀ ရမည်ဟုဆို"
ပီအိတ်ခ်ျဒီဒေါက်တာဘွဲ့ရဒုဝန်ကြီး၏ "အမြန်လမ်းမကြီးပေါ်မှာ၊ကာလနာသာအတိုက်ခံ၊ငွေများများရမယ်"။"အာမခံများများဝယ်ပြီး မြန်မြန်သေ၊ လျော်ကြေးများများထုတ်"ဟူသော အနက်အဓိပ္ပါယ်ဆောင်သည့် အဆိုပါစာကိုဆုံးအောင် ဖတ်ပြီးသည်နှင့်တပြိုင်နက် ဆြာဒင်သည်၊တခွီးခွီးနှင့်တံတွေးသီးအောင်ရယ်မိလေတော့၏။အားရပါးရရယ်မိ၏။ နှစ်မိနစ်ခန့်ဆက်တိုက်ရယ်မောခြင်းပြီးဆုံး သည့်အခါ တွင်မူ ဆြာဒင့်မျက်ဝန်းအိမ်တွင် ပြိုတော့မည့်မိုးကဲ့သို့ မျက်ရည်စို့ နေလေပြန်သည်။

(၃)
ဤလောကကြီး၌အချို့သောအကြောင်းတရားတို့သည် တခါတရံတွင် မရည်ရွယ်မထင်မှတ်ပါပဲလျက် ဆက်တိုက်ဆင့်ကာ ကြုံရတတ် သည်ကား ထူးဆန်းအံ့သြဖွယ်ကောင်းလေစွ။ "ဗျို့ဆြာဒင် "ဟူသော ကျယ်လောင်သည့်အော်ခေါ်သံကြီးနှင့်အတူ ဆြာဒင့်ရှေ့ မှောက်သို့ရောက်လာပြန်သူကား ကပ္ပလီဖြစ်၏။သူသည်လည်း "ဟေးဟေးဟေး၊ အဟေဟေ့ ဟေ၊ဟေဟေဟေ့"ဟူသောရယ်သံ ရှည်ကြီး ဖြင့် ဆက်တိုက်ရယ်ရင်း အူတက်မသွားစေရန်အလို့ငှာ ဝမ်းဗိုက်ကို ညာလက်ဖြင့် နှိပ်ထားချေ၏။ကျန်ဝဲဘက်လက်တွင်ကား ဂျာနယ်တစ်စောင်ကိုကိုင်လျက်ရှိ၏။ဆြာဒင်သည် ကျလုလုမျက်ရည်စ တို့ကို သတိတရားဖြင့်ထိန်းရင်း ကပ္ပလီကို မေးခွန်းထုတ်ရ ပြန်သည်။

"ဘာဖြစ်လာပြန်ပြီတုန်းကပ္ပလီငယ်၊အရယ်ကိုခေတ္တရပ်၍ ရယ်ရခြင်းကို ရှင်းပါလေ"
ကပ္ပလီငယ်သည်လည်း လေမင်းသား၏နည်းနှင်နှင် နှုတ်ဖြင့်တုန့်ပြန်စကားမဆို လက်ထဲမှဂျာနယ်ကိုသာ ဆြာဒင့်ထံထိုးပေးရင်း သူရယ်ရ သည့်စာမျက်နှာကိုညွှန်းလေရာ ဆြာဒင်ဖတ်ရသည်မှာ SALAI NAING HTOO ၏လက်ရာကာတွန်း တစ်ကွက်ဖြစ် ၏။သရုပ်ဖော်ပုံမှာ သွက်သွက်ခါအောင် ရူးနေသည့် အရူးတစ်ယောက်က တိုက်ပုံဝတ်လူကြီးလူကောင်းတစ်ယောက် ရှေ့တွင် နှုတ်မှတွေ့ကရာစကားတို့ကို ရေရွတ်အော်ဟစ်နေပုံဖြစ်ပြီးအဆိုပါအရူးစကားမှာအောက်ပါအတိုင်းဖြစ်လေ၏။
"တိုင်ပတ်တော့ တပ်ပိုင်။နို့သောက်တော့နောက်သို့။သုံးသိန်း သိမ်းတုန်း။တောပျောက်တော့ သောက်ပြော၊ပတ်မ ဖောက်၊ ဘတ်ဂျက် ပျောက်။မပြင်မပြင် နောက်လှည့်ပြီးနောက်မပြင်"ဟူ၏။

သရုပ်ဖော်ပုံနှင့်စာသားသည့် ဟတ်စပ်လှသည်ဖြစ်လေသောကြောင့် ဆြာဒင်သည် ဟီး ဟီး ဟီးဟီး တဟီးဟီးနှင့် ဟီးလေးတိုက် ရယ်မိ ပြန်တော့သည်။အရယ်လွန်သောကြောင့် ဆြာဒင့်မှာ တံတွေးသီးရုံမက ချောင်းခြောက်ပါဆိုးလာတော့၏။ အဟွတ်၊အဟွတ်၊အဟွတ်၊ ထိုအဟွတ်အဆုံးတွင်ကား ဆြာဒင်သည်ရယ်ခြင်းကို ချက်ခြင်းရပ်ကာ တစ်ကိုယ်လုံးသိမ့်၍သိမ့်၍တုန်အောင် ကျိတ်၍ကျိတ်၍ ရှိုက်၍ ရှိုက်၍ ငိုလေ၏။
(၄)
ဆြာဒင်၏ငိုခြင်းရယ်ခြင်းဒုက္ခကား ဤတွင်ဆုံးခန်းမတိုင်သေးချေ။တပည့်ကျော်ဖေကြည် ပေါက်ချလာပြန်ချေပြီ။ဖေကြည်သည်လည်း ပါးဖြဲနားဖြဲပြုံးဖြဲဖြဲနှင့်ရယ်မောလျက် ဝင်လာ၏။မုတ်ဆိတ်မွှေးတိုနံ့နံ့နှင့်မို့ သူ့ရယ်သံမှာ ဆိတ်အော်သံနှင့်တူနေသည်ဟု ဆြာဒင်ထင်မိ သည်။

"ဗျို့ဆြာဒင်၊ ဆြာဒင့်ဆိုင်မှာ ကိုကိုလှိုင်ရှိလားဗျ။ဒီနေ့လုပ်ခက ဉာဏ်ထွန်းပဲရတာမို့ အကြွေးလုပ်ဗျာ။ဆန်ရောဆီပါဝယ်ရမှာမို့ ပိုက်ဆံပြတ် တော့မယ်။ကျနော်က သိန်းစိန်ကိုမကြိုက်ဘူး။တော်ကြာမနက်ညပေါင်းပြီး မြင့်လှိုင် လုပ်နေရမယ်၊ထိုင်းရဲကလည်း work permit မှာ အလုပ်ရှင်နာမည်မတူလို့ လစဉ်ကြေးမပေးရင် အုန်းမြင့်မယ်ချည်း ပြောနေပြီဗျ။ကြံပါအုံးဆြာဒင်ရယ်၊လုပ်ကိုင်စားရတာ ဟန်မကျချက်ကတော့ အောင်သိန်းလင်းချင်ပြီဆာဒင်ရေ့"
ဖေကြည်ခေါ်အာရုံ၏ ပဟေဠိဆန်လှသော စကားတို့ကို ဆြာဒင်နားမရှင်းချေရကား မရှက်မဝံ့ပင်၊ဝန်ခံမေးမြန်းသမှုပြုရပြန်လေရာ ဖေကြည် ငယ်ရှင်းလင်းသမှုပြုသောအနက်ကား အောက်ပါအတိုင်းဖြစ်၍ မူရင်းဗမာ့သားကောင်းအမည်ရှိ ဖေ့စ်ဘွတ်စာမျက်နှာမှ ချယ်မှုန်းချက်ကို နည်းမှီသည်ဟုဆို ပါ၏။

လျှပ်စစ်မီးမလာလျှင် ဖယောင်းတိုင်ထွန်းခြင်းဖြင့်မီးလင်းစေသည့် နိုင်ငံတော်အကြံပေး၏ မဟာရွှေဥာဏ်တော်အရ ၎င်းအား ဖယောင်းတိုင် ဖြင့် တင်စားသည်ဟုဆို၏။မိသားတစ်စုတစ်နေ့လျှင် ကျပ်နှစ်ထောင်ဖြင့်လုံလောက်ပြီ ဟု မြွက်ကြားလေသည့် ဒုသမ္မတမင်းအား ကျပ်နှစ်ထောင်နှင့် ပမာပြု သည်ဆို၏။ထမင်းတစ်နပ်လျော့စားခြင်းဖြင့် လယ်သမားတို့အကြွေးဆပ်ကြပါကုန်ဟူသော ပညာရှိဝန်မင်းကိုမူ ထမင်းတနပ်ဖြင့်ရသ အလင်္ကာမြောက် ခေါ်ဝေါ်သမှုပြုသည့်နည်းတူ၊အားရှိစေရန်အရက်အစား နွားနို့သောက်စေ သည့် မဟာဂရုဏာရှင်သမ္မတကြီးအား နွား နို့၊တိုင်းပြည်အနှံ့လှည့်လည်၍လက်စွမ်းပြလိုသည့် ကျေးလက်ဝန်မင်း၏အမည်ကို ပါးရိုက်၊ပြောင်းဖူးတချောင်း ထောင်ပြလျက် ၊မြစ်ဆုံစီမံ ကိန်းကို မဖြစ်မနေပြန်လည်စတင်ရမည်ဆိုလေသည့် မြို့တော်ဝန်ဟောင်း အမတ်မင်း အား ရူးသွပ်သည့် စကားပမာဖြင့်လည်းကောင်း ခိုင်းနိုင်းဖလှယ်ပြက်ရယ်ပြုကြသည်ဟုဆိုပါသည်။

ဤခက်ဆစ်အဓိပ္ပါယ်ဖွင့်ဆိုချက်ကို ကြားရသည်တွင်လည်း ဆြာဒင်သည် ထိမိလှသော အဆိုပါသရော်ချက်ကို လွန်စွာနှစ်ခြိုက် သဘောကျမိပြန်ရကား တဟက်ဟက်နှင့်၊ဟက်ဟက်ပက်ပက် အသံထွက်အောင် ရယ်ရပြန်ပြီးသည်၏နောက်တွင်ကား ခုနစ်အိမ်ကြား ရှစ်အိမ်ကြား အသံပြဲကြီးဖြင့် တဟီးဟီးနှပ်ချေးပါထွက်အောင် ငိုချင်းရှည်ကြီးဖြင့်ချုံးပွဲချငိုမိပြန်လေသည်။
တပည့်ကျော်တို့ကား ဆြာဒင်၏ထူးဆန်းထွေပြားလှသော တပြိုင်တည်းရယ်ခြင်းငိုခြင်းအပြုအမူကြောင့် အံ့သြခြင်းကြီးစွာ ဖြစ်ကြရုံမျှမက နောက်ဆက်တွဲစိုးရိမ်ပူပန်မှုတို့ပါ စွက်လာခဲ့ချေပြီ။သို့ကြောင့် ဆရာသခင်အား ပေကလပ်ပေကလပ် မျက်လုံးများဖြင့် ကြည့်ရှုရင်း အမေးပုစ္ဆာထုတ်ကြပါကုန်၏။

(၅)
"အို။ချစ်ခင်လေးမြတ်ရသောဆြာဒင်၊ရယ်ခြင်းငိုခြင်းအမှုကို အဘယ်ကြောင့် တပြိုင်တည်းပြုလေသနည်း"
"ဆြာဒင်၊ ဇီးယိုသည် နေပြင်းသည့်အချိန် စိတ်ဂယောင်ခြောက်ချားဖြစ်ခြင်းအား သက်သာပျောက်ကင်းသည်ဟု တပည့်ကြားဖူးပါ၏"
"ဆြာဒင်၏ စိတ်အခြေအနေကို စစ်ဆေးရန်အလို့ငှာ ဖူးခက်မြို့ရှိဆေးရုံဆေးခန်းသို့ ပြသသင့်သည်ဟု ရိုးသားစွာထင်မြင်ပါ၏။စိတ်ကို ထိန်းသင့် ပါသည်ဆြာ"

ထိုသို့လျှင် တပည့်ကျော်အသီးအသီးက စိုးရိမ်တကြီးမျက်ကလဲဆန်ပြာမေးလာသည့်အခါတွင်ကား ဆြာဒင်သည် ငိုခြင်းရယ်ခြင်းကို ရပ်တန့်လျက် ကြီးစွာသောဣနြေ္ဒကိုဆောင်ကာ၊သင်းတို့သုံးဦးအား ရင်ဝယ်သားကဲ့သို့ သနားကြင်နာ၊မဟာဂရုဏာဖြင့် ကြည့်ရှု ရင်း ဆိုရေးရှိက ဆိုအပ်လှ၏ဟူသော လောကီပညာရှိတို့၏မိန့်မှာချက်နှင့်အညီ ယင်းတို့သိလိုသော အဖြေကို ရှင်းလင်းမိန့်မြွက်ရလေ၏။

"အိုအချင်းတို့။အထက်က သင်တို့သယ်ဆောင်လာသည့် သတင်းစကားတို့၏ ဇစ်မြစ်ကား ယူနီဖောင်းချွတ်စစ်ဗိုလ်တို့၏အမြင်အသီးသီး ဖြစ်ချေ၏။အဆိုပါပုဂ္ဂိလ်တို့သည် ဒီမိုကရေစီခေတ်ဆီသို့ ဦးတည်နေပြီဆိုလေသော ဤကာလ၌ပင် ကျဉ်းမြောင်းသေးသိမ်သော ဦးနှောက် ကိုယ်စီဖြင့်သာ ဟိတ်ဟန်မပျက်၊အကျင့်စရိုက်မပျက် ခရီးရှေ့ဆက်နေကြဆဲပင်ဖြစ်လေရာ ၎င်းတို့ပြုမူပြောဆိုအပ်သမျှ အရာ မှန်သမျှ ရယ်ဖွယ်လိလိ ဟာသရသမြောက်လှချေ၏။သို့အတွက် ဆြာဒင်ရယ်သတည်း"

"နောက်တမူလည်း ဤမျှ ညံ့ဖျင်းနုံချာလှသော စစ်ခေါင်းဆောင်တို့သည် ခေတ်မီဖွံ့ဖြိုးတိုးတက်သောနိုင်ငံတော်သစ်ကြီးဆီသို့ဟူသည့် ကြွေးကြော်သံကို ဟန်ပြအသံကောင်းဟစ်လျက်၊ကိုယ်ကျိုးရှာခဲ့သည်မှာ သစ်တောဖုံးလွှမ်းသည့်ဗမာတပြည်လုံးငုတ်တိုချည်းကျန်သည့် အခြေဆိုက်ရ၏။တရုတ်တရက်တို့၏သြဇာခံဘဝရောက်ခဲ့ရ၏။အိမ်နီးချင်းနိုင်ငံတို့နှင့်နှိုင်းယှဉ်လျှင်ပင် ပညာရေးကျန်းမာရေး၊အမျိုးသား ရေးသိက္ခာတို့တွင် ဓားမနောက်ပိတ်ခွေးဘဝရောက်ခဲ့ကြရ၏။သင်းတို့၏အမျှော်အမြင်ဉာဏ်နည်းလွန်းလှသော လုပ်ရပ်တို့ကြောင့် မှန် ကင်းအစစ်မှ ထင်းဖြစ်ရလေသည့် ဗမာပြည်ဗမာလူမျိုးတို့၏ဘဝကို ယူကြုံးမရအပူလုံးကြွမိသည်ဖြစ်သောကြောင့်၊သည်လိုပုံနှင့်မိုးကြီး ချုပ်လျှင်ဖြင့် တိုင်းပြည်ရှေ့ရေးကို ဆက်မတွေးဝံ့သည်ကြောင့် ဆြာဒင်ငိုသတည်း"

တပည့်ကျော်သုံးဦးကား ဆြာဒင်၏ရှင်းလင်းဖြေကြားမှုကို နှစ်ထောင်းအားရရှိလှသော အမူအယာကိုယ်စီဖြင့် ခေါင်းကို တညိမ့်ညိမ့် ဆတ်ကြရင်း ...
"ဆြာဒင် ဤသို့ဆိုပါမူ ထိုသို့သော ငိုရခြင်းရယ်ရခြင်းတို့မှ လွတ်မြောက်ရာသည်မရှိပြီလော၊ကျွန်ုပ်တို့မည်သို့လျှင် ရှေ့ခရီးဆက်ကြပေအံ့ နည်း။ကျွန်ုပ်တို့သည်ဒီမိုကရေစီနှင့်ဝေးပြီလော"

ဟု အထွန့်တက်၊အမေးကွန့်လာသည်တွင်ကား ဆြာဒင်သည် တိုက်ရိုက်ပြန်လည်ဖြေကြားခြင်းမပြုတော့ပဲ တေးပြုစာဆိုမြို့မငြိမ်း၏ လက်ရာ၊မူရင်းအဆိုရှင်ကိုအံ့ကြီး၏ ကိုယ့်ဒူးကိုယ်ချွန်ခေတ်ဟောင်းတေးသီချင်းကို ကိုအံ့ကြီးပင်လိုက်မမှီသည့် အောင်မြင်ခန့်ငြားသော အသံဝါကြီးဖြင့် ဌာန်ကရိုဏ်းကျစွာသီဆိုရင်း တုန့်ပြန်သမှုပြုခဲ့ရပေတော့သည်တကား။

"(ယောက်ျားကောင်းအတောင်နှစ်ဆယ်ဆိုတာ ကောင်းကင်ကကြယ်မလွတ်စတမ်းသာ၊ဝီရိယလုံ့လကိုသာ ထာဝစဉ်ရှိဖို့ သတိယှဉ်ပါ)၂
အထက်ကိုချိန်ကာ ဝတိံသာခေါင်ထိပ်၊မောင့်စိတ်တံခွန်တလူလူဖြာ၊သူများအားကိုး ခါးကျိုးနလန်မထူ တကဲ့လူဆိုတာ၊ အတ္တဟိ အတ္တ နော နာထော မိမိကိုယ်သာကိုးကွယ်ရာ။
ဇနက္ကဇာတ်တော်အလာ၊ကိုယ်ရေးကြုံတဲ့အခါ ရဲဝံ့တည်ကြည် ဘယ်ဆီသောင်ကမ်း လမ်းမမြင်ပါ၊ကူးလျက်သမုဒ်ပြင်မှာ ခုနစ်ရက်ပတ် လုံးသာ အားထုတ်ယုံကြည်ဇာနည်သွေးမို့အရေးအောင်တာ၊ အို၊ အတ္တဟိအတ္တနော မိမိကိုယ်သာကိုးကွယ်ရာ"
....................................

၂။၀၆။၂၀၁၄ နေ့ထုတ် ဆဲဗင်းဒေးနေ့စဉ်သတင်းစာ။  ။

http://7daydaily.com/story/12194#.U4vGwCior90

ဆြာဒင်၏ဂုဏ်ကိုမြင့်စေခဲ့သော ရွှေပင်ရွာတရားပွဲကြီး။ ။

မင်းဒင်
(၁)
စုံစုံကျေးငှက်၊လည်ယှက်လက်တင်၊  လွမ်းဖွယ်ဆင်သည့် နွေသမယ၊မိန်လရာသီမဟုတ်သော်ငြား မုတ်သုန်အဝင်နောက်ကျလေသဖြင့် ကြည့်လေရာ ရှစ်ခွင်ဝန်းကျင်တွင် ညှာတာမှုကင်းလေသော နေမင်း၏တန်ခိုးအာဏာစက်ကြောင့် တံလျှပ်တို့တရှိန်ရှိန်ထနေလေသည်။

 ရွှေပင်ရွာအရှေ့တံခါးမှ တခေါ်သာသာ၊အကွာအဝေးရှိ ယာခင်းပြင်ကြီးတွင် ရွာရှိလူကုန်အပြင် ညောင်ကြပ်ပင်၊ရွာလေး၊ လင်းကဒိုး၊ စမ်းဂံစသော ရွာများဆီမှ ရွာသူရွာသားဧည့်ပရိသတ်များပါရောက်ရှိနေကြကုန်သည်ဖြစ်၍ ကြည့်လေရာတွင် ဖုန်တထောင်းထောင်းထ လျက်ရှိသည်ကို အဝေးကပင်မြင်နိုင်လေသည်။ယာကွင်းပြင်ကြီးတဝိုက်ရှိ ပိုင်းတန်းခရိုးတို့ဆီမျှော်ကြည့်လျှင်ကား နိုင်ငံတော်အလံ အရွယ် မျိုးစုံသည် လေတွင်ကစားကြွားတလူလူဝေလျက်ရှိ၏။

လှည်းနေလှေအောင်းမြင်းဇောင်းမကျန်ဟူသော စကားဥပမာကို သတိရစရာကောင်းလှပါ၏။ အတန်ငယ်လှမ်းသည့်ရွာအချို့မှ၊ စိတ်ဝင် တစား တခဲနက်တက်ရောက်လာကြသဖြင့်၊ချီလာသည့် လှည်းတပ်ကြီးမှာ ရာဂဏန်းဝန်းကျင် မျှပင် ရှိလောက်ချေ၏။ အဆိုပါလူအုပ်ကြီးသည် ယာကွင်းပြင်ကြီး၏ တစ်ခုသောမဏ္ဍပ်စင်မြင့်ရှေ့တွင် ပြင်းထန်သောအပူဒဏ်ကို အာခံကာ စုဝေးရောက်ရှိနေကြခြင်းကား ဆြာဒင်၏ ဖွဲ့စည်းပုံအခြေခံဥပဒေဆိုင်ရာဟောပြောမှုကို မလွတ်တမ်းနားထောင်ကြရန်ဖြစ်ချေသည်။

ပုလဲအရောင်မမှိန်၊ဗြုတ်စဗျင်းတောင်းသုခမိန်ဆြာဒင်ကား စင်မြင့်မဏ္ဍပ်နှင့်မနီးမဝေးရှိ ခပ်နွမ်းနွမ်းပလပ်စတစ်ကုလားထိုင်တစ်လုံး ပေါ်တွင် မသိမသာ ခေါင်းကုတ်ရင်း ဇောချွေးပြန်သည်အထိ အကြံအိုက်နေလေသည်။
"ဟယ်လို တက်စတင်း ၊ဟယ်လိုတက်စတင်း၊ဟိုက်လိုဟိုက်လို"
မဏ္ဍပ်စင်မြင့်ပေါ်တွင်မူ ဆြာဒင်၏တပည့်ကျော် ဖေကြည်တစ်ယောက် တဟဲဟဲ၊တလိုလိုဖြင့် မိုက်ကရိုဖုန်းကို အိုက်တင်ပါပါအသံ စမ်းသပ်ရင်း အလုပ်ရှုပ်လျက် ရှိလေ၏။

။ဟောပြောပွဲကြီးစတင်ချိန်နီးလာလေ ဆြာဒင်တစ်ယောက်နေမထိထိုင်မသာ ဗိုက်ထဲက ရစ်ရစ်ပြီး နာသလို ခံစားလာရသည်။ စင်စစ်ဆြာဒင် စင်မြင့်ထက်သို့တက်၍ မိန့်မြွက်စကားရှည်ကြီးဟောပြောရန် အလွန်ဝန်လေးလှပါ၏။ထို့ထက် ဟောပြောရမည့်အကြောင်းအရာနှင့်ကန့်သတ်ချက်ကြောင့်ပို၍ ဆောက်တည်ရာမရဖြစ်နေချေသည်။သို့တစေ ပညာရဲရင့်ပွဲလယ် တင့် ဟူသောဆိုရိုးနှင့်အညီ "ဒီလူတွေအားလုံး ငါ့နယ်သားတွေကပဲ"ဟူသောအတွေးဖြင့် ရှိစုမဲ့သတ္တိကိုကြံဖန်မွေးမြူကာ၊ တံတွေး အကြိမ် ကြိမ်မျိုချရင်းစိတ်ကိုမဲတင်း နေရလေတော့သည်။
ဖြစ်မှဖြစ်ပါ့မလားဟုတကြောင့်ကျကျ၊ဆြာဒင်ခံစားနေရသောအနှီဒုက္ခ၏မြစ်ဖျားခံရာကား ဤသို့ဖြစ်လေ၏။

(၂)
နမောတဿ၊ဘဂဝတော၊အရဟတောသမ္မာသမ္ဗုဒ္ဓဿ။
ဒကာဒင်
ရွှေပင်ရွာတောကျောင်းဘုန်းကြီးအီးမေးလ်ဖြင့်စာရေးအကြောင်းကြားသိစေအပ်သည်။ ရတနာမြတ်သုံးပါး၏ ကျေးဇူးကြောင့် ဘုန်းကြီး ကျန်းမာသည့်နည်းတူဒကာဒင်ကျန်းမာပျော်ရွှင်စေရန်လည်း ဘုန်းကြီးမေတ္တာပို့သပါ၏။ဘုန်းကြီးလိုတိုရှင်းမိန့်ရလျှင်  ဘယ်လိုဘယ်ပုံရေးလိုက် မှန်း မသိသည့်အခြေခံဥပဒေဆိုသော စာအုပ်စိမ်းတွင် ဘာပါမှန်းညာပါမှန်း၊ဘာရေးထားမှန်းမသိသောကြောင့် ဗဟုသုတခေါင်းပါးရှာ ကြသည့် ရွှေပင်သားတို့မှာ အဆိုပါဘုတ်အုတ်ပြင်ရေးမပြင်ရေးတွင် ယောင်နန ဖြစ်လျက်ရှိလေရာ ရွှေပင်သားစွယ်စုံမုန်သောက်၊ ပညာရှင် ဒကာဒင် အနေဖြင့် လာရောက်ဟောပြောစေလိုသည်။ အထူးသတိပြုရန်မှာ ရွှေပင်သားတို့ ချက်ဆိုနားခွက်က မီးတောက် သကဲ့သို့ ဒက်ကနဲနား လည်ကြစေရန်အလို့ငှာ ဒကာဒင့်အနေဖြင့်၎င်းကိစ္စရပ်ကိုပုဒ်ထီးပုဒ်မ၊ နံပတ်ဂဏန်းများ လုံးဝမပါရှိစေဘဲ ဟောပြောပေးရန် မေတ္တာရပ်ခံလိုပေကြောင်း။ ။
ပုံ
တောကျောင်းဘုန်းကြီး
ရွှေပင်ကျေးရွာ။နတ်မောက်မြို့နယ်၊မကွေးတိုင်း

အထက်ပါအီးမေးလ်ကို လွန်ခဲ့သောလေးရက်က ဆြာဒင်လက်ခံရရှိ ဖတ်မိခဲ့ခြင်းဖြစ်၍ ယင်းခဏ၌ပင် ဆြာဒင်မှာခေါင်းမီးတောက်ခဲ့ရ ချေသည်။လက်လှမ်းမီရာစာတချို့ကို တောင်ဖတ်မြောက်ဖတ်၊သရော်စာတချို့ကိုတောင်ရေးမြောက်ရေး၊ဘာမှမသိတာမရှိ ဧရာမပဏ္ဍိတ် ကြီးအဖြစ်ဟန်ရေးပြမိသည်ကား အမှားကြီးမှားချေ၏။ဆြာဒင်ကဲ့သို့ အနုံညာတသည် ဖွဲ့စည်းပုံအခြေခံဥပဒေတည်းဟူသော နိုင်ငံ့ အညှာကို အဘယ်မှာလျှင် တုံးခုလှမ်းကာ ဥာဏ်မီနိုင်စွမ်းပါအံ့နည်း။

ပို၍အခက်ကြုံသည်ကား ပုဒ်ထီးပုဒ်မမျိုးစုံဖြင့်သာဥာဏ်ကြီးရှင်တို့ စီရင်အပ်သည့် အဆိုပါဘုတ်အုတ်ကြီးကို ကိန်းဂဏန်းနံပတ်မပါစေရပဲဆြာဒင်ဟောပြောရမည်ဟူသော ကန့်သတ်ချက်ပေတည်း။ ထိုတမူလည်း ဆြာဒင်၏ဇာတိရွာ၏ အခေါင်အဖျားတောကျောင်းဘုန်းတော်ကြီးဘုရားကိုယ်တိုင် ပင့်ဖိတ်လာမှုကို ဆြာဒင်အသို့လျှင် ငြင်းဆန်နိုင်ပေအံ့နည်း။ပေါက်သည့်နဖူးမထူးပြီဟု စိတ်ဝယ်အောက်မေ့လျက် ထုံးစံအတိုင်းတပည့်ကျော်သုံးဦးခြံရံကာ ဇာတိရွာရွှေပင် ဆီသို့ ဒုတ်ဒုတ်ထိရောက်ခဲ့ရပြန်ချေသည်တမုံ့။

(၃)
"သိဒ္ဓိအဖုံဖုံကုံလုံစေမည်၊နေ့စဉ်ညစဉ်ဖိုမထိုးပဲ အကျိုးပေးနိုင်မည်။ဗမာပီပီနဂါးနီတန်ခိုးနဲ့မြေလျှိုးပါလို့၊မိုးပျံနိုင်မည်။မွဲတဲ့သူတွေ ငွေမရှား ရအောင် ကြိုးပမ်းလို့ဆောင်ရွက်ကာမှန်း ရှေ့ကလမ်းပြမည်။ကျန်းကျန်းမာမာချမ်းချမ်းသာသာဘေးရန်ကာဆီးမည်။လူမွဲတွေက မနှေး ခေတ်မီသူဌေးဖြစ်တော့မည်"

ထနောင်းပင်တို့၏ထိပ်ဖျားရှိ လော်စပီကာများဆီမှ နဂါးနီတေးသီချင်းသံသည် နားမခံသာအောင် ဆူညံစွာပေါ်ထွက်လာနေချိန်တွင် ရွှေပွဲလာ နယ်သူနယ်သားတို့မှာ ထမိန်ကိုဒေါင့်တန်းဆွဲလျက်တနည်း၊ပုဆိုးပိုင်းလွှမ်းတင်အပ်သောကျောပြောင်ကိုယ်စီနှင့်တစ်ဖုံ ဝင်လာ မစဲ တသဲသဲဖြင့် ကွင်းလုံးပြည့်နေလေပြီတကား။ဆြာဒင်ဟောပြောမည့် စင်မြင့်မဏ္ဍပ်ကြီးကား ခေတ်မီပရိုဂျက်တာဖြင့် ဆလိုက်ထိုး၍ ရှင်းလင်းဟော ပြောနိုင်ရန်စီစဉ်ထားသည်ဖြစ်ရာ ရွှေပင်ရွာသည်ခေတ်ရှေ့ပြေးသည်ဟုတော့ဆိုနိုင်လေသည်။စင်စစ်ဤအစီအမံသည် ကပ္ပလီ၊ဖေကြည်ခေါ်အာရုံနှင့်လေမင်းသားတို့၏ အားထုတ်မှုဖြစ်၍ ရည်ရွယ်ချက်ကား ဒင်းတို့ဆရာ ဟောရင်းပြောရင်း ခွေးအလှည်း နင်းသကဲ့သို့ရှိခဲ့သော် ပရိသတ်စိတ်ဝင်တစားရှိသည့် ကိုးရီးယားမင်းသားမင်းသမီးတို့၏ ရုပ်ပုံများကို ရုတ်ခြည်း ထိုးပြနိုင်ရန်ဟု မဟာ ဥာဏ်တော်ဖြင့်ဆိုလေသည်။

အခန်းအနားစတင်လေပြီ။ကျောင်းထိုင်ဘုန်းကြီး အဖွင့်အမှာတရားချီးမြှင့်ပြီးသည့်နောက် အခန်းအနားမှူးရွှေပင်ပဏ္ဍိတ် ကျောင်းဆရာ လေးကိုဘိုကိတ်မှ ဆြာဒင်အား ဟောပြောပေးပါရန် ဖိတ်ခေါ်လိုက်ချိန်တွင်ကား ဘဝဂ်ညံလောက်သော တခဲနက် လက်ခုပ်သြဘာ သံကြီးမည်ဟီးလာလေရာ ဆြာဒင့်ခမျာ ဘယ်ပုံခြေလှမ်းလှမ်းမိခဲ့သည်မသိ၊စကားပြောစင်မြင့်ထက်၊မိုက်ကရိုဖုန်းတည့်တည့် တွင် ရောက်နေခဲ့လေပြီ။ပုရွက်ဆိတ်ဝင်သလို ယားကျိကျိဖြစ်နေသော လည်ချောင်းတွင်းကို သလိပ်ခတ်၍ရှင်းရင်း ပရိသတ်ကြီးသို့ အထစ် အထစ်ဖြင့်မိတ်ဆက်စကားဖြင့် နိဒါန်းပျိုးရတော့၏။

"အဟမ်းအဟမ်း၊ ဟင်း၊ဟင်း။လေးစားအပ်ပါသော ရွှေပင်ရွာတောကျောင်းဘုန်းကြီးနှင့်တကွ အခန်းအနားကြီးသို့ ကြွရောက်လာကြ သော  ဗိုလ်ချုပ်နယ်သူနယ်သားအပေါင်းတို့ခင်ဗျား"
ဤနိဒါန်းစကားအဆုံးတွင်လည်း ရွှေပင်ဇာတိဖွားဆြာဒင်ကို အားမငယ်စေရန်အလို့ငှာ ပရိသတ်အပေါင်းသည် လက်ခုပ်သံသာမက လက်ခေါက်မှုတ်သံများဖြင့်ပါ မြှောက်ထိုးပင့်ကော်လုပ်ကြပြန်ရာ ဆြာဒင်သည် တိုက်ပုံအင်္ကျီဘေးအိပ်အတွင်းမှ စာအုပ်အစိမ်းလေးကို အသာဖွင့်လျက်စကားဆက်ရပြန်သည်။
"ဤဖွဲ့စည်းပုံအခြေခံဥပဒေ၏အခန်း(၁) ပုဒ်မ၁မှ ၄၈အထိ၊အခန်း(၂)ပုဒ်မ၄၉မှ ၅၆အထိ၊ အခန်း(၃)ပုဒ်မ၅၉၊၆၀၊အခန်း(၄)ပုဒ်မ၇၄၊ ၁၀၉၊ ၁၄၁၊၁၆၁၊အခန်း (၅) ပုဒ်မ၂၀၀၊၂၀၁၊၂၄၈၊၂၇၆၊....."ဤတွင်ဆြာဒင်ခေါင်းမူးပြီ။ဆက်၍မဖတ်နိုင်တော့။ပရိသတ်အတွင်းမှလည်းကျွက်စီ ကျွက်စီအသံများထွက်ပေါ်လာတော့၏။

"ဘာဂဏန်းတွေတုန်းဆြာဒင်ရာ"
"နှစ်လုံးတွေရော၊သုံးလုံးတွေရော၊ချဲဂဏန်းတွေကျနေတာပဲ"
"ပုဒ်မတွေကိုနားရှုပ်ပါတယ်ဆိုကာမှဗျာ"
"ဒါစာသင်ခန်းမဟုတ်ဘူးဆြာဒင်၊လူနားလည်အောင်လူလိုပြောပါ"
တစ်ယောက်တစ်ပေါက်အားပေးထောက်ခံသံများကြောင့် ဆြာဒင်မှာ စင်မြင့်ဒေါင့်တစ်နေရာတွင် အမြိန့်သား သီတင်းသုံးတော်မူနေသည့် တောကျောင်းဘုန်းကြီးဆီသို့ စစ်ကူရလိုရငြားမျက်စိကစားမိသည့်အခါတွင်ကား  ဘုန်းတော်ကြီးသည် "အစက ငါမမိန့်လား"ဟူသော သိက္ခာကြီးလှသောမျက်နှာပေးဖြင့် ဥပက္ခာပြုတော်မူလေသည်။မထူးဇာတ်ကို ဤမှာရပ်လို့ဖြင့် ဟန်ရေးငယ်ဘယ်မမြင်ပြီ။

(၄)
ဆြာဒင်သည် အာဏာရှင်ဟစ်တလာ၏ဟန်ကိုအတုခိုးလျက် ညာလက်ကို ရှေ့သို့ဆန့်ထုတ်လိုက်ရင်း ပရိသတ်ကြီးအား လက်ဝါးကိုကာပြ လိုက်ရသည်။
"ကျနော်ဟောပြောမဲ့အထဲမှာ အဲသလိုကိန်းဂဏန်းတွေမပါပါဘူးလို့ ဆိုလိုရင်းဖြစ်ပါတယ်။ခေတ္တခဏ သည်းခံတော်မူကြပါ။ဒီလိုရှိပါတယ် ခင်ဗျာ။ ပြည်သူ့အသံ လွှတ်တော်အသံ၊ပြည်သူ့ဆန္ဒ လွှတ်တော်ဆန္ဒ၊ပြည်သူတို့မျှော်လင့်ချက် လွှတ်တော်ကဖော်ဆောင်ရွက်ဆိုတဲ့ ဆောင်ပုဒ်ကို လွှတ်တော်ခန်းမမှာ ရေးသားချိတ်ဆွဲထားပါတယ်"

ဂယ်ပေါက်ရလိုရငြား ဆြာဒင့်ပါးစပ်ထဲတွေ့သမျှစကားကို ကဘောက်တိကဘောက်ချာ ပြောမိပြန်ရာ ပရိသတ်ကြီး၏ မကျေမချမ်းသံများ နေရာအနှံ့မှ ထွက်ပေါ်လာပြန်သည်။
"အဲဒီလွှတ်တော်ဆိုတာကြီးကို ကျုပ်တို့က နားမရှင်းတာဗျ"
"ရွှေပင်နဲ့လွှတ်တော် ဘာမှ အဆက်အစပ်မရှိပါဘူးဗျာ"
"ဆြာဒင် ထန်းရည်များသောက်ထားသေးလားဟ"

ဤတွင်မူဆြာဒင်သည် ရွှေပင်သားတို့၏ဥာဏ်ရည်ဥာဏ်သွေးကို ထင်းကနဲရှင်းကနဲ၊ဒိုးယိုပေါက်သဘောပေါက်ခဲ့ချေပြီ။ပါရမီဥာဏ်ရင့် သန်သူတို့သည် အခက်အခဲကိုပင် အောင်ပန်းဖြစ်လေအောင်ဖန်တီးရသည်မဟုတ်တုံလော။မြင်းမိုရ်ကိုဖျက်ခြွေပျက်ကြွေစေမည့် မ တစ်ထောင်တကောင်ဖွား ယောက်ျားဇာနည်စစ်စစ်ဖြစ်သော ဆြာဒင်သည် စင်ဘေးအောက်ဖက်မှ ကွန်ပြူတာတစ်လုံးနှင့် ရင်တမမ ဖြစ်နေရှာသည့်တပည့်ကျော် လေမင်းသားအား တစ်စုံတခုကို မျက်နှာရိပ်မျက်နှာကဲဖြင့် အချက်ပြလိုက်ချိန်တွင်ကား ဆြာဒင်၏ ကျော ဖက်တည့်တည့် ပိတ်ကားပြင်ပေါ်တွင် နောက်ဆုံးပေါ်ဆုံလည်ကုလားထိုင်ပေါ်၌ စာဖတ်နေသည့် စစ်ဗိုလ်ချုပ်ကြီးတစ်ဦး၏ ကြီးမား လှသော ရုပ်ပုံသည်ဖျတ်ကနဲပေါ်လာ၏။အဆိုပါဗိုလ်ချုပ်ကြီး၏ပုခုံးနှစ်ဘက်နှင့်ရင်ဘတ်တပြင်လုံးတွင်ကား ရာထူး၊ဆုတံဆိပ်ပေါင်း မြောက်များစွာသည် ဝင့်ထယ်စွာနေရာယူလျက်ရှိလေ၏။

ပိတ်ကားပေါ်တွင် ရုတ်ခြည်းပေါ်လာသော အဆိုပါပုဂ္ဂိုလ်ကြီး၏ ရုပ်ပုံကြောင့်၊ကုလားတိုက်ကျားဝင်ကိုက်သကဲ့သို့ ကမ္ဘာပျက်သလို ဆူညံစွာအော်ဟစ်နေသော ပရိသတ်သည် မီးကို ရေဖြင့်ဖျန်းဘိသကဲ့သို့ ရှဲသံမျှပင်မမြည်အောင်တိတ်ဆိတ်သွားလေတော့သည်။ဆြာဒင် အကွက်ကောင်းဆိုက်ချေပြီ။

"ပရိသတ်ကြီးခင်ဗျာ။ကျနော်စောစောကဖတ်ပြခဲ့တဲ့ စာအုပ်အစိမ်းဟာ အဲဒီပုဂ္ဂိုလ်ကြီးရဲ့လက်ရာပါပဲခင်ဗျာ"
ဆြာဒင်၏ ထောက်ချက်သည် ပရိသတ်၏အရှိုက်ပစ်မှတ်တည့်တည့်ကို ထိမှန်ခဲ့ချေသည်။
"ဟာ၊ ဒီလူကြီးရေးတာဆိုရင်တော့ တန်ပါတော့ဆြာဒင်ရယ်"
"ဘယ်နည်းနဲ့မှ ကောင်းစရာအကြောင်းမရှိဘူးဟေ့"
"ဘယ်နှယ့်လုပ်ကောင်းနိုင်ပါတော့မတုန်း"
"ဘာမှသုံးစားမရတဲ့စာအုပ်ဆိုတာသေချာချက်"
ပညာရှိတို့မည်သည် အခွင့်အခါကောင်းကိုလက်မလွတ်အပ်ချေ။"ဟုတ်ကဲ့၊ အဲဒီသုံးစားမရတဲ့ စာအုပ်စိမ်းကို ပြင်ဆင်ဖို့ ကြိုးစားနေတဲ့သူ ကတော့ ...."

ဆြာဒင်သည် ဤနေရာတွင်စကားကို ရုတ်တရက်ရပ်တန့်လျက် တပည့်ကျော်လေမင်းသားဆီသို့ မျက်စိတချက်ထပ်အဝှေ့တွင် ပိတ်သားပြင်ပေါ်၌ မြန်မာ့ဒီမိုကရေစီခေါင်းဆောင်အမျိုးသမီးကြီး၏ ခန့်ငြားတင့်တယ်သော ရုပ်ပုံကြီးသည် ရုတ်ခြည်းပေါ်လာပြန် လေရာ ကွင်းလုံးပြည့်ပရိသတ်သည် ဝုန်းကနဲထရပ်ကာ တညီတညာတည်း လက်ခုပ်သြဘာပေးကြလေတော့၏။

"ဟ၊ဒါ တို့ဗိုလ်ချုပ်သမီးပဲဟ"
"အောင်ဆန်းသွေးကွ"
"သူပြင်မှဖြင့် မကောင်းလို့ပြင်တာသေချာပါပြီ"
"ပြင်မနေပါနဲ့၊မီးသာရှို့ပစ်လိုက်ပါတော့"

နိဂုံးချုပ်အားဖြင့် ဆြာဒင်သည် အဆိုပါစာအုပ်စိမ်းပြင်ဆင်ရေးနှင့်ပတ်သက်၍ အမျှော်အမြင်ရှိသော တပ်မတော်စစ်သည်အကြပ်ဗိုလ်ပါ တို့ပါ ဝိုင်းဝန်းပါဝင်လျက်ရှိကြောင်း မြွက်ကြားပြီးသကာလ ဟောပြောပွဲကို အဆုံးသတ်သည်တွင် ပရိသတ်၏လက်ခုပ်သြဘာသံများသာ မက လှည်းတပ်ကြီးဆီမှ နွားတို့ကပါ ဘွတ်အဲ ဘွတ်အဲ အော်သံကိုယ်စီဖြင့်ထောက်ခံသမှုပြုကြလေတော့သည်။ဆြာဒင်စင်မြင့်ပေါ်မှ ရင် ကော့ဆင်းလာချိန်တွင်မူ လော်စပီကာမှ အဆိုတော်ကိုမြကြီး၏အာရှသူရဲကောင်းဗိုလ်ချုပ်အောင်ဆန်းသီချင်းသံသည်ပျံ့လွှင့်လျက်ရှိ၏။

"ဗမာနိုင်ငံထူထောင်ရန်နဲ့မျိုးရိုးမတိမ်အောင်ကြံဆောင်လေတယ်။နေမျိုးသာကီဗမာပြည်လက်ရုံးဗမာနိုင်ငံအလုံးထင်ပေါ်စေတယ်။စိတ်
အားသန်သန်မာန်ကိုမလျှော့တယ်။ ငါတို့လူမျိုးတန်ခိုးရှိဖို့ သူရဲကောင်းတွေစုံညီတယ်။ တကယ်ပင် သတိုးမဟာဗန္ဓုလနှယ် အစွမ်းသတ္တိ ရာဇဝင် ပြောင်တယ်။ သားကောင်းများတို့၊ခေါ်ရလောက်ပေတယ်။ ဥဒါန်းတွင်စေဘွယ်။ မြန်မာ့သူရဲကောင်း အပေါင်းတွေရယ်"

၎။၀၆။၂၀၁၄နေ့ထုတ်၊ဆဲဗင်းဒေးအပတ်စဉ်ဂျာနယ်။ (မင်းဒင်ရဲ့သက်ခိုင် ၂)

အခန်း(၃၇)

ဉာဏ်လမ်းကိုလျှောက်နိုင်ကြပါစေသတည်း

"ခင်ဗျားမေ့နေမှာစိုးလို့ သေချာအောင်ထပ်ပြောရအုံးမယ်။ဝါဝါဟာရခိုင်မလေးမို့ သူ့အဖေကိုသန်းမောင်ရဲ့ ရခိုင်မိတ်ဆွေ အရင်းအချာ တွေလည်း ကျနော်နဲ့တိုင်ပင်ညှိနှိုင်းလုပ်ကိုင်နေတဲ့အထဲမှာပါလေရဲ့ဗျာ။ကျနော်မှာလည်း ဖူးခက်ရောက်ရခိုင်လူမျိုးမိတ်ဆွေ တော်တော် များများရှိပါတယ်။သူတို့လည်း ကျနော့်အစီအစဉ်ကို အားတက်သရောလိုတဲ့ဘက်က ဝိုင်းကြဝန်းကြပါတယ်။ဝါဝါ့အခြေအနေ ကိုစိုးရိမ်တကြီးလာကြည့်ကြ၊သတင်းမေးကြတဲ့ ရခိုင်လူမျိုးတွေဝါချီလပ်ဆေးရုံမှာ မနက်ကနေ မိုးချုပ်အထိ ပြည့်နေတတ်ပါတယ်။ ဒါပေမဲ့ဝါဝါ ကံမကောင်းဘူးဆိုရမယ်ဗျာ"

"ကျနော်ဝါဝါ့ကို ဗီဒီယိုရိုက်ပြီး နောက်တစ်နေ့မှာ ကျနော့်ဆီကို တစ်စုံတစ်ယောက်ကဖုန်းခေါ်လာပါတယ်။သူ့အသံဟာ ဒေါသကြောင့် မာရေကျောရေဖြစ်နေလေရဲ့။ သူစပြီးမိတ်ဆက်ပုံက အတော်သင်းတယ်ဆိုရမယ်။ "ဟေ့ကောင်၊သက်ခိုင်ဆိုတာ မင်းလား"တဲ့။လူပဲဗျာ။ "ဟေ့ကောင်"လို့အခေါ်ခံရတော့စိတ်ထဲမှာသိပ်မကျေနပ်လှဘူးပေါ့။ဒါပေမဲ့ နေရာတကာဒေါသရှေ့ထားလို့မဖြစ်ပြန်ဘူးဆိုပြီး စိတ်ကို ထိန်းရတာပေါ့ဗျာ။ဟုတ်တယ်လေ။ အဲဒီဖုန်းဝင်လာတဲ့အချိန်၊ကျနော်နဲ့အတူ ဝါဝါ့အဖေနဲ့ပတ်သက်ရာပတ်သက်ကြောင်း ရခိုင်အလုပ် သမားတွေလည်း အတူရှိနေတယ်ဗျ။ဖုန်းသံကထူးခြားနေတာကြောင့် ကျနော်လည်း ဘေးက ရခိုင်ပရိသတ်ကြားရအောင် ဖုန်းစပီကာ ကိုဖွင့်ထားလိုက်မိတယ်"

"ဟုတ်ကဲ့၊ကျနော်သက်ခိုင်ပါ"ဆိုတဲ့ ကျနော်အဖြေလည်းဆုံးရော တဖက်က အသံရှင်ဟာ အသာစီးရပြီလို့များ ယူဆသွားလေရော့ သလား မဆိုနိုင်ဘူး၊အတွဲလိုက်ဆွဲတော့တာပဲဗျာ။"ဟေ့ကောင်သက်ခိုင်၊ငါ့နာမည်ကျော်သောင်း ၊ထိုင်းမှာနေလာတာ ဆယ်နှစ်ကျော်ပြီ၊ မင်းခြေ လှမ်းတွေဘယ်လှမ်းနေတယ်ဆိုတာ ငါသိတယ်၊မင်းလုပ်ရပ်တွေကိုချက်ခြင်းရပ်လိုက်ပါ ၊မင်းတို့လုပ်စားနေတာ တွေ ငါအကုန်သိတယ်" ... ဘာညာဘာညာတွေ မျိုးကို စုံနေတာပဲဗျာ။ဘေးက ရခိုင်ရွှေကိုယ်တော်အုပ်စုလည်း အသာငြိမ်ပြီး ကျနော်တို့ ဖုန်းနဲ့အခြေအတင် ဖြစ်နေ ကြတာကို နားစွင့်နေကြတာပေါ့ဗျာ။အမှန်ဝန်ခံရရင် ကျနော်တော်တော်ဒေါသဖြစ်နေပါပြီ။

မဖြစ်သေးပါဘူး လေဆိုပြီး ပြေလည်လို ပြေ လည်ငြား လေပြေပြန်ထိုးကြည့်ပါသေးတယ်။ "ကိုကျော်သောင်း ခင်ဗျား လူမှားနေပြီထင်တယ်။ဒါမှမဟုတ် သတင်းမှားနေပြီထင်တယ်။ လူချင်းတွေ့လိုက်ကြရအောင်"စသည်ဖြင့်ပေါ့။အဆင်မပြေတဲ့အပြင် သူ့ဘက်က မအေတွေနှမတွေပါ ပါ၊ပါလာပါလေရော။ ဒီတော့ နဂိုကမှ ခပ် ဆတ်ဆတ်စိတ်အခံရှိတဲ့ကျနော့်ဒေါသအိုးဟာ ထိန်းမရသိမ်းမရပေါက်ကွဲထွက်သွား ပါတော့တယ်။
"ခွေးမသား၊ကျော်သောင်း၊မင်းဖာသာကျော်သောင်း မကလို့ ကျော်သောင်းအဖေဖြစ်ပေ့စေ။သောက်ဂရုမစိုက်ဘူး။ငါရှိတဲ့နေရာမင်းမလာ ရဲရင် မင်းရှိတဲ့ နေရာကို ငါခုချက်ခြင်းလာခဲ့မယ်။ငါ့နာမည်သက်ခိုင်။ငါဘာကောင်ဆိုတာ မင်းသိစေရမယ်"ဆိုပြီး ခပ်ကြမ်းကြမ်းအနီတုန့်၊ တုန့်ပြန်လိုက်တော့ ပုဂ္ဂိုလ်က ငြိမ်သွားပြန်သဗျ။
အဲဒီအချိန်မှာ ကျနော့်ဘေး၊ကပ်လျက်မတ်တတ်ရပ်နေတဲ့ ရခိုင်လူငယ်တယောက်က အားတုန့်အားနာလေသံနဲ့ .. "ဆရာ၊အဲဒါ ကိုကျော် သောင်းအသံမဟုတ်ဘူး။သူဘယ်သူဆိုတာ ကျနော်သိတယ်"တဲ့။"ဟ ဒါဆို ဘယ်သူများတုန်း"လို့လည်း ကျနော်မေးလိုက်ရော "အဲဒါ ဘုန်းကြီး"တဲ့။ကျနော်လည်း တအံ့တသြနဲ့ "ဘယ်နှယ့်ဘုန်းကြီးက ဘာကြောင့် ကိုကျော်သောင်းပါဆိုပြီး လိမ်ရသတုန်းရှင်းပါအုံး"ဆိုတော့မှ အဲဒါ "ဦးကုမာရ၊ကျနော်တို့လိုရခိုင်ပဲ။သူဖူးခက်ကိုရောက်နေတာကြာပြီ"တဲ့ဗျား။

"ကောင်းကြရောပေါ့ဗျာ။ဦးကုမာရဆိုတဲ့ဘုန်းကြီးက ကျော်သောင်းပါဆိုပြီးလိမ်၊ကျနော်ကလည်း ဘုန်းကြီးမှန်းမသိပဲ ရိုင်းစိုင်း၊ဘယ်ဘက် ကကြည့်ကြည့်တော်တော့ကို အချိုးမပြေတဲ့ကိစ္စဗျာ။ဒီမှာတင် ကျနော့်ခေါင်းထဲမှာ ဖျတ်ကနဲသတိဝင်လာတယ်။ဦးကုမာရကို လူကိုယ် တိုင်သေချာမဆုံဖူးပေမဲ့ သူ့အကြောင်းတစ်စွန်းတစ်စကို ကျနော်သိနေတယ်ဗျ။ဟုတ်တယ် သေချာမဆုံဖူးဘူးဆိုတာ လျှပ်တပြက်တော့ ဆုံခဲ့ဘူးတယ်ဆိုရမယ်။ ဝပ်နာခါဆိုတဲ့ ရပ်ကွက်ထဲက ဗမာအလုပ်သမားတွေရဲ့ ဝါဆိုသင်္ကန်းကပ်တဲ့အလှူတစ်ခုမှာ ဦးကုမာရကို ဆုံဖူး တယ်။ကျနော့်စိတ်ထင် အဲဒီရခိုင်ဘုန်းကြီးဦးကုမာရဟာ အသက်ခြောက်ဆယ်ကျော်လောက်ရှိနေပါပြီ။အလှူပွဲအပြီးမှာ တရားနာနေတဲ့ ဗမာအလုပ်သမားတွေကို လက်ဖွဲ့လိုလိုအဆောင်လိုလို မန်းမှုတ်ပြီး ဝေနေတာတွေ့လို့ ဘဝင်မကျ လှတာနဲ့ ခပ်ဝေးဝေးကနေ သူ့အကြောင်းစပ်စုလိုက်မိလိုက်တော့ ဦးကုမာရဟာ ဆူနာမီကိစ္စမှာ အတော်ရှုပ်ရှုပ်ထွေးထွေး လုပ်ခဲ့တယ်ဆိုတာ တစ်စွန်းတစ်စ သိလာရတယ်။

ဦးကုမာရရဲ့ အဓိက အားနည်းချက်ကတော့ နေရာတကာမှာ တွင်ကျယ်ချင်တဲ့ကိစ္စပဲ ဗျ။ ဘာကြောင့် ကျနော်ဒီလို ပြောနိုင်သတုန်းဆိုတော့ ဆူနာမီကာလတုန်းက အာအက်ဖ်အေလို၊ဘီဘီစီလို သတင်းဌာနတွေရဲ့ ထိုင်းအခြေ စိုက် တာဝန်ခံဗမာသတင်း သမားတွေကို လက်ဆောင်တွေ သူကိုယ်တိုင်လိုက်ပို့ပြီး ဖူးခက်မှာ ဆူနာမီဒုက္ခသည်တွေကို သူဘယ်လို ကူညီနေတယ်ဆိုတာ ရေဒီယိုသတင်းတွေမှာ ပါလာအောင် အားထုတ်ခဲ့ဖူးသတဲ့။အာအက်ဖ်အေသတင်းဌာနက ကျနော့်မိတ်ဆွေရခိုင်လူမျိုး ကိုကျော်ထင်ပြောတာကတော့ သူ့ဆီကိုတောင် ငါးတွေထည့်ထားတဲ့ရေခဲပုံးကြီးနဲ့ ကြွလာခဲ့ဖူးသတဲ့။ ခင်ဗျားကြားဖူးမလား တော့မဆို နိုင်ဘူး။ဘီဘီစီကလွှင့်တဲ့ ကမ္ဘာ့ အရေးမြန်မာ့အရေးလိုဆွေးနွေးခန်းတွေမှာ မကြာမကြာဆိုသလို သူထင်ရာစွတ်တင်ပြီး ကဘောက် တိကဘောက်ချာ နိုင်ငံရေးအယူ အဆတွေဆွေးနွေးနေတာ အဲဒီ ကိုယ်တော်ကြီးပေါ့ဗျာ "

"ဦးကုမာရဟာ ဆူနာမီရေဘေးဒဏ်ခံဗမာအလုပ်သမားတွေအတွက် နိုင်ငံတစ်ကာ အဖွဲ့တချို့ဆီကနေ အကူအညီတွေ ရခဲ့ဖူးတယ်။ အဲဒီထဲက တချို့ကို ဖူးခက် မှာရှိနေတဲ့ သူ့ဆွေမျိုးဥာတကာတွေကို ဝေခြမ်းရေးလုပ်သတဲ့။ ပြောလိုက်စနဲ့ ဆက်ပြောရရင် ဦးကုမာရ ရဲ့ညီအရင်း ပန်းရံခေါင်းဆောင် လိုလို လက်သမားခေါင်းဆောင်လိုလို ဝင်းနိုင်ဆိုတဲ့မောင်ဟာ ကျနော့်ဆီကနေ ဘတ်နှစ်သောင်း ကျော်ဖိုးလောက် ငွေလိမ်ဖူးလေရဲ့။

ဝင်းနိုင်မိန်းမကထိုင်းမဗျ။ဝင်းနိုင်ကတော့ ထိုင်းမကိုရအောင်ယူနိုင် တယ်ဆိုပြီး အတော့်ကို ဘဝင်ကြွနေတဲ့ပုံစံပါပဲ။  ဦးကုမာရသူ့ဖာသာ အကြံအဖန်လုပ်တာမလုပ်တာ၊ဂွင်ရိုက်တာ မရိုက်တာ ကျနော်စိတ်မဝင်စားလှပါဘူး။ ဝါဝါကိစ္စမှာတော့ ဦးကုမာရဟာ ငွေကြေး တစ်ပြားတစ်ချပ်မှရစရာအကြောင်းမရှိ ပါဘူး။ကျနော့်စိတ်ထင်ပြောရရင် ရခိုင်ကလေးမ လေးတစ်ယောက်အသည်းအသန်ရောဂါဖြစ်ပြီးဆေးရုံတင်ရတဲ့ ကိစ္စမှာ  ကျနော်လိုဗမာကောင်တစ်ကောင် ဝင်ပြီးဆရာလုပ်နေတာကို သူမျက်စိစပါးမွှေးစူးတယ်ထင်ပါရဲ့။ သူလိုအ ထင်ကရဘုန်း တော်ကြီးတစ်ပါးရှိပါလျက် ကျနော်လူတွင် ကျယ်လုပ်တာကိုကြည့် မရတာပါပဲ။ထားပါလေ။ကျနော်အဓိကဦး တည်ချင်တာက ဝါဝါဆို တဲ့ကလေးမလေးကိစ္စမှာ ဦးကုမာရဝင်နှောက်လို့ ဖြစ်ရတဲ့ နောက် ဆက်တွဲကိစ္စတွေဗျ"

"ကျနော်နဲ့ ဦးကုမာရဖုန်းကတစ်ဆင့် အခြေအတင်ဖြစ်ခဲ့ပေမဲ့ ကျနော့်စိတ်မှာ ဘာမှအကြီးအကျယ်အနှောင့်အယှက်မဖြစ်ခဲ့ပါဘူး။ အေးလေ။ကျနော်လုပ်နေတာ ရခိုင်ကလေးမလေး ဝါဝါကိစ္စ။ကျနော်လုပ်သမျှ ကျနော့်ဘေးမှာရှိတဲ့ ရခိုင်လူငယ်တွေအတော်များများ မြင်နေကြားနေရတာပဲ။ဦးကုမာရဖုန်းနဲ့လှမ်းဟောက်ရုံနဲ့ အမြီးကုပ်သွားမဲ့လူစာရင်းထဲမှာ ကျနော်မပါပါဘူး။ဒါပေမဲ့ ဦးကုမာရဟာ ရှေ့ဆက်ပြီးခြေတစ်လှမ်းတိုးပြန်ပါတယ်။အဲဒီခြေလှမ်းကတော့ ဝါဝါ့ကိုကံဆိုးမိုးမှောင်ကျစေမဲ့ ဧရာမခြေလှမ်းမှားကြီးပါပဲ"

"နောက်နှစ်ရက်ကြာတော့ ကျနော့်ဆီကို ဝါဝါ့အဖေ ကိုသန်းမောင် အရေးတကြီးဖုန်းဆက်လာတယ်။ဝါဝါ့ကို ဝါချီလပ်ဆေးရုံပေါ်ကနေ ဇွတ်အတင်းမောင်းချလိုက်လို့ ကလွန်းကမ်းခြေဖက်က သူတို့အလုပ်သမားတန်းလျားကိုပြန်ရောက်နေပြီတဲ့ဗျာ။ကျနော်လည်း ထိတ် ထိတ်ပျာပျာနဲ့ ဘယ်လိုဖြစ်တာတုန်းကိုသန်းမောင်ရ။ဝါဝါက ဆေးသွင်းပိုက်တွေတန်းလန်း၊ခေါင်းမှာပတ်တီးတွေဗလပွနဲ့ဘယ်လိုကြောင့် ဆေးရုံ ကနေ ဆင်းခိုင်းလိုက်ကြတာတုန်းလို့မေးတော့ ဦးကုမာရကြောင့်တဲ့။ကိုသန်းမောင့်လေသံကို နားထောင်ရတာ ခေါင်းမီးတောက် နေတယ်လို့ခန့်မှန်းနိုင်တာကြောင့် ဦးကုမာရဘာလုပ်သွားတယ်၊ဘာတွေဖြစ်ခဲ့တယ်ဆိုတာ ဆက်မမေးတော့ပဲ ကျနော့်ဖာသာ ဆက်သွယ်စုံစမ်း လိုက်တော့ ကျနော်နဲ့စကားများပြီးနောက်နေ့မှာ ဦးကုမာရဟာ ဝါချီလပ်ဆေးရုံကို ကြွသွားပြီး ဆေးရုံက တာဝန်ရှိပုဂ္ဂိုလ်တွေကို ကြိမ်း မောင်းခဲ့သတဲ့ဗျာ။တကယ်တော့ ဦးကုမာရနဲ့ ဝါချီလပ်ဆေးရုံတာဝန်ရှိသူတွေဟာ နောက်ခံဇာတ်လမ်း တစ်ခုကြောင့်နှစ်ဖက်အကျိတ်အခဲရှိခဲ့သတဲ့။

ဖြစ်ပုံက လွန်ခဲ့တဲ့နှစ်နှစ်ဝန်းကျင် ကိုယ်ဝန်ပျက်ကျတဲ့ရခိုင်အမျိုးသမီးလူနာတစ်ယောက်ကို ဆေးရုံက လုံလောက်တဲ့ကုသမှုမပေးဘူး ဆိုပြီး  ကျန်းမာရေးဝန်ကြီးဌာနရုံးချုပ်ရှိရာဘန်ကောက်အထိ၊ဦးကုမာရကိုယ်တိုင်သွားပြီး တိုင်လားတောလား လုပ်ခဲ့တာကြောင့် ဝါချီလပ် ဆေးရုံတာဝန်ရှိသူတချို့ အစစ်ဆေးခံရ၊ရှင်းလင်းထုချေရတာတွေ ရှိခဲ့သတဲ့"
အခု ဝါဝါ့ကိစ္စမှာ ဦးကုမာရလည်း ဗြုန်းဆိုပေါ်လာရော နဂို မကျေလည်မှုအခြေခံနဲ့ ဒီဘုန်းကြီးထပ်ဝင်ရှုပ်ရင် နောက် တစ်ခါပြသနာရှင်းလှချည့်ရဲ့ဆိုတဲ့အတွေးကြောင့်ဆေးရုံတာဝန်ရှိသူတွေဟာ ဝါဝါ့ကို ဆေးရုံပေါ်က ဇွတ်မောင်းချလိုက် တာတဲ့ဗျာ။ ကျနော် ဆရာဝန်မဟုတ်ပေမဲ့ ဦးခေါင်းခွဲစိတ်ကုသမှုခံထားရတဲ့ ကလေးတစ်ယောက်ဟာ ဆေးရုံမှာလုံလောက်တဲ့ အချိန်တစ်ခုအထိ ရှိနေရ မယ်ဆိုတာလောက်တော့သိနေတာမို့ တော်တော်ကို ပူပန်သွားတာတော့အမှန်ပဲဗျာ။ခင်ဗျားဖာသာဆက်စဉ်း စားကြည့်ပေတော့ ကိုမင်းဒင်။

ဝါချိလပ်လိုခေတ်မီဆေးရုံကြီးပေါ်မှာ ခေတ်မီစက်ကိရိယာတွေ၊ဆေးသွင်းပိုက်တွေတန်းလန်း ကျွမ်း ကျင်တဲ့သမားတော် တွေသူနာပြုတွေနာရီနဲ့အမျှ ကြပ်မတ်ကုသနေရတဲ့ဝါဝါဟာ သူ့အဖေကိုသန်းမောင်ရဲ့အလုပ်သမားတန်းလျားမှာ ဘယ်လိုလုပ် ရှေ့ခရီး ဆက်ပါ့မတုန်းဗျာ။
ဝါဝါ့ဘဝဇာတ်ကြောင်းမှာ နစ်မျောနေမိသောကျနော်သည် သူ့ဇာတ်လမ်းဤနေရာအရောက်တွင် အသက်ရှူမမှန်သလိုဖြစ်လာ၏။ စိတ်မချမ်းမြေ့ဖွယ်ရာအကြောင်းအရာတို့ကို ဆက်၍နားထောင်ရန်ဝန်လေးသလိုလိုဖြစ်လာသည်။

"ကျနော်စိုးရိမ်တာမမှားခဲ့ပါဘူး။ဝါဝါဆေးရုံကဆင်းခဲ့ရပြီး သုံးရက်မြောက်ည သန်းခေါင်ယံတစ်နာရီလောက်မှာ ကိုသန်းမောင်ဆီက နေဖုန်းဝင်လာပါတယ်။ဆရာ၊ သမီးအသက်ရှူမမှန်တော့ဘူးတဲ့။ဒီတော့ ကျနော်လည်း ကိုသန်းမောင်ကျနော်ဘာလုပ်ပေးစေချင်သလဲ။ ဝါချီလပ် ကိုပြန်သွားလို့လည်းလက်ခံမယ်မထင်မိဘူး ဆိုတော့ ကိုသန်းမောင်ဟာ ငိုသံပါကြီးနဲ့ ဆရာရောက်အောင်လာခဲ့ပါဆရာရယ်။ ကျနော့် သမီး ဆရာ့လက်ပေါ်မှာသေသွားရင်တောင်ကျနော်ကျေနပ်ပါတယ်တဲ့။ကျနော်အိပ်ယာက ဝုန်းကနဲထပြီး ကားကိုကိုယ်တိုင် မောင်းရင်း ကလွန်းကမ်းခြေကကိုသန်းမောင်တို့အလုပ်သမားတန်းလျားရှိရာကို ထွက်လာခဲ့ပါတော့တယ်။ကျနော်နေတဲ့ရပ်ကွက်နဲ့ ကိုသန်းမောင်တို့ တန်းလျားရှိရာကလွန်းကမ်းခြေဟာ မိုင်နှစ်ဆယ်နီးပါးဝေးပါတယ်။ မှတ်မှတ်ရရ ခုလိုမိုးရာသီကြီင်္းပဲဗျာ။ ကျနော် အိမ်ကထွက်ပြီဟေ့ ဆိုကတည်းက မိုးတွေကလည်း သည်းလိုက်တာ ကားရှေ့မီးကြီးထိုးထားတာတောင် ကတ္တရာလမ်းတွေကို သဲသဲကွဲကွဲ မမြင်ရတဲ့အထိ"

"တကယ်တော့ ဇောကပ်ပြီးတော့ ကျနော်ကားကိုဇွတ်မောင်းထွက်လာတာဗျ။ ကိုသန်းမောင်တို့အလုပ်သမားတန်းလျား တည်နေရာကို ကျနော်အတိအကျမသိပါဘူး။ဖူးခက်ဆိုတာကလည်း ရွာကနေ မြို့ဖြစ်အောင်လက်ပူတိုက်ထားတာမို့ လမ်းမ၊လမ်းသွယ် ၊ကမ်းခြေ ချောင်ကြိုချောင်ကြားတွေနဲ့ တည်ဆောက်ပုံအင်မတန်ရှုပ်ထွေးတဲ့မြို့ပါ။အထူးသဖြင့် ကျနော်တို့ဗမာ ရွေ့ပြောင်းအလုပ်သမား အများစုဟာ သူတို့နေတဲ့ နေရာအတိအကျကို မပြောတတ်ကြပါဘူး။အချိန်က ညကြီးမိုးချုပ်ဖြစ်၊ကိုသန်းမောင်ရောကျနော်ပါ စိတ်လှုပ်ရှား နေကြတာမို့ ကျနော်ဟာလိုရင်းနေရာကို တော်တော်နဲ့ မရောက်နိုင်ဘူးဆိုပါတော့။နောက်ဆုံးတော့ ကျနော်လည်း အတတ်နိုင်ဆုံး ခေါင်းအေးအေးထားပြီး ကိုသန်းမောင်၊ခင်ဗျားညွှန်နေတဲ့ လမ်းကြိုလမ်းကြားတွေအတိုင်းဆို အဆင်မပြေလောက် ဘူးထင်မိတယ်။

ဒီတော့ခင်ဗျားရောကျနော်ပါ နှစ်ယောက်စလုံးသိနေတဲ့ ကြားနေရာတစ်ခုမှာ ဆုံလိုက်ကြရအောင် ၊ဆိုတော့မှ ကလွန်းကမ်းခြေတောင် ကုန်းလေးတစ်ခုပေါ်ကိုဆုံရပ်အဖြစ်သတ်မှတ်လိုက်ကြပါတယ်"
"ဖြစ်ချင်တော့ဗျာ။ခါတိုင်းလိုနေသာတဲ့ပုံမှန်အချိန်တွေမှာ သက်တောင့်သက်သာတက်လို့ရတဲ့အဲဒီတောင်ကုန်လေးဟာ သဲကြီးမဲကြီးမိုးရွာ  ချပြီး အောက်ခံရွှံတွေပေါ်လာတာကြောင့် အင်ဂျင်ပါဝါနိမ့်တဲ့ကျနော့်အေဗင်ဆာဆလွန်းကားလေးဟာ တောင်ကုန်းအတက်မှာ လျှော လျှောကျနေပြန်ပါရောလားဗျာ။ဇောကပ်နေတဲ့ကျနော်ဟာ  လျှောကျလိုက်ပြန်တက်လိုက်၊ကလပ်အုံကနေမီးခိုးတွေထွက်တဲ့အထိ လေးငါးကြိမ်ကြိုးစားတော့မှ ကိုသန်းမောင် တို့စောင့်နေတဲ့ တောင်ထိပ်က အကြော်တဲလိုတဲလေးတစ်ခုဆီရောက်ပါတော့တယ်။ ကျနော့်ကို ပူပန်သောကစိတ်တွေနဲ့စောင့်နေတဲ့သူ တွေကတော့ ကိုသန်းမောင်နဲ့သူ့ဇနီးပါပဲ။ခေါင်းမှာပတ်တီးတွေနဲ့ဝါဝါကတော့ သူ့အဖေလက်ပေါ်မှာစောင်ကြားလေးတထည်ပတ်လို့ မျက်စိမှိတ်နေလေရဲ့။သူတို့မိသားစုသုံးယောက်ကျနော့်ကားပေါ်ကိုရောက်လာချိန်မှာတော့ ညနှစ်နာရီကျော်လောက်ရှိနေပါပြီ။

ကျနော် ဟာကားကို ပါတောင်ကမ်းခြေဆီကိုဦးတည်လိုက်ပါတယ်။ဟုတ်ပါတယ်။ဝါဝါ့အတွက်နောက်ဆုံးမျှော်လင့်ချက်ရောင်ခြည်ဟာ ပါတောင် ဆေးရုံကြီးပါပဲ။ပါတောင်ဆေးရုံကြီးမှာ ကျနော့်ညီလိုဖြစ်နေတဲ့လူရင်းမိတ်ဆွေ မောင်ခိုင်ဝင်းဟာ ဝေါဗီးရှင်းရဲ့တာဝန်ပေးချက်အရ ဆေးရုံ ဘာသာပြန်အဖြစ်တာဝန်ကျနေပါတယ်"
"လိုရင်းကိုချုံ့ရရင် ညဥ့်နှစ်နာရီခွဲသာသာမှာ ခိုင်ဝင်းရဲ့အကူအညီနဲ့ဝါဝါဟာ ပါတောင်ဆေးရုံကြီးရဲ့ လူနာကုတင်ပေါ်ကိုရောက်သွားခဲ့ပါပြီ။ ခိုင်ဝင်းရဲ့ရှင်းပြချက်အရ ပါတောင်ဆေးရုံဟာ ညဥ့်နက်အချိန်မတော် အသည်းအသန်လူနာမို့ ရုတ်တရက်လက်ခံထားလိုက်ပေမဲ့ မိုးလင်း လို့သမားတော်ကြီးတွေ လှည့်လည်စစ်ဆေးတဲ့အခါ ဝါဝါ့ရဲ့မူလဆေးမှတ်တမ်းတွေရှိနေတဲ့ဝါချီလပ်ကို ပြန်ပြီးလွှဲပြောင်းပေးမှာသေချာပါ တယ်တဲ့။မောင်ခိုင်ဝင်းပြောတဲ့အတိုင်းပါပဲ။နောက်တစ်နေ့နေ့လည်မှာ ဝါဝါဟာ ဖူးခက်မြို့မ၊ဝါချီလပ်ဆေးရုံကြီးကို အရေးပေါ်ဆေးရုံ ကားနဲ့ ပြန်ရောက်လာပါတယ်။မမျှော်လင့်တဲ့နည်းနဲ့ ပြန်ရောက်လာတဲ့ ဝါဝါ့ကို ဝါချီလပ်ဆေးရုံက တာဝန်ရှိသူတွေမြင်လိုက်ရတဲ့အခါ မျှော်လင့်ထားတဲ့အတိုင်း ကိုသန်းမောင်တို့ ဇနီးမောင်နှံကိုကြိမ်းလိုက်မောင်းလိုက်ဆူလိုက်ဟောက်လိုက်တာ ဗြောင်းဆန်နေတာပဲတဲ့ဗျာ။

ဒီလိုအဆူအငေါက်ခံရမယ်၊ကိုသန်းမောင်တို့ ဘာတခွန်းမှ ပြန်မပြောပဲ ငြိမ်ခံနေလိုက်ကြပါလို့ ကျနော်မှာထားပြီးသားမို့၊ နောက်ဆက်တွဲ ပြသနာကြီးကြီးမားမားမရှိပါဘူး။ဝါချီလပ်ဆေးရုံက သမားတော်ကြီးတွေ၊သူနာပြုတွေနဲ့တာဝန်ရှိသူအသီးသီးဟာ ဆေးပညာဝန်ထမ်းတွေ ဖြစ်တာမို့ ဝါဝါ့အသက်ကို အစွမ်းကုန်ကယ်ဖို့အားထုတ်ခဲ့ကြပြန်ပါတယ်။ဒါပေမဲ့ ဝါချီလပ်ဆေးရုံကြီးကို ရောက်ပြီး သုံးရက်အကြာမှာ ဝါဝါ ဟာ သူချစ်တဲ့မိသားစုကို နှုတ်ဆက်ပြီး ညင်ညင်သာသာအသက်ထွက်သွားရှာပါတယ်။ကျနော့်ဘဝမှာဘယ်တော့မှမေ့ပျောက်လို့ မရတဲ့အဖြစ်ပါပဲ"

"ဇာတ်လမ်းကတော့ ဒါပါပဲကိုမင်းဒင် ။ဒီအကြောင်းကိုဘယ်သူ့ကိုမှပြန်မပြောတော့ဘူးရယ်လို့ ဆုံးဖြတ်ထားခဲ့တာပါပဲ။ အဲဒီအဖြစ် အပျက်နောက် ပိုင်းမှာတော့ ကျနော်ဟာ ဖူးခက်မှာရှိတဲ့ဗမာအလုပ်သမားအသိုင်းအဝိုင်းနဲ့ ဆက်ဆံရေးကျဲ သွားခဲ့တယ်ဆိုပါတော့။ ဦးကုမာရကိုလည်း ကျနော်အပြစ်မဖို့ချင်တော့ပါဘူး။ကျနော်က ပါရမီနည်းတယ်၊ဝါဝါက ကံခေရှာတယ်လို့သာ သဘောပိုက်ပါတော့ တယ်။ ဒါလောက်ဆို ကိုမင်းဒင်ကျေနပ်လောက်မယ်ထင်ပါရဲ့။လူတိုင်းလူတိုင်းဥာဏ်ရှေ့ဆောင်ပြီးတွေးတောပြောဆိုလုပ်ကိုင်နိုင်ကြရင် ဘယ်လောက်ကောင်းလိမ့်မလဲဗျာ"

ကိုသက်ခိုင်၏မှုန်မှိုင်းနေသော မျက်နှာကို ကျနော်ငေးကြည့်နေမိသည်။ထိုအချိန်တွင်စားပွဲထိုးကလေးမလေးတစ်ယောက် ကျနော်တို့ဝိုင်း နားသို့ ရောက်လာသဖြင့် ကိုသက်ခိုင်သည် အာရုံပြောင်းသည့်သဘော ကော်ဖီနှစ်ခွက်လှမ်းမှာ၏။ရုတ်ချည်းဆိုသလို  ရောက်လာသည့် ကော်ဖီခွက်အား ခါတိုင်းကဲ့သို့အရသာခံမနေတော့ပဲ တကျိုက်တည်းမော့ချကာ ကောင်တာမှာငွေထရှင်းရင်း ကျနော့်ကို နှုတ်ဆက်ထွက်ခွာသွားသော ကိုသက်ခိုင်၏ကျောပြင်ကို ကျနော်မျက်စိတဆုံးကြည့်နေမိခဲ့လေသည်။
ထိုမှ နှစ်ရက်မြောက်သည့်နေ့၊ ၂၂၊၀၅၊၂၀၁၄၊ကြာသပတေးနေ့ညနေ လေးနာရီခွဲအချိန်တွင် ထိုင်းဘုရင့်တပ်မတော်မှ ထိုင်းနိုင်ငံ၏ အာဏာအရပ်ရပ်ကို သိမ်းယူလိုက်ပြန်သည်။အာဏာရအနီနှင့်အတိုက်အခံအဝါ၊နှစ်ဘက်အုပ်စုခေါင်းဆောင်များကို ဖမ်းဆီးထိန်းသိမ်း သည်။ သည်တစ်ကြိမ် အာဏာသိမ်းသည့်ထိုင်းတပ်မတော်၏လုပ်ပုံကိုင်ပုံမှာ အနည်းငယ်ကြမ်းတမ်းသယောင် ထင်မိသည်။ အကြောင်း အား လျော်စွာ ထိုနေ့ကကိုသက်ခိုင်နှင့်ကျနော်အတူရှိနေခဲ့ရာ အာဏာသိမ်းဖြစ်ရပ်အပေါ်ကိုသက်ခိုင်၏အမြင်ကို ကျနော်တီးခေါက် ကြည့် မိသည်။

"ခင်ဗျားထင်မြင်ချက်လေးလုပ်ပါအုံးဗျ၊ကိုသက်ခိုင်။ဒီတစ်ခါတော့ တကယ်အာဏာသိမ်းတာတဲ့နော်။ဖမ်းဟယ်ဆီးဟယ်တွေဖြစ်ကုန်ပြီ"
"ဒီတစ်ကြိမ်နဲ့ဆို ထိုင်းစစ်တပ်အာဏာသိမ်းတာ စုစုပေါင်းဆယ့်ကိုးကြိမ်ရှိပြီပေါ့ဗျာ။တကယ်တော့ ထိုင်းနိုင်ငံမှာ ဒီမိုကရေစီစစ်စစ် မထွန်းကားသေးဘူးဆိုရမယ်ဗျာ။လွတ်လပ်တဲ့ကုန်သွယ်မှု၊ကမ္ဘာကြီးနဲ့ချိတ်ဆက်ထားတဲ့စီးပွားရေးဘဝအပေါ်အခြေခံပြီး ထိုင်းဒီမိုကရေ စီက ကျွဲကူးရေပါဖြစ်နေတာဗျ။အာဏာရ ပါတီ၊ထိုင်းအတိုက်အခံနဲ့ ထိုင်းတပ်မတော်ပါ ဒီမိုကရေစီဝါးမဝသေးဘူး ဆိုရမယ်။

ထိုင်းလူထုအများစုကလည်း တစ်ပြုံတစ်မကြီးဝင်လာတဲ့ နိုင်ငံခြား ရင်းနှီးမြှုပ်နှံမှုရဲ့နောက်ဆက်တွဲ အကျိုးခံစားခွင့်တွေ အပေါ် လက်ကြောမတင်းပဲသာယာနေကြတာပါပဲ။ပြည်သူတစ်ဦးချင်းကျင့်ဝတ်၊အာဏာပိုင်နဲ့ ဝန်ထမ်းတွေရဲ့ကျင့်ဝတ် ဘာမှအားရစရာ မရှိလှပါဘူး။လွန်ခဲ့တဲ့လတွေတုန်းက ဘန်ကောက်ကို ကျနော်ကတီးကတီးရောက်နေတုန်းက  ထိုင်းထိပ်တန်းပညာတတ်တချို့နဲ့ ဆုံတုန်း ထိုင်းနိုင်ငံရဲ့ရှေ့ရေးကိုတီးခေါက်ကြည့်မိတော့ ဘာအဖြေမှ မယ်မယ်ရရမပေးနိုင်ကြ ပါဘူး။အားလုံးယောင်ဝါးဝါးဖြစ် နေကြ တယ်။ဒီအချက်ကိုက ထိုင်းစစ်တပ် အာဏာသိမ်းစေဖို့ အကြီးမားဆုံးလှုံ့ဆော်မှုထင်ပါရဲ့။ ကျနော့် အယူအဆကတော့  သက်ဆင်ရဲ့ အနီအုပ်စုဟာ တိုင်းပြည်ကို အုပ်ချုပ်ရာမှာ အဝါအုပ်စုထက်နိုင်ငံရေးဝါးပိုဝတယ်လို့မြင်တယ်။

ဒါပေမဲ့ အနီ ခေါင်းဆောင်တွေဟာ လာဘ်ပေးလာဘ်ယူကိစ္စတွေ သိပ်များလွန်းနေပြန်တယ်။ဒီအချက်ကိုထောက်ပြီး အဝါအုပ်စုက သက်ဆင့်အနီအုပ်စုကို ပွဲသိမ်းအောင်ပွဲခံ နိုင်ဖို့ စိုင်းပြင်းတယ်။တကယ်တော့ သူတို့မှာ တိကျခိုင်မာတဲ့ နိုင်ငံရေးအစီအမံတစ်ခု အဆင်သင့်မရှိဘူး။ အဝါအုပ်စုအနေနဲ့ အချိန်တစ်ခုအထိ မျှောထား၊ ကိုယ့်အုပ်စုဖက်က ဒေါင်ဒေါင်မြည်မြည်ခေါင်းဆောင်ကိုရွေး၊ခိုင်မာတဲ့မဟာဗျူဟာကိုချပြီးမှ ပွဲသိမ်းတိုက်ပွဲ ကို ဆင်နွှဲရမှာ။ အတိုချုပ် ပြောရရင် အသိဥာဏ်က ရှေ့က မသွားပဲ ခံစားချက်ရှေ့တန်းတင်ခဲ့ကြလို့ ဒီအခြေဆိုက်တယ်လို့ သာဆိုကြ ပါစို့"
သည်ရက်ပိုင်းအတွင် ကိုသက်ခိုင်ပြောဆိုဆွေးနွေးသမျှ အကြောင်းအရာများထဲတွင် ဥာဏ်ကိစ္စတွေချည်းထပ်နေသည်ကို ကျနော် သတိပြုမိ သဖြင့် သူ့ကိုမေးခွန်းတစ်ခုထုတ်မိပြန်သည်။

"နေပါဦးဗျ။ဒီရက်ပိုင်း၊ ခင်ဗျားပြောသမျှစကားတွေထဲမှာ ဥာဏ်ဆိုတာတွေချည်းထပ်နေတယ်။နည်းနည်းရှင်းစမ်းပါအုံး"
"ဘာအထွေအထူးရှင်းစရာလိုသလဲ ကိုမင်းဒင်ရယ်။စာပေဟောပြောပွဲမှာ ကြုံရတဲ့အဆင်မပြေမှုတွေ၊ ဖူးခက်မြန်မာလူမှုရေး အသင်းပျက်ရတဲ့ကိစ္စ၊ရခိုင်ကလေးမလေးဝါဝါ မသေသင့်ပဲ သေရတဲ့ကိစ္စ၊ထိုင်းနိုင်ငံမှာ  အာဏာသိမ်းတဲ့ကိစ္စ၊ဒီကိစ္စရပ်တွေအပေါ် တခွန်းတည်းနဲ့ ကောက်ချက်ချရရင် ဥာဏ်ရှေ့မဆောင်တဲ့၊ ဥာဏ်မ ဦးစီးတဲ့ ပြသနာကြောင့်ဖြစ်ရတာပေါ့၊ စကားကြီးစကား ကျယ်ပြောရရင် ကျနော်နိုင်ငံရေးပုဒ်မငါးညနဲ့ ထောက်လှမ်းရေးမှာ အစစ်ခံရစဉ် တုန်းက လွတ်ချင်ဇောနဲ့ အလွတ်ကျက်ခဲ့တဲ့ ဓာရဏပရိတ်တော်ထဲက စာသားတချို့တောင်ပြေးသတိရမိသေးဗျာ"

"ခင်ဗျားဗျာ ဘယ်ကနေ ဓာရဏပရိတ်ကပါလာရပြန်တာတုန်း။လူပြိန်းနားလည်အောင်သေချာရှင်းပါဗျာ"
"ခင်ဗျားကြားဖူးနေတဲ့စကားလုံးတွေပါကိုမင်းဒင်ရာ၊ပါဠိလိုအတိုချုပ်ပြောရရင်ဗုဒ္ဓဿ ဘဂဝတော သဗ္ဗ ကမ္မံ ဉာဏပုဗ္ဗင်္ဂမံ ဉာဏာနု ပရိဝတ္တံ လို့ဆိုနိုင်မယ်ထင်ပါရဲ့။အဓိပ္ပါယ်ကတော့ ဘုရားရှင်တွေရဲ့ကံသုံးပါး အပြုအမူ တွေမှာ ဉာဏ်တော်လျှင်ရှေ့သွား မဖြစ်ခြင်းသည် မရှိတဲ့။ဒီစကားကိုပဲ ဒဲ့ပြန်ရရင်ဘုရားရှင်တို့ဟာ ကံသုံးပါးကိစ္စရပ်တိုင်းမှာ ဉာဏ်တော် ကိုရှေ့မှာထားပြီးမှ ပြုမူလုပ် ကိုင်တယ် လို့ဆိုလိုတာပေါ့။ကျနော်တို့ခင်ဗျားတို့လို နလဗိန်းတုံးတွေအတွက်တော့ ကိစ္စရပ်တော်တော်များများမှာ  ဉာဏ်ကိုဘေးဖယ်ပြီး ကိုယ်မှန် တယ်ထင်ရာ ကိုယ်စိတ်ဇောသန်ရာ စွတ်လုပ်ကြတာမို့ ပြဿနာပေါင်း သောင်းခြောက်ထောင် တက်ကုန်ကြရော ပေါ့ဗျာ"

"တယ်ဟုတ်တဲ့ ဓမ္မကထိကပါလားဗျာ။ဘယ်တုန်းက ဓမ္မာစရိယအောင်လိုက်ပါလိမ့်"
ကျနော်အရွှန်းဖောက်လိုက်သောကြောင့် ကိုသက်ခိုင်ပြုံးစစဖြစ်သွားသည်ဟုထင်ရသည်။ကိုသက်ခိုင်ပြောကာမှ ဉာဏ်ရှေ့သွား၍ ကျနော်အတွေးဆက်မိသည်မှာ အမိမြန်မာပြည်ကြီးမှ ဗိုလ်ချုပ်ဟောင်းတို့၏ တစ်နေ့တစ်မျိုးမရိုးရအောင် ပြက်လုံးဆန်ဆန် နိုင်ငံရေး၊ လူမှုရေးသုံးသပ်မိန့်မြွက်ချက်များဆီသို့ဖြစ်၏။အဆိုပါပုဂ္ဂိုလ်ကြီးတို့သည် ခေတ်စံနစ်ကြီး၏ပကတိအခြေအနေနှင့်လုံးလုံးလျားလျား ကင်း ကွာနေသည်မှာ မြင်သာလှသည်။

တစ်နေ့နှစ်ထောင်ဆိုရင် မိသားစုတစ်စုအတွက်လုံလောက်ပြီ၊မြေတွေသိမ်းရတာ တိုင်းပြည်နားရွက် တံတွေးအဆွတ်မခံရအောင်လို့၊မြစ်ဆုံကိုမဖြစ်မနေပြန်စရမယ်၊ဒီတသက်ဒေါ်စုသမ္မတဖြစ်စရာလမ်းကိုမမြင်ဘူး.....။ထိုစဉ်တွင်ပင် ကျနော်မကြာခဏရွတ်ဆိုလေ့ရှိသော ဓာရဏပရိတ်တော်မှ ဗုဒ္ဓ၏ဂုဏ်တော် စာပိုဒ် အချို့သည် ကျနော့်ခေါင်းထဲတွင်အစီအရီပေါ် လာနေလေ၏။

"မြတ်စွာဘုရားအား အလုံးစုံကိုယ်ဖြင့်ပြုအပ်သော အမှုသည် ဉာဏ်တော်ရှေ့ သွားမရှိခြင်းသည် မရှိ၊ ဉာဏ်တော်သို့ အစဉ်မလိုက် ခြင်း သည် မရှိ။ မြတ်စွာဘုရားအား အလုံးစုံနှုတ်ဖြင့် ပြုအပ်သော အမှုသည် ဉာဏ်တော်ရှေ့သွားမရှိခြင်းသည် မရှိ၊ ဉာဏ်တော်သို့ အစဉ်မ လိုက်ခြင်းသည် မရှိ။ မြတ်စွာဘုရားအား အလုံးစုံစိတ်ဖြင့်ပြုအပ်သော အမှုသည် ဉာဏ်တော်ရှေ့သွားမရှိခြင်းသည်မရှိ၊ ဉာဏ်တော်သို့ အစဉ်မလိုက် ခြင်းသည် မရှိ"

ကျနော်တို့သုံးနေတဲ့တံဆိပ်က သိပ်ညံ့တယ်။ ။

ထိပ်(ဒိပ်)ဆိုတဲ့တံဆိပ်
အိပ်ရှိငွေကုန်၊ဈေးကောင်းပေးဝယ်ထားတာတောင်၊
သိပ်သဲလာရင်၊ရွှဲရွှဲစိုတတ်တဲ့အမျိုး။

ခု၊လေပါပင့်ပြန်တော့
ခေါင်စုတ်နေတာကို 
အော်တိုခလုပ်တဲ့။
ရေမွန်းတဲ့ကြွက်စုပ်
ကိုင်းစုတ်နဲ့တော့မဟန်၊ပြင်နိုင်မှတန်ကာကျရော့မယ်။

(မင်းဒင်)

ရုပ်ပုံပိုင်ရှင် အမည်သိသည့်အခါဖော်ပြပေးပါမည်။

၅။၀၆။၂၀၁၄နေ့ထုတ် ဆဲဗင်းဒေးနေ့စဉ်သတင်းစာ

ဆြာဒင်၊သမ္မတကြီးလည်းဖြစ်ခဲ့ဖူးပါသည်။

မင်းဒင်

(၁)
ဖူးခက်မိုးသည်အနောက်တောင်ဆီက ရွာမည်ဟန်ပြင်နေလေပြီ။မိုးသက်လေနှင့်အတူမုန်တိုင်းပင့်ပြန်လေရာ စစ်မျက်နှာဖွင့်၍ တိမ်ခိုး လွှင့်ကာနှင်လျက်ရှိလေ၏။ မျှော်ကြည့်လေရာတွင်မှိုင်းမှိုင်းရိပ်မှောင်စွန်တောင်မှင်လျက်ပြိုမှာလေလားမိုးရဲ့ဟု စိုးအောင်ခုပင်၊ မိုးနတ် အဗ္ဗုန်မောင်၊ဖန်တီးနိုင်အားပါဘိသည်။လျှံရွှေစင်ကဲ့သို့ပြိုးပြိုးပြက်နေသည့်  လျှပ်စစ်ရောင်ခြည်မျှင်တို့ဖြင့် ဗျူဟာဆင်ကာ မိုးလုံးပြည့်တ ရွေ့ရွေ့ယူဆဲတွင်၊နယ်ရှစ်ခွင် မင်းလွင်ဝန်းကျင်၌ အာကာဝေဟင်သည် လွမ်းအောင်ဖော်ပြနေယောင်တကား၊ ဆြာဒင်သည် ဘယ်ရှေး ဝဋ်ကြွေး အတုန့်အတင်ရှိခဲ့လေသနည်း၊ လက်စားချေပြီထင့်၊ ခိုမှီရာမဲ့သည့်  ဆြာဒင့်ဖြစ်အင်ကို ရှုလှည့်မြင်လှည့်စေချင်ပါ၏။

သို့လျှင်ဂီတနက်သန်ကိုစောညိမ်းသို့အားကျတမ်းတလျက်၊ဝုန်းဒိုင်းကြဲသောမိုးသံကိုနားစွင့်ကာ ဆြာဒင်သည် ယိုးဒယားပြည်ဖူးခက်မြို့ အိမ်အိုကြီးအတွင်းက အိပ်ယာကုတင်ထက်မှာလဲလျောင်း နေရင်း အကင်းမသေသေးသည့် နဖူးထက်ကဒဏ်ရာကို လက်ဖြင့်ခပ်ဖွဖွ စမ်း၍ တကိုယ်တည်းအထီးကျန် အတွေးပွားလျက် ရှိလေသည်။ဆြာဒင်၏မဟာနဖူးပြင်အလယ်တည့်တည့်တွင် ညိုမဲသည့်ဒဏ်ရာ ရစေအောင် ဖန်လာခဲ့သည့် နောက်ခံအကြောင်းရင်းကို ဆြာဒင်ပြန်ပြောင်း မစဉ်းစားချင်သော်ငြား မိုးအေးအေးတွင် ဒဏ်ရာမှတစစ်စစ် ကိုက်ခဲလာ သည့်အခါတွင်ကား ဆြာဒင့်စိတ်အစဉ်သည် လွန်ခဲ့သော တစ်ပတ်ကျော် ဆီသို့လွှင့်မျောသွားခဲ့လေသည်။

ထိုနေ့က ယနေ့လိုပင်မိုးအေး၏။ဆြာဒင်သည်ယခုကဲ့သို့ပင်အိပ်ယာထက်၌လဲလျောင်းရင်း သြစတေးလျတိုက်နေ မြန်မာမိတ်ဆွေ တစ်ဦး၏ အီးမေးလ်စာတစ်စောင်ကို သတိရမိနေချိန်ဖြစ်သည်။သူ၏စာပါအကြောင်းအရာမှာ ဇာတိမြေကိုစွန့်ခွာပြီးသြစတေလျတို်က်၌ သူတစ် ဆယ့်ငါးနှစ်တာ ခြစ်ခြစ်ကုပ်ကုပ် စုဆောင်းရှာဖွေထားသည့် အမေရိကန်ဒေါ်လာငါးသိန်း(မြန်မာကျပ်ငွေအားဖြင့် သိန်းငါး ထောင်ကျော် ခန့်)သည် ယခု

လက်ရှိမြန်မာပြည်မြေဈေးအရ ကိုယ်ပိုင်အိမ်ခြံဝန်းကောင်းကောင်းနှင့်နေထိုင်နိုင်ခြင်းငှာ မပြည့်မှီသဖြင့် စိတ်လက်ညစ်ညူးမိကြောင်း ရင်ဖွင့်ထားခြင်းဖြစ်လေ၏။ပြောင်းလဲလာသောဒီမိုကရေစီခေတ်ကြီးတွင် ကမ္ဘာအရပ်ရပ်မှ မြန်မာပြည်သို့ လာရောက် ရင်းနှီးမြှုပ်နှံလိုကြသည့် နိုင်ငံတကာလုပ်ငန်းရှင်တို့ပင် မြန်မာပြည်မြေဈေးကြောင့် ငုတ်တုတ်မေ့ကာ လက်မှိုင်ချကြရ ကြောင်း သူ့စာတွင် ဆက်လက်ဖော်ပြထားပြန်သည်။
အဆိုပါခဏ၌ပင် မထင်မှတ်သော ထူးဆန်းလှသည့် ဧည့်သည်တော်ကြီးတစ်ဦးသည် ဆြာဒင်လဲလျောင်းရာကုတင်ဘေးဆီသို့ ဆိုက် ဆိုက်မြိုက်မြိုက် ရောက်ရှိလာခဲ့ချေသည်။

(၂)
အဆိုပါဧည့်သည်ကြီး၏ ပြုံးမယောင်ရှိနေသည့်နှုတ်ခမ်းပါးကလေးတစ်စုံကြောင့် ဆြာဒင့် စိတ်တွင်မြင်ဖူးသလိုလို ဇဝေဇဝါ ဖြစ်နေ ခဲ့သော်ငြား သူ၏ ကြီးမားကျယ်ပြန့်လှသော ပြောင်လက်နေသည့် နဖူးပြင်ကြီးကို   မြင်လိုက်ရသည့်အခါ ဆြာဒင်သည် ရုတ်ခြည်းပင် မှတ်မိသွားကာ အံ့သြခြင်းကြီးစွာဖြင့်  အလန့်တကြား အာမေဋိတ်ပြုမိလေတော့သည်။

"အလိုလေး၊ငါတို့သမ္မတကြီးပါလားဟရို့"
သမ္မတကြီးကား မာန်မာနမရှိ၊သဘောကောင်းဟန်ရှိပြီး လေပြေထိုးသံသာသာ၊တိုးညှင်း ညင်သာစွာ စကားဆို၏။
"နေကောင်းရဲ့လားဆြာဒင်၊ အေးအေးသက်သာ လှဲနေပါလေ၊ဆြာဒင့်ကုတင်စွန်းမှာပဲ ဝင်ထိုင်လိုက်ပါ့မယ်၊အကူအညီတစ်ခု တောင်းစရာ ရှိလို့ ဆြာဒင်ရဲ့"
နိုင်ငံ၏အခေါင်အချုပ် မဟာသမ္မတမင်းသည် ဆြာဒင်ကုတင်ထက်ဆီသို့ မည်သို့မည်ပုံရောက်လာခဲ့လေသနည်း။ ရေမျောကမ်းတင် ဆြာဒင်အား အကူအညီတောင်းလိုသည်ဟုပင် ဆိုလာချေပြီ။အာစေးမိသကဲ့သို့ ဖြစ်နေလေသည့်ဆြာဒင်ကား သမ္မတကြီးအား  မည်သို့ ခွန်းတုန့်ပြန်ရန်ပင် မဝေခွဲနိုင်၊ယောင်တီးယောင်အရှိနေခဲ့ရာ အတန်ကြာမှ သတိပြန်ဝင်လာခဲ့ကာ ကျိုးနွံစွာ "ခင်ဗျာ"ချင်း ထပ်လျက် အရိုအသေပေးနှုတ်ဆက်သမှုပြရတော့သည်။

"ဟုတ်ကဲ့၊ဟုတ်ကဲ့၊ဟုတ်ကဲ့၊သမ္မတကြီးခင်ဗျာ၊ရုတ်တရက်မို့ တလေးတစားနှုတ်မဆက်မိတာ ခွင့်လွှတ်တော်မူပါခင်ဗျာ။လာရခြင်း အ ကြောင်းရင်းကို အမိန့်ရှိပါခင်ဗျာ"
ဤတွင် သမ္မတကြီးသည် သက်ပြင်းရှည်ကြီးတစ်ချက်ကိုလေးတွဲ့စွာချလိုက်ရင်း တိုးလျှိုးညင်သာ မြွက်ဟမိန့်ဆိုမှုကြောင့် ဆြာဒင်တစ် ယောက် ရှင်းလင်းစွာသဘောပေါက်  နားလည်ခဲ့ရချေတော့သည်။သူ့ပြဿနာ သူ့အခက်အခဲကား သူ့နှလုံးသားကိစ္စဟုဆိုသော်ရနိုင်၏။ သူ့နှလုံးသည် စက်ကိရိယာတစ်ခုအားကိုးဖြင့် လည်ပတ်လှုပ်ရှားနေရသည်ဖြစ်ရာ ရုတ်ခြည်းအရေးပေါ် ခွဲစိတ်ကုသမှုအငယ်စားတစ်ခု ပြုရန်လိုအပ်လာသဖြင့် သူ၏သမ္မတရာထူးတွင် ဆြာဒင်အနေဖြင့် တစ်ရက်တာ တာဝန်ထမ်းဆောင်ပေးပါရန် မေတ္တာရပ်ခံလာခြင်း ဖြစ်၏။

ရာထူးဂုဏ်သိန်တို့၏နောက်ဆက်တွဲ အပူမီးတို့သဘောသဘာဝကို စောင်းပါးရိပ်ခြည်သိနေပြီးသည့် ဆြာဒင်သည် အာဏာပါဝါကို မမက်မောသော်ငြား သူတစ်ထူး၏အခက်အခဲကိုကူညီလိုစိတ်သာ ကဲနေသည်ဖြစ်ရာ အထွေအထူးဆွေးနွေးငြင်းဆန်ခြင်းပြုမနေတော့ပဲ နှစ်ဆယ့်လေးနာရီ၊တစ်ရက်တိတိ၊ သမ္မတမင်းစည်းစိမ်ကို ခံစားရန်အလို့ငှာနောက်တော်ပါသုံးဦးကို အပါခေါ်လျက် သမ္မတကြီး ၏အထူးကိုယ်စားလှယ်လွှဲစာကိုယူဆောင်ကာ၊၎င်းစီးနင်းလေ့ရှိသော အထူးရဟတ်ယာဉ်ဖြင့် နေပြည်တော်ရှိသမ္မတအိမ်တော်သို့ တက်သုတ်နှင်ရောက်ခဲ့ရပြန်ချေသည်တစ်မုံ့တကား။

(၃)
ဆြာဒင်သမ္မတ  တာဝန်ကို တစ်ရက်တာ တခဏ၊စတင်ထမ်းဆောင်ရမည့်နံနက်ခင်းကား တစ်သက်မမေ့နိုင်စရာ စည်းစိမ်ခြွေရံသင်းပင်း တို့နှင့်ပြည့်စုံလှသော်လည်း ဆြာဒင်သည် ကြီးကျယ်ခမ်းနားလှသော  သမ္မတမင်း၏အဆောင်အယောင်တို့ကို ဂရုဓမ္မပြုမခံစားနိုင်အား၊ စိတ်ထဲတွင် ဆောင်ရွက်လိုသည့်အရေးကြီးကိစ္စကိုသာ ဖုတ်ပူမီးတိုက်ဆောင်ရွက်မိလေ၏။

ပြည်ထောင်စုလွှတ်တော်ဥက္ကဋ္ဌ၊သမ္မတရုံးဝန်ကြီး၊ရန်ကုန်တိုင်းဝန်ကြီးချုပ်နှင့် တပ်မတော်ကာကွယ်ရေးဦးစီးချုပ်တို့အား နှစ်နာရီအတွင်း သမ္မတရုံးအစည်းအဝေးခန်းမသို့  ချက်ချင်းအစည်းအဝေးတက်ရောက်ရန် အရေးပေါ်အမိန့်စာကို လက်မှတ်ရေးထိုး ထုတ်ပြန်လိုက် ရ၏။တချိန်တည်းတွင် ၎င်းအရေးပေါ်အစည်းအဝေးတွင် ဆွေးနွေး ဆုံးဖြတ်ကြသည်များကို အများပြည်သူ တိုက်ရိုက်ကြည့်ရှုနိုင်ရန် အလို့ငှာ ပြည်တွင်းပြည်ပ မီဒီယာအသီးသီးကိုလည်း တပြိုင်တည်း အချိန်နှင့်တပြေးညီ တိုက်ရိုက်ထုတ်လွှင့်နိုင်စေရန်၊အခွင့်အရေးပေး  ဖိတ်ခေါ် စေရ၏။

သတ်မှတ်ချိန်တွင် မီဒီယာများ၊ဖိတ်ကြားထားသောအထူးအရေးကြီးပုဂ္ဂိုလ်များစုံညီစွာရောက်ရှိနေခဲ့ပြီဖြစ်ရာ သမ္မတကြီးဒင်သည် အချိန် ကို ငဲ့ရသည်ဖြစ်၍ အဖွင့်မိန့်ခွန်းမျှကိုပင် လျှာရှည်မြွက်ကြားမနေတော့ပဲ လိုတိုရှင်းအချက်ကိုပင် လမ်းညွန်မှုပေးလိုက်ရပေ တော့သည်။
"ကဲ၊ဒီမိုကရေစီခေတ်ရောက်ပြီမို့ ပြည်ပရင်းနှီးမြှပ်နှံမှုတွေ တစ်ပြုံတစ်မကြီးဝင်လာနိုင်မှသာ ဗမာပြည်ရှေ့ခရီးမှာ အသက်ရှူချောင်ကြပေ လိမ့်မယ်၊နယူးယောက်မက်ဟန်တန်ရပ်ကွက်ထက် နှစ်ဆဈေးကြီးနေတဲ့ ရန်ကုန်မြေဈေးနဲ့ကဖြင့်၊ဇောတိကတောင်ထိုင်ငိုမှာမို့၊ ဝေါင် ဝေါင် ရှေးဝေးဝေးကရှောင်ကုန်ကြပြီ၊ဒီအတိုင်းရှေ့ခရီးဆက်လို့တော့မဖြစ်ချေဘူး။ဂျာအေးသူ့အမေရိုက်ပြီး မုန့်လုံးကိုစက္ကူကပ်ကုန်တော့ မယ်"

ဤတွင် လွှတ်တော်ဥက္ကဋ္ဌသည် ရုတ်ခြည်းမတ်တပ်ရပ်ကာ သမ္မတကြီးဒင်၏ စကားကို ကြားဝင်ဖြတ်သည်။
"ဒီိလိုရှိပါတယ်၊သမ္မတကြီး၊ဒီကိစ္စဟာ အပြန်အလှန်ထိန်းသိမ်း  ကြပ်မတ်ခြင်းဆိုတဲ့မူအရ လွှတ်တော်ကတဆင့် အဆိုတင်သွင်းပြီးမှသာ .."
သမ္မတကြီးဒင်သည် လွှတ်တော်ဥက္ကဋ္ဌကို လက်ရပ်ပြကာချက်ချင်းပြန်ထိုင်ခိုင်းလိုက်သည်။
"ထိုင်တော့၊ခင်ဗျားထိုင်တော့၊ခင်ဗျားဗျာ၊လွှတ်တော်ထဲရောက်နေတဲ့၊မြေပိုင်ရှင်တွေက မြေဈေးကိုထိန်းသိမ်းကြပ်မတ်နေမှတော့ နေမြင့် လေ၊ အရူး ရင့်လေပေါ့၊မတော်မတရားတာကိုသာ ထိန်းသိမ်းကြပ်မတ်ကြရမှာဗျ။ပြည်သူအတွက် သေချာပေါက်အကျိူးရှိမဲ့ကိစ္စရပ်မျိုးကို သမ္မတရဲ့ အထူးလုပ်ပိုင်ခွင့်အရ  ကျနော်လုပ်တယ်၊၊ခင်ဗျာ့သား စီးပွားရေးသိပ်သောင်းကျန်းနေတာ ကျနော်အကုန်သိနေတယ်နော်။ဒါပဲ"

သမ္မတကြီးဒင်နှင့်အနီးဆုံးတွင်  နေရာယူထားလေသည့် သမ္မတရုံးဝန်ကြီးကား သမ္မတကြီး၏လမ်းညွန်ချက်ကို အသေးစိတ်လိုက်လံ  ရေးမှတ်လျက်ရှိ၏။ငါးခူပြုံးပြုံးရင်း မူလလက်ဟောင်းသမ္မတနှင့်နှိုင်းစာသော် ၊ဆီနှင့်ရေလို ကွာခြားလှသည့်ယာယီတခဏသမ္မတ ကြီးဒင်၊ ပြတ်ပြတ်သားသား  ကိုင်တွယ် ဆောင်ရွက်နေသည်ကို သဘောအကျကြီးကျနေဟန်မှာ "ဒါမှ ငါတို့သမ္မတ"ဟု ဆိုနေဘိသကဲ့ သို့ရှိလေသည်။

(၄)
ဆြာဒင်သည် အာဏာပါဝါပြရသည့်အလုပ်ကို စက်ဆုပ်ရွံ့ရှာလှသော်ငြား နှစ်ဆယ့်လေးနာရီတည်းဟူသော အချိန်အကန့်အသတ်ကို တန်ဖိုးထားနေရသူမို့ ရှင်းရှင်းပြတ်ပြတ်ပင် ရှေ့ဆက်ရချေသည်။
"ကဲ၊ ကာချုပ်၊ခင်ဗျားဘူဒိုဇာနဲ့ ကော်ပြီးသိမ်းထားတဲ့ မြေထဲက တစ်ဝက်ကို နိုင်ငံခြားရင်းနှီးမြှုပ်နှံမှုအတွက် အခုချက်ချင်းတရားဝင် စွန့်လွှတ်ပါ။စွန့်လွှတ်တဲ့မြေဈေးဟာ ထိုင်းနိုင်ငံ ဖူးခက်မြေဈေးထက်မပိုပါစေနဲ့၊ သေချာမှတ်ထားဗျာ။ တကမ္ဘာလုံးက၊သူဌေးတွေ အိမ်တစ် လုံးစီပိုင်ကြတဲ့ ဖူးခက်မှာတောင် မြေတဧကကိုဗမာငွေသိန်းခြောက်ရာထက်မကျော်ဘူးဗျ၊မရှင်းတာရှိရင်မေး"

ကာကွယ်ရေးဦးစီးချုပ်သည်လည်း သမ္မတဒင်၏စကားကို နှစ်မြို့ဟန်မရ၊မခံချိမခံသာမျက်နှာပေးဖြင့် အထွန့်တက်ပြန်ချေပြီ။သမ္မတကြီး ဒင် ခပ်တင်းတင်းရှေ့တလှမ်းတိုးရပြန်ချေသည်။

"ဘူဒိုဇာနဲ့ကော်ရတာ တပ်မတော်အင်အားရှိဖို့ပါသမ္မတကြီး၊တပ်မတော်အင်အားရှိမှ တိုင်းပြည်အင်အားရှိမှာမဟုတ်လား"
"တော်စမ်းပါဗျာ၊ပြည်သူလူထုအင်အားရှိမှ တပ်မတော်အင်အားရှိမှာဗျ၊ခင်ဗျားပွဲစားခမက်ပြီး၊တရုတ်နဲ့ဆိုဗီယက် တပတ်ရစ်လေယာဉ် တွေ၊ တင့်ကားတွေ၊ အမြှောက်တင် သံချပ်ကာကားတွေကိုချည်းလှိမ့်ဝယ်နေလို့ကတော့ မွဲဆေးဖော်နေတာနဲ့အတူတူပဲ၊ ပျက်ကျလိုက် ပြင်လိုက်နဲ့ တိုက်ရခိုက်ရတယ်မရှိဘူး"
ပေစောင်းပေစောင်းနှင့်ကာချုပ်တစ်ယောက် သူ့ကုလားထိုင်မှာသူပြန်ထိုင်ချိန်တွင်ကား ထူထဲလှသောစိန်စီရွှေကိုင်းမျက်မှန်တဝင်းဝင်းနှင့် ရန်ကုန်တိုင်းဝန်ကြီးချုပ်မင်းသည်လည်း မခုတ်တတ်သည့်ကြောင် အိုက်တင်ဖြင့် တစခန်းထပြန်လေသည်။

"သမ္မတကြီးခင်ဗျာ။တကယ်တော့ တိုင်းပြည်ဆင်းရဲရတာဟာ အစိုးရက အလိုလိုက်လွန်းလို့ဖြစ်ရတာပါ၊ခေတ်အဆက်ဆက်ပြန်ကြည့်ရင် အစိုးရအဖွဲ့အသီးသီးဟာ ပြည်သူကိုငဲ့ညှာလွန်းအားကြီး ..ကြီး"
သမ္မတဒင် ဒင်းအား စကားကြောရှည်ခွင့်မပေးနိုင်၊အချိန်နှင့်ဒီရေသည်ဆြာဒင့်ကိုမစောင့်။
"တော်တော့ဗျာ။အစိုးရထက်သြဇာကြီးတာပြည်သူဗျ။ဒီမိုကရေစီစံနစ်မှာအာဏာဟာ ပြည်သူ့ဆီကနေစီးဆင်းတယ်။ ဘာကောင်တွေနဲ့ဖွဲ့ ထားတဲ့အစိုးရမို့ အလိုလိုက်တယ်ဆိုရသတုန်း။ခင်ဗျားမြို့တော်ဝန်နဲ့ ပေါင်းရိုက်နေတဲ့ဂွင်တွေကျုပ်မသိဘူးမထင်နဲ့နော်၊ဘယ်နှယ့်ဗျာ၊ ရာထူးလက်ခံစဉ်တုန်းက ဗမာငွေသိန်းငါးဆယ်တောင် လက်ထဲမကပ်ခဲ့တဲ့ မြို့တော်ဝန်၊ခုတော့ ဒေါ်လာသန်းရာချီပြီးဂွင်တည့်နေပြီ။ တည့်မှာပေါ့။စည်ပင်ပိုင်မြေတွေကို ဈေးပြိုင်တင်ဒါခေါ်လိုက် ငွေရှင်နဲ့ဝေစားလိုက်လုပ်နေတာကိုး။ကြာပါတယ်ဗျာ၊စည်ပင်မြေတွေကိုပါ ဒီစီမံ ကိန်းထဲထည့်"

ရန်ကုန်တိုင်းဝန်ကြီးချုပ်ကား ဇက်ပုရင်း ဆတ်ကနဲပြန်ထိုင်သွားချိန်တွင် အစည်းအဝေးဆုံးခန်းတိုင်ခဲ့ချေပြီ။တက်ရောက်လာကြသည့် အရေးကြီးပုဂ္ဂိုလ်တို့ကား မြန်မာ့မြေဈေးကျဆင်းရေးအထူးအစည်းအဝေးကြီး၏ ဆုံးဖြတ်ချက်ကိုဆောင့်ကြီးအောင့်ကြီး အတည်ပြု လက်မှတ်ရေးထိုးကြလျက်သမ္မတကြီးအား  နေနှင့်အုံးပေါ့ကွာဟူသော မျက်နှာပေးကိုယ်စီဖြင့်ခပ်ဆောင့်ဆောင့်ခြေလှမ်းလှမ်းကာ ထွက်ခွာ တော်မူကြကုန်၏။

(၅)
သမ္မတကြီးဒင်သည် အစည်းအဝေးဆုံးဖြတ်ချက်အား ပြီးဆုံးတိုင်ဆက်လက် အကောင်အထည်ဖော်ရမည့် လုပ်ငန်းစဉ်အသေးစိတ်ကို တပည့်ကျော်သုံးဦးအကူအညီဖြင့်နေ့ချင်းပြီးရေးဆွဲလျက် သက်ဆိုင်ရာဌာနအသီးသီးသို့ မိတ္တူများပေးပို့နိုင်ခဲ့ချိန်တွင်မူ ညဥ့်သန်းခေါင်ယံ တိုင်ခဲ့လေပြီ။ထို့အတူ ဆြာဒင်၏တစ်ရက်တာ တခဏသမ္မတရာထူးသည်လည်းဆုံးခန်းတိုင်ခဲ့ပေပြီ။

နောက်တစ်နေ့ထုတ်ပြည်တွင်းပြည်ပသတင်းစာများတွင် သမ္မတကြီးဒင်၏ အထူးအစည်းအဝေးအကြောင်း ဆြာဒင်၏ဓာတ်ပုံကြီးများကို မျက်နှာပြည့် ပြူးတူးပြဲတဲဖော်ပြကြ၏။ရန်ကုန်အပါအဝင်မြန်မာပြည်တနံတလျားရှိ မြေဈေးမှာနာရီပိုင်းအတွင်း ရှစ်ဆယ်ရာခိုင်နှုန်း ရုတ် တရက်ထိုးဆင်းသွားသည်ဟူ၏။

ပျော်စံရိပ်ငြိမ်၊စည်းစိမ်မကွာ၊မင်းချမ်းသာကား၊သမုဒ္ဒရာထက်ခဏပွက်သည့်ရေပွက်ပမာ၊တသက်လျာပေတည်း။သမ္မတရာထူးကို ပြန် လည်စွန့်လွှတ်ပြီး ပြီမို့ ဆြာဒင်နှင့်တပည့်ကျော်တို့သည် သာမန်အရပ်သားများကဲ့သို့ပင် ဈေးပေါ၍တွက်ချေကိုက်သော  လေကြောင်း လိုင်းတစ်ခုဖြင့် ဖူးခက်သို့ပြန်ကြရန် လေဆိပ်ဆီသို့သွားရာ လမ်းတလျှောက်တွင် ပြည်သူအပေါင်းသည် ဆြာဒင်အား ပန်းမိုးရွာ လျက်နှုတ်ဆက်ကြ ကုန်၏။

"ဆြာဒင် ကျန်းမာ ပါစေ၊အသက်ရာကျော်ရှည်ပါစေ"ဟုလည်း ဆုတောင်းပတ္ထနာပြုကြလေရာ ဆြာဒင်သည် မိမိစီးနင်း လိုက်ပါသည့်ကားဘေးမှန်ကိုချလျက် လူထုအားတုန့်ပြန်နှုတ်ဆက်ရန် ခေါင်းပြူအထွက်တွင်ကား ဘယ်အရပ်ဆီမှလာ လေမှန်းမသိသည့် မာကျောလှသော လောက်စာလုံး တို့သည် တဝီဝီမြည်သံဖြင့် ဆြာဒင့်နဖူးပြင်ကို ထိမှန်လေရာ၊ ခေါင်းထဲ တွင်ကြယ် ရောလပါစုံသွားသည့် ဆြာဒင်သည် နောက်ထပ်လာ လတ္တံသောလောက်စာလုံးတို့၏ဘေးရန်မှ၊ ကာကွယ်ရန်အလို့ငှာ ကားအတွင်းပိုင်း သို့ ဇတ်ကနဲ ဝပ်ချလိုက်ချိန်တွင်ကား.....၊ ဆြာဒင်သည်ကုတင်ပေါ်မှ ဂျွမ်းပြန်ကျကာ နဖူးသည်ကြမ်းပြင်နှင့်မိတ်ဆက်သဖြင့် ဟက်တက် ကွဲခဲ့လေ၏။

အိပ်မက်တွင်လောက်စာလုံး နှင့်မို့သာတော်ချေတော့သည်။နဖူးပြင်က အမာရွတ်ကားသေရာပါခဲ့ပြီ။

ဤသို့လျှင်ဆြာဒင်သည် မိုးအေးအေးနှင့်အိပ်ယာထက်တွင်ကွေးနေချိန်တိုင်း၌ နဖူးကအမာရွတ်ကိုလက်ဖြင့်အသာအယာစမ်းရင်း မသေ ကောင်းမပျောက်ကောင်း၊ထိတ်လန့်စရာကောင်းလှသည့်အိပ်မက်ဆိုးကို ထပ်မံမမက်ရဲလေသောကြောင့် တုန်လှပ်သော ရင်အစုံဖြင့် "ဒီမိုး မှောင်တုန်း  ဒင်ပုန်းပါရစေခင်"ဟူ၍သာ တီးတိုးရေရွတ်နေလေ့ရှိတော့ချေသည်တကား။ ။

၂၀၁၄နေ့ထုတ်၊ဆဲဗင်းဒေးအပတ်စဉ်ဂျာနယ်။(မင်းဒင်ရဲ့သက်ခိုင် ၂)

အခန်း(၃၈)

ဖူးခက်ဗမာ့ပုံပြင်များ

ဖူးခက်ကျွန်း၏ပိုင်နက်နယ်နိမိတ်သည် ရန်ကုန်မြို့အကျယ်အဝန်းနှင့် အတော်နီးစပ်သည်ဟု အကြမ်းဖျဉ်းအားဖြင့် ကျနော်ခန့်မှန်းမိ သည်။ စင်စစ်ဖူးခက်သည် ပင်လယ်ထဲသို့တသီးတခြားထိုးထွက်နေသောကျွန်းငယ်တစ်ခုဖြစ်၍ စင်္ကာပူနိုင်ငံနှင့်နှိုင်းစာ လျှင်လည်း ရွယ်တူနီးနီးခန့်ပင် ရှိနိုင်၏။၂၀၁၃ခုနှစ်သန်းကောင်စာရင်းအရ ဖူးခက်တွင်နေထိုင်သောထိုင်းလူမျိုးလူဦးရေစုစုပေါင်းသည် ငါးသိန်းသုံး ထောင်ရှိ သည်ဟု စာရင်းဇယားများတွင်ဖော်ပြ သည်။ကာလရက်ရှည်(long stay)နေထိုင်သည့် နိုင်ငံခြားသားတို့ကား နှစ်သိန်း ဝန်းကျင်ဖြစ်၍ မြန်မာရွေ့ ပြောင်းအလုပ်သမားဦးရေ တစ်သိန်းကျော်ခန့်ရှိမည်ဟု ခန့်မှန်းကြသည်။ဖူးခက်သို့ အလည် အပတ်ခရီးအဖြစ် လာရောက်ကြသော နိုင်ငံတစ်ကာဧည့်သည်အရေအတွက်မှာ တစ်လလျှင်လေးသိန်းခန့်ရှိ၍ ဖူးခက်မြို့ရှိလူဦးရေ စုစုပေါင်းမှာ တစ်သန်းဝန်းကျင်ရှိနိုင်သည်။

ဤမျှစည်ကားဖွံ့ဖြိုးလှသောဖူးခက်မြို့ကြီးဆီသို့ မြန်မာနိုင်ငံအနှံ့မှ ရေကြည်မြက်နုသည့်အရပ်အဖြစ်၊ ဗမာရွေ့ ပြောင်းအလုပ်သမားတို့ တစ်စတစ်စ ရောက်ရှိလာခဲ့ကြသည်မှာ လွန်ခဲ့သော နှစ်ပေါင်းသုံးဆယ်ဝန်းကျင်က စတင်ခဲ့သည်။အဆိုပါ အချိန်ကာလအတွင်း များပြားလှသောဗမာအလုပ်သမားတို့အကြား မှတ်တမ်းမတင်လိုက်နိုင်သော ဇာတ်လမ်းများ ရှိနေခဲ့မည်မှာ သေချာလှသောအချက် တစ်ရပ်ဖြစ်လေသည်။ကိုယ့်မြေကိုယ့်ရေမဟုတ်၊ရာဇဝင်ထဲက ရန်သူ့တိုင်းပြည်လည်းဖြစ်လေသဖြင့်၊တစ်ဝမ်းတစ်ခါးအလို့ငှာ ဤတစ်နယ် တစ်ကျေးတွင် မြန်မာပြည်သားတို့၏လူမသိသူမသိ၊အလိုအလျောက်ပျောက်ကွယ်သွားလေသော ရင်နာဖွယ်၊စိတ် လှုပ်ရှားဖွယ်ဖြစ်ရပ် အချို့ကို မထင်မှတ်ပဲ ကျနော်သိရှိခွင့် ရခဲ့သည်မှာကိုသက်ခိုင်၏ကျေးဇူးကြောင့်ဟုဆိုနိုင်လေသည်။

တစ်ခုသောနေ့တွင်ကိုသက်ခိုင်၏ရှေ့၌ ကျနော့်အခက်အခဲတစ်ခုကို ဖွင့်ဟညည်းတွားမိလေရာ ထိုအခက်အခဲမှာ ချဉ်သီးပင်အောက် ချဉ်သီးရှားသည့်ကိစ္စဟု ဆိုနိုင်သည်။ဗမာရွေ့ပြောင်းလုပ်သားဦးရေ သိန်းချီရှိနေသည့် ဖူးခက်မြို့တွင်၊ကျနော့်အိမ်မှ မီးဖိုချောင်နှင့် အခန်းတံခါးသော့အချို့ကိုပြင်ဆင်ရန် ဗမာလက်သမားတစ်ဦးရှာမရ ဖွေမရ ဖြစ်နေခြင်းအတွက် အသံထွက်ညည်းမိခြင်းဖြစ်၏။

"ဗမာအလုပ်သမားတွေ ရိုက်သတ်လို့မကုန်နိုင်အောင်များနေတဲ့ မြို့ကြီးမှာ ဗမာလက်သမားတစ်ယောက် ရှာရတာ သေချင်စော်နံတယ် ဗျာ"
"ဒါတော့မဟုတ်သေးဘူးထင်တယ်ကိုမင်းဒင်။လက်သမားလိုရအောင်၊ဘာတွေများကြီးကြီးကျယ်ကျယ်ပြင်မှာဆင်မှာမို့တုန်းဗျာ"
"အသေးအဖွဲပါဗျာ။မီးဖိုချောင်က မီးဖိုတင်တဲ့စားပွဲကို သွပ်ပြားအသစ်ကပ်ချင်တယ်။အခန်းသော့သုံးလုံးလောက် အသစ်လဲချင်တယ်။ကျ နော်လူရှာနေတာ တစ်လပြည့်တော့မယ်ဗျာ"

"အော်၊မခက်ပါဘူးဗျ။ကျနော့်လူတစ်ယောက်လွှတ်လိုက်ပါ့မယ်။အမှန်က သူတို့ဘဝသူတို့အကြောင်း ခင်ဗျားမသိသေးလို့ပါ။ ဒီကိုရောက် နေတဲ့ ဗမာအလုပ်သမားအများစုဟာ သူတို့လုပ်ငန်းခွင်တွေထဲမှာ လေးငါးဆယ်နှစ်နေ့မှန်းညမှန်း မသိပဲ အချိန်ကုန်နေကြရတာဗျ။ ပတ်စပို့နဲ့ ဝါ့ပါမစ်တွေရှိနေပေမဲ့ "နင်မဟုတ်ရင်နင့်အဖေပဲ"ဆိုပြီး တွေ့ရာနေရာမှာ ဥပဒေပုဒ်မမပါပဲဖမ်းပြီးငွေညှစ်နေတဲ့ ထိုင်းရဲရန်က လည်းတစ်မှောင့်မို့ သူတို့ဟာအပြင်ထွက်ပြီး ဂျလမ်း မနေနိုင်ဘူးဗျ။အားလပ်တဲ့ရက်တွေမှာ အပြင်အလုပ်လိုက်လုပ်ဖို့ဆိုတာကလည်း ကိုယ်ပိုင်လက်သမား၊ပန်းရံသမားသုံး ပစ္စည်း ကိရိယာ တွေအဆင်သင့်ရှိအုံးမှ။ကဲပါဗျာ၊ခင်ဗျားအခုလုပ်ချင်တဲ့ ပျံကျကိစ္စမျိုးအတွက် ထိုင်းဂျပိုးမှ ဖြစ်မှာမို့ ခင်ဗျားဆီကို ဂျပိုးထက်ကြီး တဲ့ လိပ်တစ်ကောင် ကျနော်ပို့ပေးလိုက်ပါ့မယ်။စိတ်အေးချမ်းသာစွာနေပါတော့"

ထိုမှနှစ်ရက်မြောက်သည့်နေ့တွင် အမ်မခန်အရပ်ရှိကျနော့်နေအိမ်သို့ အသက်လေးဆယ်ဝန်းကျင်လူလတ်ပိုင်းကုလားဒိန်ရုပ်နှင့် လူရွယ် တစ်ဦးပေါက်ချလာပါသည်။သူ့အမည်ကား အလီမောင်မောင်ဟုဆိုသည်။စင်စစ်သူသည် အိန္ဒိယသွေးပါသူ မဟုတ်။ သူ၏အသား အရည်နှင့် မျက်နှာ ပေါက်ကြောင့် သူ့နာမည်ရင်း"မောင်မောင်"၏ရှေ့မှ "အလီ"ဟူသော အပိုစာလုံးပါလာခြင်းဖြစ်ကြောင်း သူ့ကိုတရင်း တနှီး မေးမြန်းရာမှ သိလာ ရသည်။

အလီမောင်မောင်သည် အရပ်ငါးပေဆယ်လက်မခန့်၊ညှင်းသိုးသိုးနှင့်ပြောပုံဆိုပုံမှာ လူရည်လည်သောပုံစံဖြစ်၍ ကိုသက်ခိုင်ပြောဆို ထားသည့် ထိုင်းဂျပိုးဟူသော အမည်နှင့် လိုက်ဖက်လှသည်။သူပြောသည့်စကားအတော်များများမှာ ထိုင်းစကားညှပ်၍ သုံးလေ့ ရှိသော်ငြား သူကားမွန်ပြည်နယ်၊ ကျိုက်မရော ဇာတိ၊ မွန်မြန်မာစစ်စစ်ဖြစ်၍ သူ့မိဘများသည်အင်္ဂလိပ်နယ်ချဲ့ခေတ်အခါက နာမည် ကျော်မွန်သူဌေးကြီးဦးနာအောက်၏ ဇာတိ ရွာဖြစ် သော ကတိုးကော့နှပ်ရွာမှဖြစ်ကာ   သူ့အမတစ်ဦးမှာမော်လမြိုင်တက္ကသိုလ်တွင် ကထိကရာထူးဖြင့် တာဝန်ထမ်းဆောင်နေ သည် ဟု ဆို၏။ထိုင်းနိုင်ငံတွင်းသို့သူစတင်ခြေချခဲ့သည်မှာ (၁၉၈၈)ခုနှစ်၊ ဗမာပြည်အရေး အခင်းကာလမှစတင်ခဲ့သည်ဖြစ်၍ ယိုးဒယားမြန်မာ နယ်စပ်၊ ဝမ်ခစခန်း သို့ပင် အဝင်အထွက်ရှိခဲ့ဖူးပြီး မြန်မာကျောင်းသား လက်နက်ကိုင်တပ်ဖွဲ့(ABSDF)မှ ဒေါက်တာနိုင်အောင်နှင့် မိုးသီးဇွန်တို့ကို သူတွေ့မြင်ခဲ့ ဖူးသည်။

အလီမောင်မောင်သည် ကျနော်ညွန်ပြ စေခိုင်းသမျှအလုပ်တို့ကို ကျွမ်းကျင်သေသပ်စွာ လုပ်ကိုင်နေရင်း ကျနော်နှင့်အဖွဲ့ကျနေခဲ့ ၏။မီးဖိုခုံပေါ်က သွပ်ပြားဟောင်းကို ခွာသည်။သွပ်ပြားအသစ်ကို သံဖြတ်ကတ်ကျေး တစ်ချောင်းဖြင့် ဖြတ်နေသော သူ့ဘေးတွင် ကျနော်သည်စကားပြောဖော် အဖြစ်ရှိ နေခဲ့၏။သူက ကျနော့်ကို "ဦး"ဟုနာမ်စားသုံးခေါ်ဝေါ် သည်။သူနိဒါန်းပျိုးသော စကားတစ်ခွန်းသည်ပင် ကျနော်စိတ်ဝင်စားမိသည့် အကြောင်းအရာတစ်ခုဖြစ်သွားချေသည်။

"ဦးက စာရေးတယ်ဆိုတော့ ထိုင်းနဲ့ကမ္ဘောဒီးယားစစ်ဖြစ်တုန်းက ဖူးခက်ရောက်နေတဲ့ မွန်ဗမာအလုပ်သမားတွေထိုင်းစစ်တပ်ထဲဝင်ပြီး တိုက်ခဲ့တာကို ဦးသိလား"
"ဟ၊ဘယ်နှယ့်မွန်ဗမာတွေက ထိုင်းစစ်တပ်မှာ စစ်ဝင်တိုက်ရသတုန်း၊မဟုတ်သေးဘူးထင်တယ်"
"ဟုတ်တယ်ဦးရ၊၁၉၉၀ခုနှစ်လောက်တုန်းက ကမ္ဘောဒီးယားနဲ့ယိုးဒယားတွေစစ်ဖြစ်ကြတုန်းမှာ ဖူးခက်က မွန်ဗမာတွေကို တစ်လ ဘတ်သုံး ထောင်လခပေးပြီး စစ်တိုက်ခိုင်းတာ၊ကျနော်အသိမွန်ဗမာတွေပါသွားခဲ့ကြဖူးတယ်၊နှစ်လသုံးလလောက်ကြာတော့ သူတို့ ပြန်ရောက် လာကြတယ်။ခေါ်သွားတုန်းကတော့ ထိုင်းနိုင်ငံသားမှတ်ပုံတင်ထုတ်ပေးမလိုလိုပါပဲ၊ပြန်ရောက်တော့လည်း ဘာမှ မဟုတ် ပါဘူး"

သူ့စကားကြောင့် ကျနော်တွေကနဲဖြစ်သွားမိသည်ကားအမှန်။ဆက်စပ်စဉ်းစားသည့်အခါ ထိုင်းနှင့်ကမ္ဘောဒီးယားသည် မကြာခဏနယ် စပ်ပြဿနာပေါ်လေ့ရှိရာ ထိုင်းစစ်တပ်သည် စစ်မြေပြင်လုပ်သား(ပေါ်တာ)အဖြစ်၊မွန်ဗမာတို့ကိုအခကြေးငွေ ပေး၍ခေါ်ယူခဲ့ခြင်းဖြစ်နိုင် သည်။လွန်ခဲ့သောနှစ်နှစ်ခန့်က ထိုင်းမှတ်ပုံတင်အတုကိုင်ဆောင်မှုဖြင့် ဖမ်းဆီးခံရသည့် မွန်ဗမာတစ်ဦးမှာ ကမ္ဘောဒီးယားစစ်ပြန်တစ်ဦး ဟုလည်း သတင်းသဲ့သဲ့ကြားမိသည်။အလီသည်အခြေခံပညာအလယ်တန်းအဆင့်အထိသာ ပညာသင်ကြားဖူးသည်။ သူပြောသမျှ ကျနော်မယုံကြည်သော်ငြား သူပြောဆိုနေ သည့်ဖူးခက်နောက်ကြောင်းရာဇဝင်များကား စိတ်ဝင်စားဖွယ်အတိဖြစ်၏။သူက စကားဆက်ပြန်သည်။

"ကျနော်ဖူးခက်ကိုရောက်စတုန်းက ဖူးခက်မှာမီးပွိုင့်တွေတောင်မရှိသေးဘူးဦးရ။ပထမဆုံးမီးပွိုင့်ကတော့ စင်ထန်း(Centralကို စင်ထန်းဟု ထိုင်း လူမျိုး တို့နည်းတူအသံထွက်သည်)လမ်းဆုံကမီးပွိုင့်ပဲ။ကတ္တရာလမ်းတွေကလည်း ခပ်ကျဉ်းကျဉ်းတွေပါပဲ။ပါတောင်၊ တောင်ကုန်းကို ကျော်တဲ့ လမ်းဆို အဲဒီတုန်းကမြေနီလမ်းပဲရှိသေးတယ်။ ကျနော်မှတ်မိသေးတယ်။ အခုပါတောင်ဆေးရုံကြီး ဆောက် ထားတဲ့နေရာမှာ ဟိုတုန်းက ပင်လယ်ခရု တွေအများကြီးနဲ့ ဗွက်အိုင်ကြီးပဲရှိသေးတာ။အဲဒီနားက မြေကွက်လပ်ကြီးမှာ ပိတ်ကား အကြီးကြီးထောင်ပြီး သုံးကားပေါင်း ဘတ်တစ် ဆယ်နဲ့ ရုပ်ရှင်တွေပြတော့ ကျနော်တို့ဝင်ဝင်ကြည့်ဖြစ်တယ်ဦးရ။ အခုပါတောင်မှာ အမြင့်ဆုံးနှစ်ဆယ့်ငါးထပ် ပါရာဒိုက်(Paradise) ဟော်တယ် ကြီးဟာ အဲဒီတုန်းက စဆောက်တာပေါ့။ ကျန်တဲ့အထပ်မြင့် တိုက်တွေ၊ ဟိုတယ်တွေ မရှိသေးဘူး။ဟိုအရင်တုန်းက ဖူးခက်ကထိုင်းလူမျိုးတွေဟာ မွန်ဗမာတွေကို  မမြင်ဖူးကြဘူးတဲ့။

မွန်တွေနဲ့ ထိုင်းလူမျိုး တွေဟာ ပြောတဲ့စကား၊ရေးတဲ့စာမှာ နည်းနည်းနီးစပ်လို့လားတော့မသိဘူး။မွန်တွေဟာ ထိုင်းတွေနဲ့ အတော် နားလည်မှုရှိခဲ့ကြတယ်။ မွန်ပြည်နယ်လမိုင်းရွာသားမွန်လူမျိုးတွေဖူးခက်ကို စပြီးရောက်ကြတာ။ရောက်စက မွန်ဗမာတွေ လုပ်ရတာ ပန်းရံ လုပ်ငန်းတစ်ခု ပဲရှိတယ်။အဲဒီတုန်းက ဖူးခက်အလုပ်သမားလောကမှာမွန်တွေကြီးစိုးနေခဲ့တာပေါ့။လာအိုနဲ့ကမ္ဘောဒီယားအလုပ်သမားတွေ ရောက်လာ ကြတယ်ဆိုပေမဲ့ အရမ်းနည်းပါတယ်။အညာသားတွေ ဖူးခက်ကိုရောက်လာကြတာ ခုနစ်နှစ်လောက်ပဲရှိအုံးမယ်။အခုတော့ မကွေး တိုင်းထဲက ပေါက်၊မြိုင်၊ချောင်းနားဆိုတဲ့ ရွာတွေက ပါရောက်လာကုန်ကြတာ၊တနိုင်ငံလုံးအနှံ့ကပါပဲ"

အလီမောင်မောင်ဖူးခက်သို့စတင်ရောက်ရှိချိန်မှာ မြန်မာနိုင်ငံတွင်၁၉၈၈ခုနှစ်အရေးအခင်းကြီးပေါ်ပေါက်နေချိန်ဖြစ်၍ မြန်မာပြည်ကြီး ဝရုဉ်းသုန်းကားဖြစ်နေချိန်တွင် ထိုင်းနိုင်ငံဖူးခက်မြို့သည် ကမ္ဘာလှည့်ခရီးသွားလုပ်ငန်းအတွက် ခြေလှမ်းသွက်သွက်ဖြင့် ပြင်ဆင်နေ ချိန်ဖြစ်လေသည်။ယင်းအချိန်တွင် မြန်မာပြည်လူထုအများစု မှာစားဝတ်နေရေးကြပ်တည်းကျဉ်းမြောင်းကြလေသဖြင့်၊ မွန်ဗမာ အလုပ်သမားများသည် အလုပ်အကိုင်နှင့်ဝင်ငွေအထိုက်အလျောက်ကောင်းမွန်သည့် ထိုင်းနိုင်ငံအနှံ့အပြားသို့ စတင်ရောက်ရှိနေကြရာ လစ်ဟာနေသော လုပ်အားလိုအပ်ချက်ကို ယိုးဒယားတို့ လွယ်ကူစွာဖြည့်ဆီးနိုင်ခဲ့ကြသည်။ အမှန်တော့ အလီမောင်မောင့်အကြောင်းကို ကိုသက်ခိုင်တစ်စွန်းတစ်စကြို ပြောထားသဖြင့် သူ၏ကိုယ်ရေး ကိုယ်တာ ကိစ္စတစ်ချို့ကိုကျနော် ကြိုသိနေသည်။ ဖူးခက်မှာ အနေကြာပြီဖြစ်သော အလီသည် ပတ်စပို့၊ ဝါ့ပါမစ်မရှိပဲ ဖူးခက်မှာ ဂျလန်းနေနိုင် သူဖြစ်၏။ ထိုင်းစကား ကို ထိုင်းလူမျိုးရှုံး အောင်ပြော တတ်ရုံမျှမက ထိုင်းရဲအတော်များ များနှင့်ပါသူ ရင်းနှီးသည်။ခြွင်းချက်အနေဖြင့် သူသည် အာစီယံခေါ် မူးယစ်ဆေးရည် တစ်မျိုးစွဲနေ သူဖြစ်ပြီး သူအာစီယံမူးနေသည့်အချိန်များတွင် နှစ်ရက် ဆက်တိုက်အိပ်မောကျနေတတ်သည်ဟုဆို၏။ အာစီယံကိုသူကိုယ်တိုင်စွဲစွဲ လမ်းလမ်းသောက်သည့်အပြင်၊ ကိုယ်တိုင်ကျို ချက်ရောင်းလေ့ရှိ သည်။ထို့ပြင် အာစီယံကျိုချက်ရာတွင် အဓိကအခြေခံပစ္စည်းဖြစ်သည့် ဘိုင်ကထော့ခေါ်ဘိန်းစာရွက်ကို လက်လီလက် ကား ဖြန့်သည်အထိ ခြေလှမ်းကျဲသူဖြစ်၏။

အာစီယံကို စတင်တီထွင်သူတို့မှာ ထိုင်းနိုင်ငံရနောင်းမြို့မှ မွန်ဗမာငါးဖမ်းလုပ်သားများဟုဆိုသည်။၁၉၈၈ခုနှစ်တဝိုက်သည် ထိုင်းငါး ဖမ်းလုပ်ငန်းအတွက်ရွှေခေတ်ဖြစ်ခဲ့သည်။ဗမာ့ရေပိုင်နက်မှာ ငါးခိုးဖမ်းရာတွင် မွန်ဗမာလှေလုပ်သားများကိုအမှီပြု၍ ထိုင်းသူဌေး တို့ ငါးဖမ်းလှေတစ်စီးပိုင်ရာမှ ဆယ်စီးဆယ့်ငါးစီးပိုင်ကုန်ကြသည်။ဗမာ့ရေပြင်တွင် ဝါးလပ်ဝါးတန်းငါးဖမ်းလှေများ ပိုက်တစ်ချက်နှစ်ချက် ဆွဲရုံမျှဖြင့် လှေတစ်စီးစာငါးအပြည့်ရကြသည်ဟုပင်ကြားခဲ့ဖူးသည်။ဝင်ငွေကောင်းသော မွန်ဗမာငါးဖမ်းအလုပ် သမားများသည် အာစီ ယံကို ဘဝအမောဖြေဆေးအဖြစ်ဖန်တီးသုံးစွဲကြဟန်ရှိသည်။ အာစီယံဖျော်စပ်ရာတွင် ဘိုင်ကထော့(ဘိန်း စာရွက်)၊ရာကစ်အိုင်ခေါ် ထိုင်း နိုင်ငံလုပ်ချောင်းဆိုးပျောက်ဆေးတစ်မျိုးနှင့် ကော်ဖီမစ်တို့ရောစပ်ကျိုချက်ရ၏။မွန်ဗမာတို့ထံမှ အတုမြင်အတတ်သင်သည့် ထိုင်းလူမျိုး တို့ကား ကော်ဖီမှုန့်နေရာတွင် ကုတ်(COKE)ဖျော်ရည်ကို အစားထိုးသုံးစွဲလာကြသည်။ကော်ဖီသည် ညဘက်တွင်အလွယ်တကူ အိပ်မပျော် သောကြောင့်ဟုဆိုသည်။

ဘိန်းစာရွက်သည် ထိုင်းနိုင်ငံတောင်ပိုင်းနေရာအနှံ့တွင်အလေ့ကျပေါက်သည့် အပင်တစ်မျိုးဖြစ်သော်ငြား ယခုမျက်မှောက်ကာလတွင် မွန်ဗမာများ၊မြန်မာပြည်သို့ သယ်ဆောင်စိုက်ပျိုးမှုကြောင့် အချို့သော မွန်ပြည်နယ်ကျေးရွာများတွင် ဘိုင်ကထော့ပင်များရှိနေပြီဟုဆို၏။ ဘိုင်ကထော့ ကို သရက်ပင် ပိန္နဲပင်တို့ကဲ့သို့ပင်စည်ကြီးသည့် သစ်ပင်ကြီးများတွင် ကပ်လျက်စိုက်ပျိုးကာ အဆိုပါအပင်ကြီးများ ပေါ်သို့နွယ်တက်စေခြင်းဖြင့် အများမမြင်သာအောင်စိုက်ပျိုးလေ့ရှိသည်ဟုပါသိရပြန်သည်။စင်စစ် ဘိုင်ကထော့ရွက်ကိုထိုင်းလူမျိုး သက်ကြီးရွယ်အိုများက သွေးတိုးဆီးချိုကောင်းသည်ဟူသော ဆေးဖက်ဝင်အပင်တမျိုးအဖြစ် ရှေးမြန်မာများ ဆေးရွက်ကြီးငုံသကဲ့သို့ ငုံလေ့ရှိကြသည်။ ကျနော် ယိုးဒယားသို့ရောက်စက ဘိုင်ကထော့ရွက်ကို ကိုယ်တိုင်မြည်းစမ်းဝါးကြည့်ဖူးရာ အရသာ မှာအတန်ငယ်ခါး သက်သက်ဖြစ်၍ အတန်ကြာ သော် ရီဝေဝေခံစားချက်ပေါ်လာသည်။ဘိန်းစာရွက်အကြောင်း ခေါင်းထဲရောက်နေသောကျနော်သည် အလီမောင်မောင်ကို တီးခေါက် ကြည့်မိပြန်သည်။

"အလီရေ၊အခုလောလောဆယ် ဘိန်းစာရွက်နဲ့ အာစီယံဘယ်ဈေးပေါက်နေတုန်းကွ"
"ဟာ၊ဦးကလည်း ကျနော့်ကိုဘိန်းစားထင်နေပြီလားမသိဘူး။အခုဘိန်းစာရွက်တစ်ကီလိုကို ထိုင်းဘတ် ထောင့်နှစ်ရာလောက်ပေါက် ဈေးရှိ တယ်။လက်လီဆိုရင်တော့ ထောင့်ခြောက်ရာလောက်ပေါ့။ဟိုအရင်တုန်းကတော့ တစ်ကီလိုကို ဝယ်ဈေးဘတ်ကိုးရာလောက် ပဲရှိတာ။ရောင်းဈေးကတော့ ဝယ်သူကိုလိုက်ပြီး အမျိုးမျိုးကွဲပြားတာပါပဲ။ကျိုပြီးသား အာစီယံကတော့ အမ်မလွိုင်းဟဆစ်(M150) တစ်ပုလင်းစာကို ဆယ်ဘတ်ဦးရ။"

"ဒါနဲ့ ကိုယ်ကြားဖူးသလောက် အာစီယံထဲမှာ ခြင်ဆေးခွေနဲ့အမွှေးတိုင်အမှုန့်တွေရောပြီးဖျော်ကြတယ်ဆို"
"အလကားပါဦးရာ။ဘိန်းစာရွက်က ဖူးခက်မှာဒီလောက်ပေါနေတာ။ဝယ်ရခက်တယ်ဆိုတာ ထိုင်းရဲတွေအဖမ်းအဆီးများလို့ဦးရ။ တခု တော့ရှိတယ်။ အာစီယံသောက်နေကျလူတချို့က အချိန်မီသူလိုတဲ့ကိုတာအတိုင်း အာစီယံအလွယ်တစ်ကူရှာမရတဲ့အခါ ယင်းကိုက်ပြီး တွေ့ရာအမှုန့် လျှောက်ထည့်ကြတာတော့ ဖြစ်နိုင်တယ်။ထိုင်းဥပဒေမှာဘိုင်ကထော့ဟာ ခြွင်းချက်ရှိတယ်ဦးရ။ထိုင်းအိမ်တွေမှာ တစ်အိမ်တစ်ပင်စိုက် ခွင့်ရှိတယ်လို့တောင် ကျနော်ကြားဖူးတယ်။ထိုင်းမလေးရှားနယ်စပ် ယာလာ၊ပတ်တနီ၊ဆွန်ခလာလိုမြို့တွေမှာ ဆိုင်တွေပေါ်တောင်၊တင်ရောင်းကြတယ်။နောက်ပိုင်းတော့ မွန်ဗမာတွေသုံးတာများလာပြီး ဥပဒေတင်းကျပ်လာတာ။အခုဆိုဖူးခက်က မွန်ဗမာတွေရဲ့အလှူမင်္ဂလာဆောင်ပွဲတိုင်းလိုလိုမှာ အာစီယံနဲ့ ဧည့်ခံကြတာဆိုတော့ ထိုင်းပုလိပ်တွေငွေညှစ်လို့ ပိုကောင်းတာပေါ့"
အလီမောင်မောင်ကား စကားပြောမပြတ်သလို အလုပ်ကိုလက်နှင့်မပြတ်။သွပ်ပြားအသစ်ကို မီးဖိုအောက်ခံသစ်သားစားပွဲနှင့် တဒုန်းဒုန်းထုကာကပ်ရင်း သံချက်စွဲနေသည်။

"ဒါနဲ့အလီ ရင်းရင်းနှီးနှီးပဲမေးရအုံးမယ်။မင်းဟိုတလောက ဘိန်းစာရွက်မှုနဲ့ အချုပ်ကျသေးတယ်ဆို"
ဟုတ်တယ်ဦးရ ။ဒီကောင်တွေ ကျနော်ဘိန်းစာရွက်ရောင်းနေတာသိသိကြီးပဲ။ဝထစ်ရပ်ကွက်က ထိုင်းပုလိပ်တွေထဲမှာ ကျနော်မသိတဲ့သူ တစ်ယောက်မှမရှိဘူး။ဒီကောင်တွေကျနော့်ကို ဘေးမဲ့ပေးထားတာ။အဲဒီနေ့က လာဖမ်းတဲ့ရဲတွေဟာ စမ်မကောင်းအပိုင်ကတဲ့။ အမှုမဖြစ်အောင်ဘတ်နှစ် သောင်းတောင်းတာမို့ကျနော်လည်းပေးစရာမရှိတော့ ဖူးခက်အချုပ်ထဲမှာ နှစ်လလောက်ကြာတယ်။ပြီးတော့ ရနောင်းဘက်မှာ ကျနော့်ကို သွားသွန်တယ်။အခုကျနော့်ဖာသာ ဘတ်စ်ကားနဲ့ ဖူးခက်ကို ပြန်တက်လာတာ တစ်လကျော်ပဲရှိ သေး တယ်။အခုတော့ ဘိန်းစာရွက်ရောင်းတဲ့ အလုပ်ကို မလုပ်တော့ဘူးဦးရာ။ ကျနော်လုပ်ပုံက စီးပွားဖြစ်လည်းမဟုတ်၊ သူငယ်ချင်း အသိမိတ်ဆွေတွေများနေတော့ ဟေးလားဝါးလား ဘဝနဲ့နာမည်ပျက်နေတာ။ကျနော့်သမီးကြီးတောင် ဆယ်တန်းရောက်နေပြီ။ အငယ် ကောင်က အခုမှသူငယ်တန်းစတက် မှာဆိုတော့ မိန်းမကလည်း ဆူလှပြီ။မလုပ်တော့ပါဘူးဦးရာ။ ကျနော်လုပ်တာက အပျော်လုပ် သလိုဖြစ်နေတယ်"

"မလုပ်တော့ရင်ကောင်းတာပေါ့ကွာ။မင်းညီညီနိုင်တို့ကို အားကျစမ်းပါ"
"အာ ဦးကလည်း ညီညီနိုင်နဲ့ကျနော် သူငယ်ချင်းအရင်းဗျ။သူက ကံကောင်းတဲ့သူစာရင်းမှာ ပါတယ်လို့ပြောလို့ရတယ်"
ညီညီနိုင်အကြောင်း ကျနော်စကားစလိုက်သည့်အခါ သူ့မျက်နှာသိသိသာသာပြောင်းလဲသွားသည်။ညီညီနိုင်ကား ရန်ကုန်ဇာတိဟုဆို သည်။လက်ရှိအချိန်တွင် ညီညီနိုင်သည် ဖူးခက်ရှိ အကြီးဆုံးဆောက်လုပ်ရေးလုပ်ငန်းခွင်ဖြစ်သော ဖန်နဆွန်(FANASON)ကုမ္ပဏီကြီး တွင် ဗမာအလုပ်သမားရှာဖွေပေးသည့်

အလုပ်သမားခေါင်းဆောင်ဖြစ်နေပြီး စီးပွားရေးအထိုက်အလျောက်ချောင်လည်ကာ ဗမာအလုပ်သမား အသိုင်းအဝိုင်းကြားမှာ လူတစ်လုံးသူတစ်လုံးဖြစ်နေသူတည်း။ညီညီနိုင်သည် အလီမောင်မောင်နှင့်အသက်မတိမ်း မယိမ်း၊ အရပ်အမောင်း ကောင်း၍ကိုယ်လုံးကိုယ်ထည်တောင့်တင်း သည်။သို့သော် သူ့ရှေ့သွားသုံးချောင်းခန့်မှာ ပလစ်စတစ်သွား တုတွေစိုက်ထားသည်။သူစကားပြောသည့် အခါ သူ့အသံသည်မသဲကွဲ၊မပီသ၊ရှဲရှဲ၊ရှဲရှဲနှင့်ဘဲဂတ်သံထွက်နေသည်။

ထိုသို့ဖြစ်ရခြင်း၏ နောက်ကြောင်းဇာတ်လမ်းကို အလီမောင်မောင်က အောက်ပါ အတိုင်းဆိုသည်။
"တကယ်တော့ ညီညီနိုင်ဟာ ကျနော်တို့လို အလုပ်ကြမ်းသမားဘဝကလာတာပါပဲ။ သူက စိတ်တော့ဆတ်တယ်။ရောက်ခါစတုန်းက တလတ်ဆွတ်(ဖူးခက်မြို့မဈေး)မှာ ကုန်စိမ်းလှည်းတွန်းတာဦးရ။ကျနော်တို့နဲ့အတူကြုံရာကျပန်းလုပ်နေခဲ့တာပါပဲ။တစ်နေ့ တလစွပ်ထဲမှာ ဗမာအလုပ်သမားတွေ အလုပ်ပါးတဲ့အချိန် ဖဲဝိုင်းထောင်ပြီးဖဲရိုက်ကြတုန်း ညီညီနိုင်နဲ့ဖဲဝိုင်းထဲက မွန်ဗမာတစ်ယောက် အလျော်အစား ကိစ္စစကားများကြရင်း ညီညီနိုင်က

ခါးကြားမှာပါလာတဲ့ဓားနဲ့ ထထိုးလိုက်တာ အူပွင့်သွားတယ်။သွေးအိုင်ထဲကနေ ဇွတ်အတင်းပွေ့ချီပြီး ဝါချီ လပ်ဆေးရုံကို အချိန်မီပို့နိုင်လို့ အသက်တော့မသေပါဘူး။ဒါပေမဲ့ နောက်နှစ်ရက်လောက်ကြာတော့ ဓားထိုးခံရတဲ့ မွန်ဗမာအုပ်စုထဲကကောင် တွေနဲ့ ညီညီနိုင်၊ဖယ်အုံကန်ဆိပ်ကမ်းဘက်မှာဆုံမိကြပြီး ညီညီနိုင်ကို လက်စားချေအပြတ်ရှင်း တော့တာ ပဲဦးရ။မျက်နှာကို တုတ်နဲ့ဖြတ်ရိုက်၊ ဓားနဲ့အချက်ပေါင်း များစွာထိုး၊လည်ပင်းကို ပြတ်လုပြတ်ခင်လှီးပြီး လှေပျက်တစ်စီးပေါ်မှာ ထားရစ် ခဲ့တာပဲ။ညီညီနိုင်ကံကြီးတယ်၊ကံကောင်းတယ်ဆိုတာ အဲဒါကိုပြောတာ။အသက်ဖုတ် လှိုက်ဖုတ်လှိုက်ဖြစ်နေတဲ့ညီညီနိုင်ကို ဗမာလှေ သမားတချို့ကတွေ့ပြီး ဝါချီလပ်ဆေးရုံပို့ပြန်ရော။ ဒီမှာ တင် ညီညီနိုင်ဟာ သူဓားနဲ့ ထိုးခဲ့တဲ့ လူနဲ့ ကုတင်ချင်းဘေးကပ်ပြီးကျနေ ပြန်ရောတဲ့။

အချိန်မီခွဲစိတ်ကုသနိုင်တာကြောင့် ညီညီနိုင်အသက်မသေပေမဲ့ သွားလေးငါးချောင်းကျွတ်ထွက်ကုန်တယ်၊လည်ချောင်းက အသံအိုးပျက်စီးသွားပြီး စကားပြောရင်မပီတော့ဘူးပေါ့ ဦး ရာ။အဲဒီရန်ကြွေးက အဲဒီမှာတင် ဇာတ်လမ်းမဆုံးဘူး။ ညီညီနိုင်ဆေးရုံ ကဆင်းလာတော့ သူ့ကိုလုပ်ခဲ့တဲ့ကောင်တွေကို လက်စားပြန်ချေပြီး အပျောက်ရှင်းပြန်သတဲ့။ ခေါင်းရောကိုယ်ပါတစ်စစီ ခုတ်ဖြတ်ပြီး မျောက်စာကျွေးလိုက်တယ်လို့ သူပြောဖူးတာပဲ။ခက်တာက မျောက်က လူသားစားမစားတော့ ကျနော်မသိဘူး"
ညီညီနိုင်ကား ကျနော်နှင့်အတော်ရင်းနှီးသူဖြစ်၍ ကျနော်မသိသေးသော ညီညီနိုင့်ဇာတ်လမ်းကို ကျနော်ဆက်၍နားစွင့်နေမိသည်။ အလီမောင် မောင်ကား မီးဖိုချောင်ပြင်ဆင်မှုကို လက်စသိမ်းကာ အိမ်မကြီးအဝင်တံခါးကိုသော့အိမ်အသစ်လဲရန်ပြင်ဆင်နေရင်း သူ့စကားကိုဆက် ပြန်သည်။

"နောက်ပိုင်းတော့ ညီညီနိုင်လည်း ပင်နာဆွန်နဲ့ချိတ်မိပြီး အလုပ်သမားခေါင်းဆောင်ဖြစ်လာတယ်။သူက လုပ်ရဲကိုင်ရဲဇက်ရဲလက်ရဲမို့ အလုပ်သမားတွေအပေါ်သြဇာညောင်းတာကြောင့် တဖြည်းဖြည်းအဆင်ပြေလာတာပေါ့။ဦးစဉ်းစားကြည့်လေ၊အလုပ်သမားတစ်ယောက် ရဲ့နေ့တွက်ခကနေ ဘတ်သုံးဆယ်ဖြတ်တယ်ဆိုတော့ အလုပ်သမားငါးဆယ်ရှိရင် သူ့တစ်နေ့ဝင်ငွေက ဘတ်ထောင့်ငါးရာ၊အလုပ်သမား တစ်ရာရှိရင် ဘတ်သုံးထောင်ပေါ့။ကျနော်ကတော့ သူ့ကိုအားမကျပါဘူး။မွန်ဗမာအချင်းချင်း ခေါင်းပုံဖြတ်သလိုမျိုးလုပ်စားရတာကို ကျနော်မလုပ်ချင်ဘူး။ဒါကြောင့်လည်းကျနော်မကြီးပွားတာပေါ့"

အလီမောင်မောင်ကား အတန်းပညာဟုတ်ဟုတ်ငြားငြားမတတ်မြောက်ခဲ့သော်လည်း စာဖတ်သည့်အလေ့အထတော့ ရှိဟန်တူသည်။ သူက ကျနော့်စာအုပ်စင်ပေါ်မှ ကျော်သူ၏"သမ္မတကြီးဖြစ်ချင်တယ်"ဟူသော စာအုပ်ကိုလှမ်းကြည့်ရင်း မှတ်ချက်ပြုသည်။

"ဒီလူမဆိုးဘူးဦးရ။ပိုက်ဆံရှိတယ်။အောင်မြင်နေတဲ့ရုပ်ရှင်မင်းသား၊သူ့လိုလုပ်နိုင်တဲ့ လူမျိုးသိပ်ရှားတယ်။ဦးသန်းရွှေနဲ့တော့ တစ်ခြားစီပဲ"
"ဘာတွေရှားနေတာတုန်း၊ဘာတွေခြားနေတာတုန်းမောင်မောင်ရ"
ထိုစဉ် အသံရောလူပါရုတ်ခြည်းပေါ်လာသူကား ကိုသက်ခိုင်ဖြစ်၏။

၁၈။၀၆။၂၀၁၄နေ့ထုတ်။ ဆဲဗင်းဒေးအပတ်စဉ်ဂျာနယ်(မင်းဒင်ရဲ့သက်ခိုင် ၂)

အခန်း(၃၉)

အန္တရာယ်တောထဲက၊အမေ့ခံဘဝများ။  ။

ကိုသက်ခိုင်ကား (NIKE)တံဆိပ်အကောင်းစားစပို့ရှပ်ဖြင့် ထုံးစံအတိုင်းလူလတ်ပိုင်းတစ်ဦး၏ဟန်ပန်အပြည့်ဖြင့် ဖျတ်လတ်သွက်လက် လျက်ရှိ၏။ကိုသက်ခိုင်ကိုကြည့်ရသည်မှာ အလီမောင်မောင်ကျနော့်ထံရောက်မရောက်၊ကိုယ်တိုင်လိုက်လာပြီး စနည်းနာခြင်းဖြစ်နိုင်၏။ ကျနော်က သူ့ကိုထိုင်းရိုးရာအတိုင်း လက်အုပ်ချီ ရင်း အတည်ပေါက်လိုလိုနောက်ပြောင်သလိုနှင့် အရိုအသေပြုနှုတ်ဆက်စကား ဆိုလိုက်သည်။

"ဆဝါဒီခပ်၊ဖိ(မင်္ဂလာပါအကို)"
"တော်စမ်းပါဗျာ။ကိုယ့်လူနှယ်၊ထိုင်းရောက်နေတာကြာပေါ့ ဆဝါဒီတောင် နည်းလမ်းကျအောင်မခပ်တတ်သေးဘူး"
"အမလေး၊ဆဝါဒီခပ်တာများလွယ်လွန်းလို့ဗျာ၊လက်အုပ်လေးချီပြီး ပါးစပ်က ဆဝါဒီဆိုပြီးရောမဟုတ်လား"
"တော်ပါတော့ ကိုလူလည်ရယ်၊မသေမချင်းမှတ်ထားပေတော့၊ဆဝါဒီခပ်တာ လေးမျိုးရှိတယ်ဗျ။နဖူးနဲ့လက်မထိတဲ့အနေအထားက ဘုရား၊ တရားသံဃာ။နှာခေါင်းနဲ့လက်မထိထားရင် အမိအဖ၊ဂုဏ်အားဖြင့်လည်းကောင်း၊အသက်အားဖြင့်လည်းကောင်း ကြီးမြတ်သူ၊ကြီး ရင့်သူတွေအတွက်ဗျ။ရွယ်တူဆိုရင် ပါးစပ်မှာထိထား၊ ကိုယ့်ထက်အသက်ငယ်ရင် ရင်ညွန့်တည့်တည့်မှာကပ်၊မသေမချင်းမှတ်ပေရော့"

"အမယ် တယ်ဟုတ်ပါလား။ကျနော်ကတော့ စွတ်ဆဝါဒီခပ်နေတာပဲဗျာ။ပညာရှိစကားကို မှတ်သားနာယူထားအုံးမှ"
"ကဲပါဗျာ၊မောင်မောင်နဲ့ခင်ဗျားလုပ်ချင်တာတွေ အံကျဖြစ်ရဲ့လား"
"ဖြစ်တယ်ဗျ။ဒီမောင်က ပညာစုံတတ်တာကလား။ဇာတ်သမားစကားနဲ့ဆို သေတ္တာမှောက်လို့တောင်ဆိုရမယ်"
အလီမောင်မောင်က တံခါးသော့အသစ်ကိုမူလီစုပ်နေရင်း ခပ်ပြုံးပြုံးလှမ်းကြည့်နေသဖြင့် ကိုသက်ခိုင်က စကားလမ်းကြောင်းကို သူ့ဆီ သို့ဦးတည်လိုက်သည်။
"ဟေ့၊မောင်မောင်၊ရုရှတစ်ယောက်ကို ဗမာချာတိတ်နှစ်ယောက်ရိုက်သတ်တဲ့ကိစ္စ တရားခံမိပြီလား"

"ဟာ ဆရာ၊အဲဒီအမှုက လာဝိုင်ကမ်းခြေမှာဖြစ်တာဆရာရဲ့။ ချာတိတ်တွေက ဒီအမ်မခမ်ဘော်လဲနားက ပင်နာဆွန်ဆိုက်ကြီးထဲမှာ နေ တာတဲ့ ။ထိုင်းပုလိပ်တွေဝင်မွှေနေတာတော့ လေးငါးခါရှိပြီ။အခုလောလောဆယ်ဖမ်းမိထားတဲ့ကောင်တွေက တကယ့်တရားခံအစစ်တွေ မဟုတ်ဘူးတဲ့။တကယ်သတ်တဲ့ချာတိတ်တွေဟာ မွန်ပြည်နယ်နှီးပဒေါရွာသားတွေလို့ပြောကြတာပဲဆရာ"
သူတို့နှစ်ယောက်ပြောဆိုနေကြသည့် ရုရှလူမျိုးတစ်ယောက် ၎င်းနေထိုင်ရာအိမ်ခြံဝမှာအသတ်ခံရသည့်သတင်းကို ကျနော်လည်း သိုးသိုးသန့်သန့် ကြား ထားပြီးဖြစ်၏။ကျနော့်ဈေးဆိုင်ကား လူဝင်လူထွက်များသည်ဖြစ်၍ သတင်းပလင်းစုံလှသည်။သို့သော် မွန်ဗမာ အများစုမှာ မည်သည့်ထိုင်း သတင်းစာကိုမျှ မဖတ်တတ်သည့်အပြင် ထိုင်းတီဗွီချယ်နယ်များမှ လာသောသတင်းများကိုလည်း လုံးစေ့ ပတ်စေ့နားလည်ကြသူများ မဟုတ်ကြလေရာ သူတို့ပြန်၍ဖောက်သည်ချသမျှသတင်းတို့မှာ ယောင်ယောင်ဝါး ဝါးအလွဲအမှား သတင်း များသာဖြစ်၏။ကိုသက်ခိုင်ကား ဆက်၍ စပ်စုနေပြန်သည်။

"မင်းသိသလောက်ပြောပါအုံးမောင်မောင်ရ"
"အဲဒီရုရှက အသက်ငါးဆယ်ကျော်လောက်ရှိတယ်တဲ့ဆရာ။သူက  လာဝိုင်ကမ်းခြေမှာခြံဝင်းအကျယ်ကြီးနဲ့နေတာ။ သူကိုသတ်မဲ့ချာ တိတ် နှစ်ယောက်က သူ့ခြံဝမှာ ညနေငါးနာရီလောက်ကတည်းက၊ကြိုစောင့်နေပြီး သုံးနှစ်သစ်သားပိုင်းနဲ့ မသေမချင်းရိုက်သတ်တာ။ နေရာတင် ပွဲချင်းပြီးတာပေါ့ဆရာ။အမှန်က ရုရှကြီးဟာ ကားပေါ်ကနေဆင်းပြီး အဲဒီကောင်တွေနဲ့တစ်ယောက်တစ်ခွန်း စကားများကြ သေး တယ်တဲ့"
"မင်းကတော့လုပ်ပြီ။ ဘယ်ဗမာက ရုရှလိုတတ်လို့ စကားအခြေအတင်ဖြစ်ရမှာတုန်းကွာ။ကိုယ့်ကိုတချို့မောင်တွေပြောတာက ရုရှ အဘိုးကြီးရဲ့ ခြံထဲဝင်ပြီး အာစီယံကျိုဖို့ ဘိုင်ကထောင်(ဘိန်းစာရွက်)ဝင်ခူးရင်း ပြဿနာဖြစ်သလိုလို၊ဘာလိုလို ကြားမိတယ်"

"ကျနော်တော့ အဲသလို မကြားဖူးဆရာ။အဲဒီချာတိတ်နှစ်ကောင်ရဲ့ ညီမဆိုလား။အသက်နှစ်ဆယ်ဝန်းကျင်မွန်ဗမာမလေးတစ်ယောက်က အသတ်ခံရတဲ့ ရုရှအိမ်မှာ အိမ်ဖော်လုပ်တာတဲ့။အဲဒီအိမ်ဖော်ဗမာမလေးကို ရုရှက မုဒိန်းကျင့်တယ်ဆိုလားကြားတာပဲဆရာ"

"အေးပေါ့ကွာ။အခုအသတ်ခံရတာ ရုရှလူမျိုးဆိုတော့ မွန်ဗမာတွေနဲ့နှိုင်းယှဉ်ရင် ဂုဏ်သိက္ခာရှိကြတာကိုး။ဖူးခက်ကထိုင်းရဲတွေ တရားခံ ကို မြေလှန်ရှာကြတာ မထူးဆန်းပါဘူး။ကိုမင်းဒင်ရေ၊ ဒီဖူးခက်မှာ လူမျိုးတမျိုးရဲ့ဂုဏ်သိက္ခာဟာ တော်တော်ပေါ်လွင်တယ်ဆိုရမယ်ဗျ။ ထိုင်းမတွေဟာ အဖြူကောင်တွေဆို သက်ကြားအိုလည်း၊လာထားဆိုတဲ့အထဲက ။အဖြူကောင်တိုင်းလည်း ကြွယ်ဝချမ်းသာကြတာ မဟုတ်ပါဘူး။သူတို့ရတဲ့ ပင်စင်လစာက ထိုင်းမှာလူတန်းစေ့နေနိုင်စားနိုင်တဲ့အဆင့်ဆိုတော့ တွင်ကျယ်နိုင်ကြတာပေါ့ဗျာ။ ရင်နာစရာ အကောင်းဆုံးက ဖူးခက်လို နိုင်ငံတကာလူမျိုးစုံဝင်ထွက်နေကြတဲ့မြို့ကြီးမှာ ဗမာဟေ့ဆိုတာနဲ့ အလုပ်ကြမ်းသမားနဲ့ စားပွဲထိုးဆိုပြီး အများစုက နားလည်နေကြတာက လား။ကျနော်အပါအဝင်ဘယ်ဗမာမှ ငါဗမာဟေ့လို့ ရင်ကော့ပြောနိုင်တဲ့သူ မရှိပါဘူး။ အမျိုးဂုဏ် ဇာတိဂုဏ်မြင့်မားရေးဆိုပြီး အသံကောင်းဟစ်နေကြတဲ့ ပုဂ္ဂိလ်ကြီးများကို ခေါ်ပြချင်စမ်းလှတယ်။အဖြူကောင်သူဌေးတချို့လည်း ရှိတော့ ရှိပါရဲ့။ဒါနဲ့ဟိုတစ်လောက ခင်ဗျားကြားမိသေးလား။ အဖြူသူဌေးတစ်ကောင်နဲ့ညားနေတဲ့ထိုင်းမက သူ့အကိုတွေနဲ့ပေါင်းပြီး အဖြူကောင် ကို သတ်၊အလောင်းကိုတစ်စစီပိုင်းဖြတ်ပြီး ကတကမ်းခြေနားက တောင်ကုန်းပေါ်မှာ မြှုပ်ထားတဲ့အမှုလေ။အဲဒီအဖြူကောင်ဟာ အမေရိ ကန်နိုင်ငံသားဖြစ်နေတော့ ထိုင်းရဲတွေ မျောက်မီးခဲကိုင်မိ သလိုဖြစ်ပြီး နေ့ရောညပါ အမှုမှန်မပေါ်ပေါ်အောင် အလုပ်ရှုပ်ခဲ့ကြ လေရဲ့"

ကိုသက်ခိုင်ပြောသကဲ့သို့ပင် ဖူးခက်ကား အမှုအခင်းပေါင်းစုံရှုပ်ထွေးများပြားလှသည့်အရပ်ဒေသဖြစ်၏။ဖူးခက်ဒေသခံဦးရေက အနည်း စု ဖြစ်၍ အလည်အပတ်လာကြသူများ၊ကာလရှည်လာရောက်နေထိုင်သည့်မျက်နှာဖြူများ၊ ဖူးခက်တွင်အလုပ်အကိုင် အခွင့်အလမ်း များသဖြင့်အနီးဝန်းကျင်နယ်တစ်ဝိုက်မှ လာရောက်ကြသည့်ထိုင်းလူမျိုးများ၊ဗမာရွှေ့ပြောင်းအလုပ်သမားများအကြားတွင် ပြဿနာပေါင်း သောင်းခြောက်ထောင်ရှိသည်။နိုင်ငံတစ်ကာမှ အပျော်လာရှာကြသည့်အဖြူကောင်များ၏ လိုအပ်ချက်ကိုဖြည့်ဆည်းပေးရင်း ထိုင်း လူငယ်အချို့မှာ မူးယစ်ဆေးဝါးအလွန်အကျွံသုံးစွဲတတ်ကြသည်။၎င်း၏နောက်ဆက်တွဲမှာ ဖူးခက်တွင် ရာဇဝတ်မှုထူပြောလာခြင်းပင် ဖြစ်ရာ ကျနော့်ဆိုင်နှင့်တစ်ကီလိုမီတာမဝေးသည့် တက်စကိုလိုတပ်(TESCO LOTUS)အလတ်စားဆိုင်ခွဲတစ်ခုအတွင်းရှိ ကာစီကွန် ဘဏ်(Karsikon Bank) တွင် သုံးလအတွင်း ဘဏ်ဓားပြမှုသုံးကြိမ်ဆက်တိုက်ဖြစ်ပွားခဲ့ဖူးသည်။

လွန်ခဲ့သော၂၀၁၂ခုနှစ်က ဖူးခက်မြို့လည်ခေါင် (TESCO LOTUS)ဧရာမကုန်တိုက်ကြီးရှေ့မှ ရွှေဆိုင်ကို ထိုင်းတစ်ကိုယ်တော်ဓားပြတစ် ဦးဝင်တိုက်သည့် သတင်းသည် တစ်နိုင်ငံလုံးဟိုးလေးတကျော်ကျော်ဖြစ်သွားခဲ့ဖူးသည်။ထိုထိုင်းဓားပြသည် မျက်နှာဖုံးစွပ်လျက်ဆိုင် ကယ်ဖြင့် ရောက်လာခဲ့ပြီး ရွှေဆိုင်မန်နေဂျာကို သေနတ်ဖြင့်သုံးချက်ဆင့်ပစ်ခတ်ပြီးမှ ရွှေဆိုင်ကောင်တာရှိ မှန်ချပ်များကို ရိုက်ခွဲကာ ရသမျှရွှေထည်ပစ္စည်းတို့ကို သိမ်းကြုံးယူငင်သွားခဲ့သည်။ရွှေဆိုင်မန်နေဂျာကား နေရာတွင်ပင်ပွဲချင်းပြီး၏။တရားခံကိုကား ယခုတိုင် ဖမ်းဆီးရမိခြင်းမရှိသေးကြောင်း ဖူးခက်ဘန်ကောက်ကားဂိတ်တွင် ယနေ့ထက်တိုင်ချိတ်ဆွဲထားလျက်ရှိသေးသည့် "တရားခံ ပြေး အလိုရှိသည်။ဆုငွေဘတ်သုံးသိန်း"ဟူသော ဗီနိုင်းကြော်ငြာဆိုင်းဘုတ်ကြီးက သက်သေခံလျက်ရှိသည်။ထိုင်းဓားပြကိုအားကျသည် လောမဆိုနိုင်။မွန်ဗမာနှစ်ဦးသည်လည်း ဖူးခက်မြို့တွင်းက ရွှေဆိုင်ကြီးတစ်ဆိုင်ကို ဓားပြဝင်တိုက်ဖူးသည်။ထိုမွန်ဗမာဓားပြတို့ကိုမူ ဆူရတ်ဌာနီကားဂိတ်တွင် ရက်ပိုင်းအတွင်းဖမ်းဆီးရမိခဲ့သည်။
အလီမောင်မောင်ကား သူ့အလုပ်သူလုပ် နေရင်း ကိုသက်ခိုင်နှင့် အမျှင်မပြတ်စကားဆက်လျက်ရှိပြန်သည်။

"ဒါနဲ့ မောင်မောင် မင်းလည်းဖူးခက်မှာ ဒီလောက်အကြာကြီးနေခဲ့ပြီဆိုတော့ အလုပ်တော်တော်စုံခဲ့ပြီထင်ပါရဲ့"
"ဟာ အလုပ်စုံဘဝစုံတာကတော့ ပြောမနေပါနဲ့ဆရာ။ကျနော်မြွေကို အစာကျွေးဖို့အတွက် ကြွက်၊ဖားနဲ့ကင်းလိပ်ရှောတွေပါ လိုက်ဖမ်းဖူး တယ်။အင်္ဂလိပ်အဖြူကောင်တစ်ကောင်က မြွေတွေအများကြီးမွေးထားပြီး နိုင်ငံခြားကို အိတ်စပို့လုပ်တာတဲ့ဆရာ။ တစ်နေ့တစ်နေ့ ဖမ်းလိုက်ရတဲ့ ကြွက်၊ဖမ်းလိုက်ရတဲ့ဖား နားရတယ်မရှိဘူး။နောက်တော့ ညပိုင်းမှာလုပ်မဲ့ ထိုင်းရိုးရာလက်ဝှေ့ပွဲတွေအတွက် ကြော်ငြာ ကားခေါင်မိုးပေါ် မတ်တတ်ရပ်၊လက်ဝှေ့အိတ်စွပ်ပြီး ဘုန်းဘုန်းဘုန်း၊ဖြောင်းဖြောင်းဖြောင်းနဲ့ အသံကျယ်ကျယ်မြည်အောင် လက်သီးချင်း ရိုက် ဟန်ရေးပြ ရတဲ့အလုပ်မျိုးလည်း

ကျနော်လုပ်ဖူးတယ်။ကြော်ငြာကားမောင်းနေတဲ့ ဒရိုင်ဘာကတော့ အသံချဲ့စက်အသေး လေးတစ်ခုနဲ့ "SUNDAY NIGHT""SATURDAY NIGHT""FRIDAY NIGHT"ဆိုပြီး တလမ်းဝင်တလမ်းထွက် လျှောက်အော် နေတာပေါ့ဆရာ။တခါတလေ တချို့ အဖြူ ကောင်တွေဟာ လက်ဝှေ့စင်ပေါ်တက်ပြီး လက်သီးထိုးတာ ၊ခြေထောက်နဲ့ကန်တာတွေ လည်း အပျော်သဘောမျိုးလုပ်တတ်ကြတယ်။ ခက်တာက ကျနော်တို့ဗမာအလုပ်သမားတွေဟာ၊သူတို့ထိုးတာကန်တာတွေကို မတ်တတ်ရပ်ရင်း ငြိမ်ခံပေးနေရတာဆရာ။လက်နှစ်ဖက်စလုံးမှာ ဖော့ပြားတွေကာထားပေမဲ့ မူးမူးရူးရူးနဲ့စင်ပေါ်တက်လာတတ်တဲ့ အဖြူကောင်တွေလက်ချက်နဲ့ မျက်နှာတွေနံစောင်းတွေမှာ မချိမဆန့် အထိုးအကန်ခံရတာတွေရှိတာပါပဲ။ကြံ ကြံဖန်ဖန် ကျနော်ဟာ ဆင်ဦးစီးတောင်လုပ်ခဲ့ဖူးတယ်။ဖူးခက်မှာ ဆင်ရုံတွေရှိတယ်ဆရာရဲ့။တောလမ်းခရီးကိုဆင်တွေနဲ့ သွားတာတို့ ဆင်လိမ္မာပြကွက်တို့ဆို အဖြူကောင်တွေသိပ်သဘောကျကြတာ။ဆင်ဦးစီးဆယ်ယောက်မှာ ကိုးယောက်က မွန်ဗမာတွေပဲဆရာ။ အံ့သြ စရာကောင်းတာက ဖူးခက်ကဆင်တွေဟာ ဗမာဆင်ဦးစီးတွေနဲ့ ပိုပြီးအဆင်ပြေတယ်ထင်မိတယ်။ဧကန္တ အဲဒီဆင်တွေဟာ ဗမာပြည်ထဲ ကနေခိုးသွင်းလာတဲ့ ဆင်တွေများဖြစ်နေမလားပဲ။ဆင်ဦးစီးအလုပ်က ငွေရလွယ်တာတော့မှန်ပါရဲ့။အန္တရာယ်တော့ အရမ်းများတယ်"

"ဒါဆို မင်းဒိထက်ပိုပြီး ဘဝစုံသွားအောင် ကျားရုံမှာ လုပ်ဖို့ကျန်သေးတာပေါ့။ဒီလောက်ဘဝစုံတာတောင် မင်းမှာဘာမှစုမိဆောင်းမိတာ ရှိပုံမရပါလားမောင်မောင်ရာ"
"ကျနော်ညံ့တယ်လို့ပြောချင်လည်းပြောပေတော့ဆရာ။တကယ်တော့ ဖူးခက်ဟာသေချာတွေးကြည့်ရင် အန္တရာယ်တောကြီးဆရာရဲ့"
"အမလေး၊ဘယ်လိုကြောင့်အန္တရာယ်တောကြီးလို့ဆိုရသတုန်း။ရှင်းပါအုံးမောင်ရာ"
"ဖူးခက်မှာတော့ လျင်သူစားစတမ်းလို့ပြောရမယ်ဆရာ၊ဟိုတုန်းကဆို မွန်နဲ့ဗမာလည်း တကျက်ကျက်၊ခဏခဏရန်ပွဲတွေဖြစ် တယ်။ ဖြစ်ရပုံက မွန်တွေကဗမာစကားကိုနားမလည်၊ဗမာတွေက မွန်စကားမတတ်တော့ ဘာမှမဟုတ်တဲ့ ကိစ္စလေးတွေကနေ သတ်ပွဲဖြတ်ပွဲ တွေအထိ ဖြစ် ကြတယ်။အချင်းချင်းဖြစ်ကြလို့သေပြီဆိုရင် ကော်ဆန်း(ဆောက်လုပ်ရေး)ဆိုက်တွေမှာသုံးတဲ့ မက်ခို(မြေတူးစက်)တွေနဲ့ မြေမြှုပ်ပစ်ကြ တာများပါတယ်။

မွန်နဲ့ဗမာ ရာဘာခြံတွေမှာ နေရာလုကြတယ်၊ဆောက်လုပ်ရေးလုပ်ငန်းခွင်တွေမှာ နေရာလုကြတာလည်း ရှိသေးတယ်။ တကယ့်လက်ရဲ ဇက်ရဲလုပ်ခဲ့ကြတာဆရာ။ဘတ်(အလုပ်သမားကဒ်)နဲ့ပတ်စပို့တွေထုတ်မပေးခင်ကဆို ရာဘာခြံတွေမှာ လုပ်တဲ့မွန်ဗမာတချို့လက်ထဲမှာ သေနတ်တွေဆောင် ထားကြတယ်။ပစ္စတိုနဲ့ကိုးလုံးကျည်သေနတ်တွေကို ခြံပိုင်ရှင်ထိုင်းသူဌေးတွေ ကိုယ်တိုင်ထုတ်ပေးထားကြတာ။ မဆောင်ထားလို့လဲမရဘူး။တစ်ခါတုန်းက ရာဘာခြံထဲက မွန်ဗမာမိသားစုတစ်စုလုံးကို ထိုင်းဓားပြတွေ ရက်ရက်စက်စက်လုပ်ခဲ့ဖူးတယ်။ သမီးကိုမုဒိန်းကျင့်၊အဖေ၊အမေနဲ့ အရွယ်မရောက်သေးတဲ့ကလေးနှစ်ယောက်ကိုပါ သတ်ပစ်ခဲ့ကြတာ ဆရာ။ဒီကြားထဲမှာ အဆိုးဆုံးက မွန်ဗမာတွေထဲမှာ ထိုင်းရဲနဲ့ပေါင်းပြီး မတော်မတရားလုပ်တတ်ကြတဲ့ လူတွေလည်းရှိသေးတယ်။ ထိုင်းဂျပိုးဖြစ် နေတဲ့မွန်ဗမာတွေပေါ့။ ထိုင်းစကားကို မွတ်နေအောင်ပြောနိုင်ကြတော့  ဘယ်မွန်ဗမာမှာဘယ်လောက်ငွေစုမိနေပြီ၊ ဘယ်လိုအကွက် ကောင်းဆိုက်နေပြီဆိုတာမျိုးတွေကို ထိုင်းရဲနဲ့ပင်း၊သတင်းပေးပြီး ဝေစားမျှစားလုပ်ကြတာပေါ့။ဒါပေမဲ့ အဲသလို ဒလျှို လုပ်စားတဲ့ အသား ထဲကလောက်တွေဟာ တာရှည်တော့မခံကြပါဘူး။ထိုင်းရဲဆိုတဲ့ကောင်တွေကလည်း ငွေရရင်ဘာမဆိုလုပ်တဲ့ကောင် တွေမို့အဲဒီမွန်ဗမာ သစ္စာဖောက်တွေနဲ့ တစ်ချိန်မဟုတ်တစ်ချိန်ပြဿနာတက်တာပါပဲ။ဒီလူတွေကို မွန်ဗမာတွေကလည်း ဝေးဝေးက ရှောင်ကြတယ်။

အဲသလိုလုပ်စားတဲ့ကောင်တွေထဲမှာ မော်လမြိုင်သား အရိုးဆိုတဲ့ကောင်ကနာမည်ကြီးပေါ့။ သူ့လက်ချက်နဲ့မွန်ဗမာ မလေးတွေ ဘဝပျက် ခဲ့ရတာ မနည်းဘူးဆရာ။သူက ထိုင်းရဲတွေနဲ့ပေါင်းပြီး လူပွဲစားလည်းလုပ်တာဆိုတော့ ထိုင်းဖက်ကိုမအူမလည်နဲ့ အောက်လမ်းကနေ ရောက်လာကြတဲ့ မွန်ဗမာမလေးတွေရေတိမ်နစ်ခဲ့ကြတာပေါ့။သတ်ပွဲဖြတ်ပွဲတွေကတော့ အများကြီးပါပဲ။ ဝထစ် နားမှာ အညာသားတွေ အရက်မူးပြီး ဓားထိုးမှုဖြစ်လို့ နေရာမှာတင်ပွဲချင်းပီးသေတာ၊ထိုင်းနန်းကွက်သစ်ထဲမှာ ခြင်းလုံးခတ်နေရင်း စကားများရာက လှံနဲ့ထိုးလို့သေသွားတဲ့ မော်လမြိုင်ကျောက်တန်းက ဇော်ကြီးတို့ကိစ္စတွေဖြစ်တော့ ဆရာဖူးခက်ကို ရောက်နေပြီ မဟုတ်လား။ သူတို့ဗမာပြည်ထဲကိုအေးအေး ဆေးဆေးပြန် ဝင်သွားကြတာပါပဲ ။ဘယ်ထိုင်းရဲမှ အလုပ်ရှုပ်ခံပြီးလိုက်မဖမ်းပါ ဘူး။ လျှော့တော့မတွက်နဲ့ဆရာ မွန်ဗမာတွေထဲကလည်း ထိုင်းရဲကို အပြတ်ရှင်းခဲ့ဖူး သူရှိတယ်။ရှားတော့ရှားပါတယ်"
ကိုသက်ခိုင်မည်သို့ခံစားရလေသည်မသိ၊ဘေးမှငြိမ်သက်စွာနားထောင်နေမိသောကျနော့်မှာ စိတ်ပျက်လက်ပျက်ဖြစ်လာသည်။ချွတ်ခြုံ ကျနေသောတိုင်းပြည်တစ်ခု၏ လူမသိသူမသိနောက်ဆက်တွဲပြဿနာကိစ္စရပ်များကား များမြောင်လှသည်။ထိုစဉ်အချိန်က ဖူးခက် ရောက်မွန်ဗမာတို့မှာတရားဥပဒေ၏ပြင်ပတွင် တစ်သီးတစ်ခြားကင်းလွတ်နေသူများဟုဆိုနိုင်မည်ထင်သည်။ဖူးခက်တွင်နေထိုင်စဉ်ကာ လများအတွင်း ကျနော်သတိထားမိသော မွန်ဗမာများ၏ထူးဆန်းသောစရိုက်တစ်ခုရှိသေးသည်။

ဖူးခက်တွင်အနေကြာသော မွန်ဗမာ တစ် ဦးဦးကိုတွေ့မိသည်ဆိုပါစို့။အလုပ်အကိုင်အကြောင်းနှင့်စပ်လျဉ်း၍ အခြေအနေကိုမေးမြန်းကြည့်မိသည့်အခါတိုင်းတွင် တူညီနေသော အဖြေမှာ သူတို့"ဘာမှပင်ပင်ပန်းပန်းမလုပ်ရ၊ငွေတွေအများကြီးရသည်။ထိုင်းသူဌေးက အရမ်းသဘောကောင်းသည်၊ထိုင်းသူဌေးကို သူ တို့ချယ်လှယ်ချင်တိုင်းချယ်လှယ်နိုင်သည်၊ထိုင်းသူဌေးသည်ဘာမှမတတ်"ဟူ၏။ကျွန်မက တစ်နေကုန်တံမြက်စည်းလေး လေးငါးချက် လှဲပြီးရင် အလုပ်ပြီးပြီ၊နေ့တွက်ခက ဘတ်လေးရာပဲ။ကျနော်က သူဌေးခိုင်းတာလေး ဟိုလုပ်ဒီလုပ်ပါပဲ၊နေ့တွက်ဘတ်ငါးရာ၊ဘာမှ လုပ်စ ရာမလိုဘူး ဟူ၍သာ ဖြေဆိုတတ်ကြသည်။
စင်စစ်၎င်းတို့၏အဖြေမှာ လက်တွေ့ဘဝနှင့်များစွာခြားနားကြောင်း ကျနော်ကောင်းကောင်းကြီးသိသည်။ဗစ်စီ(Big C)၊တက်စကို လိုတပ် (Testco lotus)နှင့် စင်ထရယ်(Central Festival) ကုန်တိုက်တို့၏ သန့်စင်ခန်း(အိမ်သာ)တို့တွင် တာဝန်ကျနေသူများ

မှာ မွန်ဗမာများသာဖြစ်ကြ၏။နေ့စဉ်လာသမျှသော သောင်းဂဏန်းချီသည့်ဈေးဝယ်တို့၏ခြေရာမျှပင်မထင်အောင် လက်တွန်းကြမ်းသုတ်ကိရိ ယာတို့ဖြင့် ကြမ်းပြင်ကိုတစ်နေကုန်တိုက်နေသူတို့သည် အဘယ်မှာလျှင် သက်သာသည်ဆိုနိုင်ပါအံ့နည်း။ အလုပ်ဟူသမျှဂုဏ်ရှိစွ ဟူသော ဆောင်ပုဒ် ကိုကျနော်မငြင်းပါ။သို့သော် ထိုအလုပ်တို့ကို ထိုင်းလူမျိုးအများစု မလုပ်လိုကြသည်မှာသေချာသောအချက်ဖြစ်၏။
ထို့ပြင် ဖူးခက်တမြို့လုံးအနှံ့မှိုလိုပေါက်နေသော စားသောက်ဆိုင်ကြီးငယ်အသွယ်သွယ်တို့တွင်

တစ်နေ့ဆယ့်နှစ်နာရီမျှ ပန်းကန်ဆေး၊ စားပွဲထိုး လုပ်နေကြသူများ၊မက်ခရို(Markro)လက်ကားကုန်တိုက်ကြီးတွင် လာလာသမျှသော ဈေးဝယ်တို့၏ ဝယ်ခြမ်းလာသမျှ ပစ္စည်းကြီးငယ်ကို ဝယ်သူ၏ကားပေါ်သို့တင်ခြင်း၊ဈေးခြင်းထော်လီများလိုက်လံသိမ်းဆည်းခြင်းတို့ကို တစ်နေကုန်ချွေးသံတရွှဲရွှဲ မနား တမ်းလုပ်နေရသည်မှာလည်း ကျနော့်မျက်မြင်ပင်ဖြစ်၏။ပန်းရံလုပ်ငန်းခွင်များတွင် ကားအဆိုးဆုံး၊ထိုင်းသူဌေးဖွင့်ထားသည့် လက်ဆောင်ပစ္စည်းဆိုင်များတွင် အကူ ဈေးရောင်းအဖြစ်လုပ်ကိုင်နေသူများပင် ခါးချိနေအောင်တစ်နေကုန်ထိုင်ကြရ သည်ဖြစ်၍ မသက်သာလှ။

သူတို့လုပ်ကိုင်နေသောအလုပ်အကိုင်နှင့်ပတ်သက်၍ အခြေအနေမှန်ကို ဖုံးကွယ်ကာ သာသာထိုးထိုးပြောကြသည်လည်းရှိသေးသည်။ အဆောက်အဦးများတွင် လျှပ်စစ်သွယ်တန်းခြင်းလုပ်ငန်းတွင်တောက်တိုမယ်ရလုပ်နေရသူ များက လျှပ်စစ်အင်ဂျင်နီယာဟုဖြေမည်။ ပင်လယ်ထဲရှိ ကျွန်းများဆီသို့ နိုင်ငံတကာခရီးသွားများကိုပို့ဆောင်ပေးသည့် စပိဘုတ်ပေါ်တွင် အောက်ခြေသိမ်းအလုပ်၊လုပ်ရသူက သင်္ဘောဆလင်ပေါ့ဗျာဟုဖြေသည်။
လွန်ခဲ့သောရက်ပိုင်းက ကျနော့်ဆိုင်ရှေ့တွင် ဥပဓိရုပ်ခပ်ညံ့ညံ့၊စုတ်တီးစုတ်ချာထိုင်းတယောက် ဖုန်းတစ်လုံးနှင့်အလုပ်ရှုပ်နေသဖြင့် ဆိုင် တွင်းမှာ ဗီဒီယိုခိုးကူးခွေရွေးနေသော မွန်ဗမာအလုပ်သမားအား "ဒီလူ မင်းနဲ့ပါလာတာလား၊သူက ဘယ်သူတုန်း"ဟုကျနော် မေးသည့်အခါ "အဲဒါကျနော်တို့သူဌေးလေ"ဟုဖြေသဖြင့် နေပါဦး၊မင်းတို့သူဌေးမှာ အလုပ်သမားဘယ်နှစ်ယောက်ရှိတုန်းဟု ဆက်မေးမိသည့်အခါ

"ကျနော်ရယ်၊ကျနော့်ညီရယ်၊သူရယ် စုစုပေါင်းသုံးယောက်"ဟူ၏။ထိုင်းလူမျိုးကန်ထရိုက်တို့ထံမှ လုပ်ငန်းပုတ်ပြတ် သဘောလုပ်ကိုင်နေသူတို့ ကလည်း "ကျနော်က အလုပ်သမားမဟုတ်ဘူး၊ သူဌေးဗျ။ ကျနော့်မှာအလုပ်သမားငါး ယောက်ရှိ တယ်"ဟူ၏။ကိုယ်တိုင်သဲတောင်းထမ်းနေ ရသော သဲထမ်းလုပ်သားခေါင်းဆောင်ကလည်း သူ့ကိုယ်သူသူဌေးဟုပင်ဆိုသည်။ "ကျနော့်သူဌေးက ဝက်သားကောက်ညှင်းထုတ်ရောင်းတာ၊ကျနော့်သူဌေးက ကွတ်တီယိုဆိုင်ပိုင်ရှင်"ဆိုသူတို့လည်းမရှား။

ကျနော် သူတို့နှင့်ဆက်ဆံရသည့်အခါတိုင်း စိတ်ထဲမှာ သနားသလိုလို၊အချဉ်ပေါက်သလိုလိုခံစားရသည်။စင်စစ် နုံချာလှသော သူတို့ဘဝကို စကားလုံးကြီးကြီးကျယ်ကျယ်တို့ဖြင့်တန်ဆာဆင်ကာ မဲတင်းနေရခြင်းသာဖြစ်နိုင်လေသည်။ သူတို့သည်တခြားကမ္ဘာတခုခု ကို ရောက် နေသလိုဖြစ်ကာ တွေးတောပုံယူဆပုံ ဘဝအမြင်တို့မှာ လူသာမန်တို့နှင့်မတူကြတော့ချေ။ဖူးခက်ရောက်မွန်ဗမာတို့မှာ  ဗမာပြည်တွင်းမှာကဲ့သို့နွေးထွေးသော ဆက်ဆံရေး နည်းပါးကုန်ကြသည်။တစ်စတစ်စကွယ်ပျောက်နေခဲ့ပြီ။

ဦးသန်းရွှေ၊ဦးသိန်းစိန် နှင့်ဒေါ်အောင်ဆန်းစုကြည်တို့၏သည်ပင် ဖူးခက်ရောက်မွန်ဗမာတို့၏စိတ်ဝယ်ပုံပြင်ထဲက ဇာတ်ကောင်များသဖွယ် သာဖြစ်နေလေသည်။
သူတို့တွင် နိုင်ငံချစ်စိတ် ၊လူသားတစ်ဦး၏ဂုဏ်သိက္ခာနှင့် အခွင့်အရေးတရွေးသားမျှ မရှိတော့ပဲ ဖူးခက်အဓွန့်ရှည်တည်တံ့သရွေ့၊ လုပ်နိုင်ကိုင်နိုင် လှုပ်ရှား နေနိုင်သရွေ့  ပန်းတိုင်မရှိသောခရီးရှည်ကြီးကို လျှောက်လှမ်းနေကြမည့်သူများပေတကား။
"ကိုသက်ခိုင်ရာ။ဘယ်တော့များမှ ကျနော်တို့တတွေ ဗမာပါလို့ရဲရဲပြောနိုင်ကြပါမတုန်းဗျာ"
ကျနော့်အတွေး ရှည်ကြီးကို ကိုသက်ခိုင်အား အတိုချုပ်ပြန်ပြောရင်း ကျနော်ညည်းတွားမိသည့်အခါ ကိုသက်ခိုင်က ကျနော့်စာကြည့် စားပွဲပေါ်ရှိ လီယိုတော်စတွိုင်း၏စစ်နှင့်ငြိမ်းချမ်းရေးပထမတွဲစာအုပ်ထူကြီးကို တရွက်ချင်းလှန်နေရင်း လေးလေးနက်နက်တုန့်ပြန်သည်။

"အဆိုးဘက်ကချည်းလည်း သိပ်မတွေးပါလေနဲ့ကိုမင်းဒင်။ဒီနေ့တိုးတက်လှပါချည့်ရဲ့ တိုင်းကြီးပြည်ကြီးတွေလည်း ခေတ်ဆိုးခေတ်ကြပ် တွေကိုဖြတ်ကျော်ခဲ့ရတာပါပဲ။တကယ်တော့ ခါးသီးဆိုးဝါးလှတဲ့အတွေ့အကြုံတွေဟာ တန်ဖိုးမဖြတ်နိုင်တဲ့ သင်ခန်းစာတွေကိုပေးတတ် ပါတယ်။ဗမာလူထုဟာ တုံးလွန်းညံ့လွန်းတယ်လို့လည်း ခင်ဗျားမယူဆပါနဲ့။ရိုးသားတဲ့ပြည်သူလူထုကို အမှန်တရားဖက်ရောက်အောင် ဆွဲခေါ်တဲ့အခါ လွယ်ကူတတ်ပါတယ်။

ကျနော်တို့ခင်ဗျားတို့ အထူးသတိထားရမဲ့လူတန်းစားက ခေတ်အဆက်ဆက် မတော်မတရားတဲ့ နည်းလမ်းမျိုးစုံနဲ့ကိုယ်ကျိုးရှာ၊တိုင်းပြည်ကိုသူတစ်ပါးလက်ဝကွက်အပ်ပြီး အခုအချိန်အထိ အမြင်မှန်မရနိုင်သေးတဲ့ ဗမာ့စစ်ဗိုလ်ချုပ်တွေ၊ သူတို့နဲ့ပတ်သက်ဆက်နွယ်ပြီး ကြီးပွားချမ်းသာနေကြတဲ့လူတွေဗျ။အဆိုးဆုံးကတော့ အခုထက်ထိ သူတို့လုပ်တာ မှန်ပါတယ်ဆိုပြီး ဖင်ပိတ်ငြင်း ၊လူအများကောင်းစားရေးစံနစ်ဆီသွားရာလမ်းမှာခလုပ်ကန်သင်းအဖြစ်ရှိနေသေးတဲ့ လူစားတွေပါပဲ။

ကိုသက်ခိုင်၏စကားအဆုံးတွင် အလီမောင်မောင့်မျက်နှာကို ကျနော်လှမ်း၍အကဲခတ်လိုက်ရာ သူသည်ခေါင်းကိုခပ်လေးလေးငြိမ့်ရင်း ကိုသက်ခိုင်ကိုငေးကြည့်နေလေသည်။ထိုစဉ်တောင်အရပ်ဆီမှတိုက်ခတ်လာသောလေပြင်းသယ်ဆောင်လာသည့် မိုးပေါက်ခပ်ကျဲကျဲ ကြောင့် အိမ်ခေါင်မိုးသည် တဖြောင်းဖြောင်းမည်နေလေသည်။

၁၉။၀၆။၂၀၁၄နေ့ထုတ်၊ဆဲဗင်းဒေးနေ့စဉ်သတင်းစာ

ဆြာဒင်နှင့်သန္တိသုခစစ်ဆင်ရေး

(မင်းဒင်)

(တစ်)
ထက်အာကာ၊အဇဋာကောင်းကင်ဝယ် မိုးသားတိမ်ရိပ်တို့၊နေရာကောင်းယူစိုးမိုးထားလေသဖြင့် ညမှောင်မှောင်လမှောင်မှောင် ကြယ် ရောင်သော် မလင်းသည့် ညတစ်ညဖြစ်ချေ၏။အဆိုပါလမိုက်ညမှာပင် ဆြာဒင်နှင့်တပည့်ကျော်သုံးဦးသားမှာ ရန်ကုန်မြို့တွင်းတစ်လမ်း ဝင်တစ်လမ်းထွက်ကျောတစ်နေရာစာမှီခိုလဲလျောင်းရာနေရာတစ်ခုကို အသည်းအသန်ရှာဖွေလျက်ရှိလေသည်။စင်စစ်ဆြာတပည့်တစ် သိုက်ဖူးခက်သို့အပြန် မမျှော်လင့်ပဲ ရန်ကုန်မှာသောင်တင်လေသဖြင့် စားရိတ်ပြတ်ကာအခက်ကြုံနေရခြင်းပေတည်း။ဆြာရင်းတပည့်ရင်း ဖြစ်ကြသည်ကား မှန်ပါ၏။ အရေးကြုံလာသည့်အခါလောကဓံ၏သဘောကို စောင်းပါးရိပ်ခြည်မျှပင်နားလည်သူကား ဤလောကဝယ် ရှားပါးလှချေ၏။ဆြာဒင်နားကြားပြင်း အကပ်ဆုံးအရာကား ခိုကဘိုးအေခေါ်ရလောက်အောင် ညည်းညူကြသည့် ဒင်းတို့၏အသံမျိုး စုံဖြစ်၏။

"ကြံစမ်းပါအုံးဆြာဒင်ရယ်၊ဒီလောက်ထင်ရှားကျော်ကြားတဲ့ဆြာဒင့်ကို ဧရာမရန်ကုန်မြို့ကြီးမှာ ကျောတခင်းစာနေရာပေးမဲ့ မိတ်ဆွေ ရင်းချာ တစ်ကောင်တစ်မြီးမှမရှိတာ အံ့သြပါရဲ့"
"ကျုပ်တို့က လမ်းဘေးမှာအိပ်လည်းဖြစ်တယ်နော်၊ဆြာဒင့်ဂုဏ်သိက္ခာနဲ့တော့ မတော်ဘူးထင်တယ်"
"အင်း၊ အရပ်ရပ်နေပြည်တော် ကြားလို့မှ မတော်၊ဆြာဒင်လိုပညာရှိကဝိတစ်ဆူ လမ်းပေါ်မှာလမ်းပျောက်နေပါရော့လား"
"နင်တို့ပါးစပ်တွေကို ပိတ်ကြစမ်းကွယ်တို့၊အခုလို ကလိယုဂ်ခေတ်ဆိုးကြီးထဲမှာ ဧည်သည်လေးယောက်ကို ဘယ်အိမ်ရှင်အရူးက ညဥ့် အိပ်ညဥ့်နေ လက်ခံနိုင်မတုန်းဟ"

ကံကြမ္မာသည်ဆြာဒင်တို့ကို မျက်နှာသာပေးလေပြီထင့်။ဆြာဒင်တို့ရောက်နေသော ဗဟန်းမြို့နယ်တစ်ခုသော အဆောက်အဦကြီး၏ ရှေ့တွင် ရွှေဝါရောင်သင်္ကန်းဝတ်သံဃာတော်များ ရုံးစုစုဖြစ်နေကြသည်ကို မြင်တွေ့ဖူးမျှော်ရလေရာ (၁၉၆၀)မျိုးဆက် ဘုန်းကြီးကျောင်း သားဟောင်း ဆြာဒင်မှာ ဝမ်းသာလုံးဆို့သွားကာ စိတ်ဓာတ်အကြီးအကျယ်ကျဆင်းနေသော တပည့်ကျော်တို့ကို အားပေးစကား ဆို လိုက်ရ၏။
"သာသနာနေလိုလလိုထွန်းလင်းနေတဲ့တိုင်းပြည်ကြီးမှာ သံဃာတော်တွေကို ဖူးမြင်နေရပြီကမို့ တစ်ညတာ၊ကျောခင်းစရာအရေးကိုဖြင့် မပူပန်ကြလေနှင့်၊ စိတ်အေးကြပေရော့"
(နှစ်)
တစ်ညတစ်မှေးအိပ်စက်ခွင့်ရရေးအတွက် အဘယ်ဆရာတော်ကို ဦးတိုက်ကာ လျှောက်ထားသော်ကောင်းလေမည်နည်းဟု ဆြာဒင် စဉ်းစားခန်းဖွင့်နေချိန်ဝယ် သံဃာတော်များကား တစ်စုံတစ်ခုသော အရေးကိစ္စတွင် အာရုံရောက်ကာ အလုပ်ရှုပ်နေဟန်ရှိလေသဖြင့် ဆြာဒင်မှာ အခြေအနေကို  မျက်ခြေမပြတ်အကဲခတ်နေစဉ်၊တစ်ပါးသောသံဃာတော်၏လက်ကိုင်တယ်လီဖုန်းအတွင်းမှ ဂန္တဝင်အဆို တော် ကြီး ဒေါ် မာမာအေး၏သီချင်းတစ်ပိုဒ်ကိုကြားနေရသည်။

"မချစ်ပြင်ပြင် မကြင်နာလေပြီမို့ မေ့ကွက်ကိုရှာ၊ရှာသူမောင်ရေ၊မေဘယ်သူ့ကိုမှ အပြစ်လည်းမတင်ချင်ပေ။ချစ်ပရိယာယ်ကိုသိသလိုလိုနဲ့ ချစ်စရာကဗျာ တစ်ပုဒ်လား နှစ်သက်ယုံစားမိခဲ့လို့လည်း လည်း လေ........၊မေ့အပြစ်နဲ့မေသာ ရှိပါစေတော့မောင်ရေမောင်မောင်ရေ"

ထိုစဉ်တွင်ပင် ခေါင်းဆောင်ဖြစ်ဟန်ရှိသောဆရာတော်၏ ငေါက်ငန်းသံကိုကြားရပြန်သည်။
"အရှင်ဘုရားတို့ ဖုန်းတွေကိုပိတ်ထားကြပါ။ဒီအရေးထက် အရေးကြီးတာ ဘာမှမရှိဘူး"
ညကြီးအချိန်မတော် ကျင်းပနေသောအထူးအရေးပေါ်သံဃာ့အစည်းအဝေးတွင် ခေါင်းဆောင် ဆရာတော့်မိန့်မှာသံသည် စစ်ထွက်ကာ နီးဗိုလ်ချုပ်တစ်ဦး၏မိန့်ခွန်းနှင့်ဆင်တူလှလေ၏။
"ညီတော်နောင်တော်တွေက သတ္တိရှိရှိသမိုင်းကြောင်းကိုရေးကြပါ။နိုင်ငံတော်သံဃာ့မဟာနာယကရဲ့ပိုင်နက်ကို ကာကွယ်ကြပါ။အရှင် ဘုရားတို့ကိုယ်ကျရာတာဝန်ကို ပြတ်ပြတ်သားသားလုပ်ပါ။ကမ္ဘာကစိတ်ဝင်စားတဲ့ သမိုင်းကို ဒီနေ့မှတ်တမ်းတင်ရမယ်။အဲဒီနေရာမှာ ကျောက်စာတိုင်ကြီးထောင်အုံးမှာ။စည်းလုံးခြင်းသည်အင်အားတဲ့နော်"

ဆြာဒင်ရောတပည့်ကျော်တို့ပါ နဝေတိမ်တောင်ဖြစ်ရချေသည်။အောင့်အည်းသည်းခံနိုင်စွမ်းမရှိရှာကြလေသော တပည့်တို့ကား တီးတိုး လေသံဖြင့် ဆြာဒင့်ကို အားကိုးတကြီးမေးမြန်းစပ်စုကြပြန်ရာ ဖြစ်ရပ်မှန်ကို နကန်းတစ်လုံးမှ မရိပ်စားမိသော ဆြာဒင်လည်း ခတ်ဆတ် ဆတ်ပြန်လည်တုန့်ပြန်လိုက်ရ၏။
"ဆြာဒင်၊ဘာတွေဖြစ်နေကြတာတုန်းဗျာ"
"အသာနေကြစမ်းကွယ်ရို့၊သံဃာတော်တွေဆိုတာ ဘာသာသာသနာ့အကျိုးကို နေ့ညမဟူသယ်ပိုးဆောင်ရွက်နေကြတာဖြစ်နိုင်ပါတယ် လေ"
(သုံး)
"အာဏာပိုင်အဖွဲ့ နေရာအပြည့် ချထားပြီးပြီ။ ဝင်ရောက် ဖယ်ရှားရာမှာ လိုအပ်မဲ့ စကားပြောစက် (Walkie Talkie)တွေ အဆင်သင့် ပြင်ပေးထားပြီး အထပ်(၁၁)ထပ်ရှိတဲ့နေရာမှာအထပ် (၅)နဲ့ (၆)ကို အဓိက ဝင်ရောက်ရှာဖွေစီးနင်းကြ။ ကိုယ်ထိလက်ရောက် ကျူးလွန်ခံ ရရင်  သည်းမခံကြပါနဲ့။ ဒီသတင်းကိုလည်း လုံးဝ မပေါက်ကြားပါစေနဲ့။ဒါလျှို့ဝှက်အစည်းအဝေးနော်။ ဘယ်နည်းနဲ့မှမပေါက်ကြားစေနဲ့။ ပါလာတဲ့ ကားတွေ အပြင် (တိုင်း ရုံး) မှာ ထားခဲ့ပါ။ မှန်လုံကားနဲ့ သွားမယ်။ နိုင်ငံခြားဧည့်သည် သဘောမျိုးနဲ့ ဝင်မယ်။ သတ္တိရှိရှိနဲ့ သတိထား ဆောင်ရွက်ပါ။ အဲ့ဒီမှာရှိတဲ့ ကိုယ်တော်တွေက ငယ်ဖြူတွေမဟုတ်ဘူး။ မြဝတီ။ ကော့သောင်းဘက်က အလင်းဝင်တဲ့ကောင် တွေကို ဝတ်ပေးထားတယ်လို့ ကြားတယ်”

ဦးဆောင်ဆရာတော်၏မိန့်မှာချက်များကား ဘင်လာဒင်ပုန်းအောင်းရာနေရာသို့၊ဝင်ရောက်စီးနင်းမည့်၊လက်ရွေးစင်အသေခံကွန်မန်ဒို တပ်သားများကို စစ်ဆင်ရေးအသေးစိတ်အား အထပ်ထပ် ရှင်းလင်းမှာကြားနေသည်နှင့် အလားသဏ္ဍန်တူလှပါ၏။ ဘုရားသားတော် အမည်ခံယူသူ၏နှုတ်တော်မှ "သည်းမခံကြလေနှင့်"ဟူသော အမှာစကားကား ဆြာဒင့်နားတွင် နားဝင်မချိုသည်မှာ အမှန်ဖြစ်၏။

သံဃာအချို့ကား စစ်ဆင်ရေးကိုသဘောမတူဟန်နောက်ကြောင်းပြန်ကြပါ၏။အချို့ကားအခြေအနေကိုသိလို၍ သဘောမတူပါပဲ လိုက်ပါကြကုန်၏။ ထိုညက ဆြာဒင်တို့ ဆြာတပည့်တစ်သိုက်မှာ သံဃာ အင်အားသုံးရာခန့်ပါဝင်သည့်ကားတန်းကြီးဖြင့်ပင် အုတ်ရော ရောကျောက်ရောရော စစ်ဆင်ရေးခရီးစဉ်တစ်လျှောက်လိုက်ပါသွားခဲ့လေရာ ကြုံတွေ့ရသည့် အဖြစ်အပျက်အသေးစိတ်ကို ဖော်ပြရ သော် စာလေး အံ့ရှိမည်ထင်၍ အကျဉ်းမျှသာ ဖော်ပြပေအံ့။
စစ်ဆင်ရေးဆင်နွှဲခဲ့သည့်နေရာကား တာမွေမြို့နယ်နတ်ချောင်းရပ်ကွက်မှ မဟာသန္တိသုခအမည်ရှိ နိုင်ငံတကာသာသနာပြုအဆောက် အဦကြီးဖြစ်ကာ (ယ)ရက်မှာ (၁၁၊၀၆၊၂၀၁၄)ဖြစ်၍ (န)နာရီမှာ(၁၀း၃၀)ဖြစ်လေ၏။(၂၀၀၇)ခုနှစ်ရွှေဝါရောင်တော်လှန်ရေးနောက်ပိုင်း ဘုန်းတော်ကြီးကျောင်းကို ဝင်ရောက်စီးနင်းသိမ်းပိုက်သည့် အဆိုးရွားဆုံးသန်းခေါင်ယံစစ်ဆင်ရေးတစ်ခုဟုဆိုသော်ရနိုင်လေသည်။အနီး ဝန်းကျင်မှာ လူထု၏ဆန့်ကျင်ကန့်ကွက်မှုကို တားဆီးရန် ဒေသဆိုင်ရာအာဏာပိုင်တို့က အင်အားအပြည့်ဖြင့်အကာအကွယ်ပေး၏။ အဆိုပါ သန္တိသုခကျောင်းတိုက်ကြီးအတွင်းမှ ရဟန်းသံဃာနှင့်လူပုဂ္ဂိုလ်အချို့ကို ဖမ်းဆီးထိန်းသိမ်း၏။ အနီးတွင်ရပ်ကြည့်ရုံသာတတ် နိုင်ကြသော လူအုပ်ကြီးအတွင်းမှ ဓာတ်ရှင်မင်းသမီးကြီးနှစ်ဦးတို့ကား ရင်ထုမနာသည်းထန်စွာငိုကြွေးကြလေ၏။

ဘုရားရှင်ထားရစ်ခဲ့သော သာသနာကို ဝရဇိန်လက်နက်ဖြင့် အကာအကွယ်ပေးပါမည်ဟု ဝန်ခံကတိစကားထားလေသော မာဃအမည် ရှိသိကြားမင်းကား နန်းမေယုပြဿဒ်တွင် ကြင်ယာတော်လေးပါးနှင့်ပျော်ပါးမြူးတူးနေခြင်းတော့မဖြစ်တန်ရာချေ။ သခွတ်ပွင့်ချိန်ဖြစ် သောကြောင့် အသူရာမင်းနှင့်စစ်ခင်းရန် ပုဇွန့်လက်ရိုးအာလမ္ဗရာနတ်စည်ကြီးကို တဒိန်းဒိန်းမြည်အောင် ရွမ်းလိုက်လေရာ၊ အုံ့ကာလေ တဖွဲဖွဲ၊ရွာလေတသဲသဲ၊အငြိုးကြီးသည့်မိုးပဇ္ဇုန်ကြောင့်ဆြာဒင်တို့ တစ်သိုက်မှာကြွက်စုတ်ရေမွန်းဖြစ်လျက် နီးရာညလုံးပေါက်လက်ဖက် ရည်ဆိုင်တစ်ခုတွင် ကွန်းခိုခဲ့ကြရပြန်ချေသည်တမုံ့။

(လေး)
တစ်ညလုံးတစ်မှေးသော်မှ မရသော်ငြား ထူးခြားဆန်းပြားလှသောအဆိုပါစစ်ဆင်ရေးအတွက်သတင်းစာရှင်းလင်းပွဲ တစ်ရပ်ပြုလုပ်မည် ဟူသော နောက်ဆက်တွဲသတင်းတစ်ရပ်ထွက်ပေါ်လာပြန်လေရာ စပ်စုခြင်းအမှုကိုလက်စမသတ်နိုင်သည့် ဆြာဒင်နှင့်တပည့်ကျော် သုံးဦးသားခမျာ ရှင်းလင်းပွဲကျင်းပရာခန်းမဆီသို့ယောင်ချာချာရောက်ခဲ့ရပြန်သည်။ညက အဆက်မပြတ်ဖြိုးဖြိုးစွေရွာသွန်းခဲ့လေသော မိုး ကြောင့် ရန်ကုန်မြို့တော်ကြီးတစ်ခုလုံး ရေဖုံးလွှမ်းကာ အချို့နေရာများတွင်လှေငယ်နာဝါတို့ကိုပါ ပျောက်ကြားပျောက်ကြားတွေ့မြင်ရ သဖြင့် ဘိလပ်ပြန်သန်း၏"လှေကလေးကိုလှော်မည်။ဘေးမသန်းပဲအေးချမ်းတော့သည်"ဟူသော ခေတ်ဟောင်းသီချင်းကို သတိရစရာ ကောင်းလှပါ၏။

သန္တိသုခညတိုက်ပွဲနှင့်ပတ်သက်၍ အဓိကတာဝန်ယူဖြေရှင်းသူမှာ ရုပ်ဆင်းအဂါင်္ညံ့ဖျင်းနုံချာလှသော သာသနာရေးဦးစီးဌာနဝန်ထမ်း ဟောင်းကြီး တစ်ဦးဟုဆိုပါ၏။သူကား သန္တိသုခစစ်ဆင်ရေးကို တရားမျှတသော တိုက်ပွဲအဖြစ်အတည်ပြု၏။"မကျေနပ်ရင် ကြိုက်တဲ့ နေရာသွားတိုင်"ဟူသော စိန်ခေါ်ချက်ကြောင့် သတင်းသမားတို့မှာ ကိုယ့်နောက်ကျောကိုယ် အသီးသီးလှည့်ကြည့်ကြရင်း တီးတိုးဆို သံများကျွက်စီကျွက် စီ ထွက်ပေါ်လာချေသည်။

"ဒီလူကြီးက သမ္မတအကြံပေးမဟုတ်လောက်ဘူးထင်တယ်နော်"
"ဟာ၊သူရှေ့မှာထောင်ထားတဲ့ဆိုင်းဘုတ်မှာ ရေးထားတာ ပြူးလို့။အကြံပေးပုဂ္ဂိုလ်၊နိုင်ငံတော်သမ္မတရုံးတဲ့ခင်ဗျ"
"သိပ်တော့လျှော့မတွက်နဲ့နော်။ဒီလူကြီးမှာ ဘက်ဂဒေါင်းကောင်းကောင်းရှိပုံရတယ်။သူဘယ်နေရာရောက်ရောက် အမြဲတမ်း ထိပ်ကပဲ နေမှာ၊ငရဲပြည်ရောက်ရင်တောင် ယမမင်းဖြစ်အုံးမှာတဲ့ဗျ"

အရပ်သတင်းများအရ အနှီပုဂ္ဂိုလ်ကြီးကား နိုင်ငံတော်သံဃမဟာနာယကဆရာတော်ကြီးများ၏ လမ်းညွန်ချက်အရဟူသော အကြောင်း ပြချက်ဖြင့် မင်းကွန်းဆရာတော်အရှင်ဦးဝိစိတ္တသာရာဘိဝံသကဲ့သို့သော ထေရ်ကြီးဝါကြီးသံဃာတော်များကိုပင် သဟောက်သဟမ်းပြု နိုင်စွမ်းသူဖြစ်ရုံမျှမက အိမ်ထောင်ဘက်ကြင်ယာဘက်အရေးတွင်လည်း မိုးနတ်သိကြားဒေဝါနှင့်အပြိုင် သူမတူအောင်စွမ်းနိုင်သူဟု ဆိုပါ ၏။သူ့မှာ ဟုတ်ဟုတ်ငြားငြား စီးပွားရေးလုပ်ငန်းမရှိသော်ငြားမည်သို့ဂွင်ကောင်းကြုံသည်မသိ၊မဟာသူဌေးကြီးဖြစ်တော်မူ၏။ အနှိပ်တော် ဆက်လုပ်ငန်းကိုမူ ပိုင်ဆိုင်သည်ဆိုကြပြန်၏။

နေ့စဉ်ထုတ်သတင်းစာများ၊၊ဂျာနယ်များတွင်လည်း  သန္တိသုခစစ်ဆင်ရေးအကြောင်းကို မျက်နှာဖုံးသတင်းအဖြစ် ဝေဆာစွာဖော်ပြကြပါ ၏။စစ်ဆင်ရေး၏ အန္တိမရည်ရွယ်ချက်မှာ အဆိုပါကျောင်းတိုက်ကြီးကို သံဃာ့မဟာနာယကအဖွဲ့မှ၊မောင်ပိုင်စီးရန် ဟုဆိုသည်။များပြား စွာသော လူမှုကွန်ယက်စာမျက်နှာတို့တွင်လည်း ဗုဒ္ဓဘာသာဝင်သူတော်စင်တို့ ယူကြုံးမရအပူလုံးကြွကြသည်ကို ဖတ်ရှုရ၏။ နိုင်ငံ တော်သမ္မတရုံးတာဝန်ရှိသူတစ်ဦးကမူ အဆိုပါစစ်ဆင်ရေး၏အဓိကကြိုးကိုင်သူသည် သမ္မတ၏အကြံပေးမဟုတ်ကြောင်းငြင်းဆို၏။
ယင်းဖြစ်ရပ်မတိုင်မီကမူ နိုင်ငံတော် သမ္မတကြီးဆီမှ ပီနန်ဆရာတော်ကြီးထံ မဟာဒါန်ဝန်အထောက်တော် စေလွှတ်၍ စိတ်အေးချမ်းသာ စွာ စံနေတော်မူပါမည့်အကြောင်း လျှောက်ထားဖူးသည်ဆိုရာ၊ဆိုးဆိုးရွာရွား ဖြစ်ရန်မရှိဟု မျှော်လင့်ခဲ့သော်ငြား သမ္မတမင်း၏ ပြောရေး ဆိုခွင့်ရှိသူက အဆိုပါကိစ္စရပ်တွင်သမ္မတကြီး ကြားဝင်မည်မဟုတ်ကြောင်း အတိအလင်းစာထုတ်ပြန်လေပြန်ရာ ဆြာဒင့်မှာ မြို့လုံး ကျွတ်မြုပ်တော့မည့်ရန်ကုန်ရေပြင်ဝယ် ခေါင်းစိုက်၍သာ သေချင်စိတ်ပေါ်မိလေတော့သည်။

(ငါး)
နောက်ဆက်တွဲဆက်တိုက်ကြားရသော သတင်းတို့ကား ဆြာဒင်အတွက် သတင်းဆိုးများသာဖြစ်ချေသည်။ထိုညက ထိန်းသိမ်းထား သည့် သံဃာတော်များထဲမှ ငါးပါးကို လူဝတ်လဲစေကာ တရားစွဲဆိုပြီး အင်းစိန်ထောင်တွင်းသို့ ပို့ဆောင်ခဲ့ပြီဟုဆိုသည်။ထိုအထဲမှ လန်ဒန်ဆရာတော် ဦင်္းဥတ္တရမှာ ပီနန်ဆရာတော်ကြီး၏တပည့်ရင်းဖြစ်ကာ လန်ဒန်သာသနာ့ရံသီဝိဟာရတွင်သီတင်းသုံးရင်း ဗြိတိန် နိုင်ငံပါလီမန်အဆောက်အဦအနီးရှိ စိန့်သောမတ်အန်ဂိုင်းစ်ဆေးရုံကြီးတွင် လူနာများကို တရားပြနေသူဖြစ်သည်ဟုဆိုပါသည်။ ဆရာ တော်ဦးဥတ္တရလွတ်မြောက်ရေးအတွက် ဖြစ်နိုင်ခြေ အားလုံးကို စဉ်းစား လုပ်ဆောင်သွားမည်ဟု လန်ဒန်မြို့ Southwark နယ်မြေ ပါလီမန်အမတ် Simon Hughes က ဆားသည်ယင်မောင်းသကဲ့သို့လုံးပန်းလျက်ရှိနေ၏။

"ဖူးခက်ကိုပဲ ပြန်ကြပါစို့တပည့်တို့ရာ"
စိတ်အပျက်ကြီးပျက်နေသော ဆြာဒင့်စကားအဆုံးတွင် အွန်လိုင်းသတင်းနှင့်မျက်ခြေမပြတ်ကြသည့် ကပ္ပလီ၊ဖေကြည်နှင့် လေမင်းသား တို့သည် ညိုးငယ်သောမျက်နှာထားအသီးသီးဖြင့်စိုးရိမ်တကြီးညည်းတွားရေရွတ်ကြပြန်သော်ငြား ရှေ့တိုးတံပိုးနောက်ဆုတ်လှည်းတုတ် ဘဝရောက်နေသောဆြာဒင်ကား ပိုင်နိုင်သောဆုံးဖြတ်ချက်ကိုပင်ချရလေတော့သည်။
"ဒီတခါဖူးခက်ကိုပြန်ဖို့ သိပ်မချောင်လောက်ဘူးထင်တယ်ဆြာဒင်။ ထိုင်းစစ်တပ်က အာဏာသိမ်းပြီး နိုင်ငံခြားအလုပ်သမားမှန်သမျှ မောင်းထုတ်နေလို့ နှစ်ရက်အတွင်း ကမ္ဘောဒီးယားအလုပ်သမား တစ်သိန်းကျော်ပြည်တော်ပြန်ကြသတဲ့။ဖူးခက်ပါတောင်ကမ်းခြေက ဗီယမ် နမ်ဆိုင်တွေလည်း ပိတ်ကုန်ကြပြီတဲ့။စစ်တပ်က တစ်နှစ်ကျော်အာဏာသိမ်းထားမှာဆိုတော့......"

"ထိုင်းစစ်တပ်က ဖမ်းရုံမကလို့ ထောင်ထဲပဲထည့်ထည့်၊ရာဇဝင်ထဲက ရန်သူနိုင်ငံမို့ဖြေသာပါတယ်ကွာ။ကမ္ဘာ့သာသနာပြုအထင်ကရ ဆရာ တော်ကို လူဝတ်လဲပြီး အင်းစိန်ထောင်လိုလူ့ငရဲပို့တာထက်တော့ အပုံကြီးသာတယ်မောင်။ဖမ်းမိလို့ ယိုးဒယားမြန်မာနယ်စပ်ပြန်ပို့ တော့ ကော ဘာဆန်းသတုန်း၊ဒီခရီးလမ်းကြောင်းတွေက ငတို့ဆြာတပည့်တွေအတွက် အိမ်ဦးနဲ့ကြမ်းပြင်ဖြစ်နေကမင့်ဟာ။ အဆိုးဆုံး ကတော့ ထေရဝါဒနောက်ဆုံးခံတပ်ဆိုပြီးကြွေးကြော်နေတဲ့နိုင်ငံမှာ ကိုယ့်လူမျိုးချင်း၊သံဃာချင်းဇာတ်တူသားစားကြတာမျိုးတော့ လက် မခံနိုင်ဘူး။ တိုင်းတစ်ပါးလူမျိုးခြားက အနိုင်ကျင့်တယ်ဆိုတာဖြေစရာတရားရှိတယ်ကွ။ ဘယ်နှယ့်ကွာ၊ ဗုဒ္ဓဘာသာရဟန်းတော် လွတ် မြောက်ရေးအတွက် အင်္ဂလန်နိုင်ငံလွှတ်တော်အမတ်မင်းက နည်းလမ်းပေါင်းစုံနဲ့ အစွမ်းကုန်ကြိုးပမ်းနေသတဲ့။ဆက်နေရင် ဆြာဒင် အရှက်လွန်ပြီး နေရာတင်လဲ၊ပွဲချင်းပြီးသေနိုင်တယ်ဟေ့"

(ခြောက်)
ဆြာဒင်တို့နှင့်ခရီးသည်များကို သယ်ဆောင်မောင်းနှင်လာသည့် အဝေးပြေးကားကြီးသည် ယိုးဒယားမြန်မာနယ်စပ် မြဝတီမြို့ဆီသို့ဦး တည်မောင်းနှင်လျက်ရှိရာ တပည့်ကျော်သုံးဦးမှာ နေ့ရောညပါအိပ်ရေးပျက်ကြလေသဖြင့် ငိုက်မျဉ်းလျက်ရှိကြချိန်တွင်  ထူးခြား ဆန်း ပြားလှသော ကျောင်းလုပွဲစစ်ဆင်ရေးအပေါ်ဆြာဒင်တစ်ယောက် မျက်လုံးအကြောင်သားဖြင့် အတွေးမျှင်မပြတ်နိုင်အောင် ရှိနေ ချေ၏။

 ပိဋကတ်သုံးပုံကို ဒိုးလိုမွှေရေလိုနှောက်တုန်လှုပ်ချောက်ခြားနိုင်စွမ်းရှိသူ ရွှေဥာဏ်တော်ရှင်တို့သည် ဓမ္မဝိဟာရကျောင်းတိုက်တစ် ခု၏အရေးမျှကိုပင် အပြန်အလှန်ဆွေးနွေးညှိနှိုင်းအဖြေမရှာနိုင်ကြလေယောင်တကား။သီလသမာဓိသိက္ခာသုံးပါးနှင့်ပြည့်စုံကြသော အဓိ ကရဆရာတော်ကြီးတို့ပင်ဤအရေးတွင်နှုတ်ဆိတ်ကာ ကြားမဝင်နိုင်အောင် အဘယ်ကိုယ်ကျိုး၊အဘယ်အာဏာစက်တို့ဖြင့် လောဘ မောဟဒေါသစိတ်လွန်ကဲကာ အုပ်စုအားကိုးနိုင်ရာစားထင်တိုင်းကြဲကြလေသနည်း။

သုံးလောကထွဋ်ထားသဗ္ဗညုမြတ်စွာဘုရားရှင်သာ သက်ရှိထင်ရှားရှိနေတော်မူဆဲရှိပြီး ဤဖြစ်ရပ်ကို အစမှအဆုံးတိုင် မြင်တော်မူပါလျှင် ကရုဏာမုဒြာဖြင့်.. "အန္ဓ္ဓီဘူတော အယံ လော ကော – အကြင်လောကသည် အမိုက်တိုက်သာတည်း"ဟူ၍ထပ်မံ မိန့်ဆိုမည်ကို ဆြာဒင်မြင်ယောင်ကြားယောင်နေမိလေသည်တကား။

၂၀။၀၆။၂၀၁၄ နေ့ထုတ်ဆဲဗင်းဒေးနေ့စဉ်သတင်းစာ

ဆြာဒင်နှင့်သူခိုးပြေးမှထိုးကွင်းထကြသူများ

(မင်းဒင်)
(၁)
"ဖလ်နေ၀န်းသို့ညီ ထွန်းလင်းပြောင်ပေသည်။ဒါတို့တိုင်းတို့ပြည် တို့ကာကွယ်မည်။ထူးမြတ်တဲ့ တို့တိုင်းပြည် တိုင်းရင်းသား ငါတို့ လူမျိုး ပိုင်ရမည်လွတ်လပ်တဲ့ တို့တိုင်းပြည် ငါတို့ရဲ့ ခြင်္သေ့စိတ်ထား တည်ရမည်အာဇာနည် ရဲမက်တွေသည် ဇွဲနဲ့ တိုက်မည်။ဗမာတွေ နိုးကြား လာပြီ ၊အမျိုးသားစစ်သည်သေပေစေ၊ရဲတဲ့ဇာနည် ဇွဲနဲ့တိုက်မည်၊ ခိုက်မည်တပ်မတော်ကြီးလည်း ချီလာပါပြီ၊အောင်တပ်မတော်ကြီးလည်း ချီလာပါပြီ"

ဆြာဒင့်အိပ်ခန်းတွင်းရှိ ဧရာမတီဗီဖန်သားပြင်တွင် ထိုင်းဘုရင့်တပ်မတော်မှ ကြည်းရေလေတပ်ပေါင်းစု စစ်ချီ၊စစ်တက်နေပုံမှာ ကြည့်ရ သူအဖို့ စိတ်အားတက်ကြွစရာကောင်းလှပါ၏။ကောင်းကင်တွင် အစီးရာချီတက်ဆင်းဝဲပျံနေသော ခေတ်မီတိုက်လေယာဉ်များ၊ မဲမဲမြင် သမျှချေမှုန်းမည့်ဟန် နောက်ဆုံးပေါ်တင့်ကားများနှင့်ဧရာမအမြောက်ကြီးများတင်ဆောင်ထားသော စစ်သုံးတိုက်ခိုက်ရေးယာဉ် များ ကိုလည်း ဖျတ်ကနဲ ဖျတ်ကနဲမြင်တွေ့နေရသော ဆြာဒင်မှာ ထိုင်းစစ်ချီတေးကို မြန်မာမှုပြု၊အဓိပ္ပါယ်ဖော်ရင်း ဗမာ့တပ်မတော် စစ်ချီ တေးတစ်ပုဒ်ကို ကြားယောင်နေခြင်းဖြစ်ချေ၏။ဆြာဒင်တို့ဗမာပြည်ဆီတွင်လည်း အာဏာသိမ်းသည့်အခါ ဤနည်းနှင်နှင်ထုတ်လွှင့်ကြ လေသည်ဖြစ်၍ ဆြာဒင့်စိတ်တွင်အဆန်းဟူ၍ မထင်မိချေ။

"ဗျို့ဆြာဒင်"
"ဗျို့ဆြာဒင် ခြံတံခါးဖွင့်ပါဗျ"
ခြံတံခါးဝဆီမှာ စူးစူးဝါးဝါးအော်သံကြောင့် ဆြာဒင်တစ်ယောက်နေအိမ်အပေါ်ထပ် ဝရန်တာဆီမှ လှမ်းမျှော်ကြည့်လိုက်သည်တွင်ကား ကျေးဇူးရှင်တပည့်ကျော်သုံးဦးသား နောက်ကကျားလိုက်သည့်ဟန်ဖြင့် အသံကုန်ဟစ်နေသည်ကို တွေ့မြင်ရလေရာ ဆြာဒင်သည် ခပ် သုတ်သုတ်အိမ်အောက်ဆင်း၊ခြံသော့ကိုယူကာ ခြံတံခါးကိုဖွင့်ပေးရင်း မြည်တွန်တောက်တီးလိုက်ရသည်။

"တိုးတိုးသက်သာလုပ်ကြစမ်းပါဟ၊လုပ်လိုက်မှဖြင့် အလန့်တကြားချည်းပဲ၊မင်းတို့ခေတ်ကာလသားသမီးတွေနဲ့တော့ခက်ချက်"
"အာ၊ဆြာဒင် အိမ်ထဲကုပ်နေပြီး ဘာမှမသိတာပိုခက်တာဗျ။အခုထိုင်းစစ်တပ်က အာဏာသိမ်းလိုက်ပြီတဲ့"
"ဟ၊ထိုင်းစစ်တပ်အာဏာသိမ်းတာ အဆန်းလားကွာ၊စံချိန်ချိုးပြီး ခဏခဏသိမ်းနေတဲ့ဥစ္စာ"
"မတူဘူးဆြာ၊ဒီတစ်ခါသိမ်းပုံက တော်တော်ကြမ်းတယ်၊သုံးရက်အတွင်းနှစ်ခါသိမ်းတာဗျ"
"တစ်ရက်တည်းပဲ အကြိမ်တစ်ဒါဇင်သိမ်းသိမ်း၊ထိုင်းစစ်တပ်ဟာ တို့ဗမာစစ်တပ်လို တခါသိမ်းအနှစ်အစိတ်တော့မဟုတ်တာသေချာတယ် ကွာ၊ကြာလှသုံးလပေါ့"

"အဲဒါတွေကြောင့် ဆြာဒင့်တို့ခေတ်ဆွေးအဘိုးကြီးတွေခက်တာပေါ့။အခုအာဏာသိမ်းတဲ့ထိုင်းစစ်ဗိုလ်ချုပ်ကြီးပြောပုံက အမျိုးသားရေး ဇောင်းပေးမဲ့သဘောပါနေတယ်နော်"
"ဇောင်းမကလို့ဖောင်းဘောပေးတောင် မင်းတို့ငါတို့အနေသာကြီးပါကွာ၊ကြုံတုန်း ကမ္ဘာ့ဖလားဘောလုံးပွဲကြီးကို အေးအေးလူလူ ရှုစား နေကြပေရော့"
တပည့်ကျော်သုံးဦးမှာ သခင်မာစတာဒင်ဆြာ၏ သြဝါဒကို နှစ်လိုကြဟန်မရှိသော်ငြား ကမ္ဘာ့ဖလားအသံကြားကြလေသဖြင့် ပူပန် သောကမှန်သမျှ ပိန်းကြာရေမတင်တော့လေဟန် နှုတ်ဆိတ်သွားကြပြန်၏။

(၂)
တစ်ခါတရံ"ဆြာ့ထက်တပည့်လက်စောင်းထက်"ဟူသော ဆိုရိုးစကားသည် မှန်လေ့ရှိပြန်သည်တကား။ဆြာဒင်တို့ ရောက်ရှိခိုလှုံနေရာ ယိုးဒယားပြည်ကြီးတွင် အတိုက်အခံတို့၏ခေါင်းမာမှုကြောင့်ဟုဆိုကာ ယိုးဒယားစစ်တပ်ဦးစီးချုပ် ပရာယွတ်ချန်အိုချာမှ အာဏာ သိမ်းယူပြီး အတိုက်အခံခေါင်း ဆောင်တို့ကို အကျယ်ချုပ်ချသည်။၂၀၁၄ခုနှစ်၊မေလ(၂၂)ရက်နေ့တွင် ယာယီအာဏာသိမ်း၍ (၂၅)ရက် နေ့တွင် အပြီးတိုင်သိမ်းသည်ဟုဆိုလျက် နေဝင်မီးငြိမ်းမိန့်ထုတ်ကာ အတိုက်အခံခေါင်းဆောင်တို့၏ နေအိမ်ကိုဝင်ရောက်ရှာဖွေမှုများ၊ ပစ္စည်းနှင့်စာရွက်စာတမ်း အများအပြားကိုသိမ်းယူမှုများပြုသည့်အပြင် အာဏာသိမ်းဗိုလ်ချုပ်ကြီးကိုယ်တိုင် ကြားဖြတ်ဝန်ကြီးချုပ်ဖြစ် ကြောင်းကြေညာသည်။

ယိုးဒယားရုပ်သံလိုင်းများမှ စစ်ချီသီချင်းများဆက်တိုက်ထုတ်လွှင့်နေပြီး ဂျာနယ်နှင့်သတင်းစာတိုက်များတွင် လက်နက်အပြည့်အစုံနှင့် စစ်သားများစောင့်ကြပ်ကြည့်ရှုကာ စစ်တပ်မကြိုက်သော ဝက်ဘ်ဆိုဒ်တချို့နှင့်ဖေ့စ်ဘွတ်တို့ကိုပင် ခေတ္တပိတ်လျက် စစ်တပ်မကောင်း ကြောင်းသတင်းများ မထုတ်လွှင့်ကြရန် မီဒီယာများကို တရားဝင်သတိပေးခဲ့လေရာ ဆြာဒင်တစ်ယောက်တွေးရင်းတွေးရင်ကျောထဲက စိမ့်ကြောက်လာလေ၏။သို့သော် ထူးချွန်သောရှေ့ဆောင်ဦးစီးပုဂ္ဂိလ်တို့မည်သည် ရှစ်ခေါပဏီတပ်ကြီးနှင့်ရင်ဆိုင်ရလျှင်သော်မှကြောက် ရွံ့ဟန်မပြသင့်လေသဖြင့် တပည့်ကျော်တို့ကို ဆြာဒင်အားပေးနှစ်သိမ့်စကားဆိုလိုက်ရချေသည်။

"သိပ်လည်းမပူကြပါနဲ့ကွာ၊တစ်စုံတစ်ရာအရေးအကြောင်းကြုံလာရင် တို့ဗမာသံရုံးလည်း ဘန်ကောက်မှာ ရှိနေကမင့်ဟာ။ခေတ်ပြောင်း နေပြီဆိုတော့ ဗမာအလုပ်သမားတွေအရေးကို လျစ်လျူရှုမထားတန်လောက်ပါဘူး"
တပည့်ကျော်တို့ကား ဆြာဒင့်စကားအပေါ်တစ်စုံတစ်ရာ၊စကားခွန်းတုံ့မပြန်ကြသော်ငြား အတွေးပွားဖွယ်ရာ လေးနက်သောအဓိပ္ပါယ် ပါဝင်သည့် ကိုယ်စီခေါင်းတညိတ်ညိတ်ဆတ်ကြရင်း အသံတိတ်ဆန္ဒပြလျက်ရှိကြလေရာ ဒင်းတို့ဆိုလိုချင်သော စကားမှာ "စောင့်ကြည့် အုံးပေါ့ဗျာ"သို့မဟုတ် "ကျောချတာတောင်ဓားပြမှန်းမသိတဲ့ ဆြာဒင်"ဟူသော အဓိပ္ပါယ်ဖြစ်နိုင်ချေသည်တမုံ့။

(၃)
သင်းရို့၏ထက်မြက်လှသောဥာဏ်ရည်ကား ဆြာကောင်းတပည့်မို့ဖြစ်နိုင်ပေ၏။သင်းတို့၏ ခေါင်းညိတ်ဝေဖန်ခန့်မှန်းမှုသည် မှန်ကန် ကြောင်းနောက်ဆက်တွဲဖြစ်ရပ်များက သက်သေ ပြလျက်ရှိလေသည်။ထိုင်းစစ်တပ်အာဏာသိမ်းမှု၏ဂယက်သည် ပါတောင်ကမ်းခြေရှိ ဆွိုင်ဘင်္ဂလာလမ်းအား စတင်ရိုက်ခတ်ခဲ့လေရာ နစ်နာကြရသူတို့၏ တုန့်ပြန်ပုံကို ယင်းကမ်းခြေတွင် မြန်မာလက်ဖက်ရည်ဆိုင်ဖွင့် ထားသူ ဝင်းကျော်ခိုင်၏ တယ်လီဖုန်း သတင်း စကားအရသိရှိရ၏။

"ဟလုိုဆြာဒင်၊ ဆွိုင်ဘင်္ဂလာက ယိုးဒယားအဝှာတွေတော့ ပါတောင်ရဲစခန်းရှေ့မှာ ဆန္ဒပြကုန်ပြီဗျို့"
"ဘာတုန်းအဝှာဆိုတာ၊ အဝှာဆိုတာနားမရှင်းလှဘူးမောင်"
"ဟာ ညံ့ချက်ဆြာဒင်ရယ်။ ဆွိုင်ဘင်္ဂလာက ယိုးဒယားမတွေဘာလုပ်သလဲဆိုတာလောက်တောင် မသိလေရော့သလား"
ဝင်းကျော်ခိုင်၏ စကားအဆုံး၌အဆိုပါလမ်းတွင် ဆြာဒင်ကိုယ်တိုင် ညဥ့်တစ်ချို့ကို ကုန်ဆုံးစေခဲ့ဖူးလေသည်မို့ဒုံးမဝေးလှသော ဆြာ ဒင်သည် နိုင်ငံတကာဧည့်သည်မဟာပုရိဿတို့ကျက်စားရာဆွိုင်ဘင်္ဂလာရှိ အမ္မပါလီ၏မျိုးဆက်သွေးတို့ကို ဖျတ်ကနဲပြေး၍မြင်လိုက်၏။

"အော်၊အဲဒီအဝှာတွေက၊ဘာအတွက် ဆန္ဒပြသတဲ့တုန်းမောင်ရ"
"ကာဖျူးကြောင့် တဏှာနဲ့မြူးချင်တဲ့ အဖြူကောင်တွေ အပြင်မထွက်ရဲလေတော့ သူတို့ စီးပွားရေးထိခိုက်သတဲ့ဆြာဒင်"
ဈေးကွက်လိုအပ်ချက်ရှိပါလျက် ရောင်းကုန်တို့မထွက်ခြင်းသည် စီးပွားရေးစံနစ်တွင်ဖြစ်ထိုက်သောအရာမဟုတ်ချေ။အဆိုပါဆန္ဒပြပွဲ သည်ထိရောက်သည်ဟုဆိုနိုင်၏။သုံးရက်အတွင်း ဖူးခက်မြို့သည် ကာဖျူးမှ ကင်းလွတ်ခွင့်ရခဲ့လေသည်။ယိုးဒယားမယ်တို့အတွက် မူမင်္ဂလာသတင်းဖြစ်ပါ၏။သို့သော် အာဏာသိမ်းထိုင်းစစ်တပ်၏ နိုင်ငံခြားအလုပ်သမားများအား စံနစ်တကျစိစစ်ရေးတည်းဟူသော စီမံချက်နောက်တွင် ထိုင်းနိုင်ငံရောက် ဗမာ၊ကမ္ဘောဒီးယားနှင့် လာအိုအလုပ်သမားတို့မှာ ကျီးလန့်စာစားအထိတ်တလန့်ဖြစ်ကြရသည့် တယ်လီဖုန်းသတင်းမျိုးစုံကား ဆြာဒင်ထံအဆက်မပြတ်ဝင်ရောက် လျက် ရှိ၏။

"ပါတောင်က ဗီယက်နမ်ဆိုင်တွေပိတ်ကုန်ပြီဆြာဒင်"
"ပါနာဆွန်ဆိုက်မှာ ဗမာတွေကိုဝင်ဖမ်းပြီတဲ့ဗျ"
"ဘန်ကောက်မှာ ခမင်(ကမ္ဘောဒီးယား)တွေကိုမောင်းထုတ်နေပြီဗျို့"
ယင်းသတင်းစကားတို့အနက် ကမ္ဘောဒီးယားရွေ့ပြောင်းအလုပ်သမားတို့၏ထူးခြားပြောင်မြောက်၊အောင်မြင်စွာဆုတ်ခွာကြပုံမှာတမူထူး သည်ဟုဆိုနိုင်သည်။ပြည်ပအလုပ်သမားတို့ကိုဖမ်းဆီးသည့်သတင်းနှင့်တပြိုင်တည်းမှာပင် ထိုင်းနိုင်ငံအနှံ့ရှိ ကမ္ဘောဒီးယားအလုပ်သမား သိန်းချီ၍ ယိုးဒယားမြေမှ ထွက်ခွာကြပုံမှာ အမိန့်နာခံသော စစ်သည်တော်တို့နှင့်တူလှချေ၏။ပြည်တော်ပြန်ကမ္ဘောဒီးယားလုပ်သားတို့ တညီတညွှတ်တည်းဖြေဆိုကြသည်ကား "အဖေနဲ့အမေ မိဘတွေက ပြန်ခေါ်လို့"ဟူသတည်း။အမိအဘဝတ္တရားကျေပွန်ကြပေစွ။

"အင်း၊ဝီစီတစ်ချက်မှုတ်လိုက်တာနဲ့ စည်းဝါးကိုက်ထားသလို တပြိုင်နက်ပြန်ကြတာ ထူးတော့အထူးသားကလား၊နို့ပေသည့် ထိုင်းနဲ့ ကမ္ဘောဒီးယားက မကြာမကြာရန်စောင်နေကြလို့လည်း ဖြစ်နိုင်တာပါပဲလေ"
အဆိုပါထူးခြားသတင်းအပေါ် ဆြာဒင်၏ချင့်ချင့်ချိန်ချိန်သုံးသပ်ချက်ကိုလည်း ကပ္ပလီ၊ဖေကြည်နှင့်လေမင်းသားပါ သဘောတွေ့ကြပုံ မရ။ ရှေးနည်းနှင်နှင် ခေါင်းတညိတ်ညိတ်ဖြင့်ပင်၊တုန့်ပြန်ကြပြန်ချေသည်။

(၄)
သည်တစ်ကြိမ်တွင်လည်းတပည့်ကျော်တို့ မမှားပြန်ကြောင်း ပြည်ပသတင်းမီဒီယာများအပါအဝင် ထိုင်းနိုင်ငံတနံတလျားရှိ မဟာဗမာ ရွေ့ပြောင်းအလုပ်သမားတို့ထံမှ သတင်းများက အတည်ပြုလျက်ရှိလေသည်။‘‘ထိုင်းလက်ရှိအာဏာရှိတဲ့ သူက တရားမ၀င်နေတဲ့သူ တွေကို ပြင်းပြင်းထန်ထန်အရေးယူမယ်လို့ ပြောထားတယ်။ဟိုနေ့ကလည်း မြန်မာသုံးဆယ် အဖမ်းခံရတယ် လို့ သိရပါတယ်။ သူတို့ နေထိုင်တဲ့ နေရာတွေလည်း ဖျက်ဆီးသွားတယ်လို့ ထိုင်းသတင်းစာတွေက ရေးထားပါတယ်။ ပြီးခဲ့တဲ့အပတ်ကလည်း မြန်မာတွေ အဖမ်း ခံရသေး တယ်’’ ဟု ထိုင်းနိုင်ငံရောက် မြန်မာနိုင်ငံသားများအဖွဲ့ (MAT) ဒါရိုက်တာ ဦးကျော်သောင်းကဆိုသည်။နယ်စုံသလိုအသံ လည်းစုံလှချေ၏။

"ဘန်ကောက်မှာ စင်ထရယ်ဝေါနဲ့ ပသူနန်းဈေးထဲအထိ ဗမာတွေကိုဝင်ဖမ်းကုန်ပြီဆြာဒင်ရေ"
"မဲဆောက်မှာတော့ သိမ်းကြုံးဖမ်းတာ ရာချီနေပြီ"
"ရနောင်းကအလုပ်သမားနှစ်ယောက်ကို အဖမ်းမခံလို့ထိုင်းစစ်တပ်က သေနတ်နဲ့ပစ်သတဲ့"
"ပတ်စပို့ရှိရှိ မရှိရှိ၊ဝါ့ပါမစ်ရှိရှိ မရှိရှိ အကုန်ဖမ်းတာပါပဲဗျာ"
"ချင်းမိုင်မှာလည်း ထိုင်းစစ်တပ်ဖမ်းနေပြန်ပြီဗျို့"
ယိုးဒယားမြေရောက် ဗမာရွေ့ပြောင်းအလုပ်သမားတို့အဖို့၊ဖရိုဖရဲကသောင်းကနင်းနိုင်လှသော နေ့ရက်များပေတကား။ဥာဏ်ကြီးရှင် ဆြာဒင်လည်း အိမ်ရှေ့ပူအိမ့်နောက်မချမ်းသာ၊ဗမာအရေးတတ်ကျွမ်းနားလည်သူကြီးဟန်ပန်ဖြင့် ဖုတ်ပူမီးတိုက်အကြံပြုရပြန်၏။

"မြန်မာသံရုံးကို ဖုန်းဆက်ကြပါလဟ"
"ဆက်သလားမမေးနဲ့ဆြာဒင်၊အကြိမ်ပေါင်းရာချီရှိနေပြီ၊ဖုန်းမကိုင်ကြဘူးခင်ဗျ။ ပတ်စပို့တွေလုပ်တုန်းကတော့ကိုင်လိုက်တဲ့ဖုန်း၊တစ်ချက် ခေါ်တစ်ချက်ဝင်ပဲဆြာဒင်"
"ကိုရင်တို့ဆက်တဲ့ဖုန်းနံပတ်တွေက ဘော့ပင်နဲ့ရေးထားတာမို့ထင်ပါရဲ့၊ရော့ ကွန်ပြူတာစီထားတဲ့ ဖုန်းနံပတ်တွေကိုဆက်ကြပါအုံးလကွဲ့"
"ကိုင်ပြီဆြာဒင်ရေ ကိုင်ပြီ"
"အေး၊ဒီလိုပဲဖြစ်ရမယ်လေ။ဘာတွေဘယ်လိုကူညီမတဲ့တုန်း"
"သံရုံးကို လာခဲ့ပါတဲ့ခင်ဗျ"
"ဒါဆိုလည်းသွားလိုက်ကြလကွယ်"
"ဟာ၊ဆြာဒင်ရူးများနေရော့သလား၊ကျနော်တို့က ထိုင်းစစ်တပ်ကို ကြောက်လို့ ရာဘာတောထဲဝင်ပုန်းနေကြရတာ၊ကျနော်တို့အလုပ်လုပ် နေတဲ့မြို့က ဘန်ကောက်နဲ့ မိုင်လေးငါးရာဝေးတဲ့ဥစ္စာ"

စေတနာသည်ရံခါ၌ဝေဒနာဖြစ်တတ်ကာ ဆြာဒင်ပါအရူးစာရင်းအသွင်းခံရပြန်ချေသည်။ဤသို့လျှင် မိုးသည်ကံဆိုးမနှင့်ထပ်ချပ် မကွာ လိုက်ပါလျက်၊ထိုင်းရောက် မြန်မာတို့ကာလပျက် နေချိန်၊အခါသမယတွင် ဗမာပြည်ပြည်သူ့လွှတ်တော်ကြီးမှ ပြည်ပရောက်ဗမာ အလုပ် သမားတို့ကို အကာအကွယ်ပေးရေးဥပဒေသည် ပညာရှိအမတ်မင်းအပေါင်း၏တခဲနက်ကန့်ကွက်မှုကြောင့် ပယ်ချခြင်းခံရသည့် သတင်း ဆိုး ထွက်ပေါ်လာပြန်လေရာ နူရာဝဲစွဲရုံမက မြွေပူရာကင်းမှောင့်သည်အပြင် မြေနိမ့်ရာမှာလှံစိုက်ပြန်လေတော့သည်။

(၅)
မည်သို့ပင်ဆိုစေကာမူ လမိုက်ညတွင်ကြယ်ရောင်ပြက်သကဲ့သို့ မျှော်လင့်ချက်အလင်းရောင်တစွန်းတစ်စမူပေါ်ထွက်လာခဲ့ပါ၏။ ဗမာ ပြည်မီဒီယာအချို့တွင်ဖော်ပြသောအစိုးရမင်းများ၏ကြိုးပမ်းချက်တို့ကား အသည်းအသန်ဝေဒနာနှင့်သေမည့်မသာဆိုလျှင်ဖြင့် ရက်လည် ဆွမ်းကျွေးမှီလောက်ပေ၏။
"ဗမာ အလုပ်သမားတွေကို ဖမ်းမဖမ်း ကျနော်တို့စုံစမ်းနေပါတယ်"
"ဖမ်းနေတာမှန်ရင် အထက်ကိုတင်ပြပြီး တစ်ခုခုတော့လုပ်ပေးမှာပါ"
"ထိုင်းအစိုးရကိုလှမ်းမေးထားပါပြီ"

ဗမာရွေ့ပြောင်းအလုပ်သမားတို့၏ဘဝကား ကိုးခန်းပျို့ခေါ်စတုဓမ္မသာရပျို့မှ... အဖန်ဖန်လျှင်၊ တသန္ဓေဓေ၊ တပေလျဉ်းလျဉ်းတညှဉ်း ဆိုးဆိုး၊ တညှိုးလျလျ၊ တတလွမ်းလွမ်း၊ တသမ်းဟယ်ဟယ်၊ တတွယ်တာတာ၊ တဟာလှိုက်လှိုက်၊တရှိုက်ငင်ငင်၊ တပင်ပန်းပန်း၊ တဝန်းလျားလျား ဟူသောစာအဖွဲ့ကို သတိရ စရာကောင်းပါ၏။လူလည်စာရင်းဝင်ဆြာဒင်တစ်ယောက် လက်မှိုင်ချငေးငိုင်နေမိချိန်မှာပင် တိမ်တိုက်ကြားမှနေမင်းသည်ထွန်းလင်းလာ ပြန်ယောင်တစ်ကား။ရင်ခုန်လှိုက်မောရသောနေ့ရက်များ၏တစ်ခုသောနံနက်တွင် တပည့် ကျော်အာရုံခေါ်ဖေကြည်ထံမှဖုန်းဝင်လာခဲ့၏။

"စိတ်အေးပေတော့ဆြာဒင်၊ထိုင်းစစ်တပ်က ဗမာအလုပ်သမားတွေကို မဖမ်းတော့ဘူးတဲ့ခင်ဗျ"
"ဟေ၊ဟုတ်လား၊ထင်တော့ထင်သားပဲ။တို့အစိုးရက ကိုင်လိုက်ရင်ချက်ကောင်းကို တစ်ချက်တည်းအပိုင်ကိုင်တာ"
"အာ၊ဘယ်ကလာ ဆြာဒင့်အစိုးရလုပ်တာ ဟုတ်ရမတုန်း။အခုကမ္ဘောဒီးယားတွေသိန်းချီအိမ်ပြန်၊ဗီယက်နမ်နဲ့လာအိုတွေဖျာလိပ်၊ ဗမာ တွေဟိုပြေးဒီပြေးပုန်းနေကြတာကြောင့် ထိုင်းစက်ရုံအလုပ်ရုံတွေပိတ်ပြီး ထိုင်းစီးပွားရေးဇောက်ထိုးမိုးမျှော်ဖြစ်တော့မှာမို့ ထိုင်းစီးပွားရေး လုပ်ငန်းရှင်ကြီးတွေက ထိုင်းစစ်တပ်ကို အရေးဆိုလို့ဆြာဒင်ရ။ကမ္ဘာ့အလုပ်သမားအဖွဲ့ချုပ်အိုင်အယ်အိုကလည်း ထိုင်းရောက်ရွေ့ ပြောင်းအလုပ်သမားအရေးကို ထိထိရောက်ဝင်ပြီးကိုင်တွယ်မတဲ့"

စစ်ရေး၊နိုင်ငံရေး၊အမျိုးသားအမြင်မျိုးစုံပူးတွဲသုံးသပ်ဆင်ခြင်နိုင်သော ဖေကြည်ကား နန်းရင်းဝန်ရာထူးနှင့်ပင်ထိုက်တန်လှချေသည်။ ဆြာဒင်တစ်ယောက် "ဟေ"ဟူသောအာမေဋိတ်မျှပင် မပြုနိုင်လဒမှိုင်သာမှိုင်မိတော့သည်။ယင်းအချိန်တွင် ထူးထွေသည့်အံ့ရာသော်ဝ်၊ ထန်းသီး ကြွေခိုက်ကျီးနင်းခိုက်၊ထိုးကွင်းထချိန်သည် သူခိုးပြေးချိန်နှင့်ကားတိုက်ဆိုင်လှချေ၏။ထိုင်းစစ်အစိုးရက ဓမဖမ်းတော့ပါ"ဟု ကတိပြုချိန် နှင့်မရှေးမနှောင်းမှာပင် ဗမာသံအမတ်ကြီးသည် ထိုင်းအစိုးရအာဏာပိုင်များနှင့်တွေ့ဆုံသောသတင်းထွက်လာပြန်လေ၏။

"ထိုင်းအစိုးရက ကျနော့်ကို သေချာရှင်းပြလိုက်ပါပြီ။ဗမာတွေကိုမဖမ်းတော့ပါဘူးတဲ့"
"ဖမ်းတာက မူးယစ်ဆေးနဲ့လက်နက်မှောင်ခိုတွေပါ"
"နယ်စပ်မှာလဲမဖမ်းပါဘူး၊အေတီအမ်ငွေထုတ်စက်က ငွေလိမ်ထုတ်တဲ့သူနှစ်ယောက်ကိုဖမ်းတာပါ"
"ဖမ်းထားတဲ့သူတွေအကုန်ပြန်လွှတ်ပေးလိုက်ပါပြီ"
ရှေ့နောက်မညီသော ကမောက်ကမဖြေရှင်းချက်ကြောင့်အလဲလဲအပြိုပြိုဝရုန်းသုဉ်းကားပြေးလွှားမိသူများပင် ရာဇဝတ်မှုတရားခံဖြစ် ရချေအုံးတော့မည်။ဆက်တိုက်ဆိုသလို ဘန်ကောက်ရွှေမြို့တော်ဗမာသံရုံးမှ "လာပါလာပါမကြည်ရဲ့၊တကယ်စောင့်မဲ့အချိန်"ဟူသော အော်သံခေါ်သံတွေကြားလာရပြန်၏။တိုက်ဆိုင်လွန်းသောအဖြစ်ကိုပင်ဆြာဒင်အပြစ်တင်လိုက်ချင်တော့သည်။

(၆)
အတောဘယ်လိုတောတော၊ အဆန်းဘယ်လိုပြောပြော၊ ဆြာဒင်ယုံအောင်၊ယုန်ကောင်ငုံ၍ ယုန်ရုပ်ရေးပြသည့်တိုင်၊ ဆြာဒင်မယုံရဲပါလေ
တော့။ထိုင်း စစ်တပ်မှ ဗမာအလုပ်သမားများအား လုံးဝမဖမ်းတော့ပါဆိုသည့်တိုင် ထိုင်းရောက်ဗမာတို့၏သောက ကင်းဝေးနေနိုင်ရေး ကား ဟိုးဝေးဝေးကနှင်းပေတကား။ဆင်နင်းရုံဖြင့်ဆန်ကောပိုမပြားနိုင်တော့ပြီမို့ အရည်ထူထူနှင့်ရင်ခုန်နေရခြင်းပင်လျှင် ဘဝအဓိပ္ပါယ်ပေ တကား ဟူသော စိတ်မျိုးထားတတ်ရန်၊ဖူးခက်ရောက်မြန်မာအလုပ်သမားတို့ကို ဆြာဒင်သွန်သင်ရပေဦးတော့မည်။

မိုးလွန်မှထွန်ချ သည့်တိုင် ခဏတဖြုတ်လှည့်ကြည့်ဖော်ရလေသဖြင့်အစိုးရမင်းများ၏မဟာဂရုဏာတော်ကို ဆြာဒင်လေးနက်စွာအသိအမှတ်ပြု ကျေးဇူးစကား ဆိုပါ၏။ထိုမျှမက ဖူးခက်တွင်စခန်းသွင်းလေ့ကျင့်ရန်ရောက်ရှိနေကြကုန်သော မြန်မာမယ်စကြာဝဠာ လောင်းလျာ ကလေးများ ခလုပ် မထိဆူးမငြိရန်လည်း မေတ္တာရှေ့ထား၊စိန္တေရှင်ထံတော်ပါးတွင် ဆုတောင်းလျက်ရှိပါ၏။
ထို့ပြင်တဝဖူးခက်ရောက်ဗမာတို့ အရေးကြုံလေတိုင်း၊စိတ်အားတက်ကြွနေကြစေရန်နှင့်ဇာတိမာန်ထက်သန်စေရေးတို့အတွက် ဗမာ ရွေ့ပြောင်းလုပ်သားခွန်အားဖြည့်စစ်ချီတေးတစ်ပုဒ်ကိုလည်း သံပြိုင်သီဆိုတတ်စေရန် ဆြာဒင် လုံးပန်းရချေဦးတော့မည်။

"တူယှဉ်ကာလေ တကယ်ပဲအစွမ်းပြချင်တယ်။မြန်မာ့သတ္တိကမ္ဘာကသိအောင် ငါတို့တိုက်ခိုက်မယ်၊နိုင်ငံတော်အကျိုးရှိဖွယ်တာဝန်ကျေ ပွန်တယ်။တောတောင်အထပ်ထပ် တိုက်ပွဲချီတက်တိုက်ခိုက်မယ်။မိုးတွေကလည်းမစဲပဲရွာသွန်းတယ်၊ မြစ်ချောင်းအင်အိုင်ရေတွေပြည့်လို့ ငါတို့တိုက်ရတယ် ။ ဘယ်မှာလဲအိပ်ရတယ် ငါတို့ရှိလိမ့်မယ်။ အမြဲတမ်းချီတက်လို့သာတိုက်ခိုက်နေရတယ်။ရန်သူဟာလေ အရှုံးကြီး ရှုံးရတယ်။ မြန်မာရဲ့ သတ္တိကိုဘယ်မှာယှဉ်နိုင်မယ်။ ဘယ်မှာ ကြောက်စိတ်ရှိလိမ့်၊ ငါတို့ရွေ့ပြောင်းလုပ်သားရယ်"

(သရုပ်ဖော်ပန်းချီ  စိုးသော်တာ)

၂၅။၀၆။၂၀၁၄နေ့ထုတ်။ဆဲဗင်းဒေးဂျာနယ်။ မင်းဒင်ရဲ့သက်ခိုင်(၂) အခန်း(၄၀)။

စစ်တပ်ဋီကာ
၂၀၁၄ခုနှစ်၊ဇွန်လ(၁၅)ရက်
ထိုနေ့ကဖူးခက်မှာ နံနက်စောစောကတည်းကပင် မိုးသည်းစွာရွာသည်။   ဟိုတယ်မန်နေဂျာကျော်ကျော်ခိုင် ခေါ်ဂျိုးနှင့် ကိုသက်ခိုင်ပါ ကျနော့်အိမ်သို့ရောက်နေကြ၏။ဂျိုးကား ကိုသက်ခိုင်၏ တောင်းဆိုချက်အရ သီးစုံပဲကုလားဟင်းချက်ရန် ရေခဲသေတ္တာတွင်းမှ အသီး အရွက်မျိုးစုံကို ထုတ်ကာ မီးဖိုချောင်မှာ အလုပ်ရှုပ်နေ၏။ဂျိုးအရင်ရောက်နှင့်နေသော ကိုသက်ခိုင်၏လက်စွမ်းပြ  လက်ရာ ကြက်သား နှင့်ချဉ်စော်ခါးသီး ဟင်းလျာကား ထမင်းစားပွဲပေါ်တွင် ကြိုတင်ရောက်ရှိကာ ပဲကုလားဟင်းကိုစောင့်မျှော်လျက်ရှိ၏။

ဇာတိမြေနှင့်ဝေးကွာနေရသော ကာလများကားသွေ့ခြောက်ပျင်းရိဖွယ်ကောင်းသော ဘဝရက်စွဲများဖြစ်လေသဖြင့် စိတ်ထွက်ပေါက်အနေ ဖြင့် အာသီသရှိရာ ဟင်းမျိုးစုံကိုလက်တည့်စမ်းချက်ပြုပ်နေကြခြင်းဖြစ်သည်။တစိမ့်စိမ့်စွေနေသောမိုးကြောင့် ကျနော်ခပ်ပျင်းပျင်းရှိသည် နှင့် စာအုပ်စင်ရှေ့မှာတောင်ကြည့်မြောက်ကြည့်လုပ်နေသောကိုသက်ခိုင်ကို လှမ်း၍နောက်လိုက်မိသည်။

"ဒီတစ်ခါတော့ ဖူးခက်ကိုရောက်နေရတာ ဟန်ကျပြီထင်တယ်။ဗမာမယ်စကြာဝဠာလောင်းတွေ ဖူးခက်မှာလာပြီး စခန်းသွင်း လေ့ကျင့်ကြမယ်ဆိုပဲ ကိုသက်ခိုင်"
ကျနော့်စကားအဆုံးတွင် သူက မဲ့ပြုံးပြုံးရင်း ခွန်းတုန့်ပြန်သည်။
"အေးပေါ့ဗျာ။မယ်စကြာဝဠာလောင်းတွေအတွက်တော့ စပွန်ဆာကောင်းကောင်းရှိကြတယ်ထင်ပါရဲ့။ကျနော်ကြားမိသလောက် ဘရာဇီး မှာ ကျင်းပနေတဲ့ ကမ္ဘာ့ဖလားဘောလုံးပွဲအတွက်  ဖိတ်ခေါ်ထားတဲ့မြန်မာခြင်းလုံးအဖွဲ့အတွက်တော့ ငွေကုန်ခံမဲ့သူ မရှိသေးဘူးကြား မိတယ်။ဗမာရုပ်သေးအဖွဲ့ကမ္ဘာလှည့်နိုင်ဖို့လည်း ထိုနည်းလည်းကောင်းပဲတဲ့။မင်္ဂလာဦးပျားရည်ဆမ်းခရီးကို လကမ္ဘာအထိသွားနိုင်တဲ့ သူဌေးတွေနေတဲ့တိုင်းပြည်တဲ့ဗျာ။နေဦး၊ ခင်ဗျား မယ်စကြာဝဠာ ကိစ္စအသာထား၊ခင်ဗျားဆိုင်နားက ဝထစ်အပိုင်မှာ ဆောက်လက်စ တိုက်ပြိုကျလို့ မွန်ဗမာမလေး သုံးယောက်အုတ်နံရံ ပိပြီး ပွဲချင်းပြီးသေတာ ကြားလိုက်သေးလား"
"အေးဗျာ။ မနေ့က ဆိုင်ကိုလာတဲ့ မွန်အမျိုးသမီးတစ်ယောက် ပြောလို့သိလိုက်ရတယ်။အဖြစ်ဆိုးလိုက်တာဗျာ။ကလေးမလေးတွေက အသက်(၁၇)နှစ်ကနေ (၂၀)ဝန်းကျင်ပဲရှိကြသေးတာ။အမှန်က နံရံပိတာ မိန်းကလေးချည်းခြောက်ယောက်တဲ့။သုံးယောက်သေတယ် ဆိုပါတော့၊တော်တော့်ကို စိတ်မကောင်းစရာသတင်းပါပဲ"

"ခင်ဗျားမသိတာရှိသေးတယ်။အဲဒီမွန်ဗမာမလေးတွေမှာ တစ်ယောက်မှ ပတ်စပို့၊ဝါ့ပါမစ်မရှိကြဘူးတဲ့ဗျာ။သူတို့ဖူးခက်ကိုရောက်တာ လပိုင်းပဲရှိသေးတယ်တဲ့ဗျ။ထိုင်းနိုင်ငံရေးမတည်ငြိမ်တာကြောင့် ပတ်စပို့လုပ်ဖို့လည်းအခွင့်မသာဘူး။ရင်နာစရာကောင်းတာက အဲဒီ ကလေးမလေးတွေရဲ့မိဘတွေလည်း အနီးနားမှာရှိနေကြပေမဲ့ ပတ်စပို့၊ဝါ့ပါမစ်မရှိကြတာကြောင့် ကိုယ့်သမီးအလောင်းနားတောင် ကိုယ် မသီရဲတဲ့အဖြစ်။အလုပ်ရှင်ကတော့ အမှုမဖွင့်ဖို့၊အလောင်းတွေကိုမြေကျတဲ့အထိ တာဝန်ယူကြောင်း ပြောသတဲ့ဗျာ။တိုက်တိုက် ဆိုင်ဆိုင် ဗျာ။ဒီကနေ့လွှတ်တော်မှာတင်တဲ့ နိုင်ငံခြားရောက်အလုပ်သမားတွေကို ကာကွယ်ပေးဖို့ အထူးဥပဒေပြ ဋ္ဌာန်းရေးအဆိုဟာ လွှတ်တော် မှာ ရှုံးနိမ့်ခဲ့သတဲ့။တကယ့်ကို အံ့သြကုန်နိုင်ဖွယ်ပါပဲဗျာ။ထိုင်းနဲ့မလေးရှားရောက် ဗမာအလုပ်သမားတွေ ကတော့ အဲဒီ အဆိုရှုံးနိမ့် တဲ့အတွက် ဆန္ဒပြရှုံ့ချပွဲတွေလုပ်ကြအုံးမတဲ့"

ဖူးခက်မှာနေသည်မို့ မွန်ဗမာအလုပ်သမားတို့၏ရင်နာစရာအဖြစ်တို့ကို ကြုံဖူးကြားဖူးပေါင်းများလှသဖြင့် ထိုအကြောင်းတို့ကိုဆက်၍ မစဉ်းစားချင်သော ကျနော်သည် စကားလမ်းကြောင်းပြောင်းရန်အားထုတ်မိပြန်သည်။
"ကိုသက်ခိုင်၊အခုထိုင်းမှာ စစ်တပ်ကအာဏာသိမ်းထားတာ နောက်ဆက်တွဲ ဘာထူးသေးတုန်းဗျ။ အနီတွေ၊အဝါတွေအသံတိတ်နေ တယ်ထင်မိတယ်"
"အင်း၊စစ်တပ်ထုံးစံပေါ့ဗျာ။အရပ်သားအစိုးရလက်ထက်က အစိုးရအဖွဲ့ဝင်တွေရုံးထိုင်ခဲ့တဲ့ ဝန်ကြီးဌာနရုံးတွေမှာ မထိုင်တော့ပဲ စစ်ရုံးချုပ် မှာပဲထိုင်ပြီး တတိုင်းပြည်လုံးကိုအုပ်ချုပ်ဖို့ စိုင်းပြင်းနေကြလေရဲ့။ ထိုင်းနိုင်ငံမှာ အာဏာသိမ်းတာကို ကန့်ကွက်တဲ့ဆန္ဒပြသမားတွေ ကြားမှာ လက်သုံးချောင်းထောင်တဲ့ သင်္ကေတတွေ ခေတ်စားနေတယ်။ အဲဒီသင်္ကေတက"The Hunger Games"ရုပ်ရှင် ဇာတ်ကားထဲကပုံစံမျိုး အတုခိုးပြီး စစ်အာဏာသိမ်းမှုကို အမူအရာနဲ့အသံတိတ်အလေးပြု ဆန္ဒပြတာတဲ့ဗျ။ တကယ်တမ်း ၀တ္ထုထဲက အဓိပ္ပာယ်ကတော့ ချစ်ခင်တဲ့ တစ်စုံတစ်ယောက်ကိ်ု ကျေးဇူးတင်မှု၊ လေးစားမှုနဲ့ နှုတ်ဆက်တဲ့ အဓိပ္ပာယ်သုံးမျိုးကို ကိုယ်စားပြု တာပါ။ခင်ဗျားအိမ်အပြင်ထွက်ရင် ယောင်လို့တောင် လက်သုံးချောင်း မထောင်မိစေနဲ့။ဖမ်းမယ်လို့ အမိန့်ထုတ်လိုက်ပြီ။

ထိုင်းစစ်တပ်ဟာ ခေတ်နောက်ပြန်ဆွဲနေတယ်လို့ ထင်မိတယ်။စစ်သားဆိုတာ ဘာမဆိုလုပ်တတ်တယ်ဆိုတဲ့ အယူအဆအမှားကြီးကို ဗမာစစ်တပ်ဆီက နေများ အတုခိုးလေရော့ သလား မဆိုနိုင်ဘူးဗျာ"
"ဒီအတိုင်းဆို ထိုင်းစစ်တပ်က အချိန်အကြာကြီး အာဏာသိမ်းထားမဲ့သဘောလား"
"ဟုတ်တယ်ဗျ။အနည်းဆုံး လာမဲ့၂၀၁၅ခုနှစ်မေလအထိ သက်တမ်းရှိနေမယ်လို့ဆိုတယ်။တကယ်တော့ဗျာ၊စစ်တပ်ဆိုတာ မရှိမကောင်း ရှိမကောင်းဗျ။စစ်တပ်နဲ့ဆက်ဆံရတာ လူမိုက်အိမ်မှာဖဲရိုက်ရတာနဲ့တူတယ်"
"ခင်ဗျားပြောလိုက်ရင် အဆန်းချည်းပဲ၊ကျနော်က ခပ်ပြိန်းပြိန်းမို့လူပြိန်းနားလည်အောင်ရှင်းပါအုံးဆရာရယ်"

"ကျနော်ငယ်ငယ်က ကြုံခဲ့ရတဲ့အဖြစ်လေးတစ်ခုဆိုပါတော့ဗျာ။ကျနော်ဆိုတဲ့ကောင်က ကြက်ဝိုင်းဆိုပါလိုက်၊ဖဲဝိုင်းဆိုဝင်ကစားလိုက် အတတ်ကောင်းတွေသင်နေတဲ့အချိန်ပေါ့။ဖဲကလည်းရိုက်တတ်ကာစဆိုတော့ ဖဲဝိုင်းလိုက်ရှာရတာပေါ့ဗျာ။ချာတိတ်အရွယ်ဆိုတော့ ရပ်ကွက်ထဲက အသုဘအိမ်တွေမှာခုနစ်ရက်ခုနစ်လီဒိုင်ခံတဲ့ဖဲဝိုင်းတွေဆီလည်း အဖေ့ရန်ကြောက်ပြီးသွားလို့မဖြစ်ပြန်တာကြောင့် တိုးတိုး တိတ်တိတ်ကျိတ်ဝိုင်းတွေလိုက်ရှာရတာပေါ့။ဒီလိုနဲ့တစ်နေ့ကျတော့ ကျနော်တို့လမ်းရဲ့အဆုံး ဓနိတောနားက ကိုအောင်စိုးတို့အိမ်မှာ ကျိတ်ဝိုင်းလုပ်ပါလေရောဗျာ။ အောင်စိုးရဲ့အမေကြီးက ပဲပြုပ်ရောင်းတယ်။သူ့အကိုအကြီးဆုံးက ဦးတင်ဦးတဲ့။ ကျနော်တို့ ကျောင်းက ကျောင်းဆရာဗျ။ဆရာဦးတင်ဦးက အင်းယားကန်မှာရေသွားကူးရင်း ရေနစ်လို့သေသွားတာ။အောင်စိုးကတော့ သူ့အကို

ဆရာဦးတင်ဦး နဲ့ အတန်းပညာရောအကျင့်စာရိတ္တပါ ညံ့တဲ့ကောင်။ထားပါတော့ဗျာ။အဲဒီဝိုင်းကို ကျနော်နဲ့ရွယ်တူဝါသနာတူ သူငယ်ချင်း သုံးယောက် လည်းပါသွားလေရဲ့။သိပ်အကြာကြီးတောင် မကစားလိုက်ရပါဘူးဗျာ။ ကျနော့်အဖော်တွေပါသမျှ တက်တက်စင်အောင်ပြောင် တာပါပဲ။ ပြောင်မှာပေါ့ဗျာ။ကျိတ်ဝိုင်းဒိုင်ခံတဲ့အောင်စိုးက ဖဲလိမ်ရိုက်ပြီး အချဉ်ဖောက်နေတာကိုး။ဖြစ်ချင်တော့ သူလိမ်ရိုက်နေပေမဲ့ ကျနော့်ဖဲက စွတ်ကောင်းပြီး တစ်ဝိုင်းလုံးရှိသမျှပိုက်ဆံတွေ ကျနော့်ရှေ့မှာ ပုံနေတယ်။ဒါကိုအောင်စိုးက မင်းအနိုင်နဲ့ပိုင်းလို့မရဘူး။ မင်းနဲ့ငါ နှစ်ယောက်တည်းဆက်ရိုက်ရမယ်ဆိုပြီး အကြပ်ကိုင်ပြန်ရောဗျ။ ဒီကောင်က ကျနော်တို့ထက်လေးငါးနှစ်ပိုကြီးနေတော့ ကြောက် ကြောက်နဲ့ ပဲဆက်ကစားရတာပေါ့။တစ်ခါတစ်ခါကံသမားကို ဥာဏ်သမားက မယှဉ်နိုင်ဘူးဆိုတာအမှန်ပဲဗျ။ အောင်စိုးလိမ် နေရင်းတန်း လန်းက ကျနော့်ဖဲဟာ

ဆက်ကောင်းနေတာမို့ အောင်စိုးရဲ့လိမ်နည်းလည်းကုန်၊ရှိသမျှငွေလည်းကုန်ပါလေရော။အမှန်က ကျနော်ဟာ ဖဲရိုက်ရ ပြီးရောဆိုပြီးဖဲကိုသာမဲနေတာ ကျနော့်အဖော်တွေတစ်ယောက်မကျန်အိမ်ပြန်ကြတာမို့ အောင်စိုးနဲ့ကျနော်နှစ် ယောက်တည်း ကျန်ခဲ့တာဗျ။ ဒီမှာတင် အောင်စိုးဟာ လူမိုက်ဇာတိပြတော့တာပါပဲဗျာ။သူ့ခါးကြားထဲက အသွားခြောက်လက်မလောက်ရှိတဲ့ ဓားမြောင်တစ် ချောင်းကိုထုတ်၊ကျနော့်ရင်ဝကိုတေ့ပြီး ကျနော့်မှာရှိသမျှ ငွေကို ဇွတ်လုယူတော့တာပါပဲ။ကျနော်က ဆယ့်ငါးနှစ်သား လောက်ဆိုတော့ လူမိုက်အောင်စိုးကို ဘယ်မှာလာ ယှဉ်နိုင်ပါ့မတုန်းဗျာ။ငိုမဲ့မဲ့နဲ့ ပြန်လာရတာပေါ့။ကျိတ်ဝိုင်းမှာဖဲလိမ်ခံရတာ ဘယ်သူ့ သွားတိုင်မတုန်းဗျာ။ အဖေ့ တိုင်ဖို့နေနေသာသာ သူသိမှာတောင်စိုးရသေး။အလုခံရတဲ့ပိုက်ဆံက ဟိုခေတ်က လေးငါး ဆယ်ပေါ့ဗျာ။ ဒါပေမဲ့ အောင်စိုးလည်း သက်ဆိုးမရှည်ရှာပါဘူး။အသက်သုံးဆယ်ကျော်လောက်အရွယ် ဖဲဝိုင်းမှာဓားထိုးခံရပြီး သေတာပါပဲ"

"ခင်ဗျားအဖြစ်ကလည်း ပိုက်ဆံအလုခံရတာတောင် ကျယ်ကျယ်မငိုဝံ့တဲ့အဖြစ်ပါလားဗျာ။ခင်ဗျားပြောတဲ့ အကြောင်းအရာက အခုထိုင်း မှာ စစ်တပ်အာဏာ သိမ်းတဲ့ကိစ္စနဲ့ ဘယ်လိုပတ်သက်သတုန်းဗျာ"
"ခင်ဗျားဗျာ ကျားကိုက်ပါတယ်ဆိုနေမှ အပေါက်ကလေးနဲ့လား မေးနေသလိုပဲ။အရင်ဆုံး ကျနော်တို့ဗမာ့တပ်မတော်ကြီးကိုကြည့်လေ။ ၁၉၆၂ခုနှစ်ကတည်းက တိုင်းပြည်ချောက်ကမ်းပါးထဲမရောက်အောင်ဆိုပြီး အာဏာသိမ်းလိုက်တာ တစ်တိုင်းပြည်လုံးဆင်းရဲမွဲတေပြီး ဖဲဝိုင်းမှာ ဓားထောက်အလုခံရတာထက်တောင် ဆိုးကုန်ပါရောလား။စစ်တပ်ရဲ့သဘောဟာ နိုင်ဖို့အဓိကဗျ။မနိုင်နိုင်အောင် လုပ်တတ်တာ စစ်တပ်၊ စစ်တပ်ခေါင်းဆောင်တွေ ထင်ရာစိုင်းနိုင်အောင် မြန်မာ့ဆိုရှယ်လစ်လမ်းစဉ်ပါတီဆိုတာကြီးကိုိ ထောင်တယ်။

တပါတီအာဏာ ရှင်စံနစ်နဲ့ ဥာဏ်အမျှော်အမြင်နည်းစွာ အုပ်ချုပ်ခဲ့တယ်။ဘာတဲ့ အဲဒီခေတ်က ဝန်ကြီးတစ်ပါးဟာ အညာဘက် ရောက်တုန်း ထန်းလျက် ခဲဖြူဖြူလေးတွေကိုလည်းတွေ့ရော တယ်မျိုးကောင်းပါလား။ နောင်နှစ်အတွက် မျိုးချန်ထားလိုက်ကြဆိုပြီး လမ်းညွန်မိန့်ကြားသတဲ့။ ဒီတိုင်းပြည်မှမမွဲရင် ဘယ်တိုင်းပြည်မွဲမတုန်းဗျာ။နဖူးကချွေး ခြေမကျအောင် ရှာဖွေစုဆောင်းထားရတဲ့ ငွေတွေကို တရားမဝင်ငွေစက္ကူ ဆိုပြီး ကြေညာတယ်။အဲဒါ ပြည်သူလူထုပိုက်ဆံကို ဓားထောက် လုတာပေါ့။သေနတ်ပြ လုတာပေါ့ဗျာ။လူထုက မကျေနပ်လို့ ဆူမယ်ကြံတော့ သေနတ်ဆိုတာ မိုးပေါ်ထောင်မပစ်ဘူး။ တည့်တည့်ပစ်တယ်လုပ်ပြန်ရော။၁၉၈၈ခုနှစ်မှာ  တပြည်လုံးအုံးကြွ လာပြန်တော့ နိုင်ငံတော်ငြိမ် ဝပ်ပိပြားမှုတည်ဆောက်ရေးအဖွဲ့ဆိုပြီး ဒိုင်းဝန်ထက်ကဲတဲ့ မောင်ပုလဲတွေတက်လာပြန်တယ်။ စစ်သား ဆိုတာဘာမဆိုလုပ်တတ်တယ် ဆိုပြီးထင်တိုင်းကြဲလိုက်ကြတာ မြေပေါ် မြေအောက်၊ရေပေါ်ရေအောက် သယံဇာတတွေ တက်တက် စင်အောင်ပြောင်တဲ့အပြင် ဗမာလူထုရဲ့စိတ်ဓာတ်တွေကိုပါ ညံ့ဖျင်း သေးသိမ်အောင်လုပ်ပစ်ကြပြန်ရော။ အမယ်ရွှေကိုယ်တော် တွေက ငြိပ်ပိကနေ အေးချမ်းသာယာရေးနှင့် ဖွံ့ဖြိုရေးကောင်စီဆိုပြီး လူမပြောင်းပဲ ဆိုင်းဘုတ်ပြောင်းကြပြန်တယ်။ ကိုသာဆိုးပါပဲ။

တည်ဆောက်ပြုပြင် မြန်ပြည်တခွင်တဲ့။ ဆောက်လိုက်တဲ့ လမ်းတံတားတွေ၊အဆောက်အဦတွေ၊ ချလိုက်တဲ့စီမံကိန်း ဘာတစ်ခုမှ အရာမထင်ဘူး။ ဘယ်အရာထင်မလဲဗျာ။ စစ်တပ်ဆိုတာ တိုင်းပြည်ကာကွယ်ရေးတာဝန်ကိုသာ ဂုဏ်သိက္ခာရှိရှိ ထမ်းဆောင်နေရမှာ၊ တိုင်းပြည်တည်ဆောက်ရေးထူထောင် ရေးဆိုတာ တကယ်တမ်း တတ်ကျွမ်းနားလည်တဲ့ ပညာရှင်တွေက ဦးဆောင်ရမှာ။ဖြစ်ပုံများ မီးရထားလက်မှတ် တန်းစီတဲ့နေရာတောင် စစ်တပ်သြဇာမကင်းခဲ့ဘူး။အဆိုးဆုံးအချက်ကတော့ တိုင်းပြည်တိုးတက်ကြီးပွားအောင် လုပ်နေပါတယ်၊ပြည်ထောင်စုကြီးမပြိုကွဲရေး၊အချုပ်အခြာအာဏာတည်တန့်ခိုင်မြဲရေး ဆိုတဲ့ ခေါင်းစဉ်တွေတပ်ပြီး ခါးတောင်းကျိုက် တစ်ခြားဖင်တစ်ခြား ကိုယ်ကျိုးစီးပွားချည်း နင်းကန်ရှာခဲ့ကြပါပဲ။အမယ်၊အတိုက်အခံ ခေါင်းဆောင်ဒေါ်အောင်ဆန်းစုကြည်ကို နှိပ်ကွပ်ဖို့ ကျတော့ မောင်နဲ့နှမ သားနဲ့အမိမကြားဝံ့ မနာသာ ဆဲဆိုသံတွေကို မြန်မာ့အသံနဲ့ ရုပ်မြင်သံကြားတွေကနေ ထုတ်လွှင့်တတ်သဗျာ"

ကိုသက်ခိုင်ကား ဘယ်အချိန်ကမျိုသိပ်ထားသည်မသိလေသော အောင့်လုံးများဆက်တိုက်ပေါက်ကွဲနေလေရာ ကျနော်က သူစိတ်ပြေလို ပြေငြားလေပြေထိုးလိုက်ရပြန်သည်။သို့သော် သူသည်တစ်စုံတစ်ခုကို မကျေမနပ်ဖြစ်နေလေဟန်ဆက်လက်ပေါက်ကွဲနေပြန်၏။ ကိစ္စ ရပ်တစ်ခုခေါင်းစဉ်တစ်ခုပေါ်တွင် သူအာရုံကျပြီဆိုလျှင် စကားအမျှင်မပြတ်တတ်ခြင်းသည်ပင် ကိုသက်ခိုင်၏စရိုက်ဖြစ်လေသည်။
"အခုတော့ခေတ်ပြောင်းနေပြီ မဟုတ်လားဗျာ။ပြည်သူက ရွေးကောက်တဲ့သမ္မတနဲ့လွှတ်တော်အဆင့်ဆင့်နဲ့လုပ်ကိုင်နေကြပြီမဟုတ် လား"
"တော်ပါတော့ကိုယ့်ဆရာရယ်။အဲဒီသမ္မတနဲ့ လွှတ်တော်ဟာ ဘယ်ကလာသလဲ။တကယ်တော့ကြံ့ခိုင်ဖွံ့ဖြိုးရေးဆိုတာ စစ်တပ်က အခိုင် အမာကျောထောက်နောက်ခံပေးထားတဲ့အဖွဲ့၊အမတ်အများစုကလည်း စစ်တပ်ကနေအသွင်ပြောင်းလာကြတာ။တိုတိုပြောရရင် ဗမာ ပြည်တစ်ပြည်လုံးမှာ စစ်တပ်ဟာထင်တိုင်းကြဲနေနိုင်တုန်းပါပဲ။လက်ရှိအခြေခံဥပဒေဟာ ပြည်သူလူထုသိန်းချီသေရတဲ့ နာဂစ်ကာလမှာ ဇွတ်အတင်းအဓမ္မပြဋ္ဌာန်းခဲ့တာမို့ နဂိုကတည်းက အတိတ်နိမိတ်မကောင်းခဲ့ပါဘူး။

ကျနော်ဟာ သဘောထားတင်းမာသူအဆိုးမြင် တတ်သူ စာရင်းမှာမပါပါဘူး။ဘာဘဲဖြစ်ဖြစ် တို့တိုင်းပြည်မကြာခင်တစ်နေ့ ကောင်းစားလာတော့မှာလို့ ယုံကြည်နေတဲ့သူပါ။ ဒီရက်ပိုင်း တော့ ဗမာပြည်ရှေ့ရေးနဲ့ပတ်သက်ပြီး ကျနော့်အတွေးအမြင်နဲ့ခံယူချက်ဟာ အဖြူဘက်ကနေ အမဲဘက်ကို လုံးလုံးပြောင်းသွားခဲ့ပါပြီ။ ၅၉(စ)ကိုမပြင်ဖို့သေချာသွားပြီ။ဒီမိုကရေစီဆိုတာကို လူထုက စာလုံးပေါင်းတောင်မှန်အောင်မပေါင်းတတ်သေးခင်လွှတ်တော်မှာ ပီအာ စံနစ်ကျင့်သုံးဖို့မဲခွဲတာအနိုင်ရပြန်သတဲ့။တိုင်းတစ်ပါးမှာ မျက်နှာငယ်ငယ်နဲ့ အသက်ကိုဖက်နဲ့ထုတ်ပြီး ရင်တမမတကြောင့်ကျကျ နေရတဲ့ အလုပ်သမားတွေကို ကာကွယ်စောင့်ရှောက်မဲ့ ဥပဒေပြုရေးအဆိုကို လွှတ်တော်က ပယ်ချသတဲ့။အုတ်နံရံပိပြီး မရှုမလှ သေခဲ့ကြပေမဲ့ အသံထွက် မငိုရဲ၊နစ်နာကြေးလျော်ကြေးတစ်ပြားတစ်ချပ်မှမရတဲ့ကလေးမလေးတွေရဲ့ အဖြစ်ဆိုးမျိုးတွေကို ခင်ဗျားတို့ကျနော်တို့ ဆက်ပြီးကြားနေမြင်နေကြရအုံးမှာပါပဲ။

 နောက်ဆုံးကျော်မကောင်းကြားမကောင်းဗျာ။ တာမွေနတ်ချောင်းရပ်ကွက် မဟာသန္တိသုခ ဘုန်းတော်ကြီး ကျောင်းကို ညကြီးအချိန်မတော်၊ရုပ်ပျက်ဆင်းပျက်ဝင်စီးပြီး ဘုန်းကြီးရဟန်းတွေကောလူတွေပါ စွတ်ဖမ်း၊လူဝတ်လဲ အင်းစိန်ထောင်ပို့ကြပြန်သတဲ့။ ဒီကိစ္စရပ် အားလုံးရဲ့ အဓိကလက်သည်ဟာ ဗမာပြည်မှာခေတ်စားနေဆဲဖြစ်တဲ့ စစ်ဝါဒစံနစ်ဆိုးကြီး ပါပဲ။ဗမာပြည်ရှေ့ရေးကိုတော့ ကျနော်တော်တော့်ကို ရင်လေးသွားပြီ။အနှစ်ငါးဆယ်ကျော် အမြစ်တွယ်လာခဲ့တဲ့ ဒီစံနစ်ဆိုးကြီးကို လေးငါးနှစ်အတွင်း ဖြတ်ကျော်နိုင်မယ်လို့ တွေးမိခဲ့တာ ကျနော့်ညံ့ချက်ပါပဲ။ရွှေပြည်တော်မျှော်တိုင်းဝေးခဲ့ပြီဆိုပါတော့"
"ကဲပါကိုသက်ခိုင်ရယ်။ထိုင်းနိုင်ငံရဲ့စစ်တပ်ဘက်လှည့်ပါအုံးဗျာ"

"အော် ခက်ပါဘိတော့ ကိုမင်းဒင်ရယ်၊ အရိပ်ပြတာတောင် အကောင်မထင်ပါကလား။အခုထိုင်းစစ်တပ်က အာဏာသိမ်းပြီး ဖွဲ့စည်း လိုက်တဲ့ အဖွဲ့နာမည်လေးဘာလေး လေ့လာပါအုံးတော့လား။နိုင်ငံတော်ငြိမ်ဝပ်ပိပြားရေးနှင့်အေးချမ်းသာယာရေးကောင်စီ(National Council for Peace and Order)တဲ့ခင်ဗျ"
"အမယ်၊နာမည်ကတော့ ဟုတ်နေပါပြီ။လုပ်ပုံကိုင်ပုံတူရင်တော့ ကိုယ်ကျိုးနည်းကြတော့မယ်ထင်ပါရဲ့"
"ထိုင်းစစ်တပ်ဟာ အာဏာသိမ်းတဲ့နေရာမှာ စံချိန်ချိုးခဲ့တဲ့စစ်တပ်ပါ။သို့သော် ယခင့်ယခင်အာဏာသိမ်းမှုတွေမှာ ထိုင်းစစ်တပ်ဟာ စစ်တပ်အလုပ်ကိုပဲ လုပ်ခဲ့တာတွေ့ရတယ်။ဒါပေမဲ့ ဒီတစ်ခါတော့ နည်းနည်းဆန်းနေတယ်ထင်မိတယ်။ပထမဆုံး လူထုဆက်သွယ်ရေး ကွန်ယက်တွေကိုပိတ်တယ်။လူငါးယောက်ထက်ပိုမစုရဘူး။ကာဖျူးထုတ်တယ်။ဖေ့စ်ဘွတ်တောင်တစ်နာရီဆိုလား ပိတ်ခဲ့သေးတယ်။ ထိုင်းစစ်တပ်ရဲ့ ထုံးစံကနေကွဲထွက်ပြီး ဆန်းပြားတဲ့လုပ်ရပ်တစ်ချို့ကြောင့် ထိုင်းပြည်သူအတော်များများ နားရွက်ထောင်ကုန်တာတော့ အမှန်ပဲဗျာ။ထိုင်းမှာနိုင်ငံရေးအကြပ်အတည်းကြောင့် ဗမာရွေ့ပြောင်းအလုပ်သမားတွေ ပတ်စပို့သက်တမ်းတိုးတဲ့ကိစ္စတွေ မလုပ်သာ မကိုင်သာ ဖြစ်နေတာကိုသိပါလျက်နဲ့ မဲဆောက်နဲ့ ချင်းမိုင်အပြင်ထိုင်းတနိုင်ငံလုံးမှာ ဗမာအလုပ်သမားတွေကို စစ်ဆင်ရေးတစ်ခုလို လုပ်ပြီးဖမ်းတယ်"
"နေပါအုံးကိုသက်ခိုင်။ ပတ္တယား၊ဖူးခက်နဲ့ ကော့စမွေလိုနေရာတွေမှာတော့ ကာဖျူးကိုလုံးလုံးရုပ်ပေးလိုက်ပြီမဟုတ်လား"

"အဲဒါက ဝင်ငွေသောက်သောက်လဲရနေတဲ့ နေရာတွေမို့ပါဗျာ။ထိုင်းတနိုင်ငံလုံးကိုလည်း ကာဖျူးမိန့်မကြာခင်ရုပ်သိမ်းပါလိမ့်မယ်။ သိပ်လည်းအကောင်းမြင်တာမစောပါနဲ့အုံး။ကျနော့်အယူအဆကတော့ ဘယ်တိုင်းပြည်မှာဖြစ်ဖြစ် အာဏာသိမ်းတယ်ဆိုတဲ့ ကိစ္စဟာ ကောင်းကျိုးထက်ဆိုးကျိုးဖြစ်ဖို့သာများပါတယ်။အာဏာသိမ်းတဲ့စစ်တပ် တိုင်းအကြောင်းပြတာ၊အသံကောင်းဟစ်တာကတော့ အမျိုး သားရေး၊တိုင်းပြည်တည်ငြိမ်ဖွံ့ဖြိုးရေးပါပဲ။ဒါပေမဲ့တဆက်တည်းဆိုသလို ကိုယ့်အုပ်စုအကျိုး ပါလာတယ်။ကိုယ်ကျိုးပါလာတယ်။ စစ်တပ်ဆိုတာ ဘာမဆိုလုပ်တတ်ကြောင်း၊လုပ်နိုင်ကြောင်းပြချင်တော့၊ ထင်ရာ မြင်ရာစီမံကိန်းမျိုးစုံကို အမျှော်အမြင်မရှိပဲ ထင်ရာစိုင်း လုပ်တတ်တယ်။ အခုပဲကြည့်ဗျာ။သက်ဆင်ရဲ့ညီမ၊ဝန်ကြီးချုပ်ယင်လပ် လက်ထက်က အကြပ်ရိုက်ခဲ့တဲ့

လယ်သမားတွေကိုပေးရမဲ့ စပါးကြွေးတွေကို နိုင်ငံတော်ဘဏ္ဍာငွေထဲကနေ ရက်ပိုင်းအတွင်း ထိုးဆပ်တယ်။ ထိုင်းနိုင်ငံရဲ့အနာဂတ်အတွက် အရံလောင်စာ အဖြစ် ထားတဲ့ ထိုင်းကမ်းလွန် ရေနံလုပ်ကွက်တွေအတွက် နိုင်ငံတစ်ကာကိုတင်ဒါခေါ်ပြီး တူးဖော်ခွင့်ပေးတော့မဲ့အသံတွေ ထွက်လာတယ်။ သေချာစဉ်းစားကြည့်ရင် ဒီစီမံကိန်းတွေကို အကောင်အထည်ဖော်ဖို့ စိုင်းပြင်းလာတာဟာ တကယ်တမ်းထိုင်းနိုင်ငံကြီးကို စည်ပင်ဝ ပြောစေချင်တာလား။ သက်ဆင်ရှင်နာဝပ်တို့လက်ဝါးကြီးအုပ်ထားတဲ့ ပေါ်ထော်ထော် (PTT, Petroleum AuThority of Thailand)ကို အဓိကထားပြီး ထိုးနှက်ချင်တာလား မကွဲပြားလှဘူးဗျာ။ပေါ်ထော်ထော်ဟာ တကမ္ဘာလုံးမှာ အဆင့်(၈၁)ရှိတဲ့စွမ်းအင် ကုမ္ပဏီ၊ အစုရှယ်ယာအများစုကို သက်ဆင် အုပ်စုက ပိုင်ထားတာတဲ့။ထိုင်းနိုင်ငံဟာ ဗမာပြည် က ဓာတ်ငွေ့နဲ့ရေနံကိုအားထားနေခဲ့တာမို့၊ ဒီခြေလှမ်းအတိုင်းဆို ထိုင်းနိုင်ငံရဲ့နိုင်ငံရေး အလှည့်အပြောင်းဟာ ဗမာပြည်ကိုတစ်နည်း မဟုတ် တစ်နည်း ရိုက်ခတ်လာနိုင်တာ အမှန်ပဲ။ကဲ၊ဒီလောက်ဆိုခင်ဗျားလည်းနားညည်းလောက်ရောပေါ့။ကျနော်လည်း ဗိုက်ဆာလှပြီ"

တိုက်တိုက်ဆိုင်ဆိုင်ပင် ထမင်းစားခန်းမှာ နေ့လည်စာပြင်ဆင်နေသော ဂျိုးတစ်ယောက် လူကြီးမင်းများနေ့လည်စာသုံးဆောင်ရန် အဆင်သင့်ဖြစ်နေပါကြောင်း မျက်နှာရိပ်မျက်နှာကဲဖြင့် အချက်လှမ်းပြနေသည်။အလိုက်သိသော၊အားကိုးရသော ဂျိုးပေတကား။ ကျနော်တို့သုံးဦးသား ထမင်းစားပွဲ၌ထိုင်ချိန်တွင်ကား ကြက်သားချဉ်စော်ခါး၊သီးစုံပဲကုလားဟင်းနှင့် ဟင်းလက်ကျန်ဘာလချောင်ကြော် တို့မှာ အလွန်အဖက်ညီလှလေရာ မမေ့နိုင်စရာ ထမင်းတစ်နပ်ဖြစ်လေ၏။ထမင်းဝိုင်းအစမှာပင် ကျနော်နှင့်ကိုသက်ခိုင်တို့၏ စကားဝိုင်းမှ ဝေးရာတွင် စီးကရက်တစ်ဗူးနှင့်ဇိမ်ကျနေခဲ့သော ဂျိုးထံမှ အသံထွက်လာပြန်သည်။

"ဟိုတစ်လောကတင် ကျနော့်ဟိုတယ်ကို နရစွမ်ရုပ်ရှင်ထဲက နရစွမ်ဘုရင်ကြီးအဖြစ် သရုပ်ဆောင်တဲ့မင်းသား၊ သူ့မိသားစုနဲ့ လာတည်း သွားသေးတယ် ကိုသက်ခိုင်။ကိုမင်းဒင် နရစွမ်ရုပ်ရှင်ကို ကြည့်ဖူးတယ်မဟုတ်လား"
ထိုင်းနိုင်ငံ၏ဇာတိဂုဏ်၊လူမျိုးဂုဏ်ကိုမြှင့်တင်ရန် ရည်ရွယ်၍ ရိုက်ကူးထုတ်လုပ်ခဲ့သော နရစွမ်ဘုရင်အကြောင်း(The Legend of King Naresuan ဇာတ်လမ်းတွဲ) ရုပ်ရှင်ကားကြီးမှာ အလွန်နာမည်ကျော်ပါသည်။အဆိုပါဇာတ်ကားကို ထိုင်းနှင့်နိုင်ငံတစ်ကာ အဆင့်မီဒါရိုက်တာများက အပိုင်းငါးပိုင်းခွဲ၍ ခုနစ်နှစ်နီးပါး အချိန်ယူ ရိုက်ကူးဖန်တီးခဲ့သည်။ဗိရှနိုးလွတ်မြို့အနီး ဧရာမမြေ ကွက်လပ်ကြီးတွင် ဒုတိယမြန်မာနိုင်ငံကိုထူထောင်သူ ဘုရင့်နောင်မင်းတရား ကြီး၏လက်ထက်၊ဟံသာဝတီခေတ်နှင့်ခေတ်ပြိုင် ပုံစံတူရှေးဟောင်းမြို့တစ်မြို့ကို ဆက်တင်အဖြစ်တည်ဆောက်ကာ ကြီးကျယ်ခမ်းနား စွာရိုက်ကူးထား လေရာ ဗမာ့ဇာတိမာန်ရုပ်ရှင်ကား ကျန်စစ်မင်းနှင့်နှိုင်းစာသော် ဇီးစေ့နှင့်မြင့်မိုရ်တောင်ဟုပင် လွန်လွန်ကဲကဲ ဆိုလောက် သည်။ထိုမျှ ကြီးကျယ်ခမ်းနားစေရန်လည်း ထိုင်းတစ်နိုင်ငံလုံးရှိဘဏ်များ၊စီးပွားရေးကုမ္ပဏီကြီးများနှင့် အစိုးရကိုယ်တိုင် ငွေကြေး အလုံးအရင်း ထောက်ပံ့ခဲ့ကြသည်။

ရုပ်ရှင်၏သဘောသဘာဝအရ ဟုတ်သည်လည်းရှိ၊ မဟုတ်သည်လည်းရှိ၊ အမှန်အမှား မကွဲပြားသော ဇာတ်ကွက်တို့သည် ငွေကိုရေလိုသုံးကာ ဖန်တီးနိုင်လေသောကြောင့် ထိုရုပ်ရှင်ကိုကြည့်မိသမျှ ထိုင်းလူမျိုးတို့၏စိတ်တွင် ဇာတိမာန် တလူလူဖြစ်ကာ ဗမာလူမျိုးတို့ကို နာကျည်းမုန်းတီးမှုဖြစ်စေခဲ့လေသည်။ခြွင်းချက်အဖြစ် ဘုရင့်နောင်မင်းတရားကြီးကိုမူ စိတ်သဘော ထားကြီးမြတ်သူ အဖြစ် ပုံဖော်ထားလေသည်။စင်စစ်ထိုင်းနိုင်ငံမှာ သမိုင်းတလျှောက် ဗမာဘုရင်၏သစ္စာတော်ခံ ပဏ္ဍာဆက်နိုင်ငံငယ် အဆင့်သာ ရှိခဲ့သော်ငြား ဗမာ့တပ်မတော်၏ နှစ်ပေါင်းငါးဆယ်ကျော်စီမံခန့်ခွဲမှုအမှားများကြောင့် လက်ရှိကာလတွင် မှန်ကင်းအစစ်မှ ထင်းဖြစ်နေရလေရာ ဗမာပြည်တွင် စစ်ဝါဒကြီးမချုပ်ငြိမ်းနိုင်သေးခြင်းအပေါ် ကိုသက်ခိုင် ပြင်းထန်စွာ စိတ်ပျက် စက်ဆုတ်နေခြင်း နှင့်ပတ်သက်၍ ကျနော်အပြစ်မမြင်မိချေ။

"နရစွမ်ရုပ်ရှင်အကြောင်းတော့ မပြောပါနဲ့တော့ဂျိုးရာ၊ နဂိုကမှ ထိုင်းပုလိပ်တွေကိုကြောက်ပြီး နေစရာမရှိရတဲ့အထဲ၊နရစွမ်ရုပ်ရှင်ကြောင့် ဘယ်ထိုင်းလူမျိုးရဲ့မျက်နှာကိုမှ မကြည့်ရဲအောင်  ဖြစ်ကုန်ပါပြီမောင်ရာ။
"အမှန်ပဲကိုမင်းဒင်။စကားမစပ် အခုပါတောင်ကမ်းခြေမှာ ဖွင့်ထားတဲ့ဗီယက်နမ်လူမျိုးတွေရဲ့ဆိုင် တော်တော်များများ ပိတ်ကုန်ပြီ။ ထိုင်း နိုင်ငံမှာလာပြီး အခြေချစီးပွားရှာနေတဲ့ ဗီယက်နမ်လူမျိုး တော်တော်များများကို ဗီဇာသက်တမ်း တိုးမပေးတော့ဘူးတဲ့ခင်ဗျ။ ဗီယက်နမ် တွေပြီးရင်  ဗမာတွေအလှည့်များရောက်လာလေမလားဗျာ"
ဂျိုး၏စကားအဆုံးတွင် သက်ပြင်းရှည်ကြီးချရင်း ကျနော်ညည်းတွားမိသည်။အစပ်အဟပ် လိုက်ဖက်လှပါသည်ဆိုသော ထမင်းဝိုင်းသည် အရသာ ပေါ့ပျက်ပျက်ဖြစ်သွားသယောင်  ခံစားရသည်။
"အင်း၊ကိုသက်ခိုင်ပြောတဲ့ အမျိုးသားရေးခေါင်းစဉ်နဲ့တော့ ကွက်တိပါပဲဗျာ"
ကျနော့်ညည်းညူသံကို ကိုသက်ခိုင်က ခပ်ရွှင်ရွှင်မျက်နှာပေးဖြင့်တုန့်ပြန်၏။
"ပါတောင်ကမ်းခြေဆိုလို့ ရယ်စရာတစ်ခုပြောရအုံးမယ်။ဖြစ်ရပုံများ မှတ်သားလောက်ပါရဲ့။ ဒီလိုဗျ"
(ဆက်လက်ဖော်ပြပါမည်)

၂၆။၀၆။၂၀၁၄နေ့ထုတ် ဆဲဗင်းဒေးနေ့စဉ်သတင်းစာ။

ဆြာဒင်နှင့်တွေးတတ်လွန်းသူ

(မင်းဒင်)

(တစ်)
"ရဟန်းတို့ ထိုသို့ဖြစ်ခြင်းကြောင့် အတိတ် အနာဂတ် ပစ္စုပ္ပန်လည်းဖြစ်သော၊ အတွင်းအပြင်လည်းဖြစ်သော၊ အကြမ်း အနုလည်း ဖြစ်သော၊ အယုတ် အမြတ်လည်း ဖြစ်သော၊ အဝေး အနီးလည်းဖြစ်သော အလုံးစုံသော ရုပ်ကို ဤရုပ်သည် ငါ့ဥစ္စာမဟုတ်၊ ဤရုပ်သည် ငါမဟုတ်၊ ဤရုပ်သည် ငါ၏ကိုယ်အတ္တမဟုတ်ဟု ဤသို့ ဟုတ်တိုင်းမှန်စွာ မှန်ကန်သော ပညာဖြင့် ရှုရမည်"

တောက်ပသောနေခြည်မျှင်တို့ဖြင့်လောကဓာတ်တခွင်ကို လွှမ်းခြုံထားလေသည့် အေးချမ်းကြည်နူးဖွယ်ဖူးခက်မြို့၏တစ်ခုသော နံနက် ခင်းတွင် ဆြာဒင်တစ်ယောက် အနတ္တလက္ခဏသုတ်ပါစာတစ်ပုဒ်ကို နှုတ်တက်ဖွဖွရွတ်ဆိုဆင်ခြင်ရင်း ခရီးဆောင်အိတ်တစ်လုံးနှင့် အလုပ်ရှုပ်နေချိန်ဖြစ်လေ၏။ကမ္ဘာဖလားဘောလုံးပွဲကို ညဥ့်လုံးပေါက်အားပေးထားကြလေသဖြင့် ဖားသူငယ်၏မျက်လုံးကိုယ်စီ၊ ကြောင် တောင်တောင်ငေါင်းစင်းစင်းဖြစ်နေကြသော တပည့်ကျော်တို့ကိုလည်း တရားသဘောကိုဆင်ခြင်နိုင်ရန်အလို့ငှာ သတိပေးစကားဆို လိုက်မိရာ ဆြာနှင့်ဥာဏ်ရည်မတိမ်းမယိမ်းရှိကြကြောင်း ၎င်းတို့၏တုန့်ပြန်စကားတို့က သက်သေခံလျက်ရှိချေ၏။

"တကယ်တော့ ရုပ်တရားကို တဏှာမာနဒိဋ္ဌိဂါဟ တွေနဲ့ မရှုသင့်တာ အမှန်ပဲတပည့်တို့"
"ဟုတ်ပါ့ဆြာဒင်ရာ။အင်္ဂလန်အနိစ္စ၊စပိန်အနိစ္စပါပဲ"
"အီတလီလည်းမမြဲသော သဘောရှိလေရဲ့ဆြာဒင်"
"ကော့စတာရီကာကတော့ နိုင်ချိန်တန်ခဲ့ပြီလို့ဆိုရမယ်ဆြာဒင်ရေ"
အံ့သြကုန်နိုင်ဖွယ်၊အနတ္တလက္ခဏသုတ်ကို ကမ္ဘာ့ဖလားဘောလုံးပွဲနှင့် ဆက်စပ်ဆင်ခြင်နိုင်ကြသူများပေတကား။
“ကဲ၊ကဲ၊မောင်တို့လည်း အဝတ်အစားအိတ်တွေပြင်ကြပေရော့။ရန်ကုန်ကိုပြန်ကြအုံးစို့ရဲ့”
"ဟာ၊ဆြာဒင်၊ဖူးခက်မှာ ဖင်ပူအောင်တောင် မထိုင်ရသေးဘူးနော်။ဆြာဒင်၊တရားသံဝေဂရပြီးတောထွက်ချင်သပဆိုရင်လည်း ကမ္ဘာ့ ဖလား ပွဲပြီးအောင်တော့ဖြင့်စောင့်သင့်တယ်"

"ဖေကြည်ငယ်၊အတော်လျှာရှည်ချေသည်တကား၊ယခုသွားမည့်ခရီးစဉ်ကား မရဏနုဿတိဟုဆိုသော်ရနိုင်ကောင်းလေ၏။ဟာသသရုပ် ဆောင် ကုသိုလ်ခေါ် ဦးမြင့်သိန်းကွယ်လွန်အနိစ္စရောက်ခဲ့ပြီမို့ နောက်ဆုံးခရီးမြေကျအမှီလိုက်ပါပို့ဆောင်သင့်သည်မဟုတ်ပေလော"
"ကုသိုလ်နဲ့ဆြာဒင် ခင်တယ်လို့လည်း တခါမှ မကြားဖူးပါကလား။ဧကန္တနာမည်ကြီး အသုဘမှာ ဇွတ်ဝင်ပြီးနာမည်ကြီးအောင်လုပ်ချင်ပြန် ရော့သလားဆြာဒင်"

"နင့်ပါးစပ်ကိုအမြန်ပိတ်လဟဲ့၊ ငဖေကြည်။သေချင်းတရားဆိုတာ ကြီးငယ်မဟူ အချိန်ကာလမရွေးဆိုက်လာတတ်တာမို့ အသုဘ ကမ္မ ဌာန်းဆိုတာ ကြပ်ကြပ်ကြီးစီးဖြန်းသင့်သကွဲ့။အတူမလိုက်ချင်သပဆိုရင်လည်း ဗမာအလုပ်သမားတွေကို အဖမ်းအဆီးကြမ်းနေတဲ့ ဖူးခက်မှာ ခွေးသေဝက်သေ၊ သေရစ်ခဲ့ကြပေတော့"
ဆြာရင်းမို့၊ကလူကြည်စယ်ကြလေသည့်၊ချစ်လှစွာသောတပည့်များကား ဆြာဒင်၏ဟောက်ဟမ်းသံဆုံးသည်၏နာရီဝက်ခန့်အချိန်အတွင်း ခရီးထွက်ရန်အဆင်သင့်ဖြစ်ကြလေရာ ဘိုးရင်းဂျက်(၇၀၇)လေယာဉ်ခရီးစဉ်ဖြင့် ဖူးခက်လေဆိပ်မှသည် ရန်ကုန်မြို့တော်သို့နာရီပိုင်း အတွင်း ဆိုက်ရောက်ခဲ့ကြပြန်ချေပြီ။

(နှစ်)
သည်တစ်ခေါက်ရောက်သည့် ရန်ကုန်ကား အတန်ငယ်ထူးခြားနေသည်ဟု ဆြာဒင့်စိတ်တွင်ထင်မိလေသော်ငြား အဘယ်သည်ထူးခြား လေသနည်းဟူသည်ကိုမူ ဆြာဒင်ဧကန်ဧကမပြောနိုင်ချေ။ဆြာဒင်၏ထူးခြားလှသော အာရုံခံစားမှုပါရမီဖြင့် အလိုလိုသိနေသည်ကား အမှန်ပင်ဖြစ်ချေသည်။ထိုစဉ် တပည့်ကျော်ဖေကြည်၏ရုတ်တရက်ကောက်ချက်ဆွဲအဖြေထုတ်လိုက်သည့်မှတ်ချက်ကြောင့် ဖေကြည် ခေါ် အာရုံကို ဆြာဒင်အထင်ကြီးလေးစားမိရတော့၏။
“ရန်ကုန်မြို့ကြီးက အရင်နဲ့စာရင် နည်းနည်းသန့်ရှင်းနေသလိုပဲဆြာဒင်ရဲ့”

“ဟုတ်ပါ့ကွာ၊ဆြာက တပည့်အရင်သိနေတာကွ။ရုတ်တရက်ဆိုတော့ ဘာပြောရမှန်းမသိဖြစ်နေတာ”
ဥာဏ်ကြီးသူပီပီ၊အားနည်းချက်ကို အရှက်ပြေဖုံးဖိရင်း ရန်ကုန်မြို့တွင်းသို့ခရီးဆက်ကြပြန်သည်တွင် နေရာအတော်များများ၌ အမှိုက်ပုံး အသစ်တို့ကို တွေ့မြင်ရ၏။နာရေးကူညီမှုအသင်းဝင်တစ်ချို့ကလည်း လမ်းတကာလှည့်၍ ရန်ကုန်မြို့ကြီးကို အမှိုက်ပုံအတွင်းမှ ဆယ်ယူ ရန်လုံးပန်း နေကြချေသည်။လူသာဓုခေါ်နတ်သာဓုခေါ်ရမည့် အရေးပေတကား။

ဆြာဒင်မှာ လာရင်းနာရေးကိစ္စအချိန်မီရန်သာစိတ်စောနေလေသဖြင့် ရန်ကုန်မြို့ကြီးကို လှည့်လည်စစ်ဆေးရန် အချိန်မရလေရာ  ရေဝေးသုဿန်ရှိရာသို့သာ တက္ကစီတစ်စီးဖြင့်တက်သုတ်နှင်ရ၏။ရန်ကုန်မြို့တော်ကြီးသည် ရေဝေးနှင့်နီးလေလေ၊သန့်ရှင်းလာလေလေ ဖြစ်၏။ရေဝေးသုဿန်ဝင်းအတွင်းမှ စည်ပင်ဝန်ထမ်းတို့၏တောက်ပြောင်လှသော ယူနီဖောင်းတို့သည်လည်း သုဘရာဇာပင် ဖြစ်ချင်စိတ် ပေါက်နိုင်ချေ၏။အဝိညာတက အသက်မရှိသော အသုဘရုပ်အလောင်းတို့ကို သိုမှီးရာရေခဲတိုက်သည်ပင်လျှင် နေချင်စဖွယ်ဖြစ်နေခဲ့ပြီ ။နေအိမ်သန့်ရှင်းရမည်၊မြို့ရွာသန့်ရှင်းရမည်။တပြည်လုံးသန့်ပါမှ ကျန်းမာကြမည်ဟူသော ဆောင်ပုဒ်ကား အမှန်ပင်အသက်ဝင်လာခဲ့ လေယောင်တကား။

မြန်မာပြည်သူတို့၏နှလုံးအိမ်ကိုရွှင်ပြုံးစေခဲ့သော ဟာသသရုပ်ဆောင်ကုသိုလ်ခေါ် ဦးမြင့်သိန်းကား သေပန်းပွင့်သူတည်း။သူရယ် စေခဲ့ သော သူ့ပရိသတ်သည် သူ့ကိုနှမြောတသလျက်ငိုယိုနှုတ်ဆက်လျက်ရှိကုန်၏။သူ့ရုပ်ကလာပ်ကိုသယ်ဆောင်လာသည့် အလျူမီနီယမ် ထော်လီသည် ဝင်းဝင်းတောက်အရောင်လက်လျက်ရှိ၏။သူနောက်ဆုံးလဲလျောင်းရာ စင်မြင့်သည် သန့်ရှင်းတောက်ပြောင်လျက်ရှိ၏။ ဆြာဒင်သည် ကုသိုလ်ခေါ်ဦးမြင့်သိန်းအား ကြေကွဲဝမ်းနည်းစွာဖြင့် ဦးညွတ်နှုတ်ဆက်လိုက်မိချိန်တွင် ဆြာဒင့်စိတ်အစဉ်တွင်ကျေးဇူးတင် ထိုက်သူများသည် အစီအရီပေါ်လာခဲ့ချေသည်။ရန်ကုန်မြို့ကြီးကိုရေဝေးသုဿန်ပါမကျန် သန့်ရှင်းစေသူများကား သူတို့မှတစ်ပါး အခြား သူမရှိနိုင်။မကြာသေးမီက သတင်းစကားများအရ ရန်ကုန်မြို့ကြီးတွင် မိမိတို့စေတနာအလျောက်တာဝန်သိစွာ အမှိုက်ကောက်ပေး မည့်အရေးသော်မှ တားမြစ်ခံခဲ့ကြရသေးချေသည်ဟူ၏။

(သုံး)
“ဟယ်လို၊နာရေးဥက္ကကြီး ကျုပ်ဆြာဒင်ပါဗျ”
“ဟုတ်ကဲ့ဆြာဒင် ဘယ်ကိုကားလွှတ်ပေးလိုက်ရမလဲဗျာ”
“အော်၊ကိုရင်ကလည်း ဖုန်းကိုင်တာနဲ့ကားလွှတ်ဖို့ချည်းစိတ်ကူးနေတော့သကိုး။အေးဗျာ၊ရန်ကုန်မြို့ကြီးသန့်ရှင်းစပြုနေပြီမို့ကျေးဇူးတင် လွန်းလို့ ဖုန်းဆက်ပြီး အပလီဆိတ်(Appreciate)လုပ်လိုက်တာပါ”
“အော်၊အဲဒီကိစ္စက ကျနော်တို့ အနည်းအကျဉ်းပဲလုပ်နိုင်သေးတာပါဗျာ။တစ်နိုင်တစ်ပိုင်ဆိုပါတော့။တဖြည်းဖြည်းတော့အရှိန်မြှင့်ယူရ မယ်လေ”
“ဘာဘဲဖြစ်ဖြစ်ဗျာ။ရေဝေးလိုနေရာမျိုးအထိ သန့်နေအောင်လုပ်နိုင်တာကိုတော့ အရမ်းအရမ်းကိုအားရမိတယ်”

“အာ၊ဆြာဒင်တစ်ခုခုတော့လွဲနေပြီထင်တယ်နော်။ရေဝေးကိုသန့်အောင် ကျနော်တို့လုပ်တာမဟုတ်ဘူးဗျ။ကျေးဇူးတင်ချင်ရင် မြို့တော် စည်ပင်ကို ကျေးဇူးတင်ပေရော့”
သူတော်ကောင်းရင့်မကြီးတို့မည်သည် အချောင်နာမည်ကြီးလိုသူတို့၏စာရင်းတွင်မပါဝင်လေရကား ဆြာဒင့်မှာ ဧကန်ဂုဏ်ပြုထိုက်သူထံ ဆက်သွယ်၍ ဝမ်းမြောက်ချီးမွမ်းစကားဆိုရပြန်သည်။
“ဟယ်လို၊မြို့တော်ဝန်ကြီး၊မင်္ဂလာပါခင်ဗျာ”
“ပြောပါကိုယ့်လူ။ဒီမှာတင်ဒါအစည်းအဝေးလုပ်နေလို့တိုတိုနဲ့လိုရင်းပြောပါ”
“ကျုပ်က ဖူးခက်မှာနေတဲ့ဆြာဒင်ပါဗျ။မြို့တော်ဝန်ကြီးရဲ့အားသွန်ခွန်စိုက်ကြိုးပမ်းချက်တွေကိုတော့ လွှတ်သဘောကျနေပြီ”
“ခင်ဗျားပြောနေတာ ကျနော်နားမရှင်းဘူး”
“အော်၊ရေဝေးသုဿန်လိုနေရာမျိုးမှာ အံ့မခန်းသန့်ရှင်းတောက်ပြောင်နေတာမို့ ဂုဏ်ပြုထိုက်သူကိုဂုဏ်ပြုစကားဆိုတာပါခင်ဗျာ”

“ခင်ဗျားတစ်ခုခုမှားနေပြီဗျ။ ရေဝေးကိုသန့်ရှင်းရေးလုပ်ခိုင်းတာ တိုင်းဝန်ကြီးချုပ်။ကျုပ်တို့က သူခိုင်းသမျှလိုက်လုပ်ပေးရုံပဲ”
“အော် ဟုတ်ကဲ့ ဟုတ်ကဲ့။ ဘာဘဲဖြစ်ဖြစ် ကျေးဇူးတင်ပါတယ်လေ။စကားးမစပ် မြို့တော်ဝန်ကြီးလည်း စည်ပင်တင်ဒါတွေနဲ့ အတော့်ကို အလုပ်ဖြစ်နေပြီကြားမိတယ်။အစားမတော်သိန်းတစ်ရာတဲ့နော်။ကုသိုလ်ရေးမှာအားထည့်တာလည်း ဘုရားကုတစ်မျိုးပေါ့ဗျ။ရမည်းသင်း ထောင်နဲ့ဝေးပါစေလို့ဆုတောင်းပါတယ်ခင်ဗျာ”
အလိုက်ကန်းဆိုးမသိလျှာရှည်နေသော ဆြာဒင့်စကားမဆုံးမီ၊ဂွတ်ကနဲမြည်အောင်ဖုန်းချသွားသည်တွင်ဆြာဒင်မှာ နဝေတိမ်တောင် ဖြစ်ရပြန်ချေပြီ။ဗမာပြည်ကြီးတွင်ချီးမွမ်းစကားဆိုခြင်းကိုပင် လက်ခံနိုင်သူရှားနေလေပြီလော။နိုင်ငံ့ဝန်ထမ်းဟူသည် ကျရာတာဝန် ထမ်း ဆောင်ခြင်းအပေါ်ချီးကျူးစကားဆိုရန်ပင် မလိုအပ်တော့သည့်ခေတ် သို့ပင်ရောက်နေလေရော့သလား အတွေးပွားရ၏။ သေချာသည် ထက်သေချာစေရန် ရန်ကုန်တိုင်းဝန်ကြီးချုပ်၏ တယ်လီဖုန်းနံပါတ်ကိုလှည့်မိပြန်သည်။

“အရမ်းအရမ်းကိုလေးစားတယ်ဝန်ကြီးချုပ်ရာ။ ရန်ကုန်မြို့ကြီးလိုနေရာမှာ ရေဝေးသုဿန်ကအစ သန့်ရှင်းတောက်ပြောင်နေတာ က တော့ မချီးကျူးပဲမနေနိုင်လို့ပါ။ဒီပုံအတိုင်းသာဆို စင်္ကာပူကိုမှီဖို့ သိပ်မလိုတော့ပါဘူး”
“ရပါတယ်ဗျာ။ကျနော်တို့အစိုးရက ပြည်သူတွေကို အမြဲအလိုလိုက်နေတဲ့အစိုးရပါ”
“ကျေးဇူးကြီးလှပါတယ်ဝန်ကြီးချုပ်ခင်ဗျာ။ဝန်ကြီးချုပ်နဲ့မြို့တော်ဝန်ကြီးရဲ့ စိတ်ရင်းစေတနာကို မသိကြလေရော့သလား။ သမ္မတရုံးမှာ တော့ တိုင်စာတွေသောင်းချီပြီးရောက်နေတာလည်းကြားမိတယ်ဗျ။နည်းနည်းပါးပါးစားတာလောက်တော့ နားလည်မှုရှိသင့်ပါတယ်ဗျာ။ အခုလိုပြုလိုက်တဲ့ ကုသိုလ်ကံစေတနာကြောင့်တိုင်စာတောစာတွေဘေးက ဝေးပါစေဗျား”

(လေး)
ဆြာဒင်တစ်ယောက်ဟန်းဖုန်းတစ်လုံးနှင့်အလုပ်ရှုပ်နေချိန်တွင် အသံပြာကြီးနှင့် ရုပ်ချည်းဘွားကနဲပေါ်လာသသူကား ရန်ကုန်မြို့နေ ဓာတ်ဆရာကြီးဆရာသိုက်ဖြစ်ချေ၏။သူကား ယခင့်ယခင်က ပြည်ပမီဒီယာကြီးတစ်ခုတွင် အယ်ဒစ်တင်းပညာရှင်ဖြစ်ခဲ့သည့်နည်းတူ ယခုအခါ၊ဝါသနာအလျောက် ဓာတ်ရှင်ဓာတ်သေတို့ကို ဖန်တီးကာ ဖေ့စ်ဘွတ်တွင် အချိန်ဖြုန်းနေလေ့ရှိသူတည်း။ ဆြာဒင့်ရောင်းရင်း ကြီးဆရာသိုက်၏ရုပ်သွင်ကား သွားလေသူ သင်္ကြန် မင်းသားကြီးဇော်ဝမ်းကို သတိရ စရာကောင်းလှပါ၏။
“ဒီဆြာတပည့်တွေ၊ဘာတွေအလုပ်ရှုပ်နေကြသတုန်း”
“အော်၊ကမင်းသိုက်ကြီးပါကလား။ရှေးကနည်းမတူ တမူထူးနေတဲ့ မြို့ကြီးနဲ့တကယ်တူစပြုလာတဲ့ သန့်ရှင်းတောက်ပြောင်သော ရန်ကုန်မြို့ကြီးကို ကြည့်ရှုပြီးသကာလ ကျေးဇူးတင်ထိုက်သူတွေကို ကျေးဇူးတင်နေတာပေါ့မောင်ရယ်။တိုင်းဝန်ကြီးချုပ်၊ မြို့တော်ဝန်၊ နာရေးဥက္ကဋ္ဌကြီး အစရှိသည်ဖြင့်ပေါ့”

“အာ၊ဒီဆြာတပည့်တွေ ဖူးခက်ကနေ၊ရန်ကုန်ကို မအူမလည်ရောက်လာပြီး အူကြောင်ကြောင်လျှောက်လုပ်နေကြပါရော့လား။ မသေ မချင်း မှတ်ထားဗျ။ အခုရေဝေးသုဿန်သန့်ရှင်းနေတာ ကာကွယ်ရေးဦးစီးချုပ်ရဲ့ ယောက္ခကြီးအနိစ္စသဘောနဲ့ ဖျတ်ကနဲ ရှော သွားရှာလို့ တာဝန် သိလူကြီးမင်းများက ဝမ်းနည်းခြင်းအထိမ်းအမှတ်နဲ့ တောက်ပြောင်သန့်ရှင်းနေအောင် အားထုတ်ထားကြတာခင်ဗျ”
ကျေးဇူးတင်ချင်လွန်းသူကြီးဆြာဒင်ခမျာ ဗိုလ်မင်းသိုက်၏စကားကြောင့် ဇက်ကိုဇတ်ကနဲ့ပုလိုက်မိရင်း အိန္ဒိယမင်းသားလေသံဖြင့် “အဘား အဘား”အော်မိတော့သည်။
အနှီအချိန်တွင် တချိန်လုံးဆြာဒင့်ဘေးတွင်ရပ်ကာ ဆြာဒင်ပြောဆိုလုပ်ကိုင်နေသမျှ စေ့စေ့စပ်စပ်ဆင်ခြင်အကဲဖြတ်နေဟန်ရှိသော တပည့်ကျော်ဖေကြည်ခေါ် အာရုံကို တချက်မျှစောင်းငဲ့လှမ်းကြည့်လိုက်မိလေရာ သူသည်တစ်စုံတစ်ရာကို လေးလေးနက်တွေးတောနေ ဟန်ရှိ၏။

ဤနေရာတွင် အလျဉ်းသင့်သည်ဖြစ်၍ တပည့်ကျော်ဖေကြည်၏ ဥာဏ်ပဋိဘန်ထက်သန်ပုံကို ဖော်ပြရဦးပေအံ့။ဖေကြည်ကား ကျောင်း ပညာရေးတွင် မူလတန်းအဆင့်ကိုမျှ ကျော်လွန်အောင်မစွမ်းနိုင်ခဲ့ချေ။လွန်စွာနမော်နမဲ့ဖြစ်၍ ဆြာဒင်၏ မော်တော်ကားအသစ်စက်စက် ကို အစမ်းသဘောတက်မောင်းစဉ်က “ဖေကြည်၊ရှေ့မှာ တိုင်ငုတ်ရှိတယ်နော်” ဟူသော ဆြာဒင့်သတိပေးစကားအဆုံးတွင် ကားရှေ့က တိုင်ငုတ်ကိုတည့်တည့်ဝင်ကြုံးခဲ့ဖူး၏။လမ်းဆုံမီးပွိုင့်တွင် မီးနီနေပါလျက်ဖြတ်မောင်းလေသဖြင့် ဆြာဒင်ကြိမ်းမောင်းသည့်အခါတွင် “အော်၊ မီးပွိုင့်ဆိုတာနီနေရင်ရပ်ရသကိုး” ဟု ဆိုတတ်သူအူကြောင်ကြောင်လူစားလည်းဖြစ်၏။ သို့သော် …..

(ငါး)
လွန်ခဲ့သောဆယ်နှစ်ဝန်းကျင်က ဆြာဒင်တို့စာရူးတသိုက် ဖူးခက်ရောက်မြန်မာအလုပ်သမားတို့အတွက် မြန်တိုင်းအမည်ရှိ အပတ်စဉ် သတင်းစာတစ်စောင်ထုတ်ခဲ့ဖူးသည်တွင်ကား ဖေကြည်သည်လွန်စွာအားကိုးခဲ့ရချေ၏။သတင်းစာပါ ဧရာမပြူးတူးပြဲတဲစာလုံးမဲကြီး တို့ဖြင့် ဖော်ပြသည့် ခေါင်းစီးတို့၏အမှားမှန်သမျှ ဒက်ကနဲထောက်ပြအမှားပြင်နိုင်သူမှာဖေကြည်ဖြစ်၏။အတန်းပညာဤမျှနုံချာလှသော ဖေကြည်တစ်ယောက် အဘယ်စွမ်းရည်ပါရမီထူးကြောင့် အနှီအမှားထိုအမှားတို့ကို ဒက်ကနဲဒက်ကနဲထောက်ပြနိုင်လေသနည်းဟု ဆြာ ဒင်မေးမြန်းမိလေရာ သူ့အဖြေမှာ လွန်စွာရိုးရှင်းလှချေသည်။

“အော် ဆြာရယ်။တပည့်က စာမှသိပ်မဖတ်တတ်တာ။တစ်လုံးချင်းပေါင်းဖတ်နေတော့ မှားတာကို ချက်ချင်းသိနေတယ်ဆြာရဲ့” ဟူသ တည်း။
ယခုလတ်တလောကြုံတွေ့ရသည့်ရေဝေးအရေးကိစ္စတွင်လည်း ဆြာဒင်ကိုယ်တိုင်မည်သို့မည်ပုံမှတ်ချက်ချရမည်ကို မဝေခွဲနိုင်ဖြစ်နေစဉ် ဖေကြည်ငယ်၏ သုံးသပ်ချက်ကို ကြားလိုလှသည်ကားအမှန်ဖြစ်ချေသည်။ဖေကြည်သည် အချိန်အတန်ကြာတွေတွေကြီးစဉ်းစားပြီးမှ လေးနက်သော အောက်ပါကောက်ချက်ကိုချလေ၏။

“ကုသိုလ်တော့သွားပြီ အကုသိုလ်တွေပဲကျန်တော့တယ်ဆြာဒင်။တစ်လတစ်ယောက်လောက်မျက်နှာကြီးမသာတွေပေါ်နေရင် ဘယ် လောက်များဟန်ကျလိုက် လေမလဲဆြာဒင်။တော်တော်ကိုသန့်သွားမှာ”
ဇမ္ဗူဒီပါလက်ျာတောင်ကျွန်း သြဘာနိမိတ်ထွန်းလေသည့် ဗမာပြည်ကြီးတွင်၊ဇာတ်သမားစကား၊ကလေးစကားနှင့်အရူးစကားတို့သည် မှန်ကန် တတ်သည်ဟုကြားဖူးနားဝရှိလေသော ဆြာဒင်သည် စာဖတ်နေသူဧရာမပုဂ္ဂိုလ်၏မိဖုရားကြီး နာမကျန်းသတင်းကိုပါ သတင်း သိုးသန့်ကြားမိနေသောကြောင့်  ထောက်ခံရအခက်၊ကန့်ကွက်ရအခက်၊တွေးတတ်လွန်းသူတပည့်ကျော်ထံ “မဆိုစကောင်း၊ ဆိုစ ကောင်း”ဟူသော အဓိပ္ပါယ်ပါသည့် မျက်စောင်းခဲကြီး ထိုးလိုက်မိချိန်တွင် ရေဝေးတွင်ရောက်နေသော်ငြား တေးဂီတ၌မွေ့လျော် တတ် သူပီပီ ခေတ်ဟောင်းအဆိုတော်ညိုမြလေး၏ သီချင်းအပိုင်းအစတစ်ခုသည် ဆြာဒင့်ခေါင်းထဲသို့ အဆီအငေါ်မတည့်၊ ဖျတ်ကနဲဝင် ရောက်လာပြန်ချေသည်တကား။

“အချစ်ကြီးလေမှ သစ်သီးကျွေကျတာမျိုး၊အပစ်ပယ်ခံဘဝကလေးတွေကိုယ်စီကိုယ်ငှ တစ်ယောက်မှ တစ်ရာ၊ထောက်ပြစရာအသင်္ချေ၊ အပြုဖက်မှာချစ်ပြလေလဲ၊ ဥပက္ခာမြစ်မရေထဲ၊ သူ့ထက်ငါ လှစ်ပြလေမြဲ ၊အသည်းများကြေကွဲမဆုံးနိုင်ပေ။အချစ်မပါရေစုန်ခရီးမှာ၊ သစ္စာ အရေခြုံပြီးလာ၊  အနှစ်မပါလှေကြုံစီးကာ။နှလုံးသားဝတ္တရားပျက်ပြားတာတွေ ခုတော့ဒင့်ရင်ထဲနွေ”

၂၇။၀၆။၂၀၁၄နေ့ထုတ် စောင့်ကြည့်ဂျာနယ်။

ရိုမန်းဒင်ရဲ့တဏှာကမ္ဘာ

(မင်းဒင်)

(၁)
“မျှစ်စို့ပေါက်နှင့်ပမာတင်စားနိုင်သည့်သူ့တင်ပါးထွားထွားကြီးတွေကို မြင်ရလေတိုင်း ကျွန်ုပ်ရင်မှာ ဘောင်ဘင်ခတ်ရုံမက ထိုင်ရာမှ ငေါက်ကနဲထထိုင်မိသည်အထိ ဖြစ်ရသည်မှာအကြိမ်ကြိမ်။ဖူးငုံနေသောသူ့နှုတ်ခမ်းလွှာအစုံသည် အချစ်အတွက်ဖြင့်အသက်ပင် သေ သေ၊ အပြုံးမပျက်ပေါင် စိတ်လက်ရှည်ရှည်ဟုရဲဝံ့စွာကြွေးကြော်ရင်း ချစ်ဗျူဟာကျင်းခဲ့ကြသည့် ဖဲမွေ့ယာကို ရုတ်ခြည်းသတိရစေပြန် သည်။ သို့သော် သူ့ယောက်ျားအလစ်ကိုမူ စောင့်ရပေဦးတော့မည်။သူပေးလို့ကိုယ်ယူ ထိုသူမှာအပြစ်မရှိ။ ဒု၊သ၊န၊သောဟူသည် ကျွန်ုပ် အတွက်မူ ရယ်မောဖွယ်ပြက်လုံးသာသာမျှသာဖြစ်ချေ၏။”

ပြူတင်းပေါက်သံတိုင်များကြားမှ ဝင်းပရွှန်းလက်သောနေခြည်နွေးနွေး၏ရင်ငွေ့ကိုလှုံရင်း ဆြာဒင်တစ်ယောက် မိမိရေးသားခြယ်မှုန်းခဲ့ သော ရိုမန်းဒင်ရဲ့တဏှာကမ္ဘာစာအုပ်မှ စာသားတချို့ကို တဖွဖွပြန်လည်ရွတ်ဆိုရင်း ဝမ်းသာလုံးဆို့လျက်ရှိ၏။ ဘုရားသခင်သည် ဆြာဒင့် ကို ကောင်းချီးပေးခဲ့ပြီ။အနုပညာအတွက် ဆြာဒင်ကိုယ်တိုင်အသေခံခွဲလိုက်သောဗုံးကား ဟီရိုရှီးမားတွင်ကြဲခဲ့လေသည့် နျူကလီးယား ဗုံးထက် အဆတစ်ထောင်မက သာလွန်သည့်ပြင်းအားဖြင့် မြန်မာစာပေနယ်၌ပေါက်ကွဲခဲ့လေပြီတကား။

နာမည်ကျော်ခဲ့ပြီမို့ ဆြာဒင်၏လက်ကိုင်ဖုန်းမှာ လက်မလည်နိုင်အောင်ရှိနေချေသည်။
“ဗျို့ဆြာဒင်၊ရိုမန်းဒင်ရဲ့တဏှာကမ္ဘာကတော့တကယ့်အနှစ်ပဲဗျာ။တော်တော့ကို ဖတ်လို့ကောင်းတာဗျ။ဒါမျိုးတွေဆက်တိုက်ရေးပါဆြာ”
“ဒါက ဒီလိုရှိပါတယ်ကိုရင်။(Man is a machine) လူဟာစက်ယန္တရားပါပဲဆိုတဲ့အမြင်နဲ့ ချဉ်းကပ်ထားတာပါ။လူတိုင်းလူတိုင်းခံစားမှု နောက်ကိုလိုက်သင့်ကြတယ်လေ။လက်ရှိကမ္ဘာရဲ့အလွန်က (unknown) တွေကို ရှာဖွေတွေ့ရှိခဲ့တယ်ဆိုပါတော့”

“အချိန်မှီဝယ်သိမ်းထားလိုက်နိုင်တာ ကျနော်ကံကောင်းတာပဲဆြာဒင်။အခုစာအုပ်ဆိုင်တွေမှာ လုံးဝလက်ကျန်ပြတ်ကုန်ပြီဗျ။မိတ္တူတောင် ရှစ်ထောင်ဆိုလားဆြာ။ဆြာဒင့်အောင်မြင်ချက်ကတော့ အံ့မခန်းပါပဲ”
“ကမ္ဘာသစ်အတွက် ဆြာဒင့်ရဲ့လက်ဆောင်ဆိုပါတော့ဗျာ”
ထူးခြားသည်ကား ဆြာဒင်အူမြူးနေသလောက် သံတိုင်များခြားလျက်ရှိသည့်အခန်းအပြင်မှ တပည့်ကျော်သုံးဦးမှာ ခေါင်းကိုတွင်တွင် ယမ်းကြရင်း စိတ်မသက်သာဟန်ရှိကြလေသည်တမုံ့။ ။

(၂)
အချို့သောသူတို့ကား ဆြာဒင်၏အောင်မြင်မှုကို မုဒိတာပွားနိုင်ကြဟန်မတူချေ။လေသံမာမာဖြင့် ခပ်တင်းတင်း၊ အမနာပစကားဆိုကြ သည်လည်းရှိ၏။
“ဆြာဒင်ဆိုတာမင်းလားကွ”
“ဟုတ်ပါတယ်။ကျုပ်ဆြာဒင်အစစ်ပါ”
“မင်းက ဘာစာရေးဆရာတုန်း။မင်းရေးထားတာ အညှီအဟောက် လိင်အသားပေးတွေပဲ။နာမည်ကြီးချင်ရင်လည်း သံလျင်မြစ်ကူးတံ တားပေါ်ကနေ ခုန်ချပြီးသေကြောင်းကြံပါကွာ။လူငယ်တွေ၊မိကောင်းဖခင်သားသမီးတွေကိုတော့ ဒုက္ခမပေးပါနဲ့”
“ခက်တယ်ဗျာ။ လူ့အဖွဲ့အစည်း တစ်ခုလုံးကို ထိန်းချုပ် ပုံသွင်းထားတဲ့ အခြေအနေတွေကို ဆန့်ကျင်တော်လှန်ဖို့ ရေးထားတာဗျ။ အဲဒီ အကြောင်းအရာတွေကို စာဖတ်သူတွေမမြင်တဲ့အတွက် ဆြာဒင် စိတ်မကောင်းပါဘူး”

“အေး။မင်းမှာမအေနှမ မရှိဘူးထင်ပါ့ကွာ။”
‘‘ဆြာဒင်တစ်ခွန်းတည်းပြောမယ်။ ရိုမန်းဒင်ရဲ့တဏှာကမ္ဘာဟာအပြာစာအုပ်မဟုတ်ဘူး။ နောက်တစ်ခွန်းထပ်ပြောမယ်။ ရိုမန်းဒင်ဟာ ခင်ဗျားတို့ လူ့အဖွဲ့အစည်းအဟောင်းကြီးကို လူသားသစ်အဖွဲ့အစည်းဖြစ်အောင်လုပ်ကြဖို့ အသိအမြင်နဲ့ အနုပညာအသေခံ ဗုံးခွဲခြင်း ပဲခင်ဗျ”
ဆြာဒင်တို့အောင်မြင်ပုံထူးချက်မှာ ရဟန်းသံဃာတော်တို့သော်မှ တုံဏှိဘာဝေဆိတ်ဆိတ်မနေနိုင်တော့။
“ဆြာဒင်ဆိုတာဒကာလား။ဟီရိသြတပ္ပတရားဆိုတာ လောကကိုစောင့်ရှောက်နေတဲ့ လောကပါလတရားနှစ်ပါးကွဲ့။အဲဒါတွေကို လွယ်လင့်တကူဖောက်ဖျက်လို့ရတယ်ဆိုမှတော့ ဒီလူ့လောက ပျက်ပြီပေါ့။ မိုက်ပါပေ့ဒကာရယ်”

“အရှင်ဘုရား၊သေချာဖတ်ကြည့်လို့လားဘုရား”
“အော်ဒကာရယ်။မစင်ဟာ ဘယ်အရသာရှိတုန်းဆိုတာ ဒကာတို့လိုလူမျိုးမှ စားကြည့်ဖို့လိုတော့မပေါ့ကွယ်။အကုသိုလ်များပါဘိဒကာ”
“ဘုရားသခင်ဟာ မိန်းမလျာဖြစ်ပြီး အိပ်ခ်ျအိုင်ဗီနဲ့သေသွားခဲ့ပြီဘုရာ့။ တပည့်တော်လို နာမည်ကျော်စာရေးဆရာတစ်ယောက်ဆီက အသစ် အယောင်ဆောင်ထားတဲ့ အဆိပ်တွေကလွဲလို့ ဘယ်အရာကိုရနိုင်မယ်လို့ မျှော်လင့်နေခဲ့ပါသလဲ။တပည့်တော်ကတော့ ဟီရိနဲ့သြတပ္ပကို ဇာတ်ကောင်အဖြစ်ထားပြီး နောက်ထပ်လုံးချင်းတစ်အုပ်ဖန်တီးချင်သေးတာ”

သံဃာတော်ပါမချန် အာပေါင်အာရင်းသန်သန် ခံတွန်းနေပြန်သဖြင့်၊ဆြာသမားအား၊မတားသာဟန်ရှိကြသော တပည့်ကျော်တို့မှာ စိတ်မချမ်းမြေ့သည့် အမူအယာကိုယ်စီရှိကြသော်ငြား စကားတစ်ခွန်းမျှ မဆိုကြပဲ ခပ်ဝေးဝေးကသာ ဂရုဏာသက်ဟန်အပြည့်ဖြင့် ဆြာဒင်ကို လှမ်းမျှော်ကြည့်ရှုလျက်ရှိလေသည်။ဝင်လာသည့်တယ်လီဖုန်းတို့ကြောင့်  ဆြာဒင်နားရသည်မရှိချေ။

(၃)
“ဟယ်လိုဆြာဒင်။ဆြာ့ရဲ့မဟာဝတ္ထုကြီးကို ရုပ်ရှင်အဖြစ်အသက်သွင်းချင်လို့ခင်ဗျ”
“ကောင်းတာပေါ့ကိုရင်ရယ်။မင်းသားမင်းသမီးသာသေချာရွေးပေတော့။ကိန်းသေပေါက်အောင်မြင်မှာ။ဆြာဒင်လေ။သိတယ်မဟုတ်လား”
“ဒီမယ်ကြောင်သူတော်ဆြာဒင်”
လာပြန်ချေပြီ နောက်ထပ်တစ်ယောက်၊ မစ္ဆရိယစိတ်များလှချေ၏။

“စာပေလွတ်လပ်ခွင့်လမ်းစလေးကို မင်းပိတ်အောင်လုပ်တာပဲ ဒါ အနုပညာမှ မဟုတ်တာပဲငတုံးရ။ညစ်ညမ်းစာပေ သက်သက်ပဲ။ ချစ်ရွှင်သနား တည်ကြားကြမ်းကြုတ်စက်ဆုပ်ကြောက်ရွံ့ရဲဝံ့အံ့သြ ဆိုတဲ့ ရသကိုးပါးမှာ တဏှာသက်သက်နှိုးဆွတဲ့ နှာဗူးရသဆိုတာ ဘယ်နေရာကမှ မပါခဲ့ဘူး။ဒါကို လက်ညှိုးထိုးပြီး စာပေလွတ်လပ်ခွင့်ကို ထိပါးလာရင်တော့ ကန့်ကွက်ရလိမ့်မယ်။စာဖတ်သူတွေ အော်တာများနေပြီမို့ ခင်ဗျားကို ကျုပ်ကိုယ်တိုင်အမှုဖွင့်မယ်။စာပေလွတ်လပ်ခွင့်အသုံးချပြီး ဒီလိုရုပ်ပျက်ဆင်းပျက်လုပ်တာတော့ ခွင့်လွှတ်လို့မရဘူး”

ရုံးရောက်ဂါတ်ရောက် စကားတွေပါလာသည်မို့ ဆြာဒင်တစ်ယောက်လေသံမာမာဖြင့်ပြန်၍ အတည်ပေါက်ဖြဲချောက်လိုက်ရပြန်သည်။

“ဆိုင်ပေါ်ကစာအုပ်တွေပြန်သိမ်းလိုက်ရင် ဒိထက်ဈေးပိုတက်သွားမယ်နော်။ပြန်ကြားရေးက ဘာတရားဝင်စာမှ မလာသေးပါဘူးဗျာ”

ရိုမန်းဒင်ရဲ့တဏှာကမ္ဘာ ထူးခြားပြောင်မြောက်မှုကြောင့် ပြန်ကြားရေးဝန်ကြီးဌာနပင် အလုပ်ရှုပ်ကုန်ကြလေပြီ။တာဝန်ရှိလူကြီးမင်း တစ် ဦးမှ ဆြာဒင့်စာအုပ်ကို တစ်ဦးချင်းမဖတ်ရဲကြရှာပဲ အဖွဲ့လိုက်ဖတ်ရှုကြမည်ဟုဆိုပါ၏။ မြန်မာနိုင်ငံတွင် စာပေလွတ်လပ်ခွင့်ရရှိလာ သည့်အပေါ် အလွဲသုံးစား မလုပ်ရန်လိုအပ်ကြောင်း၊ ယင်းကိစ္စများသည် လူငယ်များကိုပါ ပျက်စီးနိုင်သည့်အတွက် ပြည်သူလူထု အားလုံးက ထိန်းသိမ်းပေးသင့်သည်ဟုလည်းဆိုသည်။

ဆြာဒင်ကားသံတိုင်ကာ အခန်းငယ်အတွင်းမှပင် ကမ္ဘာကြီးနှင့်အဆက်မပြတ်လေရကား ရိုမန်းဒင်နှင့်ပတ်သက်သည့် သတင်းပလင်း အစုံကို လက်ကိုင်တယ်လီဖုန်းမှတစ်ဆင့်ကြားသိနေရသည်။ မြန်မာနိုင်ငံစာနယ်ဇင်းကောင်စီ(ယာယီ)၏ စာနယ်ဇင်းကျင့်ဝတ်အမှတ် (၁၅)ပါ “အများပြည်သူ၏ ကိုယ်ကျင့်တရား ထိခိုက်ပျက်ပြားစေမည့် ရေးသားဖော်ပြမှုများ ညစ်ညမ်းမှုများနှင့်ပတ်သက်၍ မည်သည့် သတင်းဓာတ်ပုံ ဆောင်းပါးမျှ  ပုံနှိပ်ထုတ်ဝေခြင်းမပြုရ“ဟူသည့်အချက်နှင့်ငြိစွန်းသည်ဟုဆိုကြ၏။

(၄)
“ဆြာဒင်ရဲ့စာအုပ် လူပြောများနေပေမယ့် ကျနော် စိတ်မ၀င်စားမိဘူး။အမှန်တိုင်းပြောရရင် စာအုပ်နာမည်ကတစ်မျိုးမို့ ပို့စ်မော်ဒန်ဝတ္ထု လိုလို ထင်နေတာ(Modernist)တွေက တစ်ခါတလေ တစ်တစ်ခွခွရေးတတ်တယ်လေ၊အဲဒီလို ကြမ်းတာမျိုးပဲလို့ ထင်နေတာ။ ဖေ့စ်ဘွတ် မှာတင်ထားတဲ့ စာအုပ်ထဲက စာမျက်နှာတွေဖတ်ရတယ်။ဆြာဒင်ရဲ့အနုပညာအတုံးလိုက် အတစ်လိုက်ကြီးတွေကို ဆက်ခံစားဖို့တောင် မျက်စိမရဲတာမို့ တစ်ဝက်တစ်ပျက်ဖတ်နေရင်းနဲ့ မှတ်ချက်ချရရင်…..
၁။တရားစွဲတာ ဒင်းမိုက်ပြစ်အတွက်ထိုက်တန်ပါတယ်။

၂။သူရဲကောင်း ထုတ်ဝေသူကိုလည်း ဆုတစ်ခုခုပေးသင့်တယ်။
၃။စာရေးဆရာအသင်း ဘယ်နေရာမှာအိပ်ပျော်နေသလဲသိချင်တယ်။ ဘာကြောင့် နိုးနိုးကြားကြားမရှိသလဲ ဖြေရှင်းချက်ပေးစေချင် တယ်။
ဆြာဒင့်ကို ပုဂ္ဂိုလ်ရေးအရ အကြံပေးရရင် တခြားအလုပ်ပြောင်းလုပ်ပါ။လူတွေရှေ့မှာ ကိုယ့်ကိုယ်ကို စာရေးဆရာလို့ ဘယ်တော့မှမပြော ပါနဲ့။စာရေးဆရာတွေ သိက္ခာကျလို့ပါ။ဝိုင်းဝန်းခြီးကျုးမြှောက်ပင့်သူအားလုံးကိုလည်း စာပေသမား လို့မယူဆပါဘူး”ဆိုလာသူလည်းရှိ၏။

ဆြာဒင်၏ဝတ္ထုသည် စာဖတ်ပရိသတ်များအတွက် ထိတ်လန့်ချောက်ခြားဖွယ်ဖြစ်ကြောင်း၊ ခေတ်အခြေအနေ (စာဖတ်စိစစ်ရေး ဖျက် သိမ်းအပြီး)ကိုမှီ၍ ထွက်ပေါ်လာသော စာအုပ်ဟုခေါ်ဆိုရမည်ဖြစ်ကြောင်း ဝေဖန်ရေးသားခဲ့ကြ၏။ယင်းစာအုပ်နှင့် ပတ်သက်ပြီး ပြန်ကြား ရေးဝန်ကြီးဌာနမှ တရားစွဲဆိုရန် စီစဉ်နေကြောင်း သတင်းများလည်း ထွက်ပေါ်လျက်ရှိသည်။
ဝေဖန်သံအချို့မှာမူ အနည်းငယ်ဒေါသစွက်သယောင်ထင်ရ၏။
“နစ်ရှေးဘာပြောပြော၊ မော်ဒန်လို့ဘယ်လိုပြောပြော၊ ကမ္ဘာသစ်ကြီးပါလို့ ဘယ်လိုပြောပြော၊ကွန်ဆာဗေးတစ်ဖြစ်ဖြစ်၊ လစ်ဗရယ်ဖြစ်ဖြစ် လူအများရှေ့မှာ၊မိသားစုရှေ့မှာ ကိုယ်ရေးထားတဲ့စာကို ဖတ်ပြကြည့်။ပါးထရိုက်ခံရရင်  မရေးသင့်တဲ့စာပဲ”

လူတွေသည် ဧကန်ပင် ခက်လှချေသည်တကား။ကာမဘုံသား ဆုံလည်နွားဆိုသကဲ့သို့ လူမှန်လျှင် ကာမဂုဏ်နှင့်မကင်းသည့်သဘောကို နားလည်ကြဟန်မတူ။စင်စစ်ယောက်ျားမှန်လျှင် ဆာဒူးနှင့်နှာဗူးသာရှိသည်ဆိုသောဆိုလိုချက်ကို ဒင်းတို့သဘောပေါက်ကြဟန်မရှိချေ။

(၅)
စိတ်ရောဂါလူနာအချုပ်(Shell)ခန်းအတွင်းမှ ချစ်လှစွာသောဆြာသမားဖုန်းတစ်လုံးနှင့်ဗျာများနေရသည်ကို မကြည့်ရက်ကြသည်ထင့်။ တပည့်ကျော်များထံမှ အသံထွက်လာ၏။

“ဆေးသောက်ချိန်ရောက်နေပြီ  ဆြာဒင်။စိတ်ကိုထိန်းပါဗျာ”
“နာမည်ကြီးချင်တာ တစ်ခုတည်းနဲ့  ဖြစ်မှဖြစ်ရလေဆြာဒင်ရယ်”
မော်ဒန်အနုပညာကို မခံစားတတ်၊၊ မော်ဒန်အတွေးအခေါ် ကင်းမဲ့ကာ၊ပို့စ်မော်ဒန်အနုပညာမှန်လျှင် လိင်ကိစ္စပါရမည်ဟူသော သီအိုရီ လေးကိုသော်မှမသိကြလေသောတပည့်တို့ကား အဆိုပါနိုင်ငံကျော်ဝတ္ထုကြီးကို ဆြာဒင်ကြိုးစား ဖန်တီးခဲ့စဉ်က ရသမြောက်စေရန် အလိုိ့ငှာ ကာမဂုဏ်ကိစ္စတွေချည်း ဈာန်ဝင်ကာ ညလုံးပေါက်ထိုင်စဉ်းစားရင်း တစ်ပတ်ခန့်တစ်မှေးမှမအိပ်စက်ပဲ လူတကာမကြားဝံ့မနာ သာ လိင်စကားတွေချည်းပြောဆိုနေလေသဖြင့် ဆြာဒင်အား၊နားလည်မှုလွဲကာ စိတ်ရောဂါအထူးကုဆေးရုံကြီးသို့ ဇွတ်အတင်း ဆောင်ကြဉ်း ပို့ဆောင်ထားခြင်း ဖြစ်ပါ၏။

ထိုစဉ်တာဝန်ကျဆရာမတစ်ဦး ဆေးထိုးဗန်းကိုကိုင်လျက်ဝင်လာရင်း ဆြာဒင့်တပည့်များအား ခပ်ငေါက်ငေါက်သတိပေးသံနှင့် အချီ အချစကားပြောသံကို နားအလွန်ပါးသော ဆြာဒင်ကြားလိုက်ရသည်။

“ရှင်တို့ဆရာ့လက်ထဲက တယ်လီဖုန်းကိုသိမ်းထားလိုက်ရင်ကောင်းမယ်နော်။ရှင်တို့လူနာကို ဒီအတိုင်းသာဖုန်းတစ်လုံးပေးပြီး အာချောင်  ခိုင်းနေရင် သွက်သွက်ခါအောင်ပိုပြီး ရူးသထက်ရူးတော့မပေါ့”
“ဘာရောဂါများပါလိမ့်ဆရာမရယ်။ကျနော်တို့ဆြာဟာ သိပ်တော်တဲ့ဆြာပါ”
“တိုတိုပြောရရင် ကာမရာဂစိတ်ပြင်းထန်တဲ့ရောဂါရှင့်။အလကားနေရင်း ကာမဂုဏ်စိတ်တွေ ကြွနေတာ။ရှင်တို့ဒီလောက် နီးနီးကပ်ကပ် နေပြီး  အရိပ်အကဲတောင် မဖမ်းမိတာအံ့ပါရဲ့”

“ဟုတ်မယ်ဆရာမရေ။အရင်တစ်အုပ်တုန်းကလည်း တကိုယ်ရည် သံဝါသပြုခြင်းဆိုလား။ကျနော်တို့က ခပ်တုံးတုံးတွေဆိုတော့ မော်ဒန် စာပေလို့ထင်နေကြတာ”

ဆေးထိုးရန်တင်ပါးကိုလှန်ခိုင်းနေသော သူနာပြုဆရာမ၏ဖွံ့ထွားလှသည့်ရင်သားနှစ်မွှာကို ဆြာဒင်အာသာငမ်းငမ်းကြည့်ရင်း သွားရည်ပါ ကျလာသည်။ တင်ပါးဆီမှ စူးကနဲနေသည့်ဝေဒနာနှင့်အတူ ဆေးဒဏ်ကြောင့်ဆြာဒင်၏မျက်လုံးအစုံမှာ မှေးလာသော်ငြား ချောမောလှပ လွန်းသည့် ဆရာမလေး၏ရုပ်သွင်ကို နောက်ထပ်ရေးမည့်ဝတ္ထုသစ်အတွက် ဇာတ်ကောင်အဖြစ် ဆြာဒင်စိတ်ကူးနေမိပြန်သည်။ လူနာ အချုပ်ခန်း တံခါးကို သော့ခတ်ပိတ်သံအဆုံး သံယောဇဉ်ကြီးလှသော မျက်ဝန်းများဖြင့် ဆြာဒင့်အနီးမှဖယ်ခွာသွားကြလေသည့်တပည့် ကျော်သုံးဦးကို ဆရာမလေး၏ တင်ပါးလုံးလုံးကျစ်ကျစ်ကြီးနှင့်အတူ မျက်ခွံမပိတ်ခင် ဆြာဒင်လှမ်းမြင်လိုက်ရချေသည်တကား။

မင်းဒင်၏စာအုပ်သစ်။

သရေစည်သူဆြာဒင်နှင့်ရွှေပင်ရွာတမ်းချင်းများစုစည်းမှု။

ဇူလိုင်လလယ်တွင် သက်ခိုင်စာပေမှထွက်ရှိလာပါမည်။

မျက်နှာဖုံးဒီဇိုင်းနှင့်အပြင်အဆင် ။ ။သီဟမောင်မောင်
အတွင်းသရုပ်ဖော်ပုံများ။ ။ စိုးသော်တာ။ပန်းချီဝလုံး၊

သက်ခိုင်ပရိသတ်များသို့.. ..၊ဆြာဒင့်ပရိသတ်များသို့။

မေတ္တာရှင်ဖောင်ဒေးရှင်း၊စာဖတ်ပရိသတ်များနှင့် မင်းဒင်..တို့၏ ဝိုင်းဝန်းမှုဖြင့် ဆောက်လုပ်နေသည့် မကွေးတိုင်းနတ်မောက်မြို့နယ်။ မှိုက်ပင်ကျေးရွာ မူလတန်းကျောင်းသစ် ပုံစံ။ ။
အလျားပေ ၁၇၀။အနံ၃၀ပေ။ သံကူအင်အားဖြည့်ကွန်ကရိအဆောက်အဦး။
ခန့်မှန်းကုန်ကျငွေ။ ။ကျပ်သိန်းခုနှစ်ရာကျော်။

၁။၀၇။၂၀၁၄နေ့ထုတ် ဆဲဗင်းဒေးနေ့စဉ်သတင်းစာ။

ဆြာဒင်နှင့်ပုံတူကူးချင်ကြသူများ။

(မင်းဒင်)

(တစ်)
“(ခေတ်မီအောင်သာ ကမ္ဘာမြေတဝှမ်းမှာ တို့အစွမ်းကိုပြမည်။တပ်မတော်ဂုဏ်ရောင်ထွန်းပြောင်ဖို့ရာ တို့တာဝန်ဖြစ်သည်)၂ တမျိုးလုံး အတွက်ဆို အသက်နဲ့လဲမယ်အာဇာနည်ပီပီ။အရေးရှိခဲ့ရင် ရှေ့ကရပ်ကာ အသေခံမယ်ယုံကြည်။ငါတို့တပ်မတော်အမှန်ဖြစ်သည်၊ နိုင်ငံ့ တပ်မတော်အမှန်ဖြစ်သည်။အင်အားကိုကြီးမားအောင်ကူညီ”

ကွန်ပြူတာဆီမှထွက်ပေါ်လာသော တပ်ကြပ်ကြီးညွန့်ခင်၏သီချင်းသံသည်ခေါင်းလောင်းသံတညံညံပေးခဲ့သည့် ရွှေပင်ရွာကျောင်းဝယ် ပြေးကာလွှားကာ ကျောင်းအတူတက်လာခဲ့ကြသည့် ဆြာဒင့်ကျောင်းနေဖက် ကြည်းရေလေတပ်မတော်သားအပေါင်းတို့ကို သတိရစရာ ကောင်းလှပါ၏။သို့သော်မိုးအေးအေးမို့ ဆြာဒင့်အိမ်မှာ စုရုံးကွန်းခိုနေကြသော တပည့်ကျော်တို့၏အလိုက်ကန်းဆိုးမသိနှောင့်ယှက်မှု ကြောင့် သီချင်းကိုဆုံးအောင် နားမထောင်နိုင်သော်ငြား အတတ်လည်းသင်ပဲ့ပြင်ဆုံးမအစရှိသော ဆြာကောင်းတို့၏ဝတ္တရားနှင့်အညီ သင်းတို့ဖက်သို့လှည့်၍ စကားဧည့်ထောက်ခံရပြန်ချေသည်။

“ဒါနဲ့ဆြာဒင်၊ဂျနီဖာလိုပက်ဆိုတဲ့ မင်းသမီးရဲ့တင်ပါးဆုံကြီးက ဘယ်လောက်တန်တုန်း”
“အဖိုးမဖြတ်နိုင်ဘူးထင်ပါရဲ့၊၊အာ၊၊မောင်ရင်ဘာတွေလျှောက်မေးနေတာတုန်း”
“ကမ္ဘာ့ငွေကြေးဈေးကွက်မြန်မာ့နိုင်ငံရေးရေချိန်တွေကို တွက်ဆကြည့်ချင်တာပါဆြာဒင်”
“မဆီမဆိုင် ကမ္ဘာကျော်မင်းသမီးကြီးရဲ့ဟိုဟာ၊ ဘယ်ကနေပါလာရပြန်သတုန်း”
“တကယ့်မျက်စိပိတ်နားပိတ်ဆြာဒင်ပါကလား။ဘူးလက်ကြီးလို့ခေါ်တဲ့လွှတ်တော်ထဲက တပ်မတော်အမတ်မင်း ပြောတာခင်ဗျ”

“အကြမ်းဖျဉ်းခန့်မှန်းရရင်ဒေါ်လာသန်းချီတန်မှာပေါ့ကွာ။တို့စစ်ဗိုလ်အမတ်တွေလည်း ကမ္ဘာကြည့်တော့ကြည့်နိုင်သားကွ။ဂုဏ်ယူစရာ ပေပဲ”
ဆြာဒင်၏ယောင်ဝါးဝါးအဖြေကို နှစ်လိုသဘောကျကြဟန်မရှိကြောင်း တပည့်ကျော်တို့၏မျက်နှာရိပ်မျက်နှာကဲအရသိလိုက်ရသဖြင့် အကျယ်တဝင့် ရှင်းလင်းဖြေဆိုရန် ဆြာဒင်အားထုတ်နေဆဲမှာပင် ခြံရှေ့ဆီမှာ ကားတစ်စီးထိုးရပ်သံကြောင့် လှမ်းမျှော်ကြည့်လိုက်မိ လေရာ ထိုင်းဘုရင့် တပ်မတော်တံဆိပ်ပါ နောက်ဆုံးပေါ်ဇိမ်ခံကားကြီးပေါ်မှ ပုခုံးနှစ်ဘက်ပေါ်တွင် အပွင့်အခက်တို့ ဝေဆာနေသည့် ထိပ်တန်းတပ်မတော် အရာရှိကြီးတစ်ဦး မာန်ပါပါဆင်းလာသည်ကို မြင်ရလေသဖြင့်၊ရုတ်တရက်မို့ ဆြာရောတပည့်များပါ အံ့အားသင့် ရင်း၊အသံတိတ်အမြီးကုပ်သွားကြရချေသည်။

(နှစ်)
ခြံတံခါးမှာစေ့ရုံသာစေ့ထားသည်မို့ အဆိုပါထိုင်းစစ်ဘက်အရာရှိကြီးသည်၊တံခါးကိုအသာတွန်းဖွင့်ဝင်ရောက်လာရင်း ဥာဏ်ရည် ထက်မြက်သော စစ်သား ကောင်းကြီးပီပီ တပည့်ကျော်သုံးဦး ကြားတွင်စာသူငယ်ကြား၊လဒနားလေသကဲ့သို့ခန့်ထည်လှသော ဥပဓိရုပ်ခံ ဖြင့်ရှိနေသည့် ဆြာဒင်ကို ဒက်ကနဲရွေးထုတ်နှုတ်ဆက်နိုင်လေရာ ၎င်းအားစိတ်ထဲမှ ကျိတ်၍ ချီးကျူးမိသည်မှာအမှန် ဖြစ်၏။ ပို၍ အံ့သြဖွယ် ကောင်းလေသည်ကား သူ့နှုတ်မှပီသစွာထွက်လာသော ဗမာစကားသံကြောင့်ဖြစ်လေသည်။

 “ဟယ်လိုဆြာဒင် ဆဝါဒီခပ်၊နေကောင်းတယ်နော်။ကျနော်ဗိုလ်ချုပ်ထက်ပ် ပါဗျာ”
ထက်ပ်အမည်ရှိထိုဗိုလ်ချုပ်သည် အသက်အားဖြင့် မတိမ်းမယိမ်းရှိပြီး ထိုင်းအာဏာသိမ်းတပ်မတော် မူဝါဒရေးရာနှင့်စိတ်ဓာတ်စစ် ဆင်ရေး ဌာနအကြီးအကဲဟုဆိုပါသည်။

“ကောင်းပါ့၊ကောင်းပါ့ဗိုလ်ချုပ်ရာ။ဗိုလ်ချုပ်က နာမည်နဲ့လိုက်အောင်ထက်မြက်ပေသကိုး။ဘာများကူညီနိုင်ပါသလဲခင်ဗျာ”
ကြောက်စိတ်အနည်းငယ်ပြေသွားသည့်ဆြာဒင်မှာ ထိုင်းဗိုလ်ချုပ်အား ဧည့်ခန်းတွင်းသို့ဖိတ်ခေါ်ကာ မောရှမ်းလက်ဖက်ခြောက် အဖန် ရည်ဖြင့်ဧည့်ခံရင်း ဟန်ကိုယ့်ဖို့ဟူသော စကားအတိုင်း စကားရောဖောရောလုပ်ကာ သူ့လာရင်းကိစ္စကို မသိမသာစူးစမ်းလိုက်ရသည်။

“ဗိုလ်ချုပ်က ဗမာစကားအတော်ပီသတာပဲ။ဒါနဲ့ အဘယ်အတွက်များ ဆြာဒင့်ဆီဆိုင်းမဆင့်ဗုံမဆင့်ပေါက်ချလာရတာပါလိမ့်”
“ကျနော်က ဗမာစစ်ဗိုလ်ချုပ်တွေကိုအားကျပြီး ဗမာစကားပြောတတ်အောင် သေချာသင်ထားတာဗျ။အခု ကျနော်လာတဲ့ကိစ္စက ဗမာ ပြည်ကြီးမှာစစ်တပ်က အချိန်ကြာကြာအာဏာသိမ်းထားချင်ရင်ဘယ်လိုနည်းနာတွေနဲ့စံနစ်ဇယားအဆင့်ဆင့်ချသလဲဆိုတာ အသေး စိတ်သိချင်လို့ ဆြာဒင့် ဆီလာခဲ့တာဆိုပါတော့”

“နေဦးဗိုလ်ချုပ်၊ဆြာဒင်က စစ်ဗိုလ်လူထွက်မဟုတ်ဘူးနော်။တစ်ခုခုများမှားနေရော့သလား ဗိုလ်ချုပ်ရယ်။နောက်တစ်ချက်က ဗိုလ်ချုပ် တို့ထိုင်းစစ်တပ်လည်းကမ္ဘာစံချိန်ကျိုးအောင် ခဏခဏအာဏာသိမ်းနေတာပဲမဟုတ်လား”

“မမှားပါဘူးဆြာဒင်ရာ။ဟိုတုန်းက အာဏာ”တစ်ခါသိမ်းသုံးလ”ဆိုတော့ မဟာဗျူဟာမမြောက်ဘူးဆိုရမယ်ဆြာဒင်။ အခုတစ်ကြိမ်မှာ တော့ ခပ်ကြာကြာလေးသိမ်းထားမှာမို့ “တစ်ခါသိမ်းနှစ်အစိတ်”ဆိုတဲ့ ဗမာပြည် အာဏာသိမ်းပွဲမျိုးတွေ ကြုံခဲ့တဲ့ ဆြာဒင်လိုလူမျိုးဆီက အသက်အရွယ်၊အတွေ့အကြုံတွေအရ နည်းလမ်းကောင်း၊အကြံဥာဏ်ကောင်းလိုချင်တာပါ”

ဤသို့လျှင် ဝေးရပ်နီးနေမိတ်ဆွေတို့ထံမျှသာမက နိုင်ငံတစ်ကာအသိုင်းအဝန်းကိုကျော်၍ စကြာဝဠာတိုက်တစ်သောင်းအထိ ပျံ့သင်း ကျော်ကြားနေဟန်ရှိသော  ဆြာဒင်၏ပညာဥာဏ်ဂုဏ်သတင်းကို အထင်တကြီးအားကိုးသမှုပြုလျက် အကြံဥာဏ်တောင်းခံလာ လေသည့် ထိုင်းဗိုလ်ချုပ်အား ဆက်လက်ငြင်းဆန်ရန်အင်အားလည်းမရှိ၊ နဂိုကပင်ဆြာလုပ်ချင်သူပီပီတတ်သည့်ပညာမနေသာ ဆိုသကဲ့သို့ ဆြာဒင်ကြုံခဲ့သိခဲ့သမျှဗမာ့ရေရှည်အာဏာသိမ်းနည်းနိသျှရည်းအဖုံဖုံတို့ကို ၊တပည့်ကျော်များ၏ရှေ့မှောက်မှာပင် ဂုဏ်ယူဝင့်ကြွားစွာ မခြွင်းမချန် သင်ပြခဲ့ရပြန်ချေသည်တမုံ့။

(သုံး)
“ထိုင်းနိုင်ငံမှာတော့ ရင်ခုန်စိတ်လှုပ်ရှားဖွယ်ရာတွေဖြစ်ကုန်ပြီဆြာဒင်ရေ”
ဗိုလ်ချုပ်ထက်ပ်ပြန်သွားပြီး မကြာမီရက်ပိုင်းမှာပင် ထိုင်းရုပ်မြင်သံကြားဌာနအသီးသီးမှ စိတ်အားတက်ကြွဖွယ်ထိုင်းအမျိုးသားရေး သီချင်းသံ တို့နှင့်အတူ ထိုင်းစစ်အစိုးရ၏အထူးသတင်းကြေညာချက်များ၊စစ်ဗိုလ်ချုပ်ကြီးတို့၏ မိန့်ခွန်းများ နေ့စဉ်ထွက်ပေါ်လာ ခဲ့ချေသည်။ ကြေညာချက်နှင့်မိန့်ခွန်းတို့မှာ ဖတ်၍မနိုင်၊နားထောင်ရန်အချိန်မရများမြောင်လှသည်ဖြစ်ရာ မြန်မာစာဖတ်သူတို့ နားလည် လွယ်အောင် အတိုချုံ့၍အကျဉ်းမျှရေးသားဖော်ပြရသော်….၊

“နိုင်ငံတော်ငြိပ်ဝပ်ပိပြားမှုတည်ဆောက်ရေးအဖွဲ့၏ ဥပဒေကဲ့သို့အာဏာတည်သောအမိန့်(၀၀၇)၊ ပြည်ထောင်စုမပြိုကွဲရေး၊အချုပ်အခြာ အာဏာ တည်တန့်ခိုင်မြဲရေး၊နိုင်ငံတော်၏ပြည်တွင်းရေးကို ဝင်ရောက်စွက်ဖက်နှောင့်ယှက်သော ပြည်ပနိုင်ငံများအားဆန့်ကျင်ကြ။ ပြည်ပအားကိုး အဆိုးမြင်ဝါဒီများအား ဘုံရန်သူအဖြစ် သတ်မှတ်ချေမှုန်းကြ။ ခိုင်မာသည့်ဖွဲ့စည်းပုံအခြေခံဥပဒေဖြစ်ပေါ်လာရေး။ ဖြစ်ပေါ်လာသည့်ဖွဲ့စည်း ပုံအခြေခံဥပဒေသစ်နှင့်အညီ ခေတ်မီဖွံ့ဖြိုးတိုးတက်သော နိုင်ငံတော်သစ်တစ်ရပ်တည်ဆောက်ရေး” အစရှိ သည်တို့ဖြစ်လေ၏။

အသက်အရွယ်အတွေ့အကြုံအားဖြင့်ငယ်ရွယ်ကြလေသည့်တပည့်ကျော်တို့ကား အချို့သောသတင်းတို့ကို အထူးအဆန်းသဖွယ်မြင်ကြ ပုံရသဖြင့် ဆြာဒင်မှာအတွေ့အကြုံကြီးရင့်သူပီပီရှင်းလင်းပြရပြန်ချေ၏။

“ထိုင်းစစ်တပ်ကနေ၊ထိုင်းလယ်သမားတွေကို  စပါးအကြွေးငွေတွေအကုန်ထုတ်ပေးလိုက်ပြီတဲ့ဆြာဒင်”
အေးလေ။တို့စစ်အစိုးရတက်တုန်းကလည်း ဗဟိုဘဏ်ကိုအတင်းဝင်သိမ်းပြီး တိုင်းပြည်အကျိုးရှိအောင်လုပ်ခဲ့ဖူးတာပဲလေ”

“ဟ၊ဆြာဒင်ကြည့်လုပ်ပါအုံး။ထိုင်းစစ်သားတွေ လယ်ကွင်းတွေထဲရောက်ပြီး ပျိုးနှုတ်ကောက်စိုက်လုပ်ကုန်ကြပြီဗျ”
“အေးလေ။တို့ဗမာပြည်မှာ ဗိုလ်နေဝင်းအာဏာသိမ်းတော့ ဒူးယားခပေါင်းတောင်သူလယ်သမားညီလာခံတွေတောင်လုပ်ကြသေးကမင့် ဟာ၊မဆလခေတ်မှာလည်း ဗမာ့တပ်မတော်သားတွေ ရွှေဝါမြေစစ်ဆင်ရေးဆိုလားဘာလား လယ်ကွင်းထဲဆင်းကြတာပဲဥစ္စာ”

“ကြက်ဆူပင်လိုလို ဘာလိုလိုအပင်တွေလဲ ထိုင်းစစ်သားတွေဝင်စိုက်နေကြသေးတယ်ဆြာဒင်ရဲ့”
“လောင်စာအရင်းအမြစ်ဖူလုံအောင် ခေတ်မီနည်းမျိုးစုံနဲ့ လုပ်ကြရမယ်လေ”
“အမေရိကန်က မြွေဟောက်စစ်ဆင်ရေးကို ထိုင်းမှာမလုပ်တော့ဘူးတဲ့ဆြာဒင်ရ”
“တိုင်းပြည်အင်အားဟာ တိုင်းပြည်အတွင်းမှာပဲရှိတော့ အမျိုးဂုဏ်ဇာတိဂုဏ်မမြင့်ပေဘူးလားတပည့်တို့ရာ”

တပည့်တို့၏မျက်နှာထားအသီးသီးကား “ဟုတ်မှလဲလုပ်ပါဆြာဒင်”ဟု အဓိပ္ပါယ်ပါသော်ငြား တပ်မတော်ဆိုလျှင်စိတ်နှင့်ပင် မပြစ်မှားချင် သည့်ဆြာဒင်မှာ “မင်းတို့နုပါသေးတယ်ကွာ”ဟူသောအကြည့်ဖြင့် မသိကျိုးကျင်ဟန်ပြုလျက်ခပ်မဆိတ်နေလိုက်ရချေသည်။

(လေး)
ထိုသို့ဖြင့်မကြာမီရက်ပိုင်းအတွင်းထိုင်းသတင်းဌာနအသီးသီးမှ နောက်ဆုံးရသတင်းတစ်ပုဒ်ထွက်ပေါ်လာချိန်တွင်ကား ဆြာဒင့်တပည့် ကျော်တို့မှာ ခံစားချက်ကိုမမြို့မသိပ်နိုင်ကြလေဟန် ရင်ဖွင့်ကြလေတော့သည်။

“မကောင်းတော့ဘူးထင်တယ်ဆြာဒင်၊ထိုင်းအာဏာသိမ်းစစ်ခေါင်းဆောင်က ကြားဖြတ်ဖွဲ့စည်းပုံနဲ့လွှတ်တော်အသစ်ဖွဲ့တော့မတဲ့။အဲဒီ လွှတ်တော်မှာ ထိုင်းစစ်တပ်ကစစ်ဗိုလ်တွေ၊နေရာအများစု ယူထားမှာတဲ့ဗျ”

“ဗမာပြည်လုပ်နည်းအတိုင်းခြေရာတူလိုက်နင်းလို့ကတော့ ဒီတိုင်းပြည်မကြာခင်ရေစုန်မျောမှာမြင်ယောင်သေးတယ်ဆြာ။မကြာ ခင်မွဲတေတဲ့နိုင်ငံအဖြစ်ကြေညာရမယ်။စစ်ဗိုလ်တွေချမ်းသာကုန်မယ်။သယံဇာတမှန်သမျှ အကုန်ပြောင်မယ်။အမျိုးသားရေးသိက္ခာဆို တာတစ်ပြားသားမှ ကျန်တော့မှာမဟုတ်ဘူး”

“လွှတ်တော်ထဲမှာ စစ်တပ်ဝင်ထိုင်မှတော့ ဘယ်မှာလာကောင်းနိုင်ပါ့မတုန်းဆြာဒင်ရယ်”
ဥာဏ်လက်လှမ်းမမီကြလေသည့်တပည့်ကျော်တို့၏မှတ်ချက်တို့မှာ ဆက်၍နားထောင်နေလျှင် ဆြာဒင်ပါတရားခံစာရင်းတွင် ပါဝင်လာ နိုင်သည်မို့ ဆြာဒင့်ခမျာမျက်ကလဲဆန်ပြာ အချိန်မီဖြေရှင်းချက်ထုတ်ရပေတော့သည်။

“ဟ၊ငါ့ဆီအကြံဥာဏ်လာတောင်းတာက အာဏာကြာကြာယူထားတဲ့နည်းလာတောင်းတာကပဲ။တိုင်းပြည်ကောင်းစားရေးမှ မဟုတ်တာ၊ ကမ္ဘာပေါ်မှာစစ်တပ်က အာဏာသိမ်းပြီးတိုင်းပြည်ဖွံ့ဖြိုးတိုးတက်အောင်လုပ်နိုင်ခဲ့တာ ဘယ်နိုင်ငံရှိလို့တုန်း။ စစ်တပ်နှင့်လွှတ်တော်တွင်း နိုင်ငံရေးဆိုတာ ဘုန်းကြီးနဲ့ဘီးပါကွာ။စစ်တပ်ဟာ နိုင်ငံတော်လုံခြုံရေးအတွက်ကာကွယ်ရေးတာဝန်ကိုသာ ဇောက်ချပြီးထမ်းဆောင်သင့် တာမဟုတ်လား။တကယ်တော့ အာဏာသိမ်းနေကျ စစ်တပ်တွေရဲ့ကြေညာချက်ဆိုတာ  “လေလည်ရင်မွှေးနေစေရမယ်”ဆိုတဲ့ ဆေးကြော်ငြာ လိုပဲကွ။ “လူထူထူကြား၊လင်မယားအိပ်ယာဝင်ချိန်နဲ့ လိုင်းကားတိုးစီးချိန်မှာ အမြဲတမ်းလိုလို အနံ့ဆိုးနဲ့လေလည်တတ် လို့စိတ်ညစ်နေပါသလား။ ဒီဆေးတောင့်လေး သောက်လိုက်ရုံနဲ့ သင့်ရဲ့အစာဟောင်းအနံ့ဟာ ပန်းပေါင်းစုံရနံ့နဲ့သင်းပျံ့မွှေးကြိုင် နေစေ ရမယ်” ဆိုတဲ့ ကြော်ငြာမျိုးပေါ့ကွာ”

ထုံထိုင်းလှသော တပည့်တို့ကို နားလည်သဘောပေါက်အောင်ရှင်းပြရခြင်းမှာ မပြောအပ်သည့်စကားတို့ ရောပါတတ်လေရာ အစွန်း တရားနှင့်မလွတ်ကင်းလှချေ။သို့တိုင် သင်းတို့ကား ရေးတေးတေးမျှပင်သဘောပေါက်ကြဟန်မရှိကြပဲ ဆက်၍အထွန့်တက်ပြန်လေ သည်။

(ငါး)
“အော် ဒါဆိုဆြာဒင်က သိသိကြီးနဲ့ ဂျောက်တွန်းလိုက်လေရော့သလား”
“ခက်ခက်ရချေသေးတော့ကွာ။အသင်းအဖွဲ့ပျက်စီးကြောင်းတရားသုံးပါးမှာ…..၊

(၁)ဗဟုနေတ္တာရ- လမ်းပြနည်းညွန်၊အမွန်ဦးစီး ၊ ငါသိငါတတ် ၊ င့ါလက်မှတ်နှင့်လုပ်ခွင့်အာဏာ ၊ ငါမပါ ဘယ်ဟာမပြီး၊ ဆရာကြီးရူး၊ ရူးသွပ်နေသူတို့ များပြားခြင်း၊

(၂)သဗ္ဗပဏ္ဍိတမာနိ- သင်းသားအားလုံး တပည့်မရှိ ၊ရဲဘော်မရှိ ၊ ဖြစ်ဘိ ဗိုလ်ပေါင်း ၊ ထောင်သောင်း ဆရာ၊ ပညာစုံတတ်၊အဟုတ်မှတ်၍ ၊ ထပ်ထပ်ညွှန်ကြား ၊ စိတ်ထားမိုးယံ ၊ အခြေခံမသိ ၊ ငါပညာရှိချည်းနှင်နှင်၊ ဖြစ်နေကြခြင်း၊

(၃)ဗဟု မိစ္ဆာ- ပညာနဲပါး ၊ အကြွားပိုမို ၊ အဆိုအဆဲ ၊ နှုတ်ကျဲ ကြမ်းကြုတ် ၊ သူယုတ် လက္ခဏာ ၊ ပြည့်စုံစွာ နှင့် အာဏာ တမ်းရူး ၊ တိမ်းမူးဘ၀င် ၊ ဆင်ခြင်မရှိ ကိုယ့်ဖို့သာ ကြည့်တတ်လေသော သူယုတ်မာများ ..များပြားခြင်းတဲ့လဟ။

ထိုင်းစစ်တပ်ဟာ ဒီအချက်တွေကိုရှောင်နိုင်ရှားနိုင်ရင်ဖြင့် မူလနာမည်ကောင်းလေးဆက်ရနေအုံးမှာပဲ။ဒါလေးမှမသိပဲ မဆင်ခြင်နိုင်လို့က တော့ သူ့သဘောသူဆောင်ကြပေရော့ပေါ့။ အခုဗမာ့ အာဏာသိမ်းနည်းကို ထိုင်းစစ်တပ်ကမောင်တွေစသုံးနေပြီဆိုတော့၊ ဒီအချိုး အတိုင်းသာသွားနေရင် မယုံရင်စောင့်သာကြည့်။ကြာလှငါးနှစ်ပေါ့။ထိုင်းလူမျိုးတွေ ရွေ့ပြောင်းလုပ်သားအဖြစ်တို့ဗမာပြည်လာပြီး  ကြုံရာကျပန်းတောင်လာလုပ်ကြ ရအုံးမှာ။အဲဒီလိုဖြစ်လာတဲ့တစ်နေ့ ထိုင်းနိုင်ငံကြီးကို ချောက်ထဲဆွဲချခဲ့တဲ့ထိုင်းစစ်တပ်ရဲ့ ကန့်ကူ လက်လှည့်ဆရာ၊ တို့ဗမာ့ တပ်မတော်ကြီးကို မောင်ရင်တို့ အမြင်မှန်ရပြီး၊ မနှေးယခုအလေးပြုရင်း၊ ကျေးဇူးတင်နေကြအုံးမှာမြင်၊ မြင်ယောင်သေးကွာ”

တတ်သည့်ပညာမနေသာဆိုသည့်စကားအတိုင်း တနေ့ကမှ အမှတ်မထင်ဖတ်ထားမိသည့် ကျမ်းကိုးကျမ်းဂန်အပိုင်းအစဖြင့် တပည့်တို့ အား နားရင်းထမရိုက်ရုံတမယ်၊အိပ်သွန်ဖာမှောက်သွန်သင်၊ဆိုဆုံးမပြီးသည်၏အဆုံးတွင်မူ နောက်ထပ်တစ်စုံတစ်ရာရှင်းလည်း မရှင်းတတ်၊ ရှင်းပြရန်လည်းလို တော့မည်ဟုမထင်တော့လေသဖြင့်…. (တပ်မတော်သာလျှင် နိုင်ငံအမြတ်ကိုပေးအပ်နိုင်လိမ့်မည်။ တပ်မတော်သာလျှင် နိုင်ငံအကျိုးကို တိုးတက်စေနိုင်မည်)၂ ဟူသော စစ်တေးတစ်ပိုဒ်ကို နှစ်ကျော့ပြန်ညည်းရင်း မိန့်မိန့်ကြီး အနားယူရန်သဉ္ဇာညောင်စောင်းရှိရာ အိပ်ခန်းဆီသို့ ဆြာဒင် ဦးတည်ခြေလှမ်းပြင်လိုက်ရချေသည်။